جيتكم من السودان حيث العقل والمنطق ذهبا فى اجازة مفتوحة !

05:24 AM Apr, 22 2015
سودانيز اون لاين
يوسف أبو صالح-الدوحة
مكتبتى فى سودانيزاونلاين



السلام عليكم ورحمة الله
الحكاية بدت من الدوحة يوم 5 اكتوبر رسلت ورق العربية عشان يرسلو لى اذن دخول وكل يوم الليلة وباكر ، الضابط ما جاء ، الشغلة دى قالوا موقوفة لكن بنحاول ليك : باختصار الشغلانة ضيّعت عشرة يوم من الاجازة وصلنا سواكن بتاريخ 19 الساعة 1 ظهرا وكانت الفوضى سيدة الموقف عمال وسماسرة صعدوا الى داخل السفينة وبدأوا فى مساومة الركاب على تخليص امتعتهم وختم جوازاتهم بسرعة واستمر هذا الامر حتى داخل الصالة وعلى مرأى ومسمع من الضباط حيث يتجاوز احدهم الصفوف بكل بجاحة ويمد عددا من الجوازات وتختم فى لمح البصر دون مراعاة للانضباط والنظام ثم خرجنا الى صالة تخليص عربات الافراج وهو مبنى صغير جدا لا تتوفر فيه كراسى انتظار ولا حتى مكانا للصلاة وعادى تشق ليك كرتونة تصلى عليها والاجراءات عقيمة جدا ولم نخرج الا مع اذان المغرب مع العلم انو فى عدد من النساء والاطفال

بس ؟؟؟؟
يا هو دا الجيت بيهو ؟؟؟؟؟!!!!!

Quote: بس ؟؟؟؟ يا هو دا الجيت بيهو ؟؟؟؟؟!!!!! سيف الدين شيل الصبر يا اخوى !

طلعنا من الميناء قلنا نبيت فى سواكن والصباح نتحرك فى جدة ادونا اسم فندق ننزل فيه لما وصلنا موظف الفندق قال المولد عطلان وما فى كهرباء فبحثنا عن آخر فاعتذر ايضا بانه لا يستطيع تشغيل المولد طوال اليل فذهبنا الى ثالث نزلنا عنده والحقيقة ان ما يشاع عن تنمية تجرى فى البحر الاحمر ما هى الا مجرد اكاذيب فلو كانت هنالك تنمية لكان اولى بها واجهة وميناء البلد ومدخل ضيوفه فحال سواكن يغنى عن السؤال فلا فنادق بالمعنى المعروف ولا حركة تجارة و ولا حتى كهرباء او شبكة مياه حيث يتم نقل الماء بمواتر تحمل خزانات صغيرة سعتها 2 برميل تقريبا مع ان نصيب المحلية من كل عربية داخلة البلد 210 ريالات تدفع بالعملة الحرة !

تحية طيبة لك أخي يوسف أبوصالح

نعم زي ماقلت سواكن كان مفروض تكون أحسن من كده كتييييييييير
أنا واحد من الناس وأسرتي الصغيرة كنا مدمنين سفر البحر
لمحبة خالصة في السفر بالبحر
وحتى بعد أن أتنقلت من جدة للرياض
مارست ذات الهواية في كثير من تسفاري
............
................

حقيقي لم تعجبني خدمات الميناء على الاطلاق
عدا بعض الإستثناءات
لم يعجبني حال سواكن
عدا بعض الإستثناءات

أتمنى أن يتم الإلتفات إليها والإهتمام بها
وفوق كل ذلك أتمنى أن يتم شراء بواخر
ممتازة فهذا الخط خط حيوي ولو أنهم
أطلقوا يدي فيه صدقني خطوط الطيران
ستعيد حساباتها إن لم تخرج من السوق

لك مودتي وتقديري

Quote: الحكاية بدت من الدوحة يوم 5 اكتوبر رسلت ورق العربية عشان يرسلو لى اذن دخول وكل يوم الليلة وباكر ، الضابط ما جاء ، الشغلة دى قالوا موقوفة لكن بنحاول ليك

حبيبنا يوسف سلام وتحية
حمدلله علي السلامة
العربية لازم تاخذ ليها اذن من السودان عشان تسافر بيها ؟؟؟

مرحبا ابو محمد
فى الفترة الاخيرة اصبح السفر عن طريق البحر مغامرة كبيرة خاصة فى مواسم الاجازات والاعياد يضيع عليك العيد مع اهلك فى الذهاب وتضيع عليك الاقامة وتتبهدل فى الاياب

مرحبا حبيبنا ابو الدسيس
سيارات البيك اب (بوكس) يحتاج الى اذن مسبق للدخول اما الصوالين بتدخل عادى لكن بينى وبينك الناس ديل البسووه غالبن كل يوم عندهم راى جديد زمان عربية الافراج المؤقت تقدر تدفع عليها جمارك وتتصرف فيها او تخليها فى البيت هسى الكلام دا ممنوع حتى لو كانت صناعة السنة تعدى اجازتك وترجعا

الصورة فتلت البوست لذلك حذفتها على امل رفعها عن طريق الموقع

http://cdn.top4top.net/i_f571bcc3621.jpg
هذا يطلق عليه فندق ومعلقة على جدرانه نشرة من ادارة السياحة بتحديد قيمة المبيت

Quote: الاخ يوسف سلام -اول شيء اي واحد فكر يبيت في سواكن غلطان وثم غلطان- تبيت بورتسودان الفنادق ارخص وانظف مليون مرة واكل نظيف وبلد حلوة وجميلة. مع العلم انا دايما لم اطلع من الميناء على طول الخرطوم الصبح بكون على مشارفهاز في العودة بقوم الساعة 9-10 ص البيتان بورتسودان لو في تأخير هاك يا كورنيش وهاك يا سمك قمة المتعةز. المرة الجاية جربها

مرحبا اخ محمد
ما عندى خبرة فى سفر البحر اول مرة كانت فى 2001 وتانى ما سافرت بحرا الا هذه السنة
ثم ثانيا الحمد لله ربنا وصلك سالم فى المرات الماضية لكن لا انصح اطلاقا بالسفر ليلا فى طرقات
السودان خاصة للمغترب وهنالك تجارب حزينة ومؤسفة
http://sudaneseonline.com/board/470/msg/%D8%A7%D8%B3%D8%AA%D8%B4%D8%A7%D8%B1%D8%A9-%D9%82%D8%A7%D9%86%D9%88%D9%86%D9%8A%D8%A9-:-%D9%87%D9%84...%9F--1400870703.html

يا اخوة تواجهنى مشكلة فى رفع الصور فمن كان عنده حل فليسعفنى به مشكورا

الف سلامة يا ابوصالح

جرب الموقع ده:
http://www.foxpic.comhttp://www.foxpic.com

الله يسلمك يا ابو مصعب
الموقع بعد اختيار الملف ما بدينى كود الصورة
يا ليت تكمل جميلك بالشرح مشكورا

اذا ما ظبط معاك يكون محجوب عندك

جرب القوقل وابحث ب upload picture site
ح تتلقى مواقع كتيرة غيره

عموما البوست بتاعك ده وصلت منه صورة لسعادة الوالي مباشرة
واظنه يتابعه الااان

Quote: عموما البوست بتاعك ده وصلت منه صورة لسعادة الوالي مباشرة واظنه يتابعه الااان

الوالي معانا دبايوا سعادة البيه الوالي
نحن نعلم تماما انك ولأمر يتعلق بالقبليه ماحتخت طوبه في سواكن شخصيا دعوت عليك في رمضان المنصرم عشان مافي بوفيه نتسحر فيهو او صالة نخت فيها اطفالنا وحريمنا
يارب ينتقم منكم جميعا بعتو الوطن وقبضتو قروشو كاش الله بسعلك مسجد وصالة وبوفيه في الميناء بكلف شنو
بعدين عيونك كتار في سودانيييز عندك ماتخت ليك واحد في الميناء كن مالقيت الشفيع يشيل كمرتو ويمش يعاين ليك
قال صورة للوالي اها انحنا صورة للمولى فوق شايف تبجحكم وشططكم وفسادكم

يا شيخ يوسف حمد لله على السلامة ..

ويا زول بركة الشفناك طيب ..

انا شخصيا كنت انوي السفر عبر البر هذه السنة .. جهزت العربية وقلت اقطع الطريق حتى جده وكنت قد ذهبت عمرة من قبل مع الاسرة ثم استعين باحد اشقائئي يلاقيني في بورتسودان يسوق من هناك وغادي ..

لكن حينما علمت أن التاخير والبهدلة هو سيد الموقف في سواكن وجدة ثم رداءة الطرق السفرية بالسودان صرفت النظر نهائيا ..

وايضا لقيت انو تكلفة السفر بالبر للاسرة لا تقل كثيرا عن الجو ..

فقلت يا اخي مالي ومال البهدلة ..ساعات بالطائرة وتجد نفسك بين اهلك .. ومنها برضو ترتاح من سواقة السودان التي لا تحكمها قوانين المرور ..

حمدلله على السلامة ..

Quote: سيارات البيك اب (بوكس) يحتاج الى اذن مسبق للدخول اما الصوالين بتدخل عادى لكن بينى وبينك الناس ديل البسووه غالبن كل يوم عندهم راى جديد زمان عربية الافراج المؤقت تقدر تدفع عليها جمارك وتتصرف فيها او تخليها فى البيت هسى الكلام دا ممنوع حتى لو كانت صناعة السنة تعدى اجازتك وترجعا

الأخ يوسف
شكراً للبوست الهام ؛ السفر وما أدراك مالسفر
جاء في وقته مع قدوم موسم الاجازات باذن الله
مع اني من المدمنين السفر عبر البحر (افراج مؤقت) ولكن لي بعض الاستفسار ؛ وقبل ذلك نطلب من الأخ وراق أن يتكرم وينقل ويوصل لسعادة الوالي أو اي معتمد سواكن أو أي عسكري أن يقوم بتنظيم العمل وسرعة الاجراءات بصالات الجوازات و الافراج المؤقت
لماذا الباخرة تصل الساعة 1 أو 2 أو 5 حتى وتنتظر اجراءات حتى السادسة مساءا والسابعة مساءاً ؟
السؤال الثاني : اجراءات السفر بسيارات البيك اب (بوكس) .

وشكراً لكم .

الشفيع مداخلتك فتلت البوست تكرما ارجو تعديلها لتتناسب مع الصفحة
وان شاء الله الوالى يستجيب ويفعل شيئا يليق بواجهة البلد

Quote: الوالي معانا دبايوا سعادة البيه الوالي نحن نعلم تماما انك ولأمر يتعلق بالقبليه ماحتخت طوبه في سواكن شخصيا دعوت عليك في رمضان المنصرم عشان مافي بوفيه نتسحر فيهو او صالة نخت فيها اطفالنا وحريمنا يارب ينتقم منكم جميعا بعتو الوطن وقبضتو قروشو كاش الله بسعلك مسجد وصالة وبوفيه في الميناء بكلف شنو بعدين عيونك كتار في سودانيييز عندك ماتخت ليك واحد في الميناء كن مالقيت الشفيع يشيل كمرتو ويمش يعاين ليك قال صورة للوالي اها انحنا صورة للمولى فوق شايف تبجحكم وشططكم وفسادكم

والله يا حامد حاجة غريبة ان يكون الميناء الرئيسى للبلد بهذه الصورة وان كان تعطيل امر التنمية لاسباب قبلية كما تقول فتلك طامة كبرى ان يوجد مسؤول يفكر بهذه الطريقة

Quote: يا شيخ يوسف حمد لله على السلامة .. ويا زول بركة الشفناك طيب .. انا شخصيا كنت انوي السفر عبر البر هذه السنة .. جهزت العربية وقلت اقطع الطريق حتى جده وكنت قد ذهبت عمرة من قبل مع الاسرة ثم استعين باحد اشقائئي يلاقيني في بورتسودان يسوق من هناك وغادي .. لكن حينما علمت أن التاخير والبهدلة هو سيد الموقف في سواكن وجدة ثم رداءة الطرق السفرية بالسودان صرفت النظر نهائيا .. وايضا لقيت انو تكلفة السفر بالبر للاسرة لا تقل كثيرا عن الجو .. فقلت يا اخي مالي ومال البهدلة ..ساعات بالطائرة وتجد نفسك بين اهلك .. ومنها برضو ترتاح من سواقة السودان التي لا تحكمها قوانين المرور .. حمدلله على السلامة ..

الله يسلمك يا سيد عادل
خيرا فعلت لانو تكاليف البحر بقت قريبة من الطيران ، امشى بالطائرة وهناك اختار ليك يوم فى الاسبوع اجر ليك عربية قضى بيها شغلك
لكن برضو دى تكاليف البحر لمن يريد طبعا بعد تجهيز العربية والتشييك :
لنفرض ان عدد افراد الاسرة 6 اشخاص فستكون التكلفة كالتالى :-
150 ريال لكل جواز عبارة عن رسوم تاشيرة مرور = 900 ريال
1000 ريال امنية مستردة تورد فى حساب السفارة = 1000
800 ريال دفتر جمركى ( تربتيك ) =800
450 ريال سعر تذكرة العبارة للشخص البالغ ذهاب فقط =2900
800 ريال رسوم المحلية واذن التسليم والمهاجر = 800 تدفع بالريال فى سواكن
1500 - 2000 جنيه رسوم التامين والمخلص
المبلغ دا فوق الـ 7000 وقس على ذلك

دا طبعا غير تذاكر العودة

Quote: لماذا الباخرة تصل الساعة 1 أو 2 أو 5 حتى وتنتظر اجراءات حتى السادسة مساءا والسابعة مساءاً ؟ السؤال الثاني : اجراءات السفر بسيارات البيك اب (بوكس) .

مرحبا محمد فضل
فعلا فى تاخير فى الاجراءات وكبسيبة شديدة نزلنا الساعة واحدة ظ وما طلعنا الا مع اذان المغرب
مع انو الموسم ما اجازات وقالوا ما فى زحمة ، بالنسبة للبكاسى الا استفسر ليك لانو سمعت انهم منعوها

تحركنا من سواكن صبيحة اليوم التالى واكثر ما لفت انتباهى عدم وجود لوحات ارشادية على الطريق توضح المدينة التالية ومحطات البترول وكم تبعد يعنى انت وحظك او تسال ليك عامل فى طرمبة وهو ذاتو ما عنده فكرة عن مسافة المدينة او المحطة التالية تحديدا يقول ليك يمكن تصل بعد تلاتة ساعات ، دا بالاضافة لرداءة الطرق والشاحنات الطويلة وغلاء الوقود والاسعار عموما يعنى التانكى بتاع البوكسى عشان تملاه مرة واحدة داير ليك اكتر من 300 ج

Quote: الوالي معانا دبايوا سعادة البيه الوالي نحن نعلم تماما انك ولأمر يتعلق بالقبليه ماحتخت طوبه في سواكن شخصيا دعوت عليك في رمضان المنصرم عشان مافي بوفيه نتسحر فيهو او صالة نخت فيها اطفالنا وحريمنا يارب ينتقم منكم جميعا بعتو الوطن وقبضتو قروشو كاش الله بسعلك مسجد وصالة وبوفيه في الميناء بكلف شنو بعدين عيونك كتار في سودانيييز عندك ماتخت ليك واحد في الميناء كن مالقيت الشفيع يشيل كمرتو ويمش يعاين ليك قال صورة للوالي اها انحنا صورة للمولى فوق شايف تبجحكم وشططكم وفسادكم

مرحبا استاذ صيام ،
الشهادة لله ناس المرور ونقاط التفتيش كانوا معنا فى غاية
الاحترام والتهذيب واكتر كلامهم معنا اعملوا حسابكم من السرعة
وانتبهوا للشاحنات وبعضهم يمازحك قائلا : شنو يا ناس قطر ما جبتوا لينا معاكم هدية .
وهذا التعامل لم يكن موجودا فى السابق فقد كان شرطى المرور يعتبر المغترب عدوا له
ولا يمكن ان تمر عليه دون ان تدفع المعلوم كان بى اعوج ولا عديل

Quote: الوالي معانا دبايوا سعادة البيه الوالي نحن نعلم تماما انك ولأمر يتعلق بالقبليه ماحتخت طوبه في سواكن شخصيا دعوت عليك في رمضان المنصرم عشان مافي بوفيه نتسحر فيهو او صالة نخت فيها اطفالنا وحريمنا يارب ينتقم منكم جميعا بعتو الوطن وقبضتو قروشو كاش الله بسعلك مسجد وصالة وبوفيه في الميناء بكلف شنو بعدين عيونك كتار في سودانيييز عندك ماتخت ليك واحد في الميناء كن مالقيت الشفيع يشيل كمرتو ويمش يعاين ليك قال صورة للوالي اها انحنا صورة للمولى فوق شايف تبجحكم وشططكم وفسادكم

الأخ/ أبو صالح
مرت بي نفس الظروف الصعبة الـ بتتكلم عنها قبل كم شهر.. حقيقةً مافي
أي إهتمام بـ سواكن .. الفنادق شئ عجيب لا نظافة لا إهتمام
بالنزيل لا أكل تفتش ليهو تلقاهو .. أقسم بالله موبة الوضوء
فى حمام الفندق نفس موية البحر الاحمر الملوحة الـ فيها اكتر
من ملوحة البحر!!!.. بالجد مآسي أحسن الواحد ينسي ويعيش.
اما عن التنمنية فى البحر الاحمر محصورة فى بورتسودان فهي
حقيقةً مدينة جميلة فى كل شئ فى عهد الوالي الحالي ايلا.

Quote: لكن بينى وبينك الناس ديل البسووه غالبن كل يوم عندهم راى جديد زمان عربية الافراج المؤقت تقدر تدفع عليها جمارك وتتصرف فيها او تخليها فى البيت هسى الكلام دا ممنوع حتى لو كانت صناعة السنة تعدى اجازتك وترجعا

تعرف يا يوسف اخوي الفاقع مرارتي هو الاحتقار الذي تمارسه الحكومة على المنتجين الفعليين للعملة الحرة ، زمان كنا بنقول المزارعين والرعاة بسبب من ظرفهم الاكاديمي وبالتالي الوظيفي والاجتماعي لا يستطيعون المطالبة بحقهم المشروع في التمتع باستخدام العملة الحرة علما أنهم المنتجين الفعليين لها ثم انضم اليهم في فترة السبعينات المغتربين وهاهم يعانون كما يموت البعير على قول خالد بن الوليد ولم ينفعهم علمهم واستنارتهم في شيء ينتجون العملة الصعبة ثم يركضون خلف الإذن ممن لم يدق فيها طورية ولا ضاق مذلة الغربة والكفيل ، إن هم إلا طفيليات تقتات من غيرها !!!!!!!!! عووووووووووووووووووك يا مغتربين يا متعلمين ؟؟؟؟؟

تحياتي لك والجميع

أبو حمــــــــــــــــــــــــــد

Quote: بورتسودان فهي حقيقةً مدينة جميلة فى كل شئ فى عهد الوالي الحالي ايلا

عزيزى ميرغنى لسنا ضد تجميل ونظافة مدينة بورت سودان ولكن الامر بهذه الطريق
يشبه كمن ينظف بيته من الداخل ويترك مدخل البيت قذرا ومتسخا خاصة اذا كان ياتيه اضياف عبر هذا الباب

عثمان اخوى
الحكومة ما عايزا تنتج ودايرة الحكاية باردة وشغالة تمص فى دم الغلابة وموضوع الجمارك والجبايات دى
حاجة تطير العقل من الراس : تخيل عربية سعرها سطاشر الف دولار جماركا تمانية واربعين الف دولار !!!!!!!!!!!

من الاشياء المحيِّرة فى بلادنا والتى تجعل الحليم حيرانا
ان بلدا مثل السودان يتضور اهله جوعا وعطشا ويتسول ويستورد ما يأكله وهو البلد الذى حباه الله بماء وتربة زراعية صالحة
لم تتوفر لغيره من البلدان الاخرى ، ومردّ ذلك الى جبايات الدولة الكثيرة وعدم حب الناس للعمل واستخدام الآلة الحديثة وانعدام
الطرق المعبدة وكذلك عدم تهيئة موانئ التصدير بكافة انواعها - البرى والبحرى والجوي - !!!

سلام ش يوسف....
متابعين رحلة البحر والبر،،المدينة والحلال...
سواكن لم يشفع لها تاريخها القديم
حكاية جمارك العربات دي حقرة بس
ياخ مامعقول لو داير ليك بوكس تعمل به
في مزرعتك ان قنعت من الغربة
الا تبيع المزرعة شان تركبو
ياخ ٨١ هكر بي ٢٠٠ مليون
اشتريت عربة كامري هنا صاقعة
لم تكلفني الفين دولار
بعدين ياخ احكي لنا كل شئ
مفصلا ومصورا

Quote: عموما البوست بتاعك ده وصلت منه صورة لسعادة الوالي مباشرة واظنه يتابعه الااان

الشفيع مندوب الحكومة في البورد.

Quote: حكاية جمارك العربات دي حقرة بس ياخ مامعقول لو داير ليك بوكس تعمل به في مزرعتك ان قنعت من الغربة الا تبيع المزرعة شان تركبو ياخ ٨١ هكر بي ٢٠٠ مليون

هلا ابو عثمان
يا زول الحكومة عندها قانون جمارك غبى بصورة ما تتخيلها وكان بالامكان تخفيض هذه القيمة الى
اقل من العشر وتحقيق دخل اكثر بمنصرفات اقل ، تصور يا عزو مافى موبايل بدخل السودان بى جمارك
لانو ببساطة حيخسر عشان كدا تجار الموبايلات كلهم عندهم علاقات مع ضباط الجمارك تعرف زولك ورديتو
متين وتنشن عليها وبضاعتك طالعة بدون جمرك
الصور موجودة لكن الموقع معصلج فى رفع الصور

Quote: الشفيع مندوب الحكومة في البورد.

يا ليت المعلومة تصلهم يا نهى ويقدروا يغيروا من الحال المايل