تعبير في ظني سوداني خالص . لا مقابل له وفق علمي تعببر اجنبي او عربي فصيح
Post: #2 Title: Re: قوة العيون Author: عبدالحفيظ ابوسن Date: 04-16-2015, 04:33 AM Parent: #1
قال الغناي المفارق عينو قوية .. انا ما واقعة لي حسب فهمي لي قوة العين .. فتعبير قوة العين نبذة وشتيمة
Post: #3 Title: Re: قوة العيون Author: عبدالحفيظ ابوسن Date: 04-16-2015, 04:40 AM Parent: #2
قوة العين كتعبير ذكي يقصد بها ببساطة عدم الخجلة زول ما بستحي .. يتلبسه العيب ثم لا يستحي في التنبر رغم بيان وظهور عيبه الا انه ينكره حرامي وعينك قوية الانسان السوي يتواري خجلا حين كشف عيبه او فظاعة فعله .. اما صاحب العين القوية فلا يستحي ولا يخجل فقد سبقت قوة عينه القيم الانسانية الراقية يكذب ولا يطرف له جفن يغالط في بداهة الحقائق وينكر ضؤ الشمس بما ران علي قلبه من سؤ كسبه
Post: #4 Title: Re: قوة العيون Author: عبدالحفيظ ابوسن Date: 04-16-2015, 04:49 AM Parent: #3
ويعيبون بها المرأة البت دي عينها قوية .. فهي لا تملك تلك الصفة التي تميز النساء من حباء وخفر وخجل وقوة العين تخلي الزول يكتل الكتيل ويمشي في جنازتو والمشي مع الجنازة توقيرا واحتراما لحرمة الموت . ولا يحترم تلك القيمة من يهدر الحياة وقوة العين يصاحبها الجدال .. الغلاط بي خشم الباب وانكار ماهو بأئن ظاهر بقصد تغطية ما لا سبيل لتغطيته . فرائحته تبين عنه وان لم تره
Post: #5 Title: Re: قوة العيون Author: اخلاص عبدالرحمن المشرف Date: 04-16-2015, 05:04 AM Parent: #4
ود ابسن كالعاده ... بلاغة في وصف الحاله .. .. .. . عينهم قويه ووشهم ممسوح بمرقه
Post: #6 Title: Re: قوة العيون Author: بدرالدين بابكر مصطفى Date: 04-16-2015, 06:36 AM Parent: #5
وفي تعبير طريف لود بادي عن قوة العين واصفاً بنوت الخرطوم
عيونهن واسعة تبلع مية زي ولدك تشرك للموحد والضلالي ومااااا بتكسر وحاتك ساعة اقيف قداما أنكس راسي .. بي قدري وجلالي
قوة العين أحياناً تعني قوة الشخصية .. البت البتعاين ليك في عينك لامن تدنقر دي مرات ما بتكون عدم حياء مرات بتكون شجاعة وثقة في النفس، يعني أنا جاهزة للمواجهة أي كانت .. يعني أها في شنو؟؟ وداير تسوي شنو يعني ؟؟ عامل لي فيها بتاع مشاغلات وحركات أبقى راجل وحرك شلاليفك الغلاد ديل ..
العينة دي أختاها وخت بينك وبينها سيدي الحسن
Post: #7 Title: Re: قوة العيون Author: عبدالحفيظ ابوسن Date: 04-16-2015, 07:17 AM Parent: #6
مرحب بت المشرف حبابك يا خية كتر خيرك قال المتنبئ وليس يصح في الافهام شئ اذا احتاج النهار الي دليل
Post: #8 Title: Re: قوة العيون Author: محمد أبوالعزائم أبوالريش Date: 04-16-2015, 07:45 AM Parent: #7
حباب أبسن، أجدت في شرح وصف قوة العين. أذكر أني قبل عدد من السنوات كتبت بوست حاولت فيه أن أعدد أوصاف مشابهة من لهجتنا العامية (عينو قوية - لسانو طويل - قلبو كبير - إيدو لاحقة، إلخ.)
البت العينها قوية برضو بيقولوا عليها (بت قاهر) أي لا تستحي. ____________
عليك الله هسي في قوة عين أكتر من حقت ناس الإنتخابات ديل؟
Post: #9 Title: Re: قوة العيون Author: ابو جهينة Date: 04-16-2015, 08:23 AM Parent: #8
ود أب سن
سلام كبير
في إعتقادي غير الجازم ، أن تعبير قوة العين في كل الحالات التي ذكرتها سابقا أعلاه أو ستأتي لاحقا ، فإنها تصب في معين علم النفس . كيف ؟؟؟
فالمفارق مثلا وخاصة إذا كان ينوي عدم الرجوع ، فإنه يتصرف بما يضمره بدواخله. والملاحظ بأن ( الزول ال مالي إيدو ) من الحالة أو الموقف فما بيدنقِر بل يعمل بالمثل ( عيني في عينك ) ، ومن هنا أعتقد غير جازم جاءت كلمة ( عينو قوية ) وقياسا على هذا التحليل : المطالب بحقه : عينو قوية ال عندو ضهر : عينو قوية ال ما فارقة معاهو : عينو قوية
وهلم عيون قوية
دمتم
Post: #11 Title: Re: قوة العيون Author: بله محمد الفاضل Date: 04-16-2015, 08:36 AM Parent: #9
بشكل عام اعتقد أن الكثير من المصطلحات تأتي على حسب الصياغ أو قل على حساب موقع القائل ممن تقال له أو عنه
وقس على ذلك قوة العين
تحايا ومحبات
Post: #10 Title: Re: قوة العيون Author: أبوذر بابكر Date: 04-16-2015, 08:34 AM Parent: #1
قريبنا و حبيبنا ود أب سن
اجمل لغة فى الدنيا هى لغة العيون
كان قويه ولا هينه وطريه
شوف عمك صالح قال شنو
Post: #12 Title: Re: قوة العيون Author: عبدالحفيظ ابوسن Date: 04-16-2015, 09:24 AM Parent: #10
بدر يا صاحب وينك ياخ التحية ل ود بادي ولذلك الزمن الذي شهدنا فيه ود بادي وسط حيرانه بداخلية حسيب اظن ودبادي يقصد امرا آخرا متحدثا عن بنات المدينة بعين قروي قح . فيري في مكانتهن بالمدينة وموقعهن ما هو مخالف لما شهده بقريته التحديق داخل العين يأخذ اكثر من معني في التعابير الشعبية . وجميعها تكاد تتفق علي معني واحد وهو الجرأة . والخيط بين الجرأة والوقاحة لا يكاد يبين قوة الشخصية لا تلغي الانوثة وصفاتها واولها الخجل . ثقة في النفس في غير تجاوز
مرحب ابوالريش فعلا بقولوا بت فانع بت قاهرة عينها قوية المسميات كتيرة عندها او بالاصح اللغة الدارجة .. انا عندي محاولات عملتها في كم مكان . ممكن انسخها هنا تشكر يا صاحب
مرحبا ابوجهينة اعجبني تأويلك .. المفارق ما خصاه بالناس يزعلو ولا يرضو هههه العينو قوية البتدينو ويشاكل فيك في سداد دينو
Post: #15 Title: Re: قوة العيون Author: معاوية المدير Date: 04-17-2015, 01:25 AM Parent: #14
Quote: قال الغناي المفارق عينو قوية .. انا ما واقعة لي حسب فهمي لي قوة العين .. فتعبير قوة العين نبذة وشتيمة
سلآم عبد الحفيض .
المفارق عينو قويّة، أي لا يرق قلبه ولا تدمع عينه لمفارقة الحبان والخِلآن، والفراق قد يكون معنوي وقد يكون حِسي . برضو ممكن يكون الإحساس غير متبادل مما يجعل الطرف المتوّك يصف الآخر بالجمود وتبلّد الأحاسيس . أبو فِراس قال، أراك عصي الدمع شيمتك الصبر أما للهوى نهيٌ عليك ولا أمرُ !؟. يعني شايفك عينك قوية لا تدمع، أليس للغرام عليك سلطان ؟.
Post: #16 Title: Re: قوة العيون Author: مجدى محمد عبد الله Date: 04-17-2015, 01:59 AM Parent: #15
سلام عبدالحفيظ وضيوفه
Quote: تعبير في ظني سوداني خالص . لا مقابل له وفق علمي تعببر اجنبي او عربي فصيح
ماعارف فصيح ولا لا لكن السعوديين هنا بستخدمو نفس الكلمة ولنفس الغرض
وعندهم المثل "شين وقوي عين"
و"شين" المقصود بيها في الغالب التصرف او الاخلاق
Post: #17 Title: Re: قوة العيون Author: سلمى الشيخ سلامة Date: 04-17-2015, 03:03 AM Parent: #16
وتعبير تانى حقنا تماما حراق روح ازيك يا حفيض وحراق روح دى ما اظن فى زول فى الدنيا بستعملا
Post: #18 Title: Re: قوة العيون Author: معاوية المدير Date: 04-17-2015, 03:10 AM Parent: #17
Quote: وتعبير تانى حقنا تماما حراق روح ازيك يا حفيض وحراق روح دى ما اظن فى زول فى الدنيا بستعملا
سلمى الشيخ، كدي النطايبك وكت الخطوة لمتنا بيك في حوش ود ابسن دا . يا زولة والله مشتاقين ...
Post: #19 Title: Re: قوة العيون Author: سلمى الشيخ سلامة Date: 04-17-2015, 03:36 AM Parent: #18
وحاتك يا الغالى مشتاقين كتير وللاسف تلفونى قطعتو لضيق ذات الروح الا عندى النية اجى كندا لغرضا ضرورى وقبل ما اجى رسل لى تفلونك زى ما بتقول حبوبة تسلم ود امى ويسلم عمرك شكرا يا حفيض على السانحة الخلتنى الاقى ود المدير فى حوشك
Post: #20 Title: Re: قوة العيون Author: عبدالحفيظ ابوسن Date: 04-17-2015, 04:33 AM Parent: #19
خريف ام سعن صرفة وجراد البوست دة لم احب الناس لقلبي والله اعتذر عن الرد الراتب . والله الرد من الموبايل والدخول للمنبر كان ما محبة في سودانيز ساي الواحد يحردو .. نبحنا في بكري ولا خصاهو بينا عينو ملانة .. قنوع وماهو داير شي من زول والغالية سلمي قالت حراق روح .. هههه اي فعلا .. الروح التي هي من امر ربي ويسأل عنها الناس بتحرقك .. حراق الروح وفوران الدم
Post: #21 Title: Re: قوة العيون Author: معاوية الزبير Date: 04-17-2015, 05:25 AM Parent: #20
افرز يا ابسن البوست دا سياسي ولّ اجتماعي عشان ما تشربنا شاي لبن بالحلبة زي صاحبك أبوبكر عباس
Post: #22 Title: Re: قوة العيون Author: عبدالحفيظ ابوسن Date: 04-17-2015, 05:35 AM Parent: #21
اوووو معاوية وصيت هاشم بلول يصلك وجا مبسوط منك ومن كل الناس هناك .. قال لي معاوية دة وقت كان شافع بعرفو البوست كما السودان يختلط الخاص بالعام .. والسياسي بالعام الحب زاتو سياسة .. كيف واحد مفلس ساكن جبرة وحبيبتو في الثورة ومواعدها .. الموية قطعت ما قدر يستحمي .. ومرق ما لقا مواصلات وهي ما قدرت تتخارج الا تغسل العدة وتقش الواطة والغاز قاطع اتاخرت في الطبيخ عشان فحم مافي الا يرسلو ليهو
Post: #23 Title: Re: قوة العيون Author: يحي قباني Date: 04-17-2015, 05:38 AM Parent: #21
بصوت صلاح ولّي ... عشان جابها مصرجة ...
ازيك يا صاحب ...
Post: #24 Title: Re: قوة العيون Author: معاوية المدير Date: 04-17-2015, 05:52 AM Parent: #23
Quote: وحاتك يا الغالى مشتاقين كتير وللاسف تلفونى قطعتو لضيق ذات الروح الا عندى النية اجى كندا لغرضا ضرورى وقبل ما اجى رسل لى تفلونك زى ما بتقول حبوبة تسلم ود امى ويسلم عمرك شكرا يا حفيض على السانحة الخلتنى الاقى ود المدير فى حوشك
يا سلمى تلفوني موجود في البروفايل ؤُ حانزلو هنا كيّة لمعاوية المدير، الجنا ابقرعة دا مسح رسايلنا ؤُ وقّف الماسنجر، ؤُ نحن خشمنا عندنا كان قلنا الكلآم دا اعوج براكِ عارفة البتبقى علينا . دا رقم التلفون : 15875790377 أها، رآجينك، بس عليك الله اختي لينا أُونتاريو والمحلآت العاضة دي ...
وحده من النسوان دخلت خيمة التصويت.. وجات طالعه... سالوها: صوتي لمنو؟؟ قالت ليهم: بري ماصوته... قالوا ليها: جيتي لشنو؟.. قالت ليهم: جيت اسالهم جابوا الصناديق دي من وين؟ عشان عندي آبرى مسفراه السعوديه
Post: #26 Title: Re: قوة العيون Author: سلمى الشيخ سلامة Date: 04-17-2015, 12:53 PM Parent: #25
معاوية المدير شكرا ليك يا نبيل لكن وحاتك ما بعرف بجيبو الكروت اللات اتلفون من وين ؟ وماعندى اسكايب ولا واتساب وتلفونى تراهو دا 3199366011 كيتا فى الشعيرية اها يا حفيظ البقول غيرنا منو ولاخسانا نبزق فى الشعيرية ؟ وعلى ذكر الشعيرية حكى صديق درس فى مدرسة داخلية زمان ايام الانجليز " اعجبك عندى اصحاب تاريخ يمشى على رجلين " قول يا صاحبى جابو ليهم شعيرية اول مرة فى حياتهم والشعيرية النوع اللايوق البتزلق داك اها الشباب لمن غلبتهم الشعيرية دوروا مظاهرات " مادايرين صارقيل مادايرين دبيب انجليزى ؟ "
سلام شيخ العرب ... زى قوة عين الكـ لب ده؟ صياد اشترى كـ لب صيد البائع قال ليه الـ كلب ده عيبو حاجة واحدة بخاف من صوت الطلقة . الصياد قال ليهو مش مشكلة بَعَوِّدو عليها . الصياد بقى كل مايكون فى عرس فى حته يسوق الكـ لب معاه والناس فى العرس طاخ طاخ ـ الحكاية استمرة شهرين الحكاية بقت عادية للـ كلب وبعد داك الصياد اخد الكلب فى اول تدريب عملى ,, ظهرت غزالة هناااااك ,, الصياد فك فيها طلقة جابها الارض ,,,,,,,,
الكلب خَتَّ ايدو فى خشمو ,,, أيوُّى يوي يوى يوووووووووووى
Post: #28 Title: Re: قوة العيون Author: عبدالحفيظ ابوسن Date: 04-18-2015, 05:57 AM Parent: #27
تحياتي للاصحاب هنا ولي قريبي الجانا زاير اباذر . وللصديق الفاضلابي وكفانا الله خيابة كلب السرة وكلب حلو !! قوة العين ابوي الله يرحمو عندو مثلين كان بقولهن لينا لتوصيف اولئك يدك في خشمو واصبعو في عينك انت تبكي وهو يلحس في دموعك رغم انو كلنا يدنا في خشم الحكومة نأكل فيها وهي تطبزنا ونبكي وتلحس في دموعنا كأنها سترويها اها يا ود الزبير شوف اللخبتة دي
Post: #29 Title: Re: قوة العيون Author: محمد الكامل عبد الحليم Date: 04-18-2015, 06:19 AM Parent: #28
تحية
قوة العين تعني في بعض الاحيان الاقدام ....الجسارة....التصميم....لكنها في موروثنا تعني قلة الحياء بل انعدام الحياء...نكران المعروف... وللتخفيف نقول قلة الذوق...
ماهي اذن مسببات مثل هذا السلوك؟ ....يقولون ان لم تستح فافعل ما تشاء ...لكن موروثنا في بعض سوالبه يقول ( بلدن مو بلدك انطلق فيها عريان )....فتامل
Post: #30 Title: Re: قوة العيون Author: عبدالحفيظ ابوسن Date: 04-18-2015, 06:51 AM Parent: #29
مرحبا محمد الكامل وينك يا صاحب تشكر للاضافة
Post: #31 Title: Re: قوة العيون Author: محمد الكامل عبد الحليم Date: 04-18-2015, 07:13 AM Parent: #30
مرحبتين صديقنا ابوسن... موضوعك عن قوة العين ايقظ بعض ذكرياتي بعد ان كنت سابحا مع اسماعين ود حد الزين مستنجدا من العيون( أمسكي عليك عيونك ديل امسكيهن....وخليني اللروح انفك من شبكة عيونك ديل)...جلست في ركن ركين للافطار وانا أتوكا جوازاتي واوراقي في جهاز تنظيم شؤون العاملين بالخارج...ومثلي ممن يحملون موروث مجافاة اكل المطاعم((المتابخ) كونها دلالة علي قلة المعروف بين الناس...جلست في ركن ركين وامام صحن العدس والكلاوي سارحا تارة مستشكفا تارات اخري باحثا عمن اعرفه او من تسول له نفسه معرفتي فاذا بصبية (وبي عين قوية )تجلس علي نفس الطاولة وبصوت هامس تطلب مني نفس الطبق بنفس التفاصيل....فعلت المطلوب ولا مجال لحديث سوي لملمة اطراف ما تبقي في الصحن ثم دفع الحساب....بي عين قوية اختفت تلكمو ( العدسية) لتترك في مخيلتي صورة من صور قوة العين مرفوعة لقوة الأوضاع الاقتصادية البائسة... فتامل..
Post: #32 Title: Re: قوة العيون Author: عبدالحفيظ ابوسن Date: 04-19-2015, 05:19 AM Parent: #31