لازم نحافظ على الشعيرية

04:27 PM Apr, 15 2015
سودانيز اون لاين
درديري كباشي-
مكتبتى فى سودانيزاونلاين



ما الشعيرية واحدة من الأكلات أولا لا تقدر تقول عليها شعبية أو أفرنجية .. لكن شبينا على وجه الدنيا ووجدناها .. تتصدر قائمة الطعام الحلو .. والذي لا يقدم الا في المناسبات وعند مقدم ضيوف مهمين ( ومهمين أوي ) .. فهي أما تكون طرفا في مائدة الأفطار أو العشاء .. لم نرصد لها وجودا في الغداء لاسباب لاندري سرها . و الشعيرية أما تطبخ بيضاء أو مع الحليب ( شعيرية باللبن ) أو محمرة بالزيت ومرصعة أما بالزبيب أو بحيبيات الفول السوداني ومضمخة بالسمن البلدي ( يا عيني ).
و الشعيرية كانت تقدم في أفطار المناسبات كألاعياد والختان والسماية والزواج .. وأحد الروافد المهمة في فطور العريس الشهير . أما في الأيام العادية .. ألا في حالة مقدم ضيف فجأة .. مثلا يجي الأب يقول ( ظبطوا الفطور معاي ضيف ) فتلعن الأم حالة الطوارئ وأول طلب (أمشي يا ولدي لعمك آدم بتاع الدكان قوله أدنا كيس شعيرية وسجله في الدفتر ) وأكيد المرسل لن يصدق الأوامر من أول وهلة ( صحي يا أمي ؟)
قبل أن يقفذ قفذتين في الهواء معبرا عن فرحه .. ويقلد موتر الفيسبا بشفتيه وهو يجري منطلقا ناحية الدكان .. وعندها لا ينسى غشوة أصحابه المتجمعين في ظل النيمة متباهيا لهم بكيس الشعيرية الذي يحمله ويحوله لدريكسون يقود به سيارته الوهمية . وأصحابه يسألونه بدهشة ( عندكم شنو الليلة؟ ) ..( عندنا شعيرية ) .. ما عارفين عندكم شعيرية لكن لشنو في زول عيان مثلا جاكم ضيف أمك ولدت .. لا لا عادي جدا نحن نقول لأمي عايزين شعيرية طوالي تقول لينا روحوا لآدم بتاع الدكان جيبوها منه ... كمان جابت لها كذب أنتو تحنسوا أبوكم يومين عشان تفطروا برغيف بدل الكسرة ..
مساخة الردود لا تفلح في نسف حلاوة الحقيقة في أن الشعيرية اليوم مأكولة مأكولة .. يواصل جريه ناحية البيت مبشرا أخوته بأن اليوم يوم من أيام الشعيرية ..
لكن للأسف في هذا الزمن تراجع مكان الشعيرية كثيرا .. لم تعد تهم أحدا وألأطفال يرونها كالدواء .. ولا يمدون لها يدا الا بعد رجاءات الأم .. ( ضوقها بس ضوقها يا حبيبي والله لذيذة ) .. حليل أيام الشعيرية عندما كانت طعام الأحلام وينطبق عليها قول المغني ( فات زمان كان ليك مكانة )ولا ننسى موقف القروي الذي زار العاصمة ووقف متعجبا مبتسما أمام الفلل الفارهة وقال قولته المشهورة ( هيع والله تلاقي زي ديل أكلهم شعيرية ساي )
فلازم نحافظ على الشعيرية بعد أن نعيد لها مكانها المرموق فهي طعام لذيذ ليست شديدة الحلاوة كالحلويات التي أزاحتها من الطريق فباتت تصدم وتسد النفس من أول قضمة ولا غالية السمن ترهق الجيوب .. كل ما تحتاجه كيس شعرية وتجيبوا الزيت وقليل من السكر وصبر واتقان وكل شئ سيعود كما كان .
لازم نحافظ على الشعيرية .

تحياتي درديري

أتمنى أن يقرأ صديق الموج هذا البوست ثم يأتي بتعليقه الذي كتبه قبل عدة سنوات هنا عن الشعيرية وطريقة أكلها في قرية من القرى.

دمتم

والله يا ( بوس ) في خواطر كدا تجيك مثل العطسة ..

تعرف أنها ليست للتداول ولا للتمديد ولا للمشاركة ويمكن ولا للقراءه حتى لكن لا ترتاح الا تخرجها ..

كثرت عبارة الشرعية في هذه الأيام ودبجت بها الصحف والمواقع .. وأنا كل مرة أقراها الشعيرية .. فقلت ماله ننصف هذه المخلوقة اللذيذة ولماذا لا نحافظ عليها هي أيضا بدلا أن نخزلها ونتخازل فيها كل مرة طالما الشئ بالشئ يذكر .. لا ضرر ولا ضرار

تحياتي درديري

***

في خواطر كدا تجيك مثل العطسة ..

تعرف أنها ليست للتداول ولا للتمديد ولا للمشاركة ويمكن ولا للقراءه حتى لكن لا ترتاح الا تخرجها ..

***

إنت ما عطست ، إنت أديت الشعيرية حقها والله
ولكن ود الموج أطلق نكتة عنها ولم يقم بتشريحها كما فعلت أنت

دمتم

ضحكتني وقطعت مصاريني يا درديري ... استاذنا بتاع الجغرافية البشرية قال لينا وهو يحكي عن طفولتو : نحن لامن كنا صغار كان بدونا قرش بعد وجبة الفطور عشان نشتري نص عيشه نقسمو بيناتنا كتحلية
هههههه

درديري ما قصرت مع الشعيرية تب

أنا اتخيلت الحكاية سوف لن تزيد عن سطر ونص للتحدث عن مآثر الشعيرية
لكنك بشاعريتك عملتها قصة قصيرة

المهم واحد بلدينا أول ما جاء أم درمان وكانت وقتها العمارات قليلة
فمر بعمارة من دورين أو تلاتة وصنع ودنقر وقال:
هلا هلا والله ديل تلقاهم يدهم في الشعيرية لهنا - ورفع كم جلابيته حتى بان عضده -

ههههههه غايتو نحن ما حضرنا زمن الشفع بفرحوا بالشعيرية دي..
لكن عن نفسي كلما شفتها يقفز لزاكرتي فطور العريس وايام زمااااان..
الشعيرية مااعتقد تعيد سيرتها الاولي مع المستنسخ الحديث "الاندومي"..

انعل ابو الشعيرية ذاتو ياخ
والله يا درديري وماك طالبني حليفة الشعيرية دي ودرت علينا الفوز بالكمبلة منها وكتحان التراب
كنا لاعبين كمبلت انا وكمال ود جرمة والهادي ود الباع جملو وخلف الله الدغور وحسين ود الطرشا
ضد الصادق ود اللنصاري وجحفر ود بت ضواها والتوم ود ابراس وعطاالمنان ود خالتي عجبت وفاطنة ام حمد ضكير
آخر طوبا شالها الهادي ود الباع جملو وبقينا علي الكمبلة وكتحان التراب تقوم يا الصديق اخوهو تكورك ليهو
هااااادي اهوي هااااادي اهوي شعيرية شعيرية اجر جاي
حمالتك علي الطوبة لاسع انا ما شفتها واذ انسى لا انسى هذه الحادثة لانها ضيعت علي متعة غلب عطا المنان ود خالتي عجبت
الذي كثيرا ما يغيظني بغلبه لي في الكمبلت سنين عددا
شفتا الشعيرية عمايلها
وللشعيرية حكاوي كتيرة لايسع المجال لذكرها الا بعد القى لي فيقة بجيك صاد

نعل ابو الشعيرية ذاتو ياخ
والله يا درديري وماك طالبني حليفة الشعيرية دي ودرت علينا الفوز بالكمبلة منها وكتحان التراب
كنا لاعبين كمبلت انا وكمال ود جرمة والهادي ود الباع جملو وخلف الله الدغور وحسين ود الطرشا
ضد الصادق ود اللنصاري وجحفر ود بت ضواها والتوم ود ابراس وعطاالمنان ود خالتي عجبت وفاطنة ام حمد ضكير
آخر طوبا شالها الهادي ود الباع جملو وبقينا علي الكمبلة وكتحان التراب تقوم يا الصديق اخوهو تكورك ليهو
هااااادي اهوي هااااادي اهوي شعيرية شعيرية اجر جاي
حمالتك علي الطوبة لاسع انا ما شفتها واذ انسى لا انسى هذه الحادثة لانها ضيعت علي متعة غلب عطا المنان ود خالتي عجبت
الذي كثيرا ما يغيظني بغلبه لي في الكمبلت سنين عددا
شفتا الشعيرية عمايلها
وللشعيرية حكاوي كتيرة لايسع المجال لذكرها الا بعد القى لي فيقة بجيك صاد
-----------------------------------------------------------------

ههههههههههههههههههههههه منور يا شيخ العرب لا تعليق سوى نهدي لك نكتة القذافي


تذكرت طرفة القذافي مع شعبه . عندما وقف أحد الآميين وقال للقذافي ( ليش ما نزرع الشعيرية بدلا ما نتستوردها ) القذافي بغيظ قال له هو الشعيرية بيزرعوها ؟.. قال الأمي ( ايوا .. القذافي ( قعمس الله يلعن وجهك على وجه اللعلمك ..) ههههههههههه

ههههههه غايتو نحن ما حضرنا زمن الشفع بفرحوا بالشعيرية دي..
لكن عن نفسي كلما شفتها يقفز لزاكرتي فطور العريس وايام زمااااان..
الشعيرية مااعتقد تعيد سيرتها الاولي مع المستنسخ الحديث "الاندومي"..
--------------------------------------------------------------------

لا لا لا كمان يا عماد زمنا نحن أي عصر الشعيرية أرحم من زمن الناس البيحلو بالرغيف ديك هههههههههههههههههههههه

درديري ما قصرت مع الشعيرية تب

أنا اتخيلت الحكاية سوف لن تزيد عن سطر ونص للتحدث عن مآثر الشعيرية
لكنك بشاعريتك عملتها قصة قصيرة

المهم واحد بلدينا أول ما جاء أم درمان وكانت وقتها العمارات قليلة
فمر بعمارة من دورين أو تلاتة وصنع ودنقر وقال:
هلا هلا والله ديل تلقاهم يدهم في الشعيرية لهنا - ورفع كم جلابيته حتى بان عضده -
--------------------------------------------------------------------------------

يا سلام يا شيخ جعفر

تعرف أحلى ما في الشعييرية هو ما علق بقعر الحلة ... وهاكم أكردوا الحلة

قعر الحلة يكون مستوي بطريقة مختلفة مفمر كدا وشبه محروق .. حاجة عجيبة ياخ

ضحكتني وقطعت مصاريني يا درديري ... استاذنا بتاع الجغرافية البشرية قال لينا وهو يحكي عن طفولتو : نحن لامن كنا صغار كان بدونا قرش بعد وجبة الفطور عشان نشتري نص عيشه نقسمو بيناتنا كتحلية
هههههه

----------------------------------------------------

ههههههههههههههههههههههههه الله يخليك يا الاحمر

وللشيعيرية في عنق كل سوداني يد سلفت ودين مستحق

أنا اليومين الفاتو أفتح أي صفحة في النت أو الجرايد الاقي عنوان الحفاظ على الشرعية واقراها الشعيرية ..

قلت خلاص مدام الشئ بالشئ يذكر نخليها الشعيرية .. والله لقيت عندها أفضال عظيمة وأفضلية على كثير مما أكلنا ..

نحن الشعيرية بنعرفها حلوة لا نعرف الشعيرية المطبوخة بالدمعة الاسمها ( الاسباكتي دي ) ودي كمان أنا مش عارف بياكلوها كيف .تملا منها المعلقة توديها على خشمك تلاقيها رجعت الصحن تاني والمعلقة فاضية .. مرة في مناسبة عامة أضطريت آكلها بالرغيف .. واحد من الشوام قال معلقا ( شو هاد أنت تاكل الخبزي بالخبزي ) بمعنى الشعيرية قمح والرغيف قمح .. قلت له ما انتو كمان بتاكلوا اللحمة باللحمة .. قال كيف ما عم بفهم عليك .. قلت ما بتاكلو ( الكبي ) وأصلا هي لحمة محشية لحمة .. هههههههههههههه فبهت الذي سخر ..

تحياتي درديري
وضيوفه
حليل الشعيرية والله
وحليل الرغيف
ياخ الشعيرية الا فطور العيد
والرغيف الا يوم الجمعة غداء ونص كمان . نص كسرة ونص رغيف
ويمين بالله الفول دة نشتهيهو شهوة بس . نشوفو من شهور لي شهور
والرز الملخبت بالكستر تحلية جمعة وجمعة لا .. بعد كبرنا سموهو الكاسترد
الموز دة لامن يجيبوهو لو غايب الا يحجزو ليك
هسة الموز الا اكلو براي لامن يعسل
والتفاح باكل المقرم بس ..الشفع يقرموها ويجدعوها
كما قالت سلمي سلامة كيتا في الشعيرية

تحياتي درديري
وضيوفه
حليل الشعيرية والله
وحليل الرغيف
ياخ الشعيرية الا فطور العيد
والرغيف الا يوم الجمعة غداء ونص كمان . نص كسرة ونص رغيف
ويمين بالله الفول دة نشتهيهو شهوة بس . نشوفو من شهور لي شهور
والرز الملخبت بالكستر تحلية جمعة وجمعة لا .. بعد كبرنا سموهو الكاسترد
الموز دة لامن يجيبوهو لو غايب الا يحجزو ليك
هسة الموز الا اكلو براي لامن يعسل
والتفاح باكل المقرم بس ..الشفع يقرموها ويجدعوها
كما قالت سلمي سلامة كيتا في الشعيرية
------------------------------------------------------------

سلام يا صاحب ومكانة خاصة لكل ما ذكرت من أطايب ..

فقط أضيف شئ ..

أنه أختفاء هذه الآشياء من الموائد لم يكن عن فقر

زمان لو دخلت بيت أغنى التجار تلاقي السفرة لاتزيد عن قدحين وغالبا أحدهما سلطة .

لكن كان هنالك فرق في شيئين .. النوع والحواس .

النوع خامات الأكل نفسها .. قمح طبيعي لا يعرف السماد كذلك خضروات لاتهاجمها آفات ولا ترش بالمبيدات .. بيئة صحية وأكل طبيعي .. فضلا أن صحة الانسان نفسها وحواسه في قمة عطائها لا يعرف الأمراض .

وأقول صدق من قال أن الرغيف كان تحلية .. كمان كان حشيته طحنية تنسطل وتحول عينيك .

أما الباسطة ( يا عيني )

والله لا ابالغ لو قلت لك أنا أذكر حتى الآن أول يوم أكلت فيه باسطة ...

Quote: قبل أن يقفذ قفذتين في الهواء معبرا عن فرحه .. ويقلد موتر الفيسبا بشفتيه وهو يجري منطلقا ناحية الدكان .. وعندها لا ينسى غشوة أصحابه المتجمعين في ظل النيمة متباهيا لهم بكيس الشعيرية الذي يحمله ويحوله لدريكسون يقود به سيارته الوهمية .

سلام للجميع

في ذمتك يا الدرديري مرسال الشعيرية مرسال فيسبا !!!! يا اخي دا كنا بنشد ليهو حصان ديجانقو الاحمر
تغمت القروش لجام و ترفع يدك اليمين فوووق وتنزلها وراء ضهرك وتقول هرت هيقا وكبجك.... كبجك..... كبجك هئ هئ وكبجك كبجك كبجك هئ هئ هئ
(هئ هئ دي صهيل الحصان تستعمل بديل لصوت الفرامل ) .... هئ هئ الأولى بتاعة خشم الباب و التانية بعد ما تصل الدكان و بعدها بترخي شلاليفك و تنفخ بطلع صوت برررررر وبكدا بتكون مكنة الحصان بطلت .
وترجع بيها السمحة ام سمبرية لبنية ......
ام سمبرية دي عيبها الوحيد كان كيسها ملاغة و ميتاااان ذي كيس السفنجات الاتنين ما بتنفخن سمح و كان اتنفخن ما بطرشقن ذي الناس


.................... فرحنا ما كان مكلف و كان كبير

تحياتي

سلام للجميع

في ذمتك يا الدرديري مرسال الشعيرية مرسال فيسبا !!!! يا اخي دا كنا بنشد ليهو حصان ديجانقو الاحمر
تغمت القروش لجام و ترفع يدك اليمين فوووق وتنزلها وراء ضهرك وتقول هرت هيقا وكبجك.... كبجك..... كبجك هئ هئ وكبجك كبجك كبجك هئ هئ هئ
(هئ هئ دي صهيل الحصان تستعمل بديل لصوت الفرامل ) .... هئ هئ الأولى بتاعة خشم الباب و التانية بعد ما تصل الدكان و بعدها بترخي شلاليفك و تنفخ بطلع صوت برررررر وبكدا بتكون مكنة الحصان بطلت .
وترجع بيها السمحة ام سمبرية لبنية ......
ام سمبرية دي عيبها الوحيد كان كيسها ملاغة و ميتاااان ذي كيس السفنجات الاتنين ما بتنفخن سمح و كان اتنفخن ما بطرشقن ذي الناس


.................... فرحنا ما كان مكلف و كان كبير

تحياتي
-------------------------------------------------------------------

ههههههههههههههههههههه جميل يا جبرة

أول مرة يفوقني شخص في حب الشعيرية وصفا وذكريات .قلت لي حصان ديجانقو .. بس أغاطلك شويه البيقول ( كبج كبج دا حصان بوليس السواري ) حصان دجانقو بيقول ( كربت كربت كربت )