Post: #1
Title: اليوم الثالث : فرشوها واطة (صور)
Author: هشام عباس
Date: 04-15-2015, 12:51 PM
Parent: #0
11:51 AM Apr, 15 2015
سودانيز اون لاين
هشام عباس-المملكة العربية السعودية - الخبر
مكتبتى فى سودانيزاونلاين
بعدما كان النوم على الطرابيز والكراسى واضح الجماعة فقدوا اى امل فى زول طاشى يجيهم داخل
قالوا يريحوا خالص وفرشوا على الارض ..
يلا اجازة ونومة واكل وشاى وحوافز ..ديل شكلهم يدعوا ربنا ان الانتخابات دى تكون كل شهر
|
Post: #2
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 12:52 PM
Parent: #1
ما هو كمان مش ممكن واحد فى العمر دا يتشر شرة الوطواط فى شدرة
دا كرسى دا ؟؟؟
|
Post: #3
Title: Re: اليوم الثالث : فرشوها واطة (صور)
Author: صبري طه
Date: 04-15-2015, 12:54 PM
Parent: #1
نحن هنا قاعدين لكشف أكاذيب المُعارضة ...
الصورة المُرفقة للأخ هشام مأخوذة من إحدى المُستشفيات المتخصصة في أمراض النوم بسانتا جوليكيو ...
|
Post: #4
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 12:56 PM
Parent: #3
Quote: نحن هنا قاعدين لكشف أكاذيب المُعارضة ...
الصورة المُرفقة للأخ هشام مأخوذة من إحدى المُستشفيات المتخصصة في أمراض النوم بسانتا جوليكيو ... |
هههههه يا صبرى اخوى انت ضايع معانا هنا ساكت
شوف ليك طريقة حصل الطاهر التوم
|
Post: #5
Title: Re: اليوم الثالث : فرشوها واطة (صور)
Author: abubakr salih
Date: 04-15-2015, 01:12 PM
Parent: #4
ياخي هشام ياخي رفقاً بالكيزان 
|
Post: #6
Title: Re: مهرجان تكريم الفنان يوسف الموصلي - واشنطون USA- 2/28/2015 (فيديوهات)
Author: محمد الأمين موسى
Date: 04-15-2015, 01:24 PM
Parent: #5
يا هشام ياخ ما تتسرع... ما زال الليل طفلا يحبو على ركبتيه... الناخبين السودانيين ديل مكارين وممكن يتزاحموا في آخر لحظة!
حتقول شنو لو ركّبت مكنة وائل وقلت ليك الجماعة الإنت مفتكرهم نايمين ديل أغمي عليهم من شدة ضغط العمل وتدافع الناخبين؟؟!!؟؟
|
Post: #7
Title: Re: اليوم الثالث : فرشوها واطة (صور)
Author: أحمد الشايقي
Date: 04-15-2015, 01:28 PM
Parent: #5
علق أحد الزملاء بأن الانتخابات كشفت ضعف البنية التحتية للمدارس والمرافق العامة وكذب دعاوى التنمية والبناء
أحمد الشايقي
|
Post: #8
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 01:33 PM
Parent: #7
| Quote: ياخي هشام ياخي رفقاً بالكيزان |
يا ابوبكر اخوى ما ممكن نخلى الكيزان نايمين فى مراكز التصويت ونخليهم ينوموا هنا كمان على الاقل ود الباوقة ووائل وعلاء يحللوا رزقهم بالردود هنا
|
Post: #10
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 01:34 PM
Quote: يا هشام ياخ ما تتسرع... ما زال الليل طفلا يحبو على ركبتيه... الناخبين السودانيين ديل مكارين وممكن يتزاحموا في آخر لحظة!
حتقول شنو لو ركّبت مكنة وائل وقلت ليك الجماعة الإنت مفتكرهم نايمين ديل أغمي عليهم من شدة ضغط العمل وتدافع الناخبين؟؟!!؟؟ |
اى واضح يا محمد
حتى بالامارة من شدة الضغط مدوا التصويت يوم تانى وفى كلام لو ما نفع يمدوها الجمعة كمان
انا من رايى يخلوها مفتوحة
|
Post: #11
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 01:36 PM
Parent: #10
| Quote: علق أحد الزملاء بأن الانتخابات كشفت ضعف البنية التحتية للمدارس والمرافق العامة وكذب دعاوى التنمية والبناء |
واضح يا احمد ان الزميل اللى علق التعليق دا كان نايم فى مركز انتخابات وصحى اخيرا
هو بالله معلومة ان مدارسنا اقل من مستوى زريبة البهايم دى كنا محتاجين لصور انتخابات عشان تكشفها لينا ؟؟؟
|
Post: #12
Title: Re: اليوم الثالث : فرشوها واطة (صور)
Author: abubakr salih
Date: 04-15-2015, 01:38 PM
نموذج للمدارس العامة يا استاذ أحمد الشايقي. هسة كان ما قوة عين ساكت، حكومة دي مدارسها عندها نفس تعمل بيها انتخابات؟ طبعا دي مدارس ابناء الشعب، اما ابنائهم فيدرسون فى المدارس السياحية مثل الــ Unity حيث ابناء المتعافي و الكرنكي و أحمد عبد الرحمن محمد و غيرهم. مدارس ألــ Unity رسومها تصل الى 48 مليون فى العام للطالب الواحد. من اين لهم هذه الثروات و هم كانوا وقت قريب مجرد افندية و موظفين خدمة مدنية؟
|
Post: #9
Title: Re: اليوم الثالث : فرشوها واطة (صور)
Author: Asim Fageary
Date: 04-15-2015, 01:34 PM
Parent: #7
الناس المبطحين في الواطة ديل دحين يا هشام أخوي مش خرقوا تعليمات الحديث الشريف (وفرقوا بينهم في المضاجع) !
يا هشام عباس ياخي ناقش نقاش ديني .... ليه ما تقول وجهة نظرك الصريحة عن نوم الناس ديل جنب بعض بدل ما تكبر اللفة
|
Post: #13
Title: Re: اليوم الثالث : فرشوها واطة (صور)
Author: هشام عباس
Date: 04-15-2015, 01:40 PM
Parent: #9
Quote: الناس المبطحين في الواطة ديل دحين يا هشام أخوي مش خرقوا تعليمات الحديث الشريف (وفرقوا بينهم في المضاجع) !
يا هشام عباس ياخي ناقش نقاش ديني .... ليه ما تقول وجهة نظرك الصريحة عن نوم الناس ديل جنب بعض بدل ما تكبر اللفة |
انت يا عاصم بتظلم اخوتنا فى الله
ياخى اعتبر ان الموضوع مجرد تداعى لعضو من الاعضاء فتداعى باقى الاعضاء من السهر والحمى وضغط الانتخابات على قول وائل
|
Post: #14
Title: Re: اليوم الثالث : فرشوها واطة (صور)
Author: مريم بنت الحسين
Date: 04-15-2015, 01:49 PM
Parent: #13
المشكلة غايته الصورة دي كان وصلت للسعوديين او الخليجيين بشكل عام واطتنا اصبحت وثبتت علينا تهمة الكسل تب! ... حسي دي حالة دي ياخوانا الناس مبطّحة كده... !
|
Post: #15
Title: Re: اليوم الثالث : فرشوها واطة (صور)
Author: جمال السنوسي
Date: 04-15-2015, 02:26 PM
Parent: #14
يااخوانا خلو الناس تتعبد
مش بقولوا نوم الظالم عبادة
غايتو جنس غايتو
|
Post: #16
Title: Re: اليوم الثالث : فرشوها واطة (صور)
Author: اميرة السيد
Date: 04-15-2015, 02:39 PM
Parent: #15
الناخبين السودانيين ديل مكارين وممكن يتزاحموا في آخر لحظة!
حتقول شنو لو ركّبت مكنة وائل وقلت ليك الجماعة الإنت مفتكرهم نايمين ديل أغمي عليهم من شدة ضغط العمل وتدافع الناخبين؟؟!!؟؟
................,,,,,,,,,,,,,,,,,,,,,,,,,,,,,,,,,,,,,..........................
التعليق الكتبه محمد الأمين ده اجمل والطف تعليق عن انتخابات رائاسة الجمهورية لعام 2015م...
وانا متأكدة بأنو عمر البشير اذا شاف الصور دي وقرأ التعليقات دي حيحلف انه ما يحكم السودان تاني
وما تنسوا انه جعلي وقلبه حار .. وبيقول انه ما ممكن يحكم بالتزوير .. ويا جماعة احتمال الزول ده ما بكون عارف
الحقيقة .. وبطانته بدسوا منه الحقائق.. مع انه نحن بنسمع انه دائما بزور الناس وبيختلط مع الناس العاديين .. وبرضه في احتمال
الناس العاديين ديل بيخافو منه وما بيوروه الحقيقة..
ودمتم بالف خير وصحة وعافية
( بسمات الشيخ عبد الرحيم)
|
Post: #17
Title: Re: اليوم الثالث : فرشوها واطة (صور)
Author: عمر دهب
Date: 04-15-2015, 02:57 PM
Parent: #16
اعتقد انو هؤلاء المجرمين ح يلبسوا ليكم العساكر كلهم مدنى ويجيبوهم انشاءالله عشان التصوير
الناس ديل ساكتين مالم وقت الخج جاء اكيد بيعملوا فى بروفه المسرحية بتاعة فوز البشير
|
Post: #18
Title: Re: اليوم الثالث : فرشوها واطة (صور)
Author: محمد عبد الله الامين
Date: 04-15-2015, 02:58 PM
Parent: #16
مدوها الي يوم الخميس
قالووو الروووب عديل
من التجاهل الشعبي
....
..
.
حقو يمدوها للجمعه ويقيفو للناس بي صندوقهم في باب الجامع هههه
|
Post: #19
Title: Re: اليوم الثالث : فرشوها واطة (صور)
Author: الزبير صالح الزبير
Date: 04-15-2015, 03:17 PM
Parent: #18
غايتو بس مش لو مدوها يوم
لو خلوها مفتوحة عديل كدة برضو مافي زول حايجي يصوت
الحل الرئيس يطلع في التلفزيون ويعلن نفسة فايز ويمد لسانه للشعب ويقول ليهم
اها كيتا ليكم فزت وخلو مقاطعتكم تنفعكم
|
Post: #20
Title: Re: اليوم الثالث : فرشوها واطة (صور)
Author: الهادي ابوبكر
Date: 04-15-2015, 03:47 PM
Parent: #19
أنا لو منهم كان اعملها مع محلات الغاز
اشوفكم تعملو شنو .....
|
Post: #21
Title: Re: اليوم الثالث : فرشوها واطة (صور)
Author: أحمد عمر
Date: 04-15-2015, 10:56 PM
Parent: #1
الكيزان ديل ما فضل ليهم إلا يمشو يشحتو الناس من بيوتهم!
الانتخابات شكلية وفاشلة والشعب قاطعها والبيقول عكس كده كذاب ما بيخاف الله...
المؤتمر الوطني لجأ إلى عدد من الأساليب للتغطية على الفضيحة...مثل توجيه بعض
منسوبيه للتجمع أمام (مركزين تلاتة) لإيهام وخداع الرأي العام أن الإقبال كبير!!
الوثيقة أدناه تؤكد اعتراف المؤتمر الوطني بفشل هذه المسرحية...
|
Post: #22
Title: Re: اليوم الثالث : فرشوها واطة (صور)
Author: nour tawir
Date: 04-16-2015, 02:50 AM
Parent: #21
عّزة جلال الله يا هشام..
عمرى ما شفت مهزلة زى دى..
....
الآنقاذ مبالغة..
|
Post: #23
Title: Re: اليوم الثالث : فرشوها واطة (صور)
Author: elhilayla
Date: 04-16-2015, 03:01 AM
Parent: #22
يا هشام
بعد شوية إجوك الجماعة إياهم ؛ إغالتوك جمل جمل وإقولوا ليك:
الخيل الحرة بتجي في اللفة
أعمل ساتر يا هشام
____
الحليلة
|
Post: #24
Title: Re: اليوم الثالث : فرشوها واطة (صور)
Author: زياد جعفر عبدالله
Date: 04-16-2015, 04:14 AM
Parent: #23
خسارة قروش و فضائح...
كانوا يحكموا حكمهم و خلاص...أصلو زول سائلم مافي :(
|
Post: #25
Title: Re: اليوم الثالث : فرشوها واطة (صور)
Author: محمد أبوالعزائم أبوالريش
Date: 04-16-2015, 06:10 AM
Parent: #24
|
Post: #26
Title: Re: اليوم الثالث : فرشوها واطة (صور)
Author: درديري كباشي
Date: 04-16-2015, 06:39 AM
Parent: #25
الشعب السوداني شعب شفاف جدا
شفاف خالص
لدرجة أنه لا من يروح يصوت ما في حد يشوفه
أيه دا قزاز أنتو يا جماعة
|
Post: #27
Title: Re: اليوم الثالث : فرشوها واطة (صور)
Author: Hololy
Date: 04-16-2015, 07:17 AM
Parent: #26
Quote: مدوها الي يوم الخميس
قالووو الروووب عديل
من التجاهل الشعبي |
....
....
...
...اخونا محمد عبد الله
...الحقيقه من صباحا بدري سمعت الخبر ده في الاخبار ... و اصبت بالدهشه حقيقه
....لانو دي ما القضيه انو يمدوها و اللا يزيدوها مويه و اللا يخجوها ..... القضيه ..
.....
....القضيه انو الحلوف الاسمو غندور ده الدكتور بتاع اتحاد العمال صرح قبل الانتخابات وقال انها اي الانتخابات
....ما محكومه بنصاب قانوني عشان يديها شرعيه .... يعني لو صوت هو و معاهو بقية حلاليف المؤتمر الوطني ...
او عشره بس منهم و ادو القواد بتاعم ده تسعه اصوات من العشره حيفوز القواد و بالقانون حسب تصريح الحلوف ؟؟؟؟؟
....
...
... طيب و السؤال الحيرني؟؟؟؟
...انتو مديتوها لشنو و عشان تعملو شنو؟؟؟؟
....يعني عايزين عدد المصوتين يصل كم ...
من عدد المسجلينهم في كشوفاتكم الزايدنها مويه بعدد المهاجرين و اللاجنين البره اللماهم ليكم في الانتخابات السابقه كرار التهامي ؟؟؟؟
وحسب نصابكم و قانونكم الدكيكيني؟؟؟؟ عشان قوادكم ده يفوز؟؟؟
.... كديه ختو رقم محدد و ورونا ......من باب العلم و الله بس .... وما اي حاجه تاني .... عشان نشوف عداد المد ده حيستمر لمتين
...
..ورد لصاحب البوست و زواروا
....
...
|
Post: #28
Title: Re: اليوم الثالث : فرشوها واطة (صور)
Author: عبدالكريم أحمد الامين
Date: 04-16-2015, 09:19 AM
Parent: #27
**ياهُشـــام ..
** سلام..
**قلنا نديك النتيجه ... الطلعت قبل الإمتحان :-
**ودى نتيجة مسرحية السيل الشغاله قلنا نرسلا ليك قبل مايدوها كووووز زياده ..
**الشجره تقضى على الأخضر واليابس وتدك حصون المُعارضه والعلمانيين وتصل الى سُدرة المنتهى بنجاح تام ,,
فقد حصل المُبشر بالجنه والذى بشرنا بها ويقودنا إليها على 72.8 من الأصوات ولم يتحصل أقرب منافسيه على 6%
|
|
