هههههه مبالغة عاصفة الحزم

06:21 AM Apr, 04 2015
سودانيز اون لاين
عبدالحفيظ ابوسن-كوستي / حي الشاطئ
مكتبتى فى سودانيزاونلاين



كمساري ..سالوه عن قرار البشير ف المشاركه ف عاصفة الحزم....قال ليهم يادوب الريس طلع بينا الظلط من زمان ماشى بينا ف الدقداق. [تشاد . افريقيه الوسطى اثيوبيا ]كسر ركبو .ووجع ضهرنا..

سلامات ود اب سن ..
ههههه كان أخيرلنا الدقداق ..
يكسر ركب يوجع ضهر يخبط راس ولا الظلط ..
دا بابو عِدّل للآخرة.

كمساري فطن ..
اختزل دور وزارة الخارجية .. وفهلوة السياسة وحنكتها ..
في رد صائب ..
يمثل قمة في الدبلوماسية ..
والله صحي مامعنى ان تشيل أصبعك وتظبز بيهو عينكـ ..
عارف حكومتنا دي طوالي بتذكرني المثل البقول ..
رازة ونطّاحة ..
المصيبة الاعظم ..
إنه اللي سببق أكل النبق ..
وليته كان يستحقه ..
( حبايبنا المصريين ) باعوا موقف سياسي مهزوز ..
بـ 12 مليار .. وأوانطة ساي .. مارموا حتى تاريخه طوبة واحدة في عاصفة الحزم ..
وناسنا داقين الجاز بلاش ..
شكلهم لسه بياكلوا في السنام الابا يخلص من حرب الخليج ده ..

أها شوف الكاركاتير ده ..
يا ود اب سن ..
شوفو شارح نفسو براهو كيف ..
وحتى التعليق المكتوب يشهد الله لايحتاجه ..
ولو تم انزاله بدون تعليق لكفاه ..
غايتو من جيت سودانيز دي ده تاني كاركاتير يعجبني ..
فهو يمتل قمة عمل الكاركاتير ..
كلما قل الشرح ووصل المعنى للمتلقي بالرسم فقط ..
كان العمل قمة في التعبير والنضج والحرفية ..

الأغرب من ده كلووو ..
إنو ود أبو ..
جاء عند الكاركاتير الفيهو فايدة ..
وماكتب اسمو عليهو ..
التقول عارف إنه عمله ده مميز ..

مساء الخير
النظام يسوق لنا وعودا بان الانفراجة في العلاقة مع الخليج هي الحل والنكتة تعني ان الشعب الفضل شرب الوعود الكيزانية وكعادته حتى الثمالة

فليبشروا بطول سلامة وإقامة لربع قرن قادم