ياخ زمان لمن تلقى ليك بوست كاتباهو بت في سودانيز الأعمى بيجي شايل المكسر .. أووول سبعين تعليق بيكونو من نوع رائعة ..مدهشة..جميييل.. الخمسين مداخلة البعدهم بتكون راجعي الخاص .. عدد الردود في البوست بتصل 47 صفحة ..كلها من جمع المذكر السالم وجمع (التكسير).. علماً بأنو اعنوان البوست بيكون : السبانخ وأثره في ضمور الثدي وتقشير البشرة ..
أما لمن تجي عضوة جديدة تكتب بوست بعنوان : طرقت بابكم فهل من مرحّب !!؟ ف أووو أووو أووووو ده كلااام تاااني .. التلفونات تطاقش و سيرفر بكري يعلّق من كترة المداخلات ..ناس تشبكا ليك مرحباً بقلمك الجسور..وتانين يشبكوها ليك كنداكة من ربوع بلادي .. وفي ناس تانيين بيعزفو وتر الإسلام بتاع مرحباً بك أختاه إضافة نوعية بين إخوانك في الله .. بعدداك كانت بتجي لحظة مفصلية لمن تشعلق العضوةصورتها في البروفايل هنا مؤشر سوق تداول المداخلات يرتفع وينخفض حسب حالة السوق ..يا المؤشر إنتعش ووصل احال السوق السعودية في بدايات التداول يا كمان لحق المؤشر هبط هبوط مباشر كتلك التي حدثت لسوق الأسهم السعودي وبي سببها نص السعوديين قامت ليهم ثعلبة في الراس وحتت الشعر .. الملاحظ أسة في التسجيلات الجديدة جات كميااات من الأخوات العضوات الجديدات كرت كرتونة ..لكن عااادي تلقاها كاتبة بوست وعدد الردود زيرو وعدد القراءات تلاتة .. وإختفت تماااماً المداخلات من شاكلة مدهشة ..ورايعة ..وقلبي الصغير لا يحتمل .. حتى صور البروفايلات ما عادت بذاك الزخم الإعلامي والإنفعالات ..الواحدة بقت تغير صورة بروفايلا جغلومية مرة وماف زول بيجيب خبر أو يعلق..شي أيام الطفولة وشي أيام الشباب وشي بعد بقو قواعد .. ياخ زمان الواحدة تخت أضان سااااي كانت بتجهجه الناس ..والمنبر يقيف على كراع واحدة إسبوع ... يبدو أن المنبر يمر بفترة الزهد ..
تخريمة : و سوووحي ألليللا .. بالجمبة موووحي إللييللا ..
Post: #2 Title: Re: في سودانيز أون لاين..الأعضاء بقو زاهدين شد Author: محمد البشرى الخضر Date: 03-31-2015, 02:43 PM Parent: #1
الواتس آب و الفيس بووك وانستجرام ياخ الله لابارك فيهم :)
Post: #5 Title: Re: في سودانيز أون لاين..الأعضاء بقو زاهدين شد Author: Abureesh Date: 03-31-2015, 02:51 PM Parent: #2
محمد ، سلام.. في البداية بدرى النسوان كانن خجلانات، ولو تذكر أقل هرشـة او إبتزاز من الطرف الما معاها كان كفيل عشان تطفش من المنبر ليوم الدين! لذلك كان الترحيب بهم وتشجيعهم وتدليلهم كان واجب. الحين نجضو وشبوا عن الطوق، وجلدهم تخن.. والأساليب (الذكورية) دى ما عادت تنفع في طردهم من المنبر.. لذلك المعاملة صارت متساوية.
Post: #4 Title: Re: في سودانيز أون لاين..الأعضاء بقو زاهدين شد Author: وضاح عبدالرحمن جابر Date: 03-31-2015, 02:46 PM Parent: #1
حدد البقو زاهدين منو (القدامى ولا الجدد)
Post: #6 Title: Re: في سودانيز أون لاين..الأعضاء بقو زاهدين شد Author: ودقاسم Date: 03-31-2015, 02:59 PM Parent: #4
عمر البنات الكانوا هنا محترمات شديد وكتابات شديد ومهذبات شديد قمتوا عليهم انت وأساسي ومن لف لفكم طفشتوهم واحدة ورا التانية ربنا ينتقم منكم ويكرهكم في المنبر والمنابر المجاورة تطفشوا منه ويرجّع لينا بنياتنا تاني عشان نسوي ليهم موية السكر ونكتب ليهم يا رائعة يا فنانة
Post: #7 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 03:01 PM Parent: #6
بري يا ود البشرى إنستجرام ده ملاح شنو كمان ؟ :)
Post: #9 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 03:07 PM Parent: #7
إخلاص طبعاً إنتي من المزهود فيهم :)
Post: #8 Title: Re: في سودانيز أون لاين..الأعضاء بقو زاهدين شد Author: Asim Fageary Date: 03-31-2015, 03:05 PM Parent: #6
غايتو يا عمر الفاروق يوم بتكتل ليك زول ببوستاتك دي
لكن بوست في السلك
بعدين يا عمر مع السخانة دي في زول جايب ليك خبر البكتب البوست رجل أم إمرأة ! ________________________________ يكون الأعضاء من الجنس الخشن الهنا كلهم بقوا من القواعد من الرجال الذين لا تحركهم مشاركات الجنس اللطيف
Post: #10 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 03:12 PM Parent: #8
يا وضاح إنت قايل ود قاسم بينادي في العضوية القديمة ليي ؟؟ ما عشااان جنس الزهد الدخلهم ده .. المنبر بقا زي كل حاجات السودان ..التوقيت بالقديم ولا بالجديد.. الكبري القديم ولا الجديد.. العملة بالقديم ولا الجديد .. أها ناس ود قاسم لأنو تفكيرهم وعقلهم الباطن إنقاذي بحت فعايزين يعملو العضوية بالقديم ولا الجديد ..
Post: #11 Title: Re: في سودانيز أون لاين..الأعضاء بقو زاهدين شد Author: دينا خالد Date: 03-31-2015, 03:22 PM Parent: #6
عمر جانا ما تغشانا جانا ما تغشانا البركة بالشوفة يا الفاروغ نشوف النبى خدر . . اول شى ونيابة عن الجكس القديم على وزن الحرس القديم ومعتت فى هذا البورد وعشان نقرب ليك المثل فى راسك. دا ذى لما تقوم تمرق من شوارع الرياض وانت لافى فى سوقها تعاين فى العبايات وتتامل فى المحاسن من راسك سااااى وانت ما شايف غير السواد يلف اى مكان حتى هذا وهذا .. كلل شى حلو ليمونه فى بلد قرفانه .. اها تقوم الطيارة تنزلك دردرب من الكتمةدى .. فى شوارع بيروت او صيف ناس حسن موسي فى باريس ويا زوووول عينك ماتشوف الا النور .. تنتقل من مرحلة الخيال والتصورات الكاذبة ديك. لى علنية مطلقة وسفور لا ترجع فيه البصر كرتين . اها بعد تاخد ليك يومين وعيينك تتعود تانى ما تفرز ضكور باريس من اناتيها وعاااادى تتفرج فى مظاهرة للعراة وهم يعبرون امامك وانت بتشيش ب دون ما تتابعهم بعينك او يرمش لك جفن .. التعود. التعود. ياخ.
__________ الكتابة مترية ... واووع تقول لى انتى ولد وما محسوبة .. وش مكرفس وحواجبين طايرة
Post: #12 Title: Re: في سودانيز أون لاين..الأعضاء بقو زاهدين شد Author: Asim Fageary Date: 03-31-2015, 03:27 PM Parent: #11
Quote: فيه البصر كرتين . اها بعد تاخد ليك يومين وعيينك تتعود تانى ما تفرز ضكور باريس من اناتيها وعاااادى تتفرج فى مظاهرة للعراة وهم يعبرون امامك وانت بتشيش ب دون ما تتابعهم بعينك او يرمش لك جفن .. التعود. التعود. ياخ.
رائع جميل .. يا رائعة يا جميلة
كلام زي العسل وزي السكر دي المداخلات ولا بلاش
______________________________
بعيداً عن الهرجلة الفوق طبعاً كلامك صاح مية المية بالجد .. وعندنا مثل بقول ليك الطشاش في بلد العمي شوف فلمن تمشي بلد الشوف يبقى اكيد الشوف بس هو الحيكون شوف والطشاش للعباية !
Post: #15 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 03:56 PM Parent: #12
ود قاسم .. ما عارف علاقة كلامي بي محترمات شديد ومؤدبات شدييد وكتابات شديد شنو .. لكن البضمنو ليك إنت أكتر المتضررين من الوقوف .. وفي نفس الوقت برضو كسبان ..لأنو لو لسة الصور بتنزل كان راسك طلعت منو دخاخين وإنت بتحاول تجتهد تكتب مع كل صورة قصيدة ..
Post: #16 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 03:57 PM Parent: #15
يا عاصم البورد الواحد بقا ما بيفرز فيهو عماد من إعتماد ..
Post: #13 Title: Re: في سودانيز أون لاين..الأعضاء بقو زاهدين شد Author: دينا خالد Date: 03-31-2015, 03:38 PM Parent: #11
زمان ايقونة اضف رد دى تفتشها ما تلقاها هسه شوفها بقت عامله كيف ؟ الدنيا اتطورت ياخ تقول لى عضوات ؟ زمان العضو يتداعى له ساير المنبر بالسهر والحمى خلى العضوات ديك .. بمناسبة الكتابة المترية امس ونهايات مارس كانت الذكرى الثانية لغزوة حسن موسى للتصدى للبطل واعادة الشرعية تتذكرها. ياخ ديك كانت ايام جميلة خدر دكين قيقراوى داليا حافظ هيثم طه .. وعييييييييك. تقول لى عضوات وعضمات .. الترتيب حسب محبتك. ليهم لو ما خانتنى الذاكرة لولو لووووووووب لاحظ الزيادة فى الحروف مش قلت ليك الدنيا اتطورت.
------------ ياخ انتو بقيتو زاهدين. حتى فى بشاشا ... عجبتنى. نجوم الشباك. البى هناك دييييك هههههههههه انت لسه فاكيها. فى روحك. يا عميره. هههههههههه او كما تناديك ستك ..
Post: #14 Title: Re: في سودانيز أون لاين..الأعضاء بقو زاهدين شد Author: ABUHUSSEIN Date: 03-31-2015, 03:44 PM Parent: #13
مالو نشاطك اليومين ديل زايد ...؟؟؟
Post: #17 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:03 PM Parent: #14
أوووو دينا ال خالد .. ياخ إنتي صورة ممثلة ساااي جهجهتي باكات الجماعة :) :) ذكرتيني مرة مشينا نجيب مصري من المطار جاي جدييد للشغل معانا ..أها مشى معانا السعودي ..أوول ما المصري طلع من المطار ركبناهو قدام مع السعودي السايق.. مشينا زي 200 متر كده السعودي شاف ليو واحدة لابسة عباية ولابسة نقاب ما ظاهرة إلا شنطتا والجزمة .. السعودي قااال..يا أم الجماااال ويييش هذي الصاروووخ .. المصري قال ليو : يااا عم هو أنت شوفتش حاااقة ؟؟؟رققعوني بلدي بالله ..
ثم ياخ عاش من قرا خطك والله .. ولو أنو تعبير كتابة مترية ده منو خوفة .. من يكتب بإسم دينا خالد :)
Post: #18 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:05 PM Parent: #17
يا أبو حسين أخوك شارب ريد بووول ..وبالله فخخم الباء دي عشان ما تفهمني صاح وتقول قاصد فوول .. :)
Post: #19 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:08 PM Parent: #18
غايتو يا دينا عايزة ليك تاني زي عشرة مداخلات كده حتى الواحد يقتنع إنو دي إنتي .. وش البامية مااا ياهو .. مالك بقيتي طيبونة كده ؟ أووعا تكوني بتكتبي تحت تهديد الدعاش ..هي قصدي داعش..
Post: #21 Title: Re: في سودانيز أون لاين..الأعضاء بقو زاهدين شد Author: حمد عبد الغفار عمر Date: 03-31-2015, 04:17 PM Parent: #18
هاي فاروق
ياخ عضوية المنبر بقت زي ضحايا داعش الواحد لحدي ما يكتلوا ما يكون واعي برقبتو
تقول لي عضوة وبطيخ نحن ما حضرنا الزمن دا كدي أدينا لستة موجزة للناس الكانوا بتراجفوا للذكرى ساي كدا
تخريمة : شايفك خاتي نفسك راس براس مع أساسي وبقيت من المؤسسين هل تصدق أساسي مشاها ليك على مضض لكن بكون لابد ليك ما بخليك
Post: #20 Title: Re: في سودانيز أون لاين..الأعضاء بقو زاهدين شد Author: محمد إبراهيم علي Date: 03-31-2015, 04:15 PM Parent: #14
الاعضاء الجدد ناضجين وما عندهم خفة ردود من (يا فراشة لونت لينا المنبر ) او (يا زهرة بعطرك الفواح المنبر ارتاح) او (الله بيدي الجنة يا الناقشة حرفي في كرعيك حنة ) :) يا عمر انا من العضوية بالجديد واود اشيد باشادتك بينا كاعضاء ما مؤسسين و ما متكسرين في الجكس ولا خفيفين شكرا شكرا شكرا :)
Post: #22 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:22 PM
يا حمد بالله ما تعوس الابري بي الحلو مر..انا قلت إني نجم شباك وليس من المؤسسين .. :) بعدين إنت وضعك من الإعراب شنو ؟ زاهد ولا باكي ولا طرفك بي طبعو نعسان ؟ :)
Post: #23 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:26 PM Parent: #22
والله يا هندسة زمن كده الجكس ده بيكتل ليك للعجايز ديل الدش في يدهم ويطمم ليك بطنهم..الواحدة منهم تخش تكتب ليو شكراً يا خالو على المداخلة الرقيقة..يديك العافية عمو .. وفي البيقربن يقولن للواحد يا جدّو .. أما لوعايز تشوف العجب العجاب..بس خلي واحد فيهم يكتبو ليهو إسم بالدلع .. يعني لو لحقت واحدة كتبت يا قسّومي والله الزول يقرب يعضي العرّاقي بتاعو ويقطع الكنار بي فرررددد نطة ..
Post: #24 Title: Re: في سودانيز أون لاين..الأعضاء بقو زاهدين شد Author: عبدالحفيظ ابوسن Date: 03-31-2015, 04:37 PM Parent: #23
ياخ ضحكتني والله .. بوست لذيذ وحيثو اني جديد ف باكل وبقش خشمي حضور تلقائية في الكتابة ومتعة تشكر عمر وضيوفك لنثر الفرح
Post: #25 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 04:47 PM Parent: #24
والله يا ود أبسن بي عيونك الدقاق ديل إنت لا زاهد لاشتين .. :) :) :)
Post: #26 Title: Re: في سودانيز أون لاين..الأعضاء بقو زاهدين شد Author: ودقاسم Date: 03-31-2015, 04:53 PM Parent: #24
والله موضوع واحد ما عندك ولحد هسة إنت ذاتك ما عارف داير تقول شنو بعدين إنت يا عمر من أم درمان وشعراء الحقيبة بتاعينكم ديل كانوا كلما شمو ليهم ريحة مرة يكتبوا ديوان شعر مالو لو أنا كتبت فصيدة .. بعدين جبنا ليك القصيدة وقلنا ليك انقدها ما عرفت تكتب كلمة واحدة أنا غايتو ما داير اباريك عشان النتيجة إنت عارفها لكن برضو ما بخليك تبرطع حتى تحطم كل الخزف ، أو كل العدّة
Post: #27 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 05:37 PM Parent: #26
ود قاسم أيوة باريني كده وسيسطع نجمك والاعضاء الجدد حيعرفو اسمك وربما بورداب الخرطوم يعزموك حوش السمك..
Post: #28 Title: Re: في سودانيز أون لاين..الأعضاء بقو زاهدين شد Author: معاوية عبيد الصائم Date: 03-31-2015, 06:00 PM Parent: #26
امووووت وانتحر رميا بالكهرباء واندفن فى مقابر المؤسسين طال عمرهم احياء وموتى نفسى اعرف منو الكلف ود قاسم بتلك المهمة المقدسة ك وصئ واحدا احد ...على امة لا اله الله وامة افروعربية وامة عاش ابو هاشم حوض الطاشم .وامة ناس قريعتى وووين اللهو انا واحد منهم ..وشكرا ل اتاحة الفرصة .النادرة
(س) ب اثر رجعى ات ياود قاسم قبال كدى فاتح ليك بوست حدادى مدادى قائم بيهو فرادى سدارى طالبت طال عمرك طالبت بكرى بفصلى ...كنت حاسى بشنو ...ممكن تجلى السؤال .ده بعد اذن سيد البوستى وكده
يشهد الله فرصة سعيدة .وذلك ل شئ فى نفس يعقوب ونجله
تحياتى للبرالمة فقط لحدود ما ينحسم موضوع المؤسسين ....
Post: #29 Title: Re: في سودانيز أون لاين..الأعضاء بقو زاهدين شد Author: قسم الفضيل مضوي محمد Date: 03-31-2015, 06:11 PM Parent: #28
Quote: ود قاسم أيوة باريني كده وسيسطع نجمك والاعضاء الجدد حيعرفو اسمك وربما بورداب الخرطوم يعزموك حوش السمك..
هههه... يعني يا عمر بتطاقش أتاريك شارب ليك بوول أحمر. ونان كان كان شربتا "الحصان الأبيض*" كان عملتا شنو؟
شكلك مشتاق وعندك لوعة لكسير زمن زراعة المكرونة في الغيط...
غايتو المدعوة دينا خالد دي بالجد عرفت ليك، وشكلكم بتتعارفوا**
-------------------- الحواشي: * الحصان الأبيض = White Horse **البتعارفوا = المحجبين بيتعارفوا
Post: #31 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 06:27 PM Parent: #30
يا معاوية.. ود قاسم ده النوع البيقول ليك والله انا زمان شعري كان واصل نص ضهري..وبنزل الكورة بي سدري.. اها يطلع ليك في النهاية انو كان بيجيب الكوورة لمن تطلع يا كمان بيعزلوهو اخر واحد..ولمن كان بيتسرح كان بيكورك عديييل من ألم الخلال..
Post: #32 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 07:17 PM Parent: #31
Quote: يا خال، بكيت ما اكضب عليك! بكيت أشوفك تعانق حبانك وخلانك بكيت اشوف محبتك في عيون الناس اولادك أخوانك أندادك بكيت اتخيل المكان من غيرك !
ياخ انا زااااتي اسة بكيت.. قلت لي خزف وعدة؟ والله ليك حق تفتش وتنادي قدامى الاعضاء.. يمين بالله الكلام ده مع الاعضاء الجدد ديل الا يكتبو ليك الاستاذ عميد الفن علي كبك...
ومن هنا تحياتي للصديقة الانيقة عزاز ..النبي فيك كان ترجعي ..فود قاسم يرى فيك دستة كبابي..
Post: #36 Title: Re: في سودانيز أون لاين..الأعضاء بقو زاهدين شد Author: ودقاسم Date: 03-31-2015, 09:22 PM Parent: #32
انت ياعمر عندك ناسك البيبكوا عليك اساسي والزول الأنا داير أرفدو ده اتنين انا داير لي رفدة فيهم الزول ده والزول داك زعيم الطائفة ولما يترفدوا سابكي بكا الشماتة انت يا عمر شوف لي رفدة للاتنين ديل وخلي البكا علي
Post: #33 Title: Re: في سودانيز أون لاين..الأعضاء بقو زاهدين شد Author: أحمد قلوب Date: 03-31-2015, 08:26 PM Parent: #11
Quote: وعشان نقرب ليك المثل فى راسك. دا ذى لما تقوم تمرق من شوارع الرياض وانت لافى فى سوقها تعاين فى العبايات وتتامل فى المحاسن من راسك سااااى وانت ما شايف غير السواد
Quote: ولو أنو تعبير كتابة مترية ده منو خوفة .. من يكتب بإسم دينا خالد :)
Post: #34 Title: Re: في سودانيز أون لاين..الأعضاء بقو زاهدين شد Author: munswor almophtah Date: 03-31-2015, 08:55 PM Parent: #33
غايتو عمر الفاروغ ودينا خالد فاكهة المنبر دا جوافه وكومثره ياخ دينا دى شراميه كيف يا دين الله!!
Post: #35 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 03-31-2015, 09:16 PM Parent: #34
عبد الفضيل..ميسي الكورتو كورة توحد ده؟؟!! يا زول قول مارادونا والحقنا بي قونو في انجلترا..
Post: #37 Title: Re: في سودانيز أون لاين..الأعضاء بقو زاهدين شد Author: عبدالمنعم الطيب حسن Date: 03-31-2015, 11:10 PM Parent: #35
Quote: قصة-عضوة
قصة قصيرة
Post: #38 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 05:45 AM Parent: #37
محمد يا يس ..
يا زول حصان شنو ..إنت ما سمعت قصة صاحبي الجا البلد دي كرت كرتونة وقال عايز يشرب واحد من مشروبات الطاقة نزل للهندي في البقالو قال ليهو أديني نايل بور ؟ :) دينا خالد دي أحسن زول بيعرف يكتب هنا ده..طبعاً ما قلنا زولة لأنو هي مصنفة مع أخوان نسيبة .. بعدين كيف ما بنتعارف ..الترزي الخيّط البدلة لي عرس ود جيرانهم أبوهو ود خالة صاحب بت جيران حبوبة زميلتنا..
Post: #39 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 05:48 AM Parent: #38
أحمد هارتس .. ومنصور كي .. حبابكم ياخ .. أها إنتو من الزاهدين ؟ :)
Post: #40 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 05:49 AM Parent: #39
يا منعش .. الثورة بالنص ولا بي الوادي ؟ الشنقيطي دي خليها أصلاً حاقرين بيها..
Post: #41 Title: Re: في سودانيز أون لاين..الأعضاء بقو زاهدين شد Author: عبدالمنعم الطيب حسن Date: 04-01-2015, 06:00 AM Parent: #40
Quote: بالنص ولا بي الوادي
بالنادي،
الشاقي الترام
Post: #42 Title: Re: في سودانيز أون لاين..الأعضاء بقو زاهدين شد Author: علي دفع الله Date: 04-01-2015, 06:41 AM Parent: #41
ههههههههههههه وحاة الشيخ التوم ود بانقا ضحكت ضحكة من لا يخاف الفقر يا اخي انت زول لذيذ و ساخر وحريف وجميل و بعد طولة من المنبر الواحد سعيد يبداء بي بوست عثل زي دا شكرا سيدنا عمر
Post: #43 Title: Re: في سودانيز أون لاين..الأعضاء بقو زاهدين شد Author: حمزاوي Date: 04-01-2015, 06:51 AM Parent: #41
اموووووووووت انا في الحصاحيصا
Post: #44 Title: Re: في سودانيز أون لاين..الأعضاء بقو زاهدين شد Author: حامد بدري Date: 04-01-2015, 07:04 AM Parent: #43
Quote: ياخ زمان الواحدة تخت أضان سااااي كانت بتجهجه الناس ..والمنبر يقيف على كراع واحدة إسبوع ...
كاااااااااااااااااااااك صباح الخيرات ود الفارووق البنات اصلو ماترفع الابنص منهن بس زح لينا من ميسي
Post: #45 Title: Re: في سودانيز أون لاين..الأعضاء بقو زاهدين شد Author: اساسي Date: 04-01-2015, 07:06 AM Parent: #41
Quote: ود قاسم أيوة باريني كده وسيسطع نجمك والاعضاء الجدد حيعرفو اسمك وربما بورداب الخرطوم يعزموك حوش السمك..
يا عمر خليك امين مع نفسك وطلع النصيحة .. زمان لمن جينا ندخل الجامعة دخلونا الدفاع الشعبي ياخ اقول ليك لمن كنت دبابين علي قول المنبراب كان العساكر التعلمجية يشبكوك ارض صالحة للطابور في البيادة او تختة جاهزة للتنشين في الرماية .. انت ربنا رزقك في افولك الطويل دا ود قاسم تعيد بيهو انتاج نفسك من جديد وتقدم روحك للنجومية مرة اخري .. ود قاسم دا بدون وعي ( كعادته) قدم ليك نفسه كارض صالحة للطابور وكتختة جاهزة للتنشين .. وهو وللامانة العلمية لو كنت احوص واعور وفي رواية مصاب بالعشي الليلي في نفس الوقت مع حوصك وعورك بتقدر تصيبه في مقتل وانت مغمض عينك النصيحة .. فياصديقي مبارك عليك العودة مرة اخري للسطوع في سماء المنبر ومبارك عليك ود قاسم تتخذه ما شئت مرات كتختة ومرة كارض بور صالحة . يا ود قاسم المثل بتاع MBC قال : انت لو ما قدر اكشن .!! ما تأكشنهاش ..
ويسعدني هنا يا عمر اهدائك لحن المبدع طه سليمان -الهابط - ماشة معاك عسل
ماشة معاك قشطة رويان وانا عطشت وليك الناس تعاين ما تعمل طرشتا
Post: #46 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 07:16 AM Parent: #45
علي يا ود دفع الله .. أسة لو البوست ده كاتباهو عضوة من عضوات زمان كان كتبت ليها ضحكت حتى بانت نواجزي :) :)
عمنا حمزاوي.. أعمل حساب رفاعة لأنها في ضهرك وبعد الكبري ده بقت قريبة
Post: #48 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 07:24 AM Parent: #46
والله يا أساسي ذكرتني صديقنا سعادتو زول ساكت ..مرة بيوصف لي في إشارة جمب بيتو قال لي فيها ساهر ..قلت ليو شغال؟ قال شغال ساي؟؟ والله ما ملحّق زااتو من كترة العربات .. :) أها والله مصداقاً لي كلامك ده انا ما ملحق زاااتو في ود قاسم من كترة الحاجات . ياخ كل ما أجي أرد عليهو أتذكر موقف أقول أكتبو ليهو يقوم ينط لي موقف تاني .. أسة انا حسيت بيك زهدت في ود قاسم ده لي درجة ما رديت عليهو زاااتو .. يظل ود قاسم منالحرس القديم وليهو حق علينا برضو يا اساسي ياخ فما ظريفة تجهلو كده.. ود قاسم يحتاجك في هذه المرحلة يا أساسي فالرجل يبذل مجهود مقدر للعودة لدوري الأضواء فهلمّ بنا نمسك بيده وننتشله ..
Post: #49 Title: Re: في سودانيز أون لاين..الأعضاء بقو زاهدين شد Author: الصادق الخالدى Date: 04-01-2015, 07:28 AM Parent: #46
ياااااا حليك انت يالفاروق انت اسة فرقك شنو من ودقاسم انت لي هسع بتشتكي وتبكي للقديم يازول العضوات الجديدة (كلهن ) اما اخاف الكضب اول ما اطلعن للشارع تووووشك يسجييلن في مركز الشباب وتخصص مصارعة وكراتي وتلقاها الواحدة عندها كم دانة وكمان تقول يا عمو يا خالو ؟! يا زول دي بتكاوشك شلوت وبكسي قبال تشوف ايتها حاجة وكان مغالتني في وحدين عامل ليهم احتفال باديب يا خي انت ما دققت في الكدارات اللابستنها وكمان اشك انو الصالة الاتعمل فيها الاحتفال بتاعة مصارعة رومانية اهة يا عمر جديدة من النوع دة تقرب عليها تركبك كدارة بس ودي علي ما اظن واحدة من اسباب الزهد وكدي
................ الفاروق شايف الشيوعية متحاوطنك بي جاي وبي جاي دي لعبة قديمة يا عمك دير بالك خسوسا شايف اساسي ختاك معاو دباب
Post: #51 Title: Re: في سودانيز أون لاين..الأعضاء بقو زاهدين شد Author: عبدالحفيظ ابوسن Date: 04-01-2015, 07:31 AM Parent: #46
هههههه تعرف يا عمر ضحكت حتي عجز الضحك عن ضحكي .. ياخ عما لينا قاعد معاهو صبيا بتنبر انا اصلو ما حصل عملت علاقة مع البنات فرد له عمنا بهجمة مرتدة غير متوقعة طلق يا ولدي يا خويويف يا ....... اها ف دحين البنوت بندورن علا مافي مجمع متل دة .. مأرشف ومبرنت بالاسكرين شوت
Post: #47 Title: Re: في سودانيز أون لاين..الأعضاء بقو زاهدين شد Author: محمد محمد قاضي Date: 04-01-2015, 07:23 AM Parent: #1
سلام عمر الفاروق وضيوفه الظاهر نحنا كراعنا حارة
(ياخ زمان الواحدة تخت أضان سااااي كانت بتجهجه الناس)
(و سوووحي ألليللا .. بالجمبة موووحي إللييللا ..)
ناس سوووحي ديل نشرو التراث والأغنية السودانية ولا لسه المشروع ما خلص
تخريمة بس ما زي حقتك أين المنالات يا تري؟؟؟
Post: #50 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 07:30 AM Parent: #47
محمد يا قاضي.. خليك عميق و عاين ليها من زاوية تانية عسى ولعل كراعك تبرد.. أرميها في العضوات الجديدات ياخ ..
Post: #52 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 07:52 AM Parent: #50
حامد بدري.. ميسي ده الأبنص زاااتو .. حي الله العضوات ممكن نقول رفقاً بالقوارير ...لكن ميسي ده نقول شنو ؟
Post: #54 Title: Re: في سودانيز أون لاين..الأعضاء بقو زاهدين شد Author: Showgi Omer Date: 04-01-2015, 08:20 AM Parent: #52
Quote: مرة بيوصف لي في إشارة جمب بيتو قال لي فيها ساهر ..قلت ليو شغال؟ قال شغال ساي؟؟ والله ما ملحّق زااتو من كترة العربات .. :)
هههههههههههههههه يا عمر دا فعلا زول لذيذ ساكت
Post: #53 Title: Re: في سودانيز أون لاين..الأعضاء بقو زاهدين شد Author: معاوية المدير Date: 04-01-2015, 07:57 AM Parent: #50
سلآمات يا عمر، ؤُ بركة بالعودة.
أسمع، يا اخي زمان كان فتحت بوست عن الشعر الحديس، عليك الله يا عمر أعمل معروف لمني فيو، مغرود فيهو بالحيل.
حب البنات يا خال سببلنا استخلآل. والله صحي ...
Post: #55 Title: Re: في سودانيز أون لاين..الأعضاء بقو زاهدين شد Author: عمر الفاروق Date: 04-01-2015, 02:29 PM Parent: #53
معاوية يا مدير.. البوست تم تحويله لي ديوان شعر إسمه " التفاحة " قصائد من وحي الضجر أو شعر ما بعد الحداثة .. إحتوى الديوان على جميع أعمالي التي ألفتها في ذلك البوست .علماً بأنها لم تستغرق معي أكثر من دقائق للتأليف وكذلك دقائق للطبع والنشر.. كان في فكرة إنو في الديوان التاني أطبع أعمالكم إنتو لكن صراحة لاوزت من قصة حقوق الملكية و جرجة المحاكم .. عموماً نفدت جمي الكميات التي طبعتها من ديوان التفاحة والبوست مجود قوقلو وبيجيك ..
شوقي يا ابو عمير .. أصلاً انا ما بصاحب لي زول ساي .. :)
