Post: #2
Title: Re: مرشح رئاسى يوعد الشعب السودانى باقامة كاس
Author: عادل الباهي عبدالرازق
Date: 03-23-2015, 00:28 AM
Parent: #1
ياباشمهنس سلام
الناس ديل من رئيسهم البشير مفتكرين عندنا قنابير وزول يصدق واحد فيهم الا
ماعندو رأس ، البشير لافي يكضب من ولاية لولاية وعلم الهدي دا عندو أحلام وردية
يأخ المدينة الرياضية من نحن أطفال الي الان ما أكتملت وبقية حكومات العالم بتبني مدن
في ظرف شهور . بدل الاحلام الوردية دي خليهو يكون صريح يقول عاوز أفوز عشان
أعمل كافوري تانية لاهلي والمنتفعين المعاي وبقية الشعب لا بواكي لهم .
|
Post: #3
Title: Re: مرشح رئاسى يوعد الشعب السودانى باقامة كاس
Author: Idris Logma
Date: 03-23-2015, 01:12 AM
Parent: #2
يا الله
انت عمر البشير الناس ديل بجيبهم من وين ودافع لهم
خلي الشعب يعمل كوب ويجمع لهم قروش كرامة ويبعدوا عنا
|
Post: #4
Title: Re: مرشح رئاسى يوعد الشعب السودانى باقامة كاس
Author: nour tawir
Date: 03-23-2015, 01:56 AM
Parent: #3
مرشح رئاسى لا يعلم بأحوال الشعب..
أين موقفه من التعليم والصحة وقفة الملاح وبقية الاحتياجات؟
الناس دى عايشة وين؟
|
Post: #5
Title: Re: مرشح رئاسى يوعد الشعب السودانى باقامة كاس
Author: يحي قباني
Date: 03-23-2015, 02:07 AM
Parent: #4
مسكين ياخي ... ما لقو ليهو قميص قدرو؟
لبسوهو من قمصان حسين خوجلي ولا شنو ؟
|
Post: #6
Title: Re: مرشح رئاسى يوعد الشعب السودانى باقامة كاس
Author: Bushra Elfadil
Date: 03-23-2015, 05:21 AM
Parent: #5
كل المرشحين الرئاسيين كومبارس .لو أن قلوبهم على الشعب لانضوا لركب المقاطعة التي أجمعت عليها قوى المعارضة .
الإنقاذ تعارضها أغلبية شعبنا وبعض قطاعاته تحاربها لكن الإنقاذ تمضي في حكمها بمعاونة أمثال هؤلاء الكومبارس واحزاب الفكة.
ومن عجب أن كثيراً من مرشجي الكومبارس يشكون من تغول إعلام المؤتمر الوطني الحاكم عليهم بشتى الحيل .
احدهم قال إن حملة البشير في القضارف تعادل فيما أنفق فيها وما سلط عليها من ضوء كل ما تقوم به حملاتهم في "الكومبارس " مجتمعة.
لو كان الأمر كذلك وهو كذلك فلم الاكتفاء من الغنيمة بهذا الدور الذي نتائجه الوشيكة اظهر من ضوء الشمس؟
لو أنهم قاطعوا مجتمعين فستصاب لجنة الانتخابات المعينة بهاء السكت
|
Post: #7
Title: Re: مرشح رئاسى يوعد الشعب السودانى باقامة كاس
Author: صديق الموج
Date: 03-23-2015, 07:52 AM
Parent: #6
والله انا النكرة دى حننى عدييييييل
لما المذيع قال ليه ومتين الكلام ده قال ليه:
بعد قطر طوالى يعنى سنة 2026 هسه زى
ده يقولو فيه شنو والولد رمزة الكورة كمان
كان قال بعد الصومال او تشاد كان صدقناه
لاتمحنا ولا تبلينا،،،
|
Post: #8
Title: Re: مرشح رئاسى يوعد الشعب السودانى باقامة كاس
Author: Hani Arabi Mohamed
Date: 03-23-2015, 08:24 AM
Parent: #1
بالعكس @
ليست بلادة أو غباء أو أي شيء
الزول دا مُفَتّح جداً ...
بدل يدخل نفسه في مشاكل كبيرة بالحديث عن المشاكل الحقيقية ومواجهة التحديات التي تواجه الدولة
يقعد يتكلم عن حاجات وهمية وفلكية زي دي
واساساً هو عارف نفسه لا ح يفوز لا عندو علاقة بالموضوع
فشنو
الزول دا عاقل جداً
|
Post: #9
Title: Re: مرشح رئاسى يوعد الشعب السودانى باقامة كاس
Author: درديري كباشي
Date: 03-23-2015, 08:48 AM
Parent: #8
عجايب
هسع صاحبنا دا لو فاز فعلا .. كل شئ وارد .ممكن الحكاية كلها تكون أنسحاب ناعم من الحكم .. و ممكن كل المرشحين ضد المؤتمر الوطني يفوزوا فعلا . ( خج عكسي مثلا )
أنا أعتقد أن الجماعة ديل رأسهم راح يضرب ويتجرسوا ويقولوا يا جماعة نحن ما أتفقنا على كدا .
|
|