قال محمد عبدالجبار رحمه الله المشهور في عطبرة بمحمد عوآرة، ومشهور علي نطاق السودان بأبو جنزير، قال: أنا في الدنيا دي ما بخاف إلا من تلآتة حاجات، الله، والكهرباء، والنميري.
وانا بقول، أنا في الدنيا دي ما مكجِن غير تلآتة حاجات، عُروض الخليل بن أحمد بتاعت الشِعِر، والرياضيات، ؤُ مُلآح القاؤُرما...
Post: #2 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 11:37 AM Parent: #1
السلا هو ما يتبع جنين الحيوان بعد ولآدته. زمان لآمن تلد غنماية أو نعجة أو حمارة أهلنا كانوا يقولولنا، شيلو السلآ اجدعوهو فوق شُدرة طلِح أو شُدرة سِدِر. ما عارف ليه تحديداً الشُدرتين ديل !؟، لكن يبدو ان الأمر مربوط بعادة دينية قديمة من قبل الإسلآم.
ما يتبع الجنين بعد وِلآدة المرأة يُسمى في دارجيتنا التبيّعة...
Post: #3 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 12:07 PM Parent: #2
إبتدع أديبنا المُهذّب بُشرى الفاضل مصطلح الطفابيع فسارت به الرُكبان، وأطلق أديبنا الطيّب صالح عليه رحمة الله عبارته الشهيرة (من أين اتى هاؤلاء ؟)، فصارت علي كل لسان ولهجت بها الحناجر، وحتي هلُمّ جرّآ بتاعت الإمام الصادق المهدي وجدت نصيبها من الظِيّط، بينما فشلت جميع محاولآت العبد لله الفطيرة ظلّت حبيسة حنجرته.
Quote: بدون أن نشعر أن "الغيتوهات الاسفيرية التي نعيش فيها"، يشاهدها الجميع عولميا.
لآحظ الغيتوهات و عولميا. كلآم يضرِس.
في غُثاء كتير في الطريق...
Post: #4 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 12:15 PM Parent: #3
Quote: الشعر بالنسبة لي ،رغم انه لا يتمتع بجماهيرية،وهذه حقيقة أعرفها جيدا، واحد من اساسيات حياتي، رغم أنه شعر ليس مهما للغالبية.
[/][/url]"http://www.up-00.com/"
يبقى عندك عدد كم سلا حا أتحفك بيهِن وأقر وأعترف بمقدراتك المعوليقا ومبهدلآ بكلآم الطير في الباقير البتسميهو عولمانية واللآ برطمانية واللآ خشبة ما عارف !!!؟؟؟...
Post: #5 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 09:48 PM Parent: #4
Quote: كتب العبدلله في الاسافير مقالات وترجم نصوصا،وبسط فيدوهات شعرية تحت مسمى "الملتيميديا". أرى الآن أنها لا تتفق مع مزاج "الاسافير"، كما يرى حقا الاستاذ ابي سين. ولذا قمت بمسحها كلها في "سودانوفورل"، لعدم توفر الاستجابة.
القضية ليست قضية إتفاق مع مزاج الأسافير والعصافير، القضية إنها لغاويس تعج بالفايروسات والجراثيم والطحالب والطفيليات التي تنثرها أنت في احشاء اللغة العربية بسبب عُطاسك المُلوّث بمحاولاتك البائسة لصنع لغة تتناسب والعولمانية بتاعتك. هي في مجملها ليست بوستات تموت هنا في حوش بكري بل هي اكثر من سلا علي اغصان سِدرة المنتدى. هي توابع ما يخرج بعد وِلآدة البوستات التي تُكتب هنا من قِبل الأعضاء لذلك لا تجد ادنى إهتمام ولو عُلقت علي أستار الكعبة ناهيك من نشرها في سودانوفورل أو تعميمها علي نطاق الأسافير.
يا العبد لله، أرقد عافية...
Post: #6 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 09:58 PM Parent: #5
Quote: ان اهم الاسئلة ليست هى الحكومة والوطن والناس ان اهم الاسئلة هى الذات هى الداخل هى الرؤية التى ترى بها الطريق نحو الحياة والاخر والوطن والحكومة والسمءا والارض والخضرة والجبل والبحر والمطر ان الذات هى اكبر عملية لو انجزتها وتصالحت معها بما قلته سابقا فانت تستطيع ان تكسب اى معركة تخوضها
أها، أكان بِقت مرضانة يجيبولآ دكتور من وين ؟...
Post: #7 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 10:13 PM Parent: #6
عزيزي شاعر العامية "حماّل الحطب" عروضيا:
باختصار:
انك تطلق النار على نفسك.
Post: #8 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 10:16 PM Parent: #7
Quote: عزيزي شاعر العامية "حماّل الحطب" عروضيا:
باختصار:
انك تطلق النار على نفسك تآح تآح تآح ترآآآآآآآآآآآآآآآآآآآآآآآآآح.
بب وقع مات. إنتهى.
جيّت يا الدُخري ؟، جيداً جيّت...
Post: #9 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 10:21 PM Parent: #8
اكشفْ "قناعك":
هل أنت "مثقف"،
أم
"مسغف"؟
أم "معوكابي"؟
لا تفوتْ فرصتك الأخيرة:
في التفكير حول:
" عدم إطلاق النار على نفسك".
"باي ون،
قتْ يور لايف فري"هههههه"
Post: #10 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 10:25 PM Parent: #8
Quote: هامشا عولميا طبعا المصطلح دا من نجر العبد لله
شايفك بتستعمل كلمة نجر دي بكثرة كثيرة لآمن مكثرة زاتو، عسى ولعلّ تطلع بمصطلح مثل (الطفابيع) لكن هيهآت هيهآت لا جن ولا سحرة، ؤُ بعدين برضو قاعد تنجر كتير. عاين جاي، أنا عندي ليك طريقة ناجعة لحد النعاج، إنت تقوم تجيب فارة فارة يعني فارة الوآحدة دي ؤُ تخُت قلم رصاص في عضانك الشمال وتقعُد تنجُر ؤُ تنجُر ؤُ تنجُر لحدي ما تعرق وقلم الرصاص ينزلق من عضانك، تصنع مشاية أطفال وتقعُد تتلعم عليها المشي عِشان يمكن، يعني يمكن تقدر تشوف أصحاب المصطلحات التي سارت بها الرُكبان.
Post: #12 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 10:29 PM Parent: #10
إلي من علمني حمل الأخشاب لحرق الجِيف المُنتنة البروف أمين محمد سليمان في عزلته الإختيارية أهدي هذا البوست...
Post: #13 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 10:34 PM Parent: #12
إذنْ هو "الهجاء" الرمزي؟؟؟
لا تقلقْ.
Post: #14 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 10:38 PM Parent: #13
لكن قبل أن يبلغ "الهجاء الرمزي" العالمين:
اكشف قناعك؟؟؟؟؟
وفكرْ ملياً،
في رصاصة "الرحمة"؟
Post: #15 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 10:45 PM Parent: #14
فلتقارنْ القارئة بين:
"كُنَّا هنالكَ، حيث لا دنيا سوى آهاتنا تحبو على حقْلٍ من الإسفيرِ، نوقد نارنا من شمع أحْرفنا التي تجثو على الإيميلِ، نبكي في المدى، نمشي على أطراف لوعتنا و حرقتنا و غبطتنا و متعتنا، نثرثرُ، ثم تهمس روحها:
"فلنتركْ "النتيكيتَ" (1)،
ألقتْ حمْلها، بسطتْ غرائزها على الإيميلِ، و ابتكرتْ سراباً يشبه الإيقانَ، و ابتدعتْ رواقاً يشبه الإيوانَ، لكنَّ الحوائط زُوِّقتْ بدبيب دود القزِّ في درب الحريرِ، و صوّحتْ من شهوةٍ، طرحتْ عواطفها على مرج الماسنجرِ، غلّقت شهْقاتها بالاستعارةِ، و انثنتْ، و تدلّكتْ، و تدخَّنتْ، و تكبْرتَتْ، و تمكْيَجتْ، فطفتْ رغائبها الحبيسةُ، ثُمَّ قالتْ "هيْتَ لكْ""
و "بين" :
محاكاة حمّال الحطب،
الخالية من الوزن أولا،
و من كل شيئ إبداعي ثانيا:
"غازلها ذآك البخار العالق فوق زجاج المطارات جرا الثلوج،،، رنّ الموبايل في جيب مِعطفِها تسابقت إلي الذاكرة اجنحة الفراشات علي مهابل الزهور رسالة (إيميل)، وعقاب سيكار، وكرسي يتأرجح فوق البلكونة تسافر رسائل (الوآت سآب) مع خصل الشعر وليل خريفي رائحة الرطوبة منبعثة من الأخشاب ونوار التفاح. صهيل رياح الليل في جوف رنين (الآي فون)، ورائحة التبغ تتجول في الأركان والجوغة تعزف مقطوعة (بتهوفن) وحنين كمان ونبيذ بطعم عصير الرمان"
*الكاتب "غير المعترف"، يكره حسب زعمه "عروض الخليل"،مع أنه يجيدها في شعره العامي،
فلماذا يتطوّع لمحاكاة نصوص شعرية مثل "مشّاءة الاسفير"،
و قصيدة ودالمكي التي أشرنا إليها مرارا؟
على "المفلس" عروضيّا، أن يحترم "إفلاسه العروضي"،
وكفي الله الاسفيريين "إفلاسه" العروضي؟؟؟؟؟؟؟؟؟؟؟؟؟
Post: #16 Title: Re: عفواً أُستاذ الخوآض، يوجد أكثر من سِلآ ... Author: عبدالعزيز عثمان Date: 03-14-2015, 10:50 PM Parent: #13
والله ان كلاكما مخطئين لاسامة ابداعه وجميل شعره الذي يعشقه الكثيرين ولود المدير ابداعه وتميزه ومقدراته في الحكي والشعر التي يتعشقها الكثيرين واني والله قرات لاسامة شعرا وجدته من اجمل القراءات واتابع لصديقي ود المدير كل كتابته واعتقد انه من اروع الحكائين وله امة من المعجبين ومواهبه شتي تماما كاسامة فلماذا هذا الغضب وحملات الدفتردار الانتقامية بعضكما لبعض اقلعا عن هذا فلكما في بعض مساحة ود وققبول وهذه الارض تسع بليون مبدع وثم ان هذا يسئ للجميع هذا ما رايته فللنقد شروط اخري لا علاقة لها البتة واشهد الله كلاكما حبيب احببته لما يكتب
Post: #17 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 11:06 PM Parent: #16
Quote: "كُنَّا هنالكَ، حيث لا دنيا سوى آهاتنا تحبو على حقْلٍ من الإسفيرِ، نوقد نارنا من شمع أحْرفنا التي تجثو على الإيميلِ، نبكي في المدى، نمشي على أطراف لوعتنا و حرقتنا و غبطتنا و متعتنا، نثرثرُ، ثم تهمس روحها:
"فلنتركْ "النتيكيتَ" (1)،
ألقتْ حمْلها، بسطتْ غرائزها على الإيميلِ، و ابتكرتْ سراباً يشبه الإيقانَ، و ابتدعتْ رواقاً يشبه الإيوانَ، لكنَّ الحوائط زُوِّقتْ بدبيب دود القزِّ في درب الحريرِ، و صوّحتْ من شهوةٍ، طرحتْ عواطفها على مرج الماسنجرِ، غلّقت شهْقاتها بالاستعارةِ، و انثنتْ، و تدلّكتْ، و تدخَّنتْ، و تكبْرتَتْ، و تمكْيَجتْ، فطفتْ رغائبها الحبيسةُ، ثُمَّ قالتْ "هيْتَ لكْ""
أُستاذ الخواض، لا رياء ولا مجاملة ولا خوف. والذي رفع السماء بلا عمد أنت أديب لك إمكانيات خارقة علي الإبداع، ولك كتابات ونصوص يخجل الجمال ان تُنسب إليه، ويفتخر ويزهو إذا نُسبت له لمثلي أن يقف امامها بكل إحترام وأدب، وأنت لست ملزم بإستفتاء اراء الناس حولها فهي تعبر عن نفسها لكنا هنا لسنا بصددها.
في عولآق كتير يشغلني عن هذا الجمال.
ارقد عافية...
Post: #18 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 11:15 PM Parent: #16
استاذ عبد العزيز عثمان
سلامات
شكرا على تعليقك.
السيد معاوية المدير، حامل الحطب، باعترافه، الذي سأثبته لاحقا، كان واحدا من حمالي الحطب الفاعلين في المحرقة الاسفيرية التي ابتدرها بروفيسور،كما يسميه معجبوه، وفيها كان يسخر ،عبر المحاكاة، من نص شعري لي اسمه "الهنيهات".
ثم أعقبه بمحاكاة ساخرة لنصي الشعري"مشاءة الاسفير"، وأعوزه إفلاسه العروضي، مثلما اعوز ملهم حامل الحطب "السيد البروفيسور"، أن يحاكيه "عروضيا" دعك من "الصور الشعرية".
وأدناه اعتراف حامل الحطب ب"دينه" في المحاكاة الشعرية الفاشلة البائسة، والسخرية من نصوصي الشعرية للبروفيسور:
"إلي من علمني حمل الأخشاب لحرق الجِيف المُنتنة البروف أمين محمد سليمان
في عزلته الإختيارية أهدي هذا البوست"...
على هؤلاء "المحاكاتية" الفاشلين، أن يعرفوا حدودهم.
لو كتبوا نقدا رصينا، حتى ولو كان في غير مصلحة "النص"،لفرحنا بذلك.
ولكن أن يقيموا المحارق ،و جلسات السخرية والتنكيك من نصوصي الشعرية، فلن أقبل بذلك .
المسالة هنا كما "ابتدعها" البروفيسور، لا تخضع للنقد والعقلانية، وإنما السخرية لوجه "السخرية".
كان بإمكاني "السخرية" من بوستات "حامل الحطب"،
ولكن للأسف، ليس فيها ما يستحق "السخرية".
العبدلله ليس من أنصار بوستات "التنكيت" و "الونسة"،و"الهظار"،
وما شابه ذلك، وخاصة البرجوازية الصغيرة التي ترتدي "اقنعة" المعوكابية و"الجربندية"، والسخرية من "المسغفين"،و التي يمثلها أحق تمثيل الاستاذ حامل الحطب الشاعر معاوية المدير، وأحترم خيار من يحبون تلك البوستات.
ومازلت أحتفظ بحقي في "الهجاء الرمزي".
وفي تلك الحالة:
"الوسطاء يمتنعون".
على حامل الحطب التفكير قبل أن "يطلق النار على نفسه".
ولا عذر لمن أُنذر. نقطة؟؟ Period???
Post: #19 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 11:23 PM Parent: #18
Quote: إذنْ هو "الهجاء" الرمزي؟؟؟
لا تقلقْ.
بل أنت لا تقلق، فأنا أعني بالجيف المُنتنة تلك الأشياء الحلزونية والمخاليق الغريبة التي تدعي أنها نصوص وفصوص وخيار وفقوس.
لا تقلق ؤُ معاها أرقد عافيةكمان ...
Post: #20 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 11:31 PM Parent: #19
Quote: أم "معوكابي"؟
هذه بعد الشهادتين اعتزّ بها وأفخر وأضعها علي صدري وسام يعبّر عن إنتمائي لأهلها، هي لا غيرها فلا ترهق نفسك في التقصي والبحث.
Post: #21 Title: Re: عفواً أُستاذ الخوآض، يوجد أكثر من سِلآ ... Author: Osman Musa Date: 03-14-2015, 11:32 PM Parent: #19
يا أعز الناس الأخوان الكرام عزيزنا الشاعر الكبير الخواض وعزيزنا كاتبنا الجميل ود المدير ندري الكثير عن جمال وعظمة عظمة ورحابة صدوركم . و لمحبتنا الأكيدة لكم نرجو الابتعاد عن التشاقق .. .. لكم التحايا
Post: #22 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 11:33 PM Parent: #18
Quote: أُستاذ الخواض، لا رياء ولا مجاملة ولا خوف*. والذي رفع السماء بلا عمد أنت أديب لك إمكانيات خارقة علي الإبداع، ولك كتابات ونصوص يخجل الجمال ان تُنسب إليه، ويفتخر ويزهو إذا نُسبت له لمثلي أن يقف امامها بكل إحترام وأدب، وأنت لست ملزم بإستفتاء اراء الناس حولها فهي تعبر عن نفسها لكنا هنا لسنا بصددها.
في عولآق كتير يشغلني عن هذا الجمال.
ارقد عافية...
الاستاذ معاوية المدير
سلامات
انت تواصل السخرية من "مشاءة الاسفير"،
و يبدو أنك لا تريد أن تتجنب "خيار":
إطلاق النار على نفسك.
يا عزيزي أرقد عافية، وعليك أن تشاهد بنفسك: "مراسم إلقاء النظر ة الأخيرة على جنازتك المهيبة".
ارقد هانئا في "قبرك الاسفيري" ههههه _________________________________________ *ماذا تقصد ب: لا رياء ولا مجاملة ولا خوف؟؟؟؟ يا عزيزي العبدلله لا يحجر عليك حق "السخرية" و"التنكيت"، و"إضحاك خلق الله جميعا"، على نصوصي الشعرية "الرديئة"، فواصل "كفاحك" و"خليك حريض"، على ما غرسه فيك "البروفيسور في "عزلته المجيدة". ولكن لا تتضايق،رجاء من رد فعلنا، سواء كان هجاء رمزيا، ام هجاء، كما نعرفه في الشعر العربي.
Post: #23 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-14-2015, 11:36 PM Parent: #22
Quote: *ماذا تقصد ب: لا رياء ولا مجاملة ولا خوف؟؟؟؟
يعني غصباً عني هذه اشياء جميلة، وأعني ما أقول...
Post: #24 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-14-2015, 11:43 PM Parent: #23
طيب يا معاوية ، أنت قلت:
Quote: يعني غصباً عني هذه اشياء جميلة، وأعني ما أقول...
يعني لم تكن ساخرا؟
طيب هذا اقتباس من "مشاءة الاسفير"، التي حاولت فاشلا محاكاتها.
طيب لماذا سخرت منها، في محاكاتك الشعرية الفاشلة التي سميتها : "فتاة وادي السليكون"؟
لو كانت تحوي أشياء جميلة؟ ألم تكن تلك "الأشياء الجميلة" في مخيلتك، وأنت تسخر من "مشاءة الاسفير"؟
هل وراء ذلك "الاقتداء الأعمى" بما رسمه "البروفيسور في عزلته المجيدة"؟
أم انك تمارس "السخرية" من أجل السخرية"؟
Post: #25 Title: Re: عفواً أُستاذ الخوآض، يوجد أكثر من سِلآ ... Author: ملهم كردفان Date: 03-14-2015, 11:53 PM Parent: #24
تغيير محتوى مع تراجع واضح لأسباب منطقيه عقلانيه مدروسه
السيد اسامه الخواض السيد معاويه المدير
لكم التحيه مع وافر احترامي
Post: #26 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 00:04 AM Parent: #24
Quote: طيب يا معاوية ، أنت قلت: Quote: يعني غصباً عني هذه اشياء جميلة، وأعني ما أقول... يعني لم تكن ساخرا؟
طيب هذا اقتباس من "مشاءة الاسفير"، التي حاولت فاشلا محاكاتها.
لا والله ما ساخر. لا أنكر ان فيها تعابير جميلة وفي قصيدتي كنت اسخر من بعض العولآق الذي تخللها فطمس معالم الجمال الكامنة فيها.
مشكلتك إنك قافل نفسك داخل قوقعة العولآق، صدقني كان مرقت منها ما بتتصاقع.
المعوكابي ود المدير...
Post: #27 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 00:18 AM Parent: #26
Quote: فلكما في بعض مساحة ود وققبول
قريبي عبد العزيز، لك كامل مودتي.
والله يا عبد العزيز أنا متلوم معاك لوم شديد جداً، فأرجو ان تعذرني. بالنسبة لهذا الموضوع عليك الله كدي اصبر شوية علينا واحملنا. شكر الله سعيك...
Post: #28 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 00:40 AM Parent: #27
Quote: يا أعز الناس الأخوان الكرام عزيزنا الشاعر الكبير الخواض وعزيزنا كاتبنا الجميل ود المدير ندري الكثير عن جمال وعظمة عظمة ورحابة صدوركم . و لمحبتنا الأكيدة لكم نرجو الابتعاد عن التشاقق .. .. لكم التحايا
عثمان يا حبيب، كدي في اللوّل خلني اللقولك مشتاقين والله. خلونا النتناقر عشان كلو زول يعرف البيهو والعليهو، بعدينك قريبك دا عليك وقعلو كلمة معوكابي دي لأنو فاكرا سُبّة...
Post: #29 Title: Re: عفواً أُستاذ الخوآض، يوجد أكثر من سِلآ ... Author: جلالدونا Date: 03-15-2015, 01:07 AM Parent: #28
غايتو ذكرتونا ايام الفرذدق وجرير يقوم الزول يدخل بيناتكم تلفحوهو بالبيت المشهور فغض الطرف انك من نمير فلا كعب بلغت ولا كلابا . و فى دى الله يستر
Post: #30 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 03:16 AM Parent: #29
Quote: تغيير محتوى مع تراجع واضح لأسباب منطقيه عقلانيه مدروسه السيد اسامه الخواض السيد معاويه المدير
لكم التحيه مع وافر احترامي
ملهم كردفان يا ملهم الخير والجمال، حياك الغمام يا اخ.
لك وافر التحايا والإحترام...
Post: #31 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 03:22 AM Parent: #30
Quote: غايتو ذكرتونا ايام الفرذدق وجرير يقوم الزول يدخل بيناتكم تلفحوهو بالبيت المشهور فغض الطرف انك من نمير فلا كعب بلغت ولا كلابا . و فى دى الله يستر
قف دُونَ رأيك في الحياة مجاهدا ان الحياة عقيدة وجهادُ][/url]"http://www.up-00.com/"
Post: #32 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-15-2015, 03:33 AM Parent: #31
Quote: أنه -قُدستْ "معوكبيته"، لا يجيد استعمال "الشوكة"؟؟؟
شوكة !، شوكة سمكة ؟. إعلم انّ الشوك او الأشواك خشُم بيوت، يعني في شوكة الكِتِر ؤُ شوكة النخل ؤُ شوكة السِدِر ؤُ شوكة التمرهندي ؤُ شوكة السنُط ؤُ شوكة الفسيخ ؤُ كمان في شوكة الكانكيج، بتعرفو ؟.
اظنك تكون قاصد شوكة اللكِل، مُوش ؟. مالي المكان كلو شوك قُنالك نضفو شبكتنا حداسة وبِتِيّخ. بتعرف شوكة الحوت اللآ بتتبلع لا بتفوت ؟.
شوكة !...
Post: #33 Title: Re: عفواً أُستاذ الخوآض، يوجد أكثر من سِلآ ... Author: عبدالحفيظ ابوسن Date: 03-15-2015, 04:39 AM Parent: #32
سلام للجميع السيلا اهلنا زمان بخلوك تتابع البهيمة لامن يتأكدو انو وقع . لو ما وقع بكتلها وبعمل ليها تسمم المهم الاعزاء ود المدير والخواض الشعر بنحبو كان قديم ولا جديد .. حب ومعرفة كقراء ومتذوقة والاتنين فيهم الغث والجيد اعيب علي الشعر الحديث الابهام المقصود والرمزية الغير مبررة ولا مرجعية تراثية عالمية لها ولا مقاربة .. ومن المعلوم ان الشعر الحديث استلهم المثيولوجيا اليونانية في بدايتها من قبل السياب ونازك ولويس عوض . ولا تكاد تخلو قصيدة من استلهام لها . ثم اتت الرمزية حتي صارت كالللغز مما افسد التذوق المباشر والاستمتاع الاني بالشعر حتي احتاج للحواشي والشعر فخرج بعضه من مخاطبة الشعور والحس الشعر الدراجي اغرت كلماته السارية والمعروفة البعض بنظمه . فأتي البعض بشعر سطحي خالي من الحس والفهم وبالشعر الدارجي مفاهيم تفوق استيعاب من لم يكن مثقفا حصيفا ذكيا . كشعر حميد وازهري وعثمان بشري والقدال وغيرهم ولكنهما يتفقان في موسيقي اللغة وجرس الكلمات وجمال التصوير وذكاؤه .. ورفع الحس الود للجميع
Post: #34 Title: آخر دعواي قبل أن يذهب "حامل الحطب" إلى "مثواه الأخير" Author: osama elkhawad Date: 03-15-2015, 04:59 AM Parent: #33
الأستاذ شاعر العامية،
الكاتب غير "المعترف"
سلاما
قلت سيدي:
لا والله ما ساخر. لا أنكر ان فيها تعابير جميلة وفي قصيدتي كنت اسخر من بعض العولآق الذي تخللها فطمس معالم الجمال الكامنة فيها.
مشكلتك إنك قافل نفسك داخل قوقعة العولآق، صدقني كان مرقت منها ما بتتصاقع.
ردي "الأخير" عليك كالآتي:
أنت "أمفكو" من نقد الشعر العربي الحديث.
ولو كنت في شك مما أقول:
اكتبْ مقالة نقدية عما تعتقد أنه يخالف إعجابك المبالغ به، بالمقاطع التي أثنيت عليها من "مشَّاءة الاسفير".
Post: #35 Title: واحدة من تقنيات الرد على .................... Author: osama elkhawad Date: 03-15-2015, 05:12 AM Parent: #34
واحدة من "تقنيات" الرد على:
"المعوكابي البرجوازي الصغير ،
الكاتب "غير المعترف":
تعلّمتها من صديقي عثمان محمد صالح:
عثمان الحلفاوي،
في سمته "البلغاري".
له التحية في منفاه "الهولندي".
Post: #36 Title: Re: واحدة من تقنيات الرد على .................... Author: mohmmed said ahmed Date: 03-15-2015, 06:30 AM Parent: #35
لا اعرف اسباب الخلاف بين اسامة ومعاوية
فقط اود التعبير عن راى شخصى
اسامة الخواض شاعر كبير ضمن كوكبة من شعراء السودان نعتز بهم
Post: #37 Title: Re: واحدة من تقنيات الرد على .................... Author: osama elkhawad Date: 03-15-2015, 07:11 AM Parent: #36
عزيزي محمد سيد أحمد
لست شاعرا كبيرا،
ولكني أحاول أن اكتب "شعرا مختلفا".
ما لم تفهمه أن السيدين "البروفيسور"،
و"تابعه الأمين" حمّال الحطب قد أقاما محرقة اسفيرية، لإبداء سخطهما عن كتابة نصّين مثل: الهنيهات و "مشَّاءة الاسفير"
البروفيسور حاول محاكاة "الهنيهات" محاكاة رديئة، لانه أولا لا يستطيع كتابة مقطع شعري موزون،دعك عن "المضمون".
وجمع حوله كثيراً من الرجرجة، وضحايا "التعليم" ، من أشباه المتعلمين.
و كان السيد الشاعر معاوية المدير من "حمَّالة الحطب"، في تلك "المحرقة الاسفيرية".
ثم واصل السيد الشاعر معاوية المدير "حملته" على العبدلله، لإثبات أبوته للبروفيسور في عزلته المجيدة،
كي يثبت أنّ ما يكتبه العبدلله، ليس شعرا. فكتب نصا محاكيا، يفتقد للوزن، والصور الشعرية، كإثبات أن "مشاءة الاسفير"، ليس نصا شعريا. وبإمكان أي عاطل عن الموهية، أن يكتب مثلها. والهدف من كل ذلك، حسب زعم "الكاتب غير المعترف"، أن نص "مشاءة الاسفير" ليس بشعر. مع العلم أن "حامل الحطب" شاعر يكتب الدارجية، بموسيقى ليس فيها عيب، وفي المقابل ليس فيها صور شعرية، تنبئ عن "شاعر" حقيقي.
حمال الحطب، حاول أيضا أن يقلد أو يحاكي نصا لمحمد المكي ابراهيم،
و"صدّق" ما قال به المتداخلون من "أشباه المتعلمين".
على حمال الحطب، أن يعتذر للأستاذ الشاعر محمد المكي ابراهيم،عن تلك المحاكاة "الخائبة"، التي دمرت نص ودالمكي "عروضيا" ،و غيره من "الخسارات الشعرية:
Post: #38 Title: Re: واحدة من تقنيات الرد على .................... Author: معاوية المدير Date: 03-15-2015, 09:09 AM Parent: #37
Quote: اكتبْ مقالة نقدية عما تعتقد أنه يخالف إعجابك المبالغ به، بالمقاطع التي أثنيت عليها من "مشَّاءة الاسفير".
لن تستطيع فعل ذلك.
طيّب إنت وكِت عارفني ما بقدر قايل لي اكتب مالك ؟.
Post: #39 Title: Re: واحدة من تقنيات الرد على .................... Author: osama elkhawad Date: 03-15-2015, 09:15 AM Parent: #38
ردك هذا يثبت أنك لم تستمع جيدا إلى "المفيد المختصر":
انك تطلق النار على نفسك.
ولا عزاء للمنتحرين.
Post: #40 Title: Re: واحدة من تقنيات الرد على .................... Author: معاوية المدير Date: 03-15-2015, 09:17 AM Parent: #38
Quote: "الوردية الثانية" هو مصطلح "نجره" العبدلله لوصف حال "الكاتب السوداني"، نقلا عن كتاب لسوسيولوجية أمريكية عن "الوردية الثانية" تتحدث فيه عن "عمل المرأة العاملة" في البيت كوردية "ثانية" لها.
لسّع كمان شوية نجر وحا تصل. تجيبلك قعر حرازة مااااااكن ؤُ قدوّم، قدوّم يعني القدوّم الوآحد دا البينجروبو الخشب، ما الخشُم، ؤُ تشمر إيدين عراقيك فوق اكتافينك وتربُطِن بسعف نخل عشان ما ينزلن ؤُ تقعد فوق قعر الحرازة دا بالقدوم لآمن تحفرو مُركب ؤُ تقول كدي تنزلبو في بحر الفطاحلة، ؤُ صدقني ما أنت ببالغ ساحلهم. ما تتعب نفسك في حكاية المصطلحات دي يا زول...
Post: #41 Title: Re: واحدة من تقنيات الرد على .................... Author: osama elkhawad Date: 03-15-2015, 09:27 AM Parent: #40
سيدي ،لست مؤهلا للخوض في نقاش معرفي.
ارفق بنفسك.
لا تطلق النار على نفسك، باختيارك.
وعليك أن تأخذ دروسا في العروض أولا،
حتى لا تشوه نصوصي ونصوص محمد المكي ابراهيم،
والنصيحة موصولة ل:
"أبيك الروحي ،
البروفيسور في عزلته المجيدة".
Post: #43 Title: كيف شوه "حامل الحطب" نص محمد المكي ابراهيم Author: osama elkhawad Date: 03-15-2015, 09:36 AM Parent: #41
حاول "حامل الحطب" أن "يحاكي" نص محمد المكي ابراهيم.
فكانت المحاكاة التالية التي لم تلتزم في أغلبها بوزن النص الأصلي،كما جرت العادة في نصوص المجاراة.
وكانت النتيجة "المذبحة"،
كما يلي من دمار عروضي، ودلالي ايضا:
Quote: من غيركم أعطى لهذا الشعب معني ان يُذلّ وينكسر ؟ من غيركم قد قرر الخذلآن والقيم الدنيئة والسير ؟ من غيركم لصواطة الدنيا وتفتيت الحياة القادمة ؟ جيل التخاذل المُستكين خناعةً ومُساومة المُستميت علي الموائد كافرا المُنتكس للأرض يلعق احذية الطغاة لذُلنا هو جيلكم ... رفع الشعارات الجميلة مُنافقاً وللحق بات مُطاعناً ومشى لباحات الخنوع عيونه مقفولةٌ ونفوسه مُشحونةٌ بفجورها متدثرة مُتخيراً درب الخضوع وسائراً نحو الطغاة مواليا جيل الخناء لك إنكساراتٌ كبيرة، والعمالة الصادحة ولك التقهقُر هاهُنا بحق الشعب فوق طلوله المُتناوحة ولك التفرُد فوق صهوات النفاق مُساوما جيل الخناء، ابداً ذليل لبيعنا،،، وسننتصر، وسنبدع الدنيا الجديدة فوق ما نهوى، ونحمل عبءَ الحياة ونبتكر جيل الغلآبة الكادحين هو جيلنا.
ود المدير...
Post: #42 Title: Re: واحدة من تقنيات الرد على .................... Author: معاوية المدير Date: 03-15-2015, 09:32 AM Parent: #40
Quote: وبنفس الروح "الجربنيدية" التجريبية دخلت في مشروع النص الشعري الملتيميدي، ونشرت 45 فيديو في ورديتي الثانية، يمكن أن تجدها في قناتي في "يوتيوب". وترجمت وكتبت مقالات لم تنته بعد عن حزب الكنبة السوداني والربيع العربي. وكتبت نصوصا سردية، وشعرية، نشرت بعضا منها في الكلمة وقوبلت بترحيب وتحليل معقول. عموما ما نشرته، وما سأنشره ستجده في موقعي في الحوار المتمدن،ولن أنشر نصوصي في الأسافير الأخرى إذ أنها لا توفر شروط "الفيدباك" الذي يحتاجه الكاتب لتكريب نصوصه، ولا يحمد على مكروه سواه.
يا قول حبوباتنا، يعرضلك كان ما نشرت في الأسافير. مالك يا اخوي ابيت النشر في الأسافير. خلاس إقتنعت إنو بضاعتك مُزجاة وكاسدة وبائرة في سوق الأسافير قررت تقيف ؟. لكن أقولك يا زول حسناً فعلت كدا وفرت علي نفسك ؤُ كمان ريحت الناس البيعترو فوق لغاويسك من الطمام. اريتا كان بقت بوستات ميتة كم سلا مكرمشتات، بركة الوقفت...
Post: #44 Title: Re: واحدة من تقنيات الرد على .................... Author: معاوية المدير Date: 03-15-2015, 09:41 AM Parent: #42
يا زول إنت مشيت وين ؟.
Post: #45 Title: Re: واحدة من تقنيات الرد على .................... Author: معاوية المدير Date: 03-15-2015, 09:45 AM Parent: #44
هههههههههههههههههههههههههههههههههه، هاك السِلا دا إتعشى بيهو...
Post: #46 Title: Re: واحدة من تقنيات الرد على .................... Author: عبدالعزيز عثمان Date: 03-15-2015, 10:04 AM Parent: #45
المحترم استاذ اسامة تحياتي ماهي اشتراطات الفيد باك مثلا التي لا توجد هنا لتعين علي تكريب عملك كما ذكرت والله انا خال ذهن وقد فسرتها بان القراء الحصيفين الذين يساعدوك بقراءة نقدية مفيده غير موجودون هنا ان كان هذا مقصدك تلومت انت وان كنت تقصد شئيا اخر تلومت انا وصرت ملوما واحمق اقصد نفسي ووالله لك محبتي واحترامي
Post: #47 Title: شكرا سيدي "حامل الحطب"... Author: osama elkhawad Date: 03-15-2015, 10:09 AM Parent: #45
أشكرك على لفت انتباه القراء إلى تجربتي في الشعر الملتيميدي.
تقدر تقول لي في زول حاول هذذ التجربة في الشعر السوداني قبل العبدلله؟
و هل تعرف أن اتحاد الكتاب السودانيين خصص ندوة لهذه التجربة في زيارتي الاخيرة الى السودان.
قدم الندوة الاستاذ : السر السيد.
وعلق حولها الشاعر عالم عباس،بقوله أنها حسب رأيه اول تجربة في الشعر العربي كله؟؟؟؟
شكرا سيدي حامل الحطب.
Post: #48 Title: على الاستاذ معاوية المدير أن يعتذر للاستاذ الشاعر محمد المكي ابراهيم Author: osama elkhawad Date: 03-15-2015, 10:24 AM Parent: #47
قام السيد الشاعر معاوية المدير،بمجاراة نص شعري لمحمد المكي ابراهيم، و نسبة لعدم تمكنه من العروض ،كما اعترف بذلك، قام بدور "الثور في مستودع الخزف".
وهنا الدليل نعيد نشره،لأن السيد معاوية المدير لم يعتذر عن "دور الثور في مستودع نص محمد المكي ابراهيم":
Quote: حاول "حامل الحطب" أن "يحاكي" نص محمد المكي ابراهيم.
فكانت المحاكاة التالية التي لم تلتزم في أغلبها بوزن النص الأصلي،كما جرت العادة في نصوص المجاراة.
وكانت النتيجة "المذبحة"،
كما يلي من دمار عروضي، ودلالي ايضا:
Quote: من غيركم أعطى لهذا الشعب معني ان يُذلّ وينكسر ؟ من غيركم قد قرر الخذلآن والقيم الدنيئة والسير ؟ من غيركم لصواطة الدنيا وتفتيت الحياة القادمة ؟ جيل التخاذل المُستكين خناعةً ومُساومة المُستميت علي الموائد كافرا المُنتكس للأرض يلعق احذية الطغاة لذُلنا هو جيلكم ... رفع الشعارات الجميلة مُنافقاً وللحق بات مُطاعناً ومشى لباحات الخنوع عيونه مقفولةٌ ونفوسه مُشحونةٌ بفجورها متدثرة مُتخيراً درب الخضوع وسائراً نحو الطغاة مواليا جيل الخناء لك إنكساراتٌ كبيرة، والعمالة الصادحة ولك التقهقُر هاهُنا بحق الشعب فوق طلوله المُتناوحة ولك التفرُد فوق صهوات النفاق مُساوما جيل الخناء، ابداً ذليل لبيعنا،،، وسننتصر، وسنبدع الدنيا الجديدة فوق ما نهوى، ونحمل عبءَ الحياة ونبتكر جيل الغلآبة الكادحين هو جيلنا.
ود المدير...
Post: #49 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 10:27 AM Parent: #47
Quote: أشكرك على لفت انتباه القراء إلى تجربتي في الشعر الملتيميدي.
لِسّع إنت شُفت حاجة ؟. في لغاويس كتيرة جداً أنا خا اجيبا ليك هنا عملاً لله، عساها تروّج لبضاعتك الكاسدة. في كم سلا لا ترقى حتي للبوستات الميتة. إنت سحبت لغاويسك من الأسافير لشنو، عليك الله ؟...
Post: #50 Title: لماذا مسحت نصوصي في الاسافير وخاصة في سودانفوراول؟ Author: osama elkhawad Date: 03-15-2015, 10:37 AM Parent: #49
كل نصوصي الشعرية و نصوصي الشعرية الملتيميدية،
وترجماتي ودراساتي،
و غيرها موجودة في الاسافير.
مسحتها، وخاصة في سودانفوراول، لانني لم أجد في الغالب "فيد باك".
فهي فعلا لا تناسب الاسافير بحسب خبرتي.
لكن في نفس الوقت،
نشرت منها كتابين،
و سأنشر منها ايضا ثلاثة كتب.
هنالك فرق بين النشر ، و بين الاسافير.
فأنت يا سيدي،
لن تستطيع نشر نصف كتاب من كل لغاويثك الاسفيرية.
Post: #52 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 10:41 AM Parent: #49
Quote: هل تعرف أن اتحاد الكتاب السودانيين خصص ندوة لهذه التجربة في زيارتي الاخيرة الى السودان.
عليك الله حنسّت منو عشان يعملك ندوة، هل يُعقل إتحاد الكتاب السودانيين ديل يخصصو ليك ندوة ؟، ليه يعني من مستوى كتاباتك الرفيع واللآ من تهافت القراء علي لغاويسك وإنتشارها في الأفاق. إنت قايل روحك بُشرى الفاضل واللآ حسن موسى ؟...
Post: #51 Title: Re: شكرا سيدي andquot;حامل الحطبandquot;... Author: عبدالعزيز حسين عبدالرحيم Date: 03-15-2015, 10:38 AM Parent: #47
هههههههه دا جن شنو يا معاوية الله يهديك مالك ومال الدروب الوعرة دي ياخ خلي أي زول يعيش بي وهمتو
يوم لم فيني واحد مسقفاتي شديد وأنا عارف قدرتو على السقافة المهم ساقني محل سمح جداً لحضور معرض فني بصراحة المعرض كان جميل وفيه حاجات كتيرة سمحة وكان في المعرض لوحات لي فنان عربي بعرفه شخصياً وبشتغل وظيفة ومنصب كبير كفنان كبير وهو زول ذو افكار عظيمة وودود جداً ومحترم ومتواضع وبشوش وتجتمع فيه صفات كتيرة كويس المهم مشيت محل ما بعرض لوحاته ولقيت الناس ملمومين غايتو أنا شفت شخبتة وعولاق والله انا برسم أحسن منو لكن ناس كتار أفهم مني وأحلى مني قاعدين يعبروا عن أعجابهم باللوحات ومبهورين بيها ، قلت لي نفسي أيوااااااا يا عبدالعزيز عامل نفسك أفهم من الناس وأعلم من الناس ياهو دا ربنا جابك لي حاجة بسيطة تفوق فهمك وأعترفت أني فقير فنياً وتبت أمشي اتفرج في الفنون عشان ما انفضح قدام نفسي وبرضه زي شعر الخواض دا في ناس كتار بفهموه أنا ما بقدر عليه كفاية أقنع نفسي أني جاهل في الحتة بتاعت فهم شعر ناس الخواض ديل وانحاش ما أي حاجة يا معاوية الزول لازم يكون بعرفها وما اي لغة لازم يكون برضه بعرفها ومافي مثقف كامل يعني برضه في حاجات انت لو اتكلمت فيها الخواض دا بسكت ساكت وبكون رايح
يا معاوية بنقعد في القهوة كل يوم وبنتونس لحظات بكون ساكت ولابد لمن مثلاُ يتكلموا عن الكورة او عن مناطق محددة انا ما بعرفها لكن في مواضيع بستلم فيها الموضوع وبحكي بما اعرف فاعتبر أنه في حاجه أنت ما عارفه في شعر الخواض وهي زاتها ماليك وما تهبش ليه حاجاتو
بعدين بصراحة الزول دا ما شنف ليك حاجات وأداك جرعة كويسة في انك كويس وبتفهم في الدارجي يعلم الله بصراحة ومن غير زعل زي نوع شعرك بجيب لي ملالة عديل كدا لو سمعتو والله افضل أسمع غنية كاملة لي محمد ميرغني* من أسمع لي قصيدة كاملة من نوع قصايدك
-------- * محمد ميرغني بتخيل لي لو سمعت ليه غنية كاملة ممكن اموت بالاختناق وبرضه في ناس بحبوه وبسمعوا اغانية ويعيدوها كمان
Post: #53 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 10:44 AM Parent: #51
Quote: لغاويثك الاسفيرية.
اهاااااااااااااا، قُمنا علي الشف ؟، هسّع المصطلح دا ما حقينا...
Post: #54 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 10:56 AM Parent: #53
Quote: هههههههه دا جن شنو يا معاوية الله يهديك مالك ومال الدروب الوعرة دي ياخ خلي أي زول يعيش بي وهمتو يوم لم فيني واحد مسقفاتي شديد وأنا عارف قدرتو على السقافة المهم ساقني محل سمح جداً لحضور معرض فني بصراحة المعرض كان جميل وفيه حاجات كتيرة سمحة وكان في المعرض لوحات لي فنان عربي بعرفه شخصياً وبشتغل وظيفة ومنصب كبير كفنان كبير وهو زول ذو افكار عظيمة وودود جداً ومحترم ومتواضع وبشوش وتجتمع فيه صفات كتيرة كويس المهم مشيت محل ما بعرض لوحاته ولقيت الناس ملمومين غايتو أنا شفت شخبتة وعولاق والله انا برسم أحسن منو لكن ناس كتار أفهم مني وأحلى مني قاعدين يعبروا عن أعجابهم باللوحات ومبهورين بيها ، قلت لي نفسي أيوااااااا يا عبدالعزيز عامل نفسك أفهم من الناس وأعلم من الناس ياهو دا ربنا جابك لي حاجة بسيطة تفوق فهمك وأعترفت أني فقير فنياً وتبت أمشي اتفرج في الفنون عشان ما انفضح قدام نفسي وبرضه زي شعر الخواض دا في ناس كتار بفهموه أنا ما بقدر عليه كفاية أقنع نفسي أني جاهل في الحتة بتاعت فهم شعر ناس الخواض ديل وانحاش ما أي حاجة يا معاوية الزول لازم يكون بعرفها وما اي لغة لازم يكون برضه بعرفها ومافي مثقف كامل يعني برضه في حاجات انت لو اتكلمت فيها الخواض دا بسكت ساكت وبكون رايح يا معاوية بنقعد في القهوة كل يوم وبنتونس لحظات بكون ساكت ولابد لمن مثلاُ يتكلموا عن الكورة او عن مناطق محددة انا ما بعرفها لكن في مواضيع بستلم فيها الموضوع وبحكي بما اعرف فاعتبر أنه في حاجه أنت ما عارفه في شعر الخواض وهي زاتها ماليك وما تهبش ليه حاجاتو
بعدين بصراحة الزول دا ما شنف ليك حاجات وأداك جرعة كويسة في انك كويس وبتفهم في الدارجي يعلم الله بصراحة ومن غير زعل زي نوع شعرك بجيب لي ملالة عديل كدا لو سمعتو والله افضل أسمع غنية كاملة لي محمد ميرغني* من أسمع لي قصيدة كاملة من نوع قصايدك -------- * محمد ميرغني بتخيل لي لو سمعت ليه غنية كاملة ممكن اموت بالاختناق وبرضه في ناس بحبوه وبسمعوا اغانية ويعيدوها كمان
ههههههههههههههههههههههههه، يا عبد العزيز شكراً علي المدآخلة القيّمة المرحة. يا اخي الخواض دا قال ليهو لغاويس بتاعت كلآم انا لا عرفتو عربي لا عرفتو سرياني، أها لشقاوتي سألتو من المعني كان عشّق نمرة خمسة وجا دآفر فوقي !.
أكان ديرلك قصيدة من حقاتي بنزلا ليك هنا. والله صحي...
Post: #56 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 11:01 AM Parent: #54
Quote: Alamin Ibrahim · متابعة ودالمدير اخير ليك تنقرع ات ما بتتوب :)
والله يا محمد اخوي التوبة دي غلبتني تب، ؤُ ما ظنيت إنقرع كان ما الخواض دا مسح لي قرعتي دي بسلآ...
Post: #55 Title: لماذا مسحت نصوصي في الاسافير وخاصة في سودانفوراول؟ Author: osama elkhawad Date: 03-15-2015, 10:57 AM Parent: #51
الاستاذ عبد العزيز عثمان سلامات قلت سيدي:
Quote: المحترم استاذ اسامة تحياتي ماهي اشتراطات الفيد باك مثلا التي لا توجد هنا لتعين علي تكريب عملك كما ذكرت والله انا خال ذهن وقد فسرتها بان القراء الحصيفين الذين يساعدوك بقراءة نقدية مفيده غير موجودون هنا ان كان هذا مقصدك تلومت انت وان كنت تقصد شئيا اخر تلومت انا وصرت ملوما واحمق اقصد نفسي ووالله لك محبتي واحترامي
المسألة أصلا تتعلق بنصوص ودراسات وترجمات و فيديوهات شعرية بسطتها في سودانفوراول، و بعض البوستات والتعليقات في سودانيزاونلاين.
لم أجد في الغالب "فيد باك" يساعدني في اكتشاف مواضع القوة في ما أحاوله، ومواضع الضعف كي أتداركه. طبعا في الراكوبة، تم شتمي تماما. ولهذا توقفت عن النشر فيها، رغم أن الموقع وفر لي مساحة لنشر نصوصي بناء على طلبي، وقد كانت ادارة الموقع كريمة جدا، وأشكرها على ذلك.
نصوصي في الغالب، لا تجد "فيد باك" ربما لانها لا تستحق ذلك، و هذا تقصير مني. ولذلك، وتوفيرا للباندويث، لن أنشر نصوصي في الأسافير ، و سأنشرها في مواقعي الشخصية أي في "الحوار المتمدن" و "يوتيوب". فهي مواقع أشبه بالنشر التقليدي بشكل كبير. وسأكتفي بالتعليقات، و غيرها هنا و في سودانفوراول.
أرجو أن يكون كلامي قد أجاب على مداخلتك. أرقد عافية.
Post: #57 Title: Re: لماذا مسحت نصوصي في الاسافير وخاصة في سود� Author: osama elkhawad Date: 03-15-2015, 11:13 AM Parent: #55
Quote: عليك الله حنسّت منو عشان يعملك ندوة، هل يُعقل إتحاد الكتاب السودانيين ديل يخصصو ليك ندوة ؟، ليه يعني من مستوى كتاباتك الرفيع واللآ من تهافت القراء علي لغاويسك وإنتشارها في الأفاق. إنت قايل روحك بُشرى الفاضل واللآ حسن موسى ؟...
يا سيدي/ أراك مصرا على إطلاق النار على نفسك. العبدلله من مؤسسي اتحاد الكتاب السودانيين،و ثاني اثنين من طارحي فكرة تاسيسه، وعضو أول لجنة تنفيذية في الاتحاد، و مساهم في كتابة مسودة دستوره.
يبدو أنك تعرفت على "التاريخ الثقافي السوداني" من خلال الاسافير، وهذا سبب وجيه آخر كي : تطلق النار على نفسك.
Post: #60 Title: Re: لماذا مسحت نصوصي في الاسافير وخاصة في سود� Author: معاوية المدير Date: 03-15-2015, 11:17 AM Parent: #55
Quote: لم أجد في الغالب "فيد باك" يساعدني في اكتشاف مواضع القوة في ما أحاوله، ومواضع الضعف كي أتداركه.
بسسسسسسسسسسسسس، عضي دي قوييييييييي ؤُ ما تخليها تفك مِنّك. ذلك لأنك لم تلتزم بحديث الرسول صلي الله عليه وسلّم وتحدث الناس بما يعرفون، وجعلت مصطلحاتك الغريبة هي الأصل واللغة هي الفرع لتأتي بكلآم لا يفسح المجال للآخرين كي يبدو رايهم فيما تكتب. يا سيدي ما ممكن تكتب كلآم تفهمو إنت وتجزم انّ الآخرين يفهموه. قنالك بطل حكاية المصطلحات الغريبة دي واكتب ساكت لا تضيّع موهبتك. عليك الله ما تجي تقول لي ادواتك وشواكيشك وزرديتك ؤُ منقاشك، غايتو دا كلآم جاني في دقنوسي ؤُ قلتو ليك كنصيحة وكفى.
عاين جاي، ما تنسي تغير معاك العنوان وإنت مارق، سمح...
Post: #62 Title: مداخلتي الاخيرة: تذكرْ قصة "الدحيش" Author: osama elkhawad Date: 03-15-2015, 11:29 AM Parent: #60
Quote: سسسسسسسسسسسسس، عضي دي قوييييييييي ؤُ ما تخليها تفك مِنّك. ذلك لأنك لم تلتزم بحديث الرسول صلي الله عليه وسلّم وتحدث الناس بما يعرفون، وجعلت مصطلحاتك الغريبة هي الأصل واللغة هي الفرع لتأتي بكلآم لا يفسح المجال للآخرين كي يبدو رايهم فيما تكتب. يا سيدي ما ممكن تكتب كلآم تفهمو إنت وتجزم انّ الآخرين يفهموه. قنالك بطل حكاية المصطلحات الغريبة دي واكتب ساكت لا تضيّع موهبتك. عليك الله ما تجي تقول لي ادواتك وشواكيشك وزرديتك ؤُ منقاشك، غايتو دا كلآم جاني في دقنوسي ؤُ قلتو ليك كنصيحة وكفى.
عاين جاي، ما تنسي تغير معاك العنوان وإنت مارق، سمح...
يا سيدي ، لست مؤهلا لإدارة حوار معك،
وأنت تحتقر "المصطلحات الغربية"،
و تريدني أن ألتزم ب....:،
كنسخة داعشية أخرى.
يا سيدي:
إهنأ بقبرك الاسفيري.
وسأدعو الاسفيريين،كي يقرأوا الفاتحة على روحك.
ولا عزاء للمنتحرين.
Post: #61 Title: Re: لماذا مسحت نصوصي في الاسافير وخاصة في سود� Author: عبدالعزيز عثمان Date: 03-15-2015, 11:22 AM Parent: #55
ود المدير ياقريبي ياخ سلام عليك اليوم اريد لاول مرة ان اقسو عليك من حقك ان تنقد الاخ اسامة كما تريد فالناس يختلفون في الذوق الرجل اديب مجتهد سلاحه الكلمة وقد برع واجاد حسب رؤيتي في اعمال له كثيرة ثم انه حاول التجريب في رؤية راقت له قد يكون جانبه التوفيق قد تكون التجربة تحتاج لمزيد من الاجتهاد قد تكون اذواق تعودت علي نوع ما لم تستلطفها ولكنها تظل بنت الانسان بنت عقله واجب علينا نسبتها للانسان ويا ود المدير الومك اذ تنسبها لما نسبتها له لذلك اولا نقترح ،،،شيل صورة الحيوان في مخاضه من هنا احذف كلمة التشبيه وامرق لينا شغل الزول ده والله اي شئ نراه عمل ضعيف نديهو راينا علي طول نثني علي الجميل ونزم القبيح ياخي هسع انا والله يوم واحد ما ظننت بنفسي انني اديب هي محاولات لاضفاء جماليات بها الف هنة وهنة لكن برائك الطيب واعانتك لي وراي اسامة ونقده لي وتصحيحه لي بل واعانتي يمكن يوما ما ان اخرج مايمتع فياخي،،،،،لسنا اعداء نحن ضد الكره والقبح كاحباب الكلمة والادب
Post: #58 Title: Re: شكرا سيدي andquot;حامل الحطبandquot;... Author: ياسر منصور عثمان Date: 03-15-2015, 11:13 AM Parent: #51
الاخ عبد العزيز حسن
احسنت التعبير عني وعن امثالي من القاعدين ساكت او السيتنق ساكت كما يقول احد الاعزاء..
يا اخي معارض الشخبتة دي جربتها مرة واحدة ومن ديك وعيك تاني حرمت...
علا اظنك ظلمت محمد ميرغني
هههههههههههههههههه
Post: #59 Title: Re: شكرا سيدي andquot;حامل الحطبandquot;... Author: ياسر منصور عثمان Date: 03-15-2015, 11:15 AM Parent: #58
ود المدير
مادام السلا بسوي الطمام ...ما تشوفلنا اللبا ياخ..
مع ودي وتقديري لك ولاستاذ اسامة الخواض
Post: #63 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 11:30 AM Parent: #59
Quote: لا اعرف اسباب الخلاف بين اسامة ومعاوية فقط اود التعبير عن راى شخصى
اسامة الخواض شاعر كبير ضمن كوكبة من شعراء السودان نعتز بهم
يا محمد رايك علي العين والراس، ولك الشكر الجزيل علي المداخلة.
مودتي...
Post: #64 Title: مداخلتي الاخيرة: تذكرْ قصة "الدحيش" Author: osama elkhawad Date: 03-15-2015, 11:33 AM Parent: #63
Quote: سسسسسسسسسسسسس، عضي دي قوييييييييي ؤُ ما تخليها تفك مِنّك. ذلك لأنك لم تلتزم بحديث الرسول صلي الله عليه وسلّم وتحدث الناس بما يعرفون، وجعلت مصطلحاتك الغريبة هي الأصل واللغة هي الفرع لتأتي بكلآم لا يفسح المجال للآخرين كي يبدو رايهم فيما تكتب. يا سيدي ما ممكن تكتب كلآم تفهمو إنت وتجزم انّ الآخرين يفهموه. قنالك بطل حكاية المصطلحات الغريبة دي واكتب ساكت لا تضيّع موهبتك. عليك الله ما تجي تقول لي ادواتك وشواكيشك وزرديتك ؤُ منقاشك، غايتو دا كلآم جاني في دقنوسي ؤُ قلتو ليك كنصيحة وكفى.
عاين جاي، ما تنسي تغير معاك العنوان وإنت مارق، سمح...
يا سيدي ، لست مؤهلا لإدارة حوار معك،
وأنت تحتقر "المصطلحات الغربية"،
و تريدني أن ألتزم ب....:،
كنسخة داعشية أخرى.
يا سيدي:
إهنأ بقبرك الاسفيري.
وسأدعو الاسفيريين،كي يقرأوا الفاتحة على روحك.
ولا عزاء للمنتحرين.
Post: #65 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 11:34 AM Parent: #63
Quote: العبدلله من مؤسسي اتحاد الكتاب السودانيين،و ثاني اثنين من طارحي فكرة تاسيسه، وعضو أول لجنة تنفيذية في الاتحاد، و مساهم في كتابة مسودة دستوره.
تشرفنا. طيّب ما تقول كدي من اللول، يعني البُكان بُكانك وإنت سيدو، صدقني كان ما كدي لغاويسك دي ما كان أهلتك.
ما تنسي تغير معاك العنوان وكِت تجي تمرق، سمح...
Post: #66 Title: Re: شكرا سيدي andquot;حامل الحطبandquot;... Author: معاوية المدير Date: 03-15-2015, 11:48 AM Parent: #65
Quote: ود المدير ياقريبي ياخ سلام عليك اليوم اريد لاول مرة ان اقسو عليك من حقك ان تنقد الاخ اسامة كما تريد فالناس يختلفون في الذوق الرجل اديب مجتهد سلاحه الكلمة وقد برع واجاد حسب رؤيتي في اعمال له كثيرة ثم انه حاول التجريب في رؤية راقت له قد يكون جانبه التوفيق قد تكون التجربة تحتاج لمزيد من الاجتهاد قد تكون اذواق تعودت علي نوع ما لم تستلطفها ولكنها تظل بنت الانسان بنت عقله واجب علينا نسبتها للانسان ويا ود المدير الومك اذ تنسبها لما نسبتها له لذلك اولا نقترح ،،،شيل صورة الحيوان في مخاضه من هنا احذف كلمة التشبيه وامرق لينا شغل الزول ده والله اي شئ نراه عمل ضعيف نديهو راينا علي طول نثني علي الجميل ونزم القبيح ياخي هسع انا والله يوم واحد ما ظننت بنفسي انني اديب هي محاولات لاضفاء جماليات بها الف هنة وهنة لكن برائك الطيب واعانتك لي وراي اسامة ونقده لي وتصحيحه لي بل واعانتي يمكن يوما ما ان اخرج مايمتع فياخي،،،،،لسنا اعداء نحن ضد الكره والقبح كاحباب الكلمة والادب
عبد العزيز يا قريبي، يا عمي ابسط واقسو، ؤُ ليك علي كان تضرب باليمين نديرلك الخد الشمال. يا عبد العزيز الله يرضى عليك أنا ما ناقد عشان انقد الزول دا، لكن لو تابعت الخواض بتلقاهو يتعامل مع الناس بدونية لأنهم لا يفهمون جلافيطو دي، الراجل سألتو مستغرب من معني كلآم جابو اغرب من إستغرابي شبكني حمال حطب ؤُ طلح. عليكم الله خلو بيني وبينه ؤُ روحو راجعو مكتبتو ؤُ مداخلآتو في الأسافير. دا عايز يفرض حاجاتو دي علي الناس وغصباً عنهم يقتنعو بيها ويشكروها وإلا هم عوام ساكت.
مودتي...
Post: #67 Title: Re: شكرا سيدي andquot;حامل الحطبandquot;... Author: عزالدين عباس الفحل Date: 03-15-2015, 12:01 PM Parent: #66
معاوية المدير
...
ود المدير ، سلام ، ياخي مالك مع قريبي ، osama elkhawad أُسامة الخواض ، من أميز كتاب وشعراء المنبر ، أرفع الأبنص شوية ، مالك بقيت شكال كدا ، روق المنقة ، ياخي ، ،،،،
مررت يا ود المدير على البوست الاول و لشد ما هالنى كمية الاصطفاف الفيهو بفكرة مع او ضد فالتفيير المنشود و الذى يحمل لواءه المستنيرون هو كما العملية التعليمية فى مكوناتها مدرسة معلم تلميذ معينات تعليمية و لو غاب عنصر التلميذ من هذه المكونات لانهارت العملية برمتها وكذلك التغيير الذى ينشده حملة لواء الاستنارة مستنير وسيط مشترك متلقى و لو غاب المتلقى عن معادلة التفيير لانهارت عملية التغيير برضو... نسبة للاصطفاف غابت الردود المفيدة التى تثبت خطأ الخواض فى دعوته بعزل انصاف المتعلمين>>> باعتبار مكونات التغيير ..الفوقانية .. دى . و بالتواصل مع المستهدف تنكشف اوجه القصور و طرق المعالجة بالتالى تواجد المتلقى بالمنبر ضرورة يفرضها التغيير ذات نفسو
Post: #70 Title: Re: شكرا سيدي andquot;حامل الحطبandquot;... Author: معاوية المدير Date: 03-16-2015, 05:31 AM Parent: #69
يا أُستاذ الخواض طلب خاس، كدي تعال أحكي لينا عن رحلتك مع الأدب الحديس والملط إلا خط مديا، ؤُ كمان يا حبذا لو وريتنا عدد الجوايز الفزتبا في رحلتك العريقة العميقة مع الأدب الحديس، ؤُ منو الذي أطلق عليك لقب صياد العصافير ؟.
زيت عافية للصحة والعافية...
Post: #71 Title: Re: شكرا سيدي andquot;حامل الحطبandquot;... Author: عزالدين عباس الفحل Date: 03-16-2015, 01:45 PM Parent: #70
معاوية المدير
...
osama elkhawad أُسامة الخواض ، دا راجل مهذب شديد ، عليك الله ، روق المنقة ، ياخي ، ،،،،
...
عزالدين عباس الفحل ابوظبي ...
Post: #72 Title: Re: عفواً أُستاذ الخوآض، يوجد أكثر من سِلآ ... Author: أبوذر بابكر Date: 03-16-2015, 02:43 PM Parent: #1
السلام عليكم يا قوم
وتحية لأخينا معاوية وضيوفه اجمعين
ولأخينا أسامة الخواض
والله لى فترة بفتح موضوعكم ده وبشوف واسمع، وجريا على عادتى او ربما قناعتى بالزهد فى محلات الخلاف والاختلاف "الاسفيرية" وما شابه على اساس انها وفى احيان ومرات كتيرة، وما غالبا طبعا، بتكون لأسباب عديدة بلا طائل من وراها او انها بندق فى بحر زى ما بقول اهلنا
وفى ما يتعلق بالموضوع داير اقول انه
الأدب وبكل ابوابه وانواعه وبحسب انه واحد من ضروب الفعل الإبداعى الإنسانى زيه زى أى فعل تانى، ما شى ثابت وجامد وما بتغير والانسان من يوم نزوله للكوكب ده كل يوم بجدد ويحدث ويبتكر ويبدع، يبدع هنا بمعنى الإتيان بالجديد، لغرض تحسين حياته وتجميلها ما استطاع سبيلا
ولو مسكنا الأدب تحديدا بكل اشكاله من شعر ونقد وقصة الخ، بحكم انه موضوع الخلاف هنا، وزى ما كلنا بنعرف انه مر بمراحل كتيرة متغيرة سواء فى المضمون او الطريقة او الغاية او حتى الشكل البنائى والمدارس الأدبية المتعددة دليل وشاهد على كده، وفى كل فترة بلنقى طرح جديد فى أى من مجالات الأدب، مرات يقبل ويحتفى به ومرات يرفض ويرمى، مرات يستمر ويقوى وينتشر ومرات يوأد فى مهده وينسى تماما
معليش للمقدمة الطويلة
اسامة الخواض واحد من الأسماء الشعرية العالية جدا فى السودان وحتى فى خارج السودان، وهو شاعر حقيقى بكل ما تعنى الكلمة، ونحن بصفتنا من محبى الشعر قريناه واعجبنا بانتاجه وابداعه الشعرى زيه زى محمد المكى وسند والفيتورى والنور عثمان ابكر ومحمد عبد الحى الخ قائمة االشعراء الأفذاذ المجيدين
وأسامه عنده اسهامه الكبير فى الشعر السودانى الحديث وفى مجال النقد كمان، فهو ناقد واعى ويمتلك كل مقومات وذخيرة النقد المؤسسس العارف
وأنا شخصيا كزول محب للأدب والشعر خصوصا، لى هسه بنحاول ونجرب نكتب لينا شعر زى شعر أسامة الزمان
الكلام ده يا اخوانا ما شكر ولا دفاع عن الخواض، لكن هو مجرد توصيف لأسامه ومحض بيان عن حقيقته وحاله لأنه فعلا هو كده
اتذكر أنا شخصيا وربما يتذكر اخونا الخواض، انه هنا فى ذات المكان وفى مناسبة ما، قلت لأسامة
لماذا تركت الشعر وحيدا ؟
استلهاما لقصيدة محمود درويش الشهيرة وعنوان واحد من مجموعاته الشعرية
لماذا تركت الحصان وحيدا ؟
تتذكر الكلام ده يا اسامه ؟
قلت لأسامة السؤال ده لأنى شفت ولاحظت انه ترك وطلق الشعر، الشعر البنعرفه نحن ونحبه ونقراه، ونفخر بيه والله، زى روايات الطيب صالح تماما
ويمكن يكون كمان هو الشعر البقراه ويحبه اخونا معاوية، لأنه فعلا شعر حقيقى وجميل وعالى بمعنى الشعر
قلت كده لأسامة لأنه بدأ فى تجريب انواع او اجناس كتابية جديدة ومختلفة تماما، عن كتابة اسامة وعن كتابة باقى الخلق كلهم
وده بالمناسبة ما شى كعب ولا مرفوض
السؤال أو المحك بكون فى مدى قبول ورفض المتلقى
ولطالما ابتكر الناس وجربو، فى كل مجال فى الحياة مش فى مجال الأدب فقط، وياما رفضت تجارب وياما احتفل الناس بتجارب
وياما طلعت تجارب ورفضها الناس فى البداية، وبعد حين من الدهر اكتشفو وعرفو وفهمو حقيقتها ورجعو يكرموها
والنماذج والأمثلة كتيرة وفى كل مجالات الحياة تقريبا، لأنه التجريب، ومنهج الصواب والخطأ هو اكتر منهج فعال ومفيد وقاطع فى كل التجارب الإنسانية التعليمية
اما المعيار أو المقياس للقبول أو الرفض فا ده موضوع طويل ومتشعب وده ما مكانه
اسامة اجتهد وابتكر أو خلق شكل وبنية ومفهوم ومعنى جديد للكتابة ولطريقة توصيل طرحه وانتاجه للناس
فإن اصاب فهو مشكور، وان اخطأ فهو برضو مشكور على الأقل حاول وعمل وانجز وبعد كده زى ما بقولو
المتلقى هو الفيصل والحكم
والشخص المنتج عليه بعد داك القبول بحكم المتلقى لأنه المتلقى ليهو اللحم وللمنتج العضم فى المقام الأول
الشى الكعب الوحيد البحصل فى الإلتقاء ده، وحكم الرفض أو القبول، هو جنوح اى من الحالتين ديل لمناطق تانية من التحاور
يعنى الرفض يبقى اختلاف ومعركة وشد وجذب وابتعاد عن الموضوع الأساسى، والقبول يبقى تهويل واحتفال زائد عن الحد
ان شاء الله اكون قدرت وصلت الفهم المطلوب وما اكون جطت الشغلانه ساى
وتحايا مجددا للأخوين معاوية واسامة وكل الزملاء الهنا
مع الأمنيات ببذل الصبر ومحاولة التغاضى والابتعاد عن كل ما يشين ويزيد الطين بله
Post: #73 Title: Re: عفواً أُستاذ الخوآض، يوجد أكثر من سِلآ ... Author: عثمان الأمام Date: 03-16-2015, 03:09 PM Parent: #72
سلام معاوية المدير وزواره الكرام
الأستاذ أسامة الخواض أكتر شاعر لاقت قصائده سخرية (وليس نقد) في المنبر ده إن اعجبتك كتاباته أم لم تعجبك يظل شاعر مجيد يكتب بلونية قد لا تروقك أو لا تفهمها وقد لا تمتلك الأدوات لتقييمها من الأساس.
سطر وجهة نظرك وحدد نقاط أختلافك ورؤيتك حولها وأترك للمتابعين التقييم أما السخرية بهذه الطريقة فهي لا تليق بك وأنت لست ببعيد عن مجال الأدب.
Post: #74 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-19-2015, 02:52 AM Parent: #73
Quote: ود المدير
مادام السلا بسوي الطمام ...ما تشوفلنا اللبا ياخ..
ياسر منصور، لك مودتي.
يا زول اللِبا دا أهلنا المعوكاب بيموتو فيهو موّت، علي النعمة نحن زمان ما تلد عز في الحِلة إلآ ؤ تلقانا كل وآحد ماليلو كورية وخشمو مجلبط باللِبا.
معوكابي وبريد اللِبا.
مودتي...
Post: #75 Title: شكرا للذين تداخلوا، وإن لم يرعوِ، دعوه "يطلق النار على نفسه" Author: osama elkhawad Date: 03-19-2015, 06:08 AM Parent: #74
التحايا لكل من مروا من هنا
و التحية أيضا لصاحب البوست الذي اجتهد بدون خلفية معرفية شعرية نقدية ملتميدية سردية، تؤهله كي يخرج "العبدلله" من دائرة الحركة الثقافية السودانية.
قد ادعى زورا أنني "وسطت" آخرين كي تكون لي ندوة في اتحاد الكتاب السودانيين تحدثت فيها عن تجربتي قيد الانجاز في "النص الشعري الملتيميدي"!!!!!!!!!!
السيد معاوية المدير "تعرّف" على التاريخ الثقافي السوداني هنا في المنبر.
ولذلك يمايلني كي يتعرّف علي "شحصيا". أرى تلك محاولة إنسانية معقولة، وأعطيته رقم تليفوني.
لكنني "اشترطت" عليه أن "يتعرّف " علي إبداعيا، قبل أن يهاتفني كي يتعرّف علي "شخصيا"؟ ولم يتصل. وذكرت له أنني كتبت نصا شعريا معروفا عن "عطبرة"،و هو لم يقرأه؟؟؟؟؟و وهو من النصوص التي أشاد بها كثيرون ومن ضمنهم الناقد الدكتور "أحمد الصادق"، الناقد الأشهر الآن في السودان.
هذه شخصيات تربت في الاسافير، ولم تتعرّف علينا،
وعلى من يعتقد أنني "أقل منهم" مثل بشرى الفاضل وحسن موسى،إلا من خلال الاسافير.
ولذلك استكثر عليَّ "ندوة" في اتحاد الكتاب السودانيين، والعبد لله واحد من مؤسسيه وعضو لجنته التنفيذية الاولى عام 1986، وقال أنني عملت "واسطة" حتى يمكنني أن أتحدث في "ندوة " في اتحاد الكتاب!!!!!!
وهو لا يعرف أنني عملت ندوة في أول عودة للسودان،بعد غياب طويل: عن القراءة الخاطئة لموسم الهجرة الى الشمال".
لقد سبق لي أن حذرته،و قلت له :
انك تطلق "النار " على نفسك.
لا إدعاءات لي،و لكنني أعلم كمية "الجهل" الذي يختزنه.
دعوه يشتم، دعون يخرج كل مخزون جهله:
وفي آخر الأمر ستكون النتبجة نفسها التي تنبأنا بها:
"إنه يطلق النار على نفسه؟؟؟
ولا عزاء للمنتحرين؟؟؟
ويقام المأتم ب...........
الرب أعطى، والرب أخذ.
Post: #76 Title: Re: شكرا للذين تداخلوا، وإن لم يرعوِ، دعوه andquot Author: معاوية المدير Date: 03-20-2015, 00:32 AM Parent: #75
Quote: الأخ أسامة طبعاً الأمر المحير في قصتك هذه هو أن ينكص شخص مثلك على عقبيه بينما كان قد ظل ردحاً من عمره يبشر بالحداثة والخروج ليس فقط على بحور الشعر بل على التفاعيل نفسهاوانتقل ليكتب قصيدة النثر كمحطة أثيرة ؛ ليجيء ويناقش في صحة وزن مقطع. أنا لن اصحح المقطع المشار إليه ليس عن مكابرة ولكن لأنه صحيح فانت لابد أنك كنت تسكن لتسلم بينما المفروض أن تقرأ الكلمات وهي متحركة لا ساكنة.ومن ناحية أخرى لن أبعث إليك بالديوان لتصححه لانك لا تعتبرني شاعراً يكتب بالفصحى من أساسه. وقد قلت ذلك في مناقشاتك الساخنة معي قبل سنوات من على صفحات هذا المنبر وربما في سودان فور اوول. أشك في مقدراتك العروضيةمن ناحية أخرى ومن ناحية ثالثة أنت وجهت لي إساءات بالغة لم تعتذر عنها. هل نسيت وصفك لي بالمتاكدم؟ بعد اثر فأسك هذا هل تأتي لتمد يدك لتقديم عون أنا في الأساس لم أطلبه منك؟ طبعاً قراءتي للديوان بعيني وحدهما لا تكفي وقد دفعت به منذ أكثر من ثلاث سنوات لصديق وأدفع به الآن لأكثر من صديق وجهة مدققة وأعمل على التدقيق اللغوي فيه أيضاًبنفسي رغم الشواغل احتراماً للقاريء وفي نهاية النطاف فالاصدقاء والعيون المدققة تترك الأمر النهائي في اعتماد هذا أو ذلك من التصويبات لي. شيء عجيب فالحداثة التي هزمت المحافظين ها هي تواجه اليوم حداثوياً محافظاً مثلك لا ينظر إلى وجود الشعرية من عدمها في النصوص المطروحة أمامه بل (يوحل في عبارة) بينا خطله فيها امامه فإذا به ينشغل بعظمته الوهمية(من عظم) بدلاً عن النظر في لحم القصيد.لا يا أسامة لن أرسل لك الديوان .يمكنك فيما بعد أن تحصل على نسختك الخاصة إن شئت, بعد طبعه وأن تنتقده ما عنّ لك فهذا شانك.وحق الرد مكفول للقراء وللنقاد .
Quote: ويبدو أن عليَّ استخدام "سلاح" الهجاء مستقبلا في مواجهة هذه "الطفيليات" وحمّالي الحطب
Quote:
لن أعتذر عما قلت به بخصوص الاستاذ معاوية المدير حمّال الحطب،الذي آذاني كثيرا، وكل "الطفيلييين" من أشباهه، والمشوهين للشعر العربي الحديث.
Quote: "المعوكابي البرجوازي الصغير ،
Quote: وجمع حوله كثيراً من الرجرجة، وضحايا "التعليم" ، من أشباه المتعلمين.
و كان السيد الشاعر معاوية المدير من "حمَّالة الحطب"، في تلك "المحرقة الاسفيرية".
Quote: لا إدعاءات لي،و لكنني أعلم كمية "الجهل" الذي يختزنه.
Quote: دعوه يشتم، دعون يخرج كل مخزون جهله:
كدي بحبت كان تلقى لي شتيمة ليك إنت أو لغيرك. أضف إلي شتايمك الفوق ديل تغييرك لعنوان البوست اكتر من مرّة، وهذا ليس من حقك...
Post: #78 Title: Re: شكرا للذين تداخلوا، وإن لم يرعوِ، دعوه andqu Author: معاوية المدير Date: 03-20-2015, 01:20 AM Parent: #77
Quote: قد ادعى زورا أنني "وسطت" آخرين كي تكون لي ندوة في اتحاد الكتاب السودانيين تحدثت فيها عن تجربتي قيد الانجاز في "النص الشعري الملتيميدي"!!!!!!!!!!
متين إدعيت يا زول ؟...
Post: #79 Title: Re: شكرا للذين تداخلوا، وإن لم يرعوِ، دعوه andqu Author: معاوية المدير Date: 03-20-2015, 01:23 AM Parent: #78
Quote: وقال أنني عملت "واسطة" حتى يمكنني أن أتحدث في "ندوة " في اتحاد الكتاب!!!!!!
وين أنا قُلت الكلآم دا ؟...
Post: #80 Title: Re: شكرا للذين تداخلوا، وإن لم يرعوِ، دعوه andqu Author: معاوية المدير Date: 03-20-2015, 01:56 AM Parent: #79
Quote: ولذلك يمايلني كي يتعرّف علي "شحصيا". أرى تلك محاولة إنسانية معقولة، وأعطيته رقم تليفوني.
لكنني "اشترطت" عليه أن "يتعرّف " علي إبداعيا، قبل أن يهاتفني كي يتعرّف علي "شخصيا"؟ ولم يتصل. وذكرت له أنني كتبت نصا شعريا معروفا عن "عطبرة"،و هو لم يقرأه؟؟؟؟؟و
أشكرك جداً علي رقم التلفون. حصلت بيننا مُشادة هنا وبعدها طلبت منك رقم التلفون، وكان الغرض من ذلك ان إتصل عليك واطيّب خاترك، واتعرفك من قُرب كأخ وزميل في المنبر لكن ظروفي لم تسمح رغم ان النيّة ما زالت قائمة متي ما أُتيحت لي الفرصة إلا إذا أبيت أنت. تربطني علآقة بكثير من الزملاء والزميلات هنا وبيني وبينهم إتصالآت ؤُ حبيت إتصل عليك واتعرفك. كان عندك مُمانعة كلمني، ولك شكري في كل الأحوال.
أنا ما عارف محلو وين النص بتاع عطبرة دا ؟. إبداعياً انا ما انكرت إبداعك ؤُ ما اخفيت راي في لغايسك البتكتبا بجانب إبداعك...
Quote: Quote: قد ادعى زورا أنني "وسطت" آخرين كي تكون لي ندوة في اتحاد الكتاب السودانيين تحدثت فيها عن تجربتي قيد الانجاز في "النص الشعري الملتيميدي"!!!!!!!!!!
متين إدعيت يا زول ؟...
هنا تساؤل للاستاذ معاوية المدير عن انه لم يقل بما قال به عن ندوتي في اتحاد الكتاب السودانيين عن "تجربتي في النص الشعري الملتيميدي".
وأدناه ما قال به، وقد نكره ولم يجف بعد حبر "كيبورده":
Quote: عليك الله حنسّت منو عشان يعملك ندوة، هل يُعقل إتحاد الكتاب السودانيين ديل يخصصو ليك ندوة ؟، ليه يعني من مستوى كتاباتك الرفيع واللآ من تهافت القراء علي لغاويسك وإنتشارها في الأفاق. إنت قايل روحك بُشرى الفاضل واللآ حسن موسى ؟...
وفكر: لكن لن تجد من مهرب سوى: "إطلاق النار على نفسك".
Post: #86 Title: العبدلله ليس في وزن"بشرى الفاضل"،و"حسن موسى" كي يقيم لي اتحاد الكتاب السودانيين ندوة؟؟؟؟ Author: osama elkhawad Date: 03-20-2015, 07:23 AM Parent: #85
قال الاستاذ معاوية المدير، مستكثرا علي إقامة ندوة في "اتحاد الكتاب السودانيين"، بحجة أنني لست في وزن "بشرى الفاضل" أو "حسن موسى"، ولعدم تمتُّعي بوزن "بشرى الفاضل"، و"حسن موسى"، فالعبد لله ،حسب زعم الاستاذ معاوية ، قد "حنّس" شخصا ما ، لكي يقتنع "اتحاد الكتاب السودانيين"، بأن يعقد ندوة لي؟؟؟؟؟؟؟
Quote: عليك الله حنسّت منو عشان يعملك ندوة، هل يُعقل إتحاد الكتاب السودانيين ديل يخصصو ليك ندوة ؟، ليه يعني من مستوى كتاباتك الرفيع واللآ من تهافت القراء علي لغاويسك وإنتشارها في الأفاق. إنت قايل روحك بُشرى الفاضل واللآ حسن موسى ؟...
Post: #87 Title: Re: العبدلله ليس في وزنandquot;بشرى الفاضلandquot;،وandquo Author: عمر نملة Date: 03-20-2015, 08:41 AM Parent: #86
سلام سلام يامدير لك مكانه وطعم خاص في المنبر. وجل من لا يسهو حسب وجهة نظري في بوست البروف امين واتبعه بوستك فتاة السليكون وهذا البوست هو محاول لحرق واغتيال ابداعات اسامه الخواض وكلما استمريت زدت الطين بله. فلك الخيار وليس امر. لاتبخس الخواض واعماله التي لاشك هي ولدت من بعد جهد وسهر ودراسه. يلزمك اعتذار لكي تحافظ على مكانتك وطعمك ولرد الأشياء للخواض وأخيرا لقيمة الاعتذار
Quote: سطر وجهة نظرك وحدد نقاط أختلافك ورؤيتك حولها وأترك للمتابعين التقييم أما السخرية بهذه الطريقة فهي لا تليق بك وأنت لست ببعيد عن مجال الأدب.
Post: #88 Title: Re: العبدلله ليس في وزنandquot;بشرى الفاضلandquot;،و Author: معاوية المدير Date: 03-20-2015, 01:45 PM Parent: #87
سلآمات يا عمر، هاك شوف التصرفات دي والتي لا تليق بطالب إبتدائي: Re: فيديو يجعل الحليم حيرآن، توجد فطيّسة ...Re: فيديو يجعل الحليم حيرآن، توجد فطيّسة ... ؤُ راجع بوست عبد الحفيظ ابو سن، كيف تموت البوستات، ثمّ و الخواض شتمني رغم إنني لم اتعرض لشخصه. للأخ عثمان تحياتي واتفق معه، كنت قررت عدم الرجوع للبوست نزولاً لرغبة بعض الأخوان الكرام، والآن إكراماً لك و للأخ عثمان وكلّ من مرّ علي هذا الخيط هادي طرفي من البوست أما إعتذار للخواض فأرجو ان تعذرني من ذلك ولك مودتي. شكراً لك وللجميع...
Post: #89 Title: Re: العبدلله ليس في وزنandquot;بشرى الفاضلandquot;،و Author: osama elkhawad Date: 03-21-2015, 02:31 AM Parent: #88
Quote: أما إعتذار للخواض فأرجو ان تعذرني من ذلك ولك مودتي. شكراً لك وللجميع...
والعبدلله لا يقبل اعتذارا ، وليس "إعتذارا" كما كتبت سيدي، من "الأموات".
نمْ هانئا في قبرك الاسفيري.
ولا عزاء للمنتحرين.
لقد حذّرك العبدلله من "مغبة إطلاق النار على نفسك"،
Post: #91 Title: هل من "دروس مستفادة" من "إطلاق ودالمدير النار على نفسه"؟؟؟؟؟؟؟؟؟؟؟؟؟ Author: osama elkhawad Date: 03-21-2015, 08:52 PM Parent: #90
إطلاق ودالمدير النار على نفسه هل من "دروس مستفادة"؟ الفرق بين "المحاكاة" الخائبة والمجاراة بعد ان اطلق السيد معاوية المدير النار على نفسه باختياره، رغم تحذيرات "العبدلله"، وتحذيرات المعلقين الأفاضل المستبطنة في أن يمارس النقد الأدبي في نصوص العبدلله، ما هي الدروس المستفادة من "تيار اسفيري" غادر مؤسسه الأسافير في عزلة مجيدة، بحسب شهادة الاستاذ ودالمدير؟ لقد استمرأ السيد معاوية المدير "تتفيه" نصوص العبدلله الشعرية عبر محاكاة، هي في الأصل، تعكس قدراته اللغوية و العروضية المتواضعة من كاتب "غير معترف" ،تقرأ "غير محترف"، كما عرف نفسه يوما، انطلاقا من نزعة التباهي الأكاديمي التي تسم جل "أشباه المتعلمين". فما هو الفرق بين "محاكاة" تهدف إلى إثبات أن النص المحاكى لا ينتمي إلى جنس الشعر، كما حاول السيد معاوية المدير محاكاة نصي الشعري: مشاءة الاسفير، وبين "مجاراة" نص شعري، كتقليد شعري شائع، ويمكن أن نجد شواهد عديدة له مثلا من "شعر الحقيبة"؟
Post: #92 Title: هل من "دروس مستفادة" من "إطلاق ودالمدير النار على نفسه"؟؟؟؟؟؟؟؟؟؟؟؟؟ الجزء الثاني Author: osama elkhawad Date: 03-21-2015, 09:25 PM Parent: #91
وجارى السيد معاوية المدير نصا شعريا لأيقونة من أيقونات الشعر السوداني الحديث، ألا وهو "محمد المكي ابراهيم". و عكست مجاراة السيد معاوية المدير لنص "ودالمكي"، تماما قدراته الشعرية المتهالكة\المتواضعة، من حيث صنع الصورة الشعرية، و من حيث "العروض".
فالسيد معاوية المدير مفلس تماما، باعترافه، من حيث علاقته ب"عروض الشعر". فشل السيد معاوية المدير تماما، في مجاراة\معارضة نص محمد المكي إبراهيم.
وحاول عبر قدراته الشعرية المتواضعة "لغة وعروضا"، "تتفيه" نصي الشعري "مشاءة الاسفير"، كي يثبت ألا علاقة لنص العبدلله بالشعر، بالرغم من إعجابه "لاحقا" ،بمقاطع منه.
ليس من شاعر "معصوم" من النقد الرصين، ابتداء من شعراء المعلقات، ومرورا بأبي نواس، والمتنبي، وانتهاء بأدونيس ومحمود درويش ومحمد عبدالحي كأمثلة.
ولو كتب السيد معاوية المدير "نقدا رصينا"، لنصوص العبدلله، حتى ولو لم يكن في صالح النص الشعري المنقود، لكانت المحصلة مفيدة للشاعر أولا، وللقارئة ثانيا، و للخطاب النقدي ثالثا.
لكنه آثر منهج "تتفيه" النصوص الشعرية، انطلاقا من "قدراته اللغوية والعروضية" المتواضعة جدا. وهو "منهج" مبذول لكل عاطل عن الموهبة، إذ بإمكان أيٍ كان بغض النظر عن مقدراته الإبداعية، تتفيه أي نص.
باختصار كمثال،
يمكننا عبر "السيناريو المحاكي" التالي لواحد من اعظم نصوص الشعر العربي الحديث المعاصر، أي "العودة إلى سنار"، أن نتفِّه "العودة إلى سنار"، عبر المحاكاة التالية من النشيد الأول:
"بالأمس مر أول الذباب فوقنا، و"هرّ" هرّتين، قبل أن "يبول" ههههههههههههههه فهل هذه "المحاكاة\السيناريو"، تثبت أن "العودة إلى سنار"، لا تنتمي إلى "جنس الشعر"؟ هههههههههههههههههههه
هذا بالضبط، ما فعله البروفيسور في عزلته المجيدة، وتلميذه "الخائب":
الاستاذ معاوية المدير.
Post: #93 Title: شهادة الأستاذ "عثمان الإمام"، حول "حمّال الحطب" وآخرين Author: osama elkhawad Date: 03-21-2015, 10:49 PM Parent: #92
السيد "حمّال الحطب"،
و التلميذ الفاشل\الخائب للبروفيسور في عزلته المجيدة،
يشارك "آخرين" في هذا "المنبر العام"،
في "تتفيه" نصوص العبدلله ،و السخرية منها.
و قد أشار الأستاذ "عثمان الإمام"،
إلى ذلك في شهادته التالية:
Quote: الأستاذ أسامة الخواض أكتر شاعر لاقت قصائده سخرية (وليس نقد) في المنبر ده إن اعجبتك كتاباته أم لم تعجبك يظل شاعر مجيد يكتب بلونية قد لا تروقك أو لا تفهمها وقد لا تمتلك الأدوات لتقييمها من الأساس.
سطر وجهة نظرك وحدد نقاط أختلافك ورؤيتك حولها وأترك للمتابعين التقييم أما السخرية بهذه الطريقة فهي لا تليق بك وأنت لست ببعيد عن مجال الأدب.
لا أسطِّر هنا "غبينة" شخصية، و إن كنت لا أنكر مرارة التجربة لسنوات. هنا لا أدافع عن حقي في كتابة مختلفة، وإن لم ترق للبعض. ولكن في حق "الأجيال القادمة"، في هذا المنبر وغيره، في أن تكتب "كتابة مختلفة". و في نفس الوقت تتلقّى النقد الرصين، وإنْ لم يكن في صالحها، بدلا من إقامة "حفلات الشواء الآدمي"، و"السخرية" التي يديرها "أشباه متعلمين في مجال النقد الأدبي"، مثل : "البروفيسور في عزلته المجيدة" و "تلميذه الخائب شاعر "العامية "الأستاذ\معاوية المدير.
إنما أصنعه من أجلك أنت ، لتنظر فيه ، وتطَّلع على أسراره".
و قال أيضا: "ابن جنِّي أعلم بشعري منِّي". ****************************************************************************************** لم يلحْ قمرٌ في أعالي القصيدةِ،
لم يسكب الكونُ أسرارهُ من قناني القريض المعتَّقِ،
لكنّني موقنٌ ،
أنَّ طيفَ "ابن جنِّي"،
سيخرجُ من ثغْرةٍ ،
في جدار القوافي التي سطَّرتها أناملُ أيامي\الفالتاتِ،
و أنَّ "الوساطةَ" بيني و بين خصومي،
ستبذلها الريحُ للطائفينَ ببيتِ قصيدي،
و أنَّ "المفاليكَ"،
سوف يُفيقونَ من نوْمة الجهْلِ و الغِلِّ،
كي يستووا،
لصلاة الجناس المطرَّز بالاستعارة و التوريةْ ************************************************************* مونتري 28 ديسمبر 2012-18 أغسطس 2013.
Post: #95 Title: Re: andquot;المفاليـــــكandquot;:إلى andquot;مديريandquot; حفل� Author: عزالدين عباس الفحل Date: 03-22-2015, 05:35 AM Parent: #94
معاوية المدير
...
ود المدير يا فاصوليا ، تفصل ، فاصوليا بالحليب ، شرطت عينا ياخي ، رقم تلفون الخواض ، الرووووووب ، بحسبو لعب ، ،،،،
...
Quote:
أشكرك جداً علي رقم التلفون. حصلت بيننا مُشادة هنا وبعدها طلبت منك رقم التلفون، وكان الغرض من ذلك ان إتصل عليك واطيّب خاترك، واتعرفك من قُرب كأخ وزميل في المنبر لكن ظروفي لم تسمح رغم ان النيّة ما زالت قائمة متي ما أُتيحت لي الفرصة إلا إذا أبيت أنت. تربطني علآقة بكثير من الزملاء والزميلات هنا وبيني وبينهم إتصالآت ؤُ حبيت إتصل عليك واتعرفك. كان عندك مُمانعة كلمني، ولك شكري في كل الأحوال.
أنا ما عارف محلو وين النص بتاع عطبرة دا ؟. إبداعياً انا ما انكرت إبداعك ؤُ ما اخفيت راي في لغايسك البتكتبا بجانب إبداعك.. ،،،،
معاوية المدير
...
عزالدين عباس الفحل ابوظبي ...
Post: #96 Title: Re: andquot;المفاليـــــكandquot;:إلى andquot;مديريandquot; Author: محمد على طه الملك Date: 03-22-2015, 03:07 PM Parent: #95
سلامات أستاذ الخواض .. يقولون الاكثار تخمة .. والتخمة تؤدي إلى السمنة .. والسمنة مدخلا لأمراض عديدة منها الضغط وعلل القلب .. وإن اعتلّ القلب شكى منه سائرالجسد .. وإذا اشتكى سائر الجسد بات إيابه إلى التراب أقرب.. ويقولون كثرة الطلة مسخت خلق الله .. ويقولون ليس من أخلاق الفوارس الطعن من خلف ولا ملاحقة المنسحب من سوح النزال .. ويقولون العارف عزه مستريح .. فما بالك تركل عزك ! ليحاوشك التشفي وكنت في مخيلتنا مهضوم السريرة تلثم الأنفس برويّة الحكماء.. المجارة في الشعر ضرب من ضروب النقد الشعري طاب مقامك.. بحسبان أن مفهوم النقد لا يقف عند حد المعارضة من أجل المفاضلة والتحدي .. بل يسع ماعونه ويتمدد ليشمل السخرية الشعرية .. كفن من فنون النقد لا يملك أحد نزع لباسه عنه .. ضروب النقد الساخر متعددة غايتها تعرية دلالات واتجاهات النص .. سواء أكان ذلك من حيث اللغة أو الفكرة أو حتى التباين الثقافية .. شريطة ألا ينحو للجوانب الشخصية أو يكون العمل يدافع الكره والعداء الشخصي .. مبلغ ظني أن ود المدير ولج من مدخل التباين في محاكاته الساخرة .. وهو تباين لا زال يمثل حجر الزاوية في الصراع الدائر بين الحداثة والكلاسيكية وثقافة الأرض.. أما فيما يتعلق بقصيدة الشاعر المطبوع محمد المكي .. فالمناصصة التي أجراها ود المدير لا أظنه عنى بها السخرية أو التقليل من عظمة النص .. كثيرا ما ينحو المتناصين لانتقاء عمل له شهرته ومكانته في النفوس .. لينسجو على نسقه فكرة أخرى قد تكون مناقضة وساخرة يسعون لترويجها .. هذا في حدود جدية ومنطق تعليقي.. دون ذلك .. أوافقك الرأي بأن مجاراة ود المدير الساخرة لنصك الفاره البديع.. جاء مسيخا وممصمصا يشبه عوكابه .. لذا يستحق هذا الردم منك ليجوّد فيما بعد صنعتة فلا تخر على رأسه.. عجيبة والله ! هو قايل رحو البروف ؟ بالمناسبة : البروف رد الله غربته الاختيارية ما كان لك الإشارة إلية وهو غائب عنا .. هذا كلامي في إطار الأصول المرعية .. مع ذلك .. لا أخفيك سعادتي وبهجتي .. يستاهل تسلخ جلدة راسو خاصة وقرعته منزوعة اللبد ( خلقه كدا ).. وإن شئت العروج لمن آزروه في تلك الواقعة فافعل .. وها تلك عمامتي أخلعها .. ستجد تحتها شعرا غزيرا تجاريه مبتهجا بشفرة موسك .. ولكن .. أنبهك ولا أحذر جمجمتي خصبة ومرتوية .. عذق نبتها يزيدها انتاجا ويكثر .. فافعل إن شئت تربت يداك . عفوا : إن كانت هنالك أخطاء فهذا يعني أن الكي بورد مصاب بمرض باركنسون.. لك مودتي.
Post: #97 Title: "المشكلة وين لو كتب العبدلله نصوصا شعرية رديئة"؟ Author: osama elkhawad Date: 03-22-2015, 06:41 PM Parent: #96
الأستاذ محمد
سلامات
شكرا على ما تفضلت به من أفكار وروئ كثيرة.
وكنت أتمنى لو توفر لي الوقت للرد عليها واحدة واحدة.
ولكن ما باليد حيلة.
أرجو صادقاً، أن تقبل اعتذاري.
وآسف للاقتضاب الذي سأختمه بالسؤال التالي:
"ياخي المشكلة وين لو كتب العبدلله نصوصا شعرية رديئة"؟
مع خالص ودي واحترامي الفائقين.
أرقد عافية.
Post: #98 Title: Re: andquot;المشكلة وين لو كتب العبدلله نصوصا شعري Author: محمد على طه الملك Date: 03-22-2015, 07:49 PM Parent: #97
أساتاذنا الخواض .. الرجل الذي يثاقف ويتثاقف معه وبه الكثيرون .. ما عنيت قط العيب بدلالاته السالبة .. فأنت أبعد الأقربين عنه .. ألفتك تحدث بحرية العمل الأدبي .. إذن ليس كل ما نكتب يُرضي ويثُلج الصدور .. وليس كل عمل لا يَرضى عنه البعض يُدنى لزبال.. أقدر ظرفك ولا داع للاعتذار .. كلما قصدته أن استرجع لساحتنا ملكة الخواض ونفسه التي انتشلها الأسى.. دمت طيبا.
Post: #99 Title: Re: andquot;المشكلة وين لو كتب العبدلله نصوصا شعر Author: معاوية المدير Date: 03-22-2015, 08:08 PM Parent: #98
Quote: وآسف للاقتضاب الذي سأختمه بالسؤال التالي:
ما بدري يا خليفة.
إنت قايلني مُتّ ؟، يا الضو انا لسّع حي ؤُ بفرفر. بعد شتيمتك دي كولها ؤُ حركاتك بتاعت الأطفال بشتمك لي في بوستات خارج المعترك كدي ابقى راجل تاني اطرشلك طراش في حوش بكري دا عشان اوريك كيف تتعولق العواليق البتكتبا هنا دا. شايفك عملت ليك بوست فلادلفيا ؤُ كلب رمادي ؤُ خُزعبلآت ابقى راجل نزّل فيهو حاجة من حاجاتك البتسميها نصوص دي عشان امتعك بالسخرية منها في بوست منفصل. أصبحت كالقِري هاوند إن حملنا عليك تلهث و إن تركناك تلهث. يلآ تعال نقّط لُعابك هنا.
Quote: إذن ليس كل ما نكتب يُرضي ويثُلج الصدور .. وليس كل عمل لا يَرضى عنه البعض يُدنى لزبال.. أقدر ظرفك ولا داع للاعتذار .. كلما قصدته أن استرجع لساحتنا ملكة الخواض ونفسه التي انتشلها الأسى..
الحداثة بلا "نموذج"، نقطة كما يقول "الفرنجة" وغيرهم.
الأفكار والروئ التي طرحتها عزيزي في مداخلتك الثرية، تحتاج وقتا طويلا للرد عليها واحدة واحدة. وتستند على معرفة وثيقة ب"النقد الأدبي".
وهذا ما غاب عن "مديري" بوستات "السخرية والتنكيت".
عندما تغيب "اللغة المشتركة"، يصبح "الحوار"؟؟؟ حوار "طرشان".
Quote: لا أخفيك سعادتي وبهجتي .. يستاهل تسلخ جلدة راسو خاصة وقرعته منزوعة اللبد ( خلقه كدا ).. وإن شئت العروج لمن آزروه في تلك الواقعة فافعل .. وها تلك عمامتي أخلعها .. ستجد تحتها شعرا غزيرا تجاريه مبتهجا بشفرة موسك .. ولكن .. أنبهك ولا أحذر جمجمتي خصبة ومرتوية .. عذق نبتها يزيدها انتاجا ويكثر .. فافعل إن شئت تربت يداك .
سلمت جمجمتك يا ملك، وحفظ الله لك شعرك بصمتو وكفاه شر ما اصابني به وصرف عنه الأبيض الغير محمود في مثل هذا الموطن. أخلع عمامتك يا ملك فوالله تحتها كرم و رجولة و خُوّة لا يخالطها رياء وعِزّة و كبرياء، أخلعها فوالله راسك جدير بالتقبيل. جزاك الله ألف خير ...
Alamin Ibrahim · متابعة ودالمدير اخير ليك تنقرع ات ما بتتوب :) رد · أعجبني · متابعة المنشور · 14 مارس، الساعة 05:29 صباحاً
لا أتفق تماما، مع ما قال به الاستاذ الامين ابراهيم، من "الفيسبوك".
لقد صبرت لسنوات، على "حفلات الشواء الآدمي"، التي ابتكرها: البروفيسور في عزلته المجيدة.
وناصره في ذلك تلميذه "الخائب\الفاشل": الأستاذ شاعر العامية "معاوية المدير".
لا أنكر شعوري بالمرارة، لكن العبدلله لا يريد أن "ينكر على " الأستاذ معاوية المدير، حقه الطبيعي في ألا "تعجبه نصوصي الشعرية الرديئة". من حقه ألا تعجبه، و أن يعبِّر عن "امتعاضه". و لكن عليه إثبات ذلك نقديا، بدلا من "التنكيت" و"السخرية"، وهي بضاعة مزجاة لكل عاطل عن الموهبة.
بإمكان أي "عاطل عن الموهبة" أن يسخر من "المتنبي" و "فاليري" و "اليوت" كأمثلة.
في هذا المقام،
بنسبة 75%،
-لا أنكر إحساسي بالألم،
ولا أرى نفسي اللوّامة في موقع الضحية.
و من حقي أن أدافع عن تلك النفس اللوّامة-
أدافع عن حق "الأجيال الراهنة" و"القادمة" في "كتابة مختلفة". و أنْ تتلقّى "النقد الرصين"، وإنْ لم يكن في صالحها.
Quote: بالمناسبة : البروف رد الله غربته الاختيارية ما كان لك الإشارة إلية وهو غائب عنا .. هذا كلامي في إطار الأصول المرعية ..
معظم ما قلت به سيدي، يتعلق ب"النقد الأدبي"، مما يتطلب وقتا للرد و التعليق، ومما يجعلني غير راغب في هذا السياق، أن المدعو الاستاذ معاوية المدير ليس له علاقة وثيقة بهذا الجانب.
لكن ما قلت به أعلاه ،يستوجب الرد باعتباره يتعلق بالجانب "الأخلاقي" في الحوار الذي تعتقد سيدي أنني لم أنتبه إليه. السيد معاوية المدير لم ينكر "تلمذته"، على البروفيسور. وهو أي الاستاذ معاوية المدير من أشار إلى "عزلة البروفيسور المجيدة"،
و"تتلمذه" في مدرسة "البروفيسور في عزلته المجيدة"، و"أهدى" ما جادت به قريحته "المعوكابية" إليه،
في كلامه التالي نصه:
وجود البروفيسور أو عدمه، لا يقتضي ضرورة أخلاقية تستوجب عدم الكلام عنه ،طالما أنه "أسّس" لحفلات الشواء الآدمي التي "سار" على خطاها تلميذه "الخائب\الفاشل: الأستاذ معاوية المدير.
Post: #105 Title: Re: لقينا شوية زمن Author: معاوية المدير Date: 03-23-2015, 01:43 AM Parent: #104
Quote: أدافع عن حق "الأجيال الراهنة" و"القادمة" في "كتابة مختلفة".
[url=][][/"][]
ما هذه الرائحة الخبيثة يا إسكانق الأسافير ؟ ...
Post: #106 Title: Re: لقينا شوية زمن Author: معاوية المدير Date: 03-23-2015, 01:52 AM Parent: #105
Quote: مداخلتك الثرية،
دا شنو يا فساء الأسافير ؟، فضحتنا يا المِدرّس يا اخ ...
Post: #107 Title: Re: لقينا شوية زمن Author: محمد على طه الملك Date: 03-23-2015, 01:52 AM Parent: #105
Quote: حفلات الشواء الآدمي التي "سار" على خطاها تلميذه "الخائب\الفاشل: الأستاذ معاوية المدير
أستاذ الخواض .. أنعم مساءا .. مشكور على الرد .. قواعد النحو نفسها يا عزيزى تهمل الفاعل وتجعله مستترا حال غيابه .. مع ذلك .. مبهج أن تحتفظ مخيلتك لود المدير باستاذيته .. مما يشي أن ما استردف من تظنِ بخيبتة وفشله لغوُ اهتبله اللسان .. يتوسل به إماطة سخائم النفس وبعض كدرها .. لك العتبى فإن رضيت كف. : ود المدير لم نعلاتك خلنا نمش ننوم.
Post: #108 Title: تحويل "المعوكابي" إلى فصول محو الامية الثقافية Author: osama elkhawad Date: 03-23-2015, 01:56 AM Parent: #105
يُحوّل لأخذ كورس في "اللغة العربية الفصحى"، و "النقد الأدبي".
توقيع:
مشروع "محو الأمية اللغوية و النقدية".
Post: #109 Title: Re: تحويل andquot;المعوكابيandquot; إلى فصول محو الامي� Author: معاوية المدير Date: 03-23-2015, 02:02 AM Parent: #108
Quote: مداخلتك الثرية،
دي حارة، مُش ؟.
يلآ دلدل لسانك ؤُ خلي لُعابك ينقِط والهث كما شئت. ما تغلط تنزل ليك عولآق في حوش بكري دا. غايتو انا قانص ليك جِنِس قنصة !...
Post: #110 Title: Re: تحويل andquot;المعوكابيandquot; إلى فصول محو الامي� Author: Ahmed Khalil Date: 03-23-2015, 02:11 AM Parent: #108
Quote: مشروع "محو الأمية اللغوية و النقدية".
نقد الشعر الملطيميطي؟
Post: #111 Title: في السخرية من "الشعر الملتيميدي" Author: osama elkhawad Date: 03-23-2015, 02:31 AM Parent: #110
السيد أحمد خليل
سلامات
قلت سيدي ساخرا:
Quote: نقد الشعر الملطيميطي؟
هل تعتبر محاولتي المتواضعة في تأسيس "الشعر الملتيميدي"،
في قناتي في "يوتيوب"،
مما يمكن السخرية منها،
بدلا عن تطويرها؟
أرقد عافية.
Post: #112 Title: Re: في السخرية من andquot;الشعر الملتيميديandquot; Author: معاوية المدير Date: 03-23-2015, 02:40 AM Parent: #111
Quote: نقد الشعر الملطيميطي؟
هههههههههههههههههههههههههههه في السِلِك لكن . والله صحي .
مِيطي ساكت ...
Post: #113 Title: Re: في السخرية من andquot;الشعر الملتيميديandquot; Author: osama elkhawad Date: 03-23-2015, 02:47 AM Parent: #112
Quote: أنا ما عارف محلو وين النص بتاع عطبرة دا ؟.
Post: #114 Title: Re: في السخرية من andquot;الشعر الملتيميديandquot; Author: معاوية المدير Date: 03-23-2015, 05:53 AM Parent: #113
Quote: *النص الشعري المكتوب لخسوف القمر الأتبراوي:
* خسوف القمر الأتبراوي إلى أرواح إضرابات عمال سكك حديد السودان -قمرُ المحطّاتالقطاراتِ اللطيفة غادر-الآنَ-المدينةَ.. -غادر-الآن-المدينةَ؟ -إنَّه في النهر يقرأ وِرْده الشجريَ، يركعُ، و”المناماتُ” الأليفةُ حول لحيتهِ تزقزقُ، -”طنْبرتهُ” الخائفاتُ، -رأيته في النومِ، و امرأة الضفاف بصدرهِ، تبكي”المسادير”الزمرُّدَ، -عانق الكفن المضيئَ، “الأتبراوي” ارتمى في الدمِّ، غنَّى دامعاً: “يا عبدالله أخوي أغشى البنادر شوفنْ بنّوت “المتمّة” اجدّلنْ صفّوفنْ و بعد خُمْرة و جلادْ سال القملْ في رفوفنْ” …و تقول فاتنةٌ عن الفقراءِ، عن ذُرة الودادِ، عن المحطّةِ: “كان يقرأ للبنات غناءهُ، و كتابهُ بيمينهِ: ” “مدني” ثمانونَ، “الأبيِّضُ” وردةُ من طين هذا القائظ المنساب من ردف الحبيبةِ، هدَّت الأمطار “عطبرةَ “التكاثرَ، إنّ موج النيل آلافٌ”، و لاقته القطارات البطيئةُ، ” من يبارزني بقرب النهرِ، أخرج أتبراويا يشمُّ عطور “شبّال” التي نسجتْ مفاتنها عفافا للنساء المومساتِ”، -و حاصرته الطائراتُ-، “….و حين أنهض متعبا من شطِّ صدركِ، أغسل الأوهامَ، يستاك اشتهائي باشتهائكِ، يا “المهيرةُ”، إنها القيثارة الحبلى بأوساخ التسكُّعِ، هل أغيِّر ياقتي؟” أهديتُ أشجار “الفريع الزين” أسورة الأغاني، ثمَّ جاءتني على قمر القصيدةِ، قلتُ”إني لا أحب الآفلينَ”، فيا صلاة الخوفِ ، سوقيني إلى قمر “المهيرةِ”، عقدها أُنسي، و خارطة “الجلَاد”، و “قرمصيصُ ” ضيائها سككٌ تؤانسها القطارات الشهيَّةُ” ………………………….و “الفريعُ الياسمينُ” تمرُّ من رمل الضلال الموسميِّ -الطائرات تحوك أسمار البيوتِ-إلى الرحيل اللؤلؤي-فيألف النجمُ الغياهبَ، “…….تحرث العربات مصلاتي، تدنّسها، و هذا السيف-يا امرأتي الالوف-مخبأٌ تحت المحطَّةِ، ….و القطارُ مخادعٌ” “من بفْ نفسك يا القطارْ و رزيم صدرك أنا قلبي طارْ و ينو الحبيبْ إنت شلتو جيبو يا القطارْ” …………….”البيت نسَّقه الرصاصُ، و قلتِ في عام المجاعةِ، “سوف نبني بيتنا من وَردنا الأمميِّ، و التجّار يبتعدون عن ملح الغرامِ، و قلتِ …لكنَّ القطارَ مخادعٌ، إنَّ “القطار المرَّ” لم يحملْ مرادي، إنّ “عطبرة” الجميلة “حمَّستْ “دلّوكتي”، كلُّ القطارت اغتباط بالسماحةِ، و انتظرتكِ، -إنَّ كوكبةً من الفقراء تنتظر الزمرّدَ،…………….. ……………………………و المدافع تفصل الأعراس عن جسد “الحريرةِ”، …”و القطارُ مخادعٌ”: “جسمي انتحلْ فكري انشغلْ دمعي انهمرْ أبقى “قمرة” جوّة القطرْ يجوا عايدينْ إن شاء الله عايدين يا الله يجوا عايدينْ إن شاء الله عايدين يا الله” “…..ساقيم –هذا الليل- في صخبٍ، و أنتِ-الآن-خائفةٌ، تراقبكِ المحطةُ، …و المدافع بين أقمار الكمان “الأتبراوي” استجمَّتْ….، “…قلتِ في عام المجاعةِ “سوف نطلي بيتنا ب”المحلبيةِ”، و الرذاذِ، ذهبتِ حافيةً إلى العشَّاق ِ، بلَّغت الرسالةَ، قلتِ، لكنَّ القطار مخادعٌ: “ما هو عارف قدمو المفارقْ يا محط آمالي السلامْ يا جميل يا نور الشقايقْ املا كاسكْ و اصبرْ دقايقْ مجلسكْ مفهوم شوفو رايقْ عقدو ناقص زول و لا تامْ “دُهِسَ القطارُ ، “الأتبراويُّ” الأنيس حديقةٌ بكماءُ، طلْع النخْل سيدةٌ سلاها حيضها، و تهادن “الكركارَ”، …و انفرطَ القطارُ، …و أُحبطتْ زمر الخيانةِ..”، و انتضى الركّاب أسمارا تؤرّقهم، و رتَّلَ سعدنا: “و النهرِ، و الذُرةِ الوفيرةِ، و “المهيرةِ”، إنَّ أنوار القطار لفي نعيمٍ، إنَّ أفواج الرصاص لفي جحيمٍ، هل أتى زمنٌ على الأنهارِ، لم تكُ غير عاشقةٍ تفتِّش عن حدائق للتخاصرِ….. هل أتي؟؟؟ ….شدَت الصفائح في ضفاف “الأتبراوي” المطّرَّز بالإبادةِ، كانت العربات تهذي، و ازدهى الإرهاق ب”القمراتِ”، كوْ كوْ كوْ كروْ، كوْ كوْ كروْ، كوْ كوْ كروْ، إنَّ القطار مكفَّنٌ، و العشق ينشر لحنهُ: “رحلوا أولاد حمدْ ال لي البلد رُكَّازةْ قطعوا اللتبراوي منويين البازةْ سِتات اللكيك العقلتنْ نزَّازةْ يبكنْ بي الدموعْ لي ريرةْ لي مِنْ حازة”
http:///
جميل جميل جداً يا خواض، إنت كدا اطربتني حدّ الطرب، ؤُ كُتالنا في محلو ...
Post: #115 Title: Re: في السخرية من andquot;الشعر الملتيميديandquot; Author: معاوية المدير Date: 03-23-2015, 05:59 AM Parent: #114
عندك بعض خُزُعبُلآت كدا أخير منها ابيض اللون ...
Post: #116 Title: نص "ملطيميطي": "خطوبة" Author: osama elkhawad Date: 03-23-2015, 06:09 AM Parent: #113
"نص ملطيميطي": خطوبة
Post: #117 Title: Re: عفواً أُستاذ الخوآض، يوجد أكثر من سِلآ ... Author: أبوذر بابكر Date: 03-23-2015, 06:12 AM Parent: #1
المقولة الشعبية السايره عند اهلنل ديك
الحجاز بدوهو عكاز
بقت على أنا تب
انا جاتنى عكاكيز مضببه كمان فى شكل اهمال
هههههههههههه
اخونا معاوية معذور عشان ما بعرفنى وزى ما بقولو ما عنده شغله معاى و بالتالى عنده هامش حرية وسبب كويس فى انه يهمل ويسقط مداخلة او مشاركة اى زول هنا
والغريبة انه مشاركتى "جوديه" ساى لوجه الله و وجه المنبر
لكن أسامه زولنا وحبيبنا والله وعشان كده ما عنده عذر تب فى انه ما "يتشوط" بمداخلة حضرتنا ويعدى فيها ساى الغريبة انا قاعد اشكر فيهو
ياخ ساى اللقولو ليك عوافى
ولا شنو
خلى بالك المداخلة والمشاركة دى الا تكون كعبة
وطاعنه فى الكعوبية
كدى النمش اشوفها تانى فيها شنو
وبرضو ليكم التحية
Post: #118 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-23-2015, 06:19 AM Parent: #117
هههههههههههههههههه،
يا الخواض لقيت البوست عدادو رامي قلت اخير تعمل تسويق لبضاعتك الكاسدة، مُش ؟. لقيتك نجيّض لكن .
ابو بكر اللصلي العشا واجيك، إن شاء الله ...
Post: #119 Title: Re: عفواً أُستاذ الخوآض، يوجد أكثر من سِلآ ... Author: osama elkhawad Date: 03-23-2015, 06:27 AM Parent: #118
تطلق النار على نفسك،
للمرة الثانية.
Post: #120 Title: Re: عفواً أُستاذ الخوآض، يوجد أكثر من سِلآ ... Author: عبدالحفيظ ابوسن Date: 03-23-2015, 06:28 AM Parent: #118
خشيت اكابر ابوبكر دة .. لانو ودالمدير برضو فطاني رغم كوني من اوايل المتداخلين . وقت عفصني بقيت اساسق واباري ساي ف يا ابوبكر دة دواس فيلة انقر المتضرر منو ياها النجيلة والقش والشدر الصغار المتلي متلك غايتو ود المدير كان عفصني تاني ما عافي ليهو
Post: #122 Title: Re: عفواً أُستاذ الخوآض، يوجد أكثر من سِلآ ... Author: أبوذر بابكر Date: 03-23-2015, 06:39 AM Parent: #120
سيبك منهم يا ود أب سن
خليهم ما تشتغل بيهم
اللفطو ساى كان فاطين
الله بوديهم النار
Post: #123 Title: Re: عفواً أُستاذ الخوآض، يوجد أكثر من سِلآ ... Author: أبوذر بابكر Date: 03-23-2015, 06:48 AM Parent: #118
انت عشاك ده معاهو تراويح ولا شنو ؟
ههههههههههههه
هدا كمان ود اب سن برضو جاك يتظلم
لقيت لى زول معاى يكابرنى
انا فى محلك بجى ارضى على المفطوطين ديل
وارجع اتم التراويح
ومن ثم اتفرغ لمتابعة الدواس الأسفيرى
ولا شنو
هههههههههه
Post: #125 Title: Re: عفواً أُستاذ الخوآض، يوجد أكثر من سِلآ ... Author: عثمان الأمام Date: 03-23-2015, 07:06 AM Parent: #123
Quote: للأخ عثمان تحياتي واتفق معه، كنت قررت عدم الرجوع للبوست نزولاً لرغبة بعض الأخوان الكرام، والآن إكراماً لك و للأخ عثمان وكلّ من مرّ علي هذا الخيط هادي طرفي من البوست
مشكور جدا" حبيبنا ود المدير وأتمنى كذلك من الأستاذ الخواض نفس الشئ.
والله يا ود المدير والخواض كلاكما مبدع فلا تشغلوا أقلامكم وكيبورداتكم بخلافات لا تسمن ولا تغني من جوع . أتركوها لمن لا موهبة لهم غيرها وتغاضوا عنها .
Post: #126 Title: Re: عفواً أُستاذ الخوآض، يوجد أكثر من سِلآ ... Author: عبدالحفيظ ابوسن Date: 03-23-2015, 07:20 AM Parent: #125
استاذي الخواض دخلت بقصد اضفاء مسحة من المرح بقصد تقليل مرارة الكلمات هنا . وبالضرورة ان السخرية مرفوضة تماما في النصوص الادبية . اما المحاكاة والمجارة بقصد الطرافة . او كنص موازي فمقبولة لك الاحترام والتقدير استاذي ود المدير قالوا الزول جاهو واحدن طالبو دين .. من شافو عنا مصلايتو وكبر نويتو ان اصلي مية ركعة تنفلا ف دحين يا خوي صلاتك دي مع اوارد بي سبحة لالوب ألفية ولا المعني شنو
Post: #127 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-23-2015, 07:22 AM Parent: #125
Quote: اخونا معاوية معذور عشان ما بعرفنى وزى ما بقولو ما عنده شغله معاى و بالتالى عنده هامش حرية وسبب كويس فى انه يهمل ويسقط مداخلة او مشاركة اى زول هنا
والغريبة انه مشاركتى "جوديه" ساى لوجه الله و وجه المنبر
أها، يا ابوذر انا من هسّع صاحبك تب إلآ تقولي رافض يا قول الشايقي، اوّل إنت قايل المنبر دا جينا لشنو ؟، ما لمعرفة الأخوان الكرام الأفاضل امثالكم. أخونا عثمان الأمام جاب المدآخلة بضبانتا، سبق وقررت عدم التداخل في البوست نزولاً لرغبة بعض الزملاء وإنت ؤُ ود ابو سن منهم، ؤُ طلبت من الأخ عبد العزيز بتاع الطاحونة يرد علي الناس الفطيتُن، لكن وكِت لقيت الخواض يضرّع في البوست عضيت اصبعي ؤُ جيت راجع . عاد اكان ما عفيتني أنا أقبّل وين ؟، أخوك ؤُ غِلِت في حقك عليك الله اعفاهو، ؤُ صلّح معاك لوجه الله و وجه المنبر خليها (لوجه الله ثمّ لوجه المنبر ) قبل يجيك اللُستاذ بعكازته الطويلة. عليك الله اعفا لي ؤُ من يوم الليلة انا صاحبك تب ...
Post: #128 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-23-2015, 07:32 AM Parent: #127
Quote: خشيت اكابر ابوبكر دة .. لانو ودالمدير برضو فطاني رغم كوني من اوايل المتداخلين . وقت عفصني بقيت اساسق واباري ساي ف يا ابوبكر دة دواس فيلة انقر المتضرر منو ياها النجيلة والقش والشدر الصغار المتلي متلك غايتو ود المدير كان عفصني تاني ما عافي ليهو
يقققققققققققطع قلبك يا ود ابو سن إنت كمان المِتلك بيفطو ؟، لكن كدي إنت هسّع في فططاني ليك واللآ في الخواض البِقا يلملم في غسيلو ؤُ يجي يشُر هنا ! قااااادر الله في مُلكو العظيم !. علي اليمين يا ود ابو سن أنا عندي ناس هنا الكُلفة بيني وبيّنن مرفوعة تب والبساط بيني ؤُ بينُن احمدي و إنت وآحد منهم، عشان كدا وكِت تكتر علي المداخلآت بأجلهم بحساب إنهم لا يمكن يزعلو و إنت وآحد منهم . بيني وبينك يا ود ابو سن أنا الكُلفة تب رافعا، دحين لا تزعل مني.
لك مودتي...
Post: #130 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-23-2015, 07:41 AM Parent: #128
Quote: انت عشاك ده معاهو تراويح ولا شنو ؟ ههههههههههههه هدا كمان ود اب سن برضو جاك يتظلم لقيت لى زول معاى يكابرنى انا فى محلك بجى ارضى على المفطوطين ديل وارجع اتم التراويح ومن ثم اتفرغ لمتابعة الدواس الأسفيرى ولا شنو هههههههههه
عارف يا ابو ذر، اليومين ديل انا معصور بالحيل، عشان كدي بعد صليت التراويح والسُنّة حزمت نُصي ؤُ بركت فوق التقروقة ؤُ رفعت إيدي لآمن اباطاتي ظهرن ؤُ دعيت ألف مرّة قلت يا من رفع السماء بلآ عمد تجعل نصوص الخواض في نحره ؤُ تجعل بأس الملطيميديا عليه شديد. دا السبب اللخرني ...
Post: #129 Title: Re: عفواً أُستاذ الخوآض، يوجد أكثر من سِلآ ... Author: أبوذر بابكر Date: 03-23-2015, 07:39 AM Parent: #127
عافين ليك لله والرسول
هو نحن لاقنك وين ياخ عشان نصاحبك ؟
احسن شى غايتو انه فى بوادر سلام وصفاء على الأقل من جانبك انت
الباقى على الخواض
فعلا والله السخرية ما كويسه ابدا ومن اكتر الحاجات البتزعل
و اخونا اسامة ده زول صبور وباله سلبه زى ما بقولو وما بالساهل يزعل، عشان كده قلت ليك السخرية شى كعب بالجد والله
Post: #131 Title: Re: عفواً أُستاذ الخوآض، يوجد أكثر من سِلآ ... Author: جلالدونا Date: 03-23-2015, 10:29 PM Parent: #129
Quote: عافين ليك لله والرسول
هو نحن لاقنك وين ياخ عشان نصاحبك ؟
غايتو انا ما عافى ليهو بأعتبارى اول من جلوهو و ختو ليهو شخيت
Post: #132 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-24-2015, 01:29 AM Parent: #131
Quote: غايتو انا ما عافى ليهو بأعتبارى اول من جلوهو و ختو ليهو شخيت
هههههههههههههههههههه،
مالكم تكأكأتُم عليّ، عينكم في الخواض ؤُ تطعنو في ضُلّو ؟. يا جلال عليك الله هسّع الخواض دا اداني فرصة اشوف مداخلآتكم ؟، تلومولكم زول ميت ما عارف نفسو دفنوهو وين ؟. يعني هسّع الرصاص العاوي فوقي دا كلللللو ماكُن شايفنو ؟. بِدع !...
Post: #133 Title: كلماتي الأخيرة Author: osama elkhawad Date: 03-24-2015, 02:01 AM Parent: #132
عزيزي المطر،
سلامات
قلت سيدي صادقاً:
Quote: و اخونا اسامة ده زول صبور وباله سلبه زى ما بقولو وما بالساهل يزعل، عشان كده قلت ليك السخرية شى كعب بالجد والله
وغير كده كمان
اسامه بقن عليهو اتنين
جعلى و شاعر
ههههههههه
يعنى ده تطق بيهو ده
عموما رسالتي "وصلت" للأجيال الراهنة و القادمة: أن يكونوا "مصادمين"، في الدفاع عن حقهم في كتابة "مختلفة"، وان كانت "مجوبكة مثلا.
فالتجريب يدخلك في "اللامعروف"، و يجعلك في منطقة "خاوية" إلا مما ستقترحه.
في معظم الأحوال ، لايكون للتجريب "نهايات سعيدة"، باعتباره ولوجا في "اللامعروف". لكن "النقد الرصين" وليس السخرية المجانية ممن لا تؤهلهم "كفاءتهم اللغوية" لمثل ذلك النمط الصعب من السخرية،
يمكن أن يكون مفيدا في "تثبيت" خطى التجريب،أو إعدامه؟؟؟
كلام "المطر " عن "جعلي وشاعر"، ذكرني ب: "شقي ومجنون".
هذه كلماتي الأخيرة في صدد السخرية من نصوص العبدلله الشعرية "الرديئة".
متبوعة ب:
لا عزاء للمنتحرين ههههههههههههههههههههههههههههه
Post: #134 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-24-2015, 02:06 AM Parent: #132
Quote: فعلا والله السخرية ما كويسه ابدا ومن اكتر الحاجات البتزعل
سلآمات ابوذر . والله لم اسخر من الخواض في شخصه إلا بعد ان شتمني ونادم علي ذلك. لكن ما يسميه نصوص بعضه يسخر من نفسه بل فيه تطاول علي الله.
Quote: الحديقة متقاعدة منذ الحرب العالمية الثانية، الازهار تكتب مذكراتها ، والعصافير تشكو من ارق الشيخوخة، الشواطئ مضاءة لثرثرة فوارة، لكن الالسن تقضي عطلتها مع البطاريق، في الأساس ، ليس هنالك من يعرف ماذا يحدث ، لان الله مستغرق في قيلولته الكونية
Post: #135 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-24-2015, 02:20 AM Parent: #134
Quote: مشكور جدا" حبيبنا ود المدير .
أخي عثمان الإمام، سلآمات. بعتذر للخواض في شتمي له وقد جرني هولذلك إذ لم يُعرف عني هذا منذ دخلت لهذا المكان. سأترك ما كتبته علي حاله حتي ازجر نفسي واعاتبها كلما مرتت عليه و حتي يكون لي عظة و عبرة . بالنسبة لما يكتب الخواض من لغاويس و خُزُعبُلآت لن ادعها تمر بأيّ حال من الأحوال إذا نشرها في اسافير رب العالمين دي، طالما هونشر من حقي ان اسخر، وليس بالضرورة ان أكون بروفيسور زي الخواض في العروض والنقد حتي ابدي رأي. كوني أخرج من هذا المجمع بأخوان أمثالكم، فهذا في حد ذاته مكسب.
لك وللجميع مودتي...
Post: #136 Title: Re: عفواً أُستاذ الخوآض، يوجد أكثر من سِلآ ... Author: معاوية المدير Date: 03-24-2015, 02:29 AM Parent: #135
Quote: الخواض لا يعمل في مؤسسة علمية حتى يحمل القاب اكاديمية على حسب علمي انه يعمل معلم لغة عربية في واحد من معاهد الجيش ا لامريكي ليعلم الجنود الامريكان ولذلك يسمون وظيفته Language Instructor في الجامعات فقط الذين يعملون في قسم اللغة العربية هم الذين يحملون القاب اكااديمية واللقب الااكاديمي العلمي يا عاطف مكاوي لا يعطى بالاقدمية بل هناك شروط له يجب ان يجتازها الاستاذ الجامعي حتى يستطيع ان يرقى اليها يعني الاستاذالدرسك لغة انجليزية في مركز اللغات لا يمكن ان يكون الا Language Instructor والاستاذ البدرسك في الكلية لو عنده ماستر ممكن يكون بروف بالبحوث الكتبها والاسهامات العلمية في مجاله في مجاله خت تحتها مليون خط الذي اعرفه ان الخواض لم يدرس اللغة العربية ولم يحضر فيها ولذلك سيفضل Language Instructor يتراوح بين جونيار وسنيار..
Quote: والله لم اسخر من الخواض في شخصه إلا بعد ان شتمني ونادم علي ذلك.
السيد "المطر" يقصد سخريتك من نصوص العبدلله الشعرية. نقطة.
انت لم تسخر من النص الشعري الذي جلبته عن "الله في قيلولته الكونية".
و أتيت بهذا النص كي تثبت "هرطقة" العبدلله.
ومن ثم تبيح "إهدار دمي"، بناء على تلك الهرطقة الشعرية. يا سيدي،أنت أكثر "أصولية " من الاستاذ علي عثمان.
في بوستك عن علي عثمان ،
كتب "العبدلله" تعليقا مفاده أن معاوية المدير و علي عثمان ، يتفقان حول مرجعية الخطاب السلفي.
لكنك تفوقت على علي عثمان "الكوز" من حيث "تمترسك بالخطاب السلفي"، عبر الترويج لأكاذيب باعتبارها "مسلمات"، مثل الأكذوبة التالية:
"تدين أهلنا الفطري"؟؟؟؟؟؟
هنا لا أناقشك كشاعر "رديئ"، و إنما كسوسيولوجي، درس علم الاجتماع. ليس هنالك من تدين "فطري" كما تزعم. وخطابك سلفي، أكثر من الاستاذ علي عثمان محمد صالح، الذي تنتقده.
Quote: عبر الترويج لأكاذيب باعتبارها "مسلمات"، مثل الأكذوبة التالية:
"تدين أهلنا الفطري"؟؟؟؟؟؟
هنا لا أناقشك كشاعر "رديئ"، و إنما كسوسيولوجي، درس علم الاجتماع. ليس هنالك من تدين "فطري" كما تزعم.
Quote: الحمد لله والصلاة والسلام على رسول الله وعلى آله وصحبه وسلم ..... وبعد: ثبت في الصحيحن من حديث أبي هريرة رضي الله عنه أن النبي صلى الله عليه وسلم قال: (ما من مولود إلا يولد على الفطرة فأبواه يهودانه أو ينصرانه أو يمجسانه كما تنتج البهيمة بهيمة جمعاء هل تحسون فيها من جدعاء). ثم يقول أبو هريرة رضي الله عنه (فطرة الله التي فطر الناس عليها) وهذه الفطرة هي الإسلام كما قال ابن حجر نقلا عن ابن عبد البر ، وهذا الحديث صريح في أن كل مولود يولد مسلماً فإذا كان أبواه غير مسلمين فإن أطاعهما فيما يدعوانه إليه من يهودية أو نصرانية أو مجوسية خرج عن الفطرة إلى ما يدعوانه إليه ويربيانه عليه وإن هداه الله إلى الإسلام فهو مسلم باقٍ على الفطرة التي فطره الله عليها . إذا عرفت هذا فاعلم أن الإنسان يولد مسلماً ثم إذا وصل إلى السن التي يكون فيها مخاطباً شرعاً فإن أسلم بلسانه وقلبه وجوارحه لله تعالى فهو مسلم وإن اختار غير ذلك فهو على ما اختار. نسأل الله تعالى أن يهدينا سواء السبيل. والله تعالى أعلم.
Quote: و إنما كسوسيولوجي، درس علم الاجتماع.
ضيف دا للغاويسك وامش شوف ليك شغلة، هسّع سلفيتي دخلها شنو في البوست دا ؟.
سلآمات...
Post: #139 Title: خد راحتك: لقد أوصلت رسالتي كاملة Author: osama elkhawad Date: 03-24-2015, 03:14 AM Parent: #138
يا سيدي معاوية المدير
سلامات
سبق أن قلت أن علاقتك بالنقد الأدبي و الثقافة الحديثة عموما، ضعيفة، بل أنك أكثر سلفية ممن تعارضهم.
لهذا ليس من مجال لأن نتناقش نقاشا علميا.
فيا سيدي، أرقد عافية، و لك أن "تحاكي نصوصي الشعرية الرديئة"، و أكتب عني ما تشاء، قشة ما تعتر لك.
أوصلت رسالتي كاملة،
وما باستطاعتي نقاشك، فالفارق هائل بين تكوينك المعرفي و تكوين العبدلله. والاهم من ذلك ،
لنْ أهدر وقتي.
كن بخير و عائلتك الكريمة.
Post: #140 Title: "لست وحدك": "الفطرة" بين ودالمدير ، و برسم؟؟الفرق بين "أحمد"، و"حاج أحمد" Author: osama elkhawad Date: 03-24-2015, 04:16 AM Parent: #139
عزيزي ود المدير كلامي عن "سلفيتك" التي هي "أسلف"هههههههه من علي عثمان،
وجّهته أيضا الى الاستاذ برسم الباحث في شؤون "المثقفين السودانيين".
ولم تكن وحدك في "التمترس بالسلفية".
فهو أي برسم" مشغول" ب التدين الفطري"،و "الفطرة السليمة"، و "الفطرة الفاسدة".
لاحظْ أن مصطلح "المثقف" يطرح ضمن اسئلة مثل "الفطرة السليمة"، و "التكليف"، و غيرها من مصطلحات "الفكر السلفي"".؟؟؟؟؟؟؟؟؟؟؟
و قد وجهت إليه الأسئلة التالية:
عزيزي برسم سلامات قلت سيدي:
Quote: بالفطرة السليمة هناك ثوابت ممنوحة لكل انسان فى الفطرة تتساوى المخلوقات كلها لكل مخلوق فطرته وهيئته ومعيشته وطرقه من انسان وحيوان وطائر وزاحف ولكن المكلف من بينهم هو الانسان لذا فان فطرته تنبنى على السؤال او الاسئلة بالعيون باليد ثم بالعقل ان الفطرة السليمة تضبط حركة العقل والانسان نحو الادراك بماكينة اسمها حب الاستطلاع
ماهو تعريف "الفطرة"؟ و ماهوالعلم الذي اهتم ب"الفطرة" وعرّفها وصنفها؟
وماهي "الفطرة السليمة"؟
وبالمقابل ما هي "الفطرة الفاسدة"؟
وماهي الشروط والعوامل،
التي تجعل من فطرة ما "فطرة سليمة"،
ومن أخرى "فطرة فاسدة"؟؟
Post: #141 Title: "قنص" السيد معاوية المدير Author: osama elkhawad Date: 03-24-2015, 05:02 AM Parent: #140
هددني السيد معاوية المدير، بأن "يقنص لي قنصا" يوديني الآخرة حسب تأويل "العبدلله".
وهذا ما أتي به من "لغاويث" بيان:
Quote: Quote: الخواض لا يعمل في مؤسسة علمية حتى يحمل القاب اكاديمية على حسب علمي انه يعمل معلم لغة عربية في واحد من معاهد الجيش ا لامريكي ليعلم الجنود الامريكان ولذلك يسمون وظيفته Language Instructor في الجامعات فقط الذين يعملون في قسم اللغة العربية هم الذين يحملون القاب اكااديمية واللقب الااكاديمي العلمي يا عاطف مكاوي لا يعطى بالاقدمية بل هناك شروط له يجب ان يجتازها الاستاذ الجامعي حتى يستطيع ان يرقى اليها يعني الاستاذالدرسك لغة انجليزية في مركز اللغات لا يمكن ان يكون الا Language Instructor والاستاذ البدرسك في الكلية لو عنده ماستر ممكن يكون بروف بالبحوث الكتبها والاسهامات العلمية في مجاله في مجاله خت تحتها مليون خط الذي اعرفه ان الخواض لم يدرس اللغة العربية ولم يحضر فيها ولذلك سيفضل Language Instructor يتراوح بين جونيار وسنيار..
Re: الهُنيْهاتُ أو خَفَرُ الأناناسRe: الهُنيْهاتُ أو خَفَرُ الأناناس
Quote: الذي اعرفه ان الخواض لم يدرس اللغة العربية ولم يحضر فيها
Post: #142 Title: Re: andquot;قنصandquot; السيد معاوية المدير Author: جلالدونا Date: 03-24-2015, 05:23 AM Parent: #141
Quote: وهذا ما أتي به من "لغاويث" بيان:
و لله الحمد و المنة الذى أجرى على لسانك كمصطلح .... لغاويث و له الشكر فى تدليك و تدنيك من لغوة المعوكاب فقد كنت قاب قوسين او ادنى من لغاويس بركاتك يا ود السيالة على بى جملة الايمان قبتك على بس أت موت
Post: #143 Title: Re: andquot;قنصandquot; السيد معاوية المدير Author: osama elkhawad Date: 03-24-2015, 05:24 AM Parent: #141
لم يكن معاوية المدير "منصفا"، في محاولته "القنصية" الخبيثة، ليحرجني ،و يعلن نهاية السيد كاتب النصوص الشعرية الرديئة، والتي شكلت ملمحا مهما لودالمدير كي يبني "شهرته" على "أنقاض محاكاة " العبدلله.
وهذا ليس من "أخلاق الفرسان".
دار حوار طويل حول ما أتت به بيان،و تعمّد السيد ودالمدير، كتمان ذلك، كي يشكك في معرفتي بالعربية لانني لم أدرس العربية بشكل أكاديمي.
وهذه حقيقة، لكنها تنال من "شاعرية" معظم شعراء العربية و شعراء العالم الآخرين، لانهم لم يدرسوا لغاتهم عبر مدارج المؤسسة الاكاديمية. هل درس الطيب صالح العربية في المؤسسة الاكاديمية؟ ومصطفى مدثر، و عثمان محمد صالح، و محجوب شريف، وحميد،و القدال، و محمد محيي الدين، و عاطف خيري، و مجذوب عيدروس، وسامي سالم، و محمد نجيب محمد علي، و الصادق الرضي، ومحمود درويش و عفيف اسماعيل، و "شعراء الحقيبة" ، وعيسى الحلو، و نبيل غالي، و كافكا، و ماركيز، ووووووووووووووووووووووووووو
Post: #144 Title: Re: andquot;قنصandquot; السيد معاوية المدير Author: عزالدين عباس الفحل Date: 03-24-2015, 05:37 AM Parent: #141
حقيقة لمن غفل ، الأُستاذ أسامة الخواض ، تربع علي قمة الأدب الرفيع ، قبل أن يلج إلي كلية الصيدلة ، جامعة الخرطوم ، و كانت له مساحات شاسعة ، في صحيفتي الصحافة ، و الأيام ، ظهر نبوغاً مبكراً ، وكان يقيم لنا الأُمسيات الشعرية ، في نادي كبوشية الرياضي ، في كبوشية ، كنت وقتها يافعاً ، ولم يجري القلم بالسيئات ، كان نادي كبوشية يمتلئ بالحضور ، لرؤية الفارس أًسـامة الخواض ، و إبداعه الشعري ، ،،،،
...
عزالدين عباس الفحل ابوظبي ...
Post: #145 Title: تصبحون على خير جميعاً، وأوَّلكم "غريمي": الأستاذ معاوية المدير Author: osama elkhawad Date: 03-27-2015, 03:42 AM Parent: #144
غايتو يا ود المدير، خذلت تحالفي معك في مواجهة المدثر والمتخوض! أهم حاجة يا كيشة، الناس ديل تطقطقم باللعب النضيف. أحرجتني بالبوست الضعيف الركيك دا يا أخي، أنا البيطور دا، بطني طمت تفلاتة يوم من صورة السلا المدلدل السحبيتها ديك.
نعتذر للأستاذ الخواض على هذه الشتارة، ونؤكد استمرار معاركنا معكم حول كتاباتكم الأدبية الأخوانية ونتمسك بشعار الفيفا: اللعب النضيف
Post: #147 Title: قبل الختم ب"الشمع الأحمر" على هذا البوست المعوكابي Author: osama elkhawad Date: 03-28-2015, 06:18 AM Parent: #146
يا "أيها البيطرى" المتأفف من.....
يا سيدي كنت أريد أن أختم بالشمع الأحمر على هذا البوست، الذي افتتحه المعوكابي، في "رحلته الاختيارية إلى الانتحار".
هو دائما كان يستغرب من تغييري لعناوين المداخلات: وهو استغراب ليس في محله: لماذا؟ هذا هو واجب" المعوكابي" البيتي اليوم.
ما جعلني لا أختم بالشمع الاسفيري على هذا البوست، هو السؤال الذي ظل يؤرق "العبدلله" في محنه الكثيرة: ما هو السر في إصرار "البروفيسور في عزلته الاختيارية"، و"تلميذه الخائب الاستاذ معاوية المدير "، على "محاكاة نصوصي الشعرية، والسخرية منها، لإثبات أنها لا تنتمي لجنس الشعر"؟؟؟
لست شاعرا جماهيريا، ولا مشهورا.
ونشرت كتبي على نفقتي الخاصة أو مناصفة، ولم أحزْ على "جائزة" أو "وشاح تكريمي" أو "لقب رسمي"؟؟؟
ما سر هذا الاهتمام الغريب بنصوصي الشعرية؟
ولماذا لا يهتم البروفيسور في "عزلته الاختيارية" ، وتلميذه الخائب، بالنصوص الشعرية غير الرديئة؟
ولماذا يتغذّى هذان الطفيليان من دم نصوصي الشعرية،
عبر "محاكاة" فاشلة، لشاعر غير جماهيري؟؟؟؟
ولماذا يعتقد هذان الطفيليان الاسفيريان، أن ذلك سيخلق منهما اسفيريين مشهورين؟؟؟؟
ما الحكمة من أن تبني شهرتك الاسفيرية "الطفيلية"،
من خلال محاكاة شاعر حداثي تجريبي خامل الذكر؟؟؟
الآن نختم بالشمع الأحمر على هذا البوست المعوكابي:
توقيع: "المشّاء".
Post: #148 Title: Re: قبل الختم بandquot;الشمع الأحمرandquot; على هذا الب Author: معاوية المدير Date: 03-28-2015, 10:25 AM Parent: #147
Quote: الآن نختم بالشمع الأحمر على هذا البوست المعوكابي:
توقيع: "المشّاء".
هههههههههههههههههههههههههههههههه،
ما بدري يا خليفة ...
Post: #149 Title: انتهى الدرس يا "....................." Author: osama elkhawad Date: 03-28-2015, 06:39 PM Parent: #148
انتهى "الدرس" يا: سيداتي، ويا آنساتي، ويا سادتي
Post: #150 Title: Re: انتهى الدرس يا andquot;.....................andquot; Author: معاوية المدير Date: 03-28-2015, 10:54 PM Parent: #149
هههههههههههههههههههههههههههههههه،
ما بدري يا خليفة ...
Post: #151 Title: ليس لدى "المعوكابي" من يكاتبه Author: osama elkhawad Date: 03-29-2015, 04:52 AM Parent: #150
[/url]"http://www.up-00.com/"
[/url]"http://www.up-00.com/"
[][/"][]
/