الناقة الفي الصورة والفيديو مملوكة لأمير قطر، ركضت قبل أيام في مهرجان الهجن بالشحانية - قطر في سن الثنايا مفتوح على أساس انها ناقة مهجنة (سودانية عمانية) وأحرزت توقيت زمني قياسي لمسافة 8 كلم وقدرة حداشر دقيقة و49 ثانية محطمة بذلك كل التواقيت المسجلة منذ قيام هذه الرياضة بشكل موثق. الناقة حسب خبرتي غير المتواضة في هذا المجال وإرتباطي الوثيق بالمربيين والتجار هي ناقة سودانية كاملة الدسم
Post: #3 Title: Re: الهيتيّة Author: ناصر حسين محمد Date: 03-05-2015, 03:55 PM Parent: #2
واحد ح يقول لي: المشكلة وين لو سودانية أو مهجنة؟ ظهرت رياضة الهجن بخليج ما بعد البترول كرياضة تراثية للهجن المحلية (العمانية)، ثم بدأ الناس في جلب الإبل العنافية والبشارية من السودان، وتفوقت هذه الإبل على الإبل المحلية مما حدا باللجان المنظمة بمنع الإبل السودانية من المشاركة إلا إذا كانت مهجنة مع المحلية، في بداية حضوري للخليج كان يُكتب في كتيب السباقات: ممنوع ركض السودانيات وتقوم اللجنة المنظمة لإخضاعك للقسم في حالة شكها بسودانية المطية، وأخيرا أصبح فحص الDNA هو الفيصل.
فرحة القطريين بإنجاز البكرة الجزيرة وهزيمتهم القاسية لأهل دبي والأمارات، فاقت فرحتهم بفوزهم بكاس الخليج وتنظيم كاس العالم! كل المجالس في الخليج تحكي وتنظم الشهر حول الجزيرة
وناس الإمارات وتمثلاُ لمقولة الكديس يقولوا ليك: هي ذاتا ناقة هيتيّة ما مهجنة
واحد من العوام برضو ح يسألني: شنو يعني الشلفة الذهبية الفاوت بيها الجزيرة؟ الشلفة هي الحربة وهناك الخنجر الذهبي الذي ينطق الخنير، والسيف الذهبي كرموز للأشواط الرئيسية بالإضافة للسيارات الفارهة كجوائز والقيمة الحقيقية في سعر المطيّة بعد فوزها في الأشواط الرئيسية والتي تصل لملايين
Quote: واحد من العوام ح يسألني ويقول لي كيف مرّت من فحص السلالة؟
لا داعي للسؤال من الأساس يا بكّور المنخب القطري الفاز بالكاس تسعة من لاعبيه سودانيين مجنسين عادي بكونوا جنّسوها )
Post: #9 Title: Re: الهيتيّة Author: أبوبكر عباس Date: 03-06-2015, 06:20 AM Parent: #8
سلام يا ود البشرى بالنسبة للإبل كل الخليجيين بتصلبتوا في إبلنا قلت لبدوي مشهور بدبي: سرقتوا كل إبلنا العنافية والبشارية قال لي: هي أصلاً حقتنا وحابين نرجعا!!
ما يسمع الكلام دا طه؛ يجي يقول لي: شفتا العرب دخيلين على السودان
Post: #10 Title: Re: الهيتيّة Author: أبوبكر عباس Date: 03-06-2015, 08:16 AM Parent: #9
مقصص: بعير سوداني عنافي اشتروهو أهل دبي نهاية السبعينات من السودان وتم حمله بطائرة خاصة لدبي. القعود كسر كل الأرقام القديمة ولاحقا لقحوا منو بوش (إبل) كثيرة، وبعد وفاته تم حفظ هيكله العظمي بمختبر دبي المركزي وما زال موجوداً.
مقصص هذا هو السبب الرئيسي في تواجد أعداد كبيرة من أبناء البطاحين بالإمارات في مجال تجارة سباقات الهجن
Post: #11 Title: Re: الهيتيّة Author: بريمة محمد Date: 03-06-2015, 08:38 AM Parent: #10
ول أبا أبو بكر، سلامات .. بوست جميل يرد العافية .. وحتى فى الخيل نحن متميزون .. كدى أكتب Etaya Sudan Amir .. وشوف جمال أمير السودان وكيف حصد الجوائز العالمية
المسابقة دى لازم يفتحوها لينا .. عشان الشيخ موسى هلال بحب سباق الهجن .. وكذلك أستاذى دكتور نافع على نافع.
قلت لي مقيصيص هيكلو في المتحف يا زول خليهم في الخليج هتيته في دبي ولا بتيته في مراح نافع اسي انت امانه في ظمتك كان ادوكم الجواز الإماراتي انت وود البشرى غتركم وعقالتكم تتطاقش ما يثبتكم الا الناموس
Post: #13 Title: Re: الهيتيّة Author: أبوبكر عباس Date: 03-06-2015, 10:56 AM Parent: #12
يا بريمة سلام أمير السودان جميل ويا أخي مسابقة جمال الخيول بالإمارات من أمتع المهرجانات السنوية.
صحي أنا وإتّا مصالحنا بتتلاقى كتير، لكن ما لدرجة نافع وهلال!!
