وجـــــع

10:39 AM Mar, 01 2015
سودانيز أون لاين
جورج بنيوتي -
مكتبتي في سودانيزاونلاين

وجع الكلام ، رجع الصدى

مِلح الطعام، وِش الندى

وياتو القبيل أصبح كده ؟

.. سافي التراب

والعترة سادالو الحَلِقْ

رغم إنو الليل بِزِحْ

بى فاتحة منْ كلَ الخَلِق ؟

ورغمِ إنو الناس سكوتْ

في أغلب الأوقات تموتْ

.. اللقمه حاسدِنِك عليها

والدنيا بي كل اللي فيها

أصغر من طموح هذا الولدْ

يا دنيا يا رحلة رِضا

أصبحتِ غايه

معَ إنو في الآخر نهايه

لا عضمة لا لحمة جِبايه

والناس غلابه

السُره لي توبة بترتقْ

والسِر بعافر في المفرتقْ

لملم على الجنيات وغطى

- لو باقي حبه من الملاح

في المشلعيب ختي

يمكن يجينا الضيف بَعَدْ مُرَ السِعايه

............

(أستر يارحيم دي الجايه ، جايه)

هذا الوجع ، يا جورج ، أجمل من أن يكون مجرد أخيلة شاعر
وأوجع من محض أحزان كتابة ...

معاني عميقة .. ولغة حميمة ...وأخيلة مبتدعة ...

شكرا ليك كتير

الأخ الحبيب جورج ..

يا سلام يا جورج .. رجعتنا عشرات السنين لِ ورا ..

حتى هذه المفردات .. قد تكون فى عداد النسيان ..

أو قد تكون فى عداد عدم المعرفة والعرفان ..

لأنو المجاعة لاحقة الشبعان والجيعان ..

أى .. لاحقة الفرحان .. والزعلان ..

لأنو ..
خلاص .. فات .. فات الأوان ..

حتى لو أدن الآدان .. أو غنى الكروان ..

برضو .. مافى فايده ..
مع فلان وفلتكان ..

إن شا الله يا جورج ..
وصلك البيان ..
الإمضاء .. من عمك فلان ..
ياهو .. من عمك الغلبان .. الكحيان ..
ارنست ارجانوس جبران

+++

هي خيل بحَ صهيلهاأيا ابراهيم

نسقِطُ الأسماء من حيث وردت في النص ( أسماء المخيلة)

والحقيقة إنني أصادفُ الحالة ( باختلاف المدينة/ الحي ) خلال تجوالي هنا وهناك

وهي للأسف حالة مستقرةً

أياعجوز

لا زلت أذكر المشلعيب وأشياء كثيرة أخرى ..

احتساء اللبن من ضرعِ العنزة ، نقياودافئالا يحتاج إلى غلي ..

وأشياء وأشياء

ما أجمل ما كانت عليه؟

...لك الشكر و... نونيةتقول