نحن السودانيون حياتنا كلها ( هبتلّي ) كان إقتصاد، كان سياسة كان إجتماع

09:08 PM Feb, 19 2015
سودانيز أون لاين
منصوري -
مكتبتي في سودانيزاونلاين



ما معروف طيبة ، ما معروف مسكنة، ما معروف إرث صوفي ، ما معروف فطري، ما معروف شعب الله المختار حقيقة، ودا الجايب لينا الهواء.. مواعيد ضاربة ومضروبة، زيارات بلا مواعيد، خطط مالية للأفراد والجماعات فاشلة، مجاملات بلا حدود، زي ما قال الفاضل سعيد ( والله نحن السودانيين ديل! نجامل في أي شي ) هسه الحكاية دي انبهلت في جميع أطرافها المذكورة وبهلتنا معاها بهلة عجيبة خلاص.. زمان ثقافة السكة حديد يقول ليك ( دا ماعندو تابلت )
هسي دي بقينا ما عندنا تابلت.. والمسائل كلها اتبهلت في بعض وجاطت جوطة شديدة خلاص.. لا مخرج منها إلا رب العالمين.. الفن مجاملة للطيش، السياسة مجاملة للطيش، الإقتصاد مجاملة للطيش، الكورة مجاملة للطيش، في الحي مجاملة للطيش، الناس الحايمة بي برة ومغتربة، بقوا يقلموا أظافر المجاملة، عشان شافوا الشعوب التانية دي وخالطوها وشافوا جلدن تخين كيف؟ الناس الفي السودان ( الحميير في طينو)
صدقوني كان ما اتقلعنا من الحتة دي ما بتمشى لى قدام..