دي الحلفاية يااا حكومة السجم

07:51 AM Feb, 15 2015
سودانيز أون لاين
توفيق عيسى مكي -
مكتبتي في سودانيزاونلاين



عمر هذه المدينة تجاوز ال 500 سنة وهي من من أقدم المدن في اواسط السودان وكانت جميع بحري يطلق عليها الحلفاية
فكيف تتجرأ الحكومة بسلب اراضيها عيانا بيانا
فهي ليست الصحافة ولا الثورة ولا قاردن سيتي ولا حتى العمارات ولا امبدة
اهلها من اصالتهم وحبهم لهذه الارض على كافة الاستعداد لفتح جبهة مع هذه الحكومة ترويها بالدم
طبعا الحكومة ما حا تتخيل الممكن يحصل شنو بعض
بعد ما يضرب النحاس ايذانا بالحرب

حتما ستكون هي الشرارة التي ينتظرها الناس
ايذانا ببوادر عهد جديد
لهذا البلد

لم تنحني ابدا
فبعد اافول مملكة العبدلاب ظلت شامخة صامدة عبر العصور
حتى ايام المهدية كان لها تاريخ عجيب
اهملتها كل الحكومات التي تعاقبت بعد الاستقلال لا لسبب الا لتمردها الا لنفسها وعزتها

لن نقول من انجبت فهي التي صنعت قصاصات من اهم صفحات تاريخنا برجال سطروها بدمائهم وفكرهم واعمالهم الخالدة فينا
لن نقول كيف نحبها الا بقتل من يتجرأ بمس ذرة من ترابها
لن نقول بل سترون نحن للان لم نموت

Quote: جعجعة بس دي مصيبتكم ياحلوين فالحين في الكلام البدون عمل .. هي الحكومة دي فاضل ليها شنو تسوية عشان تشوف رجالتكم ووقفتكم البي الكذب دي .. ياخي ديل عملوا كل مالايتصوره عقل فيكم وأنتوا ولا هنا عاملين رايحين وبس فالحين في الكلام الفارغ الذي ده .. نحن الحضارة ونحن التاريخ والبقربنا ماعارف أيه ... أها النشوف تاريخكم ده هههههههههههههههههههه

يا استاذ لما يضرب النحاس في الحلفاية حا تعرف ديل منو ديل

هي القصة ما قصة ارض
اكبر من كده بكتير

Quote: هي القصة ما قصة ارض اكبر من كده بكتير

ليتهم يعلمون يا عيسى .... ليتهم يعلمون.

زي ما قال الشاعر:
القصة ما قصة رغيف.
القصة قصة شعب ...... عايز يقيف