Post: #1
Title: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 03:22 PM
Parent: #0
02:22 PM Feb, 12 2015
سودانيز أون لاين
ست البنات -
مكتبتي في سودانيزاونلاين
قالتلو أولا بالتبادي تجيبلي المنجل والقيروانة اللتنا ,
وكمان تجيبلي الطاقيي الخيتها ليك والعيمي ,
وزمان وكِت كُتْ جايّ تكلم أبوي وتختبني وكان ما عندك قميصآ سمح
وأنا سرقتلك قميص من محجوب أخوي وكتين جاء في الإجازي من السعودييي ؟
أها أُمي قالتلك تجيب القميص دا أساععيتي.
وحبوبتي نعيمي مرسيلاني ليك فيشان قروش الصندوق فيحال أنا كُت أوالي بدفعلك عيلي تاني افرقتك وانقطعتلك قول أُمي نعيمي !
وعبدارحمن ود خالتي قالك أدينا حجارة البطاريي العندك وشوفلك حجاري ليبطاريتك إن شاء الله تتكبس في الضُلمّا تاني مالنا عليك.
ونواصل..
ست البنات.
|
Post: #2
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 03:33 PM
Parent: #1
وبت حومد خير قالتلك جيبلها ترمستا العند امك ,
وتعالوا شيلوا البهمي الجبتوها فحال امها ماتت لغنماية حبوبتي ترضّعا.
وكمان قول لعلويي أختك تجيبلي طرِحْتي الحمرا المبطشة الشالتا مشتبها لعرس اللمين ود الحاج ,
ماسكاها عندها لامن أسع اللمين بتو الولدوها عمرا بقي حولين وماشي للتالت !
وقولها لميلنا مقاشيشنا والبروش والحلل العندكم فيحال يبقي نسويلنا بووش قريب.
ويتواصل الحكي....
ست البنات.
|
Post: #3
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 03:49 PM
Parent: #2
وعلويي اختك دي زاتا انا طالباها سبعة قروش دفعتهن ليها في الكشف الليل عرس اللمين ود الحاج
كانت ماسكاني من اكتافي تعصّر فوقي وتزقلت وتقول للحريم دي خجيجي عروس اخوي عيتمان
اكنها كانت تتقبّللي فيحال أخُتْلها السبعة قروش ، قَسمْ ماني خالاهنليها ماب يجيبنلي الصعوت ويرقعِنلي نِعْليي؟
ويوم كنا ماشين نرعي غنمنا وانت جيت تتلبت وراي هجمتني لامن انظلقت حيبيبة السكر الكت صاراها في توبي ,
اسع تجيبلي سكري الاندفق , ويوم نعجتكم البيضا ماتت ولقيتك قاعد متكفرن داك انا مشيت دكان السرير جبتلك سجارتين
بي قرش ونص يعني اكنني كمان بقيت طالباك ليهن تجيبن . وتجيبلي السوميتي اللتي الشلتها تظكار .
اها قبّال ما أنسي تعال شيل الطيرقي والمنقد الجبتهن لي في الخِتبي. وفتيل بت السودان الليلك ما تقول ناقص
أمك وعلويي أختك انريحن منه يوم عرس اللمين ود الحاج , كانن ماكلاتلهن حوت.
أنا وحات محجوب اخوي أصلو فوقي قطرة منو ما انرشت فوقي,
, انا اصلي عارفاك منعلم الله وكت خاتا في السحرة أدسدس فييو للعرس.
خجيجي.
|
Post: #4
Title: Re: وكت خجيجي الراجل الكان خاتبا خلاها وعرس !
Author: اخلاص عبدالرحمن المشرف
Date: 02-12-2015, 03:51 PM
Parent: #2
ستنا الزول ده عدمان ما عندو اللضا كتبها ولا شنو
لك سلام ستو
|
Post: #5
Title: Re: وكت خجيجي الراجل الكان خاتبا خلاها وعرس !
Author: دينا خالد
Date: 02-12-2015, 04:00 PM
Parent: #2
لووووووب يا ستو
خجيجى لسان حالها بقول لختيبها
يبقى لحين السداد ....
ـــــــــــــــــــــــــــــــــ
وهو المبدول المعرسلها شنو ؟
قولى لى خجيجى البشوف نصيبة غيروا تهون عليهو نصيبتو
فى جرايد الخرتوم الليله 12 فبراير 2015 قالو واحدة
باعت كليتها وادت خطيبها القروش عشان يجيب حاجات العرس
شال القروش وعرس واحده تانية ....
دحين يا خجيجى الجاتك فى هديماتك سامحتك ...
احذرن فلس هؤلاء المتروجلين ....
|
Post: #6
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 04:09 PM
Parent: #5
اخلاص سلامين ,
شفتي الملة دي كيف ؟
باقيلك مانا اخير منهون؟!
مشكورة علي المرور.
ست البنات.
|
Post: #7
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 04:12 PM
Parent: #6
دينا خالد سلام وتحية,
والله خجيجي قرربت تبيع الكلية وبركة الاحتفظت بالقلب !!
هسع طرحتها دي تعادل كلية !
شكرا لمرورك وما تنقطعي مننا.
ست البنات.
|
Post: #8
Title: Re: وكت خجيجي الراجل الكان خاتبا خلاها وعرس !
Author: درديري كباشي
Date: 02-12-2015, 04:51 PM
Parent: #7
رائعة يا ستهن
ما أحلى الحكي المعطون بطين الجروف وتفوح منه رائحة الحرجل والمحريب
|
Post: #9
Title: Re: وكت خجيجي الراجل الكان خاتبا خلاها وعرس !
Author: Yasir Elsharif
Date: 02-12-2015, 05:02 PM
Parent: #8
أنا المستغربلها خجيجي البخليها تسف الصعوط شنو وهي لسع ما عرست؟ ما إمكن دا الطير منها الراجل الكان خاتبا؟
شكرا يا ست البنات
رهيبة
مع تحياتي
ياسر
|
Post: #10
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 05:10 PM
Parent: #9
الأخ درديري ,
سلام,
خجيجي زعلاني ومغبونة .
شكرا علي المرور.
ست البنات.
|
Post: #11
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 05:13 PM
Parent: #9
الأخ يأسر ,
سلام,
نان خجيجي ان ما سفت الصعوط تبقي كيفن شايقيي؟؟!
الشايقيات كلهن بي حققن عيللي داساتنهن!!
شكرا علي المرور.
ست البنات.
|
Post: #12
Title: Re: وكت خجيجي الراجل الكان خاتبا خلاها وعرس !
Author: ست البنات
Date: 02-12-2015, 09:09 PM
Parent: #11
الدرديري اخوي ,
سلام,
عليك الله جبت البنبر السمح دا من وين؟
ست البنات.
|
Post: #13
Title: Re: وكت خجيجي الراجل الكان خاتبا خلاها وعرس !
Author: اخلاص عبدالرحمن المشرف
Date: 02-13-2015, 03:01 PM
Parent: #12
ستو تعرفي خجيجي تأخرت هي حاصرتو وعصرتو شديد لكين اكمنو عرس ما في فائدة اخير لها التسمع كلامي وتتعوض الله
باقيلك الزول الفسل ده عرسو ما اخير منو تقعد عن اهلها
وكان للصعوت البعرفو ديمه بدايتو وجع ضرس وجع القلب ال تسويلو شربوت
|
Post: #14
Title: Re: وكت خجيجي الراجل الكان خاتبا خلاها وعرس !
Author: عبدالحفيظ ابوسن
Date: 02-13-2015, 03:12 PM
Parent: #13
مباااااااااالغة
حضور
سآتي لو فضيت من الفي يدي
|
Post: #15
Title: Re: وكت خجيجي الراجل الكان خاتبا خلاها وعرس !
Author: درديري كباشي
Date: 02-13-2015, 03:38 PM
Parent: #12
Quote: الدرديري اخوي ,
سلام,
عليك الله جبت البنبر السمح دا من وين؟
ست البنات. |
هههههههههههههههههههههههههه من جبال كسلا وضفاف القاش ما شايفي الجبني السمحي دي والرمل المبلول بريحة الدعاش
|
Post: #16
Title: Re: وكت خجيجي الراجل الكان خاتبا خلاها وعرس !
Author: جمال ود القوز
Date: 02-13-2015, 04:18 PM
Parent: #15
Quote: ان خجيجي ان ما سفت الصعوط تبقي كيفن شايقيي؟؟!
الشايقيات كلهن بي حققن عيللي داساتنهن!! |
صعبتيها يا ستو والله ..
الشابات يسفن كيف ؟؟ !! ...
( إلا شابات الزمن ده شوف عيني منهن البقن يسفن .. ) ..
زمان الكانن بيسفن الحبوبات بس ..
ليها حق تتشوكش خجيجي دي ..
يمكن العريس الحارياهو ..
شافها يوم بي غفلة خاته ليها سفة دقار لوري ..
أها موقفها حيكون شنو يعني ؟؟ !! ..
أكيد موقف جعان يستحق ليهو شاكوش .. 
وأهو أخدتو الشاكوش الما خمج ..
حكي طاعم ..
موغل في بساطتنا ..
وحياتنا التي أفسدها التعقيد ..
وجعلها مسيخة ترمس ..
واصلي ..
|
Post: #17
Title: Re: وكت خجيجي الراجل الكان خاتبا خلاها وعرس !
Author: اخلاص عبدالرحمن المشرف
Date: 02-13-2015, 04:40 PM
Parent: #16
هي باقيلكن بكون استغرب الصعوت معلم الله اخيتو الفتيه بي حقتها بس انتو افتدية ساكت
= وكما قال احدهم ما باقيللا الا شراب السجاير =
|
Post: #18
Title: Re: وكت خجيجي الراجل الكان خاتبا خلاها وعرس !
Author: Farida Mahgoub
Date: 02-13-2015, 07:03 PM
Parent: #17
يا ستو سلام عليك وعلي ضيوفك
اضحك الله سنك ....كتلتيني بالضحك
Quote: نان خجيجي ان ما سفت الصعوط تبقي كيفن شايقيي؟؟!
الشايقيات كلهن بي حققن عيللي داساتنهن!!
شكرا علي المرور. |
وحاة الله السويديات الواحدة متل اللمبة الكشاف وتلقيها خاتا السفة....اها حلال علي الشايقيات الصعوط
سردك طاعم ولذيذ ..... واصلي الله يدينا ويديك العافية
|
Post: #19
Title: Re: وكت خجيجي الراجل الكان خاتبا خلاها وعرس !
Author: Ahmed Khalil
Date: 02-13-2015, 07:26 PM
Parent: #18
|
Post: #20
Title: Re: وكت خجيجي الراجل الكان خاتبا خلاها وعرس !
Author: اخلاص عبدالرحمن المشرف
Date: 02-13-2015, 09:54 PM
Parent: #19
[url]http://http://
|
Post: #21
Title: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-14-2015, 05:01 AM
Parent: #1
البوست الاكثر من رائع للحبيبه ست البنات تعرض لخلل = تكنولوجي = عند انزال يوتيوب اسيا وابورك في الاراك
|
Post: #22
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-14-2015, 05:16 AM
Parent: #21
ا اسيا بابورك في الاراك
العدو الجاي من المحوس
وان عول ما بينقرو السوس
المفلس شن داير يكوس
بس يعاين ويشبع مغوص
اسيا فيها طبعا ياخي مفهوم
وفي الفريق ان دارت تحوم
اول حاجة تقيف السموم
وبنزل الغيث والقش يقوم
اسيا واقفة دغري بلا تدابير
وعودا صندل وعرقو اكسير
شاهد الله ان وقفت عديل
تشوف وشك في ساقة فليل
انا لو ما كت بخاف من الله الحساب
واخشي انتو تقولوا كضاب
انا كت بحلف فوق الكتاب
اسيا من نور ماك من تراب
يوم رحيلة انا كت داير اموت
وصفر البابور داير يفوت
البحر صفا ليها مبسوط
شوف عيني اتشرف الحوت
لي زيارة كسلا راحت
التكاسي اتبرعت
والضرايح زاتة رزن
وكان داير يقوم سيدي الحسن
اسيا بابورك في الاراك
|
Post: #23
Title: Re: بوست الرائعة الحبيبه ست البنات وكت خجيجي خلاها......
Author: نعمات عماد
Date: 02-14-2015, 10:09 AM
Parent: #22
وجعني البقي علي خجيجي ..
أول مرة أقرأ لهجة شايقية بالروعة دي !
شكرا ست الكتابة و ست البنات كلهن .
|
Post: #24
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-14-2015, 01:56 PM
Parent: #23
ختيب خجيجي رجع الحاجات عللي ما رجع الشرايط لليلات الغني
= اهم شئ حين الفرتفة الشرايط والمسجل =
|
Post: #25
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-14-2015, 02:49 PM
Parent: #24
الاخت اخلاص تحية ,
أسيا ان مرقت جات تحوم
أول حاجة تقيف السموم
ينزل الغيث والقش يقوم
يا اسيا بابورك في الأراك
|
Post: #26
Title: Re: بوست الرائعة الحبيبه ست البنات وكت خجيجي خلاها......
Author: علي محمد الفكي
Date: 02-14-2015, 03:25 PM
Parent: #25
ست البنات
سلام
حكي طاعم معطون في بساطة اهلنا وحياتن الساهله
حكي مليان توصيف لي علاقاتنا الاجتماعية الجميلة
اختو مستلفه طرحته وهي داسة فتيل الريحة
لكن يا ست البنات خجيجي دي دحين ما اتاخرت شوي
كان تطلع لستتة قبل العرس
عسى ولعل انو الختيب كان يعود لي رشدو
وجندرة كدي وكلام مداين بقول البنت السفته دقار دي محظوظ انو ربنا خلصو منها
|
Post: #27
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-14-2015, 04:14 PM
Parent: #26
يا اخواني مالكون شايلين حال خجيجي؟!
وحات ربي البنوت في البلد كل واحدي بي حوقتا في عِبّها .
ويختبوهن ويعرسوهن زي العجب! مو اخير من السجار !؟
ست البنات.
|
Post: #28
Title: Re: بوست الرائعة الحبيبه ست البنات وكت خجيجي خلاها......
Author: درديري كباشي
Date: 02-14-2015, 04:32 PM
Parent: #27
ههههههههههههههههههههههه كان كدا يا ستو المصريين معاهم حق
عندهم لستة أسمها القائمة (الآيمة) فيها كل شئ يتبعه أهل العروس لبنتهم ويمضوه عليها
أها بعدين كان فركش ( هذا أو الطوفان ) بس ما أظن لدرجة حق التمباك كمان هههههههههههههههه
|
Post: #29
Title: Re: بوست الرائعة الحبيبه ست البنات وكت خجيجي خلاها......
Author: محمد أبوالعزائم أبوالريش
Date: 02-14-2015, 04:40 PM
Parent: #28
خجيجي دي يخجوها في سعن عوض الله.
شالت حال الراجل، نان قبيل كانت مدلوقة عليهو مالا؟
سلام يا ستهن.
|
Post: #30
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:02 PM
Parent: #29
الأخ عبدالحفيظ أبو سن ,
سلام,
شكرا علي المرور ,
لكن لاساعيتي ما فضيت شئ؟
ست البنات.
|
Post: #31
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:07 PM
Parent: #30
الاخ جمال القوز,
سلام,
شكرا علي المرور,
خجيجي عد تسف من غلبها ومغايس البلد !
المسيكيني ختيبا سوالها الكي ,
عامنو عارفا عد تسف.
والعرسا واتا عد تسف كمان.
السفة دي هناك أصلها يصرفوها للناس مع التمر بدل الشلوخ!
ست البنات.
|
Post: #32
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:13 PM
Parent: #31
الاخت فريدة محجوب الفريدي,
سلام,
انت تنباركي ,
البت العارفي قدر السفة واهميتا!
شفتي كيف حتي السويديات قعد يسفن !
باقيلي السويديات ديل شايقيات ضلن طريقن للسويد !
كان كدي نكلم الشوايقة يمشوا يهاجروا للسويد فحال فيها التمباك,
وكمان نبقي زينا وزي المجراب العندهم حظ في سفارة المجر في السودان !
تسلمي والله ,
عليك الله تكلمي الوليدات العابو علي خجيجي الصعوط ديل فحال ما ينبشوها مالا دا .
ست البنات.
|
Post: #33
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:18 PM
Parent: #32
الاخ احمد خليل ,
سلام ,
مشكور علي المرور والصورة السمحي البرأت خجيجي فيحال سفت الصعوط !
عليك الله تقولها خجيجي تسلم عليك وقالتلك رسليلي سفة من اللتكون دي يبقي تبقي سمحي ورخيسي مالا اللتنا !
ست البنات.
|
Post: #34
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:21 PM
Parent: #33
الاخت نعمات عماد,
سلام,
مشكورة علي المرور ,
ويحلن ايامك ,
ان كان مشيتي للبلد أماني ماب تشبعي في النضم السمح ,
والعجب ان لاقيتي خجيجي وادتك دفيقات وصحن ترمس وقرفتنايتين وسفة !
ست البنات.
|
Post: #35
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:28 PM
Parent: #34
الأخ علي محمد الفكي,
سلام,
مشكور علي المرور.
عيللي انت اكنك ما شفت بنوت السويد الكملن صعوط السويد ورسلن لخجيجي يشحدنها ؟!
ويا علي يا اخوي خجيجي ما قعد تعرف تكتب فيشان كدي ما كتبت اللستة القلتها دي !
خجيجي مرقت من الخلوة اوالي ومشت لقش بهايما وقفيز تمرا وياهو جاء عيتمان دا متل الزهمول ختبا.
|
Post: #36
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 05:33 PM
الأخ محمد ابو العزائم ابو الريش ,
سلام,
وشكرا علي المرور,
عيللي انت مالك تناصف في خجيجي البينيي الفريد واحدي عند امها !؟
الخجخيج يا يابا يقع علي الانتخابات !
انت ما شفت البينيي السيويديي السيميحي الخاتي سفتا في التصويري بلا خجلة !؟
أسع انصاحبت مع خجيجي فحال السفة جمعتن !
وخجيجي البارح رسلتلها جردقة وحرجل , والسويديي صدت طلبت منها تمباك وقرض للنزلة !
ست البنات.
ست البنات.
|
Post: #37
Title: Re: بوست الرائعة الحبيبه ست البنات وكت خجيجي خلاها......
Author: ودقاسم
Date: 02-15-2015, 06:02 PM
Parent: #36
اللهجة حلوة
الحكي طاعم
الشاكوش حار
والانتقام حار مرتين
وخجيجي معاها حق
وعتمان تسّود عليهو وين ما يقبّل
والصعوط لم يخلق للرجل دون المرأة
وست البنات لازم تستمر في الكتابة
|
Post: #38
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-15-2015, 06:54 PM
Parent: #37
ود قاسم ,
سلام ,
مشكووور علي المرور البهي ,
ويايابا تنبارك ,
وتنعدل عليك شيقيش ما تقبل ,
ويخليلك حيبانك ,
ويطول عيميرك ,
وربي يجعللك في كل خطوة سلامة ,
وان ما حجيت تحج !
وتنوظف الوظيفي السمحي والماهيي الكبيري !
ست البنات.
|
Post: #39
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-19-2015, 06:46 AM
Parent: #38
|
Post: #40
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-19-2015, 07:11 AM
Parent: #39
|
Post: #41
Title: Re: بوست الرائعة الحبيبه ست البنات وكت خجيجي خلاها......
Author: عبدالحليم حامد النعيم
Date: 02-19-2015, 08:18 AM
Parent: #40
..
كلامك ... كلام يا .. ستهم ..
مسعوووووولة من الخير ... خجيجي دي .. ما ياها ... بت عم وليدنا ... المسنوح دة ... طارق ود جبرين ..
هسعيتي ... أدقلو .. واقولو بت عمك ... شايلا حسكم ..
ألحق ... وغطي قدحك ..
..
|
Post: #42
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-19-2015, 10:35 AM
Parent: #41
الأُخت إخلاص،
سلامين،
خجيجي قلبا مقطوع ومغبوني شديد.
مشكورة علي الطلة .
ست البنات.
|
Post: #44
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-19-2015, 10:59 AM
Parent: #42
نور عيني ستو
الشوايقيي ناس حنيينين = وكما قيل يحبوهم يجننو يشوكشوهم يحننو = في ليلة ذات عصف وزمهرير والدنيا ضلضومه = ناس العربي بقولو عليها حالكة السواد = في داخليتنا الما خمج
تجمعنا وكنا خليط شتي , منيرة جايا من البلد وعلي المدينه ونحن ناس مدن - سهام شايقيه من الخرطوم شارع المك نمر و عراقيتان سنيه وشيعيه وشقيقتان من (المسالمه غزال ) وتغنت منيرة
وكانت اسيا وابورك في الاراك
طير شنو ال علي رؤؤسنا ده طير وقماري وكل الجمال يا غالي
وعرفنا حاجة
الشايقي اتشوكش ودعي علي حبيبته , تصدقي دعوتو مستجابه
غايتو خجيججي ان دعت عليهو بتجيب اجلو
|
Post: #59
Title: Re: بوست الرائعة الحبيبه ست البنات وكت خجيجي خلاها......
Author: د.محمد بابكر
Date: 02-22-2015, 02:40 PM
Parent: #44
ههههههههههههه لكن خجيجى عندها data base ما يخلص.. اريتنى كان لقيته كان نفعنى فى قراية الكبر دى..تحياتى لست البنات وضيوفها..
|
Post: #60
Title: Re: بوست الرائعة الحبيبه ست البنات وكت خجيجي خلاها......
Author: طارق جبريل
Date: 02-24-2015, 01:14 PM
Parent: #44
برجع ليك بي مزاااااااااااااااااج يا ست البنات
|
Post: #43
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-19-2015, 10:52 AM
Parent: #41
عبد الحليم أخوي ،
سلام،
انت مالك ومال الفتني !؟
نان طارق حتي هو في الحسبي ود عمي!
أكنك اسعالو!
وخجيجي بت عمنا الاتنين!
أنا جيت قبيل مندلي بي تيحت شفت غنمايتك تعرج وباركي تاكل
في سبروق نس ابنعوف ، أخيرك أمشي صددا للكريقا قبّا ل ابنعوف ما يجي يكاتلك، بدل السواطة الجايي تسويها دي .
وشكراً علي الجيي دي.
ملحوظي:
إنت آ طارق ود عمي جبرين عيللي يكوركولك ؟ يا خرابة أكنها خجيجي دي مو هولكون ؟ حسبي في عجبي .
إن بيقيت كدي بس تاني ضُوومة مانا شايلين شِبا !
ست البنات.
|
Post: #45
Title: Re: بوست الرائعة الحبيبه ست البنات وكت خجيجي خلاها......
Author: Asim Fageary
Date: 02-19-2015, 11:05 AM
Parent: #43
Quote:
ملحوظي:
إنت آ طارق ود عمي جبرين عيللي يكوركولك ؟ يا خرابة أكنها خجيجي دي مو هولكون ؟ حسبي في عجبي .
إن بيقيت كدي بس تاني ضُوومة مانا شايلين شِبا !
ست البنات. |
غايتو يا ست البنات في ناس يتخيل لي بيدخلوا يتاوقوا في البوست وما بيفهموا منه الحبي دي وبيتخارجوا
باقيلي لو استعنتي بمرة (زوجة) طارق جبريل ودعمك دا جات ترجمته بالنوبي و شايقي من شوايقة المدن ترجموا بالعربي يكون احسن !
|
Post: #46
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-19-2015, 12:02 PM
Parent: #45
ترجمة علي الشريط
ت آ طارق ود عمي جبرين عيللي يكوركولك ؟ يا خرابة أكنها خجيجي دي مو هولكون ؟ حسبي في عجبي .
إن بيقيت كدي بس تاني ضُوومة مانا شايلين شِبا !
ست البنات.
عيللي ( الا ) يكوركولك ( يكوركو لك ) اكنها ( كانها ) مو هو لكون ( ما هو لكم )
ضوومه ضوومه دي سبه بلا سبب بقولوها
عاصم فقيري ازيك
شفت الناس تقلب القاف الف الشوايقيي يقلبو الالف عين وكما يفول ود الباوقه له السلام هع هع
ملحق الزول التحت الاسمو عب حليم قال لاميليلي اظنها الي يوم الليله
عربي 100%
يا شوايقة ما تصعبوها علينا
|
Post: #47
Title: Re: بوست الرائعة الحبيبه ست البنات وكت خجيجي خلاها......
Author: عبدالحليم حامد النعيم
Date: 02-19-2015, 12:23 PM
Parent: #45
..
ستهم ..
سلام يغشاك أخيتي .... ماني زول فتني ... عِــلا بت عمكن دي .. حشاها محروق بالحيل ..
والمسنوح ود اعمك ... ما كان يرجي لامن الخبر يصلنا ... باقي هو قال ضمة تاني مو صاد لي ... شبا
قت الحقو ... عمنو الخبر .. زاع وعمى القرى والحضر ..
غنيمايتي المقصوفة .. اريت ابنعوف يلحقى الصح ... يريحني منها ... باقي بقتلي في عزيزتي .. الله يصرفها ..
... ود عمك لامليلي ما ظهر ؟؟
..
|
Post: #49
Title: Re: بوست الرائعة الحبيبه ست البنات وكت خجيجي خلاها......
Author: عبدالحليم حامد النعيم
Date: 02-19-2015, 12:49 PM
Parent: #47
..
أخيتي اخلاص بت المشرف .. سلام يغشاك
..
هو باقي كلامنا دة دايرلو مترجم ؟ ما ظنيت .. ود فقيري فاهم كل كلمة بتتكتب هني ...
وكان مشيتي مع .. ستهم .. دي لي ... شبا ... هناك يا دوبك بتكوني عاوزاهو ... قصدي المترجم ..
..
|
Post: #48
Title: Re: بوست الرائعة الحبيبه ست البنات وكت خجيجي خلاها......
Author: جعفر محي الدين
Date: 02-19-2015, 12:34 PM
Parent: #45
نوع الكلام دا بيسموه السهل الممتنع
أول مرة اعرف إنه الكلمات ممكن تشكل قدامك مسرح متكامل
فكلمات ست البنات هنا تخلي الزول يشوف الحاجات قدامو واضحة
حتى الألوان ... وأدق التفاصيل
|
Post: #50
Title: Re: بوست الرائعة الحبيبه ست البنات وكت خجيجي خلاها......
Author: اخلاص عبدالرحمن المشرف
Date: 02-19-2015, 12:59 PM
Parent: #48
الشامخ عبد الحليم
شبا دي ما عرفتها يديكم العافيه
|
Post: #51
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-19-2015, 01:59 PM
Parent: #50
يا إخلاس !
وفي رواية شايقيي أُخري إخلا !
علي وزن انتصا (إنتصار)!
ولما سألوها ليه بتقولي لإنتصار إنتصا ؟
قالتلهون : إختصا (يعني إختصار)!
أسع يا إخلا دايري اقولك شِبا بلداً لينا في الشايقيي ،
كمان هي بلد حبوبتي ستي فاطني بت شيخ سغيّر رحمهم الله،
وياها بالد ناس طارق ود عمي جبرين.
عيلي بس حاتل في فاس الما وراها ناس المنقاش البمرق الشوكي ما يقلعو يجيبو !
علك الله إنْ لاقاك قوليو آ مقطوع الطاري بس تعال املا خشمك بي حريفاً حار ففِكْبو الريق !
ست البنات.
|
Post: #52
Title: Re: بوست الرائعة الحبيبه ست البنات وكت خجيجي خلاها......
Author: عبدالحليم حامد النعيم
Date: 02-19-2015, 02:06 PM
Parent: #51
..
بت المشرف ...
..أها كدي وقعتلك .. بعد كلام ستهم دة .
..
|
Post: #53
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-19-2015, 02:15 PM
Parent: #51
أخوي جحفر ،
سلام،
وباقيلي إنت ماك شايقي شي !
نان كيفن البطان ديل مابيفهموا نضمنا ؟ قالولك نحنا عُجُم ؟
والله ياهو !
اسع أجيب المِرق العند السام هووْ أشبعون في الدق !
واخلي جيليدون مِتل البَشَنْتيق المعطون بي موية الجنابيي !
واخليهون ينْجاضو مِتْل البهم الامو قاطي وضرِعا عدمان البولالي.
وكتّر خيرا البينيي العيديلي إخلاس قاعدي تفنّدلهون في نضمي وتوقعْلهون فيْيو !
نان تاني مالو بيغلِبون ؟ خلّهون ياكلولون هيْن بركاوي ولا تمودي إن تاني غلبتون فريد كلمي.
ست البنات.
|
Post: #54
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-19-2015, 02:15 PM
Parent: #51
أخوي جحفر ،
سلام،
وباقيلي إنت ماك شايقي شي !
نان كيفن البطان ديل مابيفهموا نضمنا ؟ قالولك نحنا عُجُم ؟
والله ياهو !
اسع أجيب المِرق العند السام هووْ أشبعون في الدق !
واخلي جيليدون مِتل البَشَنْتيق المعطون بي موية الجنابيي !
واخليهون ينْجاضو مِتْل البهم الامو قاطي وضرِعا عدمان البولالي.
وكتّر خيرا البينيي العيديلي إخلاس قاعدي تفنّدلهون في نضمي وتوقعْلهون فيْيو !
نان تاني مالو بيغلِبون ؟ خلّهون ياكلولون هيْن بركاوي ولا تمودي إن تاني غلبتون فريد كلمي.
ست البنات.
|
Post: #57
Title: Re: بوست الرائعة الحبيبه ست البنات وكت خجيجي خلاها......
Author: Omer Abdalla Omer
Date: 02-20-2015, 07:36 PM
Parent: #54
| Quote: أنا المستغربلها خجيجي البخليها تسف الصعوط شنو وهي لسع ما عرست؟ ما إمكن دا الطير منها الراجل الكان خاتبا؟ |
نفس الشعور يا دكتور ياسر! أنا ود أنصار، إنت مالك؟
شكرا لصاحبة الحكي الجميل ست البنات و لضيوفها و بالمناسبة قبيلة الجوامعة في منطقة شرق كردفان مركز الرهد و أم روابة تميل نفس إمالة الشوايقة فتقول الحلي " الحلة" و الجدادي " الجدادة" و البنيي "البنية" و يقولون أي " لايوا" او آآي بتاعة المدن. يقولون الكبريتي و الدهي " الدهية". الليلي ذكرتيني أهلي في الحلي يا أخيتي!
|
Post: #58
Title: Re: بوست الرائعة الحبيبه ست البنات وكت خجيجي خلاها......
Author: ست البنات
Date: 02-22-2015, 01:17 PM
Parent: #57
يا جماعة الخير خجيجي نبشتوها وشلتو حالا في الصعوط !
كدي خفو عليها شيويي اكان يجيها ختيب تاني !
والله اصلو الصعوط عندنا في الشايقيي ولاهو عيب !
ست البنات.
|
|