Post: #1
Title: للبيع برادو 2009 ... للجادين فقط
Author: عباس الدسيس
Date: 02-05-2015, 06:38 AM
23:38 م Feb 4,2015
سودانيز أون لاين
عباس الدسيس - Saudia
مكتبتي في سودانيزاونلاين
– محرك سعة 2.7 لتر
– عدد 4 سلندر
– السيارة تعمل بالدفع الرباعي
– قوة 160 حصان
– اقصى عزم للدوران 146 نيوتن – متر
– متوسط استهلاك السيارة 12.4 لتر لكل 100 كم
– سعة خزان الوقود : 87 لتر
– التسارع من 0 الى 100 كم في 13.5 ثانية
– السرعة القصوى 200 كم / ساعة
– خاصية التحكم في الجر
– خاصية الثبات الالكتروني
– المكابح مانعه للانزلاق ABS / توزيع قوى المكابح الكترونيا EBD
– خاصية مساعد المكابح
– عدد من الوسائد الهوائية الامامية و الجانبية لحماية السائق و الركاب
- عدد الكيلو مترات بالعداد 152000
- استعمال شخصي تم شراؤها من الوكيل رأسا
سؤال بايعها ليه ؟؟؟
زهجت من الياباني وعايز اغير
زكريات السودان جميلة خربوها القرف ديل الله اقلعهم ...
كان عندي سيارة سيهان بيرد بوقفها خارج المنزل في حته عاليه عشان الصباح لما اكون ماشي الشغل دفره صغيره وتقوم الاولاد الصغار بالله كرهوني نومت العصريه مرات اصحوني من النوم ناس البيت ....قوم في زول في الباب شوفو منو !!!!
القي ليك الشفع واقفين وبصوت واحد (( الحق عربيتك ياها ديك مشت براها)) ...
عشان اتفكه من حكاية عربيتي مرات بتقوم جاريه من العالي براها صلحته ليها الاستارتر وعامل فيها الولد خلاس عندو عربية عايز ادخلها جوه الحوش
الحاج ربنا اديهو الصحة والعافية حلف يمين العربية ما تخش جوه الحوش السبب قال بتخرب الباب بعدين قال لي عربيتك الدخاخينها تكل دي زمنها دا كلو في الشارع الجديد شنو عايز تدخلها يا ولدي خلي الشفع البقولو ليك عربيتك جرت براها الحرامي كان لقاها في نص الشارع بجي ادق ليك الباب اقول ليك الحق عربيتك .....
يا جماعه أنا جادي في حكاية البيع وبمناسبة الجدية عندي ليكم فيها قصة ....يتبع...
جوالي 0506246235
|
Post: #3
Title: Re: للبيع برادو 2009 ... للجادين فقط
Author: أيمن دياب
Date: 02-05-2015, 07:05 AM
Parent: #2
00:05 ص Feb 5,2015
سودانيز أون لاين
أيمن دياب - الرياض ـ المملكة العربية السعودية
مكتبتي في سودانيزاونلاين
قروشك كترت يا دسيس.. ما شاء الله شكلك عايز تخش في اليوكون والتاهو..
عموماً الله يرزقك.. وده شعراً ما عندنا ليهو رقبة..
لكن بنرفع ليك البوست سااااي كدة يا ود مدني الجميلة..
|
Post: #4
Title: Re: للبيع برادو 2009 ... للجادين فقط
Author: Hassan Makkawi
Date: 02-05-2015, 07:08 AM
Parent: #3
00:08 م Feb 5,2015
سودانيز أون لاين
Hassan Makkawi -
مكتبتي في سودانيزاونلاين
| Quote: - عدد الكيلو مترات بالعداد 152000 |
زول حوام حوامة شديدة...
|
Post: #5
Title: Re: للبيع برادو 2009 ... للجادين فقط
Author: الحاج حمد الحاج
Date: 02-05-2015, 07:24 AM
Parent: #4
00:24 م Feb 5,2015
سودانيز أون لاين
الحاج حمد الحاج - جدة - السعودية
مكتبتي في سودانيزاونلاين
| Quote: عدد الكيلو مترات بالعداد 152000 |
| Quote: زول حوام حوامة شديدة... |
يا ايمن 152000 في حوالي ال6 سنوات دي ما حوامة شديدة..الزول دا في السعودية يعني يكون فيها مشوار مكة و المدينة و لو فيها اجازة السودان بتكون الكيلومترات دي معقولة.
|
Post: #9
Title: Re: للبيع برادو 2009 ... للجادين فقط
Author: محمد الأمين موسى
Date: 02-05-2015, 07:50 AM
Parent: #5
00:50 م Feb 5,2015
سودانيز أون لاين
محمد الأمين موسى - الشارقة- دولة الإمارات العربية
مكتبتي في سودانيزاونلاين
يا زول العربية دي سرعتها القصوى 200 كلم/س وليس 170كلم/س!
|
Post: #6
Title: Re: للبيع برادو 2009 ... للجادين فقط
Author: معتصم سليمان
Date: 02-05-2015, 07:35 AM
Parent: #4
00:35 م Feb 5,2015
سودانيز أون لاين
معتصم سليمان - الرياض -السعودية
مكتبتي في سودانيزاونلاين
تحية طيبة وتقديراً للجميع
بالمناسبة الزول ده ماحوام لأنو العربية دي موديلها 2009
ونحن الان في 2015 ولنفترض 2014 يعني عمرها 6 سنوات
يعني نهاية 2008
الراجل اشتراها على الزيرو والعداد عندو الان 152000 كيلومتر
يبقى بعملية حسابية سريعة في اليوم بيمشي حوالي 70 كيلو في اليوم
الراجل مقيم في السعودية إذا فيها مشاوير الشغل واليومية ومتطلبات البيت
والمناسبات والزيارات الاجتماعية والعجب كان هو في الرياض ممكن
يمشي اكتر من كده في اليوم .
الراجل بكل تأكيد مشى بيها مالايقل عن 5 او 4 مرات اجازة السودان
يعني لو هو في جدة مشاوير الاجازة زائد الطريق ماشي وجاي لا تقل عن 5000 كلم
في الاجازة الواحدة ولو خصمناها من الاجمالي بنلاقيهو ما حوام أبداً
بالمناسبة التحليل ده القصد منو التنويع ساي في المداخلات وعليش لو فيكم واحد
علاهو التحليل ده وأسأل الله التوفيق بالبيع المرضي لصاحب البرادو والشراء المرضي
لسيد النصيب .
|
Post: #7
Title: Re: للبيع برادو 2009 ... للجادين فقط
Author: نادر النور آدم
Date: 02-05-2015, 07:39 AM
Parent: #6
00:39 م Feb 5,2015
سودانيز أون لاين
نادر النور آدم - المملكة العربية السعودية - الرياض
مكتبتي في سودانيزاونلاين
موفق يا عبس..
اقع الاكسبدشن ولن تندم عليها عروض رهيبة اليومين ديل
|
Post: #8
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 07:42 AM
Parent: #4
00:42 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
حمزاوي يا وجيه اخبارك والاهل
دفعو فيها 62 الف ريال
|
Post: #10
Title: Re: للبيع برادو 2009 ... للجادين فقط
Author: الزبير بشير
Date: 02-05-2015, 07:54 AM
Parent: #8
00:54 م Feb 5,2015
سودانيز أون لاين
الزبير بشير - السودان - ام درمان
مكتبتي في سودانيزاونلاين
الدسيس
ربنا استر ما تكره حاجه تانيه ، الحمدلله بقت علي اليابانيه
عربه موديل 2006 اشتراها صاحبي بي 65 الف ريال
اقل من 75 الف لا تبيع
|
Post: #11
Title: Re: للبيع برادو 2009 ... للجادين فقط
Author: الحاج حمد الحاج
Date: 02-05-2015, 07:58 AM
Parent: #8
00:58 ص Feb 5,2015
سودانيز أون لاين
الحاج حمد الحاج - جدة - السعودية
مكتبتي في سودانيزاونلاين
| Quote: اقع الاكسبدشن ولن تندم عليها عروض رهيبة اليومين ديل |
بصورة عامة الياباني لو عاوز تبيع بجيب سعر لكن الأمريكي مريح في الاستخدام لكن يومك التنوي تبيع تلقى السعر واقع في الواطة.
بالتوفيق يا دسيس في بيعة سمحة ان شاء الله.
|
Post: #12
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 08:00 AM
Parent: #8
01:00 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: قروشك كترت يا دسيس.. ما شاء الله شكلك عايز تخش في اليوكون والتاهو..
عموماً الله يرزقك.. وده شعراً ما عندنا ليهو رقبة..
لكن بنرفع ليك البوست سااااي كدة يا ود مدني الجميلة.. |
دياب يا حبيبنا مشتاقين والله
اخبارك
المشاغل منعتنا من اللقيا الخميس الجاي قطع شك معاكم
لو قلته بسم الله شعرك بصل ركبيك .. اسأل ياسر العيلفون
بيني وبينك الياباني ضيق وانا شغال عكس نظرية الضيق كويس
فعلا عايز اقع الامريكي
الدنيا يا دياب عيش فيها واتمتع زمنها قصير برضو الواحد احاول اخلق مساحات فرح لي نفسو كل فترة اشوف ليهو موضوع
شكرا للرفع عارفك خطير
تحياتي وتقديري
|
Post: #13
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 08:07 AM
Parent: #12
01:07 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
| Quote: زول حوام حوامة شديدة... |
حسن سلام يا حبيبنا
ياخ أنا البيت الشغل مع مساحات الرياض الواسعه اكثر من معقولة
وكمان ما من انصار الذهاب للسودان اجازة بعريبة
يا دوبك مكة والدمام ومشوارين فقط
تحياتي وتقديري
|
Post: #14
Title: Re: للبيع برادو 2009 ... للجادين فقط
Author: محمد علي البصير
Date: 02-05-2015, 08:08 AM
Parent: #8
01:08 ص Feb 5,2015
سودانيز أون لاين
محمد علي البصير - ـ الرياض ـ السعودية
مكتبتي في سودانيزاونلاين
حبينا عبس سلامات
ربنا يزيدك من فضلو
داير أعلق وأضيف
التعليق ـ
أستغربت لإنو سيارة بهذا الصيت والسمعة يكون أقصى سرعة ليها فقط 170 كيلومتر ـ أعتقد إنك غلطان في الملعومة دي
الحاجة الثانية الزول القال 152000 دليل حوامة ـ يا زول في السعودية دا دليل ركلسة شديدة زي ركلتسي دي
يا عبس الياباني دا أفضل منو من ماف
دحين ياأخوي جدد الموديل ، لكن البرادو ما تفارقا
لو لأي سبب قررت تبيعا في السودان ، تلقى نفسك زي ما تكون بتبيع في دهب أو دولار ـ وبرضو في السعودية .
ولو ناوي الأمريكي ، سيارات فارهة وممتعة ، وسيارات ركوب ، لكن ما سيارات سوق
خلاف البرادو فهى ركوب وسوق في أن واحد
|
Post: #15
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 08:24 AM
Parent: #14
01:24 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
| Quote: يا ايمن 152000 في حوالي ال6 سنوات دي ما حوامة شديدة..الزول دا في السعودية يعني يكون فيها مشوار مكة و المدينة و لو فيها اجازة السودان بتكون الكيلومترات دي معقولة. |
الحاج حمد سلام يا حبيبنا
اخبارك
تحليليك منطقي خاصة المساحات في الرياض واسعة بين جري الشغل وتوصيل المدارس وحوامة المراة نهاية الاسبوع اكثر من معقولة
والمسافات الطويلة دايما بقع الطيران السواقه مملة ومتعبه
تحياتي وتقديري
|
Post: #16
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-05-2015, 08:31 AM
Parent: #14
01:31 م Feb 5,2015
سودانيز أون لاين
عبداللطيف خليل محمد على -
مكتبتي في سودانيزاونلاين
الدسيس ..
نهارك سعيد ياخي و اتمنى ليك البيعة الرابحة و الله ..
و عقبال الهيلوكوبتر ان شاء الله ..
لكن بس
تحويل المنبر لـ ( ملجة ) دا شي ما كويس .
و مع انتشار ( النت ) و تقدم التقنية الحاصل - لو فتحنا باب زي دا - بكرة ح يجيك واحد عاض ( حمارو ) في أم طرقاً عراض ..
حينها تشربوا و ما ترووا ..
سودانيزاوتلاين ( مساحة ) تعبيرية و الله ما ساهلة أبداً ..
و رقم في السايبر العريض ..
و عامل ( لخمة ) و ( صداع ) لجهات كتيرة تخوض صراع عنيف ضد ( الكلمة و حرية التعبير ) ..
و ( ملجأ ) لكتير من الذين يواجهون العنف و الارهاب بالقلم و المناداة بحرية الرأي ..
و برضو ( سهم ) أمامي في محاربة نظام فاضي و مستبد و عنيف في صراعو مع المنادين بالديمقراطية .
عشان كدا - و مع تقديري - لبحثك عن ( سوق ) أو ( حراج ) لتصريف بضاعتك - الا انو دا ما مكانو ..
وسع صدرك ..
و تقبل كلامي دا .. و ما تعمل كدا تاني ..
لأنو لو فتح المنبر باب زي كدا حتكون عواقبو وخيمة جدا ..
و حترحل كل الأقلام ..
بعدها سنجد آلاف مؤلفة من ( السمسارين ) و ( تجار اللقمة ) و ( تجار الدين )
و طوابير من اللصوص ..
شكرا جزيلا ..
|
Post: #17
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 08:31 AM
Parent: #14
01:31 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
| Quote: يا زول العربية دي سرعتها القصوى 200 كلم/س وليس 170كلم/س! |
محمد الامين سلام يا حبيبنا
الف شكر علي التصحيح
ساكي الامريكي عشان كده حصلت لي لخبته ما بين الكيلو والميل
القصوي فعلا 200كلم
تحياتي وتقديري
|
Post: #18
Title: Re: للبيع برادو 2009 ... للجادين فقط
Author: هشام عباس
Date: 02-05-2015, 08:41 AM
Parent: #17
01:41 م Feb 5,2015
سودانيز أون لاين
هشام عباس - المملكة العربية السعودية - الخبر
مكتبتي في سودانيزاونلاين
Quote: الصغار بالله كرهوني نومت العصريه مرات اصحوني من النوم ناس البيت ....قوم في زول في الباب شوفو منو !!!!
القي ليك الشفع واقفين وبصوت واحد (( الحق عربيتك ياها ديك مشت براها)) ... |
هههههههه ياخى الحتة دى كتلتنى بالضحك وانا بتخيل المنظر
زى ما قالوا ليك الاخوان فوق العربات الامريكية مريحة وفارهة فعلا لكن ما عربات سوق يعنى ما بتحفظ ليك قريشاتك ودى نقطة مهمة لناس زينا بتكابس فى الغربة وتفكر تعمل حاجة لقدام ...
خليك فى اليابانى وجدد او تعال عندنا فى الهوينداى عربات سعرها خفيف ومناسبة والله انا لى شهرين راكب توسان غايتو مبسوط منها ...
تحياتى عباس
|
Post: #19
Title: Re: للبيع برادو 2009 ... للجادين فقط
Author: حمد عبد الغفار عمر
Date: 02-05-2015, 08:47 AM
Parent: #18
01:47 ص Feb 5,2015
سودانيز أون لاين
حمد عبد الغفار عمر -
مكتبتي في سودانيزاونلاين
كيفك يا عبس
السيارة نضيفة ما شاء الله (طبعا أنا شفتها على الطبيعة) وما تفرط فيها بسهولة أو ترميها رخيصة بسبب الزهج
الأمريكي غير إنو مريح بحتفظ بجمالو وهيبتو لكم سنة لو لقى سواقة كويسة انما الياباني سنة أتنين بالكتير بتهلهل وزي اللبس كل سنة أجمل من القبلها عشان كدا بتحرد عربيتك كل ما ينزل موديل جديد
نتمنى ليك التوفيق
|
Post: #20
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 12:54 PM
Parent: #19
05:54 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: الدسيس ..
نهارك سعيد ياخي و اتمنى ليك البيعة الرابحة و الله ..
و عقبال الهيلوكوبتر ان شاء الله ..
لكن بس
تحويل المنبر لـ ( ملجة ) دا شي ما كويس .
و مع انتشار ( النت ) و تقدم التقنية الحاصل - لو فتحنا باب زي دا - بكرة ح يجيك واحد عاض ( حمارو ) في أم طرقاً عراض ..
حينها تشربوا و ما ترووا ..
سودانيزاوتلاين ( مساحة ) تعبيرية و الله ما ساهلة أبداً ..
و رقم في السايبر العريض ..
و عامل ( لخمة ) و ( صداع ) لجهات كتيرة تخوض صراع عنيف ضد ( الكلمة و حرية التعبير ) ..
و ( ملجأ ) لكتير من الذين يواجهون العنف و الارهاب بالقلم و المناداة بحرية الرأي ..
و برضو ( سهم ) أمامي في محاربة نظام فاضي و مستبد و عنيف في صراعو مع المنادين بالديمقراطية .
عشان كدا - و مع تقديري - لبحثك عن ( سوق ) أو ( حراج ) لتصريف بضاعتك - الا انو دا ما مكانو ..
وسع صدرك ..
و تقبل كلامي دا .. و ما تعمل كدا تاني ..
لأنو لو فتح المنبر باب زي كدا حتكون عواقبو وخيمة جدا ..
و حترحل كل الأقلام ..
بعدها سنجد آلاف مؤلفة من ( السمسارين ) و ( تجار اللقمة ) و ( تجار الدين )
و طوابير من اللصوص ..
شكرا جزيلا .. |
منها نرفع المفترع شغل استثمار لبيع السيارة ومنها نتونس وبرجع ليكم تاني ... نفر ..نفر
استميحكم عذرا نرد علي.....
عبداللطيف خليل محمد علي
أول ما توظفنا وعاجبانا الوظيفة لينا جارة صاحبة الوالدة عندها بنات كثيرات كانت بدايتها بالبت الكبيرة طلعت اشاعه قالت عباس عايز بتي الموضوع اخذ زمن بعد فترة بتها اتزوجوها ما قعدنا لينا كم شهر مسكت في الثانية ((هوي يا بنات امي بتي الكبيرة قدر ما حاولتها لي عباس ابت كلو كلو لكن الثانية احمد الله وافقت بيهو .... أها خشيت في موال الثانية عباس عايزها ما عدينا فترة اتزوجوها.
أمي الكلام ما عجبها حكاية كل مرة صاحبتها مطلعه لي اشاعه ومدياني شاكوش بي واحده من بناتها قالت لي فلانه دي صاحبتي وما بقدر اتكلم معاها لازم انت توقف البتعمل فيهو دا !!!
قلت ليها يا حاجة لو شواكيشي أنا بتفك ليها بورت بناتا خليها انتي مضرره بي شنو...!!!
حسي يا حبيبنا عبداللطيف لو المفترع بتاعي بحل ليك مشكلة الحكومة حسي بكلم الباشمهندس بكري اشيلو وكمان العربية ذاتا هدية في سبيل الحل.
شوف يا حبيبنا حكومة السجم دي ما اضررت منها اكثر مني انا لو علي الصعيد الشخصي او الاسري بعدين يا حضرت المناضل عايزنا طوالي ندق صيوان البكا ونقعد نكورك الحكومة سوت والحكومة سرقت والحكومة اعتقلت الحكومة طايرة في السما نوقف عيشتنا لما هي تمشي حتي نفرجا علي روحنا أها حسي شوف قاعده ليها كم سنة لو عملنا كده كان شربنا الزيت والله يا الحبيب نبيع ونشتري ونركب الركوب بجميع انواعه ونسافر ونعيش حياتنا وباقي النفس بنعارض بيهو وقت ما الله افوتا التمشي.
والله انت زول لذيذ عجبتني حكاية :
Quote: وسع صدرك
وتقبل كلامي ده .... وتاني ما تعمل كدا
|
صدري من شدة ما واسع صحراء الربع الخالي ما العربية دي كان ابيعها في سودانيز نشوفك بتعمل شنو بعدين خلينا من درب النضال وسع صدرك انت لو نظرت لي المفترع ممكن تستفيد منو في معلومات عن السيارات أو تستفيد من لغة السخريه والونسه ترفه شويه ... خليك مع الزمن يا حبيبنا ... ما شايف فوق قلتا يتبع...
أما بحكاية الحمير والملجة ...غايتو كان ما ناس الحكومة ديل شردونا انت قايل ناس الحمير ديل منو ما احنا ذاتنا اتخيل الحكومة دي مافي وخلونا في زمن حميرنا وسودانيز قاعده احلف ليك بي الله كان تلقي مفتر مني:
حمار مكادي ابيض اللون للبيع
يا ود خليل بالله شتت مننا وخلينا في حالنا
|
Post: #21
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 12:59 PM
Parent: #20
05:59 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: تحية طيبة وتقديراً للجميع
بالمناسبة الزول ده ماحوام لأنو العربية دي موديلها 2009
ونحن الان في 2015 ولنفترض 2014 يعني عمرها 6 سنوات
يعني نهاية 2008
الراجل اشتراها على الزيرو والعداد عندو الان 152000 كيلومتر
يبقى بعملية حسابية سريعة في اليوم بيمشي حوالي 70 كيلو في اليوم
الراجل مقيم في السعودية إذا فيها مشاوير الشغل واليومية ومتطلبات البيت
والمناسبات والزيارات الاجتماعية والعجب كان هو في الرياض ممكن
يمشي اكتر من كده في اليوم .
الراجل بكل تأكيد مشى بيها مالايقل عن 5 او 4 مرات اجازة السودان
يعني لو هو في جدة مشاوير الاجازة زائد الطريق ماشي وجاي لا تقل عن 5000 كلم
في الاجازة الواحدة ولو خصمناها من الاجمالي بنلاقيهو ما حوام أبداً
بالمناسبة التحليل ده القصد منو التنويع ساي في المداخلات وعليش لو فيكم واحد
علاهو التحليل ده وأسأل الله التوفيق بالبيع المرضي لصاحب البرادو والشراء المرضي
لسيد النصيب . |
معتصم يا حبيبنا سلامات
حقو اعمل ليك وكالة ببيعها وتاخذ نص الثمن
خطير والله ...
زول بياع وشراي
مع خالص ودي وتقديري
|
Post: #25
Title: Re: للبيع برادو 2009 ... للجادين فقط
Author: Asim Fageary
Date: 02-05-2015, 01:14 PM
Parent: #21
06:14 م Feb 5,2015
سودانيز أون لاين
Asim Fageary -
مكتبتي في سودانيزاونلاين
يا عبس سلام مربع
التغيير بصراحة سمح أسألني منه أنا
بعدين يا عبس ياها البتقدر تمارس فيها التغيير .. الحاجة التانية ديك تعارفك ما بتقدر لا تغيير لا تزيدها بأختها
أها إتفشى في العربات دي وغير وربنا إنشاء الله يزيدك وتغير سنوياً عربية بسوقوها دفع رباعي وفل أوبشن
على الأقل تخليك قاعد في علبك وعينك ما تطير في حاجات تانية !
________________________
طبعاً عارفك نفسك في الحاجات التانية لكن برضو بوصيك الشغلة بقى فيها طعن سكاكين !
|
Post: #22
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 01:02 PM
Parent: #20
06:02 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: موفق يا عبس..
اقع الاكسبدشن ولن تندم عليها عروض رهيبة اليومين ديل |
نادر اخبارك يا حبيبنا
أنا قلته كده يا الاكسبيدشن يا التاهو
اول نتفكا من العيونا دقاق دي
تحياتي وتقديري
|
Post: #23
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 01:10 PM
Parent: #20
06:10 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: الدسيس
ربنا استر ما تكره حاجه تانيه ، الحمدلله بقت علي اليابانيه
عربه موديل 2006 اشتراها صاحبي بي 65 الف ريال
اقل من 75 الف لا تبيع |
الزبير الختمي
اخبارك يا حبيبنا
لو عارف بيع العربية بجيبك هنا وبخلي دكتور بدر السنوسي ود عمنا الطول من سودانيز اتصل علي كان بعتها زمان بي مفترع في سودانيز
يا خوي احنا الكراهيه بتاعتنا حدها العربات بالله ما تجيب لينا مشاكل حسي لو بالغلط عترو في كلامك دا ما طيارتنا قامت
السعر يا حبيبنا بتاع واحد سمسار من بتاعين المعارض واكيد عايز فيها فائدة
الزبير عليك الله شوف لي واحد من ناسك الختمية ديل اشتريها بدفعو كويس انت كان ما عندك واحدة زيها كان اشعلقت في رقبتك
تحياتي يا حبيبنا
|
Post: #26
Title: Re: للبيع برادو 2009 ... للجادين فقط
Author: الفاتح شلبي
Date: 02-05-2015, 01:26 PM
Parent: #23
06:26 م Feb 5,2015
سودانيز أون لاين
الفاتح شلبي -
مكتبتي في سودانيزاونلاين
عباس الدسيس
تحياتي ,,,
بييييييييييييييع وتعال للأمريكي ياخي حيث الرفاهية والأمان فى السيارات الأمريكية .. نحن السودانيين ثقافتنا تويوتا وكأننا حنرسلها للسودان
أما من حيث الحوامة فأنت حوام بلا شك .. المتوسط المتفق عليه لعداد الطيلو سنوياً 20,000 كيلومتر وعليه 20,000 ضرب 6 = 120000 كيلومتر ..يعني انت محنك السيارة دي فى 37 الف كيلو ههههههههههههه
|
Post: #27
Title: Re: للبيع برادو 2009 ... للجادين فقط
Author: Yousuf Taha
Date: 02-05-2015, 01:40 PM
Parent: #26
06:40 م Feb 5,2015
سودانيز أون لاين
Yousuf Taha - wanind2012
مكتبتي في سودانيزاونلاين
عباس الدسيس الزول الجميل
بالتوفيق وبركة الجابتك زهجتك من البرادو
|
Post: #28
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 02:13 PM
Parent: #27
07:13 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: بصورة عامة الياباني لو عاوز تبيع بجيب سعر لكن الأمريكي مريح في الاستخدام لكن يومك التنوي تبيع تلقى السعر واقع في الواطة.
بالتوفيق يا دسيس في بيعة سمحة ان شاء الله. |
الحاج احمد
سلام يا حبيبنا ومتشكر علي الاهتمام والمتابعه
الامريكي فعلا ركوب فقط الميزة متعه في الاستخدام ومتانة
تحياتي
|
Post: #29
Title: Re: للبيع برادو 2009 ... للجادين فقط
Author: عباس الدسيس
Date: 02-05-2015, 02:40 PM
Parent: #28
07:40 م Feb 5,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: يا عبس الياباني دا أفضل منو من ماف
دحين ياأخوي جدد الموديل ، لكن البرادو ما تفارقا
لو لأي سبب قررت تبيعا في السودان ، تلقى نفسك زي ما تكون بتبيع في دهب أو دولار ـ وبرضو في السعودية .
ولو ناوي الأمريكي ، سيارات فارهة وممتعة ، وسيارات ركوب ، لكن ما سيارات سوق
خلاف البرادو فهى ركوب وسوق في أن واحد
|
محمد علي البصير
سلام يا حبيبنا اخبارك والاسرة الكريمة
مشتاقين
حكاية البيع في السودان ما أعتقد أما السعوديه نسبة الفرق بين الامريكي والياباني ما كبيرة لدرجة تخوف
خت الفرق في متعة السواقه والراحة ودا العايزنو وربك اهون
شاكر ومقدر يا حبيبنا
|
Post: #30
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-05-2015, 06:07 PM
Parent: #29
11:07 م Feb 5,2015
سودانيز أون لاين
عبداللطيف خليل محمد على -
مكتبتي في سودانيزاونلاين
عباس :
ما عندي زمن كتير ارد عليك سطر سطر .. الا بجيك برواقة ..
قصدي انو يا زول ما تعمل المنبر ( حراج ) - أوبالأصح - ملجة و ( قشرة فارغة ) - في الفارغة ساي ..
نعم المنبر وسيلة نضال حرة و شريفة ..
لكن الزيك دا عايز يستغل ( اللمة ) الفيهو ..
انا متأكد بعد تبيع عربيتك دي بكرة حتجي تعرض حمار جدك و غنماية حبوبتك و جدادة جيرانكم ..
ياخي في مليون سوق ..
خش ليك في عراقي خفيييييييف و سمسر بعيد بعيد ..
|
Post: #31
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-05-2015, 06:35 PM
Parent: #30
11:35 م Feb 5,2015
سودانيز أون لاين
عبداللطيف خليل محمد على -
مكتبتي في سودانيزاونلاين
بالله جاب ليك كم لحد الآن .؟
|
Post: #32
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-05-2015, 06:40 PM
Parent: #31
11:40 م Feb 5,2015
سودانيز أون لاين
عبداللطيف خليل محمد على -
مكتبتي في سودانيزاونلاين
Quote: ول ما توظفنا وعاجبانا الوظيفة لينا جارة صاحبة الوالدة عندها بنات كثيرات كانت بدايتها بالبت الكبيرة طلعت اشاعه قالت عباس عايز بتي الموضوع اخذ زمن بعد فترة بتها اتزوجوها ما قعدنا لينا كم شهر مسكت في الثانية ((هوي يا بنات امي بتي الكبيرة قدر ما حاولتها لي عباس ابت كلو كلو لكن الثانية احمد الله وافقت بيهو .... أها خشيت في موال الثانية عباس عايزها ما عدينا فترة اتزوجوها.
أمي الكلام ما عجبها حكاية كل مرة صاحبتها مطلعه لي اشاعه ومدياني شاكوش بي واحده من بناتها قالت لي فلانه دي صاحبتي وما بقدر اتكلم معاها لازم انت توقف البتعمل فيهو دا !!!
قلت ليها يا حاجة لو شواكيشي أنا بتفك ليها بورت بناتا خليها انتي مضرره بي شنو...!!! |
|
Post: #33
Title: Re: للبيع برادو 2009 ... للجادين فقط
Author: محمد علي البصير
Date: 02-07-2015, 08:19 AM
Parent: #32
01:19 م Feb 7,2015
سودانيز أون لاين
محمد علي البصير - ـ الرياض ـ السعودية
مكتبتي في سودانيزاونلاين
الأخ عبد اللطيف خليل محمد علي ـ لك تحية التقدير والإخاء
سؤال ـ هناك عدد كبير من إعلانات بيع وتسويق السلع يقوم بها عدد من الأعضاء ـ
حيث يعلن كثيراً جداً عن بيع اراضي ، عقارات ، سيارات ، وغيرها
وأخرون يعلنون عن وظائف
فلم الإعتراض على إعلان أخونا عباس !!
لو أن إعلان بيع السيارة هو الأول من نوعه لوجدنا لك العذر في ذلك
فمنذ معرفتنا بسودانيز أونلاين ، فهو بجانب أنه ساحة للحوار البناء فهو موقع خدمي
بل وتعرض من خلاله السلع
ولك العتبى حتى ترضى
|
Post: #34
Title: Re: للبيع برادو 2009 ... للجادين فقط
Author: عبد العزيز محمد عمر
Date: 02-07-2015, 08:29 AM
Parent: #33
01:29 م Feb 7,2015
سودانيز أون لاين
عبد العزيز محمد عمر -
مكتبتي في سودانيزاونلاين
قلت السوم 63 ألف ريال
أها حدها كم ؟؟؟
شفت كلام الشريطية كيف يا ركس
|
Post: #35
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-07-2015, 08:32 AM
Parent: #33
01:32 م Feb 7,2015
سودانيز أون لاين
عبداللطيف خليل محمد على -
مكتبتي في سودانيزاونلاين
اخونا / محمد علي البصير ..
حياك الله و أبقاك ..
وردت عدة إعلانات هنا نعم ؛ لكن ما نطيت ليهم في حلقهم لأني لقيت واحد في امبركا عرض قطعة أرض .
في اميركا ما في ( حراج ) و لا سوق عقارات ..
و ربما يكون البائع في منطقة نائية لا أذن تسمعه الا عبر المنبر .. لذلك رفعنا عنه الحرج ..
لكن لما يجيك واحد في السعودية - مثلاً - دا ببقى استهبال و استغلال سيئ للمنبر .
بل محاولة لجر المنبر ايكون ( ملجة ) ..
المعروف انو السعودية فيها اكبر أسواق السيارات - و في اي مدينة -
يعني الزول دا ممكن يعرض سيارتو هناك .. قبلو .. مش هنا ..
الشي التاني : عليك الله صحبك دا مالو شايل حس جارتو دي ؟ لو صح ما قال !!!!
مع يقيني انو دي قصة في خيالو بس - ما حصلت -
قاشر ببرادو و داير يقشر ببنات الجيران .
( شفت ) ..
مع فائق تقديري ..
|
Post: #36
Title: Re: للبيع برادو 2009 ... للجادين فقط
Author: درديري كباشي
Date: 02-07-2015, 09:31 AM
Parent: #35
02:31 ص Feb 7,2015
سودانيز أون لاين
درديري كباشي - الرياض السعودية
مكتبتي في سودانيزاونلاين
نقطة نظام صغيرونة
وتذكير للاخ عبد اللطيف . طبعا بعد أن يسمح .
نسبة لمعرفتي الشخصية والصداقة التي جمعتني بعباس الدسيس أذ جمعتنا شركة واحدة لمدة سبعة سنوات كان يعمل بها مديرا اداريا .. عملية بيعه لسياراته الشخصية لن يحوجه لمنبر سودانيز اونلاين أو أي منبر آخر .. فبحكم وظيفته إذ أنه كان مسؤالا عن تغيير أسطول الشركة للسيارات بيعا وشراءا .. فبيعه لسيارته لن يكلفه أكثر من رفع سماعة التلفون .وأجزم بأن هذا البوست لم يكن بغرض الترويج .أو على الأقل لم يكن الترويج هدفا في حد ذاته .
لكن عباس ولموهبته الخاصة في خلق المواضيع الطريفة والساخرة من أحداثنا اليومية والمفارقات التي نعيشها . وربطها بالسياسة والاجتماعيات كل هذا جعل شعبية لقلمه في كل المنابر التي جمعتنا قبل ذلك وبعد .
كان ممكن يؤخذ الموضوع بفهم استغلال المنبر وتحويله لحراج لو وضع صورة السيارة فقط مع ومواصفاتها وسعرها .ولكن هو دبج البوست بذكريات ومواقف مع سياراته القديمة . وحتى هذا لو فعله فهو لا يختلف كثيرا عن أعلانات كثيرة سبقت وعرضت هنا .. وحتى تلك لم تضر المنبر بشئ ولا حولته لدلالة أو حراج .. بل من الأفضل أن يكون المنبر شاملا لكل شئ يغطي جوانب نشاطنا الحيوي والرياضي واليومي و هذا سيكسر الملل ويجعل المنبر جاذبا لكل القراء طالما أنه يغطي جل أهتماماتهم .
برجعك لك يا عبس في مواقف مشابهة مع السيارات ومفارقاتها منذ حياتنا في السودان وحتى الغربة .
|
Post: #37
Title: Re: للبيع برادو 2009 ... للجادين فقط
Author: عبدالمنعم الطيب حسن
Date: 02-07-2015, 09:36 AM
Parent: #35
02:36 م Feb 7,2015
سودانيز أون لاين
عبدالمنعم الطيب حسن -
مكتبتي في سودانيزاونلاين
عبس، سلام يا فردة....
واحد معرفة، مرطب ترطيبة حبيبك،
ابتدأ باكرا بالبرادو،
وكل سنة ياخد لفة على الموديلات، وصل الاميريكي، وختم قبل شهور باللقزس،
وعندما ازفت 2015، فكر شهرا،
وباع اللقزس، ورجع سودانيا محضا،
برادو 2015 ستة سلندر، ولا كلمة،
وعندما سالناهو، قال زي التايوتا ما لقيت،
بالتوفيق يا حبيب.....
|
Post: #38
Title: Re: للبيع برادو 2009 ... للجادين فقط
Author: عبد العزيز محمد عمر
Date: 02-07-2015, 09:56 AM
Parent: #37
02:56 ص Feb 7,2015
سودانيز أون لاين
عبد العزيز محمد عمر -
مكتبتي في سودانيزاونلاين
| Quote: في مواقف مشابهة مع السيارات ومفارقاتها |
كويس يا درديري انك ذكرتنا بعض القصص . طبعا بعد ما شربنا الجبنة..
زميلنا الأستاذ / عبد المنعم سليمان العوض ، من ناحية كوستي، كان يعمل مدرساً للغة الإنجليزية في القاعدة العسكرية بحفر الباطن.
وحاليا في معهد سلتي بالخرطوم.
كان لديه سيارة من النوع ( الملكلك )..ذو المكنة المسخنة والعوادم المدخنة.. وكان يعمل معه أيضاً اخونا الدكتور/ خالد محمود حسين الخضر.
بجامعة تبوك حاليا
منطقة حفر الباطن تشتهر بالضباب والأمطار. مشكلة سيارة عبد المنعم كانت في ( مساحات القزاز، أو سمها نشافات)..
وكل أسبوع نشتري له طقماً جديدا ونرسله له، دون جدوى.
حضر دكتور خالد للرياض واشترى سيارة كانت أفضل حالاً بكثير من سيارة عبد المنعم... وسافر بها إلى حفر الباطن...
وأخبر عبد المنعم أنه اشترى سيارة، ودعاه لمشاهدتها.... ويقول خالد فيما يذكر أنه قام طوالى بتشغيل المساحات، لعلمه أنها ( عقدة ) عبد المنعم ..
رأى عبد المنعم المساحات تشتغل بسلاسة، اندهش عبد المنعم لذلك وقال ليهو : دي سيارة تمام ما فيها أي شخشخة..
مبروك يا زول .. وما عاوز شوف الباقي.. أبداً ... كدا تمام .. وما تنسى الكرامة كمان
الشغيل
|
Post: #39
Title: Re: للبيع برادو 2009 ... للجادين فقط
Author: بدرالدين الطائف
Date: 02-07-2015, 09:56 AM
Parent: #37
02:56 ص Feb 7,2015
سودانيز أون لاين
بدرالدين الطائف - مكة المكرمة
مكتبتي في سودانيزاونلاين
Quote: هذا البوست لم يكن بغرض الترويج .أو على الأقل لم يكن الترويج هدفا في حد ذاته .
لكن عباس ولموهبته الخاصة في خلق المواضيع الطريفة والساخرة من أحداثنا اليومية والمفارقات التي نعيشها . وربطها بالسياسة والاجتماعيات كل هذا جعل شعبية لقلمه في كل المنابر التي جمعتنا قبل ذلك وبعد .
|
تحايا ابوالدر وعباس والجميع .
مجرد ما شفتة العنوان بتاع البوست وكاتبة اللدسيس طوالي إتوقعتة يكون ده مدخل لي قصة من قصص الدسيس الطريفة .
غايتو يا الدسيس أضمن ليك لو مشيت السودان تعرض ليك عربية زول بشتري منك مافي ممكن يفتكروك عارض ليك حاجة من عالم فضائي :)
تقول لي تحكم وتسارع ووسائد :) .
ياراجل نحن بتاعين مواصفات تانية عجيبة
يقولوا ليك الكليك الفيها دائرتين فى الطبلون وفى نصهم العداد دي مامرغوبة .
ولا يقول ليك جيب البوكسي الشرايطه بنيات نازلات لى تحت .
ولا البرادو أبو كفرات مُكان وسماعات المسجل فى الباب جنب يد القزاز :) .
_______________
يا عبس ما تبيع البرادو مافى أحسن منو للركوب وجاهة وفخامة ومتانه لو فنجره ساكت على البركة .
|
Post: #40
Title: Re: للبيع برادو 2009 ... للجادين فقط
Author: درديري كباشي
Date: 02-07-2015, 10:15 AM
Parent: #39
03:15 م Feb 7,2015
سودانيز أون لاين
درديري كباشي - الرياض السعودية
مكتبتي في سودانيزاونلاين
سلام يا شغيل منور أنا أجمع الذكريات وأرجع للسيارت .
تعرف يا بدر رغم الطفرة التي حدثت في المزاج السوداني من ناحية السيارات وخاصة بعد فتح البيع بالتقسيط للاجانب .. زمان نحن لامن نكون معزومين لاستراحة سودانية عامة أو خاصة .. بتعرف استراحات السودانيين من العربات المجمعة في الخارج .. دون ما تحتاج تسأل أحد أو تتصل .. تلاقيها كوريلات وكريسيدات . ومتختلف مشتقات التيوتا من موديلات وكلها قديمة . يمكن أحدثها عمرها خمس سنوات ..أما الآن تلاقي السيارات كلها أو معظمها جديد . بل بدون مبالغة مرة كنت معزوم في استراحة أحدى الروابط بدون مبالغة كنت أجي بقرب الاستراحة وأتوه مستبعدا أنها تكون هي المقصودة .. عارف السبب لان السيارات كانت فيها همر ولكزس وأف جي .. بعد تأكدت من الاستراحة تأكدت كمان أن هذه السيارات أصحابها سودانيين ولله الحمد .
لكن لا زال هنالك مفهوم ناقص .. وهذا المفهوم لاحظته عند أهل البلاد السعوديين الاثرياء منهم ومتوسطي الدخل . وهو ألا تحتفظ بسيارة طالما تجاوزت مرحلة الضمان ( الثلاث سنوات )أو الاقساط .. تبيعها وتنتقل للموديل الجديد . مهما كانت هيأتها .. بل وكلاء السيارات الفارهة مثل البي أم دبليو والمارسيدس وغيرها .. خصوا عملائهم الاثرياء بميزة جديدة . أنه يستبدلوا لهم سياراتهم بعد عام واحد مع دفع فرق قد يصل لخمسين ألف ريال .. وهذا مبلغ الاثرياء يعتبرونه زهيدا .. وميزته الوكيل يظل محتفظا بعميل ثري يستخدم نفس سياراته .والعميل كل عام تكون عنده سيارة موديل العام نفسه ..
لكن نحن لسع شغالين بفهم ( أنت سيارتك نضيفة بايعها ليه ؟) حتى لو كان عمرها عشرة سنوات .
|
Post: #41
Title: Re: للبيع برادو 2009 ... للجادين فقط
Author: ملهم كردفان
Date: 02-07-2015, 11:20 AM
Parent: #40
04:20 ص Feb 7,2015
سودانيز أون لاين
ملهم كردفان - الإسكندريه
مكتبتي في سودانيزاونلاين
احلى التحايا يا عبس ...وبيعه موفقه بإذن الله
احترامى
|
Post: #42
Title: Re: للبيع برادو 2009 ... للجادين فقط
Author: درديري كباشي
Date: 02-07-2015, 04:03 PM
Parent: #41
09:03 م Feb 7,2015
سودانيز أون لاين
درديري كباشي - الرياض السعودية
مكتبتي في سودانيزاونلاين
لكن من الطرائف والملاحظات والتجارب أن السودانيين لايصلحون في بيع السيارت لبعضهم البعض .. لأن العلاقة ستتحول الى ما يشبه النسب وخاصة اذا كان المشتري من المعارف أو الاقارب .. يقابلك بعد سنتين في مناسبة . بعد السلام مباشرة يفتح موضوع العربية . ياخ قلت ليك العربية دي فيها صوت كدا من الدبرياج يتعمل ( دوج ) كدا لامن تعشق أصلها كدا ولا دي حاجة جديدة ؟.. وانت ممكن تكون مش عارف ما هو هذا الدبرياج الذي يعمل هذه الدجة . الموضوع اتنسى بالنسبة لك من سنة .. مثل ما يقابل الصهر نسيبة ويشكي الزوجة لأبيها .مثلا يقول .(أجي داخل الساعة اتنين جعان وتعبان أقول ليها سوي الغدا تقول لي أنتظر لغاية ما حنتي تنشف )
أو بعد الشراء ونقل الملكية وكل شئ يكون لموا فيه جماعة معارفه أو اصحابه عندهم خبرة في السيارات يقولوا دي شنو الورطة الاتورطتها دي نحن بالسعر دا ممكن نجيب ليك موديل أحدث وأحسن من الكوكة الوقعت فيها .. وهذه قصة واقعية سمعتها قبل أسبوع من صديق يعمل في معارض السيارات .. عنده قريبه باع سيارته لأحد زملاء العمل وكان باقي عليه جزء كبير من المبلغ تباطأ في سداده . وبعد ضغط والحاح شديد وبعد نقل الملكية أرجع له السيارة وقال له ياخ ما نفعت معاي .. و أضطر يحضر السيارة عند خاله في المعرض ليبيعها له في السوق ويرجع للمشتري الناطي ما دفعه ويحتفظ بالباقي .
|
Post: #43
Title: Re: للبيع برادو 2009 ... للجادين فقط
Author: عباس الدسيس
Date: 02-08-2015, 06:34 AM
Parent: #42
23:34 م Feb 7,2015
سودانيز أون لاين
عباس الدسيس - Saudia
مكتبتي في سودانيزاونلاين
| Quote: ههههههه ياخى الحتة دى كتلتنى بالضحك وانا بتخيل المنظر |
هشام سلام يا حبيبنا
حبيبنا ياسر العيلفون الرجل الفنان كعادة السودانيين البغتربو بتكون ليهم تجارب مع اول سيارة طبعا بقعو الهكر.
اخونا ياسر اشتري ليهو سيارة ام 1500 ريال بشكر فيها قال تايوتا موقفها قدام الشركة واحد من الشباب السعوديين ماشي بي سرعة خيالية عمل حادث صدم ليهو اكثر من اربعة سيارات من ضمنها سيارة ياسر الشرطة والناس الفراجة بالكوم سلامات يا زول العربات كلها اتكسرت منها بتاعت ياسر اي زول وقف قدام عربيتو عشان تقرير الشرطه وتعويضات التامين واخونا ياسر بعاين من فوق الشركة بالزجاج ما قادر انزل العربية لا استمارة لا عندو رخصة لا تامين.
الجماعة : ياسر الحق عربيتك كسروها ليك .... قال ليهم خلو الشرطه تمشي ونمشي شوف الدقشنا دا كان ادانا حاجة نحمدالله وكان عصلج قال ما عندو احنا السودانيين ما قاعدين نشيل تعويض.
مرة ركب معاهو مهندس سحسوح اردني لقي ياسر بعافر في العربية....
استاذ ياسر لو أنا في طريقك وصلني معاك
ياسر شايلاهو الطيبيه ... جدا اركب لو ما في طريقي بوصلك
بالله العربية لما قامت من الواطه اخذت ليها نتله الولد جاء اشكي منو قال عمل ليهو الام في الضهر بي حقنا السوداني ((فلايت)) أها ياسر بزوغ من المحله الفيها التفاتيش بتاعت الشرطة وسواقة المستجد نتلة وفجأة كووووووك فرامل الولد لقي روحو اتورط سال ياسر ... استاذ ياسر انت ليه ما بتمشي بي الشوراع العامة ؟؟؟؟
ياسر قال ليهو الشرطة العربية ما عندها اوراق ... الولد بلعها !!!
سألو تاني: ما عندها اوراق عامل تامين علي الرخصة ؟؟
ياسر: الرخصة أنا لسع ما طلعتها
الولد: استاذ ياسر طيب انت بي طريقتك دي بتوصلني المقابر ما يتوصلني بيتنا نزلني هون.
مرة عمل حادث اتصل علي ... عباس الحقني!!!
مشينا لقيناهو صادم ليهو لكزس بي الخلف الرفرف وجمبة العربية سيدا قال عايز 8 الف ريال قلنا للراجل الزول دا ما عندو ليك المبلغ كان عايز شيل العربية حقتو الراجل مات من الضحك.
|
Post: #44
Title: Re: للبيع برادو 2009 ... للجادين فقط
Author: أيمن دياب
Date: 02-08-2015, 07:01 AM
Parent: #43
00:01 م Feb 8,2015
سودانيز أون لاين
أيمن دياب - الرياض ـ المملكة العربية السعودية
مكتبتي في سودانيزاونلاين
في داعي لكشف الحال ده يا دسيس.. صاحبك ده يرتاح منك متين..
انت عارض عربيتك للبيع ولا جاي تفضح الزول الطيب ده..
الله يديك يا ياسر السر على قدر نواياك الطيبة.. وتركب الكرايسلر وتجي تكتح الدسيس ده بالتراب..
|
Post: #45
Title: Re: للبيع برادو 2009 ... للجادين فقط
Author: عباس الدسيس
Date: 02-08-2015, 07:37 AM
Parent: #44
00:37 م Feb 8,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: كيفك يا عبس
السيارة نضيفة ما شاء الله (طبعا أنا شفتها على الطبيعة) وما تفرط فيها بسهولة أو ترميها رخيصة بسبب الزهج
الأمريكي غير إنو مريح بحتفظ بجمالو وهيبتو لكم سنة لو لقى سواقة كويسة انما الياباني سنة أتنين بالكتير بتهلهل وزي اللبس كل سنة أجمل من القبلها عشان كدا بتحرد عربيتك كل ما ينزل موديل جديد
نتمنى ليك التوفيق |
حمد سلام يا حبيبنا
مشتاقين
اخبارك والعيال
عشان ما اجي ايمن دياب ((والكوارع)) اقول لي شلت حال زول تاني عضو معانا هنا وفيما يخص التايوتا ....
اول ما جينا البلد هنا كان عندي عربية قريبة لي حقت ياسر كرونا سيدا عايز ابيعها اها قال لي شيلها جربا ومع حكاية جربا كنت راكبها اكثر من شهرين قبل ما اشتريها مشكلتها كل اسبوع تقيف بيها في البنشر تشتري ليها لستك مستعمل بي اربعين او خمسين ريال شغاله صرف بنزين ولساتك شكلها ما بتستاهل ليها لساتك جديده .
ربك رب الخير زميلنا كان معانا موظف بنك في السودان وساكنيين سواء في بيت العزابة محظوظ وجد ليهو وظيفة احسن ممنا في شركة كبيرة سالوهو اجيبو ليهو شنو زولك ...كورلا بس.... زي حكاية سزوكي اثنين عادم.... جانا فرحان بي حكاية العربية الحا اشتروها ليهو علي الزيرو.
قلنا ليهو يالشقي ليه قلته ليهم كورلا كان تختار حاجة احسن!!!
قال لانو قوية ..... ياخي عايزين إورثوك ليها.
العربية جات وصاحبنا تعبان في السواقه اتفق معاي اصلح ليهو السواقه بالهكره بتاعتي وبالصباح اسوق الكورلا بتاعتو اوصلو الشغل وامشي بيها ارجع ليهو نهاية الدوام ...عرض كان جميل ... اتلكع ليك ليهو قريب ال3 شهور واقول ليهو لسع سواقتك ما ظبطت اعمل ليهو امتحان بي الحجارة في الشارع لازم العربية اجيبها بي مسافات متقاربه بين الحجرين اخليهو انشغل وادقش الحجار بي رجلي اضيق ليهو المسافة كرب كرب إعفص الحجارة انزلو من العربية يا زول لسع بي طريقتك دي بتقتل روحك خايفين علي سلامتك ما علي العربية.
يوم زهج مني قال لي يا زول لكم دينكم ولي دين اديني مفتاح عربيتي وهكرتك تاني ما عندي بيها الشغله.
اتصلت بيهو اختو يوم الجمعه قالت ماشة مشوار شال مفتاحو وطلع المشوار كان علي جهة الشفا محل الكباري الطايرة البتقول ليك يمين شارع عشة والوسط ديراب وشمال الخرج ولولوه غريبه صاحبنا وقت وصل النص مع غلاط اختو لا يمين لا شمال وقف العربية في نص الكباري ركن بالجمبه ركبها ليموزين ركب معاها واتصل علي وصف محل السيارة.
|
Post: #48
Title: Re: للبيع برادو 2009 ... للجادين فقط
Author: طارق ميرغني
Date: 02-08-2015, 10:10 AM
Parent: #45
03:10 ص Feb 8,2015
سودانيز أون لاين
طارق ميرغني - الرياض - السعوديه
مكتبتي في سودانيزاونلاين
يا دسيس كيفك
بخصوص صرف الوقود اظن المعلومه خطأ
حوالي 12 لتر لكل مائة كيلو
معقوله
يعني ببساطه حوالي اربعه جالون في المية كيلو ؟
يستحيل ؟
|
Post: #52
Title: Re: للبيع برادو 2009 ... للجادين فقط
Author: أمير السماني يس
Date: 02-08-2015, 01:02 PM
Parent: #45
06:02 م Feb 8,2015
سودانيز أون لاين
أمير السماني يس -
مكتبتي في سودانيزاونلاين
السلام عليكم اخي الكريم عباس الدسيس
هل في امكانية للشراء بالتقسيط ..
بمعنى دفع دفعة والباقي يقسط مع العلم ان السعر في هذه الحالة يزيد على سعر السوق..
|
Post: #54
Title: Re: للبيع برادو 2009 ... للجادين فقط
Author: عبدالكريم الاحمر
Date: 02-09-2015, 06:48 AM
Parent: #45
نقل
|
Post: #59
Title: Re: للبيع برادو 2009 ... للجادين فقط
Author: ابوحراز
Date: 02-09-2015, 12:12 PM
Parent: #45
البرادو سيارة فارهة جدا وجميلة ولكن مشكلتها كبيرة مع السودان
بتصرف بنزين اذا كانت 6 سلندر
يعني ممكن تصرف ليها قريب مليون من سواكن للجزيرة
بينما التوسان تصرف 30% ممما صرفه السيد البرادو
الطامة الكبرى الجمارك
طبعا 2009 غير مسموح بجماركها اطلاقا
اما 2014 فجماركها 394 مليون بالقديم
2009 في المعارض بجدة سعرها أكثر من 62
ممكن تصل الى 70 لو كانت نضيفة
واحيانا لو كانت نص نص بتكون في حدود 45 الف
وبرضو لو مشيت بيها افراج مؤقت بتخلق ليك مشكلة اجتماعية كبيرة جدا
الجماعة بفتكروك زول مقرش ومن قبيلة صلاح ادريس والوالي
وحينها بتتعرض لمشاكل كنتيرة
ولو قلت ماعندي ولا مرتك نفسها ما حاتصدقك
ولو مشيت ليك بسيارة مكركعة يجوا يقولوا ليك هسي دي سيارة تجي بيها من السعودية
واياك ثم ايك ثم اياك ان تبيع سيارة لواحد قريبك زي ماقا ليك درديري
اشتريت سيارة مرة من قريبي ومدحها بطريقة عجيبة جدا
نزلت بيها السودان
عليك امان الله بعد 300 كيلو من سواكن الا قطرناها بي قطرة لحدت شرطة مكافحة التهريب في كسلا
وبعد صلحناها واستقرينا يومين
كل مرة خسرانه فيها حاجة
اها قابلني الراجل في مناسبة وعامل فيها ظريف
وقام سالني 00 السيارة كيف نعل ماغيرت فيها حاجة ؟؟؟
قلت ليهو اي حاجة فيها غيرتها الا { السواق }
|
Post: #65
Title: Re: للبيع برادو 2009 ... للجادين فقط
Author: حامد بدري
Date: 02-09-2015, 02:40 PM
Parent: #45
Quote: شوف يا حبيبنا حكومة السجم دي ما اضررت منها اكثر مني انا لو علي الصعيد الشخصي او الاسري بعدين يا حضرت المناضل عايزنا طوالي ندق صيوان البكا ونقعد نكورك الحكومة سوت والحكومة سرقت والحكومة اعتقلت الحكومة طايرة في السما نوقف عيشتنا لما هي تمشي حتي نفرجا علي روحنا أها حسي شوف قاعده ليها كم سنة لو عملنا كده كان شربنا الزيت والله يا الحبيب نبيع ونشتري ونركب الركوب بجميع انواعه ونسافر ونعيش حياتنا وباقي النفس بنعارض بيهو وقت ما الله افوتا التمشي.
والله انت زول لذيذ عجبتني حكاية : |
كااااااااااااااااااااااااااااك
الزول ده سمج ياشارب حاجه فجليوووو النصيحه الزول بهديها مجانى لو ماقبلوها اتخارج المعروض سياره وواحد يقوليك ضرسي واجعني امش وين قوم لف
بكري ظاتو اعملو ليو واحد في الميه زي موقع حراج
الدسيس مسا الخيرات يازول بعد تبيع العشا يكون هنا ده
|
Post: #47
Title: Re: الخادمة السودانية في المملكة العربية اصبحت امر واقع وشوف عين ...
Author: احمد التجانى احمد
Date: 02-08-2015, 09:35 AM
Parent: #43
02:35 ص Feb 8,2015
سودانيز أون لاين
احمد التجانى احمد - Jeddah
مكتبتي في سودانيزاونلاين
الاخ عباس الدسيس وضيوفه الكرام
سلام وتحية
ارجوا لك بيعة منصفة لك وللمشتري واتمنى يشتريها منك واحد من الاخوان , لانها الطريقة المثلى لشراء سيارة مستعملة ان تشترى عربية زول بتعرفه وبتعرف نمط استخدامه وبالتاكيد لن يخفى عنك العيوب ان وجدت
كنت امتلك برادو موديل 2009 ستة سلندر اشتريتها بمبلغ 125 الف بحكم عملى فى تويوتا واستخدمتها استخدام جيد لمدة اربعة سنوات ولم تتعدى كيلومتراتها ال 70000 كلم عرضتها على الزملاء السودانيين ولكن بحكم
التخصص ومفهوم القطيع للسودانيين بالنفور من الستة سلندر واقتناءهم للاشياء فى اى بلد كانوا بما يلائم متطلبات المزاج والسوق السودانى , لم يبدى اى منهم اهتمام بها ولذلك عرضتها فى الموقع الداخلى لشركتنا وبالضبط
قبل ان ينقضى اليوم الذى نزل فيه الاعلان كانت قيمة السيارة محولة فى حسابى والسيارة لا زالت معى حيث اتى المشترى اخر الدوام واوصلنى لبيتى واخذ سيارته والتى دفع بها مبلغ 110 الف ريال نقدا والحقيقة لم يكن بها
اى عيب سوى احتياجها لطقم كفرات بعد استهلاك السبعين الف كلم , حيث من المفترض استبدالها فى اقصاه 50 الف كلم , خلاصة الموضوع انه سيارة التويوتا تعطيك اعلى سعر فى السوق عند البيع لاحظ خسارتى فقط لمبلغ
15 الف ريال فى اربعة سنوات بما يعنى حوالى 3750 فى السنة , 315 ريال فى الشهر او تقريبا كانى كنت مستاجرا سيارة بقيمة عشرة ريال يوميا , اين يمكن ان تجد مثل هذه القيمة فى غير سيارات تويوتا ؟
Quote: لكن من الطرائف والملاحظات والتجارب أن السودانيين لايصلحون في بيع السيارت لبعضهم البعض .. لأن العلاقة ستتحول الى ما يشبه النسب وخاصة اذا كان المشتري من المعارف أو الاقارب .. يقابلك بعد سنتين في مناسبة . بعد السلام مباشرة يفتح موضوع العربية . ياخ قلت ليك العربية دي فيها صوت كدا من الدبرياج يتعمل ( دوج ) كدا لامن تعشق أصلها كدا ولا دي حاجة جديدة ؟.. وانت ممكن تكون مش عارف ما هو هذا الدبرياج الذي يعمل هذه الدجة . الموضوع اتنسى بالنسبة لك من سنة .. مثل ما يقابل الصهر نسيبة ويشكي الزوجة لأبيها .مثلا يقول .(أجي داخل الساعة اتنين جعان وتعبان أقول ليها سوي الغدا تقول لي أنتظر لغاية ما حنتي تنشف )
أو بعد الشراء ونقل الملكية وكل شئ يكون لموا فيه جماعة معارفه أو اصحابه عندهم خبرة في السيارات يقولوا دي شنو الورطة الاتورطتها دي نحن بالسعر دا ممكن نجيب ليك موديل أحدث وأحسن من الكوكة الوقعت فيها .. وهذه قصة واقعية سمعتها قبل أسبوع من صديق يعمل في معارض السيارات .. عنده قريبه باع سيارته لأحد زملاء العمل وكان باقي عليه جزء كبير من المبلغ تباطأ في سداده . وبعد ضغط والحاح شديد وبعد نقل الملكية أرجع له السيارة وقال له ياخ ما نفعت معاي .. و أضطر يحضر السيارة عند خاله في المعرض ليبيعها له في السوق ويرجع للمشتري الناطي ما دفعه ويحتفظ بالباقي . |
كنت اعمل مهندسا للصيانة شركة تويوتا بفرع العليا وبحكم الموقع تعرفت على العديد من انماط البشر وكانت بالفعل فترة صعبة جدا خلال تدرجى المهنى ومن المعروف صعوبة التعامل المباشر مع الجمهور وخصوصا فى مجال السيارات والذى يعتبر من اخصب المجالات لاهل هذه البلاد فالسيارة لديهم من اهم الاشياء فى الحياة وكنت استغرب فى بداية عملى عندما يذكر لى احدهم انه لم يستطيع الذهاب الى العمل او الجامعة بسبب وجود سيارته لدينا فى الصيانة مما يعطى انطباعا ان السيارة ليست وسيلة مواصلات فقط , اتيحت لى بحكم موقعى فرصة الالتقاء بنفر اكارم من السودانيين وغير السودانيين وما زلت احتفظ بصداقاتى مع بعضهم حتى بعد انقضاء زهاء الثلاثة عشر عاما منذ مغادرتى لفرع العليا وكذلك وظيفة الصيانة وكما يوجد اكارم فكان هناك الارازل وحضيض المجتمع الذى جاء الينا وفى اعتقاده انه يملك السيارة وكذلك له حق معلوم فى الشركة وللاسف لم تكن تلك النوعية من الناس قاصرة على فئة معينة بل امتدت لتشمل كذلك بنو وطنى والذين كنا نبذل لهم ما بوسعنا لخدمتهم ولكن تمت مقابلة ذلك بالنكران والجحود وتعمد تسبيب الاذى الله يسامحهم , ولذلك عندما صرت مدربا للمهندسين كانت وصاياى لهم تتمحور حول اتق شر من احسنت اليه ولا تعطى شخص مهما علا شانه اكثر مما يستحق ولا تميز زبون عن اخر لانها هذه الاشياء جميعها قد ادت الى نتائج معكوسة معى , ومصداقا لما اورده زميلنا بالمقتبس اعلاه اورد لكم احدى التجارب المريرة التى مررت بها مع احد السودانيين الذي كنت اكن له عظيم التبجيل والاحترام بحكم سنه وبحكم معرفتى به التى امتدت للتعارف الاسرى , كانت لديه سيارة كامرى ليست جديدة تماما ولكن بحالة جيدة كان ياتى بها دوما الينا لصيانتها وبعد فترة تعرض لحادث سير ادى لالحاق ضرر كبير بالسيارة واتى بها لى حيث قمت بعمل امر تقدير للاصلاحات المطلوبة واذكر فى ذلك الوقت انها كانت حوالى 26 الف ريال وفى العادة عندما يكون المبلغ كذلك ننصح الزبون بعدم جدوى الاصلاح بهذا المبلغ حيث من الافضل بيعها كخردة وشراء سيارة جديدة وبالفعل هذا ما تم معه الا انه اصر اصرار كبيرا على ان احاول تخفيض المبلغ له , اضطررت ان ادخل السيارة باسمى وكذلك ان اتغاضى عن كثير من القطع المراد تبديلها بجلبها من القطع المستعملة حتى وصل المبلغ الى حوالى 13 الف ريال وعند الاصلاح بالكامل واصبحت كالجديدة لم يدفع سوى عشرة الف ريال متعللا بان لديه ظرف مصاريف ابنته فى الجامعة وحقيقة لم احسب لذلك وبقيت الفانورة معلقة لفترة طويلة حتى انقذنى منها مديرى الذى بذل جهدا كبيرا لكى لا اتمم المبلغ من جيبى وليت الامر توقف على ذلك بل بقى صاحبنا ذلك يتردد على فى كل صغيرة وكبيرة مثلا ادعى اننا لم نبدل الكفرات والتى لم تكن اصلا مضمنة فى الاصلاح ولكن اكراما له تم تبديل كفرين على حسابنا ثانيا ظهر له عطل فى المحرك ليس له علاقة بالاصلاح بتاتا ولكن لم نجد بدا من الرضوخ لطلبه اكراما له ولكن المحير كانت روحه العدايئة ونبرته اللئيمة التى تقابل الاحسان بالجحود وطفق يتهمنى باننى السبب الذى دعاه للموافقة على اصلاح هذه السيارة فى حين ان الاخرون نصحوه بانه كان من الافضل بيعها ومع العشرة الف يشترى سيارة جديدة وهو خيار جيد ولكن كان عليه ان يضع اضافة لتلك العشرة مبلغ الاصلاخ ما لا يقل عن ثلاثين اخرى ليشترى سيارة جديدة نفس النوع.
|
Post: #46
Title: Re: للبيع برادو 2009 ... للجادين فقط
Author: محمد مجيدو
Date: 02-08-2015, 08:20 AM
Parent: #1
01:20 ص Feb 8,2015
سودانيز أون لاين
محمد مجيدو - الدمام السعوديه
مكتبتي في سودانيزاونلاين
الحبيب .. ركس ,, وضيوفك ..
سلام يغاشكم ,,
تعرف انا ... وبمجرد وصولي المملكه كنت متلح ليك التايوتات .. حسب السوق انذاك ..
وبديتها بتايوتا مارك 2 موديل 76 ..
وبعدين ركبت كل انواع الكرسيدات والكورلات ثم الكامري ...
المهم ..توالت السنين و ركبت اغلب ماركات وموديلات السيارات المختلفه .. وما ارتحت الا مع الامريكي ..
وفيه تجد القوة .. والمتانة .. والوجاهه .. والامن والسلامه .. وسهولة الصيانه .. وتوفر قطع الغيار ورخص اسعارها
اذا ما قارنتها بصيانه البرادو او سيارات اللاندكروز عموماً ...
انصحك بشراء الامريكي وبالاخص ... فورد اكسبيدشن ... فستجد فيه المتعة .. ما بعدها متعه ...
تحياتي ,,
|
Post: #49
Title: Re: للبيع برادو 2009 ... للجادين فقط
Author: ياسر السر
Date: 02-08-2015, 10:20 AM
Parent: #46
03:20 ص Feb 8,2015
سودانيز أون لاين
ياسر السر - بلاد الله الواسعه
مكتبتي في سودانيزاونلاين
عباس الدسيس ياخي الاداك بالكوريك يدينا بالقشة ,,, اول شي بتمنى ليك بيعه موفقه ومربحه ,,, وزي ما قال الحبيب ايمن دياب كشفت حالي هسة ناس امريكا عرفو انو انا عربيتي تعبانه تعب الموت ,, ده كلام ده يا عبس ,,, على العموم انت ما سمعت الاغنية البتقول البرادو القلبي رادو ؟؟ ياخي ذكرتني بقصة اخونا الشامي داك والله كل ما اتذكرها اضحك ضحك المجنون .. الراجل بقى زي المجنون عايز يفتح الباب ويتلب ويكورك شو ما عندك رخصة ولا استمارة ولا تامين ( نزلني هون نزلني هون إل تلك )، يجازي محنك هسة الذكرك ليها شنو يا عبس ,,,
غايتو يا ايمن عباس ده لو وقعت معاه في شي الله قال بي قولك .. لكن يا سيدي الله يفتحا علينا وعليه والقروش تتكون ونبيع السادة وناخد الملون ,,,, على العموم يا عبس سامحك الله وبيعه موفقه ان شا الله .. بس ما تنسانا من الكوميشن ..
تحياتي : ياسر العيلفون
|
Post: #50
Title: Re: للبيع برادو 2009 ... للجادين فقط
Author: عباس الدسيس
Date: 02-08-2015, 12:35 PM
Parent: #49
05:35 ص Feb 8,2015
سودانيز أون لاين
عباس الدسيس - Saudia
مكتبتي في سودانيزاونلاين
| Quote: بالله جاب ليك كم لحد الآن .؟ |
برجع ليكم تاني يا جماعه الزول دا مكيفني كيف ... عبداللطيف خليل محمد علي
يا عبداللطيف انت قايلني نافع علي نافع شايفك العربية ناضلت فيها نضال الله اكبر .... ما علينا
اقول ليك زمن العزوبية وفي المدن الصغيرة بتلقي في ميز لامي العذابة البياطرة وناس القضائية والاطباء وناس البنوك .... الخ ، الناس كلها مميزة غداء بعد الغداء بدورو الكشاتين في ناس الملح وفي ناس بطعموها المغربية بتلقي ناس الليل إلقطو العدل بتاع الانبساطه.
كان معانا واحد من الزراعيين زول بتاع غداء وشاي إتنفض امشي الناس كلها بتتحاشاهو مع الجدية بتاعتو عندو عباطه شوية ولياقه كان شبك فيك ابو اللصيق جهامة اضرب الحيطه ارميها....
اخوك يا عبداللطيف عامل فيها دمو خفيف بعد الغداء والناس بتشرب في الشاي بفتش لي في ولعه شايل السجارة في يدي.... يا جماعه مافي زول عندو ولاعه ... زول اشتغل بي مافي افرشو في الترابيز بالملايات للكتشينه .
التفت لي اخونا الزراعي قلت ليهو يا فلان ما عندك ولاعه ؟؟؟
رد لي .... يا زول احترم نفسك زمني كلو في الميز معاكم شفتني شايل لي سجارة ولا خاتي لي قرف في خشمي ولا قعدت معاكم للمغرب ضلمت الواطه بلا كلام فارغ معاك خليك زول مهذب .... شايف علي شنو تقول لي عندك ولاعه ؟؟؟
لسع أنا مستمر في دور الظرافه.....
والله ما شايف عليك حاجة لكن بي طريقتك دي مفروض تكون شايل معاك ولاعه و ل كبريته امكن يوم تفكر تنتحر !!!!
عليك امان الله كان ما قامو الجماعه عمتوهو ناس من نصو وناس من كتافينو كان خلاني كفته وما افرزونا كان بي اللباسات ....
والله انت زول لذيذ.
أسمع كلام الدرديري عايزين نتونس والعربية عاجباني عايز ابيعها لي سوداني من ربعي اليمن ساكني فيها اتقول ملانه قات.
|
Post: #51
Title: Re: للبيع برادو 2009 ... للجادين فقط
Author: عباس الدسيس
Date: 02-08-2015, 12:59 PM
Parent: #50
05:59 م Feb 8,2015
سودانيز أون لاين
عباس الدسيس - Saudia
مكتبتي في سودانيزاونلاين
Quote: يا عبس سلام مربع
التغيير بصراحة سمح أسألني منه أنا
بعدين يا عبس ياها البتقدر تمارس فيها التغيير .. الحاجة التانية ديك تعارفك ما بتقدر لا تغيير لا تزيدها بأختها
أها إتفشى في العربات دي وغير وربنا إنشاء الله يزيدك وتغير سنوياً عربية بسوقوها دفع رباعي وفل أوبشن
على الأقل تخليك قاعد في علبك وعينك ما تطير في حاجات تانية !
________________________
طبعاً عارفك نفسك في الحاجات التانية لكن برضو بوصيك الشغلة بقى فيها طعن سكاكين
|
عاصم فقير سلام يا حبيبنا
مشتاقين ... والله
حكاية الحاجة التانية ختيتني في الكورنر
ذكرتني حكاية دخلتني في علبي والدرديري امكن اتذكرها ... الحاجة التانية خليها ساكت... الي مضابط الحكاية!!
رئيس الشركة بتاعتنا كل ثلاثة سنوات بغير السيارة مرة بتنوس سواء قال لي يا عباس عايز ابيع الاسكليد بتاعي.
يا ريس أنا ما قدر دا واسكليدك شعر ما عندنا ليهو رقبه....
لا لا فهمتني غلط ما عايز ابيعو ليك عايز ابيعو بواسطتك انت طلب بسيط جدا ما بكلفك شيء اعمل لي اعلان في الجريدة للبيع شرط خت جوالك انت ولو اتباع بي سعر حلو شيل عشرة الف ريال ولد دا الليلة فتحت معاك من الصباح وطوالي جري علي جريدة الرياض والجزيرة عملت الاعلان وعينك ما تشوف الي النور الجوال خاتيهو في الشاحن وفي البيت لما اجيني اتصال بطلع بره من المدام ما عايز اوريها حكاية العشرة الف لو سمعت بي خبرها ساكت تاني ريال ما بشم الهواء لي بره.
طلعاتي في البيت كثرت قامت الحاجة التانية الفار نقز في عبها ... يا راجل انت عندك شنو بتعمل فيهو بالدس والشمطه قامت لو ما الله ستر بي الليل داك كان حصلت عجائب قلتا اعترف ما اجيب سيرة العشرة الف برضو الموضوع ما دخل راسا والتلفونات شغاله أها وقت الشكله سخنت قلته نقنع لي من جزء من المبلغ قلت ليها العربية لو بعتها عندي فيها ثلاثة الف بديك ليها ما عايزها اتنازلت شويه.... تجيني قومه اخلي الجوال في التربيزة وامشي ارن الجوال تصدق المرة دي الاتصلت بت كان اتصلت بي الصباح.
الووووو انت صاحب الاسكليد ؟؟
ايوا عايزة تشتري
انت لهجت مو سعوديه جنسك ايش؟؟؟
سوداني
سوداني وراعي اسكليد الله اموت فيك ابي اقابلك تكفي يا الاسمراني ما ترد طلبي
قفلت منها الخط .....
أها الحاجة التانية لما رفعت الجوال طوالي جاها الصوت
أها يا راعي الاسكيلد نتقابل متين ووين ؟؟؟؟؟
زكريات مؤلمة تصدق بعد اتباع الاسكليد اديت العشرة الف كلها للحاجة التانية
|
Post: #53
Title: Re: للبيع برادو 2009 ... للجادين فقط
Author: Asim Fageary
Date: 02-09-2015, 06:14 AM
Parent: #51
لكن والله يا عبس طلعت من أعضاء جمعية WHO على فكرة دي ما منظمة الصحة العالمية بديك الإكسباند بتاعها تحت الخط
وما أظنك عضو ساكت بل عضو مؤسس أو رئيس لجنة
_______________________________
WHO = Weak Husbands Organization
|
Post: #55
Title: Re: للبيع برادو 2009 ... للجادين فقط
Author: عبدالكريم الاحمر
Date: 02-09-2015, 06:51 AM
Parent: #53
الحبيب عباس الدسيس
فكرتك في التغيير ممتازة ... اشجعك بشدة لانو العمر قصير ... متع نفسك بالدهشة
عبدالكريم الاحمر
|
Post: #56
Title: Re: للبيع برادو 2009 ... للجادين فقط
Author: عباس الدسيس
Date: 02-09-2015, 08:31 AM
Parent: #55
عمر عثمان سلام يا حبيبنا
الستين و ل الاحساء
فوقك الخير زيد شوية
|
Post: #57
Title: Re: للبيع برادو 2009 ... للجادين فقط
Author: عبداللطيف خليل محمد على
Date: 02-09-2015, 08:35 AM
Parent: #56
| Quote: أسمع كلام الدرديري عايزين نتونس والعربية عاجباني عايز ابيعها لي سوداني من ربعي اليمن ساكني فيها اتقول ملانه قات. |
بصراحة ..
دي حلوة ..
|
Post: #58
Title: Re: للبيع برادو 2009 ... للجادين فقط
Author: عباس الدسيس
Date: 02-09-2015, 08:35 AM
Parent: #56
Quote: عباس الدسيس
تحياتي ,,,
بييييييييييييييع وتعال للأمريكي ياخي حيث الرفاهية والأمان فى السيارات الأمريكية .. نحن السودانيين ثقافتنا تويوتا وكأننا حنرسلها للسودان
أما من حيث الحوامة فأنت حوام بلا شك .. المتوسط المتفق عليه لعداد الطيلو سنوياً 20,000 كيلومتر وعليه 20,000 ضرب 6 = 120000 كيلومتر ..يعني انت محنك السيارة دي فى 37 الف كيلو ههههههههههههه |
الفاتح شلبي سلام يا وجيه
الامريكي المحطة البي كدي لي كوستي ..... وساع ومهلة
تحياتي وتقديري
|
Post: #60
Title: Re: للبيع برادو 2009 ... للجادين فقط
Author: طارق ميرغني
Date: 02-09-2015, 12:44 PM
Parent: #58
يا دسيس انا حاليا امتلك سياره نفس الموديل واللون
برادو سوداء 2009 م
اشتريتها قبل اكثر من سنه وماشه 55000 كيلو
كلفتني حوالي ثمانيه وثمانين الف
فسعر 62000 زي ما ذكرت سعر بخس
بوريك ليها ان شاء الله يوم الخميس
|
Post: #61
Title: Re: للبيع برادو 2009 ... للجادين فقط
Author: عباس الدسيس
Date: 02-09-2015, 01:14 PM
Parent: #60
Quote: عباس الدسيس الزول الجميل
بالتوفيق وبركة الجابتك زهجتك من البرادو |
يوسف طه يا حبيبنا
اخبارك يا رائع
قعادنا في السعودية بقي لينا زي غفير الغابات يا تقعد تجدع في الطير البسكسك أو تحت صفق الشجر
وفي سرحانك وانت ماشي لو قامت فره من تحت شجرة تخلعك وتطير قلبك
صدقني يا يوسف البلد دي ما فيها موضوع غير تخلق المواضيع ياهو يا تبيع عربية أو تشتري عربية و ل السوق والمولات وما خفي أعظم
عندي صاحبي كان شغال مفتش في مشروع الجزيرة تغيب منو سنة تلقي عندو شافعين بالله من شدة ما بقو كثار كان عزمك غذاء إلي تربط يدك بي حريره عشان تعرفا
المغربيه قاعد معاهو بره في الصراية وكل زول سارح فينا وتسمع صوت الطير إفور راسك لما اتخيل ليك كاشح ليك فيهو خمره والعياز بالله قلت ليهو يا اخونا حكاية غريبه شنو الشفع الكثار ديل ما تعمل تحديد نسل؟؟
الراجل بامتعاض رد لي عباس انت ما عندك شغله حسي الخلا دا غير انتاج الشفع فيهو شنو !!!
الله اجازي الكان سبب طيرنا من بلدنا واهلنا
يا الكيزان تجيكم طامة ما تخلي زول فيكم
|
Post: #62
Title: Re: للبيع برادو 2009 ... للجادين فقط
Author: عباس الدسيس
Date: 02-09-2015, 01:36 PM
Parent: #61
Quote: الأخ عبد اللطيف خليل محمد علي ـ لك تحية التقدير والإخاء
سؤال ـ هناك عدد كبير من إعلانات بيع وتسويق السلع يقوم بها عدد من الأعضاء ـ
حيث يعلن كثيراً جداً عن بيع اراضي ، عقارات ، سيارات ، وغيرها
وأخرون يعلنون عن وظائف
فلم الإعتراض على إعلان أخونا عباس !!
لو أن إعلان بيع السيارة هو الأول من نوعه لوجدنا لك العذر في ذلك
فمنذ معرفتنا بسودانيز أونلاين ، فهو بجانب أنه ساحة للحوار البناء فهو موقع خدمي
بل وتعرض من خلاله السلع
ولك العتبى حتى ترضى |
ود البصير اخبارك يا حبيبنا
وكيف الاسرة الكريمة
يوم الخميس نوينا الجيه انشاءالله نلاقيك
عبداللطيف دا روحو محرقاهو العرضي العرضو في المفترع دا العربية ذاتا ست البيع ما عرضت زيو صورتها نزلت مرة واحدة
جزاهو الله خير واحسان ....برفع لينا البوست ..وكلو لله
|
Post: #63
Title: Re: للبيع برادو 2009 ... للجادين فقط
Author: عباس الدسيس
Date: 02-09-2015, 01:40 PM
Parent: #62
Quote: قلت السوم 63 ألف ريال
أها حدها كم ؟؟؟
شفت كلام الشريطية كيف يا ركس |
عبدالعزيز سلام يا حبيبنا
ولد دا .... خطير يا عزو
ناقصك السروال والعراقي شرطية السودان هنا بعد سعودة الحراجات يا تزازي بي بره و ل تخت ليك عقال وتبقي زي الطيره ام قدوما احمر
حدها 65 الف
تحياتي يا حبيبنا
|
Post: #64
Title: Re: للبيع برادو 2009 ... للجادين فقط
Author: Asim Fageary
Date: 02-09-2015, 01:44 PM
Parent: #63
يا عبس .. سومت بـ 62 وات قت حادها بـ 65
قريب شديد .. طالما سومت بـ 62 المفروض تكون حادها بـ 70 عشان تجيب الـ 67
|
Post: #66
Title: Re: للبيع برادو 2009 ... للجادين فقط
Author: Muhib
Date: 02-09-2015, 03:54 PM
Parent: #64
نتمني لك حظ اوفر في البيعيه ..الغريبه في امريكا لا يحب اغلب الامريكان عرباتهم ويفضلون الياباني خصوصا الشباب ( بين 18 الي 40) ..
|
|