Post: #1
Title: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-03-2015, 05:46 PM
10:46 م Feb 3,2015
سودانيز أون لاين
ملهم كردفان
الإسكندريه
...قادنى رزققى لى حى الهانوفيل ... واستلمت شقه فى الدور الرابع
تحتاج فينشيج راقى ...تعرفت على أخو صاحبة الشقه فى بادىء الأمر
ثم استمعت لما يأملونه من تشطيب مع تركيزي على كل كلمه يقولونها ...
وتسجيلها اول بأول فى التيرابايت الجوه راسى ده
اتفقنا على سعر التشطيب وتركت ليهم ارقام موبايلى ل
انو لى هسى مامشيت عملت لى كروت ...(ولد ده ...اعترافات عاشق)
ألف كرت بى خمسين جنيه ومعاهم كم إستيكرات
ماداير تعملهم ياملهم ..!!!
...
محتار أسمى الشركه الوهميه التى سأنشئها عبر الكروت ...أسميها شنو ياشباب
صم ثبنج انتر دزاين
المهم ودعتهم على أمل ان يبدأ العمل فى الإسبوع المقبل
يلا السلام عليكم
وعليكم السلام
يتبع
|
Post: #2
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-04-2015, 06:15 AM
Parent: #1
23:15 م Feb 3,2015
سودانيز أون لاين
ملهم كردفان
الإسكندريه
مكتبتي في سودانيزاونلاين
مر الاسبوع بسرعه ... وانا أنتظر رنه من سعادة المستشار
...
وفعلا كان الاتصال
و
اتفقنا على ان نلتقى فى القهوه القريبه من الشقه ...مع كراهيتى لقعاد القهاوى
الاا انى مشيت الموضوع..لأنو مافى بديل وكده ...
...
اتلاقينا الساعه تسعه صباحا ...وشربنا الشاى وبدينا فى الدردشه
فى تفاصيل الشغل الاساسيه والمواد المطلوبه للتشطيب وهلم جرا
ثم عرجنا على الذكريات التى ابتدرها سعادة المستشار
...
انا كنت زماااااان بشتغل فى المعمار وانا فى كلية الحقوق
واشتغلت مع واحد عشان أوفر مصاريف الكليه واشترى لنفسى هدوم
... اوعى تتخيل انو احنا مولودين فى بقنا معلقه دهب يامعلم
ده انا شفت أيام سوده...!!!
...
طنطنتا ..ايام سوده بتاع حنانك انا بحب اللون الاسود شوف ليك لون تانى ...!!!
...
كنت بحضر المحاضرات مع زمايلى وماكنطش بحضر السكاشن لمن يكون فى سكشن بمشى اشتغل فيهو
عشان أطلع بتاع السجاير والفسح مع صحابى ...
آه والله
دانا مره كنت شغال مع معلم ومشينا نعمل شقه ...لقيت صاحب الشقه بيسألنى عن حاقات
ومن خلال كلامى معاه حس بي انى متعلم
قاللى انت بتدرس فين
قلت لو انا بدرس فى كلية الحقوق...!!
...
إستعجب وقاللى
بتدرس فى كلية الحقوق ...مش ممكن ...سنه كااااام ...
قلتللو رابعه
قاللى
طب ده انا بديكم السكاشن ...
قلت للو
انا مابحضرش السكاشن عشان بشتغل وأطلع مصاريفى
...
عرفنى بنفسو وقاللى لمن تيجى الكليه تعال لاااالى ...
والله انت وااااد قدع
يتبع
...
|
Post: #3
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-08-2015, 08:00 PM
Parent: #2
واصل المستشارحديثه ...
رحتلو فى المكتب ...وسلمت عليه وانا مكسوف ...لأنى مبحضرش ليه خالص خالص
...
قال لى
يابينى يريت تحضر ولو بعض السكاشن عشان تكون فى الصوره
وعلى فكره انا اخويا محامى كبير فى طنطا ولمن تخلص هأبعتك تتضرب عندو
قلتلو
كتر خيرك ياضكتووور متشكريييين خالص خالص يافندم
....
شجعنى وآآآآآلى يلا أمشى كمل شغلك مع المعلم بتاعك
.....
وسمعت كلامو ...وبقيت اشتغل شويه واحضر شويه
لحدى ما السنه خلصت
واتخرجت مانا مش مسدأأأأ انى خلاص بقيت على عتبة النجاح الحقيقى فى الحياه القانونيه
...
اهلى باركولى وامى زرغتت والجيران اتلمو وعملو هيصه كبيره أووى أووى
...
ومرت الليام وانا بمنى نفسى بالتدريب تحت يد اخو استاذى الدكتور الكبير فى طنطا
....
يتبع
|
Post: #4
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-10-2015, 06:59 AM
Parent: #3
اتوكلت على الله ومشيت طنطا ...
وبديت اضرررب عند المحامى اللىى هوووه اخو الضكتووور
اللى ضرسنى فى حقوق اسكندريه
...
وكسبنا اول قضيه اخشها معاه...
يااااااه
متتخيلش فرحتى كانت أد أيه ,,,
لمن اخدت أول مكافأه من المكتب ...عمرى ما أنسهااااش
يتبع
|
Post: #5
Title: Re: سعاده المستشار ...أول قضيه كسبانه ... وباسطة مديح ...!!!
Author: عماد حسين
Date: 02-10-2015, 08:32 AM
Parent: #4
ملهم يا زول يا سمح
والله.. بدون مبالغة: لما تحكي عن المصريين، قاعد تديني شعور أنو فشفاشك ورمان من الناس ديل
يا أخي سلامتك، وربنا يديك الصبر وطول البال... 
|
Post: #6
Title: Re: سعاده المستشار ...أول قضيه كسبانه ... وباسطة مديح ...!!!
Author: Asim Fageary
Date: 02-10-2015, 08:38 AM
Parent: #5
ملهم .. سلام مربع يا قدع
يا عماد الناس ديل في بلدهم كويسين لكنهم كعبين لمن تتلم فيهم خارج بلدهم
في بلدهم بتعرف تعزل السمح من الكعب والسمحين فيهم مبالغة وطيبة وعشرة
لمن ما تقدر تصدق إنهم مصريين
لكن تعال لم فيهم خارج مصر يكرهوك عيشتك
|
Post: #7
Title: Re: سعاده المستشار ...أول قضيه كسبانه ... وباسطة مديح ...!!!
Author: عماد حسين
Date: 02-10-2015, 09:27 AM
Parent: #6
Quote: ملهم .. سلام مربع يا قدع
يا عماد الناس ديل في بلدهم كويسين لكنهم كعبين لمن تتلم فيهم خارج بلدهم
في بلدهم بتعرف تعزل السمح من الكعب والسمحين فيهم مبالغة وطيبة وعشرة
لمن ما تقدر تصدق إنهم مصريين
لكن تعال لم فيهم خارج مصر يكرهوك عيشتك |
تحياتي يا عاصم
بمناسبة قصة الكعب والسمح، والعزل.. غايتو الصعايدة وأهل جنوب مصر
من النوبة تعاملهم تشعر فيه بطيب المعدن... عندهم تلقائية وبساطة، ليس فيها تصنّع..
بقية المكونات.. لا أريد أن أظلمهم، لكن قاعد أعمل حسابي من أي شخص بتاع جخ ونفخ ومبالغات.
أنا لاحظت واحد من الصعايدة المعانا في السعودية، لما يزعل ويحكي عن مصر، يقول لك: الجماعة بتوع القاهرة
يبدو أن الصعايدة عندهم انفصال وجداني عن القاهرة والشمال... بفعل النكتة والازدراء.
|
Post: #9
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-10-2015, 09:43 AM
Parent: #6
Quote: ملهم .. سلام مربع يا قدع
يا عماد الناس ديل في بلدهم كويسين لكنهم كعبين لمن تتلم فيهم خارج بلدهم
في بلدهم بتعرف تعزل السمح من الكعب والسمحين فيهم مبالغة وطيبة وعشرة
لمن ما تقدر تصدق إنهم مصريين
لكن تعال لم فيهم خارج مصر يكرهوك عيشتك |
مرحب ياعاصم فقيرى ..
...
غايتو انا اتعلمت من الزمن كيف اخلى القدامى يحترمنى
وده مقصود بيهو ناس الحياه الواقعيه
و
اتجاوز عن البنبذ من وراء الكيبورد لأنو لو خشيت معاهو فى حماقات
الناس ماحتعرف تفرق بيناتنا ....
فبحاول اكون الاكثر عقلانيه ..!!!
عشان كده مافى زول مكرهنى عيشتى والحمد لله
عايش فى سلام نفسى ومابكره زول بالمره
|
Post: #8
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-10-2015, 09:31 AM
Parent: #5
تصدق ياعمده والله ربنا بلمنى فى ناس احلى من البسبووووسه
.,..
يسألوا عنى لمن اغيب عنهم
يقيفوا معاى لمن أمرض
يواسونى لمن أفقد زول
كعك العيد بجينى لحدى شقتى
لحمة الضحيه ما أعرف أوديها وين
مرات أوازعها على الآخرين
...
وبجيبو لى شغل وانا قاعد فى محلى
ولمن أعمل ليهم شغل ..بخت فى بالى انى اقدم ليهم الأروع
وشغال بنظام
الدبلوماسيه الشعبيه وناجح فيها وبحاول أعكس أفضل صوره عن السودان
ولمن يسألونى انت من فين بقيت أقول ليهم
انا من حلايب
فى واحدين يقولوا لى يعنى انت مصرى
اقول ليهم هو شكلى ده شكل مصريين
انا سودااااااانى أناااااااااااااااااا أنا سودانى أناااااااا ..
جليت مدينتى اللى هى الأبيض
تأكيدا لسودانية حلايب
احترامى
|
Post: #10
Title: Re: سعاده المستشار ...أول قضيه كسبانه ... وباسطة مديح ...!!!
Author: عماد حسين
Date: 02-10-2015, 09:48 AM
Parent: #8
Quote: تصدق ياعمده والله ربنا بلمنى فى ناس احلى من البسبووووسه
.,..
يسألوا عنى لمن اغيب عنهم
يقيفوا معاى لمن أمرض
يواسونى لمن أفقد زول
كعك العيد بجينى لحدى شقتى
لحمة الضحيه ما أعرف أوديها وين
مرات أوازعها على الآخرين
...
وبجيبو لى شغل وانا قاعد فى محلى
ولمن أعمل ليهم شغل ..بخت فى بالى انى اقدم ليهم الأروع
وشغال بنظام
الدبلوماسيه الشعبيه وناجح فيها وبحاول أعكس أفضل صوره عن السودان
ولمن يسألونى انت من فين بقيت أقول ليهم
انا من حلايب
فى واحدين يقولوا لى يعنى انت مصرى
اقول ليهم هو شكلى ده شكل مصريين
انا سودااااااانى أناااااااااااااااااا أنا سودانى أناااااااا ..
جليت مدينتى اللى هى الأبيض
تأكيدا لسودانية حلايب
احترامى |
تسلم يا ملهم
تعرف شعوري جا من وين؟؟؟
من الحتة دي
Quote: وبديت اضرررب عند المحامى اللىى هوووه اخو الضكتووور
اللى ضرسنى فى حقوق اسكندريه |
طريقة تعبيرك عن نطق الحروف حسسني أنك (قاعد فوق جمراً تهب فوقو الريح).
يعني داير تتخارج سريع من القعدة دي
عموماً.. نتمنى ربنا يكرمك، يديم عليك نوعية الناس البسبوسة، ويكفيك شر المايتسموش..
|
Post: #11
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-10-2015, 10:00 AM
Parent: #10
Quote: اضرررب
الضكتووور
اضرسنى |
ياعمده دى لغة الضاد ياخ ...
مره مشيت لبتاعة الاتصالات التحت العماره
وقلت ليها ادينى كرت بخمسين..
المحل كلو اتلفت لى
فى واحده معاها بتكلموا مع بعضهم
فقامت دقست وقالت لي ليها يا أميره
طوالى قلت ليها ..
وكمان بتقولى اسمها قدامى ؟؟؟
ضحكت
قلت ليها طيب انتى اسمك أيه
قالت لى
صااااااارااااا
...
والله لمن قالت صااااااااراااااا
لمن قربت اقع بردلب مع حبى لى إسم ساره
...
قلت ليها
اسمك احلى اسم فى الدنيا
انقر ماقربت تقوم تمسكنى من رقبتى ...
بس وجعنى نطقهم لى اسم ساره
صااااااارااااا
المصريين الحلوين ياعمده ..بودو التوووج عديل كدى
حسن تعامل ورقه وتفهم ووفاء غير عادى لمن تغيب بسألوا عنك ولمن ألخ ألخ ألخ ....ياخ
|
Post: #12
Title: Re: سعاده المستشار ...أول قضيه كسبانه ... وباسطة مديح ...!!!
Author: عماد حسين
Date: 02-10-2015, 10:18 AM
Parent: #11
| Quote: ياعمده دى لغة الضاد ياخ ... |
على كدة لما واحد يقول: الضكتور، يعبّر عما يريد، ويعمل (مساج) للخشم
|
Post: #13
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-10-2015, 03:42 PM
Parent: #12
الغريبه انهم لمن ينادو بى اسمك بقولو
ياعمااااااااد ...آآآآآ عمدااااااا
عادى
تصدق لو قالوها
ياعمااااااض
كان رقدت اسمك سلطه (صلطه)
...
مساج الخشم ده مفيد للصحه وجالب للفرح والبسمه والسرور
عليه
اتكلم مصرى لمدة شهر وخشمك يبقى كلو عضلااااات
|
Post: #14
Title: Re: سعاده المستشار ...أول قضيه كسبانه ... وباسطة مديح ...!!!
Author: ملهم كردفان
Date: 02-14-2015, 08:29 AM
Parent: #13
-بعد ما أخدت المكافأه من المكتب طلعت ومشيت ميدان الساعه
وخشيت حلوانى مديح واشتريت تشكيلة حلويات معتبره
ومشيت المحطه وركبت الأطر رجعت إسكندريه
أول ماوصلت البيت وبعد ماسلمت عليهم
ناديت عليهم وقلتلهم انا النهارده ده خشيت محكمه وكسبنا الأضيه
وجبت ليكم حلاوة الفرح ...
أبويا شاف التشكيله وقعد يبكى ...
...
تعرف يامعلم
احنا عمرنا ماكنا بنقدر نخش محل حلويات ولاابووويا كان بجيب لينا حاجه حلوه
كان مرتبو على أدو
وكنا يادوب بندبر أمورنا وبالعافيه ... حتى وأنا شغال كنت بطلع مصاريف الكليه وبتاع السجاير الفرت بس
يوميتى كانت 3صااااغ
...
كنا بنسكن فى بيت آيل للسقوط ومرات اكون نايم وحته من السقف توقع جمب منى ..
كان حالتنا بؤس بجد
...
بس الحمد لله كلناها بشرف ونفس عزيزه ...لحدى ما اتخرجت وجبت الحلويات
...طبعا ابووويا لما أعد يبكى ...
طبطبت عليه وحاولت اعرف سبب بكاهو
قال لى
يا
ابنى
انا كل ما أعدى على بتاع حلويات ابص عليها بس اشتهى اجبيبلكو منها
وأدوووق طعمها ولو مره فى الحياه
وآديك النهارده جبتهالى لحدى عندى ياأبنى
...
أطرق سعالدة المستشار قليلا
ثم مسح عينيه بمنديله
ثم قال
الله يرحمك ياااااااااابا
....
انتهت
--
|
|