Post: #1 Title: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-30-2015, 07:28 PM
يا الله !!! وصول ( حفيد ) من إبنتنا الكبرى ( وشاح ) .. أسميناه (عبدالعزيز) ، وهو جده من جهة أبيه ( أيهاب ) . ولكنني أسميته ( عزيز ) وسأناديه عزيز تيمناً بإسم من أسماء الحبيب المصطفى . ولكن البنات والنسوان طبعاً كالعادة حيتفننوا في تمييع الإسم ليصبح ( عزو ) أو ( عزوز ) أو ( زيزو ) !! .... الخليجيون يكنون عبدالعزيز ب ( أبوسعود ) ، لكن دي برضها جائزة في حقه ولكن بعد خرف إنشا الله ، لأنها تُطلق على الراشدين من الآباء والأجداد والرجال ! وإنشاله يكبر ونشوف جناه !!! . حبوبته العزيزة ( فدوى ) دخلت الآن عالم الحبوبات من الباب الكبير ،، ولكنها ستظل في نظري تلك الشابة اليافعة الرشيقة الوديعة الصبوحة المفرحة ! وصباحاتها ستزداد إشراقاً وبريقاً وضياء ! ،، وسيمنحها (عزيز) جمالاً وروحاً وألقاً جديداً ! وسوف تمنحه هي وداً وحناناً وحباً مختزناً من بلايين السنين والآماد والأزمان ، عبر تلك الأيام والقرون والدهور التي خلت ! .. أما أنا فلن أكون ( عجوز غابرين ) كما يقولون ! ،،، ومن أمبارح شابكني ليك جدو جدو ! ( الجماعة طبعاً لقو فرصتم ) ولقوا ليهم موضوع ! ... العجب النسوان والبنات ، فرحانات جنس فرح بحكاية جدو دي !! لكن طبعاً أنا عارف السبب لأنهم طبعاً خايفني أعرِّس تاني ، والفار أكيد لاعب في عبهن ! ... ليه ؟! طبعاً لأنهم شايفين العبدلله آخر شباب ورياضة ! وآخر لبس أردية ، وبدل رياضة وأحذية أشكال وأنواع ! والشعر طبعاً أسود ( صبغ وسمكرة ) ! ... والأدهى من ذلك أنو البنات والشباب في مكان العمل ، والسكن شايفني ليك في الأربعين !! ... وطبعاً ما مصدقين أنو عندي بت متزوجة وكمان ( جابت ليها ولد ! ) .. لن أشيخ يا ( عزيز ) وحأنتظرك بى ( كور الشراب ) وبالكفر ، وكور السلة ، ومضارب التنس ، وطاولة (البنج بونق ) ،، وسأجهز لك أورقن وكمنجة ومكتبة أطفال كاربة ،، وآي بات وآي فون آخر صيحة ! وكمان موبايل جلكسي ،، لكي تدخل إلى عالمك الجديد الجميل عبر عصركم هذا الغريب ،الفريد الجديد ! وسأنتظرك يا عزيز بالمراكب والمقاديف ، لنبحر معاً ، ونمخر عباب ذاك ( النهر ) الذي ينتظرنا ! وينتظر اكتشافنا له ، ويستجدينا إعمار شواطئه ، وبساتينها تلك ، وحقولها ومزارعها ، الممتدة قرب وادي نهر النيل العظيم ! .. ياله من حدث فريد ومدهش ومُعجز !! ، أن يهبط هكذا إلى كوكب الأرض ، كائن فريد وجديد ووديع وبرىء ، طاهر القلب وناصع الفؤاد ،، وصافي الذهن والوجدان والمخيلة ! .. وخلال تسعة أشهر ، كانت عصيبة ، مضنية ، وصعبة على العزيزة وشاح ! ولكن الله لطّفها أيما تلطيف ، وساقها من لطف إلى لطف ، بأييدٍ حصيفة خلاقة ومبدعة ،، شكّل فيها المولى عز وجل إنساناً مكتملاً معافياً بكل أعضائه وقسماته وسماته المُذهِلة المُعجِزة ! وجعله يبكي ويضحك ويحس ويشعر ويُفكِّر وينبض بالحياة !! ... ياله من إعجاز يفوق الوصف ويُعجز التفكير والتعبير ... فيا لله العظيم ! ومرحباً بك يا عزيز في ديار أهلك وناسك ورفقاء عالمك ! ، نزلت سهلاً وحللت أهلاً ... متمنياً لك طيب الإقامة وأن يجملك الله بكل خير ،، ويسبغ عليك نعمه ظاهرة وباطنة .. ويكلل مشوار حياتك الطويل بالسداد ، وبالتوفيق لما يحب ويرضى .. ويحفظك لوالديك ولأهلك ،، ويجعلك زخراً لهم ،، ويجعل عاقبة عملك كلها خير ، وبراً بالأشياء والأحياء .. وأسأل الله العظيم أن لا أضطر لأن أبكيك يوماً ! كم أسأله أن يُعينك وأهلك على فراقي ،، بعد عمرٍ مديد طويل ، وزاخر بالسلام والأمان وإيصال الخير والمودة والمحبة للآخرين !
وبإلله السداد التوفيق ..
Post: #2 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: عبدالعزيز عثمان Date: 01-30-2015, 08:01 PM Parent: #1
مبروك يالسمح سمح الضنا الطلاك ومبروك يالحنين ضغت الفرح في جناك وبختو عزيز اهل واشرب عسل من فاك وبختك بيهو ايام السرور راجياك حفظ الله عزيز،واعز به بيت العز والسماحة... وانا مني كرامة علي شرفه متي لمانا الله في دي الفانية.... جدك برضو انا عبدالعزيز عثمان ياعزيز ....
Post: #3 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: عادل ابراهيم احمد Date: 01-30-2015, 08:07 PM Parent: #2
تحياتي اخي مأمون
الف حمد لله على السلامة ومبروك الحفيدعبد العزيز ..
جعله اللع عزيزا في الدنيا والاخرة واقر به اعينكم وبارك لكم فيه وبه ..
والتهاني لعموم الاهل ..
Post: #4 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: أسامة العوض Date: 01-30-2015, 08:48 PM Parent: #3
ألف مبروك , يتربى عزيز في عزكم ويكون مصدر فخر لكم ولمجتمعه ووطنه
Post: #5 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-30-2015, 09:03 PM Parent: #2
Quote: مبروك يالسمح سمح الضنا الطلاك ومبروك يالحنين ضغت الفرح في جناك وبختو عزيز اهل واشرب عسل من فاك وبختك بيهو ايام السرور راجياك حفظ الله عزيز،واعز به بيت العز والسماحة... وانا مني كرامة علي شرفه متي لمانا الله في دي الفانية.... جدك برضو انا عبدالعزيز عثمان ياعزيز ....
يا سلام عليك يا أبوسعود .. سلمت وعقبالك يا أبو عزيز
Post: #6 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-30-2015, 09:07 PM Parent: #5
الأعزاء ،
عادل إبراهيم أسامة العوض
شكراً ليكم وعقبالكم عرش الجدودية
مامون
Post: #7 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: صلاح جادات Date: 01-30-2015, 09:16 PM Parent: #6
الاخ مامون سلام الف مبروك ويربي في عزكم وربنا يجعله من الصالحين ويكفيه شر الكيزان
Post: #8 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: Haytham Abdulaziz Date: 01-30-2015, 09:25 PM Parent: #1
العزيز مأمون مبروك ليكم الحفيد (عزيز)..... غرت أعينكم به وجعله الله من أبناء الوطن الصالحين.....
Quote: ومن أمبارح شابكني ليك جدو جدو !
وعقبال صديقي العزيز وزميل الدراسة الفنان (فالولة)......
Post: #9 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: عبدالمنعم الطيب حسن Date: 01-30-2015, 09:33 PM Parent: #8
مبروك ومبارك؛ عزيز دنياك... تعيش وتشوف جديدو؛ وتحياتنا لكل الاسرة، واجمل الاطفال قادمون ساعة فساعة.... لان بذرة الحياة ليست الرصاص
...............................
Post: #10 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-30-2015, 10:24 PM Parent: #9
الأعزاء ،
صلاح جادات هيثم عبدالعزيز عبدالمنعم الطيب
لكم جزيل الشكر وعقبالكم جميعاً
تحياتي
Post: #11 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: ملهم كردفان Date: 01-31-2015, 01:10 AM Parent: #10
كتابه جميله وصادقه ومعبره من إنسان جميل ألف ألف مبروك على الطله الرائعه لعزيز ويارب يكون عزيز اهله ووطنه وذو مكانة تليق به وبكم مامون خالص التهانى لوشاح وزوجها وكامل أفراد أسرتك الكريمه ياأبو الشباب
Post: #12 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: Omer Abdalla Omer Date: 01-31-2015, 08:53 AM Parent: #11
Quote: أما أنا فلن أكون ( عجوز غابرين ) كما يقولون !
يا جدو والله أنت نعم الجد. نرجو أن يمن الله عليك بحياة الفكر و الشعور فتعيش بأعمار أهل الجنة " 33 سنة" لا تزيد و لا تنقص! و نحن نراك كذلك! أمين. و قالوا ما أحلى من الجنى إلا جنى الجنى! شوف قالوا دى- معناها نحن عمر الزهور - لسع في الجنى بس يا جدو! تهانينا لأسرتكم السعيدة و ربنا يزيد هناكم.
Post: #13 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-31-2015, 08:54 AM Parent: #11
Quote: ألف ألف مبروك على الطله الرائعه لعزيز ويارب يكون عزيز اهله ووطنه وذو مكانة تليق به وبكم مامون خالص التهانى لوشاح وزوجها وكامل أفراد أسرتك الكريمه ياأبو الشباب
الله عليك يا ملهم كردفان ،، سلامي وأشواقي ،،
ربنا يهنيك بكل خير
وعقبالكم بكل جديد
Post: #14 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: الامين محمد علي Date: 01-31-2015, 09:43 AM Parent: #13
سلام يا استاذ مامون....
بجد يا بخت عزيز بهكذا جد!!
اما نحن فقد شهيتنا ((الجدودية) .......الشر برا وبعيد......هههههه
كتابة مميزة ياخ وح انسخ الموضوع واوريهوا لي ام العيال اكيد..
Post: #15 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: عبدالله الشقليني Date: 01-31-2015, 05:43 PM Parent: #14
تهانينا تحدث الطيب صالح عن علاقة الجد بالحفيد أنها علاقة قوية ، ويبقى الوالد هو الحلقة الضعيفة ... ويالك من فاعل يقبل على حياة جديدة ستكون خيراً ووعداً بجيل جديد ............
*
Post: #16 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: Khalid Elmahdi Date: 01-31-2015, 07:32 PM Parent: #15
تهانينا القلبيه الحاره أخي مامون بمقدم عزيز أعزه الله وجعله في الأخيار الأبرار..
Post: #20 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 00:42 AM Parent: #15
Quote: تهانينا تحدث الطيب صالح عن علاقة الجد بالحفيد أنها علاقة قوية ، ويبقى الوالد هو الحلقة الضعيفة ... ويالك من فاعل يقبل على حياة جديدة ستكون خيراً ووعداً بجيل جديد ............
أستاذ عبدالله الشقليني ، يا ألف مرحبا بمقدمك الكريم ،، ورحم الله العملاق الطيب صالح وأسكنه فسيح جناته ؟؟
هي بالتأكيد علاقة أذلية متينة ،، وهي فيما يبدو علاقة قديمة قِدم الإنسان !
تحياتي وأشواقي
Post: #21 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 00:42 AM Parent: #15
Quote: تهانينا تحدث الطيب صالح عن علاقة الجد بالحفيد أنها علاقة قوية ، ويبقى الوالد هو الحلقة الضعيفة ... ويالك من فاعل يقبل على حياة جديدة ستكون خيراً ووعداً بجيل جديد ............
أستاذ عبدالله الشقليني ، يا ألف مرحبا بمقدمك الكريم ،، ورحم الله العملاق الطيب صالح وأسكنه فسيح جناته ؟؟
هي بالتأكيد علاقة أذلية متينة ،، وهي فيما يبدو علاقة قديمة قِدم الإنسان !
تحياتي وأشواقي
Post: #17 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 01-31-2015, 11:04 PM Parent: #14
Quote: اما نحن فقد شهيتنا ((الجدودية) .......الشر برا وبعيد......هههههه
Post: #19 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: mohmed khalail Date: 02-01-2015, 00:33 AM Parent: #18
مبروك يا مأمون ان شاء الله يتربى في عزكم,,
ياخ انا من الصورة قايلك من جيل الجلاكسي..اتاريك من جيل النعام ولي قدام هههههههه
(والنعام المقصود هو الفنان الراحل النعام ادم طيب الله ثراه)
وموفور التهاني للماما والبابا ولتيتا كمان
Post: #22 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 10:36 AM Parent: #19
Quote: يا جدو والله أنت نعم الجد. نرجو أن يمن الله عليك بحياة الفكر و الشعور فتعيش بأعمار أهل الجنة " 33 سنة" لا تزيد و لا تنقص! و نحن نراك كذلك! أمين. و قالوا ما أحلى من الجنى إلا جنى الجنى! شوف قالوا دى- معناها نحن عمر الزهور - لسع في الجنى بس يا جدو! تهانينا لأسرتكم السعيدة و ربنا يزيد هناكم
أستاذنا عمر عبدالله ، سلام وتحية عطرة ومشتاقين كتير ..
الله يسمع منك يا عمر ويتحفنا بحياة الفكر والشعور !
اللهم آمين
Post: #24 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 11:03 AM Parent: #22
Quote: تهانينا القلبيه الحاره أخي مامون بمقدم عزيز أعزه الله وجعله في الأخيار الأبرار..
لك ألف تحية أخي العزيز خالد المهدي وعقبالكم ..
سلام لكل الأعزاء بطرفكم
Post: #23 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: على احمد النعيم Date: 02-01-2015, 10:47 AM Parent: #1
الاخ الكريم مامون الف حمداً لله على السلامة مع تهانينا القلبية الصادقة بقدوم الحفيد عزيز اسأل الله ان يجعله من الاتقياء الصالحين وبلغ تهانينا للاخت فدوى وقولها ود النعيم قالك بعد دا ارقدى قفاواطمئنى من حاجة اسمها عرس تانى
تهانينا مجدداً مع ودى الذى تعرف
Post: #25 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: معاذ الفحل Date: 02-01-2015, 11:24 AM Parent: #23
الف الف مبروك جدو مامون يتربى فى عزكم واذا شاخ الجسد فالروح صبية ربنا يمتعك بالصحة والعافية وباحفادك امين
Post: #26 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 04:39 PM Parent: #25
Quote: ياخ انا من الصورة قايلك من جيل الجلاكسي..اتاريك من جيل النعام ولي قدام هههههههه
الحبيب محمد خليل ،،، سلامات ياخي ومشتاقين كتير ..
والله صدق يا محمد ياها صورتي ذاتا الهسي ومافي أي فرق ... ما ده المجنن الجماعة !!
ياني أنا ذاتي !
تسلم يا أبوخليل
Post: #27 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: عماد حسين Date: 02-01-2015, 05:06 PM Parent: #26
جعله الله من الصالحين والنافعين للبلاد والعباد
وأقر الله أعين والديه بفلاحه ونجاحه
مبارك يا جدو مامون
Post: #28 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: يحي قباني Date: 02-01-2015, 05:14 PM Parent: #27
مبروك يا شيخ مامون ...
من نعم المولى على عبده ان يرى نجاح أبنائه و يفرح بذريتهم ...
حفظهم و حفظكم الله جميعاً ...
Post: #34 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 11:01 PM Parent: #28
Quote: مبروك يا شيخ مامون ... من نعم المولى على عبده ان يرى نجاح أبنائه و يفرح بذريتهم ... حفظهم و حفظكم الله جميعاً ...
وحفظكم الله عزيزنا وأستاذنا يحي قباني
خالص تحياتي ومودتي
Post: #33 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 10:56 PM Parent: #27
Quote: جعله الله من الصالحين والنافعين للبلاد والعباد
وأقر الله أعين والديه بفلاحه ونجاحه
مبارك يا جدو مامون
يبارك الله فيك عزيزنا ، عماد حسين
وعقبالكم جميعاً
Post: #29 Title: Re: بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 07:18 PM Parent: #23
Quote: وبلغ تهانينا للاخت فدوى وقولها ود النعيم قالك بعد دا ارقدى قفاواطمئنى من حاجة اسمها عرس تانى
يا ود النعيم هوي منو القال ليك ؟! يادوب هي كده احلوت وبى قلب قوي !! .... أنظر تاريخ أهلك الجدود ما يحلى ليهم العرس إلا بعد خرف !
أها عقبالك يا أبوعلوة
تحياتي وودي
Post: #30 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: محمد البشرى الخضر Date: 02-01-2015, 08:15 PM Parent: #29
ألف مبروك ربنا يحفظه ويبارك لكم فيه و حمدا لله على سلامة والدته
Quote: حبوبته العزيزة ( فدوى ) دخلت الآن عالم الحبوبات من الباب الكبير ،، ولكنها ستظل في نظري تلك الشابة اليافعة الرشيقة الوديعة الصبوحة المفرحة ! وصباحاتها ستزداد إشراقاً وبريقاً وضياء ! ،،
يا سلام يا مامون ياخ, ربنا يحفظكم لبعض ويديم المودة و المحبة الراقية دي بينكم
Post: #31 Title: Re:بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: محمد البشرى الخضر Date: 02-01-2015, 08:16 PM Parent: #30
معذرة العنوان في المداخلة السابقة خطأ وللأسف غير قابل للتعديل فصححته في المداخلة دي
Post: #32 Title: Re: Re:بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: Muna Khugali Date: 02-01-2015, 09:59 PM Parent: #31
ماشاء الله ألف مبروك وصول الحفيد يا مأمون أكيد أيامكم بتبقي أحلي وأنضر.. مرحله كلها حب لكن حب من نوع تاني..قول مضاعف.. تحبو في الحفيد الإمتداد وأكيد فيه الحب لأمه الإبنة كمان نوع مسئولية بالإختيار.. علي كل حال أحلي إحشاس وأحلي مسثولية..
......
Post: #36 Title: Re: Re:بقيت جدو مامون! ولكنني لن أشيخ بك يا عزيز! (جدودك وحبوباتك سنبتيك )! Author: مامون أحمد إبراهيم Date: 02-01-2015, 11:13 PM Parent: #32
Quote: ماشاء الله ألف مبروك وصول الحفيد يا مأمون أكيد أيامكم بتبقي أحلي وأنضر.. مرحله كلها حب لكن حب من نوع تاني..قول مضاعف.. تحبو في الحفيد الإمتداد وأكيد فيه الحب لأمه الإبنة كمان نوع مسئولية بالإختيار.. علي كل حال أحلي إحشاس وأحلي مسثولية..
أوه ه ه العزيزة منى خوجلي ،،، مشتاقين كتير والله ... لعلك وكل الأهل بخير
ما تقولي لي دخلت المجال ده يامنى من زمان ؟!!
لكن جدود وجدات ( سنبتيك )
Post: #35 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-01-2015, 11:07 PM Parent: #30
Quote: يا سلام يا مامون ياخ, ربنا يحفظكم لبعض ويديم المودة و المحبة الراقية دي بينكم
العزيز محمد البشرى خضر ، ويحفظكم الله جميعاً ويزدكم من كل خير
وعقبالك يا ( أبو حتوت ) !
Post: #37 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: سلمى الشيخ سلامة Date: 02-02-2015, 02:59 AM Parent: #35
الف مرحب بعبدالعزيز يتربى فى عزكم ومرحب بيك معانا فى النادى حبوبة سلمى الشيخ
Post: #38 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: محمد أبوالعزائم أبوالريش Date: 02-02-2015, 08:00 AM Parent: #37
ألف ألف مبروك يا صاحب.
مبروك للإبنة وشاح وحبوبة فدوى.
Post: #40 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-02-2015, 08:34 PM Parent: #38
Quote: ألف ألف مبروك يا صاحب. مبروك للإبنة وشاح وحبوبة فدوى.
يديك العافية أخي العزيز أبوالعزائم ،، وعقبالك يا صاحب
Post: #39 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-02-2015, 04:49 PM Parent: #37
Quote: الف مرحب بعبدالعزيز يتربى فى عزكم ومرحب بيك معانا فى النادى حبوبة سلمى الشيخ
بإلله ياسلمى حبوبة ! والله دي حاجة مطمئنة شديد ! ... يازولة جدود وحبوبات صغيرونين أصلو ما حنكبر أها !!
تحياتي بت الشيخ وأشواقي الكثيرة
Post: #41 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: ولياب Date: 02-03-2015, 07:45 AM Parent: #39
ألف مبروك يا مأمون والله مرحلة جميلة (الجدودية) ، ربي يحفظ الصغير .
والأجمل تكون جد وأنت مازلت شباب ، وبرضو أحلى أن يكون إبنك وحفيدك في نفس العمر .
Post: #42 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: Yasir Elsharif Date: 02-03-2015, 07:56 AM Parent: #41
سلام يا عزيزي مامون الحمد لله على سلامة وشاح وألف مبروك لها ولزوجها إيهاب مقدم عبد العزيز.. ومرحبا بك في نادي الأجداد..
"إنا فتحنا لك فتحا مبينا * ليغفر لك الله ما تقدم من ذنبك وما تأخر ويتم نعمته عليك ويهديك سراطا مستقيما * وينصرك الله نصرا عزيزا"
سلامنا لأسرتك مع التهاني
Post: #43 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: ismeil abbas Date: 02-03-2015, 02:37 PM Parent: #42
Quote: حبوبته العزيزة ( فدوى ) دخلت الآن عالم الحبوبات من الباب الكبير ،، ولكنها ستظل في نظري تلك الشابة اليافعة الرشيقة الوديعة الصبوحة المفرحة ! وصباحاتها ستزداد إشراقاً وبريقاً وضياء ! ،، وسيمنحها (عزيز) جمالاً وروحاً وألقاً جديداً ! وسوف تمنحه هي وداً وحناناً وحباً مختزناً من بلايين السنين والآماد والأزمان ، عبر تلك الأيام والقرون والدهور التي خلت
السلام عليكم...أخ/مامون..كلام موزون ووفى....ربنا يحفظ ليك أولادك وأحفادهم وأنت فى سعادة..كلنا على الدرب سايرون.....
Post: #48 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-03-2015, 06:08 PM Parent: #43
Post: #46 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-03-2015, 05:57 PM Parent: #42
Quote: سلام يا عزيزي مامون الحمد لله على سلامة وشاح وألف مبروك لها ولزوجها إيهاب مقدم عبد العزيز.. ومرحبا بك في نادي الأجداد..
"إنا فتحنا لك فتحا مبينا * ليغفر لك الله ما تقدم من ذنبك وما تأخر ويتم نعمته عليك ويهديك سراطا مستقيما * وينصرك الله نصرا عزيزا"
صدق الله العظيم ... أوه ه ه ه ه العزيز د. ياسر الشريف ،، بإلله برضو أنت معانا في حديقة الأجداد الزاهية !! والله فرحتونا جد !
لكم حار سلامي وأشواقي
Post: #47 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-03-2015, 05:57 PM Parent: #42
Quote: سلام يا عزيزي مامون الحمد لله على سلامة وشاح وألف مبروك لها ولزوجها إيهاب مقدم عبد العزيز.. ومرحبا بك في نادي الأجداد..
"إنا فتحنا لك فتحا مبينا * ليغفر لك الله ما تقدم من ذنبك وما تأخر ويتم نعمته عليك ويهديك سراطا مستقيما * وينصرك الله نصرا عزيزا"
صدق الله العظيم ... أوه ه ه ه ه العزيز د. ياسر الشريف ،، بإلله برضو أنت معانا في حديقة الأجداد الزاهية !! والله فرحتونا جد !
لكم حار سلامي وأشواقي
Post: #44 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-03-2015, 05:46 PM Parent: #41
Quote: ألف مبروك يا مأمون والله مرحلة جميلة (الجدودية) ، ربي يحفظ الصغير .
والأجمل تكون جد وأنت مازلت شباب ، وبرضو أحلى أن يكون إبنك وحفيدك في نفس العمر .
العزيز ولياب عقبالك آبوي ،، وإنشالة تتهنى بعيالك وعيال عيالك وتكونوا أصحاب وزملاء وأصدقاء
وشكراً على الأمنيات الجميلة الطيبة
تحياتي
Post: #45 Title: Re: سودانيز اون لاين دوت كم تحتسب الزميل أحمد محمد عباس(garjah) فى رحمه الله Author: مامون أحمد إبراهيم Date: 02-03-2015, 05:46 PM Parent: #41