هى الونسة دى بيتعلموها ؟ خفة وتقل الدم

..

لانى احترت..





هى الونسة بيتعلموها ؟

فى ناس بونسو الناس
وناس بتونسوا مع الناس
وناس بونسوا نفسهم براهم
وفى ناس بجرجروا الناس للونسه
...ده بالنسبه للمفرده السودانيه البريئه
...
وهناك ونس ووناسه وأنس لونهم براهو
...
منشور بجرجر لى ونسه سودانيه معتقه
...
كيف حالك يا حرسم ...يامسرح ...كيفك تمام..!!

سلام يا حرسم
كدى النونسك بى ونسة غيرنا و بعدين نشوف و نستك دى شايتة وين
الونسة سودانية و بمزاااااااجالونسة سودانية و بمزاااااااج

جلالدونا

تحياتى واحترامى العميق

بمش اقراك واجى تانى راجع

ان شاء الله القى جواب لى خفةى الدم وتقل الدم دى

صباحاتك نسائم وافراح

يارب

, 07:51 PM

محمد البشرى الخضر

تاريخ التسجيل: 14-11-2006
مجموع المشاركات: 21688
للتواصل معنا
FaceBook
تويتر Twitter
YouTube
Google Plus
+ SudaneseOnline at Google


Re: الونسة سودانية و بمزاااااااج (Re: محمد البشرى الخضر)


ونسة تكون مليانة بي نوع
"شفت كيف؟"
"يا سيدي ليك"
"كويس معاك"
للاستحواذ على انتباهك و بريك لمونسك يرتب افكاره و ياخد نفسه
فترنا من ناس " واخد بال حضرتك " و ملينا " شفت إشلون "
وكرهتها عديل بتاعة " زين ارباب " مع الهزة الشهيرة

يا حرسم والله انا ما حصل لاحظت انك مشيت زرت الجيران واخدت معاهم خشم خشمين ولا شاكلتهم ساي في موية البلاعة البكشحوها في الشارع دي

اين محمود ياخ صباح الخير فى الاوال

اها يلا شوف اى بكا فى المنبر دلا وزاى تبيركات واى مناسبة تلقانى محشور فيهو ما حصل فوت مناسبة

يلا فى مسالة الكوراك دى انا ما بحبها ابدا اكان جو كشوها لى خشم الباب ولا بوقل بغم بعاين ليهو وبقوم بنظف المحل وخلاص

فى شنو ؟

هههههههههههههههههههههههههههههه

زيارتك اسعدتنى جدا

لكن بى جد يلا نحاول نعرف خفة الدم دى علم والا موهبة والا هبة ولا اكتساب

صديقى الاجمل على الاطلاق ملهمنا الانيق
ياخ تحياتى

وامنياتى

ودعواتى

يلا الونسة صحى زى ما انت قلت انواع

ويظل يشغلنى جدا هى موهبة والا هبة والا اكتساب

وليه بيمتازو بيها واحدين وواحدين ناشفين ؟

هههههههههههههههههههههه

ملهمنا الانيق صباحاتك يا صديقى الزمن الجميل

صديقى الجميل تبارك
ياخ سعيد جدا بى سماع صوتك


البيت كان زحمة وبنتعشى وناس ماشين عمرة
بعد فضيت نزلت ركبت فى العربية وقعدت تمام وضربت ليك

هتافك فى الاخر قال لى سجل هههههههههههههه

سجلت ليك
اها يلا شكلها الونسة بتبدأ كدى مو صاح؟

عمرة مقبولة يا صاحبى

يلا السؤال:
هل قواعد الونسة واحدة فى كل حالات الونسة

ونسة الكورة
ونسة الكوتشينة
ونسة الجكس
ونسة المسافرين
ونسة الحجاج
ونسة الحفلات (قبل واثناء وبعد)
ونسة العامود
ونسة ضل الشجرة
ونسة الجبنة
ونسة سوق الخضار
ونسة المستشفى
ونسة الباصات


هل القواعد واحدة ام ان الخصوصية تبقى سمة واضحة

يلا السؤال:
هل قواعد الونسة واحدة فى كل حالات الونسة

ونسة الكورة
ونسة الكوتشينة
ونسة الجكس
ونسة المسافرين
ونسة الحجاج
ونسة الحفلات (قبل واثناء وبعد)
ونسة العامود
ونسة ضل الشجرة
ونسة الجبنة
ونسة سوق الخضار
ونسة المستشفى
ونسة الباصات


هل القواعد واحدة ام ان الخصوصية تبقى سمة واضحة

مصطلح (خفة الدم )
هل هو فقط الذى يضحك الناس طول الوقت وردو جاهز ؟


مصطلح ثقل الدم

هل هو الغياظ الذى لا يعير اى شخص اختمام وينظر للناس شذرا ولا يرد ولا يشارك ولا يهبب




؟ظظ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ونسة الشتاء
ونسة الادباء
ونسة المثقافتية
ونسة السياسييين
ونسة الشعراء
ونسة (المعاطين)
ونسة الصحفيين
ونسة الدكاترة
ونسة الميكانكية
ونسة المزارعين
ونسة الطبة ونسة البنات
ونسة الرجال
ونسة الواقفين
ونسة القاعدين
ونسة المستعجلين
ونسة الماهلين
ونسة الطمبارة
ونسة العازفين
ونسة البواليس
ونسة الضباط
ونسة المساطيل
ونسة السكارى
ونسة الجيران
ونسة المأجرين
ونسة المستأجرين
ونسة السواقين
ونسة الكماسرة
ونسة التكاسة
ونسة الخضرجية
ونسة الجزارين
ونسة الناس اليمين
ونسة اليساريين
ونسة الدكتاوريين
ونسة الديمفراطييين
ونسة الحقوقييين
ونسة المطلقات
ونسة البايرات
ونسة الحايريات
ونسة المحطوبين
ونسة المتزوجين
ونسة المساجد
ونسة الاندايات
ونسة الليل
ونسة النهار
ونسة الفرحان
ونسة المغبون
ونسة الفراجة
.......
ونمد

الونسة عن\د السودانيين بيبدأ كيف

وعند الاخرين بيبدأ كيف ؟

يعنى مثلا واحد خرمان صعود



كل زول عندو طريقة ونسة للوصول للهدف



.

الونسة ذاتا خشم بيوت،
في ناس مونساتية درجة اولى، وفي ناس نص نص،
وفي واحد من حلتنا حكى لي كلام عادي واعتبرو نكتة ومشيتا باعتباري مغترب،
بعد خمسة سنين- ودرب الحكي معاه طول- حكى لي ذات الكلام العادي وما زال يعتبره نكتة،
حكيت الحصل لواحد صديقي قال لي: والله دا لو انا كان لفيتا معا؛
في دفتر الخريجين كتب زميلنا في الجامعة ان هوايته الونسة،
وبرضو يظل اخف وطاة من ذاك الذي كتب في منبر عام ان هوايته المضاجعة،
والمغترب بالمناسبة لمن يرجع الحلة اي ونسة بتنفع معاه!
في اسر كاملة مشهورة بالمؤانسة وخفة الدم، وفي اسر بتحاول، وفي ناس دمها تقيل خلقة وما زالت مصرة!
واخونا المرحوم الباقر ود الجبل عندما يندمج في الايناس ورواد مجلسه العامر،
وتاتي كلمة مطفرة من هنا ولا هنا؛ يلتفت في جميع ارجاء المجلس ويقول حكمته المعهودة: يا جماعة المجالس بالامانات!
وبعضهم لمن يرى اندماجك، حكي ليك حكاية ويعربنك بالتانية؛
شفت كيف....

عبدالمنعم الطيب حسن


هههههههههههههههه
ياخ مساك نور
وربنا يديك العافية والصبر مع زى ديل وواسفاك
هههه

ونمد

Quote: يلا فى مسالة الكوراك دى انا ما بحبها ابدا اكان جو كشوها لى خشم الباب ولا بوقل بغم بعاين ليهو وبقوم بنظف المحل وخلاص

مساء الخير يا أستاذ حرسم
غايتو في موضوع الكوراك ده في بوست لدكين كان قريتو يشهيك في الكوراك.
مع وافر المحبة و الاحترام

ALWALEED ALSHEIKH


والله يا وليد ان بقى الكوراك خشم بابى ما بشتغل بيهو ياخى حراق روح ساى
هسى البينى وبين الناس ديل مو الكيبورد دا والا شيتن تانى
اها يلا الكوراك شن فايدته

ياخ كتر خيرك وتوقيعك اسعدنى جدا

ويا قول الجماعة خلونا نسولف

من اهم ادوات الونسة


الوقت

وهو عنصر مهم جدا


حسب طوله وقصره
زحمته وفراغه
حسب مزاج الفرد فيه
المتحدث والمتحدث اليه





ونمد

اصعب ما فى الونسة

القعادة الثانية

البداية

بداية اونسة ووجهتا

مصطلح (خفة الدم )







؟

ونسة السودانيين اكتر ونسة عجيبة

كل زول بيكون عارف كل حاجة فى اى حاجة



ياخ الحرب شغالة
والناس قاعدة فى مطعم فى جدة وبى صوت عالى بيناقشو السودان يشارك والا ما يشارك مع الجماعة
والحوثيين
وبى صوت عالى

ياخ السياسة وونستها دى


عجيبة

مش؟

هو منو هو الما سياسى بالفطرة

اها الونسة دى موهبة

والا

علم ؟




والسؤال خبيث جدا

الونسة
لمن تكون فيها شمار حار
مدقوقة ناعمة مقربلة
بتدى مذاق لذيذ للونسة.

Quote: ونسة الجبنة

سلامات ياحرسم ,,
كدى تعال اخد لك معانا خشم خشمين
بى ودِعها ودوبيت إن دُرْتَ


فنجان جبنة ولمة ناس حلوينفنجان جبنة ولمة ناس حلوين

Quote: ونسة الشتاء ونسة الادباء ونسة المثقافتية ونسة السياسييين ونسة الشعراء ونسة (المعاطين) ونسة الصحفيين ونسة الدكاترة ونسة الميكانكية ونسة المزارعين ونسة الطبة ونسة البنات ونسة الرجال ونسة الواقفين ونسة القاعدين ونسة المستعجلين ونسة الماهلين ونسة الطمبارة ونسة العازفين ونسة البواليس ونسة الضباط ونسة المساطيل ونسة السكارى ونسة الجيران ونسة المأجرين ونسة المستأجرين ونسة السواقين ونسة الكماسرة ونسة التكاسة ونسة الخضرجية ونسة الجزارين ونسة الناس اليمين ونسة اليساريين ونسة الدكتاوريين ونسة الديمفراطييين ونسة الحقوقييين ونسة المطلقات ونسة البايرات ونسة الحايريات ونسة المحطوبين ونسة المتزوجين ونسة المساجد ونسة الاندايات ونسة الليل ونسة النهار ونسة الفرحان ونسة المغبون ونسة الفراجة

بعد دا كلللللو، تنسى ونسة الضِكيّر للضِكيّر .

سلآم ؤُ تحايا ...

الأظرط يا معاوية..

ونسة بنات عدن بنات..!



ول ابا حرسم ..حبابك يا صديقي..

كبر

Quote: الضِكيّر للضِكيّر .

عقب نهاية الدوام المرهق؛ يستكين زملاءنا السودانيين في مكاتبهم- المتجاورة اصلا-
يستانسون؛ قليلا... قبيل رحلة العودة للمنازل؛
صديقنا عبدالفتاح؛اول المغادرين من البشكة؛
يردد من تلات سنوات؛ رغم قولنا له للمرة الاف ربما المثل بصيغته الصحيحة؛
ما زال مصرا ان يردد:
ونسة ضكير لضكير اخير منو النوم؛
...................
سلام معاوية وحرسم

عبدالمنعم الطيب حسن


ولك تحية بشسع ما بين السماء والارض

ول ابا Kabar

اجمل الامسيات لقلمك وحرفك العميق اينما حضر

اتعجب جدا مرات تلقى بت طول اليوم تتكلم اكثر من سبع وعشرين ساعة فى اليوم يا تلفونها فى اضانها يا ملخومة مع صاحبتها فى قطيعة
وما احلى القطيعة بين البنات فى معظم ونساتهم

خلسة
خلسة

وما اجمل هذا المصطلح
خلسة
نظر
او معلومة
او عجب


الحياة كلها اعاجيب يا صديقى

سعدت بك اينما وجدتك

معاوية المدير

ياخ كل سنة وانت طيب
اها يلا عندنا زول كان معانا زمان فى بيت العزابة اول ما الساعة تفوت اتناشر او مواعيده تجى يقوم يتنفض من القعدة الطويلة بتاعت التلفزيون دى

وياخد ليهو نفس كويل
المهم يتمحرق كدا لغاية ما يلفت نظرك وتسألو
يا حميدة ياخ ما بدرى ؟
طوالى يرسل ليك مرسالو المفضل (ونسة الضكير للضكير النوم اخير )

ثم يضحك ويقدل الى سريره

وعلى فكرة له امثال كنت اشك فى انو هو ناجرها براهو من راسو

مثلا فى صينية الغدا تقول ليهو زح جاى يا حميدة يقوليك بسرعة (سفرا بالايد مو بعيد)

كتر خيرك اخوى معاوية

عبدالعزيز الفاضلابى

تحياتى وكل سنة وانت ب الف خير

دعوة مقبولة وربنا يرفع القدم


الونسة فى اى حتة سمحة
لكن فى القطر اسمح
او فى الباخرة
او لما الكهربا تقطع

أيمن نواى على


احلى ما يحلى الونسة عندنا نحن السودانيين (الشمار)
كان حار كان بارد

وبعدين حسب نوع الصوت اول ما يكون هامس وكانه ما داير زول يسمعه هههههههههههههههه
يديك احساس بى اهمية الونسة

كل عام وانتم اجمل واسعد








ياااااارب

نلاقيكم

تانى

والعفو والعافية ان فطينا زول

بس الرد ما منظم

اقرا المداخلات كلها لتتاكد انى رديت عليكم كلكم

بس برضو شاكى هههههههه


ونسة