نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )

Post: #1
Title: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )
Author: يحي قباني
Date: 01-09-2015, 04:57 AM
Parent: #0

كلما مر بنا الزمان ...
و افسحت السوداء الطريق الي البيضاء ...
يبعد حلمنا بالعودة الي البلد ...
تلهينا سرعة الحياة هنا ... و نحن ندمن تلك السرعة حتى تنسينا ذلك البلد الأمين ...
و كلما اتيقنا ... و قلنا راح مع الأيام ...
يأتي ما ينكأ جرح النسيان ... ويقول لك هيهات ...

اليوم ...

جاءتني ابنتي الصغرى بكباية الشاي الأحمر و معها صحن ( قرقوش ) !!!
سألتها ؟ قرقوش ؟
يا بتي ده من وين ؟
قالت جانا من السودان !!! ... ارسلته لك الخالة فلانه ؟
جابوهوا في كرتونة ... لكن فضيناهو في علبه !!!
و الكرتونة وين يا بتي ؟ امشي جيبيها ...

و جاءت الكرتونة ...
و بها رائحة الماضي و الزمن الجميل ...
لم اشتم رائحة القرقوش فقط ... بل رائحة الصاج الذي سواه ...
و رائحة حطب الفرن ...
و ريحة الحلة ... و الجيران ... و زقاقت ام در .. و ريحة مشرع ابروف ...
و تمربونة بيت الحاكم العسكري في مدني ... و التمرهندية الرامية فوق بيتنا ...
و شجر الحنة في بيت العمة في امدرمان ...
و ريحة البحر في اونقياي و سنكات ...
و ريحة توب امى ... و جلابية ابوى ...
و ريحة قفطان جدى محمد سعيد ...
و ريحة تُكل حبوبتي في ود ارو ... و حوش جدى بعد ما اترشه في العصرية
و ريحة عيد رمضان الآتي ...
و مشاويرنا لفرن الحلة ...
و صفايح الخبيز المجهزة للعيد ...
___________________________

نحن في السودان نهوى اوطانا
ان رحلنا بعيد نطرى خلانا

ساعود ...

Post: #2
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-09-2015, 07:54 AM
Parent: #1

لم اكن اعلم ان السفر سيكون ترحال ...

و ان اصلاح الحال سيصبح غربة و شوق ...

لم اكن اعلم أني سأبقي خارج الوطن ... أكثر مما قضيت في رحابه ...

و لكن من فينا بات يعرف الحساب ...

واحشني يا وطن ...

بي هبوبك ..بي ترابك ... بي نظرة غلابتك ...

Post: #3
Title: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوش
Author: Yasir Elsharif
Date: 01-09-2015, 08:17 AM
Parent: #2

ياخي جننتا جن

تسلم أنت والأسرة يا يحيى

ناس السودان اليومين دي عندهم برد "كنكوش"

هل تذكر زمان المنقد مليان جمر في التكل؟؟ والشاي باللبن.

زمان لمن الجيران يرسلوا حاجة في كورية يقوموا ناس البيت يرجعوا ليهم فيها حاجة. دحين كوريتك نرجعها ليك مليانة بالأبنودي

https://http://http://www.youtube.com/watch?v=wh1cLACRlBowww.youtube.com/watch?v=wh1cLACRlBo

Post: #4
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: معاذ الفحل
Date: 01-09-2015, 08:27 AM
Parent: #2

قبانى
ياخى الله يعدلها عليك محل ما تقبل
ويديك قدر ما تمنيت
ياخى الاغنية دى بالذات بتخلى الواحد فعلا كما ذكرت واكتر

Post: #5
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: ودقاسم
Date: 01-09-2015, 09:11 AM

يحيى قباني
لك ألف تحية
الوطن عالي جدا وسيظل حبه يجري في دمانا
ببساطة ليس التراب ترابا
فالتفاصيل كلها هي الوطن
لذا نصحتكم من قبل :
لا تطيلوا التسكع في بلاد الآخرين
لا تطيلوا التسكع في بلاد الآخرينلا تطيلوا التسكع في بلاد الآخرين

Post: #6
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: Khalid Basheer
Date: 01-09-2015, 11:32 AM
Parent: #5

سلام يا قباني
دي كلمات للعميري – رحمة الله عليه -

بعيد يا أخوانّا بتذكّر
حلاة الذكرى لمّا تهف
وفي أعماقنا تتحكّر
محال في لحظة نحنا نخون
ولي ماضينا نتنكّر
أصلو عمرنا جدول شوق
وحبة ذكرى ما أكتر
***
بعيد يا أخوانّا بتذكّر
حليل الخور يفرّحنا
ومويتو تفيض وتتبعثر
ونبني بيوتنا بي طينة
نسيبا تفوت وتتكسّر
ونمشي أهلنا فرحانين
نفتش علبة السكّر
ونشحد يابا تعريفة
دحين يا أبوي ما بتقدر؟؟
يقول والله والله
ويحلف زين ويتعذّر
ونزعل نحنا بي رقة
دموعنا الغالية تتقطّر
***
بعيد يا أخوانّا بتذكر
لمة بيتنا كل صباح
وقعدة يمة في البنبر
تناول داك حبيبة شاي
وتدي التاني ما بتفتر
ونحنا نشيل زلابية وعيش
مع شاهينا نتحنطر
دي صورة نعيشا كل صباح
حفظنا القعدة والمنظر
***
بعيد يا أخوانّا بتذكّر
شوارع الحلة والدكان
ولون الشارع الأسمر
وحاجة تبيع تسالي وفول
تحت نيماً ظليل أخضر
ونختف نحنا نجري هناك
وهي المسكينة ما بتقدر
ونضحك ونحنا ما عارفين
جزانا يكون وكت نكبر
ونلقى الدنيا ...
مرة الدنيا لمّا تضيق وتتعكّر
وأصلو الما عتر مرة
مصيروا يعيش ويتعتّر

Post: #7
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: هاشم أحمد خلف الله
Date: 01-09-2015, 11:58 AM
Parent: #6

قباني ايه الرجل الحنين .... ياخي تشتاقك كل الامكنه الممكنة والما ممكنة
دائما تاخذنا معك في رحلة الشوق والوجع ............ اخ انا منك ياخ

Post: #8
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: طلحة عبدالله
Date: 01-09-2015, 12:18 PM
Parent: #7

أيا يحي
Quote:
ياخي جننتا جن

وشكرا ليك كتير

Post: #21
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: سلمي النصري
Date: 01-10-2015, 08:46 PM
Parent: #2

سلام للجميع

لشوق و الوطن
.
يا جنا
.
كلمات هاشم صديق

منقول من موقع هأشم صديق صديق

فى بعادنا عن أرض الحُنان

الليلة مرت كم سنه

وا شوقنا لى نخل الفريق

الضامى فى سَدْرو الجنا

للحلوه ام وجهاً قَمر

ضواى مورد بالمنى

الليلة زارتنا الرؤى

المنسوجه من عُمق الجذور

رَسَمت صور ضّوت جمال

وجوَّه الخيال عاشت دهور

أفراح فريق يوم الحصاد

وزغروده وِصلت للسحاب

وعريس مُعَطّن بالعطور

وجهاد فتح درب الصباح

وشهيد مُلَفّح بالزهور

وشباب بعز ديمة الأرض

شايل مبادى نضالُو نور

وفْـ مره طار بينا الخيال

بعد الغياب الطال جرح

شوفنا البخور فى الليل عَبَق

والليل شرب عطر الطَّلِح

والقمرة نامت فى الرمال

والطين شِرِب نديان صِبِح

وحَدَا الصريف قام الخدار

حَاضِن صفيقات القَمِح

والوادى فَرهد بالخريف

الشَّرَّ بى قشُه السَمح

الفين سلام

يا يمه يا شتل المحَنّه

الشَّبَّ فى وسط الجروف

ويا يابا يالدرع المتين

الليهو كم سجدت سيوف

ويا جده يا اْم صوتاً حَنِين

حجواتها بالوادى بتَطوف

ويا سمحه يا شمس الفريق

الليها كم غَنَّت حروف

فى الغربة يا اهلى الحُنان

كم عِشنَا فى قَسوة ظروف

أشواقنا لى أرض الوطن

ولى خُضْرة الوادى العطوف

خلتنا كم ساقنا الخيال

طار بينا لى دار الولوف

والفرحة غَنّت صَفَّقَت

والشوق حَضَن شتل الجروف

الله قادر

Post: #9
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: عاطف عمر
Date: 01-09-2015, 01:20 PM
Parent: #1

أيا يحيى ......
أيا حبيبنا....
Quote: بها رائحة الماضي و الزمن الجميل ...
لم اشتم رائحة القرقوش فقط ... بل رائحة الصاج الذي سواه ...
و رائحة حطب الفرن ...
و ريحة الحلة ... و الجيران ... و زقاقت ام در .. و ريحة مشرع ابروف ...
و تمربونة بيت الحاكم العسكري في مدني ... و التمرهندية الرامية فوق بيتنا ...
و شجر الحنة في بيت العمة في امدرمان ...
و ريحة البحر في اونقياي و سنكات ...
و ريحة توب امى ... و جلابية ابوى ...
و ريحة قفطان جدى محمد سعيد ...
و ريحة تُكل حبوبتي في ود ارو ... و حوش جدى بعد ما اترشه في العصرية
و ريحة عيد رمضان الآتي ...
و مشاويرنا لفرن الحلة ...
و صفايح الخبيز المجهزة للعيد ...

ليتك إن ذهبت ذات يوم تجد هذا الذي ( تهاتي ) به
بعضه ....
أو حتى
قليلاً منه ......

.......
.......
.......

أخشى أن أقول ...

Post: #10
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-09-2015, 04:38 PM
Parent: #9

Quote: ياخي جننتا جن

تسلم أنت والأسرة يا يحيى

ناس السودان اليومين دي عندهم برد "كنكوش"

هل تذكر زمان المنقد مليان جمر في التكل؟؟ والشاي باللبن.

زمان لمن الجيران يرسلوا حاجة في كورية يقوموا ناس البيت يرجعوا ليهم فيها حاجة. دحين كوريتك نرجعها ليك مليانة بالأبنودي

سلامات ياسر ...

و يا حليل زمن الكورية ... وحليل زمن الجيران لما ما يختوا اللقمه في خشمهم كما جاكم نصيب بالاول ...

و شكراً علي قصيدة الخال ... الرجل الأسطورة ...

Post: #11
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-09-2015, 04:41 PM
Parent: #10

Quote: قبانى
ياخى الله يعدلها عليك محل ما تقبل
ويديك قدر ما تمنيت
ياخى الاغنية دى بالذات بتخلى الواحد فعلا كما ذكرت واكتر

الله يعدلها علي الجميع يا معاذ ...

و نحن في السودان

نطرى جلساتنا في ضفاف النيل
والسواقي تدور في سكون الليل
القماري تعيد لحن كالتنزيل
والوتر يشدو والطبيعة تشيل
النغم مفرح والحبيبة تميل توحي الحانا

Post: #12
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-09-2015, 04:50 PM
Parent: #11

Quote: يحيى قباني
لك ألف تحية
الوطن عالي جدا وسيظل حبه يجري في دمانا
ببساطة ليس التراب ترابا
فالتفاصيل كلها هي الوطن
لذا نصحتكم من قبل :
لا تطيلوا التسكع في بلاد الآخرين

شيخنا ود قاسم ...

قالوا في سوداني كان في السعودية و مرضان مرض شديد جداً ...
لغاية ما الدكاترة نصحوا الناس انو فايدة مافي ...
والأفضل انو يودوهوا السودان يقضي باقي ايامو الفضلن وسط اهله ...
و فعلا عملوا الإجراءات و عربية اسعاف ودتو المطار و عمك منتهي ...
وصلو مطار الخرطوم ... و عربية اسعاف تاني و نزلوهوا تحت الهانقر الزنكي داك
و راجين الإجراءات عشان يدخلوهوا ...
و الهانقر مفتوح طبعا و جاتك لفحة سموم و معاها غبار ...
بس عمك مع اللفحة الحارة ديك فتح عيونوا بالراحه و قال لواحد من المرافقين بصوت محشرج كده:
ياخي بس اوعوا تكونوا عملتو لي خروج نهائي من المملكة ؟

اها نبقي لي جنس ده يا خال ؟
_____________________________________________
دي مداعبة بس يا ود قاسم ...

و النفيسة فيها ... الا القدم تقل و حتل ..

بس نمرض بيها من بعيد لي بعيد ...

و نسأل الله ان يزيل الغمة ...

Post: #13
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 06:41 AM
Parent: #12

Quote: سلام يا قباني
دي كلمات للعميري – رحمة الله عليه -

بعيد يا أخوانّا بتذكّر
حلاة الذكرى لمّا تهف
وفي أعماقنا تتحكّر
محال في لحظة نحنا نخون
ولي ماضينا نتنكّر
أصلو عمرنا جدول شوق
وحبة ذكرى ما أكتر

عميري الفنان الشامل ...

الله يرحمه و يحسن مثواه ...

عميري يا خالد ما عندو شبه ...

Post: #14
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 06:45 AM
Parent: #13

Quote: قباني ايه الرجل الحنين .... ياخي تشتاقك كل الامكنه الممكنة والما ممكنة
دائما تاخذنا معك في رحلة الشوق والوجع ............ اخ انا منك ياخ

هاشم خلف الله ... الرجل الذي احبه و احترمه ...

مشتاقين يا شاعر ...

ووجع القلب مبارينا مبارينا ... نعمل شنو ؟

Post: #15
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 06:53 AM
Parent: #14

Quote: ليتك إن ذهبت ذات يوم تجد هذا الذي ( تهاتي ) به
بعضه ....
أو حتى
قليلاً منه ......

.......
.......
.......

أخشى أن أقول

مشي ... ولينا 26 سنة و زيادة ما مشينا ...

ما نهاتي كمان يا توفي ؟

ياخوي الناس الشميت ريحة تيابهم و قفاطينهم كلهم رحلوا الله يرحمهم جميعاً ...

بس ريدة البلد يا عاطف ... لا قادرين نحمل بعادها ... و ملاوزين الجمال الفي راسنا يتكسر اكان زرناها ...

Post: #16
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 07:00 AM
Parent: #12

Quote: أيا يحي

Quote:
ياخي جننتا جن

وشكرا ليك كتير

آآخ بس يا طلحة ...

Post: #17
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: حمد اسماعيل
Date: 01-10-2015, 08:51 AM
Parent: #16

ياقبانى مالك علينا ياخى

بعدين ان شاء الله القرقوش ينفعكم

متذكر الكرتونه مكتوب عليها شنو, وما تكون جدعتها

والله انا محتفظ بواحده قربته ابروزه مكتووب حلويات سعد

كانت مليانه بخيرات كردفان و ما زلت احتفظ بباقى نبق

ربنا يدى العافيه و نرجع سالمين ونلقى الباقى من اهلنا سالمين لو البلد سلم .

Post: #18
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 03:46 PM
Parent: #17

Quote:

ياقبانى مالك علينا ياخى

بعدين ان شاء الله القرقوش ينفعكم

متذكر الكرتونه مكتوب عليها شنو, وما تكون جدعتها

والله انا محتفظ بواحده قربته ابروزه مكتووب حلويات سعد

كانت مليانه بخيرات كردفان و ما زلت احتفظ بباقى نبق

ربنا يدى العافيه و نرجع سالمين ونلقى الباقى من اهلنا سالمين لو البلد سلم . .

حمد إسماعيل !

الليله زاراتنا البركة ... مرحب بالغالي اخو الغالي ...

نورتنا يابو حميد ياخي ...

النبق و اللالوب و القنقليز جابتهم الحاجة السنة الفاتت ...

و الاجمل انو طبعا الأولاد ما بيهبشوهو ... واخوك مع كل قزقزة ذكريات عجيبة ...

و زي ما قلت الله يسلم البلد بس بي الأول و ناسنا الحنان الاتبهدلوا علي يد المجرمين ...

Post: #19
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: معاوية الزبير
Date: 01-10-2015, 06:15 PM
Parent: #18

Quote: بس ريدة البلد يا عاطف ... لا قادرين نحمل بعادها ... و ملاوزين الجمال الفي راسنا يتكسر اكان زرناها ...
سلام عزيزنا يحيى
التغيير الشكلي طبعا حصل بصورة لا تتخيلها، يمكن بيتكم ما ح تعرفو
الأسبوع الماضي كنت في الخرطوم تحدثت مع صديق عن اختفاء المعالم المعروفة للشوارع الرئيسية وشبه الرئيسية
وضربت مثلا، قلت ليهو في التمانينات كنت أكون راكب بص الثورة بالنص وأقرا في جريدة أو كتاب.. أرفع رأسي كل كم دقيقة لألقي نظرة خاطفة لا تتجاوز نصف ثانية
عشان أعرف وصلنا وين
هسي الناس الراكبين في المواصلات بكونوا مادين روسينهم بالشبابيك طول الوقت عشان ما يفوّتوا محطتهم، وفي الغالب معظمهم بلقوا نفسهم في آخر محطة ويرجعوا كداري
الصبغة التجارية كست الشوارع بسبب الضائقة الاقتصادية، فتحولت إلى أسواق شعبية مصغرة
كل زول حوّل واجهة بيتو (كان مِلك كان إيجار) لمحل بيع عطور، أنابيب غاز، شحن كروت موبايلات، مغلق، طاحونة.. الخ
وبعد كم أسبوع تتبادل هذه المحلات مواضعها بكل كرم
أما عن التغير الموضوعي فيحتاج إلى مداخلة أخرى، لكن باختصار أؤكد ليك
هناك فقط طبقات غبار -خفيفة أو ثقيلة- طبقت على البلد، ستزول بزوال هذه العاصفة الهوجاء

Post: #20
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: عاطف عمر
Date: 01-10-2015, 07:13 PM
Parent: #19

Quote: و ملاوزين الجمال الفي راسنا يتكسر اكان زرناها ...

وهذا بالضبط ما نخاف عليك منه يا حبنا .......

ثم

مع تحياتنا لعزيزنا ود الزبير
فقد أجاد وأبدع في وصف الحال كما العهد به ولكن ....
Quote: أما عن التغير الموضوعي فيحتاج إلى مداخلة أخرى، لكن باختصار أؤكد ليك
هناك فقط طبقات غبار -خفيفة أو ثقيلة- طبقت على البلد، ستزول بزوال هذه العاصفة الهوجاء

مداخلة بس ؟؟؟
باين لى التغيير الحصل في البشر ( بس ) ... محتاج لـ كتب وليس مداخلة

Post: #22
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: سلمي النصري
Date: 01-10-2015, 08:51 PM
Parent: #20

سلام الأخ يحيى
سلام للجميع

لشوق و الوطن
.
يا جنا
.
كلمات هاشم صديق

منقول من موقع هأشم صديق صديق

فى بعادنا عن أرض الحُنان

الليلة مرت كم سنه

وا شوقنا لى نخل الفريق

الضامى فى سَدْرو الجنا

للحلوه ام وجهاً قَمر

ضواى مورد بالمنى

الليلة زارتنا الرؤى

المنسوجه من عُمق الجذور

رَسَمت صور ضّوت جمال

وجوَّه الخيال عاشت دهور

أفراح فريق يوم الحصاد

وزغروده وِصلت للسحاب

وعريس مُعَطّن بالعطور

وجهاد فتح درب الصباح

وشهيد مُلَفّح بالزهور

وشباب بعز ديمة الأرض

شايل مبادى نضالُو نور

وفْـ مره طار بينا الخيال

بعد الغياب الطال جرح

شوفنا البخور فى الليل عَبَق

والليل شرب عطر الطَّلِح

والقمرة نامت فى الرمال

والطين شِرِب نديان صِبِح

وحَدَا الصريف قام الخدار

حَاضِن صفيقات القَمِح

والوادى فَرهد بالخريف

الشَّرَّ بى قشُه السَمح

الفين سلام

يا يمه يا شتل المحَنّه

الشَّبَّ فى وسط الجروف

ويا يابا يالدرع المتين

الليهو كم سجدت سيوف

ويا جده يا اْم صوتاً حَنِين

حجواتها بالوادى بتَطوف

ويا سمحه يا شمس الفريق

الليها كم غَنَّت حروف

فى الغربة يا اهلى الحُنان

كم عِشنَا فى قَسوة ظروف

أشواقنا لى أرض الوطن

ولى خُضْرة الوادى العطوف

خلتنا كم ساقنا الخيال

طار بينا لى دار الولوف

والفرحة غَنّت صَفَّقَت

والشوق حَضَن شتل الجروف

الله قادر

Post: #23
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: عاطف عمر
Date: 01-10-2015, 08:57 PM
Parent: #22

سجن سجن غرامة غرامة

إهداء إلى عزيزتنا سلمى النصري

________________

يحيى قباني .......
حاسي بيك يا ود أمي
حاسي بيك .... ومن رفع السماء بلا عمد .....

Post: #24
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-10-2015, 11:08 PM
Parent: #23

Quote: سلام عزيزنا يحيى
التغيير الشكلي طبعا حصل بصورة لا تتخيلها، يمكن بيتكم ما ح تعرفو
الأسبوع الماضي كنت في الخرطوم تحدثت مع صديق عن اختفاء المعالم المعروفة للشوارع الرئيسية وشبه الرئيسية
وضربت مثلا، قلت ليهو في التمانينات كنت أكون راكب بص الثورة بالنص وأقرا في جريدة أو كتاب.. أرفع رأسي كل كم دقيقة لألقي نظرة خاطفة لا تتجاوز نصف ثانية
عشان أعرف وصلنا وين
هسي الناس الراكبين في المواصلات بكونوا مادين روسينهم بالشبابيك طول الوقت عشان ما يفوّتوا محطتهم، وفي الغالب معظمهم بلقوا نفسهم في آخر محطة ويرجعوا كداري
الصبغة التجارية كست الشوارع بسبب الضائقة الاقتصادية، فتحولت إلى أسواق شعبية مصغرة
كل زول حوّل واجهة بيتو (كان مِلك كان إيجار) لمحل بيع عطور، أنابيب غاز، شحن كروت موبايلات، مغلق، طاحونة.. الخ
وبعد كم أسبوع تتبادل هذه المحلات مواضعها بكل كرم
أما عن التغير الموضوعي فيحتاج إلى مداخلة أخرى، لكن باختصار أؤكد ليك
هناك فقط طبقات غبار -خفيفة أو ثقيلة- طبقت على البلد، ستزول بزوال هذه العاصفة الهوجاء

الحمد لله على السلامة يا ود الزبير يا جميل ...

سنة 93 بعد اغتراب في الرياض لمدة خمسة سنين ...

كان لي جار مصري مهندس كهرباء اسمه ربيع عبد الغني ...

رجل يساري جميل جداً و مثقف و قارئ نهم ...

جمعنا حب القراية و الاعتدال في التوجه ...

المهم السنة ديك اخوك مسكتو زهجة و قال يفكر يرجع السودان ...

و مسافرين شغل انا و عمك ربيع في الطيارة قال لي يا باشمهندس

انت تاعباك غربة جسدك و روحك من السودان ...

لكن انا خايف عليك ترجع و تصدمك غربة ( النفوس ) البدت تدخل علي الناس هناك ...

اها يا معاوية اخوك خاف من دي ...

و لي يوم الليلة .... ما شفت البقعة بي عيني ...

و المرسوم و منحوت جواي كتير ... ما دايره ينطمس ...

Post: #25
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: Haytham Ghaly
Date: 01-11-2015, 05:12 AM
Parent: #24

Quote: مكتووب حلويات سعد

يا حمد ما تجيب سيرة البحر عشان الجماعة ما يجو يقولولك مغرض والذي منو

تحياتي ليك ياخي

حبيبنا قباني الجميل

وينك وين حاجاتك الذيذة دي طولنا منها

وسائلين عنك ويوماتي رحيل
في بوادي المدن النفطية

شقيش ما تقبل يا أبو الحيل
في قلوبنا مواجعك متكية

والشوق للبلد بي حالا
الشوق للتراب ولاهلي

تحياتي ليك واما ما يختص بالقرقروش فبالهنا عليك وينفعك ان شاء الله

Post: #28
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-11-2015, 11:12 PM
Parent: #25

Quote: حبيبنا قباني الجميل

وينك وين حاجاتك الذيذة دي طولنا منها

وسائلين عنك ويوماتي رحيل
في بوادي المدن النفطية

شقيش ما تقبل يا أبو الحيل
في قلوبنا مواجعك متكية

والشوق للبلد بي حالا
الشوق للتراب ولاهلي

تحياتي ليك واما ما يختص بالقرقروش فبالهنا عليك وينفعك ان شاء الله

تسلم يا هيثم يا ( غالي ) ...

نعمل شنو ... المنبر كمان مش شوفته بقت متعبه ..و ( ريحتو ) كمان بقت تزكم الانوف ...

اما القرقوش و حياتك فشغال عليه نوع قرقوشة بالصباح و قرقوشة في المساء و أخرى عند اللزوم ...

و في الوريد طوالي ...

Post: #26
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-11-2015, 08:17 AM
Parent: #22

Quote: سلام الأخ يحيى
سلام للجميع

لشوق و الوطن
.
يا جنا
.
كلمات هاشم صديق

و سلام ليك يا سلمي و للبديع هاشم صديق ...

تعرفي يا سلمي ...
زمان كنا لامن نودع او يودعونا نسمع حمد الريح و قلبي المكتول كمد ...
قال الأولاد متجرسين يعني .... و القصة كلها تكون خفسة أسبوعين تلاتة ...
ما قايلين بجينا يوم و تبقى فينا البقت ...

عثمان خالد قال :
يا قلـبى يا مكتول كمد اعصـر دموع
هات غنوه لى سيد البلد
يا حليلو .. قال سايب البلد
يا حليلو .. كيفن يبتعد
وكيفن نسيبو يروح بعيد
فى رحلة مجهولة الامد
_________________
و الله مجهولة الأمد بالجد ...

Post: #27
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: سلمي النصري
Date: 01-11-2015, 01:56 PM
Parent: #1

السلام عليكم

شكرا أخي عاطف ، ألف شكر علي الفيديو الجميل . تقديري

شكرا أخي قباني ، كلامك صح ، كلنا مررنا بتلك المواقف ، سبحان الله ، و كنا نعتقد بان البعد مستحيل ، و ؛ لكن مقارنه بالذي بعدها ، كانت بسيطه !

والله تضاءلت الأحلام في العودة إلى أن وصلت لمرحله تمني أن أدفن في السودان ، فقط ولا شي سوى هذا

لكن لا يأس من رحمه الله جل و علا .

لكم شكري

السلام عليكم

Post: #29
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-12-2015, 06:13 AM
Parent: #27

Quote: يحيى قباني .......
حاسي بيك يا ود أمي
حاسي بيك .... ومن رفع السماء بلا عمد .....

في خضم الشجن و الشوق الهالكنا يا عاطف ...
حدث اليوم مالم يحدث هنا الا مرة واحدة ... في خلال الواحد و عشرين سنة الماضية ...
انقطع التيار الكهربائي فجر اليوم و لمدة 6 ساعات ... نتيجة لعطب في كيبل رئيسي ...
درجة الحرارة قبل الرياح ناقص 10 و مع الرياح ناقص 20
البيت ابرد من فريزر التلاجة ...!!!
كل شيء مربوط بالكهرباء ... جهاز التدفئة المركزي لكي يعمل يحتاج الي الكهرباء
ماعدا ( وليس في كل المنازل ) البوتجاز في منزلنا يعمل بالغاز فقط !!!
و انا من اختار ان يكون الطبخ علي الغاز ... لقناعتي ان طبخ الغاز أطعم من طبخ الكهرباء ...

مع ذلك البرد ( تكلفت ) جميع من في المنزل
الا العبد الفقير لله ...
نزلت الي المطبخ ... اوقدت اكبر شعلة في البوتجاز و قمت بغلي ماء ...
و حضرت كوب من الشاي المخلوط مع الهبهان ...
و سحبت علبة القرقوش ... و اخدت ( شمّة ) من علبة القرقوش ... مليت الرئتين من ريحة البلد ...
و شلت اول قرقوشة و غمستها في كباية الشاي ...
و مع تغميستها اتذكرت قصة عمك عوض جبريل ... و قعاده في قهوة شديد مع المهنيين ...
يبدو القعاد في القهوة من الفجر ... مع شاى اللبن و اللقيمات ...
يسمعهم عمك عوض جبريل و يشاغلهم ... و ياخد من كلامهم و يكتب و يغني ...
و قعدت ادندن يا عاطف و ( اغالب دمعي و اتصبر ) ...
و حلفت آخر اليوم ده الا اسمعك ليها مع رمية جميلة من ابيات لعمر ابوريشة ...

تسجيل رايق لي ولدنا سامي المغربي ...
_____________________________

امي الله يرحمها يا عاطف ...
كانت تعجن اللقيمات او أي عجين لاي خبيز دون ما تحسب المقادير ...
كانو يسألوها اللقيمات او القرقوش ده بتختي قدر شنو من ده و كم من داك ...
تقول ليهم شوية من ده و حبه من داك ... و اعجنوهو ا بي شوية محبه و حنان ...
يطلع خبيز مظبوط ...

Post: #30
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-13-2015, 01:23 AM
Parent: #29

Quote: شكرا أخي قباني ، كلامك صح ، كلنا مررنا بتلك المواقف ، سبحان الله ، و كنا نعتقد بان البعد مستحيل ، و ؛ لكن مقارنه بالذي بعدها ، كانت بسيطه !

المعادلة صعبة يا سلمى ...

بلدنا الفيها رزقنا و رزق وليداتنا ...

و لا بلدنا الرضعنا من صدرها و لولتنا و كبرتنا ...

صعب يا سلمى الحساب

Post: #31
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: NEWSUDANI
Date: 01-13-2015, 05:02 AM
Parent: #30

Quote: و المرسوم و منحوت جواي كتير ... ما دايره ينطمس ...

ياصديقي كيفك أنا مشيت يوم 20/10 ورجعت يوم 23/10 علي الطلاق الطمسة من المطار تلاقيك ،،،، سأالني أحد الاصدقاء يازول مالك ما بتتكلم قلت ليهو نقول شنو ؟؟ ما لقينا البلد لقينا حاجة ثانية أمدرمان مافي عديييييل كده وحدث ولاحرج

يازول خليك بالصورة اللي في زهنك لا تذهب فستفجع

Post: #32
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: Hamid Elsawi
Date: 01-13-2015, 06:10 AM
Parent: #31

Quote: اعجنوهو ا بي شوية محبه و حنان ...

ربنا يرحمها

أتارك انت معجون بحب الوطن من أكل اللقيمات

كلام نيو سوداني ده دايماً زوجتي بتقولو لي
لكن بالعكس بتقول لي أنا عايزاك ترجع السودان
عشان تطلع من أوهامك دي

و قالت مكاني ح يكون يا في متحف التاريخ الطبيعي أو
مستشفي الأمراض النفسية اذا رجعت

و قال لي أحد الاصدقاء و هو مقيم في السودان
السودان راح مننا و نحن قاعدين نفتش فيه

معني الكلام دة القاعدين هناك زاتم ما لاقين البلد

السودان راح يا يحيي
ديل سرقو حتي المحنة و الطيبة
من العيون و القلوب

شفت صورة الكتل نفسة قدام مبني الضرايب عشان ما
قادر يعيش اولاده

خلينا نطري نجوانا و حبنا العذري

و تحية لكل ضيوف البوست عشاق الوطن المسلوب

Post: #35
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-14-2015, 05:40 AM
Parent: #32

Quote: ربنا يرحمها

أتارك انت معجون بحب الوطن من أكل اللقيمات

كلام نيو سوداني ده دايماً زوجتي بتقولو لي
لكن بالعكس بتقول لي أنا عايزاك ترجع السودان
عشان تطلع من أوهامك دي

و قالت مكاني ح يكون يا في متحف التاريخ الطبيعي أو
مستشفي الأمراض النفسية اذا رجعت

و قال لي أحد الاصدقاء و هو مقيم في السودان
السودان راح مننا و نحن قاعدين نفتش فيه

معني الكلام دة القاعدين هناك زاتم ما لاقين البلد

السودان راح يا يحيي
ديل سرقو حتي المحنة و الطيبة
من العيون و القلوب

شفت صورة الكتل نفسة قدام مبني الضرايب عشان ما
قادر يعيش اولاده

خلينا نطري نجوانا و حبنا العذري

و تحية لكل ضيوف البوست عشاق الوطن المسلوب

الله يرحمها و يغفر ليها و لجميع امهاتنا ...آمين ...

و الله يا صاوي ... ما لينا غير الذكريات ...

و نقول يا حليلو و ياحليلهم ...
وزي ما قال عمك المساح ...

حليلو الفى القلب مرســـــــوم
شويدن .. خلقة .. فاطرو بســوم
يتل اكتافو يجيك مقســـــــــــــــوم
هلك عضمى وهرانى سمــــــــــــوم

Post: #33
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-13-2015, 07:55 AM
Parent: #31

Quote: ياصديقي كيفك أنا مشيت يوم 20/10 ورجعت يوم 23/10 علي الطلاق الطمسة من المطار تلاقيك ،،،، سأالني أحد الاصدقاء يازول مالك ما بتتكلم قلت ليهو نقول شنو ؟؟ ما لقينا البلد لقينا حاجة ثانية أمدرمان مافي عديييييل كده وحدث ولاحرج

يازول خليك بالصورة اللي في زهنك لا تذهب فستفجع

نقنع يعني و لا شنو يا حبيب ..؟
تعرف يا صديقي ...
الليلة درجة الحرارة ناقص 28 ... ليه ما عارف ...
و باكر طول النهار نفس الشئ و اخوك عنده كم مواعيد كده ...
قاعد افكر البس شنو و اتكلفت كيف ...
قمت اتذكرت ليك أيامنا في الشتا في السودان ...
خصوصا لما نكون ماشين السينما الدور التاني ...
لازم تتقل قال .. و فوق القميص كده تربط ليك فنيلة برد في رقبتك ...
و العجب كان السينما بقت الصافية ... الوكت داك الدنيا خلا ...
و لا وطنية غرب مرة ... راجعين البركس وقفنا في فرن سيحة ناكل رغيف و نتدفا شوية قبال نواصل مشيتنا الكداري ...

حليل السودان ياخ ... و حليلكم انتو زاتكم ...

يا زول جاي متين ؟

Post: #34
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: محمد كابيلا
Date: 01-13-2015, 01:59 PM
Parent: #33

يا سلام يااااخ

بوست يتدفق حنيه وشوق

وذكرى كمان !!

--------------

تورت فينا ذكريات جميلة

يا قبانى .. تقديرى !!

Post: #36
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-14-2015, 03:57 PM
Parent: #34

Quote: يا سلام يااااخ

بوست يتدفق حنيه وشوق

وذكرى كمان !!

--------------

تورت فينا ذكريات جميلة

يا قبانى .. تقديرى !!

كابيلا الزول الجميل ...

الذكريات صادقه و جميله...

مهما تجافينا ... بنقول حليلها ...

Post: #37
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: ismeil abbas
Date: 01-14-2015, 04:53 PM
Parent: #36

أخى يحي قبانى الرجل الجميل الغربة صعبه والبره همو فى الرجوع والجوه همو فى المروق.......الله يصلح حال البلاد والعباد.....لوسمحت بتعرف عاطف فايز قبانى من أهلكم........

ذكريات الصبى وأم درمان..

Post: #38
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-15-2015, 04:11 PM
Parent: #37

Quote: أخى يحي قبانى الرجل الجميل الغربة صعبه والبره همو فى الرجوع والجوه همو فى المروق.......الله يصلح حال البلاد والعباد.....لوسمحت بتعرف عاطف فايز قبانى من أهلكم........

ذكريات الصبى وأم درمان

سلامات إسماعيل الرجل الجميل ...

عاطف فايز ماهر عبد العزيز القباني ...

أولاد عمومة و هم احد فروع القبانية الأساسيين و هم من قبانية الصور او الملازمين ...

لم اتشرف بمعرفته هو شخصياً و اعتقد انه مقيم في السعودية ...

و لكن كل من يعرفه عن قرب يقول انه انسان نادر و جميل جداً ...

تحياتي له و لك يا جميل ...

Post: #39
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: ismeil abbas
Date: 01-15-2015, 04:28 PM
Parent: #38

Quote: لكن كل من يعرفه عن قرب يقول انه انسان نادر و جميل جداً ...

يا سلام عليك يا جميل يشبهك فى حديثك وطلتك......ياريت لوسعيت لى فى وسيلة تواصل به أكون شاكر ومقدر.....عن طريق ألأهل......

Post: #40
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-16-2015, 11:03 PM
Parent: #39

Quote: يا سلام عليك يا جميل يشبهك فى حديثك وطلتك......ياريت لوسعيت لى فى وسيلة تواصل به أكون شاكر ومقدر.....عن طريق ألأهل......]

بإذن الله يا إسماعيل المعلومات تصلك قريباً حتى تتمكن من الاتصال بابن عمنا فايز ...

تسلم يا ملك ...

Post: #41
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: ملهم كردفان
Date: 01-16-2015, 11:18 PM
Parent: #40

طله مستحقه ياقبانى ... مع وافر التحايا
...
ورينى كيف نلقى طريقه نهرب من الجوانا ...
البخلينا نتوجع حنين مشتاق
نسترجع ذكرياتنا
لحدى مانشبع من قراقيش الغنا الدفاق
ورينى كيف
نغسل نفوسنا من رهق الغربه
عشان نحيا ونكون
اكترإنسانيه ونهدهد الاشواق

احترامى

Post: #42
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-17-2015, 03:13 PM
Parent: #41

Quote: طله مستحقه ياقبانى ... مع وافر التحايا
...
ورينى كيف نلقى طريقه نهرب من الجوانا ...
البخلينا نتوجع حنين مشتاق
نسترجع ذكرياتنا
لحدى مانشبع من قراقيش الغنا الدفاق
ورينى كيف
نغسل نفوسنا من رهق الغربه
عشان نحيا ونكون
اكترإنسانيه ونهدهد الاشواق

احترامى

محطات يا صديقي هي الدنيا ...

ضاعت ( أيام زمان ... أيام الدِفِي ...) ...

اليوم نتوقف في محطة الحزن النبيل علي فراق مصطفي ...

و على فراق حميد ... و علي الابداع في السودان ...

Post: #43
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-18-2015, 05:30 PM
Parent: #42

تمر بنا الأيام كقطار سريع يطوي محطات الحياه طياً ...

في احد تلك المحطات كانت لنا ذكرى لن ننساها ...

في منتصف سبيعينيات القرن الماضي كنا طلاب في بداية المرحلة الثانوية ...
تم نقل والد صديقنا ( اللواء معاش حاليا ) محمد محمود رمضان الحضري الي فرع بنك النيلين بود مدني ...
و انتظرنا انا و أصدقائي الأحبه سامي جون و مجدى ابدرق اول عطلة للذهاب الي مدني و قضاء وقت مع صديقنا محمد في منزلهم في بركات ...
و استقبلنا الوالد محمود ( رحمه الله ) في محطة البص السريع ... و ذهبنا الي منزلهم ...
و كانت الوالدة في استقبالنا بترحاب شديد فكنا كابنائها تماماً ...
قضينا معهم أسبوعا كاملاً ... لم تكل الوالد من اكرامنا بل يزيد كرمها يوما عن يوم ...
وكانت ( لقيمات ) الصباح اليومي هي ما نبدا به يومنا ... تستيقظ منذ الفجر للتحضير ... و نستيقظ نحن علي رائحتها
و نجلس جميعاً حول صينية الشاي باللبن المقنن ... كانت امرأة فريدة من نوعها ... حبها فطري و دواخلها اصفى من الماء الزلال ...

تلك المحطة اذكرها و كاننا توقفنا فيها بالأمس القريب ...

و كما هي محطات ...

نعي الناعي والدة صديقي محمد محمود الأسبوع الماضي ...

رحمها الله رحمة واسعة ... و رحم الله امي و جميع امهاتنا ...

نسأل الله لهم جميعاً الرحمة و حسن المنزلة ...

Post: #44
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: سلمي النصري
Date: 01-18-2015, 07:26 PM
Parent: #43

السلام عليكم أخي قباني

للفقيده الرحمه و لوالدتك ، و ل أمي ، لهن الرحمه و الفردوس الأعلي يا رب .

فقد الأم جرح ينزف بمرور السنين , ولا يجف أبدا !!

الدوام لله تعالي .

Post: #45
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-20-2015, 04:54 AM
Parent: #44

Quote: السلام عليكم أخي قباني

للفقيده الرحمه و لوالدتك ، و ل أمي ، لهن الرحمه و الفردوس الأعلي يا رب .

فقد الأم جرح ينزف بمرور السنين , ولا يجف أبدا !!

الدوام لله تعالي .

الحمد لله من قبل و من بعد أختنا سلمى ...

افتقدها كثيراً يا سلمى ... و افتقد دعائها الذى كنا نتحصن به من مصائب الزمان ...

Post: #46
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-20-2015, 05:41 AM
Parent: #45

اتـنـفــس فــوح
تتـنـفــس نـــاس .. وريـــاض وبحـــار
____________________________________________

كلما ضاقت بنا الغربه ...
و كلما طِرينا خلّانا و طوحت بنا ذكرياتنا ...
تأتيني هذه الابيات من دُرة الخليل فلق الصباح ...
و ما زلنا في حالة اختناق ...
ننتظرها لعلها تتنفس ... و تفوح ...

Post: #47
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-20-2015, 04:20 PM
Parent: #46

آخ يا بلد ...
كنا اذا عرف ان شخص ما او رب اسرة ما كان مشبوها في تجارته او اعماله
تبعد عنه الأُسر و لا تقرب منه و لا تصادقه و لا تصاهره ...

الان اصبح اللصوص و أصحاب المال الحرام هم قبلة الصداقة و المصاهرة ...
تُرى ما ذا سيكون نتاجهم... ؟

Post: #48
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 01-22-2015, 06:07 AM
Parent: #47

يتملكني شعور دائم ...

ان جيلنا هذا بعد ان يفارق الدنيا ...

ستفارق معه أشياء كثيرة ...

فيا لهفي على الوطن ...

Post: #53
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 02-08-2015, 04:35 AM
Parent: #45

21:35 م Feb 7,2015
سودانيز أون لاين
يحي قباني - فى الدنيا العجيبة
مكتبتي في سودانيزاونلاين

بعد يوم عمل شاق جداً مع اكثر من عميل و في أجواء ثلجية غير مريحة ...
عدت الى المنزل ... وانا اهم بالنزول من العربة ... لمحت ( عداد ) الكيلومترات الذي كنت قد ( صفرته ) قبل الخروج صباحاً
يشير الى 189 كيلومتر ...قطعتها في يوم واحد و انا بين ثلاث مناطق ليست بعيدة عن بعضها ذلك البعد ...
ولكن طبيعة العمل نتحرك من منزل الي منزل و من شارع الى شارع لمقارنة المنازل و ايهم اصلح للشراء ...

بعد حمام ساخن جداً ... جلست علي مكتبي لتلخيص عمل اليوم ...
ثم تذكرت ذلك العداد و تلك الكيلومترات ال 189 ... فضحكت ... و تذكرت حينما كنا نقول ( مسافر مدني ) ...
180 كيلو مدني الخرطوم ... نعتبرها سفراً ... نعد له العدة ... و الزوادة ...
____________________________________________________________________________
قيادة السيارة في السودان كانت رفاهية ... رغم سوء الطرقات ...
اذكر كيف كنت انتظر ان ينام الوالد رحمه الله عصراً وقت القيلولة ...
حتي أقوم ( بدفر ) السيارة الأوبيل 64 بعيداً عن المنزل و استخدام المفتاح الاسبير
و الذهاب الى حِلة المحبوبة ... و القيادة جيئة و ذهابا آملاً ان تطل و تراك ...

احلامنا كانت كاحلام العصافير ... ننتظر نظرة او ابتسامة ...
حبنا كان عذرياً ...
كانت نظرة واحدة تكفي ... و عجباً ان صحبت تلك النظرة ابتسامة خجولة ...
كأننا امسكنا السحاب ...
و نعيش ذلك المساء و كأننا اكلنا حباً و شبعنا عشقاً ...
فتنتفخ صدورنا ... حتى تكاد تنفجر ... فالقلب هو سيد المساء و الليلة ...

Post: #49
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )
Author: محمد محمد قاضي
Date: 01-22-2015, 07:49 AM
Parent: #1

لم اكن اعلم أني سأبقي خارج الوطن ... أكثر مما قضيت في رحابه ...

و لكن من فينا بات يعرف الحساب ...

واحشني يا وطن ...

بي هبوبك ..بي ترابك ... بي نظرة غلابتك ...

ما عارف الواحد يقول شنو بعد كلامك الفوق ده

قباني يا جميل ربنا يرد غربتك وغربتنا كلنا بالخير وسودانا ينعم بالأمن والسلام

حسين قاضي

Post: #50
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )
Author: يحي قباني
Date: 01-22-2015, 02:55 PM
Parent: #49

Quote: ما عارف الواحد يقول شنو بعد كلامك الفوق ده

قباني يا جميل ربنا يرد غربتك وغربتنا كلنا بالخير وسودانا ينعم بالأمن والسلام

حسين قاضي

تسلم يا قاضي ...

ربنا يرد السودان أولا من غربته ... انحنا ملحوقين ... بس هو ما بستاهل البهدلة الحاصلة دي ...

و كمان غربة النفوس بقت صعبة ... الناس اتغيرت ...

Post: #51
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )
Author: يحي قباني
Date: 01-24-2015, 06:29 AM
Parent: #50

محطة أخرى عادت الى الذاكرة بعد رحيل الملك عبد الله بن عبد العزيز ...

في بداية تسعينات القرن الماضي كنت في الطائف في رحلة عمل

كنت انا و معي اتنين من مدراء شركة ( تينيه انترناشيونال الفرنسية ) حضوراً في قصر الأمير مشعل بن عبد العزيز
لمناقشة تصميم قصره الجديد بالرياض ... مكثنا هناك حوالي الأسبوع ...
وقرب نهاية ذلك الأسبوع طلب مني الأمير مشعل ( كنت اعمل في الإدارة الهندسية التابعة لمكتبه الخاص )
ان اقدم دعوة للمهندسين الأجانب للذهاب معه لحفل عشاء في قصر الأمير عبد الله ( وقتها كان وليا للعهد ) ...
و كان سبب الدعوة هو ان نشاهد ذلك القصر الفخيم المبني على احدث طراز ...

ذهبنا الى حفل العشاء و كان بالفعل قصراً مهيباً ... قمنا بمصافحته و تجولنا في القصر بعد ان استأذنه الأمير مشعل ...
ثم ذهبنا الى صالة العشاء و التي كانت تعج بحوالي ال 300 شخص على اقل تقدير ...
كان من يقدم الطعام كلهم من الجنسية اللبنانية ... لبس و اناقة و ذوق في التقديم ...
و بعد دقائق حضر الامراء و جلسوا على صدر ( السفرة ) في طاولة تجلس على شبه مسرح ...
و هنا ضحكت ملئ شدقيا ... فما ان جلس الأمير عبد الله ... الا و اتى خلفه ووقف حتى نهاية الحفل
رجل سوداني ... بجلابيته البيضاء و طاقيه ... كان يحمل في جيوبه كل ادوية الأمير عبد الله ...
يفتح العلب بيده من خلف الأمير ... و يناوله الحبوب ... و ( يبلع ) الأمير كل ما يعطيه ذلك السوداني ...
فتذكرت ( عم ادريس ) و الذى كان يقوم بنفس الدور في قصر الأمير مشعل ...
فرآني الأمير مشعل و انا اضحك ... فابتسم ( الأمير مشعل رجل صاحب ذكاء فطري خارق ) ...
و في تلك الليله عدنا الى قصره و جلسنا قليلاً نتحدث عن القصر الفخم و التصميم ...
و حين هممنا بالقيام ... قال لي ... رأيتك و انت تضحك ... و انا ادري لماذا انت تضحك ...
فقلت لماذا ( طال عمرك ) ؟
قال لان ارواحنا انا و اخوتي بعد حفظ الله في اياديكم انتم يا سودانيين ...
__________________________________________________________
من يقترب كثيراً من آل سعود ... يتعجب كثيراً لتلك الأسرة ...
رحم الله أبا متعب ...

Post: #52
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقوشة )
Author: يحي قباني
Date: 01-24-2015, 06:53 AM
Parent: #51

و لما ينادي همس الشوق
يقيف كل الزمن و يسمع ...
عيونك ديل عيون اهلي
حُنان ...زي نغمه في مقطع
بحبّك يا صباح العيد
و يا فرح العريس السار
و احسك في سما الازمان
شمس بتضوّي للمشوار
_________________
يا ريتني لو اقدر أقول
فيك الكلام الما انكتب
و اجلي المقاطع بالدهب
و افرد صباح حسنك و شاح
يمسح عذاب عمري المسطر باللهب

Post: #54
Title: Re: نطرى نجوانا و حُبنا العُذري .. و الوفاء معروف فينا من بدري ( ملعون ابوك قرقو
Author: يحي قباني
Date: 02-14-2015, 03:46 PM
Parent: #52

تشاهد بعض الناس تستغرب في انهم بشراً طبيعيين ...

تجده يلهو و يتسامر و يتحلى بروح الدعابة هنا و هناك ...

الى ان يأتي شخص او اشخاص معينين ... تجده و كأنه يأكل في نفسه حتى يكاد يتلاشى ...

هو في اعتقادي مرض لا اعرف تشخيصه بالتحديد لأن به خليط من الأحقاد في الاغلب او التعقيدات النفسية و الله أعلم ...

الغريب في الأمر ان ذلك الشخص الآتي لا يعلم من هو ذلك ( المريض ) ... و لا حتى يرغب ان يعرفه ...

لم يلفت نظره في شيء ... فلا شيء يجمعهم ...

و لكنه السودان الجديد ... ( فرّخ ) لنا شخصيات مشوهة تماماً و نفوس مريضة ... لا نملك الا ان نسأل الله الشفاء العاجل لها ...

Post: #55
Title: Re: نطرى نجوانا و حُبنا العُذري .. و الوفاء معر
Author: محمد فضل الله المكى
Date: 05-07-2015, 08:14 AM
Parent: #54

.

ـ ياخ جننتنا جِن .... ياسر
ـ ياخ الله يعدلها عليك محل ما تقبل .... معاذ
ـ أخ أنا منك ياخ .... هاشم
ـ يا قباني مالك علينا ياخ .... حمد
ـ يا سلام يااااخ .... كابيلا

الجرسة دي كلها ليك يا ود قباني ... !!
الدنيا خميس ياخ !!

Post: #56
Title: Re: نطرى نجوانا و حُبنا العُذري .. و الوفاء معر
Author: نصر الدين عثمان
Date: 05-07-2015, 09:01 AM
Parent: #55

عزيزي ود قبــاني وضيوفك المتواجدين وجداً و صباً.. ليعنا الله ويعينكم...

Quote: احلامنا كانت كاحلام العصافير ... ننتظر نظرة او ابتسامة ...
حبنا كان عذرياً ...
كانت نظرة واحدة تكفي ... و عجباً ان صحبت تلك النظرة ابتسامة خجولة ...
كأننا امسكنا السحاب ...
و نعيش ذلك المساء و كأننا اكلنا حباً و شبعنا عشقاً ...
فتنتفخ صدورنا ... حتى تكاد تنفجر ... فالقلب هو سيد المساء و الليلة ...

يا الله.............

قلبت علينا المواجع يا يحيى..... بيد أنها لم تغادرنا أصلاً منذ أن فارقنا الديار..

نحن غايتو ما وصلنا مرحلة شم كرتونة القرقوش دي.... لأننا بنجد كثير عزاء في الكسرة بالتقلية وأم رقيقة غداء كل جمعة..

ربنا يعينكم في تلك البلاد التي تموت حيتانها من البرد كما قال صاحب موسم الهجرة رحمه الله..

ويزيل هذا الكابوس الذي جثم على صدورنا طويلا.. ويجمعنا من تاني في بلدنا......
----------
راح الميعاد ..
راح الميعاد وزمانى راح
والجرح لانام لا استراح
لكنى مُتكتم عليــــه
كم من جراح أحيت جراح
يا قلبي ما تسهر معاي
ما أظن يفيدنا الأنتظـــار
عدًيني في روضة هنــاي
سكت النغم سكت الكنـــار
جفت ورود الأمنيـــــات
يا حليل زمان الإخضـــرار
يا حليل حبيب كان ليّ نــور
كان ليّ ساعة الغــربة دار
يا ريتني لــــو اقدر أعيد
لحظات من الماضي البــعيد
وأهدى الزمان كل الحــنان
وأكتب لعمري ربيــع جديد
لكن رجعت وقلت مـــــا
يفيدني أحلم ما يفـــــــيد
تلقاني بين الناس هــــــنا
وأنا في حقيقتي هنـــاك وحيد
ياحليل لياليــــــنا المضت
من غير أمــــــاني تنّورها
يا غالى يا أمـــــــل الحياة
ومعنى الصفـــــــات النيّره
طول البعـــــــاد ما أظن يفيد
آمـــــــــالي فيك ما بغيرها

Post: #57
Title: Re: نطرى نجوانا و حُبنا العُذري .. و الوفاء معر
Author: ياسر السر
Date: 05-07-2015, 10:47 AM
Parent: #56

يا سلاااام يا استاذنا الشفيف يحيى قباني ,, تلك اوطانا وحبها الخاااااالد يجري في دمانا ,, فنحن ايضا مثلك نهوى هذا الكائن الجميل المسمى بالسودان ولكن اصبحنا نبكي على الماضي وزمااانا الراح ونتباكى على الاطلال وهيهات يعود الكان ولى وما اظنو يعود الكان ولى ,, وذكرتنا تنبيه الغالفين ود الرضي حينما قال ( العيلفون جنة عدن شوفت معالم يسعدن ) وكما قال الشاعر يا الخرطوم يا العندي جمال جنة رضوااان وطول عمري ما شفت مثالك في اي مكان ,,, هواجس وذكريات واشجان تعتلينا الفين بعد الفين يا قباني ونحن نهيم بلاد الغربة وزي ما قالو لمتين مبااارياك غربتك ملت خطوط الرحلة حالات الدوار ,, اااه يا قباني كم نشتاق لاهلنا وديارنا ولكل شي في البلد ,, الله بس يرد غربتنا سالمين .. لكن طلبتك بالذي سواك ما تقلب علينا المواجع والقرقوش ينفعك ان شا الله ,,,

تحياتي : ياسر العيلفون

Post: #59
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 05-08-2015, 05:51 AM
Parent: #56

Quote: نحن غايتو ما وصلنا مرحلة شم كرتونة القرقوش دي.... لأننا بنجد كثير عزاء في الكسرة بالتقلية وأم رقيقة غداء كل جمعة..

نصر الدين يا صديقي الجميل ...

مش بركه الوقفنا علي شم الكراتين بس :)

ياخ جيتنا بي راح الميعاد ...

تعرف راح الميعاد دي جمعت الحلنقي و ود الحاوي و عثمان مصطفي و مرقوا لينا غنا عجيب ...

عاين الألم ده يا نصر الدين

يا ريتني لــــو اقدر أعيد
لحظات من الماضي البــعيد
وأهدى الزمان كل الحــنان
وأكتب لعمري ربيــع جديد
لكن رجعت وقلت مـــــا
يفيدني أحلم ما يفـــــــيد
تلقاني بين الناس هــــــنا
وأنا في حقيقتي هنـــاك وحيد

Post: #58
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 05-08-2015, 05:46 AM
Parent: #55

Quote: الجرسة دي كلها ليك يا ود قباني ... !!
الدنيا خميس ياخ !!

استاذنا الجميل محمد فضل الله المكي ...

جرستك جرسة حادة ...

انحنا جرستنا بقت مزمنة ... لابد ان نتعايش معاها ... زى المرض ...

سعيد بي طلتك و بي ( نبشك ) للبوست ...

Post: #60
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 05-08-2015, 05:58 AM
Parent: #58

Quote: يا سلاااام يا استاذنا الشفيف يحيى قباني ,, تلك اوطانا وحبها الخاااااالد يجري في دمانا ,, فنحن ايضا مثلك نهوى هذا الكائن الجميل المسمى بالسودان ولكن اصبحنا نبكي على الماضي وزمااانا الراح ونتباكى على الاطلال وهيهات يعود الكان ولى وما اظنو يعود الكان ولى ,, وذكرتنا تنبيه الغالفين ود الرضي حينما قال ( العيلفون جنة عدن شوفت معالم يسعدن ) وكما قال الشاعر يا الخرطوم يا العندي جمال جنة رضوااان وطول عمري ما شفت مثالك في اي مكان ,,, هواجس وذكريات واشجان تعتلينا الفين بعد الفين يا قباني ونحن نهيم بلاد الغربة وزي ما قالو لمتين مبااارياك غربتك ملت خطوط الرحلة حالات الدوار ,, اااه يا قباني كم نشتاق لاهلنا وديارنا ولكل شي في البلد ,, الله بس يرد غربتنا سالمين .. لكن طلبتك بالذي سواك ما تقلب علينا المواجع والقرقوش ينفعك ان شا الله ,,,

ودي عشانك يا فنان ...

Post: #61
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 08-30-2015, 04:26 PM
Parent: #60

Quote: يا سلاااام يا استاذنا الشفيف يحيى قباني ,, تلك اوطانا وحبها الخاااااالد يجري في دمانا ,, فنحن ايضا مثلك نهوى هذا الكائن الجميل المسمى بالسودان ولكن اصبحنا نبكي على الماضي وزمااانا الراح

صديقي الفنان ياسر العيلفون ...

سامحنا يا جميل في تأخر الرد ...

فقد حال العُصار الغشا البلدات ان نرد عليك وقتها ...

ليس ذلك فحسب .. بل اعتقدت جازماً ان البوست قد انجرف مع الآخرين في تلك الفترة العجيبة...
________________________________________________________________
الزول الضخم عمر الدوش قال :
أعيشهْا معاكَ لو تعْرف
دموع البهجَهْ والأفراح
أعيشهْا معاكَ واتأسّف
على الماضى اللّى ولَّىَ وراح
على الفُرْقَهْ الزمان طويل
على الصبر الّى عِشْنَاهو
مع طُول الألم والليل
_________________
صحيح إنه الزمن غلاب
لكن نحنا عِشناهُ و مشينا على عذاب
دُرُوبنا تتوه.. و نحنا نتوه,
و نفتح للأمل أبواب...

Post: #62
Title: Re: نطرى نجوانا و حُبنا العُذري .. و الوفاء معر
Author: معاوية الزبير
Date: 08-30-2015, 05:23 PM
Parent: #61

يا زول جابو ليكم قرقوش تاني ولّ شنو !
يكون جمبكم في امدرمان فرن عيشو باير كل مرة يلزو ليك كرتونة

Post: #63
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 08-30-2015, 05:31 PM
Parent: #62

Quote: يا زول جابو ليكم قرقوش تاني ولّ شنو !
يكون جمبكم في امدرمان فرن عيشو باير كل مرة يلزو ليك كرتونة

لقيتك فقري لكن ...

الأسبوع القبل الفات وصل تموين جديد ...

و الليلة دي ختيت لي شُبْ شاي ساده بي هبهان من الصباح ... و هاك يا قرقشة ...

و ابشرك ريحتوا معلقة في ايدي اليمين من الصباح ... زي مستخسر اغسلها هههه

Post: #64
Title: Re: نطرى نجوانا و حُبنا العُذري .. و الوفاء معر
Author: عمر دهب
Date: 08-30-2015, 11:43 PM
Parent: #63

بالجد ياقبانى انت واحه
وسط مانحن فيه من جحيم
وحنيتك دى ذاته طلعت عينا
تسلم ياجميل

Post: #65
Title: Re: نطرى نجوانا و حُبنا العُذري .. و الوفاء معر
Author: بَلّة البكري
Date: 08-31-2015, 04:08 AM
Parent: #64

يحيى قباني يا زول يا جميل..
سلام يا صديقي. لقد جعلت لهذا المنير عبقا.
لا يدانيه الا عبق الدعاش.
ورائحة الجروف في الوطن الام.
نهرب من كلماتك الصادقة لنداري الدموع!
"تلك أيامٌ كان في الجيب ما يكفي من مال (على قلته)
وفي الوجه كفايةٌ من نضار واللسان طلق"
أو كما قال.
في هذا البوست وحده ما يكفي من زاد
روحي لأيام. نقرأ أدبا رفيعا. ونسمع فنا رفيعا.
من بيت الكلاوي.
ياخي الله يدرق عليك.
ويعدل طريقك.

Post: #66
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 08-31-2015, 05:41 AM
Parent: #64

Quote: بالجد ياقبانى انت واحه
وسط مانحن فيه من جحيم
وحنيتك دى ذاته طلعت عينا
تسلم ياجميل

نحول الروح يا عمر دهب اشد ايلاماً من نحول الجسد ...

الشوق كتلنا ... و مشي في جنايزنا ... و لا هماهوا ...

Post: #67
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 08-31-2015, 05:52 AM
Parent: #66

Quote: يحيى قباني يا زول يا جميل..
سلام يا صديقي. لقد جعلت لهذا المنير عبقا.
لا يدانيه الا عبق الدعاش.
ورائحة الجروف في الوطن الام.
نهرب من كلماتك الصادقة لنداري الدموع!
"تلك أيامٌ كان في الجيب ما يكفي من مال (على قلته)
وفي الوجه كفايةٌ من نضار واللسان طلق"
أو كما قال.
في هذا البوست وحده ما يكفي من زاد
روحي لأيام. نقرأ أدبا رفيعا. ونسمع فنا رفيعا.
من بيت الكلاوي.
ياخي الله يدرق عليك.
ويعدل طريقك.

آآآآخ بس يا صديقي ...

نسأل عنك وعن حالا
نعيد الكان حليل الكان

Post: #68
Title: Re: نطرى نجوانا و حُبنا العُذري .. و الوفاء معر
Author: khaleel
Date: 08-31-2015, 06:44 AM
Parent: #67

يا أرض الحبيب ....
كم لي فيك غرام
هابي علي طيب .... من ذكراك دوام
أطراك لو أبين ...
كل صباح جديد
كم لي فيك شجون ...
كل ما بقيت بعيد
حبك لي دين ..... قربك لي عيد
عاشقك ما بخون....
غيرك ما بريد
وين زرق العيون .... للعينيه السود***
كم لي فيك مراح ...
يا أرض الحبيب
حسنك لي لاح ...
شفته قريب قريب
شفتو في نور الصباح....
شفتو في سحر المغيب
شفتو و الغيد في الوشاح ...
لاهية تلعب بالقلوب
شفتو في اللهو المباح ....
شفتو في الشط الرحيب****
يا مهد الجمال ...
ما حبيت سواك
أيه بحر الشمال ...
و انت النيل حداك
صافي يفيض زلال ...
عندو جلس ملاك
في حسنه الهلال ...
في سحرو الهلاك
شوقي ليك طال ...
قولي متين أراك

Post: #69
Title: Re: نطرى نجوانا و حُبنا العُذري .. و الوفاء معر
Author: عبدالمنعم العوض
Date: 08-31-2015, 07:12 AM
Parent: #68

باشمهندس يحيى لك التحية وانت دائما تتحفنا بالدرر
خرجت من السعودية بلا سابق انذارالى بلاد تموت حيتانها من البرد وهدك الشوق والحنين الى امدرمان ونحن هنا في بلاد يموت دجاجها من الحر فماذا دهانا؟
كانت اواخر السبيعينات وبداية الثمانينات ايام جميلة في كلية المعمار قضيناها وسط لوحة زاهية من الابداع وبين عمالقة الفن عندما كان العميري صديقا وقاسما مشترك في كل حفلات الكلية والجابري وزيدان والكابلي وعثمان حسين وحميد والقدال وبادي ،من هناك ومن بهجة ام درمان تشكلت في دواخلك هذه النزعة الفنية الطاغية فلك التحية والشكر .

عبدالمنعم العوض
الدفعة الوراك ولاقيتك في الرياض تسعة وتمانين

Post: #71
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 09-01-2015, 03:34 AM
Parent: #69

Quote: باشمهندس يحيى لك التحية وانت دائما تتحفنا بالدرر
خرجت من السعودية بلا سابق انذارالى بلاد تموت حيتانها من البرد وهدك الشوق والحنين الى امدرمان ونحن هنا في بلاد يموت دجاجها من الحر فماذا دهانا؟
كانت اواخر السبيعينات وبداية الثمانينات ايام جميلة في كلية المعمار قضيناها وسط لوحة زاهية من الابداع وبين عمالقة الفن عندما كان العميري صديقا وقاسما مشترك في كل حفلات الكلية والجابري وزيدان والكابلي وعثمان حسين وحميد والقدال وبادي ،من هناك ومن بهجة ام درمان تشكلت في دواخلك هذه النزعة الفنية الطاغية فلك التحية والشكر .

عبدالمنعم العوض
الدفعة الوراك ولاقيتك في الرياض تسعة وتمانين
Ø§ÙÙÙ

منعم يا هندسة ...

كيفن ما متذكر ياخي ...

و الله أيام لا تنسى و عالم اخر معمار جامعة الخرطوم ...

و ميزة قلة عددنا في كل مرحلة لعب دور كبير انو الناس بتعرف بعضها ...

طمنا عنك ياخي و ان شاء الله كل شيء على خاطرك ...

Post: #70
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 09-01-2015, 03:23 AM
Parent: #68

تسل يابو الخل يا جميل ...

Post: #72
Title: Re: نطرى نجوانا و حُبنا العُذري .. و الوفاء معر
Author: يحي قباني
Date: 09-01-2015, 05:44 AM
Parent: #70