الهادى الجبل وشموس وشخصي إلتقينا فى اضخم مرثية للراحل محمود..حواتة..

سلام.. وكل سنة وأنتم وطيبون
والعام الجديد يبدأ وليس ببعيد الذكرى الثانية للرحيل الأليم للفنان المبدع محمود عبد العزيز...الحوت

مرثية للراحل المقيم بعنوان حواتة..
كتب كلماتها الشاعر مدنى النخلى
ألحان ابراهيم عبد الحليم
غناء الفنان الهادى والاستاذة شموس و إبراهيم عبد الحليم
توزيع الموسيقار الزبير محمد نور
عزف فرقة الراحل محمود عبد العزيز .... البعد الخامس

الف ورحمة ونور عليك يا محمود

شغل ممتاز ورائع و الله يا دكتور

لَديك عبقرية اللحن يا إبراهيم


جميل جداً

ويستاهل الإشادة من كل الحواتة

اوووه اخونا احمد محمد بشير

من شوفتو طولنا
كيفك وكيف الدنيا معاك؟
وشاكر لك الكلمات الطيبة

سأشرح بهذا البوست ما دعاني لانتاج هذا العمل الغنائى.
بالرغم من أنني لست حواتى ولم أكن من المحيطين بمحمود عبد العزيزالف رحمة وممغفرة عليه...
بس تفاعلت مع رحيله الصدمة وحزن الحواته الشديد عليهو...

كل المني

دكتور إبراهيم عبد الحليم تحيات طيبات
حمد الله على سلامة العودة إلى إلمانيا سالماً غانماً بعد أداء شعيرة العمرة نسأل الله أن يتقبلها
وحقيقة سعدت بمعرفتك وإن كانت فترة اللقاء قصيرة بمكة .
ومشكور على تلبية الدعوة وتشريفنا في حفل الأديب الدكتور بشرى الفاضل


نسأل الله الرحمة والمغفرة للفنان الأسطورة محمود عبد العزيز

ابراهيم يا وريف ، موفق يا صديقي، وشكرا علي كل الجمال الحصل رغم ضيق الزمن لكن استمتعنا بي وجودك معانا في مكة وبينا لقاءات ظريفة .. ابقي كويس

الرحمة والمغفرة لمحمود

سلام واحترام يا دكتور

بالجد عمل رائع و مميز وجميل

مودتي

الاخ العزيز سفيان والاخ الجميل م. معمر

يديكم العافية والرحمة والمغفرة للراحل محمود عبد العزيز.
وشاكر ومقدر مجهودكم معاى.. وكانت ايام جميلة معكم والله.. لا تنسى.
اتمني تعود.


تحياتي وشكرا كتير.

شكرا يا مواطن وشكرا لكل مواطنة ومواطن ساهم فى العمل المدهش ...والف حمد سلامة ب الوصول ...

إبداع إبداع مافي ادنى شك يا دكتور وزي ما قلت ليك لكل مجتهد نصيب
ونصيبك وافر من العطاء والاداء .. الشكر كل الشكر للمبدع الشاعر مدني النخلي
ولشخصك الجميل في اللحن و الأداء والاستاذ الفنان الهادي الجبل والمبدعة الصاعدة شموس

عمل فني جميل يجمع مبدعين حقيقين
شعرا ولحنا وغناءا وتنفيذا
ويعبر عن حب عميق لمبدع كبير
رحل قبل اوانه

فقدناك يافرح عداى
نزف قلبك حنين الناى
رسمت الريد قلب بكاى
وراهنت الزمان الجاى

حليل حوت الغنا الغناى
فى كل شارع.. وكل حارة
وكل مرسى
تركت الذكريات غرسة

نهارنا الفاقد الطلة
مزادنا البيكا بتمسى
وراك الغنية يا محمود
ضد الريح بتبقى جدار
تناديك والفراق المر
حرق الجوف لهيب النار
حليلك والغنا الدافئ
عليك اتلملموا السمار

قولا وارفع بيها رأسك
قولا وشرف بيها ناسك
حواتة يا سيد وبنغنى للدنيا
بنواصل المشوار ونحقق المنية
رافعين شعار الحوت المجد للغنية
حواتة يا محمود نعبر بلود وبلود
حواتة يا محمود نزرع بلدنا ورود
حواتة يا محمود ما لينا أي حدود
حواتة حواتة حواتة حوااااتة

اخونا طارق

شديد الامتنان والغبطة
مودتي بلا حدود

صديقي الجميل إبراهيم

لك التحية والود

العمل والتنفيذ غاية في الروعة.. والإستاذ مدني النخلي صاحب حرف رقيق وصادق..
وإختيار المنفذين كان موفقا وقويا .. فأستاذ الهادي الجبل صاحب بصمة كبيرة في خارطة الغناء السوداني..
شموس أميرة الغناء المتوجة فهي صاحبة صوت جميل وأداء مميز..
وكنت قائد للعمل بشكل رائع وتنفيذ أورع..
مزيد من التقدم يا صديقي
ورحم الله الفنان الجميل محمود عبدالعزيز

ابو سارة... ود الصايم
بركة بسلامة الشوفة يااخ
وتاني يوم كنا مع الاخ محمود مصطفي محمود.. ما جيت مالك

هاشم
يا خيوط من شوق


تسلم يا امير

الموصلى

بكل الالقاب التي تريد
وكل الاسماء التى تريد
وكل باقات الحب التي تريد

الف شكر لكلامك

شغل نظيف يا دفعه
.كتر الحانك المثل دى .. خلينا نرجع نسمع ... السمع سبناهو بعد ما الدنيا اتملت علينا هشتك بشتك
عمره مقبوله ...
تعال عمر عندنا بى جاى , اجرك محفوظ ونشوفك زاتو

يا سلااااام عمل جميل ومقدر

له الرحمة والمغفرة


وسيظل الحوت في قلوبنا

صديقي القريب ابو رزين ويزن

كلمات من دهب لخصت بها واقع الحال

شهادتى فيك مجروحة يا صاحب

فيديوكليب .. ملحمة الحواتة..
الآن متاح ... لسلوى كل مفتقدى الراحل محمود عبدالعزيز..
غفر لله له ولنا ولكل المسلمين وغسله بالبرد...

شكرًا يا إبراهيم
عميل جميل من فنان جميل لفنان ترك فراغا كبيرا في قلوب الملايين

اللهم أرحم وأغفر لمحمود في ذكري يوم رحيله...

عمل جميل ورائع أخي المُبدع إبراهيم .. وربنا يرحم المُبدع محمود ...

يوسف الولى يا دفعة

عام سعيد وعمر مديد

طولت الغيبة يااخ مالك؟

اخوتي واعزائى عثمان وسيف اليزل وصبرى

لا نقول الا ما يرضى الله... غفر الله للراحل محمود..
أصدقكم القول لم اكن حواتيا والمامي بتجربة الراحل كان ضعيفا.
فقط عندما رحل محمود واصيب جمهوره بهذا الجرح الهائل.. والصدمة الكبيرة خلتنى التفت لارى كم كان هذا الفنان الراحل رائعا..

اهديكم فيديو كليب المرثية.... ملحمة الحواتة

مباشر.. استاد الخرطوم.. محمود عبدالعزيز في القلب

مباشر.. استاد الخرطوم.. ذكري الرحيل الثانية للحوت

صور من العصر الساعة اربعة والاحتفال يبداء الثامنة مساء

سلام العزيز صلاح

الله يرحم محمود ويحسن اليه

حباني الله ان ألحن مرثية للراحل من كلمات مدنى النخلى اصبحت الان الحمدلله شعار للحواتة وسلوان لهم.. بل بالغو ان سموها ملحمة الحواتة..

انا احمد الله ان قدرني اقدم قدر استطاعتي عمل فنى يرضى بعض طموح.

فدخلت عالم صنعه الراحل محمود قبل ذهابه الاليم فوجدت..عالم الحواتة
الحواتة ديل دنيا وعالم براهو التفو حول معشوقهم الراحل بصورة مدهشة تحيرك..
عالم الوفاء

شاهدت العمل امس
فى قناة انغام

عمل جميل لتخليد ذكرى محمود

شكرا ابراهيم
على هذا العمل المبدع

السلام عليكم دكتور ابراهيم

وحمد لله علي السلامة وعمرة مقبولة .


عمل رائع كلمات ولحن واداء وربنا يغفر ويرحم الفنان محمود عبد العزيز وموتي المسلمين اجمعين .

.



نحي ذكرى رحيل الفنان محمود عبد العزيز، وندعو له بالرحمة والمغفرة

أقدر المناسبة والجهد واكب تقديم العمل ،
لكن في ظني المتواضع ان العمل يحتاج للمراجعه، فقدرات الهادي الجبل على مستوى اللحن والصوت أكبر بكثير من ذلك!
مع كامل إحترامي لمجهود الأستاذ إبراهيم عبد الحليم.


.

اخونا العزيز محمد سيد احمد

حللت اهلا
تقصد اكيد قناة قوون... مش انغام؟

اشتياق للعين وناسها

اخونا العزيز محمد شيخ الدين

كانت لحظات جميلة معكم بمكة
مضت سريعة كالبرق

شاكر لكم والله

اخونا العزيز سيف اليزل

التحيات
هذا رأيك.. ويجد الاحترام..

دم بخير

ومنو القاليك بنتحمل فراق عينيك وحات الريده يا أسمر فراقك تاني ما بنقدر لكن غايتو نتصبر

وكل ما ليك نتذكر تنزل دمعة تتحدر ونرجع ونرجع تاني نغفر ليك


كانت ملحمة بحق وحقيقة

يا سلام ده انت يا ابراهيم !!!!

ملحمــة في كل شئ كلمات ولحن واداء وموسيقى

الهادي ود الجبل وشموس لهم تقاطعات كثيرة في زمن المرحوم سيد الغنا الغناي

ومن غير مجاملة لشخصك اللحن بلغة الدهشة مبااااااااااااااااااالغة

الاداء والله كان ماتع جدا ولاول مرة استمع اليك فكان صوتك يسري بنا لعوالم الجان

حواتي حتى نخاع

مودتي

الرحـــال

تسلم اخونا العزيز اشرف

وشاكر لك لهذه الكلمات التى بدون شك اسعدتنى وما اجمل ان يسمعها المرء بعد ان يبذل مجهود مضنى

لك كل الحب