Post: #1 Title: صــديــق الـــمـــــــــوج Author: د.محمد حسن Date: 01-03-2015, 08:48 AM
انت واحمد القرشي والحبيب طرواة صديقي الذي نساني
عايزين نتونس بالحقيبة امس وانا بستمع لحقيبة الزمن الجميل خطر على بالي شي الناس لم تتحدث عنه حينما تمعنت في كلمات الاغاني وجزالتها رغم صعوبتها ان المرأة السوداية ورغم اميتها في ذلك الزمن فقد كانت اديبة ذات حس عالي للكلمات الجميلة وذلك يدلل عليه حرص الشعراء قبل الفنانين على حضور( بيت اللعبة )نة بشعره الجميل وغزله الراقي ةقصة الشعر ابو السيد في تلك الحسناء التي كانت امنيتها ان ترى الشاعر والذي لم يكن يتمتع بالوسامة مقارنة بوسامة شعره وجذالته فحينما راته صرخت دون وعي ( ده؟ّّّّّ!!!! لالا) فكانت مولد لواحدة من اجمل اغاني الحقيبة شوف العين قالت ده لالا
صديق الموج اجلسه على اريكة واطلق عنانه عن ام درمان وعن شعراء وفناني الحقيبة ... ستسمع العجب العجاب سوف لا تمل وكلما زاد ترغب في الزيادة موسوعة يجعلك تعيش ام درمان زمان وسوق العناقريب وودارو والملازمين وسوق الشجرة والمزالق والطريق الشاقو الترام
كتبت في بوست سابق ان صديق الموج مؤرخ وموسوعة عن الحقيبة بالذات اكتر من الاستاذ السر قدور فكان هناك من اعترضوا وسفهوا كلامي ولكن مازلت مصر على رأي
نتابع
Post: #7 Title: Re: صــديــق الـــمـــــــــوج Author: محمد علي البصير Date: 01-03-2015, 11:27 AM Parent: #6
أحسنت صديقي العزيز د. محمد حسن صديق الموج مرجع من مراجع تاريخ الحقيقة والفن والمجتمع صاحب أسلوب رصين ومدرسة متفردة في السرد والحكي بقدم لك المعلومة في قالب دسم دسمة يسهل هضمه صديق متحدث لبق أستمتع كثيراً بحديثه الممتع ، أي فعالية يتحدث فيها صديق الموج أطوع كل ظروفي لحضورها والأستمتاع بها أعيب عليه أنه يبخل علينا بهذا الجمال وأصبحت مشاركته شحيحة للغاية
Quote: غايتو الكلام بنقراهو لكن سمع وشوف دة ما اظن
ود اب سن الجميل كدي هاك السمع ده وشوف اللغة الرصينة دي ولعلمك كتير من نسوان الزمن داك بكون عارفين الغنية اتكتبت لي منو معناها عندكم درجة تذوق عالي للكلمات والمعاني نسوان يستاهلو يقواو فيهن حالي القول
انبسط ياعم بالبكا الجيمل ده غايتو الكلام بنقراهو لكن سمع وشوف دة ما اظن
Quote: عام سعيد و أحلى التهانى لصديق الموج و لكم .
وعامك اجمل وانا بكتب في البوست ده لقيت انسان عزيز علي رسل لي كلام جميل عن دور المرأة ضد الاستعمار بمختلف طوائفها حتى بائعات لهوى طيب ليه بنات الزمن ه بسكعو الغنا الهايف بالله اسمعي الاغنية دي وشوفي الوصف الفيها وده وصف لي واحدة في ذاك الزمن
مساك الله بالخير دكتور محمد بعض أغاني الحقيبة تحتاج نقرأ القصيدة أولاًً ثم نستمع للاغنية، وبعدين يا دكتور الناس ديل غُناهم كان بشبه زمنم وغُنانا بشبه زمنا. بيني وبينك أبو السيد يخلع، لكن سبحان الله الحلاوة بقت كلها في اللسان.
( هسة بقينا في العربية تقوم بي ) يا دكتور العربية تقوم بي دي أخف ضرر سمعت ب " نار منقد " ولا واحدة تانية : " مسافة السكة أنا في بحري ماشي بالانقاذ وطالع الكبري" والأدهى والأمر أسمع دي : " قالت لي بحبك بحبك شديد ما تجي عشان نواصل رسل لي رصيد " بتكلم جد دا شعر ودا غُنى ما بشبه الزمن دا ؟ ( خففناها شوية )
Quote: معناها زمنهم جميل وعالي كعب التذوق دي لغة جذلة وكلام رفيع جدا ومعاني سامقة ونساء تتفشى فيهن الامية كن ذواقات وكانو بجو بيوت اللعبة عشان الشعرا يكتبو فيهن
هسة بقينا في العربية تقوم بي
د. محمد حسن .....سلام انت وضيوفك قبل اجيك لاسئلة هذا الخيط الرفيع ارجوا ان تستصحب معك ان هولاء الشعراء لما الفو النضم السمح ده بعضهم كانوا دون العشرين سناً و اللائى تذوقن هذا القريض برضو كن فى نفس السن، يعنى ما ولدوهم كبااار جاييك بالمهلة للبوست ومحتوياته واحده واحده ويبقى الود،،،
سعيد انا دخلت بعد مداخلة ود الموج الازرق يعني البوست سيكون فخما بس اودوه شوية موية باردة وسنديتش هوت دوق الزول دا بتكلم كلام مرصوص كويس ظهر صديق بعد المطاردة بتاع ود الباوقة وعجبني هروبه من الرد
Post: #19 Title: Re: صــديــق الـــمـــــــــوج Author: MOHAMMED ELSHEIKH Date: 01-04-2015, 06:18 AM Parent: #18
اهو الشرك قبض ودالموج ومنتظرين برضو الصديقين العزيزين الطبيبين النطاسين طرواة وود القرشي و والله نفسي اقعد في جلسة غنائية معاك ياموج ونغني ونعزف من الأعماق كما عملناها في مسقط مع ود القرشي وطراوة غايتو الصوت مش ولابد لكن بيؤدي الغرض
Post: #23 Title: Re: صــديــق الـــمـــــــــوج Author: د.محمد حسن Date: 01-04-2015, 08:45 AM Parent: #17
حبابك الف وفي انتظار احمد القرشي ود. طراوة نجي لاعمار الشعراء ولا ننسى ان بعضهم كان امي ةعايزك ماتنسى العلاقة بين مدرسة المبشر والمعهد العلمي وروضة ست فلة الحقيبة هي تاريخ المجتمع السوداني الفاعل والمتفاعل في ذلك الزمن
حبابك الف وفي انتظار احمد القرشي ود. طراوة نجي لاعمار الشعراء ولا ننسى ان بعضهم كان امي ةعايزك ماتنسى العلاقة بين مدرسة المبشر والمعهد العلمي وروضة ست فلة الحقيبة هي تاريخ المجتمع السوداني الفاعل والمتفاعل في ذلك الزمن
Post: #20 Title: Re: صــديــق الـــمـــــــــوج Author: محمد مجيدو Date: 01-04-2015, 07:18 AM Parent: #1
ود الموج احد اساطين تاريخ الحقيبة وام درمان فهو صاحب زخيرة ثرة عن الحقيبة وعن مناسباتها وعن شعراءها وفنانيها فكم جلسنا نتجازب اطراف الغناء الجميل فهو مرجع لا يشق له غبار ,, اما عن ام درمان فالرجل يعرف عن امدرمان ما لم يعرفه قاطنوها الآن وذلك نسبة لوجوده خارج الوطن منذ امد بعيد نسال الله ان يرد غربته حتى يستفاد منه في تاريخ وتدوين ما لديه من معلومات ثرة عن ام درمان وعن الحقيبة .. متعك الله بالصحة والعافية اخي الشفيف صديق الموج وامد في ايامك ..
تحياتي : ياسر العيلفون
Post: #24 Title: Re: صــديــق الـــمـــــــــوج Author: محمود بكر Date: 01-04-2015, 11:08 AM Parent: #22
الحبيب محمد ارجو ان نهمل راي الابنة فاطمة وحفهم في غناء مختلف لزمن مختلف الحقيقة التي يجب ان نقر بها ان اغاني الحقيبة احكمت قبضتها على الغناء وتمت صياغة الوجدان السودان باكمله حقيبيا ان جازت النسبة لستلمنا نحن الراية من الجيل القبلنا فقد راينا اولئك العظام عتيق ابو صلاح عبد الرحمن الريح وسيد عبد العزيز بقية العقد الفريد فاصبحت كل اجهزة الاعلام مسموعة ومرئية ومقروءة كلها تدور في فلك الحقيبة فحدث اعتقال للاذن السودانية بالحقيبة الجيل الحالي يصارع ليقدم حاجاته لكنه لم يجد المساندة والرعاية فاتجه الى تركيب الكلام بمفردات غريبة في تقديري نحن الذين دفعنا هولاء الشباب الى السير في هذا الطريق جيل الوسط من الشعراء ما بعد الحقيبة عاصروا شعرائها ولم يبخل عليهم اولئك العمالقة بالرعاية والعناية الان هولاء الشباب لم ياخذ احد بايدهم ثم ناتي لنلموهم . اقول هذا رغم اني حقيبي معتق لكم التحية
بادي محمد الطيب واحد من اندى الاصوات التي ترنمت باغاني احقيبة وكان صديقا لخيلاني ( التيمان ) ميكانيكية بالمنطقة الصناعية امدرمان كانت والدتهم عليها الرحمة حينما تسمع بادي تنزل ظار ( بي دستوركم )
Post: #27 Title: Re: صــديــق الـــمـــــــــوج Author: عصام الدين نصر ابراهيم Date: 01-04-2015, 02:27 PM Parent: #26
شكرا محمد الحسن والله ابــــــــــــــــــــــــــــداع تسلم اخونا محمد الحسن ويطول في عمر عمنا ود الموج
Quote: أحسنت صديقي العزيز د. محمد حسن صديق الموج مرجع من مراجع تاريخ الحقيقة والفن والمجتمع صاحب أسلوب رصين ومدرسة متفردة في السرد والحكي بقدم لك المعلومة في قالب دسم دسمة يسهل هضمه صديق متحدث لبق أستمتع كثيراً بحديثه الممتع ، أي فعالية يتحدث فيها صديق الموج أطوع كل ظروفي لحضورها والأستمتاع بها أعيب عليه أنه يبخل علينا بهذا الجمال وأصبحت مشاركته شحيحة للغاية
من أجمل البوستات أخ دكتور محمد لأن الحقيبة من أجمل الأغاني ولأن ود الموج أفضل من يتحدث في هذا الفن إضافة الى الأخوين طراوة وقرشي وفي الإنتظار والمتابعة
صراحة لما لقيت ود الباوقة او متداخل ضحكته ضحك شديد و قلته :- الله يعوضك يادكتور محمد في البوست لانو قطع شك صديق الموج ح يجي يردم ود الباوقه ردم شديد و يول ليهو انا وانت ما بنتلمى في بوست غناء هههههههههههه لكن صديق الموج خذلني و طلع انو مع ذكر الحقيبة لا يشوف ولا يسمع و لا يرى لوووووووووووووووب .
يمشي حقيبة ويحاضر حقيبة ويغني حقيبة.! قلت عنه من قبل: " يمسك بناصية الحقيبة بمثلما يمسك كهنة كسرى بسر النار المقدسة! شكرا د. محمد حسن أن اتحت لنا فرصة التعبير عن هذه الشخصية الموسوعية.
دكتور خد بالك هناك في تسويق عالي جداً لغناء العرف بالحقيبة لظروف وملابسات واقعية . هنا لدي مشاركة أمل لا تادي لفتل البوست اولاً دعونا نسميه الغناء التقليدي بدلاً عن الحقيبة إن أمكن وذلك لغياب الآلات الموسيقية .. من أوركسترا كاملة بكل أدواتها النحاسية والوترية الإيقاعية. اذا نجد اللحن يسقط عليه كثرت التطريب (اووووواي) او ما يعرف بجروره برغم هذا الأداء يمتاز بملء الفراغ لغياب الأوركسترا ويعلو الطرب لكنه يخفي وضوح النص فكثير منا يزيد او يغير أو يخلف الحركه النحوية ( يضم /يفتح/ يكسر) لذلك كتير من هذا الغناء وفق قوالبه الاصلية يكون السامع مباري النغمة أكثر من واقع المفردة ومن حيث نفسها وربطها الجمالي . لهذا نجد عدم التطوير قد صاحب هذا النمط من الغناء الذي حدث وخاصة من الشباب الذي يزاحم فيما بعضه لم يقوموا بتطوير هذا الغناء بشكل يواكب للواقع لحالي بأدخل عليه بعض الاضافات لكنهم قد قاموا بشي من التشويه اي في بعض الاحيان .