عمك تاني طلع في الكفر

Quote: الاهرام اليوم: نافع: الحوار لن يفضي الى حل الحكومة والبرلمان

Quote: الصيحه نافع: فليظل المهدي بالخارج اذا اشترط عودته بالاعتذار

Quote: الرأي العام نافع للمهدي: لن نعتذر (واقعد محل قاعد)

Quote: اليوم التالي: تساءل (الصادق المهدي يشترط على منو)... نافع

امام مسجد قال لي جماعه مساطيل الليلة لو مشيتو صليتو اي زول بديهو 100 دولار
الجماعه جري علي المسجد بعد الصلاة انتهت رجعو للامام
قالو ليهو يلا ادينا الدولارات
قال ليهم: اجركم علي الله
واحد من المساطيل قال ليهو : عشان عارفين في مفاجأت وحركات بعملوها الزيك ديل إحنا ما إتوضينا.

المحللين والعاملين فيها مقددين السياسة وبعرفوها طايره
طلعو لينا بي مليون رأي القال فيهم الترابي اشترط علي البشير اشيل نافع بره ومنو كده معاهو
والقال ابو العفين خلاس اجلو جاء
والمشي بي هناك احلل عشان المفاوضات مع الاحزاب عمك بشة شال نافع
والقال بشه خلاس عاد لي صوابو
ومليون قيل وقال ....عشان كده إحنا ما اتوضينا

الزول دا لا بمرض لا بموت
لا بتقرصو عقرب
غايتو يا ابوالعفين كرهتنا حياتنا
انت عينة الناس الدخلو اجباري لي حياتنا
نقول شنو ياريت الواحد لو كان طرزان
علي الاقل كان عاش مع الحيوانات في أمن وسلام