Post: #1
Title: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:28 PM
ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
بالله الزول ده بيخاف الله...
اقسم بالله اصابني صداع مهلك....
فيا جماعة،،،،النجدة...
هاكم الموضوع,,
|
Post: #2
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:32 PM
Parent: #1
Quote:
يحاورون يتفننون ويتعللون ويفوتون الموسم تلو الموسم
انتظارا للتعويضات |
|
Post: #3
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:32 PM
Parent: #1
Quote:
يحاورون يتفننون ويتعللون ويفوتون الموسم تلو الموسم
انتظارا للتعويضات |
|
Post: #4
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: معاوية المدير
Date: 12-21-2014, 11:33 PM
Parent: #1
يا عبد العزيز أخوي،
مالكم اليومين ديل مصايبكم كِترن ؟...
|
Post: #5
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:33 PM
Parent: #1
Quote:
يحاورون يتفننون ويتعللون ويفوتون الموسم تلو الموسم
انتظارا للتعويضات |
|
Post: #6
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:33 PM
Parent: #1
Quote:
يحاورون يتفننون ويتعللون ويفوتون الموسم تلو الموسم
انتظارا للتعويضات |
|
Post: #7
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:38 PM
Parent: #6
اقسم بالله من ما احس به يامعاوية من غبن كررت البوست لاشعوريا اربع مرات....
اول مرة اعملها يامعاوية اكتب مرة واحده من دماغي ولا اصحح
لكن هذا البوست اوصلني الحد...
|
Post: #8
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:49 PM
Parent: #7
ان
Quote: ان راجينكوم تاكلونا الترابه دي في خشمنا
|
وهكذا يمضي حفيد النعمان
ليرمي بسنمار في هوة الموت
جزاء حسن العمل واجادته.
|
Post: #9
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-21-2014, 11:55 PM
Parent: #8
الجزيرة،،جزاء سنمار،،عبدالعزيز عثمان
ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...ها انتم ترمونه انهكته نوائب الدهر الخؤون،واوجعته عاديات الايام
اليد الناحلة ،القابضة علي طوريتها عمر طويل،الهامة التي تنحني فقط لحش القش المر والصلاة،العزيمة التي قارعت الخطوب،شالت الوطن حلما في الحنايا،وكدحا لم يفتر،تاتي المواسم وتمضي وهو في ذات الواجب اليومي المقدس،تكفيه كسرته الحافية،وبيته الطيني،ما دام يغني له المغني،في الجزيرة نزرع قطنا،تهش له السنابل،وتطربه العصافير المغردة،ويشجيه عذب النسيم
نواصل .....
|
Post: #10
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: سليمان القرشي
Date: 12-21-2014, 11:59 PM
Parent: #9
عليك الله ياعبدالعزيز الزول دا يقولو
فيهو شنو جاء جدع ليهو سم وفات
|
Post: #11
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Abdo Mustafa
Date: 12-22-2014, 00:09 AM
Parent: #9
عبدالعزيز ود عثمان يا أخوي
حارق دمك مالك
النوع دا كتير...إن باريتو بفقع مرارتك ساي...أصلهم تخصص فقع مرارة
أعتبرو واحد من ديل وريح بالك
وصمة عار في جبين العاصمة (200) ألـــف طـفـــل فـاقـــد تـربــوي
http://www.sudaneseonline.com/news-action-show-id-176276.htmhttp://www.sudaneseonline.com/news-action-show-id-176276.htm
|
Post: #12
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-22-2014, 02:07 AM
Parent: #11
Quote:
عليك الله ياعبدالعزيز الزول دا يقولو
فيهو شنو جاء جدع ليهو سم وفات |
تعرف ياسليمان اخوي الغلط حقنا نحن..
نحن الذين سكتنا علي الضيم امتثالا لقول الكريم
ومن عفي واصلح...
اهالينا حاملي المسك..
ظلت الجزيرة طوال عمرها تنفح بالشذا
معطاءة من غير تردد
فاتحة زراعيها بالخير وللخير.
ولكان هؤلاء الناس ماسمعوا بقطنا شرفنا امام العالم
ولا قمحا اشبع المدينة
ولا ذرة شالت القبل
ولافولا عبا الصفائح زيوت
وي كانهم لم يروا الاف اللواري طماطما وبطيخا
كبكبكيا وعدس
وطوال الليل يترصد لها جماعة الصفافير
ضريبة طريق،وسوق،قيمة مضففة،ذكاة،قبانة،تامين.ملجة وارضية
جيت جيت
ناس الحركة
ناس الضريبة
ناس الذكاة
ناس السوق
في كل ملف يربضون.
الطماطم التي تشتري البابور والجاز والمبيد وووووو
لتؤكلها لناس المدينة وانت الجائع
تساهر الليالي للسقيا
الان يعمدونك بعد ان اجدبو واقحطو الارض
فشلو حتي في االسقيا ويلومو الفلاح المسكين...
|
Post: #13
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: elhilayla
Date: 12-22-2014, 02:31 AM
Parent: #12
Quote: تعرف ياسليمان اخوي الغلط حقنا نحن..
نحن الذين سكتنا علي الضيم امتثالا لقول الكريم
ومن عفي واصلح... |
أبو العز
ولا يهمك يا ها دي ذاتا
من يهن يسهل الهوان عليه وأكيد يا ابو العز كلامك صحيح وما فات شي لي أسع أحسن نصل متأخرين من ما نصل كلو كلو
وصدقني الكلام الزي داك أكيد من وراو كلام أو كما يقول المسغفاتية حديث له ما بعده
ومن هنا ولا قدام شعارنا:تنقد الرهيفة ان شاء الله ما تتلتق
____
الحليلة
|
Post: #14
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-22-2014, 06:35 AM
Parent: #13
الجزيرة،،جزاء سنمار،،عبدالعزيز عثمان
ثمانين عاما وتزيد،،نخمج في الطين ،نخوض في المياه الباردة
اوان الزيفة،،اهترات كبادنا وتليفت من البلهارسيا،ووقفت كلانا عن
التصفية بفعل الملاريا،وتلوثت دماءنا وتسرطنت بفعل المبيدات..
ثمانين عاما ينتج ويشقي الاباء ،بلا من ولا اذي..
نعم انبني كامل الوطن من كدهم وهم يسكنون الجالوص..
وياكلون الكسرة البايتة فوق ابعشرين ليؤكلو المدينة الكستليتة.
يشربون مع انعامهم ماء يسبح فيه الدود والدغلوب...
نعم يا احفاد النعمان ملك الحيرة...
ها انتم ترمون بسنمار جزاء جميل الصنيع...ها انتم ترمونه انهكته نوائب الدهر الخؤون،واوجعته عاديات الايام
اليد الناحلة ،القابضة علي طوريتها عمر طويل،الهامة التي تنحني فقط لحش القش المر والصلاة،العزيمة التي قارعت الخطوب،شالت الوطن حلما في الحنايا،وكدحا لم يفتر،تاتي المواسم وتمضي وهو في ذات الواجب اليومي المقدس،تكفيه كسرته الحافية،وبيته الطيني،ما دام يغني له المغني،في الجزيرة نزرع قطنا،تهش له السنابل،وتطربه العصافير المغردة،ويشجيه عذب النسيم
تمر به السنين مجدبات،والمواسم كربات،فيحتملها بصبر ورباطة جاش،فهو في يقينه انه انما يفعل ذلك لمجد وطن ورفعة امة
ووالله انه احقاقا للحق،وانصافا لقدر الرجال،فلقد شهدنا ونحن بعد صغار الساسة وولاة الامور،جوالون بكل افق،يستمعون للشكوي ويزيلو كثيرا من الضيم ويداو كثيرا من الجراح.
وما كان احد ينام علي عوج زرع ابدا...
فما الذي حدث،حتي بدونا ونحن العطايين،فقراء هوم بدروب المدن البائسات،الاعزاء الشامخين،حياري مكسوري الجناح والخاطر.
ان ما حدث يسال عنه الكل،الا المزارع المسكين،وحده وسط هذا الخراب العظيم ،من ظل وفيا للارض،يحرسها بحب وتقديس.
والله ان الجزيرة لملتاعة اسية،ولابواك لها.ولكن فجرها البهي لابد ات،بعزيمة ابنائها الغر الميامين.
|
Post: #15
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Fathelrahman Abdelgadir
Date: 12-22-2014, 07:46 AM
Parent: #14
السلام عليكم
الوجع كتييير
و جزاء سنمار لاهل الجزيرة فى كثير من المجالات ،،
نسى الجميع كرم الضيافة ،، و ان هذه الارض الطيبة استضافت كافة السودانين من الجهات الاربع دون من او اذى ...
و لكن نسى الكثير حقوق اهل الجزيرة الاصليين ،،،
ولان مجتمع الجزيرة مجتمع مدنى انصهر فيه الجميع وفى ظل التردى و الرجوع للجهوية و القبيلية ،،، لذلك على اهل الجزيرة " للاسف الشديد "الردة عن القيم الفاضلة و السماحة هذه لاسترداد الحق الذى ضاع و الاصطفاف خلف المشروع كبداية و ذلك لاسترداد كافة الحقوق ،،، و الحصول على التنمية المنشودة
|
Post: #16
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-22-2014, 07:42 PM
Parent: #15
Quote:
عبدالعزيز ود عثمان يا أخوي
حارق دمك مالك
النوع دا كتير...إن باريتو بفقع مرارتك ساي...أصلهم تخصص فقع مرارة
أعتبرو واحد من ديل وريح بالك |
سلام ياعبدو اخوي....
ماتنفقع ليه اذا ده يعبر عنن ولاة الامرر
اذا ده حصاد السنين
ومال الاشياء
لابد ان في الامر داهية دهية اكبر منا جميعا..
|
Post: #17
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالرحمن الحلاوي
Date: 12-22-2014, 08:26 PM
Parent: #16
سلام يا عبدالعزيز
نوعية زي دي معروفة ومفهومة ولعلك تتذكر زيارة صاحب الوجه المسود لافتتاح طريق ود حبوبة فمنع من دخول منطقة الحلاوين ووقف في أبوعشر خاطب النطائح ورجع .. كل مافي الموضوع الاحتماء بسلاح الشعب وسلطة الشعب المسلوبة ..والناس وعت لذلك والتصدي لهم بكل الوسائل المتاحة حق مشروع ..
|
Post: #18
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: علي دفع الله
Date: 12-22-2014, 08:43 PM
Parent: #17
ع , ع , ع
شفت البوست بتاعو وقررت يا ادخل واتف ليه في وشو وانعل سلسفيلو واصحابو الانقاذيين التــافهين يا اعمل رايح ،، عملت رايح ،،،
عبد العزيز اخوي يا عربي الجزيرة يا عاطل تبا لك مليار مرة وانت تفتح بوست وتجيب عفــن هذا الحقــير التــافه القزم ،،
بس خلاص
-------------------
علي دفع الله زول سنار وبحب عرب الجزيرة العاطلين
|
Post: #19
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Dahab Telbo
Date: 12-22-2014, 09:10 PM
Parent: #18
Quote: اذا خاطبك السفيه فلا تجبه فخير من اجابته السكوت
يزيد سفاهة وتزيد حلما كعود زاده الاحراق طيب
|
مودتي استاذي
تلبو
|
Post: #20
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Omer Mustafa
Date: 12-23-2014, 02:19 AM
Parent: #19
عبد العزيز عثمان
تحيه نديه وعطره الجزيره ام خير ام جوه وبره ... جزيرة الخير و الامل وبكره ومؤتمر الخرجين و القمح و الوعد و التمني ... ولا يضير السحاب نبح الكلاب ... الجزيره كانت وستظل عصية علي الانجاس و ازيال السلطان عملوا بها في وظائف هامشية لم نبغضهم فكرهوا ما كنا عليه من خير ونعمه ... الجزيره مقبرة الانقاذ و ازنابها وبكره تشوف كلامي...
|
Post: #21
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-23-2014, 05:12 AM
Parent: #20
Quote: وصدقني الكلام الزي داك أكيد من وراو كلام أو كما يقول المسغفاتية حديث له ما بعده
|
الحليلة غشيتك سحائب البركات..
ماذا عساي اقول لابي،غشييته الرحمات،حين القاه بين
يدي الموقف العظيم..
ما قولي له وقد قال ان هذه الارض
وفلاحتها هي صلاتنا الوسطي..
تعهدها حرثا زرعا وسقيا...
اعطاها كامل العمر كدا وتعبا
شالها اغنية محبة وسماحة
سارر نبتها وبادله الهوي
في الحر والقر هو هناك
صامد كنبي صبور
كل ذرة منها ارتوت من عرقه النبيل
كل نبتة فيها كاففت يده المباركة
ماخانها في وجع او مسرة
في الهزيع وسط الريح والرعد
المطر والخطر
يجري حافيا يتفقد سد مكمن خطر
في الدغش
البرد المهلك
يخمج موية القمح لتنبت
قمحا وحبا
كانت رسالته الكد الارض والمحبة
امره كله بر واحسان
كيف اخون قلبه الكبير
والكل يتربص به
وسموه بكل عوج
وهو الصالح المسستقيم
اقصد ان سموه لصا وهو العفيف الشريف
وضيعا وهو الباطش العفيف
قل لي ماذا اقول له
ماذا تقول انت لابيك
ماذا يقول هؤلاء الاشراف لابائهم
وما اكثر الشرفاء بالجزيرةة وغيرها
لسنا ساسة
لكنا ضد الظلم والضيم..
انصار سلام وحياة..
|
Post: #22
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Saifelyazal Elmaki
Date: 12-23-2014, 06:40 AM
Parent: #21
يا عبد العزيز هون عليك يا صديقي
الاساءة لأهل الجزيرة كترت بداها المدعو السيدح
واضاف عليها رئيسهم الرقاص
اما هذا الجهلول صدقني ما تخسر فيهو كلمة
الزول ده لقي باسوورد وعاوز يكتب لكن يكتب شنو ما عارف
الزول ده شغال تكسير ساااااااااااااااي من يوم قال اكسروا جامعة الخرطوم
عرفت الزول قاعد امفكو ..... الزول ده على ما تتعب حالك فيهو وما تورد نفسك ساي
كان بفهم كان زمااااااااااااااااااااااااااان وقف من كلامو الدراب ده ياخي ده زول ساي
|
Post: #23
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-23-2014, 07:33 AM
Parent: #22
الجزيرة ليست بالعنصر ولا القبيله،هي وعاء جمع الكل،تصاهرا وانصهارا،جاؤا من كل حدب وصوب،حتي من بلاد ملاوي البعيدة،فكونوا نسيجها،تجمعهم الامال والشدائد،تقاسمو الكدح والعرق،اكلو من نفس الكورية ذات الكسرة البائيتة،وناموا علي نفس الترعة حاملين نفس الاشواق.
انهم اخوان الفضائل والكدح،المحبة والصفاء..
الذي عنون كتابه المسموم بقبيلة وجنس،يريد لنا غير مانحن فيه....
والله لو كان هناك عقل ورؤية لسياسي،لمدت الجزيرة مدا من مال كان مبزولا ولاعدت جوهرة تعايش نموزجا لوطن سمح معافي...
وطن عظيم قادر ان يسع الجميع.
الجزيرة قبيلتنا وهويتنا نحن جميعا،لانعرف غيرها جنس ولا هوية.
|
Post: #24
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-23-2014, 11:06 PM
Parent: #23
Quote: الوجع كتييير
و جزاء سنمار لاهل الجزيرة فى كثير من المجالات |
فتح الرحمن ياحبيب
ستعود باذن الله
بسواعد بنيها..
واحة فيحاء،روضة اريضة،ماعون يسع الجميع كما كانت
انها الارض المقدسة وقسما يجعلها ابناؤها فجر مشارق
جنة وخضرة وسلام..
ولندعهم في غيهم يعمهون....
حين انقطع عنا الماء باعت امهاتنا حلي الزينة
وشرينا الطلمبات التي تهدر فوق الترع والكنارات
بعنا بقرة اللبن لنسقي الارض
هو في واحد حاسس بي وجعنا..
|
Post: #25
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: سيف اليزل سعد عمر
Date: 12-24-2014, 12:13 PM
Parent: #24
في بوست في أعلي المنبر يتحدث عن فساد الإنقاذ في مشروع الجزيرة..
وقبلها سمعنا بفساد شركة الأقطان.. وبرضو كان في أعلي المنبر..
والفساد في كل حتة في السودان...
عشان كده ما تندهش..سوف تندهش عندما نزيل هذه الفساد والظلم ويتكشف المستور.
سلام وتحايا للجميع..
|
Post: #26
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عمر عثمان عبد الوهاب
Date: 12-24-2014, 12:37 PM
Parent: #25
Quote:
ع , ع , ع
شفت البوست بتاعو وقررت يا ادخل واتف ليه في وشو وانعل سلسفيلو واصحابو
الانقاذيين التــافهين يا اعمل رايح ،، عملت رايح ،،،
-------------------
علي دفع الله زول سنار وبحب عرب الجزيرة العاطلين |
السلام عليكم ياود دفع الله
بينما يتحدث عرب الجزيره عن الضرب بالجبخانه
تجي شايل بزاغك ودار تتف ياراجل؟؟
طيب بدل تف رقيها حبه لي كف
فاليسامحكم الله اهل العوض
وعلينا العوض في مشروعنا
---
عملتو شنو للبعوضه في سنار ياود دفع الله
|
Post: #27
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: النعمان خوجلى
Date: 12-24-2014, 01:48 PM
Parent: #26
الاخ عبد العزيز لك لك كل الود والتقدير
هى حرب على الجزيرة ومواطن الجزيرة وايهام الناس بان المشروع اصبح عالة على البلد وعلى المزارع لاتخاذ القرارات التى حاولوا تمريرها فى بداية قانون 2005 السئ الذكر بتاجير المشروع لشركات اجنبية وهم شركاء فيها ،
هم اوهام لايعلمون بان الجزيرة عصية على الاغزام .
هل تعلم اخى بان الحكومه اتلفت كل ارشيف المشروع ومستندات الملكية.
|
Post: #28
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عمر عثمان عبد الوهاب
Date: 12-24-2014, 02:33 PM
Parent: #27
كتب عمر مصطفي
Quote:
تحيه نديه وعطره الجزيره ام خير ام جوه وبره ... جزيرة الخير و الامل وبكره ومؤتمر الخرجين و القمح و الوعد و التمني ... ولا يضير السحاب نبح الكلاب ... الجزيره كانت وستظل عصية علي الانجاس و ازيال السلطان عملوا بها في وظائف هامشية لم نبغضهم فكرهوا ما كنا عليه من خير ونعمه ... الجزيره مقبرة الانقاذ و ازنابها وبكره تشوف كلامي... |
كنا قايلنها كردفان ام خيرا بره وجوه دي
شفطتوها برضو؟؟؟؟
ووينو خيركم ده؟؟
عمرنا ماشفنا ليكم خير
لابره لاجوه
ولا هو بس كلام
عليك الله اي زول يفتح خشمو في مشروعكم ده اقبروهو
بس يكون بي فايده
|
Post: #29
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: Alshafea Ibrahim
Date: 12-24-2014, 03:46 PM
Parent: #28
يا عبد العزيز
هذا التعيس الكوز معاه فكي بدر الدين أسحق والسيدح ... كيزان بكل وقاحة تطالوا على أهل الجزيرة
شوفو كمان هنا وصل يقل في أدبه ويتطاول ويواصل في سخفه ...
على الأقل نسى أن اللا وطني والإنقاذ التي يتشرف بالإنتماء إليها سرقوا ونهبوا جهارا نهارا ممتلكات المشروع واصوله وحولوها لنقد سائب ورزق حلال به ذهبوا الحج والعمرة ونكحوا النساء من طاب (تقرير لجنة بروف عبد الله عبد السلام ) وهذا اللئم لا قرأ ولا بعرف يقرأ ولا متابع ولا عارف أخذ العضوية بفارغ الصبر عشان يدخل المنبر وينزل اساءة (لأسيادة) أهل الجزيرة ...
وكمان حايم بين البوستات .. الحياء من الإيمان إن كنت مؤمنا - وأشك في ذلك
هوّن عليك يا عزيز
الآت غريق
العوض ود أبو العوض
الشفيع
|
Post: #30
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: وضاحة
Date: 12-24-2014, 04:09 PM
Parent: #29
حبيبنا عزو مشتاقيين كتير
هون على نفسك هكذا هم ارباب الحاء وتاجر الدين
مجردين من الانسانية والاخلاق وهذا معروف للكل فلا تكترس للجرابيع والمرسوم لهم دور مخصوص هنا فى المنتدى لتجريح الشرفاء
ومحاولة قتل شخيصيتهم
فانت عندنا من العظماء فمثل هولاء الذين قادمين من قاعة المدن والاسر الوضيعه هم دايما يحملون تلك الصفات الا انسانية
فاهلنا فى الجزيرة راسكم مرفوع وشامخ دايما فلا تهزكم مثل هذة القباحات من اوناس باعوا ضمايرهم واخلاقهم للشيطاين وتجار الدين وسارقين المال العام
دى حكومة الفقر الدمار شنو فى السودان ما ادمر وما اتغير
ربنا ينتقم منهم
|
Post: #31
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: معتصم دفع الله
Date: 12-24-2014, 04:55 PM
Parent: #1
تحياتي عبدالعزيز ولكل ضيوفك من أهلنا الكرام ..
ما قريت كلام الإساءة دا ولا شفت البوست يمكن لقلة إطلاعي على المنبر ..
المصيبة كبيرة وعظيمة في بلد إمتلك أمرها اللصوص والإنتهازيين والقتلة ..
وسنظل نردد ان الجزيرة وأبنائها جزء من هذا الوطن تحمل همه وهي رائدة المبادرات الوطنية ومفجرة الثورات ..
وستظل سنابل العيش والقمح عالية مخضرة ولوزة القطن تكشف عن نضارتها لأجل هذا الوطن ..
دم بخير ..
|
Post: #32
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: جمال خضر
Date: 12-24-2014, 11:12 PM
Parent: #31
الأخ عبد العزير لك التحية ولضيوفك الكرام
نقلت ردى لأخونا عمر الى هذا البوست
((التحية لاهل الجزيرة الميامين الذين كانوا شموعا تحترق لتنير الطريق لأهل السودان
فقد كان المشروع دعامة من دعامات الإقتصاد ال سودانى الى أن أتت مافيا الكيزان
فى العام 1989 فأتت بسياسة التحرير التى قضت على الأخضر واليابس وكان وبالا
على الزراعة فى كل السودان إذ أصبحت التكلفة عالية جدا وعند الإنتاج لا يوجد
تسويق مما أدى الى خروج المزارعين من دائرة الإنتاج الى رحاب السجون .
الأخ عمر عثمان أرجو الإستماع لكلام باشمهندس تاج السر مصطفى حتى تعلم
مدى الجرم الذى إرتكبته الإنقاذ فى حق مشروع الجزيرة .
جمال خضر
مزارع سابق بالقضارف ملدوغ من أفعى الإنقاذ التى لدغت مزارعى الجزيرة
وبقية مزارعى السودان .))))
|
Post: #33
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: النعمان خوجلى
Date: 12-25-2014, 08:42 AM
Parent: #32
Quote: كنا قايلنها كردفان ام خيرا بره وجوه دي
شفطتوها برضو؟؟؟؟
ووينو خيركم ده؟؟
عمرنا ماشفنا ليكم خير لابره لاجوه ولا هو بس كلام
عليك الله اي زول يفتح خشمو في مشروعكم ده اقبروهو بس يكون بي فايده |
الاخ عمر عثمان
اتق الله وقل الحقيقة
الجزيرة هى كالام التى ترضع وتربى وتعلم وتعالج من الامراض وياتى الابن العاق ليقتل امه اويصيبها بعاهة ليرثها
هذا ما فعلته لجنة تاج السر بتوجيه من النائب الاول على عثمان ووزير ماليته فى ذلك الوقت عوض الجاز
الذى تم تحويله من وزارة الطاقة الى المالية لتنفيذ اجنده محدده وبعدها العودة مرة اخرى الى وزارة الطاقة
المشروع له النصيب الاكبر فى موارد ميزانية السودان من العمله الصعبة حتى 2005 العام الذى تم فيه تدمير المشروع
بعد اعتماد قانون 2005 تم بيع وتدميع اكبر مؤسسة للحفريات فى افريقيا والشرق الاوسط والتى كانت تدير الرى بمشروع الجزيرة وتشريد مهندسي الري
تم بيع وتدمير كل كل مكاتب وادارات الاقسام بالمشروع وتشريد المهندسين الزراعيين الذين كانوا يشرفون على الزراعة ويديرون الاقسام
والطامه والفضيحة الكبري قلع وبيع سكه حديد الجزيرة ( العالم كله متجه للسكه حديد لانها الارخص ) ونحن بندمر السكه حديد
تدمير وبيع محالج القطن ومطاحن الدقيق التى تم انشاءها بمساهمات المزارعين.
هذا قليل مما فعلته الانقاذ بالجزيرة
|
Post: #34
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: سامى عبد المطلب
Date: 12-25-2014, 10:34 AM
Parent: #32
يبدوا لي أن الأمر يجري وفقاً لمخطط أعد بليل يستهدف انسان ومشروع الجزيرة فلا يمكن أن نصبح كل يوم علي اساءة جديدة تستهدف الجزيرة فبالأمس قالها كبيرهم المجرم الدولي ويستمر المسلسل بهذا الصبي الجاهل و باشباه الصحفيين
|
Post: #35
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عمر عثمان عبد الوهاب
Date: 12-25-2014, 11:58 AM
Parent: #34
Quote:
وستظل سنابل العيش والقمح عالية مخضرة ولوزة القطن
تكشف عن نضارتها لأجل هذا الوطن .. |
وهذا والله هو المراد و المبتغي يااخ معتصم
وليتهم يعلمون
التقول كان منتظرين زول يفتح ليهم النفاش ده
سلمت يداك
|
Post: #36
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: محمد هاشم ابوزيد
Date: 12-25-2014, 12:29 PM
Parent: #35
Quote: أصبحت التكلفة عالية جدا وعند الإنتاج لا يوجد
تسويق |
بعيد عن العاطفه الجياشه تجاه اي انسان في السودان نكن له كل التقدير والاحترام وننحني تقديرا لدوره التاريخي في الاقتصاد ومسيره العطاء، هل ممكن توضيح للاقتباس اعلاه مع استصحاب استمراريه المشروع ليعود بفوائد مجزيه لمالكيه قبل بقيه الشعب السوداني؟؟
تم الاقتباس اعلاه من مشاركه الاخ جمال خضر
تحياتي،،،
|
Post: #37
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-25-2014, 06:51 PM
Parent: #36
لم تبخل الارض يوما علي الانتاج..
ولكن الارض مثل كائن حي تحتاج للنظام والرعاية...
فمنذ فجر الحكومات الوطنية اخذت الدولة علي عاتقها شئون ادارة وتنظيم المشروع،فكان مجلس ادارة المشروع المعين والمراقب والمحاسب من الدولة،وكان المشروع الذي وظيفة ادارته كامل التخطيط والتنظيم والاشراف علي العملية الزراعية...
بحوثا،عينات،تربة،تحضير،مدخلات،ري،هندسة زراعية،مكافحة حشرية،فباريك،تسويق،،نظام ورقابة وادارة كامل العملية الفلاحية...
الفلاح وظيفته ادارة وتنفيذ كل البرامج في حقله.
يشرف الغفير علي الري
يشرف الصمد علي المزارع
يشرف ويتابع ويدير المكتب منسقا مع كل الجهات.....
اين حدث الخللل.؟
|
Post: #38
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-25-2014, 07:13 PM
Parent: #37
فلندع جانبا موضوع الارض وملكيتها،فهذه لم تكن في يوم عقبة ولا مشكلة في طوال عمر المشروع،ليسال عنها من سعرها وجعلها المشكلة الاهم.
في حين ان المشكلة الاهم كانت عجز الادارة عن جعل اكثر من مليوني فدان من الارض جيدة الخصوبة،سهلة الري،سهلة الادارة،تعجز ان تقوم بدورها....
ابدا لم يقصر المزارع في واجب عملياته الفلاحية....
ولكن كيف ينتج حقلا...
غير جيد التحضير
غير منتقي العينات
غير متوفر ومتواتر المياه
غير مكافح الامراض
غير مدار ماينتج-القطن في جوالاتهه في العراء ملقي
واحيانا ينعدم الخيش
ثم التسويق...
|
Post: #39
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: جمال خضر
Date: 12-25-2014, 08:16 PM
Parent: #38
Quote: صبحت التكلفة عالية جدا وعند الإنتاج لا يوجد
تسويق
|
Quote: بعيد عن العاطفه الجياشه تجاه اي انسان في السودان نكن له كل التقدير والاحترام وننحني تقديرا لدوره التاريخي في الاقتصاد ومسيره العطاء، هل ممكن توضيح للاقتباس اعلاه مع استصحاب استمراريه المشروع ليعود بفوائد مجزيه لمالكيه قبل بقيه الشعب السوداني؟؟
تم الاقتباس اعلاه من مشاركه الاخ جمال خضر
تحياتي، |
الأخ محمد هاشم أبو زيد
لك التحية
من واقع تجربتى مع الزراعة المطرية بالقضارف ولنا أرض زراعية بمنطقة القدمبلية فقد كانت الحكومات المتعاقبة وحتى 1988 تسلم المزارعين الجازولين المدعوم
من أجل حراثة الأرض وكانت علاقة السودان مفتوحة مع كل الدول وكانت السكك الحديدية تحمل المنتجات من ذرة وحبوب زيتية وصمغ الى كافة الأصقاع .
تبدل الوضع رأسا على عقب بعد سياسات حمدى التحريرية فارتفعت أسعار الجازولين أضعافا مضاعفة وارتفعت أسعار المعيشة بصورة لم يسبق لها مثيل
فانعكس ذلك على تكلفة الحراثة والبذور والكديب (الحش) وحصاد المحصول وطبعا الأجواء كانت مفتوحة لكل الآفات جراد - كعوك - طيور - دودة أمريكية - ماسح .........الخ
وبعد كل ذلك المجهود كنا نذهب بمحصولنا الى سوق محاصيل القضارف ونبيع بأبخس الأثمان لأن سياسات الحكومة الخارجية وإذاعة أم درمان من خلال شتائم يونس محمود لم
تركت السودان معزولا يعافه الجميع كالشخص الأجرب وكانت محصلة ذلك خسائر فادحة تكبدها المزارعين لأن فوائض إنتاجنا لا تجد مشترين فدخل الكثيرون الى عالم السجون
وهرب الكثيرون الى خارج السودان تاركين ورائهم مشاريعهم . كان ذلك جانبا من المأساة الكارثية التى أصابت الزراعة فى مقتل ما زالت تعانى منه الى هذه اللحظة .
فتجد
|
Post: #40
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-26-2014, 05:34 AM
Parent: #39
الاصدقاء الكرام المحترمين الذين تشرفنا بمشاركتهم
القيمة بهذا البوست،كل مشاركة تستحق تحيتها الخاصة والرد
عليها لانها قيمة وجاءت من شرفاء غيورين..
لظرف خاص سؤجل الرد المفصل والفردي وساعود قطعا
لمناقشة كل فرد ...
هذا البوست باق مابقت اوجاع الجزيرة.
فهمتكم معنا لتنقلو الصورة بصدق
لا كما يزيفها اخرين...
نحن بين تقنت وابعشرين،،،نتكلم.
|
Post: #41
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-27-2014, 02:08 PM
Parent: #40
جابت ليها لعب في النسيج الاجتماعي....
ياعمر...
الجزيرة حاجة واحده ناسا وارضا
ابعد عن ده من وين
وله جا من وين..
ده خط احمر....
|
Post: #42
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: معاوية المدير
Date: 12-27-2014, 02:29 PM
Parent: #41
عبد العزيز يا قريبي،
سلآمات.
ما زال البوست يسير في إتجاه مشروع الجزيرة، موضحاً اهميّة المشروع
وانّ المستقبل له وللزراعة، ثمّ من ناحية ثانية يوضح معدنك الأصيل
وسماحتك. عليه لا تبتئس يا صديقي، ولا تلتفت لمن إتخذ إلهه هواه...
|
Post: #43
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: محمد هاشم ابوزيد
Date: 12-27-2014, 07:49 PM
Parent: #42
الاخ جمال
مافي شك في كلامك وانت تتكلم من واقع خبره حقيقيه عن موضوع الزراعه
انا حقيقه انظر لمشاكل اراضي مشروع الجزيره من واقع تفتيت الارض الزراعيه وتعاقب الاجيال والمواريث لنفس المساحه منذ جدود الجدود حتي ذهب ريعها وتقسم بين الاجيال؛ لي عوده
|
Post: #44
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عبدالعزيز عثمان
Date: 12-28-2014, 11:32 AM
Parent: #43
عبدالرحمن ياحلاوي يابن عم..
اما الجزيرة فلا بواك لها...
يجهل الكثيرين هذه الارض المقدسة
واولائك الرجال العظام
يا ع الرحمن ياخي مكتب ود حبوبة ده براهو قادر
ان يصنع مجدا وحياه
لسنا هواة مشاكل ولا غواة موت
نحن بسطاء،لكن واعين وعارفيين
هذه الارض هي الحياة
وحدها الجديرة بالصون والاهتمام
ولا بد ان تستعيد عافيتها.
|
Post: #45
Title: Re: ياعطالة الجزيرة،،،ان منتظرنكم تاكلونا الترابة دي في خشمنا،،،،اوسكار..
Author: عمر عثمان عبد الوهاب
Date: 12-28-2014, 12:06 PM
Parent: #44
والله ياعبدالعزيز اخوي البلد كلها بقت
خطوط بلون الدم
حذاري يااهل العوض ان تقعو في الفخ
في النهاية الارض ارض الله ياللخو
ان كانت ملكيتها لكم او للدولة
فلح من فلحها ورزق واكل من طيبات ماتنتج
نفعت بها البلاد والعباد
اما ان تمسكوها بورا خرابا ردحا من الزمان متعللين
بحجج لاتسمن ولاتغني من جوع و عفي عنها الزمن فهذا من المستهجنات
ولتعلم ان كل موسم زراعي يمر هباءا فالمتضرر الوحيد
هو انت وانا وليست الحكومه
وطالما الخطوط الحمراء اصبحت تفرش في سوق سكسونيا
فمشروع الجزيره ايضا ولكافة الشعب السوداني يمثل خط احمر
اما ان تشمرو عن سواعدكم او ارفعوها رحمكم الله
|
|