Post: #1
Title: كيف انزع الطوابع البريدية من الخطابات ؟!
Author: خالد العبيد
Date: 12-19-2014, 08:49 AM
Parent: #0
انا حديث العهد بهواية جمع الطوابع البريدية .. خمس سنوات تقريبا !
احببتها جدا عند صديقي العزيز بحيري عبدالله بحيري
الان املك كمية محترمة من الطوابع الاسترالية معظمها لازالت ملصق في ورق الخطابات
كنت محتارا في افضل طريقة لتخليصها من ورق الخطابات والاحتفاظ بها في الالبوم
عرفت ان وضعها في الماء لدقائق ربما يحل المشكلة
فعلا كانت هنالك نتيجة ايجابية ولكن بها بعض العيوب
سؤالي اوجهه الى هواة جمع الطوابع والعارفين باسرار هذه الهواية
هل من طريقة افضل ؟
شكري وتقديري
|
Post: #2
Title: Re: كيف انزع الطوابع البريدية من الخطابات ؟!
Author: عبدالحفيظ ابوسن
Date: 12-19-2014, 08:53 AM
Parent: #1
مرحبا خالد
لامن كان عندنا بريد ! كنا بنخت موية في النار ونعرضها لي بخار الماء بشكل حذر
|
Post: #3
Title: Re: كيف انزع الطوابع البريدية من الخطابات ؟!
Author: وائل فحل
Date: 12-19-2014, 09:55 AM
Parent: #2
.youtube.com/watch?v=XnP0pPzSCB4
|
Post: #4
Title: Re: كيف انزع الطوابع البريدية من الخطابات ؟!
Author: اميرة السيد
Date: 12-19-2014, 10:06 AM
Parent: #3
بالجد عجبتوني شديد بردودكم الوافية والكافية ..ود ابوسن
جانا بالرد النظري..ووائل جانا بالرد العملي لنفس الرد النظري
..ابداع..
والله يديكم الصحة والعافية
|
Post: #5
Title: Re: كيف انزع الطوابع البريدية من الخطابات ؟!
Author: Hassan Makkawi
Date: 12-19-2014, 10:33 AM
Parent: #4
| Quote: كيف انزع الطوابع البريدية من الخطابات ؟! |
بحذر شديد.....
| Quote: بالجد عجبتوني شديد بردودكم الوافية والكافية |
|
Post: #6
Title: Re: كيف انزع الطوابع البريدية من الخطابات ؟!
Author: اميرة السيد
Date: 12-19-2014, 11:05 AM
Parent: #5
ما فاهمة شئ!!
والله
والله يديك العافية
|
Post: #7
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-19-2014, 11:10 AM
ودابوسن
مرحب بيك ومرحب بطلتك البهية
الفيديو العملي ذي ما قالت العزيزة بت السيد اظهر ان اولاد كوستي مفتحين
تشكر يا حبيب
|
Post: #8
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-19-2014, 11:15 AM
Parent: #7
وائل الفحل
تسلم يا حبيب على الفيديو العملي
واكيد ساجرب البخار ..
قمت بوضع مجموعة طوابع على اناء به ماء نظيف لمدة خمسة دقائق تقريبا
النتيجة جيدة جدا الا انها تحتاج لوقت وصبر ..
انا بطبعي صبور جدا لكن من وين اجيب الوقت !
تشكر يا حبيب
|
Post: #9
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-19-2014, 12:22 PM
Parent: #8
..ود ابوسن
جانا بالرد النظري..ووائل جانا بالرد العملي لنفس الرد النظري
..ابداع..
--------------------------------
اهلين بت السيد
حقيقة انا كمن في غاية السعادة لمداخلة صديقي ودابوسن ووائل
وشغل بديع بحق ان يتبع النظري العملي
شكرا ليك كتير
|
Post: #10
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-19-2014, 12:24 PM
Parent: #9
الاخ حسن مكاوي
تشكر كتير على المرور
الحذر في مثل هذه الحالات والشغل الدقيق يتطلب المعرفة والمهارة الفائقة
|
Post: #11
Title: Re: كيف انزع الطوابع البريدية من الخطابات ؟!
Author: عبدالرحمن إبراهيم محمد
Date: 12-19-2014, 01:18 PM
Parent: #10
الأستاذ خالد العبيد
تحياتى
رجاءا عدم غمس الطوابع فى الماء إطلاقا لأن ذلك يفقدها قيمتها
فالاحبار تذوب والورق يتفتت أويتأكسد مما يجعله عرضة للإهتراء
مستقبلا.
أنا زمان كنت بجمع طوابع وعندى مايزيد عن الخمسة ألف من
101 بلد عشان الوالد عليه رحمة الله كان شغال فى التجارة
وبيتراسل مع كل دول العالم. وانا كنت فى الحركات والمنظمات
الطلابية والشبابية الإقليمية والعالمية، وطبعا إتحاد طلاب جامعة
الخرطوم. لكن طبعا ظروف الحياة حسى صرفتنى عن الهواية
الجميلة دى؛ واللى بتوريك رمزية كل مجتمع بمعايير كثيرة
وتاريخ وفن وثقافة.
حسع أغلب الطوابع دى ما عارف وينها!
المهم أحسن طريقه لفك الطوابع هى وضع ماء فى كفتيرة وتعريض
ظهر سطح ورقة الظرف العليه الطابعة للبخار الموجه والطالع من
الكفتيره. وبعد فترة قصيرة تلاحظ إنه ورق الظرف إما بدا يتهرى
أو بقى لين شديد بمويه البخار. تقوم تخت ورقة الظرف على
ضهرها بحث إنو تكون الطابعة مواجهاك، وبالراحة بقطعة فلم
فوتوغرافى قديم (عفريته) وللا موس رهيفة جدا تقوم برفع أطراف
الطابعة بحذر شديد. لغاية ماتتخلص الطابعة من الظرف.
ويمكن تحتاج تعرض سطح ورقة الظرف الملصوق قدامها
الطابع لبخار الكفتيرة تانى. بس ما تعرض الطابعة نفسها للبخار
أما فى حالة الطوابع البتتلصق تلقائيا بدون بل الطابع، فدى بيكون
فيها لاصق صناعى بلاستيكى الأصل. فدى الموية ما تنفع معاها.
أها فى الحالة دى تقوم تجيب مجفف الشعر وتختو فى الحرارة
العالية وتوجهو لظهر ورقة الظرف الملصوق عليها الطابع.
وبنفس الطريقة بقطعة الفلم أو الموس الرهيف تبدا فى رفع
أطراف الطابعة. ويمكن تحتاج تكرر الهوا الساخن عدة مرات.
أها بالله رسل لينا رسوم الإستشارة دى بتحويل بالوسترن
يونيون وللا بنك باركليز.
تسلم يا بو العبيد.
|
Post: #12
Title: Re: كيف انزع الطوابع البريدية من الخطابات ؟!
Author: الصادق عبدالله الحسن
Date: 12-19-2014, 01:48 PM
Parent: #11
|
Post: #13
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-20-2014, 11:09 AM
Parent: #12
الاستاذ عبدالرحمن ابراهيم
سلامات
مشكور جدا على التفاصيل والنصائح القيمة
وتحسرت جدا لفقدك معظم هذه الثروة
وساعمل بنصائحك الغالية
لا عدمناك
|
Post: #14
Title: Re: كيف انزع الطوابع البريدية من الخطابات ؟!
Author: خالد عبد الله محمود
Date: 12-20-2014, 05:18 PM
Parent: #13
السؤال يا خالد أنت ليه فاكيهو أساساً ؟ قيمة الطابع علي cover أعلي بكثير من قيمة الطابع لحالو و أدخل على Ebay و تأكد بنفسكـ ...
|
Post: #15
Title: Re: كيف انزع الطوابع البريدية من الخطابات ؟!
Author: خالد العبيد
Date: 12-20-2014, 09:38 PM
Parent: #14
قيمة الطابع علي cover أعلي بكثير من قيمة الطابع لحالو
---------------------
تشكر يا خالد على المعلومة الجديدة
احترامي
|
|