يوسف السماني رئيساً لـ لجنة بورداب الرياض

المكتب التنفيذي للجنة بورداب الرياض:

يوسف السماني رئيساً.
أبو جهينة نائباً للريس.
ود الباوقة أميناً للمال.
معتز زيزي الأمانة الثقافية
أيمن دياب الأمانة الاجتماعية

السكرتارية التنفيذية:

إدريس خليفة.
أيمن محمود.
وليد طه.
فتحي الصديق.
حسين ديجول.
اسماعيل ببو.

بالتوفيق .... معكم قلبا وقالباً ...

بالتوفيق للجميع

تداول سلمي للرئاسة

برافو

شكرا زيزي

بالتوفيق ابو رامي

ود الباوقة يا اخي مافي امكانية تدعم لي الحملة الانتخابية بتاعتي انا عارف انك رجل كريم وانت امين المال بعدين انا مستقل يعني ما مني خوف وشكرا

وفقكم الله ،،،،

بالتوفيق إن شاء الله.

كل التوفيق ..

الاخ معتز
تحياتي
اولا الشكر لبورداب الرياض عمموما وللجمعية العمومية
التي شكلت لحمة بورداب الرياض طيلة الفترة السابقة والشكر
للاصدقاء والزملاء في اللجنة السابقة الذين حافظو علي بنيان
بورداب الرياض مرصوصا كما وجدوة وكتاب انجازهم اصبح شاهدا
علي اعمالهم .
واخيرا اشكر الاخوة في اللجنة التنفيذية الجديدة علي الثقه التي منحوني اياها
واتمني نعبر بهذا الجسم الي قمم طموح اعضائة وتطلعاتهم

Quote: تداول سلمي للرئاسة

عقبال الوطن الكبير يا ود الباوقة

ألف مبروك أبا رامي الثقة التي صادفت محلها ،،

كل الأمنيات بالتوفيق للجنة الجديدة ،،

والشكر بلا حدود للجنة السابقة ،،


ونحن رهن الإشارة ،،

Quote: عقبال الوطن الكبير يا ود الباوقة

يا حليل الرياض وبوردابها
بعد ان كان بورداب الرياض نجوم البورداب حول العالم يستضيئوا بهم طيلة سنوات خلون ..انتهي بهم الحال الي اختيار يوسف السماني رئيسا لهذا الكيان الجميل الذي طالما احببناه وتميزت علاقتنا مع افراده
اذن هو عهد انحطاط لجنة بورداب الرياض ... اما وجدتم قامة يشار اليها بالبنان لتقدموها لقيادة هذا الجسم الخلاق ..فالرياض ملئية بالقامات السوامق والرجال الذين يشد اليهم الرحال
اما وجدتم لتقدموه سوى هذا الرجل بالرغم من جمال وتفرد اسم ابيه الا انه وطيلة معاصرتنا له في هذا المكان لم نجد له صبرا او طول بال في الحوار .. هذا الشخص الذي طالما شخصن الحوارات الهادفة ونحى بها مناحي شخصية
شخص لا يصبر علي الراي الاخر كما عرفناه هنا ولا يتقبله ولا يعتد به . بورداب الرياض الذين قدموا لنا رجالا كالشموس مثل ابو جهينة واسماعيل عباس ومعتصم والكاردنال ود الشيخ و عمران ..الي اخر القائمة الطويلة من القامات السوامق ينتهي بهم الحال الي التنادي علي تسمية رئيسا لكيانهم شخصا لم يتميز الا بالصراخ في الحوار و ضراوة الاختلاف دون اسباب مبررة .. اعقمت الرياض ان تنجب رئيسا لهذا الكيان بعد ابو جهينة ؟ بصراحة انا ما قادر اخد امر رئاسة بورداب الرياض بشكله هذا بجدية .. رياض فيها عبد اللطيف بكري وتختار يوسف السماني ؟
ولكنها تصاريف الزمان تعلو اياما وتحط اياما .. ولكن كما قيل : النار بتلد الرماد

وفبعد ان قدمت الرياض (ماسورة) اعلي جسدها ليس لي قولا سوى جبر الله كسركم واعانكم علي مصيبتكم في رئاسة جسدكم الذي طالما كان معافى

بالتوفيق إن شاء الله

Quote: اعقمت الرياض ان تنجب رئيسا لهذا الكيان

اخي الكريم اساسي
سلام من الله عليك وابرك واباقك
نعم لا نعرف بعضنا الا اسامي في هذا المنبر
ولكنا خبرنا بعضنا في الرياض لجنة وعضوية
وعند الاحن تظهر اقدار الرجال
ولمن لا يعلم
حين التنادي كل لجنة بزرداب الرياض وقاعدتها الفاعلة تكون رئيسا
وتكون تنفيذا
اما شخص يوسف السماني فشهادتي فيه مجروحة
والاخ يوسف السماني عهدناه لا يبخل بجهد بدني او مادي
وهذا الرجل اخي اساسي قد تم باختيار افاضل الرجال الذين ذكرتهم
ونحن نقوم بعملنا بالزامية التراضي والتجرد
وليس بعدد اصوات المرشحين والناخبين
التحية لكل من ذكرتهم من قامات اخي اساسي
والتحية لكل عضوية بورداب الرياض
والتحية للجنة واللجان السابقة
والتحية للجنة الحالية
والتحية للاخ يوسف السماني رئيسا لبورداب الرياض
والتحية لك اخي الكريم اساسي

بالتوفيق إن شاء الله.

.
الاخوة الاعزاء
عبدالعزيز محمد
وليد طه
الهادي ابوبكر
اسماعيل عباس
ود الباوقة
لكم الشكر وسنظل يدا واحدة نعمل من اجل بوراداب الرياض مستصحبين
خبرانتا في اللجان السابقة لتقديم مايرضي بورداب الرياض .
ودالباوقة شفت الديمقراطية سمحه كيف ...

اها يا يوسف لو ما اتحملت عبء شهادة الطرزان ده تكون بالجد بتاع نضمي
تحية للرئيس ولجنته التنفيذية
-
بوردابي فرع النيبال

أخي أساسي،
هنالك سؤال دائما يراودني أينما ذهبت في أي مجتمع من مجتمعاتنا العربية!! .
هل الديمقراطية لا تناسب وسطنا الثقافي المتضخم؟؟
لم أجد إجابة لهذا السؤال منذ أن وطت قدامي هذا المنبر!!
أؤمن بأن أختلاف الرأي ظاهرة صحية وللأمانة أنا والأخ يوسف في بوست دعوة الجمعية العمومية كنا عبارة عن (شحمة ونار)
شحمة من الأفكار ونار من الروى ولا زالت مداخلاتنا شاهدة على ذلك وللأمانة لم يشؤبها ما يعكر صفوها، لاننا في نقاشنا
لم نتجرأ لإنتهاج أسلوب طعن أو إقصاء فما يجمعنا هنا داخل هذا المنبر (فكر وثقافة) ومن خلال هذا التجمع (عمل عام) يسعنا بجميع ألواننا
فأن أتفقنا حوله أو أختلفنا يبقى الود وأحترام أدبيات النقد بعيداً النقد الذاتي حتى لا يصبح نموذجاً سلوكياً ثقافياً يعاد إنتاجه.
الأخ يوسف الأن هو على رأس هذا الكيان بإختيار ديمقراطي عبر الترشيح من خلال الجمعية العمومية، وحتى لا نكون دعاة ديمقراطية
في شعاراتنا وإقصائيين في واقعنا فأن كل عضو في هذه اللجنة هو يمثلها في أي موقع كان سواء في هيكلها الإداري أوالتنفيذي.
أخي أساسي،
نحن الأن على أعتاب مرحلة جديدة تتطلب تتضافر الجهود، نحتاج فيها للصفاء والنقاء، نحتاج فيها للنقد البناء لأعمالنا لا لذواتنا
فنحن بشر نحمل في دواخلنا كل الصفات نخطى لنصيب

تقبل خالص ودي وتقديري

الاخوة الاعزاء
الشاذلي خيرالله
ايمن محمود
عبدالطيف بكري
ايمن دياب
حسين ديغول
د.محمد الحسن
عصام نصرالدين
حيدر حسن ميرغني
شكرا جزيلا لمداخلاتكم .
حيدر ميرغني انتهي عهد الصحاف ومعاول الهدم لن تطال بورداب الرياض اطمئن .

يا أساسي شكراً على كلمات الإطراء والمديح ولكن لا نقبل أن تكون على حساب أخ عزيز نحبه ونحترمه ..
طيلة فترة عمله في لجان بورداب الرياض كان مثال للتفاني والعمل الدؤوب لخدمة هذا الكيان دون من أو اذى وهذا بشهادة الجميع ..
كلماتك هذه لم تصب يوسف وحده فقد مستنا جميعاً وأنت تبشرنا بعهد الإنحطاط على يديه ..
لا تتخيل وقع هذه الكلمة على قلبي فقد اصابتني بالحزن والألم ولم اتخيل ان تأتي منك يا أساسي ..
لماذا كل هذا الفجور في الخصومة وللخصومة شرفها ..

أنا أعتذر ليوسف السماني في هذا البوست لانني اشهد انه من أنقى القلوب التي عرفتها ..
ويشرفني ان يكون رئيس لهذه اللجنة التي إختارتك بديمقراطية وشفافية ..

أساسي إزيك
أشهد - وكنت حاضرا ليلة حل اللجنة القديمة وإختيار الجديدة- أن الأخ يوسف لم يكن لديه رغبة فى الإستمرار عضوا كان أو غير ذلك ، وأعتذر كغيره من الأعضاء القدامى ، لكن أصر عليه الجميع بالبقاء فقبل.
وقبوله هذا لم يكن مشروطا بتعيينه رئيس ، والى عشية اللقاء لم يكن يعرف أحدا من الحضور من سيكون الرئيس حتى جاءت اللحظة التى أجمع فيها الكل على إختياره رئيسا. وأرى فى ذلك قمة العدل والديموقراطية حيث كان التشاور هو الأساس ، علما بأن الأخ يوسف من رجالات العمل العام المشهود لهم ولديه ما يكفى من خبرة وتجربة سابقة عضوا فى اللجنة ، فكيف تريد أن يختار بورداب الرياض رئيسهم ؟
يا رجل يلزمك إعتذار ليوسف .

أما إذا كنت مهكراً برجاء تجاهل كلامى أعلاه :)







هسه بجى ناطي صاحبك الزمان يرشك :)

هنيئاً لبورداب الرياض بالريِّس يوسف السماني ومُعاونيه... إختيارٌ صادف أهله تماماً...

نسأل الله لهم التوفيق والصلاح...
.
.
.
.
أخي د. محمد الحسن سلامات يا راجل يا حبُّوب... غايتُو أنا قرأت مداخلة أساسي زي ما عبر عنها فيصل الرشيد "بِقَرْقَرَابَة وفَتْفَتَة" من باب المزحة الشقِيَّة... وأرجو أن يصدق حدسي فيها...

أخي السماني أساسي..
توقعت مداخلة حامية من يوسف السماني رداً على هذا التجني الكبير.. ويبدو أنه آثر (التجاهل)..
فيما ذكرت من حديث يبدو أن لك سابقة مع الأخ جعلتك تقذف بكل هذه الحمم في وجهه ليصيبنا رشاشها..
عرفت الأخ يوسف من فترة طويلة، وهو من رجالات العمل العام في الرياض وتجده في كل المحافل والمناسبات
وخبرته ليست محل شك.. واجتهاده يشهد عليه الجميع.. في بلد تبتلعلك بالتزاماتها ومشاقها وظروفها..
وكونه يقبل هذا التحدي في ظل هذه الظروف لهي شهادة في حقه.. وتاج على رأسه..
ليتك كنت حاضراً للجمعية.. حيث اعتذر جمع كبير جداً من الحضور عن الدخول في اللجنة..
وتعللوا بكثرة مشغولياتهم والتزاماتهم.. وقد وجدنا لهم العذر.. وعن نفسي ما كنت أرغب في الدخول مرة ثانية..
ولكن نزولاً على رغبة نفر كبير منهم لم يتركوا لي فرصة للاعتذار أو الانسحاب..
أتمنى أن يكون ما سطرته في حق الأخ يوسف من نفث الشيطان وفي لحظة غضب..
ولك من التقدير ما تستحق..

اخطات التقدير تماما اخي اساسي

ربما لا تعلم ان معظم اجتماعات لجنة بورداب الرياض تدار من منزل اخونا يوسف السماني


حيث الكرم يقف على رجلين

والكل يشهد له بذلك

الاختيار جاء بالاغلبية من الحضوروارى ان الاخ يوسف اهل له من كافة النواحي

المهنية والاخلاقية

مع التقدير

بالتوفيق
و الف مبروك للجنة الجديدة و نحن تحت امركم

Quote: بالتوفيق و الف مبروك للجنة الجديدة و نحن تحت امركم

قضي الامر

شكرا يا ريس

بارك الله فيك

هذا نعتبره دعما معنويا للجنة وفي انتظار الدعم المادي

Quote: بالتوفيق و الف مبروك للجنة الجديدة و نحن تحت امركم

مشكور الريس على الدعم المعنوي.. ولا أبالغ إن قلت إن بورداب الرياض هم الأغلبية والأكثرية في منبركم

الاخوة المتداخلين
لكم التحية علي كلماتكم التي تجسد ترابط بورداب الرياض
اسمحو لي ان ارحب بسيد الحوش

ا

Quote: بالتوفيق و الف مبروك للجنة الجديدة و نحن تحت امركم

مرحبا الباشمهندس بكري ابوبكر
لك التحية وانت تبذل كل هذا الجهد من اجل يظل هذا الوطن الاسفيري
جامعا لنا بكل اختلافاتنا .
مرورك ودعمك يلغي علي عاتقنا مسئولية اكبر تجاة البورداب والمنبر .
لك الود

Quote: وفي انتظار الدعم المادي

حبيبنا ود الباوقة ما تنتظر دعم مادى منى او من الحكومة لانو دى بجيب ليك و لى الهواء
حرك عضويتك و هم الاكثرية بالمنبر و حسب تقديرى عضوية بورداب الرياض اكثر من 500 عضو يعنى لو طلبت من كل عضو 5 ريال فى الشهر ممكن تعمل 2500 ريال دا غير التبرعات............
وشكرا

حصلوا الريس بكرى أبوبكر مهكر......

Quote: عضوية بورداب الرياض اكثر من 500 عضو

الكتلل

500 من وين كمان ؟؟؟؟؟

قصدك 50

يا ريس
عموما شكرا على مداخلتك وهي تبين الانسجام التام والاريحية ما بين الراعي والرعية

ممتن جدا ليك يا ريس

لك الود

الليلة الريس لاعب معاي ون تو

ربنا يجيب العواقب سليمة

ههه

السلام عليكم جميع المتداخلين

هناك حقيقة يعلمها اعضاء اللجنة السابقة بصفة خاصة والبورداب بشكل عام
وهي انه عندما تجتمع اللجنة لتفعيل اي فعالية، لا مجال للالقاب، حيث لا تعرف من هو الرئيس ومن السكرتير، وتبقى الالقاب حبرا على ورق
بمعنى اخر يقوم كل عضو بالتبرع بمهمة يستطيع فعلها، فيختلط حابل الرئيس بنابل العضو وامين المال بالسكرتير
الاخ يوسف يا عزيزنا اساسي في كل فعالية كان له قصب السبق في تنفيذ مهام الفعالية دون من او اذى
اجتماعاتنا قمة الديمقراطية
في الجمعية العمومية انا حلفت عليه طلاق بقبول الترشيح والله على ما اقول شهيد
كنا نريد اختيار رئيس من الشباب ولكن الكل آثر التدرج في الاختيار
اخونا اساسي

لقد تطايرت شظايا كلماتك فاصابت ما اصابت
رجاءا اسحب مداخلتك من تلقاء نفسك واكون شاكرا

الاخ بكري شكرا للمساندة اللوجستية

ود الباوقة شيل الرحمن في قلبك بتشوفهم في الايام الجاية

Quote: 500 من وين كمان ؟؟؟؟؟

Quote: بتشوفهم في الايام الجاية

بشرك الله بالخير

يعني نجهز جماعتنا

هههه

الريس مش وين يا جماعة

خلانا معلقين ما بين الكاملين والخرطوم

ههههه

Quote: اذن هو عهد انحطاط لجنة بورداب الرياض ... اما وجدتم قامة يشار اليها بالبنان لتقدموها لقيادة هذا الجسم الخلاق ..فالرياض ملئية بالقامات السوامق والرجال الذين يشد اليهم الرحال اما وجدتم لتقدموه سوى هذا الرجل

لجنة بورداب الرياض أجمعت على انتخاب الزميل الأخ يوسف السماني لرئاستها , وهذا أمر لا دخل للاخرين به . حتى وان حسنت نواياهم .

أتمنى أن نوفق كلجنة منتخبة في تقديم ما يرضي بورداب الرياض ويكون اضافة لما سبق ان قامت به اللجنة السابقة ..
وتهنئة خاصة للزميل يوسف السماني على اختياره بالاجماع كرئيس للجنة بورداب الرياض ,

أحسب ان حبيبنا اساسي مهكر

الريس بكري

موضوع الدعم هي مزحة لا اكثر ولا اقل

يكفينا فخرا ان فردت لنا هذه المساحة الرائعة في التعبير

وحرية الكلمة

جزاك الله عنا خير الجزاء

يا اخي الكريم

الف مبروك للجنة
شرف لبورداب الرياض برئاسة يوسف السماني
مبالغة يا اساسي إن لم تحترم يوسف السماني إحترم خيار الاخرين
تحياتي وتقديري

Quote: بالرغم من جمال وتفرد اسم ابيه

السلام عليكم ورحمة الله

شكرا للجنة السابقة ونتمنى التوفيق للجنة الجديدة.

خارج النص:

نحن راضين عن رئيسنا يا شيخ أساسي وهو قامة تنحني لها الجباه.

بالتوفيق يا شباب ..

لاخوة الاعزاء
معتز زيزي
معتصم دفع الله
وليد طه
ابوالحسين
ودالباوقة
فتحي الصديق
ابوجهينة
محمد الشيخ
عباس الدسيس
بوش
لكم الشكر والتقدير علي مداخلتكم التي تؤكد ترابط بورداب الرياض .
معتصم ياشفيف من لا بحترم نفسة لا يحترم الاخرين ولا يعرف قدر الرجال الا الرجال .
ودالباوقة دي نتائج افرازات المشروع الحضاري ههههه بس تظل انت الوحيد العلامة المضيئة في ظل تلك العتمة ,
بوش ياصديقي رماد الجهل يخفي ضوء الوعي من عقول جوفا واجساد فارهة تحرك بالريموت كنترول كقطع الشطرنج .

بالتوفيق يا شباب

الف مبروك وتمنياتي بالتوفيق والنجاح ..
الاخ اساسي الاخ يوسف من اميز الاخوان فارجو ان تصحح مداخلتك اذا امكن ذلك ..

تحياتي : ياسر العيلفون

بالتوفيق يا أبو رامى

إختيار صادف أهله ، نسال الله لكم التوفيق

لك خالص الود

شكرا زيزي على ايراد الخبر
شكرا لابي جهينة على امساك دفة التيار طوال الاوام الثلاثة عشر سنة الماضية
شكرا للريس الجديد ود السماني على قبول هذا التكليف الصعب
شكرا لود الباوقة الذي يحب الديمقراطية هنا ويخاف ديمقراطية الوطن
شكرا لسيد الحوش بكري ابو عمه الذي رغم طلباتنا بتحسين واجهة الموقع الا انه داقي طناش

شكرا حبيبا معتز زيزي لافتراع البوست .

و الرئاسه و عضوية اللجنة التنفيذيه
تكليف و ليس تشريف
و الرئيس الجديد حبيبنا / يوسف السماني شهادتي فيه مجروحه
وانا متفائل باللجنه الجديده و الدماء الشابه
انشاء الله نشوف برامج مفيده و تجمع البورداب
وتعيد لهم سيرتهم الاولى .

مداخلة اساسي لا تستحق الرد
لانها اساءة الى كل بورداب الرياض قبل / يوسف السماني
ولو في اي خلافات سابقه .... هذا ليس مكان تصفيتها

تحياتي

Quote: موضوع الدعم هي مزحة لا اكثر ولا اقل

مالك خفت يا عمك

بكري أبوبكر دعمك المادي واجب عليك،

الف مبروك ثقة الجماهير

اخي يوسف السماني

رجلا انت و الرجال قليلا.هنيئا لبروداب الرياض بك.

بالتوفيق والسداد للجنة الجديدة

مبروك اللجنه يا شباب

نشد من ازركم يا ريس

ونحييكم من الرياض ...

لكن بالغتو غايتو ...

ود الباوقة دا تدوهو امين المال ...علي بالطلاق التمساح دا ينفضكم ...

بالتوفيق للأخ يوسف السماني و بقية أعضاء اللجنة الموقرين ...

أستغربت للغاية لمداخلة الاخ أساسي ..
أين تحفظ كل هذا يا رجل .. هل لك قلب احتياطى لتدخر فيه كل هذه المشاعر السلبية !!!!!!

أما وقد تم أختيار الاخ يوسف السمانى من أخوة تحترمهم فكان اولى أن تحترم رغبتهم ..

الزول انا ما شفتو بس رضاء الرئيس ابوجهينة - وهو رئيس لكام طاشر سنة - بالعمل تحت رئاسته يدل على ملكة الرجل ومقدراته الكبيرة فى الادارة ..

أرجو ان نرى اعتزارك يا اساسي .. فقد أصبت دمقراطية بورداب الرياض فى مقتل ..

كما ومودتى والتهانى .

الاخوة الاعزاء
العوض المسملي
الفنان ياسر العيلفون
الحبيب مكين حامد تيراب
الشاعرالمرهف زمراوي الولي
الصديق طارق نقد
الزميل خالد عبدالله
والاخ الشاذلي خيري
لكم التحايا مثني وثلاث علي دعمكم .
بكم تنطلق مسيرة الطاء بعقول مدركة للواقع وقلوب بيضاء تحمل هم البورداب ومسيرتهم الحافلة بالانجازات .
وبالعمل سنخرص كل ألسنة المتربصين والمتامرين والابواق التي تنعق من اجل تفيت وحدة بورداب الرياض

من غير المجدي الرد علي كل المداخلات التي تناولت مداخلتي اعلاه مفردة فلما كانت كلها تصب في اتجاه واحد (قد علمته قبل كتابتها حتي ) لذا سأجمل قولي في رد واحد علي المداخلات كلها .. وان كنت علي يقين عند كتابة المداخلة الاولي ان البعض ممن فاجأوني بردودهم علي مداخلتي لا تنقصهم الحصافة الكافية لالتقاط ما كتبت في اطاره .. ولا يمنع ذلك توقعي بعض الردود من بعض الاخوة بحكم الاندفاع للزود عن صديقهم او صاحبهم او زميلهم من باب اللياقة وحفظ المكانة ..الخ من الاسباب المشابهة .. وان كانت مداخلتي هذا لا اضعها في باب الرد علي المداخلات اعلاه ولكن افضل ان انظر اليها كتفسير لما هو مفسر اصلا بعد ان اعاذتني بعض المداخلات الي هذا التفسير.. ولكي يكون الامر واضحا للبعض ممن تحسس من مداخلتي و نظر اليها من منحي شخصي او اثارت حفيظته والبت مشاعره وعواطفه و ( حاجات البنات دي اللائي لا يأسي علي الحب سواهن وكدا يعني ) او اثارت نقمه ممن اظن فيهم الفطنة وحسن القراءة


وَجيه القوم
الجمع : وُجَهاء
وجُه الشَّخصُ : صار ذا رُتبةٍ وقدرٍ مرموق
صفة مشبَّهة تدلّ على الثبوت من وجُهَ
رَجُلٌ وَجِيهٌ : ذُو جَاهٍ ، ذُو وَجَاهَةٍ وَسُلْطَةٍ
الوَجيهُ : سيَّدُ القوم
الوَجيهُ : ذو قيمة ، حسن ومقبول
رأي وجيه : صحيح مقبول ،
سبب وجيه / منطق وجيه : معقول
(منقول من معجم المعاني )

ولما كان المعروف - عند الجميع - ان لا يقدم لزعامة القوم الا افضلهم رأيا واوسعهم حكمة و احصفهم ادراكا واحسنهم تعاملا الي ما شابه من صفات حميدة ..من غير اللائق ان لا يملكها من يقدم ..بينما هي متوافرة وبأهمال عند الكثير جدا ممن قُدم عليهم ..وهذا نجده في الفقرة المنقولة اعلاه من معجم المعاني العربية
ولما كان امر لجان البورداب ما هي الا حاجة صورية فقط لاقامة بعض الفعاليات المتفرقة ولا يوجد في الواقع اطار منطقي ومقبول يحدها.. انما هي مظهر تنظيمي وشكلي ومظهري لا اكثر ..فمن المتوقع جدا ان يتخاشن احدهم ولنقل هنا مثلا يوسف السماني قد تخاشن مع احدهم في حوار في هذا المنبر فقام صاحب هذا المنبر بايقافه عن الكتابة وحظر دخوله الي الموقع ككاتب مرة اخري ساعتها يفقد يوسف صفته الاعتبارية كرئيس لبورداب الرياض بحكم انه قد اصبح (محض ) متصفح ليس الا ..لذا كان الاطار الذي بنيت عليه صفته اطار هلامي لا اكثر .. لذا وعودة علي ذي قبل اقول ان المنصب تشريفي وتقدمة من الزملاء لبعضهم البعض.
ولما شاركنا بورداب الرياض في امر لجنتهم هذه واعلنوا لنا في هذا المنبر انهم بصدد انتخابات واختيار لجنة ورئاسة جديدة . فمن باب هذه المشاركة دخلنا وقلنا رأينا فيمن اختاروه رئيسا لهم ووجيها عنهم يمثلهم ويكون اعلي سنامهم ..فقد الينا علي نفسنا ان نستغل هذه الفرصة التي اتاحوها لنا مختارين لقول رأينا الذي عاد والب بعضهم علينا رغم اننا لم نسعي الي معرفة خبايا تفاصيل لجانهم وطريقة ادارة فعالياتهم ان لم يشاركونا فيها بطوعهم ... فما دام الجميع يعلم ان هذا منبر حوار واي موضوع يتم ارساله الي هذا المنبر من المحتم ان يدخل اي شخص يمتلك خاصية الرد لقول رأيه والا لكان الزموا انفسهم (بحصرية المشاركات علي بورداب الرياض ) وقتها كانت تكفيهم اي غرفة دردشة علي الواتساب.. او اي وسيلة تواصل اجتماعي بالتأكيد يملكوها ..كما لغالبية البورداب حول العالم من وسائل تشاورية غير المنبر لادارة امورهم الداخلية .
لذا اعود واقول للاخوة الذين استهجنوا علي قول رأي او حزنوا او ( رقرقت عيونهم ) في امر يرون انه ديموقراطي - انه من ابسط القواعد الديموقراطية هي تقبل كل الاراء وعدم التعامل معها بشخصنة ...وهنا اسأل سؤال بسيط جدا هل يعلم بورداب الرياض او غيرهم من هو رئيس بورداب قطر او الامارات او جدة مثلا ؟ وهل سعي البعض لمعرفة رئيس بورداب هذه المناطق او غيرها ؟ الاجابة بالتأكيد لا .. لانه قد لا يكون هناك اصلا لجان تنفيذية لبورداب تلك المناطق او قد يكون لهم لجان ورئاسة وغيرها ولكنهم توافقوا عليها بينهم ولم يعلنوها هنا او يشاركوا فيها الجميع من بورداب العالم .. وهذا امر اختياري وان كنا نثمن لبورداب الرياض.. شفافيتهم ومشاركتنا فعاليتهم الديموقراطية هذه.. والاعلان عنها واعطائنا فرصة للتعليق حولها , التعليق الذي لم يأتي الا عن حب وود قديم نكنه للرياض وبوردابها والصداقات الفردية والجماعية التي تجمعنا بهم الي درجة وصلت بنا هذه الصلات الي ادخالها منازلنا ..
اما الذين ولقصور ادراكهم او حداثة معرفتهم بنا قد رأوا ان تعليقي اعلاه بنى علي قصد شخصي للنيل من يوسف السماني او الحط من قدره لسبب في نفسي اقول لهم ..ان تقاطعي مع يوسف السماني يكاد يكون منعدما اصلا او نادرا جدا ولا اذكر اني وهو قد تقاطعنا في حوار علي الاقل طيلة الخمس سنوات السابقة علي ما اذكر .. ولكن قولنا هذا بنيناه علي تقيمنا لما دأبنا ان نقرأه له في هذا المكان وزاوية رؤيتنا له كعضو في هذا المنبر اطلعنا علي الكثير من مداخلاته وطريقة ادارته لحواره وخلافاته وهو ما يهمنا .. وهنا يحضرني ان اذكر الاخ ود قاسم واضرب مثلا به .. ظلت علاقتي بالاخ ود قاسم متوترة جدا في هذا المنبر والي اخر مداخلة تقاطنعا فيها طيلة سنوات اختلفت معه كثيرا واحتددنا في الحوار واختلفنا في الرؤي والافكار المنشورة ..ورغم انه رئيسا لاول تجمع لبورداب الرياض كنت اكن له الاحترام وما زلت افعل ذلك لثقتي في حكمته وحصافته وكنت افصل بين الامرين فأن كنت ابني مواقفي الشخصية علي ارائي لكان الاجدر اعتراضي علي ود قاسم وقتها .. والاخ ابو جهينة الذي خلفه في رئاسة بورداب الرياض يعلم تقديري لشخصه واعتزازي بعلاقتي به واحترامي له كشخص حفي بانه يقدم لما يملكه من كارزما عالية وحكمة وصبر اهلته ليتصدر امر بورداب الرياض ردحا طويلا من الزمان وان كنت متعجبا ولي تحفظات كبيرة علي مداخلته اعلاه مع وعدا بالعودة اليها تحديدا - لذا احب ان اقول لأولئك انه لا شيئ شخصي لي مع يوسف السماني ..وانما كما شرحت بعاليه اتيحت فرصة لقول رأي فيه وقلته .
خلاصة الامر ان بورداب الرياض الذين تجمعني بهم علائق ممتدة وصلات وثيقة وود ممتد قد اختاروا رئيسا لكيان لطالما كنت اري نفسي عضوا اصيلا فيه كيان يهمني شكله واتوق الي ان يمتد عمره وهو مستعصم العري مترابطا قويا شامخا قدوة لجميع الكيانات المشابه كيانا سباقا ومبادرا ومبدعا يشرفني الانتساب اليه .. لذا وببساطة ولكل ذلك قلت ان من تم اختياره توافقيا لم يكن علي قدر الحدث وهو اقصر قامة من تمثيل ذلك التجمع الفريد وطالما هناك افراد اجدر واقدر واهلا ووجها لتلك المكانة ساظل اقول انكم توافقتم علي اهونكم حكمة وموضوعية ورأيا وحصافة ولا اجد ابلغ من التمثيل بالمثل الشهير ( تمخض الجبل فولد فأرا )
اقول قولي هذا واستغفر الله و يظل رئيسكم ماسورة

اعجبتنى مداخلة الاخ السمانى اساسى و ارى انه يستحق التحية عليها ، و بغض النظر عن صحة رأيه او مجانبته للصواب ، ارى انها حركت ساكنا فى هذا المنبر الذى شدتنا دوما اليه النقاشات الساخنة و الردود الملتهبة ، فقد اصبح المنبر فى الفترة الاخيرة بارداً هادئاً .. لا يثير حماسةً و لا يُغرى بالمتابعة .
اقول قولى هذا و ليس لى فى بورداب المملكة ناقة او بعير لكنها فرصة اهتبلها للتذكير بأن اهم كيان للبورداب و هو بورداب الداخل قد مات سريرياً و صار نسياً منسياً الا من بعض
الفعاليات المتباعدة و الدعوات التى يقيمها الاخ العوض المسلمى بين فترة و اخرى ,
شكراً اساسى الاساسى و بالتوفيق للجميع ،،

اساسي يقول رأيا في يوسف السماني ؟!
والله يا اساسي انت أكبر ماسورة في هذا المنبر
وربما في كل الأسافير السودانية
بورداب الرياض هم الأصل .. ولم يسبقهم أحد من بورداب الدنيا إلى التنظيم والتواصل
وأضعف واحد فيهم لا يمكن مقارنة ظفره بالمدعو اساسي
أساسي من الذين ظلوا يضرون بهذا المنبر
لغته هابطه وركيكة وأفكاره أكثر هبوطا
لا يجيد إلا المكايدات والتحريض ويضمر الحقد
اترك الرياض وشأنها وبورداب الرياض وشأنهم
فهم أكبر من ترهاتك وأكبر من إدعاءاتك
أنت لن تفهم أبدا ما هي الممارسة الديمقراطية ولا قواعدها وليس لك من السلوك الديمقراطي شروى نقير

اهو شايفين .. جا ود قاسم استفرغ كعادته في المنبر وملأ البوست طراش .. لكن اظل احترمه جدا واقبل كلامه ووجه نظره من باب ارحموا عزيز قوم ذل ..واحفظ له دوره في بورداب الرياض وفترته الذهبية تشفع له .. ولا اكترث كثيرا لخرفه هذا وارد استفراغه هذا للاحباطات المتوالية التي عاني منها في السودان
لك الرماد يا ود قاسم ومعاك يوسف ولبورداب الرياض الورد

انت يا أساسي لا تعرف التعامل بالورود
ودقاسم آخر زول كتب وسبقه العديد من بورداب الرياض وغيرهم
وكلهم أجمعوا على خطئك وخطلك
لكنهم خاطبوك بالورود
لم تكلف نفسك الرد على أي منهم
ولم تجبر بخاطر أي منهم
بل جاء ردك المعمم أسوأ بكثير من مداخلتك (الأساسية)
أنت سبقت يوسف السماني بدهور في هذا المنبر لكنك مازلت أساسي البوربوني
لا تنسى شيئا ولا تتعلم شيئا
والآن تتكلم عن ضعف خبرة يوسف
يوسف ناشط سياسي اجتماعي رياضي
شهم وكريم

سمح كويس

حتى لا نفسد على بورداب الرياض فرحتهم
ساتركك في رعاية أبالستك

مؤشرات سريعة لضيق الزمن

انعقاد الجمعية العمومية مؤشـر على الحيويـة

الديمقراطية في جسم بورداب الرياض رفاهية وعافية ونسائم صحـة وقدة تحتذى وأمل بديمقراطية تشمل الوطن والعالم الثالث المتخم بالجراح

أي عضو في بورداب الرياض يصلح لكافة الأدوار القياديـة والتفاني في خدمـة فعاليات منظومة البورداب هـو الأسـاس في معايير الاختيار والتصعيـد

كل الآراء مقبولة وبالذات ما اختلف منهـا ومقدر من يدلي بهـا فلا يضير ورود الاراء المخالفـة طالما أن وسيلة الاخذ بالخيارات النهائية وسيلة سلمية تعترف بالتباين وتدعم خياراته

الشكر جزيلاً لأبوجهينـة الريـس الهمام الذي أرسى تقاليد هذا الكيان وحافظ عليها وعلى العضوية متماسكة متعاونة متواصلة متعاضدة وجعل للتجمع هذا قيمـة وطلاوة ونكهـة وفوائد جمـة

حيا الله الريـس الهمام يوسـف السماني الرجل الواضح المقروء والذي يخلع كل ألبستـه ويرتدي عباءة كيان بورداب الرياض حينما يكون في أعمال كيان بورداب الرياض ويتسع صدره لكل التنوع الفسيفسائي

إلى الأمام سيروا وعين الله ترعاكـم وتوقعوا على الدوام دعمنا اللامحدود لنجعل من الغربـة واحـة ثقافـة وعمل وفوائـد متبادلـة

أحمد الشايقي

اخي انور التكينة

سلام من الله عليك
واكرمك في الدارين

استميحك عذرا فيما ذكرت
الحراك الفكري يكون اما بمقارعة الراي براي اقوى
او بمناقشة انجاز بني على راي فيه بعض القصور لتكملته
اما ان يكون قدحا في شخص
فهذا يذكرني بقول ابن الخطاب ان لم اكن مخطئا في نسبة الواقعة انه سال احد الرجال عن شخص ان كان يعرفه
فاجا ب الرجل انه يعرفه حق المعرفة
فسأله عمر مرة اخرى : هل سافرت معه
اجاب الرجل : لا
فقال عمر حينئذ : انت لاتعرفه
والرأي في اخينا يوسف رئيسنا الذي انتخبناه برضا تام لم يكن عن معرفة اوانطباع لبعض المخاشنة في نقاش
بل اننا الذين مسافرين معه ردحا من الزمان يزيد عن نصف عقد
فقد خبرنا ظاهر الرجل وباطنه
الحراك اخي انور يكون من خلال التفاعل التنفيذي لبرامج المجموعات والافراد المؤثرة في المجتمع .
إن كثير من المواضيع التي طرحت في هذا المنبر كان من الممكن ان تشعل ثورة فكرية ولكن كان مصيرها التجاهل فتدحرجت الى الاسفل ثم الى الصفحات الاخيرة بمشاهدات لا تزيد
عن بضع عشرات
نحن اعتدنا على اقلام الاثارة الانفعالية وليس اقلام الاثارة الفكرية
شكرا لك على مداخلتك

كتب الزميل أساسي عن الزميل ود قاسم ..

Quote: وهنا يحضرني ان اذكر الاخ ود قاسم واضرب مثلا به .. ظلت علاقتي بالاخ ود قاسم متوترة جدا في هذا المنبر والي اخر مداخلة تقاطنعا فيها طيلة سنوات اختلفت معه كثيرا واحتددنا في الحوار واختلفنا في الرؤي والافكار المنشورة ..ورغم انه رئيسا لاول تجمع لبورداب الرياض كنت اكن له الاحترام وما زلت افعل ذلك لثقتي في حكمته وحصافته وكنت افصل بين الامرين فأن كنت ابني مواقفي الشخصية علي ارائي لكان ا لاجدر اعتراضي علي ود قاسم وقتها .. font>

و كتب الزميل ود قاسم عن الزميل أساسي ..

Quote: اساسي يقول رأيا في يوسف السماني ؟! والله يا اساسي انت أكبر ماسورة في هذا المنبر وربما في كل الأسافير السودانية بورداب الرياض هم الأصل .. ولم يسبقهم أحد من بورداب الدنيا إلى التنظيم والتواصل وأضعف واحد فيهم لا يمكن مقارنة ظفره بالمدعو اساسي أساسي من الذين ظلوا يضرون بهذا المنبر لغته هابطه وركيكة وأفكاره أكثر هبوطا لا يجيد إلا المكايدات والتحريض ويضمر الحقد اترك الرياض وشأنها وبورداب الرياض وشأنهم فهم أكبر من ترهاتك وأكبر من إدعاءاتك أنت لن تفهم أبدا ما هي الممارسة الديمقراطية ولا قواعدها وليس لك من السلوك الديمقراطي شروى نقير

و طاف بمخيلتي بعض ( المواسير ) الذين هم ( عاملين رايحين ) ..
و طاف ( في ) مخيلتي بعض المباعيض و المباغيض و البيض الفاسد ..
ثم أنني كنت قد قرأت كلام الزميل أساسي ..
و ضحكت من جرأته و شجاعته و إصراره على أن يقول ما أراد أن يقول ..
وقلت في نفسي ربما توهم نفسه زول نصيحة فأخرج لهم الطريفي الذي هو جواهو ..
إذن فلا تثريب عليك يا رجل .. الدنيا ديمقراطية و حرية ..
و حلايب ذاتا مصرية على رأي أخونا أدروب ..
أما ما قاله ود قاسم عن أساسي ..
ومع إحترامي للرجل ـ فهو ـ و أقصد ما قاله ـ في رأيي
مسيخ و حامض و فطير ..
كيف لا أدري ؟؟
كدة بس ..
أو هكذا ضقتو ..
أهو برضو رأي ..
و لازم تحترموهو
بموجب قواعد الديمقراسي و كدة ..
ف قد جاء كلام ود قاسم ..
من باب ( الما بدورك في الضلام يحدر ليك ) ..
ليس أكثر ..
أساسي زول كتاب .. على وزن ( خدر زول غنَاي ) ..
و لغتو حلوة و ظريفة و طاعمة ..
و ما ركيكة و ما هابطة ..
أو كما قالت بنات يافعات من الأبيض يوما ما ..
في مظاهرة صاخبة ..
( سونا ما هوهو ) ..
ردا على مسطول صعلوق ..
كان قد ملأ جدران المدينة بعبارة ..
( سونا هوهو ) ..
و كان يعني ما يقصد به تشويه سمعة سونا ..
وهو لم يقل ذلك إلا حين رفض أهل سونا المصونة ..
تزويجها لذاك المسطول ..
أنا شخصيا بشوف وجود أساسي ـ و أمثاله ـ هنا ..
هو ما منح هذا المنبر ألقا و حاجات كتيرة ..
و مع إحترامي الأكيد لبورداب الرياض جميعهم ..
إلا أن شأنهم يبقى شأنهم حينما يحتفظون به في حناناتهم ..
أما و إن جاؤا به طوعا إلى هنا فإن الأمر يبقى شأنا عاما ..
كل يقول فيه ما يريد أن يقول بلا حجر على رأي و لا خرخرة أو زعل ..
قال المثل الكولمبي ( البرقص أمو ما يداقر البشبلو ) ..
و طالما الكلام جاب كتاحة و ( كضبة ) فيما يخص التنظيم و التواصل ..
فراعي الحلال في تخوم الرياض يعلم أن بورداب جدة ..
بقيادة يا زول و أساسي و المؤسسين الأوائل ..
هم أول بورداب أوجدهم الله في الكون ..
وهم من علم الناس مفردة بورداب ..
فما عايزين أي سلبطة ..

مبروك علينا اللجنة الجديدة

ومبروك يا شيخ يوسف

خير خلف لخير سلف انشاء الله

سر ونحن من خلفك

تحت طوع بنانكم

مبروك علينا اللجنة الجديدة

ومبروك يا شيخ يوسف

خير خلف لخير سلف انشاء الله

سر ونحن من خلفك

تحت طوع بنانكم

Quote: فراعي الحلال في تخوم الرياض يعلم أن بورداب جدة .. بقيادة يا زول و أساسي و المؤسسين الأوائل .. هم أول بورداب أوجدهم الله في الكون .. وهم من علم الناس مفردة بورداب .. فما عايزين أي سلبطة ..

الكلام ده غير صحيح مطلقا
ياسعادة المستشار أنا اصلا أساسي ده ما بدورو .. لكن مافاضي عشان أحدر ليهو ، لا في الضلمة ولا في النور
وضعت ماقاله أساسي وما قلته أنا لتقيم مقارنة بين المقالين ثم تحدثت عن شجاعة أساسي في قوله الذي أراده لكنك لم تكمل المقارنة ، فإكمال المقارنة يستوجب وصف المقارن بالجبن
ووصفت مقالي بالفطارة والمساخة والحموضة وكأنك تريد أن تقول أن كلام أساسي كان طاعما ناضجا ومحلّى
ثم أنك نسيت ما كتبه اساسي عن يوسف السماني وهو الذي دفعني للرد الذي أتيت به هنا
أساسي يسب الناس ويغتال شخصياتهم ضحى ويجد المستشارين يدافعون عنه ويعينوه على توسيع دائرة الحرب
وفي الآخر نطلع نحن ( سلباطين ساكت )

يا ود قاسم انت داير الكلام العديل ولا المغتغت وخمج ؟
مع اني غير حفي بالرد عليك لك كونك خليتني براي مع ابالستي وبناتهم دفعني للرد بعد اعلان مغادرتك اعلاه والجيت لحستو في ثواني ^_^
المهم
كنت عفيفا جدا في مداخلتي الاولي ولم اوصف يوسف السماني بانه حرامي ولا لص ولا ما عندو اخلاق او حاجة بتغتال شخصيتو
اتكلمت عن مشاهدتي ليهو في اطار معرفتي بيهو في البورد وقيمته بناء علي مداخلاته نفس الطريقة القيمتني بيها انت واسئت لي وترفعت عن مجاراتك لهوانك علي
انت بنيت رايك عني من خلال قرايتك لي لانه انا ما حصل قابلتك شخصيا وحتي في الفرصة الوحيدة الكان ممكن اقابلك فيها اوان زيارة لي للرياض ترفعت ايضا عن مقابلتك واثرت عدم الدخول الي القاعة التي انت فيها وقد خرج الي من داخل القاعة من اودهم وقابلتهم وطايبتهم وعدت الي رحلتي في المطار ..يعني برضو رايك عني مبني علي قرايتك لي ...طيب ليه انا ما ابني راي علي يوسف من خلال قرايتي ليهو
ولا انت قنبورك اطول من قنبوري ؟
كلام دهب عن اول تجمع لبورداب حول العالم اقيم في جدة برعاية المخضرم يازول يازول اول رئيس لادارة المنبر في ذلك الوقت في شتاء عام الفين وواحد
الوكت داك انت ما اظن كان عندك عضوية زاتو واول من اطلق لفظة بورداب كان هو وهذا امر عرضي لا يهم كثيرا او قليلا ..فقد احتفظنا لك تكرما منا بدورك في قيادة جسم بورداب الرياض الذين نحبهم وسنفعل مستقبل باذنه تعالي
مقارنة دهب لمداخلتك ومداخلتي بيني وبينك حار جدا وانا متفهم جرستك منه ..لانه كلامي مهذب جدا ولغتي رفيعة ..مقابل استفراغك وجلبطتك للبوست
لذا ليس لي سوى التضامن معاك في موقفك في هذا البوست من نفس الباب بتاع ارحمو عزيز قوم ..
ياخ انت كنت احسن من كدا مالك بقيت تطير السفة والبزاغ في وش الزول البتكلم معاك ؟ خليك عميق يا ود قاسم وانصر يوسف بالحق ما بالبزاغ والاستفراغ

هذا وقصة سونا هو هو كتلني بالضحك يا سعادة المستشار

إذا كانت المعرفة بالمقابلة والتلاقي فقد انتخب يوسف من قبل الذين قابلوه والتقوخ
في بيته وبيوتهم .. وعرفوا أداءه في كثير من الأنشطة المجتمعية في الرياض .
ولمعرفتهم التامة به ولأنهم سودانيون حقا لا يهربون من لقاء ولا يتحاشون التعارف بالشعوب والقبائل
لكل ذلك هم انتخبوه ..
وأنت ما الذي يضيرك في هذا ؟ هم يريدونه هكذا ليواجه أمثالك من الذين يحاولون التسلط على افكار وآراء الأحرار
ولم أكن في حاجة إلى تذكيرك بهروبك من لقائي بالرياض في أمسية القصر الأبيض .. لكنك أوردتها وكأنها موقف كريم وشجاع
وحقيقة عرفت في الاغتراب العديد من الشعوب ومن السودانيين الأصلاء والمستمسكين بأصالتهم يقابلونك ببشاشة وطيب نفس ، ولم اشعر يوما بحاجة إلى لقاء شخص بمواصفاتك
بل العكس أنني أجد أن الله كان رحيما بي غذ باعد بيني وبينك
ومنذ رايتك تقف بباب القاعة قلت أن رياض الخير حين زارتها الشياطين لابد أن تخرج منها الملائكة
ما كنت عزيز قوم لكني كنت أخا لإخوتي وصديقا وفيا لأصدقائي ولا أريد من أحد منهم أن يدافع عني .. فانا ثاقب القلم سليط اللسان
لئيم في موضع اللؤم كريم وفاضل مع الكرماء الأفاضل
ولن تجدني ذليلا أحتاج رحمة من أمثالك .. الله ربي ورب الخلق بيده إذلالك إن اعتبرت انتهاء الاغتراب إذلالا.. أو إن عددتني محبطا في السودان
فمواقفي لم تتغير ومبادئي لم تهتز .. ولي من متاع الدنيا الكثير والكثيف ..
يضحكني جدا وصفك لمداخلتك بالتعذيب ولغتك بالرفيعة ... وتأكدت تماما أن اساسي لم يبرح مكانه .. فاسترحت وأخذت نفسا عميقا ودعوت اللهم زد ه مما اكتسب ...
ما زلت عند كلامي أن نترك بورداب الرياض لفرجتهم ..
وإن عدتم .... عدنا

Quote: ولما كان امر لجان البورداب ما هي الا حاجة صورية فقط لاقامة بعض الفعاليات المتفرقة ولا يوجد في الواقع اطار منطقي ومقبول يحدها.. انما هي مظهر تنظيمي وشكلي ومظهري لا اكثر

اعتقد ان الاقتباس اعلاه يلخص الرأي الغالب الا اؤلئك الذين اجتمعوا ظانين شيئا اكبر ...فأنا لا اظن ان الزيارات الاجتماعية والعلاقات الانسانية من سماية وطهورة وخلافه تحتاج الي انتخابات ومؤامرات وتحنيس ومساككات ومضيعة زمن الناس احوج اليها


اقول قولي هذا واتمني الشفاء لجرحي هذا البوست

اختصر اخونا فيصل نشاط 13 عام بهذا القول

Quote: لا اظن ان الزيارات الاجتماعية والعلاقات الانسانية من سماية وطهورة وخلافه تحتاج الي انتخابات

ولخص اخونا ابو جهينا مسيرة 13 عام بهذا السرد الموجز جدا جدا

Quote: سبيل المثال : حملة وليد دارفور التاريخية الأولى وحملة وليد دارفور الثانية ، حيث قام البورداب والبوردابيات في الحملتين كيد واحدة في جمع المعونة المادية والعينية لايام وليال طويلة دون كلل او ملل، وفرزها وإعدادها للشحن بالتعاون مع الخطوط السودانية ، وبالتعاون مع هيئات سعودية، ساهرت العضوات وساهر الأعضاء في تعبئة المعونات وتصنيفها، كان عملا سودانيا خالصا ونصْب أعينهم أولاد دارفور، لا يسعني هنا إلا أن أخص بالشكر لجنة وليد دارفور التي تكونت برئاستي وعضوية كل من أحمد حنين علاء منصور عمر محمد عبدالقادر ودالباوقة طارق عبد اللطيف نقد إدريس علم الهدى خالد سعيد الأرباب محمد الحسن عبد المطلب خالد المحرب خالدة البدوي عفاف أبو حريرة د. رشا سالم مصدق الصاوي الأستاذة حليمة محمد عبد الرحمن هارون أسرم أحمد العمار معتصم دفع الله آدم الهلباوي مصطفى عثمان شحرفان ( صديق بورداب الرياض ) عبدالمنعم عمر عثمان محمد عبد الجليل كانت ملحمة بحق وحقيق. تضافرت الجهود وأنساب العمل بكل عفوية ونكران ذات حيث توالت الإجتماعات ليل نهار. في الحملتين كنا قد أخذنا موافقة السفارة لمخاطبة الجهات الحكومية والأهلية بالسعودية للتحرك بشكل رسمي وخاصة في طلب الدعم المادي أو المعنوي. وقد كان ، فأنسابت أركان الدعم من جهات سعودية وسودانية. ثم تنادينا لكى نلم شعث الفرقة والشتات، فاقمنا ليلة باسم ليلة التسامح الكبرى التي تنادينا فيها لجمع شمل أهل السودان على كلمة سواء ، فألتأم ليلتها شمل عدة أحزاب في ليلة أعادت لنا لمحات من تاريخنا ووحدتنا وتغنى الجميع ( أيها الناس نحن من نفر عمروا الأرض وما وهنوا ) ... ولن يوهنوا ان شاء الله. ثم أقمنا ندوة عن دعم آليات الوحدة و السلام و مخاطر الإنفصال. و ذلك يوم الأربعاء الموافق 28 / 07/2010م ثم أقمنا ليلة سياسية لمناقشة القرار الأممي رقم 1706 الذي كان مفاده إرسال قوات أممية إلى دارفور ، وكان المتحدث بإسم البورداب مولانا الأستاذ أحمد الشايقي. ثم إلتقينا كبورداب الرياض في لقاءات سياسية واجتماعية وفنية : كان اولها لقاء مع السيد الأمام الصدق المهدي بمنزل البروف عزالدين موسى في لقاء ناقشنا فيه قضايا تلك الفترة. ثم مع الدكتور كرار التهامي عندما كان على رأس جهاز المغتربين لمناقشة قضايا المغتربين والإغتراب. ولقاءات حميمية مع الفنان القامة أبو عركي البخيت ، والاستاذة عفاف حمد النيل والأستاذة اسماء الجنيد واحتلفنا بإصدارة الاستاذة / وفاء سعد عمر ( حصاد الغربة ) كما أحتفلنا بالأستاذ الممثل السني ثم تحت شعار الوفاء لأهل العطاء قام البورداب مشكورين بالإحتفال بباكورة مؤلفاتي ( أماندا والأبنوس ) عام 2007،تلك الليلة التي لن أنساها فهي ترقد جنبا إلى جنب مع تداعيات كل قصة من قصص المجموعة القصصية. ثم توالت إحتفالاتنا التي رحبنا فيها بضيوف كرام من شتى أركان الدنيا وأعضاء جدد، وعلى رأسهم الراحلة المقيمة نادية مختار عثمان رحمها الله. وأقمنا إحتفالات لوداع عدة أعضاء وعضوات كانوا معنا هنا في هذا الصرح المكين، منهم من عاد لأرض الوطن ومنهم من هاجر للمنافي البعيدة ومنهم من أنتقل داخل المملكة. ثم في مبادرة للوفاء لزميلة عطرت المنبر وأطلّتْ على أهل السودان عبر التلفاز، قام بورداب الرياض بإقامة مظلة بإسم الراحلة نادية عثمان مختار في الخرطوم، بجهد مقدر من الزميل العوض المسلمي. ثم قامت لجنتكم بإقامة مسابقة شعرية كبرى في ليلة أطلقنا عليها الليلة الشعرية ، وكان مهرجانا شعريا بمعنى الكلمة، إشترك فيها شعراء من البورداب ومن خارج منظومة البورداب, وقد لاقت الليلة إستحسان مجتمع الأدب والشعر في الرياض كأول مسابقة من نوعها بين الجاليات العربية بالمملكة. وأسمحوا لي بأن أسرد لكم هنا في سياق هذه الجهود قصة تلك الأسرة السودانية من الطائفة القبطية التي فقدتْ عائلها هنا بالرياض بعد أن توفاه الله وزوجته مع أطفالها حيث ابدت الزوجة أبْدت عدم رغبتها بالعودة إلى السودان لأن لا عائل لها هناك ولا بيت يأويهم ، ووقف البورداب تضامنا معها من خلال ذلك البوست الشهير بالمنبر الذي ناشد بورداب العالم لكى يتعرفوا على أشقاء هذه الأرملة المنتشرون في أستراليا وأوروبا. وتوالت الإتصالات من هنا وهناك حتى تعرف عليها اهلها ، والآن هذه الأسرة تقيم بأستراليا مع شقيق الام بعد أن مُنحوا الجنسية الأسترالية وتعيش بين بقية أسرتها ولا يزالون على إتصال بنا ويطلعون على المنبر وأخبار الوطن ولا يفوتني هنا أن أذكر وقفة الأستاذ أحمد يوسف والذي كان قنصلا عاما بسفارتنا بالرياض. وأذكر هنا موقفا لن أنساه ، وهو أن التبرعات لهذه الأسرة كانت تأتي على حسابي بالبنك السعودي الأمريكي من الرياض ومن مدن المملكة ومن خارج المملكة، فتم إستدعائي بالبنك والتحقيق معي عن سبب هذه التبرعات ، وكان التحقيق بحضور أحد المسئولين الأمريكان، ولما علموا بالقصة وأطلعتهم على البوست في كمبيوتر مكتبهم ، قام الأمريكي وأتنين من السعوديين بالتبرع أيضا، مشيدين بهذا التكاتف السوداني في المهجر.

اضافة صغيرة
في عام الكوارث والفيضانات حين تنادت جميع الكيانات ياض وتيمموا صوب السفارة لكي تتلمس الطريق لمساعدة اهلهم المنكوبين وجهتهم السفارة بكل بساطة وبثقة ان يجتمعو بلجنة بورداب الرياض لمعرفة الطريقة
المثلى والعملية لجمع العون الانساني

اعذرني اخي ابو جهينة لم اجد في نشاطكم اقامة سماية او طهور

ههههههههههههه .

Quote: الشاذلي خيرالله

محسوبك الشاذلى خيرى يا ريس .

يا باشمهندس ..

Quote: محسوبك الشاذلى خيرى يا ريس .

إنتا ذاتك بتين جيت ؟؟
حسب علمى إنه لسع رخصة إقامتك ما أستلمتها ..
و اخونا حميدة كتر خيرو قاعد يعلمك في السواقة ..
داير يحسبوك و يحسبوك صاح كمان؟؟
هل إنت مشيت الجمعية أصلاً ؟؟
و اللا كنت في الجمعية ؟؟
أين حمرة الخجل .. بل أين ( بليلة ) و ( حمرة الوز ) يا رجل ؟؟

نهنئ أنفسنا بهذا الإختيار الذي صادف أهله
أبو رامي رقم كبير في العمل العام بالرياض
والرحل تتحدث عنه إنجازاته ومواقفه

حزنت على رحيل أبو جهينة ، ولكن تبدد حزني بإختيار يوسف السماني ، فهو خير خلف لخير سلف

أبو رامي ننتظر تشدين عهدكم بحفل كارب

كما أهنئ كل أعضاء اللجنة الجدد ، على نيلهم ثقة اعضاء الجمعية العمومية

عذرا الاخ الشاذلي خيري
ولك العتبي حتي ترضي

Quote: إنتا ذاتك بتين جيت ؟؟ حسب علمى إنه لسع رخصة إقامتك ما أستلمتها ..

أقامة شنو ياخ .. انا لو لا قدر الله لتطوعت بالعمل مع الاكارم ديل .

مودتى.

اسي في السياق ده سونا منو

كتب المستشار عصام دهب :

Quote: و طاف بمخيلتي بعض ( المواسير ) الذين هم ( عاملين رايحين ) .. و طاف ( في ) مخيلتي بعض المباعيض و المباغيض و البيض الفاسد .. ثم أنني كنت قد قرأت كلام الزميل أساسي .. و ضحكت من جرأته و شجاعته و إصراره على أن يقول ما أراد أن يقول .. وقلت في نفسي ربما توهم نفسه زول نصيحة فأخرج لهم الطريفي الذي هو جواهو .. إذن فلا تثريب عليك يا رجل .. الدنيا ديمقراطية و حرية .. و حلايب ذاتا مصرية على رأي أخونا أدروب .. أما ما قاله ود قاسم عن أساسي .. ومع إحترامي للرجل ـ فهو ـ و أقصد ما قاله ـ في رأيي مسيخ و حامض و فطير .. كيف لا أدري ؟؟ كدة بس .. أو هكذا ضقتو .. أهو برضو رأي .. و لازم تحترموهو بموجب قواعد الديمقراسي و كدة .. ف قد جاء كلام ود قاسم .. من باب ( الما بدورك في الضلام يحدر ليك ) .. ليس أكثر .. أساسي زول كتاب .. على وزن ( خدر زول غنَاي ) .. و لغتو حلوة و ظريفة و طاعمة .. و ما ركيكة و ما هابطة .. أو كما قالت بنات يافعات من الأبيض يوما ما .. في مظاهرة صاخبة .. ( سونا ما هوهو ) .. ردا على مسطول صعلوق .. كان قد ملأ جدران المدينة بعبارة .. ( سونا هوهو ) .. و كان يعني ما يقصد به تشويه سمعة سونا .. وهو لم يقل ذلك إلا حين رفض أهل سونا المصونة .. تزويجها لذاك المسطول .. أنا شخصيا بشوف وجود أساسي ـ و أمثاله ـ هنا .. هو ما منح هذا المنبر ألقا و حاجات كتيرة .. و مع إحترامي الأكيد لبورداب الرياض جميعهم .. إلا أن شأنهم يبقى شأنهم حينما يحتفظون به في حناناتهم .. أما و إن جاؤا به طوعا إلى هنا فإن الأمر يبقى شأنا عاما .. كل يقول فيه ما يريد أن يقول بلا حجر على رأي و لا خرخرة أو زعل .. قال المثل الكولمبي ( البرقص أمو ما يداقر البشبلو ) .. و طالما الكلام جاب كتاحة و ( كضبة ) فيما يخص التنظيم و التواصل .. فراعي الحلال في تخوم الرياض يعلم أن بورداب جدة .. بقيادة يا زول و أساسي و المؤسسين الأوائل .. هم أول بورداب أوجدهم الله في الكون .. وهم من علم الناس مفردة بورداب .. فما عايزين أي سلبطة ..

اوسكار عصام ..
الوشوش المبسوطة بختوها كيف ؟
خُت مية على حسابى

Quote: فأنا لا اظن ان الزيارات الاجتماعية والعلاقات الانسانية من سماية وطهورة وخلافه تحتاج الي انتخابات

ونحن نؤكد لك يا سيد فيصل انها تحتاج
ما قولك ؟

Quote: فأنا لا اظن ان الزيارات الاجتماعية والعلاقات الانسانية من سماية وطهورة وخلافه تحتاج الي انتخابات ومؤامرات وتحنيس ومساككات ومضيعة زمن الناس احوج اليها اقول قولي هذا واتمني الشفاء لجرحي هذا البوست

حينما تتوقف السمايات والطهورة نتوقف نحن ..
للأسف لم يفتح الله عليك بكلمة من باب قل خيراً أو اصمت غير الضحك والتريقة ..
نحن ولله الحمد لسنا بجرحى حتى تتمنى لنا الشفاء فتمناه لنفسك فانت احوج منا له ..

وأختم بأن شفاك الله ..

Quote: حينما تتوقف السمايات والطهورة نتوقف نحن

معتصم دفع الله ياحبيب لاعليك .
ايه الدنيا غير لمة ناس في خير او ساخة حزن

Quote: انور هذا الكلام محسوب عليك كصحفي

حكمة قيلت بالارشيف قديما .
العلم نور والجهل انور

Quote: إلا أن شأنهم يبقى شأنهم حينما يحتفظون به في حناناتهم .. أما و إن جاؤا به طوعا إلى هنا فإن الأمر يبقى شأنا عاما ..

Quote: و طاف بمخيلتي بعض ( المواسير ) الذين هم ( عاملين رايحين ) .. و طاف ( في ) مخيلتي بعض المباعيض و المباغيض و البيض الفاسد .. ثم أنني كنت قد قرأت كلام الزميل أساسي .. و ضحكت من جرأته و شجاعته و إصراره على أن يقول ما أراد أن يقول .. وقلت في نفسي ربما توهم نفسه زول نصيحة فأخرج لهم الطريفي الذي هو جواهو .. إذن فلا تثريب عليك يا رجل .. الدنيا ديمقراطية و حرية .. و حلايب ذاتا مصرية على رأي أخونا أدروب ..

سعادة المستشار عصادم دهب ..
أين هي مداخلتك التي تصب لأجل الشأن العام ..
هل الكتابة عن المواسير والمباعيض والبيض الفاسد تعتبر ديمقراطية وشجاعة ..
للأسف كل ما رأيته تصفيق لمداخلة أساسي واللهي اساساً هجوم على شخص لا يعرفه أو يلتقيه لا عبر الكتابة أو في مكان عام ..
هذا البوست يا سعادة المستشار الديمقراطي للتعريف والتهنئة لعمل طوعي لا يأخذ الفرد منا عليه مال أو أجر وليس للنقاش أو التحاور ..
حدود معرفتنا هنا بالآخر هي مجرد إحترام متبادل وتبادل للفكر والمعرفة دون المساس بالآخرين او تجريحهم ..
لا اعتقد ان البوست هذا كان للدفاع عن شخص حتى يجد طريقه للتريقة ..

وهذا الكلام محسوب أيضاً على سعادة الصحفي التكينة ..

الخال ودقاسم
سلام

Quote: بورداب الرياض هم الأصل .. ولم يسبقهم أحد من بورداب الدنيا إلى التنظيم والتواصل وأضعف واحد فيهم لا يمكن مقارنة ظفره بالمدعو اساسي

لك التحية وانت ترفع عصي الوعي لتهش بها علي جهل الفكر وبذاءة اليراع تبتغي بذلك الحفاظ علي كيان بني علي مبادئ الفكر الجمعي في ادارة العمل العام
بمجموعة من الرجال تنادوا وتواثقوا من اجل ان يكون تنظيمهم متميز كتميزهم ليصبحوا سفراء بلادهم في رياض الخير وسند لاخوانهم السوداينن
في المهجر وانت احد الذين وضغوا لبنات هذا الكيان , تجنبت قول كلمة اساس حتي لا افسد جمال البنيان .

تحياتي لك وللاسرة الكريمة

التحية للسلف والخلف .....
بوردابي (من منازلهم)

ألف مبروك أبا للاخ يوسف السمانى فهو اهل للثقة ،،

تمنياتنا بالتوفيق للجنة الجديدة ،،

والشكر اجزله للجنة السابقة ،،

لقد اتهمنا من قبل (ايام حملة وليد دارفور) بأننا نمثل اجندة اليهود ..
ولم نلتفت لمثل تلك الترهات .. ونجحت الحملة وكانت مثالا يحتذي به ..

الف مبروك ابو رامي .. واختيار صادف اهله ..

http://www.0zz0.com

شكراً أخى العوض المسلمى ونسأل الله أن نكون عند حسن الظن.............

هذا بوست مهم جدا
فقد عرفنا من خلاله من كان يضمر ما يضمر ثم دلقه هنا عن بورداب الرياض
الذي استغربه هذا التحامل من الاخوة
انور التكينة
عصام دهب
فيصل الرشيد

فهل هناك احتكاك شخصي مع البورداب بالرياض عموما
ام مع يوسف السماني شخصيا، وانفجرت براكين هذا الحديث
ان كانت فعاليتنا يا اخ فيصل خلال احد عشر عاما تعتبرها سماية وطهور، فهي بالفعل قد قاممت بتسمية معدن بورداب الرياض، وان اعتبرتها طهور، فبالعفل قمنا واحتفلنا بختان غلفة الغربة

جرحى حديثك يا فيصل كثر، ولكننا تعودنا على لعق جراحنا والمضى قدما لنخفف هجير الغربة

Quote: فهل هناك احتكاك شخصي مع البورداب بالرياض عموما ام مع يوسف السماني شخصيا، وانفجرت براكين هذا الحديث

استاذنا الفاضل ابوجهينة...

ابدا ليس هناك احتكاك شخصي ولكن بما ان الموضوع طرح هنا كشأن عام يبقي حق لكل صاحب كيبورد وباسورد ان يمارس ديمقراطيته بدون حلايف ولا طلاقات .
من حقي ان اعترض ومن حقك ان توافق ..
من حقي ان اتسال عن مؤهلات هذا او ذاك طالما انه طرح نفسه كشخصية عامة وان كان لخدمة مجموعة محدودة من الناس يمثلهم .
من حقي ان اسال لماذا اختيار الاستاذ يوسف وليس انت او ذاك ؟
من حقي ان اتسال طالما اختزلتم الاجابة في انه ( حلفنا عليه طلاق) لماذا نجبر شخص علي تولي ما لا يريد؟
هل لانه جدير بذلك ؟
هل لانه محبوب من الجميع ويتصف بحكمة لادارة هذا الكيان ؟
هل لان لديه وقت فراغ كافي ؟
هل فتح الله عليه بامكانات مادية ونعم من عند الله اهلته كشيخ عرب وعنده صالون في شقته كبير يسهل ادارة الاجتماعات والنشاطات؟
هل سبق وادار عمل اجتماعي او ثقافي ؟ اتحاد طلاب ؟ جمعية خيرية؟ رابطة بتاعت اي حاجة ؟ ادونا مثال طيب
هل تعتبر استاذنا الفاضل ابو جهينة اي تسال هو بمثابة اعتراض ؟ وهل الاعتراض مُحرم علينا ؟
سؤالي الاخير لك استاذ ابو جهينة لاني اظن انك ارجحهم عقلا وتجربة.. ولا اظنك بالمتعجل ولا بالسطحي فأنت قلم محترم طالما قرأت لك وبشغف ....
ما هي مقاييس الديمقراطية عندكم وماهو معيار العدالة في اختيار الاشخاص لتولي المسؤليات ؟ سؤالي حتي تستفيد باقي الكيانات حول العالم في ايامهم القادمة لاختيار قادتهم بإذن الله ..

كن بخير...

ـــــــــــــــ

Quote: من حقي ان اعترض ومن حقك ان توافق .. من حقي ان اتسال عن مؤهلات هذا او ذاك طالما انه طرح نفسه كشخصية عامة وان كان لخدمة مجموعة محدودة من الناس يمثلهم . من حقي ان اسال لماذا اختيار الاستاذ يوسف وليس انت او ذاك ؟ من حقي ان اتسال طالما اختزلتم الاجابة في انه ( حلفنا عليه طلاق) لماذا نجبر شخص علي تولي ما لا يريد؟ هل لانه جدير بذلك ؟ هل لانه محبوب من الجميع ويتصف بحكمة لادارة هذا الكيان ؟ هل لان لديه وقت فراغ كافي ؟ هل فتح الله عليه بامكانات مادية ونعم من عند الله اهلته كشيخ عرب وعنده صالون في شقته كبير يسهل ادارة الاجتماعات والنشاطات؟ هل سبق وادار عمل اجتماعي او ثقافي ؟ اتحاد طلاب ؟ جمعية خيرية؟ رابطة بتاعت اي حاجة ؟ ادونا مثال طيب هل تعتبر استاذنا الفاضل ابو جهينة اي تسال هو بمثابة اعتراض ؟ وهل الاعتراض مُحرم علينا ؟ سؤالي الاخير لك استاذ ابو جهينة لاني اظن انك ارجحهم عقلا وتجربة.. ولا اظنك بالمتعجل ولا بالسطحي فأنت قلم محترم طالما قرأت لك وبشغف .... ما هي مقاييس الديمقراطية عندكم وماهو معيار العدالة في اختيار الاشخاص لتولي المسؤليات ؟ سؤالي حتي تستفيد باقي الكيانات حول العالم في ايامهم القادمة لاختيار قادتهم بإذن الله ..

الاخ الكريم فيص الرشيد

السلام عليك ورحمة الله
نشكر لك هذه المحاضرة القيمة عن كيفية اختيار الرجل للعمل العام

وطالما انك تعرف كل هذا لماذا لم تحضر للجمعية العمومية والتي اعلن عنها قبل شهر
وكان يمكن ان تفيد كل برورداب الرياض بواسع علمك
ختى يكون اختيارهم مفقا ويبتعد عن اختيارات السماية والطهور

عزيزى د. محمد حسن
لك الود و انت تخاطبنى بعقل و تؤدة و ادب يفتقده من كنتم تولونه قيادة هذه المجموعة

Quote: الحراك اخي انور يكون من خلال التفاعل التنفيذي لبرامج المجموعات والافراد المؤثرة في المجتمع . إن كثير من المواضيع التي طرحت في هذا المنبر كان من الممكن ان تشعل ثورة فكرية ولكن كان مصيرها التجاهل فتدحرجت الى الاسفل ثم الى الصفحات الاخيرة بمشاهدات لا تزيد عن بضع عشرات نحن اعتدنا على اقلام الاثارة الانفعالية وليس اقلام الاثارة الفكرية

و احمد لك انك تناقشنى فى الجزئية التى اوردتها و هى اننى حمدت لاساسى مداخلته التى ايقظت سبات المنبر غض النظر عن تأييد او معارضة محتوى المداخلة ، فأنا كما اسلفت لا
ناقة لى و لا جمل فيما يخص بورداب الرياض .
و عطفاً على ما اوردت فقد احدثت تلك المداخلة الاثارة المطلوبة سواء كانت انفعالية او فكرية .
لكن انظر عزيزى الى هذا الانفعالى الذى لم يفتح الله عليه الا ان يصنفنى فى جبهة من هذا المعترك :

Quote: هذا بوست مهم جدا فقد عرفنا من خلاله من كان يضمر ما يضمر ثم دلقه هنا عن بورداب الرياض الذي استغربه هذا التحامل من الاخوة انور التكينة عصام دهب فيصل الرشيد

ثم يأت الهلفوت يوسف السمانى.. و يمضى فى تقزم هو صفته الى الاساءة الشخصية :

Quote: حكمة قيلت بالارشيف قديما . العلم نور والجهل انور

ان كنت انا جهلا فانت الجهالة تمشى على قدمين و رحم الله امرئ عرف قدر نفسه .
اين بورداب الرياض ليدافعوا عنك ان كنت تمثل لهم شيئا .. خمسة افراد فقط و انتت تتفاخر بعضوية خمسمائة ..خجلت ليك و الله .
بالله عليكم كيف ولى بورداب الرياض امرهم فيما مضى لهذا الهنبول ؟ اين مقومات الرئاسة لشخص انفعالى و انطباعى و سوقى العبارة ؟
و الله و الله اعتقد جازماً ان الاخ اساسى صرف النظر عن هراء هذا المخبول متعمداً لانه لا يستحق ان تخسر فيه حرفاً و بكل اسف فقد فعلت .

الرئيس ابو جهينة سلام ما كتبته في حق الزميل أنور فيه ظلم كثير عليه
وماظننت يوم انك تكتب مثل ذلك صدقني صدمت فيك صدمة قوية انت
كبير ورئيس القوم ليس من يحمل الحقد واجب عليك الاعتذار للأخ
أنور التكينة الانسان الراقي الذي نشهد له بالعلم وخدمة الآخرين
وطيب المعشر وهو اخ جميل ولا يحمل للناس الا كل خير أظنك
تحاملت عليه كثير كثير

الأخ أنور

بعد التحية
لا تنتظر أن أرد على هذه الصفات التي سكبتها هنا
فأنا أوافقك الرأي ( رحم الله رجلا عرف قدر نفسه )
ورحم الله بورداب الرياض الذين عرفوا وخبروا قدر نفسهم ثم ولوا من ولوا أمور اللجنة

ولكن أستغرب هذا الكوت يا أخ أنور :

***



Quote: حكمة قيلت بالارشيف قديما .
العلم نور والجهل انور

*****

من أين جئت بهذه الجملة ونسبتها لي ؟؟؟؟
لم أقرأ هذا الكوت لا في أرشيف ولا في غيره
فهلا افدتنا

الأخ العزيز محمد المسلمي
تحياتي

***

الرئيس ابو جهينة سلام ما كتبته في حق الزميل أنور فيه ظلم كثير عليه
وماظننت يوم انك تكتب مثل ذلك صدقني صدمت فيك صدمة قوية انت
كبير ورئيس القوم ليس من يحمل الحقد واجب عليك الاعتذار للأخ
أنور التكينة الانسان الراقي الذي نشهد له بالعلم وخدمة الآخرين
وطيب المعشر وهو اخ جميل ولا يحمل للناس الا كل خير أظنك
تحاملت عليه كثير كثير

***

أين كتبت أنا هذا يا محمد ؟؟؟
شيء غريب

Quote: أين كتبت أنا هذا يا محمد ؟؟؟ شيء غريب

كتبها الدلدول الريسوهو و تيسوهو بعد ما حلفو عليهو بالطلاق ..
اما انت فأعتذر لعدم علمى بمكانتك العلمية الرفيعة و فات على ان ابارك الماستر ..
و لى عودة طويييييييلة و فى بوسن منفصل ..

الاخ الرئيس ابو جهينة سلام بعد مراجعة كوت الاخ أنور التكينة اتضح انه تم نقله
من مداخلة يوسف السماني وليس مداخلتك ولكي الاعتذار والعتبي حتي ترضي
تسلم يا كبير الحمدلله انها لاتخصك والكبير كبير يارئيس

------
أنور التكينة تعال عدل وركز في البوست (:

الأخ أنور

كما تعلم بأنني وأنت لم نتداخل في أي بوستات من قبل
ولا أدري لم أنت متحامل كل هذا التحامل ؟؟؟

***

كتبها الدلدول الريسوهو و تيسوهو بعد ما حلفو عليهو بالطلاق ..

***

يعني الزول ما قبل بالإنتخاب إلا بعد الحليفة ، يعني لم يلهث وراءها

اما انت فأعتذر لعدم علمى بمكانتك العلمية الرفيعة و فات على ان ابارك الماستر ..
***
رغم إنطلاق رائحة السخرية والتهكم في هذه الجملة، لا يسعني إلا أن أقول لك : لا عليك ، بعدم المباركة ، أما مكانتي العلمية فلا أعتقد أنها تهم أحدا كثيرا
***
و لى عودة طويييييييلة و فى بوسن منفصل ..
***

حبابك ، لكن أرجو أن لا نكون موضوع البوست

وشكرا

الأخ المحترم فيصل الرشيد
تحياتي

شكرا على مداخلتك الصريحة والتي تضع أصبعا على عدة مكامن :
من حقي ان اتسال طالما اختزلتم الاجابة في انه ( حلفنا عليه طلاق) لماذا نجبر شخص علي تولي ما لا يريد؟
هل لانه جدير بذلك ؟
هل لانه محبوب من الجميع ويتصف بحكمة لادارة هذا الكيان ؟
هل لان لديه وقت فراغ كافي ؟
هل فتح الله عليه بامكانات مادية ونعم من عند الله اهلته كشيخ عرب وعنده صالون في شقته كبير يسهل ادارة الاجتماعات والنشاطات؟
هل سبق وادار عمل اجتماعي او ثقافي ؟ اتحاد طلاب ؟ جمعية خيرية؟ رابطة بتاعت اي حاجة ؟ ادونا مثال طيب
هل تعتبر استاذنا الفاضل ابو جهينة اي تسال هو بمثابة اعتراض ؟ وهل الاعتراض مُحرم علينا ؟
سؤالي الاخير لك استاذ ابو جهينة لاني اظن انك ارجحهم عقلا وتجربة.. ولا اظنك بالمتعجل ولا بالسطحي فأنت قلم محترم طالما قرأت لك وبشغف ....
ما هي مقاييس الديمقراطية عندكم وماهو معيار العدالة في اختيار الاشخاص لتولي المسؤليات ؟ سؤالي حتي تستفيد باقي الكيانات حول العالم في ايامهم القادمة لاختيار قادتهم بإذن الله ..


***

بالعكس يا أخ فيصل
السؤال والإعتراض والنقد البناء مرحبا بهم خاصة في العمل العام.
مقاييس الديمقراطية مارسناها داخل اللجنة السابقة بكل ما تحمل الكلمة من معنى
نختلف حتى الثمالة ، ثم تقطع الديمقراطية والتصويت قول كل معارض فتمضي الأمور
في إجتماعنا الأخير ، أدار عبد اللطيف بكري منصة الإجتماع لقبول الترشيحات والتثنية والتي تمت بسلاسة دون توجيه ( حلفت على يوسف عندما رأيت معظم القدامى يقدمون أعذارا مقبولة لعدم الترشيح ، وعندما وقف ليقدم تبريرات أعتذاره ، وحتى نحفظ للجنة ميزان ترجح فيه كفة الجدد والقدامى ).
أؤكد لك هنا ، المسئولية ليست على عاتق رئيس أو نائب رئيس أو سكرتير ، نجلس سويا ثم يتولى كل عضو في اللجنة المهمة التي تناسبه ، لم نلزم أحدا بشيء لا يقدر على تنفيذه ،
أعطيك مثالا : عند كل فعالية ، ينتشر أعضاء اللجنة للملمة الإشتراك من عند بقية الأعضاء الحضور ، ولا نعتمد على أمين المال.
رئيس ونائب رئيس وأمين مال وسكرتير وأمين إتصالات ، كلها أسماء مكتوبة ، ولكن عند المعمعة ، تجدهم عند كل مقام ومهام

شكرا أخي فيصل
دمتم

الاخوة الاجلاء تيران وحملان الحوش في كل الرياض وجدة وكمان هنا في الخرطوم

بخيت وسعيد عليكم رئاسة يوسف السماني كمان هو ما بقرة مقدسة عند الهندوس ولا اله من الهة الاغريق أنسان علي وجه البسيطة عندو تا ريخو الناصع وتاريخو الجربان
أظن من الذكريا ت الراسخة في مخيلة كل أهل الرياض قيادتو لانشقاق شهير في جمعية عزة السودان ممكن نقول أنو ما غريب علي العمل العام في الرياض ولكن للبعض منا راي
جانب الحق أو أصبح صوت من اصوات الشيطان علي الجميع منافشته والقبول بأنه راي أخر بكل رحابة صدر
أنا صديق لكل من فيصل الرشيد والمستشار عصام أخي الاكبر وأنور التكينة أستاذي في المهنة ومصارع العشاق وكذلك ذلكم الضخم أساسي كان بيننا ما صنع الحداد ولكن بالحوار
أصبحنا أخوة وأصدقاء بل أمتد ذلك لصفاء الفكر وأعتناق المذاهب كلهم ذهبوا فيما كتبوا لخير الجماعة وما أظن السائل أو الناقد صاحب كفر بواح أو ضليل يمشي بيننا بالفتنة
لا غرو أن سماحة أهل السودان أكبر من أن نقول غير الحق وتجادلونا بالحسني يبقي الود حتي في حالة الاختلاف الحاد وأنهيار عري العلائق (والذي بينك وبينه عدواة كأنه ولي
حميم )
يبقي ندلف لما ذهب أساسي بقلم كالفاس ولغة موغلة في الصراحة والبوح الحراق وذلك حبا لهذه الجماعة التي تمثل في وجدانه قطعة عزيزة و ممكن لذكريات ذات كعب من بؤرة الشعور
بالاخر السوداني ومقارنة رجال الامس باليوم نحن شعب أنطباعي نتعلق بالتاريخ ومواقف الرجال بطريقة عاطفية ليس لها نظير في عالم اليوم بين شعوب الارض ومن خلالها
تتفجر أفكارنا بالكثير من الشجون ونعدد المواقف ونذكر المنافب ونقول في بعضنا لم يقوله مالك في الخمر أنتم لدي أهل خير وعلم وهم عندي سندي وظهري وما خرجت به من الدنيا
وعلائق هذا الزمان الرمادي وهل يعقل أن نضل جمعيا ونكون أضحوكة العصر في أمر يمكن أن نقول عنه راي يحتمل الصواب والجرح والتعديل أعلم أن فيصل مسكون بالتفاصيل
وعصام صاحب طرح كله طلاوة ومزاح والتكينة أبن القرية الطيب الذي يعشق أهل السودان بلا غرض وله في أعناقنا من العطاء الكثير هؤلا ء من تكدرتم منهم والله سأئلي يوم الموقف العظيم
أهلي وقبيلتي من البورداب جميعا نحن هنا نمثل أمة لها خصوخية وطابع مميز في التعامل الانساني يحسدنا عليه الاعراب والعجم لما تسقط دوما في الخلاف
ونكون كما لايؤمن بأن أواصر القربي مقدسة والاختلاف ما قتل ود قط ويبيقي الود بيننا ونحن أخوة في الله وشيع ترفل في حوش بكري طمعا في الانسانية
واللحمة الاجتماعية الراقية التي ترعرنا عليها وسط أهلنا البسطاء كنوا أهل السودان الاكثر سماحة وحملة العلم وقيم القرأن عفيفي الاقلام واللسان
كرام كعهدنا بكم
اللهم بيننا صغار نتبغي لهم الرشاد عسانا نكون أهل حقيقة وعلم وأخوة في الدم والوطن والدين
اللهم هل بلغت فأشهد

Quote: اين بورداب الرياض ليدافعوا عنك ان كنت تمثل لهم شيئا .. خمسة افراد فقط و

يا أستاذ أنور ,,
ندافع عنو كيف؟ ونحن قد اخترناه - عن معرفة بقدراته - ليترأس لجنة بورداب الرياض ,,
أنتم لا تعرفون الرجل كما عرفناه نحن ,
وكفى ........

انا من ناس الرياض، حضرت تجمعين، والحقيقة انبسطت جدا...
اللمات الاخيرة بما فيها بتاعت الانتخابات، لم احضرها لظروف خاصة بي، وقد حاولت ولكن ظروفي لم تسمح...
وحزنت، ولكنها الاقدار...
الحقيقة حبيت المجموعة التي تدير امر البورداب هذا،
ارتحت لهم، من ابو حسين مرورا بمعتصم والريس ابوجهينة، والريس اسماعيل، وتمبس، وصديق الموج،
علم الهدى، ايمن دياب؛ وطارق نقد، انهم يقومون بخدمة الناس بكل اريحية، انهم يخدمون القوم وخادمهم سيدهم، يقتطعون من وقتهم ذا العزيز،
وفي الرياض دي شدة واحدة من صباح الرحمن لحدت صباح الرحمن التاني،
ومن شدة تهذيبهم لا يطالبون بالشيرنق حتى...

لكن بصراحة ربِنا يوسف السماني دا، اراهو بلا كاريزما لتقلد امرا كهذا، متشنجا منفعلا؛
وعندما كتبت هذا
http://www.sudaneseonline.com/msg/board/440/msg/1374283939/rn/40.html
انفعل الرجل وارغى ثم ازبد،
وذكر شيئا عن المال،
عموما وحتى لا اطيل عليكم، اعترف اني مقصرا حتى من الحضور والمتابعة، ولكن هي كلمة لا بد ان تُقال:
بورداب الرياض كيان شاهق، والرجل اقصر، اقصر من ان يطوله،
هذا كل ما في الامر ببساطة، من وجهة نظري طبعا....

الإخوة بورداب الرياض
الذين ذهبوا والمتواجدون والذين سوف يأتون
على الرغم من انضمامي القريب ومشاركاتي المتواضعة في لقاءات بورداب الرياض،
إلا أني أجد نفسي مشتاقاً للقاء أولئك الأحبة الذين يمثلون سوداناً مصغراً في غربة لا متناهية الأطراف ورحلة مجهولة الأمد في مجاهل الغربة.
ومنذ أولى اللقاءات "خلعني" الأخ أبوجهينة بتواضعه ووقاره وأيقنت أنه قائد.
وطالما اتفقت الغالبية، إن لم يكن الجميع، على أبوجيهنة فإن علينا أيضاً احترام خياره طالما خدم أحد عشر عاماً ولا زال ضمن كتيبة العمل.
أيها الإخوة،
لا أرى سبياً في هذا الجدل الدائر في هذا البوست، وكان الأمل أن يكون النقاش داخل القاعة وبالحضور حتى يكون هناك أخذ ورد مباشرة.
جرت عملية الاختيار والتزكية دون اعتراض أحد على أحد فلماذا نعارض من خارج الحلبة طالما كانت الحلبة مفتوحة للجميع؟
اجتمع الحضور على المحبة وخرجوا أكثر محبة.
أمنياتي بالتوفيق للجميع.
ببـــــــــــــــــــــــــــو

التحية للأخ يوسف السماني
وهو اختيار صادف أهله .. اتمنى له ولبورداب الرياض التوفيق

أساسي سلام

ياخ انت زول ما عندك اي موضوع .. والله صحي :)
مدحت اللجنة السابقة واطنبت في مدحها ويوسف كان رقما لا تخطئه العين في تلك اللجنة
كان وما زال وسيظل مشاركا وعضوا فاعلا في لجنة بورداب الرياض


بعدين ياخ قول بقى رئيس لجنة شنو كدا ما عارف
يعني حيكتبها في (السي في) حقتو

الأمر يعني بورداب الرياض وحدهم وهم الاقدر على تحديد من يتولى أمرهم

ويبقى الاحترام مرفق طيه

سلامات و تحية للجميع


نبارك للاخ يوسف السماني الزول الجميل....ونتمني له التوفيق هو ولجنته...وأنا علي ثقة بأن يوسف سيحدث نقلة نوعية لبورداب الرياض و سينفض ما علق من غبار و سيسعي للم شمل كل البورداب.....


التحية لأعضاء اللجنة السابقة من بقي منهم ومن ترجل خاصة الأخ الجميل معتصم و الزول الراقي إسماعيل

الاخوة الاعزاء
الأمين البشاري
د. ياسر عبدالقادر
لكم التحية علي كلماتكم التي تمثل اصالة معدنكم .
بترابطنا ودعمكم للجنة سنجعل من المستحيل ممكن .

الاخ عبدالمنعم الطيب
سلام

Quote: عموما وحتى لا اطيل عليكم، اعترف اني مقصرا حتى من الحضور والمتابعة، ولكن هي كلمة لا بد ان تُقال: بورداب الرياض كيان شاهق، والرجل اقصر، اقصر من ان يطوله، هذا كل ما في الامر ببساطة، من وجهة نظري طبعا

مرحب بيك طالما انت عضو في بورداب الرياض سجل حضور
وادعو لجمعية عمومية ومارس حقك في اختيار القامة التي تحبها والتي
تناسبك . وان اردت ان ادعو انا لجمعية عمومية علي استعداد لذلك .

ولك التحية الصادقة اخي العوض المسلمي علي التحية التي ازجيتها لشخصي عبر عمودكم الصحفي ثوابت ومتغيرات
ودمت حكيما وصديقا للجميع

شكرا للاعزاء
الاستاذة تراجي مصطفي
الاخ المستشار احمد الشايقي
والاخ الصديق محمد علي البصير
الاخ الاستاذ طاهر بدر
والاخ الحبيب النعمان خوجلي
والزميل ادريس علم الهدي
لكم التحية لدعمكم وكلماتكم الطيبات التي تمثل قلادة شرف
اعتز بها .

و شهد شاهد من اهل الرياض :

Quote: بورداب الرياض كيان شاهق، والرجل اقصر، اقصر من ان يطوله، هذا كل ما في الامر ببساطة، من وجهة نظري طبعا....

بوركت اخى عبد المنعم الطيب حسن و انت تضع هذا القزم فى موقعه .
أما تراه يتجاهل ردودنا بعد ان تفوه فينا بما يجعله هدفاً لسهامنا ؟ اين قلة الادب التى رد بها علينا فى هذا البوست ؟
الرجل ملئ بالثقوب و سنردمه حتى يعرف قدر نفسه .

حبيبنا زهير :

Quote: أنا صديق لكل من فيصل الرشيد والمستشار عصام أخي الاكبر وأنور التكينة أستاذي في المهنة ومصارع العشاق وكذلك ذلكم الضخم أساسي كان بيننا ما صنع الحداد ولكن بالحوار

وفيت و كفيت ..
لا فض فوك

الاخ الكريم زهير

هل عاشرت الاخ السماني معاشرة لصيقة
ان ما كتبته انطباع عن راي صديق يخصك؟

تحياتي يا دكتور
ذات يوم أو قل ذات سنة أنا كنت من المقيمين بالرياض ويعرف ذلك قدماء رياض الخير وبعض عتقاء هذا المنبر
ولما تكون المعاشرة اللصيقة هذا راي قلت يحتمل أن يكون حقيقة وصواب أو غير ذلك من حقهم الرد علي وليس
الانشقاق مأخد حرم أحد من قيادة كيان أة جمعية أجتماعية ولكن مذكور وموجود في تاريخه المجيد كما موقن
لدي من الاصدقاء في الرياض جيش جرار ولكن لم أسالهم أحدهم عن شيء ولكن أعرف ما لا تتوقع عن يوسف السماني
ولدينا أصدقاء مشتركيين و كذلك من خلال فترة وجودي هنالك
ليس أنا من يكتب بأيحاء يا دكتور أو مجاملة لشخص ولا تدعييم لموقف زيد أوعبيد
أعلم ذلك وأسال أنت يا صديقي أيضا
لك كل التقدير

اخي زهير
حقيقة لم افهم شي مما قلته
ولا اعتب عليك
ولكن
رئاسة بورداب الرياض
تمت بانتخاب ديمقراطي من جمعية عمومية وبالاجماع
ومن رجال يشهد لهم كافة قراء سودانيز اونلاين في مختلف بقاع المعمورة
لا ادري لما ( الجقلبة)
الجنة الفائتة بقيادة ابو جهينة فتحت منببر دعوة للجمعية العموية استمر لقرابة الشهر من لم يتمكن لظرف اتصل وقال وابدى تاييده لمخرجات الاحتماع ومن لم يحضر او يتصل قد لا يكون مهتم
وعليه من المفترض احترام خيار الجمعية العمومية لبورداب الرياض ولعضوية برورداب الرياض

المهمة مهمة تكليف وليست تشريف ومن يتولاها لا بد أن يتقبل الكثير من التضحيات الأسرية والزمنية والمادية والعملية وكل الظروف المحيطة بها.
ثم أن هذا العمل عمل تطوعي يأخذ من الفرد أكثر مما يعطي.
مبروك يوسف

التحية لبورداب الرياض وهم يحركون الساكن دوماً ..


أنا ما عارف لماذا بعض الناس زعلانة كونه يوسف السماني رئيس لبورداب الرياض ..
مع إنه حاكمنا واحد مطلع د... البلد 25 سنة والناس بالعة لسانها ..
أبشر بطول سلامة يا يوسف فما لم يقتلك يقويك ..

[B ]
تحياتي للجميع
مآلات هذا البوست هي انعكاس طبيعي للديموقراطية، ويجب أن يرحب بها، وأن تتسع صدور الناس للنقد، مهما كان قاسياً، أو مشخصناً. فهذه ضريبة وفواتير مصدرة.
والأخ يوسف السماني يدرك ذلك جيداً، وهو ليس بغريب على سوح العمل العام المضني. ويعلم جيداً إن عمله السابق واللاحق سيكون عرضة للجدل والنقاش والتشريح،
كأي عمل مطروح على موائد الرياض وغيرها. وللذين لا يعلمون موائد الرياض ، فهي مزيج بين ( فتة وفتنة ).
ويوسف يعلم إن مثل هذه الكتاحة سوف تقوم في يوم ما، ونحمد الله أنها قد ( عكلت من بدري).
إن انتخاب ( لجنة يوسف) ، أو بالأحرى ( الأحد عشر كوكباً ) كان شفافاً وواضحاً، واختيار يوسف رئيساً لهم بالطبع تم داخل هذه اللجنة ،
وبالكيفية التي رآها الفائزون بثقة الجمعية العمومية ، ونحن ممتثلون لاختياراتهم طالما كانت بوجه حر ديموقراطي أخوي
داخل ذلكم الاجتماع الذي عقد في منزل المهندس أيمن محمود.
إننا ( كبورداب في الرياض)سنمارس حقنا كاملاً، ولن نألو جهداً في دعم هذه اللجنة وبرامجها دعماً لا محدوداً،
وفي الوقت نفسه، سوف لن نتخلى عن حقنا أيضاً في إبداء النصح والنصيحة والآراء التي تقوم مسيرتها متى ما رأينا إنها قد اعوجت...



الشغيل

الأخوة الكرام :

اا

"الديمقراطية مثل النضارة تساعدك على رؤية دربك، لكنها لا تغيير عيونك، ولا تعطي عيون لمن هو أعمي"ا

اللجنة السابقة دعوا الجميع لجمعية عمومية من خلال بوست مرفوع منذ شهر من موعد إجتماع الجمعية .. خطوة جرئية تحسب لهم في ممارسة الديمقراطية
اللجنة تم أختيارها من داخل جمعية عمومية مكتملة النصاب، فبلاشك هي لجنة (شرعية)! من منطلق ديمقراطي
بعد أختيار الأعضاء تم فتح باب الطعن كحق (ديمقراطي) مشروع للجميع. كما شرعت تلك الديمقراطية فتح ذلك الباب فبلاشك أحكمت إغلاقه.!!
رئيس اللجنة المنتخب وضباط اللجان تم إختيارهم من داخل اللجنة بالترشيح .. ولا أظن بأن هنالك تعدي أو تجني على الديمقراطية


إذا كنا حقاً دعاة ديمقراطية فالنثني الركب أحقاقا لمفهوم الديمقراطية للجنة سابقة وجديدة مارسوا إنتقال للسلطات والمهام عبر قنوات شرعية بكل ديمقراطية
أي إنتقاد لشرعية هذه اللجنة أو الطعن في أحد أعضائها يناقض فكرة تقبل الديمقراطية ونشرها فهو غير مقبول وغير منطقي!
وإلا لأصبح الأمر تعدي على قنوات الديمقراطية

كثيرون مروا هنا وتحدثوا عن الديمقراطية وفي نفس الجانب وللآسف أنكروا حق ممارستها،
وهذا أن دل على شي أنما يدل بأن بنغلاديش أحسن منا بمليون مرة ! يا ريتنا نبقى ربع بنغاليا

الديمقراطية ممارسة وحق مشروع وقلادة شرف لممارسيها لذا سنجتهد في ممارستها أكثر من الدفاع عنها لانها تحمي نفسها.

دمتم بود

Up

الف مبروك اخي يوسف السماني وتستاهل و الله
ومبروك لى اللجنه الجديده

بحكم معرفتي لنفسية بورداب سودانيز فأي مشاركة في البوست ده حتترك علامات إستفهام وما حتتاخد بمعناها العفوي بغرض المشاركة من أجل المشاركة وتثبيت حقائق بل لا أستبعد أن يتم ليها إنشاء قروب في الواتس أو تطاقش فيها مكالمات أو مسنجرات داخلية ..نادراً ما يتم الوقوف بصورة جادة ودراسة ما تم كتابته بغرض التصحيح لا بغرض التشفي أو تثبيت التحريش والتحريض أو الفرتقة ..
انا منقطع عن سودانيز وساااي كده بلا شغلة ياقول ناس فرقة الاصدقاء وللحقيقة جابني الشديد القوي ..لأنو البوست ده (شديد قوي) يا قول الصعايدة ..وأي مداخلة فيو تستاهل مجلدات وحتى إن وجدت المجلدات فماذا نكتب (الجملة مشتقة من عمود العوض المسلمي غير المفهوم )..
تربطني علاقات على المستوى الشخصي مع معظم أفراد اللجنة والجميل إننا ما عايسين الابري بي الحلو مر فده براو وده براو فلا قاعدين يجيبو لي سيرة بورداب وفعاليات ولا قاعد ألومهم فيها بحكم إننا حولنا علاقاتنا لعلاقات حقيقية ليس لي سودانيز دخل فيها ..
بس وجعتني وشدييييد وبكل أمانة طريقة تكوين اللجنة وأستفزاني جداً جداً إنو يكون كمان رئيس اللجنة يوسف السماني ..
لجنة يتم إختيار رئيسها بي حلفان طلاق !!!!!! يا للهول .. نحن وين وفي القرن الكم؟؟؟ لييي كده يا أبو جهينة ياخ؟؟؟ أكتر من جغلومية راجل بالله تربط مصيرهم بي حليفة طلاق؟؟؟ يعني وضعتو الناس أمام خيارين أحلاهما مر ..طلاق الرئيس السابق أو تعيين يوسف السماني في اللجنة الجديدة !!! هل فكّرت يا أبو جهينة لو مثلاً مثلاً يوسف السماني قال ما داير فما هو مصير طلاقك ؟؟ مع إني وأنت وكلللنا عارفين يوسف السماني ما محتاج يحلفو ليو طلاق عشان يخش اللجنة فالحليفة باللاة والعزة ممكن تخليو يقبل فالرجل غير زاهد في المناصب بل راكض خلفها ...
بالمناسبة عبد الرحيم محمد حسين كلكم عارفين إنو سبب وجوده طيلة هذه الفترة في أخطر وأهم المناصب (رغم كفاويهو ) حليفة حلفتها الحاجة والدة عمر البشير (حاجة هدية) لي ولدا عمر ..يا ولدي علي الطلاق كان شلت عبد الرحيم ده ما عافية ليك ..!! وأهو كل يوم كلللكم بتردحو في عمر البشير ودكتاتوريته وربطه لمصير شعب كااامل بي حليفة أمو !!!
فيا أبا جيهنة وبكل شجاعة أقول نحن طالبنك إعتذار وإعتذار واااضح وصريح دون مكابرة إما بإبعاد يوسف السماني من لجنتكم (التي لا تمثلني) وإما بنفي حديثك بتاع إنو حلفت عليهو طلاق والراجل جاء بناء على رغبته حباً في السلطة والاضواء..
طيب نجي لي نقطة تانية عشان ندخل الناس المتابعة البوست في الصورة وعشان ما ندي فرصة للإجتهاد والتأويل وبرضو نمارس الشفافية اللي شايف ناس كتااار عاملة منها (يع) وما جابت سيرتا ..
واضح جداً إنو بورداب الرياض يشهدوا حالياً فترة إنقسام وصراع داخلي (شللي) بين ناس فلان وعلّان ..ده ما داير ده..وده قال لي ده ..ديل مقاطعين وديل ما عايزين ..ديل قالوا لي ديلك ما تمشو..قامو ناس ديلك قالوا لي ناس ديل نحن ما جايين ..قاموا ناس ديلك حردو..قامو ناس ديلاك قالوا لي ناس ديل كان شوفتو ناس ديلاااك قالوا عايزين يفرتقو بورداب الرياض ..قامو ناس ديلة شربكو ناس ديلك مع ناس ديلاك ...رحم الله محمود عبد العزيز لمن غنا أغنيتو في بورداب الرياض والتي قال فيها :
كلّو من دييلا..ديييلا دييل ديييلا ..من صدود ويييلا..
وقلبي ماااا هو شديّد ..روووحي زاااد وييييلا ...
كلللو من ديييلااااا..

وعليه انا عن نفسي بفسر إنو ما يحدث الان من تكوين لجان وعضويات وإجتماعات ما هو إلا لمكاسب شخصية وصراعات شللية لا ناقة لبورداب الرياض عموم ناقة فيها ولا جمل..
بورداب الرياض في وضعهم الحالي هم مؤتمر وطني مصغر ..يدار فيه هذا التجمع بنفففس عقلية الكيزان وبنفففس تخطيط المؤتمر الوطني ..
المؤتمر الوطني يعلن إنتخابات من قبل فترة طويييلة ويقول العايز يجي للرئاسة يجي بالانتخاب والشرعية والديموقراطية..
لجنة بورداب الرياض تعلن عن إنتخابات قبل فترة طويييلة وتقول تعالوا نمارس الديموقراطية ونختار رءيسنا..
المؤتمر الوطني يقول عايزين نجدد الدماء بالشباب ..لجنة بورداب لارياض تقول عايزين نجدد الدماء..
المؤتمر الوطني يجيب عمر البشير ..عمر البشير يقول والله انا ما كنت عايز اترشح لكن الجماعة براااهم ختوني امام الامر الواقع..
ابو جهينة يقول والله انا قلت ما عايز وأبييت أترشح لكن نزلت لرغبة الناس المطالبين بالتسليم التدريجي ونقل السلطة شوية شوية ويوسف السماني يقول حلفوا علي طلاق !! ..

الأخطر في إختيار الرئيس !!!
يوسف لاسماني؟؟؟؟ ياللهووول..
انا واحد من الناس أتكم عن دراية ودراية كاااملة بأن يوسف السماني غير مؤهل لهذا المنصب تماااماً لا أكاديمياً ولا عملياً ..وأرجعو لي أرشيف الموقع وشوفو كتابات يوسف السماني ..بل أنت واحد من الناس يا ابا جهينة شاهد عيان على يوسف السماني وطريقة تعامله والحادثة الشهيرة بفندق القصر الابيض يوم أن دعيتو الرجل المحترم كرار التهامي وحينها كان الأمين العام لجهاز المغتربين وأهو أنت اسة وضعتها واحدة من إنجازات اللجنة ..يومها حاول هذا اليوسف تصغير الرجل القامة دكتور كرار التهامي ..ولمن انا وقفت وتصديت ليهو رفض يخليني أتم كلامي ورفض يديني الفرصة ..ولولاك إنت شخصياً لما كنت ح انال فرصة المشاركة ووقتها إنت شوفتها شييينة وقلت ليو يا يوسف ادي عمر فرصة يتكلم وهو كان رافض بحجة إنو هو من يدير الجلسة ..
يوسف واحد من الناس شتمني انا شخصيا لا إيدي لا كراعي وارغى وأزبد لا لشئ إلا لأنه انا رفضت طريقت في إنو يخاطبني أو يخاطب غيري بي طريقة معارضة وحكومة ووووو..
انا شخصياً ح أمارس كل ما أوتيت من لاح الحجة والقلم لحدي ما يتم إعادة إنتخاب رئيس تاني غير يوسف السماني لأنو ما بتقبل فكرة إنو يتم تعيين رئيس فقط لمجرد حلفان طلاق..وليته كان حلفان طلاق مثلاً لإختيار أحمد الشايقي المستشار القانوني أوالأستاذ عبد اللطيف بكري المتحدث بطلاقة لثلاث لغات ..لكنه حلفان لإختيار يوسف السماني !!!!

أما المضحك في الجوطة دي كلللها فهو معتز زيزي ...صورة طبق الأصل من أولاد الصادق المهدي وأولاد الميرغني والجماعات المسلحة من ابناء دارفور..
زول جا شال حقو قلع ..سعى للسلطة ففهموها جهابزة لجنة بورداب الرياض ..وهنا وللأمانة يجب تهنئة اللجنة لإمتصاص معتز زيزي بصورة أدهشتني انا شخصياً ووالله صفقت بدون ما أشعر ..
معتز زيزي وضح من خلال ردوده في بوست الإنتخابات إنو ساعي تماااماً للدخو لي اللجنة وغلفها بثوب النقاش الواعي والمتحضر وذكر كلمة ديموقراطية زي طفشطاشر مرة كده .. الدليل بسيييط وما محتاج إجتهاد فبمقارنة عدد وحجم مداخلات معتز زيزي قبل الانتخابات في بوست لم يكتبه هو مع بوست ما بعد الإنتخابات في بوست كتبه هو لأكتشفت إنو (الزول بعد ما ضمن) أصبح زاهد في الردود ..وأوووعو من قصة بعض المشاغل جعلتني لا أرد ..
نجي للنقطة الأخطر والأهم واللي فيها تناقض لحدي أسة ماف زول قدر يفك طلاسمه !!!!!
هل لجنة بورداب الرياض لجنة قانونية ؟؟؟؟ هل هي لجنة تعمل بنظام ودستور ؟؟؟ هل هي مسجلة بصورة رسمية ؟؟؟ هل تمارس عملها بنظام الأخوانيات والتراضي أم بنصوص ملزمة ؟؟؟
التناقض جا من حتة إنو في الأول تم تأكيد إنو اللجنة لا تستند على أي سند قانوني وهي ما مسجلة رسمياً ويتم فيها التعامل بالتراضي بين الناس كلهم أو نقول أغلبهم ( إرضاء الجميع شي مستحيل) ..
ثم أكرم علينا معتز زيزي بي إنو اللجنة تم تكوينها بسند قانوني وجمعية عمومية بل وذهب لأبعد من ذلك وقال (مكتملة النصاب)..!!!!!

في رأيي الما متواضع إنو قصة لجنة وتنظيم والقومة والقعدة دي كلها ماف ليها داعي وهي تنم عن حب السلطة والاضواء لا أكثر ولا أقل ..بل وتحميل الموضوع أكبر مما يجب فالقصة كلها وببساطة إننا ناس إتلمينا في النت بسبب الفراغ والترويح عن النفس في اثناء أوقات الفراغ ومتى ما أنشغل الزول فينا بهموم عمله وحياته نسى أبو سودانيز أون لاين زياتو بل ينسى الباسوورد وربما ينسى الرابط لدخول المنتدى ..لكن يظل التواصل دون إنقطاع مع من تعرفت عليهم عن طريق الموقع إما بالتلفون أو بالزيارة دون الحوجة لي لجان وتجمعات ومناسبات ..وأحمد الله عن نفسي بتواصل مع ناس اعتبرهم اعزاء بدون ما الاقيهم في تجمع رسمي وحتى لمن الاقيهم بنتونس في هموم الحياة الحقيقية دون الخوض في أها رديت ليك وشوفت ردي ولي ما علقت لي وشوفت داك كتب شنو ..
لجنة بورداب الرياض شئنا أم أبينا قوامها في الاغلب ناس تجمعهم علاقات شخصية بقصد أو دون قصد وجدوا نفسهم هم المتحكمين في إدارة شئون تجمع فأختلط عليهم الحابل بالنابل فمرة يتعاملوا بي الرسميات ..مرة بالأخوانيات.. مرة يقربوك ليهم..مرة يحدرو ليك في الضلمة..مرة يقولوا فلان لا يستحق المشاركة ..ومرة نفس الفلان تلقاو ماسك المايك..مرة يقولوا ليك فلان ما بيكتب ليو سنتين فما ممكن نحسبو بوردابي ومرة تلقا زول ليو 7 سنوات ما خش الموقع داخل لجنة.. مرة يعملو لي زول احتفال ..ومرة لي زول تاني جاتو نفففس الحاجة ما يعملو احتفال ..مرة يلمو تبرعات لي مواقف انسانية في السودان..ومرة ما يلموها لي نفففس الموقف الانساني ده ..
الشغلة وبكل بساطة بالمزاااج.. يعني اسة اللي ذكر الناس بي تكوين لجنة شنو؟؟؟ وليي التاريخ ده؟؟؟ هل صادف هذا التاريخ إكمال دورة إنتخابية؟؟؟ هل الانتخابات دي بتتم بي صورة دورية في نفس التوقيت بنفس العدد؟؟
الاجابة ببساطة لأ..
تتم الانتخابات دي متى ما حصلت شكلة بين الناس وبدت الهمهمات بي تحت تظهر..ومتى ما شعر طرف بي وجود طرف تاني بيعمل بلبلة وممكن يسحب الاضواء..
ياخ حتى الإنتخابات بتتم بي صورة فيها عدم إحترام للناس..مجرد فتح بوست ثم تأجير إستراحة ثم تأجير ساوند ثم جلب فنان كااافي لإعلان كيان كااامل بكل بساااطة بغض النظر عن عدد الحضور ..
عليه فقد قررت انا عمر الفاروق وبكاااامل أهليتي إنو ح أدعو لي تكوين لجنة براااي كده وح أسميها لجنة بورداب الرياض وح أخاطب فيها تاني كل كيانات المجتمع المدني في الرياض رسمياً وح أمشي وأمثل في أي إحتفال بي إسم بورداب الرياض ..فكل الشروط تنطبق علي تماااماً لتكوين هذه اللجنة ..
ببساطة ح أكتب بوست هنا وأدعو لي تكوين لجنة..حا أحدد مكان الإستراحة ..(طبعاً انا بغني براي فما محتاج فنان).. ح أكون اللجنة بمن حضر بغض النظر عن عددهم ..ح أحلف (بس ما طلاق لأنو الموضوع ما بيستاهل) إنو فلان وعلان يخشو معاي اللجنة وح أعلن في بوست لاحق تكوين اللجنة بعد ما أوشح البوست بعدد من صور الحضور (بغض النظر عن عددهم)..
حقيييقي والله الكلام ده ما تريقة ولاااا لشق الصف أبدددداً ..الكلام ده عشان أمارس حقي طالما الموضوع ما حق زول وماف ضوابط قانونية بتمنعني وماف شي بيلزمني أتبع زول ..لأنو ببسااااطة في مجموعة ناس شغالة بي مزاجا تعلن انتخابات بي كيفا..ترشح بي كيفا..تجيب ناس بي كيفا..


تخريمة :
عايز لي بتاع ساوند نضيييف كده..ومصوّر محترف

الاستاذ عمر
تحية وتقدير

Quote: كتر من جغلومية راجل بالله تربط مصيرهم بي حليفة طلاق

مصيرهم حته واحده يا عمر

Quote: في رأيي الما متواضع إنو قصة لجنة وتنظيم والقومة والقعدة دي كلها ماف ليها داعي وهي تنم عن حب السلطة والاضواء لا أكثر ولا أقل

بعد المصير ده كله .. بقت ما فى ليها داعي

Quote: انا منقطع عن سودانيز وساااي كده بلا شغلة

من حقك

Quote: تربطني علاقات على المستوى الشخصي مع معظم أفراد اللجنة والجميل إننا ما عايسين الابري بي الحلو مر فده براو وده براو فلا قاعدين يجيبو لي سيرة بورداب وفعاليات ولا قاعد ألومهم فيها بحكم إننا حولنا علاقاتنا لعلاقات حقيقية ليس لي سودانيز دخل فيها ..

واضح انك مستغنى تماما حتى عن (السيره) .. وتقرأ برضو مع ردك الفوق

Quote: لأنو ببسااااطة في مجموعة ناس شغالة بي مزاجا تعلن انتخابات بي كيفا..ترشح بي كيفا..تجيب ناس بي كيفا..

ما انت لكن منقطع اولا
ما بتجيب السيره ثانيا ..
وحولت العلاقات الى خاصة بعيدا عن البورداب وسيرتهم
حا تعرف كيف ؟

Quote: الشغلة وبكل بساطة بالمزاااج.. يعني اسة اللي ذكر الناس بي تكوين لجنة شنو؟؟؟ وليي التاريخ ده؟؟؟ هل صادف هذا التاريخ إكمال دورة إنتخابية؟؟؟ هل الانتخابات دي بتتم بي صورة دورية في نفس التوقيت بنفس العدد؟؟

اها هسع زى سؤالك ده .. عارفه اتكتب قبل كده فى كم بوست ؟ وعارف كم واحد اتناقش فيهو ؟ وعارف تم النقاش فيهو فى كم (لمه بورداب) ؟
عيييييك .. ما انت لكن منقطع عن سودانييييز
وما بتجيك السيرة وما بتجيبها ...

Quote: تتم الانتخابات دي متى ما حصلت شكلة بين الناس وبدت الهمهمات بي تحت تظهر..ومتى ما شعر طرف بي وجود طرف تاني بيعمل بلبلة وممكن يسحب الاضواء..

دى برضو عندها علاقه بى انك منقطع داخليا وخارجيا - لكن الغريب شكلك عندك تفاصيل دقيقه جدا
حاجه غريبه .. منقطع وما بتجيك السيره
دى كيف بس .. ؟

Quote: ياخ حتى الإنتخابات بتتم بي صورة فيها عدم إحترام للناس..مجرد فتح بوست ثم تأجير إستراحة ثم تأجير ساوند ثم جلب فنان كااافي لإعلان كيان كااامل بكل بساااطة بغض النظر عن عدد الحضور ..

ما انت برضو قلت القومة والقعده ما فى ليها داعى ..

Quote: انا واحد من الناس أتكم عن دراية ودراية كاااملة بأن يوسف السماني غير مؤهل لهذا المنصب تماااماً لا أكاديمياً ولا عملياً

قومة وقعدع ما فى ليها داعى
وقبلها مصيري
والان منصب يحتاج مؤهلات خاصة

نبقى على ياتا فيهن

Quote: بل أنت واحد من الناس يا ابا جهينة شاهد عيان على يوسف السماني وطريقة تعامله والحادثة الشهيرة بفندق القصر الابيض يوم أن دعيتو الرجل المحترم كرار التهامي وحينها كان الأمين العام لجهاز المغتربين وأهو أنت اسة وضعتها واحدة من إنجازات اللجنة ..يومها حاول هذا اليوسف تصغير الرجل القامة دكتور كرار التهامي ..ولمن انا وقفت وتصديت ليهو رفض يخليني أتم كلامي ورفض يديني الفرصة ..ولولاك إنت شخصياً لما كنت ح انال فرصة المشاركة ووقتها إنت شوفتها شييينة وقلت ليو يا يوسف ادي عمر فرصة يتكلم وهو كان رافض بحجة إنو هو من يدير الجلسة ..

وصلنا للمختصر والمفيد
كنت اتمنى تدخل للنقطة دى مباشرة . زى ما كتب بعض الاخوان فوق عن خلافات ليهم مع يوسف السمانى
بدل كمية المتناقضات الموجوده فوق دى
حصل ليك موقف مع شخص كان ممكن تحله بطرق مختلفه
ترفع الامر للجنه
تطالب بى اعتذار ووووووووووو تاخد جميع المواقف المكفوله ليك عرفا وذوقا وتنظيما ووووو

لكن تخليها عشان تتحول (لموقف من كل الناس) وتسقطها على كل ما يجمع الناس هنا .. اعتقد انك بالغت فوقها شويه
ولو كنت (ما منقطع) ياعمر
كان مارست حقك واعترضت على ترشيح يوسف .. ورشحت غيره



...................
اتمنى صادق انو اشوف يوم فى سودانيز اون لاين .. نقد من اجل النقد ومن اجل المصلحه العامة

وضّاح يا حبيب..
شكراً للتعقيب..
وصدقني (أو ما تصدقني) ..بس من البساطة بمكان أن تكتب وتتخيل ما يحدث بدون تتابع وتقرأ ..وبدون قالوا وقلنا وسيرة البورد..ببساطة لأنو الشوفتو سنة 2004 بيشبه الشوفتو سنة 2006 بيشبه الحصل سنة 2010 وعليه ما ح يختلف عن الحصل في 2014 ..الوجود ولمدة عشرة سنوات كعضو في سودانيز ما بيحتاج المتابعة الدقيقة ..سودانيز بتجي تركب من أي حتة وح تركب صاح لو كنت زول مخضرم عالم ببواطن الأمور ..تفتكر علي الحاج لمن قال ليهم خلوها مستورة قالا ساي؟؟ علماً بأنو علي الحاج قاعد في المانيا من سنة قفا نبك عييييك.. عشان كده قلت ليك يا الحبيب ما يحدث الان مؤتمر وطني مصغر وحكومة كيزان ..ما عليك إلا أن تشوف كيف يدار السودان الان وتسقطه وانت مرتاااح البال دون عناء على لجان بورداب الرياض وده ببساااطة لأنو العقلية السودانية واااحدة ما عشان معناها بورداب الرياض كيزان نوووو..كلنا بنتشابه وأسسسة لجنتي الحا أعملا دي ح تكون بنفففس عقلية اللجنة الموازية وبنفففس إدارة المؤتمر الوطني ..
نحن سودانيين يا عمّك حاجاتنا بتتشااابه وكلنا كتاب مفتوح لي بعض ما محتاجين كبير عناء عشان نقرا ما بداخل النفوس ولا نحتاج لي علم الغيبيات ..
صدقني يا وضّاح الموضوع ما بيحتاج كوتات لضبطتي وزنقي بي عامل ما متابع وتراكا متابع وعايز وما عايز ..وما بدورك ولا بحمل براك ..
الموضوع أبسط من كده بي كتييير ...تكفيك جلسة واااحدة ذات زواج أو ذات عزاء أو ذات سماية (يا قول فيصل) وبدون ما تدخل أو تستدرج زول ..فقط الجلوس ثم النظر والإستماع وأنت تعرف الفايتك في خلال سنوااات ...

طيب يا وضاح عشان أجيك تاني لي قصة مافيها ليها داعي .. ومصيري .. و مؤهلات خاصة ..

مافيها ليها داعي لأنو ده اللي نادينا بيهو من زمااان يا جماعة ما تدو الأمور أكتر من حقها .. خلونا نتلاقا نتونس ونضحك ونفرفش ونبقا مارقين ..أووعكم من تعالوا نعمل لجنة وتعالوا نعمل شيرينق كل شهر وتعالوا نجتمع لعمل الخير لأنو الشيطان شاااطر وح يعولقكم وح ينفخكم نفخة كبيييرة وكضابة ..وقد كان ..شربكنا روحنا في حاجات ما عندنا بيها دخل..ننبز السفير تااارة..ثم ندعوه لإحتفال تارة..نعمل مسابقات لي تقييم شعراء وكتّاب في حين تلقى الواحد خريج متوسطة أو إبتدائية ..نتكلم والواحد مننا تلقاو بيخاطب الناس ويقول ليك :
والله نحن كمثقفين !!! وهو لو بالغ بيكون قرا صفحة مية كم اربعين ولا هي كم ما عارفا بتاعت الطيب صالح لمن بيوصف كلام المرا ديك وهي بتوصف فحولة راجل إبان مراهقته..

تحول لي مصيري لأنو طالما الناس قررت الحاجة المافي ليها داعي اتعملت وبقوا فيها ناس بيتكلموا بي إسمنا يبقا لازم يخافو فينا الله ..لأنو لما بي مزاج أفراد يتم تكريم زيد وعبيد وما يتم تكريم فلان وعلّان يبقا ده مصيري..
البيخليهم يكرمو أبو عركي هو نفسه الممكن يخليهم يكرمو شنّان بتاع أماه لا تجزعي..
أها مؤهلات خاصة دي انا فعلاً فيها واااضح وصريح ..كفانا الشايفنو في الهلال ..ويوسف السماني ده واااحد من الناس كان عندو رأيي في إنو يرأسنا البرير وربما حالياً الكاردينال بسس ضعف مؤهلاتهم ..أها الشغلة لو بقت مناصب تشريفية وفيها زيارات لي كبار شخصيات وفيها فعاليات فلازم يجيبو ليها زول مؤهل ..مؤهل مؤهههل ..ااااي مييين إت تمااماً ..

ههههههههههههههههههه غايتو أنا مصر أنه بوست جميل وممتع

لكن يذكرني بثمرة اللالاوب .. مرة تجيك حلاوة ومرة مرارة


كدي تعالو نقلبها من الاول من العنوان

الشي المعهود في عناوين الاحداث المشابهة

الرابطة الفلانية تختار لجنتها التنفيذية وتوزع المناصب

وداخل البوست فلان رئيسا وفلان كذا الى آخر المكاتب

السؤال هو لماذا أختير عنوان البوست بهذه الطريقه يحمل الاسم الرئيس ؟

Quote: السؤال هو لماذا أختير عنوان البوست بهذه الطريقه يحمل الاسم الرئيس ؟

درديري يا أخوي
عنواني دا ما ظنيت فيهو خطأ أملائي! أنت شايف شنو؟

Quote: حكمة قيلت بالارشيف قديما . العلم نور والجهل انور

يا ماسورة بورداب الرياض

في منتصف السبعينات جسلت في المدرسة صبي يافع اتعلم وكان المعلم هو انور التكينة فهو معلم قبل أن يكون صحفي ووصفك له بالجهل سب يلحقني أنا تلميذة وبقية تلاميذة

رغم أنه مؤسرة بورداب الرياض بهذا الماسورة شيئ ما جميل وما عجبنا ليكم يا بورداب الرياض لكن برضة من ناحية تانية ما مشكلة كبيرة ولا خطيرة لانه ان مشى وجا ما ماسورة كبيرة وضررة بسيط جوطة وشتايم وقنطروة بورداب الرياض عشان يتشلت الكارثة والمصيبة الحقيقية كان تكون لو جابو لينا ماسورة المجاري عشكوبي رئيس والعياذ لله

وبرضه أحسن من غيرهم خليهم يجي يشوفوا هنا في الامارات في شلة ما ناقشين حاجة عاملين ليهم جالية ونادي ورئيس بورداب رجالة كدا ووجهاء وأمين أمانة وامين عام وأمين غرق وتشرمية مليون لقب من الوهم وفي الاخر هم زاتهم شكلهم شنو ما بتكون شفتهم وحصادهم جعجعة وبيانات من الهراء وهم عايشين الوهم

أشكر الأخ عمر الفارق لتوضيح الجانب الخفي لهذة المؤسرة التي عجز بورداب الرياض عن تفسيرها

أنا قلت قبل كدا أنه ناس السعودية في حاجة بتأثر في نفسياتهم بتخليهم يبقوا غريبين يخلبطوا مبادئهم ويقدموا علاقاتهم الشخصية على المبادي وعلى الحقيقة وعلى المنطق وعلى أي شيئ كمثال معاوية عبيدالصائم زول كذاب ومجرم وبهات وفيه كل الصفات السئية وتلقاه بعمل في الحاجات الكعبة ينبري ليك واحد يقول ليك معاوية زول ضكران وكريم وانا مشيت بيتو واكرمني ، كفاية معاوية يكون كريم في بيتو لكن بعد داك يسوي الدايرو ويحبوه ويحترموه ويدافعوا عنه

مثل تاني يعني مثلا مع أحترامي للأخ الكبير أبوجهينة ودا مثل مضروب مني فقط للتوضيح ما للتقليل من شخصه يكون لمن ابوجهينة مريض يوسف السماني بعودو ولمن يجي العيد بتصل عليه عليه او يرسل ليه مسج ولا يقصدوا في غرض بقضاهو ليه يقوم يشوف يوسف السماني دا احسن زول ويعتبر الكوجين والعواسة البسوي فيه ما شيئ يهتم بيه يقوم بي خاطرو هو كمان يجبر الباقين وقد يكون من شايف انه يوسف دا ماسورة لكن عشان خاطر ابوجهينة الما بقصر معانا نقبل بي يوسف رئيس وهكذا

لكن المنطق والحقيقة والشيئ الطبيعي أنه رئيس بورداب الرياض من المفترض أنه يكون شخص مقبول للجميع وشخص عقلاني وذو بال وخبر مش عشان ينال رضاء بورداب فقط بل على جميع اهل البورد وفي الرياض ناس كتار بتصفوا بي الصفات دي وما بتصف بيها يوسف السماني

ودا قولي ونصيبي في الديمقراطية وزي ما قالوا ليكم مدام جبتوه هنا استحملوا قداديمنا

عمر سلامات يا زول يا رائع

ياخي زي ما ذكرت إنت فوق إنو نحن بنجي داخلين هنا عشان نقضي وقت فراغ و نطلع.....يعني كل واحد بفتش للموضوع البسليهو ....

أها ...أنا بحب أقضي وقت فراغي في الكورة ....يعني بفتش بوستات الكورة وين....لما ما ألقي بقوم بفتح بوست عن الهلال......قبل فترة جابو الكاردينال رئيس للهلال و إنت سيد العارفين

أها قمت خليت الكورة و التشجيع و الهلال ذاتو.......كاردينال شنو البيرأس الهلال.....مافي 5 شهور والله الزول دا حيرني عديييل......يوم قالو عايز يتكلم في التلفزيون....والله مابعرف اخر مرة فتحت تفزيون سوداني متين....المهم فتشت القناة وين و حضرت اللقاء .... لقيت ليك زولي ذاتو....حيرني شديد....كلام جميل جدا و منطقي جدا ...وإنجازات رهيبة في فترة وجيزة.....

أنا ماعايز أدافع عن بورداب الرياض و لاعن لجنتهم كان ديمقراطية ولا كيري لأني مابتذكر اخر مرة مشيت عليهم متين....ولأنو هم برضو ماهينين ...عندهم جناحات و ليبرو و صانع ألعاب خطرين...لكن بقول ليك كدي أدي أخونا يوسف دا فرصة....يمكن يطلع لينا كاردينال جديد ...ويمكن يبدع كمان

عموما ما أعيبه علي الاخوة في بورداب الرياض هو إنو في حاجات كتيرة مفروض تكون شأن داخلي و ماتجي تتعرض هنا ...عشان ماتجيب الهوي لأي زول بيكتب في سودانيز أونلاين و من سكان الرياض

غير إنو قصة إنتخابات قانونية ولا ما قانونية... و نصاب مكتمل ولا لأ ..و توقيت دوري ولا لأ ...دي برضو غير منطقية يعني ...كان ممكن جدا يضيفوا العايزنو و يشيلوا العايزنو من اللجنة بدون السيريموني دا و في صمت....مافي زول كان جايب خبر.

عموما تحياتنا للاخ يوسف السماني و نتمني أن يقلب الطاولة.....


شكرا يا عمر وانت زول كتاب و مدهش


أتمني أيضا ظهور صديقي الودود حميدة....إفتقدته حقا


علي جنب : عايز لي عشرة ونسة عن الهلال معاك ياخ

تحياتي

الابن و ( الاخ ) عبد العزيز حسين .. عشان الكتوف اتلاحقت

Quote: في منتصف السبعينات جسلت في المدرسة صبي يافع اتعلم وكان المعلم هو انور التكينة فهو معلم قبل أن يكون صحفي ووصفك له بالجهل سب يلحقني أنا تلميذة وبقية تلاميذة

تسلم يا حبيب ، و الود كميات نكشحها عله يعبر عن فخرى بكم .. غرساً رعيناه فاستوى ..
بوركت و بمثلكم نرفع هاماتنا

الحبيب عمر الفاروق

أسعد نهارك بكل خير،

Quote: واضح جداً إنو بورداب الرياض يشهدوا حالياً فترة إنقسام وصراع داخلي (شللي) بين ناس فلان وعلّان

الشللية أمر مرفوض في العمل العام وهذه العبارة قلتها في بوست الجمعية العمومية فهي (عبارة إستفزازية) ولانني أنسان أومن بما أقول ظللت أرردها في كل مداخلة
رغم إمتعاص الجميع وأحب أن الفت نظرك هنا بأنه لم يقف مع رأيي أي شخص فيما رميت إليه وحتى أنت لم تذكرها هنالك وأنا حقيقة لم أكترث ولم أهتم وما أزعجني حقاً
ذكرك لها في هذا المقام .. الشللية لا أحد ينكر وجودها في أي مجتمع أمر طبيعي ولكنها غير محببه طالما المقام مقام (عمل عام) وعن قناعة بأن مثل هذه الظواهر من السهل
التغلب عليها ليس (بالإحتواء) وأنما ببمارسة الديمقراطية .. بإختصار العمل العام برئ من تلك الإنقسامات وأعدك بأن تلك الصراعات والإنقسامات ستبقى ناراً متاججة
بداخل نفوس من أشعلوها فقط .. فالصفاء والنقاء ديدن الأنقياء

Quote: بس وجعتني وشدييييد وبكل أمانة طريقة تكوين اللجنة وأستفزاني جداً جداً إنو يكون كمان رئيس اللجنة يوسف السماني ..

أسمح لي بأن أقول لك هذا نموذج صريح لمناهضة الديمقراطية … الا تتفق معي؟
رئيس شرعي جاء من خلال ديموقراطية هي سبب كل هذا المهاترات....!!!
حسنا ...وهل يا ترى لو قلنا بالدكتاتورية سنحصل على الرئيس الفاضل ....!!!

Quote: انا شخصياً ح أمارس كل ما أوتيت من لاح الحجة والقلم لحدي ما يتم إعادة إنتخاب رئيس تاني غير يوسف السماني لأنو ما بتقبل فكرة إنو يتم تعيين رئيس فقط لمجرد حلفان طلاق.

وستحرص اللجنة لممارسة الديمقراطية، لذا كن قريب وفعال وما ضاع حق من خلفه مطالب

Quote: أما المضحك في الجوطة دي كلللها فهو معتز زيزي ...صورة طبق الأصل من أولاد الصادق المهدي وأولاد الميرغني والجماعات المسلحة من ابناء دارفور.. زول جا شال حقو قلع ..سعى للسلطة ففهموها جهابزة لجنة بورداب الرياض ..وهنا وللأمانة يجب تهنئة اللجنة لإمتصاص معتز زيزي بصورة أدهشتني انا شخصياً ووالله صفقت بدون ما أشعر ..

أن تكون حراً ومستقلا يعني أنك تدفع ثمناً غالياً لمواقفك وتظل تغضب الكل تقريباً لأن كل طرف يريدك في صفة فيغضب حين تخالفه توقعاته ..
وأضيف لك معلومة جديدة أول ما حضرت إجتماع الجمعية العمومية لم يتأنى البعض للهمس في أذني بعبارة (الرئيس المرتقب) ..
قبلت بالإنضمام لهذا الصرح عن قناعة وبدواخلي تحدي لتقديم كل ما أملك لأنني أؤمن بأن (الأمل) هو الصديق الوحيد الذي لا يطرق بابي
لكنه جالس وسط هذا التجمع وسيفتح أبوبابه لنا بمجر أن يلمحنا مقبلين لأن النية شرط لمعنى العمل ومآلاته ، أما الأمل فهو في انفتاح النفس إيجابيا

Quote: معتز زيزي وضح من خلال ردوده في بوست الإنتخابات إنو ساعي تماااماً للدخو لي اللجنة وغلفها بثوب النقاش الواعي والمتحضر وذكر كلمة ديموقراطية زي طفشطاشر مرة كده .. الدليل بسيييط وما محتاج إجتهاد فبمقارنة عدد وحجم مداخلات معتز زيزي قبل الانتخابات في بوست لم يكتبه هو مع بوست ما بعد الإنتخابات في بوست كتبه هو لأكتشفت إنو (الزول بعد ما ضمن) أصبح زاهد في الردود ..وأوووعو من قصة بعض المشاغل جعلتني لا أرد ..

أحب الكتابة لدرجة الثمالة، أومن بالنقد في جميع أشكاله وبما أنني صاحب هذا البوست فأنا ملزم فقط بالرد على أي نقد إيجابي على الرغم من أن اللجنة لازلت في نقطة الإنطلاق،
للناس أن تدعو لنا بالتوفيق ولعل عبارة آمين تبقى همسة بشفايفنا ونبض بقلوبنا وغير ذلك أرفض أسلوب الشتم والسب والتقليل من قيمة الرجال ولعل الله تعالى خلق الإنسان عزيز ومكرم
فبأي حق ننتقص الناس حقوقها، الإساء والتجريح ليست تعبير عن رأي كما يعتقد الكثيرون وهذا الشرط لي أخلاقي للرد على المداخلات لذا فلن أتيح المجال لأحد أن يستفزني فبذلك سوف
أعطيه سلطة على أدق مشاعري، بإختصار أحب الإختصار والتعبير عن الرأي في أقل السطور وأكره المجادلة واللغو ، وأؤمن بأن الرأي يطرح ولا يفرض

همسة: تجمع بورداب الرياض بدأ لي بعد رؤية كثير من المداخلات هنا وكآنه خروفا بتهافت الجميع لياكل من لحمة ظهره. !

لك مني جل تقديري وأحترامي لنقدك قبل شخصك

أخي الفاضل رئيس اللجنة المنتخب
إخوتي أعضاء اللجنة المنتخبون
لكم التحايا ولكم الأمنيات بالتوفيق وتحقيق
تطلعات قاعدة بورداب الرياض .. كنت
أتمنى أن أكون بينكم في ذلك اليوم التاريخي
ولكن حالت الظروف دون ذلك .. عزائي
أن "الجايات أكتر من الرايحات" والتحية
والتقدير أيضاً للجنة السابقة .. وعلى أتم
استعداد للدعم بكافة أشكاله .. بالتوفيق ..

Quote: استعداد للدعم بكافة أشكاله .. بالتوفيق ..

أخي بابكر قدور
بلا شك حضوركم وتواصلكم هو أكبر دعم تقدموه لنا ..
نطمح في كيان كالبنيان المرصوص في محبتنا ومساندتنا لبعض

كن بجوارنا

الأخ معتز زيزي..

زمااان في الكمبيوتر قرونا حاجة إسمها ال IF Condition (مرر لي حتة الإسبيلينق أخوك إنجليزيو حبة).. أها في ال إف الشرطية دي في حاجة إسمها AND وعليه ليتم تنفيذ ما بداخل الإف كونديشن لازم كللل الشروط تتحقق متى ما تم إستخدام AND.. وده ببساطة بيعني لو وضعنا مليون شرط إذا تحققو حينها مثلاً يتم تنفيذ الشرط.. أها في AND الأستاذ كان بيقول لينا ما تتعب نفسك وأديها نظرة سريعة في الشروط ولو لقيت شرط وااااحد غلط فما تتعب نفسك تختبر باقي الشروط لأنو وببساااطة شديدة لن يتم التنفيذ ..
أها يا حبوب ديموقراطيتكم دي أنا إشتغلت معاها بي بوابة AND ومننن أول شرط لقيتو ضارب ما حبيت أعاين لي باقي الشروط ..
رئيس تم ترشيحه بي علي الطلاق وليس بي إرادته يبقا أووول شرط في الديموقراطية نفّس..طرشق.. ببح..ديموقراطية نهي زندقي فرانسيس كيس ميس..زول قال ليكم انا ما داير وما قادر وأدو فرصة لي غيري تقومو تحلفو عليو طلاق وتجيبوهو وتقولوا ديموقراطية ؟؟ أجججي يااا البرقش؟؟؟
يبقا كده يا حبوب أنساني من قوشوقراطية دي لأنها بالجد في سودانيز إستخدامها بيعمل لي وجع في كنكوجي..

نجي لي قصة الخروف واللحم ..وقد لا تدري يا معتز كما قد لا يدري بعض أعضاء اللجنة إني وبحسب القوانين القاطعنها نحن كبورداب من كنكوجنا وشغالين نفعّل فيها ونلغيها بي مزاجنا فأنا عضو أصييل في اللجنة السابقة وربما أذهب بعيداً وأقول ليك عضو أصيل فيي لجنتكم الحالية لأني وببساااطة شديدة تم ترشيحي والمصادقة على أن أكون (لو ما خانتني الذاكرة) السكرتير الثقافي أو شئ من هذا القبيل ..يلا لأني وبصراااحة ما متابع فما عارف بعد داك انا شالوني ولا خلّوني في دورات لاحقة لأنو ببساااطة ما جاني أييي خطاب رسمي بالإيقاف أو الإستبدال لكن ياااهو زي دي كده نسمعو كلام في منتدى بتاع إنتو ..
وللأمانة ولأني غير أهل لهذا المنصب ولأني مااا زول شغل لتفضيلي لمشغوليات تانية عن فعاليات البورداب الثقافية والسياسية البيقيموها فما زعلت ولااا كورت ولااا دقيت جرس لأنو ببساطة لو لاعب الهلال ضد النجم الأحمر أربجي وفي نفس الوقت في فعالية بتاعت تكريم أبو عركي فبكل تأكيد وانا مغمممض حا أقعد أحضر كورة الهلال ..
شوف يا حبوب أديك الزيت زي ما بيقولوا ..وانا وأعوذ بالله من كلمة انا لا طعّان ولا لعّان ولا فاحش ولا بذئ لكن بفترض إنو زول بقول الحاجات بدون تغليف ..كلللنا كبورداب ي الرياض ومننن ما انضميت لي سودانيز ده بعرف زول واااحد بيشتغل بتجرد وطيب خاطر ونقاء سريرة بدون منّ ولا أذى إسمو معتصم دفع الله ..لاحقاً مع العضوية الجديدة إنضمّ ليهو إسماعيل معاهم أيمن دياب .. التلاتة ديل ناس هميمين شغل وهمهم الأووول والأخير يخدمو الناس من أجل خدمة الناس وجايين على حساب روحهم ووقتهم وأهلهم وحاجات كتيييرة ..في زول تاني شوف عيني بيشتغل بغض النظر عن اللغط والمشاكل البتحصل اثناء تأديته للعمل وهو حميدة ..حاجات كتيييرة أنجزها للبورداب برضو على حساب شغلو ووقتو والغريبة إسمو ساااي في وليد دارفور ما جبتوهو مع إني انا كنت شاهد قبل سفري إنو كان من المعسكرين في الفعالية دي وجرى فيها جري الجن ..الناس ديل انا شوفتهم شوف عين بيشتغلوا عدييييل بيجرو وبيتعبو وبينجزو أي حاجة توكل ليهم ..
اها نحن الباقين ديل بنجي نلقاها جاااهزة أولهم انا عمر ده بجي زيي وزي أييي ضييف متى ما سنحت لي فرصة سواء في فرح أو كره ومرات أقعد انظر ومرات أقعد أشاتر ثم عادي وانا لا أتحرج من ذكر الاسامي ابو جهينة ما بيتعب صاح ممكن يتسخدم بعض من علاقاته متى ما أراد ذلك لكن مااا زول جري .. نفس الحال ود الباوقة يجي يهنا يفوركم ويوتركم ويشاغلكم وأبشروا لكن متى ما تعارض الشغل ده مع مشغولياته زاغ وأداكم إعتذار بكريتو ..طارق نقد لاحقني (عامل لياقة قميصو الكبيرة دي) زول ما جادي وأحسن زول ضارب الهم بالفرح ..خالد سعيد زول بتاع عرضة وجلاليب ملونة ساي وبيحب البهجة ما زول جري برضو..يوسف السماني بحب المايك زي عيونو ومتى ما كانت هناك منصة وطاولة مستديرة تجد يوسف السماني ...
تمبس برضو من حزب البهجة مااا زول جري ..أحسن زول بيحب نومة العصر وما بيلعب في راسو متى ما وجد حجر شيشة ومزيكا ما ليو بي وجع الراس بتاع دفعناوفي ناس في باقي اللجنة كانوا ناس مسالمين رايقين ما ناس شدايد وكوراك دبلوماسيين ..
في ناس مؤثرين جداً وعاجبني بي قوة شخصيتهم الفارضنها على كل لجنة سواء بقصد أو دون قصد صلاح شتات ومحمد الشيخ..رغم إنو الإتنين ديل ممكن ينقطعو عن المنبر واجواء المنبر بالسنين لكن ماف لجنة إتكونت إتجاوزتهم أو ما حاولت تستميلهم إما بالإنضمام أو بالمشورة وسماع رأييهم بقوة بل في كتييير من الأحيان بيدوهم يديرو الفعاليات مع يوسف السماني ..
حبيبنا محمد الحسن الشايقي ده غايتو مخلّينو للقرأن مع كل إفتتاحية وكل زنقة في السفارة ..
في ناس ما مؤثرة واللجنة بتتاعمل معاها ك 100 ريال يتم تحصيلها اثناء الشيرينق..في وهمة تانية إسمها اصدقاء البورداب..الواحد فيهم بيدوهو مساحة أكبر من مساحة أييي بوردابي تاني وده لو جينا للمنطق بعيداً عن العاطفة ما صاح ..وبرضو مثال بسيط ..ما يجده مصطفى شحرفان مثلاً من تقدير أكتر مما يجده عبد الرازق الطالب سواء من حيث القبول والترحاب والمعاملة ...ماف حاجة إسمها أصدقاء بورداب.. في بوردابي بيكتب في سودانيز وفي زول ما بيكتب في سودانيز ..
العنصر النسائي ومااا أدراك ما العنصر النسائي ..فجأة ومع موضة حقوق المرأة قامت اللجنة أصصرت إنو يكون في عنصر نسائي مع إنو ظروف البلد دي بتخلي من الصعوبة بمكان يكون في اللجنة في عنصر نسائي ...
في ظل ظروف كتيييرة وتداخلات كتيييرة فقدت لجنة بورداب الرياض البوصلة وبقت ما عارفة هي منو وعايزة شنو ولييي وبتيين وكييف..للدرجة الخلتهم يلخبطو ما بين فعالية وبيت عزاء ..وبين لمة أسرية وإسبوع ثقافي..بل وصل بنا الحال إنو الزول يكون عندو مناسبة زواج من الردجة الأولى يقول ليك ياخ ما جيتني مالك انا نزلت الدعوة في البورد!!!!!!
أو تكونوا في لقاء تقديم عزاء لي عضو فقد عزيز لديه وفي النص الفاتحة تسمع ياخ شوفتني دقيتو ليك في بوست عزاز شامي كيف؟؟ لالالا شوفت انا قلت لي تراجي شنو ؟؟؟ يا زول والله اساسي الليلة كاتب ليو بوست داقي ليك فيو الرفاعي حجر دق العيش ..الفااااتحة يا أخوانا الفاااتحة ولا الضالين ااامين ..أسمع رسلت للخير صورك عشان اللوتري؟ شايفو نزّل بوست..


تخريمة :
يا حليلو عبد الرازق الطالب مرة وليد 399 الله يطراهو بالخير جاب أمو (عليها الرحمة) زيارة الرياض ومشينا نسلم عليها كلنا..عبد الرازق الطالب سلّم عليها ولمن ما سلّمت عليهو بي إسمو إستغرب..قال ليها يا خالة شكلك ما عرفتيني ؟؟ انا عبد الرازق الطالب بتاع سوادنيز ... :D

تحية لكل القراء و المتداخلين الأفاضل ..
و تحية و احترام لبورداب الرياض ..


( 1)
( تباً لك كرستيانو ..
قلبي الصغير لا يتحمل ..
لماذا عرقلته خوسيه ؟؟ )

تذكرت إعلان سنكرز الظريف هذا ..
و الذي يشئ بـ وهمة ما ..
و أنا أقرأ مداخلة أخانا الفاضل ..
الريس / جلال داؤود ( أبو جهينة ) ..
التي كتبها تعقيبا على ما كتبت أنا و بعض الإخوة هنا ..
و قال فيما قال فيها ..

Quote: هذا بوست مهم جدا فقد عرفنا من خلاله من كان يضمر ما يضمر ثم دلقه هنا عن بورداب الرياض الذي استغربه هذا التحامل من الاخوة انور التكنية عصام دهب فيصل الرشيد

فضحكت وضحكت ..
ثم ضحكت تاني ..
وأستغفرت إلهي مالك روحي ..
ثم قلت ..
لا حولتن!!
ماذا حل بأبي جهينة ؟؟
فلا بد أنه حينما كتب ما كتب ..
حتما لم يكن هو كما عرفته..
أو ربما لم يأخد سنكرز ..
أستاذ / جلال و كما قرأت ..
كتاباته المتزنة ..
و كما شنفت إضنيني ..
بسماع صوته الهادئ الوقور ..
حيث تحادثنا مرارا ..
و كان الرجل دوماً يجبرك على إحترامه ..
فما بال الرجل ..
و قد تغير فجأة لمجرد قراءاته مداخلة لي ..
أجزم أنه قرأها بعيني سخط يتطاير شررهما ..
ثم أمتشق سيفه و أغمض عينيه ..
وخلع عنه ثوب الرجل الوقور ..
و نزل الميدان و كأنه حميدان ..
و حميدان الذي أقصد ..
من النوع العادي بجليها واقفة ..
و لما الله يوفقه و يشوت ..
ببشوت ضفاري ..
و هكذا فعل الرجل ..
فجعل يوزع الإتهامات مجاناً ..
و يلصق بي فرية أنني..
أضمر ما أضمر ل بورداب الرياض ..
و أتحامل ..
فيا أخ أبا / جهينة ..
حنانيك ياخي ..
روق المنقة ..
و كورة واطة ..
فبكل بساطى ياخي ..
دة ما أنا يا حبيب ..
قد أجد الوقت أحيانا ..
للدخول و الكتابة هنا ..
لكني و الله لا أجد وقتاً ..
لأضمر ما أضمر ..
أو حتى لأفكر كما تظن ..
في ..
بورداب الرياض ..
مالي أنا و مال البورداب ..
وليس بيني و بينهم غير الإحترام ..
و لماذا أتحامل عليهم ؟؟
ليه ؟؟
يا أخ أبا جهينة حيرتني و الله ..
فـ ( إنتا مو إنتا و إنتا بتكتب برة من رأسك .. )
خد لك صنة ..
و شيل نفس ..
و فكر مليا فيما كتبت ..
و فكر تاني ..
و بعدها ..
و لا أريد منك إعتذارا ..
و لا أي حاجة ..

ـــــ
و إن مد الله في الآجال سأعود للأخ الشفيف فـ حكايتو حكاية ..

Quote: أها يا حبوب ديموقراطيتكم دي أنا إشتغلت معاها بي بوابة AND ومننن أول شرط لقيتو ضارب ما حبيت أعاين لي باقي الشروط ..

أخوي عمر الفاروق
(العمومية) ليست استثناء .. من نشأة الإنسان الأولى وهو دكتاتور ، الديمقراطية استثناء ،
وتبقى هي افضل وسيلة متاحة، لنكون أناسٌ استثنائيين أن لم يكن الأمر يضايقك

Quote: يبقا كده يا حبوب أنساني من قوشوقراطية دي لأنها بالجد في سودانيز إستخدامها بيعمل لي وجع في كنكوجي..

يا حبوب: لقيتك زول كنكوجي .. براحة علينا
من تتفق معه في الاراء ليس مكانه سودانيز أونلاين"، تستطيع ان تناقشه مع فنجان قهوة،
النقاش في المنبر فرصة لمن تختلف معه وخارجه لمن تتفق معه ، الاسفيرية قد لا تمثل الواقع في كثير من الأحيان

Quote: فأنا عضو أصييل في اللجنة السابقة وربما أذهب بعيداً وأقول ليك عضو أصيل فيي لجنتكم الحالية

سبق وقلتها في بوست الجمعية العمومية: كل من يملك حق العضوية والإقامة هو عضواً في هذا التجمع
وكلنا عشم في تفاعلك البناء نحو التغيير والتجديد وإضافة ما يخدم المصلحة العامة فلم نأتي لأقامة العلاقات الشخصية
في سن ما بعد الأربعين جئنا من أجل جمع شمل البعيد والعمل بروح الجماعة من أجل مجتمع سليم ومعافى

Quote: وانا وأعوذ بالله من كلمة انا لا طعّان ولا لعّان ولا فاحش ولا بذئ لكن بفترض إنو زول بقول الحاجات بدون تغليف .

لحدي هنا أنت زولي ديمقراطي بس ماخد لونك ...!!!
أها التغليف دا ما ممكن يكون حظ أخيك منها ثلاثة:
إن لم تنفعه فلا تضره، وإن لم تفرحه فلا تغمه، وإن لم تمدحه فلا تذمه؟
عشان نقدر نفرق بين الشفافية والتعدي .. أها في دي عاوز أسمع فيها رائك

Quote: .كلللنا كبورداب ي الرياض ومننن ما انضميت لي سودانيز ده بعرف زول واااحد بيشتغل بتجرد وطيب خاطر ونقاء سريرة بدون منّ ولا أذى

بورداب الرياض هو (كيان) دون ذكر لأسماء فيهم من عملوا بإخلاص ونكران ذات وتجرد في عمل بلا شك لا يرجون منه شكر الا من الله العلي القدير
هم من أسسوا لنا ركائز هذا الكيان العملاق، يذهب الأفراد ويبقى الكيان والعمل العام عداد حسنات لمن يهبون أنفسهم للخير
وعداد سئيات لمن هم دعاة فرقة وشتات .. فمن أراد المنصب فلن يجد غير كرسيه ملتحدا .. ويبقى الخير في أمتي إلي يوم القيامة

Quote: في ظل ظروف كتيييرة وتداخلات كتيييرة فقدت لجنة بورداب الرياض البوصلة وبقت ما عارفة هي منو وعايزة شنو ولييي وبتيين وكييف.

يا حبيبنا:
الإنسان منظومة أخطاء...لكن العبرة في كيفية الاستفادة من هذه الاخطاء. البوصلة الأن فيأ يدي وأيدك
والمجال متاح هنا عبر إعلان فكر جديد قبل إعلان لجنة جديدة إستنادا لارث ذاخر أسس قواعده رجال قدموا لهذا الكيان الغالي والنفيس

يا عمر الفاروق: لايجب رفض الحداثة لانها من انتاج الاخر. يجب التمييز بين الاخر والفكرة. فيجب ان نُعَرف الذات باستخدام الفكرة،لا عن طريق رفض الاخر
أفكاري وأفكارك مجازة إلا أن يتم رفضها وأيدي في أيدك وخطوة خطوة من أجل تجمع يسع الجميع


خالص ودي وتقديري

اخي الجميل جدا معتز زيزي
اقراك بتمعن وبمتعة
وبكل امانة
انت مكسب للمنبر قبل اللجنة
وهنيئا لنا بلجنة انتخبناها برضى وقناعة تامة

معتز يا زيزي..
بما اني نسيت الكووت بيسوهو كيف للني طوولت من كتابة هنا فما ح اكووت ليك كلامك لكن ح ارد بحسب ما اسعفتني الذاكرة..
انت بتنادي بالتغيير وفرصة الاصلاح وبتقول لي يدك معانا وانت بادي غلط؟؟؟؟
انا وريتك فووق البداية غلط وما بني علي باطل فهو باطل مش؟؟
يعني دخول يوسف السماني لي اللجنة ده اووول خنجر تم غرزه في احشاء الديموقراطية..انت مفروض كزول واعي ومنادي للتغير طوااالي تقول ليه شكر الله سعيك وما قصرت..وزي ما قبلتو اعذار معتصم واسماعيل اقبلو اعتذار يوسف السماني..علما بانو الطلاق اولى بيهو معتصم واسماعيل ان دعت الضرورة..لكنكم وبكل أسف باركتم الطلاق بل ذهبتم لابعد من ذلك وعملتو زي ما عملت الدنمارك في كاس امم اوروبا لمن جابوها بديل قامت شالت الكاس..اسة ده دخلتوهو طلاق بقا الرئيس!!!
النقطة التانية عن اي حداثة وتجديد تتكلم؟؟؟ ما هو واحد من اسباب تكوين لجنتي عدم التجديد ده!! ابو جهينة ليهو تقريبا عشرة سنوات رئيس..يوسف السماني نفس الهو زاتو..ود الباوقة عامل زي عبدالرحيم محمد حسين من الداخلية للدفاع لشؤون الرئاسة لااافي داخل الحكومة مع تبديل المواقع..واوعك من مكنة الانتقال السلمي للسلطة ونقل الخبرات..
النقطة التالتة كلامك وتعريفك لي بوردابي الرياض كلنا عارفنو بس كييفية تطبيق ده في الواقع؟؟عندك حصر لعدد البورداب؟؟ عندك نصاب محدد لاكمال الجمعية العمومية؟؟ كم؟؟ لو العدد 200 وفيهم 150 ما سمعو بي جمعيتكم ولجنتكم دي وقامو هم كاغلبية كونو لجنتهم دي انتو وضعكم شنو؟؟
لو في عضو تم سحب باسوورد من بوردابي عضو لجنة وضعو شنو؟؟ لو في بوردابي ليهو 10 سنوات ما شارك في المنتدى وضعو شنو؟؟ لو ولو ولو..
لمن تتم اجابة هكذا تساؤلات وقتها يمكن ان نعلن عن جمعيات عمومية وانتخابات ولجان..غير كده ماف اييي زول عندو اييي حق يفتح بوست يعلن عن قيام انتخابات في الاستراحة الفلانية في الزمان الفلاني..خلوها اخوانيات عفوية بدون مسميات رسمية..
اااز سيمبل ااز ذات..

تخريمة:
انا عاييز اكوون جمعيتي ولجنتي سريع عايز الحق بيها السوق ..في فعاليات كتييرة جاية بمناسبة عيد الاستقلال فحاولوا ادونا النجيضة فيما يتعلق برئاسة يوسف السماني دي وإلا ماف زول يلومني لو مشيت فعالية بصفتي لجنة بورداب الرياض... ده ما تهديد ابدددا والله..ده حق مكفول وماف زول احسن من زول..
اللهم الا اذا فيكم زول علاقتو بي بكري كويسة يقول ليهو امسح اليوزر عمر الفاروق ( اهو فكرت ليكم في حل يريحكم مني )

السلالالالالالالالالالالالالالالالالالالالالالالام عليكن
اها البوست ده ما كنت داير ادخل فيه كلو كلو لانى كنت متوقع القاه كلو عبارات من شاكلة
خير سلف لخير خلف ...واختيار صادف اهله . وقدرها وقدود ..وبيوت شعر من نوع:
جاء يجد اليك البيعة البلد عليك بعد الله فى الخطب يعتمد..
او
بك التأم الشعب الذى كان بينهم على حين بعد منهُ، واجتمع الشمل ..
او خلافه من العبارات التى تقال فى مثل هذه المناسبات ونادراً ما يقولها الناس وهم يقصدونها
فبعضهم يقولها مجاملة وبعضهم تزلف وبعضهم يقولها على طريقة نعى الشركات لمنسوبيها وقد كان
الفقيد دمث الاخلاق حسن السيرة مواظب على عمله ، ويكون المرحوم بجى الشغل يوم الماهية وإن
شئت الدقة قل قبلها يومين تلاته بالكثير، وكنت حتى اذا دخلت سوف اكتب واحدة من اياهن، ما علينا.
ولكن عندما تطاول البوست وزاد على اربعة صفحات و بحسب تواجدى هنا منذ عشرة سنوات ونيف
(باعتبار النيف اكثر من الخمسة) احسست ان فى الامر امر جلل يتعدى ما حدثتنى به نفسى الامارة تارة
والمطمئنة تارة اخرى و الراضية المرضية احياناً واللوامة تارات..
طبعا لمعرفتى ( بالمدعى) السمانى اساسى لا اظن الرجل يريد اكثر من ان يمزح وماطاف بخياله ان
يعقب عليه كل هذا التعقيب ، وفى احسن حالاته ما فارقه معاه رفع كثافتكم حتى الى ثمانية درجات
بمقياس رختر، صادف ذلك هوى فى نفس الفارغ الاكبر عمر الفاروغ وبرضو كان حبكت معاه الطرفه
او العكننة برضو والرجل صادق بجى يتونس، يعنى الاتنين ديل كان انحنيتو لسغالتهم وما اخدتو واديتو
معاهم كان ممكن ينسوا البوست زاتو او هم كتبو شنو، ولكن لان المنبر سوق فيه الشفيفين ناس معتصم و اسماعيل
عباس الذين يعبرون فى الحياة مثل النسمة ويؤذيهم حفيف وردة ناعمة على خد طفلة باسمة ويؤرق مضاجعهم
ان احسوا بأن صاحب ود خالة جار سابع جارهم قد بات وفيه شئ من حتى غضب، كما فيه ناس حبوبين مثل
ود قاسم وابوجهينة تواخى هذه (الحبوبية) شى من جدية فى بعض حاجات الحياة المستاهلة او غير المستاهلة وفيه
الصامتون الكاظمون الغيظ ولكنهم ناطقون بوضوح فى غير ما جلافة ناس شتات و الكاردينال و فيه الدروايش
بى فهم وادب البنبزهم اخوهم والبمدحهم اخوهم ديل ناس ايمن دياب وطارق نقد وادريس خليفة وكمية من من بشر
شتر واخرون قسمة بين هذا وذاك ، كما فيه ناس الواحد جعـــ ـــز بقرة ساكت لا بكومو مع اللحم ولا بسلخو مع الجلد زى
عبوبى ابو جنزير ده ، وهذا ما اوصل البوست الى ماترون الان من الشد والجذب المحمود والمحموم والمنبوذ و
المستهجن..
الداير اقولو ياشباب كان بتسمعوا كلام كباركم وفروا مدادكم وادخروا ضرعاتكم للبلد وافهموا والذى نفسى بيده البلمكم
اكتر من البفرقكم واعتبروا اى كلام انكتب هنا لم يكن وختو الكورة واطه يرحمكم الله، يوسف لى قدام وربنا يقدرك
على التكليف وتأكد زى ما قال ابو جهينة والله بورداب الرياض ديل فى الحارة كلهم رؤساء وامناء مال ومقررين و وزراء
رى وبنغاله يتحزموا للخدمة لامن يعجبوك لى قدام،،،

حاشية ودى بيت القصيد كما يقولو فى المداخلة دى انه اساسى وعمر العفينين دهيل لازكرونى مع الكويسين لا مع البطالين
وده تهميش واجعنى بلحيل ارجوا ان تتضامنوا معى وتتندوا وتشجبوا هذا التجاهل الصريح مع انه انا حاج ماجد سوار
وزير الاوغاد ديل بما فيهم ود الباوقة نادانى زغت ( ملعون ابو التواضع زاتو )، كما اعجبنى انه ابو صلعه سيد الشىء
زاتو عمل اوكازيون واتداخل معاكم ولايفوتنى ان اكسر ليه تلج اكتر من حق ود الباوقه ممكن يا ريس؟

اها يا موج النحدسك..كل ما اجي اكتب اسمك واجيب سيرتك اقوم اتذكر قميصك الاصفر المسيخ داك وكرفتتك ام صفقا عراض قلبي بيباك..
صديق النبي فيك كان تلبس القميص ده تاني..
هي بس..

Quote: اها يا موج النحدسك..كل ما اجي اكتب اسمك واجيب سيرتك اقوم اتذكر قميصك الاصفر المسيخ داك وكرفتتك ام صفقا عراض قلبي بيباك.. صديق النبي فيك كان تلبس القميص ده تاني.. هي بس..

عمر وحات الجمعنا هنا مصادفة ووحات خوة اساسى الما عندها طعم دى انا عارف انك
وغد لكن حاسد دى جديدة لنج، ياخى ود الباوقة بجلالة كدرو فى عرس بته جاء يشد القميص
الاصفر ده انا رفضت ليه لما انت الكعييب ده،ياخى معقول تذكر حميدة ما تذكرنى؟ بالغت
والله ما باقى ليك الا تذكر حمزاوى كمان وتخلينى لوووووووووووووول،،،

Quote: انت بتنادي بالتغيير وفرصة الاصلاح وبتقول لي يدك معانا وانت بادي غلط؟؟؟؟انا وريتك فووق البداية غلط وما بني علي باطل فهو باطل مش؟؟

اخي عمر:
من الخطأ ان نسمح لإنفعالاتنا بالتعدي على حقوق العامة ورأي الجمهور بسن احكام شخصية والتشهير ببطلان ما اقر بشرعيتة الجماعة لمجرد مخالفتك لشخص او عمل ما في بيئة عمل عامة الديمقراطية فيها نهج واللالتزام بتطبيق مفرداتها العنصر العظيم فيها. عدم حضورك ومشاركتك في ترشيح نفسك او اختيار من يمثلك او حتى الاعتراض على شخص ما امر انقضى بإنتهاء موعد انعقاد الجمعية. وتلك هي الحقيقة التي استصعب عليك ادراكها.. بورداب الرياض كيان (شامخ) بانجازاته وباخفاقاته وبخلافاته بيوسف او بعيسى شامخ على صعيد كافة الاروقة لمن ابى او رضى تلك الحقيقة يعلمها (الكل) ويتقبلها (البعض) ..

Quote: النقطة التانية عن اي حداثة وتجديد تتكلم؟؟

لم تتيح لنا فرصة طرح ما نصبو لتحقيقة، مناقشة الاشخاص طغت على مناقشة الأفكار.. ساعود لهذه النقطة في وقتها.

Quote: تخريمة:انا عاييز اكوون جمعيتي ولجنتي سريع عايز الحق بيها السوق ..في فعاليات كتييرة جاية بمناسبة عيد الاستقلال فحاولوا ادونا النجيضة فيما يتعلق برئاسة يوسف السماني دي وإلا ماف زول يلومني لو مشيت فعالية بصفتي لجنة بورداب الرياض... ده ما تهديد ابدددا والله..ده حق مكفول وماف زول احسن من زول

.


يا عزيزي لماذا تقف امام باب مغلق ولا تطرق ابوابا اخرى .. الأمر أسهل ما تتوقع بامكانك الاعلان لجمعية عمومية طارئة وترشيح نفسك او من تراهم الانسب لرئاسة هذه اللجنة .. ‏وهنالك باب ثاني شرع الكثيرون في طرقه الا وهو باب صناعة العدو ، هو اساس شرعية بقاءهم وبدون هذه الصناعة تكون بضاعتهم كاسدة .

Quote: الداير اقولو ياشباب كان بتسمعوا كلام كباركم وفروا مدادكم وادخروا ضرعاتكم للبلد وافهموا والذى نفسى بيده البلمكم اكتر من البفرقكم واعتبروا اى كلام انكتب هنا لم يكن وختو الكورة واطه يرحمكم الله، يوسف لى قدام وربنا يقدرك على التكليف وتأكد زى ما قال ابو جهينة والله بورداب الرياض ديل فى الحارة كلهم رؤساء وامناء مال ومقررين و وزراء

قلائل هم من عاشوا الحكمة وصاغوها لنا في شكل مختصر
شكرًا يا موج
ستجدنا دوما كما تود

خالص ودي

Quote: الداير اقولو ياشباب كان بتسمعوا كلام كباركم وفروا مدادكم وادخروا ضرعاتكم للبلد وافهموا والذى نفسى بيده البلمكم اكتر من البفرقكم واعتبروا اى كلام انكتب هنا لم يكن وختو الكورة واطه يرحمكم الله، يوسف لى قدام وربنا يقدرك على التكليف وتأكد زى ما قال ابو جهينة والله بورداب الرياض ديل فى الحارة كلهم رؤساء وامناء مال ومقررين و وزراء

قلائل هم من عاشوا الحكمة وصاغوها لنا في شكل مختصر
شكرًا يا موج
ستجدنا دوما كما تود

خالص ودي

Quote: الداير اقولو ياشباب كان بتسمعوا كلام كباركم وفروا مدادكم وادخروا ضرعاتكم للبلد وافهموا والذى نفسى بيده البلمكم اكتر من البفرقكم واعتبروا اى كلام انكتب هنا لم يكن وختو الكورة واطه يرحمكم الله، يوسف لى قدام وربنا يقدرك على التكليف وتأكد زى ما قال ابو جهينة والله بورداب الرياض ديل فى الحارة كلهم رؤساء وامناء مال ومقررين و وزراء

قلائل هم من عاشوا الحكمة وصاغوها لنا في شكل مختصر
شكرًا يا موج
ستجدنا دوما كما تود

خالص ودي

كلام معتز الكتير دا ما قادر اقراهو كلو، في الغالب بقرأ سطر وافط سطرين،
ليس الا لانه بين بوستين انقلب 180 درجة،
فاصبح كلامه تماما مثل سيدي عبدالرحمن الصادق، يوم كان قائد قوات الامة في ارتيريا، ويوم رجع في تهتدون،
واستلم كونه مساعدا لرئيس عينة،
يازيزي كمان ماتمسك في القصة دي شديد كدة كونها تلاتية وقدها رباعي، وكونها مثقوبة الوسط والطرفين،
وكونها يعتريها الف تساؤل، ونهض من امامها الف باب، وواتساب،
ياخ ديمقراطية شنو كمان؟ ياخ كم عدد بورداب الرياض، وكم العدد الحضر؟ بعدين رئيسكن دا معاهو منافس ولَّ سكوتي ساكت كدة وبحليفتا كمان،
الرئيس العينة يوسف السماني دا، ليس له طلة رئيس، ولا كاريزمة رئيس، ولا كلام رئيس،
ولا مواقف رئيس، البغرق في شبر موية دا ليس رئيسا ابدا، ولا ينبغي له....
ياخ كتبت كلمتين في انتقاد تجمع رمضان، وجزئية الندوة تحديدا، التي كان نجمها ابو كساوي، فتامل، وتململ...
ارغى الرجل وازبد، والله استغربتا ذاتو،
وقلت ياربي يوسف دا منو كمان؟ لمن شفتا الصور وتذكرت الزول الحاضن المكرفون، بالله دا يوسف السماني،
الغريبة رد عليّ تمبس برضو، والله كلامو قمة التهذيب والموضوعية،
لكن كتابة يوسف السماني دا طلعت زي كلامو دراريب دراريب...
ولا تخلو من من واذى، واستعراض اجوف،
اها من اليوم داك عرفت حاجة، وسكت، لانو زي يوسف دا كتار، وعاد نسوي شنو،
اما كمان يقولوا بقى رئيس لتجمع شاهق، فهذا لا يمكن السكوت عنه،
نقول كلمتنا، ويوم قالوا بقى رئيس حزنت، وانا هنا بحاول انفش في الزول دا عشان ما يقوم يصدق كمان!!!!
ياخ بلدا فيها الباشمهندس طارق ميرغني، لطف وظرافة ووسامة وكاريزما وابدع مايكون،
يقدل فيها يوسف السماني، هنا تكمن الماساة او قل مطمئنا وكلها....
شكرا لعمر الفاروق وقد قال كلمات حق في اخوة كرام، هم وقود بورداب الرياض، ووجها المشرق ابدا،
تحبهم للابداع فيهم،وخدمة الناس والكيان...
هم ايمن دياب، معتصم دفع الله، طارق نقد، نور الهدى، الريس اسماعيل،
وبقية العقد الفريد، العقد الفريد دا بالمناسبة لا يضم يوسف السماني،

كدي قبل ما اسرح وانسى الزول الراقي الدكتور ياسر..
غايتو يا دوك ما حصل بادلت التلج بتلج ابرد منه لكن انت تستاهل :)
لو ما اخاف الكضب الظروف جمعتنا مرة واحدة في ظرف كان ما بيسمح نتناقش ..المهم يا دوك يا راقي..ورقيك مستمد من حبك للهلال..متابع بوست الكاردينال في اليومين الفاتو ديل ومتفق معاك في كل كلامك ولو جات الفرصة يا حبيب بجيك ...

أخوي عبد المنعم
البوست الاول كنت أحاور اللجنة وحيدا لأنني صاحب مبدا وطالبت بهذه النقاط
توسيع دائرة المشاركة بتجمع بورداب الرياض ليكون اشمل وان لا يقتصر علي شلة بعينها
بورداب الرياض كيان يمثلنا لذا طالبت باحتضان قطاع الفنانين التشكليين وكل القطاعات الأدبية والفنية
طالبت بضم وجوه وعناصر جديدة تحمل روي وأفكار مغايرة
طالبت بدستور نظامي وواضح يحدد مهام وأهداف التجمع
طالبت بتسجيل رسمي للتجمع تحت اي جهة نظامية بالدولة
طالبت بحل لجميع الخلافات ولم الشمل

يوسف السماني أكثر شخص تناقشت معه واختلفت معه في الرأي ففي كل الأحوال هو شخص وخلافي معه في الرأي ليس سبب لانتهاج العدوانية كمبدأ
ومحاربة كيان يمثلنا ،. من إيماني التام بأن الرأي يطرح ولا يفرض

حرصت لحضور اجتماع الجمعية العمومية التزاما لأنظمة العمل العام واتباعها لنهج الديمقراطية وحفاظا علي حقي الشرعي
ترشحت للجنة الجديدة وهانذا أعبر عن رأي الشخصي بكامل قواي العقلية ودون وصاية
أدافع عن مبادئ الشخصية اطرحها ولا افرضها من داخل كيان رأي الجماعة فيه هو الغالب

سوف اقتبس لك لاحقا كل حرف كتبته سابقا وأعتز بأنني انتقدت عن مبدأ دون وصاية او تعبير عن غل ادبي

وانا هنا كتبت بالواضح المو فاضح

Quote: وانا هنا بحاول انفش في الزول دا عشان ما يقوم يصدق كمان!!!!

وقد كتب معتز هذا الكلام

Quote: تعبير عن غل ادبي

يوسف السماني شنو كمان الببيتولو بغل،
تنفش في لحظتك وتنسى...
تسلم يا معتز....

معتز زيزي..
واضح انك مغمض عيونك ومقفل اضنينك وعندك طقم كلام بتقولو بغض النظر عن البنقولوا نحن..
اعمل دستورك وتعال اعمل جمعية عمومية ..لكن ترشيحات الطلاق دي ما جايبة همها..
انا كيف اجي لي حاجة ما مفهومة وما عندها ثوابت ..بتتعمل بالمزاج وذات ونسة يقرروها رهط من الناس فجأة كده..؟؟

بصراحة ربنا انا أثق فى عمر الفاروق ..

بحكم كونه كاتبى المفضل منذ سنوات واكاد اجزم بقراءة كل حرف كتبه فى سودانيز هو وملاسى ..
عمر عادة لا يستخدم لغة جادة فى طرحه وما بخش فى مواضيع جادة ويتجنب عادة سيرة الناس الما مشهورة ...
يعنى ممكن يناضم حمزة سليمان اوالموصلى فى شغلو ..
بس قصة انو يتكلم مباشرة عن ابوجهينة او يوسف السمانى او بالزات فى لجان بورداب فدا حقيقى لفت انتباهى ..
الحركة دى كان بعملا حميدة زمان على ما اذكر فى بوستات ناس الرياض على ما اعتقد ..
الشئ اللافت أيضا غياب الكثيرين من الفعالية دى بالزات .. و وجوه مالوفة حتى للناس البتتابع من برا ..
حميدة .. تمبس .. ابوحسين .. صديق الموج .. ود الصايم .. والكثيرين ممن شكلو صورة بورداب الرياض من خلال ما كان يعرض من صور هنا والعناصر النسائية دون ذكر أسم محدد ..

انا لا اخفيكم .. حركة اساسى دى اخدتا فى البداية من شاكلة بوستات امعط شخصية فى البورد او نحو ذلك الكان متلح بيها كمال عباس ... ههههه
او الشطب ليو تلاتة شقق فى فرد شهر داك .. هههه
بس أرجو صادقا ان يتم تلافى خلافات الناس ان كانت هنالك خلافات فى طريقة أدارة الامور وتنظيمها ..
كما وان أداء يوسف السمانى الى الان هادئ .. ارجو ان يستمر عليه .. او فلنقل كان عاصف يوما ما وتطورت ملكات الرجل فلما لا ..
كما وأنبه الاخ السمانى لقرأءة الواقع من جديد لان أية محاولة لتجاوز فصيل او قرووب او وجهات نظر ومحاولة السير بمن التحق بالركب ستفشل ..
تقريب الشقة بينك وبين من ترأسهم مهمة والا ستسير وحدك بشلة من أصدقائك وحتما لن يطول بك المسير .. هذا ان صدقو فيما ذهبو أليه من وجود شلليات .

مودتى.

شكراً لك أخ شازلي على هذه الكلمات في حقي..
وبما إنك أول مرة تشوفني أو تحس إني بتكلم جادي فده مؤشر كويس لي إنو الأمر جلل والموضوع ما بيستحمل المرة دي ..ودي النقطة الكنت عايز ناس اللجنة يكونوا إلتقطوها وفهموها كما فهمتها وإلتقطتها أنت..


تخريمة :
إنت قصتك شنو مع التصاوير مع الحيوانات مرة بقرة في مزرعة ومرة جمل في مطعم ..الله يستر صورتك الجاية ما تكون مع أرنب في سد الشريك..

Quote: إنت قصتك شنو مع التصاوير مع الحيوانات مرة بقرة في مزرعة ومرة جمل في مطعم ..الله يستر صورتك الجاية ما تكون مع أرنب في سد الشريك..

شرك مقسم في الدقشم

يا شباب

موضوع الطلاق

من الذي حلف به على اخونا سويف السماني ؟؟؟؟

بخصوص اخونا عمر الفاروق تم شطبه ابان رئاستي واستبدلناه بي

عبد الله داش

ههههههه

بري يا ود الباوقة يطرشني ويعمي جيراني ..
مع ملاحظة إنو انا وداش تم ترشيحنا مع بعض في ذات اللجنة اللي تم عقدها في منزل طارق نقد..
المهم دي ما الفكرة ..الفكرة في إنو ما جاني أييي إخطار رسمي بي شطبه دي إلا منك إنت أسة والله ..وده البقصدو إنو الشغلة ما حاجات رسمية لمن عايزة ليها إستراحة وإعلان ومكرفون وساوند ..
الموضوع بسييييط ..قعدة في بيت مع كيلو لحمة بيأدي الغرض تماااماً ..

بالنسبة لي سؤال الطلاق ..
الإجابة أبو جيهنة ..

Quote: المهم دي ما الفكرة ..الفكرة في إنو ما جاني أييي إخطار رسمي بي شطبه دي إلا منك إنت أسة والله

اخي الفاروق ذكرت لك ذلك من باب الممازحة فقط

لا غير

مع عظيم احترامي وتقديري

عليكم الله يا بورداب الرياض ما كان اخير ليكم كلامي الابيتو .. الحكاية طلعت ديناصورات الكتابة من قبورهم .. والموضوع جاب ليهو جحافل ..اسع اخير انا ولا مصايب عمر الفاروق الجا شايلها دي ؟
اصلا العود كان ما فيهو شق ما بيقعد يطق طق طق ..
استغربت انه ناس اعزهم جدا زعلوا في كلامي .. لو رجعوا لكلامي حيلقوا اني ما هبشت يوسف السماني دا في اي حاجة شخصية ولا اتجنيت عليهو .. اللهم قلت الزول دا من خلال شوفنا ليهو في المنبر دا اقل من انه يكون رئيس لكيان يضم فطاحلة وافذاذ ..اسع دا كلام بزعل ؟ اللهم اني قلت الكلام دا بالطريقة الواضحة بس . يا داش ومعتصم وابو جهينة ؟ وين الاساءة الاسئتها لي يوسف السماني وبتطالبني بالاعتذار عنها يا داش ؟ (داش دا انا شايفو براي لانه خصاني باللوم في مكان تاني )
انا ما عاوز ادخل في شكل اجراءاتكم او حلايفكم ولا بتهمني الطريقة الاخترتو بيها يوسف دا موضوع يفتوا فيهو اهل الرياض الادري بشعابها .. انا بهمني الزول القدمتوا لينا علي اساس انه سنامكم وواجهتكم .. ولما كنت اعلم ان الرياض تحتشد بجيش جرار من الفطاحلة الاولي بان يكونوا واجهة مشرفة حزنت ان تقدموا لنا اهونكم
اسع من خلال البوست دا بس والمطاعنات الاسرف فيها شيخكم الجليل يوسف السماني ترضو ان يقال ان الرياض يرأس بوردابها (طعان لعان ؟)
اصدقائي تداركوا امركم فانتم لم تقيموا انفسكم تقيما تستحقه كما نراكم .. ليت لكم اعيننا التي نراكم بها لتدركوا مدى الجرم الذي ارتكبتوه في حقكم ...
ثم انه يا ابو جهينة ما ممكن تكون رئيس للجنة طاشر سنة وترجع تبقي نايب رئيس ؟ من حقك علي بورداب الرياض ان يقدموك رئيسا فخريا او رئيس للجمعية العمومية او اي مسمى يليق بك وبما قدمته
انا مستغرب كيفن تختو العربة امام الحصان ودايريننا نشوف الامور عادية
اخونا زيزي صدقني انا قريت ليك اول تلاتة مداخلات ولما وجدتهن اعادة تحويل لنفس الكلمات وتقديم هذه الكلمة علي تلك في كل مداخلة بطلت اقرأ الانشاء الكبيتها لانه كلامك الكتير دا كله ما قدم اجابة علي اي تساؤل طرح هنا من الناقشوك .. ويبدو انه ما عندك اجابات زاتو .. بس النصيحة لله انت كويس في الانشاء والاملاء .. بمناسبة الاملاء دي عليكم الله ارجعوا لمداخلات الرئيس في البورد انا علي يقين انكم حتقرروا اقامة دورة تدريبية في الاملاء والنحو للرئيس عشان يطلع جمل مفيدة وكلام يُقرأ .

والله يا أساسي انا ما مضحكني في الفيلم ده كلللو إلا طريقة يوسف السماني الفجأة داير يعملا في إنو زول هادئ ورزين وما بتاع كلامات وقالوا وقلنا ولااا هو بتاع مشاكل وفجور في الخصومة !!!
بالله في وهمة أكبر من كده ؟؟؟
زول بين ليلة وضحاها يتحول لي حمل وديع يرد بهدوء للناس العايز يرد عليهم ويعمل فيها بيتجاهل مداخلاتك كنوع من الحكمة مع إنو كلنا نعلم تماماً إنو عدم رده ما هو إلا إحقاق لي حقيقة كلامك وإنو ما عندو شي يقدر يقولوا ليك لأنك زول فطحل تعلم ببواطن وخبايا سودانيز وعندك أرشيف قوي ولو حاول يكذب حرف مما قلتو ممكن تردمو بي مليون سامبل مسج من كلامو ..
يعني أسة نفهم من صمت يوسف السماني تجاه إساسي إنو إحترام للكرسي القعدوهو فيهو بالطلاق !!؟؟؟علماً بأنو لحددددي قبل اللجنة المزعومة ( لجنة الحلايف) الزول ده كان بيكتب مداخلات مترية وانا متأكككد لولا إنو لقا معتز لايوق أكتر منو كان رجع لي عادتو في الكوراك والشتم ...
صدقني يا أساسي بحكم خبرتي في العمل العام في الرياض زولك ده مثبتاهو التلفونات ما أكتر ومن جوة بيكون عايز يطرشق وما مستحمل ..وانا متأكككد مداخلتين تاني ممكن يرجع لي يوسف السماني الزول الساي وياخد راحتو ..
قصة أبو جهينة نائب رئيس دي بتذكرني مقولة الصادق المهدي وأظن نقد لي الترابي لمن خش معاهم السجن ليلة إنقلاب الإنقاذ..
قالوا ليهو أطلع أطلع يا الترابي عااادي ماف دعي تتسجن معانا عارفنك إنك إنت العملت الإنقلاب..

أها ثق تماماً يا أساسي هكذا يبدو لك أن الحصان خلف العربة ..لكن الحصان أمام العربة ..

لمن قلت ليكم بورداب الرياض يدارون بنفس عقلية المؤتمر الوطني ما صدقتوني ...

تخريمة :
الرياض دي حكمة الله أيي شي فيها إتنين إتنين ..وفرح يتكلم بي لغتين ..رابطتين رياضيتين..رابطتين لمشجعي الهلال..رابطتين لمشجعي المريخ..جاليتين..
وقريباً جداً المفاجأة ..

والله يا عمر الفاروق ويا اساسي . بعد حملتكم الارهابية دي تاني الله أعلم ناس الرياض ( وانا منهم ) يلاقوا شخص يترشح لهذا المنصب . راح نتمسك بأبو جهينة مثل ما يتمسك المؤتمر الوطني بعمر البشير ..

ياخ أعطوا الرجل فرصة يكمل دورته وبعدين قيموا التجربة .. ما هو المنصب نفسه له أحكامه وتبعاته وهو لم يجرب فيه من قبل . أكيد له قدرات كامنة potential لمسها وحسها من رشحه وفوزه ..أعطوها الوقت الكافي حتى تبرز ..

أقول قولي هذا رغم أني جد مستمتع ومنبهر من قدرتكم على السرد والحكي ( عليكم الله شوفوا موضوع تاني تعالوا نتشاكل فيه )

Quote: بالنسبة لي سؤال الطلاق .. الإجابة أبو جيهنة ..

ليس لدي علم بذلك

ولو كنت موجود لحلفت على اللجنة القديمة كلها بالاستقالة

او حلفت على معتصم واسماعيل وبقية الاعضاء الاخرين بالمواصلة

Quote: ثم انه يا ابو جهينة ما ممكن تكون رئيس للجنة طاشر سنة وترجع تبقي نايب رئيس ؟ من حقك علي بورداب الرياض ان يقدموك رئيسا فخريا او رئيس للجمعية العمومية او اي مسمى يليق بك وبما قدمته

ده الكلام المنطقي والمفروض يحصل ...
واوجه كلامي وسؤالي لعمر الفاروق رأبا لصدع بدا الان ..
هل يمكن ان نتفادي انعقاد جمعية عمومية جديدة بأن تعاد جمعية ذات الطلاق دي وابعاد هذا اليوسف الذي والله لم اجد في حياتي شخص اجتمعت الناس علي ضعفه ثقافيا و اجتماعيا وقلة حيلته بل واكثر الا هو ..
هل تعدنا اخي عمر ان توقف هذا الانشقاق ان عاد الريس ابوجهينة لقيادة دفة الامور بحكمته المعروفة وادبه وصفاته التي لا يتناطح فيها الا جاهل .. وان رفض وله الحق.. ان تأتونا بمن يرضاه الناس جميعا ؟ كما انني اتمني ان تشارك العناصر النسائية والتي كانت دائما في المقدمة
فهل تعدنا اخي عمر ...


ــــــــ
تخريمة : نتلاقي بعدين يا عمر

أولا ً : اتقدم بالتهنئة للرئيس يوسف السماني على نيله الثقة واختياره رئيس بورداب الرياض .. وهو اهل لها ..

طيب نجي للنضم .. المافي شنو .. ههههههههه
يوسف اختير من قبل عضو في لجنة بورداب الرياض والآن رئيس ( كدي النسال البورداب كلهم .. كيف كانت تقام الجمعيات العمومية السابقة منذ أول جمعية عموية لحدي أخر جمعية عمومية وكيف كان يختار الرئيس ونائيبه واللجنة ؟؟؟؟ )
هل شذت الجمعية العمومية الأخيرة عن ما ابتدعه الأولون .. يعني هل يوسف جه كده بي حليفة طلاق ذي ما الناس قاعده تقول في البوست ؟؟؟؟؟؟؟؟؟
اولاً .. تم فتح بوست هنا دعوة للبورداب كلهم .. ويحمد للأخ معتز زيزي انو الوحيد الجه كتب وانتقد في وضوح الباقين .. عملوا رايحين .. ههههه مافي زول جه كتب ليهو حرف واحد .
ثانيا : يوم الجمعية العمومية .. خسروني ساكت خلوني اشتريت لي 400 عيشه هههههه وفول بي 300 ريال وطعمية بي 200 ريال هههههههه قلته ما حيفضل بوردابي مايجي وقلته الناس حتجي تقتلع اللجنة القديمة اقتلاع ويتشرحوا ويختاروا لجنتهم .. عليكم امان الله قروش العشاء مقصره 500 ريال وباقي الفور لي اسه باكل فيهو كل يوم بحشي لي سندوتشين .. الجونا 30 بس .. 30 هم الكانوا حريصين .. الباقين كالعادة مافي زول جه . السؤال ليه ما جوا طعنوا في يوسف وفي اللجنة القديمة كلها ؟؟؟؟؟
طيب لمن بدت الترشيحات كل من تم اختياره للجنة ، قدم عذر وانسحب من الترشيح .. كل الذكرتوهم كوجها الا من لم يحضر لم اختياره للجنة ولكنهم إعتذروا وهم بيننا يمكنهم أن يدلوا بدلوهم .
سبق اختيار وجوه جديدة .. محاولة اعادة الثقة في اللجنة القديمة ولكن اعضاء اللجنة تمسكوا بعدم التجديد وابدوا اعزار مقبولة ، كذلك اثناء الترشيح تم انتخاب بعض اعضاء اللجنة القديمة مرة أخرى ، وانا من ضمن الذين تم اختيارهم ولكنني اعتذرت لظروفي وغيري بقية اعضاء اللجنة ولكن تحت الحال اعزاء وافق البعض ، وهم الذين أوردت اسمائهم ضمن التشكيل الجديد للجنة .

اتقدم بالتهنئة للرئيس يوسف السماني على نيله الثقة واختياره رئيس بورداب الرياض .. وهو اهل لها ..

طيب نجي للنضم .. المافي شنو .. ههههههههه
يوسف اختير من قبل عضو في لجنة بورداب الرياض والآن رئيس ( كدي النسال البورداب كلهم .. كيف كانت تقام الجمعيات العمومية السابقة منذ أول جمعية عموية لحدي أخر جمعية عمومية وكيف كان يختار الرئيس ونائبه واللجنة ؟؟؟؟ )
هل شذت الجمعية العمومية الأخيرة عن ما ابتدعه الأولون .. يعني هل يوسف جه كده بي حليفة طلاق ذي ما الناس قاعده تقول في البوست ؟؟؟؟؟؟؟؟؟ ( موضوع الحليفة ده جاييه ونشكر الريس على الحليفة والله كما حليفته مافي زول يجي اللجنة من اساسه ..زهدا فيها ) .
اولاً .. تم فتح بوست هنا دعوة للبورداب كلهم .. ويحمد للأخ معتز زيزي انو الوحيد الجه كتب وانتقد في وضوح الباقين .. عملوا رايحين .. مافي زول جه كتب ليهو حرف واحد .
ثانيا : يوم الجمعية العمومية .. خسروني ساكت خلوني اشتريت لي 400 عيشه وفول بي 300 ريال وطعمية بي 200 ريال قلته ما حيفضل بوردابي مايجي وقلته الناس حتجي تقتلع اللجنة القديمة اقتلاع ويترشحوا ويختاروا لجنتهم الجديدة .. عليكم امان الله قروش العشاء مقصره 500 ريال وباقي الفور لي اسه باكل فيهو كل يوم بحشي لي سندوتشين .. الجونا 30 بس .. 30 هم الكانوا حريصين .. الباقين كالعادة مافي زول جه . السؤال ليه ما جوا طعنوا في يوسف وفي اللجنة القديمة كلها ؟؟؟؟؟
طيب لمن بدت الترشيحات كل من تم اختياره للجنة ، قدم عذر وانسحب من الترشيح .. كل الذكرتوهم كوجهاء الا من لم يحضر تم اختياره للجنة وترشيحه ولكنهم إعتذروا وهم بيننا يمكنهم أن يدلوا بدلوهم .
قبل أن يتم اختيار وجوه جديدة حاول الحضور اعادة الثقة في اللجنة القديمة ولكن اعضاء اللجنة تمسكوا بعدم التجديد وابدوا اعذار مقبولة ، كذلك اثناء الترشيح تم انتخاب بعض اعضاء اللجنة القديمة مرة أخرى ، وانا من ضمن الذين تم اختيارهم ولكنني اعتذرت لظروفي وغيري من بقية اعضاء اللجنة اعتذر ايضا ولكن تحت الحاح واصرار اعزاء وافق البعض ، وهم الذين أوردت اسمائهم ضمن التشكيل الجديد للجنة .

Quote: اخونا زيزي صدقني انا قريت ليك اول تلاتة مداخلات ولما وجدتهن اعادة تحويل لنفس الكلمات وتقديم هذه الكلمة علي تلك في كل مداخلة بطلت اقرأ الانشاء الكبيتها لانه كلامك الكتير دا كله ما قدم اجابة علي اي تساؤل طرح هنا من الناقشوك .. ويبدو انه ما عندك اجابات زاتو ..

واحد يسأل صديقه : هل صحيح انك تجيب على السؤال بسؤال ؟
قال : من قال؟

الحبيب أساسي
تذكر حينما أنتقدت الشللية في بوست دعوة الجمعية العمومية؟ في ذلك البوست تفاخرت بأن بورداب الرياض قطعوا ليك تذكرة خاصة لحضور مناسبة لهم!!!
وعلى فكرة لازلت عند رأئي بوجود تلك الشلليات ولو دققت شوية بتلاقها ماخدة أشكال وألوان، شللية العلاقات الشخصية شللية (حميدة) مالم تتعدى على (حقوق العامة)
يعني ممكن نقول عليها (محمودة بشروط) وغير مطلقة. أما شللية الأفكار، نتاج طبيعي وخصوصاً في الملتقيات الأدبية والسياسية، نلتقي في أفكار معينة ونجد أنفسنا
لا إرادياً ننتمى لحزب أو جماعة وبعد شوية نكتشف أننا أنقسمنا داخل الجماعة نفسها! وعاوز أعرج قليلاً (لشللية المصلحة) أها دي مصدر إزعاج وهي تعمل بمبدأ أنا وأخوي على ود عمي.
سموا أنفسكم مستقلين، كونوا دعاة سلام ومحبة قولوا بحرية التفكير والتعبير لمخالفيكم قبل أنفسكم/ قل رأيك (ولا تبالي) شرط أن تقول هو رأي أعرضه ولا أفرضه.
..
الحبيب:
أن كنا نؤمن بديمقراطية العمل العام لابد لنا أن نتقبل نتائجها بكل أريحية ونعطي اللجنة مساحتها لتمارس حقها دون وصاية
وغير ذلك بلا شك سوف ينطوي تحت باب استسهال التعدي على حقوق الغير


خالص ودي وتقديري

الوغد عمر الفاروق ده
رغم اختلافي معاهو جملتا و تفصيلا
لكن ما بقدر ازعل منه
لانه صراحه عمر ما جادي
عندما يكون في منتهى الجديه
و اسلوبه في الكتابه فيهو سخريه مقبلوله

وطبعا الشيء البطمن انه عمر الفاروق لو عملوا ليهو رابطه جديده
بقى الرئيس برضو ما ح يحضر الاجتماعات و ببيع الناس بي مباراة
لي برشلونه ولا ريال مدريد

غايتو اساسي وعمر الفاروق دورو الناس لكن تدويرة دمها خفيف
المستغرب له ان لم تتناسل عن هذا البوست بوستات اخرى
يعني مثلا بادرة انشقاق عمر الفاروق دي مفروض يعلنها ببوست معبأ بايقونات من شاكلة او او غيرها
وهو ما يدل على حالة واسعة من الرضى لبورداب الرياض عن الاختيار الاخير والذي اتمنى له (التوفيق)*

فيما يختص بكون انو ابوجهينة بدل رئيس بقى نائب رئيس يا اساسي ما اهو داك بوتين بعد كان رئيس روسيا بقا نائب الرئيس وما قرينا لواحد من الشيوعيين بوست احتج فيهو على الموضوع ده :)



ــــــــــــــــــــــــــــــــــــــ
التوفيق دي بين (معكوفتين) مقصودة ولها نكتة حكاها عمر الفاروووق هنا في المنبر ده

يا هندسة
ابو جهينة ما شيوعي ..وبورداب الرياض ما اتباع ماركس

Quote: ليس لدي علم بذلك ولو كنت موجود لحلفت على اللجنة القديمة كلها بالاستقالة او حلفت على معتصم واسماعيل وبقية الاعضاء الاخرين بالمواصلة

ود الباوقة ..
جبت الزيت زي ما بيقولوا بالدارجي..أو اديتنا النجيضة..
ده التصرف الحقاني والمشرّف والله ..وده ما تكسير تلج أو إستمالة ليك أبداً ..ده الأنا بي سببو إتداخلتا وقررت أمشي في طرقي ولو وحيداً كما أبوذر الغفاري..
حواء الرياض ما عقرت عشان نولّى شخص بي حليفة طلاق !!!
ياخ إتخييل السيناريو البسييط ده ..ذات شكلة ح تحصل يوم ما يقوم واحد يحتد ويشتبك مع يوسف السماني من اعضاء اللجنة أو من البورداب ..يقوم يوسف السماني يقول ليهو والله ووالله انا لو ما أبو جهينة حلف عليّ طلاق ما كنت خشيت لجنتكم دي ولااا إنتو بتستاهلوا من أساااسو !!!
أها نودّي وشنا وين الوقت داك؟؟؟ وإن قالها فقد صدق !!!
إستمرار اللجنة القديمة ده الكان مقصود لأنو لا في زول سأل لا في زول نضم ..مااا لم يكون في حاجات وصراعات بي تحت تحت ودي كانت خطوة إستباقية (أرجح الرأي ده) عشان كده بقول ليك إنو البيحصل ده واااضح جداً إنها مكاسب شخصية وصراعات لا ناقة لنا فيها ولا جمل تم إستخدامنا فيه كدروة للتنشين أو بإختصار ويا قول العساكر ( ميم نون) أو مغفل نافع ..يا كمان نحن بقينا بنلعب دور انا الطيرة المبارية السيرة..
عشان كدع يا باوقة انا طلبي كان بسيط وصغيير ومباشر وواضح ..يوسف السماني لا يمثلني ..وتم ترشيحه من ابو جهينة بحليفة طلاق ما أكتر ولا أقل ..وما يجيني زيزي يقول لي يا عمر لو كنت عايز تقول رأيك ده كان تجي يومها وتمارس القوشوقراطية لأنو وبكل أسف يا زيزي ومعليش للتشبيه بس واضح إنك في الوضع الراهن مستخدم من باب الطيرة المبارية السيرة بإفتراض إنك جديد على الكيان وخباياها ..
انا من 2004 متابع وأتحدى لو في زول قبل كده لقاني كنت بتكلم بي الطريقة دي عن لجنة البورداب بل كنت صامت لأنو الأمور كانت ماشة بي طريقة عادية والمشاكل البتحصل كانت تصنف من باب العادية وإختلافات العمل العام..
المرة دي الموضوع خطير في حياتي متلو انا ما رأييت ..
المرة دي الموضوع بإختصار تنطبق عليهو أغنية النور الجيلاني خواطر فيل ..وحاولت أزووغ ياناس أزووغ ما قدرت أزووغ حد ما جريييت ..
أها عشان كده وبما إنو قررتو تنشرو المرة دي حاجاتكم للعام فنحن مجبورين نكون أمام خيارين لا ثالث لهما :
الأول توضيح كل خبايا الصراعات بشفافية وبكل تفاصيلها عشان الناس الغبيانيين الزيينا يكونوا على بينة ويقدروا يميزو الخبيث من الطيّب..
التاني أي زول يعمل جمعيتو البتريحو ويجيب ناسو العايزم ويعيش حياتو براو مع شلّتو وليهو كااامل الحق والشرعية إنو يخاطب أي كيان بي إنو لجنة بورداب الرياض ( انا مع الخيار التاني لأنو الأول في ظل الغتغتة الحاصلة دي مستحييل الناس تملك الشجاعة وتجي تتواجه) ..

تخريمة :
فيصل يا رشيد تعال بكرة يا مان الكور سمحة ..الليلة ما أظن في شي غير قرعة أبطال أفريقيا ..

طارق يا نقد ..
أسة الما جادي فينا منو ؟؟ عامل بدلتك الزي بدل مجذوب أونسة الأكبر منو دي :) :)

Quote: الجونا 30 بس .. 30 هم الكانوا حريصين .. الباقين كالعادة مافي زول جه . السؤال ليه ما جوا طعنوا في يوسف وفي اللجنة القديمة كلها ؟؟؟؟؟

بببببسسسسسس يا خالد يا سعيد ..أريييت أيامك كلها سعيدة حبيب ألبي انا ..
ولو إنو 30 بي الصور الشوفتها دي زااتا كتييرة يا بيكون فيها 9 أنفار أصدقاء بورداب لكن دي الحتة العايز أبو الديموقراطية معتز زيزي يوريني فيها كيييف إكتمل النصاب ؟؟؟ علماً بأنو اتقال فوق من طلاق الرئيس (دي على وزن رقيص الرئيس) إنو البورداب 500 ..ياخ قوول 100..
أجججي يا بنات أمي؟؟ النصاب ده إكتمل كييف؟؟ والجمعية بقت شرعية كييف ؟؟ أها يا زيزي ده كلامي لييك ..ما شرعية ببساطة لأنو مااف دستوور..وبي دستووركم يا ولاد زيزي..
لأنو يا حبيب لو في دستور بتكون عندك فقرة بتقول يتم إنعقاد الجمعية العمومية بإكتمال النصاب وهو كذا ..
في حال لم يكتمل النصاب يتم فتح الترشيحات في يوم لاحق بعدد نصف الأعضاء مثلاً ..
في حال لم يتحقق الشرط حينها يعلن في يوم ثالث عن إعتماد من حضر لإعلان الترشيحات والإنتخاب للجنة جديدة ..
اها يلا عشااان الحاجات دي مااف قلنا ليكم ياااخ بطططلو فلسفة وكنكشة في الكلام الكبار وخلوها بسيطة بتبقا حلوة ..ونسة وضحك ولجنة غير رسمية أمورا ماشة يتم تحديدها في عشرة ونسة وبين الناس بي تحت تحت بدون طنقعة بوستات تتعلق فوق من قبل شهر ونظام مارسنا القوشوقراطية وبورداب الرياض مثالاً يحتزى ووو ..
وبدون الطقم بتاع رشّحت فلان..لقد قبلت.من يثني ؟؟ انا أثني .. المعترض يرفع إييدو ..أها انا رشحت يوسف ؟؟لالالا انا ما عايز أترشح.. علييي الطلاااق تترشح ..سمح لقد قبلت بناء على الطلاق.. منو البيثني ؟؟ عليي الطلاق تثنو.. سمح ثنينا.. أيوووي يوووي يوووي تم القبول ..

أجججي يااا البرقش ؟؟؟
بري بري بري قبلكم يا بورداب الرياض

تخريمة :

خالد يا مفتري ..فول بي 300؟؟ والله ده يشتري ليك فول وقلابة وتاواة وتميس يأكل دارفور كلها ..

Quote: وما يجيني زيزي يقول لي يا عمر لو كنت عايز تقول رأيك ده كان تجي يومها وتمارس القوشوقراطي ة لأنو وبكل أسف يا زيزي ومعليش للتشبيه بس واضح إنك في الوضع الراهن مستخدم من باب الطيرة المبارية السيرة بإفتراض إنك جديد على الكيان وخباياها ..

يا الحبوب
ظنّ بيّ خيراً ، او اكفنيّ شَر ظنُونك..!

هناك فرق كبير بين أن تبحث عن الحق في مسألة، وبين أن تبحث عن ما يثبت أن رأيك في المسألة هو الحق.
الأولى يقودك العقل، وفي الثانية يقودك الهوى


يا عمر :
بعض الناس لو توضح له شيء يقول ليك أنت تجهل بخبايا الأمور متناسين
أن سليمان عليه السلام بعلمه وملكه قال له الهدهد (أحطت بما لم تحط به).

لنا بظواهر الأمور فـ لبواطنها ربٌ يعلم بما في الصدور


شكلك هلالي متعصب!!

أوووووو أبوعمير جيتني في حتتي هههههههههههههه

بس تعال كدي وريني الجمعية العمومية الأختارونا فيها لجنة زاطووووو .. كانت في الجرادية .. الحضور لم يتعدي 40 عضو .. وانا اخدته الورقة ولفيت عليهم بي ورقتي عشان الم قروش الإستراحة وعندي كشف بالدفع والمادفع

وازيدك في الفول زيت سمسم .. هههههه
ماحصل خلال 11 سنة الفاتت دي عدد الحضور في أي جمعية عموية تجاوز الـ 50 بي أي شكل من الأشكال ..وانا سالت سؤال جيبوا لينا الجمعيات السابقة منذ تكوين بورداب الرياض حتى الآن كيف كانت بتتم وعدد الحضور ، عشان نقارن

النصاب وغيره بيطلق قياسا على ما جرت العادة عليه في الجمعية العمومية لبورداب الرياض .. و30 يعتبر نصاب لأنه قبل كده جابك انته زاتك عضو لجنة .. وما في زول قال ده مانصاب ولا قانوني .

طيب نجي لي حليفة الطلاق عشان ننتهي منها شايف الجماعة فرحانيين بيها وشايلنها لافته ..
حليفة الطلاق لازم تقرا في سياقه مش من النص ( ذي ولاتقربوا الصلاة )..
الرئيس ابوجهينة مشكور .. حلف على يوسف لما شاف الناس كلها زاهدة .. وكلها اعتزرت .. والحضور شاهدين مافي حاجة بتدسه .. ( اولا ياعزيزي بورداب الرياض ولجنتها تكليف مرهق جدا جدا جدا ) وانته كنته عضو لجنة وعارف كده كويس
يعني اي زول يدخل في اللجنة يشيل شيلته ويسردب .. بقول ليك عندنا عجز ياخ قرووووووووووووووووووووووووووووووش ( ههههههههههههههه) مافي زول جاب خبر ..
انا امين مال 11 سنة .. مره ولا مرتين بس فعاليتنا غطت .. الباقي عليك امان الله نتمه من لحمنا الحي .. لحدي بقيت اخجل اشيل ورقتي الف على الحضور .. عشان المم حق الفعاليه ذي دم الرعاف .. ( ههههه مع اني بجي قاشر بي جلاليبي الملونه )
يحمد ليوسف وللجنة الجديدة انهم قبلوا بي التكليف المرهق ده خصوصا في المرحلة الحالية دي .. بقت عليهم ميته وخراب ديار .. ههههه يدفعوا من جيبهم والناس ماراضينا .. ومش مارضيانه وبس .. يحسنوا فيهم يقولوا ليهم تعالوا ابقوا لجنة وابقوا رؤسا ، يكبروا اللفه .. ومايجوا .. اها العمل شنو .. يخلوها ليكم من غير رئيس .. ههههههههههههههههههههههههههه
بعدين الناس المعترضين دي لقيتكم ماعندكم نظر ولا بتعرفوا في الوجاهة .. مافي زول جاب سيرتي قال الأرباب يبقه رئيس ، شابكننا فلان اوجه من يوسف وعلان اوجه من يوسف .. عليكم الله انا ما أوجه من يوسف .

بعدين في حاجة تانية مضحكاني ..
حكاية انو يوسف كتابته وقريناهو من كتاباته وبتاع مشاكل وخلافي وانفعالي .. انتوا لو في حاجة دايرين تقولوها قولها عديييل كده .. امه قريته وحسيتو ونفسي ابته هههههههههه ده حنك عاضي ياخ .
منو الملاك .. ومنوا الفي المنبر ده ماحصل اختلف مع زول ، وهل من شروط الترشح للجنة بورداب الرياض احضار شهادة حسن سير وسلوك اسفيرية ( يعني قبل ما نعقد اللجمعية العمومية ) نرسل لي بكري ابوكبر نقول ليهو داير شهادات حسن سير وسلوك لفلان وعلان .
غايتو يا بورداب .. المابتدوروا بتعرفوا تدوروا .. ههههههههه
ياخ ناس اجتمعوا تحت مسمي جمعية عمومية .. لأنهم اصطلحوا على تسميته كده ، وهم مدركين تماما ان كيانهم لايحكموا دستور او نظام اساسي أو اي لوائح انما عرف جرت العادة عليه ، واختاروا لجنة اختيار نزيه وشفيف ، واللجنة اختارت رئيس ، تجوا انتوا تصحو من النوم وتقولوا والله قلبي اباهو والبورداب قمة لايستحق ان يجلس على رأس جبل جليدها الا فلان الوجيه وعلان الأوجه منو ، ياخ من يصنع القمم غير الأفراد انفسهم الذين كان يوسف احدهم وعضو لجنة منتخب ساهم بماله وجهده مع غيره لصناعة الجبل ويحق له أن يجلس ويتربع على قمته طالما اختير بشفافية ..
انا نفسي صحيت من النوم وقلبي مطمن لي يوسف .
ههههههههههههههههههههههههههههه

Quote: يا هندسة ابو جهينة ما شيوعي ..وبورداب الرياض ما اتباع ماركس

يا اساسي ...
دي نقطة هامة يجب الرجوع اليها لاحقا ..ربما احتاجت لبوست منفصل ..


لكن حسب علمي اننه في شيوعي واحد تحت التمرين ينتمي لبورداب الرياض جا سب الدين هنا في نص البوست ده ومشي في حال سبيله

الي يوسف السماني يجده بخير

الاخ يوسف السماني اليس لديك من العزة والانفة والكبرياء وتقدير الذات ما تحفظ به ماء وجهك الذي اندلق في (عرصات) * هذا البوست ؟ الا تملك الحس الانساني الطبيعي والكافي الذي يؤهلك للقيام بخطوة جريئة الي الامام ولتحفظ (علي الاقل) ما تبقي لك من كرامة اهدرت في هذا المكان . وايم الله يا يوسف نعلم ان الان داخلك بركان يغلي ويمور لذا هذا البرود لا يليق بك . قلها وتوكل فالحي الله والكاتل الله
اعتذر عن هذا التكليف الذي توضح جليا انك لست اهلا له .. ساهم برجولة وعزة نفس في ازالة الحرج عن اصدقائك بورداب الرياض الذين وضعتهم بين رحي الحياء وازالة غبنهم . كن جديرا بالثقة التي اوليتها واعلن عن استقالتك او اعتذارك عن التكليف وعد فردا وجنديا بين الصفوف فليس الجميع خلقوا من اجل الريادة وليس الجميع يمتلك ادواتها
عد كما انت واطلق العنان للغليان الذي بداخلك والردحي البتعرفو

وانا علي يقين ان بورداب الرياض سيحفظوا لك هذا الجميل ولن تحرم من مايك قط
كن علي قدر الحدث ولا تتقزم كعادتك ..

ــــــــــ

* العَرْصَةُ : ساحَةُ الدَّار
العَرْصَةُ : البقعَةُ الواسعةُ بين الدُّور لا بناءَ فيها
من معجم المعاني

Quote: الي يوسف السماني يجده بخير الاخ يوسف السماني اليس لديك من العزة والانفة والكبرياء وتقدير الذات ما تحفظ به ماء وجهك الذي اندلق في (عرصات) * هذا البوست ؟ الا تملك الحس الانساني الطبيعي والكافي الذي يؤهلك للقيام بخطوة جريئة الي الامام ولتحفظ (علي الاقل) ما تبقي لك من كرامة اهدرت في هذا المكان . وايم الله يا يوسف نعلم ان الان داخلك بركان يغلي ويمور لذا هذا البرود لا يليق بك . قلها وتوكل فالحي الله والكاتل الله اعتذر عن هذا التكليف الذي توضح جليا انك لست اهلا له .. ساهم برجولة وعزة نفس في ازالة الحرج عن اصدقائك بورداب الرياض الذين وضعتهم بين رحي الحياء وازالة غبنهم . كن جديرا بالثقة التي اوليتها واعلن عن استقالتك او اعتذارك عن التكليف وعد فردا وجنديا بين الصفوف فليس الجميع خلقوا من اجل الريادة وليس الجميع يمتلك ادواتها عد كما انت واطلق العنان للغليان الذي بداخلك والردحي البتعرفو وانا علي يقين ان بورداب الرياض سيحفظوا لك هذا الجميل ولن تحرم من مايك قط كن علي قدر الحدث ولا تتقزم كعادتك ..

أخونا أساسي سلامات...

الريِّس يوسف السماني كان بي يِنْدَرْدَقْ و(وُيِنْدُودَرْ) بي الطريقة دي ما كان إستحق يبقى رئيس؟؟

يعلم الله ويشهد كغيري من الإخوة صديق الموج وغيره كُنت مُفتَكِر مشاركتك الأُولى من باب الدعابة ولي هسع بعد دردقتك دي عندي إحساس إنك مُواصل في هظارك...

لك مودتي... وللريِّس السماني ولجنته التوفيق والصلاح...

وللأخ عمر الفاروق وكتاباته الشِيبِييْ لا فُوق... برغم إختلافي مع كثير مما كتب إلا أن إسلوبه يعجبني جداً،،
وزي نُوع عمر دا دايِرْلُو رملة يكُون راقِد في النص وحواليهو شُلة والقمر 14 وجيوبنا ملاني تمُر ما يحلنا منو إلا نَبَّاه محمد الحسن ود أب كرُّوق...

مبروك وتمنياتي لك بالتوفيق.

Quote: ود الباوقة أميناً للمال.

يااا ساتر !

ده شنو يا موج؟؟

Quote: يااا ساتر ! ده شنو يا موج؟؟

يا دينق مؤهلات الوظيفة دي لازم شخص يكون عنده خبرة كيزانية في الجباية..

خالد يا سعيد..
ما هو يا إما إنت ما قريت كلامي من أول .. يا كمان باقي الفول الكتير ده قام بيك :)..
البتقول فيو ده ما ياهو كلامي ظااااطو وبي صفاتو .. الدنيا كانت ماشة وردية وفي السليم وبدون ضوضاء وكلنا راضين باللجنة القديمة بدليل إنها ليها جغلومية سنة شغالة زووول فينا قال بغم ماف..
أضف لذلك إنو اللجنة الليها جغلومية سنة دي من ضمن أعضائها يوسف السماني ظاااطو وبرضو ما قلن بغم .. والسبب كان بسيط نو كان قاعد في حتتو وقدر علبو وربما أكبر من إمكانياتو بي بسييتة لكن كنا متجاوزنها وبنقول كما يقول البنّايين " البياض بيجيبا" ..
عليه نحن كلللنا كنا مجمعين على اللجنة الموجودة وماف زول قبل كده سأل جو من وين وكييف وليي ؟؟
ولااا فينا زول قال إشمعنا أبو جهينة يكون رئيس علماً بأنو أبو جهينة لمن رشحوهو رئيس انا كنت عزابي ..أسة انا عندي محمد وصلاح وقربو يدخلوا الجامعة والرئيس هو هو أبو جهينة وبرررضو ما حصل قلنا بغم ..
اها يا الحبوب انا زول صاح ما مشارك بس النصييحة وزي ما كلكم عارفين " قلبي أسود " .. وبعرف أربط الحاجات كويس دون الحوجة لي قالوا وقلنا ..
وقفت كتيير عند طريقة وكيفية إعلان قيام جمعية عمومية ثم شعلقة البوست من كرعينو فوووق في صدر المنبر ..طوااالي سرحت وإتخيلت السيناريو بتاع الإتصالات البي تحت ..النقاشات الجانبية لمن يملكون قرارانا ..فكّروا وقدّروا ثم فكروا ثم عبثو ..ثم إتفقو وخططو منو يكتب البوست ..منو يقول شنو ..منو يكلم بكري يشعلق البوست فووق..صدقوني ولازلت عند رأيي بورداب الرياض يدار بطريقة كيزانية مؤتمر وطنية عااالية الجودة ..
أها يا حبوب هنا انا وقفت وسألت روحي سؤال ..وللأمانة سألت روحي لأنو حسيت القصة دي وجعتني وحرقتني فييي كنكوجي كونو إنو فجأة كده حسيت إني زول ساااي كده بلا قيمة تتحكم في منظومة انا من ضمنها كأنها تربيزة في الصالون يحركوها مت ما أرادوا من الكرسي ده للكنبة دييك ..
سؤالي كان ما محتاج عبقرية وكلكم بتكونو سألتوهو ...ما هو الTrigger البيخلي الشغلانة تتحرك فجأة وتشتعل كده ؟( تريقر دي ما عشان إنجليزيني قوي لأ بس دي عشان أدونا لييها في الأوراكل ومن زمان عاجباني)..
يعني يا قول علوية لساتك وبالدارجي (شن جدّ في المخدّة؟؟) لجنة لا يتم تجديدها بصورة دورية (ربع أو نصف سنوية أو سنوية أو كل تلاتة سنة مثلاً) شنو البيخليهم فجأة كده يقولوا وفي الوقت ده لقد هرمنا ونحتاج دماء جديدة ؟؟؟
وأريييتم هم هرموا وجابو دماء جديدة !!! نووو هرمو لكن يبدو أنهم اثناء جمعية (ذات الطلاق) شربو ديو Dew يا كمان ريد بوول وجاتهم جوانح وقرروا إنهم ما هرمو فأعادو نفسهم للترشيح مرة أخرى أو كما تقول الشاعرة الفذة الأستاذة حنان باكمبا (شكّارتا دلّاكتا) فيرشح فلان علان ثم يعيد علان ترشيح فلان وما هو الOutPut؟؟؟لجنة من الذين هرمو يجيبو ليها زي ناس زيزي ديل يدوهم وزارة الشباب والرياضة ومعاها يغنّو ليهو :
الله فووق زيزي يا حلاة زيزي..زيزي فرحااانة ...زيزي طربااانة ..زيزي في اللجنة ..يا حلاة زيزي ..زيييزي أأأزييزي ..

حبيبنا الفيلسوف الطيب علقم أيام الجامعة كان بيديك إجابة بتشبه إجابات الناس العادية ..كان عندنا إمتحان لغة عربية صعععب الناس ما حلّتو كويس..جو طالعين سألوهو أها يا الطيب إشتغلت كيف؟
قال ليهم السؤال الأول ما عرفتو ..السؤال التاني ما عرفتو ..أما السؤال التالت فيحمل ملامح باااهتة من درس أخدناهو قبل كده ..

أها أسة اللجنة الجديدة دي بتحمل ملامح باااهتة من مسرحيات كتيرة شوفناها قبل كده ..
يا خالد يا حبوب ..القاعدين تعملوا فيهو أسة ده بأختصار ما قاله الفنان محمود تاور :
بتضحك وتكتل بنفس الملامح ..

خالد يا سعيد ...هاك أقرا الأغنية دي بتمعععن وإنت بتقرا فيها بدون ما تشعر حتجيك وشوش ناس في اللجنة لأنك ببساطة ح تحس إنو بتنطبق عليهم تماااماً ..

منو الهسه غير مصابك سميرك
بحاول احدد مصيري ومصيرك
واخليك إمكن يحاسبك ضميرك
منو الهسه بقدر يسوى العملتو
يوقف قليبي بعد ما شغلتو
قليبك مراوغ وكم ريد كتلتو
وأنا الكنتا قايل براي الدخلتو
زمان كنتا تغلط ونحن بنسامح
نعاتبك بتبكي وترجع تصالح
بقيت ما بترحم غناك كلو جراح
بتضحك وتكتل بنفس الملامح
منو البقسي زيك على زول بريدو
يجيك بي إبتسامة كمان مادي إيدو
لا تجبر بخاطرو لا تقول ده عيدو
خسارة الغرام البزل حتى سيدو
منو الزيي يزعل عليك لما تزعل
يعيش بالغبينة لما تنوي ترحل
دايرك تجينى وتكون جيه أطول
تعطر حياتى وتخليها أجمل
منو الزيي مالى الحنان كلو قلبو
ولما يعشق يموت في البحبو
ده حباك وأخلص وخاف فيك ربو
يا ريتك بعد ده ترحم تحبو.


تخريمة :
انا غايتو ينطبق علي ده الحباك وأخلص وخاف فيك ربو ..

حبيبنا أبوعمير ..

براك سألتني ....

Quote: سؤالي كان ما محتاج عبقرية وكلكم بتكونو سألتوهو ...ما هو الTrigger البيخلي الشغلانة تتحرك فجأة وتشتعل كده ؟( تريقر دي ما عشان إنجليزيني قوي لأ بس دي عشان أدونا لييها في الأوراكل ومن زمان عاجباني).. يعني يا قول علوية لساتك وبالدارجي (شن جدّ في المخدّة؟؟) لجنة لا يتم تجديدها بصورة دورية (ربع أو نصف سنوية أو سنوية أو كل تلاتة سنة مثلاً) شنو البيخليهم فجأة كده يقولوا وفي الوقت ده لقد هرمنا ونحتاج دماء جديدة ؟؟؟

الجد ياحبيب .. اللجنة كانت مواصلة السنين الفاتت دي كلها .. بي طيب خاطر رغم المصاعب ورغم الظروف الضاغطة .. علما أنها كل عام بتدعو لي جمعية عمومية .. وبجو البورداب .. يشكرونا متل شكيرك ده ( الحالة واحدة ..ومافي زول معترض عليكم والناس رضيانه ومبسوطه .. وانتو صمام الأمان للبورداب بي مجموعتكم المتنوعة ) ونحنا كمان نعجبكم يالحبيب .. عاطفيين ههههههه بنتأثر شديد بي كلامكم كده .. ونقول خلاص موافقين نستمر ..

طيب الحصل شنو ؟؟؟؟؟؟؟؟؟؟؟؟
الحصل يا أبوعمير .. انو كالعادة دعينا في رمضان للجمعية العمومية مع افطار رمضان وحضر البورداب .. وتحت الحاح من الحضور كعادة كل سنة اصروا على أنو اللجنة تستمر .. ولكن لم يتم قبلونا كلجنة بأن نستمر بل تم الإتفاق على الدعوة الى جمعية عمومية اخرى بعد أن يتم الدعوة ليها في المنبر قبل فترة كافية حتى يتمكن كل من لديه الرغبة في أن يكون جزء من بورداب الرياض من الذين يسكنون الرياض واعضاء في المنبر من الحضور وابداء رايهم والمشاركة في الترشيح .
وماداير اعيد ليك قصة الفول والحضور ..
بس ده كل الحصل يعني مافي حاجة جديدة .. انما دعوة سنوية بتم الدعوة ليها .. امكن الجديد انو الناس اتفاجاة بأن المره دي ناس اللجنة القديمة .. بعضهم اصر على انو ينسحب بهدوء ..
لكين كدي النسالك .. أنته .. يعني كنته داير الحكاية تبقى مستمره نفس لجنتنا القديمة كما هي .. ؟؟؟؟؟؟؟؟؟؟؟؟؟
كدي النسال الناس المقاطعين لو اصلوا لجنتا القديمة دي صمام امان وراضين عنها تمام .. ليه من 500 بحضروا في حدود 50 في كل فعالية ؟؟؟؟؟؟؟؟؟؟؟؟؟

Quote: منو الهسه بقدر يسوى العملتو يوقف قليبي بعد ما شغلتو قليبك مراوغ وكم ريد كتلتو وأنا الكنتا قايل براي الدخلتو زمان كنتا تغلط ونحن بنسامح نعاتبك بتبكي وترجع تصالح

اديك النجيضة .. دي الرياض ياحبيب .. وده المنبر .. لن يرضى عنك البورداب ..
لجنة قديمة ووووووب ..
لجنة جديدة وووووبين ...
اسمع عليك الله الغنية دي :
لابعدك بفرحني لاقربك بريحني
لابعدك بفرحني لاقربك بريحني
في الحالتين انا ضااايع انا ضااااايع..
ومالاقي البينصفني لابعدك بفرحني..

ههههههههههههههههههههههههههههههههههههه

يا خالد يا سعيد ..
طيب الجو أسة ديل ما اللجنة القديمة زوووتا (يا قول حبوبتي)..
معقولة ناس يقولوا ليكم ما عايزنكم إنتو عايزين ناس جدااد غيركم تقومو تجو إنتو تاااني ؟؟
علماً بأنو الغابوا عن اللجنة الجديدة هم اللي متفقة عليهم الناس بينما اللي قعدو في اللجنة الجديدة هم الناس مسار الجدل والإعتراض !!! أها دي تتفهم كيييف ؟؟ أووولي إنت بأأأأاااا!!!!

يوسف السماني رئيساً.
أبو جهينة نائباً للريس.
ود الباوقة أميناً للمال.
أيمن دياب الأمانة الاجتماعية

السكرتارية التنفيذية:

إدريس خليفة.

وليد طه.

ديل خمسة ما غريبين على اللجان القديمة ولو لم تخني الذاكرة وليد طه ممكن كان في لجان سابقة والله أعلم ..

طيب شن فايدة مديدة الحلبة واليقود بشيلو اليانكي..؟؟؟

يا خالد الخلاكم تحلفو طلاق لي يوسف السماني وما تحلفوهو لي معتصم واسماعيل شنو ؟؟؟

أيي زول قال ما عايز طوااالي الناس تحترم رغبتو ..لكن شغلانة الخفة الكتلت ام تفة دي ما بتخارج ..
العملو يوسف السماني ده ذكرني بالضبط نكتة البت البايرة القاعدة في العرس في الكراسي الورا ..أشر ليها واحد قالت ليو والله ما برقص تاني ..قال ليها لالا انا عايز اشيل قزاز البيبسي الفاضي تحتك ..

الحليفة ثم الإستجابة السريعة دي تفسيرا واااحد لا تاني له ..إنو ابو معتصم وإسماعيل اتناقشو مسبقاً مع ابو جهينة ولأنهم مقربين لي بعض فأبوجهينة عارف ظروفهم فقام سكت وعمل نايم ما حب يحلف الطلاق عليهم ويدخل نفسه في موقف محرج..وبما إنو أبو جهينة عايز يكون في اللجنة لكن في نفس الوقت متأكد الناس الحيجو معاهو ديل مااا ناس بيقدر يتناغم معاهم ولااا بيقدروا ينجزو ليهو الحاجات فقام أصصصر إنو ما يكون وحيد وجاب معاهو حرسه القديم ..
أها انا بقول بدل الجوطة دي كلللها نحن كنا مباركين اللجنة القديمة ..تقومو تهابشو وتجيبو لينا يوسف السماني يبقا رئيسنا ؟؟؟
سوووري والله يا خالد انا يوسف السماني لا يمثلني ولااا هو رئيس لي تجمع انا فيهو ..وعله انا عند قولي ح أعمل لجنتي براااي ..أديرها وحدي ..أأجر إستراحتها وحدي..أغني فيها وحدي.. أتصور فيها وحدي ..أخاطب فيها كيانات الرياض وحدي امشي بيها السفارة وحدي إلا أن يتم إلغاء رئاسة يوسف السماني ده وترجع الأمور لي نصابها ..حينها أعود لجنوني حيث أن ما أقوم به الان هو عين الصواب ..

Quote: ولو لم تخني الذاكرة وليد طه ممكن كان في لجان سابقة والله أعلم ..

خانتك :)

يا كنجكو
ما تكون لمعة صورة البروفايل دي غشتك؟ دي فوتوشوب يا مان!!
الوزارة دي ما جديدة علينا والفرق بيني وبينك ..
أنا قلعت حقي قلع قانوني مشيت لناس اللجنة جوا جمعيتهم قلت الكلام الحارقني ورشحت نفسي
والحاجة العندي والعاوز أقدمه بقدمه وقشة ما بتعتر لي
أما أنت! للآسف لقد تنازلت عن حقك القانوني لذلك أستبعد بأنك تبحث عن ثغرة قانونية!!!
.
.
قرب تعال ما تبتعد وكان عندك حق بتاخدوا
وأنا على يقين لو طلبت تكون رئيس مافي زول بيرفض طلبك
بس حنك فلان دا ما مفروض يكون الجوكر ولا علان دا ما مفروض يكون بت الهارد ما مقنع
.
.
بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا
أها (علي بالطلاق) لو جيت دقيت سدرك نبقيك رئيس جوه بيت الرئيس
وزيادة مني وزارة الشباب والرياضة..

النضمي الكتير ما بحل مشكلة وأخوك جعلي كان حلف برمي طلاقه

Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا أها (علي بالطلاق) لو جيت دقيت سدرك نبقيك رئيس جوه بيت الرئيس

بكرة انا معاكم في الإجتماع وح أجي أقول ليكم عايز أبقا الرئيس وعليك الإلتزام بحلفك يا زيزي وتنصيبي رئيس لبورداب الرياض ..وإلا فطلاقك ده إلا تضرب لي شيخ محمد احمد حسن يخارجك بيو أوووعا تضرب لي عبد الحي بيورطك ..
لكن أجي وتشبكوني منضمة ولماذا وليي وكدي نتناقش فسووري يا حبيب..
أها انا إعتمدت كلامك كلام رجال و انا معاك كلامي كلام رجال بجي تنصبوني الرئيس وتجي تكتبا هنا إنو يوسف السماني ما هو الرئيس وتم تكليف عمر الفاروق ..
إنتهينا يا حبوب ..موعدنا بكرة ..وروني الزمان وانا ما عندي مشكلة بجي فييي بيت يوسف السماني لكن زييي ما قلت ليك بدون نضمي كتير سمح ؟

وأنا أخوك يالمها

ممتاز..
وأهو عشان طلبي ده يكون جمب الملأ..
يا ناس سودانيز انا عمر الفاروق إطالب بإبعاد يوسف السماني وتنصيبي كرئيس لبورداب الرياض ..وإلتزم زيزي كممثل للجنة بالقبول دون الخوض في تفاصيل ونقاش ..تسليم وتسلم وكان الله يحب المحسنين ..

غريبة والله!

وكت أنت عندك الشجاعة دي كلها ليه ما حرصت تجي إجتماع الجمعية وترشح نفسك؟
وإذا أنت بتسمح بشرعية تنصيب نفسك رئيساً بحلفة طلاق ليه بترفضه وتنكره لأخوك؟

أنانية صاح! ما أظن عندك ليها تفسير تاني

Quote: ممتاز.. وأهو عشان طلبي ده يكون جمب الملأ.. يا ناس سودانيز انا عمر الفاروق إطالب بإبعاد يوسف السماني وتنصيبي كرئيس لبورداب الرياض ..وإلتزم زيزي كممثل للجنة بالقبول دون الخوض في تفاصيل ونقاش ..تسليم وتسلم وكان الله يحب المحسنين ..

[ ص: 295 ] باب كراهية الحرص على الولاية وطلبها

3874 - ( عن أبي موسى قال : { دخلت على النبي صلى الله عليه وسلم أنا ورجلان من بني عمي ، فقال أحدهما : يا رسول الله أمرنا على بعض ما ولاك الله عز وجل ، وقال الآخر مثل ذلك ، فقال : إنا والله لا نولي هذا العمل أحدا يسأله أو أحدا حرص عليه } ) .

لقد فعلها
لقد فعلها
أنه النصر المبين
ربي أنصر عبدك الفقير لرحمتك أنك سميع مجيب
نحمدالله أن ثابوا لرشدهم
بالتوفيق للرئيس الجديد
ذهبت مأسورة وجاءت مطمورة
تحياتي للجميع
زيزي يستحق التصفية بلا رحمة !

Quote: زيزي يستحق التصفية بلا رحمة !

لا نستجدي به عند الغير

شكراً زهير يا راقي على كلماتك في حقي ..
مع إني ما عارف مطمورة دي كويسة ولا كعبة .. :)
وإن شاء الله ربنا يقدرنا على تجاوز المرحلة السابقة .. ولو في زول كمان بعد الطلاق ده ما عجبتو طريقة تعييني فليسلك مسلكي هذا وبيننا الديموقراطية كما يقول أخي العزيز معتز زيزي ..

شايف السلطة لهتك وما جاوبت على إستفساري

Quote: وكت أنت عندك الشجاعة دي كلها ليه ما حرصت تجي إجتماع الجمعية وترشح نفسك؟ وإذا أنت بتسمح بشرعية تنصيب نفسك رئيساً بحلفة طلاق ليه بترفضه وتنكره لأخوك؟ أنانية صاح! ما أظن عندك ليها تفسير تاني

الاخوة الاعزاء
لكم الشكر
عبدالعزيز محمد عمر
لك التحية ندرك خطورة التكليف وصعوبتة لذ ا سنتجاوز كل ماهو شخصي من اجل استكمال مسيرة بورداب الرياض
للاسف الصراع ليس صراع رؤي وافكار ولكن هي مكايدات نتجاوزها ولنا في رسول الله اسوة وقدوة فقد اتهم بانة شاعر مجنون
وهو المبعوث رحمة للعالمين وهو مبعوث رب العالمين , فما بلك بشخص مثلنا .هي النفس البشرية جبلت علي الشر والانانينة .

الاخ بابكر قدور لك الشكر وسنكون عند حسن ظنكم بنا .
د. محمد الحسن الرجال تعرف اقدار الرجال لا عليك ياعزيزي هي ضريبة العمل العام ووفقا لنهج التربية الخاطئة في عدم قبول الاخر.

Quote: ندرك خطورة التكليف وصعوبتة لذ ا سنتجاوز كل ماهو شخصي من اجل استكمال مسيرة بورداب الرياض للاسف الصراع ليس صراع رؤي وافكار ولكن هي مكايدات نتجاوزها ولنا في رسول الله اسوة وقدوة فقد اتهم بانة شاعر مجنون وهو المبعوث رحمة للعالمين وهو مبعوث رب العالمين , فما بلك بشخص مثلنا .هي النفس البشرية جبلت علي الشر والانانينة .

اوووووووووو صفقة كبيرة ..
قيام يا اولاد الريس وصل ..
بعد ثلاثة ايام عصيبة كابد فيها ما كابد من تباريح الهوى تمخض الجبل فولد فأراً .
تلاتة يوم و الناس دى تدقق و تدرش انت يا الفالح صمٌ بكمٌ و جايى تقول مكايدات ؟
غايتو يا ناس الرياض مصيبتكم ياجروا فيها ..
بالمناسبة :
انتو ود الصايم و تمبس مش فى الرياض ؟ غريبة و الله اللبدة دى و المتوقع انهم ماسكين الدفة .

سلام وتحية للأفاضل بورداب الرياض
وألف مبروك للجنة الجديدة المنتخبة وربنا يوفقهم على أداء الأمانة
ونبارك كذلك للريّس يوسف السماني ونسأل الله أن يعينه ويسدد خطاه
وجمعكم الله دوماً في طريق الخير وألّف بين قلوبكم ووحّد كلمتكم

كتب الاخ معتز زيزي في ذات جعلنة ما ات نصه:

Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا أها (علي بالطلاق) لو جيت دقيت سدرك نبقيك رئيس جوه بيت الرئيس وزيادة مني وزارة الشباب والرياضة.. النضمي الكتير ما بحل مشكلة وأخوك جعلي كان حلف برمي طلاقه

مدخل اول:
الشر غادي وبعيد ( مثل فينيغي ) وترجمته في سياق النص ( لو السماء حتمطر زلابية كانت غيمت عجين ).

اكعععععب حاجة في عالم الكتشينة وفي الوست - تحديدا - لما الزول يتسيك في قبوله. دي عندنا هنا كان بقت عليك ,الدنيا دي بيبقى ليك لونها بمبي ..... ولطالما تجعلن الاخ زيزي راميا يمينا مغلظ
ولطالما اصر عمر علي حضور اللجنة - وانا علي يقين بانه سيفعل - فهذا يعني ان اخانا معتز قد تسيك في قبوله سيك ستجرى به السنة الكيبورداب باحرف من لهب وانه لعمري
جحر ضب اعور ادخل فيه اخانا معتز نفسه من حيث لا يدري. يعني يا معتز لسسسسسسا حليفة ابو جهينة ما بردت تقوم تدبلها بايمان اغلظ من ذي قبل!!! ياااااااا للهول وابيه.
هذا وقد علمنا فيما تعلمنا في سنة اولى (عمل عام ) بان لامفسد للعمل العام سوى غمسه في الخاص والطلاقين الاتفكو هنا انما يجعلان عزيزكم القارئ يصور -وهو محق-
ان لا في الجبة الا الخاص وهذا لعمري خلط بين للحلو مر مع الابري. هذا وقد رأينا فيما يرى النائم - وربنا يكضب الشينة - بان تفتقت الجمعية وتوبتقت ثم اينعت في الروض زهرة
ثم انبثقت عنها لجنتان واحدة جميلة لي جد جد والتانية شينة للحلايف.

وشكرا

زيزي يا حبوب..
أي مداخلة لي تاني ح يكون ما عندها معنى وربما حوّلت مداخلاتي وكأنها للمهاترة وضياع الزمن..
تفضلت مشكوراً بحل إشكاليتي وتعهدت بحلفك للطلاق المغلظ وهو عندي كسوداني حلف مضمون ومعتمد بأن يتم إبعاد يوسف السماني وتعييني رئيس وده الكان مطلوب ..أي تساؤل أو أي إستفسار تاني ح أجاوبك عليهو بعد ما نتلاقى الليلة وتنفذ حلفك ونقفل الباب ده عشان ما نرجع لي إسكوير زيرو ..أصلاً ما حا ناخد وقت طويل تسليم وتسلم أجي أقيف قدامكم زي ما طلبت وأقول انا ما عايز يوسف السماني يبقى رئيسنا وإنت توفي بي كلامك و تجي تكتب رسمياً عمر بقى الرئيس وتم إبعاد يوسف السماني ..موضوع ح ياخد مننا بالضبط 40 ثانية وبعدها انا جاهز لأي سؤال وأي إجابة..
طلب بسيط ياريت تشووت لي في الخاص أو هنا مواعيد الحضور ووصف لي المكان بالضبط ولو أمكن تلفونك في حال حصل طارئ وروحت في الطريق لإعادة الوصف..
وأكون شاكر ومقدر ..
ولحدي الوقت داك دم بسلام وشكراً لتصديك للمهمة وحسم الخلاف وإيجاد الحل النهائي لهذه المعضلة اللي كانت حتشق كيان بورداب الرياض ..

يا شباب ركزوا معاي

لدينا العديد من الفعاليات القومية وتحتاج الى المال الذي هو عصب الحياة

الكلام دا لابودي لا بجيب

يلا هلموا لجمع المال ...

وشكرا

تحيات يا شباب

طبعا عمر الفاروق ما حيمشي حركات كيبورد ساي

ولو مشى أنا عندي ليكم فتوى

معتز زيزي يرشح عمر الفاروق رئيسا للبورداب بديلا ليوسف السماني

مافي زول يثني عمر الفاروق طوالي عمر الفاروق يقلب وجهو ويركب عربيتو ويتخارج

الدين يُسر ياخ

Quote: بان تفتقت الجمعية وتوبتقت ثم اينعت في الروض زهرة ثم انبثقت عنها لجنتان واحدة جميلة لي جد جد والتانية شينة للحلايف.

الحبيب الخير
ما جاء من خلال جمعية لا يذهب إلا من خلال جمعية، ومن تولى أمر الجماعة بالطلاق قد يذهب بطلاق مماثل له في الصياغة ومخالف له في المعنى
الكيان واحد وأن تشعبت النفوس وطفح الزبد

يا حبيبنا
الحلف على ما أحله الله لايجوز

Quote: انا عمر الفاروق إطالب بإبعاد يوسف السماني وتنصيبي كرئيس لبورداب الرياض

من ولي على أمر العامة بإجماع العامة لا يقصيه من ولايته إلا الجماعة
حق القسم المشروع للشخص وأن كان من تلك الجماعة واقع في حقه لا في حق الجماعة
أنا أقسمت في ما يجوز لي من حقي المشروط لا في حقوق الغير المطلقة

Quote: لو جيت دقيت سدرك نبقيك رئيس جوه بيت الرئيس وزيادة مني وزارة الشباب والرياضة..

عمر الفاروق وأي شخص يرغب في الرئاسة والعمل في مفهموها التكليفي فهو رئيساً،
الحضور والمشاركة شرطان ملزمان لتقليد هذا المنصب

ومن أبتغاءها في مفهومها الشرفي لا ينال شرفها إلا من خلال جمعية عمومية

تخريمة: الجمع بين منصبين كالجمع بين أختين

Quote: تفضلت مشكوراً بحل إشكاليتي وتعهدت بحلفك للطلاق المغلظ وهو عندي كسوداني حلف مضمون ومعتمد بأن يتم إبعاد يوسف السماني وتعييني رئيس

أنا عند وعدي لك برئاسة ووزارة شباب ورياضة .. رغم أن الجمع بين الأختين (محرم)

أما قصة أبعاد يوسف دي يا حبيب أنت بتعرف دروبه كويس ولو كنت أملك حق قرارها
ولا يوسف نفسه يملك هذا الحق لما تأخرنا في تقليدك ذلك الشرف ..


تعال بدري راجينا شغل كتير
وكلمني على الرقم 0591333944 قبل الموعد ..

تحياتي.

حمد يا عبد الغفار..
يبقا ما بتعرفني والله ..
كلامي حق الضحك والهظار براهو وكلامي الجادي براهو ..وما بكتب كلام انا ما قدرو ..ولمن قلت ح أمشي لأنو كنت ح أمشي ..انا زول عيني قوية وما بخاف في الحق ده و رأيي ده بوصل فيو الكضاب لحدددي خشم الباب ..
حالياً وصلت زيزي لحدي خشم الباب ..وفي الأثر تقول الحكمة اليونانية :
المقدم ما موصل ..
انا كده كفاني لي زيزي ..العندي قلتو وهو حلف طلاقو وانا كنت عند وعدي لكن كما تقول الأستاذة الفنانة الرائعة صاحبة الكلمات القوية الأستاذة حنان بلو بلو :
يا خسااارة وإنكشح العسل ..لطاان انا وانا غلطان ندمااان انا ..

مبروك لينا اختيار يوسف السماني.. خير خلف لخير سلف!

يوسف الذي اعرف لزام التقيلة..

مبروك لينا اللجنة الجديدة..تكليف وليس تشريف..

اعرف كيف يعملون واي الظروف يتغلبون عليها.. واثقة تماما من سيرهم بهذا الكيان الهام الى الامام..

الاخت الكريمة بت الكرام حليمة عبد الرحمن

والله مجرد تعليقك اثلج صدري


تمنياتي لك والاسرة بدوام الجمال
تحياتي للمصدق

Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا أها (علي بالطلاق) لو جيت دقيت سدرك نبقيك رئيس جوه بيت الرئيس

Quote: النضمي الكتير ما بحل مشكلة وأخوك جعلي كان حلف برمي طلاقه

Quote: وأنا أخوك يالمها

Quote: ما جاء من خلال جمعية لا يذهب إلا من خلال جمعية، ومن تولى أمر الجماعة بالطلاق قد يذهب بطلاق مماثل له في الصياغة ومخالف له في المعنى الكيان واحد وأن تشعبت النفوس وطفح الزبد يا حبيبنا الحلف على ما أحله الله لايجوز

Quote: من ولي على أمر العامة بإجماع العامة لا يقصيه من ولايته إلا الجماعة حق القسم المشروع للشخص وأن كان من تلك الجماعة واقع في حقه لا في حق الجماعة أنا أقسمت في ما يجوز لي من حقي المشروط لا في حقوق الغير المطلقة

Quote: عمر الفاروق وأي شخص يرغب في الرئاسة والعمل في مفهموها التكليفي فهو رئيساً، الحضور والمشاركة شرطان ملزمان لتقليد هذا المنصب ومن أبتغاءها في مفهومها الشرفي لا ينال شرفها إلا من خلال جمعية عمومية

يا زول أمش ربنا يخلي ليك أولادك ..
بس تاني أوووعك تفرّط في أولادك بالسهولة دي ..ما بتستاهل يا مان ..
وأووعك تراهن على حاجات إنت ما قدرا ..وعلى ناس إنت ما بتعرفهم ومعتمد إما على كلام ناس أو قرايات أسافير أو كما قال حبيبنا حمد عبد الغفار (عمر ده بيكتم حركات كيبورد ساي وبتاع مغارز وما بجي كضاااب ساي عايز يدوورك )
كده رميت طوبتك يا معتز نهااائياً وح اواصل فيما وعدت به براااي..ح أعمل لجنتي وأكوّن رابطة بورداب الرياض ..إنجوووي إجتماعكم يا حبوب ولمن ترجع بيتك إستمتع مع أسرتك بلحظات جمييلة وأشكرني إنو ما جيت ..مع كل ضحكة طفل إتذكرني وقول الله يديك العافية يا عمر بالله كنت ح أفقد الضحكة دي بسبب أمور تافهة ولجان وقوشرانيز و كلام فاضي..
مع أيي شعليقة في رقبتك من الأطفال ما تنساني من صالح الدعاء ..وبرضو ما تنسى تدعي على اللي كان السبب في إنو يورطك في شي إنت ما قدرو ..
ما تجي تنفعل تان وترد وتشبكني مازلت عند وعدي فمداخلاتك الأخيرة أوصلت الفكرة تمااماً ..وانا زول بفهم والله يا معتز ما تشوفني كده ..

معتز هووووي ما تاكلنا حنك. مداخلتك دي لسا حبرها ما نشف

Quote: بكره عندنا إجتماع في بيت الرئيس كان جيت ودا عهد مني ما تسمع كلامي الكتير عن الديمقراطية دا أها (علي بالطلاق) لو جيت دقيت سدرك نبقيك رئيس جوه بيت الرئيس وزيادة مني وزارة الشباب والرياضة.. النضمي الكتير ما بحل مشكلة وأخوك جعلي كان حلف برمي طلاقه

تقوم تجي تقول :

Quote: أما قصة أبعاد يوسف دي يا حبيب أنت بتعرف دروبه كويس ولو كنت أملك حق قرارها ولا يوسف نفسه يملك هذا الحق لما تأخرنا في تقليدك ذلك الشرف ..

معتز بصراااااحة بنزينك كمل ممكن تستعين بصديق :)

Quote: معتز بصراااااحة بنزينك كمل ممكن تستعين بصديق :)

هيع وتاني هيع

Quote: معتز هووووي ما تاكلنا حنك. مداخلتك دي لسا حبرها ما نشف

أنا ملزم بما كتبت وقلت،
ولست ملزماً بما يفسره الأخرين

أها الكلام دا واقع ليك ولا أعيدوا ليك

وعند وعدي وكلمتي

صباح القشطة ..

ابوعمير .. ياخ كان ممكن تختصر الكلام ده كله وتجي الجمعية العمومية .. وتترشح وتبقه رئيس ..

وبس

هلا أبو عمير

لعلمك أنا كنت خاتي 80 % إنك حتمشي لكن مداخلتي داخلها طلب ضمني إنك ما تمشي

خالد يا سعيد...
إنت بتغش علي ولا على نفسك ..؟؟
بعدين يا الحبيب إنتو الزول الجاكم بالدرب عديييل وقال ليكم ما داير قمتو بقيتوهو رئيسكم معناها وحسب علم الإستدلال البيجيكم عشان يبقا رئيس ح ترفضوا طلبو مش؟؟؟


تخريمة :
حمد يا حبوب ..والله كانت وبنسبة 100% لكن نسوي شنو عاد ما هييع وانا أخوك وفي النهاية يطلع الموضوع كما يختصره السعوديين بطريقتهم المستفزة بتاعت إصدار صوت من خشمهم وبي لسانهم ثم بي يدهم يقولوا ليك : إخريطي ..أو كما يقول البنغالا هذا نفر في قر قر كتييير ..

يا كنكوجنه :
العمل اختيار والمنصب قرار

صدقني ما أنت براك العاوز يبقى الرئيس أنا واحد من الناس عاوز أكون (اللجنة كلها).
جيت طمعان في رئاسة، أدوني وزير شباب ورياضة ما أبيت، شىء خير من لاشىء

وفي نفسي ومن خلال مشاركتي الفعلية بالحضور والطرح داخل اللجنة
المناصب دي كلها قاعد أقعد في كراسيها، بالجد والله

وأعدك لو ربنا طال في أعمارنا أول مناسبة تجمعنا بتلقاني أول واحد بيستقبل الناس في الباب
وحا أوزع الشاي والم الكبابي الفاضية ، ولمن الساون يقول بمب بتلقاني جريت جري للمايك على قدر فصاحتي حا أتكلم
وكان في كشف تبرعات بلف على الناس وكان في زول أتاخر من الحضور بشيل التلفون وأفقده وكان في زول ما جاء بتصل أفقدوا
أم عيالي بجيبه معاي كان في حريم بوصيها ما تقعد مربعه أيدينه بحرشه تبقى الرئيس في مجلسهن
وعندي ثلاث بنات صغيرونات وحلوات عشان هم أطفال ما بدخل ليهم مفهوم الرئاسة دا في راسه من حسي عشان الهم دا كبير

حبيبنا أبوعمير ..
كيف بغشك .. وحات غلاوتك ياخ .. لو جيت واترشحته كان ثنيتك .. ولو بقيت رئيس وحاتك ما كن جيت في بوست كتبته ذي كلامك البتكتبه اسه في حق يوسف ده
ولو جه يوسف كتب ذي كلامك ده في حقك .. برضوا كان جيت كتبته ردودي الفاتت دي مناصرة ليك وقلته نفس الكلام عمر حبيبنا واخونا ومننا وفينا والجمعية جابته وبالتالي يجب نحترم خيار الناس الصوتت .. والقبلت باللجنة بي صورته دي رغم أنو باب الطعون كان مفتوح مافي زول طعن في أي من اعضاء اللجنة .
الموقف واحد لو الرئيس انته ولا يوسف ولا اي واحد من البورداب طالما أنه جه بي جمعية عمومية كما تعارف بورداب الرياض .. وطالما انو الجمعية العمومية ماكانت بالدس بل اعلن عنها في المنبر اللهو المكان الذي جمعنا والمكان الطبيعي للأعلان عن الجمعية العمومية وأي فعالية تخص البورداب .

طيب كدي قول معاي انته مشيت وحلفوا عليك وبقيت رئيس .. اها الشوره كيف لو جه واحد وقال عمر ده جنو شربكه وما بمثلني .. الخ .. وجيبوني بدله على شرط عمر الفاروق يغادر الرئاسة .. ههههههههههههههههه

عمر الفاروغ العكليتة.. طبعا مستغرب شديد لإنك كنت عضو في اللجنة الفاتت..
انا دخلت اللجنة دي من 2011 يعني ثلاث سنوات.. يادوب نقيب.. واكتشفت انك معاي في اللجنة
لكن لم يفتح الله عليك بحضور اجتماع أو تقديم مبادرة أو حتى التواصل مع أعضاء اللجنة..
أو المشاركة في النشاطات والمناسبات.. آخر مرة شفناك فطور رمضان القبل الفات.. وكنت لابس قميصك التركي السمح داك..
أنا عايز أعرف الاختارك ده منو.. وبناء على أي أساس.. انت مرفود بنص القانون.. وتم اسقاط عضويتك بصورة تلقائية..
وما مسموح ليك تترشح لي لجنة جديدة.. لأنك حتعوس نفس العواسة حقتك.. بالعجين المر والحامض..
والمعروف إنك زول نقناق وبتاع مغالطات وممكن تدخل للعقرب في جحرها وتقول ليها انتي ضفدعة مش عقرب..
والحمد لله انك بديت تتنازل وتتراخي عن مطالبك لأنو فورة الأندروس ما بتدوم كتير.. شححححح وتنزل..

Quote: يااا ساتر ! ده شنو يا موج؟؟

دينق يا الحبيب كيف حالك
لانه الشباب دايرين زول يعرف يخلص الجبايات ، ثانياً من خلا عادته قلت سعادته
ود الباوقه ما بقبل باى منصب مافيه قروش اقل شى كان ما لقى فيها عضه يستثمر
القروش يشيل الربح ويتحلل ويرجع راس المال،،،

عمر الفاروغ يا كضاب تعال وحات خوتك المافى ليها داعى احلف ليك عليهم
طلاق كلهم يتنازلوا ليك عن مناصبهم جت وانت تجيب العايزو بشرط انت تحلف
طلاق ما تغيب عن اجتماع وتقوم بعمل الرئيس كاملاً وما يتطلب من تضحيات
وتكاليف يا ابو درباً ماكن قلت لى بتعرف الزوله الاتصلت بى بخصوصها من السودان
بتعرفها معرفة شخصية؟؟ شفت يوسف المعارض ده حا يبقى رئيس فى كنكوجك
ده يا لك من امنجى كبير..وجبهجى متدثر ومتخفى زيك وزى اساسى،،،

يا موج..ما انا البكضب يا حبوب..ولااا الزول البنضم ساي..ما تشوفني عوير كده!! الدنيا دي واقعة لي شدييييد ياعمك..شديد اكتتتر مما تتصور..

بعدين الله يسألك يا موج في كوز وجيه ؟ يعني معقول انا وود الباوقة سيم سيم صديق؟ :)

لاخوة الاعزاء
الارباب خالد سعيد
لك التحية كما قال صديقنا الشاعر الجميل الطيب برير
بعض منك لا يلقاك الا في المداد
اذ.......هكذا النيران
تدفن غبنها
في حزن الرماد
فاحفظ لنفسك ضوءها
لو مسها شئ من التهميش
في غبش الحياد

الاخ دينق لك التحية
كما قال الطيبب برير
ان المقام هو المقام
لا عليك ...
فاننا باللون نقتسم المشاعر
ريثما تصفو الدواخل بالسلام

Quote: لكن حسب علمي اننه في شيوعي واحد تحت التمرين ينتمي لبورداب الرياض جا سب الدين هنا في نص البوست ده ومشي في حال سبيله

لا حولاااااااا يا فيصل ..
هي الشيوعية نبذة؟
وأنا اقول ريسنا بشكر فينا قال علينا تربية شيوعيين ..
هي اتاريها كدا ..
غايتو إتلومتوا فينا يا أبواتنا ..


بعدين النسألك البشير دا عنده دين؟
حكومته دي عندها دين؟
هل قتل الناس دين؟
هل تشريد المواطنين وزعزهة إستقرارهم دين؟
هل الفساد دين يتبعه أهل الإنقاذ؟
أين الدين مما يفعلون؟
ونحن نرى الوطن كل يوم يتمزق وأنهار من الدماء تسيل ..
أين الدين والكيزان يتمددون في حكم الوطن ويستبيحون أهله ..
اين الدين ونحن محاصرين من كل دول العالم بسبب أن رئيس حكومتنا قاتل ..
أين الدين ومطارات العالم كل يوم تستقبل المئات بل الآلاف من أهل السودان في هرجتهم القسرية ..
أين الدين ونحن نتصدر كل قوائم السوء في العالم ..

أقول قولي هذا وقد أستنفذ البوست أغراضه عندي ..
وأنا على يقين أن ما يحتاجه الوطن أكثر من ما نضيعه في صراع شخصي لا يفضي لشي ..

Quote: بعدين الله يسألك يا موج في كوز وجيه ؟ يعني معقول انا وود الباوقة سيم سيم صديق؟ :)

عمر وحات الخلقنا انا الكوز بعرفه حتى لو دخلوه جوه الزير والحريش بنعرفه
والكلام المغتغت بعرفه، يوسف سيظل رئيس زى دورتين تلاته كده واساسى
قريب من البحر انت اختف رجلك امش على الشرقيه ساكت اكل سمك واشرب
وتعال صاد،،،

هسه يا الفاروق والموج لو كونتوا لجنة منبثقة من اللجنة التنفيذية لبورداب الرياض للغناء والموسيقى ما احسن ؟

الموج يكون سكرتير غناء الحقيبة وعمر سكرتير الفنانين الشباب وأنا لو خليتو لي الفنانات الشباب ما بطالة معاي رأيكم شنو

وتكون لجنة بي مستنداتها وتابعة لبورداب الرياض

موج يا حبّوب..
انا حلفك ما برميهو ليك واطة وأحلف قصادو وبرضو عشان متوسم فيك الخيرالتلاتة وصفات الفوق دي ما أظنك قاصدني بيها انا لأني بأكد ليك لاني المحرّش لاني البغتغت ولاني الكوز (الطلاق ما بحلفو لكن لو حليفة الله دي بتصدقا بحلفا ليك)..
انا البحر جمبو 25 سنة وما أكلت منّو سمك وكمان ما أيي سمك سمك شعيب ..أجي أكلو هنا وأمرق ليو كمان لييي الشرقية!!!؟؟
والله يا موج نحن الرياض دي الواحد فينا شكلو بقا يحبها أكتر من أمدرمان عشان كده طلبك ده بحققو ليك لمن البحر ده يجينا ماري بي تحت كبري الخليج لكن أمرقا في الشرقية دي ضغطت علي شوية ..
يا موج لكم يوسفكم ولي لجنتي ..ما ترشحوهو دورتين بس لالا خلّوهو يقعد بيها كده لحددددي ما يسلما سيدنا عيسى ..