Post: #1
Title: +++ يا اخوانا وين المناضلة تراجى مصطفى +++
Author: Sudany Agouz
Date: 12-10-2014, 11:29 PM
Parent: #0
آسف حُذف للتكرار ..
+++
|
Post: #2
Title: Re: +++ يا اخوانا وين المناضلة تراجى مصطفى +++
Author: الشفيع وراق عبد الرحمن
Date: 12-11-2014, 05:14 AM
Parent: #1
ومعك نتسائل عن اختنا ام حازم
لا بأس من التكرار
|
Post: #3
Title: Re: +++ يا اخوانا وين المناضلة تراجى مصطفى +++
Author: علي دفع الله
Date: 12-11-2014, 05:24 AM
Parent: #2
نتمناها بخير ،،الانسانة المحترمة المناضلة تراجي
والتحية لك عمنا المحترم ارنست ارجانوس جبران
|
Post: #4
Title: Re: +++ يا اخوانا وين المناضلة تراجى مصطفى +++
Author: حيدر حسن ميرغني
Date: 12-11-2014, 08:23 AM
Parent: #3
بالحيل طارنها
وياريت نشوفها قريب
وسلامات حبيبنا ارنست
|
Post: #5
Title: Re: +++ يا اخوانا وين المناضلة تراجى مصطفى +++
Author: نعمات عماد
Date: 12-11-2014, 10:10 AM
Parent: #1
العزيزة تراجى
كيف الصحة و الأمور
أتمنى عودتك مع موضوع دسم كعادتك .
لك الشكر و التحايا العزيز ارنست ارجانوس جبران .
|
Post: #6
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-11-2014, 02:09 PM
Parent: #5
الأخ الحبيب .. الشفيع ..
شكراً لمداخلتك الكريمة ..
وإن شاء الله تظهر تراجى مرة أخرى ..
أخوكم وعمكم العجوز
ارنست
+++
|
Post: #7
Title: Re: +++ يا اخوانا وين المناضلة تراجى مصطفى +++
Author: nour tawir
Date: 12-11-2014, 06:26 PM
Parent: #6
سودانى عجوز...
بكرى ابوبكر حدد ليها مداخلة وآحدة فى اليوم..
يعنى نظام سيسى فى العضل..
عشان كدا أتشغلت بالواتساب..
|
Post: #8
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-11-2014, 09:12 PM
Parent: #7
الأخت الحبيبة والمناضلة أيضاً .. نور تاور ..
قبل أن أدخل فى الموضوع .. أرجو المعذرة للواقفين
فى الصف .. لأننى دائماً أقوم بالرد على المداخلات حسب
الأولوية .. ولكننى استلمت رداً من الأخت نور تاور..
الشئ الذى أزعجنى بعض الشئ ..
وها هو الخبر الذى أدلت به الأخت نور ..
Quote: سودانى عجوز...
بكرى ابوبكر حدد ليها مداخلة وآحدة فى اليوم..
يعنى نظام سيسى فى العضل..
عشان كدا أتشغلت بالواتساب.. |
هل أنت متأكده يا نور من هذا الكلام .. وما هو السبب ..
حتى نستطيع أن نعرف الحقيقة .. وقد نستطيع رأب
هذا الصدع .. مع الأخ بكرى ..
ولكِ منا كل شكر وتقدير ..
عمك العجوز ..
ارنست
+++
|
Post: #9
Title: Re: +++ يا اخوانا وين المناضلة تراجى مصطفى +++
Author: nour tawir
Date: 12-12-2014, 01:16 AM
Parent: #8
سودانى عجوز...
أنا متأكدة مليون فى المية..
وهذه رواية تراجى نفسها..
|
Post: #10
Title: Re: +++ يا اخوانا وين المناضلة تراجى مصطفى +++
Author: فقيرى جاويش طه
Date: 12-12-2014, 02:15 AM
Parent: #9
الموقر العزيز ارنست الكنداكة تراجى فى خندق المتضررين من جرائم التطهير العرقى من قبل المستعربين (الهوس الدينى)
تدافع عن الذين استضعفوا واخرجوا من ديارهم ليستوطن فيها الوافدين الجدد ال Black Arab من مالى والنيجر وشاد .صلى
لاجل ان يزول هذا الكابوس او مافيا الاخوان المسلمين الجاسم على صدر شعبنا ربع قرن كامل عيب كبير والله علينا جميعا كل
هذا الزمن من عمرنا ووطننا واهلنا .
شكرا ابونا لتعزيتك فى عمتى شريفة فقير الرب يباركك .
|
Post: #11
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-12-2014, 12:30 PM
Parent: #10
الأخت الحبيبة نور تاور ..
صدقينى هذه أول مرة أعرف فيها هذه المعلومة ..
لا أدرى .. بعض المرات بل فى أغلب الأحايين ..
لا أقرأ أغلب البوستات .. نسبة لعامل الزمن ..
ولكن يعز علينا أن نفقد قلماً حراً كقلم تراجى ..
ومن هنا أيضاً أرجو من الأخ بكرى أبو بكر
التراجع عن قراره هذا .. حتى ولو أخطأت
تراجى فى شئ .. أنا أفترض .. حتى لو
أخطأت فى شئ يا أخى بكرى .. وزى
ما بنقولا فى السودان هذه الغلطة " امسحا فى وشى " ..
عليك الله يا بكرى .. العمر بقى فيهو كم .. عشان خاطر
عمك العجوز .. الخرفان .. يعنى داير تزعلو فى شيبتو دى ..!!!
وعشان خاطر الأيام القليلة اللى عشناها مع بعض فى فينكس مع بعض ..
وعزومتكم التى لا تنسى .. عليك الله ما تقول لا ..
وأنا أترجاك .. عشان خاطر تراجى .. وكمان جبت ليك " محمد عوض " شخصياً ..
عليك الله يابا ما تقوليهو لا ..
https://http://http://www.youtube.com/watch?v=2yt3YPLDysgwww.youtube.com/watch?v=2yt3YPLDysg
الأخ الحبيب بكرى .. سأتصل بك هاتفياً بخصوص هذا الموضوع ..
والرب يبارك حياتك .. يا أخى احنا هنا دايرين نصلح الحال ..
ونتصالح مع بعضنا البعض ..
الرب معكم ..
عمك العجوز .. الخرفان ..
ارنست
+++
|
Post: #12
Title: Re: +++ يا اخوانا وين المناضلة تراجى مصطفى +++
Author: Hadeer Alzain
Date: 12-12-2014, 01:46 PM
Parent: #11
حقيقة
Quote: يعز علينا أن نفقد قلماً حراً كقلم تراجى ..
ومن هنا أيضاً أرجو من الأخ بكرى أبو بكر
التراجع عن قراره هذا .. حتى ولو أخطأت
تراجى فى شئ .. أنا أفترض .. حتى لو
أخطأت فى شئ يا أخى بكرى ..
وزى ما بنقولا فى السودان هذه الغلطة " امسحا فى وشى " ..
عليك الله يا بكرى ..
العمر بقى فيهو كم ..!!! |
معك نطالب الريس بكري بفك الحظر أو تحديد مداخلات المصادمة تراجي (وآخرين) !
فتراجي قلم حر .. جرئ وشجاع وحقاني. تراجي حقيقة(ن) روح هذا المنبر!
شكرآ لك العم ارنست
مع التحية والود والتقدير
..
|
Post: #13
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-12-2014, 04:31 PM
Parent: #12
الأخ الحبيب فقيرى جاويش طه ..
شكرأً أخى لمداخلتكم الكريمة ..
وشكراً أخى لوقوفكم مع الحق ..
أما بخصوص التعزيات .. فيا أخى
هذا واجب لا نُشكر عليه .. بل نطلب من الله
.. إذا سمح بآلام الفراق .. أن يرسل معها التعزيات ..
الرب يبارك حياتكم أخى ..
Quote: الموقر العزيز ارنست الكنداكة تراجى فى خندق المتضررين من جرائم التطهير العرقى من قبل المستعربين (الهوس الدينى)
تدافع عن الذين استضعفوا واخرجوا من ديارهم ليستوطن فيها الوافدين الجدد ال Black Arab من مالى والنيجر وشاد .صلى
لاجل ان يزول هذا الكابوس او مافيا الاخوان المسلمين الجاسم على صدر شعبنا ربع قرن كامل عيب كبير والله علينا جميعا كل
هذا الزمن من عمرنا ووطننا واهلنا .
شكرا ابونا لتعزيتك فى عمتى شريفة فقير الرب يباركك . |
نعم .. فلنصل سوياً لاندحار كابوس الظلم ..
ولهذا نطلب من الأخ بكرى .. أن يشجع مثل هذه الأقلام التى تكتب
بجرأة .. بدلاً من كسرها .. نرجوك يا أخى بكرى السماح لتراجى بالعودة ..
ولكم منا كل الود والإحترام ..
أخوكم وعمكم العجوز ..
ارنست
+++
|
Post: #14
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-13-2014, 02:22 PM
Parent: #13
الأخت الحبيبة تراجى ..
أرجوك العودة للكتابة .. قد علمت من الأخ بكرى .. أنه لم يوقفك ..
ويمكنك العودة للكتابة فى أى وقت .. بل قال .. كانت هناك بعض
المسائل الإدارية .. أوجبته اتخاذ قرار التقليل من عدد المداخلات ..
ولكنه قال .. يمكنك العودة للكتابة فى أى وقت ..
المهم يا اخوانا .. لا نجعل بعض المسائل تتفاقم حتى الوصول الى
مرحلة سوء التفاهم .. وكما يقول المثل : " الإختلاف فى الرأى لا يفسد للود قضية "
فيا أختى تراجى .. إن كانت هناك بعض المناقشات الحادة .. انك توضحى رأيك
بصراحة .. وأنا واثق من هذا .. ولكن إن هاجمك الآخرون .. " فاعملى طناش " ..
فياليتك تعودين .. والجميع فى انتظارك ..
وأنا أناشد بل واشكر كل من أدلى ويدلى بمداخلته .. طلباً فى رجاء تراجى للعودة
الى الكتابة ..
ولكم منا جزيل شكرنا وتقديرنا ..
أخوكم وعمكم العجوز ..
ارنست
+++
|
Post: #15
Title: Re: +++ يا اخوانا وين المناضلة تراجى مصطفى +++
Author: mwahib idriss
Date: 12-13-2014, 03:01 PM
Parent: #14
فيا ليتك تعودين .. والجميع فى انتظارك ..
|
Post: #16
Title: Re: +++ يا اخوانا وين المناضلة تراجى مصطفى +++
Author: وضاحة
Date: 12-13-2014, 03:11 PM
Parent: #15
عمو سوداني سلام الله عليك
مشتاقين
والله وحشتنا ام حزام
بكرى حقار ملي لينا المنتدى كيزان وجلابة
ام حزام حلفتك بكل عزيز لديك تجى
والله وحشتينا
|
Post: #17
Title: Re: +++ يا اخوانا وين المناضلة تراجى مصطفى +++
Author: Abdlaziz Eisa
Date: 12-13-2014, 03:26 PM
Parent: #16
الاخ العم الشاب العزيز آرنست
سلام
الاخت تراجي هي ملح المنبر..
وجودها مهم جدا لانه يثري الحوار ويحرك المنبر
تراجي بحكم عطائها الثر هنا لها حق الفيتو مهما كانت وجهة نظر محاوريها..
وعلى المتضرر ان وجد أن يقارعها بالحجة هنا وليس في اللجوء الى دموع الخيبة والمطالبة بايقافها..
التحية للاخت أم حازم القامة..
القلم الجري محرك النشاط والقراءات بتميز لا يدانيه اي كاتب آخر..
مودتي
|
Post: #18
Title: Re: +++ يا اخوانا وين المناضلة تراجى مصطفى +++
Author: حيدر حسن ميرغني
Date: 12-13-2014, 03:45 PM
Parent: #17
بالجد بكري بالغ لو اتعامل مع تراجي او غيرها بالشكل ده
لا اعتراض على وجود اصحاب الرأي المناوئ لرأي تراجي وغيرها من الشرفاء - الكل هنا له الحق في ان يطرح ما يشاء
لكن عملية تحديد المداخلات دي ما جميلة وبالامكان التنبيه عبر الماسنجر قبل اتخاذ هذا الاجراء الطارد
المنبر يفتقد للكثيرين بسبب هذه السياسة غير العملية
|
Post: #19
Title: Re: +++ يا اخوانا وين المناضلة تراجى مصطفى +++
Author: سيف اليزل سعد عمر
Date: 12-14-2014, 01:44 PM
Parent: #18
نتسأل أين تراجي؟
بس ندعو الله أن تكونى بخير إنتى والأولاد...
سلام من خلال هذه النافذة...
|
Post: #20
Title: Re: +++ يا اخوانا وين المناضلة تراجى مصطفى +++
Author: Mohammed Haroun
Date: 12-14-2014, 02:06 PM
Parent: #19
| Quote: وأنا أترجاك .. عشان خاطر تراجى .. وكمان جبت ليك " محمد عوض " شخصياً .. عليك الله يابا ما تقوليهو لا .. |
تشكر يا سوداني يا أصيل .. غايتو يا أم حازم العندو واسطة ياكل باسطة ..ههههههه
تحياتي
|
Post: #21
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-15-2014, 01:45 AM
Parent: #20
الأخ الحبيب على دفع الله ..
يا أخى على .. سامحنى .. ثم سامحنى .. ثم سامحنى ..
لم أقصد أخى البته تجاهل مداخلتكم الكريمة يا أخى ..
Quote:
نتمناها بخير ،،الانسانة المحترمة المناضلة تراجي
والتحية لك عمنا المحترم ارنست ارجانوس جبران |
لا أدرى كيف فطيتك فى الدور .. الظاهر .. عشان أنا واخد دور برد ..
لكن الحمد لله الآن أحسن كثير ..
وأثناء المراجعة .. أجد مداخلتكم ثانى مداخلة .. وأنا ضارب طناش ..
معليش يا أخى الطناش غير مقصود ..
وإن شاء الله بس .. مع الطناش دا .. تظهر تراجى ..
عارف يا أخى على دفع الله ..
من ما سبنا السودان .. نسينا حكاية الظهرة حقة الهدوم دى ..
والناس بطلت تظهر .. ولهذا قررنا اعادة صنع الظهرة ..
خصيصاً لظهور تراجى .. أيه رأيك فى الفكرة دى ..
عليك الله .. دا ما كلام مجانين .. !!! ها ها ها ..
يعنى الواحد يعمل شنو يا اخى .. !!
عمومياً ننتظر .. وان شا الله خير ..
مرة أخرى أكرر أسفى يا أخى ..
ودمتم ..
أخوكم وعمكم العجوز ..
ارنست
+++
|
Post: #22
Title: Re: +++ يا اخوانا وين المناضلة تراجى مصطفى +++
Author: Bashasha
Date: 12-15-2014, 06:32 AM
Parent: #21
سوداني يا عجوز مشتاقين،
حقيقة البسوي فيهو بكري ده عيب!
لايمكن امثال تراجي البنو الفضاء ده طوبة طوبة، يكون هذا الاسلوب المهين هو جزاهم يابكري، فقط لانك كجلابي كامل الدسم لاتستسيق طرح امثال تراجي، او بي كده يستخدموك مستعلواتية الكوم التاني العندهم حساسية مع وعي امثال تراجي لتصفية حسابتم هم مع طرحها!
شايفك نازل بي تقلك في واحدة من بوستات الكوم الاخر بي صورك كمان، مما يثبت تحاملك الذي اعلمه علي طرح امثال تراجي.
ماممكن كل يوم والتاني ذات الناس البمثلو طرح مختلف من المالوف من نصف قرن، يظلون مطاردين من قبلك علي الدوام بالايقاف التعسفي وبهكذا اسلوب مهين، مداخلة واحدة في اليوم!
|
Post: #23
Title: Re: +++ يا اخوانا وين المناضلة تراجى مصطفى +++
Author: alsngaq
Date: 12-15-2014, 09:01 AM
Parent: #22
بشاشا كيفك لا تستعجب ابدا
ولاتحمل بكري اخونا اكتر من كده. المشكلة مافي بكري بس دي مشكلة في مجتمعنا
السوداني كله وموقفه من نموذج المرأة الزي تراجي وامنة مختار. الحكاية ومافيها انو نحن
لسه والله ما جاهزين للنماذج دي. تعرف اي مراة سودانية لا تساوم فى افكارها وطرحها
لازم تتعب معانا لمن عينها تطلع، تركيبتنا كده لانستطيع تقبل الحقيقة من امرأة في معظم الاحيان. ما تشوف
فلسفتنا دي والله يا بشاشا ده مرض عضال عايز صبر وشغل تقيل موقع بكري ده نقطة فى بداية
الطريق. بشاشا انت نفسك ما بتحس بالله فى ذمتك باعراض مرض العضال ده مرة مرة ؟؟
مع انو انت من النوع البتلجم نفسك بالتدريب الصارم جدا من اجل علاج المرض ده.
كل المطلوب عدم استجابة النماذج دي لاي ضغوط تمارس عليهم ده المخرج والطريقة الوحيدة لعلاج
مرض العضال الفينا كرجال سودانيين.
السنجك
|
Post: #24
Title: Re: +++ يا اخوانا وين المناضلة تراجى مصطفى +++
Author: محمدين محمد اسحق
Date: 12-15-2014, 09:23 AM
Parent: #23
الاخ العزيز سوداني عجوز لك التحية و التقدير
Quote: سودانى عجوز...
بكرى ابوبكر حدد ليها مداخلة وآحدة فى اليوم..
يعنى نظام سيسى فى العضل..
عشان كدا أتشغلت بالواتساب.. |
واضح من كلام الاخت نور تاور و من اتصالك مع الاخ بكري انو هناك تحديد تم من قبله ..
ايأ كان .. تحجيم او تحديد مداخلات تراجي فيه ظلم بين وواضح ..لأن امثال تراجي لا يمكن
تحديد مداخلاتهم بكوتة يومية او شهرية ..غالب ما تكتبه تراجي مناشدات انسانية او قضايا
ملموسة تمس واقع الناس و اهل الهامش و هي تضرب في العصب الحي..
فلا يمكن تحجيم مداخلات تطالب بانقاذ حياة انسان معتقل في السجون او بايقاف قصف الطيران
الحكومي علي قرية..
هذا خلل في معايير العدالة ..اذا ظن بكري انه يساوي بين كتاب المنبر..فلا يمكن مساواة مداخلة تتكلم عن
اغنية او راقصة بمداخلة قد تنقذ حياة انسان ..او تبعد الخطر عن قرية نائية من قري الهامش
|
Post: #25
Title: Re: +++ يا اخوانا وين المناضلة تراجى مصطفى +++
Author: Ishraga Mustafa
Date: 12-15-2014, 11:54 AM
Parent: #24
تبقى فعلا مشكلة لو حدد بكرى المداخلات لعضوة او عضو خاصة فى نشاط تراجى فى الكتابة
اتمنى ان تكون تراجى واسرتها بخير.
Quote: فلا يمكن مساواة مداخلة تتكلم عن
اغنية او راقصة بمداخلة قد تنقذ حياة انسان ..او تبعد الخطر عن قرية نائية من قري الهامش |
سلامات يا محمدين..
لو كان مدخلنا من زمن حفروا بحر السودان الفنون لمعالجات قضايانا لما وصلنا لهذا الوضع
كل صراعنا فى الدنيا دى لنجعلها محتملة
ولاشىء يجابه الرصاص وقسوة الحكام سوى اغنية منحازة للانسان
بالنسبة لى الرقص والغناء آليات نضال اساسية لاجل حياة جدير بيها انسان السودان.
شكرا لسودانى عجوز وتحياتى
|
Post: #26
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-15-2014, 06:57 PM
Parent: #25
الأخ الحبيب حيدر حسن ميرغنى ..
شكراً أخى لمداخلتك الكريمة ..
Quote:
بالحيل طارنها
وياريت نشوفها قريب
وسلامات حبيبنا ارنست |
بالفعل يا أخى حيدر .. وكما قلت ..
ياريت نشوفها قريب ..
الله يسمع منك ..
وأخيراً تفضلوا بقبول فائق الإحترام والإجلال ..
أخوكم وعمكم العجوز ..
ارنست
+++
|
Post: #27
Title: Re: +++ يا اخوانا وين المناضلة تراجى مصطفى +++
Author: Bashasha
Date: 12-15-2014, 08:42 PM
Parent: #26
| Quote: ولاتحمل بكري اخونا اكتر من كده. المشكلة مافي بكري بس دي مشكلة في مجتمعنا السوداني كله وموقفه من نموذج المرأة الزي تراجي وامنة مختار |
العزيز السنجك تحياتي،
قنا بكري لانو فعلا لايطيق طريقة تفكير امثال تراجي او ده السبب الاساسي بغض النظر عن التفاصيل انو باستمرار بوقفا او بي طريقة جلفة، مهينة، مافيها ادني اعتبار لي دور امثال تراجي وهذا عار او من حيث البزنس ماحصيف.
هو بتخيل الطرح القديم المعتت المسوس المدود، بتاع ناس فتحي الضو كمثال المفروض علينا او مشنوق فوق رقابنا علي مدار السنة، هو البجيب ليهو الكلكات، مع انو خبوب الجلابي ده منشور علي نطاق المعمورة، عكس اسهام امثال تراحي القاصر علي هذا الفضاء، والمسؤول بمفردو من جعل هذا الموقع ماهو!
ياخي فتحي الضو بتاعك ده، ولا راضي زاتو يسجل هنا من التافف او كبر النفس، عامل مهم، ياللنكتة، او بالتالي هو لايسهم بمثقال نقرة لي موقعك مقارنة بي امنة مختار او تراجي مصطفي، بل هو يستهلك فقط!
بكري شغلو شغل مزاج جلابي صرف!!
|
Post: #28
Title: Re: +++ يا اخوانا وين المناضلة تراجى مصطفى +++
Author: الصادق اسماعيل
Date: 12-15-2014, 08:51 PM
Parent: #27
ما عارف حكاية انه بكري يدي الزول مداخلة واحدة دي لزومها شنو يعنمي
المنبر دا قايم على المداخلة والردود
القرار دا فيه ظلم كبير
فبكري لو عنده راي اخير يرفد الزول عديل
نطالب بكري بإرجاع الكوتة كاملة لتراجي
|
Post: #29
Title: Re: +++ يا اخوانا وين المناضلة تراجى مصطفى +++
Author: ناذر محمد الخليفة
Date: 12-15-2014, 09:30 PM
Parent: #26
انا شخصيا والله اشتقت لكتابات أم رشيرش الفارغة والمقدودة والماعندها موضوع .!!
دا رايي لكن كزول ديمقراطي بتمنى قلمها ما ينكسر أبدا عشان نتصارع الحجة بالحجة والشلوت بأم دلدوم .. والبنية بالمفراكة .!!
أرجو من أخونا بكري رفع الحظر عن تراجي دون أي تقييد لعدد المداخلات ..!!
شكرا لعمنا السوداني العجوز .. ونحن زاتنا عجزنا وكبرنا وكبرت أحزانا ههههه
|
Post: #30
Title: Re: +++ يا اخوانا وين المناضلة تراجى مصطفى +++
Author: فقيرى جاويش طه
Date: 12-15-2014, 10:04 PM
Parent: #29
الارو بشاشا المدعو فتحى الضو العروبى البيتحفنا بمعلومات من اجهزة الاستخبارات فى الخرطوم
فى مؤتمر ايوا الاول رفض توصية المؤتمر بتاييد قرار المحكمة الجنائية الدولية القاضى باتهام البشير بجرائم التطهير العرقى والمثول امام المحكمة .
لو اردت التحقق من ذلك ارجو الاتصال لتوصيلك بالشهود الحاضرين فى ذلك المؤتمر .
|
Post: #31
Title: Re: +++ يا اخوانا وين المناضلة تراجى مصطفى +++
Author: Bashasha
Date: 12-15-2014, 11:35 PM
Parent: #30
.| Quote: ى مؤتمر ايوا الاول رفض توصية المؤتمر بتاييد قرار المحكمة الجنائية الدولية القاضى باتهام البشير بجرائم التطهير العرقى والمثول امام المحكمة |
قرقرقر!
تحياتي يافقيري،
ياهم زي ديل البكري بستمخ لي كرورم حقيقة ليفرد لهم المساحات المهولة، من دون ما يطقو طورية في هذا الفضاء، او يرفعو قدح مونة، واحد!
اما من جعلو سودانيز كموقع ماهو عليه اليوم، من امثال تراجي، بلوشي ولوجه ما امنو به من قضايا، فمالهم، الا جزاء سمنار!
الواحد كان بتخيل بكري من الحصافة انو يعبر عن عرفانو او تقديرو للمعروف الاسدو ليهو او لي موقعو امثال تراجي، بلا مقابل بافراد يوم خاص كامل لتكريم امثال تراجي بعد العمر ده.
فاحنا ما طيور يا بكري ابوبكر، واسمع كلام البكيك، وانت تعلم احنا اصدقاء ولك معزة خاصة في القلب بعيد من الاسافير، ولكن تعلم مابغرق زمتي!
|
Post: #32
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-16-2014, 12:33 PM
Parent: #31
الأخت الحبيبة نعمات عماد ..
شكراً أختى على مداخلتك الرقيقة ..
Quote: العزيزة تراجى
كيف الصحة و الأمور
أتمنى عودتك مع موضوع دسم كعادتك .
لك الشكر و التحايا العزيز ارنست ارجانوس جبران . |
كم هو جميل أن نجتمع سوياً .. من أجل المحبة ..
من أجل الخير .. ونلفظ كل ما هو غير مهذب وغير كريم ..
فيا تراجى ها هى نعمات أيضاً تدعوك للعودة ..
فليتك تعودين ..
شكراً مرة أخرى أختى نعمات ..
الرب يبارك حياتك ..
أخوك وعمك العجوز ..
ارنست
+++
|
Post: #33
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-16-2014, 06:45 PM
Parent: #32
الأخت الحبيبة هدير الزين
شكراً أختى للإدلاء بصوتك تجاه أختنا الحبيبة تراجى ..
Quote: معك نطالب الريس بكري بفك الحظر أو تحديد مداخلات المصادمة تراجي (وآخرين) !
فتراجي قلم حر .. جرئ وشجاع وحقاني. تراجي حقيقة(ن) روح هذا المنبر!
شكرآ لك العم ارنست
مع التحية والود والتقدير |
يا تراجى وهذا .. هو أيضاً نداء آخر من الأخت هدير ..
يا تراجى .. نرجوك .. العودة إلينا .. عودى يا تراجى ..
وسيبك من اللى فات ..
مرة أخرى الشكر لك يا اختى هدير ..
الرب يبارك حياتك ..
أخوك وعمك العجوز ..
ارنست
+++
|
Post: #34
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-17-2014, 01:34 AM
Parent: #33
أخى الحبيب mwahib idris
شكراً لمداخلتك الكريمة أخى ..
Quote:
فيا ليتك تعودين .. والجميع فى انتظارك .. |
نعم الجميع بانتظارك يا تراجى ..
أخوك وعمك العجوز ..
ارنست
+++
|
Post: #35
Title: Re: +++ يا اخوانا وين المناضلة تراجى مصطفى +++
Author: Abdlaziz Eisa
Date: 12-17-2014, 05:31 PM
Parent: #34
سلام
نطالب ونعاود المطالبة
ننتظر تراجي ان تعود كاملة الدسم سريعا...
أرفع القيود والحظر يا سيد الحوش..
|
Post: #36
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-18-2014, 00:25 AM
Parent: #35
الأخت الحبيبة وضاحة ..
شكراً جزيلاً ابنتى الحبيبة على مداخلتك الرقيقة ..
Quote: عمو سوداني سلام الله عليك
مشتاقين
والله وحشتنا ام حزام
بكرى حقار ملي لينا المنتدى كيزان وجلابة
ام حزام حلفتك بكل عزيز لديك تجى
والله وحشتينا |
تقصدى يا وضاحة .. أم حازم ..
فالظاهر الألف طار وبقى بعد حرف الزاء ..
بدل ما يكون بعد الحاء ..
وكأن تراجى عندها ولد اسمه " حزام " ..
لاكين ما مشكلة .. بتحصل فى ارقى العائلات ..
أها يا تراجى .. ها هى ابنتنا وضاحة تطلب رجوعك يا تراجى ..
شكراً مرة أخرى ابنتى الحبيبة ..
الرب يبارك حياتك ..
عمك العجوز ..
ارنست
+++
|
Post: #37
Title: Re: +++ يا اخوانا وين المناضلة تراجى مصطفى +++
Author: نادر الفضلى
Date: 12-18-2014, 01:15 AM
Parent: #36
الفنان المرحوم عبد العظيم حركة كان فى الحفلات والربة والهجيج فى نص الغنا بيقول .. "خمينى فك الرهاين!"
شاهدت وإطلعت على هذا البوست بعد الإطلاع والمداخلة فى بوست آخر عن خبارات وشمارات على تراجى!
المحظورة فماذا يحدث .. ؟!
تشكر عزيزى السودانى العجوز بما تحمل من أصالة ووفاء ناس الزمن الجميل !
|
Post: #38
Title: Re: +++ يا اخوانا وين المناضلة تراجى مصطفى +++
Author: محمدين محمد اسحق
Date: 12-18-2014, 11:18 AM
Parent: #37
الاخت العزيزة اشراقة مصطفي لك التحية و التقدير ووين بيك الحي
Quote:
سلامات يا محمدين..
لو كان مدخلنا من زمن حفروا بحر السودان الفنون لمعالجات قضايانا لما وصلنا لهذا الوضع
كل صراعنا فى الدنيا دى لنجعلها محتملة
ولاشىء يجابه الرصاص وقسوة الحكام سوى اغنية منحازة للانسان
بالنسبة لى الرقص والغناء آليات نضال اساسية لاجل حياة جدير بيها انسان السودان. |
هذا امر لا اختلف معك فيه اختي العزيزة اشراقة .. بالتأكيد لا اقصد هذا الفن الهادف الذي يحمل قضية
و كوني بخير دائمأ
|
Post: #39
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-18-2014, 02:49 PM
Parent: #38
الأخ الحبيب ..
Abdel Aziz Eisa
شكراً أخى لمداخلتكم الكريمة ..
Quote: الاخ العم الشاب العزيز آرنست
سلام
الاخت تراجي هي ملح المنبر..
وجودها مهم جدا لانه يثري الحوار ويحرك المنبر
تراجي بحكم عطائها الثر هنا لها حق الفيتو مهما كانت وجهة نظر محاوريها..
وعلى المتضرر ان وجد أن يقارعها بالحجة هنا وليس في اللجوء الى دموع الخيبة والمطالبة بايقافها..
التحية للاخت أم حازم القامة..
القلم الجري محرك النشاط والقراءات بتميز لا يدانيه اي كاتب آخر..
مودتي |
لا أدرى ماذا أقول .. قد بح صوتنا .. بل أصواتنا ..
ولنفترض أن أحد الشخصيات أخطأت .. ألا يمكن
لهذا الخطأ أن يصلح .. ويعتذر هذا الإنسان ..
لأننا بشر .. والإنسان غير معصوم من الخطأ ..
مرة أخرى أكرر .. مهما كان هذا الإنسان ..
أو مهما كان ذلك الخطأ ..
فلنتراجع أحبتى عن تصلب الرأى .. أو
التشبث به .. مع إيضاح الأسباب ..
ونجعل للمحبة طريقاً .. هكذا تنجح خطواتنا ..
وهكذا تنجح حياتنا ..
فليتنا نفكر ونعى .. لأن الحياة قصيرة ..
يجب ألا نضيعها .. فى القيل والقال ..
الرب يبارك حياتكم ..
شكراً مرة أخرى أخى عبد العزيز ..
الرب يبارك حياتك ..
أخوكم وعمكم العجوز ..
ارنست
+++
|
Post: #40
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-19-2014, 00:08 AM
Parent: #39
الأخ الحبيب سيف اليزل سعد
شكراً أخى لمداخلتك الكريمة ..
Quote:
نتسأل أين تراجي؟
بس ندعو الله أن تكونى بخير إنتى والأولاد...
سلام من خلال هذه النافذة... |
شكرأ مرة أخرى أخى سيف اليزل ..
ونحن معك نجدد التماسنا لرجوع تراجى ..
الرب يبارك حياتكم ..
وأخوكم وعمكم العجوز ..
ارنست
+++
|
Post: #41
Title: Re: +++ يا اخوانا وين المناضلة تراجى مصطفى +++
Author: Tragie Mustafa
Date: 12-19-2014, 04:09 AM
Parent: #40
حبيبنا ارنست
يا نوارة هذا البود ورمز عافيته.
شكرا لك لانك سالت عني و شكرا لكل زوار بوست.
يا حبيبنا بكري ابوبكر فعلها.
وكان محدد مداخلاتي لما يفوق الاربعه اشهر.
ولكن فاته كما فات علي كل من يحاربوني بانه لا يمكنهم حجب صوتي.
كنت هنالك يا عزيزي مع كل ابناء و بنات شعبنا.
في صراع جنيسبة بحري و اعتقالات المسيحين النوبه.
كنت هنالك يا حبيبنا مع طالبات البركس في معقلاتهن.
كنت هنالك مع ستات الشاي اللائي صرن يستمعن لتسجيلاتي.
وساظل بكل خنادق الشعب السوداني.
ــــــــــــــــــــ
يا حبيبنا سوداني ما تقول لي ما بعرف للتكنبولجيا
وما تقول لي ما عندك اسمارت فون ولا ما عندك و اتساب
لانك بهذا ما تتخيل المولد الفايتك في خطوات التغيير القادم في السودان.
اعمل و اتساب و فتشني ورقمي عندك او اسال هباني.تحياتي لك.
|
Post: #42
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-19-2014, 12:50 PM
Parent: #41
الأخت الحبيبة تراجى ..
شكراً يا تراجى .. شكراً للحضور الذى أضاء المكان ..
صوتنا راح من المهتاه .. نهاتى .. نهاتى .. تراجى .. تراجى ..
عليك الله .. ما تغيبى عنا تانى ..
من فضلك .. من فضلك .. إذا سمعت كلام .. والكلام دا ما عجبك .. الحكمة ..
الله خلق لينا اضانين اتنين .. دخلى الكلام من أضان .. و طلعيهو من الأضان التانية ..
اعملى زى عمك ..
المهم .. الف مرحب بيك فى بيتك ..عليك الله .. ما تغيبى عنا تانى ..
أما بخصوص .. كلمات الجميلة هذه ..
+++Quote:
يا حبيبنا سوداني ما تقول لي ما بعرف للتكنبولجيا
وما تقول لي ما عندك اسمارت فون ولا ما عندك و اتساب
لانك بهذا ما تتخيل المولد الفايتك في خطوات التغيير القادم في السودان.
اعمل و اتساب و فتشني ورقمي عندك او اسال هباني.تحياتي لك. |
الظاهر انك واخده مقلب فى عمك .. عمك العجوز .. المابتغير .. وما داير يتغير ..
قال تكنلوجيا .. عارفه يا تراجى .. أن تلفونى النوع القديم داك .. وطبعاً غيرته .. بواحد
قديم زيه .. وبصراحة فقدت أغلب النمر اللى كانت مخزنه فى القديم .. وطبعاً وللأسف
فقدت رقمك .. وحتى إذا داير أتصل .. لازم أشترى كرت .. وعمك .. بقى .. يا تراجى
خلى الطابق مستور ..
قال واتساب .. يا تراجى قوللى .. واتس داون .. علىك الله خليها بس فى سرك ..
المهم ألف سلامة ليك .. وألف حمد لله على سلامتك ..
بس مرة تانية من فضلك ما تنقطعى مننا .. بعدين .. أخونا هشام .. طولت ما اتكلمت معاهو ..
بصراحة .. أنا بخاف اتصل بهيو .. عشان شغلو .. لاكين .. أنا أغلب الوقت فى البيت ..
أنا أخد وعد منك .. من فضلك .. ما تنقطعى مننا تانى .. واتذكرى موضوع الأضانين ..
أضان تسمع .. وأضان تفوت جمل ..
الله معاك يا تراجى ..
أخوك وعمك العجوز ..
ارنست
|
Post: #43
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-19-2014, 06:21 PM
Parent: #42
الأخ محمد هارون ..
شكراً يا أخى .. على مداخلتكم الرقيقة ..
Quote:
تشكر يا سوداني يا أصيل .. غايتو يا أم حازم العندو واسطة ياكل باسطة ..ههههههه
تحياتي |
تعرف يا أخى محمد .. أها .. كتاباتكم جابت نتيجة .. ويا ها أم حازم جات بحمد الله ..
يعنى الحكاية .. لا فيها واسطة ولا باسطة ..
ذكرتى أخى بحكاية الباسطة ..
كنا زمان أيام المدارس الأولية ..
كنا نقول ..
سنة أولى .. تصب على طولا ..
سنة تانية .. تاكل بامية ..
سنة تالته .. تاكل باسطة ..
سنة رابعة .. تخت الجواب بلا طابعة ..
يا حليل الزمن الروح ..
مرة أخرى .. الشكر وكل الشكر لكم ..
أخى محمد هارون ..
الرب يبارك حياتكم ..
أخوكم وعمكم العجوز ..
ارنست
+++
|
Post: #44
Title: Re: +++ يا اخوانا وين المناضلة تراجى مصطفى +++
Author: ناذر محمد الخليفة
Date: 12-19-2014, 07:09 PM
Parent: #43
عمنا يا ارنست .. سلام وتحية ..
من الانصاف انك ترد علي تعليقي ما دام رديت علي كل التعليقات القبليني والبعديني حتى لو كنت ما موافقني ..!!
ولا شنو ؟!!
|
Post: #45
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-19-2014, 08:38 PM
Parent: #44
الأخ الحبيب ناذر محمد الخليفة ..
شكراً جزيلاً لمداخلتك يا أخى ناذر ..
Quote: عمنا يا ارنست .. سلام وتحية ..
من الانصاف انك ترد علي تعليقي ما دام رديت علي كل التعليقات القبليني والبعديني حتى لو كنت ما موافقني ..!!
ولا شنو ؟! |
يا راجل حرام عليك ..
أولاً .. أرجو أن أقدم أعتذارى لمن عندو الدور .. وهو الأخ الحبيب بشاشا .. ومن بعده ..
تعرف يا أخى ناذر ..
أنا حساس فى مسألة الدور دى ..
لدرجة .. انو .. أنا كاتب الأسماء بالدور .. فى وريقة صغيرونة ..
وكل ما أرد على زول .. أقوم .. أعمليهو شخته بقلم الرصاص ..
عشان .. ما أنسى زول .. ودورك بعد الأخ الصادق اسماعيل ..
لاكين .. أنا لا أرضى بزعلك يا نادر .. وأنت صديق قديم بالنسبة لى ..
عليك الله ماتزعل من عمك .. لاكين .. ايه رأيك .. أنا أكبر فيك المداخلة
الأخيرة .. وإن دل هذا فانه يدل على اهتمامك الكريم ..
وأدامك الله صديقاً عزيزاً يا أخى ..
وعشان كده .. أهديك أغنية نادرة للفنان الراحل .. محمد وردى ..
http://sudan.coolbb.net/t2-topichttp://sudan.coolbb.net/t2-topic
خلاص .. سماح .. بالمناسبة .. برضو .. لما يجى دورك .. حأرد عليك ..
ودمتم أخى ..
عمكم العجوز ..
ارنست
+++
|
Post: #46
Title: Re: +++ يا اخوانا وين المناضلة تراجى مصطفى +++
Author: ناذر محمد الخليفة
Date: 12-19-2014, 09:27 PM
Parent: #45
هدية من ايدك مقبولة يا عجوز ..
|
Post: #47
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-20-2014, 02:57 PM
Parent: #46
الأخ الحبيب ..
والبشوش دايما يا بشاشا ..
يا راجل يا بشوش ..
من مدة طويلة لم نلتق .. يا حليليك ..
شكراً لمداخلتكم الكريمة ..
اقتباس:
سوداني يا عجوز مشتاقين،
حقيقة البسوي فيهو بكري ده عيب!
لايمكن امثال تراجي البنو الفضاء ده طوبة طوبة، يكون هذا الاسلوب المهين هو جزاهم يابكري، فقط لانك كجلابي كامل الدسم لاتستسيق طرح امثال تراجي، او بي كده يستخدموك مستعلواتية الكوم التاني العندهم حساسية مع وعي امثال تراجي لتصفية حسابتم هم مع طرحها!
شايفك نازل بي تقلك في واحدة من بوستات الكوم الاخر بي صورك كمان، مما يثبت تحاملك الذي اعلمه علي طرح امثال تراجي.
ماممكن كل يوم والتاني ذات الناس البمثلو طرح مختلف من المالوف من نصف قرن، يظلون مطاردين من قبلك علي الدوام بالايقاف التعسفي وبهكذا اسلوب مهين، مداخلة واحدة في اليوم!
انتهى الإقتباس ..
شكراً يا بشاشا لدفاعكم عن أختنا تراجى ....
والحمد لله .. لرجوعها لنا بالسلامة ..
الرب يبارك حياتكم ..
أخوكم وعمكم العجوز ..
ارنست
+++
|
Post: #48
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-20-2014, 09:01 PM
Parent: #47
الأخ الحبيب السنجك ..
شكراً أخى لتعليقكم على ما جاء به الأخ بشاشا ..
Quote:
بشاشا كيفك لا تستعجب ابدا
ولاتحمل بكري اخونا اكتر من كده. المشكلة مافي بكري بس دي مشكلة في مجتمعنا
السوداني كله وموقفه من نموذج المرأة الزي تراجي وامنة مختار. الحكاية ومافيها انو نحن
لسه والله ما جاهزين للنماذج دي. تعرف اي مراة سودانية لا تساوم فى افكارها وطرحها
لازم تتعب معانا لمن عينها تطلع، تركيبتنا كده لانستطيع تقبل الحقيقة من امرأة في معظم الاحيان. ما تشوف
فلسفتنا دي والله يا بشاشا ده مرض عضال عايز صبر وشغل تقيل موقع بكري ده نقطة فى بداية
الطريق. بشاشا انت نفسك ما بتحس بالله فى ذمتك باعراض مرض العضال ده مرة مرة ؟؟
مع انو انت من النوع البتلجم نفسك بالتدريب الصارم جدا من اجل علاج المرض ده.
كل المطلوب عدم استجابة النماذج دي لاي ضغوط تمارس عليهم ده المخرج والطريقة الوحيدة لعلاج
مرض العضال الفينا كرجال سودانيين.
السنجك |
بالرغم من أننى لا أوافقكم الرأى .. مائة بالمائة .. إلا أنه بالفعل .. هناك الكم الكثير
من الرجال ينظرون الى المرأة بأنها غير جديرة بقول رأيها .. يعنى بالعربى المفتوح ..
لأن المجتمع الذى نعيش فيه هو مجتمع " ذكورى " .. يعنى المرأة لا حق لها فى
الكلام .. أو حتى الإدلاء برأيها .. ولكن يا أخى .. الزمن تغير ..
ولابد وأن يتغير .. كثير من النساء .. أقولها .. " أرجل من الرجال " فى وقوفهن
مع الحق .. ومناصرات للحقيقة .. ولهذا وجب علينا .. الفخر بهن .. والإعلاء
من قدرهن .. ولمجهوداتهن ..
ولا نريد أن نردد .. حق المرأة نصف الرجل .. فليتنا ننتبه لهذه النقطة ..
المرأة تعادل الرجل .. فى الحقوق .. ولا ننقص من حقوقهن البتة ..
مرة أخرى الشكر لكم أخى السنجك ..
والرب يبارك حياتكم ..
أخوكم وعمكم العجوز ..
ارنست
+++
|
Post: #49
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-22-2014, 04:32 PM
Parent: #48
الأخ الحبيب محمدين محمد اسحق ..
شكراً أخى لمداخلتكم الرقيقة ..
Quote:
الاخ العزيز سوداني عجوز لك التحية و التقدير
Quote: سودانى عجوز...
بكرى ابوبكر حدد ليها مداخلة وآحدة فى اليوم..
يعنى نظام سيسى فى العضل..
عشان كدا أتشغلت بالواتساب..
واضح من كلام الاخت نور تاور و من اتصالك مع الاخ بكري انو هناك تحديد تم من قبله ..
ايأ كان .. تحجيم او تحديد مداخلات تراجي فيه ظلم بين وواضح ..لأن امثال تراجي لا يمكن
تحديد مداخلاتهم بكوتة يومية او شهرية ..غالب ما تكتبه تراجي مناشدات انسانية او قضايا
ملموسة تمس واقع الناس و اهل الهامش و هي تضرب في العصب الحي..
فلا يمكن تحجيم مداخلات تطالب بانقاذ حياة انسان معتقل في السجون او بايقاف قصف الطيران
الحكومي علي قرية..
هذا خلل في معايير العدالة ..اذا ظن بكري انه يساوي بين كتاب المنبر..فلا يمكن مساواة مداخلة تتكلم عن
اغنية او راقصة بمداخلة قد تنقذ حياة انسان ..او تبعد الخطر عن قرية نائية من قري الهامش |
مرة أخرى الشكر لكم أخى لردكم الوافى .. ومن هنا .. نحن نقف مع رأيكم .. وأنا واثق من ان الأخ بكرى ..
سيرجع الأمور الى نصابها الصحيح .. وطالما أن أختنا الحبيبة تراجى رجعت .. كل شئ سيسير على
ما يرام بإذن الله ..
فقط نحن نريد أن المحبة للآخر هى التى تسود .. لأن عدو الخير .. واقف .. متربص لكل هذه المجهودات ..
ولهذا يجب علينا أن نعى .. ونكون من الوعى والمسئولية حتى نتعرف على نقاط الضعف ونصلحها ..
الشكر لكم أخى .. وندعو الله بالتوفقيق للجميع ..
الرب يبارك حياتكم ..
أخوكم وعمكم العجوز ..
ارنست
+++
|
Post: #50
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-23-2014, 10:40 PM
Parent: #45
الأخت الحبيبة .. اشراقه مصطفى ..
شكراً أختى على مداخلتك الرقيقة ..
Quote:
تبقى فعلا مشكلة لو حدد بكرى المداخلات لعضوة او عضو خاصة فى نشاط تراجى فى الكتابة
اتمنى ان تكون تراجى واسرتها بخير.
Quote: فلا يمكن مساواة مداخلة تتكلم عن
اغنية او راقصة بمداخلة قد تنقذ حياة انسان ..او تبعد الخطر عن قرية نائية من قري الهامش
سلامات يا محمدين..
لو كان مدخلنا من زمن حفروا بحر السودان الفنون لمعالجات قضايانا لما وصلنا لهذا الوضع
كل صراعنا فى الدنيا دى لنجعلها محتملة
ولاشىء يجابه الرصاص وقسوة الحكام سوى اغنية منحازة للانسان
بالنسبة لى الرقص والغناء آليات نضال اساسية لاجل حياة جدير بيها انسان السودان.
شكرا لسودانى عجوز وتحياتى |
حقيقة الحق .. لا يُعلى عليه ..
والحمد لله .. تراجى بخير .. وها هى رجعت لنا بالسلامة ..
الرب يبارك حياتكم ..
أخوكم وعمكم العجوز ..
ارنست
+++
|
Post: #51
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-25-2014, 05:21 PM
Parent: #50
الأخ الحبيب الصادق اسماعيل ..
شكراً لمداخلتكم الكريمة ..
Quote:
ما عارف حكاية انه بكري يدي الزول مداخلة واحدة دي لزومها شنو يعنمي
المنبر دا قايم على المداخلة والردود
القرار دا فيه ظلم كبير
فبكري لو عنده راي اخير يرفد الزول عديل
نطالب بكري بإرجاع الكوتة كاملة لتراجي |
آسف أخى للتأخير فى الرد عليكم ..
ولكن .. زى ما عارف .. عمك عجز بالحيل ..
المهم .. الحمد لله .. الأخت تراجى رجعت .. والأمور
رجعت الى نصابها الأول ..
مرة أخرى شكراً جزيلاً لاهتمامكم بالموضوع ..
والرب يبارك حياتكم ..
أخوكم وعمكم العجوز ..
ارنست
+++
|
Post: #52
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-26-2014, 08:20 PM
Parent: #51
الأخ الحبيب فقيرى جاويش ..
شكراً أخى لمداخلتكم الموجهة للأخ بشاشا ..
Quote:
الارو بشاشا المدعو فتحى الضو العروبى البيتحفنا بمعلومات من اجهزة الاستخبارات فى الخرطوم
فى مؤتمر ايوا الاول رفض توصية المؤتمر بتاييد قرار المحكمة الجنائية الدولية القاضى باتهام البشير بجرائم التطهير العرقى والمثول امام المحكمة .
لو اردت التحقق من ذلك ارجو الاتصال لتوصيلك بالشهود الحاضرين فى ذلك المؤتمر . |
ومعاً نقول ..
الحمد لله لوصول الأخت الحبيبة تراجى ..
الرب يبارك حياتكم ..
أخوكم وعمكم العجوز ..
ارنست
+++
|
Post: #53
Title: Re: +++ يا اخوانا وين المناضلة تراجى مصطفى +++
Author: Sudany Agouz
Date: 12-27-2014, 11:25 PM
Parent: #52
الأخ الحبيب نادر الفضلى ..
شكراً أخى لكلماتك الرقيقة ..
Quote:
الفنان المرحوم عبد العظيم حركة كان فى الحفلات والربة والهجيج فى نص الغنا بيقول .. "خمينى فك الرهاين!"
شاهدت وإطلعت على هذا البوست بعد الإطلاع والمداخلة فى بوست آخر عن خبارات وشمارات على تراجى!
المحظورة فماذا يحدث .. ؟!
تشكر عزيزى السودانى العجوز بما تحمل من أصالة ووفاء ناس الزمن الجميل !
|
تعرف يا أخى نادر .. لولا أننى أقوم بإجترار ذكريات الزمن الجميل كل يوم .. لمت من الحسرة ..
لأن سودان الأمس الذى عشت فيه .. لهو أجمل شئ باقى الى الآن .. لاسيما و نحن فى
بلاد الغربة .. الغربة القاتلة التى لا ترحم ..
شكراً مرة أخرى لكم أخى نادر على مروركم الكريم .. وتعليقكم اللطيف على شمارات تراجى ..
المهم .. الحمد لله لرجوعها ..
الرب يبارك حياتكم ..
أخوكم وعمكم العجوز ..
ارنست
+++
|
|