كتبت هذا البوست في الربع الماضي.. وحبيت اواصل البوست في الربع الجديد ...لأن هذا البوست الرائع( انا بشكر نفسي براي وشكار نفسه ابليس) لكن الروعة جات من الحكاوي الرائعة لأعضاء المنبر العام الذي حلقوا بنا في سماوات الحياة السودانية الصرفة والصادقة وعادوا بنا لحياة نتمناها ونتمنى ان نعيشها .. وخرجوا بنا من ويلات وعذابات الغربة القساية ... وخلال البوست تعرفنا على اخوات عزيزات وفي مقدمتهن ينت عمسيب ود, وضاحة وسلمى وبسمات وامتثال وسلافة وهن اللاتي يتابعن البوست باهتمام وتعرفنا على اخوان اعزاء ووالله خرجنا من حكاويهم السمحة والظريفة بفوائد لا تقدر بثمن.... والله يديهم الصحة والعافية كلهم وبدون فرز.... وحتى نواصل محل ما وقفنا في الربع الفات ، فسوف نتقتبس هنا الفقرات الأخيرة في الصفحة 26... وما شاء الله البوست كان وصل 26 صفحة واكثر من 72 ألف نقرة على الماوس على البوست.. والفقرات الأخيرة هي:" ( من ود شيقوق):
"كتب زميل المنبر الأخ الهادي محمد الأمين - مشكورا - موضوعا عن الراحل عبد الرحيم أبو سنينة والد زميلنا يوسف قائلا :
لا أدري في أي فصل دراسي كنّا حينما جاء الاستاذ (أحمد عكاشة) وامرنا بالخروج بعد أن قطع علينا إحدي الحصص بممارسة هوايتنا في القراءة والاطلاع والمذاكرة وكتابة الواجب وقال لنا بلهجة حاسمة وقوية (يلا أطلعوا بره يا أولاد) كان النهار وقتها غائظا والشمس ترسل ألسنتها الملتهبة وأشعتها اللاسعة تقع علي أجسادنا النحيفة كالسياط ورؤوسنا مغطاة بالورق والكراسات تفاديا وتلافيا لحرارة الجو الساخن واللافح وما أذكره أن أعمارنا كانت صغيرة في تلك الفترة التي التحقنا فيها بمدرسة صافية الابتدائية وتضم صافية وكتفية بين جنباتها عددا من أعرق المدارس البنين والبنات (إبتدائي) والبنين والبنات (المتوسط) وقبلها كانت تسمي الثانوي العام ومما سمعناه من سلفنا أن هناك مدارس كانت تسمي الوسطي والكتّاب وفي العهد الحالي حدث تحولات في مرحلة حكم الانقاذ قضت بإجراء تعديلات وتغييرات في السلم الدراسي وتحويل المرحلة الإبتدائية إلي الأساس مع إضافة ودمج سنتين في السلم التعليمي لتصبح جملته (8) سنوات دراسية بعد أن كانت (6) وإلغاء الابتدائي والمتوسط (3) سنوات والاستعاضة عنهما بالمرحلة الثانوية ومع مدارس صافية وكتفية العتيقة كان هناك النادي العريق من أقدم الاندية الرياضية والثقافية والاجتماعية بالمنطقة ثم (استراحات الاساتذة) و (الشفخانة) وتحولت الان إلي مستشفي أو إن أردنا الدّقة نطلق عليها (مركزا صحيا) بعد ان كانت قديما (نقطة غيار) ومن المواقع القديمة والأثيرة في كتفية (مقابر الترك) التي تقع غرب مدرسة البنات المتوسطة وجنوب ميدان الكورة القديم الذي انتقل قبل سنوات عديدة في اتجاه الشرق بالقرب من المسجد الجديد والمسافة بين (مقابر الترك) ومقابر (كتفية) عدة أمتار تفصل بين الموقعين ... وعودا علي بدء فعندما كنا في الفصل في تلك الايام والازمنة أمرنا الاستاذ (أحمد عكاشة) وهو من قرية ودبترو بالخروج من الفصل وتلاقت كافة الفصول (الستة) الأخري مع طلاب المدرسة المتوسطة بنين ثم حدث تجمع مع طالبات البنات في المرحلتين الابتدائي والمتوسط بجانب الاساتذة ومواطني القري الثلاثة (السنية -صافية - كتفية) وكان الحشد كبيرا وبلغة اليوم (جماهيري حاشد) تدافع نحوه المئات رجالا ونساء شيبا وشبابا صغارا وكبار جاءوا من كل فج عميق (وحدب وصوب) هذا إذا استصحبنا ان المدارس تضم أبناء وبنات عدد من القري المجاورة مثل قوز عبد السلام - ودبترو - توبة - انجضو - استرحنا - ود اللمين - اولاد يوسف - جاد العين) وغيرها كل ما عرفناه أن وفدا رسميا بمستوي عال في طريقه للمنطقة لزيارة القري ميدانيا وللوقوف علي أوضاع المواطنين ومعرفة مطالب السكان واحتياجاتهم وقال لنا الاساتذة قولوا بصوت عال ومرتفع (يا ابو سنينية نوّر لينا) ويا (محجوب النور مطلوب) والاشارة هنا لاسماع صوت أهل القري للمسؤولين القادمين من رئاسة حكومة الاقليم الاوسط (مدني) بضرورة توصيل خدمة التيار والامداد الكهربائي بعد أن كانت غالبية قرانا تعيش حالة (إظلام كامل)وتقع في حزام ظلام دامس وتحتكم في لياليها للسواد الحالك الذي يطرده ضوء (الجنريتر) و (الدينمو) الصادر من النادي أو نور (الرتاين) النابع من فصول المدارس حين تكون هناك مذاكرة إجبارية ليلية غير ذلك فان (حبوبة ونسيني) و(لمبات الجاز) و (الفوت) هي سيدة الموقف في كافة المنازل والبيوت وما يهم وصل الوفد الذي يقوده (عبد الرحيم أبو سنينة) ومعه آخرين بجانب رموز إتحاد المزاعين وهو (حكومة بي ذاتو) لا تقل في رمزيتها ومواقفها وفاعليتها قوة من رمزية ومواقف وفاعلية الحكومة الحقيقية فاتحاد المزارعين كان هو الحامي والراعي للأسر في مشروع الجزيرة التي كانت تعتمد كليا في حياتها ومعيشتها علي الزراعة ومنتجاتها وبجانب الشق النقابي في حفظ حقوق المزارعين وحماية الحواشات وأصحابها كانت هناك القشارات ومطاحن الغلال ومصانع الصداقة للغزل والنسيج والمحالج وكان الاستقبال حارا والترحيب بالضيوف قويا وأصواتنا عالية وداوية وزغاريد النساء تملأ ساحة الاحتفال والهتافات تنتقل من الفسحة الكبيرة بالقرب من منزل عمنا الراحل (إدريس عبد القادر) وحتي أشجار حديقة الروضة شمال بيوت عمنا الراحل (البشير ود أبسيرة) وفي موقع ملاصق لمدرسة البنات الابتدائية انتقلت الفعالية بعدها إلي صحن النادي الذي فاضت مساحته وضاقت جنباته بالحضور رغم سعته وامتداد الفسحة التي تنتهي عند المسرح في الاتجاه الشمالي وبالمناسبة تزامن مع تلك المرحلة حضور (حيدر قضامة) ولا أدري حتي الان هل هو ساحر أم مصارع أم ملاكم ؟ لكنه كان شخصا مخيفا ومرعبا وتستثيره استفزازات الحضور الذين كانوا يتهيبون الاقتراب منه حينما يقولون (يا ييا همبرسي) فيتهيج الرجل الذي كانت توضع علي صدره المسامير دون أن تؤثر في جسده ويقوم بتوقيف السيارة البوكس ويجرها للخلف بالحبل (السلبة) في مشهد مدهش وغريب كما أن النادي كان وباستمرار يستضيف (الحواة) الذين تستهوينا خدعهم البصرية عبر سحر الأعين وإيهام الحضور بأكل الامواس والمسامير والابر وووو وغيرها من القصص والحكاوي الفكاهية .. ما يهمنا أن اللقاء الذي كان علي قيادته (عبد الرحيم أبو سنينة) كان لقاء حارا كحرارة شمس ذاك اليوم ولا أدري هل عملية توصيل الشبكة الكهربائية لقرانا قبل سنوات خلت كانت بسبب توصيات ومجهودات (عبد الرحيم أو سنينة) أم عبر تحركات مجموعة أخري ساهمت في وصول خدمة الإمداد الكهربائي لتك القري فيما بعد وتحول ليلها بفعل أسلاك الكهرباء - عبر الانارة - إلي نهار وغطت الشبكة غالبية قري المنطقة .. ما كان لي إيراد هذه الحكاوي أو شريط الذكريات برواية متقطعة وغير محبوكة لولا أنني سمعت قبل أيام عن وفاة (عبد الرحيم ابو سنينة) ولم أكن أعلم أن الرجل حيّا ولم يفض إلي ربه بعد فقد حسبته ميتا ذلك لأنه غاب عن الساحة وانسحب بهدوء عن المسرح السياسي والنقابي وغاب عن المشهد بالكلية ولم نعد نسمع عنه شيئا منذ عهد الحكم الإقليمي وسطوة إتحاد مزارعي الجزيرة والمناقل وسبحان الحي الدائم فقد مات مشروع الجزيرة وتبعه موتا إتحاد مزارعي المشروع ثم أخيرا أبو سنينة واسمه بالكامل عبد الرحيم محمد أحمد و (أبو سنينة) هي قريته التابعة للمدينة عرب بمحلية المناقل وهو ينتمي للحزب الاتحادي الديمقراطي حيث ينقسم الولاء في منطقة الوسط في تلك الحقب علي ثلاثة ولاءات حزبية (الأنصار) وواجهتم السياسية حزب الامة و (الختمية) وذراعهم السياسي الحزب الاتحادي الديمقراطي وقوي اليسار ممثلة في الحزب الشيوعي السوداني في وقت ندر فيه الولاء للأخوان المسلمين الذين كانوا يعدون علي أصابع اليد الواحدة وتوزع العمل السياسي العام بين الحراك السياسي المباشر والحركة النقابية التي تظهر في خطط هذه التيارات للسيطرة علي إتحاد مزارعي الجزيرة والمناقل وكانت المنافسة علي أشدها بين هذه القوائم التي كان يتصدرها عدد من المخضرمين بالمنطقة أمثال (أحمد عبد الدافع إمام - الأمين محمد الامين - عبد القادر دكين - عبد الله عبد الله عديل - عبد الله محمد الامين برقاوي - إبراهيم الشيخ الطيب بدر - صديق أحمد البشير - يوسف أحمد المصطفي - الأمين أحمد الفكي - أحمد الطيب حماد - الطيب يوسف - داؤود عبد الجليل - حامد بلول وغيرهم كثير) وأنا أعمل علي تدوين هذا المقال الذي قصدت أن يكون عبارة عن خطبة وداع ورثاء للراحل (أبو سنينة) بعد رحيله عن دنيانا الفانية سمعت أن فنان الطنبور (جعفر السقيد) سيحل ضيفا علي قريتي صافية وكتفية لإقامة حفل ساهر بنادي صافية ربما تكون أول زيارة لفنان يعزف بالدليب والطنبور مع صفقة الكورس المعروفة في أغنيات أهالي الشمال الأقصي والصفقة الجماعية المميزة هي في الأصل تقليد نوبي يخص قبائل الحلفاويين والمحس والسكوت والدناقلة ثم انتقل للشمال الأدني في مناطق الشايقية والبديرية ومن خالطوهم من الهواوير ورغم أن بضاعتي مزجاة في المجال الفني بحكم موقفي من قضايا الموسيقي ومقاطعتي في سماع آلات الطرب ومخاصمتي لإيقاعاتها بكافة ضروبها وأشكالها وقوالبها بجانب ضعف ثقافتي بكل ما هو مرتبط بالفن والغناء والتمثيل وليس لي فيه نصيب وافر لكنني أري أن استقدام (جعفر السقيد) يحمل مؤشرات من بينها دخول عنصر جديد ولونية أخري في مجال السماع في قرانا التي ارتبطت آذانها في الإستماع إلي أغاني الحقيبة المعتقة بالاضافة إلي فن الغناء الشعبي عبر الكورس (الشيالين) مع اصطحاب آلة الرق أو الطار والبنقز ثم الحديث المموسق أو الاروكسترا الجماعية ورغم وجود (الغناء الشايقي) الذي كان يخترق الوجدان من خلال جهازي الإذاعة والتلفزيون والحضور المنتظم لفناني الطنبور من عهد النعام آدم - عثمان اليمني - عبد الرحمن بلاص - إدريس إبراهيم - صديق أحمد - محمد كرم الله - محمد جبارة مرورا بعبد الرحيم أرقي – وثنائي العامراب وانتهاء بمحمد النصري وجعفر السقيد الذي استضافه نادي صافية وكتفية مؤخرا فأهالي وسكان المنطقة كانوا كثيري الإحتفاء بمطربيهم أمثال الكروان بادي محمد الطيب - عبد الله محمد - وعوض الكريم عبد الله واذكر حينما كنا صغارا ظهر فنان الولي (أحمد يوسف) ومن ود المنسي (محمد عبد الله) كانا يمثلان (نجوم الفن) وقتها علي المستوي المحلي ثم الذي جعل الساحة مشبعة بروح الفن أن المعلمين والاساتذة الذين كانوا يدرسوننا لهم هويات وبعضهم كان موهوبا في (ميادين الفن) وآخرين في ميادين (كرة القدم) فمن لم يغازل المايك (صدحا وشدوا) كان يغازل المستديرة (لعبا ولهوا) كما شكّل وجود أغاني السباتة والسيرة في حفلات الأعراس ومناسبات الزواج عاصما من الوقوع تحت ثورة الفن الداعي للمجون أو الخلاعة لكن بدا لي أن التذوق في الآونة الأخيرة أصبح ميالا للتصالح مع الموضة والصيحة الوافدة وتقمص النيولوك وأصبح الجيل الحديث تستهويه لونيات جديدة جزء منها وافد من خارج الحدود بكسر حاجز الجغرافيا عبر التطور الهائل في تقانة الميديا وثورة الإتصالات باستلطاف فنون الهند ودراما الأتراك والسوريين وقبلهم بقليل الفن المصري ثم موسيقي الروك من الغرب والجاز الصاخب القادم من بعض البلدان الإفريقية وفي داخل حدود السودان سيطرت علي الوجدان والسماع مخرجات برامج (نجوم الغد) و (أغاني وأغاني) وانقسم المراقب في توصيف الحالة أو الظاهرة بين ما يطلق عليه بالفن الهابط أو الغناء الشبابي لكن ما يهمنا أننا وقعنا أسيرين للونية جديدة فرضت نفسها وثقافتها علينا شئنا أم أبينا وقدم هذا الواقع بتغيراته وتحولاته الراهنة والحديثة جعفر السقيد علي خشبة مسرح نادي صافية وكتفية بترتيب وتنسيق قامت به رابطة أبناء صافية وكتفية بالجامعات والمعاهد العليا في منطقة غنية بالتراث وبقعة تلاقحت فيها الثقافات وقدمت منتوجا غزيرا في هذا المجال يحتاج لسنوات طوال لتوثيقه أو لملمته من الافواه والصدور بل يصعب علي شعراء العهد القديم والحديث مثلا كتابة شعرا مجيدا مثل قصيدة (بتريد اللطام أسد الكزاز الزام شقيت البلد من اليمن للشام) فاتحة القصيدة وبدايتها يندر مجاراتها أو تقديم (نموذج) وإنتاج شعري يماثلها مهما علت لغة الاخرين واتسعت قريحتهم وتفتحت مدارك أفهامهم أن يقدموا مثل هذا الابداع الخلاق الذي يتحدي الزمن ويرفض ان يموت بالتقادم في بيئة تتقاذفها حاليا ثقافات وتتقاطع معها عادات وتقاليد تكاد تمسح الماضي أو تردمه بالتراب ...
ولكن وحتى يعرف الزوار الجدد للبوست السبب الذي جعلني ان اكتب الموضوع ولماذا وصفت هؤلاء الناس السمحين بوصف السمحين ، فقد رأيت ان اقتبس ايضا اول فقرة في البوست ليكون السبب واضحا وجليا.. والله يديكم الصحة والعافية.
والفقرة الأولى كانت كالآتي:"
"من أجمل بوستات هذه الفترة البوست الذي كتبه عبد الحفيظ ابو سن بعنوان:" ود شيقوق وود البوش وود المنسي هام"" في الأول افتكرت بأن ود ابوسن سوف يشن هجوما او انتقادا شرسا عليهم وان حربا كلاميا سيقوم بين الأربعة ولكن الرد الأولي لود المنسي اثبت ان هناك مباراة شيقة جدا بين صفات ود المدن وود القرى والريف واهل البطانة ستقام واننا سنستمتع بقراءة كل سطر من البوست ، وطبعا على الرغم من ان في كلمات ما ممكن يشرحها إلا عالم علامة في لغات ولهجات اهل البطانة واهل الريف ويكون بدوي وريفي قح عاش حياته في البادية.
وبالله شوفو ود ابو سن بيقول شنو"": كيف يعني تقولوا انا بتاع عشر ولعوت .. هوي انا بتاع زهور وغروب شمس على ضفة النيل ترسل اشعتها المذهبة نحو ظلال الأشجار المنحنية تقيم صلاة الشكر صوب الكائنات في اعماق النهر المتدفق كعاشق هرول نحو عشيقته في حب مستهام "" كلام سمح بالحيل والكلمات طيعة ميسرة بين يديك تصوغها كما تشاء . والله يديك العافية وأعجبني ايضا الرد القح لود المنسي:" يعني التكنك كربت في وسط البنطلين خلاس بقيت ود مدن؟؟ انت جنى بطانة جنى بطانة وان سكنت كوستي""
وعلى الرغم من هذه المباراة الشيقة كتبوها الناس السمحين ديل والقلوبهم صافية كاللبن والعسل بكلام اهل البطانة والريف والبادية والقرى ، إلا انه في كلمات وجمل ما بتتفهم بسهولة ومنها قصة ود البوش عن حكاية الجنا الجانا في حلتنا مع ولدنا البقرا في الخرطوم .. وضبحوا ليه الجدادة.. وجا مارق واحد بيضحك وماسك قدومو بيده العسير كاتما انفجارا الضحكة وقال : الجنا دا غشاكم ساهي مو من الخرطوم كان بعيدا كيفن اكون من التكلة الفكي حامد - كيفن عرفتو . قال انا ما باكل محير الجداد.. اها يا ود البوش اشرح لينا النكتة دي ما فهمناها .. محير الجداد ده شنو؟ وكيف عرف ان الجنا ما من الخرتوم؟؟
وأها ود شيقوق كمان جاب ليه كلمات ما بتتفهم بسهولة وشوفوا قال شنو:" انا عاااارف بتحلي بحنبك الطندب والمخيت والغضيم والقنديل.. وانا خايف تقوم تقرش ليك فرع هيكبيب .." كده براحة وبمهلة ورينا الطندب والمخيت والغضيم والقنديل والهيكيبيب ديل شنو؟؟\
اما تحلية البوست فكان نغمات ود بادي .. وانا كمان حبيت اشارك معاكم في ونستكم السمحة دي واسمعوا معاي محمد ود بادي بيقول شنو؟؟
يا سكان القصر العالي سلام يا ناسات البرج العالي سلام تبقى مصيبة ان كان القرش الأحمر قسم الخلق اجناس اجناس يا سادات البرج العالي سلام يا آنسات البلد الغادي سلام القرش الأحمر صايل حاكم بينكم تارك وفاعل اللقمة بتوصل حلقك بالايجار الريش اتقصص تحتك بالايجار لكن الموت كان جاكم طرفة عين بتاجروا مين؟ كان الموت بالأجرة بفوت بتأجروا زول في شانكم اموت لكين الموت مرسال جبار وعنيد ارقدوا عوافي ونوموا عوافي
يا الاميرة شنو يعني الحالة ما واحدة حبيبنا ود بلة ربنا يديهو الفي مرادو
قايلك انت انا وانا انتي هههههههههههه .
Quote: لكن يا ود بله الكتبت الكلام ده ما الغالية بت عمسيب لكني انا العندي صديقة في فداسي
الاميرة جبت ليكم الوردتين ديل وحدة ليك وجدة لي ود بلة . ورود بلون النيل يا نيل انتوا . ( الوردات ما ظهرن يا بت عمسيب.. رجعي لينا الوردتين تاني... والله يديك الصحة والعافية)
ود شيقوق يا بت عمسيب اتسردب للشينة الجاياك وختاها في ضهرو وقادل بيها
ومن اميرة:" العزيزة بت عمسيب نحن ما ارشفنا نفسنا..والارشفة جاية براها بعد شوية ..والباشمهندس هسع خلاص سل سكاكينه وحيبدا ضبح في البوستات.. وطبعا نسمات ..بسمات..ارشفت نفسها من زمان ..والايام دي نحن عايشين مع الاجواء الملكية في نيويورك عشان الامير وليام وزوجته في زيارة هنا ومتابعين حياته في القنوات التلفزيونية خطوة بخطوة ..والتلفزيونات هنا نا عندها غير السيرة. ..والامريكان فرحانين فرحة شديدة بهذه الزيارة الملكية.... وشكرا على هذه الوردة الرائعة....وان شاء الله حياتك كلها تكون مفرةشة بالزهور والورود والله يديك الصحة والعافية
من ود ابوسن:" سلام ما تأرشفونا ياخ هو في البير وقع فيهو الفيل
وانا حذفت العتاب بين الأعزاء ود المنسي وود شيقوق عشان نبدأ الكلام السمح من جديد. والله ديكيم الصحة والعافية
ومن ود ابو سنينة ان شاء الله يوم ارشفتكم ما يجى ............. يا احلى الحلوين
بنت السيد اقيفى الف احمر للباشمندس ابو صلعة وقولى ليه البوست بطير فية رقاب ههههههههههههههههههههههههههههه و( والله يا ود ابو سنينة فشلت في نقل البوست للربع الجديد ولكني هنا نقلت البوست للجزء الثاني عشان نواصل ونستمع كمان لحكاوي ود ابوسن الذي وعدنا.. غايتو في ناس كتار جدا متابعين البوست لأن هذا البوست فعلا بيفرج الهم والغم... وشوف براك في الربع الأول اكثر من 37 ألف نقرة على البوست لقراءة كل هذا الكلام الجميل والذي يجعلنا نضحك من الأعماق .. ونرجو ان يكون حياتكم كلها افراح ومفروشة بالزهور والورود ..وحتما تكون من زهور وورود هولندا..) ونتمنى ود بلة الأمين ما يقيف ويواصل هذه الونسة السمحة بالجد...
ومن بت عمسيب
اميييييييييييييييييييين يا أبو سنينة
ومن بت عمسيب Quote: حبيب قلبي ود شيقوق اقصد شقيقي ... قسم مشتاقون لما لهناك ..
ومن ود شيقوق انداحي ساي حبيبتي ما تخافي فلانة - انا خمشت منها اللاب توب وسويت ليهو باسويرد عام و لبوست بت السيد دا باسويرد خاااااص انت فاكراني ساي ولا شنو؟
ومن اميرة:" بعد النظر في حيثيات القضية والاستماع للدعوى وكذلك حيثيات الدفاع فقد حكمت المحكمة بالبراءة على ود شيقوق وذلك بعد ان تاكدت المحكمة واطمانت على حسن نيته.... والله يديكم الصحة والعافية
ومن ود ابوسن:" والله يا بت السيد إنت قاضي مدني على قول عم عبد الله كريشاوي
Quote: بعد النظر في حيثيات القضية والاستماع للدعوى وكذلك حيثيات الدفاع فقد حكمت المحكمة بالبراءة على ود شيقوق وذلك بعد ان تاكدت المحكمة واطمانت على حسن نيته.... والله يديكم الصحة والعافية
ومن ود شيقوق:" غايتو يا ود البلة قلت اديك فرصة تتجدع لكن بت البندر خمشتها قبالك
انا مش قلت ليك امورة دي Jack of all trades? لكيييييييييييييييييييين she is a master of all (عدل بواسطة الطيب شيقوق on 10-12-2014, 04:51 AM)
ومن ود ابو سن: هيع مرقتو حق ود البلة بندق في بحر بت السيد دي ما بتنفع قاضي تب . قلبها حنين الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد . بالجد مرة اضحك ومرة ابسم وتغلبني الكتابة عندي حكاوي ابت تمرق لي لكن بعافرا بعد نخلص من المحكمة الشعبية دي
ومن ود ابو سن:"
هيع مرقتو حق ود البلة بندق في بحر بت السيد دي ما بتنفع قاضي تب . قلبها حنين الكتابة عندكم هنا صعبة رغم بساطتها وعدم تكلفها . ولكنها تحتاج لي روقة البال لأنها تبع من القلب والقلب مشغول وما جعل الله لرجل من قلبين في جوف واحد . بالجد مرة اضحك ومرة ابسم وتغلبني الكتابة عندي حكاوي ابت تمرق لي لكن بعافرا بعد نخلص من المحكمة الشعبية دي
ومن ود شيقوق:" Quote: عندي حكاوي ابت تمرق لي لكن بعافرا بعد نخلص من المحكمة الشعبية دي [/Q
ومن ود شيقوق:" ياخ فضفض وانداح يا مانجل
ومن اميرة غايتو يا ود ابوسن اذا في الربع الثاني والجزء الثاني من البوست ما مرقت لينا حكاويك انت ذاتك حنعقد ليك محكمة شعبية..لكن المرة دي ما حاكون قاضية مدنية ..لكن قاضية جنائية..... والله يديكم الصحة والعافية واللقمة الدافية
يا دهب ادخل بدون استئذان وانت صاحب الحوش ونحن الضيوف واذا ما شالك المحل حنشيلك في عيونا.. وادخل لجوه في الوسط ومرحب بيك مرة ثانية.. والله يا دهب اذا انت كنت تابعت البوست من بدايته وسمعت حكاوي الناس السمحين ديل كنت حتنسى همومك كلها وتخليها بوراك لغاية ما تطلع من البوست.. والله يديك الصحة والعافية
والله يا منى اذا انتي كنت عندك مزرعة زهور زي دي في امريكا كنتى حتكوني مليارديرة.. ومع ان الأمريكان ما رومانسيين زي الفرنسيين لكن تجارة الزهور مزدهرة ودكاكين الزهور ما تديك الدرب.. وحزمة زهور قليلة وفيها ثلاث وردات ما بتقدر تشتريها اقل من 25 دولار وشوفي المزرعة دي فيها كم زهرة.. والله يديك الصحة والعافية
الله يجازيك بالخير يا وضاحة..لقطة روعة ومباااااااااااااااااالغة نحن ذاتنا اتخلعنا لمن شفنا الجنين طالع من بطن امه بيمشي وعاوز يستخدم الانترنت.....طبعا اذا الجنين بيطلع وهو ماشي الامهات حيفرحن عشان يتخلصن من كواريك الليل والسهر في السنتين الاوائل.. والله يديك الصحة والعافية
ألف مبروك الربع الأخير لعام 2014 الحبيبة الأميرة أميرة بنية عبدالرحيم وكل سنة وأنت طيبة ولامة الجمع ويجمعنا بك الله في جناته ونتكئ في ظلال والعيون بت عمسيب بقن كم ؟ ظنيتن 3 ونص لاني اليوم المساء ما لقيتك
الحبيب أبوسن كل ربع وانت بخير يا شيخ العرب وجايك بإذن الله لويبقى حبيت حباب الضيف سيد الدار ( دهب ) يا المعدنك دهب وسكونك بيننا على زهرة وزحل ابوسنينة مالو غتس تاني ألحقوا الزول تقعلوا لينا ما يتحتل حتلاتو دي في ربعنا الجديد نهدي أجمل التحيات للعزيزة الحبيبة بسمات بين دفاترها وديمة هاربا من فراشا لن ننساك لن ننساك يا بسمات اها جماعة::: ياالأميرة ماتفقدوا الفاضلابي دا غاتس وين ود البله يا حبيب كل ربع وأنت بخير وماتغيب وماتحرمنا أن نحلق بين طيات الحكاوي السمحة اللية ضربت للعزيز ود البوش قال الوادي مخدر والبهايم تريانة وشبعانة بس مشغوليات بجيكم صادي والعود أحمد
حيثيات قصتنا هذه تمت بريفي مدينة السوكي عندما كنت اعمل محاميا هناك انها قصة حقيقية تحكي عن علاقة غرامية انتقلت الى محراب القضاء وقد كنت آنئذ ممثلا للدفاع ولهذا السبب كنت مدركا لجميع تفاصيل المشهد
ارجو ان تسمحوا لي انزال القصة في شكل حلقات لزوم الشحتفة وكدا ههههههها
بسم الله نبدأ بخلفية بسيطة عن جغرافية مدينة السوكي :
تقع مدينة السوكي على بعد 48 كيلو متر شرق مدينة سنار وتطل على الضفة الشرقية للنيل الازرق وتعتبر السوكي ، ايام الزمن الجميل ، من اهم محطات السكة حديد في السودان نظرا لتنوع الوجبات الجاهزة التي تقدمها البائعات للمسافرين بالقطارات واهم هذه الوجبات هي وجبة السمك الجاهزة حيث اشتهر سكانها الذين اغلبهم من اصول غرب افريقية بصيده من النيل الازرق . كما اشتهرت بانتاج الخضراوات والفواكة التي تزرع على ضفاف النيل الازرق . شرق مدينة السوكي وعلى بعد 24 كيلو تقع مدينة الدندر او معتمدية الدندر التي تتبع لها مدينة السوكى . ثمة صراع سياسي تاريخي بين سكان مدينتي الدندر والسوكي لا سيما حول رآسة المحافظة او المعتمدية . اغلب سكان ريفي الدندر من قبيلة رفاعة التي تتزعمها اسرة العجب ود اب جن والد الناظر منصور العجب والشيخ يوسف العجب . بالسوكي مشروع السوكي الزراعي الذى كان يروي ببيارة تضخ المياه من النيل الازرق وقد تم إنشاء البيارة هذه في عهد نميري عندما كان المهندس مرتضى احمد ابراهيم - شقيق الراحل صلاح احمد ابراهيم وفاطمة احمد ابراهيم - وزيرا للري وتم فصله اى مرتضى من الوزارة بعد انهيار تلك البيارة بعد ايام من إنشائها ووقتئذ اطلق مرتضى احمد ابراهيم بكل شجاعة كلمته الشهيرة وذات الدلالات السياسية التي قال فيها ( فالتنهار البيارة الاولى والثانية ولتبقى الحقيقة)
كانت فتاه جميلة المحيا وقع في غرامها الكثيرون من ابناء قبيلتها العربية ولكنها ادارات ظهرها عنهم جميعا ورمت عينيها في هذا الشاب الوجيه المنحدر من اصول غرب افريقية الذى غيرت الغربة في ليبيا الكثير من ملامحه وجعلته متكامل البنيان طويل القامة فاتح اللون واسع العينين يتضرع وسط القرية ولسنان حاله يقول يا دنيا ما فيك الا انا . تصادف ان كان هذا الشاب مدعوا للمشاركة في حفل زواج احد محاسيب هذه الفتاة . وكانت البنت على يقين تماما ان هذا المغترب سيشارك في هذا البوش نظرا للعلاقة التي بينه والعريس . إرتدت اجمل ما لديها من هندمة وانتظرت في بيت اهلها ريثما ينتهي الفاصل الاول من الغناء – صحيح فتاة عربية ولكنها تجيد فن الشحتفة للمغرمين بجمالها . كان المغني في ذلك الحفل هو الفنان عبد الوهاب الصادق . تم اعداد المسرح للفنان من مقطورة قندران بطحت جنباتها لتكون مستوية افقيا و فرشت بالبطاطين وتم تزيينها بالفرش العجمي الوارد من ارض الحجاز . انتهي الفاصل الاول بثلاث اغاني . نزل الفنان لتناول وجبة العشاء الما خمج وكان من بين المكلفين للاشراف على مائدته ذلك الشاب الوجيه المغترب . وقد كانت فرصة للتقارب بينهما ( الفنان والمغترب) .
اعتلى الفنان خشبة المسرح القندراني وامتلات الساحة بالحضور من الرجال والنساء . حضرت الفتاة وهي في ابهى صورها وجلست في المقاعد الامامية . وفي تلك اللحظة صعد الشاب المغترب وهمس في اذن الفنان طالبا اغنية بعينها وكانت : ست الريد بقت نساية والتي يقول فيها http://www.youtube.com/watch?v=VAqa1DLVokQ:[/Bhttp://www.youtube.com/watch?v=VAqa1DLVokQ:[/B]
امسك المغترب بيد العريس وراح مبشر بيهو فوق خشبة المسرح وبعد شوية نزل قادل بيهو متلهم الرجال ثم اخد بالعريس انزواية صوب كراسي الحريم وهو يبشر وممسك بسجارة بينسون وعييييييييييييك الزغاريد ولعت في السماء . البنية قطعت الشك الاغنية المطلوبة دي مقصودة بيها لكنها لم تحرك ساكن ومثلت انها متوازنة ومتماسكة لكن جواها مولع نار من المغترب . بعض الشباب والشابات المفتحين والمفتحات من اقرباء البنية بدأوا يحسوا من خلال تبادل النظرات برسائل روحية خفية متبادلة بين المغترب وبنتهم لكنهم آثروا التثبت ليسمعوا ونسة الحريم صبيحة الغد عن جملة معطيات السهرة .
خلاص اقتربت الساعات الاخيرة من نهاية الحفلة وباقي لي الفنان قصد ان يمسك باحلى اغنية عندو عايز يفكها في النهاية عشان يلخبط الكيمان كووووووولها . وفعلا الفنان مسك المايك وشكر الجمهور على التفاعل وراح فارد جناحيه مع اغنية حلوين زي ديل بزوروني حبايبي الحلوين اهلا جونى انا ما قائل .
المهم أغنية ( حبايبي الحلوين ) دي ألهبت مشاعر الناس كوووووووولهم ونزلوا ليك نسوان ورجال حتى البنية العاملة فيها تقلة نزلت حت شدييييييييييد . اها المغترب لقى ليكم الجوطة دي فرصة وطوالي مشى يرقص ليكم في طرف البنية ( باقي لي زولك حاري ليهو تطيشا من touch يعني ) وشعر من نظراتا ليهو بانها مرتاحة ليهو بالحيل . زولك اتاريهو مجهز ليهو رسالة في وريقة فيها رقم تلفونو الثابت - طبعا زمان مافي موبايلات – وطوالي راح عاصر للبنية الوريقة في يدها وزولتك خمشتا زى الما حصلت حاجة ورايحة مدياهو ظهرها سريع عشان الناس ما تحس بحاجة .
الحفل انتهى والناس كوووووووولهم شتتوا لبيوتهم
البت رجعت اهلها مع قريبات ليها وهي صارة الوريقة في يدها وفي الطريق فتحت حقيبتا السمحة ودفست الوريقة جواها منتظرة لحظة وصولها البيت عشان تغير ملابسها بمزاج وتتلهم غرفتا الخاصة وتولع الانوار وتقفل الباب وتنتكي عشان تقرأ كلام المغترب ليها . وصلت وغيرت واتعشت مع عولا وعملت ليهم فيها ماسكا وجع راس من السهر وإستأذنت منهم واتلهمت الغرفة الخاصة دخلت وقفلت الشبابيك والابواب لانو الدنيا كانت شتاء صقط شديد وكدا جرّت البطانية وفتحت الحقيبة وطلعت الرسالة بلهفة ورعشة بسبب البرد وال ....... وبدت تقرأ:
عزيزتي ............. :
إيه يضرك تسأل يوم علي يا غالي وإنت وحدك عارف همي عارف حالي
كيف أواصل صبري في الطريق الخالي كيف بدونك تصبح اليالي ليالي
أنا كنت دايما ً بصبر مهما البعاد أضناني في قلبي إنت بتكبر تكبر معاك معاني
برجى الأيام وستنى أمالي بين نيراني والهجر مهما يألم يرجع حنانك تاني
لو كان جفيتني خليتني وحدي برايا مع ليلي الوحدة والشوق حنينو معايا
ما بسيبو غرامك رضيان معاك بشقايا وقت الطريقك يوصل أعرف نهايتة خطايا.
عزيزتي .... ارجوك ان تحفظي كلماتي هذه ورقم هاتف مكتبي وتمزقي الرسالة باسرع ما يمكن . انا لا أتجرأ الاتصال بك ولكنى في انتظار اتصالك انت في الساعة ..... من صباح اليوم التالي . لك منى صادق الحب اخوك ......
فكرت البنيّة في الرد عليــــــــــه برسالة عاطفية مثلها فما وجدت اجمل من ان تتلهم احاسيسه بقولها :
من أول نظرة لم آخد حذره غير اني هويتو في قلبي أويتو قدرت جمالو وأغراني دلالو أوريهو فنوني يوريني فنونو
الحياء والنضره والتيه والجبره هم مصدر شوقي ومصيبتي الكبرى بالحب أبلاني وكمان خلاني أجيد أشعارو حبيبي شعارو ده جمال يسحرني بي لونو ولونو
فيك ياذو الإمرة عا########ي رشاقة تقسيمه وضمرة في عيونك خمرة فوق لونك سمره في خدودك حمره الليل والقمرة ضدين واجتمعو ثمارك ينعو بقامتك رنعو
ثم اختتمت خطابها بدعوة صريحة له لمقابلتها في موقع يتفقان عليه فكتبت له :
فرح الاحبة يتم في الامسيات حيث اللقاء يذهب ما كان وفات
الامور لحدي هسه عادية
اتصلت عليه في اللحظة المحددة وكانت تلك اول مرة يسمع كل منهما نبرات صوت الاخر . تلعثمت الالسن في بداية الووووووو وصار كل منهما يبلع في ريقو وبعد لحظة هدأت الامور وحدث التوازن وصار كل منهما يحكي للاخر لحظات انطباعه الاول في اول مشاهدة بينهما..................... في النهاية اتفقا على ان يتقابلا في لحظة محددة من مساء ذلك اليوم في منزل لإحدى قريبات المغترب داخل نفس القرية . كان منزل البنية امام القرية ومنزل اسرة المغترب في الناصية الجنوبية منها على بعد 2 كيلو تقريبا .
صارت البنت تفكر في أوفى وأنبل صديقاتها واكثرنهن حرصا على مصالها و حفاظا على خصوصياتها لمرافقتها الى محطة اللقاء . وقع اختيارها على صديقتها البتول . ذهبت البنية الى صديقتها البتول في منزلها المجاور لبيت اسرتها وحكت لها الحاصل و طلبت منها ان تذهب معها الى منزل قريبة المغترب في مساء ذلك اليوم . وافقت البتول على الطلب وبعد ذلك طلبت البنية من البتول ان تسمح لها بالمغادرة لمنزلها لإجراء بعض الترتيبات ...... البتول قالت ليها اقعدي اشربي ليك جبنة آ بنية وامشي بيتكم ( احيييييييي انا دا يوم جبنة يا البتول؟) هكذا كان رد البنية .
حان وقت المساء وحانت لحظة التحرك الى منزل قريبة المغترب في طرف الحلة وظلت البنية في انتظار البتول وهي لابسة توب ملون عادي . وصلت البتول وبدأت تنادي صديقتها من خارج الحوش بصوت عالي يا فلانة يا فلانة يا فلانة . أهلين يا البتول ردت البنية بصوت اعلى من صوت البتول ذاتو. قالوا العاجبة بت خالي أمحمد ولدت بعملية في الاستبالية خصمتك بالشيخ التوم ود بانقا تمشي معاي نحمد ليها السلامة . نان يا البتول العاجبة ما ولدت من الصباح والناس كووووووووووووولهم مشوا ليها مالك تأخرتي ؟ هنا تداخلت (نفيسة ) واحدة فضولية من الجيران بعد سماع اصوات البنات ديل . ايوا نعم يا نفيسة ولدت من الصباح بس انا كنت مصدعة وما قدرت امشي معاهن وبعد بلعت حبوب بندول وجع الراس راح منى والحمد لله ، هكذا كان رد البتول لتسبيك سيناريو الطلعة الى بيت قريبة المغترب .
سمح يا البتول قدامنا قهوة تعالي اشربى معانا و نصلــــــــــي المغرب ونتحرك ( تسبيكة بروحانياتها كمان) . هنا نطّ اخو البنية الصغير وقال ليهن ما شات وين ؟ انا ما ماشي معاتن - ردت ليهو البنية ( نحن ماشين للحكيم ارح معانا عشان يشوف قومة النفس البتجيك كل مرة دي من شنو ؟ يمكن يديك حقنة بنسلين ) لا لا لا امشوا براكن انا ماشي معاكن وتت دابت ليها حدن ( الوليد لسانو مانجض لسه) . كانت في واحدة من بنات الجيران متابعة الكلام البين البنية والبتول وسبق ان تقدم اخوها لخطبة البنية ولكنها رفضت وقد رشح منها بعض الكلام الفارغ عن الخطيب اغضب اخواته جدا . بدأت اخت الخطيب الغير مرغوب فيه تتابع في تحركات البتول والبنية وشكت بحسها الكيدى ان المسألة قد لا تكون زيارة استبالية وانما امر آخر ........ وعلى الفور نادت اتنين من بنات اخواتا وقالت ليهن شوفن انا عايزة منكن حاجة واحدة بس . اها شنو يا خالتو ؟
شوفن يا بنات انا سمعت البنية دي ومعاها البتول قالن ما شات الاسبتالية اها انا دايراكن مما حسّيتن بيهن طالعات تمشن مبارياتنّهن بالطّوالة بعيد بعيد واوع يحسّن بيكن مبارياتنهن لحدى يصلن الاسبتالية سمح؟ لشنو يا خالتو ؟ ما تسألني لشنو بوريكن بعدين و انا قلت ليكن الكلام دا وشوفن اوع تكلمن زول بكلامي دا سمح؟ سمح يا خالتو . تعالن تعالن واقول ليكن كلام تاني البنية دي مع البتول لو مشن اى جهة غير الاسبتالية برضو حاولن اتبعنّهن بالطوالة شوفن ماشات وين ؟ واوع يعرفن انتو متابعنّهن سمح؟ سمح يا خالتو . يلا البنية السمحة والبتول طلعن وشايلات ليهن عمود تلاتة طوابق ما فيهو اى حاجة غير ورق الجرائد الجاي من الصين و البلفو بيهو ناس الكناتين زمان السكر .
قدلن قدلن قدلن وبعد دقائق بنياتنا الاتنين قدلن بارياتنّهن بالطّوالة سااااااااااااى ماشات وماشات وماشات وماشات والبنيات متابعات وقت قرّبن للاسبتالية البنية والبتول عرجن لإتجاه اخر صوب فريق ناس المغترب . القمر في طفولتو عمر 5 ايام بس و البنيات الاتنين ماشات ملاصقات الحيّط عشان يكون ضل الحيّطان وصرايف القش رامية فيهن .... بعد مشوار البتول والبنية وصلن بيت قريبة المغترب وانزون بمدخل الصريف برااااااااااااااحة .
اها البنيات الاتنين عرفن محل دخول البتول والبنية وبعد داك رجعن جري لخالتهن بعد تنفيذ تعليماتها حرف حرف بدون حد يحس او يسمع
عزيزي الفاتح ميرغني اهلا وسهلا ومرحبا .. ووالله زيارتك لينا شرف كبير... وكيف وقد وصفوك في بوست حيدر حسن ميرغني الذي رشحك لقبولك عضو في المنبر بانك من قبيلة المحامين والمترجمين وكاتبا وباحثا في الشأن الآسيوي وتشارك في العديد من المؤتمرات والندوات الدولية وورش العمل .. كما وصفك عصام دهب بأنك الإنسان المحامي والمترجم والفنان عازف الجيتار المبدع... فما شاء الله مواهبك متعددة ومزيد من النجاحات والوفيق ... وليه ما ساعدتنا في ترجمة بعض النصوص التي صعبت علينا في بوست اسرة بن لادن... وان شاء الله تزورنا بهناك عشان بنقوم بترجمة كتاب عن اسرة بن لادن وكتبه كاتب امريكي.. والله يديك الصحة والعافية
وبعدين يا الفاتح ان شاء الله ما تكون دي آخر زيارة وتزورنا مرات ومرات وتجينا مرات ومرات وتتحفنا من القصص الزي دي والحكيتها انت في بوست آخر::
تعرف يا جمال البانجديد وبنو وود البقا وجبل كرباج المناطق دي عبارة عن مستودع ذكريات لكل أهل الابيض في الزمن الجميل. كتبت للباشمهندس باسط ذات مرة " حكي لنا العم باهي نور – وهو ذو صوت مغرد وعازف عود ماهر وأحد اضلاع مثلث – الشفيع وود القرشي كثيرا من الطرائف والقصص التي هي أشبه بحكايات كونتربري. فذات مرة وعندما ألقى الليل سدله وبدأوا يعدون لاوازم الإبداع من تجهيز الصالة ودوزنة العود وما إلى ذلك، فجأة ودون سابق إنذار أجهش الفنان عثمان الشفيع بالبكاء وأصر على رؤية قريب له معتقل في سجن " بنُو " بالقرب من الابيض. فما كان من الجميع إلا أن ذهبوا وأيقظوا مدير السجن ثم ذهبوا جميعا لرؤية قريب المبدع الشفيع وعادوا ادراجهم ليواصلوا الطرب ومعهم مدير السجن حتى مطلع الفجر . كان من نتاج تلك الليلة ذات الوحي الشعري والإبداع اللحني أغنية" لحن الحياة او الحالم سبانا" ( غير متأكد من ذلك) .كان أشد ما يربطهم هو التواصل الحميم والإلفة النبيلة إلى أن رحلوا عن دنيانا وتركوا " ذكريات صادقة وجميلة". وأذكر في زواج إبن الراحل الشاعر محمد عوض الكريم القرشي من كريمة العم باهي نور، تكبد الفنان عثمان الشفيع مشقة السفر إلى الابيض ولم تكن صحته تسمح له بذلك، وغنى كما لم يغن من قبل، وأجهش بالبكاء وسكب دموعا مدرارة هي مزيج من الحزن على أحبة رحلوا وفرح بإلتأم أحبة جدد علهم يحملوا شعلة الذكريات ويحافظوا على جذوتها متقدة بمثل نار كسرى وروح محبة الآباء.
الحبيبة وعزيزة بت عمسيب منى لك من المنى ما يرضيك ولو بإيدي كنت طوعت المحال كفارة وسلامةعلي محمدالبوشي وربنا يمتعه بالصحة والعافية ويسعد مُهجتيك بسلامته يا رب ولك أمد الأيدي راضيا شكراً وعرفان على كل كلمة خطها كيبوردك يا طيبة السريرة وربنا ما يحرمنا من شهد لسانك وروحك الجميلة تحيات .. مودة ... أشواق ... وسلااام كتيييير
Quote: وكيف وقد وصفوك في بوست حيدر حسن ميرغني الذي رشحك لقبولك عضو في المنبر بانك من قبيلة المحامين والمترجمين وكاتبا وباحثا في الشأن الآسيوي وتشارك في العديد من المؤتمرات والندوات الدولية وورش العمل .. كما وصفك عصام دهب بأنك الإنسان المحامي والمترجم والفنان عازف الجيتار المبدع... فما شاء الله مواهبك متعددة ومزيد من النجاحات والوفيق ... وليه ما ساعدتنا في ترجمة بعض النصوص التي صعبت علينا في بوست اسرة بن لادن... وان شاء الله تزورنا بهناك عشان بنقوم بترجمة كتاب عن اسرة بن لادن وكتبه كاتب امريكي.. والله يديك الصحة والعافية
وبعدين يا الفاتح ان شاء الله ما تكون دي آخر زيارة وتزورنا مرات ومرات وتجينا مرات ومرات وتتحفنا من القصص الزي دي والحكيتها انت في بوست آخر::
تعرف يا جمال البانجديد وبنو وود البقا وجبل كرباج المناطق دي عبارة عن مستودع ذكريات لكل أهل الابيض في الزمن الجميل. كتبت للباشمهندس باسط ذات مرة " حكي لنا العم باهي نور – وهو ذو صوت مغرد وعازف عود ماهر وأحد اضلاع مثلث – الشفيع وود القرشي كثيرا من الطرائف والقصص التي هي أشبه بحكايات كونتربري. فذات مرة وعندما ألقى الليل سدله وبدأوا يعدون لاوازم الإبداع من تجهيز الصالة ودوزنة العود وما إلى ذلك، فجأة ودون سابق إنذار أجهش الفنان عثمان الشفيع بالبكاء وأصر على رؤية قريب له معتقل في سجن " بنُو " بالقرب من الابيض. فما كان من الجميع إلا أن ذهبوا وأيقظوا مدير السجن ثم ذهبوا جميعا لرؤية قريب المبدع الشفيع وعادوا ادراجهم ليواصلوا الطرب ومعهم مدير السجن حتى مطلع الفجر . كان من نتاج تلك الليلة ذات الوحي الشعري والإبداع اللحني أغنية" لحن الحياة او الحالم سبانا" ( غير متأكد من ذلك) .كان أشد ما يربطهم هو التواصل الحميم والإلفة النبيلة إلى أن رحلوا عن دنيانا وتركوا " ذكريات صادقة وجميلة". وأذكر في زواج إبن الراحل الشاعر محمد عوض الكريم القرشي من كريمة العم باهي نور، تكبد الفنان عثمان الشفيع مشقة السفر إلى الابيض ولم تكن صحته تسمح له بذلك، وغنى كما لم يغن من قبل، وأجهش بالبكاء وسكب دموعا مدرارة هي مزيج من الحزن على أحبة رحلوا وفرح بإلتأم أحبة جدد علهم يحملوا شعلة الذكريات ويحافظوا على جذوتها متقدة بمثل نار كسرى وروح محبة الآباء.
اشكرك وانت تستقبلين الأخ الصديق الفاتح ميرغني بهذه الكلمات المضيئة
حديثك يبين بصورة واضحة انك تتابعين كل ما يكتب في هذا المنتدى بكل دقة وتبصر
صحيح الأخ الفاتح من الكتاب المتميزين في سودانيز اونلاين - انا لست في قامة الأخ الفاتح لتقييم اعماله - ولكن الحق يقال سبق ان جمعني معه عمل مشترك في بوست بعنوان ( ظلال واشجان في مسيرة القضاء السوداني) وقد كانت هي السانحة الأولى التي اهتبلتها للتعرف على عمق ثقافة هذا الانسان القانونية لا سيما في مجال ال common law
Quote: اهلا وسهلا ومرحبا .. ووالله زيارتك لينا شرف كبير... وكيف وقد وصفوك في بوست حيدر حسن ميرغني الذي رشحك لقبولك عضو في المنبر بانك من قبيلة المحامين والمترجمين وكاتبا وباحثا في الشأن الآسيوي وتشارك في العديد من المؤتمرات والندوات الدولية وورش العمل .. كما وصفك عصام دهب بأنك الإنسان المحامي والمترجم والفنان عازف الجيتار المبدع... فما شاء الله مواهبك متعددة ومزيد من النجاحات والوفيق ... وليه ما ساعدتنا في ترجمة بعض النصوص التي صعبت علينا في بوست اسرة بن لادن... وان شاء الله تزورنا بهناك عشان بنقوم بترجمة كتاب عن اسرة بن لادن وكتبه كاتب امريكي.. والله يديك الصحة والعافية
الأميرة الأميرة بت السيد. تحياتي النواضر. مشكورة شديد على جلب هترشات صحابي دي هنا. وثانيا والله ما قريت البوست الفات لأني كنت بخش على فترات متقطعة. لكن ابشري لو في اي موضوع ترجمة. ودي طوبتي في البوست ده وجاييك لكلام شيقا أو ريحانة المنبر.
عزيزنا ود المنسي. مشكور يا سيدي على الترحيب وإضافتي لكوكبة هذا النادي العريق.
Quote: الله يجازيك بالخير يا وضاحة..لقطة روعة ومباااااااااااااااااالغة نحن ذاتنا اتخلعنا لمن شفنا الجنين طالع من بطن امه بيمشي وعاوز يستخدم الانترنت.....طبعا اذا الجنين بيطلع وهو ماشي الامهات حيفرحن عشان يتخلصن من كواريك الليل والسهر في السنتين الاوائل.. والله يديك الصحة والعافية
ستهم مشتاقيين هاهاهاها يا ريت ويا ريت لو الرجال ديل جربوا وجعة واحدة من وجع الولادة كانوا امنوا زاتوا ههههههههه وعرفوا كم هى عظيمة المراة
العزيز ود المنسي انت عارف ابوي زعلان منك بالجد لانه قال لي يا بت انتي غيرتي اسمي من مصطفى لعبد الرحيم لشنو؟ قلت ليه وكيفن يا ابوي اغير اسمك ..حتى اسمك من اسماء الرسول..وقال لي وطيب كيفن ود المنسي يقول ليكي اميرة بت عبد الرحيم..قمت شرحت ليه ان ناس ود المنسي قاصدين بسمات بت الشيخ عبد الرحيم..وقال لي بت السودنة الكانت مقيلة معانا اليوم ..قلت ليه ايوه يا ابوي وبيلقبوها بالاميرة.....وقال : فعلا تستاهل يسموها اميرة ..مش عشتن اخلاقها العالية وبس وكمان هي بتلبس زي الاميرات... ووين نحن يا ود المنسي من بت عبد الرحيم البرجوازية والولدوها وفي خشمها معلقة دهب ..وبتشتري ملابسها من ساكس في الفيفث افنيو ونوبلز.... يعني معقول ياا ود المنسي نسيت اسم ابوي بالسرعة دي... وبالمناسبة بت عبد الرحيم دائمة السؤال عنكم ..وبتسال ود حلتها ود الفاضلاب مواصل الكتابة...قلت ليها ود الفاضلاب بيكون سافر لانه ما كتب ولا حرف في الربع الجديد.... والله يديك الصحة والعافية
صباحكم احلى صباح وايامكم كلها ان شاء الله افراح بحاول الحق البوست لكن اشهد الله حمارى مكادى شاريوة من شيقا وانتو عارفين ناس النضمى ديل الواحد ما بلحق لسناتهم الطويلة خليك من اشترى منهم شيتن نافع
لكن كل مرة وبتاوق وبطلع
الى ان اركب معاكم السموحة ان شاء الله جاى من اجازة والشغل ما يستاهل الا اشوف ليه دوكة نارها مولعة وارميه تحتها اريحهم وارتاح منه ومحل نجيضة التنقد ما تنسد بركة اهلى البعاد
ود المنسى الغالى
مشكور للاتصال دائما صاحب واجب وما عدمناك يارب
شوف صاحبك العريبى قام يقلب فى المواجع بتذكر فى ايام الانتخابات والطردة الحاااااااااااااااااارة من البردانه الفراقها فراق ام ريش من الدريش لورى وعمروه الله يستر
.. الناس السمحين ... والغاليين .. لا زلنا نتابع ... الحكي .. والونسة .. معاكم .. في .. قصر بت الأمير ... الاميرة .. نستمتع ... فقط بالقراءة .. ونحكي ... بي اسمكم .. لللأهل والاحباب .. وهم .. يغروكم السلام ..
ودالمنسي ... شيقا .. والله اسفين على الانقطاع ... لكن الشديد القوى ... هو ... السبب
..
Post: #41 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: خالد علي محجوب المنسي Date: 12-14-2014, 08:54 AM Parent: #39
Quote: العزيز ود المنسي انت عارف ابوي زعلان منك بالجد لانه قال لي يا بت انتي غيرتي اسمي من مصطفى لعبد الرحيم لشنو؟ قلت ليه وكيفن يا ابوي اغير اسمك ..حتى اسمك من اسماء الرسول..وقال لي وطيب كيفن ود المنسي يقول ليكي اميرة بت عبد الرحيم..قمت شرحت ليه ان ناس ود المنسي قاصدين بسمات بت الشيخ عبد الرحيم..وقال لي بت السودنة الكانت مقيلة معانا اليوم ..قلت ليه ايوه يا ابوي وبيلقبوها بالاميرة.....وقال : فعلا تستاهل يسموها اميرة ..مش عشتن اخلاقها العالية وبس وكمان هي بتلبس زي الاميرات...
الأميرة أميرة مصطفى السيد
سموك بت مصطفى والصفاء أخلاقك الأديبة رفيعة مهذبة من ميلادك بت العز تمام والتلود أجداك وا أسفي الشديد كان غلتا مُشهادك
قولي للوالد أنا في السودان وطاشي شبكة وإحترت تب كيف ناس ودأبوسن مكابدين ورابطي الجأش يا الحبيب مصطفى السيد أنا أسف ماقصدي هضم حق وزلة لسان وكان شفت كيف اعاني حتى أكتب سطر وأسله نغمة نضفي حوش بنيتك العامر بي عماركم لعذرتني والله يا مصطفى ود السيد أكتب وأمسح زيشفع سنة أولى أرسل وألقى الموضوع ما نزل ,اعيد من تاني أعذرني .. أعذرني .. أعذري ولك العذر حتى ترضى وأمسحا لي في وشي واللوم بجي بي الغفلات وأمانة ما إتلومتا فيك لوم اليابا فضل
Quote: ووين نحن يا ود المنسي من بت عبد الرحيم البرجوازية والولدوها وفي خشمها معلقة دهب ..وبتشتري ملابسها من ساكس في الفيفث افنيو ونوبلز.... يعني معقول ياا ود المنسي نسيت اسم ابوي بالسرعة دي... وبالمناسبة بت عبد الرحيم دائمة السؤال عنكم ..وبتسال ود حلتها ود الفاضلاب مواصل الكتابة...قلت ليها ود الفاضلاب بيكون سافر لانه ما كتب ولا حرف في الربع الجديد.... والله يديك الصحة والعافية
والله يا الأميرة بت مصطفى ود السيد كلك عندنا دهب شيبون مدخور نزود وندافع عنو وتب ماكن هينات ولينات وربنا يحفظكن في صونه سلام كتير بعدد زرات تراب بدنا لبت عبدالرحيم بسمات
Post: #43 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: خالد علي محجوب المنسي Date: 12-14-2014, 09:21 AM Parent: #41
Quote: ود المنسى الغالى
مشكور للاتصال دائما صاحب واجب وما عدمناك يارب
شوف صاحبك العريبى قام يقلب فى المواجع بتذكر فى ايام الانتخابات والطردة الحاااااااااااااااااارة من البردانه الفراقها فراق ام ريش من الدريش لورى وعمروه الله يستر
تسلم يا ابوسنينة حقك كبير فوق الرقاب يا المبروك ودا الواجب الواجب مقامو أهل الواجب الزيك
يا أخوانا بت عمسيب حزينا شديد قوماكُن نمشي عليها في بلد الزهور يا أبوسنينة شوف ود العوض خلي يكب لي جاز في لوري ونقوم
Post: #44 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: خالد علي محجوب المنسي Date: 12-14-2014, 09:28 AM Parent: #43
..
Quote: الناس السمحين ... والغاليين .. لا زلنا نتابع ... الحكي .. والونسة .. معاكم .. في .. قصر بت الأمير ... الاميرة .. نستمتع ... فقط بالقراءة .. ونحكي ... بي اسمكم .. لللأهل والاحباب .. وهم .. يغروكم السلام ..
ودالمنسي ... شيقا .. والله اسفين على الانقطاع ... لكن الشديد القوى ... هو ... السبب
العزيز عبدالحليم ود حامد سلام يغشاك يا طيب وما بتقصر تب يا جبل الحديد وتحياتنا للأهل والحِبان وخليك قريب وماتغيب ننشد أخبارك يا جميل
صباحكم احلى صباح وايامكم كلها ان شاء الله افراح بحاول الحق البوست لكن اشهد الله حمارى مكادى شاريوة من شيقا وانتو عارفين ناس النضمى ديل الواحد ما بلحق لسناتهم الطويلة خليك من اشترى منهم شيتن نافع
أبو سنينة يا حبيب قلت لي "كادير".......! الشاعر الرائع صالح ودالدِّحيش، لاحظ كنية جدُّو....! هذا الشاعر ركب علي حمار مكادي، ميمما صوب دكَّة صديقه "علي" ولكن كادير المِضِر، وقف في العقبة كما يقولون ، فقال فيه شعرا رائعا ماقلتيلي مشَّايا مشيهو جكيك وماقلتيلي لي دكَّة علي بودِّيك نهيتك بي النَّبي يا اللَّخضر البلي فيك وتمَّش تاني ريحة البجيب طاريك قبل عام أو أكثر هاتفني الصديق وأستاذي علي الشيخ "ودالمُر" يضحك "أم كليوات" ومعه الصديق موسي ود المر، قال لي الأستاذ علي الشيخ: قبل أيَّام هاتفي الأخ العمدة حمد محمد حامد،والشاعر حنفي حاج الطيب وقالا: ياشيخ العرب مالك ومال ركوب كادير، سوِّي ليك شنحيب ،طبيق جملك الكسلاوي، وكمان خليهو علينا نحنا،تلاميذك القدامي وأصدقائك ، ومعجبيك،فقال أستاذنا علي الشيخ: اليوم المكرود رماني.... فتذكرت مهاتفة العمدة حمد والأخ حنفي...! ثم بعدها ب أشهر هاتفني أستاذنا ودالمُر من أجل الأنس الجميل والضحك المعافي، فقال لي: اليوم وصلني بعير خايل بلحيل، من صديقي الأخ مُحي الدين أب صفيطة، والجمل مولَّد من ودكسلا ، جملي "الكسلاوي" الذي أهديته للأخ محي الدين أرسل لي أستاذنا ودالمر رسائل دوبيت رائعة جدا ، عن تندره من ركوب"كادير"، وبعدها وصلتني بصوت أستاذنا ود المر وأظن أستاذنا ودالمر سجلها للأخ سيف الدولة ودحسن الفكي وإليكم مرابيع من تندر أستاذنا ود المُر، من ركوب الحمار، ومخاطبته لصديقيه وتلاميذه العمدة حمد و الشاعر حنفي عسي ان تُرعد سحائب الشعر،و تُومض بروق الدوبيت،من "تالاهم" وتنعشنا بدعاشهم.... قال أستاذنا علي الشيخ ودالمُر:
حَمَدْ قال ليَّا مالك ومال حمار الرَّاوي شوف ليك ياخي واحِد كيف جنا الكسلاوي أخضر ولونو كيف بيضة الغراب شرقاوي في لحظات براوْحَك تمرة العجكاوي ****************************** سوِّيلَك جمل طبَّاق مالَك ومال رِكوب المايل الهنَّاق هميمَن منُّو إلاَّ تلبِّد السوَّاق وتستمتع بي شيوم ناس الحديثها دقاق *************************** علِّق فوقو حَردِلو ؤنِم وماتقول سِعرو غالي ومن قروشو تِهِم الكجَّر زقافو ودانو عدل الكِم بلا العكداوي فوق ديراوي مابِتلِم ********************** إتَّا كمُّو بصيرتك بقت منقفلة إن ودَّاكا لي كادير قبيح النَّفلة مابعاينولك إن جيت فوق يوم الحفلة ويرميك يكسر إيدَك كان عِتر بي قفلة ******************************** ماتشيكِّر لي أصلو حمار وكان في نتيجي مابريميهو جُحر الفار عجبي الدومو نازل حِرتي في الفقَّار ود إبل الشروق أبو لاحط الخطَّار *************************** لا بْعلِّق حفش لا بشيل وكان لسّيتو فنجط وكان عِتِربطِّيل العرطمتو كيف عجكاوة القُنديل وكم هاجمتو بي ود السِّهار في الَّليل ***************************** أني ركوب الحمار مابدورو وعجبي اللَّصهب أب حلقة البضاير كورو البهَم الكجَّر البتُّور وفكَّا بخورو ليَّا ليالي من نوم الحُضُن في صدورو
Quote: كل مرة وبتاوق وبطلع
الى ان اركب معاكم السموحة ان شاء الله جاى من اجازة والشغل ما يستاهل الا اشوف ليه دوكة نارها مولعة وارميه تحتها اريحهم وارتاح منه ومحل نجيضة التنقد ما تنسد بركة اهلى البعاد
قلت لي دوكة ..شوف هني مقطوع الطَّاري ماذا فعل ب"الدوكة" أو الطَّاجِن كما تسميها بعض القبائل سماكي زرقتو زي الطَّاجِن الممسوح ؤبتكَّل سحابك زي سطور اللّوح إتحليتي بي مسكاً عطورو تفوح وفيك ريحة دِعاشاتَن ترُد الرّوح
تحيَّات زاكيات وهيطات لكم جميعا يا سمحين وتحية بطعم الدِّعاش لصاحبة البوست لأنها جمعتنا في ديوانها العامر بالمحبة والكرم والسماحة ويا أبو سنينة صديقك ودشيقوق زول "درت" بكل ماتحمل هذه الكلمة من معاني إنسان "وهيط " وفنجري وحُر.... وكلكم سمحين نافلة معزة من القلب للجميع
هذا البوست ومن فيه اناس اكن لهم معزة اخوية صادقة وخالصة مرورك الكريم زادة حلاوة وبهاء
الطيب حبيب وغالى ويعلم معزتى له ولاهله جميعا مناكفتنا له ماهى الا زيادة فى محبتة التى ليست لها حدود
اجد راحة كاملة فى كل ما ياخذة منى من كلمات اكثرها تحمل رسائل تزكرة باهلة فى البردانة حتى لا يغرق فى الاجواء السلطانية بمساعدة حبيبى المتلق دائما ود المنسى
لكن بس المحيرنى ولا واحدة من االاخوات شدت علية مثل ما ياخذ منى ومن خالد ود المنسى
سوف احاول جاهد جذب بت العم عمسيب لتكون فى الصف موازة للجعلية وضاحة حتى يرد الله امرا وتكون الاميرة معنا
بعدها يكون العريبى وحيدا فى المرمى وسهل الاصتياد ( لكن فوق كل هذا زول شغلة فى لسانووو الله يقدرنا علية )
وفيما يخص ود بله فهو اخى وابن الجيران ولا يحتاج الا لمد الاصبع والفزعة هوى هههههههههههههههه
هذا البوست ومن فيه اناس اكن لهم معزة اخوية صادقة وخالصة مرورك الكريم زادة حلاوة وبهاء
الطيب حبيب وغالى ويعلم معزتى له ولاهله جميعا مناكفتنا له ماهى الا زيادة فى محبتة التى ليست لها حدود
اجد راحة كاملة فى كل ما ياخذة منى من كلمات اكثرها تحمل رسائل تزكرة باهلة فى البردانة حتى لا يغرق فى الاجواء السلطانية بمساعدة حبيبى المتلق دائما ود المنسى
لكن بس المحيرنى ولا واحدة من االاخوات شدت علية مثل ما ياخذ منى ومن خالد ود المنسى
سوف احاول جاهد جذب بت العم عمسيب لتكون فى الصف موازة للجعلية وضاحة حتى يرد الله امرا وتكون الاميرة معنا
بعدها يكون العريبى وحيدا فى المرمى وسهل الاصتياد ( لكن فوق كل هذا زول شغلة فى لسانووو الله يقدرنا علية )
وفيما يخص ود بله فهو اخى وابن الجيران ولا يحتاج الا لمد الاصبع والفزعة هوى هههههههههههههههه
ابوسنينة الحبيب سلام يا طيب الخصال والذكرى سلام يا ود صناديد الرجل والضكرة سلام يا أهل الكرم والشكرة سلام ولهجك زي ادُعاش والنترة
والله يا عبيد ود الطيب انو البوست او بالاصح الحوش الواسع استطاع ان يجذب مبدعين ورائعين وسمحين زيك بيورونا كل يوم شئ جديد ومبدع وخاصة في خاصيتنا السودانية الفريدة ...ومنها انشاد الد وبيت ..واصبح البوست كل يوم بيعلمنا .الجديد والمفيد ..ووالله الحكايات الشعبية . وونسات ناس القر ى على ضوء القمر وهم جالسين في الرملة تساوي سعادة ما بعدها سعادة ونحن لم نقرا الروائع دي تصيبنا ايضا عدوى السعادة وبنطلع من حالة الياس والنوستالجيا البنعيشها في الغربة البعيدة.... وبعدين كمان عجبني شديد وصف ابو سنينة لشغلة المحامين لمن قال عن ود شيقوق:"زول شغله لسانو الله يقدرنا عليه"....وفعلا اذا المحامي ما كان فصيح اللسان وسليط اللسان ما بيكون محامي ناجح...وبالمناسبة انا قريت قانون ..لكني في امربكا ما شغالة في المجال ..لكن شغالة عمل ببحتاج للقلم وذاكرة قوية....بس الله يديم الذاكرة والقلم.. والله يديكم الصحة والعافية...
يعلم الله مشتاقين للناس السمحين الأرشفة شفقتنا لكن الحمد الله شجرتنا الظليلة التي نستظل بظلها عادت أكثر اخضرارا وعاد رواد الشجرة أكثر شوقا وتألقا صديقي ود شيقوق " فضى" ليكم وبدأ يحكي عن روائعه من واقع مهنته التي أحبها فأحبته وبرع فيها بعد دا " حتنتظروا " مسلسل ود شيقوق" الشيق والله اصبركم على "شحتفة" ود شيقوق وأنا خايف ناس فلانة وعلانة يبطلن شغلتن لزوم متابعة حلقات المسلسل الممتعة .
التحية والشكر والتقدير لجميع الإخوة والأخوات الذين أثروا هذه المساحة النظيفة التي بجمالها تزيل الهم والغم خاصة للإخوة والأخوات في بلاد الغربة والشتات.
يا الله يا بت عمسيب ويا بت السيد عمكم " الفكي آدم" عازمكن تشربوا معه "كباية "شاي من نوع خاص وقال ليكن أجبرن بخاطري يا بنياتي الله يجبر بخاطركم.
جبر الخاطر كان كلما مر ببيته المطل على الطريق المؤدي إلى المسجد ألقى عليه التحية فيبادله صاحب الدار بأحسن منها ويضيف قائلاً : " اتفضل يا ولدي أشرب معاي كباية شاي" وكان صاحبنا دائماً على عجلة من أمره فيعتذر له ويوعده بتلبية دعوته في المرة القادمة. تكررت الدعوة واعتذر صاحبنا عنها مراراً. في يوم من الأيام وكان الفصل صيفاً والوقت نهاراً، تذكر صاحبنا دعوة صاحبه المتكررة، فنوى زيارته تلبية لدعوته فذهب إليه وألقى التحية عليه وقال له جئتك لشرب الشاي. رحب به "فكي آدم " ترحيباً بالغاً قائلاً " الليلة جيت تجبر بخاطري يا ولدي الله يجبر بخاطرك."
حكي " فكى آدم" لصاحبه شيئاً عن حياته وأهله الذين فارقهم منذ زمان بعيد وانقطع التواصل بينهم ، وحدثه عن الأسباب التي منعته عن الزواج وأنه بلغ من العمر عتيا واستقر به المقام منذ سنين في هذه البلدة المباركة الطيب أهلها ووجد عندهم حسن المعاملة وطيب المعشر وسيقضي باقي عمره معهم وهو مطمئن إذا وافته المنية أنهم سيكرمونه كما أحسنوا معاملته في حياته.
بدأ صاحبنا يفكر في كلام "فكي آدم" وقد تأثر بحديثه وأعاد التفكير في الظروف التي ترغم الإنسان على فراق أهله وتحرمه من التواصل معهم والأسباب التي تدفعه عن العزوف عن الزواج وتكوين أسرة أشد ما يحتاجها الإنسان في مثل هذه الظروف: الغربة وبلوغ سن الشيخوخة، فسالت دمعة من عينه مناجياً نفسه ما أقسى ظروف الحياة عندما تحرم الإنسان عن أهله وعشيرته.
جال صاحبنا ببصره في غرفة "فكي آدم" التي لا يوجد بها نوافذ ولا حتى "طاقة" لمرور الهواء، وبدت له موحشة مظلمة رغم أن الوقت كان نهاراً وأشعة الشمس تتسرب إليها من خلال شقوق جدرانها المتصدعة، كما أنها خالية تماماً من الأثاث سوى "عنقريب" قصير متأرجح متهتك الحبال موضوع "قصاد" الباب و"تبروقة مهترئة" وجرة صغيرة "قلة" وإبريق نحاس قديم.
شرع "فكي آدم" في تجهيز الشاي: بدأ "يبحت" بطرف أصبعه حول "عنقريبه" عن " كسرات" فحم وقام بجمع كمية قليلة منه، "ولملم" شوية " قشقش" من داخل الغرفة وأشعل النار وقام بوضع "كفتيرة" صغيرة قديمة صار لونها أسودا من تراكم "السكن" عليها. ملأ الفكي آدم "الكفتيرة" من "إبريقه" ، واستغرق الماء وقتا طويلاً إلى أن وصل درجة الغليان، ثم أخذ قليلاً من الشاي والسكر من علبة داكنة اللون ووضعهما في "الكفتيرة" وترك الماء يغلي ويغلي. فاحت رائحة الشاي وعطرت أجواء الغرفة. صب "فكي آدم" الشاي في "كباية مكسرة الحواف" كانت أصلاً وعاءً لـ "مربى" وقدمه لصاحبه . رشف صاحبنا رشفة فوجد طعم الشاي طيباً وأعجبته نكهته فشربه حتى آخر قطرة مثنياً على طعمه ونكهته وطلب المزيد منه. بعد أن شرب صاحبنا "الكباية" الثانية قال للفكي آدم: كانت هذه أطيب "كباية شاي" شربها في حياته. ودع صاحبنا "فكي آدم" ووعده بزيارة أخرى. شكره "فكي آدم" على الزيارة ودعا له بخير. في تلك الليلة وعند آذان الفجر، رأى صاحبنا رؤية جميله فاستبشر بها خيرا، ولما كانت الأعمال بالنيات ومرتبطة بقرائن الأحوال ، خطر على ذهن صاحبنا تلك الزيارة التي قام بها نهاراً بنية جبر خاطر "فكي آدم" والتي ربما تكون السبب في تلك الرؤية الجميلة.
كتبت رد طويل من صفحتين لكن اتمسح بقدرة قادر وكان جهاز الكمبيوتر لحق كميوتر ود ابوسن...لكن بكتب موجز للصفحتين ..... ..انا متاكدة يا ود بلة ان الشاي الحيقدمه لينا الفكي ادم في الكباية المكسرة ده حيكون اطعم والذ نكهة من الشاي البنشربه في ارقى مطاعم نيويورك وامستردام او مطاعم برج الخليفة في دبي او حي اللؤلؤة في الدوحة(طبعا دبي والدوحة بنشوفها في طريقنا للسودان في الترانزيت لمن ننزل يوم كامل في ضيافة الخطوط القطرية وطيران الاتحاد في فنادق الخمسة نجوم)'''' وكمان ان متاكدة ان الفكي ادم وهو يعيش في هذه الغرفة البدون نوافذ او طاقة يمر منها الهواء يشعر. بسعادة اكثر من المليونيرات العايشين في الغرف الفخمة في ارقى الفنادق العالمية زي الغرفة الكان نازل فيها Kevin الطفل الراح من اهله في نيويورك في فلم Home alone2 lost in NewYork وطبعا انا جبت المثل ده عشان شفنا الفلم الفكاهي ده امبارح)... وان شاء الله جبر الخاطر، هذه العادة السودانية السمحة لسع موجودة في السودان في الزمن السئ ده...لكني ايضا على يقين ان طيبة السودانيين ومروءتهم ما بتروح ابدا على الرغم من تقلبات الزمن. وغدره..لانها عادات اصيلة مثل الذهب لا تصدا .... والله يديك الصحة والعافية
Quote: ومن ود ابوسن:" والله يا بت السيد إنت قاضي مدني على قول عم عبد الله كريشاوي
كم يزيدني فخرا وسرورا أن أجد هذا الإقتباس بإسم أخ قامة في كل شيء - ما شاء الله - شيخ العرب حبيبنا ود أبسن أهل الفصاحة والبيان، والجود والشهامة والكرم. ما قلت ليك يا بت السيد كلنا واحد في هذا الحوش، أنا ود أبسن، وود أب أنا ، وأنت بت عمسيب وبت عمسيب أنت ، مثل هذه الروح السمحة والإلفة والمحبة التي تسود وتميز كتاب وقراء ومتابعي هذا البوست جعلته يصل إلى الصفحة (26) وسيمتد إلى أكثر من ذلك بكثير، ما دام هذا هو ديدنكم في الكتابة النظيفة " الخاتية العيب"، البتسر القلب وتبهج الروح وتزيل الهم والغم . وما يصدر من القلب حتما سيدخل القلب. الباريء يحفظكم ويديم المودة بينكم.
Quote: وان شاء الله جبر الخاطر، هذه العادة السودانية السمحة لسع موجودة في السودان في الزمن السئ ده...لكني ايضا على يقين ان طيبة السودانيين ومروءتهم ما بتروح ابدا على الرغم من تقلبات الزمن. وغدره..لانها عادات اصيلة مثل الذهب لا تصدا .... والله يديك الصحة والعافية
أنا على يقن تام أن عاداتنا وقيمنا وشهامتنا ومروءتنا لا تنتهي أبدا مهما أصاب أحوالنا الإقتصادية والمعيشية من سوء .
فعلا المشغوليات بتجبرنا ننقطع من النت لفترات لكن زي ما قلت المتاوقة اخير من الانقطاع مرة واحدة....ونحن حتى في اوقات المشغوليات الكثيرة بنجي نتاوق ونقرا على السريع بدون المشاركة بالتعليقات..ومرات بنكلف الزميلات العندهن فراغ يقرو الجديد في الحوش ويلخصوا لينا الموضوع لغاية ما نجي برانا للتفاصيل..وعندنا زميلة مدمنة بتقرا النكات البقدمها عثمان موسى وكاتلانا بالتلفونات وتقول لينا يا الله فرجوا همومكم بالنكات دي ..ودي دائما مرات بنكلفها تشةف لينا
الجديد ..والله النلس في الغربة القساية دي،وخاصة البنات اذا لقن الوسيلة كان حيرجعن الليلة قبل بكره لكن الحاجة والضرورة ليها احكام....والله يبارك فيكم لقد هونتم علينا الكثير من الصعاب ونعيش السودان ..سودان الطيبة والشهامة والكرم والمروءة من خلال السطور الوضيئة التي تخطها اقلامكم والله يديكم الصحة والعافية
كويس الكدوس انكسر يا ود ابو سن ..عشان اساس الكدوس مضر بالصحة زيه ووي السجاير وبعدين الكدوس دائنا بيدخنه الناس العجايز ...وانت ما شاء الله شاب في مقتبل للعمر.. ..والعمر مش بعزقة ..زي ما بيقولوا المصريين.. والله يديك الصحة والعافية.. يا جماعة الخير في اتنين مسجلين غياب على طول ومشتاقين نقرا ليهم حروف ..ود البوش..وود الفاضلاب..ود حلة ناس بسمات ..اسالوا منهم...ان شاء الله المانع خير..
الاحتفال السابعة و النصف مساء اليوم منقول على الهواء مباشرة على القناة العمانية
الليلة عاد اخوك بتغيّر كلو و لا بتعرفو علا تركز فيهو كويس ، يتهندم سمح ويملا ليك الجيوب كروت تعريفية ويشيل ويشتت ساي الما عارف يقول الزول دا مولود مع ناس المرتضى في حي المسالمة
العجب الحديث بيكون كلمة كلمة وبراحة علا الواحد يرخي لي اضانو قريب عشان يفرز الحكي وكمان كان ما شحتفت ليك روح الواحد ما برمي ليه الكلمة التانية
سلام للاخوان واللخوات ود البوش والفاضلابي ود البوش دة عريس النعذرو شوية لكن الفاضلابي مالو اميرة القصة معروفة شيخ العرب كدوسو انكسرت فيهو قشة .. بنضف فيهو بي قشة والقشة انحشرت وانكسرت وغلبو يمرقها .. وبقا بحاول يمرقها وممحن فيها جات مرتو وقالت ليهو ابوي مات قال ليها انتي في ابوك المات ولا في كدوسي الانكسرت فيهو القشة فصارت مثلا
الله يجا زي محنك يا ود ابوسن..وتراهو الكدوس الانكسرت فيه قشة مثل وانا مفتكرة انو كدوسك انكسر بالجد...وبقيت زي الاطرش في الزفة.. وبعدين نحن مما ولدونا بنسمع ان شهر العسل للعروسين شهر واحد بس.. ود البوش ليهو شهرين.... بي في بالي برضه سؤال حول الموضوع ده...ليه حددوا شهر العسل بين المتزوجين حديثا بشهر واحد..ليه ما يكون العسل مستمر العمر كله...واتناقشنا في الموضوع ده مع زميلات وواحجة قالت مستحيل طبعا العسل والسعادة تستمر العمر كله بين الزوجين لان الحياة حتكون مملة ..وقالت ان المشاكل ملح الحياة بين الزوجين وزي ما الملاح بكون طاعم بالملح فالحياة الزوجية بتكون طاعمة بالمشاكل.....معقولة يكون ده مفهوم الزواج ..والحياة الزوجية تكون كلها مشاكل عشان تستمر؟.....واذا كان ده ياهو المفهوم فاخير حياة العزوبية.... ويا الناس المتزوجين رايكم شنو.. والزميلة المدمنة ببوست النكات قالت هي قرات نكتة في بوست هنا في المنبر العام بان زوج وزوجة متزوجين ليهم 50 سنة وعايشين في سعادة وبدون اي مشكلة بيناتهم...قام واحد سال الزوج عن سر هذه السعادة وكيف ما تحصل ولا مشكلة بينهم..فالزوج رد :"انا وزوجتي اتفقنا اول ما رجعنا من شهر العسل اذا حصل اي زعل ولا مشكلة بيناتنا هي تقوم تدخل المطبخ وانا امشي لحديقة المنزل بره...واها لين خمسين سنة هي عايشة في المطبخ وانا عىيش هنا في الجنينة..هههههههههههههه.. والله يديكم الصحة والعافية
إهداء لناس الحوش، خاصة الناس البعادهناك في بلاد الغربة والشتات زمان كان البعاد عن الأهل والأحبة داخل الوطن غربة والآن صار البقاء داخل الوطن هو الحاجة الغريبة، ولو أتيحت الفرص لما بقي في الوطن الجريح أحد سوى الشيوخ والعجائز.
قصيدة مينا - بركات بله – 1971
بلغة أهلنا الطيبين في الريف، وبلسان المحبوبة كانت هذه القصيدة التي أستعير فيها لسان حالها عندما أبلغت بخبر نقلي إلى مينا شرق مدينة سنجة أيام كنت معلماً بالمدارس الإبتدائية
ياربي شيلنا نحنا وكضب الشينة وادينا الصبر لمتين يعود لينا ورفقاً بحبيباً ناقلنه لمينا ولطفاً بولوفاً كان بصابحنا وبماسينا ويا حليلو نقلوه الليلة لي مينا
مالو فات الفريق ومسّخ ديارنا علينا وزي طفلاً رضيع بكت دموع عينينا وفي فقده العزيز منو البقدر يعزينا غيرك صبرك يا إلهنا ترضى وتقسمو لينا ويا حليلو نقلوه الليلة لي مينا
لو داير بعيد عشان بالمال تعود لينا وتتغرب وحيد عشان تفرح ليالينا خليك قريب نحنا ناس القليل برضينا وما كان المال هدفنا ولا وراه جرينا ويا حليلو نقلوه الليلة لي مينا
خلاص اتغرب انحنا عليك رضينا وفوق الغربة أخوان فيهم حنان والدينا قلوبنا معاك تلقى مناك وتعود لينا ويضمنا ليل ويجونا أحبابنا يهنونا ويا حليلو نقلوه الليلة لي مينا
ومشينا هناك بعيد لي مينا شمال الفونج .. جلقني وشاشينا وشفنا قدر ما تشوف عينينا لكنو وين لي شباب "فداسينا" زولاً كان نظر برمينا وكان بسم بشيل قلوبنا يخلينا ويا حليلو نقلوه الليلة لي مينا
• "فداسينا" : فداسي الحليماب بلد الشاعر
Post: #163 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: سيف الدولة كامل Date: 12-24-2014, 09:11 AM Parent: #45
التحية والتقدير للاخت العزيزة أميرة السيد
بعد غياب سنتين من المنبر عدت لاستمتع بحديث
المسانيح الحلوين صديقي الحبيب ود شيقوق والامير
ود المنسي والجميل الفاتح ميرغني وأبوسنينة ودكتورة
وضاحة وعلي امل ان يمر سعادتو عمر علي حسن
ليعطر الجلسة بحديثة الشيق . وايضا صاحب اليراع الجميل
مولانا محمد المرتضي حامد . وأكيد بوست جميل بأصحابه
Quote: اسحاق بله الامين : مالو فات الفريق ومسّخ ديارنا علينا وزي طفلاً رضيع بكت دموع عينينا وفي فقده العزيز منو البقدر يعزينا غيرك صبرك يا إلهنا ترضى وتقسمو لينا
الاستاذ الفاضل / إسحاق الامين ... ياخ يعلم الله إنك جيتنا في سلك عريان وهبشت لينا وتر عاااالي خلاس في الاحساس وسيدنا ( جرير ) بيتم ليك كلامنا وبيقوليك : لو لا الحياة لهاجني ...... !! وبنردد ونقول كمان فوق قولك العجيب : جاني الخبر جاني البلا والسمحة قالوا مرحلا قول يا لسان في الراحلا صوغ المعاني وجمِــلا
وحقيقة لولا خوفي من فلكة بالعنكوليب المتوعدني بيها حبيبنا ود شيقوق والبي سببو مرتي قالت لي ( كُبـــــــــــة ) بي معنى وجع ههههههههه كان فكيت ليكم اخري هنا دي فوق كلامك السمح بالحيل ياخ ...
الاحتفال السابعة و النصف مساء اليوم منقول على الهواء مباشرة على القناة العمانية
الليلة عاد اخوك بتغيّر كلو و لا بتعرفو علا تركز فيهو كويس ، يتهندم سمح ويملا ليك الجيوب كروت تعريفية ويشيل ويشتت ساي الما عارف يقول الزول دا مولود مع ناس المرتضى في حي المسالمة
العجب الحديث بيكون كلمة كلمة وبراحة علا الواحد يرخي لي اضانو قريب عشان يفرز الحكي وكمان كان ما شحتفت ليك روح الواحد ما برمي ليه الكلمة التانية
كدا كيف يا خالي ود البلة؟
اهاااااااااااااااااااااااااااا يا اهلى كلامى مو فى محلة
ود بله عليك الله دا تانى بذكر البردانة ان شاء الله ام برد الما تجيك على قول حبوبتى
يا ود المنسى بعاااااااااد طال العريبى فرهد وانفرد
ان شاء الله تصلى بالسلامة يا بت العم والله يبعدك من مصائب الطيارات والله الزول عضمة ما يلقوها ان شاء الله يسموا بيها القبر يقولو دا قبر فلان وعلان .
عشان الحبايب فى البال كان حبوا ليهم زوووول طوالى يركبوا الطيارة
ود ضرار نورت ولا تخاف من العريبى حكاوى مو اكثر ارمى اخررررررررك طوالى وانا قدامك مو وراك
اها بت العم الله يفضى بالك يا بت عمسيب الدنيا كلها مشغلة فى مشغلة يهون علينا ربنا
أنا أستأذنت من المدير ومن "دربي دا " للبيت طوالي ما في أي غشوة لا بقالة ولا فرن ولا يحزنون وكلمت الوليدات يرجوني الفضائية العمانية فاتحة لمشاهدة حبيبنا ود شيقوق.
يا أبو سنينة الحبيب عليك أمان الله الليلة "البردانة" كلها تلقاها متحلقة ومحلقة في الفضائية العمانية ومنتظرين ظهور حبيبنا ود شيقوق في شاشة التلفزيون أصله كلمهم قبل شهر، وبعد إنتهاء الإحتفال الأعمى بشيل المكسروجري لبيت ناس مولانا، عشان يباختوا ليهم ظهور ولدهم في التلفزيون. الليلة حظ جلاد العناقريب ، عناقريب ناس ود شيقوق كلها بتتكسر، ات ما سمعت بالمثل البقول العربي كان فتح بجيب لأهله ....
الليلة مشيت زرت لي بيت جميل جدا ومكتوب قدام البيت :"كل عام وانت اجمل كلماتي" وهو بيت احمد موسي..ولقيت ود ابو سن سبقني بهناك...ولمن دخلت لجوه البيت وجدت الكلمات الرائعة دي:" يصادف اليوم السابع عشر من ديسمبر عيد ميلاد رفيقتي حبيبتي زوجتي..امراة من خطوط الشمس ناصعة كقلب رضيع كاما نظرت اليها ازدادت القا على الق..وشكرا لك ربي ان اهديتني امراة نخلة.. وكل عام وانت اجمل كلماتي...""
انا رديت عليه بهذه الكلمات:" ده كلام سمح بالحيل با احمد موسى..ويا ريت الازواج كلهم زيك ..ما بتعرف ليك واحد زيك بالظبط وعنده مشاعر دفاقة زيك يكون لي عريس.."
وشوفو الوول ده وصف زوجته وصفين من اجمل الاوصاف التي تتمنى اي فتاة في الدنيا ان تسمعها.. وصفها بانها امراة من خطوط الشمس..يعني هي مضوية حياته..ووصفها بانها نخلة..ونحن جميعا نعرف ماذا تعطي النخلة ..تعطي الرطب والتمر ..والرطب مذكور في القرا في سورة مريم..واضافة لذلك فالنخلة صبورة تصبر على الماء شهور وشهور....واصافة لذلك وصفها انها كالقلب الرضيع ..ناصعة... هذه كلمات من نور.. المعروف ان اي امراة في الدنيا ومن كل الاجناس تحب وتعشق الذهب ورنين الذهب وتتمنى دائما ان يزين معصمها وعنقها الذهب الاصفر ..ولكن هذه المراة ايضا يمكن ان تستبدل كل ذلك بالكلام السمح والكلام الطيب وكلماتةالمشاعر الدفاقة..مثل هذه الكلمات التي خطها احمد موسي...فالمراة تاسرها مثل هذه الكلمات تاسرها كلمات الغزل من زوجها وتحب دائما ان تسمع كلمات الحب من زوجها...وطبعا معروف ان طبيعة الرجل السوداني هو عدم البوح بحبه لزوجته...وعدم التعبير عن مشاعره الجفاقة نحوها..ولذلك تجد ان اقل هفوة من احدهما تصعد ها الى مشكلة كبيرة وتجد ان رجلا انفصل عن زوجته لسبب بسيط وتافه جدا ولو ان الزوجة كانت تسمع من زوجها مثل هذه الكلمات المنيرة التي خطها احمد موسى لساد الوئام والحب والمودة بين الزوجين....ان الكلمة الطيبة بالنسبة للمراة تساوي كنوز الدنيا كلها.. لقد اتيت بهذه الكلمات هنا كي اشجع زوار الحوش من المتزوجين او المقبلين على الزواج ان يحذو حذو احمد موسى حتى تدوم المحبة والالفة والمودة .. والله يديكم الصحة والعافية..
تخريمة يا ود بلة ذكر د شيقوق ان يوم الاربعاء ولى وفات وبقى ورا ضهره..ونحن منتظرين والله يديك العافية
Quote: وشوفو الوول ده وصف زوجته وصفين من اجمل الاوصاف التي تتمنى اي فتاة في الدنيا ان تسمعها.. وصفها بانها امراة من خطوط الشمس..يعني هي مضوية حياته..ووصفها بانها نخلة..ونحن جميعا نعرف ماذا تعطي النخلة ..تعطي الرطب والتمر ..والرطب مذكور في القرا في سورة مريم..واضافة لذلك فالنخلة صبورة تصبر على الماء شهور وشهور....
أعوام تغرب من عمري وأنــــا أكبر لأفتش عن ضلعي الأيسر وتظل جراحي مبتله تتعهد قلبي بالسقيا أتطلع لإمرأة نخله تحمل عني ثقل الدنيا تمنحني معنى أن أحيا أتطلع لإمرأة نخله لتُجنب أقدامي الزِّلة وبذات مساء وبلا ميعاد كان الميلاد وتلاقينا ما طاب لنا من عرض الأرض تساقينا وتعارفنا وتدانينا وتآلفنا وتآخينا وتحالفنا لعيون الناس ترائينا لا يُعرف من يدنو عينا منا أو من يعلو جفنا وتشاركنا وتشابكنا كخطوط الطول إذا التفت بخطوط العرض ووضوء سنته اندست في جوف الفرض كانت قلبا وهوانا العِرق فكنت النبض كانت مُزنا وهوانا الغيث فكنت الأرض وأنا ظمآن جادتني حبا وحنان أروتني دفئا وأمان كانت نخله تتعالى فوق الأحزان وتُطل على قلبي حبلى بالأمل الغض الريان وتظل بأعماقي قِبله تدفعني نحو الإيمان كانت لحنا عبر الأزمان يأتي من غور التاريخ يستعلي فوق المريخ صارت تملؤني في صمتي وإذا حدّثْتُ أحِسُّ بها ترنيمة سعد في صوتي أتوسم فيها إكسيرا أبدا يحييني في موتي
دي يابت السيِّد قصاصة من قصيدة رائعة بعنوان "إمرأة نخلة"أو "أتطلَّع لأمرأة نخلة" للشاعر المبدع الأستاذ محي الدين الفاتح، وما أجملها بصوته وإلقاءه وألقه المهول ..
يا له من وصف بديع ورائع.. ويا له من شاعر مرهف نحرير. ويا لاسفي اني لم لم اقرا لهذا الساعر الفذ من قبل وذاك من عيوب العيش في الغربة بعيدا عن الوطن ولا نستطيع متابعة الجديد في عالم الادب والشعر والاصدارات الجديدة من الكتب العربية بوجه عام والكتب السودانية بوجه خاص...ونحن بنعتمد على هذا المنبر العام لزيادة المعرفة بكل جديد ورائع والله يديك الصحة والعافية يا ود الطيب
يا أبو سنينة الحبيب عليك أمان الله الليلة "البردانة" كلها تلقاها متحلقة ومحلقة في الفضائية العمانية ومنتظرين ظهور حبيبنا ود شيقوق في شاشة التلفزيون أصله كلمهم قبل شهر، وبعد إنتهاء الإحتفال الأعمى بشيل المكسروجري لبيت ناس مولانا، عشان يباختوا ليهم ظهور ولدهم في التلفزيون. الليلة حظ جلاد العناقريب ، عناقريب ناس ود شيقوق كلها بتتكسر، ات ما سمعت بالمثل البقول العربي كان فتح بجيب لأهله ....
يا ود بله العناقريب قد ( جلد بقر اصلى مو خمج ) بعملوه تعمر الف سنة وتقاوم كل الظروف الطبيعية والغير طبيعية
لكن بينى وبينك العريبى تانى برجع البردانة والله الا يقول ليهم تعالوا فى البندر وربنا يصبر ام عبد الله المراة المكافحة وصابره على البلاوى البتحدف عليها
اليوم اللوارى كلها معبية العمى يشيل المكسر والجداد صفوف فى جنبات اللورى شايل امبدة يباركوا لام عبد الله ود شيقا ظهر فى تلفزيونات الخليخ ههههههههههههه
يا امير ام عبد الله فاقدة الشى دا زاتو تكوسى ليه عند ود شيقا ما عرفت فاقد الشى ما بعطية غايتو شوف ود بله من زمان ناس بندر يمكن يجيب ليك واحد لقطة لكن البردانه يخربها خراب الترب من طلب دا
لكن يا ود ابو سنينة كلام ود بلة البنقراهو ده بيورينا الزول ده ما زول بندر لكن زول قرية وممعن في القروية واخلاق القرية...وانت ما باقي ليك ناس القرية هم البيعرفوا احسن ... والله يديك الصحة والعافية
Quote: وحقيقة لولا خوفي من فلكة بالعنكوليب المتوعدني بيها حبيبنا ود شيقوق والبي سببو مرتي قالت لي ( كُبـــــــــــة ) بي معنى وجع ههههههههه كان فكيت ليكم اخري هنا دي فوق كلامك السمح بالحيل ياخ ...
محمد أخوي مرحب بيك كتير يا خوي ما تخاف من توعد ود شيقوق اليومين ديل مو فاضي للعنكوليب ، مزاجه رايق وروحه عال العال ومالي شاشات الفضائيات. ربنا يعليه ويعلي مقامه قول آمين يا ود ضرار أخوي
Quote: بلغة أهلنا الطيبين في الريف، وبلسان المحبوبة كانت هذه القصيدة التي أستعير فيها لسان حالها عندما أبلغت بخبر نقلي إلى مينا شرق مدينة سنجة أيام كنت معلماً بالمدارس الإبتدائية
ياربي شيلنا نحنا وكضب الشينة وادينا الصبر لمتين يعود لينا ورفقاً بحبيباً ناقلنه لمينا ولطفاً بولوفاً كان بصابحنا وبماسينا ويا حليلو نقلوه الليلة لي مينا
مالو فات الفريق ومسّخ ديارنا علينا وزي طفلاً رضيع بكت دموع عينينا وفي فقده العزيز منو البقدر يعزينا غيرك صبرك يا إلهنا ترضى وتقسمو لينا ويا حليلو نقلوه الليلة لي مينا
لو داير بعيد عشان بالمال تعود لينا وتتغرب وحيد عشان تفرح ليالينا خليك قريب نحنا ناس القليل برضينا وما كان المال هدفنا ولا وراه جرينا ويا حليلو نقلوه الليلة لي مينا
خلاص اتغرب انحنا عليك رضينا وفوق الغربة أخوان فيهم حنان والدينا قلوبنا معاك تلقى مناك وتعود لينا ويضمنا ليل ويجونا أحبابنا يهنونا ويا حليلو نقلوه الليلة لي مينا
ومشينا هناك بعيد لي مينا شمال الفونج .. جلقني وشاشينا وشفنا قدر ما تشوف عينينا لكنو وين لي شباب "فداسينا" زولاً كان نظر برمينا وكان بسم بشيل قلوبنا يخلينا ويا حليلو نقلوه الليلة لي مينا
اها يا اسحاق يطول عمرك ذكرتيني امرين :
اولهما انك كنت في مينا - بالمناسبة قريتنا البردانة على بعد عشرين كيلو فقط شرق مينا وا حسرتاه الما كنت بعرفك ذلك الحين يا ود البلة ثم من اين للمحبوبة العلم بديموغرافية و جغرافية شرق النيل الازرق لتنظم قصيدة فيها جلقني وشاشينا؟
طبعا قرية جلقني جنوب مدينة ابو حجار وود النيل اي جنوب سنجة وغرب النيل الازرق - قرية شاشينا شرق النيل الازرق وتبعد من مدينة السوكي ثلاثة او اربعة كيلو مترات .
مينا تعتبر تاريخيا عاصمة مملكة الفونج وما زالت سلالة عمارة دقنس تقيم و تتزعم المنطقة منهم الناظر المرحوم يوسف المك حسن عدلا توفى مقيما بالروصيرص والعمدة عدلان العوض بالسوكي والعمدة جادين بمينا نفسها العمدة حسن جانقوة بابو البنات .
ثانيا يا اسحاق اخوي يبدو لي انت من جيل الرقعة السابق لجيلنا والرقعة - يا اميرة بت السيد - هي اعادة الجلوس لامتحان الشهادة ليمتحن ( بكسر اللام وضم الياء وتسكين الميم - اسم مفعول يعني ) الطالب في مادة واحدة او مادتين لم يوفق فيهما في الامتحان الاول .
اغلب الطلاب الذين يرغبون في الرقعة يتجهون لمهنة التدريس ما بين الامتحان الاول والثاني .
الذي يميز هولاء المدرسين هو انهم لدى دخولهم جامعة الخرطوم وهم برالمة بيكونوا اكثر حمكة ونضوجا عن غيرهم من الطلاب الفرش fresh
ود شيقوق البارح قضيت المغربية كلها اكوس لي قناة عمان في النايل سات .. لا توجد اشارة في المحفوظة عندي وخشيت النت لقيت .. 10795 و 11823 هذا ان لم تخني الذاكرة وبرضو لا توجد اشارة .. الموختسر المفيد مالميت فيها بخوص خالك غلبني دبارا
لحظة لحظة نديكم استراحة بسيطة و نواصل انا باقي جاييكم متقريف بالحيل للكتابة اعذروني يا بت عمسيب .
القصة الحقيقية التي سمعتها ان احد ضباط الحياة البرية ، من الذين كانوا يعملون بمحمية الدندر الطبيعية ، تزوج بفتاة سودانية جميلة دون رضاها حملها لشهر العسل في سوريا بلا جدوى ثم الى اثنا بلا جدوى ثم الى كسلا بلا جدوى – وهو في مدينة كسلا اخبرها ، في المساء ، قال ليها انه ذاهب بها لاهلها عشان ينفصلها عنه بإحسان وكدا . وبالفعل تحرك بها من مدينة كسلا بسيارته اللاندكروزر . غلبها النعاس ونامت في مقعد السيارة الخلفي وفي اثناء نومها اتجه بها لمحمية الدندر المشهورة بالاسود والذئاب . وصلا ليلا محمية الدندر التي لا تبعد كثيرا عن مدينة القضارف . صحت من نومها وسألته اين نحن الان ولماذا ؟ اجابها نحن الان في محمية الدندر مقر عملي لقد تم استدعائي عاجلا لتسليم بعض المستندات لاحد الزملاء ومن بعد نواصل مشوارنا لاهلك بالخرطوم . وبعد وصوله معسكرات محمية الدندر شعر بارهاقها وطلب منها ان يقضيا ليلتهما تلك في احدى الاستراحات المجهزة بكل مستلزماتها ثم يواصلا الرحلة للخرطوم صبيحة اليوم التالي وافقت على المبيت معه على مضض ولكنها رفضت النوم معه في فراشه ونأت بنفسها منه في سرير بعيد في نفس الاستراحة .
مع بدايات النوم زأر احد الاسود واهتزت كل اركان الاستراحة . خافت العروس من الاسد ونهضت من سريرها لتحمي نفسها بزوجها وانحشرت معه جوة البطانية ومن ديك وعيييييييييييييييييييك الــــى ان انعم الله عليهم بنعمة الالفة و الاولاد والبنات .
Quote: ود شيقوق البارح قضيت المغربية كلها اكوس لي قناة عمان في النايل سات .. لا توجد اشارة في المحفوظة عندي وخشيت النت لقيت .. 10795 و 11823 هذا ان لم تخني الذاكرة وبرضو لا توجد اشارة .. الموختسر المفيد مالميت فيها
صحيح عندهم عدة قنوات- ربما لم يتسن لك الحصول على القناة الناقلة للاحتفالية لكن كانت بجد رائعة جدا - اصبر بنزلها ليكم هنا يا مانجل
Quote: مع بدايات النوم زأر احد الاسود واهتزت كل اركان الاستراحة . خافت العروس من الاسد ونهضت من سريرها لتحمي نفسها بزوجها وانحشرت معه جوة البطانية ومن ديك وعيييييييييييييييييييك الــــى ان انعم الله عليهم بنعمة الالفة و الاولاد والبنات
شفت كيف الزول دي "ملغووووووم" ملغوم بلغة البادية القُح... رزقن تكوسلو ورزقن يكوس ليك..... الرَّيد نافلة مابجبرولو طربة نيَّة يا كفيل السوِّيِّي حجولو يارقَّابة الصبَّن جماعة تِعولو ني لي الليلة مافات الجداد من طولو
uote: ود شيقوق البارح قضيت المغربية كلها اكوس لي قناة عمان في النايل سات .. لا توجد اشارة في المحفوظة عندي وخشيت النت لقيت .. 10795 و 11823 هذا ان لم تخني الذاكرة وبرضو لا توجد اشارة .. الموختسر المفيد مالميت فيها
صحيح عندهم عدة قنوات- ربما لم يتسن لك الحصول على القناة الناقلة للاحتفالية لكن كانت بجد رائعة جدا - اصبر بنزلها ليكم هنا يا مانجل
ود ابوسن اخوى القناة موجودة لكن دورك على سبب تانى لشنو ما ظهرت عندك
ههههههههههههههههههههههه الكوج النحس القناة خلاها ما تبين عندك موجود
قال اي عندهم قنوات كثير غايتو الواحد الحقيقة اصلا ما بقولها
شوف الخرطوم ، الشروق . النيل الازرق قنوات الخليج حساسات بالحيل ما بتحملووووووووو
بركة بالعودة للحوش يا ود شيقوق وان شاء الله بت عمسيب تجيك بباقة ورد من مزرعتها الجميلة في الاراضي المنخفضة هولندا ..لكن الجبنة انا شاطرة فيها ..مع اني مما جيت امريكا دي بقيت مدمنة ستار بك والفضل بيرجع لبسمات العلمتنا استار بك star bucks والجلوس لساعات ننقر بالماوس على الكمبيوتر ونقرا الروائع البتكتبوها هنا في الحوش.. لكن برضه فنانة في عمل الجبنة ..بالوقاية..(متذكر الوقاية)..عشان ابوي ما من رواد الاستار بك وما بتكيف الا للجبنة بالوقاية..وعندنا عدة الجبنة وحتى الوقاية هنا في امريكا وجبناها من السودان.. اما قصة ضابط الحياة البرية القام اتزوج البنت بدون رضاها ،،يعني ما كان في استلطاف وحب بيناتهم،،والصدفة البحتة هي الخلتهم يعيشوا مع بعض فدلالة على العشرة بين الزوجين ممكن تزيد من حميمية العلاقة بينهم والمعاملة الطيبة والكلمة الطيبة بتذلل كل الصعاب وكل المشاكل زي ما قلت قبل كده.. وواصل ونحن متابعين .. والله يديك الصحة والعافية
Quote: بركة بالعودة للحوش يا ود شيقوق وان شاء الله بت عمسيب تجيك بباقة ورد من مزرعتها الجميلة في الاراضي المنخفضة هولندا ..لكن الجبنة انا شاطرة فيها ..مع اني مما جيت امريكا دي بقيت مدمنة ستار بك والفضل بيرجع لبسمات العلمتنا استار بك star bucks والجلوس لساعات ننقر بالماوس على الكمبيوتر ونقرا الروائع البتكتبوها هنا في الحوش.. لكن برضه فنانة في عمل الجبنة ..بالوقاية..(متذكر الوقاية)..عشان ابوي ما من رواد الاستار بك وما بتكيف الا للجبنة بالوقاية..وعندنا عدة الجبنة وحتى الوقاية هنا في امريكا وجبناها من السودان.. اما قصة ضابط الحياة البرية القام اتزوج البنت بدون رضاها ،،يعني ما كان في استلطاف وحب بيناتهم،،والصدفة البحتة هي الخلتهم يعيشوا مع بعض فدلالة على العشرة بين الزوجين ممكن تزيد من حميمية العلاقة بينهم والمعاملة الطيبة والكلمة الطيبة بتذلل كل الصعاب وكل المشاكل زي ما قلت قبل كده..
غايتو يا اميرة زولك أبو سنينة هسه يكون ضحك ضحكة لامن اتفنقل من عنقريبو - أصلك ما تغلطي قدام أبو سنينة و تقولي ود شيقوق بهدوا ليهو ورود و زهور انتظري هسه بجيت ناط يقول شنو
بعدين الاستار بك دا شنو ؟
صحيح العشرة والأولاد بزيدو الحميمية بين الزوجين بالحيل يا بت السيد
اها يا اخوانا انا هدية بت عمسيب لو جات بديها لود البلة لانو العروب ديلاك كلهم ما ناس زهور هم زي وكدا
أفو يا ود شيقوق إت ماك خابر Starbucks يا خي دي أشهر Coffee Company وفنجان القهوة عندهم بـ 17 ريال وعليك أمان الله أكان أدوك معاها قروش ما تقدر تشربها من مرارتها، وعندنا هنا أصبحت موضة ونوع من البرستيج كل واحد يجيك من الصباح طابي كبايتو الورقية المزخرفة ليها قدوم زي قدوم ود أبرك ومصوها مص ما بشربوها شراب، والسندويش عندهم أقل حاجة 25 ريال وحات الله كان جيعان ليك إسبوع ما تقدر تشيل منه قضمة وكان راتبك ألف ريال كان ما جيت شايل الصباح قهوة الاستاربكس يعني إنت زول ضهاري وماك متحضر. الليلة عاد فضحتنا جنس فضيحة مع ناس أمريكا وهولندا إت البارح مالي الفضائيات والناس بطلت شغلها عشان تشاهدك وات من يومك ماك داري بالـ Starbucks . ما قلنا يا أبوسنينة العربي مهما يتحضربجيب لأهله .....
قال ليها أملي لي الفنجان يا شبيهة البسكي وكبي لي التني والتلتاوي هناك مني أمسكي يا ام نفسن فاق ريحة الجلاد والمسك فنجالك مقيم بقزازتين وسكي تقول لي قهوة استاربكس يا ناس هولندا
الأسبوع الجاي دا عندي إجازة بجي لكلامكم السمح دا كله بقراه مرة واحدة ود شيقوق لازم تكون القصة حقت البنية السمحة كملت بحلول صبيحة الأحد القادم فاتنا نشوفك أمبارح في تلفزيون عمان أكيد منور كنت
كتر خيرك ود بلة الشرحت الاستار بك لود شيقوق...لكني اظنه بيستهبل ساكت وعامل نفسه ما عارف لان مقاهي الاستار بكةغزت العالم كله...وهنا في نيويورك تلقى الناس واقفة صفوف طويلة عشان قهوة الاستار بك.. اما حكاية القهوة المرة دي ..فمرارتها اتعودنا عليها لغاية ما بقت ادمان... وطبعا اول يوم عزمتني المسنوحة بسمات لاستار بك طلبت لي كباية القهوة الكبيرة ..ومن اول جغمة جريت بره القهوة ومرقتها من خشمي وما قدرت ابلعها..ولكنها اصرت وقالت كبي تلاتة اربعة ورقات سكر في الكباية..والمهم بعد زبارتبن ثلاثة اتعودت على القهوة المرة دي ..وبقينا بصورة دورية نزور محلات استار بك ...وخاصة وعندهم واي فاي مجان للانترنت عشان نشرب في القهوة ونستمتع بونستكم السمحة دي. ونطلع من حالات احباط وملل الغربة.. وعليك الله مان جاك ود شيقوق زيارة اعزمه في استار بك والله يديك الصحة والعافية
سلام من الله عليك وعلى اسمح واجمل وانصع من اخترت لحوشك الجميل ود ابوسن، ود شيقوق، ود البوش، ود المنسي،
Quote: حيثيات قصتنا هذه تمت بريفي مدينة السوكي عندما كنت اعمل محاميا هناك انها قصة حقيقية تحكي عن علاقة غرامية انتقلت الى محراب القضاء وقد كنت آنئذ ممثلا للدفاع ولهذا السبب كنت مدركا لجميع تفاصيل المشهد
الاخ الجميل ود شيقوق هذه القصة الجميلة وسردك الجميل لها تجعلك لاتمل من قراءتها، فهل نشرتها من قبل فى فى احدى الصحف او المنتديات.
Quote: يا خي دي أشهر Coffee Company وفنجان القهوة عندهم بـ 17 ريال وعليك أمان الله أكان أدوك معاها قروش ما تقدر تشربها من مرارتها، وعندنا هنا أصبحت موضة ونوع من البرستيج كل واحد يجيك من الصباح طابي كبايتو الورقية المزخرفة ليها قدوم زي قدوم ود أبرك ومصوها مص ما بشربوها شراب، والسندويش عندهم أقل حاجة 25 ريال وحات الله كان جيعان ليك إسبوع ما تقدر تشيل منه قضمة وكان راتبك ألف ريال كان ما جيت شايل الصباح قهوة الاستاربكس يعني إنت زول ضهاري وماك متحضر. الليلة عاد فضحتنا جنس فضيحة مع ناس أمريكا وهولندا
من أيام كنت محامي سنة 86 بمدينة السوكي كنت بصل المكتب يوميا الساعة السادسة صباحا عشان اتصفح في المجلات القضائية لانو مسجلة فيها اشهر القضايا باللغتين العربية الإنجليزية وكنت حريص جدا لحظة تصفحي هذه ان يكون فنجان القهوة المتنتن قدامي اتجغم واقرا - وحتى لما جيت الخليج الهندي عارف انا مع الصباح ما عايز غير نسكافى . وكمان لم ازهج خلال يومي الجمعة والسبت بمشي مخصوص لكارفور عشان اشرب القهوة البدوسوها تززززززززززززز وبراك تمشي تخمش ليك قصبة قصبتين حقات سكر و تقول كدا تتبوبر - اها اوع القهوة البدوسوها تزززززززززز دي ياها اللاخمننا بيها يا ناس البندر - باقي لي اسحق دور مكنة البنادر كمان
غايتو يا اميرة زولك أبو سنينة هسه يكون ضحك ضحكة لامن اتفنقل من عنقريبو - أصلك ما تغلطي قدام أبو سنينة و تقولي ود شيقوق بهدوا ليهو ورود و زهور انتظري هسه بجيت ناط يقول شنو
بعدين الاستار بك دا شنو ؟
دى خمارة العجين عند الخواجات بسموها استار بوكس ................ ات يوم من كتر مقابضتك واكلك للكسرة حااارة من الدوكة ما غطسوا ليك رويسك دا فى الخمارة بتاعت العجين او تشوك فى يدك بعود مولع من تحت الدوكة
ورد وزهور............ سبحان الله العربيى كان نهرة واحد عشان يجرى 2 كليو بقلع البوتا من العيش فى المشروع الان حواشات ورد قادر الله فى خلقة ( من حواشة عيش فتريتة لحواشة زهور ورد ) والله يا بت عمسيب سويتها فينا يا بت عمى مالك علينا كنا كويسين ومرتاحين
البردانة موتى من الصقط حقك لحق امات طه هههههههههههههههههههههههههههههههههه
ود بلة اخوى قلت العريبى كان فتح بجيب لاهلة بلية ....................... الله يستر على ناس البردانة ............ شكلها جاياهم كبيرة خلاص
الله يسختكم يا المسانيح وحات الله قايلها برنامج تلفزيون ستار اكاديمي خالتي لو ما قلت البن قدامها وشمت القلوة في قلاي الخشب .. وكشحت حبة سكر في البن .. وجابت المدق وعزفت عليهو انغام .. ترفع وتخت وتحرك حديدة البن وتطلع نغمات عذبة الجبنة ولا بتخش ليها في راسها باقي تجيبو لينا الايس كوفي واحد صحبي قبل 6 سنة جاب لي 4 كراتين ايس كوفي و 5 كراتين بيرة خالية كحول مدتها قربت تنتهي .. عليك الله ختيتها في التلاجة ووقعت فيها بي قدومي
عزيزي النعمان ود خوجلي مرحب في الحوش الواسع فعلا زي ما قلت ديل ناس سمحين واذا انت رجعت لأول مداخلى لي عن سبب فتح البوست حتعرف سبب سماحتهم وواصل كمان لجوه وتعرف روائعهم البقدموها هنا.. وكل زوارنا هنا ناس سمحين ورائعين .. وكل يوم بنكتشف ابداعات جديدة ونرجو ان تواصل وتشاركنا مما عندك من ذكريات... والله يديك الصحة والعافية تخريمة يا ود شيقوق انا طبعت قصة .. قصة غرامية في محراب القضاء ..." وابتديت في قراءتها وبعد داك بنجي للتعليق.. والله يديك الصحة والعافية
سلامات شيقوق الأصل في منتديات النقاش أنه الناس كانت تختار اسم مستعار عند التسجيل وهي عادة تجدها في جميع المنتديات بجنسياتها المختلفة. والحقيقة هي عادة حلوة وحميدة لان الاسم المستعار ممكن يكون عنده دلالات وأيضا تنتبه له الذاكرة وتتعامل معه بصورة أفضل. وهكذا كان التسجيل هنا في المنتدى في البداية إلى أن "تغيرت" القوانين (لاتاحة الفرصة لاكبر عدد من الناس للسب والشتم ولايذاء الآخرين في أنفسهم وأهلهم) وكثير من أوائل المسجلين هنا أتوا من منتدى آخر بنفس اسمائهم المستعارة هناك وأنا منهم. لما حاولت اسجل في المنتدى الآخر ما قدرت اسجل باسمين اخترتهم لانهم لم يكونوا متاحين وبصراحة تضايقت من الموضوع ثم لمحت اسم واحدة من المشاركات "جوافة".. وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. هذا مع العلم بأن الجوافة والرمان من الفواكه المزعجة في الأكل بسبب كثرة البذور :) المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه تحياتي استاذ الطيب.. ...........................................
خلال عودتي لبوستات عام 2012م كي اطبع القصة الغرامية في محراب القضاء كاملة وجدت شخصية سمحة جدا وتعليقاتها سمحة شديد واسمها رمانة .. ودعوتها للمشاركة معنا في الحوش الواسع..واسمها رمانة .. واقرأوا مداخلتهاواظنها اول واحدة استخدمت تعبير المسنوح والسنوحة.. والله يديكم الصحة والعافية
Quote: يا خواني ابو سنينة دي قال مشغول الله يسهل عليهو وود شيقوق مشغول وود ابو سن
رغبة في الكتابة معلنة العصيان اها شن بنسو ؟ انا ذاتي بعد كم يوم مغادرة
واهو وصيتكم الموت من الحياة مو معروف واختص اخوي ود بلة وكل الاحبة البسعودية
لو حصل قدر الله وامره تحجوا لي والموت من الحياة مو معروف انا بخاف من ركوب الطيارة
وبعتبرها وسيلة الموت السريع اكتر من الوصول ههههههه ومو بغيير رأي فيها علا لما اصل
بالسلامة محل ما ارك اها عشان كدي دي وصيتي يا الحبان قررت السفر لي مصر وربنا يوصلنا
بالسلامة ودعواتكم الصالحات .
بت عمسيب صحي مسافرة ومفارقانا وممسخة علينا دُنيانا تمشي وتجي بي السلامة ومادام من شندي انا قدرت أدخل النت أكيد في قاهرة المعز بتلقي ليك دبارة تدخلي وتطلي لكن يا الحبيبة أجعي وعجلي ف العودة لبلد الزهور عشان أنا ناوي أزورك وبين الحقول نجلس وبدل الحرف يكون نضمي الأميرة بت مصطفى ود السيد ( أها قصرت مع ابوك ) عاد تاني بغلط وأجيب سيرة عبدالرحيم الخلتو قرب يقد شاشة المنتور ويدخل لي قبل يومين كنت في الجزيرة والجزيرة يا بت السيد مي جزيرتكم ( الجزيرة أم دوح ) دي جزيرتنا في سواقي شندي وهي الأرض الزراعية التي يطمرها النيل في ايام الفيضان وعندما ينحسر ماء الفيضان تزرع بقية السنة وهي أخصب الأراضي وكان يوم روعة أدت فيه ذكريات الصبى وركوب الخيل وإتقلبت فوق ضهر المهرة زين لما نزلت غلبني المشي وصلنا الجزيرة حوالي الساعة العاشرة صباحاً شايلين معانا لحم الضان المو خمج شدينا حلتنا على حطب وما أجملها حلة ويقودا حطب وخلينا تجقجق فوقنا ناراً هادية معاي أخوي الأصغر المهندس محجوب وابن عمتي حسن ( المشرف على مزارع العيلة ) خلينا الحلة فوق نارها الهادية ونزلنا علي البحر البحر هو النيل يا بت السيد بنقول لي البحر وكان قلتي النيل بقولوا ليك آ جنى ما تنضم لينا بالأقليزي طفرت لخاطر بعض ابيات شعر وأنا اقترب من البحر ابيات من قصيدة ( بت البلد ) التي قال فيها الشاعر
تقعد تحُش اللوبي لي الكاويق تقش تصل البحر... والموج يداعبا فوق هِدوما ينط يرش
خضنا في البحر لمشافة متيرات معدودة عاد الما الجزيري بقت مخاضي وتحت طوفين زِيادي وعُدت وعادة الذاكرة لأيام خلت وكُنت يافعاً طري البدن أيام الطفولة عندما كنا ننزل لي البحر نعوم وكنا أيامها نتحدى بعض من هو العوام من هو الغطاس كنا نرمي بكرة العُشر في العمق نقول ( لمن تحدده وتريد أن تتحداه ) ديك أمك ( اي كرة العُشر ) وما إن يسمع هذه اللفظة من الحدي حتى تراه سبح لكي ينقذ أمه ويصل لها ويأتي وترمي له الثاني ديك أختك وما يأخد نفس يعود لكي ينقذ أخته وعندما يعود بأخته ترمي له الثالثة والأخيرة ديك جارتكم وتمسي له واحدة من بنات جيرانهم فيعود وينقذها وعاد الما بنقد ديل التلاتا مو راجل وكانت أيام خلت جمالها وروعة الروح فيها كانت تلك حياة طفولتنا ببساطتها ربت فينا معانٍ كبيرة ( قدر الأم والأخت والمرأة ) وليعودة لوصف ذاك اليو الجميل في الجزيرة
Quote: خلال عودتي لبوستات عام 2012م كي اطبع القصة الغرامية في محراب القضاء كاملة وجدت شخصية سمحة جدا وتعليقاتها سمحة شديد واسمها رمانة .. ودعوتها للمشاركة معنا في الحوش الواسع..واسمها رمانة .. واقرأوا مداخلتهاواظنها اول واحدة استخدمت تعبير المسنوح والسنوحة..
رمانة الاسم مكتوب بالانجليزي نعم - يا بت السيد - الله يديك العافية - يعجبني حضورك ومتابعتك لكل حرف يكتب في هذا المنتدى
في الحقية رمانة ليست اول من اطلق كلمة مسنوح وانما هي التي اختارت عنوان لاحد البوستات الذي بدات احكي فيه عن مسيرة حياتي وكان عنوان البوست الذى اختارته رمانة ( رحلة العمر و مشوار السنين ) وهو مؤرشف الان في مكتبتي بسودانيز - لم يتسن الى مواصلة الكتابة لاسباب متعلقة بزحمة العمل .
اما انا او انت خارج الشبكة - الزول الزي سمعت بيهو منو.؟
اميرة
Quote: الأصل في منتديات النقاش أنه الناس كانت تختار اسم مستعار عند التسجيل وهي عادة تجدها في جميع المنتديات بجنسياتها المختلفة. والحقيقة هي عادة حلوة وحميدة لان الاسم المستعار ممكن يكون عنده دلالات وأيضا تنتبه له الذاكرة وتتعامل معه بصورة أفضل. وهكذا كان التسجيل هنا في المنتدى في البداية إلى أن "تغيرت" القوانين (لاتاحة الفرصة لاكبر عدد من الناس للسب والشتم ولايذاء الآخرين في أنفسهم وأهلهم) وكثير من أوائل المسجلين هنا أتوا من منتدى آخر بنفس اسمائهم المستعارة هناك وأنا منهم. لما حاولت اسجل في المنتدى الآخر ما قدرت اسجل باسمين اخترتهم لانهم لم يكونوا متاحين وبصراحة تضايقت من الموضوع ثم لمحت اسم واحدة من المشاركات "جوافة".. وفجأة قفزت إلى رأسي حبوبتي و"غلوتياتها" – وقد عشنا كل سنوات الطفولة بعيدين عنها لذلك كانت المرات القليلة التي كنا برفقتها مميزة وعالقة في الذاكرة - تذكرت غلوتية تقول فيها "طاسة تمنطاسة في البحر غطاصة بطنا لولي وضهرا نحاسة" وكانت الاجابة الرمانة وسجلت على طول بهذا الاسم، عليها رحمة الله. هذا مع العلم بأن الجوافة والرمان من الفواكه المزعجة في الأكل بسبب كثرة البذور :) المسنوح أب تفه شينة وكانت عاجباه اتمنى أن يكون قد فقد آخر شعراية منها وأهديه هذا الرابط وأدعوه للمشاركة فيه
برضك زي الطشيتي خارج الشبكة هههههههههه الكلام الفوق دا على أي خلفية ؟ شطبتي راسي
الحبيب ود المنسي ان شاء ما تمسخ عليك الحياة وخلاس حا اكون علي امل اللقاء لما ارجع باذن الله .. عمومآ حا اغادر يوم 27\12 واتوكلت علي الله .. الليلة مشيت الحواشة هيلتي وهدو جبت ليك منها ربطة زهور تشبهك يا المريود ..
ودشيقوق انا الطششتك .. اقصد اسد البطانة .. معروف لي اهلي هناك وبحكو عنك قصص ههههه قالو بعملو للشعير خميرة وببقا شعير بالخميرة اخوك مكنتو خفيفة لومك علي لو كان جربتو كان فوت كتينتي
سلامات يا المسانيح .... طبعا بقينا نستعمل التعبير ده بقوة قلب بعد ما عرفنا انها ما شتيمة.. وما شاء الله الحبايب كلهم مجتمعين بس بنت عمسيب ووضاحة وسلمى وولد حلتنا ود الفاضلاب مسجلين غياب.
الحبيب ود شيقوق اطلعت على الجزء الاول من قصة غراميات بت السوكي بعدما الاميرة طبعتها لي والبداية روعة .وهسع روحي مشحتفاني عشان اقرا بقية القصة .
الحبيب اسحق بلة بالمناسبة ناس استار بكس ديل بيستغلوكم استغلال سئ لان كباية القهوة مفروض تكون عندكم في السعودية بسبعة ريال فقط لان السعر هنا تقريبا دولارين فقط للكباية الصغيرة لكن الكباية المتوسطة حوالي دولارين ونصف..مفروض تحتج.لكن اظنهم بيحددوا السعر على حسب دخل الفرد.وطبعا السعوية بلد النفط والمال واغني بلد في الدنيا ،بعد دولة قطر، لازم دخل الفرد بيكون بيساوي دخل الفرد في امريكا مرتين. وانا قرات الاسبوع الماضي في جريدة امريكية اقتصادية ان اعلى دخل للفرد في العالم الان في دولة قطر وبعدها الكويت وبعدها بروناي دار السلام. وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون لكن الجميل انه بتنفس الهواء والنسيم العليل الهابي من الاتبراوي واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية في النت ومع اشواقنا ودمتم بالف خير لحين عودة المسنوحة الاميرة بعد فترة غياب اسبوعين او ثلاثة وكلفتني بمواصلة قصة اسرة بن لادن وشرحت بهناك ليه كلفتني.
حكى عجيبببببببببببب وقريببببببببببب ظنيت دكتورة الحريم على قول ود المنسى تكون ميوردة ومرتفعى الحراررة
الكلام دا من راسك او كراسك وضاحة هههههههههههههههههههههههه.................... دا قول شيقا زمان سجيمة وردمية اصلا ما مارق منها قاعد ابارى لى فى الجكس يمين ويسار (العريبى استعد وابقى جااااااااااااهز عاوزة تطير يوبيلك بتاع الحديد فى راسك )
الطين اللسجم خشيموووووووو المافية غير النضمى وطولت اللسان
اب سن اخوى اتوسط لصاحبك من وضاحة ............. جات لصاحبك زى الصاروخ
Quote: الاخ الجميل ود شيقوق هذه القصة الجميلة وسردك الجميل لها تجعلك لاتمل من قراءتها، فهل نشرتها من قبل فى فى احدى الصحف او المنتديات.
طبعا نشرها في سودانيز وكانت تلك اللحظة التي كشف فيها شيقوق عن جوانب مدهشة في كتابة السيناريو بعيدا عن القانون. قال نجيب محفوظ ذات مرة :" إن الذي يريد أن يتعرف على نجيب محفوظ سيجده في الرواية وليس السينما" وقلنا ساعتها الزول العاوز يتعرف على قدرات شيقوق السردية عليه بـ " بقصة حب في محراب القضاء". بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
Quote: بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
الأستاذ/ الفاتح ميرغني شكرا جزيلا وكتر خيرك على الثناء على مشاركاتي وكتاباتي المتواضعة التي أرى أنها ليست ذات قيمة وسط هذه المجموعة من الفطاحلة أمثال مولانا ود شيقوق وصحبه الكرام / الكريمات. مثل هذا التشجيع يحفزني أكثر على المشاركة والتجويد.
Quote: طبعا نشرها في سودانيز وكانت تلك اللحظة التي كشف فيها شيقوق عن جوانب مدهشة في كتابة السيناريو بعيدا عن القانون. قال نجيب محفوظ ذات مرة :" إن الذي يريد أن يتعرف على نجيب محفوظ سيجده في الرواية وليس السينما" وقلنا ساعتها الزول العاوز يتعرف على قدرات شيقوق السردية عليه بـ " بقصة حب في محراب القضاء". بالمناسبة يا شيقا عزيزنا إسحاق بلة الأمين ده زول " فرانكفوني" عشان كده كتاباته دائما متلألئة وذات بريق يعني جاية من عامود عاصمة النور مباشرة!
والله يا الفاتح اخوي الف الف شكر لكن بالغت عديل البتصنف درابي البجدع فيهو دا بكتابات نجيب محفوظ
ايوا كلامك في العزيز إسحاق صاح الزول فرانكفوني لكن خات نفسو دي في الواطة يطول عمرو
لوووول يا شيقا النصيحة لله الأميرة بت السيد دي ادتك: The benefit of the doubt وبعدين بت عمسيب دي الوحيدة الجات بحديقة من الزهور والورد في هذا البوست فإستحقت لقب البت الحديقة!
بوستيك عمر عمار طالما جاب ليك محبوب الجماهير وسفير السودان في طوكيو الفاتح ابن الميرغني -
وكمان شايف تحت جاك - يا اميرة - عبد العزيز عيسى اكبر مسنوح في منتدى سودانيز اونلاين
Quote: لوووول يا شيقا النصيحة لله الأميرة بت السيد دي ادتك: The benefit of the doubt وبعدين بت عمسيب دي الوحيدة الجات بحديقة من الزهور والورد في هذا البوست فإستحقت لقب البت الحديقة!
ياخ بت السيد دي اصلها هدية ورضية مش زي واحدة كدا مسنوووحة اسمها وضاحة تقوم تكتر معاها طوالي تعلنك persona none grata
الأخوات الشهمات الكريمات بت عمسيب وبت السيد أهديكن هذه القصة التي يحق لكن كسودانيات أن تفخرن وتفاخرن بها شعوب الأرض قاطبة.
شهامة امرأة سودانية - إسحاق بله الأمين
قابلتها صدفة بمطار الملك عبد العزيز الدولي بجده. امرأة في العقد السابع من عمرها ،تحس من النظرة الأولى أنك في حضرة امرأة عظيمة: الوقار زينتها والحكمة كساؤها والهدوء طبعها. كانت عينها لا تزال مضمدة، بالقطن والشاش وكانت تضع نظارة طبية على عينيها، مما يدل على أن عملية أجريت لها حديثا. علمت من خلال حديثها، أنها جاءت إلى المملكة في زيارة بغرض العلاج، وكانت في رعاية ولدها. أعلن عن موعد إقلاع الطائرة المتوجهة إلى مطار الخرطوم. دخل المسافرون إلى الصالة الداخلية،لإنهاء إجراءات السفر. رفض موظف الخطوط أن يسمح لهذه السيدة المسنة بالدخول لأنها افتقدت بطاقة صعود الطائرة. بحثت معها عن هذه البطاقة ولم نجدها. فقلت للموظف محاولا إقناعه: إن سيدة في مثل هذه السن ، يتوقع منها أن تضيع بطاقة الصعود . لم تنجح شفاعتي عند الموظف وأصر على منعها، وقد أعلن النداء الأخير للرحلة. فكرت فيما يمكن عمله للسيدة، وقد أزف موعد الإقلاع ، ولم يهن علي أن أترك هذه السيدة لوحدها . ناشدت بعض الإخوة المسافرين على هذه الرحلة، أن يساعدوا السيدة و أوضحت لهم الأمر. هب نفر كريم من المسافرين و ناقشوا موظف الخطوط وأقنعوه. وقد أعجبته هذه الهبة الكريمة والنخوة التي اعتادها منهم والتي تميزهم عن غيرهم. وصلنا مطار الخرطوم بالسلامة وقمت بالواجب تجاه هذه السيدة الأم جمعت حقائبها وساعدتها ، في صالة الجمارك. قدمت على السيدة مودعا، خارج صالة المطار، وكان ابنها في انتظارها. أصرت السيدة إصراراً شديداً، على أن أمضي تلك الليلة تحت ضيافتها بمنزلها ، بأم درمان ؛ بعد أن علمت أنني لست من سكان العاصمة. اعتذرت للسيدة بأن الوقت كان ليلاً وكان لزاماً علي السفر لأهلي لحضور مناسبة سعيدة تنتظرني. قبلت اعتذاري ولكن عدم الرضا كان ظاهرا على عينيها. وددت الانصراف ، ففاجأتني بسؤالها: " يا ولدي إنت متزوج ولاّ عازب ؟" أجبتها بأني لم أتزوج بعد. فقالت بجدية لمستها في نبرات صوتها: "قاسمة ومتنضرة يا ولدي كان داير تعرس في باقي الليل ده أدخلك في بيتك" . صمتت المرأة برهة ثم أضافت: "أنا بت بتتعرس ما عندي، لكن عندي البسمعو كلامي وما بعصو ليّ أمر" هزني كلامها ؛ إذ فهمت أنها تريد أن تزوجني إحدى حفيداتها. أعجبتني جديتها وملأني كلامها فخراً (برجالتها وضكرنتها). ولو كنت رجلاً (ضكراناً) مثلها ؛ لما ترددت لحظةً في قبول طلبها. أن مصاهرة امرأة عظيمة كهذه شرف لا يناله إلاّ رجل مثلها. شكرتها واعتذرت لها بأسف بالغ وقلت لها باكيا: " إن المناسبة السعيدة التي تنتظرني هي عقد قراني".
Quote: حكى عجيبببببببببببب وقريببببببببببب ظنيت دكتورة الحريم على قول ود المنسى تكون ميوردة ومرتفعى الحراررة
الكلام دا من راسك او كراسك وضاحة هههههههههههههههههههههههه.................... دا قول شيقا زمان سجيمة وردمية اصلا ما مارق منها قاعد ابارى لى فى الجكس يمين ويسار (العريبى استعد وابقى جااااااااااااهز عاوزة تطير يوبيلك بتاع الحديد فى راسك )
الطين اللسجم خشيموووووووو المافية غير النضمى وطولت اللسان
وين يا ابوسنينة مشتاقين الكلام دا من مبارة المسنوح والمسانيح في المنتدى كل يوم نتعلم حاجاتكم بتاعت السودان دى هاهاهاهاها المسنوح خلى جكس الفيس سمعت شمار مكسر في حبشية مطيرة النوم من عيونوا الصغار ديل اقروا لي ولا شوفوا لى فكى يطبوا الراجل كبر وكورتوا فكت
Quote: الكلام دا من مبارة المسنوح والمسانيح في المنتدى كل يوم نتعلم حاجاتكم بتاعت السودان دى هاهاهاهاها المسنوح خلى جكس الفيس سمعت شمار مكسر في حبشية مطيرة النوم من عيونوا الصغار ديل اقروا لي ولا شوفوا لى فكى يطبوا الراجل كبر وكورتوا فكت
منو البتعلم اوع انتى؟ ياخ انت مصنوعة full option عابر للقارات تعرفي تقلي بن الجبنة في المقلاية و كمان تتجدعي بال ............ سيستم في المولات
والله انا في الغربة كلما انتكي براااااااااااااى واحكل كراع في كراع واعاين فوق لسقف الشقة بقول ود شيقوق افو افو افو افو امانة ما ربك غضب عليك يا حليل عرش بيوت أهلك النجاض البعلقوا فيهو تواريب الهواميك فوووووق ( العنكوليب والعشريف والتبش ) ويا حليل المزارعيين الصحي صحي زى حاج احمد الرفاعي القلتو لي يا اسحاق اخوى مما كملوا حشهم ربطوا حديد نجاماتهم وملوداتهم وواسوقهم في شوال ماهل و مرات كمان يعلقوهو في اضان شعبة امينة البيت وما بنزلوهو الا الرشاش ووقت يجوا يدلوهو يلقوا ليك ابو الدنان سكن في قرينات الشوال .
قمت طلعت يا اسماء اختي برة البناية مع الصباح مع طلعة الشمس اتلفت جاى وجاى وجاى غير الهنود والبنغال ما لقيت الحبة تاني رجعت بتكلم مع نفسي ود شيقوق حليلك هسع قدلة زى دى ما تستاهل تكون قدلة زولا وسط عولو بشهّل في حالو لسدرة الخلاء وتقوم أم أولاده النجيضة تشهلو بملاح ورق بكمونية بايت ليهو يومين معلق في المشلعيب وعليهو كسرة بااااااااايتة نصفها لين ونصفها يابس ويختوا ليك جنبو ليمونة صفّرة عينة الليمون البقع براهو من فروعو وكتين يستوى . وكان بخيت تكون كسرتك حمّرة والطاحونة فاطة في دقيقو تلاتة اربعة حبات وتقوم كدى تنعدل متوجه حواشتك .
تقوم تتذكر انك نسيت التمباك وتاني ترجع لدكان الشريف عبد اللطيف تملأ حقتك وتخمش ليك سفة من حقتو ( بضم الحاء) قبال يسلمك حقتك وتقوم تطلع القروش ومنتظره يرجّع ليك باقيك وتقوم تاخد ليك ترة لى وراء وتلفض السفة زى لفضة الخرطوش للجبخانة وقت عقد الزواج وتجي تقول ليهو ( اديني الباقي يا حاج)
الإقتباس دا يا ود شيقوق من مشاركاتك الجميلة التي أتحفت بها بو ست " هنا فداسي" بموقع سودانيز أون لاين بتاريخ 8/12/2007 وصاحبة البوست الأستاذة أسماء الأمين. تم إختيار هذا البوست من ضمن أفضل البوستات التوثيقية بالموقع في تلك السنة.
Quote: الإقتباس دا يا ود شيقوق من مشاركاتك الجميلة التي أتحفت بها بو ست " هنا فداسي" بموقع سودانيز أون لاين بتاريخ 8/12/2007 وصاحبة البوست الأستاذة أسماء الأمين. تم إختيار هذا البوست من ضمن أفضل البوستات التوثيقية بالموقع في تلك السنة.
والله انت بتبالغ الكلام دا نكتو من وين وهل فعلا انا كتبت الكلام دا ؟
والله يا إسحاق اخوى لو انا فعلا كتبت الكلام دا معناها انعدل واتلهم كتابة الرواية او القصة
انت عارف أي انسان ما ما اطربتو كتابتو او غناهو معناها ما نجض الخدمة والكلام دا انا بجد بقرا فيهو هسه واطربني طرب ما عادي
والله بقرا في الكلام وفاكرك كاتبو انت لانو اقرب لكتاباتك انت والله
Quote: وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون لكن الجميل انه بتنفس الهواء والنسيم العليل الهابي من الاتبراوي واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية في النت
هيييييييع يا الأميرة بت مصطفى قادر ادخل النت لكن قاعد وأجتر واخزن في قصص ناس شندي وكل يوممن تصبح لامن تمسي من مجلس لي مجلس هههههههههه ناس ابوسن يا الأميرة النت عندهم ( دبل كك ) ما شايفا كل مداخلة دبل وين بسمات سلامات كتار ليها الحبيب ود الفاضلابي ما عترتي في شارع ؟
الحبيبة وكلك ذوق بت عمسيب منانا مشكورة كتير على هذا الكم الزهري يا وردة الشي بي الشي وتسلمي
وسمعت من الاميرة ان الحبيب ود المنسي بيقضي اجازة في شندي وما بيقدر يدخل النت الا نادرا.الله يكون في العون لكن الجميل انه بتنفس الهواء والنسيم العليل الهابي من الاتبراوي واشمعنى يعني ود ابوسن بيدخل النت بالسهولة دي ومسجل حضور جميل.ولا احتمال ناس كوستي عندهم تقوية في النت>> >>>>>>>>>>>>>>>>>>>>>.<<<<<<<<<<<<<<<
الحبيب خالد ود المنسي انت بتسأل من بسمات.. واذا انت اتمعنت في الإقتباس الفوق ده كمت حتعرف الكتبت الكلام ده بسمات وليست اميرة لان اميرة غايبة عن النت لمدة اسبوعين واذا رجعت لبوست اسرة بن لادن حتعرف السبب المخليني اكتب نيابة عن اميرة شنو... وعشان كده اي مداخلة تقراها من اليوم ولمدة اسبوعين بتكون بسمات الكاتباها حتى في البوستات الثانية.. وبعدين اميرة ما عندها شغلة بالأتبراوي.. واظنها ما شافت الأتبراوي قبل كده.. لكن المهم انت الفيهم لأنك الوحيد الجبت سيرتي بهنا وباقي الناس السمحين ما قروا تحياتي ليهم ولا يمكن زي ما بيقول عبد الحفيظ ابو سن عفصوني وهم جارين ... وكل عام وانتم بخير ودمت بالف صحة وخير وعافية
مناقد الشَّلخَة من العيش كرب بي لبايتو لامَن جاهو دَهراب الضِّراع في شايتو يا ..... مايرنو الدَّرع مُخلايتو دومَك قطَّر البِكري اللَّذيذة قِلايتُو شاعر من البطانة إنت عارف يا أخوي الطيب ، ناس مايرنو ديل ومعهم ناس القوني هم علماء وفقهاء، الكثير من مخطوطات تمبكتو يحملونها في رؤوسهم، والعلم زي ماقال أحدهم للأديب كاكوم "لاسوّولو كريشات ولا قفيطات"، وناس سمحين وطيبين، وزينين، ولينين جانب، ومخلصين إذا صادقك أحدهم أو حباك الجِيل المِدايف.....! وفوق ذلك هم من عِدال وقواهم ممشوق ، قوام قناية وخدرتهم خدرة سنمكة ، أو كا قال صديقك حنفي ماخده قوام قنايه وخضرة السنمكه وراحتك ونوم عيون العاشق البتبكا فى زول فاقدك سرف عينيهو ما بتوكا يا ام إسما مقام جبلاً قريب لى مكّــه تحيَّات لكل الجميلين الحاضرين والغائبين، بدون فرز، وتحيَّات للعائد من دياره لتوه ، الحبيب ودالمنسي يا ودبلَّة يسهد الله الرُّوح رايمتك، إ،ت زول من الزَّمن الطَّاعِم معزة صادقة
Quote: وفوق ذلك هم من عِدال وقواهم ممشوق ، قوام قناية وخدرتهم خدرة سنمكة ، أو كا قال صديقك حنفي ماخده قوام قنايه وخضرة السنمكه وراحتك ونوم عيون العاشق البتبكا فى زول فاقدك سرف عينيهو ما بتوكا يا ام إسما مقام جبلاً قريب لى مكّــه
سلام ود الطيب عبيد سلام وإت كمان القلب ارتاح ليك وانشرح لكلامك السمح.
يكنى عن جمال اللون وحسن القوام والحلاة بالعنكوليب أيضا قال العارف الشعبي: إتي شن بتشبهي غير الحليب القبيل حلبو الا حمًض ولا اتغير طعمو على الشربو يا عنكوليب فداسي النقرشو ونقو شوفتك ترفع الفوق فراش مدًو
وقال ود بله مجاريا: إتي شن بتشبهي غير قطن الجزيرة الفي الحقول زرعو اللا صفًر ولا اتغير لونه على اللبسو يا طويل التيلة الفي مصانع الإنجليز غزلو شوفتك ترد الروح للفي الكفن لفو
Quote: تي شن بتشبهي غير الحليب القبيل حلبو الا حمًض ولا اتغير طعمو على الشربو يا عنكوليب فداسي النقرشو ونقو شوفتك ترفع الفوق فراش مدًو
وقال ود بله مجاريا: إتي شن بتشبهي غير قطن الجزيرة الفي الحقول زرعو اللا صفًر ولا اتغير لونه على اللبسو يا طويل التيلة الفي مصانع الإنجليز غزلو شوفتك ترد الروح للفي الكفن لفو
ما تابعت معاكم الايام الفاتت بسب سفره صغيره الى جده
اخي ود شيقوق القصة انا قراتها من قبل بس ناسي وين الكبر حصل والظهر احدودب واشتعل الرأس صلعه وليس شيبا لان مافى شعر
Quote: هوووى يا بت عمسيب والاميره نعمان ود خوجلى دخل كفووووه لسان العريبى المسنوح دا وحات الله العريبى دا عاوز دردقة لكن بجيب اخررررررره
ود ابوسنينه لك التحية
الاميرة انت ختيت فى حوشك ابوسن وابو سنينه يعنى ختيتينا بين فكين ههههها هههها ديل ما بنقدر عليهم مع حكاويهم وكلامهم الجميل عاملين ذى حبوبتى الله يرحمها
ود ابوسن شيخ العرب اخبارك وصحتك لك كل الود والاحترام
نكته ظريفه تبين حصافة وسرعة بديهة ابوسن شيخ العرب الكبير، حضر اليه فى الصباح احد الاعراب وقال لشيخ العرب ماشى السوق اشترى حمار وبغشاك بعدين وبعدالظهر مر العربى بدون ما اشترى الحمار فسأله شيخ العرب اها اسعار الحمير كيف فى السوق فقال له الاعرابى متلك متلك فرد عليه شيخ العرب المتلى انا خليه المتلك انت بيكم.
Quote: الحبيب خالد ود المنسي انت بتسأل من بسمات.. واذا انت اتمعنت في الإقتباس الفوق ده كمت حتعرف الكتبت الكلام ده بسمات وليست اميرة لان اميرة غايبة عن النت لمدة اسبوعين واذا رجعت لبوست اسرة بن لادن حتعرف السبب المخليني اكتب نيابة عن اميرة شنو... وعشان كده اي مداخلة تقراها من اليوم ولمدة اسبوعين بتكون بسمات الكاتباها حتى في البوستات الثانية.. وبعدين اميرة ما عندها شغلة بالأتبراوي.. واظنها ما شافت الأتبراوي قبل كده.. لكن المهم انت الفيهم لأنك الوحيد الجبت سيرتي بهنا وباقي الناس السمحين ما قروا تحياتي ليهم ولا يمكن زي ما بيقول عبد الحفيظ ابو سن عفصوني وهم جارين ... وكل عام وانتم بخير ودمت بالف صحة وخير وعافية
العزيزة كتير بسمات لك التحية ولك كل الود والأحترام والتقدير فعلاً إتلومت فيك لوم اليابا فضيل لكن يا الحبيبة اللوم بجي بي الغفلات والله يعلم الله مافكرت لي سمعت من الأميرة والشي التاني لي أكثر من اسبوعين ما فتحت بوست بن لادن لانو زي ما قلت ليك بجي بعد حوامة كل يوم ولما افتح النت بكون عين مغمضة وعين مفتحة ويا دوب بفتح بوست حوش بت مصطفى لكن والله أنت دوام في البال وما عاش من يعفصك ويفوت فيك حوفا حوفّا دي دحين عرفتيها المهم يا ستي اخبارك شنو ولعلك طيبة وشديدة
Quote: الأخ الحبيب ود المنسي شكرا على كلامك الطيب عن كتاباتي المتواضعة. ياخي إنت وأصحابك وخياتك ريحانة هذا البوست وعطره الفواح كتاباتكم عفوية وصادقة عشان كده بتدخل القلب على طول. نحن في غربتنا في حاجة لأناس أمثالكم يمتعونا بكتاباتهم وأحاديثهم وحكاويهم الرائعة ، وها أنتم تفعلون. واصلوا ولا تحرمونا من هذا الشهد الصافي. صادق التحية وصافي الود
ود البلة يا رائع اي والله وصدق الكلمة الطيبة سمحة والحسنة معطت شارب الأسد وقالوا أهلنا قولهم سمح أبقى للخلق شدرة ( شجرة ) موية وشدرت الموية القريبة من الجدول تريانة وثمارها كتيرة ودرارة
وكمان يا ود البلة أعجبني قول قديم اسمع كلام الفي الكتاب وكلام الشِياب ونبيح الكـ لاب تب ما بقع التراب
حاشية يا بت مصطفى بسمات الفي الكتب قول الحق وكلام الشِياب فيه الحِكمة ونبيح الكـ لاب دلالة أنو ف حرامي وأحذر والسنة قلبت أرقدوا عافية وتسلم يا ودالبلة الرائع
ا اخوانا لاحظت اسم سيف الدولة ود الكامل في البوست دا لكن اتقول معاهو شيطان قدر ما فتشت البوست دا من ص 1 لحدى ص 4 لما لقيت ليهو كلام
العبيد
ود الكامل دخل البوست اول ماشاف اسمك قال احسن يشوف ليه شيخ كارب يحصنوا ويعمل ليه حجاب من الراس للكورين حتى يرجع تانى احسن احفظ نفسة قبل ما تلفحوووووو وتودية التوج يا عريبى يا مسنوح
مزنزززززززززززززززق والله لكن الطله لابد منها
وضاحة ما قصرى اردمى كويس ،،،،،،،،،،،،،،،،،،،،،،،،، لياسة بالخمورهااااااااااا اسبوعين بعد داك ادوها الحيط من المطر ههههههههههههههههههههههههه ود المنسى معاك
Quote: ود الكامل دخل البوست اول ماشاف اسمك قال احسن يشوف ليه شيخ كارب يحصنوا ويعمل ليه حجاب من الراس للكورين حتى يرجع تانى احسن احفظ نفسة قبل ما تلفحوووووو وتودية التوج يا عريبى يا مسنوح
Quote: والله انت بتبالغ الكلام دا نكتو من وين وهل فعلا انا كتبت الكلام دا ؟
والله يا إسحاق اخوى لو انا فعلا كتبت الكلام دا معناها انعدل واتلهم كتابة الرواية او القصة أو اي ضرب من ضروب الإبداع.
انت عارف أي انسان ما ما اطربتو كتابتو او غناهو معناها ما نجض الخدمة والكلام دا انا بجد بقرا فيهو هسه واطربني طرب ما عادي
والله بقرا في الكلام وفاكرك كاتبو انت لانو اقرب لكتاباتك انت والله
التحية عبرك للاخت أسماء وجميع عولي ناس فداسي
شيخ العرب مولانا ود شيقوق إت قايل روحك زولا هين. تسلم البطن الجابتك. إت دارس القانون في أعظم جامعة في السودان بل في أفريقيا، وناس القانون أهل البلاغة والفصاحة واللغة والثقافة. ما شاء الله خيالك واسع وخصب ومقدراتك عالية ولغتك سليمة، يعني أنت مؤهل لكتابة القصة القصيرة والرواية أو أي ضرب من ضروب الإبداع . صدقني أجد في كتاباتك وتعليقاتك وردودك متعة لا أجدها في قراءة كثير من القصص والروايات. استخدام اللغة العامية واللهجة المحلية هما مفتاح الوصول إلى مصاف العالمية . أختر ساكت واعصر القلم لامن يسيك وباكر نقرأ ليك باكورة إنتاجك الروائي" جنى البردانة الخلى الناس حيرانه"
يعني يا ود المنسي انا الديون هيلتك الطالبني ليها من تلفونات وشاي
وفسحة في الاسكاي ما خلستها تجي كمان تردف لي عليها الغنيوات السمحات ديل ؟
يا خواني دي ريدت شنو الكتيييييرة دي هههههههههههههههههههه .
اها قول واحد من عشرة طارق ابو عبيدة والباقي بقصدو ليك هههههههه .
ماني طالبك دين شوفتنا لحرفكن أو سماع صوتكن أنت وأخواتك ترد الروح في زمان إنعدمت في كل معاني الإنسان والدين يا بت الرجال بجيب الجفا ( حجة وزوغة ) ههههههههه عشان كدا ما بينا دين بس شال هم فرقتك قلبي ( قلتي خاترا قاهرة المعز ) مرات بحدث نفسي أمكن ماتلقى ليها نت تدخل نشوفها وأمكن وأمكن وما بيدنا إلا أن نقول ليك رافقتك السلامة وربنا يحفظك لحين عودة وتسلمي يا المبروكة بت عمسيب الخاتية من العيب
يا عزو انت قاصد رطانة البطن ولا رطانة البطانة يا الناس السمحين ..حببت اجاريكم في غياب الاميرة البتتكلم وتفهم كلام قري البطانة لكن الاقتباس الجابو عزو من كلام ود الراجل ولا حتى ناس شيقوق واسحق ما حيفهمو وهاتفت الاميرة وقلت ليها ادخلي النت ان شاء الله من النت كافيه وترجمي ولهسع ما في خبر ...وهي العاملها لي فيها بنت القرية والباديه
يا خالد ود المنسي امشي اقرا بوست صلاح جادات "يا ناس الدوحة الكلام ده متين..... وشوف براك ود المنسي شالته الهاشمية كيفن لمن سمع اسم شندي من انصاف مدني ودمت بالفىخير وصحة وعافية
Quote: يا خالد ود المنسي امشي اقرا بوست صلاح جادات "يا ناس الدوحة الكلام ده متين..... وشوف براك ود المنسي شالته الهاشمية كيفن لمن سمع اسم شندي من انصاف مدني ودمت بالفىخير وصحة وعافية
وجب ... وحاضر يا بت الرجال وتسلمي يا رائعة على الدعوة
اليوم شدت الرحال من بلاد الزهور الجميلة بت عمسيب متوجهة إلى قلة المعز اقامة سعيدة وتمشي وترجعي لينا بالسلامة يا ملكة
اها الحاصل نحمد الله شغال فواتح ساي .. من كوستي مدني رفاعة وبالعكس ..اهلنا ديل تمشي لي واحد ما نقيف .. جيت لي فلان وما جيت لي فلان بقيت اخاف والله الزلط ماليهو امان الناس اتغيرت حتي قرانا البكا يوم واحد ورفع الفراش العصر .لو جيت متأخر تفتش الناس فتيش تسمع تركب تسافر بس اها وتاني شنو
Quote: اها الحاصل نحمد الله شغال فواتح ساي .. من كوستي مدني رفاعة وبالعكس ..اهلنا ديل تمشي لي واحد ما نقيف .. جيت لي فلان وما جيت لي فلان بقيت اخاف والله الزلط ماليهو امان الناس اتغيرت حتي قرانا البكا يوم واحد ورفع الفراش العصر .لو جيت متأخر تفتش الناس فتيش تسمع تركب تسافر بس اها وتاني شنو
أها دا كلو هين ( فوق البدن ) الواجب بتسوي وما خلف درب أبواتك ؟
سلام على الناس المكملين السماحة وسلام مربع على الناس اللى سألت عنا. ومع ذلك يامنى اناطالبك كباية شاى بى لبن مقنَّن ,, معليش تصاريف الحياة وآهٍ من تصاريف الحياة واقول لكم كما قال سيف الدسوقى:
أحبائي إذا ما التأم سامِركم وجالت احاديث السنين المـــاضـــيات فاخلو مقعدى فأنا عليه باهازيجى وبالنشيد بمعطــــــــــــــــــياتى أحبائي الذين عصرت قلبى اهازيجاً لهم فى اغنياتى انا غدا سآتى
ولتسمح لى ست الحوش الاميرة بنت الامراء ان امتع ناظركم بذكريات من الفاضلاب وعطبرة مهد الصبا ,,, وراجى منك رد ياجميل وافى.
بسم الله نبدا بالاميرة ست الحوش قلت العريبى ماليه امان اول ما بت عمسيب اختفت قبل عليم وجاب ليك كلام اهلووو الكل دراب والله الكلمة الا تسجيلها وتسميعا من الضحوة لين الضهرية حتى تفهمى نطقها .
ود اب سن سخن من شيل الفواتح الله يرحمهم جميعا ويجعل الجنه مسواهم
ود المنسى والفاضلابى ما بقصروا
الفاضلابى سعال العريبى ما تشتغل بيه بس قله غتسان فى خيرى والله يشوتم عين الحقك امات طه
البقية والعقد الفريد الله يحفكم
وضــــــــــــــــــــــــاحة يا خالد دكتور تنا غايبة ما بعرف وين لا تكون سوت لها دروب غير هولنا هى الوحيدة الان معى على العريبى وانا مشغول عنه باقفالات السنة المالية اريتها تنقفل ما تفتح كان كملت اصابعينا من الكتابة
Quote: ومع ذلك يامنى اناطالبك كباية شاى بى لبن مقنَّن
يا سلاااام شاهي مقنَّن.. بدوي ود المنسي قال ليك الشَّاهي أب لَبَن خلاَّني أمشي وأنود عانج عنجة الصقر اللِّقالو عتود إتنين وتلاتة ما بتمَّن المقصود وخمسة وستّة في الراس بفتحلُّو قدود أما بدوية العزيزة مني فقالت ليك الشَّاهي الفي البرَّاد كُبَّايتو ما بِتنزاد أني وتومِي أرواحنا أندَّاد في الآخرة نومنا قلاد
Quote: أحبائي إذا ما التأم سامِركم وجالت احاديث السنين المـــاضـــيات فاخلو مقعدى فأنا عليه باهازيجى وبالنشيد بمعطــــــــــــــــــياتى أحبائي الذين عصرت قلبى اهازيجاً لهم فى اغنياتى انا غدا سآتى
سعيدين جدا بطلتك الرائعة يا عطوفي وان شاءىالله تداومي الزيارة عشان انتي واحدة من الناس السمحين ديل. وانصاف مدني ما اظنها تكون مطربة البوست وهي تكررت هنا بالصدفة عشان اغنية الحماسة والدلوكة.ويا ريت كان حضرتي معانا الربع الفات كنت حتشوفي الفنانين والفنانات الما خمج.. وسمعت سمع ان انصاف مدني بقت بليونيرة من الغنا ..صحي؟ ودمت بخير وصحة وعافية وما تغيبي كتير
والله سعيدين بطلتك ومرورك بهنا يا عز الدين ود عباس ود الفحل وانت الاروع ..وداوم معانا لغاية ما تجينا بنت عمسيب من القاهرة وبنت مصطفى من كاليفورنيا لاستقبالك بالزهور والقهوة البرازيلية الاصلية ودمت بالف خير وصحة وعافية
Quote: أحبائي إذا ما التأم سامِركم وجالت احاديث السنين المـــاضـــيات فاخلو مقعدى فأنا عليه باهازيجى وبالنشيد بمعطــــــــــــــــــياتى أحبائي الذين عصرت قلبى اهازيجاً لهم فى اغنياتى انا غدا سآتى
ولتسمح لى ست الحوش الاميرة بنت الامراء ان امتع ناظركم بذكريات من الفاضلاب وعطبرة مهد الصبا ,,, وراجى منك رد ياجميل وافى.
سمرنا يطيب معاك يا غالي ودالفاضلابي كيف حالك وزي ما قال الحبيب ود ابوسن الجابك يجيب اخوك ود البوش وبكما تحلو قعدتنا ونسي ها زول ها شيتك دا مابدور لي أذن وارتع فوق عديلك وجيب الفاضلاب وجيب حلة ناس بسمات ذاتها ونحن في انتظار كل جميل من هناك
اللحظات التي تهبها لنا الأيام صدفة ، ودون سابق وعد منها باللقاء، لهي لحظات جديرة بأن تخلد، وليس سوى الشعر بأقدر على تخليدها ومثال ذلك ساره.
ساره – بركات بله الأمين - الخرطوم 1975
دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ماعرفنا لها مرسى وغايتو سابحين في مدارها مرة كم أهدتني لقيا ما كنت بحلم بانتظارها لما فجأة ودربي نوّر ورددت أنفاسو ساره حاضنة كل طيبة أهلنا وفيها دل كل العذارى راسمة كل أفراح بلدنا وشايله في عويناتا بارا ولونها بين أندادها حاكى خضرة جناينا ونضاره وصوتها من أنغامو فايح نكهة عناقيدها وثمارها كانت بس لحظة عابرة وفجأة صبحت ليلة ساهرة وسهرت طول الليل أردد في حروفها سارة ساره وغلبني والله أفلت من تصاويرها وإطارها وما في طريقة تشفي إلا تاني أشوفها ماره تحكي تاني وتاني تحكي عن مفاهيمها وشعارها أصلي برحل لما تبسم ولما تحكي تقول عباره دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ما عرفنا لها مرسى وغايتو سابحين في مداره
دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ماعرفنا لها مرسى وغايتو سابحين في مدارها مرة كم أهدتني لقيا ما كنت بحلم بانتظارها لما فجأة ودربي نوّر ورددت أنفاسو ساره حاضنة كل طيبة أهلنا وفيها دل كل العذارى راسمة كل أفراح بلدنا وشايله في عويناتا بارا ولونها بين أندادها حاكى خضرة جناينا ونضاره وصوتها من أنغامو فايح نكهة عناقيدها وثمارها كانت بس لحظة عابرة وفجأة صبحت ليلة ساهرة وسهرت طول الليل أردد في حروفها سارة ساره وغلبني والله أفلت من تصاويرها وإطارها وما في طريقة تشفي إلا تاني أشوفها ماره تحكي تاني وتاني تحكي عن مفاهيمها وشعارها أصلي برحل لما تبسم ولما تحكي تقول عباره دنيا ما عارف مسارها وليلها شابه لي نهارها مرة في أحزانها تمضي وتهدي مرة أفراحها سارة ونحنا ما عرفنا لها مرسى وغايتو سابحين في مداره
ود بلة اجدع البيت بيتك والحوش هول الاميرة دخلوه العرب خليك
يا شيقا انت اختنا فى الله عواطف كانت وين
والله بجد ليك وحشة ومشتاقين وشوف زولتك جات نا طة ساكت لا احم ولا دستور
اخبارك والاهل وجميعا يا رب يكونوا بخير وعافية
غايتو الاميرة بنت الامراء الله يعطيك الف عافية وكتر خيرك رجعتى لينا ناس من زمان ما منهم خبر مصاقرنا العريبى لما عمل لينا وجع وش انا وود المنسى الله يصبرنا عليه
معذرة يا سمحين ـ الصور حلفت ماتنزل بقول اتجاوزت حد شنو كدى مش عارف ,, لكن ارجونى عندنا اربَعتْيَّام من يوم الخميس بباصرا خسوساً بنتى اليومين ديل جاتنا اجازة من الكلية. ونامن القا لى فرقة نعديها نكات. ******************* شحَّات جا لى سيد فرن : الشحات: لى اربعة يوم ماضُقْت طعم الرغيف. صاحب الفرن: ياهو زاااااتو ما اتغَيَّر. ************************* ود ابوسنينة وود العبيد بجيكن صاد كلامكن سمح بلحيل. اما انتى يابسمات الـ فيك اتعرفت ,, فولة بْتِتمَلى وبقارة بتجى ويا الملكة وضاحة شايفك رخيتى الحبل للمسنوح ده ,,
Quote: حاضنة كل طيبة أهلنا وفيها دل كل العذارى راسمة كل أفراح بلدنا وشايله في عويناتا بارا ولونها بين أندادها حاكى خضرة جناينا ونضاره وصوتها من أنغامو فايح نكهة عناقيدها وثمارها
يا سلاااام ويا سلاااام ويا سلااااام قمة الروعــة والإبداع في الوصف يسلم فاه بركات ود بله ود الأمين
شحَّات جا لى سيد فرن : الشحات: لى اربعة يوم ماضُقْت طعم الرغيف. صاحب الفرن: ياهو زاااااتو ما اتغَيَّر.
غايتو الفاضلابى شكيت محنك ــــــــــــــــــــــــــــــــــــــــ لكن باقى ليك دا فرن يمانى الزول المسيخ دا او من عروبنا ناس لالالالا الصعيد
نكتك دى نكة العريبى واشك انه من البردانة الرجل رسل ولده قال امشى لعمك الطيب قول ليه ادينى حمارك الله يكرم السامعين ماشى بيه الخلاء ( ناس البندر الخلاء يعنى الحواشة ) الراجل قال لية الحمار والد الجنى قال ليه عمى فى حمار بلد
Quote: شحَّات جا لى سيد فرن : الشحات: لى اربعة يوم ماضُقْت طعم الرغيف. صاحب الفرن: ياهو زاااااتو ما اتغَيَّر.
غايتو الفاضلابى شكيت محنك ــــــــــــــــــــــــــــــــــــــــ لكن باقى ليك دا فرن يمانى الزول المسيخ دا او من عروبنا ناس لالالالا الصعيد
صديقنا محمد السيد"خلف"، في أوائل الثمانينات ،كان طالب بمدرسة خورطقّت" "طقة" ، الطلاب أضربوا من الطعام، أها خلف مشي الصُّرفة وإتغدا تمام.. بعد خروجو من الصُّفرة ، جوهو الطلاب جارين وصاحوا فيه: ياجبان ليه تاكل ، إنت كباشي جبان، يا ناس البادية ماقلتوا شجعان.. تركهم بعد أن أكملوا، ثم قال هاناس نحن والله الرَّغيف دي عندنا مافي وزاتو عيل تسمكك الوِرْدَة، حتي يرسلوا زول في جمل لي الدَّيم، يجيبلك رغيفات، عشان كدي أني شايفو سمح وشايف الطعام الفي الصفرة دي كلو حلو، فما بكذب علي نفسي وآباهو.! كان عندكم إضراب من شي تاني، والله عندكم دُبال أني معاكم....، لكن الرَّغيف دي ما باباهو شحمة قنطور ساكت.....! المنسي ترايمك السعادة ود أب سن كل عام وأنت بخير المشايخ أبوسنينة وإسحق سلاااام ومعزة وتحيَّات للجميع
ست الحوش بت مصطفى ما بتكوس لكنها كايسة الكريسماس في كاليفورنيا عند اختها وكلفتني كالعادة بقصة الاسرة اليمنية واتاوق من وقت لوقت لحوشها هنا ..بس صخب وازعاج نيويورك الايام دي بتشغل الناس.. وكل سنة وانتو طيبين
يا ود حلتنا ود الفاضلاب كدي ارجع صفحة لورا وشوف بت مصطفى قالت شنو عني وعن سؤالي عن ود الحلة الوقف من الكتابة وشوف ردها ويا الف مرحب بالضيوف وافتقدنا بت عمسيب وان شاء الله ما تكون طشت في زحمة القاهرة الفظيعة ديك .وهي طبعا ماشة لزيارة خير ..والله يكتر من امثالك يا بت عمسيب يا رائعة والف شكر للكلمات الطيبات ود المنسي ويا هي دي المجربة فيك ..وسلام للاتبراوي ودمتم جميعا بالفىخير وصحة وعافية
الحبيب يوسف ابو سنينة شكرا للتنبيه وكل يوم تثبتوا لينا انكم فعلا ناس سمحين وزينين وما عدمناكم يا ناس الشهامة والمروءة وهسع قبل شوية بقرا في بوست بلدنا عطبرة قريت الوصف الجميل المطبق فيكم حق وحقيقة:" الواحد في وقت الحارة والضيق لاخوه يشيل وفي الافراح والاحزان ديما حاضرين
ودمتم بالف خير وصحة وعافية (قمنا بالواجب في بوست العزاء وهاتفت صاحبة البوست وكلفتني بل حلفتني ان اعزي نيابةىعنها ايضا وقد فعلت ..لانها دائما في الحاجات دي ما بتقصر وبتتحرك فيها مروءة اهل البادية والقرية)
صراحة ما قصرت وصورة طبق الاصل من بت الاميرة بت الامراء ومشاء الله عليك كثر الاميرات عندنا
بس انتى طلعت نائبة اول هههههههههههههههههه
والله نيابتك دى نوابنا ناس البرلمان مفروض ياعلموا منها الدروس على الاقل يبطلوا رفع الاصابع شغلة ودون شغلة رافعين اصابعهم لوقف قدام مسيلمة هم رافعين اصابعهم
نعم الاخت انتى ولك كل التحيه والتقدير
الحبيب يوسف ابو سنينة شكرا للتنبيه وكل يوم تثبتوا لينا انكم فعلا ناس سمحين وزينين وما عدمناكم يا ناس الشهامة والمروءة وهسع قبل شوية بقرا في بوست بلدنا عطبرة قريت الوصف الجميل المطبق فيكم حق وحقيقة:" الواحد في وقت الحارة والضيق لاخوه يشيل وفي الافراح والاحزان ديما حاضرين
ودمتم بالف خير وصحة وعافية (قمنا بالواجب في بوست العزاء وهاتفت صاحبة البوست وكلفتني بل حلفتني ان اعزي نيابةىعنها ايضا وقد فعلت ..لانها دائما في الحاجات دي ما بتقصر وبتتحرك فيها مروءة اهل البادية والقرية)
Quote: يا ود حلتنا ود الفاضلاب كدي ارجع صفحة لورا وشوف بت مصطفى قالت شنو عني وعن سؤالي عن ود الحلة الوقف من الكتابة وشوف ردها
بت عبدالرحيم إنتى صدقتى انى جاد لا لا انا عارفك مابتقصرى حتى كان ماكنت ود حِلَّتْكُم وازيدك من الشعر بيت ـ سعالك عنى شفتو قبل لا تكلمينى بيهو علا قُتَّا اعكنِنِك شوية عشان شايفك مُقِلَّة رغم اننا عارفين ظروفك بس كمان ده موسم اجازات فقلنا نكشكشك يمكن ترمي لينا حاجة طاعمة طعامة الـ زّونيا الرامية فوق بيتكن ـ عليك الله طعِّمى خشم عريبى البردانة ده بالزونيا عشان بِكون جاهو جِلاخ من اكل العنكوليب. فى نيورك يا بسمات لقيت لى حاجة شكلها شكل الزونيا لكن طعمها طعم عنكوليب.
عليك الله يا ود الفاضلاب نحن ناقصين عكننة في نيويورك اذا انت بتلقى في كل خطوة مصيبة والحياة السريعة حتى في الشوارع بتزيد التوترات النفسية..وهسع اذا ما بوست بت مصطفى وبوست النكات البتفرق الهم زمان كنا قطعنا الدراسة ورجعنا انا والمسنوحة بت مصطفى لكن بس لازمين الصبر..ويني الاجازة البتقول عليها دي قضيتها كلها في قراءة كتاب اسرة بن لادن ..لكن الكتاب بيستاهل التضحية بالاجازة. ودمت بالف خير وصحة وعافية وامشي اخد ليك سياحة في بوست "عطبرة ذكريات"
الحبان منجم مشتاقين اتمنى فى هذا العام الجديد ان تعود الحيوات التى عشناها والامال التى عقدناها والاحلام التى طالما ارقتنا ان تعود مكان الفعل وان نعود الى تلك الديار ندفع بها لبر الامان والمحبة والانسانية التى كانتها ، لكم محبتى بالدرب العديل
يا بت الشيخ سلامة يا سلمى أنت وينك يا أخ خليك معانا هنا ومن ثم كل عام وسنة وأنت بالف خير ومليارات التقدير نرفع البوست عودة الحبيب الاستاذ شيقوق من السودان بمناسبة فقد ورحيل أخيه أبن عمه تغمده الله برحماته الشفيع ابراهيم
العزيزة سلمى اهلا ومرحبا مرة ثانية وقبل ما نشوفك هنا شفناك عند ود ابوسن وهو فتح بوست منفصل للترحيب بعودتك وهو دائما بجينا بالاخبار الطيبة والحمد لله الجيتينا بالدرب العديل ودمتي بالف خير وصحة وعافية اميرة مصطفى السيد بسمات الشيخ عبد الرحيم
كل سنة وانتو طيبين جميعا وما شاء الله الحوش عامر بوجودكم وسعيدين بعودة سلمى بالباب العديل بدل ما كانت بتطل علينا من الشباك من وقت لاخر.. والعزاء موصول لود شيقوق لوفاة ابن عمه وله الرحمة والغفران ..وبت عبد الرحيم ما قصرت وقامت بالواجب خير قيام تراها كاليفورنيا دي دنيا تانية وامريكا تانية غير البنشوفها في نيويورك ..لكن برضه ومع كده بنقول زي نيويورك مافي..فهي المدينة التي لا تنام ..وكاليفورنيا ،الولاية،ولوس انجلوس المدينة مع بهرجتها وانوارها الكثيرة البتزغلل العيون بتنوم بالليل لكن نيويورك ما بتنوم فهي صاحية 24 ساعة.. ومرحبا بحكاويكم السمحة بالجد يا ود بلة ويا ابو سنينة .. وبا ود ابو سن بت عبد الرحيم منتظرة حكاوي زوجة جدك،،،هههههههههههه..وما تخاف احكي ساكت هي ما اظنها بتعرف تقرا في النت.. ود المنسي مسجل غياب ومشاركته بقت في فترات متباعدة واظن زي ما بتقول المسنوحة الانترنت ما في في شندي والله يديكم الصحة والعافية وتصبحوا على خير ونواصل حديثنا بكره
يالله النائبة عملتى فيها شنو هههههههههههههههههههههههههه
لا تكون شغل حقاااااارة واديتها الصالح العام ................... ذى ما سوى فى صاحب شيقا قريبى القاضى زبط ليك واحد باعدام مندكل تانى يوم لقى خطابة بين يدية
نورتى ونور حوشك وربنا يرجع لينا الحبيب شيقا بعد هذه الايام الحزينة هههههههههههههههههه صراحة خرمت ليه عديل كدة
شُفْتَن يا اميرة وبسمات الجماعة كووولهم زاغو من كلمة (سُونَقْتا) حتى المك الجماعة يا الاميرات طلعو ولاد بنادر عشان كده اطالب ست الحوش وضامن تثنية بت حِلَّتى الدخول للبوست يكون بى باصورد خاس لايُعطى الا لمن تثبت غَبَشْتو ولو اتولد فى ساقية زيِّى كده... ربنا يجعل ايامكن كلها سعادة ياود ابوسنينة انا قلت لك فوق مالقيت البوست اللى فيهو نعى قريب ولد الطيب ـ اذا عندكن ليهو تلفون اجدعوهو لينا فى الخاس والله كان ما العوج كان وصلتو لى عنده.
يا ود ابو سنينة قدر ما سُونقتا البوستات دي مالقيت بوست العزاء حق ودالطيب ...............,,,,,,,,,,,,,,,,,,,,,,,,,,,,,,,......................
والله يا ود الفاضلابي كلمة سونقتا دي حتى اذا جاك واحد مولود في فداسي الحليماب وقرأ الخلوة في خلوة الشيخ الجعلي وقرأ الاساس في حجر العسل والثانوي في الفاضلاب واشتغل عمره كله في قرى الكواهلة ما اظنه يعرف اصل الكلمة دي ... عشان كده جماعتنا كلهم زاغو من الكلمة .. لكني ومن سياق الجملة عرفت معناها (وهي قدر ما فتشت...) هسع ده ما اجتهاد.. ولكل مجتهد نصيب.. والله يديك الصحة والعافية
ماقصرتى يالاميرة ,, اجتهادك داخل فى المعنى لكن مو هوَّ زات نفسه ـ (سنونقتا) دى تشبيه صورة بى صورة لكن المشبه به ما بنكشفو علا جماعتك ديل يقولو يالفاضلابى نحن صاح اتولدنا فى الريف لكن اتبندرنا.. ودى ليها قصة طريفة كان ماجات بت حلتنا وطلبت نحكيها مابنحكيها ولازم تمضى اسمها وتقول انا بسمات بت عبدالرحيم بطوعى واختيارى وكامل اهليتى المعتبرة شرعا فى السودنة وقانونا فى نيويورك آذن لود حلتى عبدالعزيز الفاضلابى يحكى الحكاية ـ وتعلق على مداخلة الزونيا عشان المسنوح ده يعرف الفرق بين العنكوليب والزونيا. ويسلم من سماك الاميرة يابت مصطفى الارباب.
وانت مفتكر بت عبد الرحيم بتعرف الزونيا دي شنو!! وهي عشان كده زاغت من الكلمة.. وانا شايفها شغالة ترجمة في الكتاب وانا ما حاقابلها الا يوم الجمعة لاني الايام دي في كونتيكات وهاتفتها وخليت ليها رسالة عشان تدخل البوست عشان نعرف حكاية الصورة من الصورة دي .. ومرة واحدة كمان اشرح ليها الزونيا دي شنو.. شوف عليك الله علقت على جياة زوجة ابراهيم بن لادن كيفن في آخر مداخلة ليها في بوست اسرة بن لادن والله يديك الصحة والعافية
Quote: .. ومرة واحدة كمان اشرح ليها الزونيا دي شنو..
ياسلام يا اميرة ـ اللى يباريك دايما رابح كتبت فى قوقل (شجرة الزونيا) عشان اجيب ليكن إِمِجْ Image للشجرة التى تنبت فى عطبرة وثمارها التى تشبه العنب الاسود. ,, إنها ثمرة لذيذة الطعم يخالطه شيئ من حذاقة ,, وبالضغط على اول حاصل بحث انفتحت على صفحة غزيرة بالمعلومات عن عطبرة وناس سنجة فحفظتها فى المفضلة لحين ميسرة ولتعم الفائدة ساورد رابط الصفحة فى هذه المداخلة . مع العلم ان الصور التى زعم الشيخ قوقل انها لشجرة الزونيا العطبراوية لم تكن هى والى حين ميسرة ننكشها ونجيبها ليكن. وبالمناسبة بت عبدالرحيم بتعرفها وتكون وهى سغيرة مشت مشرع الفاضلاب بين سلاح المدفعية وحتى مدرسة السكة حديد تلَقِّط فى ثمار الزونيا وتحشى فى شنطة المدرسة
معليش الربط فتل البوست فحذفناه بس اكتبو : شجرة الزونيا فى قوقل واول نتيجة وبالحتة الفيها الحديدة
عزيزي ود الفاضلابي انا كمان مشيت لعم قوقل ولقيت عنده معلومات كثيرة عن شجرة الزونيا وثمارها .. وصور كثيرة للشجرة .. وفي الحقيقة لانا ماشفت الشجرة دي قبل كده واظنها بتكون خاصة بمنطقة عطبرة وشندي فقط... وهل ثمارها بياكلوها الناس؟؟ واذا كده تكون بت عبد الرحيم شبعت منها وهي ماشة للمدرسة وراجعه منها.. ووجدت مقال كاتبه صلاح الدين عووضة عن هذه الشجرة .. وهو بالمناسبة عضو في البورد هنا.. ويا ريت كمان يجينا بهنا وينورنا كمان وكمان والله يديك الصحة والعافية
* بعيداً في المدينة النيلية تلك كنا نعشق شجرة الزونيا الشهيرة بجوار الشاطئ..ٍ * كنا تلاميذاً في المرحلة الابتدائية يجمع بيننا - الى جانب ضروب من العشق أخرى - عشق تلكم الشجرة.. * ورغم أنها لم تكن ذات صلة بالشجرة التي أخرجت أبوينا من الجنة إلا أن (الكبار) كانوا يصيحون فينا كلما علموا بممارستنا للعشق ذاك: (ألم ننهكم عن تلكم الشجرة؟!).. * أما صنوف العشق الأخرى تلك التي كنا نمارسها فهي (الدافوري) ، وتسلق الجبل، ومشاهدة الأفلام مع (الخواجات) مساء كل خميس.. * ومن الأفلام المترجمة هذه عرفنا مصطلح (ممارسة الحب!!).. * ولكن ما كنا (نمارسه) من حب - أو عشق - نحن لم يكن ذا صلة بـ (الممارسة) السينمائية هذه.. * ثم إن (كبارنا) هؤلاء، ما كانوا (يُحرِّمون) علينا من هواياتنا المشار اليها تلك كافة إلا الخاصة منها بشجرة الزونيا.. * ولم نكن نعلم سببا (وجيهاً) لذلك.. * فقد كنا نراها شجرة (وجيهةً!!) جداً.. * ثم إن تسلقها يتيح لنا متعة التحديق في جمال النيل من علٍ.. * وفضلاً عن ذلك فإن ثمارها كانت في نظرنا أحلى طعماً - وشكلاً - من عنب جنينة حاج الريح.. * وحاج الريح هذا - للعلم - هو الذي كان يقال عنه آنذاك: (ليس أجمل من عنبه إلا بناته).. * وبما أنه لم يكن لنا في بناته (من حق) - حاج الريح هذا - فقد قلنا إن ثمار الزونيا كانت (أحلى) من عنبه، ولم نقل: (من بناته).. * و (الحق) الذي أشرنا إليه هذا مرده الى صغر أعمارنا وليس إلى الذي عناه قوم لوط في الآية التي اقتبسنا منها البلاغة التوروية هذه.. * وما زال كاتب هذه السطور يذكر كيف أنه أجهد ذهنه - وقتذاك - في فهم الصلة بين (البرتكان) و (النهد المدردم) في رائعة وردي (القمر بوبا).. * ثم تشاء الصدف أن يجيء وقت تتسع فيه دائرة عدم الفهم هذه تجاه (صلات!!) بين أشياء عدة... * بين (ممارسة الحب!!) - مثلاً - كما فهمناه عبر أفلام سينما (الخواجات)، وما كنا (نمارسه) نحن من ضروب الحب المذكور.. * وبين البرتقال والنهود... * وبين العنب وبنات حاج الريح... * وبين المانجو و (المنقة!!) التي أسفل شجرة الزونيا.. * وقد كان ذلك ذات ليلة مقمرة تخيرناها لممارسة عشقنا (الزونيوي!!) بعيداً عن أعين (الكبار).. * وهي الليلة التي علمنا فيها لِمَ كان الكبار أولئك ينهوننا عن تلكم الشجرة.. * فما أن طاب لنا المقام أعلى شجرة الزونيا - مجلساً ومطعماً ومنظراً - حتى أحسسنا بأن ثمة رفقةً لنا (غير مأمونة!!).. * كان ذلك أسفل الشجرة عند الجزع.. * ثم سمعنا شهيقاً وزفيراً و (فحيحاً).. * وما استطعنا تمييزه من كلمات - في خضم (اللهث!!) ذاك - كان ربطاً بين (البرتكانة والنهد المدردم)، وبين (المنقة واللون)، وبين (العنب والشفاه).. * ومن بين الأغصان والفروع والظلال حاولنا أن نبصر ما يحدث أسفل الشجرة دون أن نصدر أصواتاً تدل على وجودنا.. * ونجحنا في ذلك بفضل ضوء القمر.. * وتجمدت الدماء في عروقنا... * فلم يكن هنالك برتقال ولا عنب ولا مانجو ولا يحزنون.. * ولكن كانت هنالك (ممارسة للحب!!).. * أما نحن فلم نعد (نمارس حب!!) شجرة الزونيا.. * فقد غدت - بالنسبة لنا- (الشجرة الملعونة!!!!)
Quote: الحبان منجم مشتاقين اتمنى فى هذا العام الجديد ان تعود الحيوات التى عشناها والامال التى عقدناها والاحلام التى طالما ارقتنا ان تعود مكان الفعل وان نعود الى تلك الديار ندفع بها لبر الامان والمحبة والانسانية التى كانتها ، لكم محبتى بالدرب العديل
الحنينة بت سلامة سلمى زفت العين دموع من فرحة ( بالدرب العديل ) وتنعدل ايامك شقيش ماتقبلي ومشتاقين وليت اللمـــة تبقيك وهنا مكانك يا جميل ي راقي إحساسّك
الزول السمح أخوي العبيد ود المقدم زولك بتاع الأضراب حرّم نجيض كان دواس معاهم كان اي شئ تاني معاهم لكن في الغيف دا تب ما معاهم عفي منو وزول نصيحة والواضح مو فاضح حكى لي ود السراريج كان في يوم من الأيام عمه مريض ( عضتو عقرب ) مو شدت لي رز بي لبن مقنن ( للمريض ) أخو قال يدو معا رز الأم قالت لي لا .. الرز لي أخوك المريض زولك شال الأريق اي شق في حيطة كبا في موية ويمد أصبعو لما عضتو عقرب لما عضتو العقرب ما صرح ما ألم لعضة صرخ ( الرز بي اللبن )
الحببة سمات والله قايمة بي الواج على أتم الكمال الله يديك العافية وكيف امتثال تحياتنا لها
ود ابوسن عوافي يا الضو ومابقول لك سّو زولك بقى بتع واط سب بجدع ليك عنوان الملف عشان تلم في
أخو الحوبات يوسف ابوسنينة أشواق كتيرة
الفاضلابي مالك سمعتو ولا جابو ليك عافص لي كدا لكن العمر لي حدّو والسير لي مردّو البدورنا بندورو واليبانا ......... ههههههههه
الغالية نعمات( نعومة) كل سنة وانتي طيبة وربنا يحقق الأمنيات في هذا العام وما تغيبي مننا كثير والله يديكي الصحة والعافية
بركة بالعودة ود المنسي والحمد لله الانترنت اشتغل في شندي.. ولا يكون تلفونك زي تلفون ود ابوسن والله يديك الصحة والعافية يا الله انا مشواري بعيد وساكنة ولاية ثانية والقطر ساعة ونص..
افو يامك ـ ده كلام ياخ انا سمعت انك متجدِّع فى جروف شندى وتغنى تقول يالمريودة شتلة شندى اقول انساك قول ماعندى. قلنا بدل نزعجك اخير نخليك تستمتع بحدايق المتمة والجوير وتشرب شاهى المغربية فى مويس. فى اخر زيارة قابلت فيها الوالد الارباب رحمة الله عليه وعلى الولدة. كان معاى لابتوب اشتريتو لاختى الصغيرة رُبا ,, والوالد كان مشغول بتوزيع الاطيان وميراث ابوهو ,, وكنا انا وهو فى عشرة ونسة فقلت ليهو يا ارباب اشغِّل ليك قناة الجزيرة؟ قال لى: يازول جزيرة شنو انا عندى جزيرة فى راسى ده. اها يامك قلنا نخليك تستمتع بى شندى بلد الجمال عندى ومانسوى ليك جزيرة فى راسك... شفت المحامين بى عَدلوا الكلام كيف؟ عمى المبارك رحمة الله عليه كنا معاهو انا وولده عبدالمنعم وكلينا محام تحت التمرين وقتها وكانت محاكمات سدنة مايو فى التلفزيون والناس متابعنها .. عمى نامن شاف ناس شِّدو قال لينا غايتو كله منكم انتو ديل الزول يكون مذنب تجو انتو شايلين شِنِيطاتكُن ديل تمرقوهو.
يوسف ود ابوسنينة ده يا اميرة فى واحد من البوستات كان بتونس معانا وجا يودعنا وقال ماش يعمل عُمرة وطلب مننا ندعو ليهو << قلت ليهو انت ماشى العمرة ولا ماشى الجبهة ـ البدعو لاخوهو منو؟
والله كان جينا للحق البمشي العمرة والحج هو البدعو للناس التانين ،وخاصة اذا الناس التانين ديل قاعدين في السودان يدعو ليهم الله يخلصهم من الشقاوة العايشين فيها ... بس كمان الحاجة الغريبة انا لمن امشي السودان اجازة بلقى الناس تضحك من الاعماق وكانها ما عندها هم ولا غم بالرغم من صعوبة المعيشة وصعوبة الحياة بصورة عامة ولمن تسال السبب تسمع البقول ليك :نحن اتعودنا على كده وبيقولوا ا ذ ا كترت عليك الهموم ادمدم ونوم.... وتراهو عشان كده الناس ما بتنتفض ضد النظام الحاكم....(اها خلاص اخير اقيف هنا قبل ما اقلبها سياسة ووجع راس..والسياسة دائما بتفسد كل شئ حتى المودة والرحمة والعشرة والالفة..عشان نحن عندنا في السودان قاعدة بتقول :" اختلاف الراي يفسد للود قضية"" السياسي الوحيد السمعنا بيه انه بيختلف معاك في الراي ويحترم رايك ويعاملك كصديق هو الزعيم السياسي عبد الرحمن المهدي وقرانا مرة ان الحزب الشيوعي السوداني دعا وفد من الحزب الشيوعي الروسي لزيارة السودان ووصل الوفد الروسي للسودان ..وكانت ميزانية الحزب الشيوعي السوداني شحيحة وضعيفة ولا تسمح باقامة حفل عشاء للوفد وكان زعماء الحزب الشيوعي السوداني عبد الخالق محجوب والشفيع احمد الشيخ يفكران في اقامة حفل شاي بسيط للوفد الروسي..ولكن الامامىعبد الرحمن المهدي اقام حفل عشاء فخم للوفد الروسي الزائر وقال لزعماء الحزب الشيوعي السوداني :"صحيحةانكم دعوتم الوفد الروسي لزيارة السودان ولكن بمجرد وصول الوفد للسودا ن فهو ضيف السودان وليس فقط ضيف الحزب الشيوعي..وقد قام زعيما الحزب الشيوعي السوداني عبد الخالق والشفيع بتقديم الشكر والعرفان للسيد عبد الرحمن المهدي لاريحيته وكرمه في استقبال الوفد الشيوعي الروسي واعتباره ضيف للسودان. والله يديك الصحة والعافية
يوسف ود ابوسنينة ده يا اميرة فى واحد من البوستات كان بتونس معانا وجا يودعنا وقال ماش يعمل عُمرة وطلب مننا ندعو ليهو << قلت ليهو انت ماشى العمرة ولا ماشى الجبهة ـ البدعو لاخوهو منو؟
الله يديكم العافية وجمعكم بخير وصحة ويرد لينا بت العم بت عمسيب غرقانة وين ما بنعرف وعودة الحبيب شيقا المسخ علينا الحله ( سبحان الله الواحد بشتاق ليه )
الفاضلابى يا اخوى المسخة خليها انا كان وصلت محل الدعاء بدعو ليكم لكن اسال سلامه الوصول بعدين ادعو للكل لما اوصل وانت بميزك بدعوة تورط ورطة لما تدعو شيخك شيقا يفكك منها
ود المنسى نورت والله وصلت محل النت بشوفك اتعدلت بالحيل ان الاجازة تكون متعه وسط الاهل .........................لكن ظنيتك ما خليت بتاعة شاى ما ضقت شايها
تلفون حبيبك برسلوا ليك بالواتس بن الكلب اسف ابن اب
ود ابوسن عامل حمد لبد ود بله دائماااااااااااااااا متالق اصلا اهلنا فداسى ديل من يومهم سمحين ســــــــــــــــــــــــــــــــــــــــــــــــــاكت فى مشيتهم فى الوطاء دى مختلفه غايتو طال العمر كان قل بسوى الفى راسى ان شاء الله .........كل زول يخمن ههههههههههههه والباقى على الله
والله يا ود المنسى دكتور الحريم شافتلها بلد غير تتاوق وتمرق فى راسها فى كلالالالالالالالالالام كتر
سلام وصباح خير على الناس السمحين زمان ياعبد الحفيظ نامن بنطون الفاضلاب يوحل بجيبوا الكراكة من شركة ماسبيو عشان تقلعو اها ان شاء الله ربنا يبعت لك كراكة من كنانة وجب ندعو ليك ونحن فى السجود ان مد الله فى الاجال وانت كمان ماتنسانا من الدعاء دعاء الانسان لاخيه بظهر الغيب مستجاب ,, واوصيك بقراءة سورة الانبياء كاملة وبتدبر وخشوع ما وسعت خاصة الايات (68) الى (91) وربنا يفك كرب كل الاحباب وكل من قال لااله الا الله. عبدالحفيض اجدع لى تلفون بت عمسيب ـ طالبانى كتير خلاس ود ابوسنينة دخل نادى المسانيح اميرة نرجو صرف بطاقة عضوية للعضو ابوسنينة.
Quote: ود ابوسن عامل حمد لبد ود بله دائماااااااااااااااا متالق اصلا اهلنا فداسى ديل من يومهم سمحين ســــــــــــــــــــــــــــــــــــــــــــــــــاكت فى مشيتهم فى الوطاء دى مختلفه غايتو طال العمر كان قل بسوى الفى راسى ان شاء الله .........كل زول يخمن ههههههههههههه والباقى على الله
ياخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة.
اخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة. غايتو الله يقدرنا على جزاكم .................... لكن جزاكم عند الله ان شاء الله
العريبى والمسانيح المعاه طبعا جمعتك كل واحد رابط عمة فى بطنة من الضحك وعاوزين ليهم سبب زى لكن البموت ما بلقاء خاصة ناس الصعيد الميوتهم طملة
الفاضلابى اليوم دخل نادى باريس ( المسانيح ) احمدك يا الله
لكن يا ودبلة ما ورطنى زى ورطه ابوى مع اهلى العوامرة فى الربع خلوووووه الف حوووووووول نفسة بحب بت عمة حب تمام وحلف ما يتنها ( الله يرحمه ويرحم اهلنا جميعا رسالتهم كانت واضحة زى الشمس الدنيا كثيررايح وقليلها رايح عاوز درب الاخرة وبس )
هسع اخوى مايمكن بدور استثمر مع عم عمى الوالى قلت ليه ات ناسينى من زمن القراية ما سالت منى قال اسال اخوك الكبير فى السعودية فى السودان اهلك معاى ههههههههههههههههههه
Quote: الفاضلابى اليوم دخل نادى باريس ( المسانيح ) احمدك يا الله
ود ابوسنينة إنت قريت عربى فى خلوة الجداد غَمَّد ولا شنو؟ دى بكتبوها كَدى (الفاضلابى اليوم دِخَّلْنِى نادى باريس ( المسانيح ) احمدك يا الله)
واحد صاحبنا يا ابوسنينة من نواحى ناس ودالبلة ديل جاء نيويورك وقدم لجوء ـ وقصته طويلة من ضمنها انو اتربى مع حبوبته ـ وطبعاً الخواجات عكاليت اثناء ما بحكى فى قصته نامن جا عند حبوبته نطَّ واحد سأله: عنوان حبوبتك فى السودان وتلفونها. قال لهم : هو انا حبوبتى كان عندها تلفون كان جِيتْكُن هِنا؟
Quote: يا ناااااس كيفكم اشواقات
الملكة ـ اشواقنا ليك قواسيب ـ الاميرة بسمات بى عذرها انتى عذرك شنو؟ بعد بديتى دبَاغ فى مسنوح البردانة وقفتى مالِك الزول ده كان وقفتى من دَبْغو بى فَرْهِد وكان فَرهد بى سَوِّي ليهو جَنِيَّة.
انا لمن وصلت من الإجازة لقيت ابو سنينة بقى عضو قديم ودخل نادي المسنوحين وراجعت مداخلاته ووجدت قصص وحكاوي رائعة يعني ما عضو جديد .. وبت الشيخ عبد الرحيم ما قصرت ولازم تكون اصدرت بطاقة العضوية الكاملة من زمان.. وهاتفتها وطلبت منها تدخل البوست وترد ....ولمن قالت هي مشغولة بإنهاء فصل اسرة بن لادن وهي مزنوقة شديد للإستعداد لإختبارات مدرسية وهي في وحكة وشدة.. ونصحتها وقلت ليها اقري سورة الأنبياء من الآية 68 لغاية الآية 91 زي ما قال ود حلتكم ود الفاضلاب لود ابوسن والما عرفنا مشكلته شنو عشان نشارك في حلها.. والله يديك الصحة والعافية العزيز ود المنسي سمعنا من ود ابوسن ان والدك كان عيان وان شاء الله بقى طيب والله يديه الصحة والعافية ويديك الصحة والعافية
الاميرة بت الارباب مصطفى مش سورة الأنبياء براها القرآن ده فيه مواقف لما الواحد يتدبرها ويحاول يستحضر الموقف وكأنه يراه اقل شئ يلين قلبه وزى مابقولوا اهلنا شَعَرة جلده تَكَلِّب ,, اديك امثلة ـ امسك المصحف وانتى راكبة المترونورث شايلة نيويورك وافتحى آل عمران وابدى من الاية (33 الى الاية 61) واخدى ليك وقفة عند الايات 35 الى 37 ) واتخيلى الموقف وعظمته وهولاء البشر الذين تخاطبهم الملائكة ومريم الفتاة الصغيرة التى يأتيها رزقها كما وصفته لزكريا ,, ثم ارتقبى الايات التى بعدها لتلتمسي ذكاء سيدنا زكريا عليه السلام فى فن الدعاء واغتنام اللحظة ليدعو لنفسه ان يرزقه الذرية الطيبة وما كان دعاؤه الا بفهمه لجواب مريم عليها السلام وثقته فى الله (لذلك انا دائماً اقول لقريباتى واصحابى وزوجاتهم الذين لم يُرزقوا الذرية ان يدعوا الله بهذه الايات, (38 ومابعدها من آل عِمران) والايات (89 و 90) من سورة الانبياء. وبت الارباب عبدالرحيم وهى مقبلة على الامتحانات قولى ليها تقرأ الايات (25 ومابعدها) من سورة طه ,, وانتى وهى كل يوم مارقات من بيتكن ماتنسين دعاء الخروج. بسم الله لاقوة الا بالله ,, توكلت على الله ,, اللهم إنى اعوذ بك أن ازِل او أُزَل ,, او اضِل او أُضَلْ ,, او أجْهَل او يُجْهَل علىَّ. وإن خِفتى شَرَّ قوماً فقولى: اللهم انا نجعلك فى نحورهم ونعوذ بك من شرورهم. وكذلك قولى: اللهم انا نجعلك فى عقولهم وفى عيونهم وفى افواههم لاينطِقون الا عدلاً وسلاما. وتذكرن ابتداء دعائكن بحمد الله ثم الصلاة على النبى واختمن بها. ربنا يحفظكن ,,
سلام تشكر والله يا الفاضلابي هسعتي ديل الدعاء بخلو بيهو خالد سافر اليوم .. والدو مريض واختو عملو ليها عملية عيون بظهر عقاب اليوم دة يا بكرة مني عمسيب من ركشة لي ركشة وقلت ليهم طوالي في سيرتكم
نصائح قيمة ومفيدة للغاية ولا تقدر بثمن والله يجازيك بالخير والبركة وراحة البال ومقررة اليوم اراجع كل الآيات التي ذكرتها هنا... وكل حرف استفدنا منه هنا نسأل الله ان يجعله في ميزان الحسنات..ويوم الجمعة حنتلم مع بت الشيخ ونديها هذه الجرعات الإيمانية القيمة والله يديك الصحة والعافية
Quote: الغالية نعمات( نعومة) كل سنة وانتي طيبة وربنا يحقق الأمنيات في هذا العام وما تغيبي مننا كثير والله يديكي الصحة والعافية
بركة بالعودة ود المنسي والحمد لله الانترنت اشتغل في شندي.. ولا يكون تلفونك زي تلفون ود ابوسن والله يديك الصحة والعافية يا الله انا مشواري بعيد وساكنة ولاية ثانية والقطر ساعة ونص..
في التبادي أنت منو ؟ النضم نضم أميرة بت مصطفى وأول أمس القريبة دي كانت معانا بسمات بت عبدالرحيم المهم معزتكن عندنا واحدة وسلام ليكن الأتنين والله شندي دي لو جيتها تاني ماتمرقي منها عربا تلقي الواحد قاعد تحت الشدرة راعي في غنمو وشايل Iphone ههههههههه ويشخت ( بس التقول بنضف في رز ) والله النت عندنا كباي زي جدول البحر لكن الوقت ضيق هناك محبة وحبان وما ملحقين
Quote: افو يامك ـ ده كلام ياخ انا سمعت انك متجدِّع فى جروف شندى وتغنى تقول يالمريودة شتلة شندى اقول انساك قول ماعندى. قلنا بدل نزعجك اخير نخليك تستمتع بحدايق المتمة والجوير وتشرب شاهى المغربية فى مويس.
بقيت زي ود الموية الواحدمايقدر يمسكك عرفت تتخارج مني والله جد يا الفاضلابي الوقت في شندي ما بحوق الحبان كتار وونستهم حلوة والله من تصبح خالة تجيك داخلا بي بفطورها وتقيل معاك تمرق الخالة يجيك عم يكرموك لما يخجلوك زمان اول مرة أمشي شندي وعاي زوجتي المجرية عندي عمي ود عم ابوي تاج السر ود طه عليه رحمة الله كان مريض وجلس ما بحوم بناتو قالن لي ابونا قال خالد لو جاب مرتو تسلم علي والله أضبح لها تور وبعرفو عمي بسويها مشيت لي براي وما سقت زوجتي سألني وين زوجتك كلمتو قلت سمعت من البنات أنك قلت حا تضبح تور عشان كدا ما جبتها معاي قال أها شنو ليك علي قسم أضبح ليها وأتقدر اجي أكل في عندكم في البيت وفعلاً سواها شندي الفاضلابي الناس فيها طيبتهم تجبرك أن تكون بينهم تعرف في سفرتي دي مشيت الخرطوم مرتين لبعض الأجراءات العقيمة هذه ( مصادر رزق الحكومات .. تاشيرة أعفاء من التجنيد وسجم ورماد ) والمرتين قعدت يومين يومين باقي أجازتي كلها منطلق بي عراقي وسروال طويل في شندي شي جناين وشي مترات وشي جزاير في البحر أحلب وأصرر شندي حلوة يا الفاضلابي
Quote: والله كان جينا للحق البمشي العمرة والحج هو البدعو للناس التانين ،وخاصة اذا الناس التانين ديل قاعدين في السودان يدعو ليهم الله يخلصهم من الشقاوة العايشين فيها ... بس كمان الحاجة الغريبة انا لمن امشي السودان اجازة بلقى الناس تضحك من الاعماق وكانها ما عندها هم ولا غم بالرغم من صعوبة المعيشة وصعوبة الحياة بصورة عامة ولمن تسال السبب تسمع البقول ليك :نحن اتعودنا على كده وبيقولوا ا ذ ا كترت عليك الهموم ادمدم ونوم....
أنت منو أمرة ولا بسمات ؟؟ تعرفي يا الكتبت سنة 2000 مشت معاي زوجتي السودان أول مرة وكان نفس ملاحظتك قالت أجمل شئ الناس دي رغم المعناة بضحكو وحنان في بعض يل لو أهلي المجريين كانوا كلهم أنتحروا
Quote: ود المنسى نورت والله وصلت محل النت بشوفك اتعدلت بالحيل ان الاجازة تكون متعه وسط الاهل .........................لكن ظنيتك ما خليت بتاعة شاى ما ضقت شايها
ود ابوسنينة حبابك يا الحبيب قبل يومين وأنا راجع من بورتسودان كنت عاوز أشتري لي خنجر هدندوة قيت شاب هدندوي وجيهه عمر 17 سنة وزولك محدر السفة دقار لوري قلت لي انت ما عارف التمباك حرام قال التمباك جبنا نحن ما جانا منكم قلت كضاب في محلك دا التمباك جابوا الهدندوة قال لي : كو نحن جبنا التمباك نحن جبنا ليكم الحج والعمرة والبركة أنتو ما بجي منكم إلا الشر ويضحك ضحك والله راجل ظريف ظرافة قلت لي اسمع ما نعمل ليك عضوية مع بكري ابوبكر في المنبر وتشارك معانا في حوش أميرة قال لي بكري دا شنو مايكون مؤتمر وطني ؟ وحوش امير دا واقع وين هنا جاي في الشرق ولا عندكم غادي زول عسل لو في طريقة كان جبتو ليكم هنا
Quote: بت عمسيب محكرة في السودان ضربت طايبتها وكملت رصيدي وتاني حشرت رصيد يبقو ضربتين خالد تلات ضرايب والدو مريض كان وتماثل للشفاء وطيب ود البوش لسة مركب قزاز .. العريس المسانيح والمسنوحات طلب ادعو لي ربنا يوفقني اخوكم وحلان وموكر
إت يا عبدالحفيض ما بتحسب انا والله أظني طالبك أردب تلفونات فعلا يا الأحباب الوالد كان مريض والحمد الله رب العالمين تماثل للشفاء وعادت البسمة لي بنياتو ولينا وبدأ يبني لي في شقة قال دي لي خالد الما لاقي محل دا في البيت لما يجي أجازة ههههههه وبرضو عندنا أختنا الكبيرة عملنا ليها عملية في العين جراحية في بورتسودان لانو فيها طبيب زاع صيته والعلاج نفسي لك الشكر أخ ابوسن زوك الأيام دي واقع واتس اب وما بكتب برسل ( Voice massages ) قال أصبعو كبير لما يدوس في الحرف بكتب 3 حروف مع بعض هههههههههه يا سلام يا سلام يا سلام علي بت عمسيب زولة عسل والله
Quote: ياخي ده من لطفك وذوقك يا وجيه، مرحب بيك في فداسي وبدل واحدة بنزوجك أربعة إن كان تخميني صاح، ما إنت ولد شيخ عبد الرحيم الرجل الضكران وزي ما قال عمي شيخ نور صديق والدك من فرط إعجابه بشخصه وشخصيته وكرمه ومروءته وفراسته وفروسيته وشهامته وضكرنته ( والله يا شيخ عبد الرحيم أخوي أنت تستاهل ....... النسوان) وباقي الكلام بين القوسين إنت خابرو وناس ود شيقوق وود المنسي وود الطيب والفاضلابي تلقاهم هسي قاعدين يضحكوا وديل بفهموها وهي طايرة وقبيل فكوا رموز عبارة عمي شيخ نور. تحياتي للأخوان والأخوات جميعا والبوست فاقد زهور وورود أختنا بت عمسيب ربنا يرجعها بالسلامة.
هههههههههههههه ود بلة عليك امان الله لو أمتحنونا في قراءة ما تحت السطور بنجي الأوايل ايمالدراسة عندنا اصاحبنا اتنين راكبين في البص ركب واحد جزائري في ابص قام الشقي قال لي المسكين في واحد من جماعة الدولار ركب بصوت خافض( الجزائرين في مديتنا شغالين كلهم في العُملة ) المسكين ردا لي منو الجزائريين ( بصوت عالي ) قال لي نقطتها يا الضكر
Quote: واحد صاحبنا يا ابوسنينة من نواحى ناس ودالبلة ديل جاء نيويورك وقدم لجوء ـ وقصته طويلة من ضمنها انو اتربى مع حبوبته ـ وطبعاً الخواجات عكاليت اثناء ما بحكى فى قصته نامن جا عند حبوبته نطَّ واحد سأله: عنوان حبوبتك فى السودان وتلفونها. قال لهم : هو انا حبوبتى كان عندها تلفون كان جِيتْكُن هِنا؟
هههههههههه تِخت عليك يا مسنوح مرة واحد من الفاضلاب في امريكا عمل ورق ( بالزواج ) مرة ماشي مع زوجته قولي كدي يا المرة أعتري واقعي كان ورا سوداني كورك لي يا زل ارفع ورقك دا وقع
Quote: العزيز ود المنسي سمعنا من ود ابوسن ان والدك كان عيان وان شاء الله بقى طيب والله يديه الصحة والعافية ويديك الصحة والعافية
الأميرة أميرة بت مصطفى بارك اله فيك ماتوفي شر في عزيز لك وعكة وعدت الله يدي العفية والصحة ياهو الدخري الفضل لينا بعد وفاة الوالدة قبل 3 سنوات عليها رحمة من الله تغطيها
ودالمنسي ياحبيب الف حمد لله علي الوصول والف سلامة لوالدنا وربنا يديه الصحة والعافية والاخت الكريمة ربنا يصلحا في العملية وتسمع عنهم كل خير يارب تسلم
Post: #280 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: خالد علي محجوب المنسي Date: 01-10-2015, 09:54 AM Parent: #278
Quote: ودالمنسي ياحبيب الف حمد لله علي الوصول والف سلامة لوالدنا وربنا يديه الصحة والعافية والاخت الكريمة ربنا يصلحا في العملية وتسمع عنهم كل خير يارب تسلم
العزيز ود القرشي لك الشكر اجزله وربنا ما يوريك شر في حبيب فعلاً وصلت يوم الأربعاء ليلاً ومع إنو نحن ماناس ليل ههههههه ولحين ميسرة بارك الله فيك يا جميل
وضاحة اللماحة ازيك وطولنا ..اشواقات واشواقات قاعدة تغيبي كتير ولكن لمن تطلي بتنوري الدنيا والله يديك الصحة والعافية وكل سنة وانت طيبة
ود المنسي من اول امس انا مسكت الدفة هنا والمسنوحة بسمات ماسكة قصة بن لادن لغاية كمان يومين تلاتة..بس هي كمان موكرة زي ود ابوسن ادعو ليها زي ما قاعدين تدعو لود ابوسن بالنجاح والتوفيق ..وهي لمن راسها يكبس بتمشي لي استار بكس تذاكر هناك ..وقلت ليها لمن راسك كمان يكبس ومعاك كباية القهوة افتحي بوست الناس السمحين واقري قصص وج شيقوق وود بلة وود ابوسنينة المزاج يروق وتفهمي المسائل المعقدة..وهي لهسع منتظرة قصة ود حلتها وج الفاضلاب وقصص مرة جد ود ابوسن
والله يديك الصحة والعافية
Post: #281 Title: Re: ود ابوسن، ود شيقوق، ود البوش، ود المنسي، انتو ناس سمحين... Author: خالد علي محجوب المنسي Date: 01-10-2015, 10:10 AM Parent: #279
Quote: ود المنسي من اول امس انا مسكت الدفة هنا والمسنوحة بسمات ماسكة قصة بن لادن لغاية كمان يومين تلاتة..بس هي كمان موكرة زي ود ابوسن ادعو ليها زي ما قاعدين تدعو لود ابوسن بالنجاح والتوفيق ..وهي لمن راسها يكبس بتمشي لي استار بكس تذاكر هناك ..وقلت ليها لمن راسك كمان يكبس ومعاك كباية القهوة افتحي بوست الناس السمحين واقري قصص وج شيقوق وود بلة وود ابوسنينة المزاج يروق وتفهمي المسائل المعقدة..وهي لهسع منتظرة قصة ود حلتها وج الفاضلاب وقصص مرة جد ود ابوسن
والله يديك الصحة والعافية
أميرة الأميرة قد كنت جديرة بحمل الأسم أميرة يا بت مصطفى حمد سلامة عودتك وعودتنا ومع أنه قل حضورنا ولم نقطع الوصل لحوشك العامر بروحك الطيبة بت عبدلرحيم بسمات ربا يكون في عونها وندعوا لها الله أن يسدد كل خُطُاها بالنجاح يسرها ويسر والديها ويسرنا أجمعين
تسلمي يا الأميرة
والسكر حبيبة زي العسل في العِليبة إن حلفوني القسم ..... ما بسيبا
Quote: الملكة ـ اشواقنا ليك قواسيب ـ الاميرة بسمات بى عذرها انتى عذرك شنو؟ بعد بديتى دبَاغ فى مسنوح البردانة وقفتى مالِك الزول ده كان وقفتى من دَبْغو بى فَرْهِد وكان فَرهد بى سَوِّي ليهو جَنِيَّة.
المك ياخى شوق الشوق المسنوح طار للبكاء بعد يرجع بنظموا ليك هههههه وحشتونى والله كل ما اسمع الاغنية دى بتذكرك
الغالية وضاحة غايتو انتي وبسمات الله يكون في عونكم وهي كمان متجرسة من الامتحانات وبرضها بتقول لناس البوست ادعوا لي وهسع قربت تحفظ قصيدة ود بادي
وكل يوم تذكرني وتقول لي:"كان شوفتي يا يمة سلاطين العلم يدفروك بره زي دفر الطبالي" وانا اقول ليها سبحان الله بالله الجرسة بتخلي البت البرجوازية بسمات تتقلب بدوية وقروية وتنافس ود بادي في قصائد الحلمنتيشي...انتو قايلين علم امريكا لعب...تحسبو لعب!!! لكن المهم دعواتنا معاكم ويوفقكم الله في كل خطوة. والله يديك الصحة والعافية
Quote: المك ياخى شوق الشوق المسنوح طار للبكاء بعد يرجع بنظموا ليك هههههه وحشتونى والله كل ما اسمع الاغنية دى بتذكرك
سلام يامكة الدار سلام كدى بتجيبى لنا الهوا من البردانة اتى برضك اقرىى الآيات والأذكار الكتبناها لى اخواتك ديل.
واحد مسنوح ياوضاحة عنده دكان والحالة مْلَطِّشة معاهو مشى لى شيخ أدَّاهو اذكار يقولها وعَلّموسورة الواقعة وقال ليه بعد الحال يمشى معاك تجى تدفع البياض المسنوح عمل بالنصيحة والحال مشى معاهو ونسى يمشى للشيخ وفى يوم الشيخ راح لى دكان المسنوح لقاهو متروس زباين ـ قال ليهو يازو بياضى وينو؟ المسنوح قال ليهو بياضك كم؟ قال ليهو مليون. المسنوح قال ليهو مليون ليه ,,, الشيخ قال ليهو انا حَفَّظتك الواقعة. المسنوح قال ليهو ويعنى شنو اصلها الواقعة دى من كلماتك انت؟
Quote: والسكر حبيبة زي العسل في العِليبة إن حلفوني القسم ..... ما بسيبا
إختيار جميل يا أخونا ود المنسي الرجل الظريف. كلمات بسيطة ، جميلة ومعبرة وأداء رائع لفنانة شابة يرجى منها الكثير والمستقبل يفتح لها الأبواب. قبل كده كتبت "بوست" في سودانيز أون لاين بعنوان" الليمونة الليلة يا" لأن كلماتها أيضا جميلة صادقة ومعبرة. صادق الود
Quote: إختيار جميل يا أخونا ود المنسي الرجل الظريف. كلمات بسيطة ، جميلة ومعبرة وأداء رائع لفنانة شابة يرجى منها الكثير والمستقبل يفتح لها الأبواب. قبل كده كتبت "بوست" في سودانيز أون لاين بعنوان" الليمونة الليلة يا" لأن كلماتها أيضا جميلة صادقة ومعبرة. صادق الود
سلام يا صافي النفس والسريرة أخي ود البلة نعم في البساطة كل الجمال ينداح لحنا شجي نعم شادن بنت ... بنت بلد واصيلة ويرجى منها الكثير في أغاني الترث الكردفاني الدارفوري وهي شاعرة وملحنة
تحيَّات نواضر الحبيب خالد ودالمنسي وألف سلامتك والدكم وربنا يخليهو لي عولو وربنا يشفي شقيقتكم وعودا حميدا ، وإن شاء الله كمان تكون مليت جُربانك والضبية من عبق شندي وماجاورها، ياخالدعندي صديق أسافير، في الفيس، من بلدكم شندي أو الزيداب زول بقول دوبيت عجيب، وزول بحب أهلو وبلدو مهما زينو العاصمه وملوها مناظر مابنسوني ناسك يالشموخك ظاهر بلدي الساكنه روحي وبي هواهابجاهر تفضل هي الاصل والباقي ست ما ظاهر ...................................... ناسك في التاخي على قلب فد راجل بشيلو مع بعض يلفوكا هسي وعاجل بلدي الخيرها وافر وما بتحصدو مناجل بسيط إنسانا لكن في المحاصات راجل
Quote: تحيَّات نواضر الحبيب خالد ودالمنسي وألف سلامتك والدكم وربنا يخليهو لي عولو وربنا يشفي شقيقتكم وعودا حميدا ، وإن شاء الله كمان تكون مليت جُربانك والضبية من عبق شندي وماجاورها، ياخالدعندي صديق أسافير، في الفيس، من بلدكم شندي أو الزيداب زول بقول دوبيت عجيب، وزول بحب أهلو وبلدو مهما زينو العاصمه وملوها مناظر مابنسوني ناسك يالشموخك ظاهر بلدي الساكنه روحي وبي هواهابجاهر تفضل هي الاصل والباقي ست ما ظاهر ...................................... ناسك في التاخي على قلب فد راجل بشيلو مع بعض يلفوكا هسي وعاجل بلدي الخيرها وافر وما بتحصدو مناجل بسيط إنسانا لكن في المحاصات راجل
تحيَّات زاكيات للجميع ،ومعزة صادقة
العبيد ود المقدم الحبيب بارك الله فيك يا الفحل الضو حمداً لله قد شفى الوالد ودخلت قلوبنا الطمآنينة بشفاءه وكمان سرنا نجاح عملية الشقيقة في زمان كثر فيه الأهمال في العمل الطبي في بلادنا بخصوص جرابي تب ملان لكن حدث في شندي حادث غريب عليها هزَّ شندي كلها طمم بطني هولاء القوم ( الإنقاذ ) هدوا كل القيم وفسد الشباب والله يا المقدم ما أخفيك كنت ضمن مجموعة ذهبنا لتقصي هذا الموضوع وشفت العجب العجيب من الشرطة ومن ولي أمر الشابة ومن أهل الشاب اللذي أختفى كلام مجرد من كل قيم عهدناها في شندي المهم يا سيدي نقول ربنا يستر خلقه
عزيزي ود المنسي ما شاء الله حاضر البديهة وبتجيب اغاني في صميم المداخلات..واغاني فعلا روعة كروعتك وما دام جرابك مليان حكاوي ..ما تبخل بيها على الحوش العامر بوجودكم انتو كلكم .. بس تقل الحكاوي دي شوية للاسبوع الجاي عشان ضاربانا نزلة تقيلة،بعيد عنك، والدكتور بيقول ده فايرس ولازم ياخد فترته لمدة اسبوع مع المساعدة باخذ المهدئات والشراب الساخن واحتمال دخولنا للنت يقل خلال الاسبوع ده.. والله يديك الصحة والعافية..
عزيزي عبد العزيز الفاضلابي المسنوحة بت حلتكم لمن تشوف كلمة عطبرة بتنسىى كل شئ ولقت بوست باسم مشاهير عطبرة..وما صدقت والمهم وهي في تعليقها في البوست وجهت ليك نداء خاص...ونرجو الاستجابة ...وهي نادرا هذه الايام ما تدخل النت..ولكن في البريكات بتمر على العناوين وتفتش في نوستالجيا عطبرة.. والله يديك الصحة والعافية
Quote: عزيزي ود المنسي ما شاء الله حاضر البديهة وبتجيب اغاني في صميم المداخلات..واغاني فعلا روعة كروعتك وما دام جرابك مليان حكاوي ..ما تبخل بيها على الحوش العامر بوجودكم انتو كلكم .. بس تقل الحكاوي دي شوية للاسبوع الجاي عشان ضاربانا نزلة تقيلة،بعيد عنك، والدكتور بيقول ده فايرس ولازم ياخد فترته لمدة اسبوع مع المساعدة باخذ المهدئات والشراب الساخن واحتمال دخولنا للنت يقل خلال الاسبوع ده.. والله يديك الصحة والعافية..
لك منَّا التحية العطرة يا غالية بت مصطفى كفارة وسلامتك وألف عزيز كرامتك فيروس النزلة لو عالجتي بتشفي في أسبوع ولو ما عالجتي بتشفي في سبعة ايام عن حكاوي شندي إن شاء الله فقط أطلع من المود السئ الأنا فيه يا بت مصطفى ولك كل الشكر والتقدير والأحترام يا أمير قالوا متألم شوية يا أخي بعد الشر عليك
ود المنسى ياخ معذرة والف حمداً لله على سلامة الوالد والاخت ربنا يجعلها كفارة وطهور ان شاء الله ـ والله كنت عاوز اضرب ليك فى الاسكايب الويكند ده لكن والله الراس بقى زى شبكة قون الهلال يوم مازينبى ,, لكن الجايات خير ان شاء الله
ودالفاضلاب ازيك ياخ شنو مالقيت الا شبكة هلالنا دا البتوصف بيها المريخ دا عيبو لي ماشبكتو بقت مصفي بس من زمن سان جورج والوحدات والفرق اليمنية والليبية ونحن حكينا الكلام دا لييييييه عشان نقول لي ودالفاضلاب مشتاقين ليك ولي كتاباتك الطاعمة .. تسلم
Quote: ود المنسى ياخ معذرة والف حمداً لله على سلامة الوالد والاخت ربنا يجعلها كفارة وطهور ان شاء الله ـ والله كنت عاوز اضرب ليك فى الاسكايب الويكند ده لكن والله الراس بقى زى شبكة قون الهلال يوم مازينبى ,, لكن الجايات خير ان شاء الله
المك الفاضلابي مابتقصر يا ابوالعيال الحلوين تشكر ومقدر يا أخوي وربنا ما يوريك شر في عزيز تحياتي ومودتي لكن برضو اظهر في الويكند نتونس ياجميل تحياتي ومودتي
نبذة عن الشاعر محمد الحسن سالم المشهور ( بحميد ) عليه رحمة الله وغفرانه ولد شاعرنا الجميل حميد في سنة 1956 بقرية جريف نوري جريف نوري حي تابع لمدينة نوري في الشمالية توفى في أثر حادث سير في طريق شريان الشمال بين مروي وأم درمان في تاريخ 20 / مارس / 2012 تلقى تعليمه في كل من :- نوري عطبرة بورتسودان بحري عمل ردحاً من الزمان في المملكة العربية السعودية شاعر ألتزم جانب الشعب وتغن له وحمل هم الكادحين حتى صار ناطقاً اسم جموع الشعب السوداني وبالذات الكادحين تغنى للوطن للحبيبة للسلام للغبش والعمال تغنى للمزارعين وتغنى للوعي والديمقراطية تغنى للأطفال والمرأة له الكثير من الأشعار باللغة العربية الفصحى كما له أغلب أشعاره بالعامية ذاع صيته وأشتهرت قصائدة أبان الحكومات الديكتاتورية ( مايو والإنقاذ ) حمل لواء النضال ضدهما بالمفردة والكلمة ألف ملاحم تعد من أجمل الملاحم التي نظمت وكانت خالدة بعمق مفردتها منها : ست الدار بت أحمد جابر نورا التي تغنى بجزء قصير منها فرقة عقد الجلاد وكما تغنى بها الفنان محمد جبارة الجابرية ( مشهورة ) ابرويت عيوشة عم عبدالرحيم التي أطرب بها الفنان الراحل مصطفى سيدأحمد جهجة التساب الضو ومصابيح السماء التامنة وطشيش تغنى له الكثير من مطربي بلادي منهم الراحل مصطفى سيد أحمد الفنان ابوبكر سيد أحمد عقد الجلاد فنان الطمبور محمد جبارة الفنان جعفر السقيد الفنان محمد النصري عبدالطيف عبدالغني ( وردي الصغير ) عاطف انيس علاء الدين سنهوري وأخرين
سوقني معــــاك يا حمام أغنية السلام اللذي ظلَّ ينادي به الشاعر حميـــــد أداء الفنان الرائع أبوبكر سيد أحمد
ست الدار بت أحمد جابر وهنا تظهر أبدعات حميد الشعرية اللذي جسد الكثير من الشخصيات ليعبر بها عن ما يجيش بخاطره ويريد توصيله هذه المجموعة من الرسائل المتبادلة بين الزوجة ست الدار بت أحمد جابر وزوجها الزين كانت أبان حكم العسكر الثاني ( مايـــو ) وأيام الإنفتاح على الغرب في زيل السادات ومن بعده حسني مبارك ونحن سايرين خلفهما ست الدار بــت أحمد جابر للشاعر محمد الحسن حميـــد
Quote: عمل ردحاً من الزمان في المملكة العبية السعودية شاعر ألتزم جانب اشعب وتغن له وحمل هم الكادحين حتى صار ناطقاً اسم جموعالشعب السوداني وبالذات الكادحين
المك ود المنسى سلام انت الكيبورد بتاعك ده واقعات مِنُّو سنون اللبن؟ مالا الكلمات بى تجى زى الشافع الـ بتعلَّم فى المشى الزول يقرا مداخلتك علا كل مرة يقول هِغْ زى العندو فاق.
Quote: المك ود المنسى سلام انت الكيبورد بتاعك ده واقعات مِنُّو سنون اللبن؟ مالا الكلمات بى تجى زى الشافع الـ بتعلَّم فى المشى الزول يقرا مداخلتك علا كل مرة يقول هِغْ زى العندو فاق.
هههههههههه من كترت النقري في الكي بورد بقى يفوت إت ما تفوق سردب وتقرأ التفهمو تفهمو وتبقى متخارج إلا تحكها وتنقطا يا المصحح كان تقعد في أتبرا تحاحي العوين في مدرسة أمـــــلاء وتصحيح لقيت لي واحد بتاع دكان في مويس ( قرية جنب شندي ) كات في اللافتة بتاعت دكانو ( دكان وأجزخانة ) تحيرت مشيت لي دكان عرفنا أجزخانة دي شنو
قال لي عندي الجيران أتخلعو ( حبة تسمن ) عندي كريمات تبيض عندي حبوب زيادة الدِش وبندول وأسبرين
رحلت عن دُنيانا قبل أربع سنوات منار الفرحة والحنية ظلت في القلوب نحتويها صبية وبنات الوالدة أم الحسن بت بادي الحسن عليها رحمة من لله ونسأل الله دوماً أن يسكنها فسيح جناته كما أسال اله الرحمة لكل موتانا وموتا المسلمين عليه ألف رحمات من رب العالمين وإنا لله وإنا إليه راجعون
اجي كل يوم وألقى زول في الحوش الظاهرقنعتو منو طيب في وداعة الكريم رب العالمين نلقاكم في ساعة خير لحين ميسرة من الله إن بقى مو هنا في السودان أو اي ركن وكمان لو ما هوَّن الله ربنا يجمعنا في جناتو العُلى معاكم سلامــــــة
لسع يا ود المنسي بكتب من السرير الابيض...،سرير المرض..والحمى والنزلة هلكت الاجساد والارواح..واظن الاسبوع انتهى لكن السبعة يوم لسع. والله يديك الصحة والعافية
Quote: لسع يا ود المنسي بكتب من السرير الابيض...،سرير المرض..والحمى والنزلة هلكت الاجساد والارواح..واظن الاسبوع انتهى لكن السبعة يوم لسع. والله يديك الصحة والعافية
تسلمي يا الأميرة وإن شاء الله فوقنا وعافية وكفارة بإذن الله ويديك الصحة والعافية حقتك وحقت بسمات بالمناسبةبلغيها كثير تحياتنا وأشواقنا لها
رغم أنه مافي خصام وجفوة لكن برضو ما رضيناها ليك تغمر الدمعات عينيك وإنتِّ تبري من الألم الألم ما لينا نحن
دي طبعاً أغنية ود البوش المفضلة وإن شاء الله يسمعها عشان يجي طاير زي حجر الصاعقة
والله يا ود المنسي بت الشيخ اصلها ما قصرت وكان ما هي ما كنت رفعت راسي وواقفة معاي الاسبوع كله ..واسال ود الفاضلابي هي بتساعدني كيف في مرضي والله يديها الصحة والعافية والله يديكم الصحة والعافية واشتقنا لبت عمسيب ..لكن سمعنا من ود ابو سن انها مرقتها في السودان ..واحتمال ما عندها انترنت... وربنا يرجعها بالسلامة
والله يا الأميرة من غير ماتقولي عارفها ست حوبات ومآصلة وبت أصول
أما عن بت عمسيب والله قبل مداخلتك دي بدقائق حُظيت بأتصال منها متكية بين أخواتها وتتونس أنت قايلة الموضوع نت في السودان لا وحات الله لكن لمة الحبان بتاخد الزول وما بطرى نت والله اول ما سلمت علي سألتني منك ومن حوشك العامر قلت ليها اميرة مريضة تأثرت كتير وقالت لي تبرى تبرى إن شاء الله وقلت ليها أقروا ليها يا الفقرا ومن عينالحسود تبرى
في كلام كتير عن بت عمسيب وسيرتها يوم قابلتها في مطعم الحوش بام درمان وصور وحاجات وسنو وسنو
الأميرة إن شاء شمتي ريحــة العافية طبعاً العافية عند أهل المغرب ( هي النار ) كفانا الله وأياك منها المغربي لو فلتي ربنا يديك العافية برقد فيك بي سكين ههههههههه أختلاف الألسن ودمتي يا أميرة وكبيرة في قلوبنا تحيات للملكة بسمات
ملكتنا هي د. ضاحة يا المك يا ود المنسي.. وبسمات هي الأميرة بالفعل وعرفتها هي فعلا اميرة خلال الأسبوع الماضي.. وانا وصيفتها وربنا يديك الصحة والعافية .. بس ما على الطريقة المغربية
عن كرامات الشيخ البشير مالك يرحمه الله أروي لكم هذه القصة التي حدثت لي والتي أعتبرها واحدة من كرامات مولانا الشيخ البشير مالك الكثيرة.
قبل السفر للعمل في السعودية ، وبعد أن قمت بتجهيز كل الوثائق والمستندات الرسمية المطلوبة للسفر مثل شهادة الجنسية وجواز السفر وتوثيق الشهادات الأكاديمية، لم يكن ينقصني سوى شهادة الخبرة. ولما كنت لم أمارس عملاً بعد إكمال دراستي وتخرجي، استشرت الوالد شيخ البشير في موضوع استخراج شهادة الخبرة بعد أن وضحت له بأنني لم أمارس عملاً من قبل. فأرشدني بعدم عمل ذلك. مع اقتناعي التام بنصيحة شيخي الجليل، إلا أن أنني تحت إصرار بعض الأخوان الذين كان لديهم سابق خبرة في العمل بالخارج وتأكيدهم على ضرورة استخراج هذه الشهادة وأهميتها في الحصول على العمل ، قمت مضطرا غير راض عن نفسي باستخراجها . ماذا جرى لشهادة الخبرة - شهادة الكذب والزور ؟!! بعد استخراج هذه الشهادة التي كانت آخر متطلبات السفر، لا أخفي عليكم أن انتابي شيئ من الفرح المشوب بوخز الضمير - الفرح مصدره إكتمال جميع الأوراق المطلوبة إستعداداً للسفر ، ووخز الضمير نتيجة للكذب وعدم العمل بنصيحة شيخي الجليل يرحمه الله. بعد استلامي شهادة الكذب والزور، قمت بطيها ولفها بورقة "فلسكاب" حفاظاً على نظافتها، ثم ذهبت راجلاً والشهادة في يدي إلى أن وصلت موقف الحافلات بميدان أبي جنزير بالخرطوم. ركبت الحافلة وسحبت ورقة "الفلسكاب" لأعيد قراءة الشهادة المزورة. أصابي الذهول وتملكتني الحيرة ولم أجدها !. نزلت من الحافلة وهرولت كالمجنون أتلفت يمنة ويسرى مقتفيا أثري لعلي أجد الشهادة "عديمة البركة" والتي حتى كتابة هذه السطور لم أعثر عليها. اقتنعت ولم أحاول استخراج الشهادة مرة أخرى موقنا تماما بـ "عدم بركتها" . كان في ضياعها درس لن أنساه أبدا وأدركت لحظتها أن حبل الكذب قصير وأن الغش لا يأت بخير. هذه القصة (الواقعة) كانت خير برهان على صدق نصح وكرامة شيخي رحمه الله حين أرشدني وقال:" لا داعي للكذب، توكل على الله وسافر يا بني، فالأرزاق بيد الله ". سافرت إلى السعودية واشتغلت بحمد الله وفضله ولم تعقد لي أي معاينة للتوظيف "إنترفيو" ولم يسألن أحد عن شهادة الخبرة ولا الشهادات الأكاديمية. فهل تريدون شهادة على كرامة الشيخ البشير أوضح وأكبر من هذه. اللهم أرحم الشيخ البشير بن مالك واسكنه يا الله فسيح الجنات مع النبيين والصديقين والشهداء والصالحين وحسن اولئك رفيقا واجعل اللهم البركة في ذريته يا كريم. * شيخ البشير مالك رحمه الله من شيوخ فداسي الحليماب المشهورين ونحسبه ولا نزكي على الله أحدا من عباد الله الأتقياء الصالحين.
Quote: يا بني، فالأرزاق بيد الله ". سافرت إلى السعودية واشتغلت بحمد الله وفضله ولم تعقد لي أي معاينة للتوظيف "إنترفيو" ولم يسألن أحد عن شهادة الخبرة ولا الشهادات الأكاديمية. فهل تريدون شهادة على كرامة الشيخ البشير أوضح وأكبر من هذه. اللهم أرحم الشيخ البشير بن مالك واسكنه يا الله فسيح الجنات مع النبيين والصديقين والشهداء والصالحين وحسن اولئك رفيقا واجعل اللهم البركة في ذريته يا كريم. * شيخ البشير مالك رحمه الله من شيوخ فداسي الحليماب المشهورين ونحسبه ولا نزكي على الله أحدا من عباد الله الأتقياء الصالحين.
شيخنا ود البلة حمد الله علي سلامة العودة والحكمة كانت فيهم كبرنا وشيوخنا عليهم رحمة الله جميعاً وفي القصة موعظة لكي نكون صادقين في كل شئ في حياتنا
يام دراستنا في دولة المجر كان من المحال أن تستخرج شهادة أعفاء من الخدمة الإلزامية ( وكانت محددة بسنة 1964 ) طلعت جواز سفري بتاريخ ميلاد ( 1963 ) وفعلاً ما أحتجت لتلك الشهادة لكن فقدت الإستفادة من اليوزفير في تذاكر السفر وبعدها قرر رجالات الإنقاذ ان يكون حد التجنيد الأجباري ( 1958 ) تاني دخلت قلت يا خالد مافي خير رجع جوازك بتاريخ ميلادك الأصلي المهم يا سيدي جاءنا في المجر سفي السودان في دولة النمسا والقنصل وكانت جلسة تنورية للطلبة للحاصل في السودان وكان السفير أيمها البروف أحمد عبد الحليم عليه رحمة الله الدبوماسي الشهير بعد المحاضرة بدأ العمل القنصلي للطلبة ( ودا كان همنا اللذي دعانا لحضور تلك اللمة ) ميت للقنصل وقلت له بكل صراحة قصتي ولم أنقص حرف أني زورت تاريخ ميلادي ليكي أنفد بجلدي من شهادات الإعفاء كل سنة والآن أريد أن أكت تاريخ ميلادي الصحيح في الجواز وهذه هي شهادة ميلاد موثقة نظر لها وإلتفت للسفير وقال يا سعادة السفير خالد هذا مزور تاريخ ميلاده في الجواز والآن يريد أن يعدله ومعه شهادة ميلاد رد السفير علي القنصل غير لي التاريخ يا علي ولدي نحن كدا السودانيين مع تاريخ الميلاد أنا عندي صديقي تاريخ ميلاده في جوازه أصغر من ابنه البكر
Quote: ملكتنا هي د. ضاحة يا المك يا ود المنسي.. وبسمات هي الأميرة بالفعل وعرفتها هي فعلا اميرة خلال الأسبوع الماضي.. وانا وصيفتها وربنا يديك الصحة والعافية .. بس ما على الطريقة المغربية
الوصيفة وأميرتها الرائعة كلكنَّ في نظرنا ملكات ولانفرق وكلكنَّ تيجان لرؤوسنا يحفظكنَّ ربي بل هي مسميات نطلقها
وضاحة وبت عمسيب هجرن البوست .. احتمال بت عمسيب بعذرها وما لاقية سيقنال للأنترنت .. اها ..وضاحة مالها.. وان شاء تكون انتهت من زحمة الدراسة والعمل.. والله يكون في عونها والله يديكم الصحة والعافية
ارسلت لي بت عطبرة هذه الحكوة الإنت حكيتها في بوست سابق يخص ناس عطبرة .. وهي بتفتش في بوستات عطبرة .. وقالت ليك هل انت نتذكر وين حكيت الحكاية دي .. وما تحرمنا من مثلها..
والله يديك الصحة والعافية
....
ود عمى نجيك لى ناس العقيدة ,, ونبدأ بقصة مولانا محمد خير. كان قاضيا بالدامر وجماعة من ناس العقيدة كان عندهم قضية ارض وكانت القضية منظورة امام مولانا محمد خير. يحكى لنا مولانا : القضية دى كانت بين اخوين اتنين. مات ابوهم وترك لهم ارض زراعية واحد فيهم كان انسان طيب وقنوع أخوه التانى زول عكليته ومتلقى حجج قال لأخوه الطيب ده : يازول أنا داير حقى فى ارض ابوى أخوه قال ليهو : مابيناتنا ارض اضرع فى الواطة دى محل ماتقيف كراعك ازرع. العكليتة قال ليهو: لا . إلا بالمحكمة. ما اطول عليكن ,, الجودية مانفعت قاموا الناس انقسموا قسمين. ناس واقفة مع الزول الطيب ده وبتاعين الحراشات والسواطة وقفوا مع الزول العكليتة . وبقوا كل يوم والتانى ناطين لمولانا محمد خير فى المحكمة وحكايتم بقت مشربكة وجاطت لمولانا فى راسو ,, نامن بقى يخرج من المووود نامن يشوف الجماعة ديل. يحكى مولانا قال: فى يوم وهو خارج من المحكمة تعطلت السيارة فاضطر للذهاب بالمواصلات العامة (بكاسي) قال وانا فى طريقى الى الموقف حليت الكرفتة ووضعتها فى جيبى وانسربت داخل البوكس ـ فى المقعد اللي فى النص ـ فتلفت يمينى لأرى ناس العقيدة تلفت يسارى لأرى الطرف الآخر من ناس العقيدة . إنتوا تآآآآآنى. والله حقو الزول يحكمها ليكن فى البوكسي ده
ارسلت لي بت عطبرة هذه الحكوة الإنت حكيتها في بوست سابق يخص ناس عطبرة .. وهي بتفتش في بوستات عطبرة .. وقالت ليك هل انت نتذكر وين حكيت الحكاية دي .. وما تحرمنا من مثلها..
والله يديك الصحة والعافية
هلا بالاميرة والسلام امانة لى بت عطبرة الحلوة اها يا اميرة اكان ده الانترنت حافظ لينا اى كلمة كتبناها طيب كيف الشورة نمشى وين من رقيب وعتيد؟ تقريباً الكلام ده كان فى بوست لى ودعمى هجو الاقرع لانه من العقيدة القصص الزى دى كتيرة بس وين الفضوة يا بنات العم. بمناسبة رقيب وعتيد دى اخونا ذواليد كتب مداخلة قال فيها قريبه عنده اولاد سماهم باسماء الملائكة وذكر منهم عتيد وبدل يكتب عتيد كتبها (عقيد) علَّق عليها اخونا الغائب الحاضر ودالقاضى قال ليهو: ياذواليد عقيد ده مَلَكْ جديد ولا قديم واِتْرَقَّى؟ ولحين فضوة ـ كل طلبات بت عبدالرحيم مجابة ان شاء الله بس هى تأمر
طبعا اخونا ود أبوسن ضر زمن ( التووست ) أو كما يحل لود البلة الكاروشة وكما يحلو لأهل الغرب تسميته ( الروك أند رول ) وتميز بها العديد من مطربي الغرب ومنهم جورج مايكل وهذا زمان كانت فيه الناس مهندمة التسريحة عالي ودردقني في النجيلة وافستان جكسة في خط ستة الحذاء كعب عالي يشرقط لو غطس في الرملة ومافي سجادة أو سباتا في ايامها كان ود أبو سن مقشوط في بنطلون بي كُسر وقميص أبيض مكوي سيف وكان ثقافة البشر أيامها ( البخلي القميص ما يشكو صعلوك ) كانت الحفلات تعج برقيص التووست ويا اللابس البمببي وما أحلاه البمببي عشان ما يجيني الفاضلابي طاير زي صقر الجو البمبّي
07:12 م Feb 3,2015 سودانيز أون لاين خالد علي محجوب المنسي كوسوفا
Quote: سودانيز أون لاين مني عمسيب هولندا
واحشني مووووووت يا ناس يا عذابي .
بالاحضان السودانية سلام .. ازيكم يا سمحين ديمة وسلام ..
مشتاقة ليكم يا اغلي من عيني واحلي من ابتسامي وبرضو سلام ههههه
بت عمسيب بتذكريني بي حدائق الزهور دي وتجي تحمليها ( زيب بت الطويلة ) هي مرأة قمحية سادة طويلة تمشي الهوينة كما يمشي الوجى والوحل تحمل قفة الفطور انتتيبع الفطور في مدرستنا الأبتدائية ( معهد التربية شندي ) والقفة تحمل كل أصناف ما تشتهي نفس الصغر سلطة أسود .. فول .. طعمية .. سلطة روب .. والملووص .. ( عجور بي الشطة )
سلام بت عمسيب وحمد الله علي السلامة وبركة الجيتي طيبة وعافية يا السمحة سماح وكيف خليتي العقاب كلهم إخياتك وبتك ( بنت اخوك ) سوما مرحبتين حبابك بدو ألموم ليك الناس ديل خلو الدار خلا ومحنة بقت محنة كت بلا لبن تاني حمد اله علي السلامة والجابكيجيب اختك بسمات بعد نجاح باهر
11:02 م Feb 3,2015 سودانيز أون لاين اميرة السيد استامفورد-الولايات المتحدة الأمريكية
العزيزة الغالية بت عمسيب هلا ومرحبا بسلامة العودة وعاوزينك يا بت عمسيب تحكي لينا بالتفصيل شفتي شنو وما شفتي شنو في السودان.. والله يديكي الصحة والعافية
Quote: الاحبة سمحين ديمة .. وينكم ووين باقي الناس السمحة ولا اقول ليكم ؟
ممكن سؤال ؟ مالكم بقيتوا كدا ولا يا ربي انا البقيت ؟
عمومآ انا ما فاهمة حاجة ممكن تفهومني ؟؟
الحنينة بت عمسيب الناس ما بقت جافية لكن الحياة قاسية ومشدوهين الخَلق في الدُنيا
نبدأ بي ست البيت والله بقت زي الشهفوفة تجي طايرة ترمي ليها حرفين وتجري شنيطتا تكون مع بسمات مشت قداما علي محل الـ ( فاست فود ) تحجز الطاولة وتعمل الطلبية إنتِّ قايلة شنو مافي وكت لي المحكركة والقرزنَّا
ود البوش بقى مشدوه في عقابو سوو الجواز .. طلعوا أذن الخروج حجزوا ... جايا متين .. أوشوف لي زول يقش البيت ويبخرو وغايتو نقول حمد الله علي السلامة اليوم السبت بتكون وصلت مدام ودالبوش للرياض وهسي بكون يضحك سنين سنين ويقرقر زي سيد الرايحو ولقاها
ود شيقوق ما خرابو عرريب وقرح يمرق من بنطلين ويدخل في التاني باقي الحاجات ما شافها الجامعة قرأ فيها بي الجلابية وقالوا الأيام مسوي لي كسكتّا وكدوس لزوم وجاهة ويمشي بي تروس باقي الركب سايبة قضاريف ورباطات مرخية تعال إتفاصح بجيب سيرة الدكتور الهندي
ود ابوسن مو حايق فاتح كمين بوست بقى صلاح جادات وفوق دا زارع لي مشروع في الخلا يساسق بالدريب الجاي بي حدى أم العيال
ود بلة باقي لي الأيام ديفي البلد لبتتو دي لبتت زولاً ضرب البلد ومغتس أصابعي كلها في قراصي بي دمعة تقيلة يتشربك فيها السوسيو لو وقع فيها
ود الفاضلابي مالي اللمبة جاز تقطع الكهربا في نيويورك يوقد لمبتو ويكتب بقى زي الفقير سيد المحاية يد في الدواية ويد ماسكة اللوح من تصبح لآمن تمسي هادا حالو وهارب من فراشو شان يجيب ليهو مِليلينات يستر بيها الحال في ديار لاترحم معدم
بسمات مشدوها مع الدفاتر والفاست فود ربنا يقويها وندعوا لها بالنجاح
ودقرشي داك أصلو زي مطر شندي زمان تجي مرة في الخريف ناس البصل ما بريوحها كلما تتعبأ تتفرتك
عواطف أدريس وزي ما بقول شيقا طوفا جات وما جات عابر سبيل
السيدة سلمى الشيخ سلامة فرحة غطتنا لما عادت تكتب من تاني لكن بيتا يبقى لي وضعت الأيام تلملم في الواجب من الخواجيات
عبد المنعم ود سيد أحمد بخل علينا بتلك الصور الجميلة من ربوع البلاد
Quote: الناس ما بقت جافية لكن الحياة قاسية ومشدوهين الخَلق في الدُنيا
ود المنسي الحبيب صدقت والله شدة أخوك ما مشدوه ومعصور في الشغل ، الأولاد ما جايب خبرهم وهم في عز معمعة الإختبارات ربنا يوفقهم. الدنيا بقت قاسية وأكل العيش بقى صعب بالحيل، ربنا يصبرنا ويرزقنا الرزق الحلال.
Quote: ود المنسي الحبيب صدقت والله شدة أخوك ما مشدوه ومعصور في الشغل ، الأولاد ما جايب خبرهم وهم في عز معمعة الإختبارات ربنا يوفقهم. الدنيا بقت قاسية وأكل العيش بقى صعب بالحيل، ربنا يصبرنا ويرزقنا الرزق الحلال.
ود البلة الله يدي العافية وربنا يهون أمر العباد لكن المشكلة الكبيرة حتى ست الحوش قنعت منو وبقت من مترو لي قطر جارية كرعينها حِفن من الجري ولحين ميسرة
والله يا ود المنسي عبرت عن حالتنا تمام التمام وفعلا الناس ما جافية لكن الحياة قاسية والمعيشة قاسية والغربة قساية لكن كلامكم وحكاويكم الرائعة بتيسر لينا كل شئ.. والله مشغولة شغل اليابا فضيل واتلومت لوم اليابا فضيل...حتى سرد اسرة بن لادن ما قدرت استمر فيها بالشكل المطلوب..لكن كمان ما براي..وكمان ناس ود بلة وناس ابو سنينة وود ابو سن وود شيقوق ومنى بت نفيسة بخلوا علينا بقصصهم وحكاويهم الرائعة والبتشد الانفاس لكن العوض في بسمات والجاياكم بعد يوم 22وحتملا ليكم صفحات وصفحات لغاية ما تقولوا ليها كفاية اقيفي...وحتستمر في نفس الوقت في اكمال قصة اسرة بن لادن...وهي وعدتني بذلك والله يديكم الصحة والعافية
سلام وشوق واشتياق لأهل الحوش ها ناس سحروكم ولاّ أدوكم عين وين لمتكم وونستكم وسوالفكم الظريفة البتفرق علينا هم الغربة البكاية أخونا ود شيقوق لم يزل مستغرقا في حزنه، وقد رحل توأم روحه ابن عمه المهندس الله يرحمه.
Quote: ههههه المسنوح قلت لي بقيت زي منو هههه الوجع كوم ياخ وبعدينك مش كان قلبت اسمها ماني مخليها طالبها 35 ضربة وصورة سلام آ ناس
هههههه ود ابوسن الحبيب حمد علي سلامة الجية يا صلاح ...... بت نفيسة عاملة عمرة في الأسنان (بسامات ) ما بسمات انا طالبها 50 مدورة اتصالات السودان ما رجعت يا دوب والجد شديد
Quote: ههههه المسنوح قلت لي بقيت زي منو هههه الوجع كوم ياخ وبعدينك مش كان قلبت اسمها ماني مخليها طالبها 35 ضربة وصورة سلام آ ناس
هههههه ود ابوسن الحبيب حمد علي سلامة الجية يا صلاح ...... بت نفيسة عاملة عمرة في الأسنان (بسامات ) ما بسمات انا طالبها 50 مدورة اتصالات السودان ما رجعت يا دوب والجد شديد
سلام يا ناس الصالون السمحين ومكملين السماحة والطبية والله مشتااااقة ليكم نأمن خرماااانة ههههههه وهدو لفحت لي بنبر لقيتو في الصقيعة لكن ظنيتو هيل الدرديري ود عمي كباشي الرسول مافي زولآ فيكم يكلموا يجي يشيل حالي ههههههههههه . اها وهدو قعدة بنبر الهنا يا خواني الوسيييع شايلني ومفضل اها ود بلة اكان دار يقعد في حداي والله يشيلنا زي العجب . علي واساعو النفوس مطايبة نحمدو هههههه
اها يا الحبان عقب جيتكم في شان احكي لكن لقيتكم كلكم مافيشين ظنيت لقيت ود المنسي وسلمت ورجعت والله يشهد شدة ما مشتاقة ليكم في مصر حاولت ادخل غلبني كل كل النت ضعيف وسجمان اها في السودان زي ما عارفين الحال لكن الفشاني التواصل المجيييييه بيني وبين ود ابوسن وود المنسي تلفونات تش ههههههه والله ونسة بمزاج القهوة وكمان شدة الله ما اداني قابلت ود المنسي ( فيس تو فيس ) ههههههههه والدليل الصور بس شيلو الصبر كلو واصلكم .
Quote: والله يا ود المنسي عبرت عن حالتنا تمام التمام وفعلا الناس ما جافية لكن الحياة قاسية والمعيشة قاسية والغربة قساية لكن كلامكم وحكاويكم الرائعة بتيسر لينا كل شئ..
الأميرة ست الجلد والرأس بنا يهون عليكم ويرد غربتكن غانمات فائزات بالشهادة
Quote: والله مشغولة شغل اليابا فضيل واتلومت لوم اليابا فضيل...حتى سرد اسرة بن لادن ما قدرت استمر فيها بالشكل المطلوب..لكن كمان ما براي..وكمان ناس ود بلة وناس ابو سنينة وود ابو سن وود شيقوق ومنى بت نفيسة بخلوا علينا بقصصهم وحكاويهم الرائعة والبتشد الانفاس لكن العوض في بسمات والجاياكم بعد يوم 22وحتملا ليكم صفحات وصفحات لغاية ما تقولوا ليها كفاية اقيفي...وحتستمر في نفس الوقت في اكمال قصة اسرة بن لادن...وهي وعدتني بذلك والله يديكم الصحة والعافية
ايوا شايفك أهملتي بوست أسامة بن لادن هي بالله كيف بسمات علها طيبة وعافية وخلصت أمتحاناتها بخير وعلي خير والله ليها وحشة بت أتبرة سلام ليهن هي إمتثال
سلام يا اسمح الناس وعزاز علينا .. الاميرة ست الدار وجميع الحبيبات والحبايب شوقي ليكم طاااااااااااال وبسأل عليكم الليل ونجمو وحتي انوار الصباح ... وكل طائر في سماهو وفي شريعتو الحب مباح .. زي حبي ليكم دا ... اها لعلكم طيبة وتامين ولامين عقب وعدتكم باشمارات السفر اها جيت انداح ههههههه. في البادي نحكي موضوع سفر قاهرة المعز والحصل.
التاريخ \ 27 \12\2014 تاريخ لا ينسي . اتحركت من امستردام زي الساعة تلاتة ووصلت القاهرة زي قرابة الساعة تمنية مساء لقيت في انتظاري الكلوس لقيت الكلس الهمباتي ود الاسد ولقيت الكلس المناضل البوشي ورفيقته الجميلة نمارق وكمان لقيت الكلس ود اخوي جاني من السودان لما طلبت منه الحضور والعزيز ملهم كردفان الانسان النسمة وياهو دا الشعب السوداني .. وانتوا شفتوا حاجة الاروع وراء وباديتو اول ما وصلنا الشقة الاستضافنا فيها الكلس رئيس حسب الموتمر السوداني ابراهيم الشيخ ربنا يديه الفي مرادو ويزيدو شقة حدادي مدادي تشيل كمية من الاسر ودا ياهو الشعب السوداني واللهي ما زال فيها حبيبنا البوشي ود كوثر دا كوم الكوم الجايكم لما وصلت وبعد ساعتين بالضبط البوشي قال لي يا خالتو نحن راجعين تاني المطار حقيقة استقربة وكنت شفقانة عليه عشان ظروف صحته قت ليهو ليه ؟ تخيلو قال لي شنو ؟ قال لي اصحابي جايين اسه من السودان عشان يتابعوا معاي ويمشوا معاي للدكاترة ولو احتجت عملية يكونوا معاي !!!!!!!!! يا اللهي اكاد لا اصدق لما بكيت وحمدت الله وشكرتو اني سودانية يعني لو لاحظتوا بالرغم من الضغوط الاقتصادية الشعب ما زال متمسك بالاكتر من الواجب !!! لما جوا الشباب المهندسين وعددهم اتنين واتونسنا قلت ليهم يعني يا السودانيين سمعنا بلحوق المريض الجار ولا الاهل من مستشفي لي مستشفي ابعد ومن مدينة لي مدينة لكن من بلد لي بلد دي ما سمعتها بيها واووووووعة تعملوها لينا سنة زي عادات الزواج شاي العريس وتوب ام العروس ههههههههههه عمومآ كانت لحظات لاتوصف وبقيف لغاية هنا والمثير الكتير الجميل لي قدام .
اليك صورة احدي الكلوس البملئ العين نأمن تفضل . لكن المشكلة أكان مشغول باختيار المشويات في احدي مطاعم امدرمان الساحرة واااااااااااو .
انقروا دا منو من الكلوس ؟ وما اجملها لحظات اوعدنا يا رب وسبعها لينا ههههههههههههههههه موش بقولوا للحج كدا برضو ؟
بت نفيسة: ما تنسي تتم القصة.. ود بلة: ما تنسى تمدنا من وقت لاخر بحكاويك السمحة البتنسي هموم الغربة ابو سنينة:نحن في انتظار حكاوي ناس فداسي العامراب وفداسي العامراب وانا طبعا سمعت زمان ان في ناس من فداسي اصولهم من المحس ود ابوسن: لو سمحت من وقت لاخر طل علينا بجاي .. ود شيقوق: طالت غربتك ..ان شاء الله انت بخير وعافية بسمات: ما تنسي وعدك.. ...ولي عودة لرسائل اخرى .. والله يديكم الصحة والعافية
Quote: وانا طبعا سمعت زمان ان في ناس من فداسي اصولهم من المحس
سلام أختنا أميرة عندنا فريق كامل في فداسي الحليماب، يسمى بفريق المحس، وهم من أفاضل الناس وأطيبهم وأحنهم وهم أهلنا وحبايبنا وجدهم الكبير اسمه أحمد حاج خالد ولديهم أهل في الخرطوم (العزوزاب). الشغل ما مدينا فرقة ولو لقينا لينا شوية فراغ بنتواصل معاكم. تحياتي للجميع
Quote: اها يا ود المنسي ود شندي هاك اخر نكتة عن مقالب الشايقية للجعليين.. شايقي ضرب تلفون لامير داعش وجرت بينهم المكالمة دي:~ الشايقي:الو ...السلام عليكم انت امير داعش.. امير داعش: وعليكم السلام ..نعم انا البغدادي امير داعش.. الشايقي:~الله يلعنكم يا ملاعين..ويلعن ابوكم..كرهتونا الاسلام يا اجبن خلق الله امير داعش:~ من انت ايها الرعديد ال. ك. ل. ب.. الشايقي:~انا امير الجعليين بتكلم معاك من شندي....
ههههههههههه بسمات خايفة عليأهلها هيييييييع خليهم إجويا سمات نحرقهم ز ما حقنا وليد الباشا الالباني محمد علي باشا
واحد شايقي ترك وصية قبل موته قال لاهله : كان متَّ أدفنوني في مقابر الجعليين أهلوا قالوا لي الكلام دا عاد كيفن ؟ قاليهم بس أدفنوني معاهم سألو طيب السبب شنو عاوز تدفن هناك مع الجعليين قال ليهم : عشان يو القيامة واحد من الجعليين يقول : حرّم الحِساب علي
اها يا ود بلة ما دام قلت كدي ..انا الصيف الجاي وفي طريقي لمدينة بركات في الجزيرة( عندي اهل هناك) سامر بفداسي الحليماب واتعرف باهلي الحنان.. والله يديك الصحة والعافية
يا ود المنسي ..وهو بالله محمد علي باشا الباني وانا قايلاه تركي الاصل ومصري النشاة...يعني ما فضل الا الالبان يجوا يحتلونا...لكن الشايقي كان غتيت غتاتة ..عاوز يفني الجعليين مرة واحدة على محرقة ناس داعش.. والله يديك الصحة والعافية.. بت نفيسة الغالية: نحن منتظرينك ..ووين الزهور الرائعة ديك والله يديك الصحة والعافية.. ود الفاضلابي..جاياك بكلمات بدوية ما حتقجر تعرفها الا تكون عايش حياتك كلها في البادية والله يديك الصحة والعافية
Quote: جنس فسالة عليكم غايتو ولا واحد يجيني في بوستاتي يسلم ساي قاعد اقرا لكن الكتابة هنا ليها مزاج لسة ما ظبط
عليكم الله شوفو ختا الزول دا مقلب عيونو وبدور الشر والله زرت ألبوستات الفتحتها ولم تكون زيارتيلها لاني بريدك يا عبدالحفيض لا والله صدق كنت أدخل فيها لموضعية التي تطرح يا رائع وتعجبني كتير الطريقة والنهج اللذي تنتهجه في طرح التيمة ولك الشكر والعذر أن قصرنا مودة وتحيات
يا ود المنسي ..وهو بالله محمد علي باشا الباني وانا قايلاه تركي الاصل ومصري النشاة...يعني ما فضل الا الالبان يجوا يحتلونا...لكن الشايقي كان غتيت غتاتة ..عاوز يفني الجعليين مرة واحدة على محرقة ناس داعش.. والله يديك الصحة والعافية..
Quote: يا ود المنسي ..وهو بالله محمد علي باشا الباني وانا قايلاه تركي الاصل ومصري النشاة...يعني ما فضل الا الالبان يجوا يحتلونا...لكن الشايقي كان غتيت غتاتة ..عاوز يفني الجعليين مرة واحدة على محرقة ناس داعش.. والله يديك الصحة والعافية..
الأميرة تصدقي محمد علي باشا ألباني الأصل من مدينة تسمى إشكودرا كان قائد في جيش الأتراك كان الجيش التركي عبارة عن مجموعة من من جيوش الدول التي يحتلوها من اليوغسلاف ... الألبان .. البلغار .. المجريين ... النمساويين وغيرهم من الدول التي كان يحكمها الأتراك
* هناك سالة من البوشناك وهم سكان البوسنة تسكن في الجبل الأسود ( مونتا نقرو ) تعرف منطقة هولاء القوم السنجك وأهلها يقال لهم سنجكلي كانوا أهل حرب ويحبون الجندية ومنها جاء اسم سنجك للشايقية لحبهم للجندية ( العسكرية )
* عندما دخلت جيوش محمد علي باشا السودان كخطة عسكريةترك أسماعيل باشا بعض من الجيش على الحدود السودانية المصية ( عند حلفا ) وكان هذ المجموعة لتحمي ظهره وكانت من الجنود المجريين ... فيما بعد أختلط هولاء الجنود مع الحلفاويين وكان اناتج فرع من الحلفاويين يعرف باسم ( المجرباب ) ديل ناس فيسل هليل أجدادهم مجريين ويعترف المجريين بهولاء أن اصولهم مجرية وكانوا يحصلون على منح داسية وسهولة حمل الجنسية المجرية إلى يومنا هذا
مناجاة فتاة الريف ( القرية ) تناشد الحبيب أن يكون قريب .... وهي قنوعة راضية برزقه قريب جنبها خيراً من أن يكون بعيد بحثاً عن الرزق يا سلااااام ويا سلاااام على تلكم الأرواح الصافية التي ولت في زماننا هذا تأمل كل حرف نابع من قلب صادق في حبه وحليل زمن الحُب لا تشوبه شوائب وغبار هذا الزمن الكالح سودا وبرقاً في الصعيد
سلام وشوق ومعذرة .. والله يا السمحين الليلة يوم النضافة العام في البيت من الصباح اناتق في شان اجي اتم باقي كلامي الوعدتبو الاميرة لكن المهم اسه جيت لباقي الكلام .
اها نحن وصلنا وين في قاهرة المعز مو دحين نامن جو الكلوس المهندسين من السودان واستقبلناهم اها تاني يوم كان في مقابلة لمناضل البوشي اتلبسنا من الصباح واتفقنا انا ونمارق فقط الحانمشي معاهو وكانت المقابلة مع دكتور امراض نفسية عشان افحص عليهو في الاول وفعلآ وصلنا العيادة وكان منتظرننا ناس حقوق الانسان وبعض الاطباء من ضمنهم اطباء بلا حدود وتمت المثابلة بحمد الله واستمرت كتييير من الزمن لكن طلع في قمة المعنويات العالية .. وطبعآ في كل مرقة ولا مقابلة مع بوشي ما بنجي راجعين دربنا عديل بالرغم من صعوبة مشيهو في بعض الاحيان لو ما ادقسنا ههههههههههههه وعملنا مشاكل مع المصريين ما بنقي داخليين طبعآ النوادر كتييرة الزي دي علا اجيكم يوم مخصوص عشان احكي ليكم من المصريين واستهبالهم هههههههههه لكن حقيقة شعب لابريدو لابحمل بلا
وبقيف هنا وحا اجي اتم باقي الرحلة الكلام يحلو ويطول قدر ما اقول ليكم كنت سعيدة قدر شنو برضو شوية .
يا الاميرة والله قدر ما حاولت اعمل تصغيير للصور بالبرنامج حق التصغير وانزل ليكم صور رفاق البوشي فشلت لكن اكيد بحاول وحا انزلها بما انه نزلتها في الفيسبوك بمنهتي الراحة والوضوح .
اليوم يا الغالية بت نفيسة بطلنا المرقة وحنعسكر قدام الكمبيوتر ونتابع الحوش وبعد الساعة ستة ونص حناخد استراحة عشان نتابع جوائز الاوسكار لافلام هوليود ....بس ما تنسي لا كبيرة ولا صغيرة .. والله يديك الصحة والعافية
يابت نفيسة ـ ياخ مافهمت تلفونك فى جيبى كيف ـ مشيت الماسينجر مالقيت رسالة منك بيها اتصبر شوية ـ انا جيبى ده كان بقا فى جلابية انصارى كان لقيت تلفونك ده . ياود المنسى سمعت ولا جابوهو ليك ـ بعدين باشة ودالبوش دى العاقبة عندكم فى المسرات ولا (وشكراً) ؟ إنتو تعالو هنا البوست ده مالو بقا زى الجنيه السودانى قبل كم يوم كان فيه تمانية صفحات هسع ظاهر عندى اربعة صفحات بس ـ
Quote: بعدين باشة ودالبوش دى العاقبة عندكم فى المسرات ولا (وشكراً) ؟
وشكرا جزيلا جدا كمان يا قديم بمنزلنا الكائن والله اشتهيت ونستكم خلو الاعراس دي تعدي وبجيكم هنا اهريكم هري بالنضمي الكتير شدة ما النضمي كتر بقيت اونس روحي براي
والجبة وقعت في الجب بسم الله في البير صاحبا واحد خنزير والهول ضرب التلفون والعسكر واقف طابور . . عواطف ادريس اسماعيل عديل كدا والله حقو الواحد اغني دق البوري يا علي . . لك كل الحب والمودة والصلات الطيبة حبابك يا بت ادريس في حوشنا وهمبريبنا
هلا .. هلا .. يا عطوفي... البوست ده زي ما قال لينا ود الفاضلابي يكون سحروه... ومرات افتش اليوم كله عشان القاه ... بلقاه غطس دوه الصفحات الداخلية وبتصل ببسمات وهي مشغولة بقصة بن لادن واقول ليها ما شفتي الحوش وين.. تقول لي / ياتو حوش .. واقول ليها حوش الناس السمحين وتقول لي حوشك اختفى واحتمال يكون صاحب المنبر العام لغاه ....وفجأة القى الحوش قدامي.. والمرة دي كمان جانا الحوش مضوي بانوارك يا عواطف..... وكمان جبتي معاك ود المنسي وود الفاضلاب وابو العروس ود البوش.. بس فضل لينا كمان ود شيقوق وود ابوسن وبقية العقد الفريد... والله يديك الصحة والعافية
ود الفاضلابي العريس عرفناه بس الطاحونة دي لشنو!!! وبت السودنة البرجوازية مشغولة بقصة بن لادن لأنها وعدت ما تنقطع وانها حتتم الفصول بنفس واحد’’’’ وحكيت ليها الكلام المكتوب هنا قبال شوية وقالت هي امنيتها امنية واحدة ترجع الليلة عطبرة وتقيف قدام الأتبرواوي.. والعرسان براهم حيجوا... بس الله ينجينا من الغربة الصعبة دي... والله يديك الصحة والعافية
Quote: ياود المنسى سمعت ولا جابوهو ليك ـ بعدين باشة ودالبوش دى العاقبة عندكم فى المسرات ولا (وشكراً) ؟ إنتو تعالو هنا البوست ده مالو بقا زى الجنيه السودانى قبل كم يوم كان فيه تمانية صفحات هسع ظاهر عندى اربعة صفحات بس ـ
* أنت تغيب وتجي تتكرش زي سيدالرايحة وتقولي سمعتو ولا جابوا ليك يبقى لي السبح تقلت ( مدد ) هههههههههه إتمحق يا الفاضلابي بكري زعلان من غيابكم
* الأميرة أنت بالذات متلومة لو اليابا فضيل قاعدين نحن نرفع في البوست ونلز لما ضهرنا إتكسر وإنتِ كاسرة في أضانك قشة
* عواطف بت أدريس كيفك يا المبروكة ويا القريب وبعيد
* هيييييع ود البوش ذاتو إتخلخل وجا في ايام بوش بنيتو والله ماشاء الله
* بت نفيسة سلااام ومالا زهورك الليلة شوية الشتاء وقع تاني حسب علمي 1 مارس بدأ الربيع هههههههههههه سلااام للغياب ودابوسن ود بلة ابوسنينة ود الرشي ود سيد أحمد وضاحة وحتى بت السودنة البرجوازية بسمات
انت الخير والبركة يا خالد ود المنسي...كيفن تقول انت مما تجي تفرتقنا لانك انت البتلمنا بالكلام السمح البفتح النفس وينسينا هموم الغربة وماسيها ....والله يديك الصحة والعافية واللقمة الدافية
Quote: انت الخير والبركة يا خالد ود المنسي...كيفن تقول انت مما تجي تفرتقنا لانك انت البتلمنا بالكلام السمح البفتح النفس وينسينا هموم الغربة وماسيها ....والله يديك الصحة والعافية واللقمة الدافية
تسلمي يا الأميرة وتب ما خطينا الدرب يوم سميناك الأميرة وديباجك مخمل وتاج تعرفي دعوة اللقمة ادافية فيها بلغة جميلة يعن أديك زوجة نشيطة وست واجب ما تأكلك من الثلاجة هههههه
الغربة أريتا حال الشوم ربنا يرد غربتكن يا الأميرة إت ورفيقاتك ناس بسمات وإمثال وليل الغريب والنار تبق جوة الضلوع وأما الدموع سيل منهمر والذكرى جمرة تحرّقو والوحشة تأكل من حشاه تأرقو يطرى البلد وناس البلد ويفضل يعد يعد وينسى العدد
Quote: طاحونة ومرة مجنونة في السوق تدقدق وفي البيت تنقنق سلام عليكم علكم شداد مبروك ود البوش ود المنسي قام تاني يتلولو
والله الطاحونة في اللد الحيكومة وبس ما خلت عقل في زول عشان يفكرلي طاحونة غيرها ههههههههه قلت لي قمتا تلولو هههههههه يا با لويت قرمبعة في ضان غنماية عنيدة تعرف يا ود أبوسن زمان كان عندنا غنماية بتاعت جيرنا جننتنا جن في شوال الدقيق تدخل بس علي وتدخل راسا قدر ما تدقها ما تمرقو تاني محجو أخو كان شقي قال لي بطيرا ليك الغنماية دي ربط قرمبعةبي خيط وفضل منتظها لما جات مسكها وربط لها الخيط في اضانها ربطة قوية وجدع لها القرمبعة جوة ف أضانها ويا زو عينك ماتشوف إلا النور الغنمايةالتقول ركها جن فضلت تجي وتلف وتنطط وفضلت لافا صينية لحدي ما لقت باباحوش ومرقت ومن يومها طارت فد طيرة
يا جماعة الخير... مشتاقييييييييين .. زي ما بتقول وضاحة...
مشتاقين نسمع من اسحق ود بلة عن كرامات الشيخ .. شيخ فداسي .. وزي ما قال الفاتح ميرغني ـأن كتابات ود بلة دائما متلألئة وذات بريق خاص..
ومشتاقين لكلام عبيد الطيب ,, ولوحات عبد المنعم وحكاوي يوسف ابو سنينة..
ووضاحة تاني ما جابت لينا حاجة بعد ما جابت الكابلي القال:" قالو الدود قرقر حبس الدرب""
والنعمان خوجلي جا تاوق وشرد فد شردة وما جانا راجع..
وموسى الراجل جانا وزارنا وشكر ونستنا وقال انها من لحم المتورت الشاقه العيش .. ومشى بدون ما يشرح لينا المتورت يعني شنو....
وعز الدين عباس الفحل شرف الديار بحروفه الأنيقة بلون الزهر الأزرق وطلته ابهجتنا..
ويحى قباني صاحب البوستات الدسمة جانا زائر زيارة قصيرة لكنه جانا بأكلة دسمة جدا وهو الفرجوني صاحب اقوي حنجرة غنائية في السودان..
اما ود الفاضلاب ، ود حلة بسمات فجانا مرة مرتين ويوم قال لينا:.. احبائي اذا التأم سامركم وجالت احاديث السنين الماضيات فأخلو مقعدي فأنا عليه باهازيجي والنشيد معطيات احبائي الذين عصرت قلبي اهازيجا لهم في اغنياتي انا غدا سآتي..
ولكن ود الفاضلاب ما جانا تاني .. ومقعده خالي..
وكمان اشتقتنا لزهور بت نفيسة ونتمنى عودة سلمى والله يديكم الصحة والعافية
Quote: الغربة أريتا حال الشوم ربنا يرد غربتكن يا الأميرة إت ورفيقاتك ناس بسمات وإمثال
سمح يالمك ـ نان انا بى تِستَثنينى من الدعوة السمحة دى قالوا لك انا مغترب فى مويس؟
Quote: وليل الغريب والنار تبق جوة الضلوع وأما الدموع سيل منهمر والذكرى جمرة تحرّقو والوحشة تأكل من حشاه تأرقو يطرى البلد وناس البلد ويفضل يعد يعد وينسى العدد
Quote: يا جماعة الخير... مشتاقييييييييين .. زي ما بتقول وضاحة...
ياسلام يا اميرة مايعجبنى فيك تلك الحروف التى تشى بما تكتنزه نفسك العامرة لاصدقائك من حب يجعلك تفتقدينهم تفصيلا ,, يبين انك لم تأخذى هذه الصداقة على انها كلام اسافير يذهب ادراج الذاكرة العنكبوتية ,,, اقول ليك ,,, انتى بت من زمن آخر ونحسد بسمات عليك.
ها الحبان والله ليكم وحشة مايعلم بيها الا الله ان شاء الله كلكم سالمين وتامين ومبروك لاخونا وحبيبنا ودالبوش ويارب حياته كلها افراح ونحن ولله مامنعنا منكم الاالشديد القوي وجري الدنيا المابخلص دا التحية لكم بدون فرز وربنا يديكم الصحة والعافية ويجمعنا بكم في روضته الشريفة باذن الله
وانت يا ود القرشي بالذات نسيتنا مرة واحدة .. ومن الربع الفات ما شفنا ليك اثر.. لعل المانع خير.. وزي ما قلت جري الدنيا بشيل الوقت كله... لكن تجري جري الوحوش غير رزقك ما تحوش.. زي ما بقول المثل ولازم تطل من وقت لآخر للحوش وتتفقد الأخبار وتسمع الحكاوي البتنسي الهموم.. \ وصدق لكلامك هسع من اليوم نحن حنجري لخارج الولاية ومعاي بسمات وامتثال وشلة من الصديقات الامريكيات والمكسيكيات عشان نجري جري الوحوش ورا الدنيا .. ومع اننا عارفين غير رزقنا ما حنحوش.. ويمكن نغيب عن الحوش ايام.. والله يديك الصحة والعافية
وقبل ما البص يتحرك بينا .. نكتب الخواطر السريعة دي وانا بتصفح في الربع الأول من عام 2014م للمنبر العام..
من اوائل الذين مرو ا بالحوش وعلقوا بتعليقات منيرة ومضيئة : جمال ود القوز.... وعبيد ود الطيب وعبد الرحيم ابراهيم ود العبيد .. وجا ورانا الموليتة بتتباع بالأكياس .. وما جانا راجع..
والصادق صديق سلمان.. وشكرني شكر لغاية ما حردت ما اسلم على بسمات لمدة يومين كاملين لغاية ما بقت تقولي .. لقيتي ولا لقيتي.. اما عبد المنعم سيد احمد فأهدانا هدية معتبرة وهي لوحة فنية للبنية البدوية الشايلة السخلة وبترعى في الخلا.. لغاية ما طبعنا اللوحة من الكمبيوتر وكبرناها ودخلناها في برواز وعلقناها في الحيطة..
ومبارك النعمة .. جا متوافق وبشر لود البوش... وما رجع لينا تاني.. والصحفية رشا بابكر.. جاتنا وورتنا صفات الراجل السمح ... وزارتنا تناي مرة واحدة .. ونقول ليها وحات خاتر امك صفية بت احمد تجينا راجعة .. وكرسي الخيزران جاهز في وسط الحوش... وتعالي لينا بقصة ممتعة,,,
- والحديث يطول... ومارقين هسع .. ونشوفكم قريب... والله يديكم الصحة والعافية..
وصلنا لولاية بنسلفانيا في رحلة يمكن نقول عليها رحلة عمل وفرفشة وجينا هنا للتحية ... ولمن نرجع ان شاء الله نلقى الحبان متلمين في الحوش. ..ونقعد نسمع في صمت حكاوي تنسي هموم الغربة القساية....والعد التنازلي لكثيرات منا قد بدا للعودة للوطن الحبيب...والنور بدا يلوح من بعيد في نهاية النفق... ولمن نرجع نفصل ونحكي.. والله يديكم الصحة والعافية
لازم نشرح لناس بت السيد وبت عبدالرحيم المصلحات المعروف لكن المسنوحات ديل ما جايبات خبر
Quote: وكان سكتا مدني بتغرق
قاليك مسطول بسطل على النيل الازرق فوق كبري حنتوب السطلة ربطت شاف النيل يجري من الشمال للجنوب حسب سطلتو فقال لو قلت الموية جارية من الخرطوم على مدني بقولوا ساطل وكان سكتا مدني بتغرق . . والى حين ميسرة
اها تاني انشوف مسنوح واحد اجي اتسلبط في اللقب دا . . غايتو كان اندحت القيامة بتقوم وكان سكتا مدني بتغرق.
تاني لاعب النص ( الله نحن أريتو نصنا لي للكَـــ لاب ) إت يا ود الفاضلابي ناس ولاد جيرانكم بسألوا منك وبنشدو خبرك غايتو نحن لينا الله وعيشة حمدالله ونحمدو علي كل حال والله ما بنسانا نحمدو سيدنا
ودحين لاعب النص موش فكت منو وكورتو بقت كعبة وبرشلونة ذاتو دايرا تشطبو
مشطوب وبغنوا لي نحن خاتين الفأس علي كتفنا وبوبحنا غادي ننم فوق البعجبنا زين
الحال العلي حال العدو المسكين وحال كتفوهو وسالين علي السكين وحال الفي البحر حايشنَّو تمساحين وحال الفي السجن ماقدرولو سنين
أنا الككو الفجخ الطين أنا الضب الوقع في العجين أنا الشين إني كاككا ولحين ميسرة
روعة المزج ومن المزيج مادة جديدة راوئع الفنان الشعر محمد ود الرضي وفن عليفوني أصيل وصف الخنتيلة وفي وصف الخنتيلة وصف لجمال الحسان فيها وتيه وإتاكا وفي التيه عزة وأفتخار بجمال فاتن والله يكفينا شر الفتن كفانا الجمال وفي الجمال والحسن عظمة
اللحن هنا لأغنية وصف الخنتيلة وقد جارى فيها المغني لأخر لحناً بأغنية تيه وإتاكا وهذا ليس لحنها الأصلي لكنه أجاد وأبدع نسمع بتمعن هذه المعاني الرصينة في الوصف الغزلي لمحاسن المرأة لمن وصف الخنتيلة وتيه وإتاكا
رويحتي كتيلة قليبي يشابي حسب ترتيلا صِدير هزاز وضميرا فتيلة وليها عيون أريل في نتيلة
خريف وشتاكا ميس يا بان امصري أتاكا النسام البي أفتاكا جابلي روايحك لي فتاكا وزادني هِيام
وأخخخ أنا الخلا ولع يا ود ابوسن جيبو ورق إتفرق ... عارف خيطك بجي في النضمي دا
يا ود المنسي خلع الضرس في نيويورك ما غالي...بس ١٥٠ دولار .. لكن المصيبة تركيب الضرس الجديد...6 الف دولار عدا نقدا اذا ما عندك تامين صحي... والله يديك الصحة والعافية
Quote: يا ود المنسي خلع الضرس في نيويورك ما غالي...بس ١٥٠ دولار .. لكن المصيبة تركيب الضرس الجديد...6 الف دولار عدا نقدا اذا ما عندك تامين صحي... والله يديك الصحة والعافية
كان كدي يا بت عبدالرحيم أختي الفِشار والشوكولاتا يعني ود البش لو جاء هناك باع ضروسو بغنى 10 ضروس × 6000 دولار = 5995 دولار هو مو زول حوباتبعصر الخمسة دولار للسيستر وتان بس يشرب حليب يموصو لي في بسكويت هههههه
يا بت عبدالرحيم الله يديك الصحةوالعافية وتب ما يوجعك ضرس ولا شئ تاني
Quote: ده جدول الضرب الجديد؟ ليك حق تنَقِّصا عشان اى حاجة فى السودان ده نقصت علا جدول الضرب
حاشا أن ينقصّك أحد يا الفاضلابي بدين ومتعشي .... أنتَّ مالك بتاخد الجدول من نصو لم تهتم بالبقي اللذي تبرع به ود البوش للسستر 5 دولارعدداً وكمال لتكملجدول الضرب الما نقص ولم ينقص أحد قدرك
غاتو جنس غايتو زمان ودانا الاستاذ لزيارة التاجر وكان عمك عجوز بتاع فخار وكانت عنده قلل صغيرة بتاعت الرحمتات كان عددنا 30 تلميذ سأل التاجر الأستاذ التاجر وعمك عجوز القلة بي كم يا حاج؟ قال لي : بي 1.50 ( قرش ونص ) الاستاذ ضربها سريع أعطى التاجر مبلغ 45 قرش قال لي أدي الأولاد كل واحد قلة وععدهم 30 طالب عمك العجوز الكلام ما وقع لي قال عمك للأستاذ : آ زول خليني من حساب الأفندية دا شيل قلة وخت قرش ونص احد واحد
يا ود الفاضلاب.. انت نسيت ود المنسي قال ليك ود البوش حيناول خمسة دولارات للسستر لزوم الرشوة .. وبعدما تنقص الخمسة دولارات من الستة الف .. تبقى ليه 5995 دولار.. والله اشتقنا نرجع لزمن الحكاوي السودانية الريفية الكنت بتحكيها ومعاك ود البلة ويوسف وبقية العقد الفريد... والله يديكم الصحة والعافية
اتونست معاى وبكيت "حكيت لى عن زمان " وضحكت منى ،على ، احب الماضى ، وافرح بالحاضر واتمنى ان يكون القادم احلى ، مش دى الافعال التلاته ؟ ماضى حاضر مستقبل ؟ حكيت لى عن اول جواب "حب " فى المدرسة كانت زميلاتى نعمات وحليمة كانن بضحكن فينى بسمونى محمد ولد ماعندى اى علامات انثى ، ولا منفعلة بالصبيان زيهم، اذكر امال كانت مهووسة بصبى اسمه كمال ، وحليمة مجنونة بصبى اسمه صلاح ، تغنى له "ما بسيبو صلاح لوعبو لى سلاح "كنت احب ان العب معهن الحجلة ، كل لعبة كانت امال تنادى كمال بصوت عال ، وكذا تفعل حليمة ، لهذا كانت اللعبة لصالحى دائما، كن قد بلغن مبلغ النساء باكرا ، لكنى لم اكن مثلهن ، لذلك كن يناديننى "محمد ولد " ذات صباح جئت الى محطة الباص ، وحين وصل الباص مددت لهن فى صمت ورقة مطبقة ووسطها تقعد صورة صغيرة ، كنت اعرف صاحب الصورة والورقة المطبقة بعناية ، ابن الجيران ، كنا نلعب " البلى معا قدام بيتنا " ذاك الصباح كان يلبس ملابس المدرسة "رداء قصير وقميص ابيض شعره مسرح بعناية " كان هو فى الثانوى وكنا فى المدرسة المتوسطة يومها ، بيد مرتعشة مد الى الورقة ومضى مسرعا كأن الريح تحته "غمزت امال لحليمة فى الباص حين مددت اليهن بالورقة " محمد ولد بقى عنده حبيب " قامت حليمة من مقعدها باتجاهى حاملة الورقة التى كنت قد مددت بها لامال ،سالتنى حليمة ــ اسمه منو ؟ ــ قاسم حليمة قالت ــ اسمه حلو ، قريتى الجواب ؟ ــ لا ــ ليه ؟ ــ ساكت علقت حليمة على الصورة ــ حلو شديد ــ لم اعلق ــ ممكن نقرا الجواب ؟ ــ ممكن ــ قبلت حليمة الصورة وقالت بغيظ " احلى من صلاح " لم اقل شيئا وضعت الصورة والورقة فى قعر الشنطة خشية ان يراها احد من اهل بيتى لم ارد على رسالته ، كان يجئ الى بيتنا رفقة اشقائى ، لم اكن انظر اليه خشية ان ينفضح امرنا ، صمت لفانا معا ، مع ذلك كنت احب طريقة تسريحة شعره الناعم المموج ، وطريقة لبسه للقميص حيث يترك القميص بدون ان يحشوه ، يبدولى مغايرا من كل الصبيان فى سنه ، وسيم الى حد مفرط ، لم نتحدث عن تلك الرسالة قط ، ثم بعد تلك الرسالة ببضعة اشهر انتقلت للعيش فى مدينة الابيض ، نسيت امره تماما ، حدث ان عدنا فى اول اجازة لامدرمان ، كنت اتلهف للعودة لرؤيته ، لكن ذلك ماحدث ابدا ، يوم وصلنا الى المدينة ، كانت المدينة حزينة ، مسربلة بحزن عم الحى بكامله ، سمعت الصوت الباكى فى الحى ، كان بيتهم قريب الى بيتنا ، مشيت ناحية الصوت النائح ، وجدت باب بيتهم مفتوحا على مصراعيه ، نساء يبكين بحرقة ، رجال يدخلون ويخرجون ، رايت امه ، كانت ثكلى تتمرغ فى التراب ، حزن يلف المكان ، سالت عن من مات ؟قالوا قاسم .. مضيت الى حيث بيتنا ولم اعبر تلك الناحية حتى سفرى عائدة الى الابيض .. ايوا ديسمبر 2014
كان بيتهم قريب الى بيتنا ، مشيت ناحية الصوت النائح ، وجدت باب بيتهم مفتوحا على مصراعيه ، نساء يبكين بحرقة ، رجال يدخلون ويخرجون ، رايت امه ، كانت ثكلى تتمرغ فى التراب ، حزن يلف المكان ، سالت عن من مات ؟قالوا قاسم .. مضيت الى حيث بيتنا ولم اعبر تلك الناحية حتى سفرى عائدة الى الابيض ..
..........,,,,,,,,,............. الحبيبة سلمى يا سلام على طلتك البهية.... سعيدة جدا بعودتك للحوش... والله يا سلمى انا عاطفية جدا.. ودموعي تنزل بدون سبب.. وهسع لمن قريت المقطع ده.. دموعي نزلن.. مع انه الحكاية دي ممكن تكون واقعية او رواية لكاتبة مجيدة مثلك... فهل هذه القصص والحكاوي التي نقرأها من وقت لآخر هي احداث واقعية في حياتك ام هي احداث في شكل رواية ولكن مهما يكن الأمر.. فإنك يا سلمى تشدين اسماعنا واذهاننا وحواسنا شدا ولا نرفع عيوننا من السطور... فيا ليتك لا تبخلين بهذه الروائع .. والله يديك الصحة والعافية
اميرة الاميرة تحياتى هذه قصة حدثت لى ايام كنت صبية فى المدرسة الثانوية العامة صديقاتى نعمات وحليمة ما زلن صديقاتى حتى الان رغم تشتت شملنا شكرا لك ورحم الله قاسم حبيب الصبا اسمه قاسم يعقوب الحلو وكان جارنا فى العباسية
Quote: اميرة الاميرة تحياتى هذه قصة حدثت لى ايام كنت صبية فى المدرسة الثانوية العامة صديقاتى نعمات وحليمة ما زلن صديقاتى حتى الان رغم تشتت شملنا شكرا لك ورحم الله قاسم حبيب الصبا اسمه قاسم يعقوب الحلو وكان جارنا فى العباسية
بت الشيخ سلوم ليك وحشة يا سلمى يا الأميرة زي ما قال حبيبنا مولانا أبوبكر أبوالقاسم سلمى بت الشيخ سلامــــة ربنا يحفظها ويغطيها من العين ( ماشاء الله وماشاء الله عليها ) لو ونستك بي الموت تشتهي تموت هسي ربنا يحفظ سلمى تحياتي ومودتي لكما ولحين ميسرة وين الفاضلابي المكاجر
انتشر أهل الريف في الأرض، منذ نحو شهرين، يبتغون الحصول على الجواهر الياقوت والمرجان والزمرد، من بين حصى القلاع وحجارة الأودية، ليبتاعوها ربما بثمن يراه بعضهم دون المطلوب رغم أنه يتراوح ما بين (30إلى 500جنيه)، لدى مشترين ببعض حواضر، ولاية نهر النيل ريثما يحوِلونها إلى الخرطوم، لتصدر منها إلى دول الخليج العربي. الحجارة قبل الانتخابات في أرياف محلية المتمة تتفوق حملة جمع الحجارة الكريمة والحجارة المضيئة، بنسبة (100%)، على حملة الانتخابات، ما أن تجلس مع مجموعة إلا وأخرجت لك حجرا وفحصت لك جودته بإضاءة هاتف (ربيكا)، فإذا رأيت النور داخل الحجر، ما عليك إلا أن تصدق أن جوهرا داخله سيدر عليك مالا وفيراً، خاصة إذا كان الحجر ناصع البياض، حدثني أهل الريف خلال اليومين الماضيين عن تجارة الحجارة، وكيف أن بعض عضوية المؤتمر الوطني عندما ذهبوا لتدشين حملة الانتخابات بقرية السيّال استغلوا فرصة إصلاح عطب بإحدى السيارات، ودلفوا إلى القلاع يبحثون عن الحجارة. تعلق قلبي بـ(…) كنت مهموما بسر تعلُق الشباب والكبار بجمع الحجارة حتى النساء وسائقي سيارات الأجرة، وظللت أسأل دون أن أجد إجابات مقنعة، ولكن محدثي قصي محمد سالم قال لي: إن الحجارة تباع وتصدر من الخرطوم إلى الخارج لتصنع منها (فواريز) للخواتم. نهار أمس الأول (السبت)، كنت بين مجموعة من الشباب، التقط معظمهم حجارة وأودعوها جيوبهم، سألتهم عن ثمنها، فاستفسر أحدهم أحد معارفه بمدينة المتمة عبر الهاتف، فكانت إجابة الأخير أن أسعارها تتفاوت حسب جودتها وتبدأ من (30 إلى 40) لحجارة القلاع الصغيرة، وتصل إلى (500) جنيه للحجر الأبيض المأخوذ من الأودية. مشغول بالشجرة صباح اليوم (الأحد)، تحركت من قريتي الصغيرة الوقيداب بالريف الجنوبي وتوقفت داخل سوق مدينة المتمة، دلَني شبابها على أحد الذين يشترون الحجارة، بائع القهوة بلّة الحاج جبّة، عندما توقفت عربة عبد الوهاب حسين أمام القهوة، عاجلني عضو المؤتمر الوطني المقداد سليمان، المشغول برمز الشجرة حالفا بالحرام أن اتناول كوب قهوة، وقدمني لبائع القهوة مشتري الحجارة، ودلفت إلى داخل المحل فإذا هو به كوم من الحجارة البيضاء، خرجت وعرضت عليه حجرين كانا بجيبي، فقال مثل هذه الحجارة نسميها العجوة، نشتري الكيلو منها بـ(40) جنيها، وما هي لحظات إلا وأمر العاملين معه بإحضار أكياس في كل واحد كيلو من حجارة العجوة. نسبة من الماس وعاد بلَة يحدثني عن سوق وأنواع الحجارة، فقال: “تستخدم الحجارة في صناعة فواريز للخواتم، و أزرار للبدل الدبلوماسية، وتوجد بينها حجارة كريمة بها الياقوت والزمرّد وجدها الناس في مناطق قرى الصلوعاب والشطيب والشكابة، بالريف الجنوبي للمحلية، وكل الحجارة بها نسبة من الماس ( الالماظ)، وعن مباعه ومشتراه قال: “اشتريت حجرا جيدا قبل نحو يومين بـ(250) جنيها وبعته بـ(600) جنيها، ولكن بلة أبدى تخوفا من تقنين عمل شراء الحجارة، وأشار إلى أن من بين المشترين معه بمدينة المتمة، عبد الناصر بخيت، ويوسف قمر الدين، وحيدر إمام. سماسرة الحجارة: يقول مشتري الحجارة بمدينة المتمة، إن ثلاثة سماسرة يتقاضون حقهم منه قبل أن يبع ما بحوزته للمشتري الكبير في الخرطوم، ليصدر الأخير بدوره الحجارة إلى دول الخليج والصين، وقد قال كثيرون من البائعين و المنشغلين بالحجارة إن أسعار الالماظ في دول الخليج وصلت (36) ألف درهم، وفي الصين ألف دولار. المدير مشغول بالحجارة: المعلم محمد الفاضل مدير مدرسة الصلوعاب الثانوية، قال لـ(اليوم التالي) إنه انشغل بجمع الحجارة، مثله والآخرين، خاصة وإنها توفر له مصروفا للترحيل وقضاء بعض الضروريات في ظل شُح رواتب المعلمين. اليوم التالي
منقول من بوست فرانكلى
بختك يامك ماتنسى اخوك ,, وناس حوش بت السيد وودابسن ده شوف ليهو قرين كارد ممضى من عمدة كلى *********************************** مسطول جوهو جماعة ناشطين قالوا ليهو عاوزينك تشارك معانا فى اليوم العالمى للمرأة قام إِتْحَنَّن
اها يا ود الفاضلاب.. بمناسبة قرية الصلوعاب.. دي آخر نكتة قالتها بت حلتكم .. بت عبد الرحيم وهي استلمتها في الواتساب من صديقتها في اتبرة.. : قرر بيل غيتس مدير مؤسسة المايكروسوفت ان يتنازل عن ادارة المؤسسة وان يعين مديرا للشركة.. وتقدم الف مرشح لتولي المنصب واجتمع بيل غيتس بجميع المرشحين لإدارة الشركة وقال لهم :: الماعندو دكتوراة في مجال الرقائق الإلكترونية يغادر القاعة.. فغادر 500 من الحاضرين.. وقال لهم والماعندو خبرة اكثر من 20 سنة في هذا المجال فليغادر... فغادر 400 من الحاضرين .. وبقي 100 جالسين فقال لهم والبيعرف اقل من 20 لغة يغادر.. فغادورا كلهم إلا اثنين فقط ظلوا جالسين... فقال لهما بيل غيتس:: هذا رائع جدا.. فمن انتما؟؟ فقالا:: نحن من قرية الصلوعاب في السودان.. وبالمناسبة انت كنت بتقول شنو للناس ديل؟؟؟!!!!! والله يديك الصحة والعافية
ليس هناك أجمل من صديق ممزوج بنكهة الأخ.. فالحياة قاسية ولكن تلينها الأخوة الصادقة... وبعض الاشخاص وطن.. يجعلونك تمتفي بهم من كل البشر.. وهناك أشخاص عندما تلتقي بهم تشعر بأنك التقيت بنفسك.. والسيرة الطيبة هي أجمل ما يتركه الانسان في قلوب الآخرين وثروة الانسان هي حب الآخرين..
جعلكم الله، يا أحباب الحوش، كالسماء علواً وكالجبال ثباتاً .. وكالأرض تواضعاً وكالبحر كرماً .. وكالليل ستراً وكالشمس نوراً وضياءاً وجعلكم كالغيث اينما وقع نفع.. والله يديكم الصحة والعافية اينما كنتم واينما سرتم
Quote: فقالا:: نحن من قرية الصلوعاب في السودان.. وبالمناسبة انت كنت بتقول شنو للناس ديل؟؟؟!!!!! والله يديك الصحة والعافية
هههههههه ناس الصلوعاب انا قايلهم قاعدين باعتبارهم عشرين خبرة فى رقائق الكِسْرة ..... ودالمنسى يا اميرة يشيل ويعتِّل فى البوست ويلولى فيهو من يومو اللِّتْوَلَد وشال اخوه الكبير لى يوم دُخلَتو بيتو فى الارشيف وجاب لهن الفنانين والفنانات ووصل لى عند الحبشة ووكت يِنْعَضِر يقول لحين ميسرة ماقَصَّر تب فما يبقى جزاهو زى الرباطابى الـ راح يزور قريباَ ليهو ماتشاوفو من زمن طويل ـ الرباطابى دخل وسيد البيت اتلهَّمو بى كباية موية زرقاء وبعد شويى جابو الغداء كسرة بى بصل وزيت نص الصحن موية موجو يضرب كان ماقلتى ياشيخى بسبار يخَتْفِك تمساح ...... ماطَوِّل عليكن سيد البيت عندو حملاً مَدَغْلَب ومْدوعَل كل مرة يمرق من الزريبة ويجى ينطط قدام الرباطابى .. وسيد الببيت يرجِّع الحمل الزريبة تانى الحمل يتفكا ويجى يترس قدام الرباطابى وسيد البيت يرجعو الزريبة الرباطابى عاين للحمل وقال ليهو والله انت ماقصَّرت العليك سويتو. المك ده يستاهل نضبحلو بوست دلوكتو فى السما وتجى اللميرة ترقص نوبى والمكة وضاحة ترقص رقبة وبت عمسيب ترقص تويست وبت الشيخ سلامة تقطع فوق المك قوافى الخوة وبت السودنة تغنى قطار الشوق ,, والمسانيح بى ربطة معلِم يهزوا فوق الملكات
البنعرفو نحن من زمان ان ود المنسي من شندي....واظنه ما بيكون سمع بالصلوعاب دي واقعة وين.. لكن اذا طلع هو من الصلوعاب .. فبت عبد الرحيم تكون اتلومت فيه لوم اليابا فضيل.... والله يديك الصحة والعافية
بسمات واللميرة ـ مداخلتى عن المك دى ماعندها اى علاقة بالنكتة غير الفقرة الاولى. باقى كلامى عن ودالمنسى المقصود بيهو انو ودالمنسى اكتر زول بيشارك فى الحوش وملحقاتو من برندة وراكوبة وقصدى مافى داعى نخليهو يعتِّل نامن نضطَّره لأن يكتب (لحين ميسرة) قصدى نقدر مشاركتو وجهده المقدر لاستمرار الحوش مفتوحا ويستاهل نسوى ليهو حوش براهو ,, وانا نامن كتبت المداخلة الفوق دى اصلا ما ورد بخاطرى الفهم الـ فِهْمَتو اميرة وبعدها بسمات وان كان لاميرة بعض العذر( لأننى أعدت قراءة مداخلتى بعد مداخلة اميرة فوجدت انه يمكن ان يُفْهم منها مافهمته اميرة ) وإن كانت لاتعذر عدم حسن الظن بى. على العموم يامك لك العتبى حتى ترضى ويبقى الحوش حوش الناس السمحين والناس الماسمحين لامكان لهم وقد احسنت الاميرة الاختيار كما سبق واسلفنا فى سابق زيارة لنا للحوش فاعذرونا ان افسدنا عليكم صفو سماحتكم وخوتكم بمداخلة حَمَّالة اوجُهْ. ومن خاف سلم. وارجو ان يدوم حُسنكم والعفو لله منكم.
Quote: المك ده يستاهل نضبحلو بوست دلوكتو فى السما وتجى اللميرة ترقص نوبى والمكة وضاحة ترقص رقبة وبت عمسيب ترقص تويست وبت الشيخ سلامة تقطع فوق المك قوافى الخوة وبت السودنة تغنى قطار الشوق ,, والمسانيح بى ربطة معلِم يهزوا فوق الملكات
العزيز عبد العزيز أبـ سبحة في التبادي كدي أنا من شندي فوق ( شندي القديمة ) ومن نفس الحي اللذي كان يسكنه مكوك شندي مذ أن قامت ( الآن ... مربع 8 ) الصلوعاب هي قرية غرب شندي ( راجعوا بوست رجال شندي وضواحيها فقط للعلم عن هذه القرية العظيمة بأهلها ) الموضوع ليس للوم لكن تنويه في لفترة الأخيرة ركزت النكات السودانية على دفن سم التفرقة في مزحتها بسمات كيف أنتهت أمتحانك يا بت عبدالرحيم الأميرة كيف أخبارك مع أم رقيقة يا الفاضلابي خلن أنا ناس المتمة والصلوعاب كان جيتم حرّم يلو ليك دفارات ههههههههه وفوقها كمين حمل بج زي البنقز دا
سمح الأقترح وأها هديل الأغاني
هاك يابت مصطفى
عديلا يو
وهك يالملكة وضاحـــة وت عبد الرحيم بسمات ح أهلكن
يا الفاضلابي ما جبت خيت بت عمسيب سنجكية
التوست ( روك أند رول ) حق بت البنادر سلمى بت الشيخ سلامــــة
يا ود البوش حكاويك بندورا بي الحيل لكن الجنى ( حسين الصادق ) قجتو الزي عتود البرم ... وصوتو زي صوت العناق الفاردة مابدورو تب ومكجنو كجنتي لي ملاح الخدرةالمفروكة والله مابدورو التقول بهررو في كرعي
Quote: لكن الجنى ( حسين الصادق ) قجتو الزي عتود البرم ... وصوتو زي صوت العناق الفاردة
اصلك ما بتطور كلو كلو عشان ما مسقف سقافة عالية دا كلو من عدم الاستسقاف وذكرتني خالي بلولة ونحن صغار كرهنا ليك اجمل الفنانين اقفل اقفل الرادي دا مكجنو اقفل اقفل العولق دا ياخ دا كرهنا فنان السودان الاول محمد الامين وتقدر تفتح شخمك في ربوع السودان نتدق
حكاية الجيب اللانكروز القلبتو من بنزين لجاز ومن كراسي لضل وكنب ابو الزفت انا منو انا القلبنجي ههههههه
في سنة 1991 كنت موظف بالبنك واستحقيت سلفية عربية واشتريت بيها لانكروزر لونو ظهري من الدلالة بتسعمائة الف جنيه وشيل ودق وشيل ودق وبعد الاستماع لكل اقوال الناصحين والمنظراتية اقتنعت اشيل معاي ركاب بدل ما مطنقع بيهو براي وشويتين تلاتة المنظراتية قالوا لي اقلبوا جاز بدل البنزين الغالي دا وطق طراااااااااااق قلبتو جاز ولكني ما كنت عارف عواقب القلبان جاز ما زول طيرة ساهي وفرحانة تركب شويتين تلاتة شيل الكراسي ديل وجيب بدلن كنبات طوال للوساع بدل الضيق دا اشيل ليك خمسطاشر راكب وخمسة ستة نعاج وطاااااااااااااااخ طرااااااااااااااخ قلبتو ضل وكنب وايضا ما كنت ادري عواقب القلبان ضل وكنب ما زول بهيمة ساهي وفرحانة تركب ولك ان تتخيل عزيزي القراي تفاصيل العملتين المذكورات اعلاه القلبان جاز والقلبان ضل وكنب من فك وتركيب وكسير وتقطيع وكلو زندية ساهي لاخطة ولا تفكير بس كوووووووو كررررررررررو طااااااااخ شال حتة برة وطاق طراق لصق حتة تانية ... يا عمك دي ابت تركب تفجخا ساهي .... افجخ ساهي خلاص كلو اتفجخ ..... يا عمك دي ما كنا عارفنها المنيوم ابت تلحم معانا نتجها ساهي ؟ تج تج خلصنا عشان نلحق السوق ههههههههههههه وتعال اركب يا سواق حصل الركاب ههههههههه على بجملة الايمان تلفها يمين تمشي شمال تدوس جاز اقع منها مسمار والجاز اندفق في الوطا وفي النهاية بعتها لواحد اسمو مليص بستمائة الف جنيه على عشرة اقساط سدد منها تلاتة وتاني لا لاقاني ولا انا سألت منو لليوم العلينا دا ما اسمو مليص وعفو الله والرسول ما يستفاد من هذه الحكاية : المرة السريعة يدها طاعمة هههههههههههههه
ست الحوش غايبة.. ولامن ترجع ... انا ماسكة القلم...
ود الفاضلاب.. ود الحلة.. مافي داعي للعذر والاعتذار.. ونحن عرفنا قصدك من اول مرة.. بس قلنا نعملها كمان نكتة جديدة.. وانت يا ود الفاضلاب والشربت من الاتبراوي اصلك ما بتغلط على اي زول .. وخاصة ود المنسي لأنه جاركم في المنطقة.. وكمان اصلا بت مصطفى ما بتعرف الصلوعاب وما بتعرف طيبة اهلها وكرمهم ونقاوتهم وبداوتهم وخيرهم الوفير.. ونحن بنسميها القرية الفاضلة.. وهي برضهها ما بتعرف الوقيداب واحتمال حتى ما بتعرف المتمة... ودمت بالف خير وصحة بسمات
منى بت نفيسة.. الغالية العزيزة.. انا متابعة سطورك اول باول في كل البوستات.. وفاقديم زهورك يا زهرة المنبر العام بس مشغولة بترجمة كتاب كبير عن قصة اسرة حضرموت.. ودمتي بالف صحة وعافية نسمات..
خالد ود المنسي وما دمت انت بتسكن في نفس الحي الكان سكنه المك نمر .,. فما عندنا اي كلام .. مع انه في واحدة من المتمة بتقول لي ان المكوك اغلبهم سكنوا المتمة.. وشكرا على النغمات الرائعة ودمت بالف صحة وعافية بسمات
- عبد الله ود البوش.. مرحبا واهلا بعودتك سالما وغانما.. والسلفيات دي من البنوك موجودة حتى الآن .. ولا لغوها.. ولا مستفيدين بيها بس الناس المحظوظة من المقربين من اهل الحكم.. ويا ريت ود البوش تستمر في حكاويك الرائعة .. ودمت بالف خير وصحة وعافية بسمات
عمي صديق ابوسن .. زول وناس ونكتة مرة قاعد مع بتاع الكنتين والزول بحكي لي عمي في قصة .. ود عمو طلب بت وابو ليهو .. قال ليهم يا اعرسها ولا اديها طلقة وادي نفسي طلقة . اها خشوا الاجاويد وادوها ليهو .. وعرسهم بعد اسبوع . اها عادتنا بعد القصة تنتهي بنعيدها بالاسئلة قلت لي زول قال شنو .. طلق راجل ابوها التليفة دة وقت الزول بقدر علي مشهالها مايديها بدور ياخدا لي نفسو جاهم زول حضر اعادة القصة . وسيد الدكان داير يصلي العشا . عمي قال ليهو امشي صلي انا بحكيها ليهو اها داك مشي يصلي وعمي بحكي للزول قال ليك البنية صيدة . والناس واقعين فيها . خطبها ود عمها وابو ليهو شان اتقدم ليها واحد مغترب . ود عمها جاب ليهو كلاش ودافر قدامو مراح . اتكتح بالتراب ورقد لي اهلها . يا تعرسوها لي وتشيلو المراح . يا افرغ الكلاش دة فيكم ووحات الله لا افرز البرضع ولا الشم صناجو عرسوها ليهو وهسة اولادو الفي قطر والفي امريكا وبناتو عرسن وجر القصة وبقت مشوقة مازي حكياني دة زول الكنتين سلم من صلاتو السلام عليكم . السلام عليكم طلق يا صديق لو ما حاضر اقول دي ما قصتي سلام عليكم كلكم
ود عمها جاب ليهو كلاش ودافر قدامو مراح . اتكتح بالتراب ورقد لي اهلها . يا تعرسوها لي وتشيلو المراح . يا افرغ الكلاش دة فيكم ووحات الله لا افرز البرضع ولا الشم صناجو عرسوها ليهو وهسة اولادو الفي قطر والفي امريكا وبناتو عرسن <<<<<<<<<<<<<<>>>>>>>>>>>>>>
ود ابو سن.. أهه انا قربت افهم الحدوتة ,, بس فضلت لي كلمتين اذا فهمتهم بكون فهمت قصة ود العم.. ... أكيد حتقول الما بتعرف كلمة المراح .. والشم صناجو .. ما بتكون سودانية.. لكن اولا تبادي بقول ليك ان سودانية 150 في الميه ومتربية في نهر الأتبراوي وما بعرف المراح الدافرو ود العم قدامو ده شنو... عشان المراح السمعنا بيه زمان هو المكان البرعى فيه البقر والغنم.... اما الشم صناجو.... فدي ما سمعتها قبال ده ابدا... ودمت بالف خير وصحة وعافية بسمات الشيخ عبد الرحيم( عشان ما تقول دي احتمال ما تكون سودانية)
Quote: خالد ود المنسي وما دمت انت بتسكن في نفس الحي الكان سكنه المك نمر .,. فما عندنا اي كلام .. مع انه في واحدة من المتمة بتقول لي ان المكوك اغلبهم سكنوا المتمة.. وشكرا على النغمات الرائعة ودمت بالف صحة وعافية بسمات
دي قطع شك من المتمة وكل فتاة بأباها معجبة المكوك سكنوا شندي ( شندي فوق ) في المتمة أيام المك نم كان عليها المساعد زراع نمر الأيمن وحليفه ثم جاء من بعده عبدالله وسعد اللذي قال موجعاني قومة نمر من شندي ومن المتمة ناظر عموم اجعلين في فترة ما بعد عبدالله وسعد حاج محمد إبراهيم فرح بسمات كيف أخبارك
ومنو القال ليك اتبرا فيها مزارع...اتبرا كان فيها زمان دخاخين السكة حديد... وهسع ما في فيها شئ... لا مواشي ولا دخاخين القطارات... ولكن فيها الدخاخين البتطلع من الصدور من شدة الغضب والزعل من حكومة الأخوان المسلمين النشفت المدن والقرى من الخيرات.. واصبح الجميع يعاني ويقاسي .. كان غني كان فقير.. ( اها انا عاوزة اقلب ليك الموضوع سياسة زي ما بتقول بت مصطفى الغايبة.. ودمت بالف خير وصحة وعافية..
Quote: المنسي فارزني من لحن المساء يفرزوك للبطان قول يامين بسمات المراح هو القطيع من الماشية .. وداك اسمو الكر الشامو صناحو يعني الصبي البالغ كدة انا شكيت انك من اتبرا
الحبيب ود أبوسن كيفن أفرزك وإت بفرزوك سهواً فرزك يا يابا ما بجي إلا لي شكرة براك أنا مسيت لي الجميع بي عاميتنا السمحة ( مساكم سعيد ) وفرزت الأستاذ المصحح والمدقق والحكم المداقر ود الفاضلابي ومساك سعيد يا الضرس لأنو بجي يصحح هههههههههه
يا خالد ود المنسي.. بت مصطفى غايبة خارج مرابعها , ,, ولكنها مرة مرة بتجي تتاوق في المنبر العام لمن الواي فاي عندها يشتغل.... لكن انا عندي سؤال واحد.. الزول القال القصيدة دي والموجهة للبشير .. لسع حي؟؟ ولا ذبحوه ناس الأمن... واذا كان لسع حي وقاعد في السودان.. فمعناه ان السودان دولة ديمقراطية والرئيس البشير رئيس ديمقراطي وعنده حق يحكم مدى الحياة زي بقية الرؤساء العرب والأفارقة... لأنه اي رئيس عربي او افريقي بيعتقد انه ولدوهو عشان يحكم ويحكم مدى الحياة... ودمت بالف خير وصحة وعافية
Quote: لكن انا عندي سؤال واحد.. الزول القال القصيدة دي والموجهة للبشير .. لسع حي؟؟ ولا ذبحوه ناس الأمن...
العزيزة بسمات كيفك .. علك طب وعفية درت يسجنوا منو ؟ ويخلو منو منو ؟ الناس بقت ما فارقة معها وربما السجن أحسن له ويجد العذر من مصاريف الحياة اليومية ( مناضل وسجن ) تعرفي ناس الإنقاذ خطوا لأنفسهم ثلاثة ( step ) منذ سنة 1989 * قمع وعصرة لما الناس تجيب ازيت وأهاب أمني * من أجل أبنائي ( خم من أموال الشعب ) * تمكنَّا وهي المرحلة الأخيرة ونحن الآن في مرحلة أحدثت نفسها تمكين ذوي القربة والطبالة هم ما فاضين وعارفين كلاموا نحن بنسمعوا وبكرة أصوات الإنتخاب هم من يتحكمون بها ( 99% ) إنتِّ ما سمعتي نكتة المسطول مشى لي واحد قال لي يا أخوي لو عاوزين نقلب الحكومة دي نسوي شنو ؟ المسطول قال لي : الحكومة دي هي أساساً مقلوبة لكن المشكلة نحن الما قادرين نقوم من تحتها ولخص لنا حالنا في كلمات بسيطة يا أختي القروش برا والحصين مشدود ركابها للفرة عند أمر الله يكن
في هذه العجالة نود ان ننعي عضو المنبر العوض المسلمي... ونسأل الله ان يغفر له ويرحمه ويسكنه الفردوس الأعلى ويلهم اهله واحبابه واصدقاؤه واعضاء المنبر العام الثبر والسلون.. وهكذا ناموس الكون فالموت دائما بشيل الناس الطيبين ويخلى الدنيا خلا... وهذا عبد العزيز عثمان قرأنا له بوست بعناون:" شوفو العوض السمح ده قال لي شنو في آخر نفحاته... وهذا اقتباس له من البوست:: عليكم السلام اخوي عبد العزيز .. بلدكم غلبتنا قدمت 3 مرات ورفضوا لي رغم تقديمي اوراق كافية سلام ياحبيب،،كدي قدم تاني بالنية،،ان شاء ربك تسهلا ...نشاء الله لحدي نص يونيو بقدم ;;;جدا والله ابشر .. اتونس نضيفة زي ما قلت ليك حوالي 70 الف .. حاليا انا شغال اسبيرات لكن بمشي مع زولك ده وبشتريها ليهو yakoi ween almostaneer wahba my friend مشي الدهب تلفونات هناك ماف .. لكن قطع شك المرة دي سمينة هههه ثم والله اتصل،،،بي وحين حدثته عن امر الصديق،،،،قال تقضي تب.... وقضت ....ايها الطيب النبيل.... this was achat copie
وكذلك قرنا هذا التعليق من فضل الله خاطر في نفس البوست:
نعاك من حد التراب ، ننعاك يا خير الرجال ، ننعاك يا كريم الخصال . نعلم أن الموت حق وأننا لا محالة واردوه مهما تطاول بنا الأجل وتباطأ بنا الوجل . أخوتك ينعونك في هذه الديار وهم إذ ينعون العوض المسلمي ، إنما ينعون رجلا عرفوه عن قرب في كوريا الجنوبية رجل كريم جواد مقدام دمث الأخلاق، كريم المعشر ، صافي الخصال ، ودود بشوش ، طلق المحيا ، لم نراه في موقع سوء قط، ولم نسمع منه طوال مرافقتنا له كلمة أو إساءة لأحد . لقد عاش العوض المسلمي بين ظهرانينا منذ مطلع الألفية ، ولا زالت قفشاته وقسمات وجهه ، ونبرة صوته المميزة ماثلة وستظل ما حيينا . لقد أفل نجم كان يضيئ سماءنا بالتسامح ولكنها سنة الله في الخلق ماضية إلى يوم القيامة ، ولا نقول إلا ما يرضي ربنا اللهم ارحم عبدك العوض المسلمي الكباشي الذي انتقل إلى جوارك وارزقه الجنة واجعل قبره روضة بكرمك ورحمتك يا رب ، وألهم أهله وذويه الصبر وحسن العزاء. عزاءنا للاخ محمد المسلمي والسيد المسلمي ومحمود ودفع الله ، والأسرة الصغيرة والكبيرة في الكباشي والصافية وكردفان الكبرى . إنا لله وإنا إليه راجعون .
.. ونحن بدورنا في هذا الحوش الصغير ننعى من شهد له كل اعضاء المنبر العام بالطيبة والخلق الحسن وعمل الخير ... ونسأل الله ان يتوفق الناس في بناء المكتبة العامة باسمه في الساحة الخضراء ليدعو له الجميع بالمغفرة ودخول الجنة... وسوف نساهم بكل ما لدينا في هذا العمل الجليل... ونسأل الله ان يرحمه ويغفر له .. وانا لله وانا اليه راجعون...
وكذلك نقول كما قال عزد الدين عباس الفحل:
اللهم اغفر له وارحمه وأدخله جنات النعيم اللهــــم يا حنَّان ، يا منَّان ، يا واسع الغفران ، اغفر له و ارحمه ، و عافه و اعف عنه ، و أكرم نزله ، و وسع مدخله ، و اغسله بالماء و الثلج و البرد ، و نقِّه من الذنوب و الخطايا كما ينقَّى الثوب الأبيض من الدنس اللهــــم أبدله داراً خيراً من داره ، و أهلاً خيراً من أهله ، و زوجاً خيراً من زوجه ، و أدخله الجنة و أعزه من عذاب القبر و من عذاب النار اللهــــم عامله بما أنت أهله ، و لا تعامله بما هو أهله اللهــــم اجزه عن الاحسان احساناً ، و عن الإساءة عفواً و غفراناً اللهــــم إن كان محسناً فزد في حسناته ، و إن كان مسيئاً فتجاوز عنه يارب العالمين اللهــــم آنسه في وحدته ، و آنسه في وحشته ، و آنسه في غربته اللهــــم أنزله منزلاً مباركاً و أنت خير المنزلين اللهــــم أنزله منازل الصديقين و الشهداء و الصالحين و حسن أولئك رفيقاً اللهــــم اجعل قبره روضة من رياض الجنة ، و لا تجعله حفرة من حفر النار اللهــــم افسح له في قبره مد بصره ، و افرش قبره من فراش الجنة اللهــــم أعذه من عذاب القبر ، و جاف الأرض على جنبيه اللهــــم املأ قبره بالرضا و النور ، و الفسحة و السرور اللهــــم قِهِ السيئات ( و من تق السيئات يومئذٍ فقد رحمه ) اللهــــم اغفر له في المهديين ، و اخلفه في عقبة في الغابرين ، و اغفر لنا و له يا رب العالمين ، و افسح له في قبره و نوّر له فيه اللهــــم إنَّ عبدك في ذمتك و حبل جوارك فقِهِ فتنة القبر ، و عذاب النار ، و أنت اهل الوفاء والحق ، فاغفر له و ارحمه ،
عشان وفي ضيف جديد وعضو جديد في المنبر العام عنده نية يزور الحوش وقال ما لاقي البوست... وطبعا ده كله عشان الناس هجرت البوست وست الحوش غايبة وبعيدة عن مرابعها.. ونتمنى لها العودة السالمة والغانمة...ونتمنى نسمع من هؤلاء الذين كانوا يملأون حياتنا بهجة وسرورا وندعو ليهم بالصحة والعافية وطبعا نحن بنعذر الغياب للجميع نسبة لوتيرة الحياة السريعة في الغربة وضيق الوقت للبعض ونتمنى العودة.. ومرحب بيك يا ادم يوسف... واها رفعنا ليك البوست فوق عشان نيسر ليك الدخول للبوست... ودمتم جميعا بالف خير وصحة وعافية
بسم الله وحده والصلاة والسلام على رسوله الكريم حقيقة تشتاق النفس لأخوة أمثالكم وأخوات كريمات في كل يوم تراني أردد سعدي أني تعرفت بإناس أمثالكم في غيبة مابيدي ولليد فينا أفعال وعكة ألمت بالوالد متعه الله بالصحة والشكر في الأول الأخر لله اللذي أشفاه ووعكة ألمت بلابتوبي أخص بالشكر من أتصلوا يسألون عن غيابي الحبيبة وضــــاحة الحبيب عبد الحفيظ أبوسن الحبيبة بت عمسيب هههههههه أيه رأيك يا ود ابوسن في وضعك بين الحسان دا موش أحسن من القفلة والفول مشتاق ليكم كثير الأخوات العزيزات الأميرة بسمات عواطف ادريس بت الشيخ سلامة سلمى يا سلمى يا ....... البسندوا الواقعة وبدرجوا العاطلة ود البلة ود الفاضلابي ودالبوش ود شيقوق ود القوز ود ابوسنينة ود كلي ود ... ود ... وتحيات لكل من مرَّ بهذا الحوش الجميل جمال روح صاحبت الطيبة الأميرة
وأقروا ليها يا الفقرا كان ترجع لحوشنا تاني ( الحبيبة وضاحــــــة ) نهديها هذا اللحن عودي لأهلك والعود حميد
اولا يا خالد ود المنسي الف حمد الله على سلامة الوالد ثانيا كيفنك ياخي...ما بالغت ياخي كده امسي تابع بوست عائلة بن لادن وشوف سؤالنا عليك كيفن...وحتى استاذنا جعفر افتقدك وسال عليك ووصينا بت مصطفى الهجرت البوست والحوش وسافرت للسودان ووصيناها تعدي على شندي وتتفقد احوالك.. ثالثا شكرا ليك جيت احييت لينا الحوش بعدما ست الحوش سافرت وهجرت الحوش اكن لقيت عندها حق عشان النت في الشمالية شئ نادر يوم في ويومين مافي..وبعدين هي اظنها ما بتلقى وقت من كثرة السلام والزيارات..واذا قريت بوست علي عبد الوهاب حتعرف السبب...اظن الحياة هناك متعة وحنية ومافي توتر زي توترات نيويورك ودمت لالف خير وصحة وعافية بسمات الشيخ عبد الرحيم
ألف حمد لله علي سلامة والدكم أخي خالد ربنا يمتعه بالصحة والعافية، والحمد لله أن سخر لك الطريق لبره ومرافقته والإشراف عليه وهذه نعمة كبيرة ولا يلقاها أحدٌ إلا بتوفيق من الله أنقطعنا عن أدوات التواصل لظروف خارج إرادتنا، ولم نعود إلا قبل يومين أيضا توفي صديق عزيز ، أفقدني طعم التواصل ، له الرحمة والمغفرة تحياتي أختي بسمات وعودا حميدا الأخت أميرة وتحيَّات نواضر للجميع أيضا ياخالد أخونا الشاعر حنفي حاج الطيب أجري عملية جراحية ناجحة يوم أمس دمتم متاحبين ودامت السماحة والربعة الزينة بينكم
Quote: ثانيا كيفنك ياخي...ما بالغت ياخي كده امسي تابع بوست عائلة بن لادن وشوف سؤالنا عليك كيفن...وحتى استاذنا جعفر افتقدك وسال عليك ووصينا بت مصطفى الهجرت البوست والحوش وسافرت للسودان ووصيناها تعدي على شندي وتتفقد احوالك.. ثالثا شكرا ليك جيت احييت لينا الحوش بعدما ست الحوش سافرت وهجرت الحوش اكن لقيت عندها حق عشان النت في الشمالية شئ نادر يوم في ويومين مافي..وبعدين هي اظنها ما بتلقى وقت من كثرة السلام والزيارات..واذا قريت بوست علي عبد الوهاب حتعرف السبب...اظن الحياة هناك متعة وحنية ومافي توتر زي توترات نيويورك ودمت لالف خير وصحة وعافية بسمات الشيخ عبد الرحيم
الحبيبة بسمات عبد الرحيم بنية أتبرة ونسايم عطبرة الحلوة ... تهدينا وترسينا ما بتقصري طبعا يوم عودتي للمنبر جريت جري فتشت علي حوش الأمير ما مشيت لمحل تاني وحتى قصة أسرة بن لادن ما دختلو ما بتقصروا والله أدامكم ربي أخوات عزيزات بت مصطفى ربنا يكتب سلامتها تكون هسي ما حايقة في ( الكابيدا خمسة لينية ) وشي جرم وعجوة وشي لقيمات وما أحلاك يا بلد رغم الغبن أنت عارفة وأنا عارف والله عارف الغبن دا شنو المنبر بقى كلو أمنجية لو أتصلت بك أبلغيها سلاااامنا من هنا لي دلقـــو وكرمة وأنت ناوية متى إلى أتبرة إن شاء الله ؟؟؟ تحيات كتار ومودة أكتر
Quote: ألف حمد لله علي سلامة والدكم أخي خالد ربنا يمتعه بالصحة والعافية، والحمد لله أن سخر لك الطريق لبره ومرافقته والإشراف عليه وهذه نعمة كبيرة ولا يلقاها أحدٌ إلا بتوفيق من الله أنقطعنا عن أدوات التواصل لظروف خارج إرادتنا، ولم نعود إلا قبل يومين أيضا توفي صديق عزيز ، أفقدني طعم التواصل ، له الرحمة والمغفرة تحياتي أختي بسمات وعودا حميدا الأخت أميرة وتحيَّات نواضر للجميع أيضا ياخالد أخونا الشاعر حنفي حاج الطيب أجري عملية جراحية ناجحة يوم أمس دمتم متاحبين ودامت السماحة والربعة الزينة بينكم
أخي الحبيب العبيد ود المقدم سلامات يا راجل يا طيب البركة فيكم في صديقك الذي أنتقل لجوار ربه هم السابقون ونحن اللاحقون نسأل الله أن يسكنه فسيح جناته يا سااام حنفي مالو ؟؟ أجر وعافية أجر وعافية نسأل الله أن يشفيه تحياتي للشاعر المرهف حنفي وإن شاء الله مايشوف شر تاني
ألف حمد لله علي سلامة والدكم ربنا يمتعه بالصحة والعافية،
أخي العزيز ود شيقوق البركة فيكم في عمك والد أم عبدالله سمعنا بالخبر هذا من الكريم أحمد القرشي أتصلنا به يوم أنا ووضاحة وأوعدنا أن يرسل لنا وسيلة أتصال بك بين الأهل لكن يظهر لم يوفق نسأل الله للفقيد الرحمة ولكم حسن العزاء في الفقد الجم كيف تركت كل الأهل إن شاء عافية درت
هسي يا عبدالحليم أمانة عليك تقطع إضنيك في واحد كارب صليبو بي بنطلون ديل ناس البردانة مابدوك تأشيرة دخول لو لابس بنطلون ود شيقوق لما كان شغال محامي في سنجو خاتي بنطلون الشغل في كيس نايلون في اللاندروفر البقوم دفرة وشايل لي صفيحة موية كل ما يعطش اللاندروفر يكب لي لما يصل شدرة قصاد بت هُندا التي ذكرها العبادي في قصيدته الشهيرة سايق الفيات عج بي وأخد سندة وبي الدرب التحت تجاه بوع هُندا وأهديك يا الحبيب ود حامد ( سايق الفيات )
.. صباحاتك خير العزيز خالد ... واهل الحوش أوردت مديخيلتي تلك ... لإثبات .. متابعتنا .. فقط .. على ذكر اهلنا بالصولعاب ... مرت بخاطري .. كليمات .. احببت مشاركتكم اياها .. في أوائل الستينيات ... وانحنا صغار ( انا ولد امبارح دي ) ... يعني 66 او 67 .. ونحن من سكان الخرتوم .. لم يكن بقريتنا .. الكُـمُـر .. ريفي ود حامد ... غرب النيل .. مواصلات ... غير .. روري ( لوري ) واحد يمتلكه العم ... عبدالرحمن ود عِـتـمان .. رحمة الله عليه ..ياخد اهل القرية من القرية لأمدرمان وبالعكس .. فكان الوالد ... عليه رحمه الله ... حين اجازة المدارس يقوم بعمل حجز في المقعد الاامامي ..للوالدة .. اطال الله في عمرها ومتعها بالصحة والعافية ونحن معها بتاريخ معين ... قبل أكثر من 3 اشهر تقريبا .. يتحرك روري العم عبدالرحمن من ... العدني ... بامدرمان ... في العاشرة صباحا ... ويصل للقرية في منتصف الليل .. حيث يحمل وينقل روري العم عبدالرحمن ... الركاب ... والبضائع ... لجميع تجار التجزئة لجميع القرى شمال وادي سيدنا تارة ... يصعد إلى اقصي الغرب ... وينزل حتى مجري النيل .. لايصال ... راكب ... او جوال سكر .. أو صفيحة زيت .. أو صندوق شاي ... أو عيش ( خبز ) اشتراه من امدرمان . في قريتنا .. كنا نلعب مع اقراننا ... وكانو فعلا بيضحكو علينا من ... كارب صليبو .. ولما ننزل لاراضينا الزراعية بالجزيرة نسري .. نسمع الاعمام والخيلان والخالات ... في المركب ... ينادونا ... تعال يا ود حامد نعيم ... اقعد جمبي هنا ... عشان ما تقع تقوم كمان تجيب لينا رقبة .. نصلي الاوقات في الجامع ... اقبل رمضان ... وسمع بعض اقراننا ... عن ليلة القدر ... في رمضان ... وتاتي ... على شكل ... نور ... وتطلب الحاجة الانتا عاوزا .. واحد من اندادنا ديل بيتم على الطريق ... يعني جمب الشارع ... بالليل وهو نايم ... جاتو صحية ... وشاف ... نور .. جاي من طاقة ..بيتم داخل عندهم في الغرفة النايمين فيها ... افتكر ... كلام الناس عن ليلة القدر ... فقعد ... وصنقر في نص عنقريبو .. وقعد يدعي .. يا رب ... تديني ... روريين ( لورين ) وعبدالرحمانين ... النور ... كان .. نور عربية معدية جمب بيتم ..
يا سلااااام يا عبد الحليم وما أجملها ذكريات نفقدها في هذا الزمن العجيب ما عارف ما حال أطفال اليوم اللذين شالو الهم من هم صغار هم الرغيفة هم الدواء هم .. هم .. هم مساكين هم الله يعينهم
عزيزتي بت نفيسة اعزائي: عبيد الطيب عبد الحليم عز الدين ود المنسي يعني انتو قررتوا احياء البوست من جديد شكرا ليكم نيابة عن بت مصطفى وكلمتها بنيتكم البيضاء ... وتخريمة لود ابو سن(ود كوستي) قلت لبت مصطفى تتصل بيك وقالت لمن تصل بركات حتتصل ..واذا وصلت كوستي لبت خالتها عاوزة عزومة سمك..وما ضروري الرغيف عشان ازمة الرغيف الحادة في كوستي ..وبت خالتها قالت ليها 3 يوم ما شافت رغيف... معقولة دي؟؟؟؟؟ وشكرا عبد الحليم رجعتنا تاني للقصص الرائعة الانيقة بتاعة ود بلة وود شيقوق وود حلتنا ود الفاضلاب
