مخطط المندرة

بشرى سارة

أولاً:

خطة إسكانية مع شهادة بحث وعقد وكروكي - الموقع جنوب مطار الخرطوم الدولي الجديد - مخطط المندرة.

مساحة القطعة 400م م – المربعات: 36، 14، 29، 11

الأسعار: تبدأ من 13.000 ريال إلى 14.000 ريال سعودي.

للاستفسار جوال السعودية: 00966558109973 أمير مكي عبدالحليم العبادي.

ثانياً:

مخطط أراضي سكنية من الناحية الغربية لريفي جنوب أمدرمان قرية العامرة

مربع 3، مربع 4، مربع 5، مع شهادة بحث للقرية كاملة وكروكي للمربعات.

المساحة: 500 متر مربع للقطعة

السعر: 11.000 ريال سعودي للقطعة الناصية.

السعر: 10.000 ريال سعودي للقطعة ثاني ناصية.

السعر: 9.000 ريال سعودي للقطعة ثالث ناصية.

الخدمات:

وجود سكان ومدرسة وأعمدة كهرباء بدون أسلاك، ويمر بها طريق أمدرمان - بارا.

للتواصل الأتصال بالأستاذ/ أمير مكي عبدالحليم العبادي

جوال: 0558109973

والله الموفق.

.

المندرة مربع 36

سارع بالشراء وحدد رقم قطعتك واستلم شهادة بحثك مباشرة مع العقد والكروكي

بادر باختيار قطعتك

ما زالت فرصة إختيار قطعتك ممكنة

ما زالت فرصة إختيار قطعتك ممكنة

زمان البوستات الزي دي كانو المغتربين بيتلموا فيها الأعمي شايل المكسر والريالات تتطاقش ريال ينطح هلله !!

يا ربي مغتربين الزمن دا بقو مفتحين ولا بقوا مفلسين ولا الحاصل شنو ؟!!




نسأل الله السلامة !!

يا ربي مغتربين الزمن دا بقو مفتحين ولا بقوا مفلسين ولا الحاصل شنو ؟!!

ههههههه

بقوا مفتحين ........

Quote: ههههههه بقوا مفتحين ........

الصادق
مفتحين بالداخل والخارج ههههههههههههه

الأستاذ ناذر محمد الخليفة

أبشرك الحال مستور وفي ناس أشترو عدييل كده

.

أخونا محمد فاروق .. يا ريت تضع صورة للموقع بقوقل إيرث مع توضيح المسافة منه إلى الخرطوم (السوق العربي)

يا خوى المطار ما مضمون ........وما تبقى علينا زى الحصل فى الوادى الخلا الأخضر ....وسندس و....و......

تسلم أخي Osama Mirghani

الأمر فيه سعة كل إنسان يستخير ويستشير لو عايز يشتري حبابو ولو ما عايز راحته وفلوسو معاه

Quote: يا ربي مغتربين الزمن دا بقو مفتحين ولا بقوا مفلسين ولا الحاصل شنو ؟!!

تحياتى للجميع

الأتنين يااستاذ ناذر
والشى المحير فعلاً الطيارات جارية برة البلد من الناس و الناس مصرين يلحقوهاهناك عملاً بمبدأ ساكنين محل الطيارة بتقوم

يا حبيب .. قُمت بقياس المسافة بين مطار الخرطوم والمطار الجديد بقوقل إيرث فجاءت النتيجة حسب الصورة:-



المسافة = واحد وأربعون كيلو تقريباً !!

دا بالنسبة لينا في السودان سفر عديل كدا :)

Quote: صبري طه المسافة = واحد وأربعون كيلو تقريباً !! دا بالنسبة لينا في السودان سفر عديل كدا :)

تشكر على المجهود،، وبالنسبة لي بعد المسافة من سنتر المدينة مع وجود الطريق المسفلت والسيارة والمواصلات تعتبر المشكلة محلولة،،

وأغلب المخططات في دول العالم بتتعمل خارج وسط المدينة وزحمة المدينة،، الناس أصبحت تلجأ إلى السكن في أطراف المدن تفاديا للزحمة وتلوث البيئة،، لكن كل حسب رغبته

مرحب بيك أخي Hashem Mubarak

.

Quote: مخطط أراضي سكنية من الناحية الغربية لريفي جنوب أمدرمان قرية العامرة مربع 3، مربع 4، مربع 5، مع شهادة بحث للقرية كاملة وكروكي للمربعات. المساحة: 500 متر مربع للقطعة السعر: 10.000 ريال سعودي للقطعة الناصية. السعر: 8.500 ريال سعودي للقطعة ثاني ناصية. محمد فاروق، الأسعار بالدولار لو سمحت .. بريمة السعر: 8.000 ريال سعودي للقطعة ثالث ناصية.

Quote: محمد فاروق، الأسعار بالدولار لو سمحت .. بريمة السعر: 8.000 ريال سعودي للقطعة ثالث ناصية.

الأستاذ بريمة مساء وصباح الخير

سعر الناصية بالدولار: $ 2.667

سعر تاني ناصية بالدولار: $ 2.267

سعر تالت ناصية بالدو لار: $ 2.134

مع خالص الشكر والتقدير

أسعار مخطط المندرة بالدولار تبدأ من 2.400 $ إلى 3.467 $

مع شهادة بحث وعقد وكروكي - الموقع جنوب مطار الخرطوم الدولي الجديد - مخطط المندرة.

مساحة القطعة 400م م – المربعات: 36، 14، 29، 11

الإمارات تُعلن دعمها لقيام مشروع مطار الخرطوم الدولي الجديد

المصدر: صحيفة الرأي العام الصادرة صباح اليوم الخميس 6 نوفمبر 2014

.

احفظ مالك واختصر غربتك مع مخطط المندرة

الأخ/ عصام الدين سرالختم


المطار يعتبر آخر نقطة حدودية مع ولاية النيل الأبيض والمخطط بعد المطار بشارع واحد فإذن المخطط يتبع لولاية النيل الأبيض وشهادة البحث صادرة من مكتب أراضي القطينة

إن صدقت الانقاذ وتم تنفيذ المطار فان مخطط المندرة سيكون له شان عظيم
ورغم بعده من وسط الخرطوم 00
الا ان الكثير من المطارات تجدها تبعد ما لايقل عن 50 كلم من وسط المدينة
ولكن 000
إن لم يتم تنفيذ المطار فلا تصلح هذه الأراضي الا لزراعة العجور والتبش

ذهبت هناك قبل شهر من صالحة
يعني 30 دقيقة للذهاب وأخرى مثلها للعودة
وبعد غياب طويل من الحواشات والبلدات دخلنا الى بلاد مزروعة بالعجور المطري
يشهد الله طعمه مثل السكر
وقال صاحبها ساظل ازرعها عجورا ويقطينا الى ان يتم بناء المطار
حينها كما قال سأتحول الى رجل اعمال كبير
وستكون هذه البلاد المطرية نسخة أخرى من كافوري والمنشية والعمارات
انها مجرد احلام
من يدري ؟؟؟
ربما تتحقق في يوم ما 00
قال ملاعب كرة قدم قال !!!!
ياخي الحكاية سهلة ساااااااااااااااااي
ذكرتني قريبنا ساكن الخرطوم وزارنا في اهل العوض
اليوم التاني دخلنا كلنا في أضافرينا
وقال لازم يودوهو الحديقة !!!!
طبعا نحن حدائقنا ياها الحواشات
زولكم لبينا ليهو رغبتو وركبناهو الحمار وهاك يا { عر }
وصلنا الحواشات بعد اكل ليهو كسرة بي موية سالنا وبكل بساطة 00
ماعندكم هنا حمامات ؟؟؟؟؟
قلنا ليه دي كلها حمامات من هنا لحدي المعيلق !!!!

أخي محمد فاروق شكراً للافادات والعروض عن مخطط المندرة..
ولكن.. يا عزيزي الفاضل..
الحكومة.. والمحليات داخل ولاية الخرطوم..
باعت كللل الميادين والساحات في الثورة والشعبية بحري وأمدرمان..
نظام بيع استثماري.. القطعة 400 مليون تقريباً في الثورة..
هذا ما شاهدته بعيني.. منزل أختي في الثورة الحارة 18 كان يفتح على ميدان كبير جدا
وفي اجازتي الحالية عندما زرتهم وجد بعض البيوت والعمارات المتناثرة في الميدان
وأفادوني بأن المحلية طرحت القطع.. للبيع.. اظنها مفلسة.. وأظنهم ما بشبعوا..
عشان كدة بقول ليك.. مافي أي ضمانات أو مميزات لقطعة فاتحة على ميدان في السودان
وهذا حدث في قلب العاصمة.. فكيف يكون الحال في الأطراف؟
مع تحياتي وتقديري

أخي أيمن دياب نشكرك جزيل الشكر

وكلامك دا فعلا حصل في ولاية الخرطوم لكن مخطط المندرة دا تبع ولاية النيل الأبيض وما ظنت يكونو جيعانين زي ناس ولاية الخرطوم،،

أخي ابوحراز

شكرا ليك كتير على المعلومات القيمة وأنت شاهد عيان

وبالفعل المنطقة لها مستقبل بعد إكتمال المطار الدولي الجديد

تخريمة:

يعني لو ما سكنت في قطعتك قطع شك بتزرعها تبش وعجور وجيبك يولع نور

بادر واحجز قطعت

من أقوال الصحف السودانية

الإمارات تعلن دعمها لقيام مشروع مطار الخرطوم الجديد

.

الأسعار زادت،،

من كان يريد قطعة فعليه بالإسراع قبل أن تزيد أكثر

بدأت تنفيذ العطاءات بمخطط المندرة جنوب مطار الخرطوم الدولي الجديد من سفلة للطرق وأعمدة الكهرباء
وارتفعت معها أسعار الأراضي

.

عدل البوست نسبة لزيادة الأسعار

لا تدع الفرصة تفوتك

طيب كم اصبحت الأسعار الان؟...أسعار حقيقية لو سمحت

مرحبا الأستاذ Ibrahim Farah

الأسعار عدلت كما في أول البوست وهي: تبدأ من 13.000 ريال إلى 14.000 ريال سعودي.

وقعت الحكومة السودانية ممثلة في وزارة المالية، والحكومة الصينية ممثلة في بنك الاستيراد والتصدير، الثلاثاء، بالعاصمة الصينية بكين، على اتفاقية تمويل مشروع مطار الخرطوم الدولي الجديد بتكلفة مالية للمشروع تبلغ 700 مليون دولار.


ويمول مشروع المطار الجديد بقرض تفضيلي مدته 20 سنة وبفترة سماح 5 سنوات وبهامش ربح 2.5 في العام.


ووقع على الاتفاقية عن حكومة السودان وزير الدولة بالمالية عبدالرحمن ضرار، وعن الجانب الصيني إدارة القروض التفضيلية بالبنك.


وقال مدير الشركة القابضة لمطارات السودان محمد عبدالعزيز، إن المشروع من أكبر المشروعات التي ستوثر إيجاباً في الاقتصاد السوداني وإنعاش حركة سوق العمل المحلية خلال فترة التنفيذ وبعدها، التي ستحظى بتخصيص نسبة 40% من أعمال المشروع لصالح الشركات الوطنية.


وأضاف أن المطار الجديد سيصنف ضمن قائمة المطارات المحورية، حيث سيقدم خدمات مختلفة للركاب والبضائع لخدمة قارة أفريقيا بأكملها، وليس السودان فحسب، وذلك لمميزات الموقع الجغرافي والعديد من العناصر المؤثرة في المشروع، حيث سيمتد على مساحة 103 ملايين متر مربع بتصميم يستوعب سبعة ملايين راكب.


وكشف عبدالعزيز أن العمل سيبدأ بعد ثلاثة أشهر، مشيراً لانطلاق أعمال التحضير منذ ستة أشهر، واكتمال جميع الدراسات الفنية والهندسية.


شبكة الشروق

بادر بالشراء فإن الأسعار في ارتفاع مستمر

تم بيع أغلب النواصي في المخططات

.