Post: #1
Title: أبشر بطول سلامة يا اوباما!
Author: سيف النصر محي الدين
Date: 11-29-2011, 11:04 PM
Parent: #0
رغم أنه قد غلب على تاريخ الرئاسة الأمريكية أن يفوز الرئيس بدورة ثانية
في الانتخابات الرئاسية بل أن أحد الرؤساء"غروفر كلفلاند" فاز بالرئاسة
في مرتين غير متتابعتين و في كلا المرتين فاز بدورة ثانية،رغم ذلك فحظوظ
اوباما في الفوز لمرة ثانية تبدو واضحة نظرا للمرشحين"المواسير" الذين
يتسابقون على الترشيح عن الحزب الجمهوري. أحد هؤلاء "هيرمان كين" اتضح
أنه زير نساء و متحرش من الدرجة الأولى رغم تظاهره بالاستقامة و المبادئ
المحافظة. و آخر ظهر أنه مرتشي و متربح من منصبه"نيوت غينغريتش" و ثالث
"ميت رومني" يخوض التجربة للمرة الثانية بعد خسارته أمام جون ماكين و تمثل
خلفيته الدينية و انتمائه لطائفة المورمون عقبة أكيدة أمامه إن فاز بترشيح
الحزب الجمهوري، و يعنبر هؤلاء الثلاثة أبرز المرشحين أما البقية فهم غير
معروفين للشعب الأمريكي و لم يحظوا بقبول جيد في المرات التي ظهروا فيها اعلاميا
هذا إلى جانب أن الصراع ما زال في بداياته و الفضائح -إن كانت لهم فضائح- ستظهر
كلما لمع نجم أحدهم و إلى ذلك الحين فولدنا باراك حسين اوباما هو الرئيس المقبل
لأربع سنوات أخرى.
|
Post: #2
Title: Re: أبشر بطول سلامة يا اوباما!
Author: فردوس جامع
Date: 11-29-2011, 11:21 PM
Parent: #1
الأخ سيف النصر محي الدين
سبحانه مغير الأحوال كين الشهر المضى كان عامل ضجة كبيرة
و توقعاتي فيه ما خابت... و كان ما جاب خبرو علاقته العاطفية وتحرشاته
أرشيفه في الإذاعة كان جابه...
الغريبة النكشو رك بيري وبيري ده ذاته فص ملح وداب من أول دبيت بعد ما الجمهوريين
هللوا وقالوا ريقن جاهم تاني. نوك ده نزل شديد في البولس و إرتفع شويه بعد فضائح كين.
و نوك ذاته ما أحسن من كين في قصص العلاقات و الغراميات دي.
غايتو حسي في إستطلاعات بتقول إنه رون بول يكمن يفوز بالكوكس بتاع أيوا (غالبا يفوز في باقي الولايات
من يفز بأيوا). مافي حماس لي رومني كلو كلو.
أما ميشيل باخمان إنتهت مع عمايل التي بارتي الأخيرة وتعطيلهم للبلس في الكونغرس أيام الدبت كريسي.
أها إلا يصروا علي كرس كريستي حاكم نيوجيرسي تاني ينقذ الموقف (ما أظن يقبل) و لا نبارك تاني لأوباما.
|
Post: #3
Title: Re: أبشر بطول سلامة يا اوباما!
Author: smart_ana2001
Date: 11-29-2011, 11:38 PM
Parent: #1
سلامات د.سيف النصر محي الدين
فعلا المرشحين الجمهوريين يحيروا المرة دى. ما فى زول فيهم فيه عمار.
انا شخصيا لو كنت جمهورية و عاوزه ارشح كنت ح اختار واحد من اثنين :
Jon Huntsman : سفير اوباما السابق فى الصين و حاكم يوتا السابق
او Mitt Romney : حاكم مستشويس السابق
ديل التنين الوحيدين اللى فيهم فايدة...بس المشكلة ان الاتنين مورمن. لكن اذا الامركان رشحوا اول رئيس اسود ...شنو بيمنع يرشحوا اول رئيس مورمن???
مشيل بكمان موضوعها منتهى.
هرمن كين اليوم قال بانه قاعد يعيد تقييم ترشيحه ....غالبا ح ينسحب
Newt Gingrich ...يكونوا بالغوا لو رشحوه بعد تعليقه الاسبوع الفات حول فصل كل الفراشين من العمل فى المدارس و ان الحكومة مفروض تخلى الاطفال ينظفوا المدارس.(بقروش طبعا) و ده لمحاربة الفقر.
Ron Paul ....اظنه انه عارف ان موضوعه مستحمى
Rick Perry حاكم تكساس...كان فى المقدمة لفترة لحدى ما قال رايه حول العمالة الغير شرعية . رايه ده ما اظن عجب قواعد الجمهوريين.
ده غير الصواطه اللى صاطها فى المناظرة الاخيرة لما نسي تماما انه كان عاوز يقول شنو.
Rick Santorumما عارفه حكايته شنو. لكن كل الجماعة الفوق ديل اخدوا دورهم فى انهم يكونوا فى مقدمة المرشحين. ما عادا صاحبنا ده
هو و Rick Perry حكاية Social Security privatization
دى ممكن تضرهم شديد جدا
الخلاصة.....لو فى زول ممكن ينافس اوباما فهو Mitt Romney ....لكن هل الجمهورين ممكن يرشحوا Mitt Romney ????
|
Post: #4
Title: Re: أبشر بطول سلامة يا اوباما!
Author: سيف النصر محي الدين
Date: 11-29-2011, 11:56 PM
Parent: #3
سلامات يا أخت فردوس
Quote: الغريبة النكشو رك بيري وبيري ده ذاته فص ملح وداب من أول دبيت
بعد ما الجمهوريين |
ده تردد عنه أنو قال لطفل اثناء الحملة الانتخابية انو الـ"evolution"
مجرد نظرية مليئة بالثقوب و أنه الـ"global warming" مجرد تلفيق .
Quote: أما ميشيل باخمان إنتهت مع عمايل التي بارتي الأخيرة وتعطيلهم للبلس
في الكونغرس أيام الدبت كريسي. |
أما هذه فقد صرحت أثناء الحملة بموقفها غير العلمي من لقاح "HPV" و ذكرت
انو في زول قال ليها انو بنتو جاها تخلف عقلي بعد حقنها باللقاح و هو كلام
غير مؤسس و لا يمكن أن يصدر من شخص مسؤول في مواجهة ابحاث ضخمة اجريت حول
اللقاح و سلامته و تقليله من نسبة اصابة النساء بسرطان عنق الرحم.
احسن شئ نقول مبروك لاوباما.
|
Post: #5
Title: Re: أبشر بطول سلامة يا اوباما!
Author: سيف النصر محي الدين
Date: 11-30-2011, 00:23 AM
Parent: #4
| Quote: الخلاصة.....لو فى زول ممكن ينافس اوباما فهو Mitt Romney ....لكن هل الجمهورين ممكن يرشحوا Mitt Romney ???? |
سلامات يا اسمارت
إذن اوباما للولاية الثانية.
|
Post: #6
Title: Re: أبشر بطول سلامة يا اوباما!
Author: smart_ana2001
Date: 11-30-2011, 00:57 AM
Parent: #5
Quote: سلامات يا اسمارت
إذن اوباما للولاية الثانية |
Not really, or let's say (not yet)1
الجمهوريين قدروا يعملوا لاوباما ولايته الاولى عبارة عن جحيم.
الان ما قادر يمرر اى شيء فى الكنقرس...حتى ال job bill الاخيرة.
غلطان اوباما طبعا...لان فى بداية حكمه كان فى ايده الهاوس و السند لكنه عمل فيها مصلح اجتماعى و ما انتهز الفرصة عشان يمرر كل اجندته.
الحالة الاقتصادية صعبة و رغم محاولات اوباما لايجاد حلول لكن الامور لسه صعبة و السبب عصلجة الجمهمورين و قفلهم لاى مقترح منه.
الفكرة بسيطة...يقفلوا على ابوما كل سب الحل و فى النهاية لومه هو على كل المشاكل الاقتصادية
حتى الان السياستهم ناجحة جدا جدا
اغلب الشعب الامريكى ما راضى بالحاصل وبيلوموا اوباما عليها.
و بكده...فى احتمال كبير ان الشعب الامريكى يبحث عن التغيير فى الحزب الجمهورى حتى لو كان المرشح الحزب زول ذى مشيل بكمان.
|
Post: #7
Title: Re: أبشر بطول سلامة يا اوباما!
Author: Mohamed Suleiman
Date: 11-30-2011, 01:10 AM
Parent: #6
يا سيف النصر ..... زولك أوباما ده ... يشمّها قدحة ....
يعني يعيدوا إنتخابو لشنو؟؟!!
ليس بالإمكان اسوأ مما كان .....
بخصوص الجمهوريين ..... لسة الزمن بدري ....
دي فترة غربلة معتادة ...
لكن ..... حاكم تكساس (ريك بيري) .... حيكون الحصان الأسود ....
(الرئيس القادم للولايات المتحدة الامريكية .. من الحزب الجمهوري ).
|
Post: #8
Title: Re: أبشر بطول سلامة يا اوباما!
Author: سيف النصر محي الدين
Date: 11-30-2011, 01:40 AM
Parent: #7
سلامات يا محمد سليمان
انت حاكمت الزول على أساس سياسته الخارجية أم كما يحاكمه الناخب
الأمريكي العادي؟ لأنو رغم كل العقبات الرجل قدر ينتشل أمريكا من
وهدتها الأقتصادية إلى حد كبير و كل المؤشرات تقول بذلك، بالرغم من
أن ما تحقق ليس بمستوى وعود الحملة الانتخابية.
بالنسبة لسياسته الخارجية فقد نجح اوباما إلى حد كبير في عدة جبهات
فسحب جيشه من الحفرة العراقية و قتل بن لادن و غير ذلك، تبقت افغانستان
و باكستان و ما سيتمخض عنه الربيع العربي. و بالنسبة لموقفه من الحكومة
السودانية فانا اعتقد أنه سيكون أكثر حزما في الفترة القادمة.
اما زولك بيري ده فماسورة كبيرة.
|
Post: #9
Title: Re: أبشر بطول سلامة يا اوباما!
Author: فردوس جامع
Date: 11-30-2011, 01:42 AM
Parent: #6
ولاية أوباما التانية محتمله جداً
أصلوا الولايات Red معروفه وال blue أيضاً
و في اليوم الفصل ال swing vote هو البيحسم الأمور.
مشكلة الجمهوريين إنه ما قادرين يحددوا who can beat Obama.
و أكتر من كده كل الناس ديل ما فيهم واحد قادر to moblize ال base
و الbase مهم جداَ ... و دي واحدة من مشاكل مكين كانت...
إتعشموا في بيري و طلع فشنك...
كل واحد من المرشحين ديل فيه إنات أكبر من ال gaffs البعملوها من وقت لآخر.
للآن أكتر واحد ممكن يترشح ضد أوباما هو رومني و مشكلة رومني الكبيرة إنه مورمن
و الأخرى إنه هو مع Obama Care أو زي ما بقولوا ناس ال talk shows أوبامني care
و أنه أوباما إستشار ناس رومني في الموضوع ده.
لكن ال primary ده زي المركب ... المحيرني الأيام دي ال caucus
بتاع أيوا و التوقعات بتاعة فوز رون بول بيه (سبحان من يحيي العظام وهي رميم).
إلا تحصل معجزة لكن بحال الجمهوريين التعبان ده
من حسع نقول Yes We Can.
|
Post: #10
Title: Re: أبشر بطول سلامة يا اوباما!
Author: سيف النصر محي الدين
Date: 11-30-2011, 01:57 AM
Parent: #9
| Quote: من حسع نقول Yes We Can |
انا من اخدت القرين كارد لو قعدت في امريكا كان نفعت اوباما بصوتي
لكن عملتها كلها سعودية و ما سعودية.غايتو البركة فيكم انتو يا فردوس.
|
Post: #11
Title: Re: أبشر بطول سلامة يا اوباما!
Author: Mohamed Suleiman
Date: 11-30-2011, 02:01 AM
Parent: #9
Quote:
الحالة الاقتصادية صعبة و رغم محاولات اوباما لايجاد حلول لكن الامور لسه صعبة و السبب عصلجة الجمهمورين و قفلهم لاى مقترح منه.
الفكرة بسيطة...يقفلوا على ابوما كل سب الحل و فى النهاية لومه هو على كل المشاكل الاقتصادية
حتى الان السياستهم ناجحة جدا جدا
اغلب الشعب الامريكى ما راضى بالحاصل وبيلوموا اوباما عليها.
|
أها إسمارت جابت النجيضة ....
لكن ... ليس اللوم علي الجمهوريين ...
بل اللوم علي أوباما ... الذي هجر قواعده و هرول خلف المحافظين ...
الليلة جاء راجع للقواعد الساعدت في إنتخابه قبل 3 سنوات ...
لكن القواعد قعدت تغني ليهو:
جيتا تائب .. يا حليلك ...
و أعتقد في نوفمبر حيكملوا ليهو الغنية:
روح ... الغدر بنفسو ما ببكوا عليهو ....
يا سيف .. أوباما ده العملو داخليا أفظع من الخارجية ....
غايتو ناس فردوس حيكونوا براهم المرّة دي في غناهم: يس وي كان
|
Post: #12
Title: Re: أبشر بطول سلامة يا اوباما!
Author: فردوس جامع
Date: 11-30-2011, 02:38 AM
Parent: #11
يا محمد سليمان Yes We Can تاني
عارف ليه
1- لأنه الأضر بالإقتصاد هو بوش و ال Tax Cuts بتاعته الأداها للأغنياء
و أيضاً دخوله في حروب و ما عارف حيصرف عليها من وين.
و هو جمهوري.
2- أوباما من مسك الoffice عمل حاجات كتيرة و طلع البلد من الرسشن البدأ (2007 )
خبراء الإقتصاد بيقولوا إنتهى في 2009.
الفترة النحن فيها حسي إسمها ال recovery period التي قد تطول في
بعض الولايات مثل نيفادا ورود آيلاند إلي نهايات 2017.
3- كل الجمهوريين عندهم task واحد واضح هو جعل أوباما one term president
و أبدا ما كان همهم الإقتصاد...
ودي بقت واضحة جداً في كل العراقل البعملوها هم وناسهم ناس ال Tea Party
الجو في إنتخابات 2010.
أها المواطن الأمريكي ال independent لعبات الجمهوريين دي ما فايته عليه
و أكبر كبوه كانت ال degrading بتاع ال credit بتاع الولايات المتحدة... حيث أنهم السبب الأول
و الأخير. قالوا للديموقراطيين cut ال spending ونحن حنوفي بوعدنا بتاع ال Taxes
أها المماطلة دي ما حتغتفر ليهم لأنهم قاصدنها وبقوا واضحين شديد في حركاتهم.
و يا محمد الجمهوريين ديل أصلوا أملهم ضعيف لأنهم هم الإنتهوا من الإقتصاد مش العكس
وغير كده ما عندهم مرشح مقنع للآن و بيري دي طلع ساي آي كلام...
و Let's chant Yes We Can
|
Post: #13
Title: Re: أبشر بطول سلامة يا اوباما!
Author: سيف النصر محي الدين
Date: 11-30-2011, 02:41 AM
Parent: #12
اديلو يا فردوس.
|
Post: #14
Title: Re: أبشر بطول سلامة يا اوباما!
Author: سيف النصر محي الدين
Date: 12-02-2011, 05:07 PM
Parent: #13
| Quote: Let's chant Yes We Can |
Yes you you can
|
Post: #15
Title: Re: أبشر بطول سلامة يا اوباما!
Author: سيف النصر محي الدين
Date: 12-03-2011, 09:53 PM
Parent: #14
الآن اعلن هيرمان كين تعليق حملته الانتخابية رسميا.
|
Post: #16
Title: Re: أبشر بطول سلامة يا اوباما!
Author: الخير محمد عوض
Date: 12-03-2011, 10:36 PM
Parent: #15
يا اهلنا وفوق لدا كلوووووووو انه اوباما زول محبوب... محبوب بمعنى الكلمة
الشعب الامريكي كلو عارف انه بخطبة واحدة ممكن يدور الجمهوريين ديل لما راسهم
يسخن مش لانه خطيب وبس, لانه خطيب وعبقري والجوطة الحاصلة في الاقتصاد دي لو جريت
اي امريكي من زقاق وسالته سببها شنو بقول ليك سببها الجمهوريين العاملين بلوك
لكل الخطط الاقتصادية الاصلاحية الطرحها اوباما لمصلحة حزبهم وليس لمصلحة الشعب
الامريكي....عندي احساس انه حا يفوز تاني بس حا يواجه بعض الدقداقات لكنه معروف
عنه انه عنده خبرة كويسة في تجاوزها.... الحفر الحفروها ليهو ايام الانتخابات
في 2009 لو حفروها لاي زول تاني كان وقع وما قام لكن هو زول قوي وواثق من روحه
ومحبوب وبقدر يخارج نفسه من المطبات دي.
عموما من هسي انا والمرا والجيران والصحبان البعرفهم كلهم مقررين يصوتو ليهو
|
Post: #17
Title: Re: أبشر بطول سلامة يا اوباما!
Author: الخير محمد عوض
Date: 12-03-2011, 10:37 PM
Parent: #16
بالمناسبة سارا بيلن وين 
|
Post: #18
Title: Re: أبشر بطول سلامة يا اوباما!
Author: Abureesh
Date: 12-04-2011, 06:52 AM
Parent: #17
Quote:
بالمناسبة سارا بيلن وين
|
سلام يا الخير..
الأخت سارة قاعدة فى شباك بيتهم تراقب الروس عشان ما يغزوا أمريكا، وعلى التلفون مع صاحبتها الفى
اريزونا اللى كلفتها بمراقبة حدود المكسيك.. (على ذمـة تينا فاى)
سلام يا سيف،
Quote:
...يقفلوا على ابوما كل سب الحل و فى النهاية لومه هو على كل المشاكل الاقتصادية
|
يا سيدى هل قريت زمان مسلسل عبقرينو؟ اوباما ياخوى متلفزهم 24 ساعـة، وهم يلعبوا على المكشوف.. لكنه
يعرف متى واين يضرب... وارث حذق الأوروبيين وحكمـة وصبر الأفارقـة.
سمعته زمان لما ممثل وين كدا ما عارف قال ليه "كـاذب" فى إجتماع الكونقرس.. رد فعل أوباما كان ان
رد عليه: That's not true
الفهم العابر يعطى ان اوباما ببساطـة نفى انه كـاذب، ولكن لو تمعنت الإجابة، فهو قد رد ذات الوصف له
فإن that's not true تعنى انا قائلها لم يقل الحقيقة، يعنى كاذب!!! ثم تعنى أكثر ان قائلها (بدوى)
وأوباما أكثر دبلوماسيـة وذكاء منه حين قال له نفس العبارة دون ان يستعدى عليه الحضور كما فعل الرجل!!
يعنى قال له: أنت كاذب وغبى!
لو لاحظت تقاطيع وجه اوباما ونظرته الحادة والصارمة للرجل وهو يرد عليه لتأكدت مما اقول..
الناس ديل مفروض يخططوا لما بعد فترة اوباما الثانية..
Obama is our next president - Yes We Can
.
|
Post: #19
Title: Re: أبشر بطول سلامة يا اوباما!
Author: Abureesh
Date: 12-04-2011, 04:09 PM
Parent: #18
فوق
|
Post: #20
Title: Re: أبشر بطول سلامة يا اوباما!
Author: سيف النصر محي الدين
Date: 12-04-2011, 04:31 PM
Parent: #19
Quote: عموما من هسي انا والمرا والجيران والصحبان البعرفهم
كلهم مقررين يصوتو ليهو |
الخير
Yes you can
و كمان كان شفت الجماعة اللوتراب حقينك تكون ما قصرت 
|
Post: #21
Title: Re: أبشر بطول سلامة يا اوباما!
Author: smart_ana2001
Date: 12-04-2011, 05:02 PM
Parent: #20
فردوس و الخير
الشعب الامريكي او اغلبه ( صدقوني) ما قاعدين يفكروا في الموضوع كده
الحاصل بالنسبة ليهم ان أوباما فشل في تحقيق وعوده.
و ما في زول قاعد يقول و الله فشل لان الجمهوريين قرروا يفشلوه بكل السبل حتي لو علي حساب المواطن و الاقتصاد
و كلام محمد سليمان صحيح، قواعد الديمقراط المتطرفين زعلانين منه جداً. السبب انه كان ضعيف جداً ( في البداية ) في مواجهة الجمهوريين
عموما الشعب الامريكي شايف ان أوباما عمل كويس جداً في السياسة الخارجة و نجح فيها، لكن ما الاقتصاد.
|
Post: #22
Title: Re: أبشر بطول سلامة يا اوباما!
Author: عزان سعيد
Date: 12-04-2011, 06:23 PM
Parent: #21
بما إنو المرة دي يحق لي التصويت (يا دوب) فأنا متفائل بانو صوتي حيرجح كفة أوباما 
Yes we can
|
Post: #23
Title: Re: أبشر بطول سلامة يا اوباما!
Author: فردوس جامع
Date: 12-04-2011, 07:27 PM
Parent: #22
Quote: الشعب الامريكي او اغلبه ( صدقوني) ما قاعدين يفكروا في الموضوع كده
الحاصل بالنسبة ليهم ان أوباما فشل في تحقيق وعوده.
و ما في زول قاعد يقول و الله فشل لان الجمهوريين قرروا يفشلوه بكل السبل حتي لو علي حساب المواطن و الاقتصاد
و كلام محمد سليمان صحيح، قواعد الديمقراط المتطرفين زعلانين منه جداً. السبب انه كان ضعيف جداً ( في البداية ) في مواجهة الجمهوريين
|
عارفه يا سمارت ذي ما قلت في الأول البلد دي معروفه بأنه ولايات بسيطة بتقرر الحيجي منو للبيت الأبيض...
يعني ال Red states حتصوت Red و ال Blue states حتصوت Blue...
يعني الديموقراطيين الزعلانيين ديل في النهاية حيصوتوا لصالح حزبهم ما حيصوتوا لجمهوري و لا يمتنعوا عن التصويت الحاجة دي given.
أوباما كان ضعيف لأنه كان Running علي إنه عاوز يتخطى ال Partisanship devide المضروب في واشنطون
و يجعل الحزبين يعملوا في هارموني لمصلحة الشعب عشان كده He yielded في أمور كثيرة ظناً منه أنه بي كده هو بيعمل العليه
عشان يحقق و احده من ال promises العملها في campaign بتاعه ...
لكن ليس كل ما تمناه أوباما أدركه of Course.
و الميديا من الطرفين بيحاولوا يجدوا في تبريرات مناسبة و بالطبع إدانه للطرف الآخر للأزمة الإقتصادية...
يعنى حتة فشل أوباما و إنه الجمهوريين هم السبب فيها دي ...واضحة والكثير من القواعد الديموقراطية و الميديا الديموقراطية
بتحاول تحمل الجمهوريين المسؤلية وقاعدين يقولوها لو إنتبهتي في كل ال venues ...
و الطرفين بيحاولوا يصلوا لل independent vote أو ال swing vote و يكسبوا ال swing states
لأنه مسألة القواعد محسومة...
|
Post: #24
Title: Re: أبشر بطول سلامة يا اوباما!
Author: سيف النصر محي الدين
Date: 12-04-2011, 07:47 PM
Parent: #23
Quote: يا سيدى هل قريت زمان مسلسل عبقرينو؟ اوباما ياخوى متلفزهم 24 ساعـة، وهم يلعبوا على المكشوف.. لكنه
يعرف متى واين يضرب... وارث حذق الأوروبيين وحكمـة وصبر الأفارقـة. |
ابو الريش
you are a big Obama fan
|
Post: #25
Title: Re: أبشر بطول سلامة يا اوباما!
Author: جمال الباقر
Date: 12-04-2011, 08:26 PM
| Quote: you are a big Obama fan |
me too
|
Post: #26
Title: Re: أبشر بطول سلامة يا اوباما!
Author: سيف النصر محي الدين
Date: 12-06-2011, 07:22 AM
Parent: #25
| Quote: بما إنو المرة دي يحق لي التصويت (يا دوب) فأنا متفائل بانو صوتي حيرجح كفة أوباما |
عزان
I am glad that you can, your vote counts don't waste it
|
Post: #27
Title: Re: أبشر بطول سلامة يا اوباما!
Author: Mohamed Suleiman
Date: 12-06-2011, 04:15 PM
Parent: #26
Quote:
و يا محمد الجمهوريين ديل أصلوا أملهم ضعيف لأنهم هم الإنتهوا من الإقتصاد مش العكس
وغير كده ما عندهم مرشح مقنع للآن و بيري دي طلع ساي آي كلام...
و Let's chant Yes We Can
|
جيمي كارتر يا فردوس .. كان بالضبط زي أوباما ... كان بلوم القبلو إنو ورث وضع سئ ...
ده ما عذر .... الشعب الامريكي شعب عملي جدا .... و حيردوا علي اوباما: Just fix it
و التاريخ يفيد إنو في ديموقراطيين صوتوا لريجان .....
علي العموم ... مدة سنة زمن طويييل في عمر الإنتخابات الامريكية ... لكن اوباما ما يحلم بالحماس داك من مجموعات كبيرة خيّب ظنّها ...
سيف ... قلت : أديلو يا فردوس؟؟ !! ...
يا أخي إنتو قلبتوها هلال/مريخ عدييل كدة ...
السنة الجاية إن شاءالله زي الوقت ده .. بوستك ده محل ما يكون ... حأجيبو للصفحة الاولي هنا ... للذكري ...
|
|