Post: #1
Title: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 03:40 AM
خلال ال 19 سنة الماضية تركت الجبهة الاسلامية بصماتها على مختلف
اوجه الحياة في السودان. و رغم انها قد فشلت فشلا ذريعا في تمرير كامل
مشروعها (المغفور له المشروع الحضاري) و تواضعت المقولات التي
يتضمنها خطاب اهل الحكم اليوم بعد أن كانت مفرطة في الادعاء و الغرور
(اعادة صياغة الانسان السوداني – مثالا)..
المهم ادخل الكيزان بعض المفردات للغة الحوار اليومي بعد أن لاكوها
بدون ملل لمدة 19 سنة...هنا بعض ما اتذكره من هذه المفردات:
-تنوير...و القصود هنا الكلام الذي يقوله الوالي أو المحافظ لجماعة
من الكيزان في اجتماع و ليس التنوير بالمعنى الاوروبي.
-نفرة..و هذه تأتي بالالوان الطبيعية و بجميع الاحجام فهنالك نفرة
خضراء و نفرة كبرى..الخ.
-اشواق..عادة ما تحشر حشرا في الكلام و اظن أن من نجرها هو الصحفي
حسين خوجلي.
-احسب و نحسب ..و هي بمعنى اظن أو اعتقد ..و احسب أن
الترابي هو من نجرها.
-مفاصلة ..و هي الكلمة التى استخدمها الكيزان لوصف انقسامهم لمؤتمرين
وطني و شعبي.
اذا اتذكرت حاجات تانية برجع.
|
Post: #2
Title: Re: رطانة الإنقاذ (Jargon)
Author: ibrahim alnimma
Date: 07-09-2008, 04:18 AM
Parent: #1
جميل يا دكتور سيف ان نجتر من ادب الاخوان المفردات المؤلمة التي
صرت اتحاشاهاوافر منها فرار الامي من الابرص
تماما حتي وان كانت من الكلمات الفصيحة والتي تزين الكلام
ولكني هنا تستوقفني جمل وليس مفردات كما تفضلت تصيبني ينوع من الغثيان .
عندما تناقش واحد من رجرجتهم يصك اذني بكلمات لا تخرج عن وصف (المكاواة)
يقولون لك ان الانقاذ ماضية ماضية ولا رجعة ...ولا تلتفت الي الوراء لا تصغي
للمرجفين والخونة ... ان قطار الانقاذ ماضي والثورة ماضية في الانجازات وو
وووووووان مثل هذه الكلمات تصيبني بنوع من التشنج الذي افقد معه صوابي
تماما .....
ــــــــــــــــــــــــــــــ
تخريمة :بس انت مالذي جعلك تتناول مثل هذه المواضيع التي ترفع الضغط
بالمناسبة الان لقد ارتفع ضغطي تماما ...لاني قد ذكرت الكلام اعلاه ولكن
الله يسامحك .....
|
Post: #3
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 04:23 AM
Parent: #2
صباح الخير يا عنكبة
يا زول رافع ضغطك مالك..خليك كوول عشان العيال.
|
Post: #4
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 04:34 AM
Parent: #3
مجاهدات..و هي تقال لكل ما يمارسه الكوز..فمجاهدات الأخ الوالي
مثلا هي كل ما يقع في اطار التوصيف الوظيفي لموقعه الرسمي..
و هذ المجاهدات تتم ما بين المكتب الفخم و اللاندكروزر المكيف.
و نفس هذه الاعمال عندما تصدر ممن ليس كوزا فهي مهام وظيفية عادية
يقوم بيها و لا على كيفو!
|
Post: #5
Title: Re: رطانة الإنقاذ (Jargon)
Author: Ashraf el-Halabi
Date: 07-09-2008, 04:46 AM
Parent: #4
نسيت أهم مفردة يا سيف
"طيب/ة"
الواحد بقى يضرس لسماعها
|
Post: #6
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 05:00 AM
Parent: #5
سلامات يا اشرف
عارف حكاية انك تتضرس من سماع بعض المفردات لما ينطقها كوز
السبب فيها كما اعتقد هو الطريقة العجيبة البيتبعوها..الواحد
تحس بيهو بيتمضمض بالكلمة في الأول حتين بعد داك يمرقها
دي بحاولوا ينطقوها مجودة عشان الواحد
يثبت للناس انو مجود القرآن و كدا..او انو بيقلد الترابي 100%.
|
Post: #7
Title: Re: رطانة الإنقاذ (Jargon)
Author: حليمة محمد عبد الرحمن
Date: 07-09-2008, 06:51 AM
Parent: #6
Quote: و هذ المجاهدات تتم ما بين المكتب الفخم و اللاندكروزر المكيف.
|
 
|
Post: #86
Title: Re: رطانة الإنقاذ (Jargon)
Author: على تاج الدين على
Date: 06-23-2009, 08:11 AM
Parent: #2
Quote: تخريمة :بس انت مالذي جعلك تتناول مثل هذه المواضيع التي ترفع الضغط
بالمناسبة الان لقد ارتفع ضغطي تماما ...لاني قد ذكرت الكلام اعلاه ولكن
الله يسامحك |
صباح الخير/ ياود النعمة....اسع انت وسيف النصر وبقية المناضلين
لم نسمع لكم ركزا فى السخف والاساءات العنصرية التى تعرضت لها قلعة معرفية يشهد
لها الكل بدورها الريادى فى مسيرة وتقدم هذه الامة ...بجانب الاساءة والازدراء لمجتمع
باكمله مجانا هكذا...ارتفع ضغطكم من شوية تعبيرات سخيفة قالها اسلاميين؟؟؟ ماتخاف ياابراهيم
الاسبرين موجود.
|
Post: #8
Title: Re: رطانة الإنقاذ (Jargon)
Author: عمر سعد
Date: 07-09-2008, 09:16 AM
Parent: #1
يا شيخنا
ودى كانت بدايات الانقاذ فى 5 سنوات الاولى حت 95 وتعنى انا كوز سهل لى امورى حين يندة لك يا شيخنا
حاولت مرة اعملة لى ضابط شرطة كنت عايز ابدل الللوحات قال لى تعال بعد شهر
قلت ليهو يا شيخنا ما ممكن اقل من كدة ......هرشنى على طول شكلو ما كوز كان وما خايف
قال لى انا لا شيخك ولا زفت قلت ليك تعال بعد شهر....
|
Post: #9
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 10:55 PM
Parent: #8
الاستاذه حليمة
شكرا على مرورك..
|
Post: #10
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 11:14 PM
Parent: #9
| Quote: قال لى انا لا شيخك ولا زفت قلت ليك تعال بعد شهر |
يا عمر سعد هسه في ذمتك لو كان في مية ميتين زي الضابط ده
الجماعة مش كان اتخارجو من زمااان.
|
Post: #11
Title: Re: رطانة الإنقاذ (Jargon)
Author: زهير الزناتي
Date: 07-09-2008, 11:17 PM
Parent: #1
يا سيف
إنت بكره ما شغال
ترجم لينا علي الشريط مباشرة
احتساب
رتق النسيج الاجتماعي
|
Post: #12
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-09-2008, 11:57 PM
Parent: #11
| Quote: رتق النسيج الاجتماعي |
يا ابو الزهور و الله دي صعبة خلاص..دي اكيد من نجر واحد من
الفلاسفة الكبار و انا برشح امين حسن عمر
المهم زي العبارات الغميسة دي نحن ما بنقدر عليها ..
يا زول دي ما بقدر عليها الا ناس الداخل..
اما احتساب
فدي يبدو أنو الكوز بيقولها لما نصيبو من الاعفاءات الجمركية
او الميزات الضريبية ما يكون قدر تطلعاتو..اها في الحالة دي
ما بيكون قدامو الا أنو يلح و يضغط من أجل المزيد..أو يحتسب
|
Post: #13
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-19-2008, 07:56 PM
Parent: #12
ابتلاء و تجمع على ابتلاءات و هي الصيغة الأكثر استخداما..و لم يتوقف
اهل الانقاذ من الدخول في الابتلاءات..فما يكادوا يخرجون من ابتلاء حتى يدخلوا
في ابتلاء آخر و هكذا دواليك طيلة الفترة التي قضوها في السلطة..
الغريب أن مفردة ابتلاء اصبحت الشماعة التى تعلق عليها الاخفاقات و المشاكل
و كافة البلاوي.
|
Post: #14
Title: Re: رطانة الإنقاذ (Jargon)
Author: حيدر حسن ميرغني
Date: 07-19-2008, 08:07 PM
Parent: #13
حلايف بالطلاق وحررررم وباطن الارض خير من ظاهرها ووو
|
Post: #15
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-19-2008, 08:32 PM
Parent: #14
سلام يا حيدر حنين
| Quote: حلايف بالطلاق وحررررم وباطن الارض خير من ظاهرها |
حلايف الطلاق و حرررم ديل من المفردات السودانية الشائعة خصوصا
وسط اهلنا "الجلابة" بس الفضل يعود للكيزان في ادخال هذه المفردات
عالم المصطلحات السياسية و كدا..
اما حكاية باطن الارض الخ الخ ..ده جخ ساكت و ما عندو أي قيمة.
|
Post: #16
Title: Re: رطانة الإنقاذ (Jargon)
Author: معاوية الأرباب
Date: 07-20-2008, 00:37 AM
Parent: #15
والايام القادمات بدل الايام القادمة
اما باطن الارض خيرٌ من ظاهرهااعتقدأن المقصودهوان البترول المستخرج من باطن ارض المجلد
خيرٌ من من يمشي علي ظاهرها من مسيرية ودينكا
|
Post: #17
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-20-2008, 10:44 AM
Parent: #16
Quote: اما باطن الارض خيرٌ من ظاهرهااعتقدأن المقصودهوان البترول المستخرج من باطن ارض المجلد
خيرٌ من من يمشي علي ظاهرها من مسيرية ودينكا |
يا معاوية الارباب
you are very thoughtful man
|
Post: #18
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-24-2008, 03:00 PM
Parent: #17
تفلتات..و دي مفردة غريبة و عجيبة دخلت في مجال الاستخدام اليومي
و اصبح من النادر أن تقرأ مقالا أو تستمع لاحدهم و هو يخطب ولا ترد هذه المفردة
و يبدو أنها قد ريحت الجماعة راحة شديدة فهي لافقة مع كل المشاكل التي تسود
السودان في هذا العهد..المظاهرات الطلابية تفلتات,,هجوم المتمردين على موقع ما
هو تفلتات..حرب قبلية بين قبيلتين برضه تفلتات..و يمكن زي كتابتنا دي ايضا
تعتبر نوع من التفلتات
|
Post: #19
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-24-2008, 08:31 PM
Parent: #18
عدائيات و هذه سادت ايام نيفاشا و أظنها ترجمة حرفية لكلمة
hostilities و بعد نيفاشا لم نعد نسمعها كثيرا..ربما تستخدم مرة
أخرى عند بدء مفاوضات سلام دارفور.
|
Post: #20
Title: Re: رطانة الإنقاذ (Jargon)
Author: عصام علي أحمد
Date: 07-25-2008, 06:45 AM
Parent: #1
ياعمر سعد الكلمة دى بالذات بترفع
الضغط
|
Post: #21
Title: Re: رطانة الإنقاذ (Jargon)
Author: عزام حسن فرح
Date: 07-25-2008, 08:54 AM
Parent: #1
جزاك الله خير
|
Post: #22
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-29-2008, 00:14 AM
Parent: #21
و دي يا عزام بتاعت الكيزان المبتدئين..اما الواصلين
فبيقولوا...جزيت خيرا
|
Post: #23
Title: Re: رطانة الإنقاذ (Jargon)
Author: MAHJOOP ALI
Date: 07-29-2008, 06:39 PM
Parent: #22
سيف النصر
التدافع
ماتنساها
وعندى شؤال هل ماحدث بين سبدارت وخال الرئيس الطيب مصطفى
يقع ضمن مصطلح التدافع
|
Post: #24
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-30-2008, 04:58 AM
Parent: #23
أخونا محجوب علي سلامات
Quote: سيف النصر
التدافع
ماتنساها |
و الله التدافع دي ما عارفها يا محجوب ..لكن بفتش وراها..
يكونوا قاصدين..و لولا دفع الله الناس بعضهم ببعض..؟؟
أظن انو مافي علاقة ظاهرة بين الدفع و التدافع ..
و بالانا شايفو الناس ديل غايتو من جونا و هم بيتدافعوا
تدافع شديد خلاص..و النتيجة بعضهم لسة ثابت و بعضهم في الحافة
و البعض الأخر ركب التونسية
|
Post: #25
Title: Re: رطانة الإنقاذ (Jargon)
Author: حسين نوباتيا
Date: 07-30-2008, 10:07 AM
Parent: #24
التوالي ومعناها الظاهر التعاقب في تولي السلطة والباطن تبادل السلطة فيما بينهم وقام بصكها ايه الله غابر الرملي
التمكين ومعناها قد تمكنا من رقابكم ياشعب السودان واحسب ان من قام بصكها هو الشيخ الجليل تارب بن حفرة
|
Post: #26
Title: Re: رطانة الإنقاذ (Jargon)
Author: Samau'al Abusin
Date: 07-30-2008, 02:20 PM
Parent: #1
حقيقةً (تتقال بالتنوين بالفتحتين).
و دي لما تتقال تعرف طوالي إنو الزول داير يكضّب!
|
Post: #27
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 07-31-2008, 07:52 PM
Parent: #26
مرحب بحسين نوباتيا الرجل الذي اناخ بعيره على باب المنبر
التوالي هذه تحمل معنى موجود فقط في بطن شاعرها و ناجرها و مخترع الحركة الاسلامية
في السودان الذي ناله نفس مصير الرجل الذي اخترع الوحش فرنكشتاين..و التوالي بحسب
الترابي تعني أن يوالي بعضنا بعضا و هي فكرة تؤدي للحزب الواحد لا للتعددية..
اما التمكين فهي مفردة باردة و قاسية و مملؤة بالكراهية..و عندي هي مثل قولك
لخصمك :تمكنت منك.. و ذلك قبل أن تشرع في خنقه.
|
Post: #28
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 08-03-2008, 07:16 PM
Parent: #27
Quote: حقيقةً (تتقال بالتنوين بالفتحتين).
و دي لما تتقال تعرف طوالي إنو الزول داير يكضّب! |
ود ابوسن...سلام
حقيقتن دي باين عليها كلمة مهمة بالحيل لأنهم فعلا يكثرون من
ترديدها..أو يكون قصدك انو كلام الجماعة نصه موية
|
Post: #29
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 08-11-2008, 04:47 AM
Parent: #28
قاصدة..و القاصدة تأتي في سياقات عدة فتكون مسيرة قاصدة
مرة أو دولة قاصدة مرة أخرى..و يمكن جمعية وللا لجنة شعبية قاصدة
المهم قاصدة هذه مفردة غامضة محملة بالدلالات الميتافيزيقية(قوية؟؟)
فالمسيرة أو الدولة قاصدة صوب هدف بعيييد يلوح في الأفق محمولا على
غمام ابيض و تحفه الملائكة..و لما تتقال قدام الكيزان المبتدئين
بقيفوا لمبة حرّم لما شعرة جلدهم تكلّب.
|
Post: #30
Title: Re: رطانة الإنقاذ (Jargon)
Author: ibrahim alnimma
Date: 08-11-2008, 05:34 AM
Parent: #29
تذكرني هذه الكلمة العجيبة التي بدأنا نسمعها((( حقيقة)) من افواه
الجماعة تذكرني باحد اقاربي الذي اشتهر بالكذب وكان لايزيد
من جملتين احداها مقدمة لكذبة كبيرة تتوسطهما كلمة ((صدق))ثم تاتي الكذبة حتي
اننا اطلقنا علية اسم صدق وهو الي الان معروف باسم صدق....فهؤلاء
كصاحبنا مصدقين
|
Post: #31
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 08-12-2008, 11:01 AM
Parent: #30
سلام يا ابراهيم...الحقيقة في وادي و جماعتك ديل في وادي..
|
Post: #32
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 08-23-2008, 05:01 PM
Parent: #31
بسط:و هذه من المفردات التي يبدو أن الجماعة "مبسوطين" منها
جدا و هي مفردة يحبها الترابي كما لاحظت و يكثر من استخدامها فمن
بسط الشورى و بسط الحريات الى بسط الأمن الشامل و هذا الأخير له حكاية
تستحق أن تروى..إذ أنه في وقت ما خلال التسعينيات من القرن الماضي
و في واحدة من تجاربها العجيبة التي اتحفتنا بها الأنقاذ اقيمت اكشاك
في كافة احياء الخرطوم"ما عارف باقي المدن" و وضع فيها صبيان صغار
يلبسون ملابس العسكر و السفنجات عرفوا بناس البسط و مكتبهم عرف بكشك البسط
تتشاجر مع سيد الدكان فتقول له :يا زول يلا على البسط..ينط في بيتك
حرامي يمسكه أهل الحلة فيودونه للبسط..بل أنني أذكر أن كلبنا في عام 97
كان قد عضّ احدى الفتيات في الشارع و درءا لغضب اهلها وديناه البسط
|
Post: #33
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 08-26-2008, 08:59 PM
Parent: #32
رسالي: بعد المفاصلة أظن أن هذه المفردة قد آلت لناس
المؤتمر الشعبي باعتبار أنه يضم معظم ناس الدين و المتشبعين
بسطوة الايدلوجيا..المهم الرسالي يمكن أن يكون فردا..تنظيما
أو شعب باكمله
قال شاعرهم...شنو كده ما عارف
أنه شعب رسالي
|
Post: #34
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-06-2008, 12:52 PM
Parent: #33
ذات : هذه المفردة تبقى حكرا على مثقفاتية الكيزان..فهم وحدهم المخول
لهم أن يتحدثوا عن ذات المعاني التي طرقها قبلهم شيخ حسن و يخوضوا فيها بذات
الحس الرسالي الذي يميز المفكر القاصد عن الآخر الما قاصد
|
Post: #35
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-12-2008, 08:31 PM
Parent: #34
دول الاستكبار:و غالبا المعني بها امريكا و بريطانيا و احيانا فرنسا
و هذا المصطلح ربما تمت صناعته ليكون وريثا لمصطلح الامبريالية الذي ساد في
ايام المد اليساري..مع الفارق بين بين المصطلحين فالامبريالية مصطلح مدعوم
بجهد فكري عظيم و هو يعبر بدقة عن مرحلة من مراحل الرأسمالية..اما صاحبنا
دول الاستكبار هذا فهو صناعة ايرانية و القصد منه هو اثارة العاطفة الدينية
لدى الجماهير..
|
Post: #36
Title: Re: رطانة الإنقاذ (Jargon)
Author: sami Alzubair
Date: 09-12-2008, 09:39 PM
Parent: #1
بعض المرجفين
..
الخونة والمارقين
..
معارضة الفنادق
..
عمك
..
مقضي انشاء الله
..
|
Post: #37
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-13-2008, 03:44 PM
Parent: #36
سامي الزبير شكرا يا خي على الاضافات المفيدة..و يبدو انك مخلي بالك تمام
من كلام الجماعة لأنو المجموعة الجبتها دي فعلا من بيت الكلاوي
بعض المرجفين:يرسم قائلها على وجهه علامات الغضب و يحاول أن يبدو صارما
تماما و هو ينطق بهذه الكلمات العجيبة.و هي تقال لكل من لا يتفق مع الجماعة
في مواقفهم أو لمن يتحدث محذرا من موقف ما يعتقد أنه سيؤدي لكارثة ..
و هكذا تعارض قيام سد ما لايمانك بعدم جدواه أو لخوفك على ارضك و ارض اجدادك
فأنت مرجف و ستين مرجف كمان.
الخونة والمارقين: و هذه يبدو أنها اقدم عنرا من المرجفين و هي عموما
مفردات قابلة للتشكيل و اعادة التشكيل فخونة ما و مارقين يصبحون مثالا في الوطنية
بمجرد توقيع اتفاق أو معاهدة مع الجماعة.
معارضة الفنادق: و هذه تقال بلا تحفظ أو استدراكات فكل المعارضين هم من
ساكني الفنادق ذات الخمس نجوم يقبضون ثمن معارضتهم بالدولارات من جهات غير محددة
بدقة..يتحدث المعارض عن معسكرات للنازحين و اراض محررة و يدلي بالتصريحات من الميدان
بواسطة الثريا و برضه لا يتغير تصنيفه...معارضة فنادق.
عمك: دي غلبتني يا ود الزبير
مقضي انشاء الله:و دي يطرشني برضه ما سمعتها.
|
Post: #38
Title: Re: رطانة الإنقاذ (Jargon)
Author: saber alhawatti
Date: 09-13-2008, 04:10 PM
Parent: #37
أرموا قدام ورا مؤمن ...
الدبابين ....
الكلام ده معناه شنو ...
|
Post: #39
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-22-2008, 04:20 AM
Parent: #38
Quote: أرموا قدام ورا مؤمن ...
الدبابين .... |
دي يا صابر مفردات سادت ثم بادت بنهاية برنامج ساحات الفداء و بعد انقسام
الجبهة الاسلامية و جهجة الكوادر ما بين الوطني و الشعبي..و الظاهر الآن أنو
ورا بتاع الناس ديل لا مؤمن و لا حاجة..و السادة الدبابين فيهم من قضى نحبه
و فيهم من كفر بالمشروع الحضاري و منهم من تحول لبزنس مان و هكذا..
|
Post: #40
Title: Re: رطانة الإنقاذ (Jargon)
Author: Tragie Mustafa
Date: 09-22-2008, 04:30 AM
Parent: #39
يجازي محنك يا سيف النصر اتاريك لابد في بوست دسم خلاص انت وزوارك
وعارف اظرف ما فيه الجماعه ما بيدخولوا لبوست زي ده
اها يا اخوي ده يوم تاريخ اوعك تفوته اديني تلفون وبكمل لك الباقي
وحياتك حترتاح شديد لو مشيت وترجع اصغر مليون سنه لو مشيت هناك
اخرجوا يا شرفاء امريكا للقاء اوكامبوا يوم الاربعاء 24/09/2008 بنيويورك!!
|
Post: #41
Title: Re: رطانة الإنقاذ (Jargon)
Author: NGABY AJOOZ
Date: 09-22-2008, 07:46 AM
Parent: #1
التكيف تدخل المسجد تطلع متكيف وجيبك مليان
|
Post: #42
Title: Re: رطانة الإنقاذ (Jargon)
Author: أبو ساندرا
Date: 09-22-2008, 09:13 AM
Parent: #1
يا سيف النصر
موضوعك رائع وفي السلك
وكمان مفيد جدآ لفك شفرة رطانة الكيزان
شكرآ لك
ولصديقتنا تراجيي التي دلتني على البوست
والدال على الخير وعلى المفيد أجره كفاعله
فتراجي شريكة لك
ثم
كنت عايز اشارك ب { يا شيخنا }
التي تنرفزني جدآ
لكن عمر سعد سهكها لينا
وكتر خير الضابط الهرشوا
ملاحظاتك في رطانتهم دقيقة جدآ
حتى كدت أظنك منهم
والذي يعرف رطانة قوم يأمن شرهم
في واحدة من مسهوكاتهم
ومنجوراتهم هي
المتوضئة
كانوا بيقولونها عن القناة الفضائية
كلما قالوها بكون متأكد من نجاسة القناة
ونجاستهم
نكرر شكرنا لك
ولتراجي
|
Post: #43
Title: Re: رطانة الإنقاذ (Jargon)
Author: محمد أبوالعزائم أبوالريش
Date: 09-22-2008, 10:13 AM
Parent: #1
المفردات دي أكتر من يلاحظها الغايب عن البلد. وفي مرّة كنت في إجازة، وبقضي مشوار، إتنين شباب (بنات) أشروا لي، شفقت عليهم من الشمس الحارة، وقلت نمارس شوية (فضل ظهر) وأخدتهم معاي في طريقي. لما وصلوا قالوا لي بس أقيف هنا، وهم نازلين من العربية، واحد قالت لي (جزاك الله خيراً)، بدون ما أحس قلت ليها تعالي هنا، نحن أهلنا علمونا (كتّر خيرك)، لو عندِك أديني ياها، لو ما عندك حقتك المنوّنة دي ما لازماني .. شيليها معاك.
الناس داخل السودان بقوا يتعاملوا مع الكلمات دي بصورة عادية .. بس برضو في تعبيرات بتكون حكر على الجماعة.
شكراً ليك سيف النصر .. وده توثيق برضو مطلوب
|
Post: #44
Title: Re: رطانة الإنقاذ (Jargon)
Author: محمد الباقر
Date: 09-22-2008, 12:52 PM
Parent: #1
سلامات يا شباب ..
مفردة معالجه.. واكثر من يستخدمها بتاعين الالزاميه..
|
Post: #45
Title: Re: رطانة الإنقاذ (Jargon)
Author: Dalal Ezzaldin
Date: 09-22-2008, 01:42 PM
Parent: #1
اجنده .. في بعض المقولات ( اجنده خارجيه )
عميل
مرتذقه
تحية طيبه ( دي بتعتي )
|
Post: #46
Title: Re: رطانة الإنقاذ (Jargon)
Author: مها عبد الله
Date: 09-23-2008, 02:39 PM
Parent: #1
Quote: -نفرة..و هذه تأتي بالالوان الطبيعية و بجميع الاحجام فهنالك نفرة
خضراء و نفرة كبرى..الخ. |
الأخ الفاضل سيف النصر محي الدين تحياتي
بوست أكثر من تحفه ، ولا تنس ( الخونه والمارقين ) وبالتأكيد ممكن يقوم بتفسيرها أو ( يتبرع ) بشرح المفرده أحد ( الإخوه/ات ) ( الكيزان ) ( جزاهم الله خيراً )
|
Post: #47
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 10-08-2008, 04:32 AM
Parent: #46
| Quote: التكيف تدخل المسجد تطلع متكيف وجيبك مليان |
سلام يا نقابي و شكرا على المشاركة المرحة
|
Post: #48
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 10-08-2008, 04:48 AM
Parent: #47
Quote: في واحدة من مسهوكاتهم
ومنجوراتهم هي
المتوضئة |
سلامات يا ابو ساندرا
المتوضئة دي برضه كانت بتستخدم في الدعاية الانتخابية لاتحادات الطلاب..يقولوا ليك:
انتخبوا الأيدي المتوضئة..و كأنما أيدي الآخرين ليست كذلك..و بعدين الأيدي دي ذاتها
ما عرفناها هل بتكون متوضئة 24/7 و للا كيف؟ و بعدين كيف الأيدي دي نفسها بتمتد لتزور
نتيجة انتخابات ما.. أو تتصرف في اموال الطلاب بغير وجه حق؟
|
Post: #49
Title: Re: رطانة الإنقاذ (Jargon)
Author: عبدالرحمن الحلاوي
Date: 10-08-2008, 05:06 AM
Parent: #48
إطار: دي بترفع الضغط 100%
آلية : دي منتهى العوارة .
مصفوفة : دي جديدة في المصطلح
|
Post: #50
Title: Re: رطانة الإنقاذ (Jargon)
Author: Shalabi
Date: 10-08-2008, 05:09 AM
Parent: #1
التأمين : ويقال أنا ( بأمن ) على الموضوع الفلاني أو على النقطة الفلانية بمعنى تأكيد.
تثنية : مشتقة من (ثاني ) بمعنى مشاركة وجهة نظر في جزء معين من الموضوع.
التمكين :
التزكية :
أخوات نسيبة:
مبايعة: ويقصد بها البيعة لولي الأمر على الولاء ( إستخدام لمفردة قديمة ) في غير موضعها.
التوجه الحضاري:
|
Post: #51
Title: Re: رطانة الإنقاذ (Jargon)
Author: أبو ساندرا
Date: 10-08-2008, 07:06 AM
Parent: #1
كتب سيف النصر
وقوسه
Quote: ما عرفناها هل بتكون متوضئة 24/7 و للا كيف؟
و بعدين كيف الأيدي دي نفسها بتمتد لتزور
نتيجة انتخابات ما.. أو تتصرف في اموال الطلاب بغير وجه حق؟ |
والله حاجة عجيبة يا سيف
والأعجب لسع في ناس بيصدقوهم
زي فتحي شيلا
وحضرة الحلف طلاق يصوت للبشير
ياخ قومو لفو
|
Post: #52
Title: Re: رطانة الإنقاذ (Jargon)
Author: Ahmed Yousif Abu Harira
Date: 10-08-2008, 07:23 AM
Parent: #51
جزاك الله خير
قالها أحد الطلبه في اول ايام الانقاذ لأحد دكاترة جامعة الخرطوم الكبار فأفرد الدكتور سبابته في وجه الطالب وقاللو بغضب باين وصوت مرتفع
"جزاك الله خير انت ده"
فجزاك الله خير يا دكتور سيف على الفكرة الرائعة
|
Post: #53
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 10-09-2008, 05:03 AM
Parent: #52
الأخ محمد أبو العزائم
شكرا يا عزيزي على مرورك الكريم و مساهمتك القيّمة.
|
Post: #54
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 10-09-2008, 05:06 AM
Parent: #53
| Quote: مفردة معالجه.. واكثر من يستخدمها بتاعين الالزاميه |
..
سلامات يا محمد الباقر..
و الله الحمد لله الحاجات دي ما مرت بينا..و ياريت لو تتوسع أكثر في مفردة
المعالجة دي و تشرحها لينا في السياق البتتقال فيهو
|
Post: #55
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-05-2008, 07:51 PM
Parent: #54
الأخت دلال عزالدين...تحياتي
الكلام عن الأجندة و الأجندات و خصوصا الخارجية منها فعلا يكاد أن يكون قاسما مشتركا
في كل التبريرات التي تقدم للمشاكل و الاضطرابات التي يواجهها اهل الانقاذ باستمرار
منذ (تمكنهم)
| Quote: تحية طيبه ( دي بتعتي ) |
اعملي حسابك ما يلفحوها منك
|
Post: #56
Title: Re: رطانة الإنقاذ (Jargon)
Author: Salahaldeen Nadir
Date: 11-05-2008, 08:25 PM
Parent: #55
البشريات وبتجي دائما مع بدايه المشاريع.
أو تسمع انو فلان شخص متين دلالة على إلتزامه (بشنو؟)
منسقية ودي في أي وحدة حكومية بتلقى اتنين تلاتة ومنها أستحدثت وظيفة المنسق (العام) او غير العام. ,يشار إليه ب (عمك) التي اوردها سامي الزبير
(عموما) مصطلح (عمك) يقصد به (كبير القعده)
الدابة وهي عربات أو (زمان كانت مواتر) التنظيم او الحكومة.
حافز الوزير هو مقدار مالي يستقطع من ايرادات الوزارة لصالح الوزير وبالذات وزارة الداخلية أيام (عمك) مخترع نظرية الاستدراج
!
|
Post: #57
Title: Re: رطانة الإنقاذ (Jargon)
Author: salah elamin
Date: 11-05-2008, 08:57 PM
Parent: #56
سيف النصر
من الكلمات البستعملوها
جملة اخوانتا الجنوبيين
او اخواننا في دار فور
ودي بتكون المرادف للمهمشين .
وايضا بكثروا من ترديد كلمة
نعم ..نعم ,
عندنا خالنا كوز متمرد اظنك قابلته مرة
لما يكون معانا ما بستعمل لغة الكيزان
لكن شايفو لما يكون في مجتمع فيه كيزان بكثر من الكلمات
بتاعتهم دي وخاصة نعم ..نعم
اقترح يا سيف ان تحول الموضوع دا لدراسة متكاملة
على طريقة الدراسة الكانت في الجبهة الديمقراطية
باسم شعارات الاخوان المسلمين
انت في امريكا ولا رجعت
تحياتي للعيال وامهم .
|
Post: #58
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-05-2008, 09:10 PM
Parent: #57
سلامات يا أخت مها عبد الله
| Quote: ولا تنس ( الخونه والمارقين ) |
الخونة و المارقين ديل كانوا في بداية الانقاذ كل الناس الما كيزان
و الآن ضموا ليهم الكيزان بتاعين المؤتمر الشعبي(و للا يكونوا بيمثلوا علينا كمان؟)
|
Post: #59
Title: Re: رطانة الإنقاذ (Jargon)
Author: بدر الدين اسحاق احمد
Date: 11-05-2008, 09:37 PM
Parent: #58
غايتو دى ما بتعرفوها ...
الـ حاءاءات الثلاثـــة ...
تعزيز ...
القيادات الوسيطة ...
الإســتوزار ...
وينك يا سيف النصر من جواب ابو ساندرا ما جيت بيه هناك
|
Post: #60
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-08-2008, 06:01 PM
Parent: #59
Quote: إطار: دي بترفع الضغط 100%
آلية : دي منتهى العوارة .
مصفوفة : دي جديدة في المصطلح |
سلام عبدالرحمن الحلاوي...مصفوفة دي غايتو فيها قدر كبير من التعالي و بعيدة تماما
من استيعاب جماهير شعبنا الكادحة في الهوامش و هم المعنيون اساسا بهذه(المصفوفة).
|
Post: #61
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-11-2008, 06:57 AM
Parent: #60
الأخ شلبي.....شكرا لمرورك
التوجه الحضاري و ما ادراك ما التوجه الحضاري...انتهى الأمر و رفعت الأقلام و جفت الصحف
المطروح الآن هو تقاسم السلطة و الثروة و بعد داك كل زول يتوجه زي ما عاوز
|
Post: #62
Title: Re: رطانة الإنقاذ (Jargon)
Author: اسامة الكاشف
Date: 11-11-2008, 09:32 AM
Parent: #61
سيف تحياتي
بوست مهم لتوثيق مفردات الأدب السياسي الأخواني
الاستصحاب (بمعني استبطان المرجعية
المناصحة: لغة تستخدم عند التفاوض مع طرف آخر
، التفويج : حشد الجماهير للتصويت أو لقاء المسئولين
|
Post: #63
Title: Re: رطانة الإنقاذ (Jargon)
Author: A.Razek Althalib
Date: 11-11-2008, 10:25 AM
Parent: #62
عنكبة إتعلم الرطانة يا د. سيف..
|
Post: #64
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-11-2008, 08:42 PM
Parent: #63
| Quote: "جزاك الله خير انت ده" |
شرفت البوست يا ابا حريرة...تكرار بعض المفردات بهذا القدر من اللزوجة يجعل الآخرين
ينفرون منها و لا يرغبون في نطقها بل و سماعها ايضا.
|
Post: #65
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-27-2008, 00:00 AM
Parent: #64
Quote: البشريات وبتجي دائما مع بدايه المشاريع.
أو تسمع انو فلان شخص متين دلالة على إلتزامه (بشنو؟)
منسقية ودي في أي وحدة حكومية بتلقى اتنين تلاتة ومنها أستحدثت وظيفة المنسق (العام) او غير العام. ,يشار إليه ب (عمك) التي اوردها سامي الزبير
(عموما) مصطلح (عمك) يقصد به (كبير القعده)
الدابة وهي عربات أو (زمان كانت مواتر) التنظيم او الحكومة.
حافز الوزير هو مقدار مالي يستقطع من ايرادات الوزارة لصالح الوزير وبالذات وزارة الداخلية أيام (عمك) مخترع نظرية الاستدراج |
يا صلاح الدين نادر مداخلتك دي قوية..دي Inside information عديل كده
|
Post: #66
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 12-01-2008, 06:54 PM
Parent: #65
Quote: عندنا خالنا كوز متمرد اظنك قابلته مرة
لما يكون معانا ما بستعمل لغة الكيزان
لكن شايفو لما يكون في مجتمع فيه كيزان بكثر من الكلمات
بتاعتهم دي وخاصة نعم ..نعم |
شبكشي سلامات و مشتاقين عديل
عارف المسألة دي موجودة في كل التنظيمات ..طريقة اعضاء التنظيم في الحديث غالبا ما
تكون متقاربة و يميلون لتكرار عبارات و مفردات بعينها و تجد عند بعضهم تأثرا بطريقة
زعيم الحزب في الكلام ..ابلغ مثال على ذلك هو تأثير الترابي على الكثيرين من الكيزان
و الصادق المهدي على اعداد من اعضاء حزب الأمة..و ناس الجبهة الديمقراطية برضه عندهم
طريقة مميزة في الكلام و عبارات اثيرة يحبون ترديدها و بعضها انتشر في اوساط الطلاب
حتى من غير اعضاء الجبهة الديمقراطية( زي في الحتة دي,أو الزول داير يقول,أو بالفهم ده)
و غيرها من العبارات و المفردات.
المشكلة في رطانة الكيزان هذه أنهم عملوا على ترويجها و ضخها اعلاميا لتصير لغة
للشارع السوداني بمختلف توجهاته...اثني على رأيك في أن هذا الموضوع يمكن أن يكون
نواة لدراسة لو عمل عليه أحد المتخصصين.
|
Post: #67
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 12-02-2008, 05:13 PM
Parent: #66
Quote: غايتو دى ما بتعرفوها ...
الـ حاءاءات الثلاثـــة ...
تعزيز ...
القيادات الوسيطة ...
الإســتوزار ... |
بدر الدين احمد اسحق..سلامات
الحاءات الثلاثة دي يطرشني ما سمعت بيهن ..اما بقية المصطلحات و العبارات من تعزيز
و قيادات وسيطة و استوزار تبدو مألوفة بالنسبة لي . بس اكيد معناها عند "كوز" عتيد زيك
اكيد بيكون مختلف عن محاولتي انا لايجاد معنى لها...غايتو يا زول حج حجك و تعال اشرح
لينا و ما تنسى تورينا هل هي من رطانة الوطني أم الشعبي
|
Post: #68
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-08-2009, 03:38 PM
Parent: #67
الجنائية : و هي المحكمة الجنائية الدولية و التي
درج ناس الانقاذ على الاشارة اليها اختصارا بالجنائية و تبعتهم في ذلك الصحافة المحلية
و اخبار الاذاعة و التلفزيون بل و كتبتها جماهير محلية أم ضبيبينة و الكريدة و ابكريميت
و كل الجماهير التي خرجت تضامنا مع الرئيس و استجابة لدعوات المؤتمر الوطني..
و الجنائية هذه في الحقيقة تمثل شيئا عجيبا و فريدا لم يمر على السودان في تاريخه الحديث
مثيلا له..و قد اجتهد أهل الانقاذ في الوصول لهذا الانجاز الفريد ايما اجتهاد و اصموا
آذانهم و أعموا اعينهم عن كل قول أو فعل من شأنه أن يجنبهم و البلاد و العباد معهم بلوغ
هذه المرحلة ..فلا حول و لا قوة إلا بالله.
|
Post: #69
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-08-2009, 08:54 PM
Parent: #68
| Quote: عنكبة إتعلم الرطانة يا د. سيف.. |
ود الطالب حبابك..عنكبة ده رطانتو اصلية متعلمها في المركز الرئيسي..ده زول ساكن في
المدينة المنورة ليهو أكتر من عشرة سنين..الله يسامحك دي أخف حاجة في ذخيرتو اللغوية.
|
Post: #70
Title: Re: رطانة الإنقاذ (Jargon)
Author: Ahmed Elmardi
Date: 02-08-2009, 09:06 PM
Parent: #69
سيف ورفاقه دا بوست ذكي ولماح،
كان الله هون جاييهو بمزاج،
أصلي الأيام دي بسمع الإذاعة في الإنترنيت،
عشان أفور دمي وكدا.
*
عجبتني دي شديد يا دكتور أبوحريرة، ممكن أستلفها؟
Quote: جزاك الله خير
قالها أحد الطلبه في اول ايام الانقاذ لأحد دكاترة جامعة الخرطوم الكبار فأفرد الدكتور سبابته في وجه الطالب وقاللو بغضب باين وصوت مرتفع
"جزاك الله خير انت ده"
|
|
Post: #71
Title: Re: رطانة الإنقاذ (Jargon)
Author: Ahmed Elmardi
Date: 02-08-2009, 09:35 PM
Parent: #70
ياخي اللغة دي كائن بديع جدا
شوف هسة الدكتور القالوا أبوحريرة عبر عن رأيو بطريقة خلاقة كيف؟!!..
كان في واحد أستاذ معانا في كلية الفنون، (بحب يمشي جنب الحيط) لما مواضيع السياسة تحر،
ويستحيل يصرح برأي سياسي واضح، بطريقة الخواف ربى عيالو ديك، لكن مزاجو العام كدا ما إنقاذي.
فمرة لقيتو ماسك الجريدة - في مكان مأهول نسبيا بالطلبة والأساتذة-.
المهم صاحبنا قرا في الجريدة شوية كدا، بدون ما يكون في أي تعبير في وشو..
وفيها صور مجلس الإنقاذ، من كل شاكلة ولون، وفي أكتر من صفحة
صور مبثوثة
للبشير
والطيب سيخة
ومحمد الأمين خليفة
وآخرين في أوضاع مختلفة.
فقام الأستاذ ختاها براحة كدا في التربيزة وقال:
دا شنو جريدة كلها شلاليف!
وكان هذا التعليق هو العبارة الوحيدة التي يمكن أن نفهم
منها رأي صاحبنا في الإنقاذ بطريقة ما.
.
|
Post: #72
Title: Re: رطانة الإنقاذ (Jargon)
Author: حذيفه ابراهيم الكباشي
Date: 02-08-2009, 09:37 PM
Parent: #70
كدي يا اخونا ما نعمل تعارف
...
|
Post: #73
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-09-2009, 05:33 PM
Parent: #72
Quote: الاستصحاب (بمعني استبطان المرجعية
المناصحة: لغة تستخدم عند التفاوض مع طرف آخر
، التفويج : حشد الجماهير للتصويت أو لقاء المسئولين |
سلامات يا اسامة الكاشف ..
المصطلحات التي أوردتها في مداخلتك فعلا من الرطانة الانقاذية المهمة جدا و هي في ظني
تتوسل لغة تراثية تمدها بالشرعية اللازمة....المصيبة شوية شوية بقوا يقولوها ناس تانيين
ما عندهم علاقة بالانقاذ.
|
Post: #74
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-09-2009, 05:55 PM
Parent: #73
| Quote: كان الله هون جاييهو بمزاج، |
اهلا حباب احمد المرضي و نحن في انتظارك...
|
Post: #75
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-16-2009, 00:34 AM
Parent: #74
| Quote: كدي يا اخونا ما نعمل تعارف |
في الجامعة و ايام البرلمة خصوصا يا حذيفة الجماعة هرونا هري بالعبارة دي.
|
Post: #76
Title: Re: رطانة الإنقاذ (Jargon)
Author: azhary taha
Date: 02-16-2009, 04:57 AM
Parent: #75
وفي التعارف اخوكم في الله ان شاء الله فلان العلاني
|
Post: #77
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 02-27-2009, 04:42 AM
Parent: #76
تقطيع الاوصال : اوصال منو؟؟
تصدق أنو الكلام عن اوصال مواطنين كل ذنبهم هو انهم بعبروا عن رأيهم!!
غايتو دي جديدة و ما في زول و لا عهد سبقكم عليها.
|
Post: #78
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 06-23-2009, 00:47 AM
Parent: #77
ما في حاجة جديدة يا اخوانا؟
|
Post: #79
Title: Re: رطانة الإنقاذ (Jargon)
Author: Mohammed Elhaj
Date: 06-23-2009, 05:41 AM
Parent: #78
لمن يعرفو بعضهم
أخوكم في الله ان شاء الله الكوز الفلاني
وتيمتهم الشهيرة
..........
..............
...................
لا لدنيا قد عملنا شوف دي كيف
فليعد للدين مجده
فليعد للدين عزه
أو ترق منا الدماء
أو ترق منهم دماء
أو ترق كل الدماء عديل كدا
|
Post: #80
Title: Re: رطانة الإنقاذ (Jargon)
Author: الفاتح ميرغني
Date: 06-23-2009, 07:22 AM
Parent: #79
| Quote: ما في حاجة جديدة يا اخوانا؟ |
عفوا دكتور سيف لم الاحظ تعرضك لمصطلح دول الاستكبار الا الان لذا حذفت مداخلتي منا والتي كانت حول ذات المصطلح
عموما لا يسعني الا ان اقول لك في ميزان حسناتك(وجه مفعم بالايمان)
|
Post: #81
Title: Re: رطانة الإنقاذ (Jargon)
Author: حيدر حسن ميرغني
Date: 06-23-2009, 07:29 AM
Parent: #80
Quote: دول الاستكبار:و غالبا المعني بها امريكا و بريطانيا و احيانا فرنسا
و هذا المصطلح ربما تمت صناعته ليكون وريثا لمصطلح الامبريالية الذي ساد في
ايام المد اليساري..مع الفارق بين بين المصطلحين فالامبريالية مصطلح مدعوم
بجهد فكري عظيم و هو يعبر بدقة عن مرحلة من مراحل الرأسمالية..اما صاحبنا
دول الاستكبار هذا فهو صناعة ايرانية و القصد منه هو اثارة العاطفة الدينية
لدى الجماهير.. |
سيفنا
لاحقا حايضيفو عليها اي دولة ماحتقدر تعبر اجواها طائرة البشير
يعني تشاد وبتسوانا برضو ممكن تكون مستكبرة
|
Post: #82
Title: Re: رطانة الإنقاذ (Jargon)
Author: عبد المنعم سليمان
Date: 06-23-2009, 07:40 AM
Parent: #81
سيف هاك دي :
سد الذرائع
ااااخخخخخ دي كل ما اسمعها منهم بتجيب كثافتي طوالي ..
___
الرجاء الاستعانة بمفردات الاخ الطاهر ساتي لمزيدا من ارتفاع ضغط الدم بين الاعضاء
هههه
|
Post: #83
Title: Re: رطانة الإنقاذ (Jargon)
Author: حيدر حسن ميرغني
Date: 06-23-2009, 07:45 AM
Parent: #82
منعم
دي على وزن ساوو الصفوف
وللا كمان عملو سد للحلو مر
|
Post: #84
Title: Re: رطانة الإنقاذ (Jargon)
Author: عبد المنعم سليمان
Date: 06-23-2009, 07:51 AM
Parent: #83
على وزن سد الشريك يا حيدر
وينك يا زول
|
Post: #85
Title: Re: رطانة الإنقاذ (Jargon)
Author: هواري نمر
Date: 06-23-2009, 07:52 AM
Parent: #80
وهدة: ودي بستخدموها..لم يقولو انهم انقذو البلد من حكم الاحزاب
مبروك:
الانجاز:
الاعجاز:
التاصيل:
التمكين:
محلية:
ولاية:
والي:
مجلس اربعيني:
بسط الامن:
الاخ المجاهد:
الاخ المرابط:
وحدة الصف الوطني:
المنشقين:
المندسين:
العمالة:
دول الاستكبار:
المأجورين:
في حضن الغرب:
شرطة شعبية:
دفاع شعبي:
نداء الجهاد:
النفرة:
تسيير:
ترسيخ مبدأ (كذا):
اها و لسه...
|
Post: #87
Title: Re: رطانة الإنقاذ (Jargon)
Author: عبد المنعم سليمان
Date: 06-23-2009, 08:21 AM
Parent: #85
الثوابت
___
دي اسالوا منها اخونا علي تاج الدين
بلاش الطاهر ال بعيد داااك
الله ياخدكم ومن لف لفكم الي يوم الدين يا ابن تاج الدين
|
Post: #88
Title: Re: رطانة الإنقاذ (Jargon)
Author: على تاج الدين على
Date: 06-23-2009, 08:48 AM
Parent: #87
| Quote: الله ياخدكم ومن لف لفكم الي يوم الدين يا ابن تاج الدين |
اسع يا منعم اللمة فى
البوست ده كلها عشان شوية مصطلحات لا راحت لاجات....والله كان كدا ...الكيزان ديل خطرين خلاص
معقول اعملوا مشغولية للناس قدر كدا بشوية المصطلحات دى؟؟؟ومال بقية القاموس حاتكون كيف؟؟
ههههههههههه
|
Post: #89
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 06-23-2009, 02:57 PM
Parent: #88
Quote: لا لدنيا قد عملنا شوف دي كيف
فليعد للدين مجده
فليعد للدين عزه
أو ترق منا الدماء
أو ترق منهم دماء
أو ترق كل الدماء عديل كدا |
سلامات يا محمد الحاج
هذه الاهازيج اصبحت تردد باصوات خافتة و قد زالت منها الحماسة القوية التي كانت
تصحبها زمان...هم الآن تأكدوا انهم يعملون للدنيا و أن مجد الدين ليس واقعا في
دائرة اهتماماتهم الحالية...قد ترق بعض او كل الدماء ، لكن ليس بسبب الدين بالتأكيد.
|
Post: #90
Title: Re: رطانة الإنقاذ (Jargon)
Author: أحمد أمين
Date: 06-23-2009, 03:09 PM
Parent: #89
| Quote: أو ترق كل الدماء عديل كدا . |
يقولوا ليهم بتاعين (جنوسايد) يقوموا يجقلبوا
هسع بالله لو لقيت ليك زول ماشى فى الشارع بيردد فى كلام زى ده- مش حتسلموا لاقرب فكى ولا طبيب نفسى..
لكن الكارثه- المجانين حاكمين البلد.
|
Post: #91
Title: Re: رطانة الإنقاذ (Jargon)
Author: الطاهر ساتي
Date: 06-23-2009, 03:14 PM
Parent: #89
جلسة إيمانية (أهم حاجة فيها البلح بالسمسمية والشاى بالزلابية )
......
بوست تحفة ، بجيها راجع باذن الله
والى ذلك الحين : ماتنسانا من صالح الدعوات
|
Post: #92
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 06-23-2009, 03:56 PM
Parent: #91
| Quote: قوى الإستكبار ( مع ضرورة تفخيم حرف الراء بما يشبه التشديد)!!. |
الأخ الفاتح ميرغني..سلامات
شوف حيدر حسن ميرغني اضاف ليك اضافة مهمة لحكاية دول او قو الاستكبار:
Quote: لاحقا حايضيفو عليها اي دولة ماحتقدر تعبر اجواها طائرة البشير
يعني تشاد وبتسوانا برضو ممكن تكون مستكبرة |
فلله الأمر من قبل و من بعد..LOL
|
Post: #93
Title: Re: رطانة الإنقاذ (Jargon)
Author: حيدر حسن ميرغني
Date: 06-23-2009, 04:07 PM
Parent: #92
الطاهر يابلدينا
| Quote: جلسة إيمانية (أهم حاجة فيها البلح بالسمسمية والشاى بالزلابية ) |
ياخي جلسة ايمانية دي قديمة من زمن بندرس انا وسيف النصر ده في مصر
كانوا بيخموا بيها البرالمة
يخلعوك كده لامن تخاف على روحك
كأنك قادم للبقاء في تورابورا
وكانت بالفول والشاي بس
وصيام الخميس والاثنين
والجماعة التماسيح الكبار لا عليهم بصوم ولايحزنون
بدل وكرفتات وخلط جكس وصور
|
Post: #94
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 06-23-2009, 04:16 PM
Parent: #92
منعم... سلامات
Quote: سد الذرائع
ااااخخخخخ دي كل ما اسمعها منهم بتجيب كثافتي طوالي .. |
البجيب الكثافة كتير يا منعم..بمناسبة الثوابت اهديك قصيدة شاهين
شاهين عن الثوابت:
ثوابت ثورة الانقاذ المنتصرة دوما بأذن الله
ثوابت , ثوابت
احب الثوابت بزيت مع بطاطس
وحبة شمار
خلطة مبأدى بشطة وطماطم
حلة كوارع
شوربة خضار
مواطن يا صالح
صباح الثوابت
بلاش المساخر
ثبت ثوابتك
مسامير مفاصلك
واوعك تعارض
بنعرف مصالحك , ونعرف نفاوض
حتعمل مناضل , بتتعب ونزعل
و (..) حيطلع
صلاح البلاد والعباد فى الثوابت
فظبط مسائلك .. حالك ومالك
وشيل هم عيالك
وجيب عيشة سخنة لدكوة طناشك
واهتف معايا (يعيش الوطن ثابت مثبت بلصقة ثوابت)
عزيزى المواطن
بطاقتك بتثبت بانك موله وعاشق مثابت
وارباب ثوابت
فشكرا جزيلا لهذا الكرم
بنشكر مدامك
نضالها الصبور
بدلكة وعطور
ورطلين بخور
اضاف ليل خميسكم فى بند الثوابت
فشكرا مدام
شكرا مواطن
شكرا شباب
وعاش الوطن .
الوطن .
شاهين
|
Post: #95
Title: Re: رطانة الإنقاذ (Jargon)
Author: Balla Musa
Date: 06-23-2009, 04:28 PM
Parent: #94
نثمن جهدكم ياسيف
ومعاها عصرة فى الكتف باليد اليسار( دى تابعة لقائمة الحركات)
|
Post: #96
Title: Re: رطانة الإنقاذ (Jargon)
Author: Adil Ali
Date: 06-23-2009, 06:17 PM
Parent: #95
كيف حالك يا سيف...
"حزمة" برضه من المفردات التي هلكنا بها مسؤولو الجبهة في تصريحاتهم (الكاذبة بالطبع)... "حزمة قرارات"..."حزمة إجراءات"... "حزمة قوانين"... حزمة تدابير"...الخ. وسرعان ما وجدت طريقها لقاموس مفردات صحافة عصر نظام الجبهة، لتنضم إلى أخريات مثل "عدائيات" و"تفُّلتات".
تحياتي،
|
Post: #97
Title: Re: رطانة الإنقاذ (Jargon)
Author: AnwarKing
Date: 06-23-2009, 06:47 PM
Parent: #96
سورة العصر...
دي بعرفوها ناس علي تاج الدين علي كويس!
|
Post: #98
Title: Re: رطانة الإنقاذ (Jargon)
Author: خالد حاكم
Date: 06-23-2009, 10:12 PM
Parent: #97
ابو السيوف
سكرفى
( الشقيقة مصر) دى مجرد ما يجيبوا سيرة مصر , وكل ده طبعا بعد المفاصلة , مش ايام كانوا بيحفروا فى ترعة كنانة بالطوارى كيدا فى مصر!
|
Post: #99
Title: Re: رطانة الإنقاذ (Jargon)
Author: قيقراوي
Date: 06-23-2009, 11:26 PM
Parent: #97
Quote: ثوابت , ثوابت
احب الثوابت بزيت مع بطاطس
وحبة شمار
خلطة مبأدى بشطة وطماطم
حلة كوارع
شوربة خضار
|
بمناسبة " الخضار " دي اليومين ديل في " شمار " حايم السايبر دا - كان ما تطلع " تخرصات " - انو فقيه الانقاذ الاعلى اعلن :
انو " البنجر " هو " البامبيّ " !!!!
النصيحة لي الله " تخرصات " دي اول مرة سعتها من د. علي الحاج
مادام الحيكومة قالت : " البنجر " هو " البامبيّ "
يبقى خلاص " البنجر " هو " البامبيّ "
اتنوا ح ِتفهموا اكتر مل لحكومة ؟!!!
اوعك تعارض يا " طابور " يا " خامس "
Quote:
مواطن يا صالح
صباح الثوابت
بلاش المساخر
ثبت ثوابتك
مسامير مفاصلك
واوعك تعارض |
---------------
ازيك يا دكتور و شكرن ليك دخلتنا الفورمة . . . لي كم يوم بتاوق و ما عندي نفس اخش
و شكرن لشاهين
|
Post: #100
Title: Re: رطانة الإنقاذ (Jargon)
Author: عبد المنعم سليمان
Date: 06-23-2009, 11:39 PM
Parent: #99
قريب من النص
__
والله يا سيف النصر اشهد لاهل الخراب و (الانقاذ!!) ديل انهم بحبوا التسمية وسمايين خلاص
مرة قريت لافتة بشارع القصر مكتوب عليها :
العيد الخامس عشر للدفاع الشعبي
تحت شعار : الخيول مُسرجة
....
مسرجة اتقول فتحوا بيها القسطنطينية
ما شفنا خيول في البلد دي الا وراها كارو
|
Post: #101
Title: Re: رطانة الإنقاذ (Jargon)
Author: وليد محمد المبارك
Date: 06-23-2009, 11:50 PM
Parent: #100
التعريف في الجلسات
بسم الله اخوكم في الله فلان الفلاني (معاطة خلاس)
واجمل عبارة انتجوها
الزارعنا غير الله اللجي يقلعنا (سودانية للدين)
_______________
جيفارا ابو صلعة
اهو ابسط ياعم الليلة سادين فيك خدمة
|
Post: #102
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-08-2009, 05:59 AM
Parent: #101
الاعزاء
-بله موسى
-عادل علي
-انور كنج
-خالد حاكم
-قيقراوي
-منعم سليمان
-وليد محمد المبارك
شاكر مروركم و مساهماتكم القيّمة.
|
Post: #103
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 09-08-2009, 06:03 AM
Parent: #102
لبنى أحمد حسين
بفضل ممارسات الانقاذ الخرقاء صارت لبنى رمزا سودانيا عالميا في مواجهة الظلم و الجور
و العسف..و زادا لمناضلي و مناضلات بلادي ضد الطغيان.
|
Post: #104
Title: Re: رطانة الإنقاذ (Jargon)
Author: عزان سعيد
Date: 10-31-2009, 11:50 PM
Parent: #103
بوست جميل يا دكتور
نثمن و تثمين : لمن يكونوا عايزين يشكروا ليه زول
أظن سرقوها من على عبدالله صالح
|
Post: #105
Title: Re: رطانة الإنقاذ (Jargon)
Author: محمد عمر الفكي
Date: 11-02-2009, 04:12 PM
Parent: #100
يا دكتور
حاجة في ذمتك انت بتعرفني زول بريد الضحك مخليني حارس الازهري وعمار شابكني ابن سبأ ونصر الله وسنة وشيعة لمن فوت على البوست دا وبوست الصحابي بريمة بتاع المساليت.
حتما ما قمت به لن يجعله الله في (ميزان حسناتك)
|
Post: #106
Title: Re: رطانة الإنقاذ (Jargon)
Author: محمد عمر الفكي
Date: 11-02-2009, 09:32 PM
Parent: #105
"جعلها الله في ميزان حسناتك"
معقولة يا دكتور تنسوا كلمة اصيلة في رطانة الخلق ديل
اسمع دي
والي كوز معاه موظف غير كوز وكان الوالي مطلع روح الموظف دا وكلما الموظف يساله من زيادة اجر او مكافاءة او اي حاجة يقول له السيد الوالي (جعلها الله في ميزان حسناتك) المهم الوالي تم تصعيده (دي برضوا نسيتوها) وجابوا والي جديد الوالي الجديد اول يوم كرب الموظف لمن روحه طلعت فجاءه اخر اليوم وقال ليه ان شاء الله مبسوط من عملي الوالي قال ليه ( وربنا يجعله في ميزان حسناتك)
الموظف قال ليه "انت اخوك دا ميزانه دا ما شالو معاه؟)
|
Post: #107
Title: Re: رطانة الإنقاذ (Jargon)
Author: سيف النصر محي الدين محمد أحمد
Date: 11-02-2009, 09:55 PM
Parent: #106
دكتور عزان :
شكرا على المساهمة و نثمن مجهوداتكم عاليا .
محمد عمر الفكي :
كيفك يا مكاوي..الحكاية مضحكة بالجد و فعلا موازين الحسنات دي ما تديك الدرب و زي ما واضح مقسما الجماعة قسمين : ناس حقهم ناشف ياخدو حار حار و ناس يستنوا لي بعدين .
|
|