Post: #1
Title: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 07:21 AM
Parent: #0
يا جماعة لما أشتركنا في منتدى سودانيزاونلاين ده الواحد كان مفتكرو مكان للونسة و
الفضفضة و كده... بس كل يوم بقينا نكتشف فيهو فوايد ما كانت في الحسبان.
مؤخرا لقينا معانا ناس في البورد ما شاء الله عليهم واصلين و عندهم مقدرة علي جيب
الرايحة حتى لو كانت في خشم التمساح ظاطوو..و بيقدروا يفتحوا الملفات حتى لو كانت
مقفولة ليها سنين و في يوم أو إتنين بجيبوا الخبر الأكيد...أها يا أخوانا أنا عندي
مشكلة ليها سنين ما في زول قدر يحلها و محتاج فزعتكم فما تقصروا معانا.
|
Post: #2
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 07:33 AM
Parent: #1
الذي حدث يا أخوانا و في يوم حزين في يوليو 1989 و كعادتنا نحن سكان الأطراف
الخرطومية كنا مربينا لينا غينمات في البيت و كل صباح بنفكهم و نطلعهم الشارع عشان
ياكلو الشيء المقسوم ليهم كان ورق جرايد و لا أكياس نايلون..و ننتظرهم أخر اليوم
يرجعوا براهم زي ما متعودين...لكن في اليوم الحزين ده ما رجعوا...و لأنو الدنيا كانت
حظر تجول و كده ما قدرنا نمرق نفتشهم..و لي اليوم ده تاني ما رجعوا..و ما عرفنا
أختفاءهم ده سببو شنو..المهم في ناس قالو لينا مفروض تحملوا الحكومة المسؤلية كاملة
لكن نحن بصراحة خفنا لأنو ناس الحكومة كانوا هايجين و المواتر طول اليوم ماشة و جايه
في الشوارع ..و كل ما نمرق عشان نفتش نلقى الناس الراكبين المواتر و لابسين بدل سفاري و نضارات سود و يعاينوا لينا شديد نقوم نخاف و نرجع.
فكيف يا جماعة ؟عليكم الله تكونوا لينا لجنة و تشوفوا الغنم ديل الحكومة ودتهم وين؟؟
وهل صحي ناس الأمن ركبوهم في المواتر و زاغوا بيهم ولا الحكاية شنو؟؟ و مشكورين.
|
Post: #3
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: هشام هباني
Date: 03-27-2007, 07:38 AM
Parent: #2
يا سيف النصر اخووووي
البركة في غنيماتك الاناتي اكون عرسوهن التيووووووس بتاعين المواطر!!
|
Post: #4
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: محمد فرح
Date: 03-27-2007, 08:41 AM
Parent: #3
الحبيب سيف النصر
أبشر ياغالي غنمك بجيبهم ليك بس دقيقه أكون لي لجنه وأجيك راجع 
|
Post: #5
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: محمد فرح
Date: 03-27-2007, 08:44 AM
Parent: #4
هاك ياأبو سيف هديل لقيتهم ليك أي حاجه تانيه نحنا في الخدمه ماتخجل طوالي كلمني بشكل ليك لجنه
|
Post: #6
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 10:07 AM
Parent: #5
| Quote: البركة في غنيماتك الاناتي اكون عرسوهن التيووووووس بتاعين المواطر!! |
ود هباني قلت لي طلعوك نيجيري.
|
Post: #7
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 10:12 AM
Parent: #6
يا محمد فرح ما تخمني ساكت يا زول ديل لا غنمي و لا حاجة ..الغنم ديل الظاهر عليهم في الجهاز ..نحن غنمنا ما بيقدرو يطلعوا الشجر زي الجماعة الجبتهم ديل...لانهم لا دخلوا معسكرات و لا اتلقوا دورات خاصة.
يعني الواحد ما يعتمد عليكم أصلو.
بعدين وين اللواءت و العمداء و العقداء..ولا الغنم حاجة ساهلة عندكم.
|
Post: #9
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: محمد فرح
Date: 03-27-2007, 10:26 AM
Parent: #7
ياسيف ياخوي ديل غنمك زاااااتهم أصلاً لمن الثوره قامت طوالي إنخرطوا مع ناس الغنقاذ ومشوا إتدربوا عشان لو البلد حصلت فيها حاجه يكونو جاهزين ....
بالنسبه لي لجنتي سابقة الذكر فهي أصلاً ماقامت وبخصوص المقدم حسي بي ذمتك إنت شخصياً بتعرف كم ضابط في السودان .. ماأقل من عشره صح ... مجتعنا ياحبيب مجتمع أكثر من مترابط والمعارف فيه ممتده لي درجه غريبه جداً وماصعب نهائياً إنو الواحد من خلال معارفو يقدر يبحث عن معلومه معينه وأنالمن بديت أبحث في قصة الأخ هباني بديتها لأنو حقيقه ماحكاه هباني أمر مؤلم وقصه كنت أحس بأنها ملفقه تماماً لذا وجب التأكد والتحقق ... كما إنو الكثيرين هنا أدمنوا الكذب وتزييف الحقائق وكان لابد من التحقق أخ سيف النصر وأنا توصلت لما هو أكثر مما نشرته ولم أنشر كل ماتوصلت إليه عن قصد ... عارف ليه .. عشان أدي هباني فرصه يراجع نفسه ويعرف إنو الكذب حبله قصير ومصير الحقيقه تظهر كامله لالبس فيها ...
|
Post: #8
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: bayan
Date: 03-27-2007, 10:19 AM
Parent: #6
سيف النصر اذيك
شوفتا بالله الترطيبة القنها الغنيمات؟
اسع لو ما ناس الانقاذ وحظر التجول. كان قاعدات في ركن بيت
شوف الطلوع فووووووووق ياكلن مبسوطات
اسع بعد يشبعن يجن يكتبن يشتمنك
ويقولن زمن كنا في بيت ناس سيف النصر الجوع كاتلنا وناكل في اكياس النايلو..
ولم غنيمات كويسات وبيحفظن الجميل حيشكرو الانقاذ والمواطر على اتاحتهم هذه الفرصة
وكان جاحدات يبقى مناضلات وجسورات يشتمن الانقاذ التي
لولاها لكن في قعر البيت...يتفكن الصباح يسرحن في الحلة ويجن تاني..
شوفن فووووووووووق يا حلاتهن..
|
Post: #10
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: A.Razek Althalib
Date: 03-27-2007, 12:02 PM
Parent: #8
التمرجي سيف النصر..
قلت لي جيت عاوز تتونس..
|
Post: #11
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 12:47 PM
Parent: #10
| Quote: ومصير الحقيقه تظهر كامله لالبس فيها ... |
يا محمد فرح فعلا الحقيقة حتظهر كاملة لا لبس فيها ..و القصة الأنت حسيت أنها ملفقة في ناس حسوا أنها حقيقية لأنو في حاجات أبشع منها حصلت.
|
Post: #12
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 12:51 PM
Parent: #11
| Quote: اسع بعد يشبعن يجن يكتبن يشتمنك |
يا بيان ..ليس بالخبز وحه تحيا الأغنام.
|
Post: #13
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 12:54 PM
Parent: #12
| Quote: التمرجي سيف النصر.. |
ود الطالب..أهلاااا
الحمد لله أهي واحده من غنمنا الرايحات جمعت
|
Post: #14
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: ناذر محمد الخليفة
Date: 03-27-2007, 01:33 PM
Parent: #1
!!!
| Quote: الحمد لله أهي واحده من غنمنا الرايحات جمعت |
الله يجازيك .. كنت عارف البوست دا فيهو كمين
|
Post: #15
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: معتز القريش
Date: 03-27-2007, 01:59 PM
Parent: #14
يا زول هادييييييييييييك غنمك
.
.
.
قلت شنو ؟ ديل بقر ؟
عارفن بقر ...
بعدما أكلن قوت الشعب مع ناس المواتر الركبن معاهم بقن بقر
مبروك ... عليك بالعافية
|
Post: #17
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 05:16 PM
Parent: #16
| Quote: الله يجازيك .. كنت عارف البوست دا فيهو كمين |
يعني يا ناذر الغنم ديل نلقاهم كيف إذا ما عملنا لينا كمين كارب زي ده.
|
Post: #18
Title: Re: إلى محمد فرح..مهند مأمون و جماعتهم ..محتاج مساعدتكم....ضروووري!!
Author: سيف النصر محي الدين محمد أحمد
Date: 03-27-2007, 05:21 PM
Parent: #17
| Quote: بعدما أكلن قوت الشعب مع ناس المواتر الركبن معاهم بقن بقر |
يا معتز
غنمنا والله غنم وطنية تب و قوت الشعب ده أصلن ما بيمشن عليهو...
لكن البقر ديل برضهن حقيني
|
|