بختكم يا ناس تراجي و مجموعة الهامش:محمد E سليمان ينضم ليكم أخيرا

مصطلح (جلابة) الذي دار حوله الجدل كثيرا هنا في هذا البورد..
يبدو أن دلالاته مجمع عليها لدى أهل الأطراف المهمشة في السودان..
و رغم اختلاف محمد ُE سليمان مع من يرفعون قضية أهل الهامش هنا..
و دخوله معهم في مساجلات عديدة إلا أنه بالأمس قد نطق بالكلمة..
قد تكون "هفوة فرويدية" لكن لدى أهل التحليل النفسي..
سقطة اللسان أو هفوته هو الحقبقة..

قال أحد الزملاء لمحمد E سليمان:

Quote: انصرف الى اسمرة راشدا

فرد محمدE سليمان:

Quote: لا علاقة لي بأسمرا !! علاقتي بكرن ووطني يمتد منها إلى كريمة رغم أنف كل جلابي بليد!!

يا محمد E سليمان:

اتفق معك لأول مرة:

وطنك يمتد من كرن لكريمة و الجنينة و حلفا و نمولي..

أو هكذا يجب أن يكون الأمر.

لكني رغم ذلك يا محمدE انتظر تعريفك الخاص لكلمة "جلابي"
و أود أن اعرف هل "جلابيك" هو نفسه "جلابي" تراجي و آمنة مختار و دينق
و بشاشا و للا في اختلاف "منهجي" بما أنك زول بتاع منهج و كده

لاخ سيف
البوست دا حايجيب ليك الهواء ... تعرف ليه؟
لاننا ( شخصى ومحمد سليمان) حين كنا ننتقد مؤتمر البجا فى مواقف معينة
كانت تراجى وامنة مختار , وثالثتهم نور تاور ...ايوه نور تاور ( ماتستغرب) تصفنا بالجنجويد,
لانهم ,حينذاك, كانوا يتبعون سياسة الدول العربية ( لاصوت يعلو فوق صوت المعركة) ومعهم الوهابي نوريت
ورغم ذلك لم اشارك انا او محمد سليمان فى مؤائد الشواء الادمى التى اقيمت لهن ... لايمانى الشخصى بان الاختلاف
نعمة والتباين محمدة ويقينى ان تراجى لديها الشجاعة لتتخذ موقف مغاير عندما تنجلى الحقيقة ,بل حين كان البعض
يرى فى حاكم اسمرة جيفارا كانت تنتقد نظامه القمعى لانها تنتمى للشعب وليس حكومات....فالاخ محمد سليمان عضو اصيل فى الهامش بنكهته الخاصة ام الميول اليمينية فهو لايختلف عن ادروب فكليهما من دعاة الشريعة

Quote: لا علاقة لي بأسمرا !! علاقتي بكرن ووطني يمتد منها إلى كريمة رغم أنف كل جلابي بليد !!

صدقني يا د. سيف لقد كنت أنوي فتح خيط عنوانه الاقتباس أعلاه
لكنكم كالذين يستحلون دم الإمام الحسين وتستفون عن دم البعوض في الحرم !!
وإلا فما بالك تخطف عبارة خططتها بكامل الوعي لأنك قرأتها بوعي مغيب
وتركت ما خطه (الجلابي) وليد :

Quote: انصرف الى اسمرة راشدا

وهي عبارة تجسد أس مشكلة الهوية !!
وأعلم أنه يصعب عليك استيعاب هذا
وربما يستحيل ذلك أيضا على مطلق العبارة !!

كدي النسالك يا محمد سليمان سؤال مباشر قبل ما نخش معاك في دواس ...

هل انت سوداني ولا حبشي ؟

السوال ده حقيقي وبدون اي جمجرة

فقد رايت البعض هنا يدعوك بالحبشي


انت جنسك شنو ؟

بعد داك نشوف البحصل

Quote: انت جنسك شنو ؟

ذكر Male

Quote: ذكر Male

متأكد?

Quote: لكنكم كالذين يستحلون دم الإمام الحسين وتستفون عن دم البعوض في الحرم !!

قتلتم حفيد النبي ـ صلى الله عليه وسلم ـ ولم تسألوا عن الحكم، والآن تسألون عن حكم قتل الذبابة"!

بلاد الرافدين!

فيا اخي محمد ابن لنا ماهو الحدث الذي يمثل قتل الذباب من قتل حفيد الرسول (ص) هنا.

كتب خريج جامعة الخرطوم* في معرض دفاعه عن فاضلابي:

Quote: ده زول إنسان رخيص هو الزول ده موش قالوا اريتري ولا من وين كده ما عارف هسع البخصه بالموضوع دهشنو ؟ الكلام ده كلام هوية بين سودانين مختلفين ما بين العروبة واالفريقانية والسودنة انت مدخل حلقومك ليه بعدين انت مالك ومال الموضوع ده سودانيين بناقشو مواضيع سودانية البدخلك شنو ؟ هنا شايف ليك في قبة ولا جامع في البوست ده يعني خلاص ارتريا اسلمت كلها لمن قبلت على السودان انصرف الى اسمرة راشدا البوست ده ما عنده علاقة بالاسلام ده بوست بناقش مواضيع فنية ومواضيع هوية ولا دخل لك بالاثنين

ثم كتب هنا :

Quote: كدي النسالك يا محمد سليمان سؤال مباشر قبل ما نخش معاك في دواس ... هل انت سوداني ولا حبشي ؟ السوال ده حقيقي وبدون اي جمجرة فقد رايت البعض هنا يدعوك بالحبشي انت جنسك شنو ؟

_______________________
* (والعهدة على فتحي بحيري)

الأخ أبابكر
يمكنك مراجعة البوست الأصلي بعنوان : روضة الحاج ....
______________
سيف بختك أصبح لك قراء
لكن هذه آخر مداخلة لي معك هنا
ومع سعادتي البالغة أني عرفتك بوجود شيء يسمى (منهجا)
وتحياتي لمحجوب وتمبس

Quote: الأخ أبابكر يمكنك مراجعة البوست الأصلي بعنوان : روضة الحاج ....

معرفتي بك الاسفيرية تجعلني شبه متأكد من انك لا تنجرف في مهاترات حتي من نوع الذباب!

الاخ العزيز محجوب علي


سلامات ومراحب

Quote: لاننا ( شخصى ومحمد سليمان) حين كنا ننتقد مؤتمر البجا فى مواقف معينة كانت تراجى وامنة مختار , وثالثتهم نور تاور ...ايوه نور تاور ( ماتستغرب) تصفنا بالجنجويد,

ممكن لو سمجت تجيب اقتباس من اقوال الاستاذة نور التي تصفك فيها بالجنجويد لانك انتقدت مؤتمر البجة ؟؟

هو جاب حاجة من عنده?

ده مش بروفايلك?

قلت لي ذكر

طيب انت ما يهندا كويس وبتعرف تنكت
جادعنك مالك


بالمناسبة
انا ما خريج جامعة الخرطوم
ربنا يوعدنا بالجميلة والمستحيلة



الان نجي للمهم

يا سيدي امير مؤمنين البورد

ان كنت سوداني واطلق اسم الحبشي عليك مجازا
فلك مني اعتزار صريح بدون مواربة على الكلام عالية

متاسف شديد ومن جوه القلب ...

اما لو كنت حبشي حقيقة
فاذهب الى اسمره راشدا للمرة التانية

اخونا الفاضل وليد

يضم منبرنا العامر عدد من الاعضاء غير السودانين

قد يرون فى دعوتك هذه إساءة لهم ايضا

عهدناك اخو اخوان فلا تخيب ظننا

محمد E سليمان اخ فاضل لايستحق كل ذلك

حيدر سلامات

تابع البوست المعني مادخلة مداخلة
(روضة الحاج)

طلبت منه ان يحذف صورة بنت الفاضلابي لانه لا دخل لها بما بينه وبين فاضلابي

فكابر وتعنت ورفض

الاخوة غير السودانيين في البورد منفتحين ومهذبين ويناقشون قاضايا عامة وحينما يتدخلون في قضايا سودانية صرفة يتداخلون بكل تهذيب بغرض النصح ليس الا ...
وحقيقي منهم نستفيد
وما نحن بافضل منهم .. حتى في مناقشة قضايانا الخاص
والديل ما فيه السودان الان

لكن كمان قلت الادب مافي داعي ليها
وبنات الناس ما لعبة في مداخلات محمد ولا غيره ولاحتى فاضلابي زاتو
ده القصد والفهم



ما بين محمد وفاضلابي شي يخصهم
وقد اكون من في المجمل في اتجاه افكار محمد اكثر من فاضلابي
لكن محمد ارتكب خطا تفني شنيع باقحامه البنت ذات العامين في مشكلته مع فاضلابي

لم اتداخل سلبا او ايجابا معه قبل هذا البوست
وقد طلبت منه قبل احتدام النقاش ان يحذف صورة مدينة فرفض
من يظن نفسه هذا ليتجرا على بناتنا
هل تعدينا على بناته في يوم؟!
وان كان فرضا ان فاضلابي تعدى على اسرته ( اقول فرضا )
هل هذا مبرر لتعدية على بناته ليجرح اخرين غير فاضلابي يهمهم امر مدينة ؟
كيف يفعل هذا وهو المنصب نفسه حامي حمى الاسلام وامير مؤمنين البورد

كل تداخلي معه في ذلك البوست بسبب تلك الصورة
وحينما حذفها تركته لحالة وذهبت لحالي فلا شي لي له معه


وان اعاد كرته مرة اخرى .. عدنا
اما ان احترم خصوصياتنا .. لن يجد منا الا كل احترام

ده كل الموضع

شكرا وليد

شكرا وليد

نتمنى ان تسود المحبة بين كل الاخوان

الاخ الفاضل الما جلابي (باذن الله)
سيف النصر
كل عام وانت بخير.



ويازول من زمان قلنا لكم
ليس كل اهل الشمال جلابه..
لكن وقت مشت عليكم حيل امثال الطيب مصطفى ومنير وغيره مبروك عليكم.




محمد اي سليمان
سوداني اصيل يا وليد
ولكنه كتب اكثر من مرة انه يقال له الحبشي للشبه الشديد بينه وبينهم.


وكلام محجوب علي صحيح اختلفنا واتفقنا..ولكن يظل الاحترام بيننا.



محمد اي سليمان رجل منهجي كما يقول اشهد له الله انه غير بذيئ ومهذب.
سليط اللسان ويعتبرها (حقانيه) المطاردات بتاعته للبعض وانا منهم طبعا.
لكني افرح لو وجدت له شرح وافي لكلمة جلابة من وجهة نظره.


ايضا هو غير عنصريرغم انه لا يخفي شغفه بالعرب واعتزازه بعروبته التي نقول له عنها (موهومه)
الا ان كراهيته للرشايده كانت محيره..ولم نصل لاسبابها..هل هي نزاع حول مرعى او ثارات قديمه
او ماهي؟؟؟؟


وكراهيته للحركه الشعبيه اعتقد سببها اسلاميته الخاصه ايضا
فهو له نماذجه الخاصه في كل شيئ.


يا محمد اي سليمان
كل عام وانت بخير
وصدقني عندي لك اخبار ربما جميله
لن اقولها لك الا على ايميلك....
وكمان محجوب علي
فرجاء مراسلتي على [email protected]
وكذلك الدعوة لكل من يرغب في الشمار لوليد ولسيف النصر
عشان ما تقولا فرزناكم وعملنها حركات بوديت وبلويت
عرافين بدويت وبلويت دي شنو يا شباب؟؟؟
دي بتشبه(جلابه وغرابه)!!
بس بلهجة اهل الشرق.



تحياتي لكم جميعا
وكل عام وجميعكم بخير.

شكرا تراجي
وتسلمي
وعيد سعيد

Quote: محمد اي سليمان سوداني اصيل يا وليد ولكنه كتب اكثر من مرة انه يقال له الحبشي للشبه الشديد بينه وبينهم.

اعتزر لمحمد اي سليمان عن اي حديث مني فيه اشارة الى انه غير سوداني ولا يتدخل في قضايا السودانيين .

وعن قولي له اذهب الى اسمره راشدا تحديدا

فحقيقي كنت اعتقد انه حبشي
اكرر الاعتزار

__________


اما ما يخص الموضوع سبب النقاش واي حدث سببه وضعه صورة مدينة ابنة فاضلابي غير الاشارات اليه بانه حبشي

لا اعتزار عنها

كل الود

Quote: اما ما يخص الموضوع سبب النقاش واي حدث سببه وضعه صورة مدينة ابنة فاضلابي غير الاشارات اليه بانه حبشي لا اعتزار عنها

تاني تجوا بجاي

قايليننا ما عندنا أخوان?

هيع!

و الله مدينة بأعمامها

كي!

أنا اخوك يا الكلس...

ازيك يا دوك
و كل سنة و انت و العائلة تكونوا بخير.