Post: #49
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 04:38 AM
Parent: #48
Quote: بتحاكي مالك اعضيك ابو الجعران.
ابو الجعران بتاع البورد.
طيب كان ماكلمتو ليك
|
Post: #51
Title: Re: يا بكري انت الأشكال دي بتجيبها من وين؟؟
Author: mohmed khalail
Date: 05-08-2008, 05:36 AM
Parent: #49
Quote: ابو الجعران بتاع البورد.
طيب كان ماكلمتو ليك |
ابو الجعران بتاااااااااع البورد ؟؟؟؟؟
لا دي بقى جبتيها كبيرة..
ارجي الراجيك ..شيلي شيلتك..
|
Post: #50
Title: Re: يا بكري انت الأشكال دي بتجيبها من وين؟؟
Author: عاطف عمر
Date: 05-08-2008, 05:32 AM
Parent: #1
مقاربة
أكملنا في نهاية السبعينات المرحلة الثانوية في مدينة رفاعة وتعلمنا السهر في حفلات الأفراح لا يهم في ذلك كون الحفلة لزواج أو سماية أو ختان . إشتهر ( س ) بفتونته الشديدة , وافتعاله المشاكل وضربه المؤذي لخصمه الذي يكون نتيجته أخذ الضحية للمستشفى على عجل وأخذ ( س ) لمركز الشرطة . ومن ثم ( تتفرتق ) الحفلة رغم ما صرف عليها وعلى فنانها أو يتم مواصلتها داخل المنزل لأهل الفرح ( دكاكيني ).
ثم
جئنا للخرطوم لنلتحق بالجامعة ومارسنا نفس هواية الحفلات في أندية الخرطوم . ذهبنا ذات خميس للنادي الكاثوليكي وكانت حفلة كاربة ، وبعد الفاصل الأول لفت نظرنا ونحن نتجول في أنحاء النادي وقوف ( ولدين ) من أولاد الخرطوم في موقف ( شكلة ) ، وجدناها فرصة لنرى كيف ( يتشاكل أولاد الخرطوم ) ، طال إنتظارنا وكلاً من الخصمين يدعو صاحبه ( اضربني كان إنت راجل ) ويرد صاحبه ( لا ---- اضرب إنت الأول عشان أوريك ) . طال إنتظارنا ولم يضرب هذا ولم يرد ذاك . إستفز هذا الموقف صديقنا الساخر عمر النور فسحبنا من أيدينا قائلاً
" ياخ بالله خلونا نمشي نشوف لينا حاجة تاني .... والله الشكلة دي لو كانت في حفلة في رفاعة ، الحفلة قبييييييل كان إتفرتقت و( س ) ودوهو السجن و( زولو ) ودوهو العناية المركزة "
د. سيف النصر
ميادة
الشكل عندكم
والحجازين برضو عندكم
|
Post: #52
Title: Re: يا بكري انت الأشكال دي بتجيبها من وين؟؟
Author: تبارك شيخ الدين جبريل
Date: 05-08-2008, 05:49 AM
Parent: #1
حكاية الإسم دى بتغيظ فعلاً .....
هسى انا كان قحيت ساى، المنبر كلو يقوم :" أخوانك ... أخواتك ... حبوبتك ... الفلانى داك ... الفعلتو ... التركتو ....
حتى حرية أنو تقول راى ... بدون ما يفتحوا ليك جريدة شخصية ... محرومين منها!
مرّة تماضر اختى اضطرت تصرح إنو أنا (حسب معرفتا لى) بستحق إسم ابوى (وليس عار على أحد) .... والله الموضوع دا غاظنى بشكل!!!!
مين ديل البيسمحوا لى نفسهم يختوا الناس فى حتة زى دى؟
وبكرى دا بيجيبنا من وين؟
المهم .....
|
Post: #53
Title: Re: يا بكري انت الأشكال دي بتجيبها من وين؟؟
Author: ود الباوقة
Date: 05-08-2008, 07:12 AM
Parent: #52
فسامحنا البت جات مسكينه لكن درشنها لك لما اتعلمت مننا.
محبتي وتقديري لكما.
اتعلمت منكم شنو يا تراجي ؟؟؟
قالت جات مسكينة .. والله حيرتونا معاكم يا ناس الاسكيمو ..
ود الباوقة
|
Post: #54
Title: Re: يا بكري انت الأشكال دي بتجيبها من وين؟؟
Author: عادل خياري
Date: 05-08-2008, 07:24 AM
Parent: #52
الاخ المحترم جدا ابو شكل ظريف
سيف النصر
براحه على البنيه كمان جابت ليها شكل بنات افو
بعدين ياخوي اعمل حسابك الحاجه الايامات دي معانا بي هنا يعني مع ناس خالد في فرجينيا
تقوم تقع في البوست ده او تقراه ليها عزه الشليقه دي تجنن الحاجه تقول ولدها بقى بتاع مشاكل
سيب الخصام
حق اللئام
وابدا السلام
مودتى لك وللاسره
|
Post: #55
Title: Re: يا بكري انت الأشكال دي بتجيبها من وين؟؟
Author: Tabaldina
Date: 05-08-2008, 07:27 AM
Parent: #1
..
.
سلام يا دكتور ..
وميادة .. وباقي اللمه
ما دام قلبتوها ونسه ..
يبقي صافى يا لبن ..
نشوفكم فى الافراح دايما..
_______________
صباح حسين .. ياخى بتبالغى
شنو الطناش والفتيحاب دا ؟؟
ادونا نظرة ..
|
Post: #65
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 08:13 AM
Parent: #55
Quote: صباح حسين .. ياخى بتبالغى
شنو الطناش والفتيحاب دا ؟؟
ادونا نظرة .. |
.
ياخى مشتاقين .بس يخوى لاقينى بهناك الناس ديل ح يدورو الفليم دا.
اتخارجاكا يازول
|
Post: #57
Title: Re: يا بكري انت الأشكال دي بتجيبها من وين؟؟
Author: Tabaldina
Date: 05-08-2008, 07:43 AM
Parent: #1
..
.
أبو الجعران بتاع البورد دا منو ؟؟؟
_______________
عليكم الله كن ما فتيتوهو
عاملين اشكالكم العجيبة دى .. يا جحمانين ..
|
Post: #61
Title: Re: يا بكري انت الأشكال دي بتجيبها من وين؟؟
Author: mayada kamal
Date: 05-08-2008, 07:56 AM
Parent: #57
يا خالة تراجي
كيفنك
وصباح الخير بي توقيت السودان
Quote: يا جماعه بوست الجن ده قبيل قد ما كتبت فيه
القى مداخلتي مبتورة عدتها مرتين طلعت مبتورة وبعدين؟؟؟؟ |
بس أوووووووووووووعك تقولي بكري بيعمل كدا ليه وانت سجلك كيف
وبيمسح الكلام البنكتبه ضدك وكدا
*** أحييييييييييييييييينا
انا مشكلتي اني شفت البوست دا متاخر بعد ما الجماعة قلبوا المسالة هزار وكدا
وناص صباح ومحمد الله يديهم العافية (عاملين فيها اجاويد وبي مصطلح استراتيجي حامل الميزان بهدف تحقيق التوازن وكدا)
انا للان منتظرة سيادتو دكتور سيف يجي يقول رايه في الكلام الكتبته من امس
يعني ممكن ندور شوط شكله وكدا
ورجاء المهزراتية وناس الجودية وباركوها يطلعوا بره الملعب
ويعاينوا ساااااااااااااكت
تحياتي
ميادة
|
Post: #64
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 08:05 AM
Parent: #61
Quote: وناص صباح ومحمد الله يديهم العافية (عاملين فيها اجاويد وبي مصطلح استراتيجي حامل الميزان بهدف تحقيق التوازن وكدا)
|
.
ناص صباح ديل منو يختى.
Quote: ورجاء المهزراتية وناس الجودية وباركوها يطلعوا بره الملعب
ويعاينوا ساااااااااااااكت
|
يعنى انتى ماعابزه تباركيها .وعايزه ليك عضع من تراجى يظهر عليك
على كيفك انا مابحجزك تانى
|
Post: #66
Title: Re: يا بكري انت الأشكال دي بتجيبها من وين؟؟
Author: mayada kamal
Date: 05-08-2008, 08:16 AM
Parent: #64
Quote:
على كيفك انا مابحجزك تانى |
الحبيبة الحبوبة صباح
كيفك
بالعكس مرورك اعجبني كثيرا
وحقيقي انا بقيت متابعة مداخلاتك مع بقية الاخوة/ت وردودهم ليكي
بصراحة غيرتوا مسار البوست اللي كان على وشك الانفجار
طبعا اللغم في يدي انا وكدا..............
انت حجزي وشيلي الاتعاب من المدعي
ولو خسر هو الجولة ان حاطلبكم انتو الاتنين بالاتعاب
تحياتي ومودتي
|
Post: #62
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 08:00 AM
Parent: #57
Quote: أبو الجعران بتاع البورد دا منو ؟؟؟
|
.
العضانى ياخ
|
Post: #58
Title: Re: يا بكري انت الأشكال دي بتجيبها من وين؟؟
Author: عبدالله كع
Date: 05-08-2008, 07:50 AM
Parent: #1
سلامات يا دكتور سيف و الحبايب ..
دي كانت شكله في شكل شربكة ..
| Quote: الموضوع خلس يلا ادفع حق الاتعاب |
و
المهم الشكلة انتهت قبضوالاتعاب.....
ـــــــــــــــــــــــــــــــــــــ
والله الذه جرجرة قابلتني في حلبه المصارعه الاسفيريه
|
Post: #60
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 07:55 AM
Parent: #58
| Quote: المهم الشكلة انتهت قبضوالاتعاب |
.
لسع ما قبضنا جابت ليها عضه من تراجى . عايزين حق العلاج كمان.
|
Post: #63
Title: Re: يا بكري انت الأشكال دي بتجيبها من وين؟؟
Author: حيدر حسن ميرغني
Date: 05-08-2008, 08:01 AM
Parent: #60
ميادة
سيف ده شاكليهو شديد
نحن فى صفك
بس لو سحبو منو المفتاح حاتتلومي معانا
|
Post: #67
Title: Re: يا بكري انت الأشكال دي بتجيبها من وين؟؟
Author: عبدالله كع
Date: 05-08-2008, 08:41 AM
Parent: #1
صباح ....
انتي الدخلك في الموضوع شنو عشان تاخدي عضه من تراجي ؟؟
اعملي بوست خلي تراجي ودكتور سيف يجوك وزعمطيهم وعضعيهم
زي العضه دي 
حق العلاج بتلقيهو مع ميادة ...
ـــــــــــــــ
وده كلو عشان مياده
|
Post: #68
Title: Re: يا بكري انت الأشكال دي بتجيبها من وين؟؟
Author: mayada kamal
Date: 05-08-2008, 08:47 AM
Parent: #67
الاخوان حيدر وعبد الله
صباحاتكم زينة ان شاء الله
نشوف البحصل شنو بعد ما الاخ المدعي ( الدكتور سيف النص) يجي يقول رايه على ردي ليه قبيل واللي هو من امس
شكرا على مروركم اللطيف
|
Post: #69
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 08:50 AM
Parent: #67
| Quote: انتي الدخلك في الموضوع شنو عشان تاخدي عضه من تراجي ؟؟ |
شووبار ساكت منى.
| Quote: اعملي بوست خلي تراجي ودكتور سيف يجوك وزعمطيهم وعضعيهم |
.
تراجى مابقدر عليها بتطبقنى اربعه مرات .حسع تفتح بوست تقول صباح الحلبيه سحرتنى
اما سيف دا مقدور عليهو افلعوا بالجحار من بعيد. وافك البيرق
دى سياستى زمان مع اولاد الفريق.
|
Post: #70
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 09:11 AM
Parent: #69
اها دى حاله هسع لميتو لبنا الاشكال دى.
|
Post: #72
Title: Re: يا بكري انت الأشكال دي بتجيبها من وين؟؟
Author: Tabaldina
Date: 05-08-2008, 09:55 AM
Parent: #69
..
.
والله ما عرفت تراجي حجمت مرتين
ان مصل السعر انعدم ولا شنو ؟؟
لكن ليها حق يا صباح ..
| Quote: دى سياستى زمان مع اولاد الفريق. |
فريقكم دا فى شارع 53 .. ؟؟
________________
انتو ابو الجعران دا شكلو كيف ؟؟
|
Post: #83
Title: Re: يا بكري انت الأشكال دي بتجيبها من وين؟؟
Author: Tragie Mustafa
Date: 05-08-2008, 10:58 PM
Parent: #69
شاهدين يا جماعه
على البت المعصعصه دي؟؟؟؟
Quote:
تراجى مابقدر عليها بتطبقنى اربعه مرات .حسع تفتح بوست تقول صباح الحلبيه سحرتنى
اما سيف دا مقدور عليهو افلعوا بالجحار من بعيد. وافك البيرق
دى سياستى زمان مع اولاد الفريق. |
كويس يا صباح حسين العض الجدد جد جايك بعد ده شدي حيلك.
قال تطبقني اربعه مرات قال!!
عالمه حسادة بشكل
لما بتبلعوا في المسجور وفي الباركتين وغلبكم
تزيدوا كيلوا تجي تفتشوا فينا؟؟؟
نحنا يا عيني علينا زي ما قلت واحدة صاحبتنا
غالبها تنقص وزنها( نحن يا عيني ياكلوا الجيران ونزيد نحن )
|
Post: #71
Title: Re: يا بكري انت الأشكال دي بتجيبها من وين؟؟
Author: عبدالله كع
Date: 05-08-2008, 09:54 AM
Parent: #1
| Quote: اها دى حاله هسع لميتو لبنا الاشكال دى |
دي لي انا يا حبا ...
علي العمو م دي لو لي .. لقيت البوست لذيذ ... وده طرفي منو
شتات وبس ...
|
Post: #74
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 10:45 AM
Parent: #71
Quote: دي لي انا يا حبا ...
علي العمو م دي لو لي .. لقيت البوست لذيذ ... وده طرفي منو
شتات وبس ... |
.
يازول بطل حجج .انا قاصدة المتلبد وراءالشجره دا
|
Post: #73
Title: Re: يا بكري انت الأشكال دي بتجيبها من وين؟؟
Author: طارق جبريل
Date: 05-08-2008, 10:09 AM
Parent: #1
Quote: امشى ياكضاب انا سمعتهم بدعكوك بى ياطرووقه
|
جابت ليها كضب يا صباح
بقوم اكجم ليك عنقرتك
|
Post: #75
Title: Re: يا بكري انت الأشكال دي بتجيبها من وين؟؟
Author: Sabah Hussein
Date: 05-08-2008, 12:13 PM
Parent: #73
Quote: بقوم اكجم ليك عنقرتك
|
.
هوووى يازول العنقره دى اهم شىء.
كلو ولا العناقير دى كلوا زول يلم عنقرتو عليهو.
يابو عنقرا انت
|
Post: #76
Title: Re: يا بكري انت الأشكال دي بتجيبها من وين؟؟
Author: Tagelsir Elmelik
Date: 05-08-2008, 01:05 PM
Parent: #75
ألأخ سيف
تسجيل حضور..فتشت كلام اقولو ما لقيت.
|
Post: #77
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-08-2008, 10:16 PM
Parent: #76
Quote: العزيز د.سيف
يعني لسه زعلان من ميادة؟؟؟
يا اخي امسحها لي في وشي الشين ده. |
يا تراجي
ياختي شنو حكاية وشي الشين ده؟ شكلك بتدردقي ليك في زول
عشان يختف منك الكلمة دي تقومي تمسحي بيهو بلاط الأسافير كلها
(طبعا بلاط الأسافير ده بلاط افتراضي زي عضتك لصباح حسين العضيتها
ليها في كندا و ورمت ليها راسها في الخرطوم)
|
Post: #78
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-08-2008, 10:20 PM
Parent: #77
Quote: انا غايتو شايت ضفاري بي اسمي
لا عندي نيك نيم لا التدعكني |
طارق جبريل يا وجيه
الموضوع ده كلو في يد بكري يعمل ليك نيك نيم يغير ليك اسمك
يرمز ليك بسين ..على كيفو مش منبرو ياخ
|
Post: #79
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-08-2008, 10:29 PM
Parent: #78
Quote: حقك علينا يا ابو السيوف
وسلامات يا راجل طولنا منك |
سلامات يا محمد خليل
يا زول انا من زمان بفتش ليك عشان اسألك السوأل السوداني الشهير:
اها ما بقيتو تلاته لسه؟
و بمناسبة السوأل البايخ ده قالوا في عريس الناس زهجوه كل ما
واحد يقابلو يقول ليهو لسه ما بقيتو تلاته..مرة واحد سألو
لسه ما بقيتو تلاته؟ قام العريس قال ليهو :و الله بقينا حداشر
الزول استغرب و سألو:كيف الكلام ده يا زول..
العريس قال ليهو :و الله بقيت اشوف المرة عشرة عشرة
|
Post: #80
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-08-2008, 10:34 PM
Parent: #79
Quote: فى (كتاب) للهرش الاسفيري حاتكتبه تراجي قريبا
احجزي نسخة |
حيدر حنين كيفنك
كتاب تراجي ده لو صدر فعلا حيكون مفيد جدا لأنو صادر من تجربة
كبيرة في ادارة المعارك الاسفيرية و تحقيق انتصارات مؤكدة فيها
غايتو انا بدعو ليك :الله ما يوقعك في يد تراجي يا حيدر يا خوي.
|
Post: #81
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-08-2008, 10:42 PM
Parent: #80
| Quote: " ياخ بالله خلونا نمشي نشوف لينا حاجة تاني .... والله الشكلة دي لو كانت في حفلة في رفاعة ، الحفلة قبييييييل كان إتفرتقت و( س ) ودوهو السجن و( زولو ) ودوهو العناية المركزة " |
لكن يا عاطف عمر (س) ده باين عليهو فعلا خطير لأنك لي هسه هارش منو
تقديري لك و في الحقيقة انت من كتاب الموقع الجيدين بطرحك المتوازن
و نفسك الهادئ و احترامك لمحاوريك (فرصة مناسبة نقول ليك فيها الكلام ده)
|
Post: #82
Title: Re: يا بكري انت الأشكال دي بتجيبها من وين؟؟
Author: زهير الزناتي
Date: 05-08-2008, 10:57 PM
Parent: #1
يا سيف نكتتك قديمة نديك واحدة جديدة
1: أنت ناس التعداد ما جوكم
2: لا والله
1: ليه
2: والله قالوا لغاية الليلة بيعدوا في المستشارين بتوعين الرئيس
إنتو الزول البيضحك ده بتجيبو كيف
والله انا وصلاح الأمين قعدنا ساعة غلبنا
|
Post: #84
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-09-2008, 04:01 AM
Parent: #82
Quote: سلام يا دكتور ..
وميادة .. وباقي اللمه |
سلام يا صالح
يا زول بالله دائما بلغ سلامنا للزقازيقاب في الخرطوم..
|
Post: #85
Title: Re: يا بكري انت الأشكال دي بتجيبها من وين؟؟
Author: سيف النصر محي الدين محمد أحمد
Date: 05-09-2008, 04:11 AM
Parent: #84
Quote: بعدين ياخوي اعمل حسابك الحاجه الايامات دي معانا بي هنا يعني مع ناس خالد في فرجينيا
تقوم تقع في البوست ده او تقراه ليها عزه الشليقه دي تجنن الحاجه تقول ولدها بقى بتاع مشاكل |
اخونا عادل ..سلامات
ما دام الحاجة بطرفكم و ضاربة الراحات في فريجينيا ما بنقدر نرفض
ليك طلب..بس هي ما فاضية لقراية سودانيزاونلاين..الذ حاجة قالت بتطلع
تمشي كل يوم و بيلاقوها عجائز امريكيين و امريكيات و بيسلموا عليها....قلت ليها
بتلبسي شنو لما تكوني في الشارع..قالت ما ياهو توبي ده يعني دايرني البس
شنو كمان..قلت ليها ما بيعاينو ليك باستغراب..قالت لي ما في زول بعاينلو
لزول بس ياها (هاي )البيقولوها دي و يعاينو قدامهم.
|
Post: #86
Title: Re: يا بكري انت الأشكال دي بتجيبها من وين؟؟
Author: عادل خياري
Date: 05-09-2008, 05:40 AM
Parent: #85
الاخ سيف لك التحيه
Quote: اخونا عادل ..سلامات
ما دام الحاجة بطرفكم و ضاربة الراحات في فريجينيا ما بنقدر نرفض
ليك طلب |
شكراليك يادكتور ياظريف وتمام كده اولاد محي الدين بطيبوا الخاطر
في تلفون سريع كده مع الحاجه الظهر سامعها انها مبسوطه ومنتظره شهر 9 متين يجي
ومبسوطه للتاشيره وربنا يجمع الكل على خير وفي خير
ودمت عزيزي
|
Post: #87
Title: Re: يا بكري انت الأشكال دي بتجيبها من وين؟؟
Author: AMNA MUKHTAR
Date: 05-10-2008, 08:12 AM
Parent: #1
Quote: انا للان منتظرة سيادتو دكتور سيف يجي يقول رايه في الكلام الكتبته من امس
يعني ممكن ندور شوط شكله وكدا |
والله يا دووووووبك كده يا ميادة حا تتعضى يعنى حتتعضى
كلللللو ولا الشكل مع دكتور سيف دا
|
Post: #88
Title: Re: يا بكري انت الأشكال دي بتجيبها من وين؟؟
Author: حيدر حسن ميرغني
Date: 05-10-2008, 08:27 AM
Parent: #87
| Quote: غايتو انا بدعو ليك :الله ما يوقعك في يد تراجي يا حيدر يا خوي |
امبارح ظلطتني فى بوست مالقت كتابتي فيهو كما تشتهي
مشت بوست تاني لقتني العن سنسفيل ناس الغام كده إنبسطت تب
صاحبتي دي مابتهرش منها
بس الخوف اقوم اهرشها أنا
__
الزناتي قال ليك أيكونات الزول البضحك داك بتلقاها وين
قول ليهو فى الخور
|
Post: #89
Title: Re: يا بكري انت الأشكال دي بتجيبها من وين؟؟
Author: haroon diyab
Date: 05-10-2008, 08:31 AM
Parent: #1
صباح حسين
سلالالالالالالام
Quote: اما سيف دا مقدور عليهو افلعوا بالجحار من بعيد. وافك البيرق
دى سياستى زمان مع اولاد الفريق. |
يابتي ماتدسي الكلام ده ...نحنا مش عندنا جماعة بي هناك واقفين في الصف
حسع يقوموا يفكوا البيرق ونبقي نفتش لينا في شروم تاااااااااااااني .
|
Post: #90
Title: Re: يا بكري انت الأشكال دي بتجيبها من وين؟؟
Author: كمال علي الزين
Date: 05-10-2008, 09:01 AM
Parent: #89
(*)
سلامات يادكتور / سيف
ياخي جات سيرة خالد أخوك , عليك الله الله كان (ناجي ) معاهو أجدع لي تلفونوا
أعتقد هو متزوج أخت (ناجي) , ده لو ما لخبطنا وكده ..
_______________________________________________
الأسماء الواردة أعلاه دي لا علاقة لها ببكري ..
|
|
