Post: #1
Title: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-19-2009, 02:05 AM
Parent: #0
هذه المباراة الطويلة و التي تمضي دقائقها رتيبة مملة تتخللها احيانا لحظات مثيرة يحمى فيها
الوطيس و تتوتر الاصابع على الكيبورد و تخرج البوستات كطلقات المدفع الرشاش بمعدل عشرة بوستات في
الدقيقة و تمتلئ صفحة المنبر الأولى بايقونة عاجل و تتزايد حالات الهيستريا و فقدان الاعصاب و يتزايد
ريتم الشتائم و الاهانات المتبادلة بين الطرفين. يستمر الوضع هكذا لمدة يفتر فيها الحماس شيئا فشيئا
و تقل الاثارة و اللعبات الحلوة و يتجه و يميل اللعب للتكرار و الاجترار و يجد ناس الكورة و البهجة
فرصتهم فيسودوا بل و يجبروا كلا الطرفين مناضلين و مجاهدين على الاشتراك في بهجتهم ريثما يقوموا بلعق
جراحهم في انتظار الفرصة المناسبة...شهدنا مثل هذه اللحظات عقب عودة قرنق و مع وفاته و الاحداث
التي صاحبتها..شهدناها بعد غزو العدل و المساواة لامدرمان و عند اصدار اوكامبو لمذكرته الشهيرة
ضد عمر البشير..و نشاهدها الآن عقب صدور قرار المحكمة و الزوابع المصاحبة كسفر الرئيس للدوحة
و اطلاق الترابي..و كلام مصطفى عثمان في الرياض...
غايتو المجاهدين انزنقوا في زاوية ضيقة بل و هرب بعضهم بينما المناضلون يسجلون الهدف تلو الآخر
و الفرق في الاهداف بقى كبييير ما أظن يتقلص بعد ده.
|
Post: #2
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-19-2009, 04:12 AM
Parent: #1
غايتو باص مصطفى عثمان حق الشحاتين ده براهو ممكن يجوا منو عشرة اقوان.
|
Post: #3
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: ibrahim alnimma
Date: 03-19-2009, 04:32 AM
Parent: #2
سيف صباح الخير وتحياتي :
من فريق المجاهدين رأيت من هم مدخرين الباسورد الابيض لليوم الاسود..يكتبون في اوقات الزنقة
فقط وكتابتهم تتسم بالهتاف ليس الا وهي اصلح لان تكون بالعمل يعني في ساحات التهليل والتكبير
اذ ان البورد مخصص لابداء الآراء...(والكتال بدور غبينة ياسيف )
اما الاخطاء الناتجة عن سوء الادارة وقلة التدريب فكانت من نصيب المجاهدين ولم يفرط المناضلين
في استخدامها بطريقة مهارية فائقة مكنتهم خبراتهم القديمة في منازلتهم ..
وكثيراً من ينسحب المجاهدين من الساحة عندما يصبح الحديث بالكيبورد لغة حوارية هادفة ونتهي
عهد الكذب بالصور ...غريبة مثالاً .......
ــــــــــــــــــــ
يقول المجاهدون ان الايام هي للاجماع الا اني لاحظت انهم فقدوا كثيراً من لعيبة فريقهم المخضرمين.
|
Post: #4
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-19-2009, 04:55 AM
Parent: #3
Quote: من فريق المجاهدين رأيت من هم مدخرين الباسورد الابيض لليوم الاسود..يكتبون في اوقات الزنقة
فقط وكتابتهم تتسم بالهتاف ليس الا وهي اصلح لان تكون بالعمل يعني في ساحات التهليل والتكبير
اذ ان البورد مخصص لابداء الآراء |
سلامات يا ابراهيم
ناس الزنقة البيظهروا في اوقات الضيق الشديد أو في الاوقات البيعتقدوا انو فيها اهداف محتملة
ملاحظ انهم سجلوا غياب تام منذ اعلان قرار المحكمة..بيكونوا لابدين لحين تحسن الظروف..
و شايف في لعيبة مخضرمين حاولوا يعملوا طلعات بالاطراف أو يعمدوا لتشتيت الكورة لكن ما نجحوا
و يا خي الواحد مستغرب تكون ماخد عشرة و تشتت الكورة..دي تجي كيف بس؟؟
|
Post: #5
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-21-2009, 07:37 PM
Parent: #4
و الملاحظ أن في خضم الأحداث الملتهبة هذه الأيام اختفى تقسيم العمل الذي كان سائدا من قبل..
يعني عااادي تلقى ناس امريكا بيكتبوا و بيتداخلوا اثناء ساعات النهار بتوقيت السودان و تلقى
ناس من السودان و الخليج موجودين ضمن الحضور في الثانية و الثالثة و حتى الخامسة صباحا و هو وقت
الذروة بالنسبة لناس امريكا...هشام هباني و بشاشا يتخيل انهم ما قاعدين ينوموا خالص اليومين ديل.
|
Post: #6
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: Elawad Eltayeb
Date: 03-21-2009, 09:18 PM
Parent: #5
إنت عارف الانتصارات دي كلها بتجي من عمق دفاعاتهم
الأولى جات مع تصريحات الترابي النارية الخلتم مجهجهين ما عرفوا يقطعوا أوصالوا ولا يختوا تحت جزمة الرئيس ولا يرسلوا ليهو دبابين يوم الجمعة ولا يخلوهو ساكت كل يوم ناطي في قناة والغريبة بيضحك ليهم نفس الضحكة الخبيثة الكان معذبنا بها سبحان الله سبحان الله
وربك رب الخير جاب الكسرة التانية من خط ستة مع وقعة مستشار الرئيس القالو أبو الدبلوماسية ومسكتو للكورة باليدين الاتنين قايل نفسو حارس المرمي، أنا كنت خايف الزول ده يكون مدسوس من أوكامبو عشان يدور ليهو عمر البشير، ويحمبك الشعب السوداني، لكن تاني لعنت الشيطان وقلت مرمي الله ما بترفع واتذكرت إنو الكيزان ديل لو ربنا سبحانه وتعالى سترهم .. هم ما بتستروا. يعني الزول ده لو سكت ما كانت الشرق الأوسط طلعت التسجيل مع خطابي المستشار والسفير.
|
Post: #7
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: Ahmed Elmardi
Date: 03-22-2009, 00:24 AM
Parent: #2
|
Post: #8
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: Yassir Tayfour
Date: 03-22-2009, 01:13 AM
يا دكتور سيف..
حقيقة المباراة غير متكافئة، وعليك الله فريق أشهر لعيبته: ود الباوقة، محمد فرح، ميادة، وغريبة، ما ممكن يأدي أداء أفضل من كده، دينق براهو ممكن يجهجه ليك باكاتهم.. وبالمناسبة دي أحييهم عبرك وأتمنى لهم التوفيق في مرات قادمة..
__
حظ أوفر في نهائيات الدوحة 
|
Post: #9
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: محمد عبد الماجد الصايم
Date: 03-22-2009, 09:21 AM
Parent: #8
التحكيم
فااااشل
|
Post: #10
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-22-2009, 04:41 PM
Parent: #9
| Quote: الكيزان ديل لو ربنا سبحانه وتعالى سترهم .. هم ما بتستروا. |
عبارتك دي يا العوض اخوي حقو تكون حكمة اليوم و الايام التالية.
|
Post: #11
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-22-2009, 07:28 PM
Parent: #10
شيخنا و مولانا احمد المرضي
زينت البوست و الله بابداعك...
|
Post: #12
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-23-2009, 07:29 AM
Parent: #11
| Quote: دينق براهو ممكن يجهجه ليك باكاتهم.. وبالمناسبة دي أحييهم عبرك وأتمنى لهم التوفيق في مرات قادمة.. |
سلامات يا ياسر
اتخيل الجماعة بعد ده ما عندهم حل غير التجنيس.
|
Post: #13
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-23-2009, 11:32 PM
Parent: #9
سلامات يا ود الصايم
شايف في تلميحات أنو بكري منحاز لأحد الفريقين..بس ياتو فريق ؟
انا غايتو ما عارف!
|
Post: #14
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: ABUHUSSEIN
Date: 03-23-2009, 11:45 PM
Parent: #13
ود الصائم يا خوي
لو كان فاشل كان أهون
لكن
الحـكـم
خــاااااااااااااائن
|
Post: #15
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-23-2009, 11:50 PM
Parent: #14
غايتو يا ابوحسين لو دي ما كانت مباراة كاس كان قلت ليك نبدا من الأول.
|
Post: #16
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: ABUHUSSEIN
Date: 03-24-2009, 00:07 AM
Parent: #15
| Quote: غايتو يا ابوحسين لو دي ما كانت مباراة كاس كان قلت ليك نبدا من الأول. |
الوضع مختلف يا سيف النصر
ديلك عندهم لاعب قلت ليك بجبد حتى المتفرجين
لكن هنا مافي يعني المقارنة معدومة
|
Post: #17
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-24-2009, 00:25 AM
Parent: #16
طيب يا ابوحسين شوف كلام ياسر طيفور لاعب خط الهجوم ده..
| Quote: حقيقة المباراة غير متكافئة، |
قال ليك غي متكافئة عديييل كده..يعني تحس من كلامو أنوشفقان عليكم
و برضك تقول لاعب يجبد المتفرجين.
|
Post: #18
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: ABUHUSSEIN
Date: 03-24-2009, 00:37 AM
Parent: #17
يا سيف ياخي كلامك دا
| Quote: طيب يا ابوحسين شوف كلام ياسر طيفور لاعب خط الهجوم ده.. |
ما ليه أي إعتبار
ياسر طيفور دا تحديداً لعبوا ما نزيه
أولا الكدارة مركب فيها مسامير
و بعدين شفت ليك مهاجم بشتر المدافعين من ورا ؟؟؟؟؟
|
Post: #19
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-24-2009, 01:36 AM
Parent: #18
| Quote: و بعدين شفت ليك مهاجم بشتر المدافعين من ورا ؟؟؟؟؟ |
هو بشتر لعيبة فريقو ظااااطم ما دايرو يشتر لعيبة الفريق الخصم.
|
Post: #20
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: ABUHUSSEIN
Date: 03-24-2009, 04:23 AM
Parent: #19
سبف علشان تصدق كلامي إنو فعلاً الحـكـم خـائـن
|
Post: #21
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-26-2009, 06:27 PM
Parent: #20
ابو حسين..وينك يا راجل..اوعى تكون اخدت كرت احمر.
|
Post: #22
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: AnwarKing
Date: 03-26-2009, 07:31 PM
Parent: #21
ويظل هذا هو السر الباتع لسودانيزأونلاين...
كل فريق قايل روحو خاتيها للتانين...وكل الناس تانين تانين...
عاجباني الخرخرة الفوق دي...لووولز
|
Post: #23
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-26-2009, 08:01 PM
Parent: #22
يا انور ده المنطق في سودانيزاونلاين و بره سودانيزاونلاين..
إذا ما معانا تبقى مع التانيين.
|
Post: #24
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-27-2009, 03:52 PM
Parent: #23
مع حركة طيارة الرئيس عبر الحدود زادت هجمات فريق المجاهدين و محاولاتهم الهجومية حتى أن بعضهم
قد انقطع نفسه من كثرة الجري فصاح مخاطبا الرئيس أن كفاية "و دايرينها فرة داخلية" ..
بس و في هجمة مرتدة خطيرة انبنت على اخبار الغارة الجوية الاسرائيلية على شرق السودان لا زال هجوم
المناضلين يجهجه في دفاعات المجاهدين الأصلا مجهجة..
و معكم من الاستاد مباشرة.
|
Post: #25
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-28-2009, 08:52 PM
Parent: #24
الأخ كمال فرانكلي تسبب في اللحظات الفائتة من المباراة في ولوج أكثر من هدف في مرمى المجاهدين..
جزاك الله خيرا اخي كمال .
|
Post: #26
Title: Re: مناضلو الكيبورد ضد مجاهدي الكيبورد..النتيجة حتى الآن عشرة /صفر للمناضلين.
Author: سيف النصر محي الدين محمد أحمد
Date: 03-30-2009, 08:44 AM
Parent: #25
هدف مؤكد احرزه المجاهدون في ظل تأكيدات المناضلين بأن البشير لن يسافر للدوحة.
|
|