Post: #1
Title: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-06-2008, 11:36 PM
Parent: #0
بعد فاصل من الهرج و المرج و الغناء الماسخ قام المذيع مهدي ابراهيم
بدعوة نافع علي نافع ليلقي كلمة بالمناسبة و هي كما سمعت مرور 19
عام على سيئة الذكر الانقاذ. تحدث نافع بعد فاصل من التهليل و التكبير
فحمد الله و اثنى عليه و شرع بعدها في كيل المديح للانقاذ و قال كلاما
كثيرا عجيبا مثل أن الانقاذ هي من اعطى كلمة الوطنية معناهاو أن عبارة
نحن جند الله جند الوطن لم يعرف معناها حقا الا بعد الانقاذ و بسببها
و غير ذلك من مثل هذا الكلام . و باختصار فيمكن تلخيص كلامه
في أن السودان في عهد الانقاذ قد صار من الدول العظمى في عالم
اليوم و لله الحمد من قبل و من بعد.
ثم أن المذيع –مهدي ابراهيم- قام بعدها بتقديم عمر البشير و بمجرد
نهوضه عن كرسيه صدحت اصوات منكرة تغني اغنية محرفة يقول
اصلها "أنا ليهم بقول كلام دخلوها ..و صقيرها حام" لتصبح بعد
التحريف "انا ليهم بقول كلام ناس المؤتمر الوطني ناس تمام" أو
شئ من هذا القبيل و انهمك الجميع في الرقص و العرضة و قد
كان عمر البشير و الحق يقال افضل الراقصين و اكثرهم تجويدا.
|
Post: #2
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 00:29 AM
Parent: #1
خارج النص:
ليه كدا يا اسرار بابكر؟؟ زولة مبدعة زيك تقيف الوقفة دي؟؟
|
Post: #3
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 02:27 AM
Parent: #2
و من باب احقاق الحق فقد كان عمر البشير اكثر تواضعا من نافع علي
نافع فهو على الأقل اعترف بأن ما يعرف بالسودان كان موجودا قبل
الانقاذ بل أن موجة التواضع غمرته حتى أنه قال أن استقلال السودان
من عمل آخرين لكن الانقاذ هي من اضفت عليه المعنى و أن البترول قد
اكتشفه آخرون لكن الانقاذ اخرجته و صفته و صدرته..الخ.و ملخص كلامه
أن السودان الآن يعيش ازهى عصوره و يرفل بنوه في حلل النعيم و هو
مقصد المستثمرين العرب و الأجانب و هو في غمرة التواضع اعترف بأن
هنالك مشكلة "صغيرة" في دارفور و لكن الحل في متناول اليد و فقط
المطلوب هو فرض هيبة الدولة.
|
Post: #6
Title: Re: المبدع عمر البشير يتألق في احتفال اليوم
Author: Yassir Tayfour
Date: 07-07-2008, 03:41 AM
Parent: #3
| Quote: ليه كدا يا اسرار بابكر؟؟ زولة مبدعة زيك تقيف الوقفة دي؟؟ |
يا دكتور سيف، لا ياااااااااخ..
إن شاء الله بس ما يكون مدح للإنقاذ..
____
أكان غنى عادي، فوردي مهد لهم الطريق..
|
Post: #4
Title: Re: المبدع عمر البشير يتألق في احتفال اليوم
Author: مجاهد عبدالله
Date: 07-07-2008, 02:55 AM
Parent: #1
Quote: و هو في غمرة التواضع اعترف بأن
هنالك مشكلة "صغيرة" في دارفور و لكن الحل في متناول اليد و فقط
المطلوب هو فرض هيبة الدولة. |
المحترم سيف تحياتي..
بعد العجين والهجين والمحكمة الدولية برضو مشكلة صغيرة..
حسبنا الله ونعم الوكيل ..
خالص الود ...
|
Post: #5
Title: Re: المبدع عمر البشير يتألق في احتفال اليوم
Author: abubakr
Date: 07-07-2008, 03:14 AM
Parent: #1
وانا استمع الي قصة فرعون في المدرسة الاولية في زمان جد بعيد كنت استغرب "كيف يعني لابس وهو عريان ؟ وكيف ما بيشعر بلفحة الهوا وهو ماشي عريان؟ " ولكن كبرنا وشفنا وعرفنا كيف الواحد عريان ويحلف بانو لابس اسموكنغ ...
|
Post: #7
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 03:59 AM
Parent: #5
Quote: إن شاء الله بس ما يكون مدح للإنقاذ..
____
أكان غنى عادي، فوردي مهد لهم الطريق.. |
ياسر طيفور..سلام
يا زول هو مدح نصاح..ده اوبريت معمول مخصوص للمناسبة
و بعدين سيبك من المدح..يا خي انا برضه ما رضيت ليها اللحن
العواليق و الكلمات الاعولق منو
|
Post: #8
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 04:14 AM
Parent: #7
الأخ مجاهد عبدالله و باشمهندس ابوبكر
ما يحدث يبعث على الحزن..يبدو أن الامور ستستمر على نفس الوتيرة
فما دام البلد اتقدمت و اتطورت و اصبحت املا للعالم باسره-اي و الله-
هذا من ضمن ما قيل..و المعارضة الوطنية تعترف بالانقاذ و بفضلها على
السودان و السودانيين و لم يبق خارجا على الاجماع إلا "الاوباش" كما
قال نافع الليلة..فما الداعي للتغيير اذن؟؟
________________________
اخير الجماعة يرقصوا رقيصهم.
|
Post: #10
Title: Re: المبدع عمر البشير يتألق في احتفال اليوم
Author: abubakr salih
Date: 07-07-2008, 05:02 AM
Parent: #9
| Quote: كان عمر البشير و الحق يقال افضل الراقصين و اكثرهم تجويدا. |
يا سيف النصر
عاد عمر البشير دا كيف ما يجوّد الرقص؟؟ الزول دا ليهو 19 سنه يعلّموا فيهو
و قديما قيل كترت التكرار تعلّم الحمار... يا زول الحمار شنو دى تعلّم عمر
البشير دا زاتو... لانو عمر يتميز بمخ اتخن من حق الحمار.
بالله الراقصات الفى عمرو الفنى اعتزلن، و هو لى هسه يرقص
|
Post: #11
Title: Re: المبدع عمر البشير يتألق في احتفال اليوم
Author: الطيب رحمه قريمان
Date: 07-07-2008, 05:17 AM
Parent: #10
و الله عجب!!!!
|
Post: #12
Title: Re: المبدع عمر البشير يتألق في احتفال اليوم
Author: abubakr
Date: 07-07-2008, 06:59 AM
Parent: #1
| Quote: فما دام البلد اتقدمت و اتطورت و اصبحت املا للعالم باسره |
تقدمت وتطورت مآسيها واوجاعها
الا يستحي هؤلاء مرة واحدة ؟؟.. كذب مع سبق الاصرار والترصد ....ا
|
Post: #13
Title: Re: المبدع عمر البشير يتألق في احتفال اليوم
Author: Siham Elmugammar
Date: 07-07-2008, 07:17 AM
Parent: #12
Quote: هو في غمرة التواضع اعترف بأن
هنالك مشكلة "صغيرة" في دارفور و لكن الحل في متناول اليد و فقط
المطلوب هو فرض هيبة الدولة. |
الاخ سيف والله اتحيرت ما عرفت اخت وجه ضاحك والا باكى
وبعدين انت مالك عامل ذى اخوى جنى تمشو تسمعو و تحضرو
وتجى ترفعو لينا ضغطنا هنا
|
Post: #14
Title: Re: المبدع عمر البشير يتألق في احتفال اليوم
Author: الرفاعي عبدالعاطي حجر
Date: 07-07-2008, 10:56 AM
Parent: #1
الاخ الدكتور سيف النصر سلامااات
Quote: خارج النص:
ليه كدا يا اسرار بابكر؟؟ زولة مبدعة زيك تقيف الوقفة دي؟؟ |
متى ولج الطمع بابا خرج الوعي من الشباك هربا ..
مبدعوا بلادي لم يشاركوا وماتوا وفي الخاطر شئ من حتى (عثمان حسين مثال عليه الرحمة).
أسرار وبقية العيال ارزقية في الزمن الصعب زمن الحب في زمن الكوليرا) والطيور على اشكالها تقع .
ثم بعد ياصديقي :
Quote: ثم أن المذيع –مهدي ابراهيم- قام بعدها بتقديم عمر البشير و بمجرد
نهوضه عن كرسيه صدحت اصوات منكرة تغني اغنية محرفة يقول
اصلها "أنا ليهم بقول كلام دخلوها ..و صقيرها حام" لتصبح بعد
التحريف "انا ليهم بقول كلام ناس المؤتمر الوطني ناس تمام" أو
شئ من هذا القبيل و انهمك الجميع في الرقص و العرضة و قد
كان عمر البشير و الحق يقال افضل الراقصين و اكثرهم تجويدا. |
وما الذي بقي في عهد الانقاذ دون ان يزور ؟؟؟؟
حقا فالحمد لله على هذه الموهبة التي يجيدها هذا القائد المفدى !!!
وبلادي تتضائل كل يوم تتناقص اطرافها ونحن في خلاف كبير من يحكم ومن يتحكم في
الثروة ... إنه زمن ال.....
..........................................................حجر.
|
Post: #15
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 02:30 PM
Parent: #14
| Quote: عاد عمر البشير دا كيف ما يجوّد الرقص؟؟ الزول دا ليهو 19 سنه يعلّموا فيهو |
|
Post: #17
Title: Re: المبدع عمر البشير يتألق في احتفال اليوم
Author: سيف النصر محي الدين محمد أحمد
Date: 07-07-2008, 02:47 PM
Parent: #15
Quote: وبعدين انت مالك عامل ذى اخوى جنى تمشو تسمعو و تحضرو
وتجى ترفعو لينا ضغطنا هنا |
يا سهام انا غايتو بحضر على امل انو تحصل معجزة و اسمع لي كلام مختلف
لكن دائما اتكسف و ضغطي برتفع ....و طبعا لازم تاخدوا نصيبكم من رفع
الضغط..نموت برانا يعني؟؟
|
Post: #16
Title: Re: المبدع عمر البشير يتألق في احتفال اليوم
Author: صديق الموج
Date: 07-07-2008, 02:43 PM
Parent: #1
يا دكتور سيف الناس ديل ماقالو فى حكومة وحدة وطنية
تانى الانقاذ دى موقعها من الاعراب او الاحتفالات شنو؟
افتونا؟؟
اللهم ربى يسر خلاصنا،،،
|
Post: #18
Title: Re: المبدع عمر البشير يتألق في احتفال اليوم
Author: Alshafea Ibrahim
Date: 07-07-2008, 03:04 PM
Parent: #1
من تجلياته المشير البشير قوله أن الإنقاذ بنيت على خمس تبدأ بالدين وتليه الحريات ؟؟؟؟؟ عجبي من هذا الضلالي المضل .. إلي متى ستعيش لتكرر وتعيد وتشيع هذه الأكاذيب والأقوال الباطلة ؟ ألا تخاف من قوة العزيز المقتدر ؟ وقتها لن ينفعك نافع ولا الصافي جعفر ...
الشفيع
|
Post: #19
Title: Re: المبدع عمر البشير يتألق في احتفال اليوم
Author: مهيرة
Date: 07-07-2008, 03:39 PM
Parent: #18
Quote: وما الذي بقي في عهد الانقاذ دون ان يزور ؟؟؟؟
حقا فالحمد لله على هذه الموهبة التي يجيدها هذا القائد المفدى !!!
وبلادي تتضائل كل يوم تتناقص اطرافها ونحن في خلاف كبير من يحكم ومن يتحكم في
الثروة ... إنه زمن ال.....
..........................................................حجر. |
كلام فى الصميم ياأخى حجر
| Quote: من تجلياته المشير البشير قوله أن الإنقاذ بنيت على خمس تبدأ بالدين وتليه الحريات ؟؟؟؟؟ عجبي من هذا الضلالي المضل .. إلي متى ستعيش لتكرر وتعيد وتشيع هذه الأكاذيب والأقوال الباطلة ؟ ألا تخاف من قوة العزيز المقتدر ؟ وقتها لن ينفعك نافع ولا الصافي جعفر ... |
المال السرقوه وهربوه يعيشهم فى نعيم لى جنا الجنا....لكن برضو للظلم نهاية يالشفيع اخوى
تحياتى لصاحب البوست وضيوفه
|
|