إنخفاض أسواق العقارات في السودان

من المتوقع أن تنخفض أسعار العقارات في السودان بنهاية هذا العام

وستتواصل في الإنخفاض إلي ما بعد الإستفتاء...

لكن هذه الإنخفاضات لن يشعر بها المهاجرين أو المغتربين

ستمر سريعآ وفي أحوال كثيرة ستكون سرية

فعلى سبيل المثال هنالك تجار جشعين سيحاولون الشراء لأنفسهم

ومن ثم التخزين لفيما بعد...

هذه الإنخفاضات يجب أن تتابع من أهالي المغتربين في الخرطوم

التجار الجشعين والسماسرة الغشاشين يستحقون قوانين صارمة لا ترحم

المغترب يتعب ويشقي وعندما يريد الشراء يضاعف له السعر مرتين

واذا اشتري ارضا وبناها يغشه المقاولون وتقع به بئر السايفون هو واهله

الأسعار الحالية للعقارات في الخرطوم غير حقيقية

والسبب في إرتفاعها الفاحش هو هذه الكلمة:

panick أي ذعر

شائعات صغيرة ان الخرطوم تكاد تخلو من الشقق والمنازل وتطير الاسعار الي السقف

صدقوني

الاسعار الموجودة حاليا في الاسواق غير حقيقية

والشقق والمنازل لا تستحق هذه الاسعار

العنده حمام (لا مؤاخذة) مستأجره في السوق الشعبي

اذا ثمنه 20 مليون ممكن يطلب فيه 300 مليون

كل زول بيطلب أعلي سعر حسب هواه

لأنه السلطات ما شايفة شغلها

البلد بقت جشع وطمع

والكثيرين الان متوجهين صوب القاهرة للشراء

معظم المتضررين الان المغتربين

الذين سوف تطول غربتهم وهجرتهم الي المزيد من السنين

في احد البوستات ذكر أحد الاخوة الافاضل

Quote: أخي الكريم هناك شقق في السودان يزيد سعرها عن السبعمائة مليون جنيه بالقديم وسعر المتر لا يقل عن 2500 دولار أسعار العقار في السودان حقيقية شئنا أم ابينا والأمر ينسحب على كل دول العالم حتى لو أستدل المتداخلون بصور أسعار إعلانات لفيلات من أوروبا وأمريكا لأنو حتى السوداني المقيم في أوروبا وامريكا يعود لينافس في إرتفاع أسعار العقار في السودان ولو بحثت في الأمر لوجدت أن كثير من مشتري هذه العقارات قادمين من أوروبا وأمريكا إذن الموضوع لا يخضع للتنظير فقط بل يخضع لعوامل العرض والطلب وميكانيكية السوق وتقديرات أخرى خاصة ببيئة البائع والمشتري

المشكلة الاخري (والواقعة باسطة) للسماسرة هو كثرة الطلبات التي لا تنتهي

لو فعلا تم مقاطعة العقارات كما ذكر احد الاخوة في احد البوستات

سيقل الطلب وستهبط الاسعار دون استفتاء

هل يمكن ان نضيف الي ذلك انو المغترب هو السبب في رفع اسعار العقارات

بمعني انه عندما يأتي المغتربين ترتفع اسعار العقارات؟؟؟

يعني حتي لمن المغتربين يسألوا عن الاسعار وما عايزين يشتروا

ممكن ده يسيل لعاب السماسرة ويرفعوا الاسعار؟؟؟؟

هل يمكن النظر الي الموضوع من هذه الزاوية؟؟؟

ام ان معظم المشترين من الداخل من كيزان وغيرهم (كما يقول البعض)؟؟؟

انا اعتقد ان الناس البره متضررين جدا من هذا الغلاء

لانه يستهدفهم مباشرة ويمزق جيوبهم أربآ

لان المغتربين البجوا من بره عايزين يشتروا ليستقروا

لكن الناس البداخل فاصلهم قاعدين وساكنين وما عندهم مشكلة

Quote: التجار الجشعين والسماسرة الغشاشين يستحقون قوانين صارمة لا ترحم المغترب يتعب ويشقي وعندما يريد الشراء يضاعف له السعر مرتين واذا اشتري ارضا وبناها يغشه المقاولون وتقع به بئر السايفون هو واهله

داغير النصب المنتظر المغترب من أول ما رجله تطأ أرض الوطن ...
يجي مشتاق ويمرق مضروب من حرامية أولاد حرام ...

شكرا يا أشرف على إثارة الموضوع .

Quote: داغير النصب المنتظر المغترب من أول ما رجله تطأ أرض الوطن ... يجي مشتاق ويمرق مضروب من حرامية أولاد حرام ... شكرا يا أشرف على إثارة الموضوع .

تحياتي يا خلف الله
موضوع العقارات ده بقي الهم الشاغل للناس
يعني بوست الاخ حجازي انو الناس دي تقاطع العقارات
ذكرني اول ما جيت لندن قابلت اخ سوداني دين
قال لي ما تتعلم اللغة الانجليزية وخليك في الدين
والناس ديل ما بشبهونا وما بنحتاج نعرف ثقافتهم
صدقتوا وقاطعت اللغة الانجليزية وبقيت اتكلم بس عربي
لكن بعد قرابة العام لقيت نفسي ما امشي مكان الا افتش لي عن مترجم
هو زاطو اتعلم الانجليزي وبقي فيه استاذ
لغاية ما اتعلمت انه من تعلم لغة قوم مكر شرهم ...الخ
القصد انو كلام الاخ النذير جميل لو عندنا اتحاد والزمنا بذلك
لكن نقاطع والناس تشتري وبعدين يقولوا لينا اقرب شقة فاضية في مدني مثلا
يعني الواحد يطفش من الخرطوم عشان اتملت؟؟؟؟؟
طبعا الناس البره ما بحبوا يسكنوا مع زول وكل واحد بفضل يشتري لوحده
لكن ياخ الاسعار دي والله حرام وفاقت الوصف كمان

الموضوع ده لا بد من التعامل معه بذكاء شديد جدآ
حتي ترجع الاسعار كما كانت
ولا بد من ايقاف السماسرة الجشعين عند حدهم
ولا بد ان نلم بكل الاسباب التي تؤدي الي هذا الارتفاع الغير متوقع

والله اسعار باهظة ومجنونة وغير مبررة ولا تستحق

لكن بعد كده الناس جارية خايفة لو ما اشترت ما تلم في حاجة

كنت بتكلم مع احد قريباتي في السودان

قالت لي تاني شقة فاضية في الخرطوم ما بتلقاها

واقل حاجة لو لقيت ما اقل من بين 300 الي 300 مليون

لشقة اوضتين

بالله اتخيلوا المنظر

وبعد سنتين ممكن الاشتراها ب 300 مليون يطالب ب 600 مليون فيها!!!

شيفتوا كيف؟؟؟

رغم انه مافي حاجة في الشقة دي بتكون زادت عشان المبلغ يتضاعف كده

ياخ انا شفت عروض بيت 250 متر في امبده عايزين فيه 250 مليون

الكلام ده قريتوا في احد الواقع

والبيت زاتو مهلهل وعايز هد

ياخوانا واحد يصلي علي الحبيب!

اها والقال انتظروا لغاية الحكومة دي تمشي والاسعار حا تقع الواطة

اها لو انتظرنا والحكومة ما مشت؟؟؟

ياخ الناس دي قاعدة هنا لمن ماتت في الغربة والحكومة ما مشت

تقول لي انتظر

طيب قولوا انتظرنا وبعد خمستاشر سنة الحكومة مشت والاسعار ما نزلت

نقول يا منو؟؟؟!!!

من ناحية الاسعار حا تنزل في نهاية العام وبعد الاستفتاء دي مافيها اتنين تلاتة

المشكلة حا تنزل بنسبة كم؟؟؟

والناس حا تعرف كيف؟؟؟

وهل حا تكون غماتية؟؟؟

وبعدين نمسك منو من رقبتوا لو لقينا تلاعب؟؟؟

طبعآ ارتفاع الدولار المفاجئ ده افاد ناس كتيرين جدا

خصوصا من امريكا واوربا وانا منهم

ولو لي مراد الدولار يحصل 10 ألف جنيه (بالقديم)

لكن ده طبعآ اذا كنت بفكر في نفسي وبس

المهم ارتفاع الدولار خلانا نتنفس شوية

واكيد ناس امريكا حسع بكون مدورين ديسكو لغاية الصباح

الكلام ده حقيقة والزيادة دي وقعت لناس كتيرة في جرح

والما عرس في الخليج اظنوا حسع يدبل

اتخيل لي الداير يرسل يعملها حسع

قبل الاستفتاء

الجو صافي والسماء نقية

قبل ما تتجمع السحب وتهطل الامطار

الناس حسع مشغولة بالانفصال

واكيد بعد الانفصال الدولار حا ينزل

والاسترليني الحسع 465 ألف (بالقديم)

حا يرجع 400 تاني

دي حاجة...

الحاجة التانية لو الواحد كان داير يغني بالحرام

كان استفاد من القروض البتقدمها البنوك البريطانية هنا

كل ما امشي البنك يحنسونا يدوني سلفية بين 20 الي 50 الف جنيه استرليني

اها وعندي حسابات في اربعة بنوك ممكن اعمل استثمارات كتيرة

للعقارات في السودان

وارجع للبنوك دي قروشهم لمن ربنا يسهل

لكن المشكلة الربا

وتعالوا شوفوا البنغلاديشيين والباكستانيين ضاربين البنوك دي كيف

ياخ الواحد عمره 16 عنده عربية ومحل

دي حاجة تانية

ونواصل (بإذن الله)...

Quote: panick أي ذعر

عفوآ لزيادة ال k
it should be panic

stay tuned...

فاصل ونواصل
ونترككم مع بعض الأفكار لجلب المال

كيف تحصل على دخل شهري أكثر من ٤،٩٥٤.٥٥ $ دولار
وأنت في المنزل هذه حقيقة مضمونة ١٠٠٪ وليست خيال

بعدين الظاهرة الغريبة والمخيفة انو الكثير جدا من المواطنين
عارضين بيوتهم للبيع (وطبعآ بأسعار خرافية) ليشتروا شقق
أو منازل أصغر , والكثيرين اجروا بيوتهم واستأجروا بيوت اصغر

الظاهرة دي في اسمرار والبلد اتغيرت (كومبليتلي) من ما انا خليتها

وظهرت ونسات في البلد زي دي:

المكرم
اشرف والمتداخلون
السلام عليكم ورحمة الله وبركاته
المغترب وكل شخص خارج السودان ضحية أشياء كثيرة وأهمها عندي ثلاثة جوانب لصيقة به
الأسرة التي ينتمي إليها ثم حكومة دولته التي يحمل اعضاءها كل صفات الأسر المحيطة بمن
هو خارج البلد ظانين بأن الذين يغادرون السودان يسبحون فوق النقود لا يتعبون في الحصول عليها
ثم النقطة الثالثة عدم المحاسبة.
الشخص المغترب حالياً حسب تقديري أفضل له الشراء بالسعر الغالي فيمتلك العقار بشرط أن يكون
هو نفسه المشرف على الشراء ، أو إذا حاول المغترب تجنب الأسعار المرتفعة فهو يخسر كل ماله عندما
يستمع لأحدهم.فمثلاً بعض الناس وثقوا في أشقائهم وخسروا كل أموالهم وفي النهاية تنتهي المسألة بقول
انا ما عافية منك لو ما خليت اخوك أو دا اخوك ح تسوي ليهو شنو..إلخ.فإذا كان الأشقاء هم أول من يطعنون
من وثقوا فيهم فكيف تثق في الجهات الأخرى؟
المغترب نتيجة بعده عن البلاد يظل مصدراً سهلاً للرزق ولذا فهو لابد من الإستمرار على ما هو عليه
أمس كنت بتكلم مع زميلة دراسة مقيمة بدولة قطر وعلمت منها بأنها خسرت مع زوجها من قبل مبلغ مائتين
الف ريال قطري ...ارجوك لا تسألني كيف؟...فالمهم اضطرت الزميلة وزوجها لتوفير مبلغ مائتين الف جنيه
سوداني في فترة أخرى ونجحا في شراء دار لهما في الخرطوم (يعني المبلغ الأول مع الثاني كان كافياً لهما للعودة)
هناك تحدي للمغترب حسب ظني فأيهما أفضل له:المغامرة بماله وإرساله للسودان متوقعاً أي شئ بعد ذلك
أو جمع مبلغ محترم والذهاب به بنفسه والشراء حتى لو كان بأغلى الأسعار؟
بالنسبة للذين يتحدثون بإنخفاض الأسعار بعد الإستفتاء فأنا لا اوافقهم هذا الراي .
فحتى لو أفترضنا استقلال الجنوب فهذا لن يؤثر لأن الجنوبيين لا يمتلكون الكثير من العقارات في الشمال فهم إما
ساكنو بيوت قديمة أو تحت البناء أو مؤجرون أو إذا امتلكوا فمساكنهم بأطراف المدن التي هي في الأصل منخفضة الأسعار
ويمكن توقع إنخفاض السعار في حالة واحدة فقط وتلك هي إذا تأثرت السيولة في الشمال بالانفصال
تحياتي
قير تور

لكننا يا أشرف قرأنا في جريدة الرأي العام وجريدة الخرطوم الصادرة في الاسبوع الماضي تقرير نشر في صفحة كاملة وبالتحديد في الصفحة الثالثة أن اسعار العقارات في ارتفاع مستمر , وأن لجوء الجنوبيين لبيع منازلهم واراضيهم للسفر للجنوب بعد الانفصال سوف لن يؤثر في سوق العقارات الذي يطير نحو السماء
وان الدولة ايضا تشجع غلاء الاراضي بالنسبة للمستثمرين الاجانب للإستفادة المادية أولا....
يعني عشم ابليس في الجنة يا اشرف.

اخي الحبيب

مع كامل احترامي لك

فإن ما ذكرت من حديث حول انخفاض سوق العقارات في السودان هو محض خيال














..

حذيفة الكباشي
كيفنك ياخ

Quote: مع كامل احترامي لك فإن ما ذكرت من حديث حول انخفاض سوق العقارات في السودان هو محض خيال

أول حاجة صدقني اذا قلت ليك انا كتبت البوست ده بسرعة جدا
وعارف فيه اخطاء املائية ولغة ركيكة ولهجة دارجية كتيرة
علي غير عوائدي...
امكن الصورة ما وضحتها شديد في البداية لاني مستعجل شديد
وبكتب بسرعة وما براجع...
لكن جوهر الموضوع وهو انخفاض العقارات لم اخطئ فيه برأيي
لاني لا اقصد شقق وفلل الاخوة الجنوبيين ولكن اعني الخوف من الانفلاتات
الامنية وعدم الاستقرار والحروب وغيرهم كل ذلك سيصب في خانة انخفاض الاسعار

Quote: لكن هذه الإنخفاضات لن يشعر بها المهاجرين أو المغتربين ستمر سريعآ وفي أحوال كثيرة ستكون سرية فعلى سبيل المثال هنالك تجار جشعين سيحاولون الشراء لأنفسهم ومن ثم التخزين لفيما بعد... هذه الإنخفاضات يجب أن تتابع من أهالي المغتربين في الخرطوم

يشتروا شنو ويخلوا شنو!
يا اشرف سينهار الاقتصاد ويهرب المستثمر الاجنبى والوطنى وستعود العمالة الاجنبية من حيث اتت وستنهار الايجارات تيعا لذلك وسيكسد سوق العقار!
جنى

شكرآ يا شباب وسأعود اليكم انشاء الله

Quote: لكن هذه الإنخفاضات لن يشعر بها المهاجرين أو المغتربين ستمر سريعآ وفي أحوال كثيرة ستكون سرية فعلى سبيل المثال هنالك تجار جشعين سيحاولون الشراء لأنفسهم ومن ثم التخزين لفيما بعد... هذه الإنخفاضات يجب أن تتابع من أهالي المغتربين في الخرطوم

دا كلام جميل اصلا غير مبرره ارتفاع الاسعار فى السودان للعقار بمساحته الكبيره
وارتفاع سعر اللحوم بثروته الغنيه من الماشيه وحاجات كتيره اتمنى ان يرجع كل شى الى نصابه
الصحيح من (الف الى اليا )

شيخ العرب
خالد المحرب

Quote: دا كلام جميل اصلا غير مبرره ارتفاع الاسعار فى السودان للعقار بمساحته الكبيره وارتفاع سعر اللحوم بثروته الغنيه من الماشيه وحاجات كتيره اتمنى ان يرجع كل شى الى نصابه الصحيح من (الف الى اليا )

اسعار لا تستحق ولا حتي نصف المبالغ المطلوبة
وفي بعض الاحيان تستحق الربع المطلوب فقط وربما اقل
بالنسبة للحوم تعرف انا زعلان جدآ انو نودي خرافنا لمصر والسعودية
ويتم رفع الاسعار في السودان بنسبة 100%
عليك الله دي ما مغسة؟؟؟
وانا طبعآ ما عايش في السودان والحاجات دي كلها ما فارقة معاي
لكن بتألم لألم المواطنين ومعاناتهم عشان كده متابع بإهتمام
والله قربنا نمرض من المتابعة ومحاولات تسليط مواضع الخلل والحلول
ربنا يكون في عون الجميع الناس الغلابة في الوطن الممزق

ولدنا جني
مشتاقين يا زول

Quote: يشتروا شنو ويخلوا شنو! يا اشرف سينهار الاقتصاد ويهرب المستثمر الاجنبى والوطنى وستعود العمالة الاجنبية من حيث اتت وستنهار الايجارات تيعا لذلك وسيكسد سوق العقار! جنى

ده بالضبط ما أعنيه
شكرآ يا جني

تحياتي اختي الفاضلة: أميرة السيد

Quote: لكننا يا أشرف قرأنا في جريدة الرأي العام وجريدة الخرطوم الصادرة في الاسبوع الماضي تقرير نشر في صفحة كاملة وبالتحديد في الصفحة الثالثة أن اسعار العقارات في ارتفاع مستمر , وأن لجوء الجنوبيين لبيع منازلهم واراضيهم للسفر للجنوب بعد الانفصال سوف لن يؤثر في سوق العقارات الذي يطير نحو السماء وان الدولة ايضا تشجع غلاء الاراضي بالنسبة للمستثمرين الاجانب للإستفادة المادية أولا.... يعني عشم ابليس في الجنة يا اشرف.

كلامي البقوله ده ما تهملوه
ده حسب خبرات وتعامل مع سماسرة
عارفين الأسعار بتنزل ومحضرين قروشهم يشتروا
آخر واحد إشتري شقة كان هو نفسه عارضها للبيع
3 أوض وحمامين وبلكونة مساحتها حوالي 155 متر
شقة جميلة اشتراها في حي الصفا ب 50 ألف دولار
طوالي عرضها بحوالي 150 الف دولار
الزول الاشتراها حسع سمعت زاد مائة الف دولار تاني
صاحب الشقة كان مزنوق وجاء من القاهرة عشان يبيعها
بالنسبة للانخفاضات الذكرتها لانه الوضع قاتم الان
عشان كده الاسعار بتنقص لكن نحنا البعاد ديل عشان نعرف
امكن عايزين لينا عرافة...شفتي كيف؟ انتي صدقيني وتابعي بس
وزي ما ذكرت قبل شوية كلامي ده ما عنده دخل بشقق الجنوبيين

يا قير
ازيك ياخ علك بخير

Quote: المغترب وكل شخص خارج السودان ضحية أشياء كثيرة وأهمها عندي ثلاثة جوانب لصيقة به الأسرة التي ينتمي إليها ثم حكومة دولته التي يحمل اعضاءها كل صفات الأسر المحيطة بمن هو خارج البلد ظانين بأن الذين يغادرون السودان يسبحون فوق النقود لا يتعبون في الحصول عليها ثم النقطة الثالثة عدم المحاسبة. الشخص المغترب حالياً حسب تقديري أفضل له الشراء بالسعر الغالي فيمتلك العقار بشرط أن يكون هو نفسه المشرف على الشراء ، أو إذا حاول المغترب تجنب الأسعار المرتفعة فهو يخسر كل ماله عندما يستمع لأحدهم.فمثلاً بعض الناس وثقوا في أشقائهم وخسروا كل أموالهم وفي النهاية تنتهي المسألة بقول انا ما عافية منك لو ما خليت اخوك أو دا اخوك ح تسوي ليهو شنو..إلخ.فإذا كان الأشقاء هم أول من يطعنون من وثقوا فيهم فكيف تثق في الجهات الأخرى؟ المغترب نتيجة بعده عن البلاد يظل مصدراً سهلاً للرزق ولذا فهو لابد من الإستمرار على ما هو عليه أمس كنت بتكلم مع زميلة دراسة مقيمة بدولة قطر وعلمت منها بأنها خسرت مع زوجها من قبل مبلغ مائتين الف ريال قطري ...ارجوك لا تسألني كيف؟...فالمهم اضطرت الزميلة وزوجها لتوفير مبلغ مائتين الف جنيه سوداني في فترة أخرى ونجحا في شراء دار لهما في الخرطوم (يعني المبلغ الأول مع الثاني كان كافياً لهما للعودة) هناك تحدي للمغترب حسب ظني فأيهما أفضل له:المغامرة بماله وإرساله للسودان متوقعاً أي شئ بعد ذلك أو جمع مبلغ محترم والذهاب به بنفسه والشراء حتى لو كان بأغلى الأسعار؟ بالنسبة للذين يتحدثون بإنخفاض الأسعار بعد الإستفتاء فأنا لا اوافقهم هذا الراي . فحتى لو أفترضنا استقلال الجنوب فهذا لن يؤثر لأن الجنوبيين لا يمتلكون الكثير من العقارات في الشمال فهم إما ساكنو بيوت قديمة أو تحت البناء أو مؤجرون أو إذا امتلكوا فمساكنهم بأطراف المدن التي هي في الأصل منخفضة الأسعار ويمكن توقع إنخفاض السعار في حالة واحدة فقط وتلك هي إذا تأثرت السيولة في الشمال بالانفصال

والله ضحايا زي ما قلت المغتربين ديل
وصدقت وفعلا معظم المغتربين والمهاجرين اوضاعهم تعبانة شديد
ياخ العقارات بمئات الملايين وبالمليارات دي يجيبوها من وين؟
جشع واستغلال وعدم محاسبة لا مثيل لهما
وبالمناسبة عشان كده بتلقي الحكومة عندها عداوات كثيرة
لانو المغتربين والمهاجرين اصبحوا مهددين بالرجوع
والمدة تطول لمن الناس تعجز وتموت في الخارج
عشان الحكومة خالة البلد سايبة وفاكة وكل زول يعمل الدايرو
تعرف المشكلة ما في السماسرة فقط وانما كل من يريد البيع
بيطلب اعلي ثمن وحتي ان كان العقار لا يستحق ربع ذلك المبلغ
اها المسؤلية كاملة هنا تقع علي الحكومة وخططها لجذب الاستثمار
المشكلة او السؤال الذي يؤرقني في هذا الشأن
اذا تغيرت الحكومة وجات حكومة جديدة الحايتغير شنو؟؟؟؟

النقطة التانية الانت اثرتها مهمة للغاية
بعد المغترب عن الوطن يسبب اعاقة كبيرة له في الخارج
مثلا اذا كان في الداخل ممكن يتابع البناء بنفسه ويضمنه
ممكن يشتري شقة مثلا بأقل سعر وربما من شخص مزنوق
يعني بيقدر يتابع اموره باخلاص لانها لنفسه
علي عكس ترك شخص يتابع امورك مهما كان ذلك الشخص
اعلم اخي قير تور ان الاخوة الجنوبيين ما عندهم فلل وشقق فخمة كثيرة
ولكن انا اقصد شيئ آخر الا هو كلمة (ذعر) التي ذكرتها في بداية البوست
الناس بتخاف يحدث فلتان امني في البلد او عدم استقرار
الاستثمار واسواق العقارات وحروب وربما انفصال دارفور
وكلما تزداد هذه الاحداث ويظهر للعيان ان البلد ستفقد السيطرة
سينفر الناس من شراء العقارات وسيحاول اخرين الهروب الي الخارج
يعني استقرار الامن واستتابه في السودان له علاقة مباشرة
بانخفاض العقارات وربما الذهب وارتفاع الدولار بالمقابل
زي ما يحدث عالميآ كل ما يكون في استقرار البزنز بمشي كويس
حسع احنا في بريطانيا والغرب قاعدين علي هبشة
اي حاجة تحصل عالميا سواء حرب او انهيار الاقتصاد العالمي
او مشاكل في الطيران او اي شيئ يؤثر فينا تاثير مباشر
اذا هذا هو ما اعنيه فالانفصال يعني عدم استقرار
وفي احوال كثيرة وبالذات بالنسبة للسودان يعني الحرب وعدم الاستقرار

(الخرطوم: «الصحافة»: كشف تجار العقارات بالخرطوم عن انخفاض أسعار العقارات والأراضي وضعف حركة البيع والشراء في سوق العقارات، وعزوا الانخفاض إلى موجة الخوف التي انتابت المواطنين بسبب ضبابية الرؤية عما يسفر عنه استفتاء الجنوب، وأوضحوا أن بعض أبناء الجنوب بالعاصمة الذين يملكون عقارات وقطعاً سكنية أقدم بعضهم على عرضها للبيع، بجانب قلة السيولة التي يعاني منها معظم المواطنين، وتوقعوا استمرار انخفاض أسعار العقارات بعد عيد الأضحى المبارك، لا سيما إذا ما تمخض الاستفتاء عن انفصال الجنوب، حيث تفضل الغالبية العظمى من الجنوبيين بالعاصمة بيع منازلهم والاتجاه نحو الجنوب. واشتكى التجار من قلة الطلب على الإيجارات رغم كثرة العرض، وعللوا انخفاض أسعار الإيجار إلى قلة السيولة وكثرة العرض.
ويقول مدير مكتب نبتة للعقارات بجبرة خليفة يعقوب حسين، إن سوق العقار يشهد ركوضا عاما، لاسيما على المستويات «بيع وشراء وإيجارات» نسبة لحالة الخوف والهلع التي تسربت إلى نفوس الجميع من واقع ضبابية الأحوال بعد الاستفتاء، بجانب قلة السيولة في أيدي المواطنين، الأمر الذي انعكس بصورة واضحة في انخفاض أسعار المنازل والقطع السكنية، وانسحب بدوره على الإيجارات، حيث كثرت البيوت المعروضة للإيجارات، حيث انخفض سعر البيت الجاهز بمنطقة جبرة الذي يتكون من ثلاث غرف وهول وصالون مع احتماله لبناء شقة بالطابق العلوي الذي كان يتراوح سعره في حدود «330 -340» ألف جنيه، فأصبح في حدود «330-310» ألف جنيه، وألمح إلى تباين أسعار البيوت على حسب مساحة وموقع المنزل. وأشار إلى انخفاض سعر البيت بمدينة الشهيد طه الماحي إلى «255» ألف جنيه من «275» ألف جنيه، ووصل سعر القطعة «400» متر إلى «240» ألف جنيه بعد أن كان «255» ألف جنيه، والقطعة المميزة « ناصية » إلى «265» ألف جنيه من «285» ألف جنيه، فيما أبان أن سعر القطعة «300» متر بمربعات «15ــ 18ــ 19» بجبرة انخفض من «135 ــ 155» ألف جنيه إلى «125ــ 135» ألف جنيه، بينما انخفض سعر القطعة «400» متر في مربعي «14ــ 16» إلى «150» ألف جنيه، فيما وصل سعر القطعة «500» متر في منطقة الشارقة الى «230» ألف جنيه.
وعن الإيجارت يقول يعقوب إن حركتها ضعيفة رغم كثرة البيوت والمنازل المعروضة، وأرجع الضعف إلى قلة السيولة في أيدي المواطنين، حيث يفضل الغالبية العظمى منهم السكنى في منازل ذات قيمة إيجار تتماشى ووضعهم المادي ومقدرتهم الاقتصادية. وتوقع استمرار الانخفاض في أسعار العقارات والقطع السكنية والإيجارت، بعد انتهاء عطلة عيد الأضحى المبارك والاستفتاء.)





الاخ اشرف لك التحية

هذا المقال اليوم فى الصحافة, صدقت فى التحليل والمنطق ايضا يقول كذلك كيف تستقر الاسعار مع عدم استقرار سياسى فى البلاد

غير مسبوق .

الأخ أشرف
في الأساس أسعار الأراضي و المباني في السودان مبالغ فيها مقارنة مع الأسعار في كل العالم و من أهم الأسباب تركز الخدمات في وسط المدن و حتى الامتدادت الجديدة يتم توفير الخدمات بواسطة جهود شعبية تكلف المواطنين الكثير ، السوق في النهاية هو عرض و طلب لذلك يضطر المغترب أو غيره للشراء بالأسعار السائدة مفضلا عدم انتظار المجهول واضعا في حساباته أن حدوث زيادة متوقع أكثر من حدوث انخفاض و قد ظلت أسعار العقارات في ازدياد مستمر ، الشئ المهم الذي يجب أن تركز عليه الحكومة لاحداث توازن أو على الأقل الحفاظ على الأسعار من جشع التجار و السماسرة أن تقوم بتوصيل الخدمات للمناطق الاسكانية الجديدة خاصة الموزعة عن طريق الخطط الاسكانية فهذا يجذب المواطنين لمناطق جديدة و يخفف الطلب على المناطق القديمة التي يوجد بها خدمات..قد يتوقع حدوث انخفاض في أسعار العقارات في حدود 10% و لكن بالتأكيد لن يحدث انهيار خاصة في بعض المناطق التي تعتبر استثمارية مثل الرياض ، المنشية ، الطائف و المهندسين و مدينة النيل و شمبات و الحلفايا كمثال فهذه مناطق يمتلكها مستثمرين بالهم طوييييل و لن يضطروا للبيع و متمسكين باسعار عالية..تحياتي

ولدنا الحاج حمد
ازيك ياخ ومشتاقين

Quote: في الأساس أسعار الأراضي و المباني في السودان مبالغ فيها مقارنة مع الأسعار في كل العالم و من أهم الأسباب تركز الخدمات في وسط المدن و حتى الامتدادت الجديدة يتم توفير الخدمات بواسطة جهود شعبية تكلف المواطنين الكثير ، السوق في النهاية هو عرض و طلب لذلك يضطر المغترب أو غيره للشراء بالأسعار السائدة مفضلا عدم انتظار المجهول واضعا في حساباته أن حدوث زيادة متوقع أكثر من حدوث انخفاض و قد ظلت أسعار العقارات في ازدياد مستمر ، الشئ المهم الذي يجب أن تركز عليه الحكومة لاحداث توازن أو على الأقل الحفاظ على الأسعار من جشع التجار و السماسرة أن تقوم بتوصيل الخدمات للمناطق الاسكانية الجديدة خاصة الموزعة عن طريق الخطط الاسكانية فهذا يجذب المواطنين لمناطق جديدة و يخفف الطلب على المناطق القديمة التي يوجد بها خدمات..قد يتوقع حدوث انخفاض في أسعار العقارات في حدود 10% و لكن بالتأكيد لن يحدث انهيار خاصة في بعض المناطق التي تعتبر استثمارية مثل الرياض ، المنشية ، الطائف و المهندسين و مدينة النيل و شمبات و الحلفايا كمثال فهذه مناطق يمتلكها مستثمرين بالهم طوييييل و لن يضطروا للبيع و متمسكين باسعار عالية..تحياتي

شكرآ علي هذا التحليل الجميل
ونتمني ادخال الخدمات في كل المناطق الجديدة
الامر الذي بدوره يخفف الضغوط علي الطلب في وسط العاصمة
وأشكرك للمعلومات الهامة بكده نضع في حسباننا ان التخفيضات
ستنزل حوالي 10 في المائة ده غير شطارة المشتري
الممكن ينزل 20 في المائة اخري
العجيب زمان كانوا بيقولوا الكاش بقلل النقاش
ده كان قبل الطلب الكثيف علي العقارات

تعرف يا حاج حمد انا اكتشفت ان الناس بقت تشتري شقق فقط لاستثمار
يعني الشقق الجديدة البتقسيط دي اي زول عنده مقدم بقي
يدخل فيها عشان بعدين تكون ليه مصدر دخل ثابت حتي لو بقي عاطل
يعني مش القصة الناس ملت العاصمة لكن الناس بقت تفكر في الاستثمار

اها بالنسبة للتخفيضات زي ما قلت ناس الراحات الفي الرياض وما جاورها
ما مستعجلين خالص للبيع , لكن طبعآ حا يتأثروا كتير اذا البلد فقدت البوصلة
انا يخيل لي الحاجات دي تابعوها مع السماسرة حا تلقوا تخفيضات كبيرة
لكن اي انخفاض في العقارات او قلة الطلب الناس البره حا تروح عليهم
وامكن يستفيدوا منها السماسرة وراغبي الاستثمار بالداخل اكثر من غيرهم..

أختنا الفاضلة: ندي صالح
كيفنك وانشاء الله تكوني بخير

Quote: هذا المقال اليوم فى الصحافة, صدقت فى التحليل والمنطق ايضا يقول كذلك كيف تستقر الاسعار مع عدم استقرار سياسى فى البلاد غير مسبوق .

كتر خيرك علي المقال الذي فعلآ جاء مطابقآ لتوقعاتي
وفعلآ هذا هو المنطق الذي أتحدث عنه:
كيف تستقر الاسعار مع عدم استقرار سياسي او امني في البلاد؟

فوق