Post: #1
Title: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-11-2009, 11:39 PM
Parent: #0
خيل لي ان بكري قد وهب ما يقارب الالف شخص "الغرين كارد" اليوم..
ويبدو انهم داهموه في حوشه بينما كان مزاجه معتدلا...
لكن علي العموم دي خطوة طيبة جدا..
وقد راينا نشاط هؤلاء البرالمة الجدد منذ انطلاق الصفارة الاولي..
ومنهم علي سبيل المثال بوست في قمة الابداع بعنوان:
(الاخوة المغتربين الاهل بلغت اللهم فاشهد)..
اعتقد اننا اصبحنا موضة قديمة الان...
ووجب علينا النهوض للشد من ازر هؤلاء الفطاحلة...
والاستماع اليهم باذنين صاغيتين...
مرحبا بجميع الاخوة الجدد...
وانشاء الله نشيلكم في حدقات العيون..
لكن دعوني اتسائل معكم..
هل سيحتل البرالمة الجدد المنبر ويغزوه بالمفيد؟؟؟
وماذا سيكون مصير المحاربين القدامي؟؟؟
هل سيكون ذلك تحدي لهم و يضطرهم الي زيادة ابداعاتهم؟؟؟
ام انه قد بلغ منهم التعب مبلغه ويبتغون الراحة والاستجمام ونزول المعاش؟؟؟
|
Post: #2
Title: Re: هل سيحتل البرالمة الجدد المنبر؟؟؟
Author: مزمل خيرى
Date: 08-11-2009, 11:44 PM
Parent: #1
شكرا بكرى ابوبكر ..
مرحبا بالجميع فى الحوش الكبير ..
اشرف أزيك .. بقرأ مقالاتك الجميلة
فى السودانى بأستمرار ..
|
Post: #16
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-12-2009, 12:55 PM
Parent: #2
Quote: اشرف أزيك .. بقرأ مقالاتك الجميلة
فى السودانى بأستمرار .. |
الحبيب مزمل خيري
ازيك يا راجل يا راقي
ودائما منور البورد
سعيد للغاية انك متابع خيوطي في الصحف
والحقيقة انا بكتب في صحف عديدة
وانشاء الله حانزل المقالات تباعا
شكرا يا حبوب
|
Post: #3
Title: Re: هل سيحتل البرالمة الجدد المنبر؟؟؟
Author: أمير عثمان
Date: 08-12-2009, 02:25 AM
Parent: #1
وهذا أحدهم ...
لك ولكل الأعضاء التحايا الطيبة ...
أمير
|
Post: #4
Title: Re: هل سيحتل البرالمة الجدد المنبر؟؟؟
Author: محمد الجزولي
Date: 08-12-2009, 02:36 AM
Parent: #3
بوست في سِلك ,, اب فينقر ,,
ولا تنسى الذاكرة ان عبد الله بولا كان يكتب هنا ..
تقديري للجميع ..
|
Post: #5
Title: Re: هل سيحتل البرالمة الجدد المنبر؟؟؟
Author: Abdlaziz Eisa
Date: 08-12-2009, 03:06 AM
Parent: #4
سلام
ربما يكون الخير على أقدام الواردين..
مرحبا بهم
تحياتي
|
Post: #6
Title: Re: هل سيحتل البرالمة الجدد المنبر؟؟؟
Author: El hadi A.bashir
Date: 08-12-2009, 07:07 AM
Parent: #5
Brother Mustafa
I am among them
Surely, I will or we will treat u fairly
El hadi
|
Post: #7
Title: Re: هل سيحتل البرالمة الجدد المنبر؟؟؟
Author: حيدر حسن ميرغني
Date: 08-12-2009, 07:18 AM
Parent: #6
سلامات يا اشرف
ومرحبا بالبرالمة
لا شك دخولهم المنبر ينم عن رغبة وشغف ومتابعة
اتمنى ان يرفدونا بالمفيد
الاحظ دائما ان البعض منهم بعد مايطيب ليهو المقام
يبتدرون بوستات سبق ان تناولها الاعضاء السناير
وليتهم يبحثون في اداة البحث الخاصة بالمنبر
ياريت كل جديد يكون شديد ويعتد برأيه دون مجاملة لاحد
|
Post: #8
Title: Re: هل سيحتل البرالمة الجدد المنبر؟؟؟
Author: الامين موسى البشاري
Date: 08-12-2009, 07:45 AM
Parent: #7
الاخ اشرف مصطفى
وهانذا واحد منهم... ننظر لكم اخوتي السناير كقامات
ولا شك بأن لدينا ما نقدمه لكم
والمهندس بكري لا شك انه قد اختار البرالمة بعانية
كونوا عونا لنا ... حتى نفيد ونستفيد
كن بالف خير
|
Post: #17
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-12-2009, 01:42 PM
Parent: #3
Quote: وهذا أحدهم ...
لك ولكل الأعضاء التحايا الطيبة ...
|
ولك التحايا اخي امير
الف الف مرحب بيك
|
Post: #9
Title: Re: هل سيحتل البرالمة الجدد المنبر؟؟؟
Author: Rasha Tambal
Date: 08-12-2009, 07:50 AM
Parent: #1
طبعاً فكرة الاحتلال بتزكرني الحبش
مرة في اثيوبيا في معرض وبتكلم عن الحضارات والثقافات وما بعرف شنو
فواحد منهم قال ليا الحاجة الجيدة انحنا احتلونا ما استعمرونا ...!!
فحتة نحتلاكم والله رحمة لانكم استعمرتو فكرنا وانتباهنا
عموماً نتمنى نكون اضافة ليكم ...
|
Post: #10
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-12-2009, 08:39 AM
Parent: #9
شكرا يا شباب
اتمني تداخل كل الاعضاء الجدد في هذا البوست للتعرف عليهم
وانا متأكد ان جميع الاعضاء يودون التعرف عليكم
هذا اولا...
ثم ثانيا انا لست بسينير هنا وانما من البرالمة ايضا
وان اكملت عامي الاول حديثا...
ثالث نصيحتي لكم ان تسمعوا كلام الاخ حيدر اعلاه
فهو هام جدا ويختصر لكم درب الشهرة والابداع
اضف الي ذلك نصيحة مني ان المنبر ده سريع
يعني ممكن تفتحوا بوست تجوا اليوم التاني تلقوه في الصفحة الخامسة
طبعا ما تزعلوا...ده حال الدنيا
وفي ناس هنا بتجرجر بوستاتها كلها بالليل والناس نيام
وفي ناس كمان ما بتنوم
عشان نظام حرس البوستات وكده
اها ده تاني لو حصل...الا الكريم
سعيد جدا بانضمامكم معنا
واتمنا ان تكونوا عونا لنا ونكون عونا لكم
وان تكونوا اضافة حقيقية للمنبر
وانا متأكد من ذلك وقد رايت بعض من الابداع في اليومين السابقين
سأعود للرد عليكم جميعا
وأتمني تعليق المحاربين القدامي وبقية الاعضاء
وتقديم النصح لكم ايضا من خلال هذا البوست
وقبل كل ذلك...الترحيب بكم بحفاوة
فأنتم تستحقون ذلك...
مرحبآ بكم علي متن سودانيز اون لاين
وشكرآ للاخ بكري لهذا الجمال والاثراء..
|
Post: #11
Title: Re: هل سيحتل البرالمة الجدد المنبر؟؟؟
Author: أيمن دياب
Date: 08-12-2009, 08:53 AM
Parent: #10
سلام يا اشرف.. والحمد لله احتفلت بمرور عامي الاول في سودانيز
فهل أعتبر من البرالمة؟
|
Post: #13
Title: Re: هل سيحتل البرالمة الجدد المنبر؟؟؟
Author: رقم صفر
Date: 08-12-2009, 09:26 AM
اشرف ، من خبرتي الطويلة في هذا المنبر ، امتلك يقينا بان العضوية الجديدة
هي من تمد البورد بالحيوية ، اذكر ومااااان ، كان هناك بعض الاعضاء يكتبون اكثر من 5
بوستات في اليوم ، اليوم اين هم ؟ اختفوا تماما ، هل تعلم ان من كان يكتب في عام 2004
النشطاء منهم اليوم لا يتجاوزون العشرة ... فالمنبر يتوالد ويتكاثر ، ولهذا استمر ،،،
بعدين برلوم دي بقت نسبية ، يعني ممكن يجيك تمبس او الزوول زاتو يقول ليك انت برلوم ، وانا يجيني اساسي
يقول لي يابرلوم ،،،،،
شكرا لك ، ومرحبا بالاعضاء الجدد ....
|
Post: #14
Title: Re: هل سيحتل البرالمة الجدد المنبر؟؟؟
Author: طارق بخيت
Date: 08-12-2009, 09:33 AM
الأخ أشرف
لك كل التحايا والود
والعين مابتعلا على الحاجب
وعزيز الروح مابتعالا
نتمنى أن يمثل البرالمة اضافة حقيقية للمنبر
ويثرون المنبر بالمواضيع الجيدة والهادفة
وأكيدينتظرون منكم الكثير من الدعم والمُوازرة
وكما جرت العادة ففى البداية لابد من ترديد أغانى الحقيبة
والفنانين الكبار حتى تُجاز الاصوات وتُعرف المقدرات
ويكثُر المعجبين وبعد داك تجى مرحلة الغناءالخاص
ولا شنو رأيك ؟!.
|
Post: #12
Title: Re: هل سيحتل البرالمة الجدد المنبر؟؟؟
Author: مجدى عمر بابكر
Date: 08-12-2009, 08:58 AM
Parent: #10
شكرا الزميل اشرف مصطفى على هذه اللفته الجميله...
انا زميلكم البرلوم م/ مجدي عمر.....
حصلت على العضويه قبل خمسه ايام مع اني من مرتادي هذا الحوش منذ اكثر من سنتين وهذا لجهلي بكيفيه التسجيل التي لاتشبه اجراءات التسجيل المتعارف عليها في اغلب المنتديات الى ان دلاني احد الاخوه الى ارسال ايميل الى سيد الحوش م/بكري ابوبكر......وفي خلال 24 ساعه كان الباسويرد بحوزتي والحمدلله وحتى الان انا لست مصدق اني عضو في هذا المنبر المحترم جدا ..
املين حسن الاقامه وطيبه المعشر بينكم...........
|
Post: #15
Title: Re: هل سيحتل البرالمة الجدد المنبر؟؟؟
Author: أبو ساندرا
Date: 08-12-2009, 09:37 AM
Parent: #12
الأعضاء الجدد
في حقيقة الأمر أعضاء قدامى
لعيبة كانوا في كنبة الإحتياطي وكانوا متابعين وشايفين كل دقائق المباراة
وكم فوجئت بتلفون دقيق من متابع من زوار المنبر يناقش بعض ما نكتب بدقة تامة
وقبل كده وضح من خلال بوست صديقنا حيدر الذي فتحه لتليقات ومتابعات الزوار
انهم بالفعل متابعين حتى أكثر من بعض الاعضاء
فما تقدوهم بالنصائح والوصايا و الوصاية
وحركات السناير الأدعياء
|
Post: #18
Title: Re: هل سيحتل البرالمة الجدد المنبر؟؟؟
Author: محمد الجزولي
Date: 08-12-2009, 02:33 PM
Parent: #15
وكلام ابوساندرا برضو في السِلك ..
ـــ
فهذا الطافح اليومي سودانيز اون لاين شئنا ام ابينا فهو في حراك
يومي ، وحراك جامح فبداء بشكل .. وتخللت فتراته اقلام واقلام واقلام
ورحل من رحلا الى الرفيق الأعلى ومنهم من ينتظر ، ومنهم من عَزَ الفُراق
ومنهم من ابى وبقىَ ليطعمنا معه انات غربته واوجاع مَحازنه ومارسوا ولا زالوا
يمارسون تلك العادة الكتابة ، فأقاموا ليالي الشعر ومحاورات الفكر وغنو للأم
والوطن والحبيبة .. ولونوا ورسموا واشاعوا هذا المكان ليصبح الحائط الإسفيري
العجيب الذي يتزاحم الالف من البشر برغبة حقيقية في اعتلاءه والتوهوط عليه ...
فجمع الشتات من كل خَرطة العالم واصدقاءهم .. ومازال ينضخ دماً جديداً وفي كل
فترة سنراى هذا المكان يزيد شعاع برغم مايتدنسهُ من عِلل وعِلل الهكر لو تعلمون
عظيم وباااايخ !!! .. فسحرُ هذا المكان يكمن في انه كالحياة وقل الــ ..
حياة نفسها او بمعانيها ..
ولا نصيحة ! سوى ابقو عشرة على البكان ده ..
وسلامي ومحبتي للجميع
ـــــــ
لا براملا ولا سناير ولا كوامر
منبر واسع شاقي السايبر 
|
Post: #19
Title: Re: هل سيحتل البرالمة الجدد المنبر؟؟؟
Author: علاء الدين صالح
Date: 08-12-2009, 07:03 PM
Parent: #1
الأخ أشرف مصطفى
التحية لك ولكل السناير، وتحيات خاصة جداً لأخوتي وأخواتي البرالمة متمنياً أن أراهم "نجوماً للغد" تتلألأ في سماء الإبداع.
يسعدني أن أسطِّر أولى حروفي في بوستك الجميل ووسط هذه الكوكبة الطيبة من أهلي الطيبين والأماني العذبة تتراقص حيالي والأمل بسَّام يداعب في خيالي
بأننا سنجد هنا ما يجمعنا تحت مظلة الحُب والموَّدة والوصل.
لكم عميق احتراماتي.
تخريمة:
تعرف يا أشرف لو ما الحردة بتاعت الوقفة 3 شهور في السخانة دي قِدام باب بكري لسة معلِّقــة معاي.. كنت كتبت ليكم أحسن من كدة.
خليها تخِف شوية كدة.. وبرجع ليك.
|
Post: #20
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-12-2009, 08:27 PM
Parent: #19
اها يا ابو ساندرا خم وصر
في واحد فتل المنبر
لانك سينير كان تنبهنا كلنا للموضوع ده!!
|
Post: #21
Title: Re: هل سيحتل البرالمة الجدد المنبر؟؟؟
Author: داليا الكباشى
Date: 08-12-2009, 08:39 PM
Parent: #20
وانا منهم ولكن لا احتلال ...
الما عندو كبير يشتري ليهو كبير ...
عاطر التحايا وارقدوا عافيه ...
|
Post: #22
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-13-2009, 06:02 AM
Parent: #21
Quote: بوست في سِلك ,, اب فينقر ,,
ولا تنسى الذاكرة ان عبد الله بولا كان يكتب هنا ..
تقديري للجميع .. |
مولانا محمد الجزولي
جزاك الله كل خير
وسعيد جدا بمرورك
|
Post: #23
Title: Re: هل سيحتل البرالمة الجدد المنبر؟؟؟
Author: أحمد الصديق
Date: 08-13-2009, 06:25 AM
Parent: #22
سجل عندك
واحد لاعب جديد
لابس الكدارة ليهو سنة
بس المدرب كان عامل منو صاد.
التحية للعظـام " مش العضام "
أبو ساندرا
الموج
معتصم دفع الله
علاء الدين تمبس " ماعارفو جاب الاسم ده من وين "
وكل الكوكبة الفريدة
نسيت الكفيل " محمد الصايم " عمكـ وعمي.
التعديل لزوم مد الكاف في عمكـ
|
Post: #24
Title: Re: هل سيحتل البرالمة الجدد المنبر؟؟؟
Author: lana mahdi
Date: 08-13-2009, 06:25 AM
Parent: #22
ألف مرحب بالبرالمة الجدد ..
أشرف
تخيل إكتشفتا إني برلومة جد جد...ليك سنة في المنبر و ما انتبهت للإسم و للشبه...سلامي لشقيقتك الغالية يا حبيب و الوالدة و الوالد وأبناء شقيقتك الأخرى..
أها لنا أختك حريفة و للا ما حريفة؟؟(:(:(:(:
|
Post: #25
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-13-2009, 07:37 PM
Parent: #24
Quote: سلام
ربما يكون الخير على أقدام الواردين..
مرحبا بهم
|
عبد العزيز عيسي
شكرا علي المرور
وتسلم يا رب
|
Post: #26
Title: Re: هل سيحتل البرالمة الجدد المنبر؟؟؟
Author: السيد المسلمي
Date: 08-13-2009, 09:37 PM
Parent: #25
الحبيب أشرف ،،
الف مرحب بالبرالمة الجدد ونتمني لهم حياة إسفيرية سعيدة لوووووووووول ،
وأن يجعل الله لهم في كل أضف رد حسنة .. والله يضاعف لمن يشاء ،
وأن يباعد بينهم وبين التعديل ،، وأن لا يؤاحذهم بما يفعله الهكر هنا ،،
آمين .
ـــ
الهم لاتحرمنا أجرهم ،
|
Post: #27
Title: Re: هل سيحتل البرالمة الجدد المنبر؟؟؟
Author: مدثر قرجاج
Date: 08-13-2009, 10:27 PM
Parent: #26
Quote: وقد راينا نشاط هؤلاء البرالمة الجدد منذ انطلاق الصفارة الاولي..
ومنهم علي سبيل المثال بوست في قمة الابداع بعنوان:
(الاخوة المغتربين الاهل بلغت اللهم فاشهد).. |
اخى اشرف التحايا النواضر لك ولكل الاخوة السبقونا
لحوش بكرى ...شكرا لكلماتك الجميله فى حق البوست
بتاع المغتربين وبتمنى كل الناس تتعاون لرفعة المنبر
بس انا حكاية برلوم دى شويه مانازله لى من زور فقد مكثنا
طويلا بينكم بقلوبنا فالفتكم واليوم جئنا لنسطر محبتنا لكم
كلمات من الفلب الى القلب
محبتى الاكيده
|
Post: #33
Title: Re: هل سيحتل البرالمة الجدد المنبر؟؟؟
Author: هاشم محمد الحسن عبدالله
Date: 08-16-2009, 08:31 AM
Parent: #20
شكرا للأستاذ اشرف على أسلوبه الراقي المتحضر فى الترحيب بالأعضاء الجدد وانا منهم، والحقيقة حضرت للمنتدى بعد خبرة طويلة تمتد لسنوات فى العمل الأسفيرى فى أكثر من منتدى، لكن وجدت ان منتدى أو حوش المهندس بكرى هو الأكثر أتساعا وفيه زخم متواصل فى كل الضروب وتاثيره أعظم، لذلك تقدمت بطلبى وجاءنى ولله الحمد الرد سريعا فى معايير الأنتظار، وأنا سعيد جدا بالعضوية وأمل ان أكون مفيدا واستطيع أن أعمل شيئا جديدا واضافة، مع خالص ودى لك ولكل الأخوة فى المنتدى الذين احسنوا استقبالنا ووفادتنا، ودمتم أحبتى.
|
Post: #28
Title: Re: هل سيحتل البرالمة الجدد المنبر؟؟؟
Author: عمر التوم
Date: 08-14-2009, 05:09 AM
Parent: #1
الأخ أشرف مصطفى
يبدو أن الاجابة هي (الاحتمال وارد)
تحياتي وجميل شكري على الأهتمام بنا
-------------------------------------------
سؤال على الهامش : هل يوجد برالمة غير جدد ؟؟؟
|
Post: #29
Title: Re: هل سيحتل البرالمة الجدد المنبر؟؟؟
Author: علاء الدين صالح
Date: 08-14-2009, 07:24 PM
Parent: #28
| Quote: سؤال على الهامش : هل يوجد برالمة غير جدد ؟؟؟ |
عمر التوم.. مُش في مقولة بتقول أكبر منك بي يوم أفهم منك بي سنة؟
وتيِّب..
البرالمة الجُدد ديل إنتو (دفعة 13/8/2009)
الغير جُدد ديل أنِحنا (دفعة 11/8/2009)
|
Post: #30
Title: Re: هل سيحتل البرالمة الجدد المنبر؟؟؟
Author: GamarBoBa
Date: 08-15-2009, 09:33 AM
Parent: #29
للضمان كدة عشان ما نتلوم وكدة اول حاجة نرحب بيهم شديد شديد
تاني حاجة
بكري يا ما يسجل يا يسجل بالكوتة؟؟
الناس هنا كتار جدا
فلما الصفحة الاولي كلها تبقي شكرا بكري شكرا بكري المناضلين يمشوا وين
والكيزان يمشوا وين
السدود
ناس الكورة يمشو وين
المهم بما فيكم انا المفروض نقرا اكتر مما نكتب عشان ندي الناس البجد يكتبوا فرصة
اغراق في كل مكان
اي زول داير يكتب ياخ
انت يا مزمل خيري يوم الخميس تقول لي الجابك هنا شنو؟؟
كان ما قاعدين في البلد دي من ايام الستة باسويردات لفرد نفر كتا حتقول شنو
ما قلت ليك بعرفك في بوست ناذر ما صدقتني
|
Post: #31
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-15-2009, 12:52 PM
Parent: #30
Quote: ألف مرحب بالبرالمة الجدد ..
أشرف
تخيل إكتشفتا إني برلومة جد جد...ليك سنة في المنبر
و ما انتبهت للإسم و للشبه...سلامي لشقيقتك الغالية
يا حبيب و الوالدة و الوالد وأبناء شقيقتك الأخرى..
أها لنا أختك حريفة و للا ما حريفة؟؟(:(:(:(: |
اختي العزيزة والغالية لنا مهدي
الحقيقة انتي اخبرتيني من قبل بصلة القرابة الشديدة بيننا
من عائلة احمد شرفي والمهدي
فأنا اعرف جيدا اننا اقرباء واهل
لكن لم اكن اعرف انكي تعرفي اخواتي ووالدي
فهل عرفتي اسم الوالد بعد ان ذكرت اسمي كاملا؟
وهل تعنين الصورة الموجودة في الصحف؟
لانني لم افهم اي شبه؟ هل قابلتي احدي اخواتي؟
لك خالص التحية والمحبة والاخاء
ومنذ ان عرفت بقرابتك كنت دائما سعيد وفخور بكي
سلامي لجميع الاهل
|
Post: #32
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-15-2009, 08:55 PM
Parent: #31
الاخوة|ت الاعزاء المتداخلين:
- الهادي البشير
- حيدر حسن ميرغني
- الامين موسي البشاري
- رشا طمبل
- ايمن دياب
- رقم صفر
- طارق بخيت
- مجدي عمر بابكر
- علاء الدين صالح
- داليا الكباشي
- احمد الصديق
- السيد المسلمي
- مدثر قرجاج
- عمر التوم
- قمر بوبا
شكرا لكم جميعا علي المرور
ارحب بكل الاعضاء الجدد
او البرالمة الجدد
اما بالنسبة لشخص مثلي له عام في المنبر
فهو ايضا برلوم ولكن قديم
عفوا للتاخير والرد السريع
لكن المشغوليات تراكمت علي
اتمني لكم اقامة طيبة معنا
واتمني ان اكون صديقا شخصيا لكل فرد منكم
شكرا للسناير الذين مروا من هنا
ولكم جميعا كل الحب والاخاء وصفاء القلب
|
Post: #34
Title: Re: هل سيحتل البرالمة الجدد المنبر؟؟؟
Author: عكود عبد القادر عكود
Date: 08-16-2009, 08:51 AM
Parent: #32
الكريم الحبيب أشرف
((أنتم السابقون ونحن إن شاء الله بكم لاحقون ))
التحية والتقدير لك ولكافة السابقين المبدعين
وأدام الله الكل ذخراً للكل،،،،
مع خالص مودتي،،،
اللاحق.....عكود،،،،
|
Post: #35
Title: Re: هل سيحتل البرالمة الجدد المنبر؟؟؟
Author: ASHRAF MUSTAFA
Date: 08-16-2009, 12:56 PM
Parent: #34
الاخوة الاعزاء:
- هاشم محمد الحسن
- عكود عبد القادر
سعيد جدا بتواصلكم عبر هذا البوست
اشكر الله ان عرفني بكم
وارجوا ان تقبلوني صديقا لكم
كما ارجوا من جميع الاعضاء الجدد ان يقبلوني صديقا لهم
ويدوم التواصل باذن الله
|
|