هو دخول الحمام زي خروجه بالسهولة دي تمشي وييين معقولة يا اشرف؟؟ ياخ احنا يادوب بدينا نتعارف وإبتدت تحلو.... الدنيا بالمناسبة بتاعة التعارف دي دا حسابي في ooVoo roolynat
فايت وين ياقريبي. وخيطك عن العمارات ده يمشي وين? نحن اتحزمنا واتلزمنا,
وشمرنا عن سواعدنا, مثل فارس اهلك السعداب الفي الصوره الجابها عادل
نجيله في خيط المك نمر,وبدأنا في الاتصال باستراليا بحثا عن الانصاري الكاثوليكي, غابي نعوم عبجي عشان بوستك بتاع العمارات. كويس ظهرت معاك هنا راويه بت عمنا العباسي البقت لابتسأل فيني, انا ولا حتي اختي امنه ابوقصيصه في فرجينيا. المهم ياصديق تصحبك السلامه في اسفارك, وشارك من فتره لاخري. مع ودي وتقديري
لوم العدو يا معز اولا كنت عاوزة ارجع ليك في بوست بكري الحداية لكن بعد مداخلات بعينها عافت نفسي وجودي هناك وذكر ناس زي تماضر احمد خالد وشكرا لبلة موسى لاعتذاره لكن كانوا بوظوا البوست وانتهوا تماضر احمد خالد انسانة جميلة ومحترمة اتعلمنا منها الاعتماد على النفس وطرق ابواب وعوالم واسعة في البحث عن اثبات الذات وكسب لقمة العيش تانيا لو قلت ليك انه اخر مرة اتكلمت مع خالتي عفاف كانت مع هدى اختي في لندن هدى قالت لي قضوا وكت جميل مع بعض وخالتي عفاف اصرت انها تزور وتمر على الاماكن القديمة كلها ومكان سكنها واصرت ماتركب اي وسيلة مواصلات عشان تستمتع اكتر وتشم عبق الماضي بالنسبة لامنة انا فاقدة تلفوناتهم كلها لاني ضيعت تلفوني في مطار تورنتو لكن امنة واعداني اننا نحدد نهاية اسبوع ونجيكم زيارة وانا ماناسية الموضوع دا تلفونك ضاع مني برضو لكن بلقى طريقة ارسل ليك التلفون بتاعي عموما كل سنة وانتو طيبين ولو لقيت رسلت ليك تلفوني وقلتها ليكم بالتلفون يكون حاجة بديعة في نهار اليوم دا
[email protected]. اخبرتني الخاله عفاف شبيكه بجولاتها مع الاخت هدي العباسي وجولاتهم الماكوكيه في حي الخالة القديم Victoria , قبل 44 عام قرب Buckingham Palace, و متاحف, ومكتبات لندن. طبعا خالتك عفاف خبيره بجداره في لندن القديمه, ويبدو ان هدي العباسي اصبحت مرشده لمعرفة لندن بدرجة استاذيه. ابحث ايضا عن الحبيبه رجاء العباسي, فربما ذهبت لبيروت في الشهور القادمه. مع ودي
يا عزيزنا أشرف أين الذهاب و كيف يتأتى لك ذلك .. و من يرعى بوست العمارات .. وخطواتي تجول من شارع 17 حيث كان منزلنا في ناصية الشارع الأيمن .. وكنا السودانيون الوحيدون والبقية من الأجانب و الشركات و مستوصف دار الجراحة والعم الدكتور أحمد عبد العزيز .. وكابتن شبراك و الفرد ماكلباين .. جاء العم زيادة ساتي مدير البوليس ليقطن بيته بعد أن كان يسكن في بيت حكومة .. وجاء أبنائه الخلقاء الميامين محمد و أسامة زيادة ساتي .. ثم العم المرحوم نور الهدي وأسرته الكريمة بعد أن إنتهت خدمته في إدارة مشروع الجزيرة .. وهو والد مولانا صلاح النور و أسامة النور و محمد النور و أيضا شقيقتهم الفنانة الرقيقة منى النور .. والمهندسة الدكتورة منى النور . وفي شارع 25 الأعزاء آل إبراهيم الياس وصديقي الذي رحل مبكرآ محمد إبراهيم الياس .. وفي نفس شارع 25 منزل العم التقي الورع ورجل البر و الإحسان الحاج ـ لقب ـ عبدالرحمن سعد ـ طيب الله ثراه ـ وهو صاحب مصنع حلويات سعد الشهير والد صديقي صلاح ود أبراهيم وبقية أشقاءهم وشقيقاتهم والله لم أذق أجمل من توفي و شيكلاتة و طحنية سعد في حياتي ألى الآن .. وفي شارع 27 إبن العمة الأستاذ ميرغني النصري عضو مجلس رأس الدولة السابق والقانوني الشهير و مستشار المصرف العربي القانوني إيضآ ووالد الأعزاء راشد و عارف و محمد وبقية شقيقاتهم العزيزات وهم رفاعيون المنبت .. وأتجول في أندية و شوارع العمارات حيث أنوي التكملة في ذلك البوست .. ولكن إنسحابك يجعلني to hold my post .. فهل عدت .. ولا مجرد سفرة و عودة .
وفي شارع 27 إبن العمة الأستاذ ميرغني النصري عضو مجلس رأس الدولة السابق والقانوني الشهير و مستشار المصرف العربي القانوني إيضآ ووالد الأعزاء راشد و عارف و محمد
ملامح.. ناس الاستاذ ميرغني النصري في شارع 29 والاخ راشد النصري تعرفت عليه قديما عن طريق ابناء عمي عادل وياسر محمد يوسف ( ديل جيران لزم )
اشرف يا اخي اديها صنة شوية ...
Post: #31 Title: Re: اشـوف وجـهـكم بخير.......العـفـو والـعـافيـة... Author: Hala Hassan Date: 12-30-2008, 07:11 AM Parent: #1
سلام للجميع،
أشرف أخوى، مادام الموضوع أجازة،،،
إذنك معاك، بس ما تطول الغيبة،،،
نتمنى ليك أجازة سعيدة، و حاول الإتصال عند الوصول للخرطوم،،،
__________________________ معلوماتنا ح تلقاها فى منبر الهندسة،،
Post: #32 Title: Re: اشـوف وجـهـكم بخير.......العـفـو والـعـافيـة... Author: nazar hussien Date: 12-30-2008, 07:34 AM Parent: #31
يا اشرف مسافر قبال ما نعرفك انت هول منو؟
Post: #33 Title: Re: اشـوف وجـهـكم بخير.......العـفـو والـعـافيـة... Author: ASHRAF MUSTAFA Date: 12-30-2008, 09:41 AM Parent: #32
الاخوة الاعزاء:
- ود الباوقة: شكرا علي الاحساس الجميل...ان شاء الله حاجي راجع
- هالة حسن: طلتك اسعدتني جدا...وانشاء الله نتواصل
- نزار حسن: ما فهمت كلامك..ارجوا التوضيح؟؟
Post: #34 Title: Re: اشـوف وجـهـكم بخير.......العـفـو والـعـافيـة... Author: nazar hussien Date: 12-30-2008, 09:46 AM Parent: #33
Quote: يا اشرف مسافر قبال ما نعرفك انت هول منو؟
يبدو انك لم تري النوراب يا اشرف؟ وهذا كلامهم
والترجمة الحرفية لما قلت أعلاه: أبن من انت في النوراب يا اشرف؟
Post: #35 Title: Re: اشـوف وجـهـكم بخير.......العـفـو والـعـافيـة... Author: ASHRAF MUSTAFA Date: 12-30-2008, 10:04 AM Parent: #34
الاخ نزار
Quote: يبدو انك لم تري النوراب يا اشرف؟ وهذا كلامهم
والترجمة الحرفية لما قلت أعلاه: أبن من انت في النوراب يا اشرف؟
يا خي ده ما بوست تعارف...؟؟!!!
انا مسافر وقلت ادوع الاحباب...
انت امكن قصدك كلمة (هون)...
انت لو عايز تعرف انا ابن من في النوراب فكان الاولي سؤالي في بوست الجعليين؟؟؟؟
علي العموم ارجوا التحدث بكلام واضح في المستقبل..وفي البوست المناسب له!!
وشكرا علي المداخلة..
Post: #36 Title: Re: اشـوف وجـهـكم بخير.......العـفـو والـعـافيـة... Author: nazar hussien Date: 12-30-2008, 10:16 AM Parent: #35
Quote: انت لو عايز تعرف انا ابن من في النوراب فكان الاولي سؤالي في بوست الجعليين؟؟؟؟
سألناك ولم ترد!
ومع ذلك ان كانت هذي هي لهجتك... ما عايزين نعرف من اصلو... ويا دار ما دخلك شر