اجمل الامثال السودانية والعربية

الاخوة والاخوات الكرام

افتتح هذا البوست لتخصيصه لاجمل الامثال السودانية والعربية

ارجوا المشاركة والتفاعل لجمع اكبر كم من هذه الامثال وتوثيقها.

- جات الحزينة تفرح ما لقتهاش مطرح

- قال يا قاعدين يكفيكم شر الجايين

- الباب البجيك منو الريح سده واستريح

- ادي الحلق للمالوش ودان

- باب النجار مخلع

- المال تلتو ولا كتلتو

- التسوي بايدك يغلب اجاويدك

- القلم ما بزيل بلم

- سمح الكلام في خشم سيدو

- القرد في عين امه غزال

- درب السلامة للحول قريب

- قلبي علي جناي وجناي قلبه علي الحجر

- العارف عزو كلام الناس ما بيهزو

- صاحب بالين كذاب

- كل فولة وليها كيال

- لو اهلك كلاب انبح معاهم

- العترة بتصلح المشية

- اذا كان رب البيت بالدف ضاربا..فشيمة اهل البيت الرقص والطرب

- الحشاش يملا شبكته

- الضرب علي الميت حرام

- اضان الحامل طرشا

- موت الجماعة عرس

- عصفور في القفص ولا عشرة بره

- اذا دعتك قدرتك الي ظلم الناس..فتذكر قدرة الله عليك

- ناس عاشة وناس دايشة





بست:

الرجاء اضافة حكم ايضا لتوسيع الاستفادة

- ضل راجل ولا ضل حيطة

- عينك في الفيل تطعن في ضله

- الريدة الشديدة بتقتل

- الما بتلحقه جدعه

- الاتحاد قوة

- اذا لم تستطيع هزيمتهم فانضم اليهم

- الايد الواحدة ما بتصفق

- ايد علي ايد تجدع بعيد

- الفاس وقع في الراس

- البيتو من قزاز ما بيرمي بالحجارة

- التسوي في الناس تلقي

- الله يكضب الشينة

- الكثرة تغلب الشجاعة

- العين بصيرة والايد قصيرة

- الضرب علي الميت حرام

- سمح الكلام في خشم سيدو

- بلد ما بلدك امشي فيها عريان

- اضان جلد قارودي

- الحداث ما سواي

- السمح مو اكال

- الشين قنيع

- رب صدفة خير من الف ميعاد

- رب ضارة نافعة

- صديق واحد خير من الف عدو

لك التحيـه ..

اتق شـر من احسنت اليه .
مهالك الرجال تحت بروق الـطمع .
لسـانك حصـانك , ان صنته صانك .
المعده بيت الداء, والحميه راس كل دواء .
والخيل تجقلب و الشكر لحمـاد.

_______________________________________________

ليتهم يعلمون ان عمر اللحظـه في بعـدك يا خـرطـوم سنين طـوال.
د شهـاب الفاتح ـ كـوالالمبور

لك التحية عزيزى

صلمبايتك و لا صلمباية زولا أم صلمباية

- القرش الابيض ينفع في اليوم الاسود

- رب ضارة نافعة

اخي شهاب الفاتح

لك التحية علي المرور

وربنا يمتعك بالصحة يا رب

اشرف

تحية

كان صبرتو جبرتو وكان ما صبرتو كفرتو .. وامر الله نافذ

Quote: - رب ضارة نافعة

دى عايدها مالك


ابو الشوش ازيك يا غالى
بجيك راجع

الدنيا لو ما شاغلتك....ما تشاغلها!
منتج المثل :مكى الاحمدى

القناعة كنز لا يفني

الأخ أبو الشوش

الفكرة حلوة جداً

وفيها متعة ومعرفة بالأمثال السودانية لكن الأفضل لو ذكرت قصة المثل

أو تم شرحه لغويا ثم المعنى المراد للمثل حتى تتم الفائدة

يعني مثلاً المثل ده

جراداي في سروال ولا بعضي ... إلا قعادا ولا حلو

ولا بتاع أم صلمباية الفوق ده مع الشكر لصاحبه لكن ما فهمنا منو حاجة

وانا ابدا بي قصة مثل عربي



قصه المثل .....(( رميه من غير رامي )).....!!

او رب رميه من غير رامي


كثير ما يردد هذا المثل في احاديث العرب وفي مجالسهم واليكم هذة القصه
يقال :
ان الحكم بن عبد يغوث المنقري كان رماءا أو أرمي أهل زمانه , وحلف

يوما أن يذبح مهاة بدل أن يقتلها رميــا بسهمه ,

فخرج ولكنه لم يوفق طول يومه

فعاد كاسف الوجه كئيبا وبات ليلته علي ذلك , فلما كان في الصباح

خرج الي قومه وقال : إن لم أذبح اليوم فإني قاتل نفســي

فقال أخوه الحصين

يا أخي اذبح مكانها عشر من الإبل و لاتقتــل نفســـك

فقال: كلا لا أظلم عاقرة وأترك نافرة

فقال له ابنه واسمه مطعم يا أبي احــملني معك أرفدك ,

فقال : وما أحمل من رعش وهن حبان فشل

فضحك الغلام وقال : إن لم ترد أفلاذها تخالط أمشاجهــا فاجعلني وداجهــا

فانطلقا واذا هما بمهاة فرمــاها الحكم فاخطأها ثم مــرت أخرى فــرماها فأخطاها

فقال أبنه : يا أبي أعطني القوس فأعطاه فمــرت به مهـــاة فلم يخطهـــا

فقال أبوة : رب رميه من غير رامي

فصارت مثلا يضرب لمن يصيب وهو غير رامي

وتاااااااني عشان خاطرك يا ابو الشوش


رَجَعَ بِخُفَّيْ حُنَيْنٍ

أصلُه أن حُنَيناً كان إسكافيا من أهل الحِيرة، فأراد أعرابي أن يشتري منه خُفَّين، وساومه فاختلفا حتى غضب حنين.. فأراد أن يغيظ الأعرابي.. فلما ارتَحَلَ الأعرابي أخذ حنينٌ أحدَ خفيه وطَرَحه في الطريق ثم ألقى الآخر في موضع آخر فلما مرَّ الأعرابي بأحدهما قال : "ما أشبه هذا الْخفَّ بخف حنين! ولو كان معه الآخر لأخذته"، ومضى. فلما انتهى إلى الآخر نَدِمَ على تركه الأولَ. وقد كَمنَ له حنينٌ يراقبه. فلما رجع الأعرابي ليأخذ الأول، سرق حنينٌ راحلته وما عليها وذهب بها!
وأقبل الأعرابي وليس معه إلا الخُفَّانِ فقال له قومه : ماذا جئت به من سفرك ؟ فقال : "جئتكم بِخُفَّيْ حُنَين".
فذهبت مثلاً ، يضرب عند اليأس من الحاجة والرجوع بالخيبة.


عَلى اَهْلِهَا دَلَّتْ بَرَاقِشُ

ويُروى ( على أَهْلِهَا جنتْ بَرَاقِش ). وهو من الأمثال في جلب الشؤم. و(براقش) اسم كلبة كانت عند قوم من العرب، نبحت على جيش مروا ولم يشعروا بقومها الذين اختبأوا من ذلك الجيش ، فلما سمعوا نُباحها علموا أن أهلها هناك فعطفوا عليهم فاستباحوهم. فصارت مثلاً.

قَطَعَتْ جَهِيْزَةُ قَوْلَ كُلِّ خَطِيْبٍ

أصله أن قوما اجتمعوا يتشاورون في صُلح بين حيين، قتل أحدُهُما من الآخَر قتيلا، ويحاولون إقناعهم بقبول الدِّية. وبينما هم في ذلك جاءت أمة اسمها "جهيزة" فَقَالت : إن القاتل قد ظَفِرَ به بعضُ أولياء المقتول وقتلوه!
فَقَالوا عند ذلك: "قَطَعَتْ جهِيزةُ قول كل خطيب".
أي: قد استُغنى عن الخُطَب.
ويضرب هذا المثل لمن يقطع على الناس ما هم فيه بَحَمَاقة يأتي بها.

رَمَاهُ اللّه بِثَالِثَةِ الأثافِي

ِثَالِثَةِ الأثافِي: هي القطعة من الجبل يُوضَع إلى جَنْبها حَجَران ويُنْصَب عليها القِدْر فوق النار (لطهو الطعام).
ويضرب هذا المثل لمن رُمى بداهية عظيمة، لأن الأثْفِيَّةَ ثلاثة أحجارٍ كلُّ حجرٍ مثلُ رأس الإنسان فإذا رُمِيَ بالثالثة فقد بلغ النهاية.

بَيْنَ القَرِينَيْنِ حَتَّى ظَلَّ مَقْروُنَا

أي نَزَأ بينهما ( نزأ بينهما : أفسد وحَرَّش ) حتى صار مثلهما.
ويضرب هذا المثل لمن خالط أمرا لا يَعْنيه حتى نَشِب فيه.

بَيْنَهُمْ عِطْرُ مَنْشِمَ

(مَنْشِم) - بكسر الشين - اسمُ امرأةٍ عطَّارة كانت بمكة، وكانت قبيلتا (خُزَاعة) و(جُرْهم) إذا أرادوا القتالَ تعطروا من عطرها، وكانوا إذا فعلوا ذلك كثرت القتلى فيما بينهم!
فكان يقال : "أشْأَمُ مِنْ عِطْرِ مَنْشِمَ".
ويضرب هذا المثل في الشؤم والشر العظيم.

بِالرَّفَاءِ والبَنِينَ

الرِّفاء: الالتحام والاتفاق من رَفَيْتُ الثوب.
قالوا : ويجوز أن يكون من (رَفَوْته) أي (سكنته)
وَهَنَّأ بعضهم متزوجا فقال : "بالرفاء والثبات والبنين لا البنات".
ويُروى "بالنبات والثبات".

بَنَانُ كَفِّ لَيْسَ فِيهَا سَاعِدٌ

يضرب هذا المثل لمن له هِمَّة وطموح، ولكن لا مَقْدِرَةَ له على بلوغ ما في نفسه.










تحبيسة:
زمان كان عندي كتاب إسمو الدرر الفاخرة في الأمثال السائرة
ودة مركز على الأمثال التي على وزن أفعل من كذا (مثلا أشام من طويس)
كان لميت فيهو في رجعتي السودان دي برش ليك منو برضو




إن شاء الله
وتحياتي يا راقي

سلامات يا ابو الشوش



ودي حاجة كدة على السريع


000 بين حانة ومانة ضاعت لحانا 000

روي انه تزوج رجل بامرأتين إحداهما اسمها حانة والثانية
اسمها مانة وكانت حانة صغيرة في السن
عمرها لا يتجاوز العشرين بخلاف مانة التي كان يزيد عمرها
على الخمسين والشيب لعب برأسها فكان
كلما دخل الى حجرة حانة تنظر الى لحيته وتنزع منها كل
شعرة بيضاء وتقول يصعب علي عندما أرى
الشعر الشائب يلعب بهذه اللحية الجميلة وأنت مازلت شابافيذهب
الرجل الى حجرة مانة فتمسك لحيته هي
الأخرى وتنزع منها الشعر الأسود وهي تقول له يكدرني أن أرى شعرا
اسود بلحيتك وأنت رجل كبير السن
جليل القدر ودام حال الرجل على هذا المنوال الى ان نظر في المرآة
يوما فرأى بها نقصا عظيما فمسك
لحيته بعنف وقال...
بين حانة ومانة ضاعت لحانا.......... ومن وقتها صارت مثلا

القصه الثانيه:

000 اللي بيعرف بيعرف واللي ما بيعرف بيقول كف عدس 000

وهناك أيضا رجل عاد إلى منزلة فرأى زوجته تخونه مع جاره فأمسك السكين
يريد قتله فهرب الجار وهو خارج من المنزل أمسك بقليل من العدس الذي كان
موجودا قرب باب الدار ولحق به صاحب البيت فقتله .
فأتى الناس و سألوه أتقتله من أجل كف من عدس فقال لهم ..

اللي بيعرف بيعرف واللي ما بيعرف بيقول كف عدس ............



وصار بعده مثلا










مع خالص الود

شكرا لجميع المتداخلين علي هذه الافادات النيرة والقيمة جدا

الحزينة ليها يوم تزغرد

وجوه الرجال خناجر

كراع البقر جيابة

التسوي كريت في القرض تلقي في جلدها

الدرب التجيهو راكب لابد تجيه اقروب(بكرعيك يعني)

عيب الزاد ولا عيب سيدو

بليلة مباشر ولا ضبيحة مكاشر

القحة ولا صمة الخشم

العربي ان اتفلهم بجيب لاهلو جنية
البعد ولا الدار ام سعد
غلفة وشايلا موسا تطهر
الزاد ان ما كفي اهلو حرام علي الجيران
الجمل ما بشوف عوجة رقيتو
الفنا ما بحمي البنا
الجاية من السماء بتحملا الواطة
التور ان وقع بتكتر سكاكينو
الصقر ان وقع كترة البتابت عيب
لابدورك ولا بحمل براك

دا حار ودا ما بنكوي بي
ركاب سرجين وقيع ومساك دربين ضهيب
الفار قالولو الحنضل مر قال باكلو ضر
ود الوز عوام ودالفار حفار
ساعدو في قبر ابوه دس المحافير
ودبيت المحل ان طال اعود لي محلو
تمر الفكي شايلو ومشتهي
ودمية ارجع لي تية
الببقي قنطرة ما يابا الدواس
الفيك بدربو
إلمّّها النمل وياطاها الفيل
عينو في الفيل واطعن في ضلو
......
الكرة في ملعبك يا اخ اشرف

Quote: الكرة في ملعبك يا اخ اشرف

ده طبعا اجمل مثل اسمع بيه في حياتي!!!


الله...الله!

شنقلى طوباية تلقى دهباية

دنيا دبنقة دردقو بشيش

كلام الطير فى الباقير

مرمى الله ما بقوم (تقول فى جهة تانية ترمى الناس)

اكلت حنضلة خافت من البطيخـة

ما حك جلدك متل ضفرك

التسويه كريت فى القرض تلقاه فى جلدها

اتغدى واتمدى اتعشى واتمشى

ما طار طير وارتفع الا كما طار وقع

الما عندو محبة ما عندو الحبة

الأرضـة جربت الحجـر

كدا ووب كدا ووبين

ركاب سرجين وقيـع (والسودان كلو وقع معاهم ناس القداسة والسياسة)

أدى الخبز لخبازو ولو ياكل نصو

شكرا يا شباب

برجع ليكم

بس افك الحنة!!!

Quote: شكرا يا شباب برجع ليكم بس افك الحنة!!!

أبو الشوش يا لذيذ

سلامات

والله الشباب ما شاء الله ما قصروا

لكن اقتراحي ده مالكم فتحتوا ليهو؟؟؟؟؟؟؟

عشان كلامك الفوق ده

بنجر ليك المثل ده

فكاك الحنة بكوس الرجعة لي ناس المحنة (وديل نحنا ناس المحنة طبعا)

سلام اخي اشرف

مثل اماراتي (( ام الطرمان تعرف لغه عيالها ))

الطرمان - هم البكم الذين ولدوا لايستطيعون الكلام .

فامهم لعلاقتها بهم تعرف لغتهم وكيفيه التعامل معهم

والمراد بالمثل ان كل جماعه او قريه او اصدقاء يعرفون لغه

بعضهم البعض ..

الاخ اشرف سلامات

هذه بعض الامثال

ابلاي بي رقبتو يربطو من صلبو مالو
يعني القرد بي رقبتو بربطوهو من نصو لي شنو وممكن تكون كناية لمن يمسك موضوع من ضنبو


المي حار ولا لعب قعوي

يعني الموية الحاره مابتلعب فيها الضفادع

ابجنقور في الفاشر ولا عندو راي

دي ماعارف معناها شنو

الطريق الى قلب الرجل الانجليزي يمر عبر معدته

الخيل تجقلب والشكر لي حماد

الحسنة في المنعول زي الشرى في القندول

الطيور على اشكالها تقع

من ا حبني احب كلبي معي

النار تلد الرماد

البحر بيشيل عوامو

شحاد وعينو قوية

الماخد لسعة الشوربة ينفخ في الزبادي

مافي دخان من غير نار

عايره وادوها سوط

نفرين بيغرقو المركب ( او ريسين)

العرجاء لي مراحا

كفاية كده ندي فرصة للناس التانية لوووول

تسلم


زاتووووو

جينا تاني يااشرف

((المرفعين يعرف جعير رفيقه))

المرفعين هو الذئب والجعير هو الصوت او العواء ..

وايضا يضرب لمعرفه جماعه او اصدقاء

اوقريه ببعضهم البعض معرفه تامه..

الممطورة ما بتبالي من الرش

المكتولة ما بتسمع الصيحة
الما بهدي الكريم تعبان
البتبلبل بعوم
السواي مو حداث(عكس المثل المنشور من احد الزملاء)
المشتهي الحنيطير اطير
الفاضي يعمل قاضي
البيابا الصلح بنغلب
الجيعان ماببرد الحارة
الليل دغلوش(ساتر)
كتلوك ولا جوك
المكتوب في الجبين لا بد تشوفو العين
جا اتفولح جاب ضقلة اتلولح
ابسن اضحك علي ابسنينتين
اكان ما متنا المقابر شقيناها
الصبي جراب عرق
ووكي الجراب علي العقاب
.............
ما الحب الا للحبيب الاول
ومن وجد الاحسان قيدا تقيد
وذو الشوق القديم وان تعزّي مشوق حين يلقي العاشقين
ولو كان النساء كمن فقدن لفضلت النساء علي الرجال
وضع الحب لها في عنقي موضع الخاتم من اهل الزمم
سيبقي لها في مضمر القلب والحشاء سريرة حب يوم تبلي السرائر

الاخوة الاعزاء


قدورة

اشرف عبد المعطي

مكي

ابراهيم قناوي

الشامي الحبر

ابو الريش

عصام ابو عكر

الزول زاتو



تشكروا كتيييييييييييييييييير لاثراء البوست وافادتي والجميع

ما قصرتوا تب والله ودائما منورين ومشرفين

Quote: الأخ أبو الشوش الفكرة حلوة جداً وفيها متعة ومعرفة بالأمثال السودانية لكن الأفضل لو ذكرت قصة المثل أو تم شرحه لغويا ثم المعنى المراد للمثل حتى تتم الفائدة

ما فتحنا ليك يا قناوي يا حبيبنا
ودي فعلا الحاجة الصح
ونتمني من الجميع مدنا بتفاصيل اوفر في هذا الشان
تسلم يا حبوب
ودائما منور البوست والمنبر

سلامات يا ابو الشوش يا راقي

وشكرا للجميع للأمثال الجميلة

من التراث السوداني والعربي:

وهاكم دي


جراداي في سروال ولا بعضي ... إلا قعادا ولا حلو

المعني اللغوي: ان الجرادة في سروالك لا تعضك ولكن وجودها في السروال ليس شيئا جميلا

وهذا المثل يضرب لبعض الأمور التي لا تسبب ضررا للإنسان

ولكنها تشغله وتوتره ... والله أعلم

...

نتابع