Post: #1 Title: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-07-2008, 04:51 PM Parent: #0
يلا يا شباب...
عايزين نتعرف علي كل الجعليين في المنبر...
اصولهم واماكن ميلادهم...
و....ايميلاتهم...
بطلوا خجل وشاركوا معانا!!!
Post: #2 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-07-2008, 04:54 PM Parent: #1
>>>
Post: #3 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-07-2008, 04:54 PM Parent: #1
...
Post: #4 Title: Re: بوست تعارفي لكل الجعليين في المنبر...نرجوا المشاركة!!!! Author: Tragie Mustafa Date: 12-07-2008, 04:58 PM Parent: #1
تراجي مصطفى جعلتي فرع المتمه الحبشيه. مكان الميلاد طوكر,لغة التخاطب بداويت. الايميل[email protected]
اها ابقى راجل خليني بره اللسته يا ويلك
كل عام وانت وجلعين المنبر المؤدبين منهم بخير. اصدقائي هجو الاقرع القردابي خالد محجوب المنسي خالد العبيد د.راشد الحاج وليسامحني من اصدقائي من لم اعرف انه جعلي وهو جعلي ولم اكتبه مع اصدقائي.
Post: #6 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-07-2008, 05:16 PM Parent: #4
تراجي ازيك
Quote: اها ابقى راجل خليني بره اللسته يا ويلك
احنا فعلا مهذبين يا تراجي..لكن انتي بتخلي الواحد يطلع بره طوره
لو ما زكرتي الكلام الفوق ده انا كنت رحبت بيكي كتير
لكن ما صح مراة تقول لراجل ...ابقي راجل!!
لو راجل قال لي الكلام ده..ما بخليه
لكن اتمني انك تصلحي الفاظك خصوصا ما في اي عداوة بيننا!!
Post: #5 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-07-2008, 05:02 PM Parent: #1
Post: #9 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-07-2008, 05:41 PM Parent: #8
. .
أشرف أنت تصنع قائمة شندلر Schidnler's List منذ الآن إستعداداً لقيام السودان الجديد .
بعدين إنت قاصد الجعليين أولاد عرمان في المتمة وشندي وماجاورهما ، ولا قاصد كل المجموعة الجعلية التي ينتهي نسبها إلى إسماعيل جعل بن إدريس وتضم الكثير من القبائل العربية كالبديرية الدهمشية والشايقية وغيرهم ؟
كل سنة وإنت طيب
إن شاء الله مافي زول يزعل من المداخلة دي لأنو البورد دا أصلو الزول مايهظر فيه
Post: #10 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-07-2008, 05:42 PM Parent: #1
بوستك شكلو راح شمار في مرقة يا أشرف ..
Post: #11 Title: Re: بوست تعارفي لكل الجعليين في المنبر...نرجوا المشاركة!!!! Author: abubakr salih Date: 12-07-2008, 05:54 PM Parent: #10
الاخ الكريم اشرف،
يا اخى اعذرنى لكن تجدنى لا اتفق معاك ابدا و على الاطلاق فى فكرة اٍطلاق بوست بهذا الشكل، و اتمنى الا يفعلها شخصا اخرا و بدعوة الى الى تعارف قبلى بهذا الشكل. يا اخى نحن كشعب سودانى احوج ما نكون الى الانعتاق و الفكاك من خناق هذه الروابط البدائية الضيّقه و ذلك بالخروج الى براح الروابط الانســانية الاشمل و الاوسع. مؤسف هو ان يوجد بيننا اى المتعملين من ابناء الوطن من يريد ان يحى هذه الروابط العرقية و يجعل لها مكان فى قيمة فى حياتنا فى حين يتسعى شعوب العالم الابتعاد عن ما يفرق بينها و تحي السنن التى تجمع اكثر مما تفرق.
من الافضل لنا جميعا ان نعرف انفسنا كسودانيين فى المقال الاول، بدل من ان نعرّف انفسنا وفق اٍنتماءاتنا العرقية الضيقة، اظنه لا يفوت عليك ان هذا الانغلاق هو احد اسباب الرئيسة لازمات السودان.
Post: #13 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-07-2008, 06:09 PM Parent: #11
شكرا لجميع المتداخلين
اقعدوا نططوا كده لغاية ما واحد كراعه تنكسر!!
جاييكم واحد واحد
بس ما شي اصنع قنبلة وجاي!!!
كل عام وانتم بخير
Post: #12 Title: Re: بوست تعارفي لكل الجعليين في المنبر...نرجوا المشاركة!!!! Author: ahmed shaaeldin Date: 12-07-2008, 06:02 PM Parent: #10
الزيداب لكن والله لا شفتها ولا بعرف زول فيها حدي بس شندي امدرمان - فرجينيا shaaeldin3 at hotmail.com
Post: #14 Title: Re: بوست تعارفي لكل الجعليين في المنبر...نرجوا المشاركة!!!! Author: خالد خليل محمد بحر Date: 12-07-2008, 07:31 PM Parent: #12
...إن كان المقام يسمح بطرح سؤال إسمحول لى ان أسال هل الجعليين عرب عاربةأم مستعربة..؟
Post: #16 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-07-2008, 08:25 PM Parent: #14
. .
Quote: إن كان المقام يسمح بطرح سؤال إسمحول لى ان أسال هل الجعليين عرب عاربةأم مستعربة..؟
عرب مستعربة لأنهم ينتسبون إلى الفضل بن العباس المذهب بن محمد بن علي بن عبد الله بن العباس بن عبد المطلب بن هاشم بن عبد مناف بن قصي بن كلاب ... إلى مضر بن عدنان ... إلى إسماعيل بن إبراهيم عليهما السلام .
والعرب العدنانية عرب مستعربة .
مع ملاحظة أن هناك بعض الخلط في مشجرات الأنساب الجعلية حيث ينتسبون إلى الفضل بن العباس بن عبد المطلب وهذا غير صحيح وخلط ناتج عن تشابه الأسماء وكثيراً مايقع في المشجرات ، والصحيح أنهم ينتسبون للفضل بن العباس بن محمد بن علي بن عبد الله بن العباس ، والراجح كما في كتب الأنساب أن الفضل بن العباس بن عبد المطلب لا عقب له . . .
Post: #19 Title: Re: بوست تعارفي لكل الجعليين في المنبر...نرجوا المشاركة!!!! Author: Yassir Tayfour Date: 12-07-2008, 08:32 PM Parent: #14
Quote: ...إن كان المقام يسمح بطرح سؤال إسمحول لى ان أسال هل الجعليين عرب عاربةأم مستعربة..؟
إنت شنو يا خالد أخوي شايل أسئلتك دي وحايم بيها؟؟؟ ___ الجعليين ديل لا عرب عاربة لا مستعربة، ديل عرب خلا ساكت
Post: #15 Title: Re: بوست تعارفي لكل الجعليين في المنبر...نرجوا المشاركة!!!! Author: خالد العبيد Date: 12-07-2008, 08:18 PM Parent: #1
خالد العبيد الميلاد : المقرن من منطقة كبوشية : قدو منزل الاسرة الان امتداد ناصر الخرطوم اقيم حاليا استراليا / كانبيرا تلفون0061402177588 ايميل [email protected] وشكرا يا اشرف على البوست
Post: #17 Title: Re: بوست تعارفي لكل الجعليين في المنبر...نرجوا المشاركة!!!! Author: abubakr salih Date: 12-07-2008, 08:28 PM Parent: #15
Quote: خالد العبيد الميلاد : المقرن من منطقة كبوشية : قدو منزل الاسرة الان امتداد ناصر الخرطوم اقيم حاليا استراليا / كانبيرا تلفون0061402177588 ايميل [email protected] وشكرا يا اشرف على البوست
الاخ العزيز خالد العبيد، طالما انك مقتنع بفكرة البوست او التواصل مع الناس على اساس انهم جعلين هل اطمع فى رد منك على مداخلتى باعلى البوست. انا اعترضت على الاخ اشرف على الفكرة ان جاءت من جعلين او غيرهم فهل ترى ما يبررها؟.
عيدك سعيد.
Post: #18 Title: Re: بوست تعارفي لكل الجعليين في المنبر...نرجوا المشاركة!!!! Author: waleed dawash Date: 12-07-2008, 08:30 PM Parent: #1
Quote: ...إن كان المقام يسمح بطرح سؤال إسمحول لى ان أسال هل الجعليين عرب عاربةأم مستعربة..؟
مع انهاَما فارقه لكن نجاوبك قدر عرفتنا...
فهم عرب مستعربه اذا صح النسب الى العباس .
واذا لم يكن لذلك النسب صحه فلنا عظيم الشرف ان نكون هنا
Post: #20 Title: Re: بوست تعارفي لكل الجعليين في المنبر...نرجوا المشاركة!!!! Author: Rawia Date: 12-07-2008, 08:57 PM Parent: #18
Quote:
الاخ العزيز خالد العبيد، طالما انك مقتنع بفكرة البوست او التواصل مع الناس على اساس انهم جعلين هل اطمع فى رد منك على مداخلتى باعلى البوست. انا اعترضت على الاخ اشرف على الفكرة ان جاءت من جعلين او غيرهم فهل ترى ما يبررها؟.
عيدك سعيد.
العزيز أبو بكر صالح هنا في امريكا الناس بتأجر وكالات وشركات متخصصة عشان يعرفوا اصولهم وخاصة الامركان السوود والوكالات دي عندها باكيجز يعني ممكن تختار تتبع اصولك وجذورك في امريكا فقط وفي ناس بيمشوا ابعد من كدا وبيدفعوا مبالغ طائلة عشان يعرفوا المنظقة في افريقا التي تم سبي اهلهم وسرقتهم لبيعهم منها ومن الناس الدفعوا الباكيج الغالي دا اوبرا وينفري وهو غالي بمعنى الكلمة طيب اذا كان الناس بيدفعوا عشان يعرفوا اصولهم يبقى المسألة بتعني حاجة..
Post: #27 Title: Re: بوست تعارفي لكل الجعليين في المنبر...نرجوا المشاركة!!!! Author: abubakr salih Date: 12-07-2008, 10:19 PM Parent: #20
Quote: هنا في امريكا الناس بتأجر وكالات وشركات متخصصة عشان يعرفوا اصولهم وخاصة الامركان السوود والوكالات دي عندها باكيجز يعني ممكن تختار تتبع اصولك وجذورك في امريكا فقط وفي ناس بيمشوا ابعد من كدا وبيدفعوا مبالغ طائلة عشان يعرفوا المنظقة في افريقا التي تم سبي اهلهم وسرقتهم لبيعهم منها ومن الناس الدفعوا الباكيج الغالي دا اوبرا وينفري وهو غالي بمعنى الكلمة طيب اذا كان الناس بيدفعوا عشان يعرفوا اصولهم يبقى المسألة بتعني حاجة..
العزيزة رواية العباسى التحيات الطيبات، و عيدك سعيد. معليش بس فى اختلاف حول وضعية الســود فى امريكا و الترسبات التاريخية و النفسية لتجربة الاسترقاق و سرقة الناس من بين اهاليهم و اٍنتزاعهم من ارضهم الام، لذلك اجد لهم العذر و اتفهّم مشروعية بحثهم عن الجزور و توقهم الى معرفه اصولهم و اٍنتماءاتهم الحقيقية، هذه رغبة و اٍشتهاء مشروع. لكن الحالة السودانية بالجد مختلفة، لانو واحد من مشكلات السودان فى تقديرى هو اٍنغلاق الناس على الانتماءات البدائية هذه و تقديسها، بل و اٍعطاءها شأن كبير و تأثير على حياة الناس الاجتماعية، يعنى انا ببساطة ما بصاحب الزول لاننا نتشارك الانتماء الى ذات القبيلة، يعنى انا بعتبر خالد العبيد دا فردتى و راجل صديقى، و هذه الصداقة سبباها شراكة فى افكار و مفاهيم و احلام بالخير للوطن الكبير. دى اسباب انا بعتقد انها اكبر و اشمل و ارحب و اكثر انسانية من من روابط العرق او حتى روابط الدم فى بعض احيان. انا داير اقول ببساطة نحنا فى حوجة الى تنمية الروابط التى تجّمع كل السودان اكثر من احياء مثل هذه الروابط الضيقة.
بالمناسبة كل ما الجعلين يترابطوا مع بعض اكثر و على اساس انهم جعلين دا بيصعّب عليه فكرة الاندماج و الانصهار مع بقية مكونات المجتمع حتى نتمكن من تشكيل امة، و هذا ينطبق بنفس القدر على بقية الاعراق، الانغلاق على الذات دائما ما يتماسك باوهام التميز و النقاء و الافضلية على الاخر يعنى "صم هاو" الفكرة دى "فكرة الافضيلة على الاخر" ح تدخل او ح تبقى على قيد الحياة، لانها هى اصلا موجودة، فى حين نحن نريد لها ان تندثر.
Post: #21 Title: Re: بوست تعارفي لكل الجعليين في المنبر...نرجوا المشاركة!!!! Author: خالد العبيد Date: 12-07-2008, 09:21 PM Parent: #1
سلام يا بكوري وعيد سعيد Take it easy فكرة البوست لا بأس بها لا ارى اي عنصرية او جهوية قبلية هنا جعليين دقوا ليهم نحاس تعارف او دلوكة بطان كان جعلي ابقى داخل يا بكري واتحزم للجلد مثلنا ومثل خلق الله يا عزيزي نتعارف ونتحانن ونتقارب ونتقفد بعض تصدف بعد ان وضعت مشاركتي اتصل بي العزيز هجو الاقرع قبل قليل تختلف في السياسة نلتقي في روابط الوطن الصغير والكبير ولك وافر مودتي
Post: #22 Title: Re: بوست تعارفي لكل الجعليين في المنبر...نرجوا المشاركة!!!! Author: osman righeem Date: 12-07-2008, 09:25 PM Parent: #1
عثمان رغيم الحسن
سوداني شايقي من مواليد المتمه (غرب شتدي)
Post: #25 Title: Re: بوست تعارفي لكل الجعليين في المنبر...نرجوا المشاركة!!!! Author: Frankly Date: 12-07-2008, 10:00 PM Parent: #22
Post: #23 Title: Re: بوست تعارفي لكل الجعليين في المنبر...نرجوا المشاركة!!!! Author: مريم بنت الحسين Date: 12-07-2008, 09:37 PM Parent: #1
زي ما كل شخص فخور بانتمائه إلى جهه ما.. افتخر بنصفي الجعلي..
والدي من الزيداب.. وللأسف لم أزرها ولا اعرفها.. ولكن اهلها يعرفوننا.. ويزوروننا بعد ان استقر جدّي والد أبي في رفاعة... ويحضرون افراحنا واحزاننا.. وكان آخر الأفراح ان حضروا عقد قراني عام 2005...
حاليا مقيمة في السعودية.. ولدت في الخرطوم.. وتنقلت ما بين لندن، الامارات، الاردن، قطر...
شكرا أشرف
بنت الحسين
Post: #24 Title: Re: بوست تعارفي لكل الجعليين في المنبر...نرجوا المشاركة!!!! Author: Rawia Date: 12-07-2008, 09:41 PM Parent: #23
Quote: والدي من الزيداب
اعز ناس
مريومة حبيبة ازيك وكيف محمود ونادر كل سنة وانتو كلكم طيبين وابوك وامك ليهم كتير السلام والاحترام
Post: #26 Title: Re: بوست تعارفي لكل الجعليين في المنبر...نرجوا المشاركة!!!! Author: Yassir Tayfour Date: 12-07-2008, 10:18 PM Parent: #24
يا بكري عليك الله فعِل لينا خاصيّة "الجلد"، خلينا ناخد لينا صوتين ونمشي ننوم..
Post: #30 Title: Re: بوست تعارفي لكل الجعليين في المنبر...نرجوا المشاركة!!!! Author: omar arbab Date: 12-07-2008, 10:28 PM Parent: #26
Quote: يا بكري عليك الله فعِل لينا خاصيّة "الجلد"، خلينا ناخد لينا صوتين ونمشي ننوم..
تعال جاي يا ياسر الولد البتل ضرعاتو فى العرضة ويطير فى الدارة صقرية ولو السمحة تلت إيد ومدت جيد يقوم شايلاهو هاشمية ويشيل شبال ختفة ريد وفرحة عيد وريدة روح وحمرة عين وايدية ويالولد البشيل مدقاقو قولة خير على القمره يقابل الجاية متحزم ويدارك الجاية متلزم
Post: #28 Title: Re: بوست تعارفي لكل الجعليين في المنبر...نرجوا المشاركة!!!! Author: ناجية مصطفى Date: 12-07-2008, 10:23 PM Parent: #24
إخوانى الجعليين كيف حالكم
كل عام وأنتم بالف خير وصحة وعافية[/B
شكرا على هذا البوست فرصة جميلة أن نتعارف الأسم :ناجية مصطفى عبد العال مكان الميلاد: حلفاية الملوك جعلية أما وأبا من الزيداب لكت للأسف لأأعرف عن الزيداب إلا هذا الأسم ولكم جميعا كل الود
Post: #29 Title: Re: بوست تعارفي لكل الجعليين في المنبر...نرجوا المشاركة!!!! Author: عمر صديق Date: 12-07-2008, 10:27 PM Parent: #24
مكان الميلاد حجر العسل وما بغيب منها اسبوع الا في حالة السفر خارج لخرطوم
جعلي مسيكتابي
وكما قال البلولة حاج الامين
اهلي الكانو سادات الحكم في شندي سكين جوع وكفا بالفضائل يندي داقين في رؤوساهلالنفاق برمندي والباشا الغشيم سولو شغل المندي
Post: #194 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:45 PM Parent: #24
راوية قريبتي
حضورك اسعدني مرة اخري
ارجوا التواصل
Post: #34 Title: Re: بوست تعارفي لكل الجعليين في المنبر...نرجوا المشاركة!!!! Author: ahmed shaaeldin Date: 12-07-2008, 11:03 PM Parent: #23
الأخت مريم بت الحسين اذا كان الأسم الثاني بفتح الحاء وكسرالسين ومن ناس رفاعة حي الزيداب أو الحسيناب أو من ناس أبو نيران أكيد
بكون في بيناتنا صلة دم قوية , وفريق الزيداب في رفاعة إمتداد لأهلنا الزيداب الذين نزحوا منذ زمن بعيد.
Post: #31 Title: Re: بوست تعارفي لكل الجعليين في المنبر...نرجوا المشاركة!!!! Author: Elawad Date: 12-07-2008, 10:33 PM Parent: #1
شكرا يا أشرف على البوست الخفيف. الاسم ياسر علي الشيخ العوض جعلي عمرابي... الأصول من جبل أم علي بلد الشيخ حامد أب عصاةً سيف. لم أتشرف بزيارتها للأسف. و لدت بأم درمان و نشأت بها و ببحري (كوبر). مقيم بكندا حاليا.
Post: #32 Title: Re: بوست تعارفي لكل الجعليين في المنبر...نرجوا المشاركة!!!! Author: إيمان صالح Date: 12-07-2008, 10:41 PM Parent: #1
و....ايميلاتهم...
بطلوا خجل وشاركوا معانا!!!
وحاة النبي كان ايميلاتهم ونبطل خجل ما عارفة
الاسم ايمان وما جعلية
Post: #33 Title: Re: بوست تعارفي لكل الجعليين في المنبر...نرجوا المشاركة!!!! Author: abubakr salih Date: 12-07-2008, 10:49 PM Parent: #32
العزيز خالد العبيد، مرة تانية عيدك سعيد انتا و الاسرة تعرف، فى رمضان الفات دا كنت فاطر لى مع شلة سودانيين فى عاصمة اوربية، و بعد الفطور اٍتمينا جميعنا حوالى 24 نفر كده فى صالة كبيرة و دورنا الشاى و القهوة و حاجات بعد الفطور. اها فى اللحظات دى جاء مقترح انو الناس تتعارف، اى زول يقدّم نفسه للناس، الجماعة بدو و اى زول يقول اسمو و محل ساكن فى السودان! فجاءة لقيت ليك اى زول يُتبع الاسم و السكن بالقبيلة!! الله؟ اٍحترتا، لانو دى ما اول مرة اقعد فى جلست تعارف طوال الحياة الطلابية كنا نفعل ذلك لكن لم نتطرق فى يوم من الايام الى قبائلنا. بالجد ضقتا من القعدة، و شعرت اننا فى السودان نعود القهقرى، و الموجع اكثر انو ديل الناس التاكلين فى اوربا، يعنى تجربة الحياة الفى اوربا دى كلها لم تعلمهم الكثير او التفكير فى ما هو فوق الروابط الضيّقه هذه.
انا بقول الكلام دا لانو اٍحياء الروابط ليس بالمجان بل عندو تبعات، على سبيل المثال بكرة الواحد لمن يمشى يعرس بيسألوا منو يقول ليك جنسو شنو؟ اها دا عب ما بنديهو بتنا، و لا دا فيهو عرق، ملخبت كدى، برى يا مه ما بنعرف ترا ناس من وين كده. انا داير بكرة بتى ما تفكر فى انو اهلها بيقبلوا الزول دا عشان اهلو من الجهة الفلانية ولا لا. بس يبقى تقيمنا للناس على اسس اكثر انسانية ذى ما قلت من قبل يعنى الزول دا هو كزول كده كويس و لا ما عندنا شغلة بى اصلوا العرقية شنو. بالجد بنكون عملنا خيرا فى الاطفال لو نقيّنا حياتهم من اوهام التعالى و ترسبات العنصرية. عموما الجد ما بناباهو و البطان بنركز ليهو.
Post: #35 Title: Re: بوست تعارفي لكل الجعليين في المنبر...نرجوا المشاركة!!!! Author: Sobajo Date: 12-07-2008, 11:31 PM Parent: #33
محمد البشير بيلو
فلاتي / مواليد (شندي) ، - يعني مرخص في الشمالية -
الباقي في البروفايل
امدرمان الثورة
Post: #36 Title: Re: بوست تعارفي لكل الجعليين في المنبر...نرجوا المشاركة!!!! Author: Salahaldeen Nadir Date: 12-07-2008, 11:42 PM Parent: #35
أنا والله يا أشرف بعد حكاويك ديك كنت قايلك مولود في لواء الصاعقة
الاخ/ أشرف صباح الخير،،، أظن فكرة تصنيف الناس الى قبائل في المنبر غريبة شوية،،، الجعليون لهم منابر و اظن الغرض منها اجتماعي وهي بذلك انسب من سودنيزاونلاين للغرض الذي فتحت البوست من اجله. يتميز هذا المنبر بالانتاج الفكري الجاد، و مع تحفظنا على حدة بعضه، الا انه يبقى منبرا قوميا و يخرج بالمشاركين من المنطلقات القبلية الضيقة،،، و دمت
Post: #42 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-08-2008, 00:30 AM Parent: #35
الاخوة والاخوات المتداخلين:
- ناذر الخليفة: شكرا كتير يا نادر..عجبني بثك المباشر..وفرحت جدا بمشاهدتك
- تراجي مصطفي: شكرا يا خالة علي تمنيات العيد..ويعود عليكي وجميع الاهل بخير
- ابراهيم بقال: ما كنت قايلك ولدنا والله..العتب علي النظر
- الازهري 2: طبعا قاصد كل المجموعة الجعلية..وانت ولدنا شئت ام ابيت..ولو ما ولدنا دي حا تكون خسارة كبيرة لينا..نتشرف بيك والله كتير جدا..ولو جيتنا بنعرس ليك تب.
- ابوبكر صالح: كلامك جميل جدا وفي محله..وبالعكس اثر فيني جدا..وانا كنت اكون آخر واحد يفتح بوست لقبيلة معينة..لولا ان هذه القبيلة اصبحت مستهدفة ومهددة بالانقراض..وكثر الاستهداف لها خاصة من عدد كبير من اعضاء المنبر..مما جعلني افكر في الانفصال وهذا كلام حقيقي في نظري..لان السودان اصبح غير آمن الان ..واذا قرر الجميع الانفصال لكل من الجنوب والغرب والشرق فنريد ان نعرف ما هو مصيرنا..واريد ان اعرف اهلي الجعليين للتشاور والاجتماع معهم..فلا اريد ان اقول كلام فارغ مثل: بيعوا البلد وادونا حقنا..لذلك اريد ان اعرف كل من لي صلة به..وايضا السبب الاخر انو المنبر كله: اولاد الامتداد..ناس بحري..الدناقلة..ناس كسلا..القضارف..الابيض..و..و..و.. وكلهم حقوقهم مصونة ومحفوظة..لكن ناس شندي عشان ما معروفين ومشتتين اصبحوا الحيطة المايلة..وكل يضرب من جهة..لكن آن الاوان لنوحدهم ونتصل بهم ونتواصل ونتفاكر ونتدابر معهم حتي يصبحوا كتلة واحدة..تعمل لها حساب..ولا يتم الاستهزاء بهم..وانشاء الله يكون هذا الرابط وسيلة لجمعهم وتكوين اكبر رابطة للجعليين في العالم..والتواصل مع جميع اهلهم الجعليين في شتي المنابر الاسفيرية..وربما تكوين جاليات اذا اقتضي الامر..وكما ذكرت لك اخي الكريم..اذا كان التوحد يزيد من الدماء والبغض والقتل والكراهية..فانا اطالب بالانفصال لحقن الدماء..وبما ان ايامنا معدودة في هذه الدنيا..فافضل لنا العيش في 100 متر بدل العيش في بلد طويلة عريضة نقضي حياتنا كلها في حروب عرقية لا قبل لنا بها.
احمد شاء الدين: شكرا علي المرور يا حبوب
- خالد بحر: شكرا علي المرور
- ياسر طيفور: ازيك يا ملك..شرفتنا كتير وكل عام وانت بخير
- خالد العبيد: تشكر يا حبوب..وانتظر مني تلفون
- وليد دواش: شكرا علي الرابط وشرفتنا كتير
- راوية: ازيك يا قريبتي..مالك انقطعتي..وكمان بقيتي قريبتي بيجاي..ده شرف عظيم والله
- عثمان رغيم: حبابك معانا في شندي..ديارك واهلك وعزك
- فرانكلي: تشكر ياجميل علي الايات الجميلة..شرفت البوست وشندي كمان
- مريم بنت الحسين: وفخورين بيكي بين اهلك واحبابك..ومبروك الزواج
- عمر ارباب: تشكر علي الرابط والكلام المفيد
- ناجية مصطفي: شرف كبير جدا وجودك بيننا
- عمر صديق: انت انسان راقي وجميل ورائع
- العوض: والنعم والله..وصلت تب لاهلك
- ايمان صالح: خجلتي تواضعنا يا حاجة..انشاء الله تشرفينا في شندي
- بيلو: رخصتك واصلة وده شرف كبير لينا...
Post: #61 Title: Re: بوست تعارفي لكل الجعليين في المنبر...نرجوا المشاركة!!!! Author: إيمان صالح Date: 12-08-2008, 08:18 AM Parent: #42
- ايمان صالح: خجلتي تواضعنا يا حاجة..انشاء الله تشرفينا في شندي
تحج في جمل اعور
كل سنة وانت طيب
Post: #178 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:16 PM Parent: #61
ايمان صالح ازيك
Quote: تحج في جمل اعور
Post: #203 Title: Re: بوست تعارفي لكل الجعليين في المنبر...نرجوا المشاركة!!!! Author: إيمان صالح Date: 12-25-2008, 09:54 PM Parent: #178
ايمان صالح ازيك
حباب اشرف كيفنك ياخوي؟
Post: #39 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-07-2008, 11:45 PM Parent: #32
Quote: الاسم ايمان وما جعلية
الحمد لله ................ لو بقيتي جعلية كان تكون مصيبة
Post: #62 Title: Re: بوست تعارفي لكل الجعليين في المنبر...نرجوا المشاركة!!!! Author: إيمان صالح Date: 12-08-2008, 08:20 AM Parent: #39
الحمد لله ................ لو بقيتي جعلية كان تكون مصيبة
عادل حسين محمد عباس ( دواش) النصيبة الفي الجحر يا يابا اتاريك لافح اسم ابو حسين
كل سنة وانت طيب
Post: #37 Title: Re: بوست تعارفي لكل الجعليين في المنبر...نرجوا المشاركة!!!! Author: ombadda Date: 12-07-2008, 11:44 PM Parent: #1
السكن : أمبدة
مسقط الرأس: المتمة
القبيلة : جعلى عمرابى... جدى الشيخ حامد أب عصا وأفتخر بحبوبتى حفيدة السلطان على دينار يعنى تجرى فى عروقى مزيج من دم الجعليين والمساليت ومن جهة والدتى فهى عربية صرفة عرب خزام............. شوفو اللخبطة دى كيف؟؟؟ يعنى نقبل على وين لمن تحصل الكعة؟
Post: #122 Title: Re: بوست تعارفي لكل الجعليين في المنبر...نرجوا المشاركة!!!! Author: عبدالرحمن الحلاوي Date: 12-14-2008, 09:24 AM Parent: #37
Quote: السكن : أمبدة
مسقط الرأس: المتمة
القبيلة : جعلى عمرابى... جدى الشيخ حامد أب عصا وأفتخر بحبوبتى حفيدة السلطان على دينار يعنى تجرى فى عروقى مزيج من دم الجعليين والمساليت ومن جهة والدتى فهى عربية صرفة عرب خزام............. شوفو اللخبطة دى كيف؟؟؟ يعنى نقبل على وين لمن تحصل الكعة؟
الزول دا طلع نسب طب : كدي اتصل علينا ( التلفون في البروفايل )
Post: #179 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:18 PM Parent: #37
ابوحسين
ايمان
امبدة
تشكروا كتير علي المرور
تشرفنا كتير بمعرفتكم
Post: #40 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 00:06 AM Parent: #1
!!!!
Quote: على سبيل المثال بكرة الواحد لمن يمشى يعرس بيسألوا منو يقول ليك جنسو شنو؟ اها دا عب ما بنديهو بتنا، و لا دا فيهو عرق، ملخبت كدى، برى يا مه ما بنعرف ترا ناس من وين كده.
وليه بكرة ؟!!!
الشي دا هسي حاصل في السودان ..!!
لمن تمشي تخطب وتقابل اهل العروس أو أهل العريس .. ما بقتنعوا بي شكلك .. بيقولوا ليك ادينا فرصة نفكر .. وهو ما تفكير . تحريات وسؤال عنك لي جدك العاشر يشوفوا لو فيك (رقشة) ولا مافيك ...!!
طبعا قالوا العرق دساس ..!!!
Post: #41 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 00:14 AM Parent: #1
Post: #43 Title: Re: بوست تعارفي لكل الجعليين في المنبر...نرجوا المشاركة!!!! Author: abubakr salih Date: 12-08-2008, 00:35 AM Parent: #41
يا ناذر الخليفة كل عام و انت بخير.
Quote: لمن تمشي تخطب وتقابل اهل العروس أو أهل العريس .. ما بقتنعوا بي شكلك .. بيقولوا ليك ادينا فرصة نفكر .. وهو ما تفكير . تحريات وسؤال عنك لي جدك العاشر يشوفوا لو فيك (رقشة) ولا مافيك ...!!
ايوة يا ناذر دا فعلا حاصل حتى اليوم، لكن هى دا وضع طبيعى؟ او دا الوضع الامثل، هل من المنطقى و الطبيعى انو الانسان يكون يحمل وزر او عبء حاجات ما ليهو فيها يد؟ لانو مسألة ان تأتى للحياة جعلى او شايقى او دينكاوى و محسى دا مسألة الانسان ما عندو فيها خيار، لماذا نجعل من العرق ورز و جريمة يدفع ثمنها الانســان.
بعدين العرق دساس فى شنو؟ يعنى ما الذى يدسه على العرق على الانسان، العرق ما دساس و لا حاجة دساسه التنشئة الاجتماعية، اعنى ان الفضائل و القيم الخيّره لا تربط بعرق بعينه و كذلك المساوئ لا ترتبط بعرق اخر، لكن ربما التنشئة و الظروف الاجتماعية هى المساهم الاول فى تشكيل سلوك الانسان.
Post: #193 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:44 PM Parent: #43
ابوبكر صالح
شكرا للتردد مرة اخري
Post: #44 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-08-2008, 00:37 AM Parent: #41
. .
العزيز أشرف
أخوك الازهري بديري دهمشي أهله في جلاس والبرصة ، وكمان شايقي أهله من قنتي وكورتي وكمان فيه عرق من الجعليين أولاد عرمان .
وطبعاً البديرية الدهمشية من المجموعة الجعلية ينتسبون إلى إبراهيم جعل بن إدريس
حبابك ياود العم.
وبالمناسبة يا أشرف هل تعلم أن الشايقية أيضاً ينتسبون للمجموع الجعلية .
الخلط بيحصل لأنه الجعليين أولاد عرمان في المتمة وشندي وماجاورهما إختصوا بإسم الجد الكبير (إبراهيم جعل) بينما إنتسب البديرية إلى الجد القريب محمد البدير (دهمش) وأنتسب الشايقية إلى الجد القريب (شايق) وهذا يحدث كثيراً في أنساب القبائل .
تحياتي وتقديري
Post: #49 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-08-2008, 00:53 AM Parent: #44
الازهري ود ابوي
Quote: العزيز أشرف
أخوك الازهري بديري دهمشي أهله في جلاس والبرصة ، وكمان شايقي أهله من قنتي وكورتي وكمان فيه عرق من الجعليين أولاد عرمان .
وطبعاً البديرية الدهمشية من المجموعة الجعلية ينتسبون إلى إبراهيم جعل بن إدريس
حبابك ياود العم.
وبالمناسبة يا أشرف هل تعلم أن الشايقية أيضاً ينتسبون للمجموع الجعلية .
الخلط بيحصل لأنه الجعليين أولاد عرمان في المتمة وشندي وماجاورهما إختصوا بإسم الجد الكبير (إبراهيم جعل) بينما إنتسب البديرية إلى الجد القريب محمد البدير (دهمش) وأنتسب الشايقية إلى الجد القريب (شايق) وهذا يحدث كثيراً في أنساب القبائل .
تحياتي وتقديري
انت والله قبل ما اعرف انتسابك للجعليين عرفت عنك السماحة والنظافة والصراحة والرقي...
ما مجاملة والله...لكن ليك معزة خاصة الي قلبي يشهد الله..وغاية بالفخر بك..وسعيد للتعرف عليك اكثر..
وانشاء الله نتلاقي يوم من الايام..في ساعة خير..
Post: #98 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-10-2008, 12:13 PM Parent: #49
. .
الأخ الحبيب ود العم أشرف
Quote: انت والله قبل ما اعرف انتسابك للجعليين عرفت عنك السماحة والنظافة والصراحة والرقي...
ما مجاملة والله...لكن ليك معزة خاصة الي قلبي يشهد الله..وغاية بالفخر بك..وسعيد للتعرف عليك اكثر..
وانشاء الله نتلاقي يوم من الايام..في ساعة خير..
تسلم ياحبيب دا من طيب أصلك ومعدنك ، والقلوب عند بعضها .
وفي مقولة وردت في الأثر (إن الرحم إذا مست الرحم إضطربت)
ومن تفسيرات هذا الأثر أن الذين بينهم صلة رحم وقرابة إذا إلتقيا وصافح بعضهم بعضاً أحسو بهذه القرابة ورقت قلوبهم لبعضهم .
ولعل كلماتنا في هذا المنبر تحرك كوامن هذه القرابة والرحم .
تحياتي وتقديري لشخصك الكريم وربنا يجمعنا في ساعة خير بحق جدنا العباس بقية آباء رسول الله صلى الله عليه وآله وسلم .. . .
وملاحظة مهمة لبعض الإخوة في الوطن والدين والدم : لا داعي لهذه الحساسية الزائدة فالبوست للتعارفوليس للتفاخر على أحد أو الإستعلاء العرقي (كلكم لآدم وآدم من تراب) والناس سواسية كأسنان المشط ، لكننا نعمل بالحديث الشريف (تعلموا من أنسابكم ماتصلون به أرحامكم فإن صلة الرحم محبة في الأهل مثراة في المال منسأة في الأجل مرضاة للرب )
وقد ذكر الله جل من قائل بالأرحام في كتابه الكريم (واتقوا الله الذي تَساءلون به والأرحام إن الله كان عليكم رقيبا) كما قال سبحانه ( يا أيها الناس إنا خلقناكم من ذكر وأنثى لتعارفوا إن اكرمكم عند الله اتقاكم) فلا إشكال في الدعوة للتعارف وتحري معرفة القرابة .
تحياتي وتقديري لجميع إخوتي وأحبتي في السودان من جنوبه لشماله ومن غربه لشرقه يجمعنا الوطن والدم ، إخوة في الدين ونظراء في الخلق في وطن متعدد الاعراق والثقافات والاديان .. .
Post: #50 Title: Re: بوست تعارفي لكل الجعليين في المنبر...نرجوا المشاركة!!!! Author: عادل عبدالعزيز عبد الرحيم Date: 12-08-2008, 00:55 AM Parent: #44
سورى يا اشرف الفكرة ما حلوة
لكن هاشمية ساكت
انا من بربر ميرفابى
البطن النضيف فى الجعليين زى ما بقول لسعد العمدة صديقى التميدابى
كل عام وانت بخير ياولد
Post: #51 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-08-2008, 01:12 AM Parent: #50
عادل عبد العزيز
ازيك ياخي
Quote: سورى يا اشرف الفكرة ما حلوة
ما قلنا كده برضه يا حبوب..لكن اصبح في عداء شديد لدار جعل
وانت عشان تكون ناصف..وقف الهمج الحاصل طالما بكري ما عايز يتدخل
عشان الواحد ما يطلع من طوره ويضطر يتعرف علي اجناسه بالطريقة دي..
فكرة التعارف في حد زاتها مشروعة وما فيها حاجة..لكن انا حبيت اعرف الجعليين
عشان اشاورهم في موضوع الانفصال واستشير من هو اعلم مني..
هل تلوم اي واحد يساء اليه ان يفتح بوست مثل هذا في المنبر..
اليس الدارفوريين ليهم كبير؟ تراجي!!
والجنوبيين ليهم كبير..دينق!!
احنا امكن ما محتاجين كبير..لكن كلامك ده بعد كم سنة لمن يتمزق السودان
ويصبح عراقا آخرا..حا تقول اشرف قال..وكل زول حا يمشي يفتش في اصله ويطلب الانفصال!!
امكن كلامي ما تقبله...لكن لازم يكون لينا رابطة في المنبر..وراي نلجا اليه
بدل ما كل واحد يتكلم كلام فارغ..عايزين نستشير بعضنا البعض وخصوصا زوي الخبرات
ومن هم اكبر مننا...
اكرر...الاساءات الحاصلة في المنبر لم نشهد لها مثيل...لو عندك حل آخر اطرحه!!
شكرا يا حبوب!
Post: #46 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-08-2008, 00:44 AM Parent: #41
- صلاح الدين نادر: ما بيدي والله يا ابو الصلح..لكن اول ما التسنين انتهي طلعت لبرا
- الصادق يحيى: ده ما البوست الاول ولا الاخير في المنبر...انصح الناس تبطل الشتيمة والابتزاز ونحنا بنرجع نوحد الناس زي ما كنا بنعمل.
- ابو حسين: شكرا علي المرور...وشرفتنا ياخي
- امبدة: انت فخر كبير لينا
- ناذر: وجودك دائما ضروري وملح في كل بوستاتي..وعاجز عن الشكر
- ابوبكر صالح: تشكر مرة اخري علي المرور
Post: #59 Title: Re: بوست تعارفي لكل الجعليين في المنبر...نرجوا المشاركة!!!! Author: وضاحة Date: 12-08-2008, 06:08 AM Parent: #41
ايووووووووووووووووووووووووووووووووووى
Post: #126 Title: Re: بوست تعارفي لكل الجعليين في المنبر...نرجوا المشاركة!!!! Author: عمر صديق Date: 12-14-2008, 05:33 PM Parent: #59
Quote: ايووووووووووووووووووووووووووووووووووى
ابشري بالخير
Post: #169 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-21-2008, 11:47 PM Parent: #59
Quote: ايووووووووووووووووووووووووووووووووووى
طبعا ما قادر اصدق انو وضاحة رجعت بالسلامة وهي بخير الان ومعنا!!
ده لازم يكون ضرب من الاحلام!
ولا اريد التعليق لانني اظن ان الكاتب ما هو الا الهكر..
ويكون اسعد يوم بحق وحقيقي لو دي طلعت وضاحة بحق وحقيقي!
لكن اشك في ذلك!
Post: #45 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 00:42 AM Parent: #1
سلام أبو بكر ..
وكل عام وإنت طيب ..
Quote: ايوة يا ناذر دا فعلا حاصل حتى اليوم، لكن هى دا وضع طبيعى؟ او دا الوضع الامثل، هل من المنطقى و الطبيعى انو الانسان يكون يحمل وزر او عبء حاجات ما ليهو فيها يد؟ لانو مسألة ان تأتى للحياة جعلى او شايقى او دينكاوى و محسى دا مسألة الانسان ما عندو فيها خيار، لماذا نجعل من العرق ورز و جريمة يدفع ثمنها الانســان.
أنا أعتقدان ذلك خيار لكل أسرة مثلها مثل أل المهدي الذين يريدون ان تكون القبة ومن يدفن داخلها خالصة لآل المهدي دون سواهم .
وكذلك هنالك أسر تريد أن تكون أجيالها المستقبلية حكرا على القبيلة التي تنتمي إليها ..
أعتقد أن ذلك خيارا شخصيا داخل أسر بعينها تتمسك بتقاليد وتاريخ تعتقد أنها محقة في ما تفعله وإن كانت هناك أسر كاملة تخلصت من تلك الإشكالية وإنفتحت على كل الأعراق والاجناس للتزاوج والانصهار ..
Quote: بعدين العرق دساس فى شنو؟ يعنى ما الذى يدسه على العرق على الانسان، العرق ما دساس و لا حاجة دساسه التنشئة الاجتماعية،
إن لم أكن مخطئا فإن مقولة (العرق دساس) ترجع للرسول (صلعم) او احد صحابته ..
Post: #48 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-08-2008, 00:49 AM Parent: #45
. .
الحبيب ناذر
هذه الرواية المنسوبة للنبي الكريم صلى الله عليه وآله وسلم بجميع طرقها هي مابين الضعيف جداً والموضوع .
Post: #47 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 00:47 AM Parent: #1
Quote: الحديث عند ابن ماجه وقد انفرد به عن اصحاب الكتب التسعة.
Post: #54 Title: Re: بوست تعارفي لكل الجعليين في المنبر...نرجوا المشاركة!!!! Author: Rawia Date: 12-08-2008, 01:56 AM Parent: #47
Quote:
جعلي أباً عن جد المحمية غرب الجوتاب
كدي
أبشر
وكل سنة وانت طيب ووليداتك طيبين
____________________ كنت عاوزة اسألك من العسل الفي الصورة ياها بتنا التومة ماشاء الله
Post: #63 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-08-2008, 09:20 AM Parent: #54
الأخت بت العباسي
Quote: كدي
أبشر
أبشري بالخير
Quote: وكل سنة وانت طيب ووليداتك طيبين
و إنتي بألف خير و ربنا إحقق أمانيك و إحفظ ليك كل عزيز
Quote: كنت عاوزة اسألك من العسل الفي الصورة ياها بتنا التومة
يا ها ذاته عسل و فصاحة سمعتي بي 3 في 1
يا ها دي البت أمنية شالت فصاحة التلاته
و أخوانها مسمنها كونداليزا رايس قالو بتديهم أوامر كتيرة !!!!!!!!!!
تحياتي و سلامي
Post: #55 Title: Re: بوست تعارفي لكل الجعليين في المنبر...نرجوا المشاركة!!!! Author: mohmed khalail Date: 12-08-2008, 02:04 AM Parent: #47
Post: #56 Title: Re: بوست تعارفي لكل الجعليين في المنبر...نرجوا المشاركة!!!! Author: mohmed khalail Date: 12-08-2008, 02:10 AM Parent: #55
Quote: إن لم أكن مخطئا فإن مقولة (العرق دساس) ترجع للرسول (صلعم) او احد صحابته ..
سلام للجميع وكل سنة وانتم طيبين
الاخ ناذر ولكي تعم الفائدة هنا الاجابة الكاملة الشاملة عن سؤالك من موقع الشبكة الاسلامية
Quote: الحديث الشريف الذي فيه توصية من النبي صلى الله عليه وسلم (( تخيروا لنطفكم فإن العرق دساس )) أريد معرفة التفسير لهذا الحديث، حيث إن بعض الأصدقاء لي يفهمونه فهماً خاطئاً، بحيث إنه عندما يرغب في الزواج وكأنه ولابد له من البحث عن أصل المرأة وأجدادها، ومن أين جاء نسلها؟ وإلى غير ذلك بحيث تغيب عنه الحكمة من هذا الحديث.
أفيدونا جزاكم الله كل خير.
الجـــواب بسم الله الرحمن الرحيم الأخ الفاضل/ أبو أنس حفظه الله. السلام عليكم ورحمة الله وبركاته وبعد:
فأما عن الحديث الذي أشرت إليه فقد خرجه ابن ماجة في السنن ولفظه: (تخيروا لنطفكم وأنكحوا الأكفاء وأنكحوا إليهم)، والحديث إسناده لا يثبت عن النبي - صلى الله عليه وسلم – وكذلك لفظ : (العرق دساس) خرجه الديلمي من حديث ابن عباس - رضي الله عنهما – وكلها أحاديث لا يقوم لها سند ولا يحتج بها، ولم تثبت بوجه يصح عن النبي - صلى الله عليه وسلم - .
وأيضًا فإن معناها لا يحمل على المعنى الذي يتبادر عند العوام، بل المعنى المقصود أن يطلب الإنسان أصحاب الدين فلا يزوج بناته إلا منهم، وكذلك فلا يتزوج إلا منهنَّ، وكذلك هو لا يتزوج إلا صاحبات الدين، ويختار من الناس أصحاب الدين والمروءة لمصاهرتهم.
والمقصود أن أصح أقوال الأئمة الفقهاء - عليهم جميعًا رحمة الله تعالى – في معنى كفاءة الزوج، هو ما تحقق فيه شرطان اثنان: فالشرط الأول هو الاستقامة في الدين ومعناه أن يكون الخاطب مسلمًا عدلاً غير فاسق، والشرط الثاني: السلامة من العيوب القادحة في البدن وهي التي ترجع إلى الأمور العضوية كالبرص والجنون ونحوها من الأمراض المنفرة. وأما ما سوى ذلك من أمور فليس شرطًا في الكفاءة، وذلك ككون الخاطب من أصل أعجمي يريد أن يخطب فتاة عربية أو فتاة أعجمية يتقدم إليها رجل عربي، أو قبيلة أرفع من قبيلة ونحو ذلك من الاعتبارات، فأصح أقوال أهل العلم - عليهم جميعًا رحمة الله تعالى – أن النسب ليس شرطًا في الكفاءة، وإن كان الحرص على أن تكون المرأة صاحبة دين وصاحبة نسب، هو أمر حسن في نفسه وليس مذمومًا، ولكن لا يقدم النسب على الدين.
والمقصود أنه إذا اجتمعت الصفات في المرأة الصالحة بحيث كانت صاحبة دين وخلق وضمت إلى ذلك النسب الطيب فهذا أمر حسن، ومع هذا فهو ليس شرطًا لحصول المقصود من الزواج بل يجوز للرجل أن يتقدم للفتاة الصالحة ولو كانت أقل في النسب.
وأما ما أشرت إليه من أن بعض الإخوة عند سعيهم في الزواج يسعون للسؤال عن الأب والجد، أي بعبارة مختصرة: يسألون عن النسب، فهذا أمر لا حرج فيه ولا مانع منه، ولكن لا يكون هو المعيار الذي يقوّم فيه الإنسان. قال تعالى: {يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوباً وَقَبَائِلَ لِتَعَارَفُوا إِنَّ أَكْرَمَكُمْ عِنْدَ اللَّهِ أَتْقَاكُمْ إِنَّ اللَّهَ عَلِيمٌ خَبِيرٌ}. وثبت عن النبي - صلى الله عليه وسلم – أنه قال: (كلكم من آدم وآدم من تراب).
والمقصود أن المعيار الحق في الزوجة الصالحة وكذلك في الزوج الصالح هو (الدين المستقيم والخلق الحسن)، وما سوى ذلك من الأمور كالنسب والمال والجمال والمستوى الدراسي والاجتماعي ونحوها من الأمور التي قد يحرص عليها بعض الناس فلا مانع من رعايتها ولكن بشرط ألا تكون هي الأصل، فلو قدر وجود فتاة صاحبة دين ولكنها ليست صاحبة نسب وأخرى صاحبة نسب وليست بصاحبة دين فإن المؤمن يقطع بالزواج من صاحبة الدين، ولو كانت ليست بصاحبة نسب إذا لم يجد سبيلاً إلا بين هذه أو تلك، وكذلك المرأة الصالحة فلو تقدم إليها رجل نسيب شريف في قومه وكان ناقص الدين أو الخلق وتقدم إليها رجل صالح صاحب دين وخلق ولكنه دونه في النسب ولم تجد سبيلاً إلا بينهما فإن المؤمنة تقطع باختيار صاحب الدين، وهذا أمر ينبغي التوسط فيه، فليس هو بالمعيار الذي يقيم به الإنسان! وفي نفس الوقت ليس بالمهدر الذي لا اعتبار له، بل هو معتبر ولكن بحسب المقدور عليه وبحسب ما اعتاد عليه الناس من هذا الشأن، فبهذا يحصل التوسط المقصود، ولذلك كان أصح أقوال أهل العلم - عليهم جميعًا رحمة الله تعالى – أن الكفاءة في الزواج إنما هي سلامة الدين والسلامة من العيوب القادحة من جنس الأمراض التي أشرنا لبعضها، فخير ما يكون للإنسان في هذه الحالة هو السعي في طاعة الله وذلك بالظفر بوصية النبي - صلى الله عليه وسلم - : (تنكح المرأة لأربع: لمالها ولجمالها ولحسبها ولدينها، فاظفر بذات الدين تربت يداك) متفق على صحته. وخرج مسلم في صحيحه عن النبي صلى الله عليه وسلم أنه قال: (الدنيا متاع وخير متاعها المرأة الصالحة). وخرج ابن ماجة عن النبي - صلى الله عليه وسلم – أنه قال: (ما استفاد المرء بعد تقوى الله خيرًا من امرأة صالحة إذا نظر إليه سرته، وإذا أمرها أطاعته وإذا أقسم عليها أبرته وإذا غاب عنها حفظته في نفسها وماله). ونسأل اللهَ عز وجل أن يشرح صدوركم وأن ييسر أموركم وأن يجعلكم من عباد الله الصالحين وأن يوفقكم لما يحب ويرضى. وبالله التفويق.
وكما سبق وذكر احد الاخوة في مداخلة له ان هذا الحديث يتأرجح بين الضعيف والموضوع وبرغم ذلك فسرهالفقهاء التفسير اعلاه منعا للالتباس على البسطاء فهل يعقل ان الاسلام الذي يقول لا فرق بين عربي ولا اعجمي لا ابيض على اسود الا بالتقوى يأتي بالعرق دساس وتخيروا لنطفكم اي تناقض هذا ؟؟
نرجو الا نكون قد جرفنا البوست بعيدا عن هدفه ولكن لزم التوضيح
Post: #57 Title: Re: بوست تعارفي لكل الجعليين في المنبر...نرجوا المشاركة!!!! Author: Al-Sadig Yahya Abdall Date: 12-08-2008, 04:12 AM Parent: #56
الاخ/أشرف لعلك تتفق معي بان للابتزاز ابتزاز يعادله و مع ذلك كيف:
Quote: نحنا بنرجع نوحد الناس زي ما كنا بنعمل.
من انتم؟ ومتى وحدتم الناس؟ الم يفرق الناس في السنوات العشرة الاخيرة على اساس القبيلة و اللون و العرق؟ من الذي حمل لواء التفريق؟ هل فعلا تهئ نفسك لاقامة دولة الجعليين على أنقاض دولة السودان؟و هل و هل و هل؟ و دمت
Post: #181 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:25 PM Parent: #57
- محمد خليل
- عادل عبد العزيز
- الصادق يحيى
مروركم فعلا اسعدني
ربنا يديم المحبة
Post: #58 Title: Re: بوست تعارفي لكل الجعليين في المنبر...نرجوا المشاركة!!!! Author: heba Elmahi Date: 12-08-2008, 04:36 AM Parent: #56
تحياتي يا أشرف و كل المتداخلين و كل سنة و انتو جميعا طيبين ، الفكرة جميلة يا أشرف و خلينا نعرف اهلنا المشتتين في الدنيا دي ، كلام أخونا بكري في محله لكني لا أري اي تعارض في ما تقول يا بكري و فكرة البوست لانه الواحد لو ماأتعرف و انصهر مع أهله و نسبه و قبيلته لن يستطيع فعل ذلك مع الأخرين بس بتبقي الفكرة أنه كيف نعرف نتقبل الأخر و اعتقد دي ما صعبة طالما انه كل الناس هنا متعلمة و متفهمة أنه تقييم الانسان بأنسانيته و بس قبل كل العوامل الاخري . المهم ( ما حقت تبارك ديك دي واحدة تانية ) ، الاسم : هبة عبدالقادرالماحي ، مواليد امدرمان حي المسالمة العريق ، جعلية عمرابية أما" و ابا" الجذور من جبل أم علي و منطقة كلي ، و للآسف لم اتشرف بي زيارة هذه المناطق و لكن بقية الاهل في رفاعة ابو سن و قد زرت رفاعة اكتر من مرة . الاقامة الحالية في أمريكا ولاية فريجينيا ( و لا أعتراض في حكمك يا رب )
Post: #60 Title: Re: بوست تعارفي لكل الجعليين في المنبر...نرجوا المشاركة!!!! Author: Abureesh Date: 12-08-2008, 06:26 AM Parent: #58
قوات الصاعقـة تتدرب
Post: #182 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:28 PM Parent: #58
اختي هبة الماحي
شكرا علي كلامك النبيل وشعورك الجميل
في غاية السعادة لمعرفتك هنا
وارجوا دوام التواصل
Post: #180 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:21 PM Parent: #47
- عبد الرحمن الحلاوي
- عمر صديق
- الازهري 2
- ناذر الخليفة
شكرا كتير علي المرور والمساهمة
ونرجوا ان يمتد التواصل
Post: #64 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 09:27 AM Parent: #1
شكرا جزيلا أخونا الازهري وأخونا محمد خليل ..
بعد رجوعي للعديد من المصادر وجدت فعلا ان هذا الحديث ضعيف ونسب لرسولنا الكريم ..
ولكن هذا لا ينفي ان المقولة قديمة جدا من ناحية تاريخية وربما ترجع لذات العهد الذي عاش فيه نبينا الكريم وإلا ما أرتبطت إليه بالنسب ..
شكرا لكم ..
Post: #65 Title: Re: بوست تعارفي لكل الجعليين في المنبر...نرجوا المشاركة!!!! Author: Fawzi Babiker Date: 12-08-2008, 12:42 PM Parent: #1
سلام اشرف وباقى الاخوان والاخوات.
العيد مبارك عليكم وكل سنة وانتو طيبن.
انا من الزيداب ومقيم بهولندا.
لا ارى عيبا فى التعارف بين الاهل خاصة لمن هم خارج الوطن.
Post: #66 Title: Re: بوست تعارفي لكل الجعليين في المنبر...نرجوا المشاركة!!!! Author: salee Date: 12-08-2008, 12:54 PM
سلااام طيب انا حلفاوية بس حبوبتي ام ابوي جعلية خلطه عجيبة مش كدا عشان كدا ما بعرف ارطن (*_*)
Post: #67 Title: Re: بوست تعارفي لكل الجعليين في المنبر...نرجوا المشاركة!!!! Author: keiga2000 Date: 12-08-2008, 06:57 PM Parent: #66
محمد ودالمصطفى ودالعبيد ودكيقه
جعلي ابا وام
الوالد من الدويمات (قرى التضامن) وهي نفس منطقة الفنان حسين على مخمد جبريل طه (حسين شندي)
واما من غرب المتمه القبه والكروماب والشكابه وهلمجرا
والحمدلله
يعطيك العافيه ياشرف الجعلي
ابومصطفى
Post: #69 Title: Re: بوست تعارفي لكل الجعليين في المنبر...نرجوا المشاركة!!!! Author: حسن البشاري Date: 12-08-2008, 08:06 PM Parent: #67
Quote: انا من بربر ميرفابى
البطن النضيف فى الجعليين زى ما بقول لسعد العمدة صديقى التميدابى
حسن البشاري بربر ـ القدواب مقيم في الدوحة جعلي ـ ميرفابي وامي بت عم ابوي وانا متزوج بت عمي اها ليكم شنو .. [email protected]
-------------------------- عادل عبد العزيز من وين في بربر ؟
Post: #185 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:34 PM Parent: #69
كيجا 2000
حسن البشاري
شرفنا مروركم جدا
نرجوا التواصل
Post: #70 Title: Re: بوست تعارفي لكل الجعليين في المنبر...نرجوا المشاركة!!!! Author: عمر صديق Date: 12-08-2008, 08:07 PM Parent: #67
الاخ ود كيقة كل سنة وانت طيب
هل جدك هو الذي ذكره ودضحوية حين قال:
يوم متبطحين عند المقللة نومنا ويوم نتضاري من لفح السموم بهدومنا يوما ندخل الوكرة ونكبر كومنا وان زلينا يا كيقة ام خدود بتلومنا
Post: #184 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:31 PM Parent: #66
سالي ازيك
انت مننا وفينا
ولينا عظيم الشرف بوجودك بجانبنا
Post: #183 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:29 PM
- ابو الريش
- فوزي بابكر
لكم التحية والاحترام
شكرا علي المرور
وسعيد بمعرفتكم
Post: #68 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-08-2008, 07:50 PM Parent: #1
خالد العبيد ..
Quote: من منطقة كبوشية : قدو
اللخو من وين في الأهل ؟!!
إنت أساسا من سكان قدو ولا جيتا من الشبيلية بعد فيضان 88 ؟
وين لي بيوت المصنع ؟
بتعرف ناس عصام مبارك والنزير مبارك ؟
الرقيب أول رضوان بتاع المرور يبقى ليك شنو ؟!
أولاد أبو القاسم إمام المسجد عندك بيهم علاقة ؟!!
ناس فرح أبو القاسم و حسان أبو القاسم ؟
الحاجة شامة بتعرفا ؟!!
طيب نحن ما أهل ياخ ؟!!!
Post: #71 Title: Re: بوست تعارفي لكل الجعليين في المنبر...نرجوا المشاركة!!!! Author: خالد العبيد Date: 12-09-2008, 03:49 AM Parent: #1
سلام يا ناذر
Quote: إنت أساسا من سكان قدو ولا جيتا من الشبيلية بعد فيضان 88 ؟ وين لي بيوت المصنع
انا من فدو ابا عن جد ولم نأتي مهاجرين من جزيرة الشبيليةالتي نقع غرب قدو والدي المرحوم العبيد المشهور بالعبيد مكاو وجدنا هو ناروز ونشتهر نحن بالنواريز امي ربنا يطول عمرها اسمها مريم بت محمد دين وهي بنت عم ابوي انا زرت قدو حوالي اربع مرات وأخر مرة كان عام87 م بيتنا لايبعد كثيرا من المصنع يعني لمن تقيف في سندة قدو وتعاين غرب بتشوف ثلاثة نيمات عالية جدا اها النيمات دي في يتنا!! الاسماء التي ذرتها ما غريبة علي ابدا انا زول بندر لكن اكيد اخواني بعرفوهم لانهم لصيقين بالبلد اكتر مني من الاسماء الشهيرة والكبيرة التي اتذكرها من قدو عمي عبدالله ود الجور وفي الحلة الجديدة بالخرطوم توجد خلوة جدي الفكي العبيد قريبة من مجطة مرتضى لو ما خانتني الذاكرة
ويازول من كلامك ده نحن اهل شحمة ولحم وسعيد شديد بي لم الشمل هذا وانا متاكد اذا اتصلت بي شقيقي محمد العبيد العلاقة حاتكون اقرب شديد ده ايميلي ارجو ان ترسل لي رسالة وسأذودك بهواتف اشقائي سلامي لي ناس البيت خالد ود العبيد ود احمد ود مكاو " ناروز "
Post: #187 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:36 PM Parent: #71
- عمر صديق
- ناذر الخليفة
- خالد العبيد
تشكروا مرة اخري علي الحضور الجميل
Post: #72 Title: Re: بوست تعارفي لكل الجعليين في المنبر...نرجوا المشاركة!!!! Author: يوسف الولى Date: 12-09-2008, 04:10 AM Parent: #1
الاخ اشرف كل سنه وانته بخير جئت الى بوست بعد ان ضج وامتلاء ( بالجعلتيه ) وطوال العمائم .... رحمك الله يا احمد بن الحسين
يوسف الولى العلياب - قريه الرحيمه USA - GREENSBORO [email protected]
Post: #73 Title: Re: بوست تعارفي لكل الجعليين في المنبر...نرجوا المشاركة!!!! Author: Elsanosi Badr Date: 12-09-2008, 04:42 AM Parent: #72
_______________________________________ كل سنه وانتو طيبين
Post: #74 Title: Re: بوست تعارفي لكل الجعليين في المنبر...نرجوا المشاركة!!!! Author: Tragie Mustafa Date: 12-09-2008, 05:11 AM Parent: #73
اشرف سلامات
وقلت لي تحرشات بالقبيله؟؟؟وانت وين لما الجعلين اخونك بعضهم هنا يتحرش بالناس؟؟؟ يازول الفكرة عنصريه....ولم يكن غريب ظهور امثال فرانكلي بالبوست.
ويا ابوبكر صالح انت صاح واوع تصدق الموضع ويبقى هظار وضحك ويقتلوا لك حيلك ناس خالد العبيد. ويا خالد العبيد قارد تتخيل اللسته دي ممكن تجمعك بكم امنجي؟؟؟وباسم القبيله تدخلهم بيتك وتصاحبهم؟؟؟عرفت روحك ماشي لوين؟؟؟؟
حسه البوست ده فيه امنجيه كثار ايه رايك يا ابوبكر يعملوها لك بطان وغيره وبكرى يصاحبوك باسم القبيله؟؟؟؟
الخلاصه عجبني لكم من اولها...ظهر زي ده:
Quote: انا من بربر ميرفابى
البطن النضيف فى الجعليين زى ما بقول لسعد العمدة صديقى التميدابى
وما دام في بطن نضيف معناها في بطن وسخان!!
اها يا اشرف حسب علمك المناصير جعلين وله لا؟؟؟ الميرفاب بنعرفهم اولاد عم المناصير و المكابراب.... اها ديل بيغروقا قدامك بموضع سد مروي قعدوت متفرجين عليهم ياتروا بعد تعرفهم جعلين حتناصر ولا برضوا حتقعدوا متفرجين؟؟؟؟
وبعدين حكاية تراجي زعيمة ناس درافور بالمنبر كضبا كاضب انا سند كل المظلومين..وبتلاقناي في بوستات المناصير قدر وجود في بوستات دارفور ولكن ربنا ينير بصيرتكم انتم تقرأون بانتقائيه.
ابوبكر صالح انت صاح وخلينا نكمل الباقي ابالميلي عشان اوريك الامنجيه هنا منو وانت حر تصاحبهم تخليهم انت حر.اما اخونا خالد العبيد ده من زمان شايفه التيار جرفه.
Post: #75 Title: Re: بوست تعارفي لكل الجعليين في المنبر...نرجوا المشاركة!!!! Author: هجو الأقرع Date: 12-09-2008, 05:47 AM Parent: #74
الاخت الكريمة ام حازم كيفك ، تعرفى الكلام البتقولى فيهو ده ما صاح ..... امنجية و غيرو ، بعدين برضو ارسلى لى نسخة عشان اقولك كلامك صاح و الله غلط ما اصلو انا رئيس المؤتمر الوطنى هنا حسب تصنيفك لى ، تراجى الجعلى لو بقى ملك وليهو جناحان ، او ما يسمع سيرة اهلو ، و بدخل طوالى معاهم ، انا قلت اخلى البوست يتقدم شويه و اقوم اضع معلوماتى . ليس عيبا ان نلتقى اسفيريا .
Post: #76 Title: Re: بوست تعارفي لكل الجعليين في المنبر...نرجوا المشاركة!!!! Author: Tragie Mustafa Date: 12-09-2008, 06:26 AM Parent: #75
هجو يا حبيب كلامك ده طبيعي فانت من المروجين للتكتلات القبيله بكل دبلوماسيه
Quote: الاخت الكريمة ام حازم كيفك ، تعرفى الكلام البتقولى فيهو ده ما صاح ..... امنجية و غيرو ، بعدين برضو ارسلى لى نسخة عشان اقولك كلامك صاح و الله غلط ما اصلو انا رئيس المؤتمر الوطنى هنا حسب تصنيفك لى ، تراجى الجعلى لو بقى ملك وليهو جناحان ، او ما يسمع سيرة اهلو ، و بدخل طوالى معاهم ، انا قلت اخلى البوست يتقدم شويه و اقوم اضع معلوماتى . ليس عيبا ان نلتقى اسفيريا .
يازول مافي قبيله مافيها امنجيه....اها كيف زول زي ابوبكر صالح عايزة يتورط في احلاف قبيله؟؟
Post: #77 Title: Re: بوست تعارفي لكل الجعليين في المنبر...نرجوا المشاركة!!!! Author: Tragie Mustafa Date: 12-09-2008, 06:31 AM Parent: #76
اما يا ابوبكر صالح حكاية القبائل في العرس دي فانسها قبيلتك في الزمن ده ياهو جيبك
واتحدى اي زول يتفاصح هنا......تكون باموال زي جمال الوالي تشتري اي حاجة في السودان.
ولا تصدق ناس العرق دساس و الشروحات الغريبه دي للحديث الشريف.
وتذكر قولة فرح ود التكتوت و (كلي يا كمي قبل فمي )يقصد (الامكانيات) العنده فكه
يشتري لك اي حاجة وخلينا من نقة المنابر دي.
عمر صديق طلعته قريب محسن خالد
كلكم مسيتكاب!
Post: #78 Title: Re: بوست تعارفي لكل الجعليين في المنبر...نرجوا المشاركة!!!! Author: هجو الأقرع Date: 12-09-2008, 08:07 AM Parent: #76
يا ام حازم فعلا انا افخر باهلى و عشيرتى ، بس عليك الله جيبى رابط واحد يؤكد كلامك الفوق ده ، وفى حالتك عدم ايراد الرابط ، سوف ارسل الى ود عمى سعد الاقرع بتوكيل رفع قضية عليك بمعادة الجعليين طبعا مش معادة الس ..... بتاعت جماعتك ديك..... على فكرة سعد جارك بى هنالك . بعدين لما اكسب القضية .....
Post: #189 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:39 PM Parent: #73
السنوسي بدر
شكرا علي المرور والمعلومات القيمة
Post: #188 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:37 PM Parent: #72
العزيز يوسف الولي
حضورك الجميل اسعدنا
شكرا يا قريبي
Post: #79 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-09-2008, 08:25 AM Parent: #1
ود عمنا خالد العبيد ..
عرفتك تب مع إني ما زرت قدو كتير .. وما قاعد نمشيها إلا في المناسبات وكدة ..
وحاليا حتى ناس الشيبلية الجو منها اسسوا قرية الشبيليية وأعتقد هي جنوب قدو نفسها ...
Quote: وفي الحلة الجديدة بالخرطوم توجد خلوة جدي الفكي العبيد قريبة من مجطة مرتضى لو ما خانتني الذاكرة
أيوة كلامك صاح .. الخلوة خلف محطة مرتضى طوالي ..
Post: #80 Title: Re: بوست تعارفي لكل الجعليين في المنبر...نرجوا المشاركة!!!! Author: Marouf Sanad Date: 12-09-2008, 08:55 AM Parent: #79
Quote: مكان الميلاد حجر العسل
عمر صديق
ليه في ناس كتار من حجر العسل شغالين في حجر البصل الوطني؟
هل هي صدفة؟ أم انهم يحبون البطان في اتجاه واحد؟
Post: #81 Title: Re: بوست تعارفي لكل الجعليين في المنبر...نرجوا المشاركة!!!! Author: خدر Date: 12-09-2008, 08:58 AM Parent: #79
انا كـ (جعلي) اكتشفت 2 اولاد عم هنا عرفتهم من مداخلاتهم
سؤال البوست من هما ؟؟
يمكن الاستعانة بي قوقول ايرث
__ ناذر الاغنية شديدة .. الراوي منو ؟
Post: #82 Title: Re: بوست تعارفي لكل الجعليين في المنبر...نرجوا المشاركة!!!! Author: Marouf Sanad Date: 12-09-2008, 09:06 AM Parent: #81
Quote: انا كـ (جعلي) اكتشفت 2 اولاد عم
يا خدر
انت برضو طلعت زول "كجعلي" ساكت؟
انت بتكون كميرفابي
Post: #191 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:41 PM Parent: #82
معروف سند
مرورك اسعدني
Post: #192 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:43 PM Parent: #81
ولدنا خدر
شكرا كتير علي المرور
في غاية السعادة بك بيننا
Post: #190 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:40 PM Parent: #79
تراجي مصطفي
هجو الاقرع
شكرا علي المرور الجميل
Post: #195 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 06:47 PM Parent: #79
اخونا ناذر
شكرا علي اعادة الطلة
حضورك دائما مهم في جميع بوستاتي
ومطلوب بكثرة
Post: #83 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-09-2008, 03:29 PM Parent: #1
خدوري ..
كل سنة وإنت طيب ..
Quote: __ ناذر الاغنية شديدة .. الراوي منو ؟
الراوي فنان الدلوكة البشيرة ..
لكن أفضل لو سمعتها عند عمر الحواري ...
Post: #84 Title: Re: بوست تعارفي لكل الجعليين في المنبر...نرجوا المشاركة!!!! Author: سيف النصر محي الدين محمد أحمد Date: 12-09-2008, 03:47 PM Parent: #83
Quote: الراوي فنان الدلوكة البشيرة
ده قريب البشير و للا تشابه اسماء ساكت.
Post: #85 Title: Re: بوست تعارفي لكل الجعليين في المنبر...نرجوا المشاركة!!!! Author: Marouf Sanad Date: 12-09-2008, 03:52 PM Parent: #84
Quote: ده قريب البشير و للا تشابه اسماء ساكت.
Post: #86 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-09-2008, 03:53 PM Parent: #84
;D
Post: #87 Title: Re: بوست تعارفي لكل الجعليين في المنبر...نرجوا المشاركة!!!! Author: Marouf Sanad Date: 12-09-2008, 04:00 PM Parent: #86
الاغنية سمحة ياناذر
وشكلها حتكون لازمتي للاتنين وسبعين ساعة الجاية
Post: #88 Title: Re: بوست تعارفي لكل الجعليين في المنبر...نرجوا المشاركة!!!! Author: Marouf Sanad Date: 12-09-2008, 04:08 PM Parent: #87
وبمناسبة هذه الاغنية العجيبة
اهديكم اغنية اخرى للبشيرة الدلوكة
كلماتها كالآتي:
يا البشير
ياابو قلبا كبير
يا الجانا فاز
من الحجاز
Post: #125 Title: Re: بوست تعارفي لكل الجعليين في المنبر...نرجوا المشاركة!!!! Author: عثمان محمد كرار Date: 12-14-2008, 05:16 PM Parent: #87
salaaaaaaaaaam for allll osman karrar alnurab .almatama new member thanks akhuna bakry
Post: #196 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:43 PM Parent: #125
عثمان محمد كرار
مرورك اسعدني
اتمني التواصل
Post: #197 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:45 PM Parent: #84
سيف الدين محي الدين
شكرا علي المرور
Post: #89 Title: Re: بوست تعارفي لكل الجعليين في المنبر...نرجوا المشاركة!!!! Author: ombadda Date: 12-09-2008, 04:28 PM Parent: #1
Quote: انا من بربر ميرفابى
البطن النضيف فى الجعليين زى ما بقول لسعد العمدة صديقى التميدابى
من منكم يعرف الملياردير سعد العمدة قريب نافع على نافع وذراعه الأيمن فى عملياته الإستثمارية؟ إن اكلى السحت والحرام عار على القبيلة .....
Post: #90 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-09-2008, 04:32 PM Parent: #1
سلام يا معروف ..
Quote: الاغنية سمحة ياناذر
وشكلها حتكون لازمتي للاتنين وسبعين ساعة الجاية
في كم واحدة غيرا .. لو مشيت بوست دكتور احمد القرشي بتاع أغاني السيرة حا تلقاهم هناك ..
Post: #198 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:46 PM Parent: #90
امبدة
ناذر
شكرا علي المرور المتكرر
Post: #91 Title: Re: بوست تعارفي لكل الجعليين في المنبر...نرجوا المشاركة!!!! Author: الطاهر ساتي Date: 12-09-2008, 07:00 PM Parent: #1
مع احترامى لاذواقكم الاغنية عادية يا ود الخليفة ومافيها شي سمح بيخلي الزول ينفعل وينجلد المفروض تجلدو الشاعر والفنان وكمان بتاع الدلوكة ...
ورحمة بكم الله سادى فهمكم من الاغاني النوبية كنت طعنتوا بعض بالسكاكين بدل السيطان ..........
وعيدكم سعيد وربنا يجمعكم في ساعة خير ومعليش لو مداخلتى جات شتراء اعمل شنو اى قبيلة في عين ولدها غزالة .......
Post: #92 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-10-2008, 00:00 AM Parent: #1
سلام يا الطاهر ..
Quote: مع احترامى لاذواقكم الاغنية عادية يا ود الخليفة ومافيها شي سمح بيخلي الزول ينفعل وينجلد المفروض تجلدو الشاعر والفنان وكمان بتاع الدلوكة ...
الكلام ما في الاغنية يا مان يا حاقد ..
القصة كلها في إيقاع الدلوكة ..
كدي غمض عينك وأسمع بس الدلوكة وإتخيل الكلمات بالنوبية حتى لو كلمات هابطة ..
لو ما جيت طعنتنا كلنا تعال أسألني
Post: #93 Title: Re: بوست تعارفي لكل الجعليين في المنبر...نرجوا المشاركة!!!! Author: yasir Abdelgadir Date: 12-10-2008, 00:47 AM Parent: #92
د. ياسر زين العابدين عبدالقادر
مكان الميلاد عطبرة
جعلي عليابي ... زيدابي
الرياض....ميريلاند وبالعكس
Post: #94 Title: Re: بوست تعارفي لكل الجعليين في المنبر...نرجوا المشاركة!!!! Author: Rawia Date: 12-10-2008, 02:15 AM Parent: #93
ياجنوي نزلو لي الطاهر ساتي دا (دخلوها وصقيرها حام) خلوا يأمن وينزل للبطان هو زاتو
________ الطاهر ياغالي كل سنة وانت طيب والمعاك
Post: #95 Title: Re: بوست تعارفي لكل الجعليين في المنبر...نرجوا المشاركة!!!! Author: Yassir Tayfour Date: 12-10-2008, 03:28 AM Parent: #94
يا ساتي كل سنة وإنت طيب ركز مع صوت "الشَتّم" شوفوا ما بينقُر في الراس!
___ راويّة أديني شبال
Post: #171 Title: Re: بوست تعارفي لكل الجعليين في المنبر...نرجوا المشاركة!!!! Author: ماجدة محمد على Date: 12-24-2008, 07:04 PM Parent: #95
Disclaimer: I'm Using Magda Mohamed Ali password with her consent.
Ombada wrote:
Quote: إن اكلى السحت والحرام عار على القبيلة .....
Well-said
It doesn't mean any thing if Albashir, Nafi, Turabi, Ali Alhaj, Lam Akoul, etc share with you the same tribe... after all they share with you the same country and that does not mean I let them escape accountability...
mohamed elgadi
Post: #172 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 02:25 AM Parent: #171
thank u Mohammed for passing by
Post: #200 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:50 PM Parent: #95
ياسر طيفور
دائما مرورك يسعدني
ودائما لي عظيم الشرف بمعرفتك
واعتز بك لانك راجل حقاني وما بتحب الحقارة
Post: #199 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:47 PM Parent: #94
- الطاهر ساتي
- ياسر عبد القادر
- راوية
مروركم اسعدني واتشرف بمعرفتكم
Post: #96 Title: Re: بوست تعارفي لكل الجعليين في المنبر...نرجوا المشاركة!!!! Author: يوسف الولى Date: 12-10-2008, 06:38 AM Parent: #1
الاخ د. ياسر كل عام وانت ومن حولك بخير ارجو التواصل عبر الايميل [email protected]
Post: #97 Title: Re: بوست تعارفي لكل الجعليين في المنبر...نرجوا المشاركة!!!! Author: أحمد أمين Date: 12-10-2008, 11:29 AM Parent: #96
صاحب البوست والاخوة والاخوات تحياتى...............
بعد فشل محاولة 1924 ضد الاستعمار البريطانى وقبض على اعضاء من جمعية اللواء الابيض، كان المعتقلين يسألون بواسطة المتحرى الانجليزى: ماهو جنسك؟ وكان رد كل المعتقلين -سودانى، ويعذب المعتقلون حتى يجيبوا على السؤال كما يحب المحقق الانجليزى، وهو يقصد ان يقول المعتقل ماهى قبيلته. فقد كان ثوار 24 اكثر تقدما من بعض السودانيين فى عام 2008. (فسودانى) كان لها قيمة مقاومة ضد المستعمر الذى يعرف انها لو تشكلت سوف تهدد وجوده لذلك كان يقمعها ويروج للقبلية التى تسهل طريقة حكمه.
الان الانقاذ باعتبارها امتداد لسياسة المستعمر (تمكين الثقافة العربية الاسلامية وتأصيل الانفصال بين اثنيات الشعب السودانى) تعيد انتاج القبيلة وتروج لها بديلا لمشروعها الحضارى الذى فشل، وبالطبع هناك السذج والاغبياء وخفيفى العقل والانتهازيين دائما ما تجذبهم مثل هذه الشعارات التى بطبيعتها توقظ اسؤ مافى الناس. من بين اكثر من 500 قبيلة واثنية فى السودان هناك شبه استحالة لسلام اجتماعى حقيقى وتقدم فى هذه البلاد لو كان كل منا يفاخر بما يسمى قبيلته لأنه قصد ام لم يقصد فهو سوف يستفذ الاخرين ويعيدهم لنفس مربع انتاج اسطورة قبيلتهم.
فى رأى الخاص ان مفهوم القبيلة المعاصر وحتى الشعب هى عبارة عن اسطورة، بناء اجتماعى تم تشيده لكن ليس له اى قاعدة ثابتة يرتكز عليها. فلم تعد القبيلة كما فى السابق توفر لك المأمن، والمأكل والمشرب وسبل العيش وترعاك من صباك الى مماتك، هذا الدور انتهى بحكم التطور الذى حدث فى معظم المجتمعات الانسانية المعاصره بما فى ذلك فى اجزاء كثيرة بالسودان وبالذات فى المدن ولا يمكن اعادة عجلة التاريخ الى الوراء. فالانسان المعاصر شكلته تراكمات رأسية وافقيه كثيره تلعب مايسمى بالقبيلة أو الاثنية دورا ثانويا فى معظم الاحوال. حتى لا اذهب بعيد اذا نظرت الى (بروفايل) كاتب هذا البوست: شخص تربى ونشأ فى العمارات، ولم يزر منطقته إلا مرات قليلة (وكذلك اكد معظم المنتمين شفهيا) كيف لشخص كهذا يدعى انتماء هو فى الواقع ليس جزء أصيل من هويته، فهويته شكلتها المدينة الخرطوم، والحى الذى نشأ فيه ومنزله واصدقائه، مهنة ابيه والطبقة التى ينتمى اليها، ربما الطريقة الصوفية التى يتبعها أو الحزب الذى يؤيده وفريق الكورة.....الخ لكن الادعاء بهوية قبلية التى تؤكد كل المؤشرات أن تاثيرها لايذكر بل تم استدعائها عنوة (لأسباب كثيرة!!!!!!!!!) وذلك امر يدعو للضحك والرثاء.
أمين معلوف الكاتب اللبنانى الفرنسى، عندما سئل هل انت لبنانى ام فرنسى، وكان السائل كأنما يريده ان يجب بأننى اشعر 50% لبنانى و 50% فرنسى. لكنه كان اكثر عمقا من اصحابنا فى هذا البوست، فهو يدرك انه لايمكن ان يقسم عقله او وجدانه او تاريخه مناصفة وكانت اجابته أن كل هذه التراكمات شكلت هويته هو (فقط) وليس احد اخر حتى لو كان اخوه يمتلك هويته لأن تجربتهم مختلفه.
هناك امر لابد أن اشير اليه وهى حالة خاصة تهم السودانيين فى المهجر بالذات فى الدول الغربية، وانا هنا لا ارمى الحديث على عواهنه (ساكت) فقد عشت فى المهجر الاوربى مايذيد عن ال 15 سنة. واقع هذه الدول الذى دائما مايكون له هوسه الخاص بأثنية الناس (حتى عندما تقدم الى طلب وظيفة دراسة فى جامعة.......الخ يجب ان تعبئ استمارة الهوية الاثنية) وهذا يعود لتاريخ اوربا وامريكا الممعن فى العنصرية. للاسف هذا الواقع الذى يواجهه المهاجر من الجيل الاول بالذات، يجعله (احيانا بدون وعى بماهية هذه المشاعر) يحن، أو يعيد انتاج هويته واحيانا افراد كثيرون تعيدهم التجربة الى مربع اقل من القبيلة ربما العشيرة، لأن الفرد المهاجر تواجهه ثقافة طاغية تتحرى دائما عن اصلك وفصلك بشكل مستمر.
شائت الصدفة التاريخية (اخرون يسمونها مشيئة الهية) ان نولد فى السودان وفى افريقيا وأن ننتمى ايضا بالصدفة الى اثنية معينة ودين معين. السؤال كيف يعقل منطقيا أن نحتفل بالصدفة (بالذات بهذه العاطفية اللاعقلانية)؟
والتحية لثوار 24 وقفتهم ضد تفتيت السودان عبر القبيلية. والتى مازال ورثة عقلية المستعمر يرددون سؤاله : ماهو جنسك (يقصدون القبيلة)؟ للمعتقلين السياسين او حتى فى جريمة جنائية او مدنية - الان فى عام 2008.
Post: #100 Title: Re: بوست تعارفي لكل الجعليين في المنبر...نرجوا المشاركة!!!! Author: Al-Mansour Jaafar Date: 12-10-2008, 03:30 PM Parent: #97
أبشر يا أشرف أبشروا أجمعين
كل عام وأنتم بخير
الإحترام
السلام عليكم ورحمة الله
كلام الأساتذة بكري صالح والأزهري 2 وأحمدأمين عين الصحة فهو كلام صحيح في أصله وفي قصده
لكن القبيلية التي تضعضعت في القاعدة الإجتماعية نتيجة تحول أوضاع العيش والإنتاج في الريف وفي المدن بفعل نشاط رأس المال الذي يقوده للأجنبي بضعة جلابة بعضهم من قراباتنا جأءت هذه القبيلية وإتكوكرت في رئاسة الدولة وأجهزتها وفي وقيادة الجيش وقبل دا كله إتكوكرت في إمتلاك موارد العيش ووسائل إنتاج متطلبات الحياة، وفي السلك الإداري وفي السلك الديبلوماسي وبالطبع في وسائط الإعلام وفي كل سامت الناس العذاب وأرزأتهم عيشة ضنكا. فمن الأفضل النظر إلى الأمور في عموم جوانبهافالقبيلة وإن إتهدت في الساس فقد بقيت بشكل أخر في الراس.
فالجانب الدفع ألناس في الريف والمدن للرجوع لحكاية القبيلة هوالقبلية الظاهرة الفاضحة في قمة الدولة وإمساكها بشؤون السلطة والثروة إلا قليلا، وهي قبيلية عجماء شوهاء في أصلها وممارستها الإحتكارية بالإصطفاء والإقصاء في أمور السلطة والثروة.
الجعلي أيا ما كان جنسه الأصل أو نسبه هو في الأول والآخر هو نصير الضعيف وسند المحمول وركيزة المهمش وهو الحرية بذاتها وصفاتها من الضيم والإستغلال، لا يمكن أن يسند أخوه في غلط أو في ظلم أو في حقارة بالناس ولا في قمع وتعذيب وتشريد وقطع أرزاق وحريق قرى وإغتصاب وتهرب من المحاكم وجلب المسؤوليات والدمار لبلاده وأهله.
الجعلي يأكل النار ما بياكل حق زول أو ضعيف أو يتميم أو غبشان
الليلة في العيد نقوي أخوانا المستضعفين والمهمشين والغلابة من المتمة، وشندي، والمكنية، وكلي، وكبوشية، وطيبة الخواض، والسيال الصغير (سيال كريم الدين)، والسيال الكبير، والجيكيكة، والقبة، والكوموراب، والباوقة، والميسكتاب،والصلعة، والجريف، والجوير، والحفير، والجابراب، والعالياب ،والزيداب، والفضلاب، والبسابير، وودحامد، وحجر العسل، والعبيدية بكل أشرافها كان كمالاب أوكميلاب وناس الجهمية والمرغمابية،.وحجر الطير، والبواليد (أبراهيم البولاد) بلد أخوة فاطمة بت جابر (جدتي الأبعد)أم الكتاب ..إلخ ...ومع ديل نقوي معاهم أخواناالمستضعفين والمهمشين التانين في كل في مناطقهم من الجعليين أولاد العم ميرفاب ومناصير وجموع وشياقيي إلخ وساسنا النوبي ما بننساه يغرقوه لمصلحة المصريين وشركات الأتراك وكيلة الإسرائيليين، ونعاضد أهلنا في البطاحين والشكرية وعموم البجا وناسنا في الجزيرة وفي النيل الأبيض وفي النيل الأزرق وفي كل الجنوب وتب ناس دارفور الزرقة زغاوة وفور ومساليت وبرقو وتاما إلخ هم أخوانا في السودان وفي الإنسانية أكرمونا وضيفونا وسيدونا في بلدانهم تب ما بنقيف نعاين إلي حريقهم وحرق الحكومة لديارهم وأولادهم وسعيهم الفزع ليهم واجب علينا. يا إخوانا الناس إنمحنت في البيسووه الحكام ديل ، وفي كسرة رؤوس أحزابنا ولمن المحنة تخيم على البلد وتاذي الناس كبيرؤهم وصغيرهم ده الوقت البيظهر فيه الجعلي.
حرم الجعلي يأكل النار ما ياكل حق ضعيف أو يتميم أو غبشان أو يهين ولية شان، والجعلي ما بتفرج في محق أطفال في الدنيا تكاترت عليهم في المعسكرات البلاوي والعسكر قليل الشان، نحن تب ما نرضى الحقارة لإنسان والجعلي هوالحزم واللزم شان رفعة السودان.
والحق ينقال مهمتنا الأولى ضد أولياء الظلم الحاكمين بعزنا في الخرطوم وموالين الطوائف والطرائف في بحري وأم درمان، الناس التريانة من أكل السحت والباطل والقمع والتعذيب والإجرام في الأول نقوم روابطنا وهيئاتنا ونطلع أولادنا الظالمين والغلطانين من وسطنا ونتبرأ منهم ومن عمائلهم، ونرجع منهم الحق الأكلوه سحت في دولة السودان . جعليتنا ما إزيك يا فلان ومرحباً يا علان وإتفضل شاي يا علان، وأنفرد لسوطين يتعافن بزغرودة حسان جعليتناأنه الليلة مع هذاالظلم الفاشي الغاشي كل واحد في مجاله يكون فارس الخلا أب عجاج ضد كل ظالم. فالقبيلة في زمنا مو سلاماتاً ومعايش ومنتديات القبيلة ولو وهن الرابط هي أصلاًً وحتى في زمنا مواقف.
ركوز للحق
فلا تكتموا الحق وأنصروا المستضعفين المستغلين والمهمشين حيثما وجودوا وحيثما كنتم
وأشهدوا على الظالمين.... وقاتلواالظالمين ...
الأنساب والأعراق ودعاوى الشرف البيلوجي التاريخي هي خرافات وضغائن وهي منتنة ثقافية كما قال العلم الحديث حاضراً ومنتنة كما قال الرسول (ص) محمد عبدالله
أنا المنصور بن الإمام جعفر الصادق بن محمد الباقر بن على بن زين العابدين (بخيت) بن علي بن حمد بن عبدالرحمن بن حمد بن خصيم بن سخي بن نفيع بن سروق بن سريح ابن عدلان بن عرمان بن ضواب بن غانم بن صبح بن مسمار بن سرار بن كورْدَم بن الديس بن قُضَاعة بن عبدالله( حَرقان) بن مسروق بن أحمد بن أبراهيم الهاشم "جعل" بن ادريس بن قيس بن يمن الخزرجي بن عدي بن قصاص بن كرب بن هاطل بن أحمد بن محمد ذاالكلاع الحُميري بن سعد بن فضل بن محمد بن علي (السجاد) بن عبدالله بن عباس (يرحمهم الله) ولكن الأخير رغم كل الشرف المسبوغ عليه في كتب الذهب السائد ومن الأربعين إسماًالذين أتوا من قبله في السرد والنسب وجاءوا بعده في الزمان هو (سارق بيت المال من ولايةالإمام علي (ع) وهو خائنه في ذا وفي غير ذا من المواقف والعياذ بالله) فكيف لناأن نمشي في الأرض إن لم نحاول أن نحسن صنعاً، تواضعوا أخوتي يرفعكم الله
أخوتي وأخواتي: الناس بأعمالها ومعاملاتها وتقواها، وصلة الرحم واجبة، ولكن رحم الوطن قطعه بعض منا لمصلحة رياسته وماله وسلطانه والقوى الأجنبية التي تفيد منهم، فلنبرأ من المنسوبين إلينا في قمة السلطان ومن أعمالهم ودعاويهم ولنخرج من نتانة الأصول والفصول واللازمات القبيليات إلى المجدالصحيح في العالمين بأكرم الأخلاق وأحسن المواقف وأزكى المعاملات في الدنيا والآخرة وهي "نصرة المستضعفين".
وليوفقناالله إلى الخير والسداد وجعل جهد أبناء قبيلتناً مصدراً للحرية والتقدم والسلام في السودان بل وفي العالم كله
ولكم التهاني بمقدم العيد ووداعه كل التقدير والسلام
Post: #144 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-16-2008, 11:21 PM Parent: #100
شكرا يا شباب
واصلوا في التعارف
Post: #145 Title: Re: بوست تعارفي لكل الجعليين في المنبر...نرجوا المشاركة!!!! Author: احمد معتصم الطيب Date: 12-16-2008, 11:45 PM Parent: #144
حبابكم ألف أولاد جعل حباب العرفة والعز أهــل
أحمد معتصم الطيب جعلى وجعلى وجعلى والماعاجبو يشرب من البحر ولا اقول ليكم يتحرق فى حريق جدى المك .................. والجعلى جعلى لو سكن لاس فيغاس ولاحي الزهور ولا شنو يا أشرف مصطفى ود العمارات
Post: #168 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-21-2008, 00:11 AM Parent: #145
Quote: والجعلى جعلى لو سكن لاس فيغاس ولاحي الزهور ولا شنو يا أشرف مصطفى ود العمارات
عليك الله قول ليهم يا احمد معتصم
Post: #201 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:52 PM Parent: #100
- يوسف الولي
- احمد امين
- المنصور جعفر
اسعدني واتحفني مروركم الجميل للغاية
Post: #118 Title: Re: بوست تعارفي لكل الجعليين في المنبر...نرجوا المشاركة!!!! Author: yasir Abdelgadir Date: 12-13-2008, 10:25 PM Parent: #96
الاخ يوسف الولي
ارسلت رسالة بالايميل المكتوب اعلاه رجعت لي تاني.....
Post: #133 Title: Re: بوست تعارفي لكل الجعليين في المنبر...نرجوا المشاركة!!!! Author: رهف Date: 12-15-2008, 12:52 PM Parent: #96
سلام اهلى العزاز اولاد وبنات جعل من الجيلى لاعن بربر ومشكلتنا يا جماعة كبيرة وخاصة مع الجماعة الجعليين اللا صقاب وديل فرع كبير متلصق فى الجعليين وهم اكتر من الجعليين وفيهم الساكن حوش بانقا وفيهم القاعد فى طيبة الخواض وديم القراى وفيهم الجاء قالوا خايض البحر وسموه الخواض وفيهم الجاء يدرس القران فى ديارنا وسموه القراى وفيهم الجانا طافش من صراصر وغيرها ولصقوهم فينا البديرى ما معروف والفلاتى ما معروف والحبشى ما معروف القصة جايطة شديد ربنا يواكى الجراب على العقاب واى زول ما عنده جرف فى ارض الجعلييين وما عارف جده ود منو ما يجى يتلصق ويقول انا جعلى مواهب السيد محمد احمد سلمة العدلاناب قوز المطرق حلة ابوالحسن ديم ام طريفى العتويب جنوب شندى والهوبجى وطبقة وسلوة جريف السعاداب المتمة من مواليد سلمة العدلاناب جنوب شندى الدائرة 67 شندى الجنوبية ودى الدائرة السقط فيها الاستاذ على كرتى وفاز بها المهندس عثمان حميد الحزب الاتحادى الديمقراطى السكن الخرطوم الحاج يوسف ونحن الجماعة البنمشى كل 15 يوم البلد [email protected]
Post: #139 Title: Re: بوست تعارفي لكل الجعليين في المنبر...نرجوا المشاركة!!!! Author: yasir Abdelgadir Date: 12-15-2008, 06:20 PM Parent: #133
سلام بت العم
بجيك صادي لكن دي قوية
Quote: ومشكلتنا يا جماعة كبيرة وخاصة مع الجماعة الجعليين اللا صقاب وديل فرع كبير متلصق فى الجعليين وهم اكتر من الجعليين وفيهم الساكن حوش بانقا وفيهم القاعد فى طيبة الخواض وديم القراى وفيهم الجاء قالوا خايض البحر وسموه الخواض وفيهم الجاء يدرس القران فى ديارنا وسموه القراى وفيهم الجانا طافش من صراصر وغيرها ولصقوهم فينا البديرى ما معروف والفلاتى ما معروف والحبشى ما معروف القصة جايطة شديد ربنا يواكى الجراب على العقاب واى زول ما عنده جرف فى ارض الجعلييين وما عارف جده ود منو ما يجى يتلصق ويقول انا جعلى
Post: #99 Title: Re: بوست تعارفي لكل الجعليين في المنبر...نرجوا المشاركة!!!! Author: ALazhary2 Date: 12-10-2008, 03:04 PM Parent: #1
. .
ملاحظة مكررة:
وملاحظة مهمة لبعض الإخوة في الوطن والدين والدم : لا داعي لهذه الحساسية الزائدة فالبوست للتعارفوليس للتفاخر على أحد أو الإستعلاء العرقي (كلكم لآدم وآدم من تراب) والناس سواسية كأسنان المشط ، لكننا نعمل بالحديث الشريف (تعلموا من أنسابكم ماتصلون به أرحامكم فإن صلة الرحم محبة في الأهل مثراة في المال منسأة في الأجل مرضاة للرب )
وقد ذكر الله جل من قائل بالأرحام في كتابه الكريم (واتقوا الله الذي تَساءلون به والأرحام إن الله كان عليكم رقيبا) كما قال سبحانه ( يا أيها الناس إنا خلقناكم من ذكر وأنثى لتعارفوا إن اكرمكم عند الله اتقاكم) فلا إشكال في الدعوة للتعارف وتحري معرفة القرابة .
تحياتي وتقديري لجميع إخوتي وأحبتي في السودان من جنوبه لشماله ومن غربه لشرقه يجمعنا الوطن والدم ، إخوة في الدين ونظراء في الخلق في وطن متعدد الاعراق والثقافات والاديان ..
. .
Post: #101 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-10-2008, 03:46 PM Parent: #99
شكرا لجميع المتداخلين من الاخوان والاخوات..
وحارجع للرد عليكم...
Post: #117 Title: Re: بوست تعارفي لكل الجعليين في المنبر...نرجوا المشاركة!!!! Author: عليش Date: 12-13-2008, 09:52 PM Parent: #99
هـــــــــــــيع انا جموعي مركب مكنة جعلي استعمال السعوديه استعمال خفيـــــف
Post: #202 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:54 PM Parent: #117
Quote: هل تلوم اي واحد يساء اليه ان يفتح بوست مثل هذا في المنبر..
اليس الدارفوريين ليهم كبير؟ تراجي!!
والجنوبيين ليهم كبير..دينق!!
يا أشرف مصطفى بالله عليكم الله إحترموا عقولنا شوية يا ناس الله!!!!!!!!!!!! يعنى تشير وبكل بساطة إنو تراجى كبيرة الغرب ... ودينق كبير الجنوبيين؟؟؟؟ أى زول هنا فى المنبر ده حر فى إختيار بوستاته ومواضيعه وبالتالى لو عندو أى موضوع مافى حاجة إسمو كبير يا مستر أشرف!!! سكتنا وقلنا بوستكم تعارفى بخصوص الجعلية فى المنبر وما قلنا حاجة ولكن الكلام القاعد تعمل فيهو ده ما مقبول ول بتعريفة يا عمك!!! داير تجيب الجعليين بتاعينك وتلمهم براك هنا وتتعارف معاهم "مع إنو فى إخوة قبالى إعترضوا على الفكرة" مافى مشكلة بس إنت ما عندك علاقة بالغرب والجنوب لانك وبكل بساطة مافى غرابى ولَ جنوبى فوضك تلعب الدور ده ياخ!!!! إحترم نفسك وإتونس مع جماعتك ساى وما عندك دخل بالناس التانيين الما جعليين ... ده إختيارك طبعاً لانو لو ما كان كده كان قلته لعضوية سودانيزاونلاين كلها بغض النظر عن القبيلة ... تعالوا نتعارف ... كسودانيين إن كان هذا الكلمة تهمك فى شئ يا أشرف مصطفى يا باشا!!!!!
أشرف... بالمناسبة ... سؤال جادى ... قريت فى الخرطوم الأميرية سنة كم؟ وهل بتعرف أستاذ أنس "الرجل المهذب" والمدير عبد الرحمن خوجلى "الرجل القامة" والعقاد "الشرس بتاع الرياضيات" وما تنسى أستاذ التجانى وأستاذ صابر "الصغير داك" وكل اساتذة الخرطوم الأميرية ... الله يطراهم بالخير.
ود الأميرية كل سنة وإنت طيب
شول اشوانق دينق _______________________________ ده كلو ما بيعفيك من كلامى الفوق فى المداخلة الاولانية داك يا أشرف
Post: #104 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-12-2008, 11:37 PM Parent: #103
...
Post: #105 Title: Re: بوست تعارفي لكل الجعليين في المنبر...نرجوا المشاركة!!!! Author: عبداللطيف حسن علي Date: 12-12-2008, 11:47 PM Parent: #104
سالتك بالذي سواك :
خلاص كملت معارف السكن والغربة من الجعليين عشان تجي تفتش عنهم في البورد
افضل شئ للجبهجية اليومين دي العزف علي وتر الجهوية
مزيدا من التشرزم والفتنة ، يعني مزيدا من الوقت للحكم .
لم أقرأ سوي العنوان وما اظن في البوست اكثر من عنوانه ،ياخي في منتديات كثيرة ذات صفة قبلية.
Post: #106 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-13-2008, 00:13 AM Parent: #105
Quote: سالتك بالذي سواك :
خلاص كملت معارف السكن والغربة من الجعليين عشان تجي تفتش عنهم في البورد
انا ما قاعد اقابل سودانيين كتير
لكن شكلك ما متابع البورد عشان تعرف انا فتحت البوست ده ليه
ولا ادري ماهي علاقة الجبهة بالبوست ده
شكلك مغيوظ او عندك سلك ضارب
Post: #107 Title: Re: بوست تعارفي لكل الجعليين في المنبر...نرجوا المشاركة!!!! Author: عبداللطيف حسن علي Date: 12-13-2008, 00:20 AM Parent: #106
Quote: شكلك مغيوظ او عندك سلك ضارب
مغيوظ دي في ، من جنس البتسوي فيهو ده
وسلكي ضارب لنفس السبب
وماعايزة ليها متابعة الحالة الماشة في البلد عن قصد
Post: #108 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-13-2008, 00:36 AM Parent: #107
Quote: مغيوظ دي في ، من جنس البتسوي فيهو ده
وسلكي ضارب لنفس السبب
وماعايزة ليها متابعة الحالة الماشة في البلد عن قصد
Post: #109 Title: Re: بوست تعارفي لكل الجعليين في المنبر...نرجوا المشاركة!!!! Author: عبد الله عقيد Date: 12-13-2008, 02:50 PM Parent: #1
عبد الله حمد عقيد من مواليد الحليلة محلية المتمة السكن الخرطوم البريد الإلكتروني: ageed12 at yahoo
Post: #110 Title: Re: بوست تعارفي لكل الجعليين في المنبر...نرجوا المشاركة!!!! Author: nazar hussien Date: 12-13-2008, 03:03 PM Parent: #109
حا اجيك في تسميتك يا اشرف لو بتعرف تلعب وست
نزار حسين الصفر النوراب -الجوير ,العوضية ..محلية المتمة ديل كلهن عندي فيهن بيت وأهل...
بحاول الم لي في كسار طوب من باقي كسار طوب اسامة الخواض الفي دريم لاند...وادين لي...حاجات تشطيب من ناذر الخليفة وأبني بيت في حتة ما في الخرطوم..
ما قلت لي من النوراب ال ببيقي ليك منو؟
واضح انو ما عندك علاقة بي ناس كمال الدين
Post: #111 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-13-2008, 03:54 PM Parent: #110
لا يفوتني ان اخص بالشكر كلآ من المتداخلين خصوصا... والمشاهدين عموما فردا فردا..
واقدم لهم الاعتذار بدون تعالي او تكابر لكل المعاناة التي سببتها لهم وهم لم يعهدوني بذلك...
واريد ايصال نقطة هامة للجميع الا وهي:
(1) نريد بوست جامد جدا لمن يستطيع ان يفتحه لتوضيح المفاهيم والمعايير والمقاييس ..التي يجب ان يتبعها السودانيين عامة والاعضاء خاصة فيما يخص الوحدة السودانية ...وهل من يفتح بوست يتحدث عن( مدينته.. او قبيلته... او يخص التطبيعات مع الدول التي لها مصلحة او تامر لتفتيت السودان واهله...او سب الدين والعقيدة...او سب زعماء الاحزاب ...او سب رجال الطرق الصوفية...او من يتحدث عن الانفصال سواء للجنوب او الغرب...او تسليم اي مواطن سوداني مهما كان لجهة خارجية ...او من يفتح بوست اساءة او تجريح او تشهير) ...هل هذا الشخص خارج من الطور السوداني وهل هو ياجج الصراع في السودان وبين الاعضاء؟؟؟ ؟؟؟؟ وهل هو يدعوا الي الفرقة وعدم التوحد والعنصرية؟؟؟
(2) نريد ان نعرف ما هي الاحكام ونتناقش فيها بهدوء وبدون سب او تجريح.
(3) نريد معرفة مسؤليات العضو تحديدا في فتح البوستات بخصوص اي شيئ لا يقبل القسمة علي اثنين...حتي لا يفتح احد بوستا يتحدث فيه عن مدينته او قبيلته ولا احد يتعرض له...بينما يفتح شخص آخر بوست شبيه ويطلع له احد الاعضاء ليشهر به لغرض ما في نفسه!!!
لا يوجد حل آخر غير هذه الاحكام... التي يجب ان نناقشها جميعا ونتفهمها ونتفق عليها...طبيعي جدا بل وصحي للغاية ان نختلف في بداية الحوار...لكن في النهاية نتفق فيما نريده سواء بآراء الاغلبية او بطريقة اخري ترونها... المهم في الامر ...ان يبدا في فتح هذا البوست في اقرب وقت وهو يكون بوست الموسم اذا اردتم...ويسهل علينا جميعا عدم التناحر والتناطح بها الشكل...ويرفع البوست عاليا بواسطة الاخ بكري ابوبكر...حتي اذا نسي احد الاعضاء يتم تذكيره ببوست الاحكام والمقاييس... وانا اول من يلتزم به...
والي ذلك الحين...ساواصل في بوست تعارف الجعليين مع التاكيد ان البوست للتعارف فقط واعدكم بالا اكتب اي شيئ يدعوا للفرقة...حيث حتي الان المنبر مليئ بمثل هذه البوستات ولا يوجد Guide Lines يجب اتباعها...ولا وصي ياتي بالتشهير بمن لا يحب ويترك من يحب!!!
Post: #112 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-13-2008, 03:58 PM Parent: #111
الي جميع الاخوة والمتداخلين
هذا بوست تعارف فقط وليس بوست عنصري
واتمني تواصل الجميع..ولن اطرح اي شيئ يؤدي الي عنصرية في هذا البوست
والشكر اجزله لكم جميعا
Post: #113 Title: Re: بوست تعارفي لكل الجعليين في المنبر...نرجوا المشاركة!!!! Author: معاوية الأرباب Date: 12-13-2008, 04:53 PM Parent: #112
معاويه الأرباب
كنت جعليا , حيث حمل جدي ود هضلول عصاته وبقجته وحماقته
مهاجرا من صهود المتمه قاصدا الجزيره الخضراء
وبعد مسيرة مضنيه تفيأ ظل شجرة عند تخوم الجزيره
وسرعان ما غط في نوم عميق حيث أتاه ملكان فشقا صدره
ثم أخرجا مضغة سوداء من قلبه طرحها أحدهما بعيدا قائلا :
إنها العصبيه القبليه النتنه, ثم غسلا قلبه بالماء والثلج
قبل أن يصحو فيجد داخل أهابه إنسانا مبرأ من إعتقاد أنه الخير
المطلق وغيره الشر المحض .
Post: #204 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:56 PM Parent: #113
- عبد الله عقيد
- نزار حسين
- معاوية الارباب
مروركم اسعدني وفي غاية السعادة للتعرف بكم
Post: #114 Title: Re: بوست تعارفي لكل الجعليين في المنبر...نرجوا المشاركة!!!! Author: جلال عثمان Date: 12-13-2008, 07:15 PM Parent: #1
Quote: معاويه الأرباب
كنت جعليا , حيث حمل جدي ود هضلول عصاته وبقجته وحماقته
مهاجرا من صهود المتمه قاصدا الجزيره الخضراء
وبعد مسيرة مضنيه تفيأ ظل شجرة عند تخوم الجزيره
وسرعان ما غط في نوم عميق حيث أتاه ملكان فشقا صدره
ثم أخرجا مضغة سوداء من قلبه طرحها أحدهما بعيدا قائلا :
إنها العصبيه القبليه النتنه, ثم غسلا قلبه بالماء والثلج
قبل أن يصحو فيجد داخل أهابه إنسانا مبرأ من إعتقاد أنه الخير
المطلق وغيره الشر المحض .
ياسلام ياخ ينصر دينك ،،، بعض الكلمات لها وقع جميل في النفس وهذا اوقع ما وقع فس نفسي منذ حين
تسلم ياراقي
Post: #115 Title: Re: بوست تعارفي لكل الجعليين في المنبر...نرجوا المشاركة!!!! Author: خالد العبيد Date: 12-13-2008, 08:37 PM Parent: #1
الاخ معاوية تحياتي
Quote: خالد العبيد انت يا زول ود منو في قدو كدي أنا بديك سلك
اجبت في اعلى البوست على السؤال لمن سألني بن عمي ناذر الخليفة وباختصار انا من قدو ابا عن جد وفي صغري زرعت وقلعت البصل! والدي مشهور بالعبيد مكاو وامي مريم محمد دين ومكاو دي لو فسرت ليك معناها ناس الهامش بجو يبوظو البوست ده بيتنا في امتداد ناصر واهلي منتشرين في ضواحي الخرطوم الحلة الجديدة الصحافة اركويت الطائف الموردة الثورات ويتركز معظمهم في شقلة الحاج يوسف في ما عرف بفريق الجعليين ايميلي وتلفوني تلقاهم فوق انت تلفونك كم لانو الاتصال من هنا ساهل مودتي
Post: #116 Title: Re: بوست تعارفي لكل الجعليين في المنبر...نرجوا المشاركة!!!! Author: معاوية الأرباب Date: 12-13-2008, 09:25 PM Parent: #115
شكرا أخي الكريم جلال عثمان
تعليقكم أثلج صدري .
Post: #119 Title: Re: بوست تعارفي لكل الجعليين في المنبر...نرجوا المشاركة!!!! Author: nazar hussien Date: 12-14-2008, 08:41 AM Parent: #116
Quote: معاويه الأرباب
كنت جعليا , حيث حمل جدي ود هضلول عصاته وبقجته وحماقته
عبدالله الحسن المحامي (الله يرحمه)برضو امه بت هضلول...يعني امه بت جدك يعني عمتك...
ومن الارباب دي باين عليك في جزيرتك متنتح قوي في التجعيل يا الارباب ما تنفعل بي تعليقات الناس المضرين ديل...خليك في جعيلك...بل اتنتح فيه قوي...
وبعدين البوست كان حمي حا اجيب ليك مقال عبدالله الحسن عن طبائع النفس البشرية...
Post: #120 Title: Re: بوست تعارفي لكل الجعليين في المنبر...نرجوا المشاركة!!!! Author: بكري الخير Date: 12-14-2008, 09:01 AM Parent: #1
هيييييييييييييييييييع
جعلي ميرفابي من بربر
Post: #205 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:58 PM Parent: #120
- جلال حسين
- خالد العبيد
- بكري الخير
اتشرف كثير بمعرفتكم
دمتم يا اصحاب
Post: #121 Title: Re: بوست تعارفي لكل الجعليين في المنبر...نرجوا المشاركة!!!! Author: أحمد الشايقي Date: 12-14-2008, 09:10 AM Parent: #1
محمد شائق
هـو أحد أبناء إبراهيـم جعـل العباسي,
يعني كلنا أرابيب
تحياتي للحلوين
أحمد الشايقي
Post: #123 Title: Re: بوست تعارفي لكل الجعليين في المنبر...نرجوا المشاركة!!!! Author: معاوية عوض الكريم Date: 12-14-2008, 10:17 AM Parent: #1
ابشروا بالخير
جايين ..
Post: #124 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-14-2008, 03:29 PM Parent: #123
شكرا لكل المتداخلين
Post: #127 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-14-2008, 06:10 PM Parent: #1
خالد العبيد ....
بتعرف اولاد عبد المنان في قدو القديمة جنب السكة حديد ؟!!
واحد من أولادو إسمو العبيد .. وتاني في بلة وهو ود عمة الوالدة ..
وناس إبراهيم الحاج ..!!
نزار حسين ..
Quote: ما قلت لي من النوراب ال ببيقي ليك منو؟
ناذر خليفة أكيد بيكون بيبقى ليهو ..
وإحتمال عصام مبارك وأولاد أبو القاسم حسان والنزير وميسرة والعمة شامة ..
لو طلع من ديل كلهم أكيد ما حايطلع من ناس الماحي الدرديري هاشم ..!
Post: #128 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-15-2008, 01:39 AM Parent: #127
والله شرف عظيم ان اطلع قريبك يا نادر
Post: #129 Title: Re: بوست تعارفي لكل الجعليين في المنبر...نرجوا المشاركة!!!! Author: خالد العبيد Date: 12-15-2008, 02:10 AM Parent: #1
سلاااام يا ناذر يازول انت وصلت الميس تلفونك في البروفايل مافي لانو الاتصال من هنا ساهل ده ايميلي ارجو ان تزودني بي الموبايل [email protected] وللضمان كده ده تلفون شقيقي الاكبر محمد العبيد 0912163042
Post: #130 Title: Re: بوست تعارفي لكل الجعليين في المنبر...نرجوا المشاركة!!!! Author: nazar hussien Date: 12-15-2008, 07:23 AM Parent: #129
Quote: ناذر خليفة أكيد بيكون بيبقى ليهو ..
وإحتمال عصام مبارك وأولاد أبو القاسم حسان والنزير وميسرة والعمة شامة ..
لو طلع من ديل كلهم أكيد ما حايطلع من ناس الماحي الدرديري هاشم ..
يا ناذر انت ديل كلهم بتعرفهم؟
طيب الوداك الخرطوم 3 شنو؟ شكلو جدك كان نجيض..
جدنا حسين الله يرحمو...قال عرضو ليه...جروف في المقرن دا...بي شلن وكان عندو 25 قرش...ورفض...ولا هسي نحن الرمادة في خشمنا.. ونفتش في كسار الطوب من عصام الخواض ودريم لاند...
غايتو يا ناذر لو ناس عصام مبارك ومتوكل...ببقوا ليك...معناها بتبقي ليك قبيلة كبيرة...جدا...اكيد ما حا تكون عارف منها الا القليل جدا.. وأولهم انا زاتي القدامك دا...
يا زول اتاري السودان دا ضيق ضيق...
قبال تلاتة يوم بالصدفة لاقيت رجل متكيْ علي كرسي في مجمع تجاري قريب من محل سكننا...وعديت عليه دون ان انتبه الي ملامحه ولما جيت راجع اكتشفت اني اعرف ملامحه...من صورته بالمنبر.. صحبته معي البيت وكان وقت سفره قد شارف... كلمة كلمتين لقيتو جمال السنوسي...الشاعر الهلالابي الواحد دا وساكن قريب مننا ...وبيعرف أهلي معرفة وثيقة وبعرف أهلو..
Post: #131 Title: Re: بوست تعارفي لكل الجعليين في المنبر...نرجوا المشاركة!!!! Author: سيف اليزل الماحي Date: 12-15-2008, 08:08 AM Parent: #1
.
يا شباب .. نحنا جعلية خرطوم ساكت لكن أهلنا قالوا جدنا إسموا ود صدر الحصان شرق وغرب، بنفع معاكم؟
.
Post: #206 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 09:59 PM Parent: #131
- احمد الشايقي
- معاوية عوض الكريم
- سيف اليزل الماحي
نتمني التواصل من بعد البوست والمنبر
في غاية السعادة لمعرفتكم
Post: #132 Title: Re: بوست تعارفي لكل الجعليين في المنبر...نرجوا المشاركة!!!! Author: هويدا شرف الدين Date: 12-15-2008, 08:47 AM Parent: #1
بوست جميل والتعارف جميل بغض النظر عن الذين فهموا حاجة تانية والمشاكل التي دارت بسببه المهم في النهاية التعارف وفي واحدين كمان بطلعوا اهل وما جايبين خبر
أنا ما جعلية لكن أحي كل الجعليين
Post: #134 Title: Re: بوست تعارفي لكل الجعليين في المنبر...نرجوا المشاركة!!!! Author: AnwarKing Date: 12-15-2008, 01:09 PM Parent: #132
عندما رفعت المصاحف على أسنة الرماح...قال البعض أن الإحتكام سيكون لكلام الله "القرآن الكريم"...وقال سيدنا علي بن أبي طالب: أن هذا كلام حق، يُراد به باطل...
وأنا أكرر نفس المقولة اليوم!
Post: #135 Title: Re: بوست تعارفي لكل الجعليين في المنبر...نرجوا المشاركة!!!! Author: sami Alzubair Date: 12-15-2008, 02:06 PM Parent: #1
Quote: الاسم : هبة عبدالقادرالماحي ، مواليد امدرمان حي المسالمة العريق ، جعلية عمرابية أما" و ابا" الجذور من جبل أم علي و منطقة كلي ،
يا زولة بت ناس منو في كلي؟
***
Quote: محمد ودالمصطفى ودالعبيد ودكيقه جعلي ابا وام الوالد من الدويمات (قرى التضامن) وهي نفس منطقة الفنان حسين على مخمد جبريل طه (حسين شندي)
يا كيقا عندك علاقة بي اولاد المهدي علي المكي امام البدري وابوعبيدة المهدي وتاج الدين المهدي والجماعة ديل
***
Quote: وحاليا حتى ناس الشيبلية الجو منها اسسوا قرية الشبيليية وأعتقد هي جنوب قدو نفسها
يا ناذر انت من الجزيرة الشبيلية؟
***
Quote: مواهب السيد محمد احمد سلمة العدلاناب قوز المطرق حلة ابوالحسن ديم ام طريفى العتويب جنوب شندى والهوبجى وطبقة وسلوة جريف السعاداب المتمة
عندك معاك نضم
***
Quote: عبد الله حمد عقيد من مواليد الحليلة محلية المتمة السكن الخرطوم البريد الإلكتروني: ageed12 at yahoo
ود العم المختفي .. كيفنك؟
***
سامي عوض السيد محمد علي الزبير الابيضاب-الفرحسين-ام سدرة-الحليلة-كلي-الشبيلية
Post: #150 Title: Re: بوست تعارفي لكل الجعليين في المنبر...نرجوا المشاركة!!!! Author: heba Elmahi Date: 12-17-2008, 06:52 AM Parent: #135
حباب أخواني اولاد دار جعل البعرفوا الواجب و بعزو الاهل ، و حباب أخواتي بنات العز و بيت الكرم .
Quote: يا زولة بت ناس منو في كلي؟
لو انت من كلي اكيييد بتعرف ناس قسم السيد ( عمك علي قسم السيد و بابكر قسم السيد ) عايشين حاليا" في سنار ديل أهلي و اولاد عمك علي قسم السيد خيلاني . كدا وصلتا ولا لسة ؟ التحية مرة تانية لزوار البوست جعليين أصليين و بالانتساب و اصدقاء الجعليين
Post: #136 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-15-2008, 02:21 PM Parent: #1
نزار حسين ..
Quote: يا ناذر انت ديل كلهم بتعرفهم؟
طيب الوداك الخرطوم 3 شنو؟ شكلو جدك كان نجيض..
جدنا الله يرحمو كان بيجي الخرطوم لي تسويق البصل والفواكه ومنها يرجع تاني .. ولمن كترت عليهو المشاوير فكر يعمل ليهو بيوت في الخرطوم عشان يقعد فيها أولادو يرسل ليهم المحاصيل وهم يوزعوها هنا .. الزمن داك الخرطوم كانت خلا .. تصور من بيتنا في الديم أعمامي كان بيقولو إنهم بيشوفو النيل عدييل ..! ولي ورانا كانت البلد خلا لدرجة إنو شارع مدني كان بيتشاف ظاهر لمن عملو نميري ..!!
بيتنا الهسي دا أنا مولود فيهو .. لكن شوية شوية البلد إنزحمت والخرطوم إتملت من كل جنس ولون وزمان بيتنا الكنا بنشوف منو النيل هسي بقينا ما بنشوف منو أي حتة من شدة الزحمة ..!
Post: #137 Title: Re: بوست تعارفي لكل الجعليين في المنبر...نرجوا المشاركة!!!! Author: ناذر محمد الخليفة Date: 12-15-2008, 02:23 PM Parent: #1
خالد العبيد ..
Quote: سلاااام يا ناذر يازول انت وصلت الميس تلفونك في البروفايل مافي لانو الاتصال من هنا ساهل
تعرف يا ود العم ... ريحتك ظاهرة من الاهل ..
متذكر لمن قابلتك في المنتزه في أمدرمان يوم لمة البورداب قبل سنتين ولا تلاتة ..!!
عرفتك طوالي من الاهل بدون كلام .. دمك ظاهر وريحتك طاقة ..
Post: #143 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-16-2008, 06:31 PM Parent: #137
ناذر
انت لسه بتمشي المنتزهات؟؟
Post: #138 Title: Re: بوست تعارفي لكل الجعليين في المنبر...نرجوا المشاركة!!!! Author: Abdelmuhsin Said Date: 12-15-2008, 03:04 PM Parent: #1
Quote: تصور من بيتنا في الديم أعمامي كان بيقولو إنهم بيشوفو النيل عدييل
الكترابه ياودالخليفه ده قويه , النيل ده كان فى شارع كترينا . looool
Post: #140 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-15-2008, 11:51 PM Parent: #138
شكرا يا شباب
معرفتكم كنز
Post: #207 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 10:02 PM Parent: #138
- هويدا شرف الدين
- سامي الزبير
- هبة الماحي
- عبد المحسن
شكرا كتير علي المرور
في غاية الانس والفرح بطلتكم البهية
اعتز بمعرفتكم
Post: #141 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-16-2008, 00:11 AM Parent: #1
Quote: التعارف جميل بالحيل....والفهمو غلط بأسبابهم...وقاعدين يناقشوا هنا الجعلي ود العمارات، يعود بنا خمس سنوات الى الوراء!!! أركز للبطان بالمدافع! لسع النقاش ما أنتهى وأنحنا جعليين...وبنحي الجعليين الأصحاء بس...ولا عزاء للعنصريين أو القبليين!
عندما رفعت المصاحف على أسنة الرماح...قال البعض أن الإحتكام سيكون لكلام الله "القرآن الكريم"...وقال سيدنا علي بن أبي طالب: أن هذا كلام حق، يُراد به باطل...
وأنا أكرر نفس المقولة اليوم!
أنور يا خي فتحت ليك بوست بي هناك أفتكر ما في داعي لي إنك تجر البوست دا حسب هواك المتداخلين في البوست دا كثيرين و أفتكر المفروض إنك على الأقل تحترم رأيهم في البوست لأنهم طالما إنهم تداخلوا فيه دا معناه إنهم راضيين عنه فإحترم رأيهم في البوست و اللي إنت عايزوا إذا كان هو عايزك كان جاك في بوستك هناك و ما تحاول تستفزهم علشان إصروا وشهم و إجوك بي هناك.
و ياخي بالله أفتح مليون بوست و أكتب فيها اللي إنت عايزو و لو في زول عايز إشارك بجيك
شايفك تجرجر في الناس لي بوستاتك و شايف الفيديو كليبات بتاعاتك اللي بقت أكتر من فيديوكليبات نانسي عجرم شي لي ربيكا و شي لي فاطمة خالد ماليه البورد و اليو تيوب
مع تحيات جعلي أمبده.
و تحياتي لك الجعليين و غير الجعليين اللي فهموا الغرض من البوست
Post: #142 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-16-2008, 00:31 AM Parent: #141
Post: #146 Title: Re: بوست تعارفي لكل الجعليين في المنبر...نرجوا المشاركة!!!! Author: احمد معتصم الطيب Date: 12-16-2008, 11:50 PM Parent: #142
حبابكم ألف أولاد جعل حباب العرفة والعز أهــل
أحمد معتصم الطيب جعلى وجعلى وجعلى والماعاجبو يشرب من البحر ولا اقول ليكم يتحرق فى حريق جدى المك .................. والجعلى جعلى لو سكن لاس فيغاس ولاحي الزهور ولا شنو يا أشرف مصطفى ود العمارات
Post: #147 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-17-2008, 02:20 AM Parent: #146
الاخ العزيز
احمد معتصم
Quote: حبابكم ألف أولاد جعل حباب العرفة والعز أهــل
أحمد معتصم الطيب جعلى وجعلى وجعلى والماعاجبو يشرب من البحر ولا اقول ليكم يتحرق فى حريق جدى المك .................. والجعلى جعلى لو سكن لاس فيغاس ولاحي الزهور ولا شنو يا أشرف مصطفى ود العمارات
ده والله شرف عظيم لنا
وانشاء الله يدوم التواصل بيننا داخل وخارج المنبر
وسعيد جدا بمعرفتك
Post: #148 Title: Re: بوست تعارفي لكل الجعليين في المنبر...نرجوا المشاركة!!!! Author: سناء عبد السيد Date: 12-17-2008, 02:38 AM Parent: #1
سناء عبد السيد جعلية بالانتساب
و كان ما قبلتونا بالانتساب عندنا نص بديرية دهمشية و نص شوايقة كيف معاكم باعتبار انه القبيلتين ديل تابعيين للجعليين
Post: #149 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-17-2008, 05:49 AM Parent: #148
Quote: سناء عبد السيد جعلية بالانتساب
لا مانع
الأخ أشـرف لإجراء اللازم و تسجيلها في قائمة الجعليين بالمنبر حسب النظام
و الله يا سناء إنتي جعلية و نص كمان
تحياتي
Post: #152 Title: Re: بوست تعارفي لكل الجعليين في المنبر...نرجوا المشاركة!!!! Author: AnwarKing Date: 12-17-2008, 01:41 PM Parent: #149
Quote: لا مانع
الأخ أشـرف لإجراء اللازم و تسجيلها في قائمة الجعليين بالمنبر حسب النظام
و الله يا سناء إنتي جعلية و نص كمان
تحياتي
ومعاك واحد شاي يا ولد بالله!
يا أبو حسين... ما تقوم به هنا مؤسف جداً والله...ثمنه سيكون حريقاً في المستقبل، لن نقدر على أخماده...
فقط البوم...البوووووووووم هو من يحب الخراب...وعشمي فيك غير كده!
اللغة العنصرية التي تفوح هنا وهناك دون إدانة منكم يجعلكم مشتركين في الجريمة....
وتذكروا يوم لا ينفع قبيلة ولا بنون....إلا من أتى الله بقلب سليم...(سلييييييييييييييييم) مش وسخان! السبب الوحيد المخليني محاحي هنا...هو العلاقة....لكن لو أستمريتو...فأنا برئ منكم...
اللهم هل بلّغت؟ اللهم فأشهد.
أنور
Post: #155 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-17-2008, 03:09 PM Parent: #152
Quote: يا أبو حسين... ما تقوم به هنا مؤسف جداً والله...ثمنه سيكون حريقاً في المستقبل، لن نقدر على أخماده...
ما تقول لي قمت بي شنو ؟؟ ما فهمت بالضبط
Quote: فقط البوم...البوووووووووم هو من يحب الخراب...وعشمي فيك غير كده!
طالما إنك شددت علي البوم دا معناه إنو أنا حسب وصفك بووووووووووووم قول لي كيف أنا بحب الخراب يا أنور علشان الناس دي كلها تعرف إنو أنا فعلاً بووووووووووووووم
Quote: اللغة العنصرية التي تفوح هنا وهناك دون إدانة منكم يجعلكم مشتركين في الجريمة....
عنصرية شنو يا أنور و جريمة شنو يا أنور
شوف يا أنور أنا بدخل ليك توووووش في الموضوع يا أنور دا بوست إتفتح للتعارف بالنسبة للجعليين و الناس كلها دخلت و بحسن نية و بدون حساسية و البوست دا في ناس كتيرين عرفوا فيه أقربائهم و كانوا بداخلوا معاهم من سنين في البوست دا بس عرفوا إنو في صلة رحم و أنا واحد منهم إنت لأنو عقلك ما بياخد أبسط الأشياء بحسن النية حتى يتأكد من حسن النية أو عدمها علشان كدا إعتبرت البوست عنصري و فتحت بوست طويل عريض العنوان بتاعوا ستين ألف عنصري و ما جاب مريسة تام زينه جيت تتداخل تاني علشان تطلع ميتين أم البوست حسادة ما معروف حقد ما معروف عدم الإعتراف بالخطأ الواضح ما معروف و أنا ما عارف بوست توصفوا بالبائس و العنصري و إنو اللي فيه بحبوا الخراب ليه بتداخل فيه ؟؟؟؟؟ يا أنور البوست دا عنصري و بائس و زي الزفت إتخارج منو علشان ما تساعد على كل الأوصاف السيئة دي
خلينا في عنصريتنا و بؤسنا و أفتح مليون بوست حلل فيها زي ما عايز و جيب كل قاموس الأوصاف السيئة و أرميها فينا بـس خلي الناس تكتب و تقرأ زي ما هي عايزة مش زي ما إنت عايز لأنك إنت لا نبي و لا ملك علشان تكون إنت الصاح و كل الناس اللي هنا غلط.
و البوست دا تداخلوا فيه غير الجعليين ما في زول شال ليهم عكاز و لا سكين و طردهم
و يا أنور شوف أنا جعلي و أبوي جعلي و من حقي أتفاخر بي كدا و من حقي أعرف كل الجعليين مش علشان اللي إنت بتفكر فيه لكن دي بتدخل في صلة الرحم اللي الرسول صلى الله عليه و سلم قال إنها من ضمن الأشياء اللي بتدخل الجنة بسلام.
أنور لو عايز تدخل مجال النضال دا من حقك لكن على حسابي أنا لا و ستين ألف لا
دي آخر مداخلة و حا أتغاضى عن كل إساءة و أوصاف غير مقبولة قبلها لكن بعدها ما حا أقبل أي كلمة من نوع الكلمات اللي بتشبهك و ذكرتها في المداخلة اللي رديت عليها الآن.
و تحياتي لي كل الجعليين ناس العمارت و الخرابات السمحيين و الشينين الحمر و الفوشي ما عدا الناس المعقدين و الفاكينها في روحهم و الناس اللي إتفوقوا علي نانسي عجرم في إنتاج الفيديو كليبات.
سلام يا ناس البوست جعليين و غير جعليين
Post: #151 Title: Re: بوست تعارفي لكل الجعليين في المنبر...نرجوا المشاركة!!!! Author: محمَّد زين الشفيع أحمد Date: 12-17-2008, 08:07 AM Parent: #1
الْحبيبُ والقَـريبُ / أشرف مُصْطَفى ..
أطالَ اللهُ عمرَكَ يا صاحبَ الدَّارِ والفِـكْـرة ..
لا مَانِعَ – في تقديري - أنْ يتعرَّفَ الأخُ على أخيهِ أوْ ابنِ عَمِّه
Post: #157 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-18-2008, 01:37 AM Parent: #156
شكرا لجميع المتداخلين والمتداخلات
وانشاء الله يعم التواصل..
Post: #158 Title: Re: بوست تعارفي لكل الجعليين في المنبر...نرجوا المشاركة!!!! Author: سناء عبد السيد Date: 12-18-2008, 02:09 AM Parent: #1
Quote: و الله يا سناء إنتي جعلية و نص كمان
تحياتي
لينا الشرف و الله يا ابو الحسين يا اخوي
Post: #167 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-19-2008, 05:28 PM Parent: #158
شرف عظيم يا سناء والله
وقدرك عالي جدا بيننا اهلك
وتلقينا في الحارة انشاء الله
Post: #159 Title: Re: بوست تعارفي لكل الجعليين في المنبر...نرجوا المشاركة!!!! Author: Al-Mansour Jaafar Date: 12-18-2008, 02:09 AM Parent: #1
القارئي الكريم
السلام عليكم ورحمة الله
كل سنة وإنت طيب
الكلام ضد (جدوى) الضرب بالصرم في السياسة كلام عقل بس الموضوع (كله) تجاوز منذ سنة 2003 حتة العقلانية والحرية والإخاء والمساواة والكرامة البشرية. إلى حالة عدوان وحرب إجراميةإمبريالية لإنتهاك دولة والإساءة إلى حقوق وكرامة الشعوب.
عملية إطلاق هذا الحذاء الشريف (قدس الله سره) في وجه ممثل الغطرسة والهيمنة الإمبريالية هي الخط الفاصل بين كينونة المهني في مجاله والسياسي البرجوازي أو الشيوعي في السياسة، وكينونة الإنسان في تلخيص معركة الكرامة وإجتراح السلاح والفعل الضد رمز الغطرسة والطغيان.
إطلاق هذا الحذاء ضد الرئيس الأمريكي هو التعبير (الأسمى) في ذلك المحل عن رفض العراقيين وجمهور الإنسانية للإحتلال الإمبريالي.
أنا شخصياً كنت أفضل قذف الرئيس الأمريكي جورج بوش بحذاء أقدم وأوسخ وأن يرفق الحذاء المرسل والإرسال ببلغم لولا التقاليد السودانية المعشعشة في رأسي أن ضرب الأعادي يكون بالسلاح ولكن للظروف أحكام. أما الحروب والديبلوماسية والسياسة والثورات فيسأل عنها القادة والهيئات المختصة لا مثل هذا المواطن الفرد الذي رد بعفوية نبيلة وشهامة كبرى شيئاً من الإهانات الأمريكية التي لا تزال توجه إلى دولته العراق وشعبه وأمته وإلى الإنسانية جمعاء.
فالمجد لمنتصر الزيدي وحذائه والمجد للمقاومة الوطنية العراقية
أماالآن فلنوجه أحذيتنا إلى رؤوساءنا الظالمين فالمعنى الجميل موفور في حدف الظلمة بالأحذية والزيادة مطلوبة في الكاتيوشا
وقد أفيد الذواكر بأن "الأتكيت" و"الكرم" هي محلات تجارية تقع في السوق الحرة خارج المنطقة الخضراء وهي أيضاً أسماء لبعض حقول النفط التي سرقتهاالإمبريالية بقيادة المعتوه بوش.
كل المجد لمنتصر الزيدي وحذائه
المجد للمقاومة الوطنية العراقية ضد الإحتلال الإمبريالي
ولهم ولكم التقدير والإحترام
Post: #160 Title: Re: بوست تعارفي لكل الجعليين في المنبر...نرجوا المشاركة!!!! Author: nazar hussien Date: 12-18-2008, 07:14 AM Parent: #159
Quote: فهيَ : ( آمنة بت مُصطفى ود عبد الله ود حامد ودَّ العيبة ) ، وأهلنا بالجويرِ
ريفي شندي .
أها قولوا أربعة...
أنا من زمان بفتش لي الجعليين...المندسين في الجزر ديل
أنا حاجزك عديييييييل كدي...عشان اوريك باقي أهلك بيت بيت
Post: #161 Title: Re: بوست تعارفي لكل الجعليين في المنبر...نرجوا المشاركة!!!! Author: محمَّد زين الشفيع أحمد Date: 12-18-2008, 07:29 AM Parent: #1
Quote: أها قولوا أربعة...
أنا من زمان بفتش لي الجعليين...المندسين في الجزر ديل
أنا حاجزك عديييييييل كدي...عشان اوريك باقي أهلك بيت بيت
الحبيبُ والقريبُ / نِـزَار حُسـين ..
لكَ التَّحيَّاتُ الشَّامِخاتْ ،
شَرُفْتُ بوجُودِكَ هُنـا وردِّكَ
المُطَمْئنْ ،
وفي انتظارِ تفصيلِكَ
يَا صديقي .
احترامي كامِلُهُ لكَ ولمَنْ هُمْ
حَوْلَكْ ..
أخوك / محمَّد زين . ______________________
Post: #162 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-18-2008, 08:42 AM Parent: #1
Al-Mansour Jaafar
Quote: الكلام ضد (جدوى) الضرب بالصرم في السياسة كلام عقل بس الموضوع (كله) تجاوز منذ سنة 2003 حتة العقلانية والحرية والإخاء والمساواة والكرامة البشرية. إلى حالة عدوان وحرب إجراميةإمبريالية لإنتهاك دولة والإساءة إلى حقوق وكرامة الشعوب.
عملية إطلاق هذا الحذاء الشريف (قدس الله سره) في وجه ممثل الغطرسة والهيمنة الإمبريالية هي الخط الفاصل بين كينونة المهني في مجاله والسياسي البرجوازي أو الشيوعي في السياسة، وكينونة الإنسان في تلخيص معركة الكرامة وإجتراح السلاح والفعل الضد رمز الغطرسة والطغيان.
إطلاق هذا الحذاء ضد الرئيس الأمريكي هو التعبير (الأسمى) في ذلك المحل عن رفض العراقيين وجمهور الإنسانية للإحتلال الإمبريالي.
أنا شخصياً كنت أفضل قذف الرئيس الأمريكي جورج بوش بحذاء أقدم وأوسخ وأن يرفق الحذاء المرسل والإرسال ببلغم لولا التقاليد السودانية المعشعشة في رأسي أن ضرب الأعادي يكون بالسلاح ولكن للظروف أحكام. أما الحروب والديبلوماسية والسياسة والثورات فيسأل عنها القادة والهيئات المختصة لا مثل هذا المواطن الفرد الذي رد بعفوية نبيلة وشهامة كبرى شيئاً من الإهانات الأمريكية التي لا تزال توجه إلى دولته العراق وشعبه وأمته وإلى الإنسانية جمعاء.
فالمجد لمنتصر الزيدي وحذائه والمجد للمقاومة الوطنية العراقية
أماالآن فلنوجه أحذيتنا إلى رؤوساءنا الظالمين فالمعنى الجميل موفور في حدف الظلمة بالأحذية والزيادة مطلوبة في الكاتيوشا
يا خوي إنت بتبيع تسالي ؟؟؟؟؟؟ البوست عن الجعليين موضوعك دا إنت شايلو و حايم بيهو كل البوستات ما خلاص أفتح ليك بوست بدل دا كلو
Post: #166 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-18-2008, 11:07 PM Parent: #162
ابو حسين الجميل
وجودك ضروري وملح
ارجوا الاستمرار
Post: #163 Title: Re: بوست تعارفي لكل الجعليين في المنبر...نرجوا المشاركة!!!! Author: ABUHUSSEIN Date: 12-18-2008, 08:46 AM Parent: #1
أختنا راوية
Quote: راوية عبدالحميد العباسي جعلية مكابرابية من المحمية غرب النوبة والجابراب والمكنية والفادنية لغاية الزيداب حاليا في بنسلفينيا
أنا من زمان أقول شفتك وين.... شفتك وين ؟؟؟؟
و بالمناسبة أختك الما منها فايدة لابدة وين ؟؟؟؟؟؟
تحياتي لكل الأهل
Post: #208 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-25-2008, 10:06 PM Parent: #163
- سناء عبد السيد
- محمد زين الشفيع
- ابو حسين
- هيثم الجلال
لي عظيم الشرف بمعرفتكم وصداقتكم وقرابة لبعضكم
وسعيد جدا بوجودي بينكم
Post: #164 Title: Re: بوست تعارفي لكل الجعليين في المنبر...نرجوا المشاركة!!!! Author: Haitham El Galal Date: 12-18-2008, 09:09 AM Parent: #1
سلام عليكم يا ناس
هلا هلا ابشرو بالخير
كل عام وانتم بالف خير والبلد بالف الف خير
هيثم الحسين احمد الجلال جعلى مسلمابى جلالابى المحميه غرب - سقادى غرب وعشوشه و راس القوز(قوز الحسين)والسيال والعمراب و قوز العشر
حاليا بالخرطوم لكن الصله لمن تنقطع والحمدلله
هيثم الجلال
Post: #165 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-18-2008, 05:28 PM Parent: #164
شكرا جزيلا لكل المتداخلين
وسعدت جدا بمعرفتكم
ونواصل في التعارف
Post: #170 Title: Re: بوست تعارفي لكل الجعليين في المنبر...نرجوا المشاركة!!!! Author: ASHRAF MUSTAFA Date: 12-21-2008, 11:48 PM Parent: #165
Quote: ايووووووووووووووووووووووووووووووووووى
طبعا ما قادر اصدق انو وضاحة رجعت بالسلامة وهي بخير الان ومعنا!!
ده لازم يكون ضرب من الاحلام!
ولا اريد التعليق لانني اظن ان الكاتب ما هو الا الهكر..
ويكون اسعد يوم بحق وحقيقي لو دي طلعت وضاحة بحق وحقيقي!
لكن اشك في ذلك!
Post: #173 Title: Re: بوست تعارفي لكل الجعليين في المنبر...نرجوا المشاركة!!!! Author: عبد اللطيف السيدح Date: 12-25-2008, 05:23 AM Parent: #170
حباب العبابسة اهل الكرم والساس والرأس والرأي السديد
ود عمكم عبد اللطيف ود السيدح، امتداد الاسرة من دامر المجذوب حتي شندي الشقالوة مروراً بارض الجدود قباتي والعالياب والمطمر والضيقة وكبوشية وهلمجرا جدنا في كل بلد سوالو ولاد يعني مابننزل ضيوف تب في قرية من قري الجعليين،جدي لابي الحاج حمدوبة عندو قبة قدر الضربةبالعقيدة غرب العالياب و جدي لامي الطيب ودضحوية امير المهاجرة والشاعر الفحل واسد البطانة الهصور
مقيم الان بالرحاب الطاهرة مكة المكرمة منذ عشر سنوات بي وليداتي احمدك ياربي
حبوبة وليداتي لأبيهم الذي هو ابن عمي لزم فاطمة الطيب ضحوية التي قال فيها والدهاشعراً
أكان ماسكت الباكيات واخلف الكية فوق الكية،، قولة ابو فاطنة يا الصادق خسارة عليا
والصادق هذا اخيه وابناؤه الان بديم القراي
اشكرك اخي خالد
والبطون مليانة خلاس من ناس لاعندهم اصل ولا فصل ولاطين ولاجزائر مسجلة ( تبس ) بكسر التا والبا انجليزي سجل اراضي الجعليين في ذلك الزمان وتسجليه معترف به قضائياً الي يومنا هذا، والمسجلو تبس مافي زول بنازعو تب، وكمان في خواجة تاني اسمو( اوميرا) واهلنا يحفظوا كل هذه الاسماء لاكثر من نصف قرن ومستنداتم معاهم وورقن في الخزن ، وبرضو تقولوا البلد اهلا مين، قوموا لفوا،
.
