Post: #1 Title: إقالة مدير الجمــارك Author: معتصم محمد صالح Date: 02-18-2008, 08:12 AM Parent: #0
اكدت مصادر في الخرطوم ان مدير الجمارك الفريق صلاح الشيخ قد احيل الى التقاعد ..
Post: #2 Title: Re: إقالة مدير الجمــارك Author: معتصم محمد صالح Date: 02-18-2008, 08:18 AM Parent: #1
Post: #3 Title: Re: إقالة مدير الجمــارك Author: Dr. Abdalla Siddig Date: 02-18-2008, 08:19 AM Parent: #1
خبر جميل
Post: #4 Title: Re: إقالة مدير الجمــارك Author: معتصم محمد صالح Date: 02-18-2008, 08:26 AM Parent: #3
Post: #5 Title: Re: إقالة مدير الجمــارك Author: عبدالله كع Date: 02-18-2008, 08:27 AM Parent: #1
الحمد لله رب العلمين
الله لا عاده ....... صلاح ..... دمو تقيل جداجداجدا
وما متعاون لا بحل ولا بربط
هو الزول لقبوخروف حيكون كيف؟؟؟؟؟؟؟
عجبي
Post: #43 Title: Re: إقالة مدير الجمــارك Author: مرتضي عباس Date: 02-19-2008, 02:56 PM Parent: #5
هو الزول لقبوخروف حيكون كيف؟؟؟؟؟؟؟ انت ماعارف انو جماعة من اهلنا حلفوا ان يزبحو من اليوم داك عمك لبد و لكن تحت حراسة . غايتو انا ما عارف حايعيش كيف في السودان الحل الوحيد اللجوء زي ماشرد ناس و شخصي منهم هذه هي عدالة السماء
Post: #6 Title: Re: إقالة مدير الجمــارك Author: عبدالله كع Date: 02-18-2008, 08:50 AM Parent: #1
الحمد لله رب العلمين
الله لا عاده ....... صلاح ..... دمو تقيل جداجداجدا
وما متعاون لا بحل ولا بربط
هو الزول لقبوخروف حيكون كيف؟؟؟؟؟؟؟
عجبي
Post: #7 Title: Re: إقالة مدير الجمــارك Author: أيمن الطيب Date: 02-18-2008, 09:34 AM Parent: #1
Quote: هو الزول لقبوخروف حيكون كيف؟؟؟؟؟؟؟
سلامات يا كع,
معقولة بس ياكع!!!
شفت ليك يوم زول واحد فى الدنيا دى آذاه خروف!! حصل يوم خروف عمل ليك حاجة!!!الخروف حصل يوم سأل ليه زول؟؟؟
شوفو ليكم حاجة تانية وأنسبوا لها ما شئتم من بنى البشر,,,,,,لكن الخروف ده عليكم الله خلوه فى حالو!!
لاقانى أمبارح مهموم وعيونو ورمانة من البكا وقال الزول السموه عليهو ده ظلموه بيه ظلم ماحصل ولا ح يحصل!!!
قولو تور!!!قولو تيس!!!قولو مرفعين بتاع فطايس!!
لكن الخروف صاحبنا ده,,,,, خلوه فى حالو ,,
كع دي بنطقوها كيف يا حيبب,,,مرفوعة أم منصوبة ما أظنها تكون مكسورة فقط للضرورة الموسيقية!!
شتات وورونا البعده منو!!الخوف يكون كديس خلا,,,,ياكل وينكر!
تحياتنا يا كع !!!
Post: #8 Title: Re: إقالة مدير الجمــارك Author: طلال عفيفي Date: 02-18-2008, 09:38 AM Parent: #7
ربنا يرحمنا من الباقيين .
Post: #9 Title: Re: إقالة مدير الجمــارك Author: Abomihyar Date: 02-18-2008, 09:44 AM Parent: #8
بالله هو النصيبة دا كان قاعد مدير للجمارك الزمن دا كلو؟؟؟
طيب وشايلنوا لي شنو يعني؟ لقوا واحد أزفت منو وللا شنو الفكرة؟؟
Post: #10 Title: Re: إقالة مدير الجمــارك Author: خضر الطيب Date: 02-18-2008, 09:45 AM Parent: #1
معتصم
كيف حالك
Quote: إقالة مدير الجمــارك
المصيبة بكرة تسمع بيهو بقى وزير
Post: #12 Title: Re: إقالة مدير الجمــارك Author: فيصل محمد خليل Date: 02-18-2008, 09:50 AM Parent: #10
جابو ليهو خطاب الاقالة باللغة اللاوندية?
Post: #11 Title: Re: إقالة مدير الجمــارك Author: عثمان دغيس Date: 02-18-2008, 09:48 AM Parent: #1
والله ده خبر بي مليون جنيه ( بالجديد )
بس يا خوانا كدي لأدوها صنة شوية يمكن بكرة يعينوه مدير جهاز المغتربين ...!
أها بعدين تمشوا وين ؟؟؟
أصلهم الناس ديل يقطعوا من هني ويوصلوا من هني ..!
وعجبي !!!!!!!!!!!!
Post: #13 Title: Re: إقالة مدير الجمــارك Author: معتصم محمد صالح Date: 02-18-2008, 09:54 AM Parent: #11
قوية يا فصيل ..
اللاوندية ....هاهاهاها
Post: #14 Title: Re: إقالة مدير الجمــارك Author: العوض المسلمي Date: 02-18-2008, 10:17 AM Parent: #1
سال المامور الانجليزي شيخ العرب ابوسن : انتو حاكمكم ده كيف معاكم؟ فرد شيخ العرب : هو كويس ومو بطال ولكنه طووووووووووووول ففهم الخواجه قصد شيخ العرب ولهذا نقول ان صلاح تب مافيه كلام ولكن بحسان الرتب طوووووووووول وتحياتي
Post: #34 Title: Re: إقالة مدير الجمــارك Author: doma Date: 02-19-2008, 05:23 AM Parent: #14
Quote: ولهذا نقول ان صلاح تب مافيه كلام ولكن بحسان الرتب طوووووووووول وتحياتي
سلام يا المسلمي الزول دا زمان نزل ليهو فيدو في لقاء تلفزيوني علي اليمن لو كنت انا و واحد من الرجال الا تمسخر عليهم كان صفقته و لو اتشنق بعدها دا راجل لا يحترم ادميه الناس . وما عنده الفاظ بمليم وزول همجي
Post: #15 Title: Re: إقالة مدير الجمــارك Author: محمد فرح Date: 02-18-2008, 10:29 AM Parent: #1
Quote: إقالة مدير الجمــارك
طيب تم الخبر ولا هاماك الجمارك بس..
أصدر الرئيس عمر البشير أمس قراراً باحالة وترقيات عدد من قيادات الشرطة وشمل القرار اعفاء 4 لواءات للتقاعد بالمعاش وهم: مدير الادارة العامة للمرور عزالدين سيد احمد مدير شرطة ولاية الجزيرة اللواء عبدالعال علي هارون اللواء ميرغني كوة وتم ترفيع 25 عميداً الى رتبة لواء مؤونة عام من الود
Post: #16 Title: Re: إقالة مدير الجمــارك Author: ود الباوقة Date: 02-18-2008, 10:49 AM Parent: #15
امنياتنا له بموقع جديد يخدم من خلاله الوطن والمواطنين ...
ود الباوقة
Post: #17 Title: Re: إقالة مدير الجمــارك Author: Nasruddin Al Basheer Date: 02-18-2008, 10:53 AM
الحمد لله الذي أذهب عنا الأذى وعافانا..
Post: #18 Title: Re: إقالة مدير الجمــارك Author: حيدر حسن ميرغني Date: 02-18-2008, 10:53 AM
انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000
ولاعلاقة لشهادتي بالانقاذ او تاييدها او موقف صلاح منها او عمله معها وربما لو لم اكن عرفته عن قرب لكان تعليقي مثلما علقتم به لكونه من رموز حكم لم يكن بيني وبينه ودا في يوم من الايام ولكن الحق يجب ان يقال صلاح الشيخ مواطن سوداني اغبش من عائلة غبش تقتلهم العفة وعزة النفس00000 قد لا يعجب البعض وجه صلاح او طريقة كلامة ولست هنا في الدفاع عن وجه او لهجة استخدمها ولكن اشهد الله ما عرفته الا نزيها ولدرجة لا يتخيلها الكتيرين00000
Post: #24 Title: Re: إقالة مدير الجمــارك Author: بدرالدين يعقوب Date: 02-18-2008, 01:42 PM Parent: #1
Quote: انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000
ياراجل خاف الله ده قطع عيش ناس كتار وقفل بيوت كتيرة ,,,ربنا لا عاده والناس ديل كلها في عنقة الي يوم الدين
Post: #25 Title: Re: إقالة مدير الجمــارك Author: Hisham Ibrahim Date: 02-18-2008, 02:28 PM Parent: #24
مبروك وعقبال الباقين !!!!
هشام
Post: #26 Title: Re: إقالة مدير الجمــارك Author: الطاهر عثمان Date: 02-18-2008, 02:44 PM Parent: #1
سمحة الملافظ زول ده كلامه وطريقتو مافيهو خير ابدأ انا خايف من كلام الدغيس وواحد من الاخوان يعينوا مدير جهاز المغتربين وله مدير لصالة المطار امان ما بيتفشه فينا كيف
Post: #27 Title: Re: إقالة مدير الجمــارك Author: يوسف الولى Date: 02-18-2008, 02:51 PM Parent: #1
يا خوفى من....
وبعد كل قيصر يموت قيصر جديد
Post: #28 Title: Re: إقالة مدير الجمــارك Author: محمد عادل Date: 02-18-2008, 02:53 PM Parent: #27
Post: #29 Title: Re: إقالة مدير الجمــارك Author: nazar hussien Date: 02-18-2008, 03:35 PM Parent: #28
Quote: انها شهادة لله فقد عرفت صلاح احمد الشيخ منذ ان كان موظف جمارك قبل عسكرة الجمارك وقبل ان تاتي الانقاذ واشهد الله انه من اكثر اهل السودان عفة في المال العام كان يسكن وهو موظف جمارك في غرفة جالوص واحدة بالديوم الشرقية ديم القنا، وووصل صلاح الشيخ الى اعلي منصب في الجمارك ولم يري عنه اي انسان ثراء او يشك احد في نزاهته ، والنزاهة هى القيمة المفقودة الان في الوطن، صلاح الشيخ مدير عام الجمارك رجل فقير يعيش على راتبة وكذلك اخوته ومنهم صديقي عثمان الذي يهاجر كل يوم من منزله بالزهور الى عملة في حلفاية الملوك متشعبطا في حافلات كل الخطوط دون ان تسمح ظروفه حتي باقتناء موتر00000
ولاعلاقة لشهادتي بالانقاذ او تاييدها او موقف صلاح منها او عمله معها وربما لو لم اكن عرفته عن قرب لكان تعليقي مثلما علقتم به لكونه من رموز حكم لم يكن بيني وبينه ودا في يوم من الايام ولكن الحق يجب ان يقال صلاح الشيخ مواطن سوداني اغبش من عائلة غبش تقتلهم العفة وعزة النفس00000 قد لا يعجب البعض وجه صلاح او طريقة كلامة ولست هنا في الدفاع عن وجه او لهجة استخدمها ولكن اشهد الله ما عرفته الا نزيها ولدرجة لا يتخيلها الكتيرين00000
وأنا اشهد بمثل ما شهدت...بالحق يا عبدالله...
فالرجل عفيف ونظيف...وكذلك كل اهله...واخوانه...لم نري او نسمع منهم او عنهم غير نزاهتهم وعفتهم بدءا بوالدهم عمنا احمد الشيخ الله يرحمه...وبيتهم في ديم القنا لم يتغير بتغير حال صلاح...وهو من قديم لا يعرف المجاملة ولا المحاباة حتي مع اهله...فالرجل نقي لكن يبدو ان المنصب كره الناس بالرغم من ان صلاح... هو نفسه صلاح...الذي كان يجلس معنا في طرف سرير بدكان جدنا الحاج عبدالكريم بحي القنا...
الرجل يطبق قوانين صارمة وهو جهة تنفيذية ولا يعرف المجاملة من ربي ما خلقوا يسوي شنو يعني...
نحن زمان في بداية اغترابنا ولما كان صلاح ضابط جمارك وبنعرفو زي ما بنعرف بقية اهلنا...كنا نظن ان شحن التلفزيونات لأهلنا ما مشكلة...لكن تبين لنا خطل ما زعمنا بمجرد ان طلبنا من صلاح مساعدتنا...طوالي عمل فيها ما بعرفنا خالص
هذي هي طبيعة صلاح التي عرفناه...وتأكدنا منها بعد ان وسطنا والده وكان رجلا بسيط وبشوش الله يرحمو...ووسطنا اخوانه...من بعده ولم تفلح كل محاولاتنا...وحتي حينما اصبح مديرا للجمارك...وأنا ابن حلته...او هكذا ازعم...رفض ان يسلم علي لحظة دخولي المطار الا بعد ان تجاوزت عتبات الجمارك...وهو لا يفتعل هذه التصرفات فهي طبيعته..
Post: #37 Title: Re: إقالة مدير الجمــارك Author: doma Date: 02-19-2008, 06:05 AM Parent: #29
يا نزار الموضوع ما نزاهته الموضوع ا نه ما عنده لفظ يعي جلف
Post: #31 Title: Re: إقالة مدير الجمــارك Author: Alshafea Ibrahim Date: 02-18-2008, 04:02 PM Parent: #1
صلاح راح وصلاح في الطريق وكلهم مافيهم صلاح لأنفسهم ناهيك لغيرهم .. الشغلانة والعلة والخلل في هذه الرموز اللا دينية الشيطانية .. نساءل الله أن يعجل هلاكهم ودمارهم يارب الشفيع
Quote: رفض ان يسلم علي لحظة دخولي المطار الا بعد ان تجاوزت عتبات الجمارك...وهو لا يفتعل هذه التصرفات فهي طبيعته..
اعتقد انه بهذه الصفات يصلح لان يتولى جهاز المغتربين .. و الاستاذ تاج الدين يصبح مدير الجمارك .. لتصبح هيئة اقتصادية .. تناطح جهاز المغتربين .. و تتلاحق الكتوف و لا بأس من ان يصبح كلاهما برتبة المشير .. مجرد اقتراح .. خاصة و ان الجهازين يكملان بعضهما و يتمتعان بالقدرة الثلاثية .. أسوة بسوبر ريد !
Post: #33 Title: Re: إقالة مدير الجمــارك Author: Osman Musa Date: 02-19-2008, 03:02 AM Parent: #32
ها ها باكر يمشى يفتح اكبر مكتب تخليص جمركى فى البلد . خبرات . وطبعن فاهم اللعب .. يا بلدى يا حبوب
Post: #36 Title: Re: إقالة مدير الجمــارك Author: Omer Abdalla Date: 02-19-2008, 05:44 AM Parent: #1
يا جماعة انتو الفرحانين ليها شنو؟ هل بتعتقدوا انو الانقاذ عندها كوادر بديلة أحسن من هذا الرجل الهمجي؟ ما كلهم أحمد وحاج أحمد بعدين ما شايفين كيزان المنبر في وادي وانتو في وادي وهل بتفتكروا عمر البشير بفكر أحسن منهم .. لعلها استراحة محارب يعود بعدها وهو أكثر عنجهية وتنطع على الفاضي .. ربنا يقلعهم كلهم من جذورهم ويريح البلد المسكين والمواطن الغلبان من شرورهم عمر
Post: #38 Title: Re: إقالة مدير الجمــارك Author: معتصم محمد صالح Date: 02-19-2008, 09:01 AM Parent: #36
أقوى المرشحين للخلافة ( اللواء نصر الدين محمد احمد ) مدير سودانير والذي كان قد تقدم باستقالته من منصبه العام الماضي ..
Post: #39 Title: Re: إقالة مدير الجمــارك Author: عبد الرحمن الطقي Date: 02-19-2008, 09:10 AM Parent: #36
القرار جاء متأخراً جداً بعد أن أذل هذا الفريق كثيراً من أبناء الشعب السوداني و كان سببأ أساسياً لأكل أموالهم بالباطل ( المكوس ) ، و علمت من مدة طويلة كثرة الشكاوى ضده و التي وصلت للرئيس و لكنه كان متمسكاً به قيل لضبطه لعملية الوارد ، صحيح أن الرجل كان حازماً في التعامل مع الوزراء و غيرهم من المسؤولين الحكوميين ، و لكن له الكثير من القرارات التعسفية الجائرة مثل منع سيارات المغتربين من الدخول كإفراج مؤقت إذا كانت موديل السنة ، و قد كان لي معه موقف في أغسطس 2007م بهذا الشأن و تسبب في خسائر كبيرة لي و أضرار معنوية وغيرها لي و لأسرتي ، و لعلي أفتح بوستاً أتناول فيه التفاصيل . و الخلاصة أن الرجل كان يعمل ضد الشعب و ضد الدولة أيضاً بتأليبه للناس عليها ، مما حدا ببعض من تعسف معه بالتهديد - و ربما فعل - بإهداء سيارته الكروزر لجبهة عبد الواحد محمد نور !!
و السؤال المهم : هل سيسير خلفه متبعاً خطا سلفه في التعسف و أخذ الأموال الطائلة بغير وجه حق ؟!
عبد الرحمن الطقي ،،،
Post: #40 Title: Re: إقالة مدير الجمــارك Author: معتصم محمد صالح Date: 02-19-2008, 11:09 AM Parent: #39
اللواء نصر الدين مدير سودانير السابق استراح (استراحة محارب) شوية كده وهو الآن مدير الجمارك .. وصلاح سيستريح أياما" (استراحة محارب) برضو وسيعود لمكان (أفدح) ... الأمر كله على سبيل التغيير (تغيير المود أو المزاج) بعد فترة طويلة فى المواقع التى شغلوها .. لا أكثر ولا أقل....فحواء السودان عقرت ولن تنجب أمثال هؤلاء - Super men - ...
وفى عهده تنامى عدد مرضى السرطان والفشل الكلوى! بسماحه لللبان الفاسدة والبسكويت الفاسد والمعلبات الفاسدة والدقيق الفاسد والاسمدة الفاسدةوالمبيدات الفاسدة والمحاليل والادوية الفاسدة وحتى الاسمنت الفاسد ودخلت سلع غير مطابقة للمواصفات مثل اطارات السيارات والبطاريات والاجهزة الكهربية! دخلت فى عهده سلع مزيفة ومقلدة ومورس الغش التجارى فى كثير من السلع المستوردة! تهرب الكثيرين من سداد الرسوم الجمركية كليا او جزئيا ! فى عهده تمت اعفاءات جمركية لمنظمات المؤتمر الوطنى واذرعته فى العمل المدنى! استغرب ان يعتلى منصب مدير الجمارك شخص لم يتلقى تعليما جامعيا راقيا فى ممرفق من اهم المرافق واشدها خطورة على الاطلاق ويحتاج لقدرات اكاديمية وادارية عالية! كيف نصف شخص تمت فى عهده كل هذه التجاوزات بالنجاح! جنى
