Post: #1
Title: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 10:18 AM
الخرطوم في 8/5( سونا ) تمكنت الإدارة العامة الجمارك _ فرع مكافحة التهريب من ضبط (1600) كرتونه حلويات لبان ( ساجق) قادمة من احدي الدول الغربية بعد عبورها لدولة عربية
و أوضح العميد شرطة أزهري إبراهيم عثمان مدير المكافحة بالجمارك أن الكمية المضبوطة تم ضبطها بميناء البحر الأحمر بعد متابعة دقيقة مضيفاً أن الكمية المضبوطة تحتوي علي (هرمونات ذكورية وأنثوية ) بعد اخذ العينات منها مبيناً الاهتمام الواضح لأفراد المكافحة أدي الكشف عن هذه الحلويات التي تمثل خطورة كبيرة علي الأشخاص في مرحلة المراهقة والطفولة باعتبارهم الفئة الأكثر استعمالاً لهذه الحلويات مما يتسبب في إحداث تغيرات كبيرة في الغدد والجهاز العصبي إضافة لتغيرات هرمونية للذكور والإناث
من جانبه أبان عبد المنعم محمد الحسن متخصص في الهرمونات أن الحلويات المضبوطة تمثل خطورة كبيرة علي الأطفال في سن المراهقة ولكل من يستخدم هذه الحلويات
كما أنها تسبب الإصابة بالسرطان كما تسبب أمراض أخري يصعب علاجها
يذكر أن الكمية المضبوطة تمثل 1600كرتونة تم القبض عليها كما تم ضبط كمية أخري بميناء بورتسودان
|
Post: #2
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: james
Date: 05-09-2008, 10:24 AM
Parent: #1
الدخل الشحنة ديه للسودان لو كان تبع الجماعة..كان اللبان اسع يجكو فيهو ....
|
Post: #3
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 10:32 AM
Parent: #2
يا عمك والله جكوهو جك .. قال ليك في كميات كبيرة دخلت زمااااان يعني الجك حصل ,,,,,
|
Post: #5
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: عبدالكريم الامين احمد
Date: 05-09-2008, 10:43 AM
Parent: #3
نستا لبان زي ده حسع مانعنو ليييييييه؟؟
سوي شنو واكل ليهم شنو الناس ديل..!!!
الناس فعلا دايرة (لبان) زي ده
عشان يجاوزوا بيهو (ربع الكيلو) بتاع السكر الهو ذاتو بقي في تلتلة....
|
Post: #9
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 01:18 PM
Parent: #5
Quote:
عشان يجاوزوا بيهو (ربع الكيلو) بتاع السكر الهو ذاتو بقي في تلتلة. |
يا كيكي القصة جاطت شديد والله انت من زمن رطل السكر ... والله ريد بل بقى المشروب الاول في السودان ,,, وشي بخاخات وشي دهانات وعييييك ..
Red Bull ده عرفتو ؟؟
|
Post: #4
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: محمد البشرى الخضر
Date: 05-09-2008, 10:40 AM
Parent: #1
موضوع مهم خااااااالس كالعادة| Quote: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء |
العلاقة بين العنوان و الخبر شنو ابويQuote: مما يتسبب في إحداث تغيرات كبيرة في الغدد والجهاز العصبي إضافة لتغيرات هرمونية للذكور والإناث
من جانبه أبان عبد المنعم محمد الحسن متخصص في الهرمونات أن الحلويات المضبوطة تمثل خطورة كبيرة علي الأطفال في سن المراهقة ولكل من يستخدم هذه الحلويات
كما أنها تسبب الإصابة بالسرطان كما تسبب أمراض أخري يصعب علاجها |
النقل عرفناه .. الفتوى شنو
ولا تكون المعلومات الزيادة من صاحبك بتاع التعليم العالي الضللك قبل كدا
إنت ما تبت من مباراته
|
Post: #6
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: haroon diyab
Date: 05-09-2008, 10:44 AM
Parent: #4
Quote: النقل عرفناه .. الفتوى شنو
ولا تكون المعلومات الزيادة من صاحبك بتاع التعليم العالي الضللك قبل كدا
إنت ما تبت من مباراته |
البوليس جااااااكم.....!
|
Post: #11
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 01:35 PM
Parent: #6
يا استاذ هارون ...
هاهي مزيد من الدفوعات بين يدي البوليس .. عله يطلق سراحنا
Quote: اعلنت سلطات الجمارك ضبط كميات كبيرة من حلوى «اللبان» اسرائيلية الصنع ، تحتوي على هرمونات من شأنها طمس الملامح الذكورية والانثوية والتأثير المباشر على الغدد وسرطنة الاجهزة التناسلية والفتك بالجهاز العصبي للانسان، وحذرت من خطورة تداولها، مشيرة الى غزو كميات منها للاسواق المحلية.
وكشف مدير ادارة مكافحة التهريب العميد ازهري ابراهيم عثمان، في مؤتمر صحافي امس، عن ضبط نحو 1600 كرتونة من تلك البضاعة ماركة «ساجق نال» الاسرائيلية المنشأ بميناء البحر الاحمر، بعدما وردت معلومات عن اشتباه في الشحنة اثر رفض احدى الدول العربية دخولها الى اسواقها.
وذكر ان الادارة اصدرت توجيهات بجمع الكميات التي غزت السوق في وقت سابق من ذات الماركة، مشيرا الى دخول الكميات عبر احدى الدول الصديقة .
واوضح مدير ادارة المعمل الجمركي العقيد محمد احمد الامين، ان ادارته تسلمت عينات من البضائع اثبتت نتائج فحصها لدى هيئة الطاقة الذرية، انها تحتوي على كميات من الهرمونات الانثوية والذكورية، بجانب احتوائها على مواد مسرطنة واخرى مخدرة .
وحذر د. عبد المنعم محمد حسن، الخبير في مجال الطاقة الذرية، من ان تلك الحلوى تحتوي على كميات كبيرة من هرمونات الانوثة والذكورة التي بامكانها احالة الذكر الى انثى والعكس، والتغيير في الملامح الجنسية، والتأثير المباشر على الجهاز العصبي والغدد وسرطنة الاجهزة التناسلية.
وقال إن القطعة الواحدة تحتوي على« .8» من تلك الهرمونات، تقدر بمبلغ 80 الف جنيه بينما تباع بخمسين او مائة جنيه، مشيرا الى ان الهدف منها غير برئ ، ونبه الى ان الاطفال في سن المراهقة اكثر تأثرا بها، واشار الى امكانية وجود مواد مخدرة تساعد على ادمانها، مؤكداً سهولة امتصاص الجسم لها بصورة مدهشة.
ووصف العميد ازهري ابراهيم ، الظاهرة بالخطيرة لتأثيرها المباشر على السلامة العامة، وقال إن البضاعة بالميناء الآن جميعها تحت السيطرة، بينما وجهنا بجمع الكميات الموجودة بالاسواق.
وناشد الجهات ذات الصلة، ان تقوم بدورها الرقابي على اكمل وجه، مؤكدا قدرة الجمارك على حماية سلامة المواطن والبلاد.
وفي السياق، كشف ازهري ابراهيم عن ضبط كميات من الذخيرة تقدر بـ «700» طلقة دوشكا مدفونة تحت الارض بمنطقة كسلا امس، مبينا ان ادارته قد وضعت خطة متكاملة لكسر شوكة تهريب السلاح، بينما اشار مدير ادارة المعمل الجمركي العقيد محمد احمد عن ضبط «18.500» علبة بف باف غير مطابقة للمواصفات عملنا على اعادة تصديرها وايقاف دخولها للبلاد.
|
|
Post: #10
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 01:27 PM
Parent: #4
ود البشرى ..
هو صاحبك اختفى مالو؟
موضوعي ده اسأل منو ود الصايم .. رسل ليهو رسالة خاصة قول ليهو لبان ( ساجق ) يعني شنو ؟؟
سمح أبوي ؟
|
Post: #7
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: انتصار محمد صالخ بشير
Date: 05-09-2008, 12:48 PM
Parent: #1
الاخ معتصم
السلام عليكم
اخى بقت على حلاوة لبان ؟ هنالك كثير من الكريمات والشامبوهات تحتوى على هرمونات ذكريه وانثويه بتمر عادى
يبقى دور المواصفات والمقايس عدم السماح بدخول اى منتج الا بعد التحليل ان تواكب وتغير من معايير الكشف لكل منتج
خليتك بعافيه
انتصار
التعديل لتعديل كلمة خطأ
|
Post: #12
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 01:41 PM
Parent: #7
| Quote: يبقى دور المواصفات والمقايس عدم السماح بدخول اى منتج الا بعد التحليل ان تواكب وتغير من معايير الكشف لكل منتج |
أختي المكرمة انتصار ..
السلطات بوضعها الحالي سواء الجمارك أو المواصفات لا تستطيع ضبط الوضع وذلك لتواضع وسائل عملها وحوجتها الماسة لاجهزة متطورة وما يتم ضبطه تلعب الصدفة فيه دوراً كبيراً ..
|
Post: #8
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: هشام مدنى
Date: 05-09-2008, 12:54 PM
Parent: #1
جميل ان تكون سلطات الجمارك اونلاين طوالى ونحترم ونقدر مجهودها
لكن...على اى اساس جاء التصريح؟
هل نتيجة تحليل للبان او مجرد تخمين وافتراض؟؟
وان فى تحليل حدث لماذا لا تنشر نتائج التحليل؟؟؟
فى السودان اليومين دى فى حاجات بتحصل غريبة !!!
تحياتى
|
Post: #13
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-09-2008, 01:46 PM
Parent: #8
Quote: لكن...على اى اساس جاء التصريح؟
هل نتيجة تحليل للبان او مجرد تخمين وافتراض؟؟
وان فى تحليل حدث لماذا لا تنشر نتائج التحليل؟؟؟ |
أخي هشام ..
قد تكون معلومات مسبقة عن المنتجات التي ضبطت .. وقد جاء في بعض الصحف ان عينات منها ارسلت لالمانيا لتحليلها ..
|
Post: #28
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Seif Elyazal Burae
Date: 05-10-2008, 07:51 AM
Parent: #13
الاخ معتصم
لقد أفلست هذه الحكومة ,خليهم أولا يصدوا خطر المخدرات التي هي المهلك الخطير لشبابنا.
مودتي
سيف
|
Post: #14
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Isa
Date: 05-09-2008, 01:48 PM
Parent: #1
الأخ معتصم والأخ محمد البشرى...سـلام
بالإضافة لسؤال الأخ محمد حول العلاقة بين (مثيرة للشهوة الجنسية) و(إحداث تغيرات كبيرة في الغدد والجهاز العصبي ) و(تسبب الإصابة بالسرطان كما تسبب أمراض أخري يصعب علاجها)... أتساءل أيضا عن علاقة إسرائيل بالموضوع إذ لم تذكرها إلا في العنوان وذكرت في الخبر (قادمة من احدي الدول الغربية بعد عبورها لدولة عربية)..أرجو أن تتكرم بالرد.. ولك الشكر.
|
Post: #15
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: محمد البشرى الخضر
Date: 05-09-2008, 02:02 PM
Parent: #1
يا معلم خليني من اب شنب الليلة الجمعة الولية بتزرو في الغسيل
اجي لي المزيد من دفوعات Quote: اعلنت سلطات الجمارك ضبط كميات كبيرة من حلوى «اللبان» اسرائيلية الصنع ، تحتوي على هرمونات من شأنها طمس الملامح الذكورية والانثوية والتأثير المباشر على الغدد وسرطنة الاجهزة التناسلية والفتك بالجهاز العصبي للانسان، وحذرت من خطورة تداولها، مشيرة الى غزو كميات منها للاسواق المحلية.
وكشف مدير ادارة مكافحة التهريب العميد ازهري ابراهيم عثمان، في مؤتمر صحافي امس، عن ضبط نحو 1600 كرتونة من تلك البضاعة ماركة «ساجق نال» الاسرائيلية المنشأ بميناء البحر الاحمر، بعدما وردت معلومات عن اشتباه في الشحنة اثر رفض احدى الدول العربية دخولها الى اسواقها.
وذكر ان الادارة اصدرت توجيهات بجمع الكميات التي غزت السوق في وقت سابق من ذات الماركة، مشيرا الى دخول الكميات عبر احدى الدول الصديقة .
واوضح مدير ادارة المعمل الجمركي العقيد محمد احمد الامين، ان ادارته تسلمت عينات من البضائع اثبتت نتائج فحصها لدى هيئة الطاقة الذرية، انها تحتوي على كميات من الهرمونات الانثوية والذكورية، بجانب احتوائها على مواد مسرطنة واخرى مخدرة .
وحذر د. عبد المنعم محمد حسن، الخبير في مجال الطاقة الذرية، من ان تلك الحلوى تحتوي على كميات كبيرة من هرمونات الانوثة والذكورة التي بامكانها احالة الذكر الى انثى والعكس، والتغيير في الملامح الجنسية، والتأثير المباشر على الجهاز العصبي والغدد وسرطنة الاجهزة التناسلية.
وقال إن القطعة الواحدة تحتوي على« .8» من تلك الهرمونات، تقدر بمبلغ 80 الف جنيه بينما تباع بخمسين او مائة جنيه، مشيرا الى ان الهدف منها غير برئ ، ونبه الى ان الاطفال في سن المراهقة اكثر تأثرا بها، واشار الى امكانية وجود مواد مخدرة تساعد على ادمانها، مؤكداً سهولة امتصاص الجسم لها بصورة مدهشة.
ووصف العميد ازهري ابراهيم ، الظاهرة بالخطيرة لتأثيرها المباشر على السلامة العامة، وقال إن البضاعة بالميناء الآن جميعها تحت السيطرة، بينما وجهنا بجمع الكميات الموجودة بالاسواق.
وناشد الجهات ذات الصلة، ان تقوم بدورها الرقابي على اكمل وجه، مؤكدا قدرة الجمارك على حماية سلامة المواطن والبلاد.
وفي السياق، كشف ازهري ابراهيم عن ضبط كميات من الذخيرة تقدر بـ «700» طلقة دوشكا مدفونة تحت الارض بمنطقة كسلا امس، مبينا ان ادارته قد وضعت خطة متكاملة لكسر شوكة تهريب السلاح، بينما اشار مدير ادارة المعمل الجمركي العقيد محمد احمد عن ضبط «18.500» علبة بف باف غير مطابقة للمواصفات عملنا على اعادة تصديرها وايقاف دخولها للبلاد. |
تمام البضاعة إسرائيلية لكن سؤالي ابو تحديدا عن الحتة بتاعة| Quote: مثيرة للشهوة الجنسية |
جبتها من وين
الكلام كلو عن هرمونات تحدث إختلال في طبيعة الإنسان و مواد مسرطنة و مخدرة
لافي سيرة مديدة لا كبرتة هنا
عرفنا اللفحي لكن العناوين المضللة دي جديدة
معظم المتداخلين يعلقون على اللبان باعتباره مثير للشهوة و دا حيؤثر في مصداقيتك -السجمانة اصلا - كنقلتي خبير
وكدا
|
Post: #16
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: amir jabir
Date: 05-09-2008, 02:05 PM
Parent: #15
| Quote: ان عينات منها ارسلت لالمانيا لتحليلها .. |
مافى مواصفات ومقايس فى السودان ولا شنوا ((هل يتم تحليل كل المواد المستوردة الى السودان فى المانيا))
|
Post: #17
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: كمال ادريس
Date: 05-09-2008, 03:03 PM
Parent: #1
وهاك هذا الخبر ايضا نقلا عن صحيفة الوطن السعودية في عدد اليوم.
Quote: بينها السمسم والذرة
إسرائيل تهرب المنتجات الزراعية السودانية عبر شركات إثيوبية
الخرطوم: فتحي العرضي
منحت الحكومة الإثيوبية شركة الزهرة الإسرائيلية أرضاً مساحتها 5000 فدان داخل الأراضي السودانية لزراعتها بالمحاصيل المختلفة.وتعمل شركة الزهرة الإسرائيلية للاستثمار الزراعي على استغلال وجودها داخل الأراضي السودانية للعمل في تهريب المنتجات الزراعية السودانية من السمسم والذرة عبر 3 شركات إثيوبية في مناطق الحمرة وهي: شركة "متن" وشركة "علي عبدو" وشركة "اتبارك زفيا". وتتم عمليات التهريب من خلال التنسيق مع أحد يهود الفلاشا وهو ملس زيتو أبتوني في منطقة دللو بجانب آخرين على رأسهم يوهانس قرماي وكندر ونوباتها.
وتسببت شركة الزهرة الإسرائيلية في مشاكل عديدة داخل الأراضي السودانية ومنها المساهمة في ارتفاع أسعار المحاصيل الزراعية.
|
|
Post: #18
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Tragie Mustafa
Date: 05-09-2008, 03:13 PM
Parent: #17
غايتو جنس محن يا نستا!!
اها كثر خير شركة الزهرة الاسرائيليه الآخير دفعت للمزارعين كما يبدو القيمة الحقيقية لمنتجاتهم:
Quote:
منحت الحكومة الإثيوبية شركة الزهرة الإسرائيلية أرضاً مساحتها 5000 فدان داخل الأراضي السودانية لزراعتها بالمحاصيل المختلفة.وتعمل شركة الزهرة الإسرائيلية للاستثمار الزراعي على استغلال وجودها داخل الأراضي السودانية للعمل في تهريب المنتجات الزراعية السودانية من السمسم والذرة عبر 3 شركات إثيوبية في مناطق الحمرة وهي: شركة "متن" وشركة "علي عبدو" وشركة "اتبارك زفيا". وتتم عمليات التهريب من خلال التنسيق مع أحد يهود الفلاشا وهو ملس زيتو أبتوني في منطقة دللو بجانب آخرين على رأسهم يوهانس قرماي وكندر ونوباتها.
وتسببت شركة الزهرة الإسرائيلية في مشاكل عديدة داخل الأراضي السودانية ومنهاالمساهمة في ارتفاع أسعار المحاصيل الزراعية. |
ولا عزاء للمزارعين!!
|
Post: #19
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Salwa Seyam
Date: 05-09-2008, 04:06 PM
Parent: #1
| Quote: منحت الحكومة الإثيوبية شركة الزهرة الإسرائيلية أرضاً مساحتها 5000 فدان داخل الأراضي السودانية |
دى كيف دى ؟؟؟؟
|
Post: #21
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: منتصر ابراهيم الزين
Date: 05-09-2008, 04:26 PM
Parent: #19
الاخ معتصم السلام
تعليقى البسيط على القصة دى انها ماقديمة اشك وعلى يقين انها فرية
من نسج عقلية المؤامرة والاوهام خصوصا الحاقها (باسرائيلية)(وجنسية)
لانهم على ثقة بانهم فى دولة وشعب وهم .
استنادى فى النفى ومصدر اليقين بالاضافة الى عقدة الجنس ومتعلقاتو
فى الذاكرة الحكاية القديمة عن الحزام القادر على تقليل خصوبة الرجال لو تتذكرو القصة دى..............
على العموم مطالبين بتحليل الحبكة السازجة وقديمة هل هى محاولة للالتفاف على حالة (العرمنة) السائدة ؟وحالة الحيالة العجيبة ووووووووووو
غايتو
|
Post: #20
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Salwa Seyam
Date: 05-09-2008, 04:14 PM
Parent: #1
يعنى كان الحكومة الاثيوبية بتمنح اراضى سودانية ماليها حق اسرائيل تسوى اى شئ !!!
|
Post: #22
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: بكري الصايغ
Date: 05-09-2008, 04:32 PM
Parent: #1
الأخ الـحـبيب الـحـبوب،
مـعـتـصـم مـحـمـد صـالـح،
تـحـياتي ومـودتـي،
1 - مـوضـوعك ذكرني بالشـركة السودانية القامت وبلا خجـل واسـتوردت لينا براز يـوناني (طازة!!!).... وانكشفت الفضـيحـة واتـنشـر الخـبـر فـي كل مكان وبـثت الـمـحطة الفضائيـة (الـجـزيرة ) بالتفاصـيل كل مايـتعلق بالـموضوع!!!،وليـوم النهارده ورغم مـرور عاميـن عـلي الفضيـحة ترفض الحكـومة الاعلان عن الأشـخاص الكـبااااار الوراءعـملية الاسـتيـراد!!!
2 - موضـوعـك ذكـرنـي بالـدقيق (الـمـسـرطن ) وياما كـتل ناس وناس!!!
3 - مـوضـوعك بشـبه مـوضـوع الأدوية الفاسـدة الـدخلت بالكـونتـرات وياما ناس اشــتروا وشـربو وبلعوا ...... ولـحـقو ناس الدقيق (الـمـسرطن )!!
4 - - موضـوعـك ذكـرنـي كـمان بالاسـلـحـة الخـفيفة والتقيلة الـدخلت البلاد بلارقابة ولارقيـب ... ومدافـع البازوكا والاربـجـي بقينا نسـتعملها ضـد حـراميـةالليل!!!!
5 - الـويسـكي الاسـكوتلندي اصـل بلاده، والكونياك الايطالـي الـمعتق، والانشاءالاثيوبية ، والشـري والبيـرة الفودكا الروسية كـلها سـلع دخلت البلاد وتباع سـرآ. كـيف دخلت البلاد ومنـو الوكيل وكـيف اتوزعـت?? ... دي اسـئلة سـئـموا مـنها الناس!!!
6 - السـودان بـقي يـحتل مرتبة مـتقدمة فـي قائـمة الـدول الافريقية التـي اسـتشـري فيـها تـجـارة الـمخدرات!!!، كـيف دخلت الـمخـدرات ومـن ويـن.... دي اسـئلة لايجـاوبك عليـها الا رئيـس ( مافيا ) قطاع الـمخدرات!!
7 - الاسـمـنت الـمخالف للـمواصـفات الـمطـلوبة دخـل البلد واتباع عـلي عـينك ياتاجـر!!!
8 - الناس الوافـدون للسـودان وعـندهم ايـدز وسـفلس وجـذام وبـهق ، فـي زول كـشف عليهم قبل مايـدخـلوا السودان????????. نكـشـف فـي بورتسـودان علي الـحاويات ونـدقق فـي محـتوياتهـا... ولانشـدد فـي القادميـن للبلاد!!!
ونـواصــــل...... د
|
Post: #29
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-10-2008, 07:58 AM
Parent: #22
الأخ الاستاذ بكري ..
لك التحايا ...
القصة اصبحت صراع مصالح لا أكثر وما يتم ضبطه اما بالصدفة أو بالكيد ..
|
Post: #23
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: jini
Date: 05-09-2008, 06:04 PM
Parent: #1
| Quote: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء |
العنوان من عندك ولا شنو!| Quote: لكمية المضبوطة تحتوي علي (هرمونات ذكورية وأنثوية ) |
دا حلومر يا مرسى!
الاتنين مع بعض!
الاولادد ياكلوا الذكورية والبنات الانثوية كيف!
والهرمونات دى من خنزير برضو!
جنى
|
Post: #24
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: بكري الصايغ
Date: 05-10-2008, 02:04 AM
Parent: #23
1 - قـطع غيار السيارات الـمغشـوشة دخـلت للبلاد بـمئات الاف!!!
2 - البـطاريات الفاسـدة،
3 - اخـشاب (الاسـتبـسـوس) الـممـنوع اسـتعمالها عالـميآ لانها تسبـب السرطـان،
4 - اقراص الفيديو والكمبيوترالـمقلدة،
5 - العاب الأطـفال الصـينيـة الـممنوع اسـتعمالها عالـميآ لانـهاخـطرةعلي صـحـة الأطـفال،
6 - العطور وادوات الزينة الـمقلـدة،
7 - الادوات الكـهربائيـة الـسيئة الصـنع (صـناعة تايوان)،
8 - الساعات والـمنبهات المـقلدة،
9 - وماخـــفـــــي اعـظـم!!!!
:::: سـلع ومـواد مغـشـوشـة ومـزورة وبعـضها مـحـظور عـالـميا دخـلت البلاد عـبـر مـيناء وجــمارك بورتسـودان... لان وراءهـا مـسؤوليـن كبار لـهم كلـمة نافـذة عـلي جـمارك بورتسـودان.... ولاعـزاء لللبان الـجـنـسـي!!!
____________________________________________________________
مـلحـوظة:
_______________
ارجـو الايفـهـم مـن تعليـقي اننـي مـع (اللبان) او احـقر عمـل رجـال الـجمارك،... ولكن اقول وبالصـوت ان الاجـراءات الصـارمةالتـي طـبقت عـلي (اللبان) وتـمت مـصادرته ومـنع دخـوله للبلاد يـجـب ان يطـبق ايـضآ وبنفس القـدر والشدة علي باقـي السلع الـمزورة والـمغشـوشـة والـمسـمومة ،والايكون هـناك كخـيار وفقـوس!!
|
Post: #25
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: سيف النصر محي الدين محمد أحمد
Date: 05-10-2008, 02:32 AM
Parent: #24
يا معتصم بالله تساؤلات جني دي ما تمشي فيها ساكت كده..
هل اللبان نوعين واحد للبنات فقط و بيطمس انوثتهم لما يلوكوه
و التاني للاولاد فقط و بيقلل من ذكورتهم لما يستعملوه؟
وللا الهرمونات الذكرية و الانثوية دي بتقدم في طبق واحد؟
و بعدين اللبان المليان هرمونات ده لازم يتحفظ في تلاجة
و للا ممكن يتخت في اي حته ساكت كده و يظل محتفظ بفعاليته؟
و اخيرا ساجق ده بيقرب لسجق و للا تشابه اسماء ساكت؟
|
Post: #31
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-10-2008, 08:18 AM
Parent: #25
يا دكتور سيف ...
والله ما مشيت فيها وجاييها لانو جني ده اسئلتو كلها في محلها واحترمها جداً ..
الخبر نشر في اكثر من صحيفة بتفاصيل متباينة في وصف المواد المضبوطة فبينما اكتفت بعض المصادر بالاشارة للهرمونات الا ان العبارات المحددة في عنوان البوست نشرت حرفياً في بعض الصحف مثل صحيفة الوطن وصحيفة حكايات ..
|
Post: #26
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: Mahjob Abdalla
Date: 05-10-2008, 03:56 AM
Parent: #1
وين السورة...
|
Post: #27
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: العوض المسلمي
Date: 05-10-2008, 07:42 AM
Parent: #1
معتصم سلام
| Quote: يا كيكي القصة جاطت شديد والله انت من زمن رطل السكر ... والله ريد بل بقى المشروب الاول في السودان ,,, وشي بخاخات وشي دهانات وعييييك |
شنو يعني الفقره دي
ما قادر افهم
وضح
|
Post: #30
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: humida
Date: 05-10-2008, 07:59 AM
Parent: #27
وين الصور يا جماعة ..
..
..
والله يا جماعة الخير حكاية اخونا المراسل نستا دي حكاية عجيبة ..
كل يوم من الصباح يرزعنا بخبر تسعين في المية يكون ما صحيح .. ولا اساسا موجود في الصحف علي الانترنت ..
مع الصورة الابيض واسود والقعدة الما خمج بيديك احساس انه في كوسة في البتنجان كدا .. وضروري يعني ..
..
..
في شنو يا عمك .. لبان بتاع فنلتك ..!!
|
Post: #33
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-10-2008, 08:27 AM
Parent: #30
| Quote: كل يوم من الصباح يرزعنا بخبر تسعين في المية يكون ما صحيح |
سئيلك الله ؟؟
|
Post: #32
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-10-2008, 08:24 AM
Parent: #27
العلبة دي قاعد تشوفا في البقالات يا العوض ؟؟
كتير موش كده ؟؟
|
Post: #34
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: العوض المسلمي
Date: 05-10-2008, 10:53 AM
Parent: #32
اها يامعتصم اخوي
شفتها كثير
ولكن دي بشربوها براها
ولا بياكلوا معاها شئ؟
|
Post: #35
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: معتصم محمد صالح
Date: 05-10-2008, 12:24 PM
Parent: #34
| Quote: ولا بياكلوا معاها شئ؟ |
ما ضروري ..
لكن لو اديتا لباناية كده ما بطال ...
|
Post: #36
Title: Re: دخلت كميات كبيرة منها من قبل ..ضبط حلوى اسرائيلية مثيرة للشهوة الجنسية بالميناء
Author: العوض المسلمي
Date: 05-10-2008, 01:15 PM
Parent: #35
معتصم اخوي
| Quote: لكن لو اديتا لباناية كده ما بطال ... |
لقيتك خبره يافرده
هههههههه
|
|