Post: #1
Title: مواد خطــرة في شبكة ميــاه الخرطوم
Author: معتصم محمد صالح
Date: 02-17-2009, 09:03 AM
اقرت هيئة مياه ولاية الخرطوم بوجود مواد خطرة على صحة الانسان بسبب تقادم شبكات المياه في عدد من احياء الخرطوم .
والمساكين يجغموا سااكت .. وببلاهة يستفسر بعض المسؤولين عن تزايد أسباب مرض الفشل الكلوي في السودان .. وتستقبل المستشفيات اعدادا جديدة من طالبي غسيل الكلى كل صباح .. ومليارات تنفق على ماكينات ومحاليل الغسيل وعمليات زراعة الكلى لو أنفق ربعها لأمكن تغيير شبكات المياه في كل السودان ..
|
Post: #2
Title: Re: مواد خطــرة في شبكة ميــاه الخرطوم
Author: SHIBKA
Date: 02-17-2009, 09:08 AM
Parent: #1
| Quote: اقرت هيئة مياه ولاية الخرطوم |
معتصم
عليك الله اعترفوا عديل كدا وبلا خجلة؟؟؟؟!!!!
والله العلم دا واسع خلاص
|
Post: #3
Title: Re: مواد خطــرة في شبكة ميــاه الخرطوم
Author: معتصم محمد صالح
Date: 02-17-2009, 09:12 AM
Parent: #2
Quote: عليك الله اعترفوا عديل كدا وبلا خجلة؟؟؟؟!!!!
|
والله يا شبكة كون انهم يعترفوا دي ذاااتا حاجة كويسة مش احسن مما كان يخلو الناس تجغم ساكت ..
ـــــــــــــ
912209259
الرقم ده اديهو لصاحبي لانو مما وصل ما اتصل علي ...
|
Post: #4
Title: Re: مواد خطــرة في شبكة ميــاه الخرطوم
Author: SHIBKA
Date: 02-17-2009, 09:17 AM
Parent: #3
حكاية الناس تجضم دي يحلوها من وين تاني ؟؟؟؟
صاحبك يازول حاصل عليهو البوست دا
السودان ظريف لكن داير مصاريف
|
Post: #5
Title: Re: مواد خطــرة في شبكة ميــاه الخرطوم
Author: Hisham Ibrahim
Date: 02-17-2009, 09:30 AM
Parent: #3
دا ما ياهو ذاتو يا معتصـم البيرفع لي الضغط ويخلي مصراني يفور والمغسة تحرق حشانا ذاتو
ياخ الناس ديل في مجالهم الجوي دا لي متين ؟
لي متين يتنزلوا لي مجال الشعب التعبان والمُنتهي دا متين ؟
العربات المشه في المواكب والصرف على إمتيازاتهم ومواكبهم ومسيراتهم وفسادهم دا - حدو وين ؟؟
حدو وين ؟
اللاندكروزر بي 150 مليون بالقديم !1 والصرف الحكومي أكتر منميزانية التعليم والصحه !
الناس ديل شغالين لي شعبنا دا والا شعب دولة تانية !
مرات كتيرة تقول في شعب في السماء غيرنا والا في سابع أرض !!
( الله بيننا وبينهم )
لا حول ولا قوة الا بالله العلي العظيم !
هشام
|
Post: #6
Title: Re: مواد خطــرة في شبكة ميــاه الخرطوم
Author: Hisham Ibrahim
Date: 02-17-2009, 09:32 AM
Parent: #3
دا ما ياهو ذاتو يا معتصـم البيرفع لي الضغط ويخلي مصراني يفور والمغسة تحرق حشانا ذاتو
ياخ الناس ديل في مجالهم الجوي دا لي متين ؟
لي متين يتنزلوا لي مجال الشعب التعبان والمُنتهي دا متين ؟
العربات المشه في المواكب والصرف على إمتيازاتهم ومواكبهم ومسيراتهم وفسادهم دا - حدو وين ؟؟
حدو وين ؟
اللاندكروزر بي 150 مليون بالقديم !1 والصرف الحكومي أكتر منميزانية التعليم والصحه !
الناس ديل شغالين لي شعبنا دا والا شعب دولة تانية !
مرات كتيرة تقول في شعب في السماء غيرنا والا في سابع أرض !!
( الله بيننا وبينهم )
لا حول ولا قوة الا بالله العلي العظيم !
هشام
|
Post: #7
Title: Re: مواد خطــرة في شبكة ميــاه الخرطوم
Author: عبدالله الامين صالح
Date: 02-17-2009, 11:27 AM
Parent: #6
| Quote: والمساكين يجغموا سااكت .. وببلاهة يستفسر بعض المسؤولين عن تزايد أسباب مرض الفشل الكلوي في السودان .. وتستقبل المستشفيات اعدادا جديدة من طالبي غسيل الكلى كل صباح .. ومليارات تنفق على ماكينات ومحاليل الغسيل وعمليات زراعة الكلى لو أنفق ربعها لأمكن تغيير شبكات المياه في كل السودان .. |
الاخ معتصم فى الفترة الاخيرة اصبحت اتردد على مراكز الغسيل الكلوى وذلك لاصاية اخى الاصغر بالفشل , تعرف انو عدد المراكز فى الخرطوم رقم كبير جد وجميع المراكو تعمل دوامين وثلاث دوامات ورغم ذلك تجد هناك اكتظاظ وبسجل يوميا حالات جديدة للاصابة . وبمعدلات عالية وغير منطقية وكل الحالات يكون سبب المرض غير معروف , وكما هو معروف ان الاسباب الرئيسية هى مرض السكر والضغط ولكن معظم الحالات تكون فى اعمار صغيرة وغير مصابة بالمرضين المذكوريين ولا يوجد شى وراثى فى الاسرة . هذا هنا فى الخرطوم اذهب الى الولايات تجد ان معدلات الاصابة كبيرة جدا مقارنة بالمقاييس العالمية وكثافة السكان . جمي هذه المعطيات تودى الى ان سبب الاصابات بالفشل هى المياه او الغذاء .
وشبكات المياه الموجودة حاليا فى كل السودان ليست مهترئة فقط بل مهلكةلالدينا فى كسلا وعند فتحك للحنفية صباحا تنزل مع المياه رواسب صدأ المواسير . وشبكات المياه من اهترائها عندما يكون ضغط المياه عاليا تنفجر بالرغم من المادة المصنوعة منها هى الخديد (المياه تثقب الماسورة ) والشبكات الجديدة من مادة بلاستيكية تتذوق طعمها فى المياه يعنى المساه كاملة الدسم
____________________________________________________
الماء الطاهر هو الماء الذى لاطعم له ولا رائحة مياه الخرطوم تتذوق فيها طعم اقرب ما يكون الى المبيد ويقال انه كلور هل هى طاهرة وصالحة للوضوء
|
Post: #8
Title: Re: مواد خطــرة في شبكة ميــاه الخرطوم
Author: معتصم محمد صالح
Date: 02-17-2009, 11:58 AM
Parent: #7
شكرا لكم ..
ربنا يشفب أخونا يا عبد الله ..
ويبدو ان هناك حمى استثمار في مراكز غسيل الكلى بتشجيع حكومي واضح ..
|
Post: #9
Title: Re: مواد خطــرة في شبكة ميــاه الخرطوم
Author: Shamael Elnoor
Date: 02-17-2009, 12:05 PM
Parent: #8
معتصم
ازيكـ
فعلا امس وانا بتوضأ للمغرب ، حسيت انو للماء رائحة ، براى فى سري قلت مش المناهج غيروها ، احتمال الماء اصبح له رائحة
موية الماسورة وطلعت ماسورة ، وموية الصحة قالوا فيها ماقالوا ،،
بعد شويتين يجينا مسعول من الحيكوم ويقترح للشعب السوداني ان يشرب الريح
|
Post: #10
Title: Re: مواد خطــرة في شبكة ميــاه الخرطوم
Author: معتصم محمد صالح
Date: 02-17-2009, 12:13 PM
Parent: #9
| Quote: موية الماسورة وطلعت ماسورة |
قوية دي يا شمائل
|
|