Post: #1
Title: تحفة عمرانية بالخرطوم .. يقال ان اسمها مسجد البشير ... صــور
Author: معتصم محمد صالح
Date: 09-19-2009, 01:16 PM
Parent: #0
يقع هذا المسجد في حي كافوري ..ويبدو انه لم يكتمل بعد ويجري العمل فيه على قدم وساق .. قال لي احد لمواطنين بالحي ان المسجد اسمه مسجد البشير وهو
الامر الذي ذكره مرافقي ايضا
|
Post: #2
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: يسرى معتصم
Date: 09-19-2009, 01:19 PM
Parent: #1
أها بدء المحاكمة متين
أخير قبلت لجوامع
|
Post: #3
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: معتصم محمد صالح
Date: 09-19-2009, 01:19 PM
Parent: #1
|
Post: #5
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: معتصم محمد صالح
Date: 09-19-2009, 01:21 PM
Parent: #3
عليك الله يا يسري ما ابداع ...
|
Post: #4
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: معتصم محمد صالح
Date: 09-19-2009, 01:20 PM
Parent: #1
|
Post: #7
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: احمد محمد بشير
Date: 09-19-2009, 01:26 PM
Parent: #1
الصور دي صحبك انور تكينة ماشافها ولا شنوا
اهو كويس كده... تم الاسفاده من اموال النفط
بسالباقي كتير من الدولارت التي تصل البلاد يوميا
لكن اسم المسجد قبيح ونطالب بتغييره فور الي اسم
لائق...
الله ينتقم من الحرامية و الكيزان ببركة العيد انشاء الله
_________
كل سنة وانت طيب يا قريبي والقابله علي امانيك.
سلمجي اوني نتو
|
Post: #9
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الناصر الخطيب
Date: 09-19-2009, 01:40 PM
Parent: #7
بصراحة مــــــــاظن
لو المسجد حق عمر البشير شخصيا
يبقي الصلاة فيه لا تجوز
لانو من ( حــــــــــــرام )
وأتحدي عالم دين في السودان يطلع فتوي زي دي
ما حيطلعوها لكين ببساطة دي الحقيقة
عمر البشير قاتل الأطفال ومغتصب النساء في دارفور
لو بناء السودان كلو مساجد
ماظن يكون لي مصير تاني غير ( جهنم وبئس المصير)
|
Post: #12
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الطيب رحمه قريمان
Date: 09-19-2009, 01:44 PM
Parent: #7
لا نعترض او فى بناء المساجد و لكن لو كان صاحب فكرة هذا المشروع حكيم و حريص على السودان لبنى و أعاد بناء مساجد فى بقاع السودان تهالكت تماما و لم يطالها التجديد على الاطلاق منذ تشيدها
هل تعلم ان كثير من المساجد على مرمى حجر من الخرطوم يصلى الناس فيها على بروش؟
"سباتات" قديمة "من زمن حفرو البحر"؟
و هل تعلم ان كثير من الناس يصلون تحت "رحراحة"؟
هل تعلم كثير من قري السودان لا يوجد فيها غير مسجد صغير لا يسوى 30% من المصلين؟
و هل تعلم ان تكلفة هذا المشروع كانت يمكن تشيد عدد كبير من المراكز الصحية
و الشفخانات لعلاج اهل السودان الذين يموتون من الملاريا ؟
هل تعلم اننا فى امس الحاجة لإيواء أيتام فقدوا كل أهلهم ؟
أعتقد ان هذا المسجد للتفاخر و الرياء و لم يكن لوجه الله ؟
نٍسأل الله ان يرينا فى الفسدةو المنافقين و آكلى السحت عجائب قدرته انه نعم الولى و نعم النصير.
|
Post: #10
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-19-2009, 01:42 PM
Parent: #8
نقول الله يعظَم الاجر في الاول
لكن خليهم يصلحوا الشوارع المليانة تراب دي في الاول
المساجد رغم معمارها الجميل كلها غبار من الداخل
الاهتمام بالبنية التحتية للصرف الصحي والسفلتة مهم جدا
البلد ما ناقصة مساجد
ناقصة مسؤلين عندهم ضمير يعرفوا الاحتياجات الاولية للمواطن
حتة مطرة تخليك واقف عريان
|
Post: #11
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الحكيم نصر
Date: 09-19-2009, 01:42 PM
Parent: #8
من اين له هذا؟
اذا تبرع من مال اسرته او ماله الخاص
فهذا امر لا تعقيب عليه..ولكن من اين اتي
عمر البشير بمال بناء المسجد ؟
من اين له المال لتبني زوجته فاخر المباني
في حي كافوري؟
سميت حدايق المقرن بحدائق مايو فاتت ثورة الشعب
واسمتها حدائق الشعب وحتما سيجئ اليوم الذي يصبح فيه
هذا المسجد مسجد الشعب
|
Post: #13
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ASHRAF MUSTAFA
Date: 09-19-2009, 02:12 PM
Parent: #11
المآذن دي شكلها كأنها صواريخ جاهزة للرد
فعلا بكون ده جامع البشير
ورسالته واضحة جدا السودان جاهز للرد في حال الاعتداء عليه
بكره امريكا تضرب الجامع ده تحت اي حجة
وتقولوا أشرف قال
|
Post: #14
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الناصر الخطيب
Date: 09-19-2009, 02:27 PM
Parent: #13
العزيز أشرف مصطفي
خلينا من كلام الصيام البتقول في ده
طرز المأذن هنا ( تركية )
وحتلقي الشبه ده في المسجد السليماني الكبير في أستانبول
ومسجد قلعة محمد على في مصر
بنيان المسجد ده من أفخم وأكتر طرز البناء كلفة
في إعتقادك ما كان في أولويات كتيرة أفضل الإنفاق فيها من الإنفاق البذخي ده
قبل أمريكا وصواريخة وتضربنا
ورمضان كريم
والعيد سعيد
|
Post: #15
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ombadda
Date: 09-19-2009, 02:35 PM
Parent: #13
-----
---------
|
Post: #17
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ود الباوقة
Date: 09-19-2009, 02:43 PM
Parent: #15
ومن بنى مسجدا لله بنى الله له بيتا في الجنة ففي الصحيحين وغيرهما عن عثمان بن عفان رضي الله عنه سمعت رسول الله صلى الله عليه وسلم يقول {من بنى مسجدا يبتغي به وجه الله بنى الله له بيتا في الجنة } . وفي رواية {بنى الله له مثله في الجنة}.
نسال الله ان يتقبل منه وان يوفقه في مساعي الخير
امييييييييييييين ...
شكرا اخونا معتصم صورة رائعة ..
|
Post: #58
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ادريس خليفة علم الهدي
Date: 09-20-2009, 11:20 PM
Parent: #17
بوق السلطان ودالباوقة .. خاف الله الخلقك
|
Post: #18
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حمور زيادة
Date: 09-19-2009, 02:46 PM
Parent: #15
المسجد فعلا كما قال عبد الناصر على الطراز المعماري المملوكي ..
و هو قريب الشبه جدا بمسجد قلعة صلاح الدين بمصر
لكن أشك أن يكون قد بني على مساحة كبيرة تناسب الشكل المعماري .. دائما ما اتعجب في المهندسين السودانيين في انهم يرسمون خرطة تناسب مباني ضخمة ليتم تنفيذها في مساحات ضيقة تبدو أشبه بالمجسم منها بالمبنى الحقيقي.
عموما شكل البناء يناسب حي كافوري فعلا ..
و الصرف البذخي كذلك.
المساجد لله .. و الأموال يفترض أنها للمواطنين.
|
Post: #16
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: amin siddig
Date: 09-19-2009, 02:39 PM
Parent: #13
جامع محمد علي باشا ده كلف كم ؟ و الدفع القروش منو
السؤال ده ما عدا في حالة إنو بناهو ( فاعل خير إسلاموي ) و رفض ذكر إسمه و التكلفة ( أشان المن و الأذى و كده )
الخرطوم فيها نقص في الجوامع ؟
( فاعلي الخير ) ديل ما شايفين المستشفيات و المدارس ؟
حتى لمن تتبرع جهة لمستشفى القروش بتتصرف سراميك و بلاط و بوابات و أثاثات ، و يموت الناس لغياب الأجهزة و المعدات الضرورية في نفس المستشفى !
----
تأريخ السودان :
- العصر الحجري
- العصر البرونزي
- العصر الحديدي
- العصر الجالوصي
- العصر السيراميكي ( و أسماؤه الأخرى : العصر الألمونيومي ، العصر الحالي ، العصر الإسلامي ، المنعطف الحرج الذي تمر به الأمة ، عصر الإبتلاءات )
|
Post: #19
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-19-2009, 02:50 PM
Parent: #16
طالعوا ردود القراء على محسن سعودي يرغب في بناء مسجد كبير في السعودية بلد المساجد
http://www.swalif.net/softs/swalif12/softs144033/
حتى لا ياتي من يصفنا ويصف ردودنا بما لايليق
|
Post: #20
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: mayada kamal
Date: 09-19-2009, 02:51 PM
Parent: #16
غايتو يا ناس سودانيز اونلاين الامه داعيه عليه يقع فيكم
فيها شنو لو عملوا مسجد وسميم باسم البشير
عمر البشير بعد الجلبة بتاعة المحكمة الجنائية انصاروا كتروا
والتفاف المواطنين حولوا اكتر
خاصة الفئة دي لا محتاجة لمظاهرات عشان يلموهم ولا محتاجة لي ندوات وقيادات تجي تخاطب الناس تطلع تقابله
واليكم خروج مواطني امدرمان بمحض ارادتهم ايام صدور القرار عند زيارة ليه لامدرمان
كما شاهدناهم في شوارع امدرمان
والغريبة اكبر حشد كان في زيارته لولايات دارفور
في رد ابلغ من كدا
اعتقد كره الناس للبشير والنظام موجود هنا في سودانيز اونلاين وبس
نسال الله ان تشيد المزيد من الجوامع والمساجد والمراكز الصحية والمستشفيات
** يا احمد يا قريبي ...... ماله اسم البشير ... بتقول عليه شين
كدي عيبه لي
*** دكتور امبدة .... نسال الله ان يمد في عمر البشير
نيستا كل سنة وانت طيب
|
Post: #71
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: احمد محمد بشير
Date: 09-21-2009, 04:09 AM
Parent: #20
Quote: ** يا احمد يا قريبي ...... ماله اسم البشير ... بتقول عليه شين
كدي عيبه لي
|
يا ميادة كمال كل سنة وانتي طيبة.
ما عيب علي انا ولا أي حاجة يا ميادة...
الــعيب في اسم الرئيس البشير...
* عيوب كثيره في سجل الرئيس البشير اذكر منها في هذه العجاله
* انفصال الجنوب * لاهاي اول مره في حياتي اسمع
برئيس دولة بي حالها لا يستطيع السفر بحرية
* مأسي دارفور *اين اموال الاف البراميل التي تصدر كل يوم؟
* كذلك هذا المسجد الذي بني بدم الفقراء
لاجل خدمة الجبهجية الذين يسكنون ذلك الحي فقط..
* كذلك من عيوب اسم الرئيس حال المستشفيات العامه لجمهورية السودان..
كلها عيوب ملازمة لاسم الرئيس... البشير فشل في توفير العيش الكريم
لنا ولكي بأموال البترول كمواطنين نستحق العيش الكريم.
-------------------
طيب يا مياده طالما البشير سيد الاسم دا يهمه أمر البلاد و مهموم بالمساجد..!!
* لماذا لم يأمر ببناء هذا المسجد في الفاشر او امبده او الدخينات مثلا..؟؟
علي الاقل كان ممكن تجميل تلك المناطق و الاستفادته من خدمات ذلك المسجد, وبذلك
ينال أجــر مضاعف لان اهالي تلك المناطق المهمشة هم في أشــد الحوجة..!!
* لماذا اختير حي كافوري الممتلي بالجبهجية و الامنجية؟؟
عند اجابتك يا مياده للاسئله اعلاه تجدي المفارقة في سفسفة وتبزير اموال الشعب..!!
هنالك مناطق كثيره في بلادنا كانت ستستفيد من خدمات هذا المسجد
وهنالك مناطق مهمشة في السودان كان يمكن أن ينقذها هذا المسجداذا
تم بناء هذا المسجد الخمسة نجوم فيها وكان يمكن أن يتم انقاذ
حياة الاف من اخواننا المشرديين في وديان دارفور.
انتي يا مياده عارفه انو في حاجة اسمها ترتيب الاولويات في الدولة...
صح ولا ما صاح.
ويديك العافية.
******
تعديل حروف
|
Post: #21
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حامد محمد حامد
Date: 09-19-2009, 02:51 PM
Parent: #16
حسع القال المسجد دة بناه البشير منو ؟ ما يمكن بناه زول ميسور واطلق عليه اسم البشير !!
|
Post: #23
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: رأفت ميلاد
Date: 09-19-2009, 03:12 PM
Parent: #21
والله ما عارف الهاجرنا نحن ولا ناس معتصم
المسجد ده فى كافورى وأغلب سكان ذلك الحى الراقى من آل البشير .. وحيهم معروف بحى بانقا .. وهذا المسجد بنى تخليداً لشقيق البشير الذى "إستشهد" فى حرب الجنوب ..
قال بورداب الداخل قال ..
قالوا ثلاث أرباع سكان الخرطوم لم يسمعوا بقضية لبنى .. والربع الأخير "سمع" بضرب النسوان من البوليس فى النت .
مافى تعبئة وتنوير داخلى مؤسس .. والناس جارية فى معايشها .. كل المعانا هنا موظفين المنظمات والشركات الكبيرة .. الإنترنت كوفى 1% .. والباقين أمن دولة أو حزب أمة ولا فرق بينهما الآن
ونحنا مناضلين "الكى بورد" ..
بلد ما ليها وجيع
|
Post: #22
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: انتصار محمد صالخ بشير
Date: 09-19-2009, 02:58 PM
Parent: #16
الاخ معتصم
السلام عليكم
كل سنة وانت طيب
يا اهل الله ناس ساكنة فى كافورى عاوزنها تصلى وين ؟ لابد ان يكون المسجد بمستوى الحى
غايتو جنس حسادة
________________________________
ياربى فى قبور بمستويات حى كافورى ولا كفن بالستان
|
Post: #24
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Medhat Osman
Date: 09-19-2009, 03:46 PM
Parent: #22
مساجد من باكستان والهند وماليزيا
الما شاف البحر بتخلعو الترعة.
الكلام ما ليك يا معتصم.
ناس التلفزيون السودانى حيصدقوا وحيقولوا تحفة معمارية.
الصور ضمن اجمل عشرة مساجد فى العالم.
وكل عام وانت بخير.
|
Post: #25
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: معتصم محمد صالح
Date: 09-19-2009, 03:57 PM
سلامات يا شباب ..
افادتني مصادر عليمة قبيل لحظات بالاتي :-
- المبنى عبارة عن مجمع اسلامي شامل .
- اسمه مجمع حسن احمد البشير
- قامت ببنائه منظمات خليجية وتكفلت بجميع نفقاته
- تم تنفيذ العمل تحت اشراف محمد حسن احمد البشير شقيق الرئيس الذي عمل لاكثر من 40 عاما في الخليج ..
|
Post: #26
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد اللطيف السيدح
Date: 09-19-2009, 04:25 PM
Parent: #25
Quote: سلامات يا شباب ..
افادتني مصادر عليمة قبيل لحظات بالاتي :-
- المبنى عبارة عن مجمع اسلامي شامل .
- اسمه مجمع حسن احمد البشير
- قامت ببنائه منظمات خليجية وتكفلت بجميع نفقاته
- تم تنفيذ العمل تحت اشراف محمد حسن احمد البشير شقيق الرئيس الذي عمل لاكثر من 40 عاما في الخليج |
اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله
|
Post: #27
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-19-2009, 04:27 PM
Parent: #26
السيدح رمضان كريم
الناس تداخلت بحسب فهمها للعنوان
تدراك معتصم للامر جاء في الاخير
لا تسيئ للناس هنا دون سبب
لتعديل اسم السيدح
|
Post: #28
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: رأفت ميلاد
Date: 09-19-2009, 04:28 PM
Parent: #27
Quote: سلامات يا شباب ..
افادتني مصادر عليمة قبيل لحظات بالاتي :-
- المبنى عبارة عن مجمع اسلامي شامل .
- اسمه مجمع حسن احمد البشير
- قامت ببنائه منظمات خليجية وتكفلت بجميع نفقاته
- تم تنفيذ العمل تحت اشراف محمد حسن احمد البشير شقيق الرئيس الذي عمل لاكثر من 40 عاما في الخليج .. |
معتصم تعليمات ولا مصادر .. قول وبنعمل ليك بوست تضان | Quote: المسجد ده فى كافورى وأغلب سكان ذلك الحى الراقى من آل البشير .. وحيهم معروف بحى بانقا .. وهذا المسجد بنى تخليداً لشقيق البشير الذى "إستشهد" فى حرب الجنوب .. |
بلد مقطعنها النمة .. الله يعيد ليك وسط وليداتك
منظمة خيجية ياخوى الأجر ما يكوسوه فى العشوائى .. فى كافورى ؟؟؟ | Quote: اها بعد الكلام ده يجي واحد تاني يفتح خشمو |
بلعتوا لسانو يا السيدح .. أيها الصحفى الهمام
|
Post: #29
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: osman righeem
Date: 09-19-2009, 04:32 PM
Parent: #26
نسته
تتذكر حكاية مسجد النيلين
يارب سيم سيم
بي بركة هلال العيد وعندالله ماهو بعيد
|
Post: #30
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حمور زيادة
Date: 09-19-2009, 04:56 PM
Parent: #29
الاستاذ زميل منبر الحوار الصحفي عبد اللطيف السيدح
Quote:
اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله |
في كل سطر الف مشكلة و مشكلة
| Quote: اها بعد الكلام ده يجي واحد تاني يفتح خشمو |
تهديد عجيب.
هل من الضروري ان يكون الكلام اعلاه مقنع لكل الناس ؟
أليس من الممكن ان يكون لاحد معلومة مختلفة ؟ كيف صدقت انت هذه المعلومة و معتصم مجرد ناقل ؟ هل تثق ان من اخبر معتصم صادق ؟ أليس هناك احتمال ان من اخبر معتصم كاذب ؟ لماذا تصدق من لا تعرف و تهدد ؟ ألأن الكلام راقك و اعجبك ؟
فاذا جاء من يفتح خشمه ماذا ستفعل ؟ أليس من حق الناس ان تناقش. ها هو رأفت ميلاد فتح خشمه. ماذا ستفعل له. ام انت فقط تهدد و تتوعد ؟
| Quote: انتوا ناس فقرانين وحاسدين وشيوعية كمان |
و هل الفقر سبة يا زميلنا الصحفي الموقر ؟ انتو ناس فقرانين ؟
ما رأيت من يشتم بالفقر في سنك قط.
سمعت مثل هذا الكلام من اطفال يفخر الواحد ان والده غني و يسب رفيق الكره انه فقير. لكن لما اتخيل ان اقرأ صحفي يشتم زملاء حوار انهم فقرانين.
و افترض من هذا انك غني طبعا. لا احسدك .. لكن فقط ابارك لك الغنى و اتمنى ان يديمه الله عليك و احذرك من ان تشمت في فقر الزملاء فيأخذ عنك الله نعمته. هل تذكر قارون ؟
حاسدين هذه ألطف من فقرانين ..
حاسدين ماذا ؟ لو كان حسادة أجر بناء الجامع فهذا مدح .. لأن من يحسد في الاجز هو شخص يطمع فيه لنفسه.
اما ان كان حسد المال فاظن ان كل المتداخلين تقريبا سألوا من اين للباني بهذا المال .. و هذا سؤال مشروع. أنسيت حين قيل لابن الخطاب لا سمع لك و لا طاعة حتى نعلم من اين اكلمت ازارك ؟
كان ذلك متر قماش .. فما بالك بمسجد مزخرف و بناء موشج.
و شيوعية كمان
كمان هذه دلالة على الاضافة ؟
شيوعية كفار ام شيوعية فقط ؟ لأن الشتم بالشيوعية هذه الايام يذكر الناس بتكفير الحزب الشيوعي.
ثم ما هي الشيوعية في الكلام اعلاه ؟ السؤال عن مصدر المال هو كلام شيوعيين ؟
ما هي الشيوعية يا استاذ السيدح ؟ ارجو ان تتكرم و تشرح مفهومك للشيوعية.
| Quote: لعنة الله علي كل من يهمز او يلمز او يغمز في البشير وآله |
احسست ان العبارة ناقصة " و سلم تسليما كثيرا ".
البشير و افهمها .. هو رئيس الجمهورية و انت تحبه و ترى له اعمال عظيمة و هذا من حقك و تأييده او عدمه يرجع اليك ..
لكن ان تشمل بحبك و تأييدك ال الرئيس .. هذا غريب.
مالك و مال ال الرئيس ؟
يتكلم الناس فيهم او لا هم مواطنين ( كما يفترض ) مثلهم مثل غيرهم لا زيادة لهم على احد.
فلماذا تتعصب لهم هكذا ؟ هل افهم ان هذا من باب رد الاذى عن المسلمين ؟ اتوقع اذا ان تقف اعلى المنبر في اول مانشيت و تدافع عن كل مسلم هنا يتعرض لطعن او لمز.
لديك صلاح البندر مثال جيد يطعن في اعراض اخوة و اخوات هنا .. اتوقع ان اراك في بوستاته تدافع عنهم ايضا كما تدافع عن ال الرئيس.
ثم لماذا اللعن ؟
هل الكلام في الرئيس او اله يوجب اللعن ؟
اهذا من الفقه الشرعي ام من العمل السياسي ؟
فهل لعنه الله على من يهمز و يغمز و يلمز في الامام الصادق المهدي رئيس الوزراء المنتخب و اله ايضا ؟
هل لعنة الله على من يهمز و يغمز و يلمز في السيد مولانا محمد عثمان الميرغني سليل العترة النبوية و اله ايضا ؟
العجب لا ينقضي من مداخلتك هذه.
لكن الافطار حان
|
Post: #31
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-19-2009, 05:03 PM
Parent: #30
شكرا حمور
السيدح لن ينصلح حاله طالما كان هذا اسلوبه
للاسف الشديد يعمل في مجال الصحافة التي من شأنها تعلية مبادئ وقيم مخاطبة من تختلف معهم
|
Post: #32
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-19-2009, 05:05 PM
Parent: #30
شكرا حمور
السيدح لن ينصلح حاله طالما كان هذا اسلوبه
للاسف الشديد يعمل في مجال الصحافة التي من شأنها تعلية مبادئ وقيم مخاطبة من تختلف معهم
|
Post: #33
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الطيب رحمه قريمان
Date: 09-19-2009, 05:16 PM
Parent: #29
Quote: افادتني مصادر عليمة قبيل لحظات بالاتي :-
- المبنى عبارة عن مجمع اسلامي شامل .
- اسمه مجمع حسن احمد البشير
- قامت ببنائه منظمات خليجية وتكفلت بجميع نفقاته
- تم تنفيذ العمل تحت اشراف محمد حسن احمد البشير شقيق الرئيس الذي عمل لاكثر من 40 عاما في الخليج
|
لماذا يكون المسجد و المجمع ده باسم حسن أحمد البشير ؟
و ليه يكون المنفذ اخو الرئيس ؟
كلهم لصوص و حرامية و منتفعين
Quote:
اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله |
موضة قديمة و لم يعد لها رواج , كلما يواحد يقول الحق و يظهر
لصوصيتكم تقولا شيوعى بلا دجل معاكم كلكم سجم و رماد
هى يا زول نحن بنقول كلامنا برة لا همز و لمز و انت و البشير و حكومته
كلهم حرامية و لم يعد كلام فى السر هم انفسهم معترفين بالحرامية
|
Post: #35
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ود الباوقة
Date: 09-19-2009, 06:03 PM
Parent: #33
اخي معتصم ..
الاخوة المتداخلون.
عيدكم مبارك كل عام وانتم بخير
اولا المجمع اسمه مجمع الشيخ / حسن احمد البشير الاسلامي
فكرة المجمع كانت من السيد الرئيس واخوانه حفظهم الله ...
يوجد بالمسجد قسم للمصليات من النساء
مكتبة اسلامية
ومغسلة للموتى وهي اول مغسلة للموتى بالسودان
الطابق الارضي عبارة عن مركز تجاري يذهب ريعه للمسجد
التصديق تم بواسطة مجلس العقيدة والدعوة وقد تم
استيفاء كافة الرسوم الادارية المتعلقة بتشييده
تقوم بالاشراف عليه لجنة خاصة شعبية وليست حكومية.
نسال الله ان يجعله في موازين حسناتكم يوم لا ينفع
مال ولا بنون الا من اتى الله بقلب سليم ..
|
Post: #34
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الحكيم نصر
Date: 09-19-2009, 05:27 PM
Parent: #25
يا اخوي جيت تكحلها عميتهاQuote: - المبنى عبارة عن مجمع اسلامي شامل .
- اسمه مجمع حسن احمد البشير |
يا خي عمك حسن البشير الله يرحمه كان ساكن في بيت جالوص
في كوبر وهذا ليس بعيب ولكن المدهش ان ابناؤه شيدوا القصور
وادخروا طائل الاموال في البنوك ..
هل يا اخي كان بامكانهم بناء مسجد لولا 30 يونيو المشئوم؟
| Quote: قامت ببنائه منظمات خليجية وتكفلت بجميع نفقاته |
وليه المنظمة تتبرع لوالد البشير؟
ولماذا تم اختيار كافوري؟دون سائر مناطق الخرطوم؟
ولماذا لم يقم شقيق البشير باقامة مثل هذا الصرح
قبل انقلاب البشير؟وهو الذي يعمل 40 عام بالخليج
وماهي المصادر العليمة يا معتصم التي تكون جاهزة لك
بالمعلومات؟
كل سنة وانت طيب
وعيد سغيد
|
Post: #36
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Ahmed Abdallah
Date: 09-19-2009, 06:07 PM
Parent: #34
ننعم المجمع اسمه مجمع الشيخ حسن احمد البشير
وهو اسم والد الرئيس و يتندر اهل الخرطوم بحري كثيرا
و خاصة الذين يعرفون السيد حسن احمد البشير و الذي كان يقطن
منطقة كوبر و يعمل عاملا عند السيد عزيز كافوري في مزارعه
المنطقة التي يقع بها المجمع اصبحت كانتون و اقطاعية كاملة يملكها ال البشير
فانظر شرق المجمع لترى العجب العجاب من فلل و قصور ال البشير اخوته و اخوانه
حتي اولاد وبنات اخوته
انظر شمال شرق المجمع لترى مدرسه النوابغ و التي هي ملك للسيد علي حسن احمد البشير
انظر شمال المجمع لترى نادي عالمي تحت التشييد يملكه ال البشير يحتوي على مسابح اولومبية
وصالات جمنازيوم و صالة افراح و مطاعم و شقق فندقية و جناح متكامل لجراحة التجميل
المصيبة ان كل تلك الانشاءات تم تسجيلها باسم منظمات اجنبية لتفادي السؤال و الشبهة
بالمناسبة يطلق السودانيين على هذه المنطقة اسم ( تكريت )ّ!!!؟؟
|
Post: #37
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عزاز شامي
Date: 09-19-2009, 06:09 PM
Parent: #1
اللي يحتاجه البيت يحرم على الجامع
|
Post: #38
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: معاوية الأرباب
Date: 09-19-2009, 06:36 PM
Parent: #37
مسجد ضرار .
|
Post: #40
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: AnwarKing
Date: 09-19-2009, 06:41 PM
Parent: #38
الناس دي بتكضب على ربنا ولا شنو؟
كان يبنوه فيلا ويرحو روحهم ساي....!
ومسحوقي دارفور ومجاعة الجنوب تترقب وتدعو الواحد القهّار...ليكم يوم!
|
Post: #39
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سمير شيخ ادريس
Date: 09-19-2009, 06:39 PM
Parent: #37
Quote: اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله |
أها بعد الكلام دة فتحنا خشمنا
تعال يا سيد ح اقفلوا أو اعتقلنا
السؤال ؟
لماذا طالما أن هناك منظمات خليجية لها قدرة التبرع للدول الفقيرة لانشاء مبان ضخمة
لماذا لا يستغل المسؤلون ريع خيرها فى تشييد المستشفيات والمدارس طالما انهم قادرون على استقطاب دعمها
واذا كانت هذه المنظمات قائمة اساسا لبناء المساجد لم لا يوجهونها لحوجتنا الملحة اكثر من المساجد
أو بمعنى طالما أن آل البشير - حفظهم الله -لهم قدرة استقطاب مال خير أجنبى تخليدا لذكرى المرحوم والدهم
لماذا لا يستقطبونه للمدارس .. وهل كانت المنظمات ستتبرع لو لم يكن الطالب آل بشير
|
Post: #41
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: AnwarKing
Date: 09-19-2009, 06:43 PM
Parent: #39
Quote: لعنة الله علي كل من يهمز او يلمز او يغمز في البشير وآله
|
يعني خلاس...حميت الناس النوم؟!
بالله قوم لف... زمن الجيوش الغازية جات على السودان، كان في فقهاء أزهريين، بيفتوا بحرمة مقاومة (خليفة وسلطان المسلمين)...
لهذا يسمونهم فقهاء السلطان...ف
تحسس موقعك يا هذا!
اللعنة دي طايرين منها وين، كان شوفنا جنس الظُلم ده وعملنا نايمين...
سُب!
|
Post: #43
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: محمد إبراهيم علي
Date: 09-19-2009, 07:09 PM
Parent: #41
Quote: نسته
تتذكر حكاية مسجد النيلين
يارب سيم سيم
بي بركة هلال العيد وعندالله ماهو بعيد |
ومثلك ندعو في هذا اليوم المبارك هي السنن الماضية في هذا الكون لمن القي السمع وهو شهيد
تسلم يا رغيم
Quote: اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله |
لعنة الله والناس اجمعين على الدجالين والمتسلقين وحارقي البخور
انت عار على الصحافة التى تدعيها وهي منك براء
(هَا أَنتُمْ هَؤُلاء جَادَلْتُمْ عَنْهُمْ فِي الْحَيَاةِ الدُّنْيَا فَمَن يُجَادِلُ اللّهَ عَنْهُمْ يَوْمَ الْقِيَامَةِ أَم مَّن يَكُونُ عَلَيْهِمْ وَكِيلاً)[النساء:109]
|
Post: #86
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Omayma Alfargony
Date: 09-23-2009, 07:33 PM
Parent: #43
سؤال جاد
أجر بناء المسجد حيكون للبشير ولا اخو البشير ولا المنظمات الخيرية؟!.
ولا بيناتهم التلاتة؟!.
الفكرة جات الاول ولا التبرع الاول؟!.
بعدين هل التبرع ده كان للبشير ولا للسودان؟!.
وهل يجوز لشخص بناء مسجد من المال العام ونسبه اليه,,,يعني يكون باسمه؟!.
والله ياجماعة لو المنظمات دي اتبرعت للبشير شخصيا أو لاخ البشير شخصيا
تكونوا اتلومتوا تب. مش قروشم وهم حرين فيها, يسموه زي ما يسموا .!
|
Post: #42
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبدالكريم أحمد الامين
Date: 09-19-2009, 06:55 PM
Parent: #39
Quote: نسته
تتذكر حكاية مسجد النيلين
يارب سيم سيم
بي بركة هلال العيد وعندالله ماهو بعيد |
** ابو نون ..
** كل سنه أنت والاُسره بخير..
** شوف كلام ود رغيم الفوق دا - وزيد عليهو إحتمال بعد الإفتتاح صاحبك يركب التونسيه ..
** قلت لى بنوه أخوان البشير - الكان فى الخليج دا موظف بجامعة العين وماكان شريك للشيوخ فى أموال النفط ...
|
Post: #44
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سيف النصر محي الدين محمد أحمد
Date: 09-19-2009, 07:16 PM
Parent: #42
Quote: افادتني مصادر عليمة قبيل لحظات بالاتي :-
- المبنى عبارة عن مجمع اسلامي شامل .
- اسمه مجمع حسن احمد البشير
- قامت ببنائه منظمات خليجية وتكفلت بجميع نفقاته
- تم تنفيذ العمل تحت اشراف محمد حسن احمد البشير شقيق الرئيس الذي عمل لاكثر من 40 عاما في الخليج |
كدي يا معتصم عليك الله اسأل المصادر العليمة دي الخليجيين ديل عايزين شنو في المقابل.
|
Post: #47
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ASHRAF MUSTAFA
Date: 09-19-2009, 07:42 PM
Parent: #44
اي مسجد يبني في السودان مكسب لنا جميعا
ولا يهمني ان كان بانيه البشير ام سلفاكير
|
Post: #45
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Al-Mansour Jaafar
Date: 09-19-2009, 07:37 PM
Parent: #42
الإحترام والسلام
بناء المساجد وعمرانها عمل جميل
واجمل ما يكون لو البناء مشى بسنة النبي عليه الصلاة والسلام في بناء مسجده الأول في "قباء"
من المواد المحلية وبالجهود الوطنية
ولو دي مافي مافي داعي مسهم البناء يهلك المال في الرياء والتفاخر فضرورات التعليم والعلاج والثقافة والتدين أوإزالة عثرات طريقها أكثر من أن يهملها الحاكم ليهتم ببناء مسجد
أوفى لذمته امام الله أن لا يصرف نظره عن عملية بناء أخرين لمسجد فخم لإسمه اولإسم شقيقه أو أبيه رحمهم الله. فمساجد الضرار هذه معضلة. فهي زينة في البلاد في وقت الفقر والجوع 95% من السودانيين تحت خط الفقر .
قوى المجلس الإسلامي للسودان الجديد بقيادة الشهيد جون قرنق كانت بصمت وبجهد جهيد ضد الغارات والألغام والنهب تدخل المصاحف والكتب والمفارش للمساجد في المناطق المحررة ثم تأتي طائرات عمر البشير تقذف الحمم قنابلاً وصورايخ فتحرق الأخضر واليابس واخضر ما كانت تحرقه تلك الطائرات هي الفهوم التليدة التي كنا نحاول تثبيتها إن الإسلام دين الرحمة والتكافل.
فتأمل ....
قيل في حديث عن يوم القيامة (إذا زخرفت مساجدها وأعتلى فساقها منابرها) ما بالك بكيزان عديل هم اخطر من الفساق على الدين
جعله الله دار علم ونضال ضد الطاغية عمر البشير
ولكم التقدير
|
Post: #46
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حمور زيادة
Date: 09-19-2009, 07:42 PM
Parent: #45
فتح كثيرون " خشومهم " ..
في انتظار عودة الزميل الصحفي السيدح ليسكت " الخشامة " ..
|
Post: #48
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: esam gabralla
Date: 09-19-2009, 08:47 PM
Parent: #46
الصلاة ... اي صلاة في اى دين لا تحتاج لمكان خاص لاقامتها ... في الاسلام لا تحتاج الا لصعيد طاهر
العملية الجراحية تحتاج لغرفة عمليات معقمة و نظيفة و لطبيب و ادوية و شاش و و ادوات جراحة و ممرض
التعليم يحتاج لفصل و لو من الخيش أو القش أو الزنك أو الجالوص و سبورة و طبشير و معلم
و الامثلة و المقارنات بالمئات و الالاف
لا أشك للحظة ان اي اله رحيم و عادل و منصف و مبصر لحال البشر في بقعة زى السودان لن يقبل هذا السفه باسمه و انه سيحسب هذا الصرف في خانة الذنوب و السيئات التى ترتكب باسمه
من يريد خداع الهه بمثل هذه الحيل الرخيصة؟ من يعتقد ان الهه لا يفرز و يفرق بين ما هو ضرورى و حيوى و هام لانسانية مخلوقاته و بين ما هو ترف و بذخ و كماليات و سفه؟
بناء مثل هذا المسجد في بلد تتسول اغلبية فيه و تفعل "ذنوب" اخرى كى تأكل هى اهانة للاله و مرمطة اضافية للدين باسم الدين
|
Post: #50
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: جعفر محي الدين
Date: 09-19-2009, 09:18 PM
Parent: #48
لك الله يا وطني
Quote: فتح كثيرون " خشومهم " ..
في انتظار عودة الزميل الصحفي السيدح ليسكت " الخشامة " .. |
في إنتظار سد الخشم
|
Post: #49
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: amin siddig
Date: 09-19-2009, 08:51 PM
Parent: #46
بعض آل البشير في طريقهم إلى أن يصبحوا أرستقراطية جديدة ، أو عائلة مالكة ، و ربما لسان حالهم يقول : الأسر المالكة و الطائفية القبلنا أحسن مننا بشنو
و كل ( عائلة حاكمة ) تحتاج ضمن ما تحتاجه من لوازم الجاه و الحاشية ، تحتاج أمثال السيدح ، حارقي بخور و لاعقي أحذية و كساري تلج ، أشخاص لا يهمهم إحترامهم لذواتهم و لا كرامتهم الشخصية ، لا يستنكفون إظهار أنفسهم بهذه الصورة المخجلة دفاعاً عن أولياء نعمتهم
عمر البشير ده ما زول عادي الناس متلحاهو من فراغ ، الزول ده رئيس - غير شرعي - للسودان ، و فساده و فساد المقربين إليه من الكثرة بحيث أن المطالب بتقديم الدليل هو من ينفي تهمة الفساد . و ليس العكس
الفقر لم يكن أبداً عيباً ، و معظم السودانيين إما فقير أو يتحدر من أسلاف فقراء ، و كان تحسن أوضاع الأجيال الإقتصادية أمراً يتم بسلاسة ، دون أن يتنكر الناس لأصولهم ، و دون أن تصيبهم المتلازمات الإجتماعية و الثقافية التي تصاحب حالات تراكم الثروة الغير مبرر .
تبرع شخص - لقيام أي مرفق - و إرتباط هذا الشخص بمسؤول سياسي أو أفراد أسرته المباشرة ، ليس ( مخرجاً ) من التساؤلات المشروعة لتهلل به هكذا ، بل في أي نظام حكم شفاف و محترم ، مجرد هذه الوقائع تكفي لإستقالة المسؤول السياسي ، ناهيك عن صفقات مشبوهة و إلتفاف و رشاوي قد تكشفها تحقيقات لاحقة مما يستوجب التقديم لمحاكمة جنائية .
فيا السيدح ليست لنا قنابير على رؤوسنا ، و لسنا من السذاجة بحيث تقنعنا أو تسكتنا بمثل هذا التفسير الواهي ، و الذي لا يقنع إلا منتفعاً و لا يسكت إلا حاري .
فهلا جلس سفاحك البشير و بعض معارفه الشرفانين في حوش بانقاهم ، و يروا أيهدي لهم ؟
|
Post: #51
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سيف النصر محي الدين محمد أحمد
Date: 09-19-2009, 09:52 PM
Parent: #49
الرد..الرد
السد..السد
شعار الحملة العالمية للسيد"ح" لسد خشوم العالمين.
|
Post: #52
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سيف النصر محي الدين محمد أحمد
Date: 09-20-2009, 02:04 AM
Parent: #51
| Quote: لعنة الله علي كل من يهمز او يلمز او يغمز في البشير وآله |
و ماذا عن صحبه و من تبعهم باحسان الى يوم الدين؟؟؟؟
|
Post: #53
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الناصر الخطيب
Date: 09-20-2009, 09:37 PM
Parent: #52
السيد / السديح
--------------------------
| Quote: انتوا ناس فقرانين وحاسدين وشيوعية كمان |
الحمد لله أن أعطانا التأهيل المناسب والعمل المناسب في بلاد الغربة
مستورة والحمد لله من ( الفقر )
وربنا يديك المنطق الافضل من كدة التخاطب بي الناس
شيوعية ما نبذ
بتكون في حالة وأحدة بس لما البتكلم يكون ( جاهل )
عيد مبارك والقابلة يولي فينا البشبهنا
ويكون فقران زينا وأولوياتو وهموا زينا
والحمد لله تاني الما حاجنا نرتزق ولا ننافق ولا ندافع عن الباطل
الحمد لله حمدا كثيرا ونشكر فضلوا ونعمتوا
تقديري
|
Post: #54
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: حيدر حسن ميرغني
Date: 09-20-2009, 09:55 PM
Parent: #53
الغلط ده لو كان من زول تاني
كان عمل بيهو بوست
عملت نايم يالسيدح؟
البوست ده راجيك راجيك
غايتو إلا تتضارى وراء مأذنة
|
Post: #55
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الفاتح سليمان
Date: 09-20-2009, 10:01 PM
Parent: #53
ربك يستر ما يلحق النفق
ويقوموا يقولوا لاهلنا المساكين ارحكم نغرف الموية من بيت الله
كل مسجد بشبه ناس الحته .
لاهاي فيها مسجد سمح ما عندوا مشكلة
كل عام وانتم بخير
|
Post: #56
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: وليد الطيب قسم السيد
Date: 09-20-2009, 11:03 PM
Parent: #55
غايتو شعب متسرع وشغال نجر ساى من دون معرفه
غايتو ما فى اى اتعاظ...........
المسجد سادتى عباره عن مجمع اسلامى متكامل
ولا يحمل اسم سيادة الرئيس وحتى لو كان بيحمل
اسمه ما عمل خير مفروض الناس تقف ضد اعمال
الشر.....من اى البلاد هولاء الشباب ؟؟؟؟؟؟؟؟؟
شى بالفعل يدعو للتعجب.....كان الله فى عون هذا الوطن الذى فى جنباته
مثل هولااااااااااااااااااااا.........................
|
Post: #57
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: نهلة محكر
Date: 09-20-2009, 11:19 PM
Parent: #56
مالو شبه المسجد الأزرق في إسطنبول ؟؟
هو من ناحية تحفة معمارية فتحفة معمارية
المسجد ما بناباهو ...
لكن ...
أما كان الأجدر أن تصرف الأموال التي بنيت به
على البنى التحتية المنتهية والمتهالكة والغير موجودة أصلاً
أو حتى بإعادة إعمار المدارس وتجليس التلاميذ الذين لا يجدون ما يجلسون عليه في شتى بقاع السودان
وهل تنقص الخرطوم المساجد ليبنى مثل هذا المسجد؟؟؟
فليجملوا العاصمة بالتحف المعمارية والمباني على جميع الطرز المختلفة
ولكن فليجملوها أولا ً .. بأن يهيؤها لساكنيها ... ومن ثم ليبنوا ما شاؤوا
الحمد لله على كل حال
|
Post: #59
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد الناصر الخطيب
Date: 09-20-2009, 11:34 PM
Parent: #57
Quote: من اى البلاد هولاء الشباب ؟؟؟؟؟؟؟؟؟
|
من البلاد الوجعة ما بخلص
ربنا يعين الجميع ويصبرهم
---
|
Post: #60
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: نهلة محكر
Date: 09-20-2009, 11:41 PM
Parent: #57
Quote: اولا المجمع اسمه مجمع الشيخ / حسن احمد البشير الاسلامي
فكرة المجمع كانت من السيد الرئيس واخوانه حفظهم الله ...
|
كتر خيرهم وبارك الله فيهم والله ...
أبوهم والدعوة من ولد صالح تنفعه بعد موته
لكن سؤال بريء جدا والله ....
أبوهم دة مش مات زمااااااان
ولما عمر البشير قلب الحكومة مش كان زول كبيييييييييير
يعني الفكرة دي ما جاتهم من زمان ليه قبل هو ما يقلب الحكومة ؟؟!!
ولا عارفين انو حيقلب الحكومة وقالوا نستفيد منها ونبني لأبونا المجمع دة ونسميهو باسمه
عشان يكون صدقة جارية تنفعه وتشفع ليه ويظل اسمه وسيرته بين الناس !!!!!
| Quote: يوجد بالمسجد قسم للمصليات من النساء |
بارك الله فيهم مناصري المرأة
| Quote: ومغسلة للموتى وهي اول مغسلة للموتى بالسودان |
يعني لو الزول مات ليهو زول في أركويت ... يشيلو ويوديهو المجمع دة عشان يغسلوهو ولا كيف؟؟!!
| Quote: الطابق الارضي عبارة عن مركز تجاري يذهب ريعه للمسجد |
حيكون زي عفراء مول ولا سيتي ستار ؟؟!! بسأل عشان لو زي عفراء أمشي عفراء أقرب لي ...
ولو زي سيتي ستار يبقى يستاهل الزول يصله ويعمل شوبينق فيهو
Quote: التصديق تم بواسطة مجلس العقيدة والدعوة وقد تم
استيفاء كافة الرسوم الادارية المتعلقة بتشييده |
من دقنو وافتللو
| Quote: تقوم بالاشراف عليه لجنة خاصة شعبية وليست حكومية. |
وعلى رأسها شقيق السيد الرئيس ...
والنعم !!!
Quote: نسال الله ان يجعله في موازين حسناتكم يوم لا ينفع
مال ولا بنون الا من اتى الله بقلب سليم .. |
اللهم آمين يارب العالمين ...
اللهم أظلنا في ظلك يوم لا ظل إلا ظلك
إنا لله وإنا إليه راجعون
لهفي عليك يا بلد
|
Post: #61
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سمير شيخ ادريس
Date: 09-21-2009, 00:40 AM
Parent: #60
|
Post: #62
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سمير شيخ ادريس
Date: 09-21-2009, 00:42 AM
Parent: #61
|
Post: #63
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سمير شيخ ادريس
Date: 09-21-2009, 00:44 AM
Parent: #62
|
Post: #65
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الفاتح سليمان
Date: 09-21-2009, 00:48 AM
Parent: #63
كل عام وانت بالف خير
سمير كن بخير
صورة تعبر عن مليون كلمة ممكن تقال هنا
شكرا
|
Post: #67
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سمير شيخ ادريس
Date: 09-21-2009, 00:53 AM
Parent: #63
ود الباوقة
حامد
السيد (ح)
أشرف
وليد
أرجو التعليق على الصور أعلاه
علما بأنها فى ذات البلد الذى بنى فيها المسجد التحفة المعمارية
وذات الدولة السنية التى يوجه حكامها الميامين أوجه الصرف
علقوا أنتم فنحن ممنوعين من التعليق لاننا فقراء وشيوعية
وما بنعرف أحسن من الحكومة
|
Post: #64
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الرفاعي عبدالعاطي حجر
Date: 09-21-2009, 00:46 AM
Parent: #62
َْأُسس على التقوى ام على اموال وحاجات البسطاء
كل سنة وانت طيب يازول يا جميل !!! عموماً اعتقد
أن الحي اسمه حوش بانقا فأدعى ان نعرف المغزى ؟؟؟
...................................................حجر.
|
Post: #66
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Ahmed Abdallah
Date: 09-21-2009, 00:50 AM
Parent: #64
Quote: عموماً اعتقد
أن الحي اسمه حوش بانقا فأدعى ان نعرف المغزى |
بل أطلق عليه اخيرا تكريت
|
Post: #68
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الرفاعي عبدالعاطي حجر
Date: 09-21-2009, 01:37 AM
Parent: #66
بل أطلق عليه اخيرا تكريت
كويس عشان الدفن ما يكون هناك
هنا قريب بعد الخروج من الحفرة .
هاهاهاهاهاهاهاهاهاهاهاهاهاهاها.
.........................حجر.
|
Post: #69
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Marouf Sanad
Date: 09-21-2009, 02:55 AM
Parent: #55
| Quote: كل ( عائلة حاكمة ) تحتاج ضمن ما تحتاجه من لوازم الجاه و الحاشية ، تحتاج أمثال السيدح ، حارقي بخور و لاعقي أحذية و كساري تلج ، أشخاص لا يهمهم إحترامهم لذواتهم و لا كرامتهم الشخصية ، لا يستنكفون إظهار أنفسهم بهذه الصورة المخجلة دفاعاً عن أولياء نعمتهم |
أيوة لاعق احذية يا (الحيسد)
تعال افتح خشمك يا ليعق
|
Post: #70
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Marouf Sanad
Date: 09-21-2009, 03:12 AM
Parent: #69
| Quote: ومغسلة للموتى وهي اول مغسلة للموتى بالسودان |
ود الباوقة
والله عجايب
ما عندهم مكوة
|
Post: #72
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: رأفت ميلاد
Date: 09-21-2009, 07:23 AM
Parent: #70
Quote: اولا المجمع اسمه مجمع الشيخ / حسن احمد البشير الاسلامي
فكرة المجمع كانت من السيد الرئيس واخوانه حفظهم الله ... |
إسم المسجد لوالدهم .. ولكن فكرة المسجد تخليداً لشقيقه الذى قتل فى حرب الجنوب .. إسمه منو؟
|
Post: #73
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ASHRAF MUSTAFA
Date: 09-21-2009, 07:38 AM
Parent: #72
Quote: ود الباوقة
حامد
السيد (ح)
أشرف
وليد
أرجو التعليق على الصور أعلاه
علما بأنها فى ذات البلد الذى بنى فيها المسجد التحفة المعمارية
وذات الدولة السنية التى يوجه حكامها الميامين أوجه الصرف
علقوا أنتم فنحن ممنوعين من التعليق لاننا فقراء وشيوعية
وما بنعرف أحسن من الحكومة |
الاخوة المتداخلين
سلام عليكم جميعا
وكل عام وانتم بخير
لكم وجميع اهاليكم ومن تحبون
ماعدا صاحب هذه الكلمات
انا حأجيك برواقة
بس لوك الصبر
|
Post: #74
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: سيف النصر محي الدين محمد أحمد
Date: 09-21-2009, 07:58 AM
Parent: #73
يا اشرف 95% من السودانيين ما بيلوكوا شي غير الصبر....كل سنة و انت طيب .
|
Post: #75
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الرفاعي عبدالعاطي حجر
Date: 09-21-2009, 10:02 AM
Parent: #74
Quote: اها بعد الكلام ده يجي واحد تاني يفتح خشمو
انتوا ناس فقرانين وحاسدين وشيوعية كمان
لعنة الله علي كل من يهمز او يلمز او يغمز في البشير وآله |
خلاص رمضان إنتهى وفكوكـ اعوذ بالعلم من الجهل وبالعقل من العبط
وزمان قالوا العوير لا تخالطو لا تخالطو ففي الحالين انت خاسر
أها يا سيد ... ح دحين مسعول من الخير الكلام اعلاه فوق
البيعة بتاعت الاعلاميين واللا فيها ألف جديد ؟؟؟ بالله تراجع حديث
حمور دا وترجع لينا ؟؟؟... قاتل الله المنافقين من أمثالك ؟؟؟
..................................................حجر.
|
Post: #76
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عبد اللطيف السيدح
Date: 09-22-2009, 10:23 AM
Parent: #75
Quote: خلاص رمضان إنتهى وفكوكـ اعوذ بالعلم من الجهل وبالعقل من العبط
وزمان قالوا العوير لا تخالطو لا تخالطو ففي الحالين انت خاسر
أها يا سيد ... ح دحين مسعول من الخير الكلام اعلاه فوق
البيعة بتاعت الاعلاميين واللا فيها ألف جديد |
رمضان انتهي ياحجر وجاكم السم القدر غداكم
وسيتوقف القئ الذي دلقتموه علي الشرفاء في الشهر الفضيل ( كرار التهامي ) مثالا
وستنتهي رحلة البرطعة عند اول نقطة حقيقة ومنها هذا المجمع الاسلامي الكبير الذي يؤرق مضاجع
الملاحدة والرافضة داخل وخارج الوطن الحبيب .
|
Post: #77
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Abdlaziz Eisa
Date: 09-22-2009, 10:50 AM
Parent: #76
Quote: نسته
تتذكر حكاية مسجد النيلين
يارب سيم سيم
بي بركة هلال العيد وعندالله ماهو بعيد |
|
Post: #78
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عثمان جلال الدين
Date: 09-22-2009, 11:57 AM
Parent: #77
| Quote: انظر شمال المجمع لترى نادي عالمي تحت التشييد يملكه ال البشير |
حتى الدولة تشارك في هذا الفساد المقنع
وزارة الخارجية انشأت مدرسة خاصة بكافوري زف لنا خبرها السيد الوسيلة السماني وسماها هدية الخارجية للشعب السوداني
الروضة 3 مليون
الاساس 5 مليون للسنين الأولى وتصل حتى 8 مليون..
قال هدية للشعب السوداني!!!
وحتماً سيموت الحوت..
|
Post: #79
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: عماد شمت
Date: 09-22-2009, 12:06 PM
Parent: #77
ننعم المجمع اسمه مجمع الشيخ حسن احمد البشير
وهو اسم والد الرئيس و يتندر اهل الخرطوم بحري كثيرا
و خاصة الذين يعرفون السيد حسن احمد البشير و الذي كان يقطن
منطقة كوبر و يعمل عاملا عند السيد عزيز كافوري في مزارعه
المنطقة التي يقع بها المجمع اصبحت كانتون و اقطاعية كاملة يملكها ال البشير
فانظر شرق المجمع لترى العجب العجاب من فلل و قصور ال البشير اخوته و اخوانه
حتي اولاد وبنات اخوته
انظر شمال شرق المجمع لترى مدرسه النوابغ و التي هي ملك للسيد علي حسن احمد البشير
انظر شمال المجمع لترى نادي عالمي تحت التشييد يملكه ال البشير يحتوي على مسابح اولومبية
وصالات جمنازيوم و صالة افراح و مطاعم و شقق فندقية و جناح متكامل لجراحة التجميل
المصيبة ان كل تلك الانشاءات تم تسجيلها باسم منظمات اجنبية لتفادي السؤال و الشبهة
بالمناسبة يطلق السودانيين على هذه المنطقة اسم ( تكريت )ّ!!!؟؟
مابحل البشير ولااهلة من حساب يوم القيامة. ونحن في الايام المباركات ندعو الله ان يحشرهم في نار جهنم
خالدين فيها ابدا ويحشر كل من طبل لهم ويحاول لولوة الحقائق ..جامع قال ....
|
Post: #80
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Deng
Date: 09-22-2009, 01:19 PM
Parent: #79
قصة مسجد النيلين كانت كالاتي:
هنالك عرافة لبنانية تدعى أم عصام على ما أعتقد تنبائت بسقوط حكم النميري بعد أكتمال بناء مسجد النيلين في الثمانينيات.
في يوم أفتتاح مسجد النيلين سقط الرئيس نميري متدحرجا بشكل درماتيكي أربك حرسه الخاص و جميع الحضور. بعد إفتتاح مسجد النيلين إنتفض الشعب السوداني وأطاح بحكم مايوي والنميري.
هل سيحدث نفس الشئ مع الرئيس البشير؟
|
Post: #81
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: محمد إبراهيم علي
Date: 09-22-2009, 02:26 PM
Parent: #79
| Quote: الملاحدة والرافضة داخل وخارج الوطن الحبيب |
والسيد ح مركب مكنة وهابية
ولا دي بمناسبة زيارة فخامته للمملكة
يا خي انت كوميديا ووجودك هنا مهم جدا فما تقوم تلف ولا حاجة
|
Post: #82
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: خالد عويس
Date: 09-22-2009, 05:15 PM
Parent: #81
| Quote: لعنة الله علي كل من يهمز او يلمز او يغمز في البشير وآله |
وكل صباح جديد نتعلم من الإسلامويين وأشياعهم آخر الصيحات والفنون في (أدب الخلاف) !!
|
Post: #83
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: AnwarKing
Date: 09-22-2009, 05:24 PM
Parent: #82
Quote:
فتح كثيرون " خشومهم " ..
في انتظار عودة الزميل الصحفي السيدح ليسكت " الخشامة " .. |
غايتو يا حمور زيادة بتعمل ليك في جنس حركات؟
أولاً السيدح ده ما صحفي، قد يكون عندو شهادة وقيد صحفي والخ...لكنو ما صحفي، ده رأيي
قبل كدة في بوست الصحفيين وما أدراكا، طقطقوه هنا لمن قال كفى، ياخي قعدو يدرسوا في أركان الخبر (متى ،أين، منو، لماذا، وكيف وأخواتها)...
عشان كدة أظنك عملتا في البوست ده عملية ما جميلة، ب"صلب" السيدح و جعله صحفي مسكت الخشامة، خليهو في حالة كونه بوقاً دي،
الله يهدينا ويهديك....
بعدين موضوع البوست ما السيدح ولا ود الباوقة ولا الخ من البورداب...الفيل والسرقة والنهب هناك عند آل البشير الذين ورثوا كافوري!
قال السيدح يتوعد!
لوولز
____
وكل عام والجميع بخير...حرامية وشرفاء...أصلو ماحدش محوّش!
|
Post: #84
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Abd Alla Elhabib
Date: 09-22-2009, 05:51 PM
Parent: #83
| Quote: وستنتهي رحلة البرطعة |
قال رمضان إنـتهى ..أها عايز
تصـفي منـو في المـنبر دا ??
إخـرس يا من حرضت علي التصفية
الجسدية وإغتيال قادة الأحزاب السودانية
التهديد ديدنك .. والخـواء منهـجك !!
|
Post: #85
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: ASHRAF MUSTAFA
Date: 09-23-2009, 04:25 PM
Parent: #84
Quote: ود الباوقة
حامد
السيد (ح)
أشرف
وليد
أرجو التعليق على الصور أعلاه
علما بأنها فى ذات البلد الذى بنى فيها المسجد التحفة المعمارية
وذات الدولة السنية التى يوجه حكامها الميامين أوجه الصرف
علقوا أنتم فنحن ممنوعين من التعليق لاننا فقراء وشيوعية
وما بنعرف أحسن من الحكومة |
اولا: الناس الفوق ديل انا بعتز بيهم وبتشرف اكون بينهم
ثانيا: ده عدوان بين وجلي انك تستقصد فئة معينة من الناس عشان مخالفهم في الرأي
كلامك غير منطقي وغير مهذب ويفتقد كل مقومات اسس الحوار
ومن قبل قلنا لك ولامثالك لا تستهدفوا الناس ولا تشخصنوا الامور
لو عندك نقد انقد الفكرة لا الاشخاص
لو انت فاكر انو الواحد ما بيعرف يرد او يدافع عن نفسه انت واهم وغلطان
وبرغم انك ما بتستاهل الكلام معاك لانه نافوخك فاضي لكن برضه بتلقي البرد عليك
ارجوا ان تنتقد الفكرة وليس الاشخاص والا تخلق عداوة في الفاضي
كلامك فقير ومقطع ولا يستحق الرد عليه
ولا يمكن ان اتصور انك عقيم لهذه الدرجة
مرة اخري احذر استهداف الاشخاص وناقش الكلام والافكار بادب وموضوعية
|
Post: #87
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: علاء الدين صلاح محمد
Date: 09-23-2009, 07:50 PM
Parent: #85
| Quote: ويحشر كل من طبل لهم ويحاول لولوة الحقائق |
من بقك لباب السماء
امين يا ريبا يا كريم
و يروينا فيه عجائبك في الدنيا يا رب يا كريم
عالم عايزة تبلع و بس
اختشو
شوف مشكالنا الحقيقية و شوف ليها علاج لو عندكم
|
Post: #88
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: jini
Date: 09-27-2009, 01:28 PM
Parent: #87
هلا هلا  !
وبنى ممتاز التاج محل تخليدا لزوجته شاه جيهان!
(يا زكريا ان الله طيب لا يفبل الاطيبا)!
جنى
|
Post: #89
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: الفاتح سليمان
Date: 09-27-2009, 01:54 PM
Parent: #88
البشير يا اخونا يا اخوانا بلهجة عادل امامية دا الريس يا جماعة مش ممكن حد يعمل كدا مش ممكن
ايه يعني قتل واحد زي مجدي او اركانجلوا او جرجس ما هم شوية شباب وخلاس
ايه يعني اعدم زملاء له دون محكمة او غيروا ما هو عادي يا اخوانا
ايه يعني يغرق 50 طالب مراهق بسبب الرصاص الاجاز قانونه ليحصد ارواح اطفالنا ويترك غيرهم يجوبون في كل ارض لنا
من الفرنجة خوفا ورهبة
يا اخونا دول اااال البشير مش ممكن نقول كلام زي دا
ايه يعني يموتوا عشرة الاف من دارفور ما هو اصل يومهم واجلهم تم
ايه يعني ايه يعي يفصل ملايين البشر من العمل بسبب الصالح العام ايه ما هو دا معناهو ربنا ورزقهم عليه
خليكم مومنين مش ممكن ما تقبلوا الكلام دا عشان ما تكونا ملاحدة وايه كدا مش عارف شيوعيين
دايرين نجرب الجكة يالطريقة الكيزانية الوقحة نشوف الحاصل شنو عشان كدا بنكتب مدافعين عن البشير وااال بش بشhttp://www.youtube.com/watch?v=vR3LxSkm1Bc
الاهداء لبش بش مشعل النيران في السودان
|
Post: #90
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Salah Abdulla
Date: 09-27-2009, 02:09 PM
Parent: #88
Quote: ننعم المجمع اسمه مجمع الشيخ حسن احمد البشير
وهو اسم والد الرئيس و يتندر اهل الخرطوم بحري كثيرا
و خاصة الذين يعرفون السيد حسن احمد البشير و الذي كان يقطن
منطقة كوبر و يعمل عاملا عند السيد عزيز كافوري في مزارعه
المنطقة التي يقع بها المجمع اصبحت كانتون و اقطاعية كاملة يملكها ال البشير
فانظر شرق المجمع لترى العجب العجاب من فلل و قصور ال البشير اخوته و اخوانه حتي اولاد وبنات اخوته
انظر شمال شرق المجمع لترى مدرسه النوابغ و التي هي ملك للسيد علي حسن احمد البشير
انظر شمال المجمع لترى نادي عالمي تحت التشييد يملكه ال البشير يحتوي على مسابح اولومبية
وصالات جمنازيوم و صالة افراح و مطاعم و شقق فندقية و جناح متكامل لجراحة التجميل
المصيبة ان كل تلك الانشاءات تم تسجيلها باسم منظمات اجنبية لتفادي السؤال و الشبهة
بالمناسبة يطلق السودانيين على هذه المنطقة اسم ( تكريت )ّ!!!؟؟
|
لاحولااااااااااااااا..
ده كلو جبتوه من وين يا أولاد عم حسن ودالبشير؟؟
برطعو واتمتعوا في باقي الايامات الفضلت ليكم دي وبعد داك بيجي يوم الحساب ..
|
Post: #92
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: dardiri satti
Date: 09-27-2009, 02:53 PM
Parent: #90
Quote:
بالمناسبة يطلق السودانيين على هذه المنطقة اسم ( تكريت )ّ!!!؟؟ |
قال الشاعرود المكي:
""إنني أؤمن بالشعب
حبيبي وأبي.""
تحياتي
|
Post: #93
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: dardiri satti
Date: 09-27-2009, 02:53 PM
Parent: #90
Quote:
بالمناسبة يطلق السودانيين على هذه المنطقة اسم ( تكريت )ّ!!!؟؟ |
قال الشاعرود المكي:
""إنني أؤمن بالشعب
حبيبي وأبي.""
تحياتي
|
Post: #91
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: بدرالدين يعقوب
Date: 09-27-2009, 02:35 PM
Parent: #88
انا شخصيا لا اري ضرر ان يكون المسجد باسم والد الرئيس او الرئيس عمر البشير
في كل البلاد تقوم مساجد باسماء اشخاص او ملوك او امراء
مثلا في السعوديه جوامع باسم الملك فهد والملك خالد والناس بتصلي فيها وبتحمد الله علي هذة النعمة
ومافي حد بسال هل تكلفة المساجد علي حساب منو ولا علي نفقة منو لانو في النهاية عمل خير
* وفي اخر اجازة لي في السودان شاهدت مسجد في جبرة وتحديدا في حي الدوحة ,, مسجد جميل جدا
وسالت عنه قالو هذا مسجد الشيخ عبد الحي ,,,, شنو البخلي الناس تستغرب انو المسجد باسم البشير
او ال البشير ,,,, هنالك اشياء كثيرة باسم البشير منها كباري ومنها مستشفيات ومنها جامعات
ومنها استاد رياضي يعني بس بقت علي هذا المسجد عشان الناس تقيف فيه .
|
Post: #94
Title: Re: تحفة عمرانية بالخرطوم .. يقال ان اسمها مسجد البشير ... صــور
Author: Alshafea Ibrahim
Date: 09-27-2009, 03:03 PM
Parent: #91
عيدكم مبارك
من أين للبشير الأموال لبناء المساجد والقصور الفاخرة حوله في (تكريت) ؟ ديل نفس عائلته الموجودة قبل 1989 ولا واحدة جديدة ؟ قليل من الحياء ياهؤلاء ارحمونا وأنتم يا مطبلاتية وهتفية ومرتزقة البشير واهله وقبيلته .. تأهيل أو تشيد عنبر ولادة أكثر أهمية وضرورة للنساء والأسر والسودان ....
الشفيع إبراهيم
|
|