أرسي ليك علي بر ... كرهتنا

Quote: ارسى ليك على بر كرهتنا..‏ From: Hozifa Mohammed ([email protected]) You may not know this sender.Mark as safe|Mark as unsafe Sent: Saturday, November 22, 2008 10:13:40 AM To: [email protected] ما عرفناك شغال شنو في اخبار اليوم دي .. صحفي رياضي .. اجتماعي .. ثقافي .. سياسي .. شايك كاميرتك وحايم في الخرطوم ومرة برة الخرطوم ياخي انتا احمد البلال دا مشغلك شنو .. ارحم نفسك واملأ مركزك عامل زي الصحافيين المبتدئين والله البت اللي اسمها احلام المعاكم دي احسن منك بمليون مرة في كل شئ تحس في كتاباتها بالموضوعية وان لها مستقبل .. وواحد زيك لما راسو شيب في الصحافة ولسه ما عارف يكتب .. اتعلم ياخي من ناس احلام ديل رغم انهم اصغر منك سنا ولكنهن يعرفن صحافة كويس .. او شوف ليك دلالة عربات بي دقنك دا بتشبه السماسرة .. والله احسن ليك لانو أصلا ما حصل لقيت ناس قاعدين يناقشوا في كلام كتبوا عبود.. او انزل تدريب صحافة من جديد .. كل هذه الخيارات مفتوحة امامك يا سيد ..........

تلقيت هذه الرسالة عبر البريد الالكتروني
وأشكر الأخ حذيفة كثير الشكر علي النصائح التي أوردها
وأقول :
ليس هناك ما يجبرك علي القراءة لشخصي الضعيف
بل يمكن بسهولة جدا ان تتجاوز حروفنا


وأشكره لأشادته بالزميلة الاستاذه احلام وهي تستحق بجهدها وادائها الاشادة
والتقدير ..

وأتشرف أن أكون دائما صحفيا مبتدئا ... استفيد من كل الاساتذة الذين سبقوني

أما الخيارات التي وضعتها لي يا أخ حذيفة فانني اشكرك كثيرا انك لفت نظري لها

دلالة العربات عمل شريف سأفكر فيه بجدية مع تقديري واحترامي للعاملين في هذا المجال
التعليم من الاستاذة احلام وغيرها فانني لا زلت اتعلم من كل الذين سبقوني في هذا المجال
وبالتأكيد لو أخفقت فذلك ليس بسبب اساتذتي بقدر ماهو بسبب تقصيري وعدم استيعابي

وياريت تتوسط لي في اي دورة تدريبية لاتعلم فيها ... ومن ناحيتي فانني لا زلت اطارد اخبار الدورات التدريبية لأستفيد منها .. لذلك تجدني بالكاميرا في كل مكان واتنقل بالكتابة في السياسة والفن والرياضة والاقتصاد


شكرا حذيفة وارجو ان لا تقطع عننا نصائحك الغالية

وارجو يا حذيفة ان تعذرني لانني .... كرهتك !!

وين يارجل يافاضل ....ياسيد عبود....سلام كتير ....سمعت بالمثل البقول(السفيه
نبذ الباشا)ولا اهمك....دى بلد تضم فى احشائها مجموعة لا باس بها من الكائنات
الحية التى تمشى على اربعة ...تسفه كل شى وتمتهن كل شى ولاتراعى اية قيم
ليست لدى وشيجة قوية معك الا من خلال ما تكتبه فى هذا المنبر وبقطع النظر
عن محتواه وطبيعته الا انى اكاد اجزم كل حرف فيه وكل عبارة تقول وبلسان
الرشد انك(ابن ناس )حقيقة ...ليست هذه مجاملة لك يا عبود او مؤاساة للتخفيف
من هذه السخافات وانما حقيقة لمستها فى وداعة ولطف وتهذيب العبارة التى
تكتبها لذلك تجدنى دوما احيى فيك هذه الدماثة فى الخلق.

مع خالص تحيات الود والتقدير

على تاج الدين

الاخ الكريم
علي تاج الدين
سلام وتحية

اشكرك علي كلماتك في حقي وارجو ان اكون عند حسن الظن بي

كماارجو ان تجد معي العذر لكاتب الرسالة (حذيفة)
وادعو له معي بالهداية

الاخ عبود
لا تجزع
انا اللي يادوب لي سنة في المنبر جاتني كميييييييية رسائل شتائم وتهديد من ايميلات يقول مرسلوها انهم من قراء واعضاء في المنبر العام هنا وانه قرا كذا وكذا لي
وطبعا الايميل المرسل منه ما حيكون حقيقي يعني لا يدل على مرسله وانما ررمزي

اعمل زيي
وقول لنفسك طالما بتجيك سهام من النوعية دي اذا انت في الطريق الصحيح
وواصل فيه بدون ان تلتفت لاسلوبهم
ودون ان ينقص من قدرك شئ

الاخت الفاضلة
ميادة
سلام وتحية
لم اجزع
وتعاملت مع هذه الرسالة والكلمات الواردة فيها بصدق وانها نصيحة من قاريء
وفكرت أنه ما كان يصل لكل هذا الذي كتبه لولا انه قرأ لي كثيرا
لذلك فانني اقدر له كلماته ...
وبعد 16 سنة عمل صحفي فانني لا زلت احتاج لأتعلم كثيرا خاصة من الاساتذة
الذين عاصروا أكثر من نظام سياسي ... وليسوا مثلي حيث ان عملي الصحفي
فقط في عهد الانقاذ ... ان تكون هذه ميزة او منقصة فذلك يخضع للتقييم


سعدت حقيقة بمرورك هنا أختي ميادة

اخي العزيز عبود

تحياتي يا رجل يا راقي

والله انت فعلا راجل محترم وابن اصول

وانا اكن لك معزة واحترام خاص جدا جدا

اخوك دايما

اشرف مصطفي

الاخ الكريم
اشرف مصطفي
سلام وتحية

Quote: وانا اكن لك معزة واحترام خاص جدا جدا

تقديرا لك ولمن يقرأوون حروفنا هذه
نترفع عن الكثير
وفوق ذلك فانني اشكر اخي حذيفة علي رأيه الصريح

اخي عبود .. ..
لايختلف اثنان انك انسان فوق كل الترهات والاساءات المتعمدة
او الغير متعمدة .. كن كالنخيل عن الاحقاد مرتفعا .. وهــذا
صعب ولكنكدرت عليه .. يرمي بالطوب فيلقي اطيب الثمرا ..وشكرا
لهذا الثمر الطيب الذي كان رده به .. ..

Quote: ما عرفناك شغال شنو في اخبار اليوم دي .. صحفي رياضي .. اجتماعي .. ثقافي .. سياسي .. شايك كاميرتك وحايم في الخرطوم

الزول دا يا عبود بيمدح فيك وهو لايدري
ولو انه يعلم ان الصحفي المطلوب منه
ان يكون كذلك لاستخدم عبارات اخري

الأخ عبود
أشهد أنك من أكثر الناس المهذبين في هذا المنبر ..
وبالمناسبة الزول ده كان ممكن يقول كلامو ده كلو بس بأسلوب كويس ومحترم ...
عموماًهذا قدر مهنة المتاعب و أنت أعلم مني بمعاناة الصحفين في السودان سواء صحافي المعارضة أو الحكومة

الاخ الكريم
خالد
تحية وسلام
ولك تقديري وشكري

Quote: وبالمناسبة الزول ده كان ممكن يقول كلامو ده كلو بس بأسلوب كويس ومحترم ...

اتمني ان يكون قد فكر جيدا فيما قال ولم يتسرع ... وفي كل الأحوال فان آراءه مكان احترامي

انتهي منك نهاية مرة لكن .

يا طلحة اخوي
ممكن صاحبنا دا يكون هلالابي زعلان

الاخوان الكرام
بهاء والشامي
سلام وتحية لكما
فوجئت بالرسالة ولا معرفة سابقة لي بصاحبهاالاخ الكريم حذيفه محمد (كما هو واضح في اسم المرسل)
ولكني لم اتردد في نقلها للنشر عبر البوست
ربما يتساءل احد هنا عن سبب نشر الرسالة ..
واقول
اولا :في تقديري ان كاتب هذه الرسالة من الذين يطالعون المنبر ووقف عند بعض آرائي المتواضعة
لأنني لا أدعي بأن ما أكتبه في الصحيفة يحظي بالمتابعة والاهتمام من الاخ الكريم حذيفة

وانطلاقا من (أولا) فانني قصدت ان أبعث اليه رسالة بانني تعرفت علي آرائه وهي مما لا يخجل المرء عن ذكرها .. ولكن مما يتوجب في تقديري ( وربما اكون مخطئا) ان اطرحها للنقاش والتداول هنا
فربما يكون هناك آخرين لديهم أكثر من مثل رأي الاخ الكريم حذيفة
وربما صادف هوي عند البعض من الزملاء هنا أو الزوار

وللجميع اقول مرحبا باي راي او نقد مهما كانت عباراته
ولكننا نتمني من الجميع المحافظة علي نقاء الحروف التي تقع علي اعين الناس هنا

وبقدر اخطائي وعيوبي خاصة في بداية عهدي بهذا المنبر
فانني اعتذرت عن كل شيء منذ وقت بعيد
وعاهدت نفسي ان لا اجلب اساءة لي او لاسرتي
لذلك ...
فانني اتمسك بعهودي
وارفض تماماالخوض فيما لا يليق

ومن اجل كل ذلك ...
اشكر مرة اخري اخونا حذيفة محمد

الاخ عبود

سلام

لقد عرفناك قبل هذا المنبر ومن خلاله و ماعرفنا عنك غيرالصدق والامانه

وحسن الخلق فانت فوق هذه المهاترات .

فهذا الحديث صادر من صاحب قلب مريض يضمر لك شيئ في نفسه.

فلا تهتم بمثل هذه الامور كثيرا.

ألأخ/عبود لك التحية


والله العظيم رديت عليك رد عجبنى ولى الزول الماعندو ذوق ده برضو..لكن يا أخى مرة ثانية ما تهتم لمثل هذا الحديث وألأخوان المتداخلين ماقصروا قاموا بالواجب من ناحية النصائح نحن عارفنك صحفى جيد ونشط الله يوفقك


مودتى////////إسماعيل محمد احمد عباس...

سلام تاني للصحافي المبتدى عبود (الهلالابي المسكين )
وإحترام لضيوفه المناصرين
أما بعد :
الناس القالوا عبود صحفي كويس
يعني نصدقكم انتو ونكذب القراء ..؟
إنتهي ..

Quote: يعني نصدقكم انتو ونكذب القراء ..؟

الكلام ده ليك يا طلحه .. في بوست اسمو
الشوبار .....والمتشوبرين بلا حدود
بتلقي ضالتك فيهو !!!!!
ليس مدافعا .... فلك ان تقراء له وتقصدق او لاتقراء فهذا متروك لك .. !!!
وللناس ارائهم فيما كتب وفي الكاتب نفسه لماذا لا يكون راي مثلهم ؟!!
ولكن ...تاتي بعدما كل ادلا بدلوه هنا .. بسؤالك
الفطير ... من تصدقك ؟ لماذا لا تقراء له انت ؟؟ ايها المتشوبر طلحه

عبدالله كع سلامات
ياخي ما أتشوبر في حد طالبني حاجة ..؟؟
قصة عجيبة وحاة النعمة .

طلحه ........... عوافي يا حاج

Quote: ياخي ما أتشوبر في حد طالبني حاجة ..؟؟

ما غريبه عليكم يا مريخاب ...
وحا نطلبك منك شنو يا قريبك ؟؟
انت اقراء له وتعال ....( مصدق انه صحفي او غير ذلك ..)
بدلا من السؤال ومدة اللسان !!!
عجبي !!!!!

عبدالله كع
لا حولاااااااااااااااااااا
ياخي اوع تكون زعلت بس ؟؟؟؟؟؟؟؟؟؟؟؟؟؟
انا بهزر مع عبود كصديق وزميل وهو عارف كدا كويس بدليل ردو الأول لي ..
اها هسع المتشوبر فينا منو في ذمتك .. ؟؟؟؟؟؟؟؟؟؟
عموما مقبولة منك الزعلة يا حبيب ..

Quote: ياخي اوع تكون زعلت بس ؟؟؟؟؟؟؟؟؟؟؟؟؟؟. اها هسع المتشوبر فينا منو في ذمتك .. ؟؟؟؟؟؟؟؟؟؟ عموما مقبولة منك الزعلة يا حبيب

وحاتك عمري ما زعلته من زول هنا ...
اندهشته بس .. يا مريخابي



احترامي .... بالجد جد صفوه .............

مااااااااا كلكم !!

شكرا يا عبدالله كع
بس لكن ياخي خربت علي التجدع في بوست عبود دا وخليتني أكشف النومة يا متشوبر ..

الاخوان الاحباب
طلحه عبدالله
عبدالله كع
سلام ومحبة لكما ولكل الاحباب الضيوف

هون عليك اخي كع ... فانا منذ المداخلة الاولي عرفت (نومة) الهلالابي الزعلان دا ...
(مصيرك يا طلحة ومعاك الحبيب هارون دياب ) تعودان مكرمين الي احضان سيد البلد بيتكم الاصلي
وما في داعي زعلكم دا يمتد اكثر من كدا ...
ويا اخ كع ...
طلحة دا انا عارفو ...
ما بفوت حروفي البكتبا ... دائما يقرأ لي
رغم ادراكي بانني لا زلت (صحفي مبتديء) ...

احتراماتي وتقديراتي لكما الصديقان الحبيبان عبدالله وطلحة

ولكما الود

عبود يا عمكـ
أخباركـ ياخ!

باللاي الخدمة الطويلة الممتازة دي كلها شاتا ليكـ بي إيميل








_______________
الأخ حذيفة: إيميلي في البروفايل! تحت شعار: رحم الله امرئ أهدى إليّ عيوبي

ودالصايم ياعمكـ
سلام وتحية

Quote: باللاي الخدمة الطويلة الممتازة دي كلها شاتا ليكـ بي إيميل

تصور ؟؟؟

وهذه رسالة جديدة من الاخ حذيفة تلقيتها بالايميل
ردا علي تعليقي المنشور في بداية هذا البوست
وكنت قد بعثت به اليه عبر ذات الايميل ...
فكتب :

Quote: لتصبح استاذا‏ From: Hozifa Mohammed ([email protected]) Sent: Sunday, November 23, 2008 10:03:40 AM To: [email protected] الكتابة في كل المجالات . هذه هي غلطتك وهذا ما يجعل كتاباتك ضعيفة .. لان تفكيرك سيكون مشتتا بين كل هذه المجالات .. وهذا ما جعلك تتسبب في فشل صحيفة الدائرة .. لذا طالما انك اخترت ان تواصل في مجال الصحافة فيجب ان يكون تفكيرك منصب في مجال معين لتصبح خبيرا فيه..

حتما سأعود !!!