شكرا الاخ مؤيد شريف ... وماسنجر خاص الي الأخ بيجو!!

اتصالك بشخصي الضعيف خلال عيد الأضحي للتهنئة والتعافي
كانت مبادرة تستحق الشكر ... فقد كنت السابق في نصيب الخير

ونأمل أن تسود هذه الروح بين كافة الزملاء هنا
التعافي والتصافي ...
كل سنة وانت طيب




وهذه مناسبة ان التقط القفاز منك
وأتوجه الي الأخ عبدالمنعم سليمان
بالتهنئة بمناسبة العيد السعيد
وأزيل كل ما علق بنفسي من مداخلاته في المنبر
وأشهد الله العلي العظيم أنني تجاوزت ما قاله في حقي
وأقول لك أخي عبدالمنعم سليمان
ومن قبله الاخ مؤيد شريف
وكل الزملاء هنا في سودانيز اون لاين وكذلك المتصفحين
العفو والعافية
وكل سنة وانتو طيبين ... والأماني محققة

الاخ الكريم عبود عبد الرحيم

اختلفنا كثيرا هنا وربما فلتت منا بعض كلمات جارحات ولكن تظل النفوس لا تحمل غلا ولا حقدا لاحد .. اتصالي بك كنت ازمع له منذ زمن والله لانني اشعر من خلال كتاباتك هنا بانك شخص سليم النية والسرائر وعف اللسان وهذ يشهد لك بها المنبر اجمعه ... لا تتخيل كم كنت اخاف ان يكون رد فعلك علي اتصالي سلبيا لكني وعلي اي حال توكلت وقلته اعمل العلي لكنني وجدت من ترحابا وسماحة حقيقة اخجلتني وزادت من احترامي لشخصكم الكريم ...


غايتو بشوف ليك بيجو ونحاول نعمل البنقدر عليهو ،،، وانته شوف لي ملاسي ده العيد ما خلاهو بيقه متسامح؟ وننتظر رده علي مبادرتنا للتصافي ....


علي اي حال اعيد شكري لك علي تقبلك الجميل لمكالمتنا وربنا يديم ما بيننا من احترام


تسلم

الاخ الكريم
مؤيد شريف
مرة اخري أقول لك بالسودانوية ... كتر خيرك


ورغم عدم وجود معرفة شخصية بالاخ الكريم حسين ملاسي
الا أنني اثق في حسن خلقه واحترامه للجميع ولا اعتقد انه يحمل في نفسه شيئا ضد احد
كما هو الحال لكل أهل حوش بكري هنا
ومهما اختلف الناس في الآراء والتوجهات ...
ولكننا جميعا نلتقي في السودان

وكما قلنا من قبل في بوست الاخت نادية عثمان مختار (ماذا تشتهون)
فاننا نشتهي منبرا نختلف فيه ولا نسييء لبعضنا
نشتهي احتراما متبادلا بعيدا عن التجريح


وأتمني أن يكون الاخ عبدالمنعم (بيجو) بخير ...
ومن يلتقيه فليبلغه تحياتنا ومعايداتنا




ودالصايم يا عمكـ
شكرا يا حبيبنا