بأمر الاتحاد الأفريقي ... الهــــلال رسميا في دوري الابطـــال!!

لن يلعب الهــــلال في بطولة (الكونفيدرالية) المحببة للمريخ !!!

انتو من يوم 17 لسه بتهضربوا ؟؟


الارباب عمل شنو بعد معركة الامس ؟؟

قرر الاتحاد الافريقي في مخاطبته للاتحاد السوداني
مشاركة اول وثاني الدوري العام في بطولة الاندية ابطال افريقيا
ومشاركة ثالث الدوري في بطولة الكونفيدرالية


وقد اعتمد الاتحاد السوداني
الهلال والمريخ في بطولة الاندية الافريقية
وتم اعتماد حي العرب بورتسودان في الكونفيدرالية





معليش يا مريخاب ... يعني الهلال والمريخ وجها لوجه في بطولة واحدة

نأمل ان يصمد الفريقان في البطولة وتتواصل مسيرتهما حتي النهائي

الكونفدرالية جاياكم جاياكم لأنكم ما حتنستروا في الأبطال ذي ما كسفتونـا السنة دي ..

يا الله فرحكم ده يطول ونتلاقي في مجموعة واحدة تاني .. بس أوعكم تشطبوا ناس مانديلا وكده

لأنهم ديل الفضلوا

يا راجل
يعنى برضوا ما حا نلاقى
القطن التشادى قصير التيلة
ولاالدلاقين
ولا الحمام الميت
هلالنا فووووووق

لا وحيـاتك حتلاقي "القطن" الكاميروني ... وناس هجروني "مازمبي"

يعني مسكنا ماسورة
اتنازلنا للوصيف من الممتاز عشان نلعب في دوري الحمام الميت
برضو يجويلعبونا في دورينا المعتاد

عموما عوجة مافي دوري الابطال بشبهنا ونحنا ليهو ومافي غيرنا
زول بركز ليهو

وح تشوفوا




خالص الود

كده يا دوب تعرفوا يا ناس منو الزعيم ومنو سيد ابلد

خمسة سنين الهلال في الابطال

والوصيف في الكونفدرالية

ناس الاتحاد الافريقي ما قالوا للوصيف يشارك في الابطال

اها السنة دي الهلال وصيف

طوالي ناس الاتحاد الافريقي البيعرفوا الهلال وقيمة الهلال قالوا كيف يعني

معقولة بس فريق زي الهلال ده ما يكون في الابطال

لا لا ماممكن

اها طوالي شكو لي جواب لي شداد

با اخونا يا شداد

نحن الهلال ده ما بنفرط فيهو في الابطال

مش لو عنك معاهم مشاكل
ده شي ما بيخصنا
نحن بنعمل لازدهار الكرة في افريقيا
والهلال ده فريق كبير
وله سمعة في كل الدول الافريقية
ولذلك نحن السنة دي
والسنة دي والجاية والبعدها واي سنة
اذا الهلال ده ما شال الدوري الممتاز
حنشرك الاول والتاني في البطال

اذا الهلال ده كان التالت في الدوري الممتاز

حنشرك الاول والتاني والتالت في الابطال

نقول ليك يا شداد

من الاخر كده

الهلال ده حيشترك كل سنة في بطولة الاندية الابطال

واعلى مافي خيلك اركبو انت واتحادك

التوقيع:
الاتحاد الافريقي



تسلل :
ليه يا ناس اوصيف السابق خمسة سنين ليه الاتحاد الافريقي ما طلبكم تشتركوا في الابطال وخلاكم في الكونفدرالية البتشبهكم

الوصيف السابق دي ميه الميه .. آآآي كده كل واحد يقعد في جحرو

الوصيف الحـالي منو ؟

يكون في معلومك عشان تعرف الأتحاد مع الهلال وليس المريخ .. كان يفترض المريخ يشارك

العام الماضي في الأبطال لولا تعنت الأمبراطور شداد !! لكن أول ما الجماعه فارقوا دوري

الأبطال .. طوالي حبيبكم شداد دور الجوابات والتحانيس للأتحاد الأفريقي .. وخليك عارف

الأتحاد الأفريقي لا يقرر انما يدرس طلبات الأتحادات ان كانت تستحق المشاركة بفريقين أو لا

وهذا ما فعله ودرس طلب الأتحاد السوداني .. يعني كان ممكن يوافق السنه الفاتت برضو لو كان

خاطبوهو حبايبكم ناس مجدي و شداد ..

عموما" نحن أكتر ناس مبسوطين عشان ده تحقق بسبب نتائج المنتخب الوطني أو بالأصح بسبب النتائج

التي صنعها الملك المتوج فيصل العجب .. لأنو هو الصنع الأنجازات الأخيرة للسودان والا كان تلعبو

في الكونفدرالية ولا علي كيفكم
--------------------------------------


ملك يا عجب أفرحت كل الناس حتي الوصفاء منهم

بس ان شاء الله تنستروا مش تجو الطيش !!

طلال حلفا يا عمك ...

Quote: عشان ده تحقق بسبب نتائج المنتخب الوطني

كلامك دا كان مكاواة كورة ساي اوكي
لكن لو جادي فيه تكون بالغت
باللاي اتاريه الممتاز بخلع قدر دا

أعتقد بأن مشاركة نادي الهلال كانت بضغط من رعاة البطولة

لان الهلال وجمهوره كانا ملح البطولة للخمسة اعوام الماضية وهما كفيلان بأنجاح البطولة القادمة



أما عن الاتحاد العام فبالرغم من ان القرار هذا مر ومثل العلقم بالنسبة لشداد ومن شد شده

لكن مجرد تمكين المريخ من الممتاز هذا العام يعتبر كافيا في نظرهم لارضاء من يودون ارضاءه

وليعلم الجميع ان مقام الهلال محفوظ .....شاء من شاء وابي من ابي

الوضع الطبيعي للهلال رغم انف شداد

وحكامه


بالتوفيق للهلال في بطولته المفضله

الوضع الطبيعي للهلال رغم انف شداد

وحكامه


بالتوفيق للهلال في بطولته المفضله

Quote: كده يا دوب تعرفوا يا ناس منو الزعيم ومنو سيد ابلد خمسة سنين الهلال في الابطال والوصيف في الكونفدرالية

فريق يتلطش من الاهلي الخرطومي ويتعادل بأمر الحكم العادة بعد طرد حارس الاهلي وبضربتي جزاء والاهلي بعد كل هذه التسهيلات يقف ندا قويا اما التحكيم والتنجيم والزريبة وبعد تحانيس وتلويح بالدورار انتهت المبارة بفوز الهلال 9/8 برضبات الحظ الترجيحية وبرضوا لسانكم طويل وفصيحين وبعد شوية
يجب ابو قرع ويعمل ليك فيها شاعر ؟؟؟؟؟؟ الفسيخ عمروا ما بيبقي شربات

يعني هضربة يوم 17 نوفمبر ح تستمر لي متين؟ يا جماعة خلو روحكم رياضية..المريخ حاليا الفريق الأحسن..نال كأس الممتاز و ان شاء الله في الطريق الدورة التنشيطية و بعدها كأس السودان..لكن عشان الهضربة دي ما تزيد ايه رايكم نديكم الدورة التنشيطية دي عشان تخفف مشاكلكم الكتيرة دي بعدين نجيكم في البطولة المحببة تأخدوا 2/ صفر..اتفقنا..وهية و جمال السنوسي تحياتي

Quote: خبر سار : اعلان مشاركة الهلال فى دورى ابطال افريقيا رد الاتحاد السوداني لكرة القدم نهار امس على خطاب الاتحاد الافريقي >كاف< بترشيح فريق اضافي للمشاركة في بطولتي الاندية الافريقية الابطال والكونفدرالية بترشيح الهلال مع المريخ للابطال وحي العرب للكونفدرالية وذلك لموسم 2009 · وجاء في خطاب الكاف ان بعض الدول التي تتمتع بحق المشاركة بفريق اضافي تكتفي بفريقها الاساسي فقط ·· ورأت اللجنة المنظمة اتاحة الفرصة للدول المصنفة في المركزين (13 و14) وهي السودان وليبيا للاستفادة من الخانات الشاغرة وسترد على طلبات الترشيح في فترة اقصاها الرابع من ديسمبر المقبل · الاعفاء من التمهيدي للهلال فقط تشير متابعات >قوون< ان الاعفاء من الدور التمهيدي في بطولة الاندية الافريقية يشمل فريقاً واحداً من السودان هو الهلال ·· وتشير المتابعات ان المريخ سيلعب من التمهيدي ·

http://goansport.net/article/id/13210

هذه الافضلية التي حصل عليها السودان كانت بفضل صعود الهلال لدوري المجموعات لعامين متتاليين واحدة منهما كانت دخوله المربع الذهبي في اكبر بطولة افريقية للاندية ....

اذا فان اتحاد شداد المفروض يضرب تعظيم سلام للهلال جماهيرا ولاعبين وادارة
وعليه ايضا (اتحاد شداد) ان يراجع اسلوب تعامله مع (سيد البلد) ويجب ان يعلم تماما ان كل المكاسب التي تحققت للسودان كرويا جاءت من تحت اقدام نجوم الهلال ...

لم نسمع ان مكسبا تحقق للكرة السودانية في مجال التصنيف بسبب فوز ببطولة كونفيدرالية
ولكن ... هاهو الانجاز يتحقق بمشاركة مضاعفة للاندية السودانية بفضل صعود الهلال الي دوري المجموعات
فما بالك اذا فاز بالبطولة ؟؟؟؟
هكذا يقود هلال الملايين الكرة السودانية ...

ياخواني وحاة النبي
انا طلال حلفا ده من غناه عرفته بيكون مريخابي




إيمان

عبود المسكين بتاع الملح
فرحان اوي
وتنطط وتتجدع كمان بالهبة بتاعت حياتو دي ..
يا لوكسة فريقك المهلهل متلقي هبات وفضلات حياتو ..
معزوم هنا يا مازوم لطفا .. لا تقرأ هذا الخبر .. خطير

Quote: وتتجدع كمان بالهبة بتاعت حياتو دي ..

طلوح المسكين

البطولة دي مهمة ورأى حياتو واتحاده بان البطولة لا قيمة لها بدون الهلال وخسوسا انتو راكبين الفيدرالية اقصد الكونفيدرالية راكبنها راكبنهالانو مجموعات الابطال دي ما لعب عيال وتشموها قدحة وهناك لافي شداد ولا الحكم ابوشنب تترشوا لمن الله يغفر ليكم يا مساكين وماممكن السودان يكون ما موجود في المجموعات السنة دي بسبب شداد والتحكيم المحلي ولذلك قرر الاتحاد الافريقي اضافة الهلال في قائمة الفرق المحبة للبطولة الكبرى .

وهنيئا لجمهور الرياضة بهذا القرار

وهبة يا صاحبك

Quote: البطولة لا قيمة لها بدون الهلال

لا وانت الصادق عليك الطلاق ..
البطولة لا قيمة لها من دون الهلال كونه نقاطة قروش خصوصا وإن ثلاثة أرباع الجمهور الذي يدخل مبارياته هو جمهور الزعيم الذي يعتبر ان مباريات ابو الهل فرصة سانحة للضحك وقضاء الوقت في اللهو والمرح علي العواجيز أياهم ..
حنكك سنين برضو .

ارسل الاتحاد الافريقي لكرة القدم خطابا للاتحاد السوداني سمح من خلاله بمشاركة السودان بفريقين لاول مرة في التاريخ في بطولة دوري ابطال افريقيا وكاس الكونفدرالية الموسم المقبل .

الاتحاد الافريقي يسمح للدول التي تحتل المركز من 1الى 12 في ترتيب البطولات الافريقية حسب نقاط الاندية بالمشاركة باربعة فرق في البطولتين لكن بعض هذه الدول لاتشارك سوى بفريق واحد مما يجعل هناك بعض الاماكن الشاغرة لذلك فأن الدول التي تحتل المركزين 13 و14 حسب التصنيف وهم السودان وليبيا سمح الاتحاد الافريقي بمشاركة فرق اضافية حسب الخطاب المرسل الى الاتحاد السوداني.

بهذا الخطاب فان فريقي المريخ بطل الدوري لهذا الموسم والهلال صاحب المركز الثاني سيشاركان لاول مرة في التاريخ مع بعضهما في دوري ابطال افريقيا بينما سيترشح فريق حي العرب للمشاركة في كاس الكونفدرالية .

يا طلحة يا عزيزي
بالهداوة كدا وبدون انفعال
أمسك أعصابك شوية

أول حاجة مشاركة الهــلال في دوري الابطال الافريقية ليس (هبة) ولا (ملح) ولا (منحة) من حياتو
ولكن اقتلعها الهلال بجهد فريقه جمهور ولاعبين ومجلس ادارة وذلك بصعوده الي دوري المجموعات
مرتين علي التوالي ... وكان يمكن أن يحرز البطولة في المرتين
لولا عناد صلاح ادريس في الاولي
ومؤامرة اتحاد شداد في الثانية
اذن الهلال هو الذي فتح الباب للسودان بالمشاركة بثلاثة اندية
كان من الممكن ان ترتفع الي أربعة لو لا خرمجة اتحاد شداد في ادارة منافسة
تفتقد الي ابسط قواعد التنافس الشريف ..

وبما ان الهلال قد عرف وخبر منافسته المحببة في دوري الابطال
فاننا نتمني للمريخ التوفيق للتقدم في هذه المنافسة (الغريبة عليه)
ومنذ الآن نقول للمريخ (الكونفيدرالي) اللعب هنا بعقل وتفكير وليس ... و... و....
أما حي العرب فنتمني له التوفيق ونرجو من اهل المريخ تنويره بما (كان يفعله) لتخطي بعض الفرق
حتي يتمكن من الاستمرار في المنافسة وعندما (يهبط) له المريخ يجده ويستمروا حتي نهائي الكونفيدرالية
ليكون النهائي بين بورتسودان والعرضة جنوب !!!

دا شنو دا هسع يا عبود بيه

Quote: يا طلحة يا عزيزي بالهداوة كدا وبدون انفعال أمسك أعصابك شوية

وين أنفعلت أنا هنا ..؟؟؟؟؟؟؟؟؟؟ شايفني خاشي بسيف واللا مدفع رشاش واللا كلامك دا بنيتو علي شنو بالضبط ..؟
واللا قصدك اني ح انفعل باعتبار ما سيكون واللا شنو بالضبط يا حبوب ..؟؟؟؟؟ فهمني أفهمك الله من فضله ..
غايتو كلامك دا يا رشيق يعني انك انت الجيت داقي روسية وشايت ضفاري بسبب الإنفعال وطبعا جيت خامي معاك مبدأ خير وسيلة للدفاع الهجوم ..
علي طريقة الفيك بدربو ..
بلاي إتعامل معانا كويس با عبودي اخوي وبطل شغل السلفقة دا ..
ثانيا دا :

Quote: لو لا خرمجة اتحاد شداد في ادارة منافسة تفتقد الي ابسط قواعد التنافس الشريف ..

لحدي ما تجيء تورينا خرمجة إتحاد شداد في شنو وياتو منافسة دي البتفتقد لأبسط قواعد التنافس الشريف وكيف بتفتقدو ح :
اعتبرك بتردد كلام بتسمعو واللا بتقراهو ساي وما عندك عنو أية خلفية ..
ولو كلامي الفوق دا ما صاح تعال ورينا الخرمجة في شنو وابسط قواعد التنافس الشريف البتفتقدو المنافسة شنو ..؟

الاخ الحبيب الهلالابي الزعلان
طلحة عبدالله
سلام

Quote: وين أنفعلت أنا هنا ..؟؟؟؟؟؟؟؟؟؟ شايفني خاشي بسيف واللا مدفع رشاش واللا كلامك دا بنيتو علي شنو بالضبط ..؟ واللا قصدك اني ح انفعل باعتبار ما سيكون واللا شنو بالضبط يا حبوب ..؟؟؟؟؟ فهمني أفهمك الله من فضله .. غايتو كلامك دا يا رشيق يعني انك انت الجيت داقي روسية وشايت ضفاري بسبب الإنفعال وطبعا جيت خامي معاك مبدأ خير وسيلة للدفاع الهجوم .. علي طريقة الفيك بدربو .. بلاي إتعامل معانا كويس با عبودي اخوي وبطل شغل السلفقة دا ..

طلحة يا أخوي انفعالك وزعلك من وجود الهـلال في موقعه الطبيعي بدوري الكبار
كان واضح من الكلمات دي

Quote: عبود المسكين بتاع الملح فرحان اوي وتنطط وتتجدع كمان بالهبة بتاعت حياتو دي .. يا لوكسة فريقك المهلهل متلقي هبات وفضلات حياتو ..

اما مطالبتي لك بمسك اعصابك لانني آتيك بتفسير مشاركة السودان باربعة اندية في بطولات افريقيا
حيث ان هذه الميزة جاءت بسبب مشاركة الهلال في دوري الثمانية مرتين ثم دوري الاربعة الكبار مرة
ولم يأتي هذا الانجاز بسبب حصول المريخ علي كأس الصفيح أقصد الكونفيدرالية ..

Quote: لحدي ما تجيء تورينا خرمجة إتحاد شداد في شنو وياتو منافسة دي البتفتقد لأبسط قواعد التنافس الشريف وكيف بتفتقدو ح : اعتبرك بتردد كلام بتسمعو واللا بتقراهو ساي وما عندك عنو أية خلفية .. ولو كلامي الفوق دا ما صاح تعال ورينا الخرمجة في شنو وابسط قواعد التنافس الشريف البتفتقدو المنافسة شنو ..؟

عليك الله يا طلحة الشفناهو دا اسمو دوري ؟؟؟ وممتاز كمان ؟؟؟ مليون تعديل ومليون قرار لجان ووساطات واجاويد وتدخل وزير وقرارات اتحاد وحرب تصريحات بين رئيس اتحاد ورئيس نادي ومباريات مؤجلة ومباريات مقدمة .. كل دا وتسألني الخرمجة وين ؟؟
أما بالنسبة لافتقاد واعد التنافس فذلك أكبر دليل عليه تأثير الحكام علي نتائج المباريات ومشاركة حكم موقوف محليا في ادارة مباراة في الدوري الممتاز ... برضو تسألني عن قواعد التنافس ؟؟؟
يا طلحة يا أخوي ... آفة الكورة السودانية هو اتحاد شداد ... والدليل الواضح فيما غير المنافسة المحلية يتمثل في التمسك بمدرب للمنتخب افتقد صلاحيته الفنية وقدم كل ما عنده ... بقي علينا فقط ان نقدم له الشكر وشهادات التقدير والعرفان .

نزل لأسفل

Quote: مشاركة الهــلال في دوري الابطال الافريقية ليس (هبة) ولا (ملح) ولا (منحة)

طلوح المسكين افتكر الكلام دا واضح

ولا يكون عيسى حياتو ( مضغوط )

انتو الحارق رزكم شنو بدي افهم؟

الواضح يا وهبة العزيز
أنو عيسي حياتو دا زول حلاب بقر بس ..






















لو ما فهمتها حاول افهما ..

Quote: طلحة يا عزيزي بالهداوة كدا وبدون انفعال أمسك أعصابك شوية أول حاجة مشاركة الهــلال في دوري الابطال الافريقية ليس (هبة) ولا (ملح) ولا (منحة) من حياتو ولكن اقتلعها الهلال بجهد فريقه جمهور ولاعبين ومجلس ادارة وذلك بصعوده الي دوري المجموعات مرتين علي التوالي ... وكان يمكن أن يحرز البطولة في المرتين لولا عناد صلاح ادريس في الاولي ومؤامرة اتحاد شداد في الثانية اذن الهلال هو الذي فتح الباب للسودان بالمشاركة بثلاثة اندية كان من الممكن ان ترتفع الي أربعة لو لا خرمجة اتحاد شداد في ادارة منافسة تفتقد الي ابسط قواعد التنافس الشريف ..

أخى عبود السلام عليك وعلى جميع المتداخلين تشكر على هذا الخبر الجميل..ودورى ألأبطال بدون الهلال لاطعم له..مازالت المسافة بعيدة بيننا وبين أخوانا إياهم إلا القليل منهم فى الفهم واللعب والتشجيع..نحن نخبة منتقاة..تسلم مرة ثانية وخالص مودتى للجميع..إسماعيل محمد احمد عباس...

Quote: ..ودورى ألأبطال بدون الهلال لاطعم له

انت حبيبي والله ياسمعة

رشوا البطيخاب وعرفوهم مقامهم

الي الكونفدرالية بعد دور الـ 16

سلامات يا عبود، وكل عام وأنتم وهلال الملايين بخير.

نص خطاب الاتحاد الإفريقي -المنشور تفصيلاً في صحيفة الصدى وإيجازاً في صحيفة قوون- لا يؤكد مشاركة
الهلال في دوري الأبطال. هذا هو نص الخطاب نقلاً عن صحيفة الصدى (عدد يوم 28 نوفمبر 2008):

Quote: السادة سكرتير الاتحاد السوداني لكرة القدم سكرتير عام الاتحاد الليبي لكرة القدم الموضوع/ إمكانية اضافة ناديين في بطولتي الأندية الأفريقية لعام 2009 تحية طيبة وبعد نتشرف بإفادة سيادتكم ان الدول التي تحتل المراتب من 1 الى 12 في بطولات الأندية الأفريقية من حقها المشاركة بأربعة أندية (اول وثاني الدوري) في بطولة رابطة الأبطال.. وبطل الكأس وثالث الدوري (في كأس الكونفدرالية) ونظراً لأن بعض هذه الدول لا يشارك سوى بنادٍ واحد في احدى البطولتين او كلتيهما فقد قررت لجنة بطولة الأندية الأفريقية السماح للدول التي تحتل المراتب التالية بالمشاركة بعدد اضافي من الاندية في حالة وجود اماكن شاغرة من الدول التي تحتل المراتب من 1 الى 12 ولما كان السودان وليبيا يحتلان المركزين 13 و 14 في قائمة الترتيب للاندية الأفريقية لذا فإنه من الجائز في حالة رغبة اتحاديكم ان توافق اللجنة المنظمة على السماح بإضافة ناديين في البطولتين اعلاه لكل من السودان وليبيا ومن ثم في حالة رغبة اتحاديكم المشاركة بناديين في كل مسابقة فإننا نرجو موافاتنا باسماء الأندية المعنية في موعد غايته 30 نوفمبر الجاري وسوف نوافيكم بقرار اللجنة المنظمة يوم 4 ديسمبر على اقصى تقدير. واذ نشكر لسيادتكم حسن تعاونكم تفضلوا بقبول فائق الاحترام. الاتحاد الإفريقي لكرة القدم السكرتير العام

أعتقد أنّ نصّ الخطاب واضح. فهو يتحدث عن "احتمال غير مؤكد". ذلك لأن ترتيب السودان كما حدده
الاتحاد الإفريقي هو الثالث عشر، مما يعني أنّ مشاركة السودان بفريقين رهينة بقصر إحدى الدول
الاثنتي عشر الأُوَل مشاركتها على فريق واحد. وتجدر هنا ملاحظة أنّ الخطاب اختُتِم بتأكيد أن قرار
اللجنة المنظمة بهذا الخصوص سيصدر يوم 4 ديسمبر على أقصى تقدير.

وبطبيعة الحال، أتمنى أن أكون مخطئاً في فهمي لنص الخطاب؛ إذ أني أتمنى مشاركة الهلال في المنفذ
الإفريقي الوحيد للعالمية، دوري الأبطال، ذي الصيت الذائع والاهتمام الإعلاميّ المكثف والجوائز
المالية القيمة.

سلام يا أحمد الريح .... مشتاقووون يا سيد بلد
قراءتك صحيحة يا أخي لخطاب الاتحاد الافريقي
ولكن من الواضح ان صيغة الخطاب معممة لاتحادي السودان وليبيا
والاشارة الي مطالبة الاتحادين بتحديد اسماء الاندية مؤشر ايجابي
ورغم ان الكاف حدد يوم الرابع من ديسمبر للابلاغ بالقرار النهائي
لكن ووفقا للتفاصيل الواردة في الخطاب والتي تؤكد احقية البلدين
بالاستفادة من هذا الامتياز ... فان الارجح ان يتم القبول باعتماد مشاركة الاندية
الثلاثة في البطولتين ..

وعل العموم فانني اوردت معلوماتي بناء علي القرار الذي اعلنه الاتحاد السوداني وتفاصيله كالاتي :

Quote: نشرت: 28/11/2008 - 04:54 عدد رقم 6186 • اتجاه لاعفاء الهلال فقط من التمهيدي بعد مشاركته السادسة علي التوالي تسلم الاتحاد السوداني منشورا نهار امس من الاتحاد الافريقي لكرة القدم (كاف) يفيد بمنح الاتحاد فرصة للمشاركة بفريق اضافي في بطولتي الاندية الافريقية الابطال والكونفدرالية .. واشار الكاف الي ان بعض الدول الاثني عشر الاولي في التصنيف التي من حقهاالمشاركة ببطل الدوري المحلي ووصيفه في بطولة الابطال وبطل الكاس وثالث الدوري في الكونفدرالية لا تشارك بفريقين وعليه فان اللجنة المنظمة للبطولة رأت منح الدولتين الموجودتين في المركزين الثالث عشر والرابع عشر وهما السودان وليبيا فرصة المشاركة بفريق اضافي في كل بطولة .. علي ان تنظر اللجنة المنظمة في الطلب وترد عليه يوم 4 ديسمبر المقبل .. ودرس الاتحاد السوداني هذا المنشور ورد عليه نهار امس بتسمية المريخ بطل الدوري الممتاز والهلال وصيف البطل للمشاركة في بطولة الابطال وحي العرب ثالث الدوري للمشاركة في الكونفدرالية ولم يجد فرصة لتسمية فريق رابع ليشارك في الكونفدرالية مع حي العرب وذلك نظرا لوصول الهلال والمريخ بطل الدوري ووصيفه لنهائي كاس السودان وكان بالامكان تسمية الفريق الرابع اذا كان بطل الكاس فريق اخر غير الهلال والمريخ ..وسيترقب الاتحاد السوداني رد اللجنة المنظمة في الرابع من ديسمبر المقبل حول هذا الطلب .. وليس هناك ما يمنع من رفضه .. وعليه فان المريخ والهلال سيشاركان معا في بطولة الابطال للمرة الاولي في تاريخهما ..

http://goansport.net/article/id/13235

عبود

Quote: عليك الله يا طلحة الشفناهو دا اسمو دوري ؟؟؟ وممتاز كمان ؟؟؟ مليون تعديل

التعديلات والترقيعات موجودة في كل دوريات العالم لأسباب مختلفة ولا يوجد دوري في العالم لا توجد به تعديلات وترقيعات وتأجيلات ، بل أن تعديلات بعض الدوريات العربية والأفريقية لا تقارن بتعديلات الدوري السوداني النادرة وبأسباب منطقية جدا .

Quote: ومليون قرار لجان ووساطات واجاويد وتدخل وزير وقرارات اتحاد وحرب تصريحات بين رئيس اتحاد ورئيس نادي

لا هنا أنت عاجباك المليون دي ساي يا حبيب .. قرار اللجان دا شنو ووين ..؟؟؟ أما الوساطات والاجاويد لا دخل للإتحاد ومسابقاته بها إذا كنت تتحدث عن المنافسة .. أما حرب التصريحات فهي إختلاق من جانب الجرايد الرياضية خاصة جرايد الرشاشات ولا وجود لها في أرض الواقع اللهم إلا إذا كنت تعني عنتريات وكواريك الأرباب الماكضاب وهذه لا احد يلقي لها بالا بيد أنها معتادة من هذا الرجل الذي يتكلم خمس وعشرين ساعة في اليوم .

Quote: أما بالنسبة لافتقاد واعد التنافس فذلك أكبر دليل عليه تأثير الحكام علي نتائج المباريات ومشاركة حكم موقوف محليا في ادارة مباراة في الدوري الممتاز ...

الحكم بشر يخطيء ويصيب و كرة القدم هي لعبة الاخطاء سواء كانت هذه الاخطاء من جانب الحكام او اللاعبين أو المدربين ولا يوجد في العالم حكام لا يخطئون ولا تؤثر أخطائهم علي نتائج المباريات وأكبر دليل علي ذلك كأس العالم الاخيرة التى فاز بلقبها المنتخب الإيطالي حيث كانت قرارات الحكام هي المؤثر الأكبر في تأهل منتخبات وإقصاء أخري ، بل ان كاس العالم 86 حصلت عليه الأرجنتين بخطأ من الحكم .. والإتحاد العام يا عزيزي سبق وأن عاقب حكام بعد ان تبين له الاخطاء التى إرتكبوها .. عموما واضح انك متأثر بما تكتبه جرايد المشجعين المتعصبين .

Quote: آفة الكورة السودانية هو اتحاد شداد ... والدليل الواضح فيما غير المنافسة المحلية يتمثل في التمسك بمدرب للمنتخب افتقد صلاحيته الفنية وقدم كل ما عنده ... بقي علينا فقط ان نقدم له الشكر وشهادات التقدير والعرفان .

دا كلام مشجع رشاشة متعصب لفريقه المهلهل ولا سند له من المنطق او الحقيقة لان أفضل مدرب مر علي المنتخب الوطني هو محمد عبدالله مازدا حتى ولو كره الرشاشات أمثال عبود ومن لف لفه .
الخلاصة :
ما قلته اعلاه يا عبود لا يعدو كونه كلام رشاشة متعصب ولا يري الأمور إلا بمجهر الإنتماء الضيق يا خوي .

Quote: لن يلعب الهــــلال في بطولة (الكونفيدرالية) المحببة للمريخ !!!

عبود .. يا خي الكبير كبير .. والنص نص ..

سلام ..