الاخوة البورداب،، تحية وعتاب

تحايا عطرة..
برلوم في المنبر من حوالى عشرين يوم،،
وفرحان جدا بالشايفو،، ونشاط ولا أحلى،، بس فجأة جاني أحساس انه في شلل حاصلة وسوق الشعر زي سوق الجمعة مافي زول بجيه... فقلبت كورة وهاك يا هلال ويا جمال (الوالى قطعا) بس ما حاسي الموضوع.

هل هناك شلة في المنبر العام أم أنه محض ظن؟؟

العزيز حسين
كل عام وانت بخير
ويازول كيف...طبعا شليات...وفرق كوره وكل
المحن هنا في المهم انت شايت على وين؟؟؟

عزيزي حسين
ومنذ متي كنت توهن رغبة الشعر فيه مزايدا عليه هنا او هناك لعلك لا تعني هذا الامر أو دعني أو أمني نفسي علي الأقل
أخي أقترح عليك إغماءة طويلة في ليل ماجن ستفيق بعدها وانت تفرغ مافي جوفك قصيدة لا يهم من وقع ولا من رد المهم ان تصافح ذاتك كل صباح ببوح يخص عيوننا بالدهشة ليس لدي ادني فكرة عما يحصل هنا او هناك او مابين هنا وهناك ولا أريد.
ما يعنيني بشكل كبير إستمرارية الكتابة ذاتها لأجل الكتابة ليس إلا .. إن قارئ حصيف لأجدي وأنفع من كثيرين .

Quote: ومنذ متي كنت توهن رغبة الشعر فيه مزايدا عليه هنا او هناك لعلك لا تعني هذا الامر أو دعني أو أمني نفسي علي الأقل أخي أقترح عليك إغماءة طويلة في ليل ماجن ستفيق بعدها وانت تفرغ مافي جوفك قصيدة لا يهم من وقع ولا من رد المهم ان تصافح ذاتك كل صباح ببوح يخص عيوننا بالدهشة ليس لدي ادني فكرة عما يحصل هنا او هناك او مابين هنا وهناك ولا أريد. ما يعنيني بشكل كبير إستمرارية الكتابة ذاتها لأجل الكتابة ليس إلا .. إن قارئ حصيف لأجدي وأنفع من كثيرين .

وبينما تفعل ذلك..شارك الاخرين أفراحهم وأحزانهم وتقارب معه بصبر..وستكون لك شلتك من المحبين..

كل سنه وانت طيب..

مني
سأعمل جاهدا على ذلك
تشكرات على الحضور الجميل

عجيمي
سودانيز مزاج خاص جدا، ولما جيت سبقتني حاجات وامنيات كتيرة
وانت براك عارف يا عزيزي من كتر المساسقة ورا المنتديات
جاني ضعف في السيرفر الرئيسي للقلب
خالص المني

تراجي العزيزة
مشكورة على المرور
تحيات طيبات

يا حسين اخوي قريت ليك قبل كده بعض المداخلات وحسيت كده إنك تنتمي لشلتنا وهي شلة الشعر والجمال

يلا ورينا بعض مما عندك وحاتلاقيني اول واحد مشارك معاك وكذلك صديقي عبدالله داش وبقية العقد الفريد .

حبيبنا هاشم
والله نحن من اصدقاء الحرف والكلمة الانيقة
وان شاء الله موعودين بالجديد
بس .. أنا خارج الخرطوم حاليا
خالص الود

وينك يا برلوم
تحياتي واوع ده المقصود بيها انا؟؟؟


كتبت تراجي:

Quote: العزيز حسين كل عام وانت بخير ويازول كيف...طبعا شليات...وفرق كوره وكل المحن هنا في المهم انت شايت على وين؟؟؟

فرد البرلوم حسين:

Quote: طارق صدقني مشبهك وقبل كده لاقيتك وقلت ليك كده ويا سيدي أنا شايت شمين تحيات طيبات

يا غالي انا تراجي مصطفى امرأه وليس طارق مصطفى الانت مشبهه وشايت
شمين

تسلم ومنور البورد.

نرحب بالاخ البرلوم (اللابس الازرق في أزرق)
والأزرق هو لون الفطرة السليمة
وقد تم تصنيفك وتشليلك مع الشلة الزرقاء(شلة الفطرة السليمة)



أما الأخ طارق مصطفي أنا ذاااااتي شايفو قبل كده

وجودك بيننا يخلق فينا الامل
وهذا يكفي

الزنجي
ما أحلاك يا صديقي
أخوك هسة في سنة تانية وقرب يخش نادي المائة
كن بخير

ALGARADABI
أزرق شنو يا أخوي
أنا مابعرف زرقة الا البحر
رغما عن الحاصل
تحايا ندية

تراجي
ما كنت قايلك شيالة حال
وعلى العموم عدلت المشاركة
====
عذرا لتأخر الرد
كنت حارج الخرطوم لفترة طويلة
خالص الود

سلامات يا حسين

لك العتبى حتى ترضى
وهاهي كلماتي إستمارة إخاء وصداقة

مودتي وتمنياتي بأن يطيب لك القام

غادة

غادة
سعيد جدا بحضورك
وماف عتب خلاص كبرنا
خالص الود

شلليات .. !! .. يبدو أنني بحاجه لشله ما ..

ناذر
يبقى موت الجمعاة عرس ولا شنو
تشكرات على المشاركة


خالص الود

الاخ حسين سلامات

انت بس اكتب لو ما لقيت شلة

في القراء من خارج المنبر بكونو متابعين

احسبني واحد من شلتك

وتسلم

مدثر
أشكرك كتير المشاركة
ومرحب بيك قارئ ولو في شلة تكون سودانيز أون لاين كلها


مودتي،،،،

Quote: يا غالي انا تراجي مصطفى

يالهوي

ياحسين طلعت برلوم شدييييد

انا أولى الناس بيك صدقني

متذكرني بالله ؟

ملكة سبأ
مشكورة على المشاركة
وكيف مامتذكر يعني عام 2003 كان حافل جدا
بس أختفيتي في ظروف غامضة
عاطر التحايا

Quote: يالهوي ياحسين طلعت برلوم شدييييد انا أولى الناس بيك صدقني متذكرني بالله ؟

Quote: وسوق الشعر زي سوق الجمعة مافي زول بجيه

وخلينا نسمع منك ... يا طالع الشجرة ..

يا طالع الشجرة
ليه يا قمر صاحي ..!؟
لا بتعرف الغربة
ولا بتعرف الأحزان
لا بتعرف الأشواق
وقساوة الحبان
فوق السحابة هناك
بتغازل النجمات
بتفّرح الغنوات
تلهمني بالكلمات
عارفني صاحي معاك
بس يا قمر يا ريت
لو تمشي للمحبوب
وتقولو مني سلام
أنا اصلي مشتاق ليك
حال القمر حالي
أصلو القمر صاحي
بناجي محبوبة
محبوبة القمره ساكنالا راكوبة
راكوبة من القش
وحبيبتي ساكنة هناك
تسّمع في حبوبة
يا طالع الشجرة
جيب لي معاك بقرة
وجيب لي معاك غنوات
اسمع وأناجيها
اضحك احجيها
بي فاطنة والغولة
والثعلب المكار
ليه يا قمر صاحي !؟
وحبيبتي صاحية معاك
لا بتعرف اللهفة
ولا بتعرف الأشواق
بس تلهم الكلمات
والكلمة ملتهبة
تحرقني بالعبرات
يا طالع الشجرة
جيب لي معاك بقرة
وجيب لي معاك كتاب
وبالمرة كوم ألوان
ارسم حبيبتي هناك
احضن عويناتها
قول ليها جد مشتاق
أنا ليك يا القمره
ليه يا قمر صاحي ..!؟
يا طالع الشجرة
جيب لي معاك بقرة
وجيب لي معاك تذكار
اهديه للقمره
والقمره تهديه لي غيمة المطره
والمطره يوم تنزل
عند ناس حبيبتي هناك
ترويها بالأشواق
تسمع كلامي رزاز
يبقى المطر غُنوه
وتبقى الغناوي ملاذ
يا طالع الشجرة
جيب لي معاك بقرة
وجيب للمسافر زاد
في سكة القمره
وجيب لي معاك ترياق
لي علة الاشواق
لي لهفة المطره
لي لهفة القمره
نامت خلاص الناس
نامت حبيبتي خلاص
وآماله في المطره
ليه يا قمر صاحي !؟
ساهرت بيّا كفاك
غطيني بالغنوات
شان أصحى يوم بكره

( حسين محي الدين )


بيووت

حلم البذرة الحب الأزلي
تنبت تدي الفقرا بيوت
بيوت في الزمن الواقف عندك
ديمة موشح بيك سكوت
سكوت من شدة طعم الفرحة
بيوت الفرحة سكون وخفوت
خفوت الصوت لو يطلع منك
كل معاني الوحشة تفوت
وأنا راجيك في نفس الشرفة
شايل وعدك وأبني بيوت
بيوت العشق الفيها ملامحك
أحلى بيوت
و أفضل أحلم بيك واغني
أغني وأغني عشانك اكتر
واحضن طيفك ساعة يظهر
و أبقي أمنى الروح بالصوت
قولي بحبك أيوه بحبك
يرسم صوتك وعد اللقيا الممدود
زي حبل الصوت
تنبت تبقى البذرة غناوي
وأحلى حكاوي واجمل صوت
ووعد اللقيا وساعة وصلك تبقى تقرب
وتبدى تفوت
كل المدن الزايفة وعايشة سكوت

***

حلم البذرة القمره تضوي
وشمسا تطلع ومويه بتروي
وجدول يفوت
وحلمي أقابلك و نبدا نعلم
كل الناس كيف ترعى البذرة
ولمّا تقوم البذرة تضلل
كل الكون بالحب وتفضل
يزيد إحساسنا
وحلم البذرة يكون نبراسنا
وأحلم بيك
وأجمل صورة تكون عينيك
ويفضل حلم العاشق "بيت"
بيت من طين
أو حتى رسالة
وقلب حنين
حلم البذرة تنبت تدي الفقرا بيوت
وحلمي أجمل كل غناوي الكون
وألون طعم الفرحة عشان عينيك
***
وأنا زي طيفك يحلم يرسم
جوه بحور الدهشة غناك
ويدوزن طعم الرعشة بنفس الصوت
وطيفك أنتي كان الأجمل
كل ما نفكر فيه يتجمل
أو يتجسد همس الوعد
صوت البحر الشايلو المد
يغمر يدي الخير للناس
عشان العشقو ملامحك أنتي
ولون عينيك
وكل البحلمو يبنو بيوت
حلم البذرة تقابل الصوت
قولي بحبك تنبت تبقى البذرة بيوت ..

***

حسين محي الدين ...


اها يا حسين قصرت معاك ؟؟

اها شوف الشلليات مهمة كيف ؟؟

وزي ما قالت ليك ملكة سبأ ..بس بلغتي انا ( أوتذكرني ) ؟؟!!


سمرية

والليلة راح يا ريما راح في سكتو11

====
سمرية

والله مشتاقين
وصدقيني مندهش حتى الثمالة
ملكة سبأ.. سمرية .. داش ومعتصم الطاهر وآخرون
ما أسعدني بكم جميعا

رجاء ما تنقطعوا مجددا

خالص الود
حسين
[email protected]

نهديك هذا اللينك:شعراء وشاعرات منبرنا معا كل يوم قصيدة

ونرجو لك طيب الأقامة بينهم،،،،

ثانيا:

من غيرك يهدي لليل الصفاء
من غيرك أوجد لأسمك البقاء
وأن يجن ليلك فهو الغطـاء
ونهديك حبا وشوقافهماسواء
وبدرك المنبعث لدربناضياء
وسـر سحر وجودك هو البقاء
أرسم لنا البسمة وكن شفاء

أخـــي حسين مرحبا بك قلمــا بيننا توهط فما كل متوهط موجود وأكتب من أجل أن تكتب فقط ودع لغيرك الحكم والقراء من شتئ ألوان الطيف وأكثر من شعاع قوس القزح نفســه.

،،،،أبوقصى،،،،

أبو قصى
وأظنني شريكك في الحلم
فمنذ عهد بعيد تمنيت أن أسمى أول أولادي بهذا الأسم..
أشكر لك حضورك
دمت بخير

بسم الله الرحمن الرحيم



وصال عالم

وصال
منورة
خالص الود