Post: #1
Title: بدون زعل .. نكتة للشوايقة
Author: حسين محي الدين
Date: 12-12-2007, 08:21 AM
Parent: #0
مُحمد احمد مشترك في برنامج من سيربح المليون
إستعمل خيار الإتصال بصديق
صديقو شايقي إسمو العوض
-: جورج قرداحي
الو .. العوض .. معك جورج أرداحي من برنامج من سيربح المليون وييانا صديقك محمد احمد
وصل ستاشر الف ريال وبدو مساعدتك ليوصل لي إثنين وثلاثين الف ريال معك ثلاثين
ثانية بس يحكي معك
-: العوض
قتا بوصل كم ألف آجورج .. أكان وريتو بي الجواب ؟؟
-: جورج
إثنين وثلاثين الف ريال
-: العوض
أقولك شي آآآجورج .. قول لو العوض نايم
|
Post: #2
Title: Re: بدون زعل .. نكتة للشوايقة
Author: محمد فرح
Date: 12-12-2007, 08:29 AM
Parent: #1
أغلب نكات الشوايقه تحكي عن الـ(غتاته) وعدم حب الخير للغير.
مع أن معظم من عرفتهم من الشوايقه جوادين وليست بهم هذه الصفات ولاأدري ماسر التركيز على هذه الصفات في النكات المتعلقه بأخواننا الشوايقه .
مؤونة عام من الود
|
Post: #3
Title: Re: بدون زعل .. نكتة للشوايقة
Author: حسين محي الدين
Date: 12-12-2007, 08:34 AM
Parent: #2
Quote:
مؤونة عام من الود
|
لا حوله محمد مشكور كتير على الحضور
وحقيقة أنا برضو ما عارف سبب التركيز على هذه النقطة
كن بخير
|
Post: #4
Title: Re: بدون زعل .. نكتة للشوايقة
Author: ود العجمى
Date: 12-12-2007, 08:36 AM
Parent: #1
شكرا النكتة جميلة
والكلام دا بعد شوية حيدخلنا فى حتات ما كويسة يا محمد فرح
خلونا فى النكات بس لو سمحتو
|
Post: #5
Title: Re: بدون زعل .. نكتة للشوايقة
Author: حسين محي الدين
Date: 12-12-2007, 08:41 AM
ود العجمي حبابك
وأنا معاك في كلامك ده
كل الود
|
Post: #6
Title: Re: بدون زعل .. نكتة للشوايقة
Author: osman righeem
Date: 12-12-2007, 09:25 AM
Parent: #1
Quote: وحقيقة أنا برضو ما عارف سبب التركيز على هذه النقطة
|
بس لمن تعرف ورينا
عشان ما تكون مستخدم لغرض انت فيه ترس دائر لا يعرف معني
ان يشيل و يجيب
مثل هذه النكات ليست تأليف سوداني و لكنها تستورد وتلزق بغرض
|
Post: #8
Title: Re: بدون زعل .. نكتة للشوايقة
Author: حسين محي الدين
Date: 12-12-2007, 05:24 PM
Parent: #6
عثمان
اولا مشكور على المشاركة
وارجو الانتباه لعنوان البوست ولو عرفت انت ورينا...
ولا ادري ان كانت النكات تستورد من خارج السودان وكم هي ضريبة القيمة المضافة عليها!!!!ِ
|
Post: #10
Title: Re: بدون زعل .. نكتة للشوايقة
Author: Sidahmed elrayah
Date: 12-12-2007, 05:49 PM
Parent: #8
الاخ سلام
هذه النكته من تاليفك...لانه الشوايه ماعندهم كهربه ولا تلفزيونات
من اين لهم متابعه برامج ..mbc ....مالك معاناياوليدنا.
يامطميس.
|
Post: #23
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 03:45 PM
Parent: #10
لغاية قبل شوية كنت قايل نفسي شاعر
وانت هسة بقيتي مؤلف نكت
شكرا للطراء
وياريت ترجع للعنوان من جديد
وبعدين تعال هنا انت ما سامع في مليون شريط في السوق
ما راجين ود محي الدين
بعدين الكهربا خطرة
|
Post: #11
Title: Re: بدون زعل .. نكتة للشوايقة
Author: Sidahmed elrayah
Date: 12-12-2007, 05:54 PM
Parent: #8
|
Post: #12
Title: Re: بدون زعل .. نكتة للشوايقة
Author: Sidahmed elrayah
Date: 12-12-2007, 05:55 PM
Parent: #8
الاخ سلام
هذه النكته من تاليفك...لانه الشوايه ماعندهم كهربه ولاتلفزيونات
من اين لهم متابعه برامج mbc....مالك معانايامطميس.
|
Post: #16
Title: Re: بدون زعل .. نكتة للشوايقة
Author: osman righeem
Date: 12-13-2007, 06:16 AM
Parent: #8
Quote: وارجو الانتباه لعنوان البوست ولو عرفت انت ورينا...
|
بنتعلم من الايام
طالما في احتمال زعل
بعدين موضوع انك تعمل بوست من اجل انك تعمل بوست
بس
سمعت قصة جحا في طلب الشهرة
وبمناسبة الشهرة الموضة الايام دي عقيدة و اديان وفقه و فروج
و ممكن تشوف كتاب نقد الفكر الديني بتاع ظلم ابليس
وتركب منه موضوع يطلعك السما
بدل ما يتلموا عليك الشوايقة الما عندهم روح رياضية
زي واحدين كده
|
Post: #24
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 03:52 PM
Parent: #16
والله الواحد قال يطلع من غم السياسة وهمومها ويضحك مع الناس لانه النكتة عجبتني انا شخصيا..
والشهرة أنا كان عايزها بعرف بجيبها كيف .. وطالما الحكاية حوار أنا موجود..
|
Post: #7
Title: Re: بدون زعل .. نكتة للشوايقة
Author: ابو عثمان
Date: 12-12-2007, 09:44 AM
Parent: #1
بصراحة
نكتة بايخه يا حسين
القبلية بدأت تسشتري في البلد ونسأل الله ان يحمينا منها
تحياتي
|
Post: #9
Title: Re: بدون زعل .. نكتة للشوايقة
Author: حسين محي الدين
Date: 12-12-2007, 05:31 PM
Parent: #7
its OK
|
Post: #13
Title: Re: بدون زعل .. نكتة للشوايقة
Author: Muna Khugali
Date: 12-13-2007, 00:03 AM
Parent: #9
Quote: أغلب نكات الشوايقه تحكي عن الـ(غتاته) وعدم حب الخير للغير.
مع أن معظم من عرفتهم من الشوايقه جوادين وليست بهم هذه الصفات ولاأدري ماسر التركيز على هذه الصفات في النكات المتعلقه بأخواننا الشوايقه .
مؤونة عام من الود |
اقولكم بلا زعل؟؟
باقي لي غيره ساكت منهم
|
Post: #14
Title: Re: بدون زعل .. نكتة للشوايقة
Author: Marouf Sanad
Date: 12-13-2007, 00:15 AM
Parent: #13
| Quote: أقولك شي آآآجورج .. قول لو العوض نايم |
لو صحي بعرف يتغاتت
كان يجاوب ليهو غلط يسقط حجرو
|
Post: #27
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 04:07 PM
Parent: #14
معروف والله صعبتها عديييل
شكرررررررا على الحضور
|
Post: #25
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 04:00 PM
Parent: #13
منى
اولا شكرا لحضورك
ويمكن يكون كلامك صحيح
بس هي نكتة في النهاية وما بالضرورة تعبر عن واقع حقيقي
في نكت كتيرة بتوصف الجعليين بالحماقة و...
كل الود
|
Post: #15
Title: Re: بدون زعل .. نكتة للشوايقة
Author: نصار
Date: 12-13-2007, 00:55 AM
Parent: #1
يا اهلنا هونو شوية انا متبرع اسردب للنكات دي و اشيلا عنكم جت..
قول يا حبيب بس شوايقة محمد فرح ديل ما معانا نافضنهم و حارمنهم من الميراث خلوهم يعوس زفت بترولون قراصي و يملحوها يوم بنزين و يوم جزلين و كيروسين طيارات يطيروا ما يركوا..
يا ود فرح ما في طريقة تطبيع معاك كان شكرت كان نكتا.. اصلو اهلنا ديل زيما قالوا عنهم ايام نميري انهم قبيلة يطارد نصفها النصف الآخر..
ود اليمني لمان غنا للانقاذ كان رئيس نادي الطمبور,, اتفصل بالسبب دا و و حصلت ليهو مقاطعة ما يغني في مناسبات اهل الطمبور..
عاجباني نكتة الجعلي السألوه عن الغربة قالهم و الله شدة ماها صعبة عين للزول شايقي عديل تمشي تسلم عليهو..
اي بلد عشت فيها بتلقي مجموع او قبيلة بنكتوا عليها و الناس راضية و متعايشة و الكل عارف انه مجرد اعمال خيال.. في الهند بنكتوا علي السيخ السرداجية و النواب الليهم مسلمين حيدر اباد.. قال ليك سيخي راهن زول علي نتيجة مباراة و خسر لمان عادوا المباراة راهن علي نفس فريقه الاول.. الالمان بنكتوا علي ناس منطقة الاوست فريزينلاند المسمي عليها بقر الفريزين المشهور في السودان و هي منطقة مقسومة بين هولندا و المانيا و هم ناس شقر شديد و الشقر و خاصة النساء الشقراوات موصوفين بالغباء عشان كدا النسبة الاكبر من نكات الالمان عن القراوات..
حساسية الناس تجاه الدعابة ارتفعت بسبب الاستقطاب الحاد القائم علي الانتماءات الضيقة الحصلت في البلد لكن رغم المآسي الجراح نتمنا اننا ندفع في اتجاه الخروج من المأزق دا بدل الخوض مع الخائضين...
|
Post: #18
Title: Re: بدون زعل .. نكتة للشوايقة
Author: محمد فرح
Date: 12-13-2007, 08:31 AM
Parent: #15
Quote: قول يا حبيب بس شوايقة محمد فرح ديل ما معانا نافضنهم و حارمنهم من الميراث خلوهم يعوس زفت بترولون قراصي و يملحوها يوم بنزين و يوم جزلين و كيروسين طيارات يطيروا ما يركوا..
يا ود فرح ما في طريقة تطبيع معاك كان شكرت كان نكتا.. اصلو اهلنا ديل زيما قالوا عنهم ايام نميري انهم قبيلة يطارد نصفها النصف الآخر.. |
يانصار ياأخوي إنت الداير يطبع معاك منو حسي
ماتحشر السياسه في أي حاجه
كده شكلك ببقى ماظريف
عموماً
أحكي ليكم نكته تانيه برضو عن الشوايقه تؤكد ماذهبت إليه سابقاً
قالو في شايقي وجعلى ودنقلاوي ماشين في الخلا
قامو لقولهم فانوس
فركو الفانوس طلعلهم مارد وشبكهم شبيك لبيك أي واحد يطلب طلب وأنا حألبي ليهو
الجعلي قال داير يشتغل في قطر
المارد قال لي هاك ده جوازك ودي إقامتك غمض وحتلقى روحك في قطر تمشي شركة (قطركو) حتلقى وظيفتك راجياك
الدنقلاوي قال بدور يشتغل في الإمارات
المارد عمل معاهو زي ماعمل مع الجعلي
قام جا دور الشايقي
المارد قال لي وإنت طلبك شنو ؟؟
الشايقي عاين يمين شمال وقال للمارد (دايرك ترجع لي الجعلي والدنقلاوي ديل حسي السودان)
|
Post: #30
Title: Re: بدون زعل .. نكتة للشوايقة
Author: نصار
Date: 12-13-2007, 06:50 PM
Parent: #18
محمد فرح
فيك الخير علي خوفك علي شكلي.. لكن اطمنك ما بتجني عوجة شكلا و مضمونا.. كيف يا اللخو نخلي السياسة و انتوا جبتوا لينا الهوا و الكراهية و كل اهل الشمال يمكن يتعرضوا لمخاطر رهيبة لانكم عاملين انكم بتحكموا باسمنا رغم الاذي الماحق الالحقتوهوا بشرفاء الشمال.. النكتة زاتنا هي تناول ساخر و مختصر يحوم حول احوال الناس و الواقع و السياسة يا استاذ هي جهاز المجتمع العصبي و اهل الشمال بسببكم عصبهم و لحمهم و عضمن في خطر و المستقبل محفوف بما نسأل الله اللطف فيه...
|
Post: #28
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 04:12 PM
Parent: #15
نصار
اسعدني حضورك
وانت ومحمد فرح منكم لبعض
انا خارج النص
|
Post: #19
Title: Re: بدون زعل .. نكتة للشوايقة
Author: ود العجمى
Date: 12-13-2007, 08:48 AM
Parent: #1
| Quote: عاجباني نكتة الجعلي السألوه عن الغربة قالهم و الله شدة ماها صعبة عين للزول شايقي عديل تمشي تسلم عليهو.. |
النكتة دى حلوة جدا يا نصار
و حكاية السلام فى الغربة بين السودانيين دى جميلة ويتخيل لى انها بتخصنا نحن برانا ..
نصار
موضوع النكات فى الشوايقة مسألة من بدرى جدا . لكن زى ما لخصت حكاية اخوانا المسكوا السلطة ديل جرت علينا زنوب نحن
ما عندنا ليها نية . وبقى مسألة انك شايقى وبالتحديد فى الخرطوم مسألة صعبة جدا
الواحد يصر عليك انت من وين انت من وين . انت من وين .انت من وين . لحدى ما تقول ليهو انا شايقى
بعد دا انت موعود بخطب كبيرة عن محاسن الشوايقة وانا عاشرت فلان وصاحبت علان وكأنو بيتكلم عن ناس جاية من كوكب تانى
مدحا أو قدحا
يعنى بإختصار انت مطالب كل اسبوع كدا تهدر ساعة كاملة تسمع موشحات عن بنى شايق . وكل ذنبك أنك شايقى
ولمن تكتشف انك فى القرن الواحد وعشرين بيصبح حزنك حزنين واحد على زمنك البتضيعو فى كلام فارغ دون ذنب واحد عشان نمط التفكير الغريب وخلط الحابل بالنابل وخلط السياسة بالنسب
ودا أساس الحزن يا نصار
|
Post: #20
Title: Re: بدون زعل .. نكتة للشوايقة
Author: فيصل محمد خليل
Date: 12-13-2007, 09:17 AM
Parent: #19
في واحد حلفاوي سألوهو
قالو ليهو سبيل معناها شنو
قال ليهم طريق
وطيب سلسبيل معناها شنو
قال ليهم معناها طرطريق
وييييييييييي يكااااااااا
|
Post: #21
Title: Re: بدون زعل .. نكتة للشوايقة
Author: على محمد على بشير
Date: 12-13-2007, 09:25 AM
Parent: #20
والله ما عارف لييه صورتك دى بتزكرنى اغنية الشريف مبسوط منى !!
عالم مرض بشكل
|
Post: #37
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:43 AM
Parent: #21
على محمد على بشير (مبارك البلال)
الف شكر
كده طمنتني أني بقيت زول مهم
|
Post: #36
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:33 AM
Parent: #20
معناها انت ادري الناس بخليل
استاذنا العزيز فيصل
مشكووور على المرور
|
Post: #29
Title: Re: بدون زعل .. نكتة للشوايقة
Author: حسين محي الدين
Date: 12-13-2007, 04:17 PM
Parent: #19
ود العجمي
حبابك الف
وانت معاي في نفس الزمن
تسلم يا غالي
|
Post: #22
Title: Re: بدون زعل .. نكتة للشوايقة
Author: sama7
Date: 12-13-2007, 12:26 PM
Parent: #1
والله ما فتيش مشاكل
لكن والله النكتة حلوة
شكرا حسين ومحمد فرح
بعدين عادى يا الشوايقة من غير حماقة(اصلها ما حقتكم) أنا النكات فى أهلى ما بتزعلنى
مودتى
سماح
|
Post: #38
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:43 AM
Parent: #22
سماااح
تحايا عطرة وشكرا على المشاركة
|
Post: #26
Title: Re: بدون زعل .. نكتة للشوايقة
Author: ناذر محمد الخليفة
Date: 12-13-2007, 04:01 PM
Parent: #1
يا أخوانا خلو روحكم رياضية وما تتحسسو ...
قالو في زول جا جمب البحر لقى التمساح بيستفرغ وماسك بطنو وتعبان داير يغنر .. قال ليهو : في شنو يا التمساح ؟!! التمساح قال ليهو : أجري خش الحلة جيب لي ليمونة سريع .. الزول سألو تاني : يا تمساح ما تورينا في شنو ؟!!
التمساح قال ليهو : قمت من الصباح بلعت لي شايقي على الريق 
|
Post: #32
Title: Re: بدون زعل .. نكتة للشوايقة
Author: Sidahmed elrayah
Date: 12-13-2007, 08:06 PM
Parent: #26
,والله هذه النكته تقول التمساح قال بلعت ليه دنقلاوى على الريق داير ليه
ليمونه..تقوم تختها فى الشوايقه..يا اخى حرام عليك.
|
Post: #33
Title: Re: بدون زعل .. نكتة للشوايقة
Author: Sidahmed elrayah
Date: 12-13-2007, 08:10 PM
Parent: #26
,والله هذه النكته تقول التمساح قال بلعت ليه دنقلاوى على الريق داير ليه
ليمونه..تقوم تختها فى الشوايقه..يا اخى حرام عليك.
|
Post: #39
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:48 AM
Parent: #26
ناذر يالذيييذ
تشكرات على المشاركة
برجع ليك بس أجيب ليمون
===
القصة كانت مداعبة بس بعض الــ (...) عملو ليها توم وشمار
بعد ده الحشاش يملا شبكتو
كل الود
|
Post: #44
Title: Re: بدون زعل .. نكتة للشوايقة
Author: osman righeem
Date: 12-16-2007, 06:52 AM
Parent: #39
Quote: أيه يعني
خطاي المني تخدعني
ومن أحلامي تحرمني
ما أصلو الخطاوي سراب
منو البقدر يصدقني
جربت المحنة كتير
بس أقدارها خانتني
وشربت الكاس كتير وكتير
وجد مليتو طول حزني
وقررت الرحيل الويل
لو اقدر ألملمني
أشيل الخطوة تهزمني
انسي الآهة تغلبني
ولقيت أني
موزع نصي في ظني
ونصي التاني في همي
ويا همي
كفاك غمي
حِرق دمي
وكمل نضمي
وكتر الشكوى جنني
وأيه يعني. |
يا ود محي الدين انت بتكتب شعر حلو زي ده !!!
مالك و الدرب الضيق
هاك دي بدون زعل
ربنا يوسع خيالك
وتجيب نكت ثلاثية الابعاد
|
Post: #31
Title: Re: بدون زعل .. نكتة للشوايقة
Author: العوض المسلمي
Date: 12-13-2007, 07:59 PM
Parent: #1
شنو ياحسين
يعني ما لقيت اسم غير اسم العوض
وكمان زياده للمعلوميه اسم العوض لاعلاقة له بالشايقيه
العوض اسم للجعلين وبه اثار كثيره ويخصهم وحدهم
الا ساهي يكون الاسم عاجبك
ولكن بصراحه النكته حلوه
الا خربتها بالاسم
مع تحياتي
العوض
|
Post: #40
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:55 AM
Parent: #31
العوض
صدقني مامقصودة والنكتة دي لقيتها في ايميلي ونزلتها ليكم
أما عن تسمية العوض وخصوصيتها للجعلية فما عندي ادني فكرة
وفي النهاية الناس مفروض تدخل في جلابية السودنة
كن بخير
|
Post: #34
Title: Re: بدون زعل .. نكتة للشوايقة
Author: ناذر محمد الخليفة
Date: 12-13-2007, 08:26 PM
Parent: #1
سيد أحمد ...
Quote: والله هذه النكته تقول التمساح قال بلعت ليه دنقلاوى على الريق داير ليه
ليمونه..تقوم تختها فى الشوايقه..يا اخى حرام عليك. |
الظاهر أنا فعلا نسيت ...
أعتقد هي فعلا قيلت في الدنقلاوي البلعو التمساح على الريق 
|
Post: #35
Title: Re: بدون زعل .. نكتة للشوايقة
Author: خالد علي محجوب المنسي
Date: 12-13-2007, 11:09 PM
Parent: #34
| Quote: عاجباني نكتة الجعلي السألوه عن الغربة قالهم و الله شدة ماها صعبة عين للزول شايقي عديل تمشي تسلم عليهو.. |
حلوة شديد
|
Post: #41
Title: Re: بدون زعل .. نكتة للشوايقة
Author: حسين محي الدين
Date: 12-14-2007, 09:59 AM
Parent: #35
المنسي
انت الاحلى يا حبيبنا
كل الود
|
Post: #42
Title: Re: بدون زعل .. نكتة للشوايقة
Author: sama7
Date: 12-15-2007, 08:34 AM
Parent: #1
سلام
أها يا جماعة جبتو سيرة أهلنا الدناقلة والجعليين وبرضو ما زعلنا
يا ناذر الشئ المسيخ القلب بطنو دا صدقنى بكون رباطابى
وبرضو بدون زعل
مودتى
سماح
|
Post: #43
Title: Re: بدون زعل .. نكتة للشوايقة
Author: حسين محي الدين
Date: 12-15-2007, 12:07 PM
Parent: #42
سماح
مجددا أشكر حضورك الجميل
خالص الود
|
Post: #45
Title: Re: بدون زعل .. نكتة للشوايقة
Author: Sabah Hussein
Date: 12-16-2007, 07:23 AM
Parent: #43
هوووى ياحسين ابعد من الشوايقة ديل نسايبنا.
وبالمناسبة اقول ليك نكتة
قالو واحد جعلى ابوهو مات .قام جاء من السعودية للبكاء .سأل اخوهو دفنتو المرحوم وين؟
اخوهو قال ليهو دفناهو فى مقابر الشوايقة . الرجل انفقع بالبكى . الناس احتارت وسالوهو
مالك ما كنت صابر. رد عليهم اصلو ابوى اضانو تقيله تجى القيامة الشوايقة الغطيطين ديل
مايكلمهو..
مع تحياتى للشوايقة
|
Post: #46
Title: Re: بدون زعل .. نكتة للشوايقة
Author: حسين محي الدين
Date: 12-16-2007, 10:03 AM
Parent: #45
صباح
مشكورة على المشاركة
وكل سنة وانت بخير
|
Post: #47
Title: Re: بدون زعل .. نكتة للشوايقة
Author: على محمد على بشير
Date: 12-16-2007, 10:14 AM
Parent: #46
Quote: بعد ده الحشاش يملا شبكتو
|
قرقرقرقرقرقرقرقرقرقرقرقرقرقرقرقرقرقرققر
ياخ جاك البلا فى شكلك
|
Post: #48
Title: Re: بدون زعل .. نكتة للشوايقة
Author: حسين محي الدين
Date: 12-16-2007, 10:21 AM
Parent: #47
Quote: قرقرقرقرقرقرقرقرقرقرقرقرقرقرقرقرقرقرققر
ياخ جاك البلا فى شكلك |
أفتكر مافي داعي للاساءة
واعتقد انك زول كبير وعاقل
|
|