ضُـل الشِتـا

(1) التعداد

أما قبل....

زمان لما كنا صغار وبنلعب وبالتأكيد بناكل ونشرب في مقولة شهيرة أثناء اللعب بتقول (البعدني بعدو في النار) .. والكلام ده ما مجرد حكي لكن بعكس انه على الأقل في وعي إيماني انه في جنة ونار والجنة للشطار البسمعوا كلام الكبار وما بكذبوا على أهلهم وما...

أما بعد...

انتو عايزين تعدونا لي شنو..
سؤال غبي! عشان التخطيط السليم والتنمية والرفاهية والـ ..... ، والانتخابات
التنمية دي بقت تشبه الفول وبدون زيت كمان.. ياخ نحنا بنفطر فول.. ونتغدي فول.. ونتعشي فول ولما تجينا ملاريا عصيرنا (موية فول) ..
وكان العد عشان الانتخابات أنا ما داير أصوت أو ما قادر أصوت عشان حسي (اتقرش) من كتر الكلام وشباشبي أتقطعت من كتر الجري ورا الوظيفة .. وجاتني نفسيات.
ويا ريتني كان ما قريت شبكونا ليك آدم سميث قال و كينز صال وجال ثم قال، وماركس مشى وجا ونظر ولينين بشر .. هسة المشكلة الاقتصادية بقت غنية..
ولو التعداد عشان التوزيع العادل للثروة، أول حاجة أديني قروشي أنا عايز منك يا وطن 450 جنية - ما كنت عايز أحرجك قدام الناس لكين الحق حق ولا شنو-

شهادة:
أشهد أني قد جنيت
واتعديت
وماشي البيت
وسيد البيت مزرزرني
وبحمر لي!!

حسين،،،

Quote: أول حاجة أديني قروشي أنا عايز منك يا وطن 450 جنية - ما كنت عايز أحرجك قدام الناس لكين الحق حق ولا شنو-

شاعرنا الجميل سحس (شفت رفع الكُلف ده كيف ؟)

ياأخي الــ 450 انا بديك ليها .. بس .. ماتشتت لينا تركيز الوطن ده الدايرينو منو كتييييير
















ــــ
قروشك دي يكون طشم بيها

التعديل للمزه

حسين
تحياتي يا صديقي

Quote: ولو التعداد عشان التوزيع العادل للثروة، أول حاجة أديني قروشي أنا عايز منك يا وطن 450 جنية - ما كنت عايز أحرجك قدام الناس لكين الحق حق ولا شنو-

أما بعد

إنت شفت فيلم مصري إسمو ( عاوز حقي ) ؟

البطل بالصدفة بيلقى فقرة في الدستور بتقول إنو الحق العام هو ملك للشعب و أن أي فرد له نصيب في هذا الحق ...
لو دستورنا فيه بند زي دة .. يبقى حقك أكتر من 450 جنيه .. حيكون الرقم مضروب في مليون ..

غايتو .. كل ضل شتا و الكل بخير

Quote: لو دستورنا فيه بند زي دة

دستورنا للقراءة فقط
ولمن إستطاع إليه سبيلا
تتخيل عندي منه 5 نسخ منه في المكتب

باعتبار إني بقيت زول مهم وكده

Quote: كل ضل شتا و الكل بخير

وانت كمان
طبعا بالنسبة لي ديسمبر أجمل شهور سنة
أبت نفسه الا ان يكون حضورا في شهادة ميلادي

وراجعين للـ 450 المزعومة

مودتي

Quote: شاعرنا الجميل سحس (شفت رفع الكُلف ده كيف ؟)

الجزولي الغالي
بداية شكرا كتير للمداخلة

وحقيقي انا عندي مطالبة 450 جنيه للوطن الغالي

Quote: قروشك دي يكون طشم بيها

كل شي وارد في الزمن ده

بعدين مفروض أضيف فائدة مركبة
ولا شنو!!

حسين

ياخ الله يديك العافية والوطن يسدد ليك قروشك ومعاها الفوائد إنت ود حلال وتستاهل كل خير ياسحس ..

Quote: ياخ الله يديك العافية والوطن يسدد ليك قروشك ومعاها الفوائد إنت ود حلال وتستاهل كل خير ياسحس ..

تسلمي يا نادية
أنت ما عندك مطالبة!!
ويا جماعة اي زول عنده مطالبة يجيبها لينا عشان البوست ده يكون عرضحال

مودتي

*

متي ما صرفوك الـ450 جنيه يا صاحبي
قول لي عوووك
باقي نحنا كمان عندنا حبة طلايب


ـــــــــ

وللأوطان في دم كل حر
450 جنيه



مع الاعتذار للشاعر وللوطن ولكل الحالمين بوطن معقول

Quote: متي ما صرفوك الـ450 جنيه يا صاحبي قول لي عوووك باقي نحنا كمان عندنا حبة طلايب

يا خضر
دي خلاص بقت دين معدوم
نلقاها قدام

وكان عايزين (صوتي) يضربوا الرقم ده
في اي رقم فيه اصفار كتيرة

البيت الإستشهدت بيه ده كان زمان
لما كان الأوطان أوطان!!

المهم يا صاحب الله يعوض علينا وعليك
وشكرا كتير على الطلة

حسين صديقي ...
كل سنة و انت و جميع من تحب بخير ...


جيت أقول ليك يا صاحبي ........... تجي نحلم ببكرة أجمل .........

أشرف

Quote: جيت أقول ليك يا صاحبي ........... تجي نحلم ببكرة أجمل .........

ما زلنا نمني النفس يا صديقي بغدِ أجمل
شكرا لكرنفالات الورود وكل سنة وانت بخير

تحاياي النواضر

ود محي الدين ياحُسيني

أنت مغترب داخلياً ولا شنو

هنا عندنا دمغة جريح ولصقة جريح بس أنت الأنجرح ليك منو

أجمل مافي ضُـل الشِتـا سجارة الصباااااااااااح وتكوني برنجية

سلام ياصحبي 450 جنية بالجديد ولا القديم بالله حدد.

عشان في القسمة يمكن نسااااوي كما في الميلاد والفرق 4

تعريجه:

بقيت مسعول من شنو يعني ممكن تطلع لي قطعة درجة أولي (وجه ضاحككك)

،،،،أبوقصي،،،،

مجدي

Quote: أنت مغترب داخلياً ولا شنو

والله يا صاحب ده أقسى أنواع الاغتراب
لكن نعمل شنو الله غالب

بعدين ما تعرج وفي ناس تانييين قافلين


محبتي

Quote: زمان لما كنا صغار وبنلعب وبالتأكيد بناكل ونشرب في مقولة شهيرة أثناء اللعب بتقول (البعدني بعدو في النار)

حليقي في حليقك...



الحبيب حسين مودتي..
زالت الغربه..
ولكن إلي حين.







______________
أنا في السودان..
0927153464

فاروق
منور يا صاحب
كل سنة وانت بخير


و.. جاري الإتصال

صديقيَ العزيزُ / حسين مُحْيِ الدِّين ..

نَصَحْتُ الوَطَنَ يَوْمًـا فلمْ يَقْبَلْ

نُصْحِـي .. فقلتُ :

Quote: يَصْطَفُّ لوحدِهِ بطولِ المكانْ ..! ينتظِـرُ الشَّـمسَ بذاتِ المغيبْ .. فيملأُ البطنَ من فَـراغِ الدُّخانْ ..! يَجوعُ .. فَيَعَـرَى فيموتُ .. ثُمَّ يَنْبُتُ في داخلِهِ رغيفٌ أعْـرجُ اللَّونْ ..! مَنْ أنتَ لتَهَبَني الحياةَ ..؟ مَنْ أنتَ لِتُرَتِّبَ وجهيَ بينَ العابرينَ الجَائعينْ ..؟ أعطِني كِسْرَةَ خُبْـزٍ وقبلَها اِمْنَحْني الأمانَ .. وأخبرني .. يَا وَطَنُ .. مَـاذا عنِ العشـاءِ ؛ ولَمْ نَفِقْ بَعـدُ منْ جُـوعِ الغَـداءْ الإلتواءْ ..؟. لَكِنِّي سأزرعُ في جَيْبيَ خُبزًا وأجتَثُّ بهِ اصفرارُ الملاريـا وأهْدِي الجِيَاعَ بعضَ شبـعٍ غليظْ ..! لِيَعْتَكِفَ بعيدًا عنْ عيونِ الأطفالِ النُّــوَاحُ ..! * *

التِّعْدادُ السُّكَّـانيُّ يَا صديقي

أظُنُّـهُ لأجلِ كِسْرَةَ خُبْزٍ هاربـة !!

ويبدو أنَّ كليْـنـا مُتَوَرِّطٌ في حُبِّـهِ

للوطـنِ يا صَديقي ،

والوَطَـنُ - لا يَزالُ - في سُكْـرِهِ العَجيبِ

- غيرَ آبِـهٍ - يُجِيـدُ الثَّـرثَـرةَ وفَتْقَ الجُيُوبِ

- ضريبةً وإتَاوةً - دُونَ تأديَـةِ

الدُّيُونِ لأهْلِهَـا – أمثالي

وأمثالك .

الحبيبُ / حُسَيْن مُحْيِ الدِّين ..

كَيْ تأخُذَ حقَّكَ من الوطنِ ناقِصًـا

اِذْهَبْ إلى مشروعِ الجـزيرةِ

وازْرَعْ لكَ أفـدِنَـةَ قـمــحٍ

ومَا بينَ ضريبةٍ وإتاوةٍ وزكاةٍ و ..

و .. و .. فحينَ حصادِكَ يا صديقي سترجِـعُ

إلى منزِلِكَ - كما أهلي هناك – بِرَهَقٍ مَتيـنٍ

وجوالِ قَمْـحٍ فَـارِغٍ إلا مِنْ حُبَيْبَـاتْ ..

لِذا ..

.. اِغْفِـرْ دَيْنَـكَ للوطنِ يا صديقي فإنَّهُ مسكينٌ

وأعْمَـى يُسائِلُ المَـارَّة أينَ جِهَـةَ

السَّـلامْ ؟ ،

أوْ بِعْ بَيْتَـكَ بخُبْزَتَينِ – كما فعلتُ أنَـا –

ومرحبًـا بِكَ - مَعَنـا - في دُنيا الغُربـةِ

فإنَّـهـا جميـلـةٌ وأليمـةٌ واجْعَلْ

مِنْ حَرْفِكَ سَكَنـًـا لَـنا و لكَ .

وعيدُكَ مُباركٌ وسعيدْ ؛

وكُلُّ عامٍ والمسافةُ بينَكَ ومُحِبِّيكَ

أكثرَ التصاقًـا وقُرْبـا ،

وصباحُـكَ أجملْ .



احترامي .




أخوك / محمَّد زين .
____________________

محمد زين

Quote: والوَطَـنُ - لا يَزالُ - في سُكْـرِهِ العَجيبِ - غيرَ آبِـهٍ - يُجِيـدُ الثَّـرثَـرةَ وفَتْقَ الجُيُوبِ - ضريبةً وإتَاوةً - دُونَ تأديَـةِ الدُّيُونِ لأهْلِهَـا – أمثالي وأمثالك .

ليته أكتفى بذلك يا صديقي
الملبغ المذكور هو مرتب الخدمة الوطنية
الذي لم يفارق خزينة الدولة - أو بالاحرى لم أر منه فلسًا واحدا

كل سنة وأنت أكثر ألقًا
وربنا يحقق أمانيك

محبتي وتقديري