Post: #1
Title: "حاجة زي أخبار تناغم من جريدة"
Author: حسين محي الدين
Date: 04-13-2009, 04:19 PM
مانشيتات:
تحديد موعد الانتخابات في فبراير المقبل والامتحانات شغالة..
مروي في كهرباء مافي ومروي مافي كهرباء .....
قانون الصحافة (الجديد) .. خشمك عندك..
الموقف الجديد.. شبه الميناء البري والما لقى شبهو....
إعلانات:
مطلوب سكرتيرة بمكنة مدير مكتب .. شديدة ولضيضة على من تأنس في نفسها الكفاءة أقعدي في بيتكم
كورنة في (الموقف الجديد) تصلح لبيع الشاي..
خبر بايت:
52 جمعة + 52 سبت .. سنة حلوة ياجميل
شمارست:
بينما كان مجموعة من شباب الحلة جالسين تحت العمود وعلى ذكر العمود فهناك العديد من انواع الاعمدة (عمود النور - وعمود الصحف والمجلات - والعمود الناظم في الفييزياء - واهم عمود وهو الذي تحمل فيه الاطعة للمستشفيات او بيوت الاعراس) المهم في الموضوع انه الجماعة ديل بتبادلو في الشمارات (الأخبار) فلان عرس وفلانة ماتت وما شفت هناية ديك "والله العيال كبرت أول امس كان بتعلب سك سك في الحلة قالوا خطوبتها الاسبوع الجايي" وهلمجرا .... مر على الشباب صاحبنا أحمد ود الحاج والمعروف بشماراته الحارة ، سلكم على الجماعة واخذ مكانه من الجلسة وبدا يسرد في التفاصيل الكاملة لاختفاء كلبة الجيران والتي اختفت في ظروف غامضة وقد شوهدت في أحدى كافيتريات السوق العربي -الخرطوم طبعا- والعهدة على الراوي أما عن الراوي فهو صاحب المحل شخصيا الذي قال أن الكلبة -بت الكلب- تغابت فيه العرفة بعد أن طلبت اتنين شاورمة وعصير ... (هذا كما أكدت مصادر احمد ود الحاج الموثوقة) واصلت المجموعة جلستها حتى وقت متاخر من الليل ليعود كل الى منزله بعد يوم حافل بالاحداث المثيرة والشمارات ..
للاتصال بنا:
تلفونات مقطوعة..
فاكس للاسف ماشغال..
صندوق البريد... حليل زمن الصبا الماضي..
أول شارع يمين في يمين في شمال تاني ناصية باب بيجي فاتح..
|
Post: #2
Title: Re: "حاجة زي أخبار تناغم من جريدة"
Author: حسين محي الدين
Date: 04-13-2009, 04:37 PM
Parent: #1
|
Post: #3
Title: Re: "حاجة زي أخبار تناغم من جريدة"
Author: سيف الدولة كامل
Date: 04-13-2009, 04:43 PM
Parent: #2
لكن نشوفك وين يا حسين
تسسسسسسسسسسسسسسسسسلم
|
Post: #4
Title: Re: "حاجة زي أخبار تناغم من جريدة"
Author: حسين محي الدين
Date: 04-14-2009, 08:15 AM
Parent: #3
خلاس أكتب ليك رقم تلفوني (الثريا)..
تشكرات يا سيف
|
Post: #5
Title: Re: "حاجة زي أخبار تناغم من جريدة"
Author: كمال علي الزين
Date: 04-14-2009, 08:29 AM
Parent: #4
Quote: خلاس أكتب ليك رقم تلفوني (الثريا)..
|
إنتا إنضميت للعدل والمساواة ولا شنو ياحسين ؟
):
|
Post: #6
Title: Re: "حاجة زي أخبار تناغم من جريدة"
Author: حسين محي الدين
Date: 04-14-2009, 04:15 PM
Parent: #5
| Quote: إنتا إنضميت للعدل والمساواة ولا شنو ياحسين ؟ |
يا كيمو أنا قلت ثريا بس، انت جبت التاتشر من وين..
بعدين ياعمك البوست دي (خبري)... ما تجيب بيهو (خبري)
|
Post: #7
Title: Re: "حاجة زي أخبار تناغم من جريدة"
Author: انعام عبد الحفيظ
Date: 04-14-2009, 04:38 PM
Parent: #6
| Quote: بعدين ياعمك البوست دي (خبري)... ما تجيب بيهو (خبري) |
كلو ولا خبرك (التانية) هههههههه
سلامات يا حسين ووينك؟
|
Post: #8
Title: Re: "حاجة زي أخبار تناغم من جريدة"
Author: wadah beshier
Date: 04-14-2009, 06:35 PM
Parent: #7
الاخ... حسين
ربنا يحفظك...بالك طويل... والله يستر ماتكون... إنت ذاتك ودالحاج.
|
Post: #10
Title: Re: "حاجة زي أخبار تناغم من جريدة"
Author: حسين محي الدين
Date: 04-14-2009, 07:10 PM
Parent: #8
| Quote: ربنا يحفظك...بالك طويل... والله يستر ماتكون... إنت ذاتك ودالحاج. |
من حيث المبدأ إحتمال كبير
ومن حيث الشمار ده تحديدا ما ظنيت
وضاح يا جميل
ليك وحشة ياخ
|
Post: #9
Title: Re: "حاجة زي أخبار تناغم من جريدة"
Author: حسين محي الدين
Date: 04-14-2009, 07:08 PM
Parent: #7
يا أنعام نحنا متوفرين جدا
راجعي دليل الهاتف بالله
توجد أشواق كذلكـ
|
|